غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 11-04-2019, 01:28 AM
صورة عيونها..نجلا الرمزية
عيونها..نجلا عيونها..نجلا غير متصل
©؛°¨غرامي مشارك¨°؛©
 
الافتراضي رد: وخُلقتِ مِن ضلعيِ الأعوجا& خذني بقايا جروح ارجوك داويني


اقتباس:
المشاركة الأساسية كتبها نيّر مشاهدة المشاركة
السلام عليكم ورحمة الله وبركاته

:

:


أخيرا
الحمد الله ع سلامتك أولاَ
و ننتظر تكملتك وجديدك بفارغ الصصبر

وعليكم السلام ورحمة الله وبركاته
الله يسلم قلبك يارب
باذن الله سنبحر من جديد الى ان نرسوا فشدوا الرحال معي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 11-04-2019, 01:41 AM
صورة عيونها..نجلا الرمزية
عيونها..نجلا عيونها..نجلا غير متصل
©؛°¨غرامي مشارك¨°؛©
 
الافتراضي رد: وخلقت من ضلعي الأعوجا& خذني بقايا جروح ارجوك داويني/بقلمي


السلام عليكم ورحمة الله وبركاته
مرحباً .. واهلاً .. بكل من احيا في قلبي ذكرى تواجدي سابقا
واشعل .. في مقلتي .. شوق ..تلك الايام الجميله ...
شكراً والفُ ...شكراً و شكراً .. من القلب لكم ...
احباب قلمي المتواضع البسيط ....
لمستُ في ارواحكم خوفاً من الاستحداث بالقصه
وانا الان اطمنكم ... بأننا سنعيش .. وسنتشارك .. وسنستشعر... تلك الاحاسيس التي تركناها ...
لن يكون هناك اختلاف في الحبكه ولا في السرد
فقط شيئ بسيط ....
انا قال الزهر .. لي رجاء منكم ..
ان .. تشدوا على يديّ .. لنبحر من جديد ..
لااريد ان اتميز..فوق التميز ... او ابدع .. فوق الابداع ...
اريد ان اكون انا فقط .... قال الزهر
اتمنى فقط ان يصلكم مني شعوراً .. احسسته ُ...
لنستمتع معاً ... فأنا بدونكم لاأكون ......
واخيرا ً
مرحباً ... بمن تركت فيهم اثراً لو صغير ... واهلاً بمن سيبدا معي من جديد ...
محبتكم قال الزهراااه ....عيونها ..نجلا


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 11-04-2019, 02:31 AM
فيتامين سي فيتامين سي متصل الآن
©؛°¨غرامي متألق ¨°؛©
 
الافتراضي رد: وخلقت من ضلعي الأعوجا& خذني بقايا جروح ارجوك داويني/بقلمي



أهلا وسهلا بعودتك
ما أذكر أني قرأت الروايه سابقا لكن من ردود متابعاتك تشجعت أقرأ وأتابع معك الروايه

خاصه من ردود من أثق بذائقتهم وكلامهم عنك وعن الروايه

لكن عندي سؤال هل بتعيدين الروايه من أول فصل أو بتكملين من الجزء اللي

توقفتي عنده سابقا لأني ما قرأت الروايه سابقا

إذا بتبدأين الروايه من بدايتها مع التنقيح والتعديل الجديد فأعتبريني من متابعينك

إن شاء الله

وبالتوفيق عزيزتي وإن شاء الله تصلي بروايتك لصفوف المكتمله

وأتمنى تحددي مواعيد تنزيل الفصول



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 11-04-2019, 04:16 AM
صورة عيونها..نجلا الرمزية
عيونها..نجلا عيونها..نجلا غير متصل
©؛°¨غرامي مشارك¨°؛©
 
الافتراضي رد: وخلقت من ضلعي الأعوجا& خذني بقايا جروح ارجوك داويني/بقلمي


. . مرحباً..فيتامين سي
نورتي صفحتي ..
كلامك .. ورأي من تثقين به درع احمله وكُلي فخر ....
وجوابي ..
هو نعم سأوقوم بإعادة هيكلة الروايه ف13 عام ليست
مده بسيطه ... ابدا ..
لكن..!
هي نفس المحتوى ونفس الفكر بترتييب بسيط ممنهج
فمرحباً بك متابعه ... جديده وجودك
سعاده بحد ذاتها ....
بأنتظارك ..دائماً...
مودتي ..
سيتم التحديد باذن الله حاليا اكتب من هاتفي وألاقي صعوبه ..
سيترتب وضعي قريبا ..
.....


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 11-04-2019, 03:58 PM
صورة عيونها..نجلا الرمزية
عيونها..نجلا عيونها..نجلا غير متصل
©؛°¨غرامي مشارك¨°؛©
 
الافتراضي رد: وخلقت من ضلعي الأعوجا& خذني بقايا جروح ارجوك داويني/بقلمي


. البارت الاول

قبيلة آل جلمود
الجده/ نوره ال جلمود
الجد / متوفي
الاولاد
( صخر /عبدالكريم / عبدالله /حصه/ ساره/ حنان)
عائلة صخر
الوليد :38 عام من طليقته ..
سلطان :29
رنا: 27
سمر: 19
عائلة عبدالكريم آل جلمود
ام سعود
سعود : 29
صالح: 27
رانيا:23 متزوجه ولد عمها غازي
عائلة عبدالله آل جلمود ( ابو خالد)
خالد: 30 زوج رانيا
ابتسام: 22
رهف :13
عائلة محمد آل هواري ( ابو صالح)
زوج حصه
حصه:ام صالح
رزان :16
بنت حصه من زواج سابق
الجوهره:27
ساره/ لم تتزوج دكتوره :35
حنان/ معيده في جامعه ومحاظره 27
..........
عائلة سعود ال صاري ( ابو طلال)
سعود متوفي
ميثا متوفيه زوجته ومرضعة الوليد
طلال/33
بسمه: 31
اشواق: 24
.................
ابن عامر جد الوليد من امه
...........
عائلة غازي آل مجفل ( ابو نايف)
ام نايف / غاده زوجة اب ( نجلا وسعد )
نايف : 29
شيهانه : 22
ناصر :3 سنوات
نوره الزوجه الثانيه متوفاه والدة
سعد : 26
نجلا: 20


















الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 11-04-2019, 04:03 PM
صورة عيونها..نجلا الرمزية
عيونها..نجلا عيونها..نجلا غير متصل
©؛°¨غرامي مشارك¨°؛©
 
الافتراضي رد: وخلقت من ضلعي الأعوجا& خذني بقايا جروح ارجوك داويني/بقلمي


. كان بتكلم باسلوب غزلي لايمكن ان يستشف اي مخلوق كمية الخبث وعدم الصدق فيه "وانا اقدر استغنى عنك...ياروحي انا احبك..تفهمين وش معنى احبك يعني مااقدر اعيش حياتي من دونك انتي نصيبي كوني واثقه "

سلطان -حاط رجل على رجل وقاعد على كرسي في مكتب باين عليه الفخامه بدايه من الديكورات والاثاث المكتبي الفخم ،،،
سلطان يرد-ان شاء الله في القريب العاجل بس عندي طلب"وسكت يسمع الرد من الطرف الثاني..وما انتبه ان فيه طرف ثالث يسمع كلامه..

اكمل سلطان "-ودي اشوفك مره ثانيه.. ياعمري..ماارتويت من شوفتك المره الي فاتت .. وابشري بالي يغرقك الين تشبعين "
ضحك بخبث صريح
ضحكه جهوريه
سلطان-الي تبين اناحاضر "
اكمل بابتسامه
سلطان-
" يعني انتي متوقعه من واحد مثلي يكذب!!! ماحبيتها منك انا كلمتي وحده انا ابن صخر "
سلطان"-شوفي انتي تجهزي وانا بمرك " ابتسم بانتصار واكمل
سلطان-" بس اسمعي البسي الي شريت لك "

وفجأه وبدون إنذار سمع صفقة باب من وراه والتفت..

من هول الصدمه والاستنكار صمتّ الجوال وتحرك بضيق وبان عليه الانزعاج والكرهه اليّ حتى ماحاول انه يخفيه ..لان الي كان موجود شخص عجز يتقبله بحياته ورافض فكرة وجوده من اساس
الي جاهم من بعد عمر ومسك كل امورهم الصغيره والكبيره ومع ذلك لم يجد له قبول ،،،
سلطان -" خير ان شاء الله !! للدخول آاداب "
الوليد ...
واقف بكبرياء وعنفوان واصاله وضيق ،،، الى متى يحاول يغبي وينظف وراه !!! يضغط ويضغط كله عشان وصية ابوه وام سلطان !!!
الوليد وهو معصب وماسك نفسه..مايبي يغلط على اخوه من تصرفاته المستهتره-"انت .. ماتملّ... وماتكلّ..

