غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 30-03-2019, 07:22 PM
صورة عاصفة الجمر الرمزية
عاصفة الجمر عاصفة الجمر غير متصل
©؛°¨غرامي جديد¨°؛©
 
Uploadfef5c031fd قلبي رهين بالهوى/بقلمي


لا اجيد البديات ولا اجيد النهايات ايضا هذا حساب اختي ادعو لها بالسلامه حبيت اكتب الروايه ذي يمكن يوم تصحي تكون مفاجاه لها وحلوه بعد لا احلل من ينقل روايتي

انتظركم





قد يعشق المرء من لا مال في يده
ويكره القلب من في كفه الذهب
ما قيمة الناس الا في مبادئهم
لا المجد يبقي والا الالقاب والرتب

البارت الاول

فقدت اعصابها لتصرخ/اسمعيني زين ان ما سكتي من صياحك الحين لارميك هنا في الصحراء تاكلك الكلاب صجيتي راسي حشي ماكينه تسجيل

لتصرخ الاخري/انتي ما تحسين ما تخافين

زفرت/لو اخاف الحين كنا ثلاثتنا طعام وسبايا حق قليلي الاصل يا غبيه شرايك اصيح واكون حرقه لاهلي والا ادافع عن نفسي للموت انا ماني مصدقه انك انتي بنت العقيد ناصر الفهد

عقدت حواجبها/تعرفين ابوي

بسخريه/ايه لانه ابوي اصير اختك

فتحت عيونها بصدمه لتضحك وهي تقول/لا تموتين علي ماني اختك اصلا لو عندي اخت مثلك ذبحتها ورميتها بالبحر

لتناظر تلك التي تجرانها وهي تهتف/بسكم خلاص راسي يعورني احس نفسي بنام

لتهتف تلك الثائره/واللي يسلمك لا تنامي لازم نوصل للطريق او نلاقي راعي اي شيء يوصلنا لاهلنا رانسي

رانسي بهدوء/بنوصل اهلنا ان شاء الله عسي بس ولد الراهي ما تزوج بعدك يا منور

ضحكت غصب عنها/اذا تزوج مبروك عليه

لتناظر نوف وبحنان/نوف خلاص اهدي ثلاثتنا بنفس الوضع والحمد لله الله بينجينا مثل ما نجانا منهم

تغمض عينيها بوجع وهي تتذكر كلمات ذلك الوحش جهاد نكاح

تشعر انها لازالت ترتعش من هذه الكلمات

رانسي ببرود/نوف انتي بنت الفهد ما تعرفين حتي تمسكين سلاح والا بس بينكي بينكي

لتهتف بسخريه/عدال يا كولونيل ستافنبورغ اظن لو انك مكانه كان مات هتلر بوقتها

ضحكت وهي تسال مناير/وش نفسك فيه الحين؟

بحسره /نفسي ادش البيت الاقي امي تصارخ لانه غرفتي مو مرتبه وتحرمني الطلعه اسبوع عقاب ابي بس ارد البيت

نوف بوجع تنهدت/خلي نرجع البيت بس وماراح اطلع من غرفتي سنه

بضحكه قهر/طافني الكلاسيكو انا

وكملت/لازم نتحرك لا تظلم علينا الدنيا

جرو مناير وكل وحده تفكر في اللي راح يصير لهم نوف بهدوء/من يون تعلمتي ذيك الحركات اعتقد محتاجة تدريب ووحده مثل ما قلتي فقيره ما تقدر عليها

لتهتف/مشكلتك تتاثرين بالمظاهر يا بنت الفهد

بهمس /اش وهي اطلع المسدس وتستعد لاطلاق النار

صوت رجولي تسمعه يسمي ويقرا المعوذات واية الكرسي لتضحك بنفسها وتتنهد براحه يمكن يطلع ريال صالح ويساعدنا لتهتف/انس مو جن يا الاخو

فتح عيونه بدهشه/وش تسوون هنا دامكم انس

خاف ان يبتلي بمصيبه فوجود ثلاث فتيات في هذا الوقت وفي هذه الصحراء امر مريب وتلك التي تتحدث معها سلاح

