غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 641
قديم(ـة) 05-06-2020, 06:04 PM
صورة هايدي فتاة صحراء الرمزية
هايدي فتاة صحراء هايدي فتاة صحراء متصل الآن
©؛°¨غرامي مجتهد¨°؛©
 
الافتراضي رد: سأنتقم لكن بهدوء/بقلمي


[quote="آلحَنِين آلصَّادِق";31798383]اهلا بيكي ننتظر البارت و ان شاءالله يكون دسم كالعادة
......[/quote]

[size="4"]هلا فيك زود ي قلبي
ان شاء الله يعجبكم
كوني بالقرب [/size]

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 642
قديم(ـة) 05-06-2020, 09:24 PM
صورة هايدي فتاة صحراء الرمزية
هايدي فتاة صحراء هايدي فتاة صحراء متصل الآن
©؛°¨غرامي مجتهد¨°؛©
 
الافتراضي رد: سأنتقم لكن بهدوء/بقلمي


دقايق وينزل اسفة ع التاخير كان عندي شغل خلصته وجيت والبارت اليوم عباره عن صدمات ههههههههههه
كونوا بالقرب


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 643
قديم(ـة) 05-06-2020, 09:30 PM
صورة هايدي فتاة صحراء الرمزية
هايدي فتاة صحراء هايدي فتاة صحراء متصل الآن
©؛°¨غرامي مجتهد¨°؛©
 
الافتراضي رد: سأنتقم لكن بهدوء/بقلمي



<صلوا على محمد>



21



سعود انصدم وش تقول هذي: من جدك نور تكلمين ترى ما اخذتي لك 24 الساعة من تزوجتي تبغين تطلقين مو صاحية أنتِ
نور بحقد: ما أمزح ويليت يطلق ويطلع من البيت ما عاد اتحمل وجود في البيت دخلت داخل بعد كلامها
عبد السلام خاف عليها التفت لـ عبد الرحمن: أنت وش مسوي لها
عبد الرحمن ابتسم: ما عليكم البنت تدلع وانا بتفاهم معها
سعود: وش تتفاهم معها والبنت واصله حدها
دحيم: شيء طبيعي اي اثنين يكون بداية زواجهم في مشاكل إلى أن يفهمون بعض ويتعودن ع بعض راح تختفي هل مشاكل ما عليكم منها انا راح اخذ بخاطرها دخل وراءها
سعود: مدري؛ لا يكون تسرعنا في زواج نوري انا بديت اتحسف ليت ما سمعت كلام امي
عبد السلام: اقول بس تعوذ من ابليس بنت اخوك ودها بس تتطلق وانت بنفسك شفت وش سوت يوم الخطبة خلته يطلع من عندنا متضايق وهو الوحيد اللي يعرف لها أمشي يلا خلينا نروح نريح بعدين نرجع لهم
سعود: هو صحيح كلامك بس انا خاف عليها ما ابغى اي شيء يضايقها
عبد السلام: اقول أمشي بس لا تحاتيها ولا شيء تأخذ حقها بكامل ما ينخاف عليها المسكين دحيم
.
.
نور ودها تنفجر من القهر؛ وش هـ الرجال هذا غثيث بشكل لا يطاق وانا الغبيه اللي فكرة مجرد تفكير أني اتزوج انا وين والزواج وين فصخت عبايتها اكيد
عمامي ما خلوه تنهدت براحه يعني راح افتك منه رمت حالها ع السرير بـ تنام الا دقايق الباب ينفتح
نور فزت: نعم انت وش تبغى مو قلت لك طلقني خلاص كل واحد يروح بطريقة
عبد الرحمن سكر الباب وراءه دخل وقف في نص الغرفة يتفحص غرفتها ولا كأنها تكلمه
نور بقهر قامت: نعم دخل غرفتي بدون استأذن اطلع برا روح شوف اغراضك رميتهم لك ع الارض انا
ما بغى أكمل معك خلاص تأشر ع ملابسه وجنبهم المهر وشبكة
عبد الرحمن قرب منها: رجعي الأغراض محلهم بسرعه ترى فلوس مهرك نعمه ما ترمينه كذا يلا شليهن
نور تناظره بدون اهتمام: لا ما راح اشيل شيء وطلع بر غرفتي مين أنت اصلا عشان تأمر علي انا نور
ما انخلقت عشان أسمع كلامك
دحيم صراخ عليها خلها ترجف من الخوف: راح تسمعين كلامي وغصب عنك سامعه يلا رجعي الملابس لا تشوفين شيء ما شفتي
نور تحاول تمسك نفسها ما تبغى تبكي وقدامه مسكت حالها اتجهت للملابس اخذتهم من ع الارض اتجهت الدولاب قرب منها سحب قميص غير ملابسه وجلس ع السرير
نور رمت الملابس في دولاب الله يأخذ هذا شكله بـ يمشيني ع كيفه هـ الشاذ وأخذت الفلوس من ع الارض ورمتهم في الدرج مستحيل تأخذ منه شيء
عبد الرحمن التفت لها: أسمعي اطلع من الغرفة وانتِ تبتسمين والابتسامة شاقه فمك
نور تتحلطم مو ع كيفك انت اي شيء تبينه بسوي العكس شافها بتطلع ولا سوت اللي قال لها فز من السرير وقف قدامها وش قلت انا لا تحدين اسوي شيء ما يرضيك يلا ابتسمي
نور تناظره: مو غصب الابتسامة وخاصه اذا طالعه مو من قلب
دحيم: مو مشكله ابتسمي غصب عادي يعني هذي ما تقدرين عليها صح بش شاطره تشتكين لعمامك
نور عارفه انه ما راح يتركها بـ لحالها وهي تبغى تبعد عنه لانه منقرفه من قربه ابتسمت ابتسامه مزيفة وطلعت برا الغرفة لحقها وهو يبتسم؛ شافت جدتها تحاول تشغل الراديو ما تعرف له ابتسمت من قلب لجدتها هي سعادتها
.
.
.
ابتسمت وهي تشوف النار تأكل فيه اكل تأكدت انه اكلت نص المعرض وركبت السيارة: تحرك ي انس نفذت المهمة الاولى تصدق ودي اكل شهيه عندي مفتوحه ع اخر
أنس حرك وهي يضحك: لتس اللي تبينه ها عساتس مبسوطة
نجلا تضحك من قلب: ايه لسى ما شاف شي مني تصدق امس كان مبسوط بالبضاعة اللي وصلت له ولا بعد كان يستناها الشهر كامل هههههههههه اتوقع خسارته يمكن تقدر 70 مليون وفوق هههههههههههههه
أنس: الحين شسمه نبغى احد يبلغه بالي صار في المعرض
نجلا تضحك: وربي مبسوطة بالحيل ههههههههه مو قادره امسك نفسي من ضحك لا تخاف تحصله الحين وصل له الخبر الا بسألك مو انت قلت انه ابوي طلب منه يطلقني
ما شوف تحرك او سوى شيء اخذ له الشهر هـ الموضوع عنده
أنس: ايه هذا انا مستغرب بعد من زود المحبة مخليك ع ذمته