"رد سلطان وكأنه يحاول يخلي الموضوع عادي-"ايش فيه يالوليدواحد ويكلم خطيبته فيها شي" هذي حليلتي !! المستقبليه"
القى عليه الوليد نظره استهجان
الوليد-" انت صاحي !! انت ماعقدت على بنت العرب !! تبي تفضحنا!! سلطاااان!! الين متى تصرفاتك الطايشه !! انت شلون تسمح لنفسك تدخل البيوت من ورا جدرانها !!!
سلطان-"عادي ياخوي اصلا انا اعرفها قبل لاخطبها ولا على بالك اتفاجأ فيها لادخلت عليها ؟؟؟!!!!!!"ذيك الايام ولت،،، ضحك واكمل
سلطان" -الان البنت هي الي تحرص تشوف شريك حياتها "ابتسم باستخفاف كاذب
الوليد وهو يحاول يحافظ على هدوئه
الوليد- "سلطان لما اكلمك ..ترد علي بجديه مو تتمهزا..تفهم ؟؟..وبعدين انت ماتخاف من الله الي تسويه مايجوز..ووشلون تكلمها بدون رابط مجرد حبس وكلام !! احنا وين عايشين" فيه اصول !! ومواجيب فيه شرع الله "
رد سلطان وناظره بحقد واضح
-"اصلا انا واثق ثقه عميا ان مدامتي المستقبليه...شريفه ميه ميه..لاني...مااقدم على شي الا اكون انا اول من يجربه
صرخ الوليد باستهجان -"بس !!!انت ماتستحي..!! وكمل وماقدر يمسك يده عن اخوه رفع يده لياقة ثوبه ويد ساند نفسه فيها ،،،،
الوليد- "انت بتجيب راسنا الارض..اسمع ياسلطان البنت هاذي كان ماتكون بنته..لاعاد تكلمها الين تملك عليها..!! لاتنزل سمعة ابوك بالارض ماتعب ابوك عشان تجي تضيع صيت له سنين يبنيه!! قلعتك انت والي تبي لكن !! الاصول اصول !!وسمعة صخر بن جلمود بتم رايتها مرفوعه وبيضا "
رفع سلطان عينه لخوه "-فكني لو سمحت"
نزل الوليد يده وعينه ماترمش..
سلطان- "بعدين هاذي حياتي ولا حياتك..لاجيت تتزوج سو الي تبي..وسكت وناظر اخوه نظره كريهه وكمل..ولاانت اصلا ماراح تتزوج..مين بتقبل..رجل راح نص عمره تلاحقه حكايا وسوالف الا فضايح الله لايبلانا ،،، خلك عالمسيار ،،، " وفوق كيذا عاجز عقيم
اسودت نظرة الوليد ،،،
وكمل بضحك هستيري
سلطان -واعرج " اساسا مب راضي فيك الا الاشكال الي عندي حرك عيونه بهمز وكمل
" سلطان-ياكثرهم يجون بالاشاره ومثل النحل تحت رجلك اذا تدفع" وانت كريم وهن يستاهلن عشان تحملوك ورضو فيك !! " تفاجأ بكف حامي لف وجهه للجهه الثانيه
الوليد
رفع يده وضرب اخوه وهو يعرف انه وصل لمرحلة ماكان يبي يوصلها !!! معه
الوليد- " اسمع طاريي حياتي يتعذرك لاتجيبه على لسانك والله معد بيشفع لك انك ولد ابوي " ولاتفكر اني عاجز اربيك !! من جديد وبسويها !! واسمعها مني الي تقول خطيبتك مب جاي اخر الشهر الا وانت متزوجها !!! وخلنا نشوف من كلامه يمشي !!! صحيح حياتك مو حياتي ،، انا ان فكرت بيوم اتزوج باخذ الي تستحق تكون لي حليله "
سلطان بهستيريا -" تمد يدك ؟!!! علي انا اصغر عيالك !!!
وضحك باستحقار اي عيال !!! انت عاجز من جميع النواحي ياشايب ال جلمود بتعجز وتموت وحيد لاولد ولا تلد "
سلطان اكمل بضحك هستيري

صرخ الوليد صرخه- " اطلع برا " ماابي اتمادا معك اكثر !!! انا حاشم امك مب عشانك " والبنت هذي بتتزوجها ومالك الاهي وقسماً بالله ان مازوجتك اياها مااكون الوليد "
سلطان -" شي مب بشورك هذا يخصني انا ارميها احجرها اتزوجها اعنسها اربطها احرقها اولا واخيرا يخصني " سكت يناظره برفعة حاجب ينتظر تاثير الكلام عليه..شد الوليد نظرة عينه وكرر
الوليد /" -تخسي الا انت مني سامح لك تفضحنا من سواياك"
سلطان /"- حظ الي بتكون لي هي تاصل !!! .. ولو سمحت احشم نفسك انت تتكلم عن زوجتي المستقبليه "ولا اشوف اساسا ان لك دخل بختياراتي هذي وصية ابوك !!!ترك لك الكرف وترك لي الهنا "
الوليد شد يده بهوجاس ماقد سمع بينهم .،..سوالف خطبه او وصيه لابوه من هالنوع)"،،،،

سلطان -" خلصت حكيك !!! ولعاد تتعرضني مسالة زواجي حياتي انا ابخص بها يكفي تدخلاتك بحياتنا " قالها بحقاره ماهي غريبه عن شخصه سلطان ثاني ولد لصقر ال جلمود لكن للاسف دمار شخصيته والدلال الي صاحبه وسوداوية الحياه والاختيار الي عايشه صنعت منه انسان كريه مسمى رجل لكن بعيد عن الرجوله شكل فقط !!انسان مستهتر لاهي بملذات ماجنه بعيده عن الحياه القويمه ،،،،،،
الوليد" -انت تماديت !!وعزة الله مالك الا هي لاشكالك مين ماكانت بنته"
-الولييييييييييد " صوت يناديه
احتدت نظراته وكتم لسانه وشد بيده على عصاه يبي يتحكم بالغضب الي وصل فيه اقوى مراحله ضغط زر
الوليد بضبط اعصاب " سمي ياام سلطان ،، انا مشغول اكلمك شوي ")
رفع سلطان حاجب ورتب ياقته باصابعه وناظر الوليد

سلطان" -مدة يدك هذي بتدفع ثمنها انت تقول انا نزلت راس ابوي !! لكن انا بعلمك شلون راسك انت الي ينزل كل الهيلمه الي انت عايشها من حقي والمشيخه الي خذتها بدون وجه حق من حقي !!!ورغم كل هذا ،، جاي تتحكم في اسلوب حياتبي اتزوج واطيه اتزوج بنت ناس شي بكيفي !!! " ضحك بسخريه وكمل
سلطان/"" -وعاجبتني اهم شي بدت معي وانتهت معي انا"
قالها وطلع صافق الباب وراه
الوليد ،،،تنفس بقوه يحاول يترك مجال لتدافع انفاسه المتراكمه مشى مرتكز على عصاه بعرج واضح الين جلس بكرسيه،،،
ترك عصاه واسند يدينه فوق مكتبه تحت ذقنه وهو يفكر
بمصايب اخوه الي ماتخلص كل فتره لاحقه بفضيحه عجز ينظف وراه وصل عمره 29 ومازال مستهتر يخطي ويعيد واخرتها وافق شن طبقه !!
لقى الي مثله قطب حواجبه يبي يتذكر وزفر بجهد كلام او سوالف بهذا الموضوع طوال مدة وجوده بينهم ,, هينا ،،،اخذ نفس وهو مقرر انه لازم ينهي موضوعهم ويزوجه لايجيب مصيبه عظمى هذا اعراض مو لعب !!! ،،،،)دام هو راضي في هالشاكله لابد يتحمل اختياره ) .....تنهد وهو يوقع كذا ورقه تخص شركاته بصوت واضح لازم يتاكد من موضوع هالبنت وعيلتهها
،،،،،،،،،،،،،،،،،،،،،،
الوليد