بهدوء/ضيعنا الدرب ونبي اهلنا

بهدوء/ما عليك انت بس ساعدنا

بضيق/لا تخافون انا النقيب رافل الثائر

لمعت عينيها بغضب /مشكور ما نبي منك اي شيء توكل توكل

نوف بغضب/مجنونة انتي ستافنبورغ تري مشينا اكثر من يوم عشان الحين ترفضين مساعده هالريال شفيك

بهمس/اموت هنا بالصحراء ولا يساعدني ولد الثائر

مناير بتعب/بنات تري مو حاسه برجلي خلاص

قربت منها رانسي وهي تناظر رجلها صارت زرقاء الدم يمكن معاد يجري فيها بخوف/فيه مستشفي قريب

قال باستغراب شديد هذيك تناديها ستافنبورغ ومشو اكثر من يوم وين كانو ذولي الله يستر بس الله يستر

ركبو معه السياره وهو يحركها نوف بخوف علي مناير صارت تبكي/نوف واللي يسلمك راسي يعورني ارحمي حالي صياحك ما تغير من يوم كنتي ياهل

نوف بحيره/من اول دريت انك تعرفيني انتي منو؟

ليهتف باستغراب شديد/انتم ما تعرفون بعض

رانسي ببرود/لا نعرف بعض بس الظاهر هي مريضه

نوف بهدوء/انا بنت....

حطت ايدها علي فمها تسكتها وصرت علي اسنانها/غبيه انتي متاكده جينات الغباء ذي من طرف امك لانه ابوك ذيب

نوف/نعم نعم تقولين عن امي موضي الثائر غبيه

رفعت حاجبها بسخريه/كملت لو دريت عنها تركت بلمخيم مع الكلاب طالعيلي في البخت الثائر ودامها من الثائر الغباء متاصل فيكم

رفع حاجبه وهو يناظرها في المرايا شفيها هذي لاحظ تغير ملامحها من يوم ذكر اسمه والاخري امها من قيبله ال ثائر

وصلو المستوصف دخلو الممرضه خبرتهم انه الطبيب ماراح يجي الا بعد ثلاث ساعات

اخذت جوال الممرضه لترسل رساله الي والدها لانها ما تبي تحكي احد تخاف يكونو مراقبينهم وهي متاكده انه فيه احد جاسوس بينهم

راحت عند الممرضه وهي تقول/اتصلي علي الدكتور يجي الحين

رافل اخذ جواله ليتصل بصديقه فهو طبيب ليصل بعد دقائق وهو يهتف/شصار؟

بهدوء/ادخل ناظر الحاله وبعدها نحكي

سالهم باستغراب/ليش تقولين انكم مشيتو اكثر من يوم

نوف زفرت/لانه......سكتت وهي تحس بيها تضربها علي جنبها لتصرخ بوجع/وجع شفيك؟

بحده/ما توبين انتي انا غسلت ايديني منك بصراحه انطمي الحين

سمع الراديو اللي معه وواحد من الظباط يقول/سياره مشبوهة تتوجه للمستشفي رائد رافل حول

همس وهو يروح للسياره ياخذ سلاحه/علم حول

نوف نزلو دموعها/يلاحقونا يا ويل حالي يلاحقونا

رانسي بنفاذ صبر/بس خلاص لولا عمي ناصر لاحذفك الحين برصاصه بين عيونك اسمعي الحين يمكن يهجمون لازم ندافع علي انفسنا وراح تمسكين المسدس ذا وتضربين اي احد يقرب لك لو مو عشان مناير عشان وعد اللي ماتت عشان نحنا نعيش ونهرب

كملت بحسره/تراني ابي اصيح بعد بس انا تربيت علي القوة وما اضعف الا عند اللي هو يكون قوتي يا نوف ترضين اخوانك يمشون بين العرب روسهم بالارض يقولون اختهم اللي ....والا يمشون فخورين فيك وانتي ادافعي عن نفسك لاخر نفس مشكلتنا انه ابوي وابوك اصحاب مبادئ عشان كذا يبون يدوسونهم فينا بس والله ما يرتاحون

سمع كلماتها ليستغرب هذه القوي منها من بناته ذولي ومن ذا اللي يبون ينتقمون من اهلهم فيهم

ناظر سياره بها اربع اشخاص ملثمين هو يعرف كف يتعامل معهم بس يخاف علي البنات ذولي صارو بحمايته لتشير اليه تلك الشجاعه الثائره باشارت تعلمها بالجيش ويحفظها