تعديل هايدي فتاة صحراء; بتاريخ 05-06-2020 الساعة 09:37 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 644
قديم(ـة) 05-06-2020, 09:38 PM
صورة هايدي فتاة صحراء الرمزية
هايدي فتاة صحراء هايدي فتاة صحراء متصل الآن
©؛°¨غرامي مجتهد¨°؛©
 
الافتراضي رد: سأنتقم لكن بهدوء/بقلمي


نجلا: أي محبه واللي يسلمتس ليه ما تقول انه حقود وقال خليني اعلقها
أنس: مستبعد عليه هـ الشيء وش يفكر فيه الي اي درجه حاقد عليتس انتِ ما سويتي شيء
نجلا: خليه يولي عنتس اسمع ما بغى اي احد يدري بخبر حاملي وخاص ابوي لانه تعرف تفكيره يمكن يرجعني له بالغصب
أنس: لا تخافين ما قلت لأحد وصيت ساره بعد اسمعي انا وصيت لك أحد يصور لك هايف وهو يشوف المعرض
نجلا: اوك ارسل لي اشوف اذا حصلة عليه الحين تكفى جوعانة ابغى اكل
أنس: طيب يمه منتس كأنتس ما تأكلين ابد ههههههه يلا تستأهلين بعد من يدلعك
.
.
هايف جالس مع اخوه تركي في المطعم من زمان عنه مشتاق له وصل خبر انه المعرض الثاني احترق والسيارات جديده كلها هناك انصدم قام زي المقروص:
حلالي ضاع حلال اخوك ضاع ي تركي تخلي الشهر ونص كنت انتظر هـ البضاعة راحت في غمضت عين لالا يمكن اللي رسل الفيديو يكذب بروح المعرض وتأكد يمكن اخبار مزيفه
تركي قام معه لما شاف حالة اخوه شوي و ينجن: صبر اهدى يمكن الكل الاخبار كذب ركب السيارة معه
هايف يسوق السيارة بجنون بعد الساعة ونص شاف المطافئ تطفي الحريق نص المعرض يحترق من ضمن اللي يحترق السيارات جديده ما بقى الا رماد اتجه ناحية المكتب يبغى يشوف الورق سليمه ولالا الخزانة احترقت والصفقات اللي عقده مع الاجانب احترقت كيف الحين يجب له عقود جديد والأجانب دقيقين في شغلهم اكيد راح يرفضون يوقعون معي عقد جديد
يا ربي تحرك سأل اللي برا وقفين: كيف احترق اليوم انا كنت متأكد اني طلعت منه ومطفي كل الكهرباء متأكد من كل شيء سليم
واحد من اللي وقفين: اتوقع بفعل فاعل دامه كذا احترق فجاه يمكن عندك أعداء و هـ العدو حرق لك
هايف ابتعد عنهم اتجه لسيارته اخوه لحقه ركب وراءه شافه سرحان ضايق خلقه الله يعينه

.
.
.
جالسين في الغرفة الجوهرة تنشف شعرها طفشانة منه تعبت وهي تنتظره ينشف ولا بعد الأخ ما يبغاني استشوار شعري مو كافي علي ما قصه شافته معصب وهو جالس بين الأوراق يتأفف:
وربي ظلم مجمع علي هـ الورق بس لأني اخذت اجازه تعالي ساعديني خليني اخلص
الجوهرة جلست قريب منه تضحك: روق راح تخلص بسرعه
سعد: تضحكين ها وش عليك انا اللي بأكلها في الاخير واللي يقهر انه شامخ اخذ مكاني في الشغل ولا بعد رجعوني رئس قسم ع الموظفين الجدد
الجوهرة: هههههههه معليه عادي اعتبر نفسك توك موظف وحصل ع ترقيه جديدة
سعد يناظرها: اكيد بدفعين وتوقفين مع عمك انا اللي ابغى افهم شامخ كان يكره شغل الشركة فجاه صار يحبه لما ابوي عرض عليه منصب نائب المدير اعجبه الوضع ابوي وعمي متفقين على
الجوهرة ميته ضحك عليه وهو يتحلطم سعد كزها عنه: قومي عني بدل ما تساعديني تضحكين على
الجوهرة مو قادره تمسك نفسها من ضحك: وش اسوي فيك ما غير تتحلطم وشكلك يضحك وانت تتحلطم ايه سعد برويك شيء أن شاء الله عاد يعجبك
قامت جابت جوالها فتحت: شوف الصور وش رايك حلو
سعد يناظر الصورة: ايه حلوه وتجنن بعد
الجوهره ابتسمت: صدق يعني بتصير أحلى علي
سعد يبتسم لها يهز راسه لا بدون لا يتكلم
الجوهره عصبت: ياربي هو شعري ولا شعرك بقصه تعبت منه انا؛ يحتاج جهد شوف للحين ما نشف من المويه
سعد: ايه شعري عشان كذا لا تقصينه ي ويلك مني بجب لك خادمه تمشط لك شعرك
الجوهره تضحك: ههههههههه خادمه حق شعري لا والله ما حب احد يلمس شعري وخاصه الخادمة وع
سعد: ي حلوه غيري ع الموضوع ما راح تقصين الا بسألك كأنك طولتي هـ المرة ما حملتي بسرعه وانتِ ما تتأخرين في الحمل
الجوهرة ارتبكت: لا عادي يمكن بسبب أخر مره سقطت وأثر علي
سعد: يمكن تصدقين ودي يكون عندي أطفال منك أنتِ بتحديد يعوضني عن المها وخالد متشفق ع طفل او طفله قام طلع برا الغرفة بعد ما رمى كلامه؛ يبغي يريح من الشغل شوي
الجوهره بعد ما طلع ارتاحت تحركت بخطوات سريعة متجه السرير اخذت الحبوب من تحت المخدة وحطت في الشنطة
.
.
.
منسدحة ع ظهرها حذرتها جمانة انه ما تتحرك من السرير هي طفشت ودها تطلع من البيت تحس حالها مخنوقة بسب جلستي في الغرفة وانها لها ايام ما شفت ريان والأستاذ زياد مو مخليني اطلع احسه كاتم ع صدري وزياد جالس ع جواله
أمل صرخت بقوة: زياد تحركوا
زياد قرب منها ارتاح لانه كان خايف صار فيهم شيء أمل مسكت يده حطت ع بطنها ع الجهة اللي يتحركون فيها
زياد ابتسم: ما بغوا يتحركون الحمد الله الحمد لله كم مره تحركوا