هو اكبر عيال صخر آل جلمود هو المنبوذ سابقاً
والمحبوب لاحقاً ،، تزوج صخر سلطانه وتم معها سنه تم طلاقهم وكانت حامل انجبت الوليد سمته على والدها الوليد ابن عامر رحمة الله عليه نعم الرجل هي وحيدته وكسيرته هي ضلعه الاعوج المغلوب ،،،
،،، تم صخر عقبها تسع سنوات وتزوج جهير ام سلطان وانجب سلطان ورنا وسمر
الوليد تربا عند جده ابن عامر رحمة الله عليه ،،، وصخر تم دافن ولده حي سنوات رغم محاولته انه يجيبه لكن ضغط على نفسه ينفذ رغبة امه ،،، هي الي كانت رافضه قبل وفاتها ،،، هي محبوبته وام ولده الا انه يمثل له غصه يتناسها شيخ قبيلة ال جلمود
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛
هُنا نحنُ ،،،
،،،،،،،،،، لانتسغرب الالم،،،،، فهو يغزو كل كيان لكن نستغرب ،،،،الجحود والنكران ،،،،ونستغرب الاسفاف والحقران الم يكُ من صلبك!! ،،،،الم يكُ من دمك ياصخر !!! لما ،،،،تمثل بعدك عن ذكره بصفة اسمك ياصخر !!! لما تركت الظلم يشمله ايضا الم يكفك قهر سلطانه!!!! ياصخر !!! الم يكفك ،، التهم التي طالتها ،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،
نبذه عن بطلي ،،،،
ابن عامرعُرف بالشده والصلاده وحسن القيام قام بتربية حفيده وقد احسن تربيته فقد اصبح مثال للمراجل يضرب له الف شان هو جعل اسمه يذكر بالمجالس هو ووصل اليى ماوصل اليه بشخصه لا بذكر اسمه ولا عائلته. ،،، التي نبذته،، ترك له جده كامل امواله فأمه كانت الوريثه الوحيده ومن بعدها الوليد ،،،استمر يعمل بصمت ويراقب من بعيد عائلته التي تمثلت باسم والده لم يعلم بالحقد الذي كان مدفوناً في قلبه رغم ان ابن عامر احسن اليه لكن لابد من شيٍ مدفون يحتبس داخل روحه ِ !!! كان فقط يريد ان يعرف لماذا النبذ !! فقط لماذا!! لن يؤذي احدا فقط لماذا ؟؟؟! لماذا يرا والده كالضيف ،،،اخذت الاعوام تمضي وهو يكبر ويكبر شانه الى ان اصبح ذكره يتكرر في مجالس قبيلة آل جلمود ،،، فهل ستنكر ياصخر !!!
لم ينسى ذهابه وهو بعمر الثالثه والعشرين عام الى بيت والده معه جده ابن عامر رغم كل شي قام الشيخ ابن عامر بزيارة ابن جلمود،،،، حيث كان اجتماع قبلي متعارف عليه حظر فيه ابن عامر لاول مره بعد انقطاع.. بصحبة حفيده ابن صخر ... لم ينسى الوليد دخوله ذاك المجلس المكتظ بكبار رؤس مشايخ القبائل حظر وكان محل قبول وترحيب واحترام رغم صغر سنه الا
انه اشعل الفتيل بقوة حظوره مجالس ابن جلمود فجده لم يربي فيه الا الجلد وحب العلم والانجاز والفروسيه والاطلاع ... هناك شاهد والده وقد شاب فيه الوجه ،،قد تكرر عليه هذا الوجه في احلامه ،،، التفت ورأى صبيا يانعا بقربه لاول مره ،،، حيث كان الاجتماع بقصر ابن جلمود وكما وعده ابن عامر وهو يعلم انه قد قرر ان يحضره فماكان منه الا ان اتم وعده ،،
عند دخوله بدات الهمسات والنظرات والترحيب فقد عرف باسمه وهو يمر على كبارية القوم للسلام ،، يمشي بثقة الموت لقبض الروح لن يوقفه اليوم شي لرؤية والده ِ امامه مباشره ومواجهته ،،،، عندما وصل لصدر مجلسه تقدم وعيناه تثقب والده بنظراته الحاده وملامحه الجليه هو ذا اذن صخر ابن جلمود !!! شاهده بالصور وقد لمحه في مجلس جده اكثر من مره ،،، من بعيد لكن ليس كمن ينظر اليه عيناً بعين اخذ يدرس هذا الجبل الشامخ لم يخفى الشبه الجلي ّ في ملامح رسم وجهه المستأسد فقد اخذ منه الوليد هيبة الطول والحضور عرض جسده الفار ع كان ارثه من قبيلة ال جلمود"
عند تقدمه راى عيانا والده وانقباضها قد علم من يكون وهل ذالك خافي ؟؟؟ الم يتابع اخباره بنفسه الم يبحث عن نفسه في رسم ملامح وجهه ...الم يطالب به دوما ،،، لكن منعه ،، ذكرآها فمن هو ليكسر شرطا اشترطته مقابل مسامحته ،،،،في اتهامه وتصديقه ،،،،لااحد يعلم لااحد ،،،
صخر يخاطب نفسه " ليتك تشوفين ولدنا ياسلطانه وكأن وجهها الضاحك يبتسم ابتسامة،،، المنتصر وكأنها اليوم تنتقم ،،،،لرؤية ولدها بين مجلس وحظور اعراب وانساب ابيه ،،، يمتثل بصوره من صور رجال ابن جلمود !!!
قام الوليد بمد يده لابيه وقبلها ونظر لاخيه نظرة اخفاها على عجل ،،، احس بقبضة والده المرتجفه في محضر الرجال
صخر ابن جلمود( مرحبا ياهلا مليون يالله حيه الوليد بن صخر سمي الغالي حيه وحي ابن عامر )
ابن عامر ( حي شانك يابن جلمود)
التفت ابن عامر
مرتقيا بفخر لرؤية اسده حفيده الذي ورث عن والدته هذه الملامح الابيه مع خليط رعونة ابن جلمود
الوليد " حي شانك يابو سلطان!!!!" شدد على كلمته باقتضاب ،،،
مع زحمة الحضور وترقب البعض الا ان هناك ماكان يخفى على الجميع فلم يعلم الجميع سر اختفاء هذا الوليد عن قبيلتهم ،،،الا ان رغبة شيخهم كانت فوق كل اعتبار
صخر ابن جلمود( حيا الله الوليد بن صخر حيا زولك ياولدي )
اقتضب الوليد ( حي شانك وملفاك ) اقتصر رده على هذا الرد
والتفت الى ذالك الصبي الذي يقف فخرا امام والده ،،
ابتسم ابتسامه بطرف شفته بسخريه
" هذا اخوي ؟؟ سلطان اكيد "
رد الصبي " هذا هو يبه ؟؟ هذا اخوي الي مسافر ؟"
ابن جلمود بابتسامه " اي هذا هو اخوك ياسلطان سلم "
لم يخفا على ابن عامر سبب هذا الاجتماع ،،، فله رؤيا ثاقبه ،،مازال يتم الترحيب بعبق العوده والبخور
بين جميع العشائر واخذ الوليد يحذو حذو جده فقد جلس بصدر المجلس ,,,,,,, استوقف الشيخ صخر الوليد

الشيخ صخر وهو يخاطب الوليد بخفوت وصوت واضح -(خلك معي بصدر مجلسي وجنبي )
وتمم كلامه بنظرته الثاقبه المشدده
نظر سلطان باستهجان وهو صبي الثالث عشر لمقعد المسمى اخيه اسماً وليس حظوراً،،،،
تمت الاجتماعات ناجحه ككل مره ،،، وبصدر المجلس ابتدأ الشيخ بن جلمود كلمته ،،،
-( الله يحيي من تعنا ولفانا ،، يشهد الله ان دخلتكم علي كما العيد ،،،واجتماعنا هذا بيكون غير الي سبق ،،، شد على يد الوليد والتفت له وكمل
ابن جلمود-( اليوم رجع لي ولدي عقب غياب بكري واكبر عيالي ولايخفاكم وجوده لكن قدر الله وماشاء فعل ،،، السبب الي خلاني اوافق انه يتربا بعيد ،، وصية امه الشيخه سلطانه بنت ابن عامر الله يرحمها ويحسن مثواها يشهد الله اني راضيٍ عليها وماشفت منها الا بياض الوجه )
الوليد ملامحه بدون اي تعبير جمووووود فراسته وبديهته تخليه يكون متوقع ،،،، ومع هالاعتراف باقي بالقلب شي ينفر !!!و
بينما هو مترقب ويجلس بهدوووء ينتظر فقط متى المواجهه .....
عم المجلس الهدووووء بعد ترديد الرحمه على ام الوليد
اكمل اين جلمود بثبات( انا اليوم اشكر ابن عامر حي قدره ،،، والتفت لوليد
صخر-(واطلب من ولدي السموحه ،،،، والعفو ،،،،) تتالات الهمسات واختلفت الاصوات ،،
اعتذار شخص بمكانة ابن جلمود شي مو هين وبقراراة كل شخص حضر ويسمع اوقنوا ان هذا رد اعتبار لاسباب مغلوطه ومدفونه،،،قام الوليد وباس راس ابوه ويده باحترام
الوليد -( محشوم يابوي .. محشوم)
وقف ابن جلمود واكمل -( اليوم انا وبحضوركم وبموافقة اخواني وباسمي اطلب من ولدي يبقى معي ويكون من بعدي لكم شيخ ويرجع لاهله وعشيرته !!!)
سكت صخر ينتظر الرد ..

الوليد ناظر ابوه وجت عينه على جده بعالي الصوت -( الله يحيي قدرك يابو الوليد ،،، اليوم جيتك واصل ماجيت ابي شيخه ولا رفعه ،،، الله يمد عمرك بالصالحات ،، ويحفظك لنا ،،، لكن انا اعتذر !!! جيت ضيف وبطلع ضيف ،، والله يقدرني على برك ووصلك ماحييت ) تتالات الردود والهتافات مابين مؤيد ومخالف
قبل الوليد راس والده ورجع لمكانه ينهي الاخذ والعطى في رأيه ،،،،
همس ابن عامر" الوليد يابوك ابوك طالبك ،، " شد على يده واكمل
" كون مثل ماربيتك انت نعم الرجل وهذا ابوك والدم مايطلع من اللحم وانسى الي صار لاترجع تعيد وتزيد" رفع الوليد راسه ونظر لجده بهدووء
الوليد" رباتك يابن عامر وين تضيع ،، لكن هو شي بنفسي لازم القا له اجابه ابشر بعزك "" مسك يد جده وشد عليها وباسها ،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،
عوده للحاضر ،،،،،