من انتي

ستافنبورغ

دخل الاثنان من الباب الامامي ليطلق الرصاص بسرعه ويسقطان علي الارض

بهمس/روحي داخل وخبريهم لا يطلعون

هزت راسها وراحت تركض للغرفه

رانسي ظلت تسمع صوات الخطوات اللي تفرقت وهي تري واحد بيضربه من الخلف وهو ما يناظرها ضربته برصاصه في كتفه

لينتبه هو للاخر ويرديه ارضا بسرعه

اغمضت عينيها بوجع هي اصبحت قاتله الان فقط فهمت تلك الحالات النفسيه التي يدخل فيها بعض الجنود بعد العوده من الحروب يا تري هذا ما حدث لحمد بعد ان عاد من اليمن

احس برجفتها وهو يضع يده علي كتفها ليهتف/انتي بخير

نفضت يده بحده/لا تلمسني وخر عني

سمع صوت سيارات ليناظر من الشباك ويتنهد براحه وهو يري سيارات العمليات الخاصه

انتبه للشخص الذي ينزل العقيد مشاري الراسي

والعقيد ناصر الفهد

الظباط دخلو يامنون المكان ليهتف احدهم/رائد رافل وضرب له التحيه

ليدخل مشاري وهو يبحث عنها ليهتف/يبه

رفعت نظرها وهي تناظره غصت بحزن وهي تركض له بوجع حزن/يبه يبه

شد عليها بقوه ودمعه حائره خانته لاول مره يحس بضعفه وكاد ان يحطمها لولا انه سمع همس ناصر/بتكسرها يا مشاري

هو الاخر قلبه يتخبط فلا يعلم اين هي ابنته ليهتف/نوف وينها؟

سمع صوتها تخرج من احدي الغرف باكيه/يبه وينك؟

بحنان/هنا يا ابوك هنا يا روح ابوك

ضمته كانها تبي تتخبي بضلوعه لتهتف/ستافنبورغ وينها؟

ياستغراب/وشو؟

رفعت راسها وهي تاشر علي رانسي/هذي

رانسي وهي تبوس راس ابوها/يبه تري معنا بنت اللواء عماد الراهي متصاوبه وبنت اخوه بعد بس استشهدت

تحرم مشاري مع ناصر لتهتف رانسي/نوف عرفتيني الحين

نوف باستغراب/ليش ما تكلمتي من اول؟

بسخريه/عشان تفضحينا وبعدين معقوله تغيرت للدرجه ذي

ضحكت غصب/تري اخر مره شفتك كان عمرنا 10 سنوات مرت تسع سنين

ارتمت نوف في حضنها لتبكي لتهتف تلك/تري بسجل صوتك وبحطه نغمه حق اللي يغثوني

ناظر كل اللي حصل وهو لا يصدق مدي القوه التي تملكها ويعرف سر تلك النظرات الناريه ليهتف/مخطوفات

هز مجد راسه/ايه صارلهم اسبوعين بس الخبر متكتم لانه طلباتهم كانت غريبه بس بنت العقيد مشاري ذيبه اذكرها كانت تجي مع ابوها تتمناها اخت او زوجه تطلع للشغل وانت قلبك مرتاح

بعد ساعات وصلت الاسعاف واللواء عماد اللي راح مع بنته وتلك ستافنبورغ ركبت مع والدها

والباكيه ايضا مع والدها

@@@@@@@@@

بعد مرور شهر

مناير صارت احسن الحمد لله تقبلت وفاة وعد اخيرا ريلها احسن بس صارت تعرج شوي الحمد لله علي كل حال

نزلت الصاله ناظرت امها جالسه مع اختها واخوها اللي ابتسمو لها واخوها يوقف/واخيرا اميرة الراهي نزلت لنا

ببسمه باستهم ثلاثتهم/هلا راشد مو مداوم اليوم يا خوي

ببسمه/اختك ريم تبي تروح السوق فيه ناس بتجي تشوفها اليوم

ببسمه صادقه وهي تناظرها مستحيه/صدق ريوم الف الف مبروك موافقه هالمره والا مثل كل مره