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 645
قديم(ـة) 05-06-2020, 09:41 PM
صورة هايدي فتاة صحراء الرمزية
هايدي فتاة صحراء هايدي فتاة صحراء متصل الآن
©؛°¨غرامي مجتهد¨°؛©
 
الافتراضي رد: سأنتقم لكن بهدوء/بقلمي


أمل: هذي الثاني مره
زياد يسالها جلس جنبها: الحين مين اللي تحرك البنات ولا ولد
أمل تناظره مستغربه: وش درأني انا العلم عند الله مو عندي
زياد: مو اهم في بطنك لازم تعرفين
أمل: أنت من صدقك تتكلم احلف بس لانهم في بطني لازم أعرف مين اللي يتحرك قول قوم عني
زياد: انسدحي ارتاحي بس؛ الحمد لله ما تعرف مين اللي تحرك فيهم اخذ جواله دخل الاستوديو شاف صور اخوه اياد اشتقت لك وربي
أمل ابعدت عنها البطانية شافته تضايق أكيد يشوف ريان او اياد
زياد انتبه لها انها قامت: هبله انتِ رجعي سرير.
أمل: تكفى ترى طفشت مو كافي علي حجرني في هـ الغرفة بطلع بجلس مع امي و ابوي اشم شويت هواء ترى مخنوقة
زياد قام رحمها: طيب وانا بعد بجلس معهم طلعوا من الغرفة
ام اياد: هلا حبيبتي شلونك اليوم
أمل ابتسمت لها: هلا فيك زود الحمد لله بفضل ربي بخير وش جالسه تسوين يمه
ابو اياد يضحك عليها: يلا ي ام اياد قولي لها وش جالسه تسوين
زياد جلس قريب من ابوه أمل جلست جنب ام اياد
زياد: وش سالفه قول يبه حمستني اعرف سالفة
ابو اياد: كل ما في هـ الموضوع جلس يضحك مو قادر يقول سالفة ههههههه الله يسلمك امك جالسه تتعلم انجليزي تقول لي انت مو احسن مني
زياد: هههههههههههههههههه أحلى من يتعلم
أمل: يمه ما عليك منهم والله تقدرين اذا عزمتي
زياد يسأل امه بإنجليزي:(كيف حالكم) how are you يلا يمه وش قلت
ام اياد: تعرف تسكت
ابو اياد يضحك: ي ولدي الحين الكلمة سهله ما عرفتها
أمل: زياد لا تنسى نفسك تراك مقبول بـ إنجليزي التفتت لـ ابو اياد وانت يبه عاد خلنا حبايب لا نفضح بعض
ابو اياد يناظرها بنص عين
أمل: يمه فديتك كملي ولا عليك منهم و راح تصرين أحسن مني بعد ما عليك من العذال
يقوم ابو زياد: لك مني الفين اذا نجحت وقدرتي تتكلمين إنجليزي
زياد يضحك: وانا مني بعد الفين
ام زياد: طسوا عني وانا ان شاء الله راح اتكلم احسن منكم بعد
أمل تبتسم ل ام اياد: أي خليك كذا ولا يهمونك
.
.
.
بعد 6 الشهور
نور اخذت عبايته بتطلع تتمشى مع بنات عماتها وتبغى تثبت لهم انها ما تغيرت ولا شيء اخذت مفتاح السيارة أصيل طلعت صاله اتجهت لجدتها:
هلا مهيرة كيفك بشريني عنك اليوم زين
مهيرة تنتظرها بشك: وش عندك جايه ترحبين وتسالين عن حالي وراك شيء.
نور: ابد ما وراي الا كل خير اسمعي ترى انا بطلع
ما راح ارجع الا اذا طاب خاطري
مهيرة: ي بنت اعقلي تراك متزوجه مو مثل قبل تسوين اللي في رأسك وبس الحين وراك الرجال
نور تتأفف: تراك غثتيني بهـ الرجال كأنه ما في احد تزوج بهـ الدنيا الا انا خليه يولي زين المهم انا بطلع واعطيتك خبر
مهيرة قامت وهي تعكز ع عصاتها: وللي يقول لك انك ما راح تخطي ولا خطوة من مكانك الا لما تكلمين
عبد الرحمن وتأخذين الا اذن منه
نور اوف بكذبه: ترى استأذنت منه يلا لازم امشي
مهيرة: دقي عليه الحين اسمع وش يقول لك راضي ولا مو راضي
نور رسلت له رسالة واتس اب قالت له قول اي لجدتي انت راضي اطلع
عبد الرحمن انتبه الواتس اب دق ع نور...
نور ارتاعت خافت يرفض ويفشلها عند جدتها وبنات عماتها حطت يدها ع قلبها: الو
عبد الرحمن: ي هلا وين جدتي اعطيني اياه اكلمها
نور مدت الجوال لجدتها مهيرة تراحب وتهلل بدحيم:
ي هلا ي ولدي وش لونك اليوم طمني عنك
عبد الرحمن يبتسم لها كأنها تشوفه: طيب دامك طيبه اي جدتي خلي نور تطلع انا راضي
مهيرة: زين وانا جدتك بس حبيت اتأكد
دحيم: ما عليك امر جدتي اعطي الجوال لـ نور ابغى اكلمها
مهيرة: طيب نور اخذي زوجك يبغى يكلمك
نور خافت غير رايه بصوت واطي: الو
عبد الرحمن يبتسم بسخرية واو اذا تبغى شيء منك تصير هادئة ما شاء الله مدري من وين تجيب هـ الهدوء: بسالك الحين انتِ من معه تروحين
نور بكذبه: مع البنات و اللي بـ يودينا زواج وحده من البنات
عبد الرحمن: ايه مو مشكله يلا مع سلامه
نور ارتاحت وطارت من الفرحة بطلعه: يلا مع سلامه جدتي
.
.
عبد الرحمن رجع يكمل الشغل الا واحد من الشباب يسأله: ي الحبيب ها بشرنا متى يجي أصيل
عبد الرحمن يبتسم له: تو الناس ما اخذتي لي من تزوجت 7 الشهور تقريبا الحمد لله لاحقين ع الأطفال و غثاهم..
ابتسم له خويه: الله يتمم عليك وناستك صح كلامك لاحقين ع الأطفال
عبد الرحمن سكت دام زوجتي نور ما راح اشوف ولا طفل هي رافضتني وبقوة ولا بعد تطعني في شرفي وتبيني اجيب عيال منها مستحيل وشكله في النهاية كل واحد يروح في طريقة دامها تشوفني كذا انا صبرت هـ الشهور كلها ما قدر اصبر اكثر من كذا لازم احط حد لها و لموضوع حياتنا اللي معلق وسبب هي
.
.
.
توه راجع من الشغل تعبان حده صار كل وقت في المعرض اللي يشتغل فيه الحمد لله اللي قدر يعوض خسارته كلها
نزل من السيارة اخذ جواله سكر الباب وتحرك متجه البيت شاف صندوق استغرب مين حقه هـ الصندوق انا ما طلبت من المواقع شي واذا طلبت لازم يكلمون خبلان هـ المندوبين ع كيفهم يوصلون البضاعة خليني ادخلها بعد اشوف مين صاحبه دخل البيت
محتاج بس شاور وبعدها نومه طويله المغرب عندي أمسية للشاعر المظلوم جاه فضول يشوف وش في