سلطان دخل جناحه متاففف رمى الكاب وجلس على اقرب كرسي رفع جواله ضغط على نفس الرقم
سلطان يكمل " ايوووا؟؟ نكمل ؟؟ انقطع من عندي جيت مكان اشرح اكلمك منه يابعد حيي"
&&&&&&&&&&&&&&&&&&&&&&&&&&
بمكان ثاني مختلف يبعد بيعدا وبوسط احد الاحياء المتوسطه
كانت قاعده في غرفتها وتحديدا..منسدحه على سريرها..هي قايمه بس تتمطى على مايقلون(يعني كسلانه)التفتت تشوف الساعه..ياالله ياليتني اقدر اكمل نومتي..بستنى اذا نادتني ..ام نايف (مرت ابوها)بقوم
وشوي الا سمعت صوتها النشاز ..زي مايسميه سعد الله يذكره بالخير.."نجلا..نجللللللللللللللللا ووجع انشالله"
نجلا"طيب ..طيب بغسل وانزل.."طلعت من الحمام وعلى طول نزلت تحت
نجلا"هلا خالتي وش تبين"
ام نايف "تخلخلت عظامك..يانجلوه"
نجلا"والله انا احترت وش تبيني اسميك..ان احترمنا و قلناخالتي ماعجب وان قلنا غاده ماعجب..وش تبين بالضبط"
ام نايف "اقول انثبري..بلا هذره زايده..قولي ام نايف ،،وروحي اشرفي عالفطور وحظريه من عرفتك وانتي نوم في نوم !!!! وقولي لشيهانه تجيب الناقص بس انتي الي بتطبخين !؟ وراها اختبارات ،،،وغسلي عبايتي..ولا تناظريني وتنحين..اذلفي سوي الي قلتلك"
نجلا وقفت تتابع كلام ام نايف مرت ابوها زوجته الاولى
نجلا" -طيب يعني شيهانه ماتقدر!!! تغسلها!!!خلي الطبخ بس اغسل عبايتك انا ليه !!؟
ام نايف باستهجان -"( حره انا كيذا وش عندك غير الراحه اشتغلي تسنعي ومالك دخل بشيهانه !!! )
نجلا رفعت حاجب ردت -اتسنع بغسيل عبايه !!!) ياخاله انتي منجدك )ابتسمت بتمهزي بسيط ،،،
تصرفها نرفز ام نايف
ام نايف -( ان شاء الله اكب الرمل وتجمعينه بيدك حبه حبه بكيفي ) واغسليها بيدك جعل ياكلها الدود)
تنهدت نجلا ماتبي توجع راسها معها هي بالها طويل ومشت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) 11-04-2019, 04:16 PM
صورة عيونها..نجلا الرمزية
عيونها..نجلا عيونها..نجلا غير متصل
©؛°¨غرامي مشارك¨°؛©
 
الافتراضي رد: وخلقت من ضلعي الأعوجا& خذني بقايا جروح ارجوك داويني/بقلمي


. راحت نجلا وام نايف تناظرها بحسد وغيره وتحاكي خاطرها ..الله لو هالزين على بنتي والله ماحصلها الا انتي يا نجلا بتاخذين ولد العزوالخير وبتعيشين..في نعمه..

"ماااااااااما..ماااااااااما"
ام نايف "طيب ..يانصوري ماما جايه..انجيله..بروح لناصر واجي واشوف الفطور قدامي"
نجلا وهي في المطبخ عينها تطوف بالمواعين الي تراكمت خلال ساعات الليل ،،، وتهمس "يالله صباح خير البنات في بيت ابوهم معززات..وانا اقوم اكرف..بس معليه كلها فتره ....وياخذني سلطان...آآآآآه ياسلطان"ابتسمت بغبطه
التفت لحركه وراها شافت اختها الي تكبرها بسنتين عندها ثلاث اخوان من ابوها نايف 29 وشيهانه 22وناصر اخر العنقود 3سنين)،، واخوها سعد 26 ،،من امها وابوها ،،، هذا غير الجميع هذا دمه ودمها واحد ،،،
نجلا -( شرفتي اخيرا زين صحيتي بدري ... )
شيهانه- ( يالله صباح خير والي يجلس بذا البيت يعرف ينام)!!ازعجتونا .. ياحبك لمرادد امي ماتتعبين )
نجلا برقعة حاجب -( ماتعرفين امك!!!؟؟ شيهانه قولي كلمة حق ،،، ولا اصلا انتي يستحيل تشهدين عليها ،، ) كملت وهي تبدا تحوس بالمطبخ
نجلا-( امك تقولك اطلعي مع نايف جيبي الناقص )
شيهانه-( وش تبيني مني اقول انتي تشوفيني انا بنفسي كافيه خيري شري )!!
تنهدت نجلا والصحون اتخابط بين يدها -( مابي شي منك خلاص راح الغالي ،، وش اكثر من كيذا !!!) وسكتت تاركه
اختها تنتهد بصمت
شيهانه( انتي لو تتركين العناد والمرادد فانتي بخير ،، تراها زي امك )
شهقت نجلا باستنكار ( لا والله اي ام تخلي بنتها تكرف ليل نهار هذي انتي مرتاحه ماتسوين شي كلشي علي انا !!!!!! شيهانه!!؟ الظليمه شينه انتي زيها بعد تسببتي على سعد وخليتها تجبرني اترك دراستي وانتي تكملين )
شيهانه بتهرب-( اوووووووووه كل طاري انتي وانتي نجلا هذا فعايل يديك انتي لاتحملينا اغلاطك )!!!

نجلا بتنهيد ممل ( الله يعين ،،، خلاص قصريها سالفه وخليني ،،) وتمتمت يعني مب ظلم ...انتو تشوفون كل شي وبرضه تسكتون واذا ابوي سالكم تسكتون!!!!) شيهانه(كملي كملي لاتجيبين لنفسك الكلام )
اعطتها نجلا نظره بدون ملامح ،،،
وبنفسها تفكر تحسب يقدرون يكسروني هيهات !!! خلاص هانت يانجول ،،،، اه بس لو سعد لو اشوفك وحشتني،،،،

واشرفت على تجهيز الفطور وحطته في الصاله وراحت جناح مرت ابوها تاخذ عباية مرت ابوها تغسلها وهي في الحمام الخارجي قاعده تعصر العبايه من المويه عشان تحطها في النشافه.. يعني بالله من صدقها كل شي متوفر واغسلها بيدي !!؟ الله من شي ٍ بقلبك علي يامرت ابوي ،،،،ماانتبهت لخوها الصغير نصوري
التفتت نجلا- "ياالله وش جابك انت..الله يعينا على امك بتشرشحنا.." ضحكت بغمزه
نصوري"العب مويه"
نجلا" -دخيلتك نصوري لاتجي المووويه لااااااا"

نجلا ماتدري هي تضحك ولا تخاف.قالت بهمس ضاحك." -يعني وش بيرحني من كلام امك الحين ""
بلل نفسه بطشت الصابون والله يستر كانت تبي تشيله الا ودخلت ام نايف
تناظر نجلا بعيونها الي تنطق شرر ابدا هالانسانه ماتقدر تشوف نجلا تضحك وتتم ساكته ابدا ،،،، تذكرها بحرة الضره وقهرها ولا في يوم راح تنسى ايام امها راحت وتركت هالاثنين عله على قلبها ،،،
ام نايف "-الله ياخذك يا انجيله..ياجعلي اشوف فيك يوم..
يابنت .."
صرخت نجلا"-لا كلش ال امي ..معليه ياام نايف انا ماانتبهت الا وهو في الطشت"
ام نايف -( لاولك عين تتكلمين..بعد ا!!!"دخلت تاخذ نصوري ودفتها وعشان الحمام كله صابون مطرطش من الطشت زلقت نجلا


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 28
قديم(ـة) 11-04-2019, 04:18 PM
صورة عيونها..نجلا الرمزية
عيونها..نجلا عيونها..نجلا غير متصل
©؛°¨غرامي مشارك¨°؛©
 
الافتراضي رد: وخلقت من ضلعي الأعوجا& خذني بقايا جروح ارجوك داويني/بقلمي


. نجلا-"آآه"
ام نايف- "احسن ياليتك تتكسرين عشان مايلقى فيك ولد الحسب شي..ويرميك "
نجلا ماقدرت تتحمل حقدها وكرهها ودعاها وقالت والعبره خانقتها
"نجلا-حرام عليك انا وش سويت عشان هذا كله..ليه تكرهينا..اخوي وخليتي ابوي يطرده..و"ماتحملت وانهارت تصيح متى ياسلطان تاخذني...
"ام نايف- ("بكيفي انا حره ..وتابعت انا اصلا الود ودي تذلفين عن عيني الله يلحققك امك وعقبال ماتطلعين وترجعين مهيونه" لو الشور لي زوجته شيهانه !!!
نجلا من بين دموعها"-ياالله وش كثر انتي حقوده......"وعت ويدها على خدها ..الم..والم من قوة الصفعه
ام نايف "-اص ولا كلمه..لا تخليني اشب النار بينك وبين ابوك لاجا..كملي شغلك واذلفي فوق رتبي جناحي ولا اشوفك قدام وجهي"خذت ناصر الي كان ماسك ببجامة نجلا ويصيح كأنه يعترض..وطلعت
اما نجلا عجزت تتحمل صفقت باب الحمام وركضت ركض غرفتها. الي اخر السيب مخبأها ،،، رغم كبر الغرف تفضلت عليها مرت ابوها بهالغرفه .وسكرت الباب عليها..
نجلا"هانت..هانت يانجلا الي خلاك تصبرين قبل يصبرك الحين.."رفعت يدها وتلمست خدها الاحمر وراحت للمرايه وشافت الاثر..عيونها تلاقت "لا يانجلا الي خلاك تصبرين اول راح الي كان يمسح دموعك راح وماتدرين وين اراضيه..سعد،،

نجلا..مرت عليها ذكرى ذاك اليوم الي حرمها من ظهرها الي تشكيله..من ظلم مرت ابوها..حتى هو ماسلم..بس كان يطيب خاطرها..طلع قبل سنتين واخر مره شافته قبل اربع شهور ،، ياترا وينك ..ياسعد