امها بحنان/موافقه يا قلبي

حطت راسها بحضن امها/زوجي راشد بعد عشان يفضي الي الحضن ذا وما يشاركني فيه احد

راشد ببسمه/عيل من اليوم ادورين لي بنت الحلال

الصدمه احتلت وجوه الثلاثه لتهتف امه بجزع/وش تقول يا راشد وريحان؟

بحده/تبيني اتزوجها واخوها ترك اختي كانها مرض معدي

عدلت جلستها وهي ترجع شعرها البني خلف اذنها/راشد لا تفكر كذا وتكون متعصب حق اختك تراني انا توني صغيره والعمر جدامي يا خوي بس ريحان محيره لك من زمان والحين بتتركها وش بتقول العالم عنها لا تاخذها بذنب اخوها

راشد تنهد

لتكمل وهي تناظر ريم تبيها تساندها/واللي يسلمك راشد لا تكسر خاطرها وبعدين والله ان تزوجت غيرها ما احضر عرسك ولا ادخل بيتك

ريم بمسانده/ايه ريحان والله ما في اطيب من قلبها وما اتخيل غيرها زوجة لاخوي الغالي

ناظر امه اللي هزت راسها بحنان وهي تبتسم له

ليهتف/يلا عيل قومو بدلو نروح السوق

مناير/لا السوق كرهته انا

ضحك عليها/بكون معك يا قلبي رجلي علي رجلك وام راشد معنا بعد

ابتسمت بحنان/اكيد يلا خلني ادق علي ابوك عشان يكلم عمك يحدد الملكة

@@@@@@@@@

ناظرت ابوها بحنان/يبه عطني وقت افكر في الموضوع

ابوها /الريال يبي يناظرك عشان تفكرين علي راحتك

امها بحنان/كذا حلوه يالغاليه لا تبدلين ثيابك

تذكرت رانسي وضحكت ووقفت ناظرت ويهها في المرايا وتنهدت الجرح برقبتها ما رضت تسوي له اي عمليه تجميل تركته عشان يذكرها انه الضعف ما كان بيوم اسلوب نجاح القوه افضل

دخلت المجلس وابوها ظل عند الباب لتراه يبتسم لها حست انها تعرفه بس ما تدري وين

قرب منها/شلونك نوف؟

هزت راسها/بخير

ليخرج بعد ان تاملها اخرجت جوالها وذهبت الي الشباك وهي تراه يحادث والدها صورته بسرعه وردت البيت

نوف البنت الوحيده لناصر وزوجته موضي

راحت لامها وبحنان/مامي بليز نروح بيت مشاري الراسي ابغي اناظر رانسي

بحنان اكبر/طيب بس لا تتاخري في اللبس

@@@@@@@@@

صرخت بويهها/راح تتزوجين ولد اخوي غصب عنك والا تحسبين ولد عمك بياخذك بعد ما اخوك ترك اخته

بحزن/حتي لو راشد ما يبيني يمه سلطان مستحيل اتزوجه لو يكون اخر ريال بالكون

دخل البيت وهو يعلم ان ما فعله هو الصواب بالذات بعد ما سمع صراخ زوجته علي بنته الحنونه

دخل الغرفه لتصمت زوجته بخوف وهو يذهب لابنته يمسح علي شعرها بحنان/مبروك يبه ملكنا انا وعمك من شوي والتحاليل بنروح نسويها الحين

ببسمه فرح/الله يبارك فيك يبه

ليهتف بحنان/جهزي ثيابك جدتك تبيك يا قلبي قعدي عندها

جلس علي حافة السرير هو يعلم حقد زوجته جيدا علي طفلته لكن لن يسمح لها بعد اليوم بذلك

@@@@@@@@@@@


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 30-03-2019, 08:26 PM
لامــارا لامــارا غير متصل
©؛°¨غرامي نشيط¨°؛©
 
الافتراضي رد: قلبي رهين بالهوي


السلام عليكم

الله يعافي اختك تصحى



ممكن أسأل ليه غير مسموح النقل ؟؟

شكرا لك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 01-04-2019, 08:46 AM
بلبلة الحب 2000 بلبلة الحب 2000 غير متصل
©؛°¨غرامي جديد¨°؛©
 
11302798202 رد: قلبي رهين بالهوى/بقلمي



💞السلام عليكم ورحمة الله وبركاته 💞
سلمت اناملك المبدعة عزيزتي 👏👏
بداية موفقة ومشجعة أتمنى لك التوفيق والنجاح وان ترتقي روايتك للتميز 😉😉 يعطيكي العافية استمري عزيزتي 💞💞


الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1