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 646
قديم(ـة) 05-06-2020, 09:43 PM
صورة هايدي فتاة صحراء الرمزية
هايدي فتاة صحراء هايدي فتاة صحراء متصل الآن
©؛°¨غرامي مجتهد¨°؛©
 
الافتراضي رد: سأنتقم لكن بهدوء/بقلمي


الصندوق فتحه شاف ملابس واغراض للطفل ولا بعد اسمه تيم وع من زين هـ الاسم اظلموه اهله رمهم ع الكنبة اتجه الغرفة النوم ع اقل ينام له لو ساعه وده
ينام يوم كامل بس النوم معانده حط جوال ع التسريحة أخذ له شاور غير ملابسه طلع من الحمام انتم بكرامة أخذ جواله جالس ع السرير حط المنبه ع الصلاة العصر انتبه ع المحادثة في واتس اب من رقم غريب دخل شاف صور سونار طفل هز كتفه يمكن غلطانين في الرقم بس وش سالفة الصندوق والحين رساله صدق غريب هـ الشيء انا وش دخلني في الصندوق والرسالة مو لي نام بس حط الجوال ع الطاولة من التعب نام ع طول

.
.
.
سعد جالس في المكتب؛ أمس من طفش خل الشغل كله ع الجوهرة لأنه ما شاء الله شغلها مرتب ومنظم مو مثلي خليني اقوم بس اتمشى برا وشتري لي القهوة من ستار بوكس دام اني فاضي قام من المكتب طلع برا شاف الموظفين يشتغلون بجد
ابتسم لهم: الله يعطيكم العافية التفت لـ موسى اسمع ي أخ موسى اذا سأل عني نائب المدير قول له أني طلعت شوي وبرجع توه بـ يطلع الا شامخ في وجه
سعد ابتسم بصوت واطي: انكبه هلا شامخ توي كنت
بـ ستأذن منك وبطلع
شامخ: ايه قلت بـ تستأذن مني تعال معي شوي ابغاك في مكتبي بسرعه تحرك شامخ
ولحقه سعد وهو يتحلطم: وش عنده هذا بعد شغل وخلصنا كله؛ وش يبغى بعد ياربي منه ناشب لي نشبه حتى في البيت وخاصه اذا كنت جالس مع جويج نسولف اوف منه؛ دخل شامخ ودخل معه
شامخ: سكر الباب وراك وجلس
سعد سكر الباب وجلس قدام شامخ: نعم امر وش فيه بعد شغل وخلصته عندك شيء الثاني ترا انا فاضي الحين ما عندي شيء...
شامخ قام وجلس مقابل سعد مد الملفات: متأكد ان هذا شغلك انت ولا شغل الجوهرة ترى اعرف شغلها انا
سعد يبتسم: المهم الشغل جاهز وخلصته مو مهم مين اللي اشتغل عليه
شامخ قام ورمى الملفات ع طاوله يسكر ع موضوع نهائي: أ. سعد شغلك ما خلصت ورجاء خلصهم و ابغاهم بكرا ولا تخلي غيرك يشتغل بشغلك أنجز أنت ويلا ع مكتبك ما في طلعه وقت الدوام تراك موظف حالك حالهم سامع انسى قبل لما كنت نائب المدير.
سعد شاف الجدية ع وجه؛ يمه مين يقدر يناقشه؟ أخذ الملفات هو يتحلطم توه بـ يطلع شامخ يقهره اكثر:
أي ع الفكرة لو أعطيت المدير الملفات وشافهم بقول
ماشا ءالله مرتبين حيل ما يحتاج نشتغل عليهم مرة الثانية الحين تقدر تتفضل ي ويلك ان ما خلصتهم
سعد طلع وهو معصب من مكتبه الكلب بس يبغاني اشتغل 24 الساعة ولا اوقف حتى الكمبيوتر يوقف ويرتاح دخل مكتبه ورمهم ع طاوله اخذ نفس خليني اشتغل وخلص ع اقل ملف والباقي في البيت انتبه لجوال يرن ابتسم: هلا كيفك
الجوهرة: تمام وش رايك نطلع نتمشى دامك فاضي صح انت سلمت الملفات لشامخ
سعد: اخ ي قلبي عمك هـ التبن يخليني في اجازه يموت اذا شافني مرتاح لا ما قدر اطلع معك عندي شغل اذا أنتِ طفشانة اطلعي وسعي صدرك بس ها ترجعين قبلي البيت لأني بجلس معك لو الساعة