حتى دراستها ماخلتها تكملها..
حرمها ابوها منها بسببها..
"تدري يبه ان الظلم حاصل وتسكت ..وتظلمنا واحنا عيالك..آآآه..يبه آههههه"قربت من شباك غرفتها وعقلها يستذكر ذكرى اليمه لمكان وصلت له نظرات عينها,,,,,,,,,,,,,,,,,,,,,,,,,,,,,
قبل سنتين،،،وبظهيرة احد الايام،،
رنت الجرس..هي وشيهانه ،،وفتح الباب اخوها نايف وسحبها من يدها..وسكر الباب فكت غطاها نجلا
"وش فيه” "التفتت وشافت ام نايف وعرفت ان المشاكل جايه
نايف معصب مسك شعرها وجرها"-تعالي ياقليلة التربايه..صحيح ابوي عجز يربيك .."
نجلا-"ليه هالكلام نايف ..وش صار"
ام نايف "-ولك عين بعد..ام حسن جارتنا..كلمتنا تتوذى وتقول ان السيارات يلاحقون باص المدرسه"وسكتت تشوف تعبير نجلا الي مازال مستنكر نجلا التفتت لشيهانه اختها من ابوها شافت عينها تبعد عنها عضت شفتها ،، تدري ماراح تساعدها زي كل مره وتدري انها بتواجه هالغضب والظلم لحالها زي كل مره
نجلا"-وانا وش دخلني..اروح في حالي واجي في حالي"
ام نايف - "وش الي وش دخلك بنتها تقول انك تكشفين ومن تشوف السيارات طلتك البهيه..تأشرين لهم فضحتينا .."
نجلا ويد اخوها وصريخه يقطع عنها الصوت "-اص..اسكتي ولا كلمه زياده..واشرت بصبعها على نفسها..مو انا ..مو انا الي تسوي هالسواة..انااشرف من عشره من امثالكم كلكم ..ماوعت الا وكف حامي على خدها طيرها من مكانها التفتت وشافت اخوها جاي لها ويسحب طرحتها ،،، عشان توصل يده اكثر لخدها ،،،
نجلا بهلع تحاول تفك يده واليد الثانيه ماسكه خدها
"-ليه ليه يبمسكت خدها والعبره تهزها هز..ليه تصدقها..ليه..هاذولا بنات الله يستر عليهم.."


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 29
قديم(ـة) 11-04-2019, 04:29 PM
صورة عيونها..نجلا الرمزية
عيونها..نجلا عيونها..نجلا غير متصل
©؛°¨غرامي مشارك¨°؛©
 
الافتراضي رد: وخلقت من ضلعي الأعوجا& خذني بقايا جروح ارجوك داويني/بقلمي


. نايف بصراخ شل حركتها يسحبها "-بس لاتكذبين"..ادخلي واقصري حسك ياا؛؟؟؟ ) كان يصارخ
ام نايف -" شفت ياولدي شفت مب قلت لكم قبل بتفضحنا ضفو اختكم ياما قلت لابوك ..لاتزعل نفسك..خلها تقعد بلاها المدرسه الي بتجيب لنا الكلام"
نجلا تحاول تفك يده وتلتفت عينها تدور شيهانه صحيح هي حياديه وشخصيتها ضعيفه بس ترحم ،،،
نجلا بهمس -( شيهههههههانه انا سويت ؟؟) شيهانه ردي ردي لاتسكتين انا اختك الصغيره من لي غيرك )
ام نايف- "لاتدخلين بنتي في شي بنتي بريه من فعايلك الي بتشيب راس ابوك .."
صرخت نحلا وهي تسحب نفسها من يد نايف
-( لاااااا انا الصح وانتم الغلط ،،،)
التفتت لنايف
نجلا تنتفس وعباراتها تتماسك من القهر
-( نايف !!؟ الين متى ياخوي امك تكرهنا لكن انتو ليه تجارونها بكذبها )
جاها كف ثاني "-وترادين قدامي"..تخسين وتعقبين )امي كذابه !!! هاه امي كذابه ) ويضرب..ويضرب
نجلا"-خلاص نايف ارحمني ارجاك ارحمني وموتني..بس لا تضربني لاتضرب !!"بكت وبكت وهي تتلوى تحاول تتحاشى ضربات اخوها الكبير الي بغته عون وجاها فرعون يدها تتحرك يمين ويسار تحاول تسبق الضربات طاحت على ركبها وانفلتت شنطتها وعبايتها
نجلا برجا وهي تشوف اختها تناظر وتبعد عينها بهدوووء
نجلا بصرخه- "خلاص نايف "
الابدخلة سعد..ركض بسرعه وجا بينها وبين اخوه
سعد"-تعوذ من ابليس نايف وش صار
نايف- "وخر خلني اربيها..خلت الناس يتشمتون فينا ويجيبون سيرتنا"
سعد-"التفت لاخته ..نجلا علميني وانا اخوك "
نجلا"-ماسار ..ماسار ياخوي ..كل الكلام الي يقولونه كذب"عينه عليها اخته واقرب له من وريده وشريانه..هو الي عارفها وعارف ان الكلام مو صحيح من غير ما يسأل..
سعد ونجلا من ام وحده هم اولاد الزوجه الثانيه توفت امهم بعد ولادة نجلا وجابهم ابوهم لبيته ،،، يتربون مع عياله ام نجلا وسعد يتيمة الام ثم الاب ،،،،
نايف "-نزلت راسي الارض وخر خلني اشفي غليلي..وصارخ..وخر اقولك"
سعد وهو يترجاه"-علمني وش سوت"
نايف-"-خلت الشباب يلحقون الباص وتسببت على بنات الناس..وتكذب بعد..ابعد.".وقام نايف يدزه ويبعده من قدامه عشان يوصلها
سعد باستنكار كل شي يتوقعه الا احد يجيب طاري اخته بالشينه هذي نجلا هو يعرفها اكثر منهم كلهم ،،،،
سعد باستنكار وعصبيه "-لا يانااايف!! ..اختي مافي مثلها ..نجلا الشرف يقولها تعالي اقعدي مكاني"..حط عيونه في عين اخوه "- انا ربيت معها اعرف اختي انا ربيتها..ونجلا ماتسويها"نايف يبعده بكف ،،،،عطاه صفعه..خلخلت عظامه
سعد"-ناااااايف!!!! تضربني..مسك نفسه لايضعف قدام اخته..بس القلب فاض من كثر تجريحه..وكثر الدق يوجع..
ام نايف "-اصلا انت مدلعها..وماخربها الاانت" نايف يامك خلاص لايجي ابوكم الحين كفايه فضايح )
سعد"-لاتدخلين"
كان يصارخ من حر مايوجع
نايف "-انا اضربك واكسر راسك يالي ماتستحي..وترد على خالتك قدامي..وامي قدامي !!!! ) قام يدفدف فيه
وتماسكو باليدين
نجلا انتفضت قايمه ممكن تتحمل هي كل شي في سبيل عزة اخوها الي حست انهم راح يكسرونها اليوم
نجلا"-لا لا نايف لا يانايف تكفى خله ..انا خلاص ماني رايحه خلااااااااااااااص ) قامت تحاول تباعدهم وتمسك يد اخوها وهي تسمع صوت ام نايف
تدعي وتزبد وترعد
هي فقط كانت تحاول تبعدهم غمضت عينها مابي اليد حيله تعودنا ياختك تحاول تسحبه معها
نجلا-( نايف اترك سعد يانايف بسوي الي تبون اتركوا اخوي )
وبغمضة عين صار اندفاع طاحت منه وطاح نايف ورفع يده يمسك راسه المدمي وهو يتنفس بقوه
وقف سعد وعيونه شرار
سعد-( هذي اختي ؟!!!! انا !!! لااسمع فيكم واحد يغلط !!! )
رجع نايف بكل قوته يدفه وصوت ام نايف وصراخ شيهانه
ام نايف-( حسبي الله عليكم من ذر تمد يدك على اخوك ،، الله حسيبكم يالذر الاقشر ،،، اطلع من بيتي اطلع من عيالي )
استمر نايف يدف سعد ونجلا قامت يسرعه بينهم
سحبها نايف من شعرها
نايف -( انتي انقلعي ادخلي داخل حسابك بعدين )ياسويدة الوجه)
نجلا ترفع اناملها ليده تبي اخفف الشد
سعد يركض يدور شي يبي يضرب اخوه فيه ويفك يده منها لقط حديده ،، وجاي راكض
ومدها


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 30
قديم(ـة) 11-04-2019, 04:33 PM
صورة عيونها..نجلا الرمزية
عيونها..نجلا عيونها..نجلا غير متصل
©؛°¨غرامي مشارك¨°؛©
 
الافتراضي رد: وخلقت من ضلعي الأعوجا& خذني بقايا جروح ارجوك داويني/بقلمي


. سعد يركض يدور شي يبي يضرب اخوه فيه ويفك يده منها لقط حديده ،، وجاي راكض
ومدها
سحب نايف يده بدخله ابوهم
راحت نجلا بسرعه لسعد خذت الحديده رمتها وراها والتفتت لابوها وهي تشدد يد سعد وتسمع وعيد ام نايف وصراخها واتهاماتها لهم شدت يد سعد يسكت ماتبي يصير شي اكبر
نجلا بهمس -( خلاص اخوي انا مني رايحه اسكت تكفا اسكت ) سمعت انفاسه
سعد-( يبه !! ولدك هذا ومرتك لاتمد يدها على اختي !!! والله لاكسرها لهم ) تنفس بقوه
ابو نايف -( يالله خير ،، يعني انا ماخلص منكم ومن مشاكلكم انا الي فييني كافيني ،،، )
سعد -( لايمدون يدهم يبه لايمدون )
نايف- ( يرضيك بنتك تسود وجهك وين اودي وجهي بذا الحاره !!! بنتك خلت سيرتنا على كل لسان )
اكمل نايف- ( وين ولد خويك ذا الي بيتزوجها ياخذها لاتجيب فينا العيد ولا شكلهم سبحو عليها !!! ) التفت لابوه
نايف-( زوجها يبه لازم هالناس يعني زوجها وفكنا خلها تذلف بذمة رجال يربيها )
سعد -( تخسى الا انت ،، اختي ماتتزوج الا برضاها ولاتحكمونها ،،، انتم ) مسك سعد يدها وشد اكثر
ام نايف-( انت اساس الخراب !!! انت مقوي شوكتها !!! البنت فلتانه ،، والعياذ بالله )
صرخ سعد منكر يعيد ويزيد
سعد -( انتي لاتددخلين !!!!! لاتدخلين !!! اساس البلا فيككم انتم اختي اشرف منك ومن بنتك)
جته صفعه من ابوه بستهجان
مسك خده سعد ،،
ام نايف- ( يرضيك يابونايف لمتى نربي ونكبر ونلقى هالكلام انا ام عيالك ينقالي هالكلام حسبي الله ونعم الوكيل ) اخذ صوتها يتخبط صياح شيهانه تركت المكان من زمان )
ابو نايف -( اطلع من بيتي )
شهقت نجلا-( لااااا لالااا يبه ركضت تبوس يده وسحب شعرها نايف )
نايف -( انتي تنطقين هينا )
نجلا- (اه اه وخر عني وخر ابوووووووووووووووووي !!!! لايطلع سعد ابوووووووي لا يطلع اخوي لايروح انا بجلس بلاها مدرسه )مسك نايف رسغها بقوه
ابو نايف رفع اصبعه-( البيت الي ماتحشم راعيته واهله اطلع منه بيتي يتعذرك !!! )
نجلا ببكااااء مرررير-( لالا تكفى يبه )
نايف- ( انطمي ولا كلمه ) دفها تدخل وعينها على ظهر سعد
نايف -( اخوك العاق ذا بيطلع من بيتنا ومن بيفكك مني يانجلوه)
نايف -(اطلع برا خل الشوارع تربيككانك ماتربيت !!!!)
سعد -( يبه يتهمون اختي اسكت شلون..)
ام نايف- ( ماتبلينا الجيران شهود ) التفت لابو نايف
ام نايف-( قلت لك خلنا نزوجها وش كثر طلابها جت على هالعالم الي متمسك فيهم )
رجع نايف- ( ماطلعت طس طساس )
سعد رفع عينه لابوه بقهر ينتظر بصيص امل
سعد -( يبه ماتخاف العقوبه !!!)
رفع ابو نايف عينه- ( انا تعلمني الخوف من الله !!!) وصلت فيك انت تعلمني ) جر ذراعه بقوه وسحبه يطلعه من الباب
ابو نايف- ( اطلع لابارك الله في اليوم الي جبتك فيه ) اتعبتوني من جيتو وانتم مشاكل اشغلتوني )كمل بصراخ
ابو نايف-( اطلع !!!!! ان عرفت قدر عمتك واخوك وابوك خلني اشوفك )
سعد التفت لهم كلهم- ( لو تدفنوني حي ماارجع لكم ولا عشانكم ان رجعت برجع اخذ نجلا منكم ) حرك راسه وجمع كتبه وهو يشوفها من بعيد تسمعه وتصيح تبادل نظرات معها مئلوفه مو غريبه هذي نظراتهم لبعض دايم
بس هالمره غير غير هالمره بيطلع ،،،
نجلا بهمس (يانبضة القلب ياخوي )
همستها بشفايفها وكان اخر شي تشوفه ظهره وصوت الباب ينصق من وراه ،،،
نزلت عبرات نجلا وهلت دمعها وهي تشوف اخوها ومصبرها بيروح.. زادت شهقاتها الي كانت تدفنها عشان ماينقهر اكثر واكثر تركت مكانها وحركت راساها تطرد هالذكرى المريره ،،،
تنهدت وغمضت عينها وجلست بطرف سريها وهي تناظر وجهها بالمرايا
تفكر ،،، اش المصيبه الي بتجيها
&&&&&&&&&&&&&&&&&&&&&&&&&&&&&&

انسمع صوت جوال ام نايف
غاده"الو"
ام حسن-"السلام عليكم"
غاده"-وعليكم السلام ورحمة الله..هلا ام حسن"
"ياكافي ..كل هذا عشان تردون..وينك عن جوالك "
غاده"-وينا يعني اكيد لاهيه مع هالعله الي عندي"
ام حسن-"مين نجلا ؟؟الا قولي القمر الي عندي"
غاده-"لاتحريني تراها واصله معي ،،، "

ام حسن-"وش ذا كله وش سوت"
غاده"-تحرني..تحرني كل شي تسويه يقهرني. كل شي فيها يذكرني باأمها ويوم زواج رجلي جتني عله بحياتها ووبعد موتها نشبتتي بعيالها .."
ام حسن"-والله ياام نايف ..بصراحهه العلم انك تغارين منها"
ام نايف "-إيش..إيش...عيدي وش قلتي؟؟..انا اغار من هالزفت ،، يارب لك الحمد الله رازقني بنت ولا كل البنات "
ام حسن"-هههههههههههه طيب طيب ماتغارين"ام حسن تدري ان غاده ماتغار وبس الا تموت من الغيره..وكل الجيران والمعارف عارفين بذا الشي..لان نجلا مو جميله فقط !! لكن صوره مصوره مبدعه .. طول وجسم ريان وشعر يغطي متونها عجزت تقصقص فيه ام نايف وبياضها الي تشرأب فيه العيون ورسمة عينها سم الله عليها..رموش من طولها معكوفه..ولا العين سبحان من رسم هالعين ..وساع ومكحوله..وعلا اسمها نجلا ..عيونها نجلا..والخشم ناعم مرتكز ..ورسمة الشفه.......وهذا كله..وهي صغيره..اجل لا كبرت..كم سنه وش بتسير....مع ان ام نايف عندها بنت لكن ماتجي طرف بنت طبينتها ،،،،
ام نايف "-ام حسن انتي معي ؟؟"
ام حسن-"هههها ايه معك معك.."
غاده "-لا والله منتي معي اقولك انا مغبونه انها بتاخذ ولد ال جلمود ليه مو بنتي !!بنتي اكبر منها واعقل وينك !!؟؟ وراني اعيد الكلام ..وما تردين علي"
ام حسن-"وسعي صدرك ياشيخه..والله انا من قبل قايلتن لك لو انكم معطينا ايها لولدي حسن والله انه زينة الشباب..وبعدين تراهم ناس كباريه يعني لا منكم ولافيكم"
ام نايف-( ليته على ذولا بس ابونا يمسك راسه من كثر مايطلبونها الين قطعها عليهم وقال حابسها ولد الشيخ صخر")
ام حسن"-ليه من الي عينه عليها بعد؟؟"
ام نايف- باستهجان ردت "اخوي عادل" ولو بكيفي عطيته اياها خل يشكمها !!)
ام حسن"-الله يهديك اخوك هالشايب ماغيره..حرام عليكم)
ام نايف" -ليه حرام!!؟؟؟؟ هذي امها خذت رجلي وهو وش كبره وش فرقها عن امها !!! الا بتاخذ عقله مثل امها الله لايوفقها !!)
ام حسن "-طب انتي شوفي يمكن ابوها يغير رايه"
ام نايف باستنكار-"ههههههههههههههههههه.."
ام حسن- "وش فيك انا قلت شي يضحك"
ام نايف"-ياعيوني ابوها وده انه يزوجها له اليوم قبل بكره..علا كلامه ..والي احسه..انه ماصدق يوم قال خويه ابوسلطان..ترى نجلا لسلطان..انا ماقلتلك عن هالسالفه.اييييييييييه يازمان مضا ايام العز والرخا سبحانه الحال مايدوم !!!.؟؟"
ام حسن"-لاوالله اتحفيني ،،،،، وش جاب طاري ذيك الايام"
ام نايف- "اجل اسمعي ياطويلة العمر قبل تغير الاحوال ابونا وابو سلطان اشتغلو سوا قبل الخساير الي نكبتنا فيها ام هالمناحيس ،، حملت بسعد وشرف !!! ومنعوها الدكاتره تحمل عشانه خطر عليها وام المقروده بعد سوء الاوضاع حملت شفتي الخباثه والعناد تحسب فيه ورث يتقسم لهالمناحيس الي عندي طالعه عليها ماجنن ابونا الا هي سالبه عقله يام حسن ،،، ونفس كلام الدكاتره طلبو منها تجهض ببداية الحمل ورفضت عيت تنزله حتى اذكر ابو نايف اغتم ياشين ذيك الليالي الله لايذكرها بالخير ووقت الولاده جاها نزيف خبرك بعد سوء الاحوال وابو نايف نصى خويه ابو سلطان ونقلها ابو سلطان على حسابه لكن بعد ايش !! توفت من النزف وصار معها تسمم وقف معه ابو سلطان الين جت المقروده وقال ابونايف لابو سلطان هذي بنتك سمها انت سماها نجلا وجه النحس وكم مرا زارنا هينا وشافها وزرناهم اذكر اخر مره قبل 15 سنه ،، وطلب ابو نايف تكون من نصيب سلطان ولده من كثر مايبه ابو نايف عطاه وقال تم وهذانا الين يومك الرجال مات وشبع موت وماجانا خبر منهم مغير السوالف الي تسمعون)
ام حسن- ( والله قطعتي قليبي ،، وراحت وخلت عيالها ياقلب الام ماقدرت تجهض جنيّنها)
ام نايف -( الله لايردها من جابتها واحنا ماعينا خير ابونا في ديون بعنا كل شي وشانت اوضاعنا حسبي الله ونعم الوكيل اجل انا اترك بيتي بعد العز والراحه)