الجوهرة بخيبة أمل: طيب مدري اشوف كان اطلع ولالا لأني ابغى اطلع معك اي صح خلاص بطلع مع عادل وسيف امي والعنود بـ نروح للحديقة دام الجو بدأ يبرد
سعد يغار حتى من إخوانه: لا انتِ سوقي السيارة ولحقيهم
الجوهرة: عادي وش فيه ترى السيارة تكفي لنا كلنا
سعد يسكر ع الموضوع: لا ولا اوريك ما فيه طلعه مره وحده.
الجوهرة تضايقت ما يغير اسلوبه هـ التحكم ابد: طيب خلاص بخلي العنود تجي معي اي بعد يمكن نتأخر
سعد: معليه يمكن أجيكم هناك رحلة ممتعه يلا سلام
سكر منها غبيه ما تفهم أني اغار حتى من اخواني ياربي فيها كمية غباء مدري من وين تجيبه ههههههههه خليني بس اخلص كم ملف ودي اضرب شامخ الي ان يقول بس تبن مدري ليه حاقد علي اوف منه
.
.
.
راكان يتمشى مع نيشان في المجمع هايف مو معهم راكان يلتفت لنيشان: تصدق ي نيشان هايف تغير بالحيل ما عاد هايف اللي نعرف صاير مشغول 24 الساعة في الشغل بسب الحريق اللي صار في معرضه الثاني الحين وهو يقدر يرجع خسارته كلها ع اقل يريح عمره شوي؛ متى انت اخر مره شفته؟
نيشان: مدري والله متى شفته؛ بس صح كلامك حتى انه ما سوى بلاغ ع الحريق قال بسبب الحرارة احترق المعرض ما مشت علي هـ السالفة انا مخليه ع راحته بعدين نجلس معه ما نطلع من عنده إلا هو قال لنا سالفة كلها
راكان: أي ما راح اسكت له وانا اشوف متغير صاير عصبي اكثر من اول هو صح كان عصبي بس لما تعرف عليك خفت عصبيته تصدق
نيشان ابتسم: تسلم ي غالي يمكن أني افهم عليه عشان كذا اقدر خليه ما يعصب حيل المهم روح جب لي شيء بارد يسرسح ع قلبي اهم شيء خليه يزيد ثلج
راكان يضحك: أنت مجنون وربي الجو بارد تبي شيء بارد راكان تحرك من مكانه ترك نيشان خلفه
واقف عند مكان القهوة طلب واحد موكا علبه كبير واحد كوب القهوة ساخنه وهو واقف ينتظر طلبه التفت ع صوت نيشان
حازم مع زوجته واقفين عند المحل للعاب اطفال يحسبه نيشان انصدم
الشاب: ي الأخ طلبك
راكان انتبه لشاب: أسف اخذ كوب القهو و الموكا مشى متجه لحازم ينادي عليه ما يرد حاول يلحق ويصوت عليه نيشان ي ولد وش فيه سحب علي بعد عنه حاول يلحقه انكب عليه شوي من القهوة اح حاره بضجر اف كمل الطريقة شاف نيشان قعد
راكان حط القهوة والموكا ع طاوله يناظر نيشان:
أنت وش فيك اصوت عليك ما ترد علي
نيشان انصدم: متى صوت علي؟ توك جاي ههههه
راكان جاء بـ يتكلم قطع عليهم كلامهم الطفل صغير يركض وحضن نيشان من رجوله
حاتم: بابا ليه ما رحت ثيارة انت قلت بـ تروح
نيشان يناظر راكان اللي يناظر رد منه نزل المستوى حاتم: حبيبي انا مو بابا وين ابوك فيه راح عنك
حاتم يضحك يحسب ابوه يمزح معه: أنت بابا
راكان بنظرات ناريه: نيشـــــــان
رسل جات بخوف من وراء نيشان نادت ع حاتم: حاتم تعال يلا
حاتم راح لها راكض: ماما هذا بابا ما راح السيارة


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 647
قديم(ـة) 05-06-2020, 09:45 PM
صورة هايدي فتاة صحراء الرمزية
هايدي فتاة صحراء هايدي فتاة صحراء متصل الآن
©؛°¨غرامي مجتهد¨°؛©
 