ام حسن -( ياكافي هذاك بخير الحين الحمد الله مافي شي يدوم يابنت الحلال !!...قولي الحمد الله والميت ماتجوز عليه غير الرحمه،، الله يرحمها )
ام نايف -( مقدر اذكرها بالخير هذي دخلت على طمع وفرقت بيتي والله انصفني وخذاها ،، والحين بتناشب بنتي حتى بالحظ الزين كم مره قلت لابو نايف اذا جا الجد عطهم شيهانه بس مايبي يقول كلمتي وحده )
ردت بقهر وغبينه
ام حسن بتوجس قالت-(عاد ولدي حسن مايمدح ولدهم سلطان !! بس شيخهم الحين صيته واصل ،، ولده الي كان غايب )
شهقت ام نايف -( بالله الله يبشرك بالخير )
ام حسن-( انتهي انهبلتي اقولك مايمدح الرجال وتفرحين )
ام نايف- ( ياجعلها ترجع مكسوره فيها عنجهيه هالبنت وشوفة نفس مهما حاولت اكتمها الا ماتسوي الي ابي عكس شيهانه !!!)
ام حسن-( يام نايف يقول والله لعاب وراعي بنيت وزواج مسيار)
ام نايف بفرحه وحبور-( منجدك !!! توك تعلميني !!! هذي العلوم الي تسر ياجعلها حوبتي اي هذي حوبتي الظليمه شينه ياام حسن )
ام حسن ردت ناكره-( اي حوبه والمره اصلا تمت مع الرجال كم سنه وراحت كافيه خيرها شرها )
ام نايف -( لييييييه !!!! دخلتها علي هينه !!! شوفتي لرجلي طايرن بها هينه الله لايسعد لها قلب هالبنت الي مثل امها مقويه يام حسن مقويه لكن معليه ننتظر نشوف !!)
كملت ام نايف -( واصلا ماتلوق لهم هالمنتوفه حلاة الثوب رقعته منهو فيه والله اني اقول لابوها زوجها من عيال قيبلتنا ابرك بس رافض لكن دام هذي علوم عريس العز فوافق شن طبقه والله حسيب من ظلمني !! يالله ياربي ترجع لي مهيونه عشان اعرف اكسر راسها مغير طايرتن بذا النسب وتماري به لاهي من عوايدهم ولا من مواخيذهم !!!المهم المهم اتركينا من طاريها الي لاحقني !!! )
ام حسن- ( الله يصلح الحال !!)
سمعت ام نايف صوت الجرس
ام نايف-( هذا جرسنا يدق خل اقوم الحق واتجهز اكيد ابونا )
ام حسن -( يووو نسيت اقولك انا راسلتن شغالتي تروح تقضي اغراض وتمركم عطيها اغراضي الي عندك الله يحفظك،،، ولاتنسين جمعة ام سليمان)
ام نايف- ( مجهزتهم زين يلا اشوف فمان الله ) ام حسن!؟؟؟؟
ام حسن-( ايييه هلا )
ام نايف -( نبههي ولدك لايجيب طاري لنايف عن هالعالم اسبطي )
ام حسن-( الله يعين عليك يام نايف متى ترحمين هالبنت ،، اكيد ابوها بيسال عنه ؟؟)
ضحكت ام نايف -( ابوها طاير بالعجه يالله ان تخلف،،،، وكملت -( يالله فمان الله )
ام ناييف_شيهانه ..
(روحي نادي نجلا خل تنزل اعجلي وين عبايتي !!! )


نجلا

قاعده في زاويه علا سريرها وثانيه رجولها ..وذقنها علا ركبها..تمسح دموعها الي عيت تجف..سمعت الصراخ وجرت رجلها وطلعت عاالحمام تغسل وجهها
ام نايف "ياااااااااازفت الي فوق .......بتنزلين ولا اجي اجرك من شعرك.."
بصوت مكتوم- "طيب خلا ص سمعت"....انزلي يانجلا واتقي شرها...الله يذكر ايامك بالخير ياخوي ياترى وينك فيه؟؟؟؟؟؟ويجيبك..ياسلطان وتخلصني من هالغلب الي انا عايشه فيه.....

،،،،،،،،،،،،،،،،،،،،،،،،،،،،،،،،،،،،،،،،،،،،،،،
سلطان"-لا..لا...ماراح ارضى الا لما اشوفك مره ثانيه...فكري يا عمري ....وكلميني....بآآآآآآآي"
سكر الجوال وطفى محركات سيارته
لانه كان واقف عند( ستار بكس كافيه)
احمد-"هلا ..هلا وين الناس صيفت"
سلطان-"ياحبيبي انا ماني فاضيلك.."
احمد"-افا..افا..عليك الحين تستغنى عنا ؟؟ولا من لقى احبابه نسى اصحابه.."
سلطان-"ايوووه انت قلتها لاهي مع حببيبة البي"
احمد"ههههههههه ياخي ماشبعت من اللعب تراك خاطب.."
سلطان-"عادي ....يعني انت تضن..اني بتغير واكسر خاطر حبيبتي.......لا مخطي"
احمد"-ايه ايه ..ماعليه بكره لاعرست يتغير كلامك"
سلطان-"لا ياحبيبي لسه ماخلقت الي تمشي سلطان علا كيفها"
احمد-"ويوم انك عارف نفسك ليه تظلم بنت الناس معك.."
سلطان باستعلاء "-اظلمها؟؟؟؟؟؟؟تحمد ربها ليل ونهار.. مين يحصلها تاخذ ولد ب جلمود..وابوها ..حتى لو اعيشها في زريبه..راضي"
احمد"-علا سالفة عيال بن جلمود ..اخبار اخوك الجديد"
سلطان- "اسكت اسكت تلاقطت انا والوليد..ونشبلي .."
احمد"وبعدين"
سلطان-"ولا قبلين..طنشته ..كالعاده..وقفلها سيره الله يرضى عليك..لاتسد نفسي اكثر من كيذا خلني اطلب"
احمد-"ههههههههههههه ماقصرت فطرت علا صوت حبيبتك"
سلطان"-ييييييييييييييالبى حبيبتي..خلني اوريك ايها مير"
ناول سلطان احمد.. جواله ونادى القرصون..وطلب..
احمد"-ول ول عليك ياسلطان..وين تحصل هالاشكال"
سلطان"ههههههه...قول ماشالله مالت عليك..وبعدين شوف انت تتكلم مع مين..انا سلطان والاجر علا الله"

سلطان مره مغرور بجمال تقاسيمه ..ومايلام لانه كان ووووووسيم وهكذا اغلب شباب قبيلته طول ورزه وكل البنات الي يشوفونه يتهافتون عليه..وعلا العموم هاذي ميزة عيال ال جملود