الافتراضي رد: سأنتقم لكن بهدوء/بقلمي


رسل وهي ماسكته خايفة تفقده مره الثانية: لا بابا في السيارة ليه أنت رحت عني رسل ابتعدت عنهم مع ولدها
راكان التفت لـ نيشان بعد ما مشوا: اوص ولا كلمه هذي مع ولدها شفتك معهم مساع
نيشان: ي ثور وش تقول انت أصلا من بعد ما مشيت ما قمت من مكاني شوف هذا الشاب معي ترى ما ترك مكانه ولا خلينا نساله
نيشان: لو سمحت أخوي ممكن شوي من وقتك
الشاب لما شاف راكان ابتسم: ي هلا أنت راكان
راكان رد له الابتسامة: ي هلا اي معك راكان
نيشان رد بسرعه: بعدين تعرفوا ع بعض اي اخوي بسألك أنت شفتي قمت من مكاني او تحركت
الشاب يتذكر: أي انا جالس هنا من بعد ما راح خويك وتركك أنت ما قمت من مكانك وانت بعد جالس ع جوالك ما رفعت راسك من عليه؛ وما شفت وجهك الا الحين
نيشان: سمعت وش قال
راكان: مو معقوله اللي شفته نسخه منك وطفل اللي احضنك هو نفس اللي شفته معه
الشاب: عادي ي راكان يخلق من شبه اربعين انا الكل من يشوفني يشبهني بعائلة الفلانية وهي أصلا ما تقرب لي لا من بعيد ولا قريب
نيشان: عدل شفت ي اخوي ظلمتني عشان واحد يشبهني المصيبة اذا كنت جميل كل يشبهك
الشاب ضحك ومشى
راكان يناظره: يمكن يشبهك سبحان الله؛ مين قص عليك وقال لك انك جميل؛ يلا اخذ الكوب حقك اسمع اليوم ما علي منك تحضر الأمسية الشعرية.
نيشان بغرور: محد بس انا واثق بنفسي أني وسيم؛ ما وعدك لانه عندي شغل الثاني بس بـ حاول أني جاي ايه شسمه زي ما قلت لك لازم نجلس مع الدب هايف
راكان: إن شاء الله ع خير
.
.
.
نور مع عمامها جالسين يسالفون ودحيم يلعب بسبحه وهو يناظرهم فيه حره ع زفت نور اليوم طلب منها يطلعون يتمشون بس زفت ارفضت انتبه لكلام عمها عبد السلام: ايه نوري ترى المحل جاهز بس يبغاك تفتحينه الله يبارك لك فيه
نور ابتسمت: مشكور ي الغالي الله لا يحرمني منك وبعد امي مهيرة تروح معي
عمها مو مشكله نور قامت فرحانه لازم ترتب وضعها حق الافتتاح اتجهت لغرفتها بتدخل في يد سحبتها معها نور خافت: هذا انت وش تبغى
عبد الرحمن ماسك يدها بقوه: أي محل هذا اللي بـ تفتحينه ان شاء الله
نور تناظره بدون اهتمام: أنت وش دخلك المحل لي ولا لك
عبد الرحمن بعصبيه غير معهوده منه ارتاعت نور:
هـ المحل ما راح تروحين له ولا تفتحينه راح تعرضينه للبيع
نوره بحقد: مو ع كيفك
عبدا لرحمن كزها ع جدر وهو معصب: إلا ع كيفي والحين بعد اروح لعمك وقول له انك خلاص معاد تبغين المحل
نور توجعت لما دفعها ع الجدر: وجع أن شاء الله انت زوج بس ع ورق مالك داخل فيني
عبد الرحمن مسكها من يدها وجرها لحضنه بهمس وانفاسه تحرقها: تبغين اعلمك كيف اكون زوجك نور تحاول تفك نفسها منه بس هو ماسكها من العصبية ما يشوف
نور تناظره عيونها بـ عيونه و تتحداه: بعد عني يزفت انا ما بغاك اصلا انت وحد شاذه ما تزوجتك عشان سواد عيونك لا عشانك شاذ واعجبني هـ الشيء أنت في حالك وانا في حالي
بعد ما سمع كلامها ضربها ع وجها خلها تطيح ع السرير من قوة كف نقهر من كلامها يعني هو ع الهامش
أخذ نفس غمض عيونه يهدي من حاله استغفر ربه
طلع من الغرفة قبل لا يرتكب فيها جريمة وانا أقول ليه وافقت تزوجني وهي رافض كل اللي تقدموا لها ضحك بسخريه غبيه ما تدري أني الرجال وغصبن عنها راح تندم كثير ع كلامها
انا احاول اعدل الوضع بينا بس هي ترجع تبني هـ الجدر من جديد صعب تعامل معها بس مو علي طلع من البيت ماله خلق يجلس يسولف مع اي احد
يتمشى في الحاره وينك ي اصيل تعبت من حياتي بدونك
ي عبد الرحمن الي متى وانت ساكت لها خلاص وقفها عند حدها لو غيرك ما راحمها ولا تعاطف معها
اول شيء لازم تصدر قرارت في حياتكم وتمشيها ع طريق المستقيم غصب طيب المهم تنفذ اللي تقول لها اول شيء انت اخذت مفتاح السيارة اصيل ما راح اخليها تسوق بعد اليوم المحل ما راح تدوم فيه راح نشوف ي ست نور وش تسوين لازم اجيب قرارت صارمه عشان تعرف أني كنت حليم معها الي ابعد الدرجة انتبه لرنين الجوال في جيبه طلع الجوال
من جيبه هذي أمي اخذ نفس ما يبغى احد يعرف بمشاكله معها وخاصه امه؛ رد ع امه وهو يرحب فيها: ي هلا ب ام دحيم وش لونك ي جنتي
ام نادر: اول شيء قول السلام عليكم ي استاذ والثاني شيء انا ام نادر والثالث شيء واضح اني جنتك من تزوج هـ الدبة وانت مختفي غاسله عقل بـ مره
عبد الرحمن ضحك بسخرية بالحيل: وعليكم السلام لاوالله انتِ في بالي ولا مختفي ولا شيء قبل يومين كنت عندك بس أنتِ يمه تغارين منها بالحيل
ام نادر بقرف: وع انا اغار من هـ الدبة انت شفت وجها ما فيه من الحلا شيء مدري من قص عليك قال لك أخذها
عبد الرحمن صحيح هي ما تسمع كلامه وتغلط عليه بس بعد ما يرضى عليها: يمه اسمعي كل شيء ارضى فيه الا انه تغلطين ع البنت الناس وهي ما سوت لك شيء
ام نادر: تخسي الاهي صدق من قال انا اللي ربيت ولغيري صفيت اسمع أبوك اليوم عنده الضيوف تعال يبغاك تكون موجود ولا اقول لك استأذن من زوجتك قالتها بسخريه
عبدالرحمن يهز راسه ما في فايدة في امه تكرها:أن شاء الله حياك الله مع سلامة





الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 648
قديم(ـة) 05-06-2020, 09:49 PM
صورة هايدي فتاة صحراء الرمزية
هايدي فتاة صحراء هايدي فتاة صحراء متصل الآن
©؛°¨غرامي مجتهد¨°؛©
 
الافتراضي رد: سأنتقم لكن بهدوء/بقلمي


اليوم غير عن كل الايام
اليوم الحضور مميز والعدد كبير كله عشان شاعرنا المميز
يبدأ شاعرنا بلقاء قصيدته الحزينة اللي عودنا عليها
اليوم الكل متشوق المفاجآت شاعرنا
في الأمسية وع القناة (****)
حيا الله شاعرنا
شاعر المظلوم: الله يحيك
المذيع: اليوم الكل متشوق يشوف وجهك ما بقى ع نهاية البرنامج الا للحظات معدودة؛ صراحه اليوم ما نبغى نسمع اي شيء من شاعرك نبغى تعرفنا عليك أكثر
شاعر المظلوم ابتسم: اوك زي ما وعدتك راح تعرف عن كل شيء بس حياتي الخاصة لا
المذيع: لا ما راح أدخل بخصوصيتك سؤال الأول كم عمرك؟
شاعر المظلوم :31
المذيع: هل شاعرنا مرتبط،
شاعر المظلوم: أي أن شاء الله قريب اتزوج
المذيع: الله يوفقك. متى ناوي تكشف عن وجهك
شاعر المظلوم ضحك: الحين لو تبي
المذيع متحمس وخاصه انه الخبر طازج وع قناة اللي يقدم فيها: يلا متحمسين
الجمهور بصوت عالي: ايه
شاعر: دقيقه في شيء بقوله قبل لا اكشف
المذيع: تفضل اليوم يومك خذ راحتك.
شاعر: ترى حتى اهلي وأصحابي ما يعرفون مين انا إلى هـ اللحظة هذي أصحابي راح ينصدمون اتمنى يلتمسون لي العذر
المذيع: وينهم أشر عليهم خلهم يجون هنا
شاعر يضحك: لا خلها مفاجأة لهم
المذيع: ها ي جمهورنا العزيز مستعدين
الجمهور بصوت واحد: ايــــــــــــــــــــــــه
راكان متحمس بالحيل وخاصه انه بـ يسوي تغطية السناب شات
شاعر شال القناع وهو يبتسم للجمهور
راكان كان رافع الجوال بـ يصوره بس لما شاف وجه انصدم
.
.
.
ام حازم ورسل وبروق وحازم جالسين قدام تلفزيون متحمسين مع الأمسية الشعرية وبروق متغطيه
بروق اخت رسل
ام حازم متحمسة تبغى تعرف من هو وخاصه انه حبت القصائد اللي يقوله: يلا عاد لا تطولها وهي قصيرة
حازم ضحك: ما شاء الله عليك يمه متحمسة اكثر من الجمهور نفسهم عدي معهم هههههه
ام حازم. حازم ورسل بعد ما فصخ الشاعر القناع:
نيار لالا مستحيل
بروق ابتسمت لانه تدري انه اهو الشاعر المظلوم وتدري انه ما مات كل يوم تكلمه تشوف الصدمة في وجيهم تشوف جدها داخل عليهم
ام حازم: يبه نيار في تلفزيون نيار هو شاعر
ابوها ساكت ما تكلم لأنه يدري انه ولد بنته عايش هو كل يوم يزوره وهي ما لاحظت وجوده وهو قريب منها تبيها تلاحظه وهو بعيد بس ما يدري عنه انه صار الشاعر مشهور

.
.
.
طلع من الأمسية وكان يمشي معه شعلان وعجلان
يحمونه من الجماهير اللي يبغون يقربون منه يحاول يهرب من هـ التجمع وهو بـ يطلع من الاستوديو انصدموا مين اللي هجم عليه
هايف بعصبيه يمسك من ثوب: أنت مين ي الحيوان
شعلان تحرك بسرعه يبغى يبعد هايف عنه
نيشان: شعلان خلاص انت وعجلان روحوا انا اتفاهم معه
عاد الصحافة ما صدقت الخبر بدت تأخذ الصور لهم
نيشان انتبه لصحافة: لو سمحت هايف نزل يدك وخلنا نمشي من هنا ولك اللي تبيه
هايف وخر يده عنه و اتجه لسيارته وحرك منه ودمه يفور انا يكذب علي ويقول لي ما احب الشعر ولا ابغى اروح الأمسية الشعرية صبرك علي ي زفت
نيشان راح مع راكان اللي كان هادي ما تكلم ولا قال كلمة ظل ساكت وسكوته يحرق نيشان التفت يناظره تكلم قول شيء ي راكان لا تسكت تراك تحرقني اكثر من هايف بعد ساعة ونص وصلوا الاستراحة
هايف نزل وهجم ع نيشان مره الثانية ودفع ع السيارة بعصبيه: الي اي درجه تستغفلني انا و راكان تكلم وانا اقول ليش يرفض يروح معنا الأمسية اثاريك انت الشاعر بسخرية صدق مغفل أنت كاذب ما يشرفني امشي مع واحد كاذب وبسخريه ي الشاعر
نيشان: اتوقع هـ الشيء يخصني مالك اي دخل في حياتي الخاصة
هايف: لا هذي مو حياه خاصه انت مين أصلاً؟
انا ما عرفك اصلا أنت نيشان ولا شاعر ترى تقدر تجي تقول لنا انا لي شخصية الثانية ولا أقول لك
كم شخصية لك بعد؟ طلع اللي عندك كله
قبل لا أنصدم فيك اكثر ولا أقول لك ما عاد تهمني انا ما عرف واحد اسمه نيشان
نيشان بحد: اوك اذا انت تشوفني غلطان حتى انت عندك أسرار ما تقوله لنا طيب مين اللي ضربك ورمك في الزبالة؟ يلا قول ولا اللي حرق المعرض مين انا مو غبي ترى حاس انه وراك شيء ما تبي تقوله ولا بعد تعرف مين اللي يسوي فيك كذا واعجبك الوضع ولا بس فالح تعصب علينا وتلقى اؤمرك علينا
هايف سكت مارد عليه لأنه ما يحب أي أحد يتدخل في حياته
والتفت لراكان :وانت ي راكان كلنا نعرف أنك المشهور
وعندك فلوس كثير من اعلانات السناب وين تودي هـ الفلوس
ليه اذا طلعت بروحك ما تصور؟ مين البيت اللي دايم تزوره؟
تدرون لاحد يلومني دام كل واحد فيكم عنده أسرار و بلاوي وساكت ما تكلم وقال لخوياه تجون تعتبوني انا ليه
اي قبل لا اطلع في شيء الثاني بقوله لك عشان
بعد ما تقومون علي أكثر ترى أنمار وإخوانها مو اخواني عيال عمتي وانا ساكن عندهم.
هايف بسخرية: ماشا ءالله حياتك كلها لعب في لعب روح ما عاد ابغى اشوف وجهك بعد اليوم
نيشان طلع من عندهم زعلان هو كان متوقع ردت فعلهم وجاهز لهم الله يهدي النفوس


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 649
قديم(ـة) 05-06-2020, 09:56 PM
صورة هايدي فتاة صحراء الرمزية
هايدي فتاة صحراء هايدي فتاة صحراء متصل الآن
©؛°¨غرامي مجتهد¨°؛©
 
الافتراضي رد: سأنتقم لكن بهدوء/بقلمي


اليوم الثاني
نجلا نزلت من السيارة وقفته عند المعرض اتجهت البوابة دخلت
التفتت يمين يسار تحول تلمحه ما حصلته شافت الرجال جاي ناحيتها: هلا اختي عوزه حاقه
نجلا: ايه وين المكتب أستاذ هايف ابغاه ضروري
الموظف: شوفي تعالي انا بوصلك المكتب بنفسي مشى ومشت وراءه وقف عند الباب تفضلي هذا هو المكتب أستاذ هايف
نجلا تأخذ نفس لازم ترويه انها قوية وهو سبب اللي غيرها من بنت ضعيفة إلى شخصيه قوية ما تخاف من أحد طقت الباب فتحت حتى بدون لا يقول لها دخلي
هايف كان مندمج مع الأوراق اللي بيده توه بـ يهوش اللي دخل انصدم نجلا قام من مكانه وبعصبية:
أنتِ وش اللي جابك هنا لك عين بعد تجين عقب اللي سويته
نجلا برود: ما سوت شيء لسى ما شفت مني شيء المهم ما جيت حباً فيتس لالا؛ ليه أنا مو صاحية أحب واحد تسان نيته يتخلص مني او يخليني مجنونه الا اذا تسان ما عندي عقل المهم ي استاذ بسخرية تقول له لتس الشهور معلقني وين ورقتي
هايف يناظرها برود : اطلعي برا ولا تخافين راح توصل لك
نجلا: اليوم قبل بكرا سمعت؛ كانت بتطلع وقفت عند الباب احتياطاً ايه صح تذكرت أفتح الصرافة البنك باسم ولدي تيم مسحت ع بطنها اللي بارز من تحت العباية
هايف رفع حاجب وش تقول هذي توه ينتبه لبطنها:
أنت تكذبين صح تبغى تمسكيني من يدي اللي توجعني
نجلا ما تبغاه يمسكها ولا يعرف مكانها: لا ما أتسذب عليتس واذا تبغى ورقة التحليل حملي عندي اياها طلعت الورقة بسرعه من شنطة ورمتها عليه لأنه شافته بقرب منها انحاشت وهي تنحاش صدمت ب راكان طلعت بسرعه من المعرض وركبت سيارة يلا أنس حرك
هايف لحقها يركض بسرعه كأنها حراميه
راكان يناديه ما يرد عليه: هايف وش صار قولي
عشان اساعدك
هايف طلع من المعرض بدون لا يرد ع راكان و راكب السيارة يحاول يلحقهم لأنها ما بعدت بالحيل جواله يرن بشكل مزعج أنشغل بالجوال رفع راسه الا قدامه كلب انتم بكرامة حاول يلف يمين الا تنقلب السيارة وهو فيها
أنس شاف الحادث يخوف السيارة انقلبت أكثر من مره
يناظر اخته: يالله ما راح يطلع منه السليم وش رايتس انتِ
نجلا تضايقت: لا ما مات توي ما بديت انتقامي معه
.
.
.
زياد خلص شغله ورجع البيت اتجه الغرفة عشان ينام اليوم راح يشوف ريان للحين ع حاله متضايق يحس انه مخنوق كيف انه ربي أعطاني الصبر ع فراقه ما يقدر يتحمل اكثر من كذا يارب طلبتك انك تشفيه وتعافيه وتخليه لي دخل الغرفة شاف أمل منسدحة ع الكنب وتقرأ كتاب من الملل طفشت وهي جالسه في الغرفة شاف زياد سرحان وش عنده الأخ يمكن قضيه انا وش عليه منه ابعدت الكتاب عنها اخذت الجوال تبغى تكلم رايف اشتقت لها اخ بس لو يرضى هـ الاسم زياد ارجع شغلي كان زين تعبت معه خايف ع حملي ربي الحافظ
زياد فتح دولاب يبغى يغير ملابسه؛ انتبه لصندوق فيه ورقة طالعه منه لا يكون امل كنت بتشوفه لالا ما بغاها تشوفه لازم اغير مكانه وانا كيف نسيته مرمى هنا شاله بـ يوديه ما كان الثاني الا طاح منه والاغراض اللي فيه طاحت كلها
زياد تضايق: اوف يحاول يشلهم بسرعه ما يبغى تلمح اي شيء
أمل ارتاعت من صوت الصندوق قامت من مكانها لأنه شافت زياد يرتب في حبت تساعده جلست ع الارض تبغى تشيل الأغراض وتحطهم في الصندوق الا انصدمت من اللي شافته تجمعت دموعها في عيونها لالا مستحيل تناظره بحقد




.
.

ستــــوب
ما احلل ولا اسامح اللي ينقل الرواية بدون ذكر اسمي هايدي فتاة صحراء
همسة محب :
من اشتاق إلى الجنة سارع إلى الخيرات.
موعدنا مع البارت الجاي يوم الخميس ان شاء الله إلى اللقاء



تعديل هايدي فتاة صحراء; بتاريخ 05-06-2020 الساعة 11:06 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 650
قديم(ـة) 05-06-2020, 09:57 PM
صورة هايدي فتاة صحراء الرمزية
هايدي فتاة صحراء هايدي فتاة صحراء متصل الآن
©؛°¨غرامي مجتهد¨°؛©
 
الافتراضي رد: سأنتقم لكن بهدوء/بقلمي


وهذا البارت ونزل
قراءه ممتعه لكن الله الله بردود الجميله مثلكم
أحبكم



تعديل هايدي فتاة صحراء; بتاريخ 05-06-2020 الساعة 11:07 PM.
الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1