احمد"-اقول بس..تراك زودتها..من جيت وانت انا وانا.."
اقبل عليهم واحد شكلهم وشاكلتهم...
عبدالله"-اهلين بالشباب"
احمدوسلطان سوى"هلابك"
عبدالله يناظر سلطان"-والله يالحبيب عندي لك علووووووووم"
سلطان-"هههههههها وش عندك؟؟بتعرفني علا قمر؟؟؟؟؟"
عبدالله واحمد"-هههههههههه"
نايف "-لا جايبلك ..علوم عن اخوك الوليد!!"
سلطان بضيقه"-اخييييييييييييييه..مالت عليك..علا بالك جايب الذيب من ذيله"
عبدالله"-اخبار ماتتوقعها؟؟"
سلطان-"وهالفقران يجي وراه اخبار" جاينا عقب هالعمر يناشبنا !!!)
عبدالله باستنكار واضح-"فقراااااان..والله مافقران الاانت!!اخوك ياحبيبي..ملياردير"سكت عبدالله يبغى يشوف تأثير كلامه على سلطان...
سلطان"-اييييييييييييش؟؟ومنين انشالله..الظاهر انك خرفت"
عبدالله "(-والله انت المخرف ..تعرف محلاتRamasللالماس"
سلطان"-وش دخل اخوي في الالماس"
نايف"-وش دخل اخوك في الالماس؟؟؟؟؟؟؟؟ هاذي ملك اخوك يافارس زمانك"
سلطان مصدوم..
وكمل عبدالله"-وتعرف شركات الجاسر الي ماليه البلد..وهينا ماعطى نايف سلطان فرصه يرد..هاذي لخوك ياعمي!!"
سلطان انقلب لونه من الحقد"-انت متأكد..الوليد..عنده كل هذا..من وين؟؟
"عبدالله"-لا..وازيدك..من الشعر بيت...اخوك ياحبيبي.....يبيع ويشتري في الخيول الاصيله......وعنده مزرعه ...يرمح فيها...الخيل......لا..والوالد..يقول,,,توه شاري...له مزرعه....في الرياض جهة الثمامه..."
عبدالله"عاد..منوين ؟؟؟..علمي علمك"
كل ذا ياالوليد..حقد سلطان علا اخوه اكثر..من اول..
احمد"-سلطان..وشبلاك بلمت..؟؟"معقوله له معكم كم سنه ماعرفت!!!
مارد سلطان وقال لعبدالله-"وانت منين جايب هالاخبار الي مثل وجهك"
عبدالله "-هههههههههه اجل وجهي زين لهالدرجه"
سلطان عصب..وتنرفز"-انا احرماعندي ابرد ماعندك"
عبدالله-("خلاص لا تعصب ..طبعا انت ولادراي تسرح وتمرح منت زينا ندبك امس كنت بشركتكم مع الوالد ويوم شفته يرحب ويهلي به كنه يعرفه قبل سالت ابوي وعلمني "
سلطان "-وتوك..تقولي؟؟"
عبدالله"-يابوي امس الي شفناه !!!ويقول مايضيع حلالهم لامسكه الوليد"
زاد كرهي لك يالوليد.....بس... والله لااخليك تلعن اليوم الي سرت فيه اخوي...مو كفايه جيت وخذت كل شي ..بعد الناس ساروا يثنون عليك..ويشوفونك افضل مني في مسك حلالنا.
&&&&&&&&&&&&&&&
في عالم ...ثاني...في الماضي الاليم.......
نظرة عينه موجهه على رجله ......وهو يسترجع ذكرى
اليمه..كان لها دور في امتناعه عن الزواج وعزوفه عن القرب من الجنس الآخر ..والارتباط ..
&
بجده باحدى شركاته ..
دق..دق
الوليد-"ادخل"
يوسف"-طال عمرك فيه برى رجال يبي يشوفك ..وعيى يعطيني اسمه"
الوليد"-وليه عيى ماقلتله هذا النظام ومافيه أي استثناء"
يوسف-"الاطال عمرك بس يقول المسأله شخصيه"
رفع الوليد راسه..مين..؟؟ياترى
الوليد"-دخله بعد خمس دقايق"
يوسف"-ابشر طال عمرك"
دقدق بالقلم علا طاولة مكتبه
دق ..دق
الوليد"-تفضل"
ألي دخل عليه ابوه صخر .. وشكله ماهو الي يشوفه دوم قام الوليد ..من مكانه..وراح يستقبله.يناظر الوليد ..نظرات..وعيونه مدمعه..استغرب الوليد
الوليد" -حيا الله ابو الوليد "
ابن جلمود ..شفايفه تهتز-.."انا..ا..ن..ا.."
الوليد" -آمر يابوي !!! فيك شي مادريت انك جايني كان انا اول من يستقبلك ،،،ولا بلغتني ،،،فيه شي اخواني فهم شي ،،،)
توقف الزمن ثواني..لحضات..وارخى صخر راسه..والوليد..جسمه يرتجف .. مو نفس صورة ابوه الدايمه ولا نفس حظوره ووجوده ،،،
ابوالوليد-"سامح..ني..ياابوك.."سامحني ،،، ياكم حاولت اصلح الي راح ومافي فايده !! لو الزمن يرجع ماطلعت امك من بيتي ابد وربيت تحت يدي )
انتفض الوليد برعشه ا
الوليد" اسامحك؟؟..؟؟ ان كان علي يابوي سامحتك من زمان لكن كنت ابي اعرف منك شي واحد ،، انت اخذت امي عن قناعه وثقه شلون قلبك سمح انها تنظلم شلون ماصدقتها ؟!! ودي اعرف ماتت راضيه اوماسمحتك !!!؟) سكت بهدوووء يراقب ملامح ابوه
ابوالوليد-"انا اخ..طيت..يابوك..كنت طايش وتركت للعذال طريق .."
الوليد بصوت اقرب للهمس"-طايييييييييش ..يابو..وش يقول حتى لفضة ابوي الي عجز ينطقها لجده راشد ابن عامر الله يرحمه ماقدر ينطقها الا لابوه ....
"ابوالوليد"-ادري يابوك انا غلطان..وطالب منك السموحه.." ماجيتك عشان تردني !! يابوك انا كبرت وجيت انخاك واستند عليك !!!)
الوليد ..ماتحمل يشوف ابوه يتذلل..ولو بالقلب مايدمي ..الا ان المشاعر ..الي يكنها له في الخفى ماهيب كره..ابد..قام بسرعه ..وباس راس ابوه وقعد عند رجوله وباس يده
.الوليد"-ماعاش من يردك وانا راسي يشم الهوى يابوي........."ابوه مسك كتوفه ....وضمه ..
ابو الوليد-"سامحني يابوك..والعبره تهزهه...سامحني امك شرطت انها تحللني اذا تركتك عند جدك وانا رغم صعوبة هالشي وهالطلب نفذته .." رفع راسه لابوه
الوليد- (" ادري... انتم ضيعتوني... بينكم يااااااابوي ،،مرت علي ايام مادري الوم نفسي او الوم رداة حظي لولا الله ثم جدي رحمة الله عليه ماكنت شفتني قدامك اليوم ولاكان وصلت للي انا عليه !!؟)
رفع ابو الوليد راسه وجه لولده نظرات اليمه-( متى ياولدي تسامحني !؟)
الوليد انفاسه تتسارع وبهدووء وصوت ينتشيه الرجفه المفاجئه"-محشوم..يابوي...الي راح ماني فاتحه من جديد "
وقف الوليد ..ومشاعره متضاربه.. وجلس مقابل ابوه مايدري هي فرح ولا زعل..ولاخوف...
صخر ،،،
كان ساهي بوجه.....وجه ولده..إيه ولده.......كل قطعه منه تشبهه جاذبيته ..وسامته...هيبته..طوله وعرضه..ونظرة عيونه الي تصيب وماتخيب..بس..الشي الوحيد الي كان الوليد مايعرفه ان ابوه كم مره جا وشافه وتفاهم مع ابن عامر شلون يفاتحونه يرجع لابوه ومانسى اعتذاره قدام الكل والي كان رد اعتبار له بنظره ،،، ومع ذلك رفض الوليد ورجع مع جده ،،،،
غمض الوليد عينه يفكر بكلام ابوه هذي ثاني مره يطلبه مره امام الجميع والان عقب 7سنوات ،،

.ابوالوليد"-يابوي ..مارديت علي..وش قلت"
الوليد"-بس يبه انا عندي شغلي صعب اني اتركه..محد يقدر يدير شغلي مثلي"
ابوالوليد-"انا يايبة محتاجلك. ،،، اشغالي وحملي ثقيل ولاني متنازل لاحد غيرك!!! صحتي اهملتها. وحالتي ماطمن...ومن اهملتها وهي في تدهور....فهم ابوه نظرة التساؤل الي في عينه ..وكمل ....وسلطان كبر وباله لاهو مع شغلنا ولا شركاتنا ..ماهوب راعي شغل ..واخاف اعطيه كل شي ويضيعه في غمضة عين..ولاهو قد يشيل هموم قبيله وربع .."
الوليد بهدووووء- ( واخواني قلت لهم وش ناوي عليه )
ابوالوليد-"ايه يابوك..قلتلهم عن كل شي وقلتلهم انك بترجع معي بعد....." رفع الوليد ،،، حواجبه بابتسامة سخريه ،، اصرار ابوه ذكره بشي فيه ،،
الوليد.."-خلاص يابوي تم!!ابشر متى تبينا نرجع"
ابو الوليد-"يابوك انا جاي بالسياره..مع سواقي الخاص ..ومحدن يدري الا ام سلطان ،، لاني ماحب الطيارات وترفع ضغطي وانا مو ناقص"
الوليد"-اجل ..كلنا بنرجع بالسياره.."
ابوالوليد-"لاعادي ياولدي لو تبي بالطت ياره..ارجع انت فيها وانا مع السواق"
ناظر الوليدابوه بحنيه..وقال بثقته المعهوده.."-الله يسامحك يبه ..تبيني اخليك وانا ماصدقت التم شملنا" قالها ببتسامه بارده ،،


ابوالوليد...... داخله ...اييييييييييييييييه ولدي الي ماربيته ...رحمني وولدي الي صرفت عليه دم قلبي .....قاطعني !!
مر اسبوع والوليد يحاول يرتب اموره وامور شغله الي بيخليه..وخلا اقرب شريك له وصديقه طلال اخوه بالرضاعه ،،في مكانه لين مايرجع...
طلال(" -ايييييه الله يرحم ترابك يام طلال كانت تتمنى يلتم شملك بابوك")
الوليد بابتسامة ولاء (- الله يجعل مثواها الجنه "..وبحزن اكمل
الوليد -( ماوفيتها حقها )
سكت طلال متفهم لاخوه ،،
طلال"-هاه متى نويتوا ياخوك"
الوليد-"اليوم ان شاء ..ماوصيك..ياطلال.."
طلال"-افا عليك يالوليد توصيني علا تعبنا وشقانا "
الوليد"-ماتقصر..يالله بروح امر الوالد ونمشي ..تامر شي "
طلال" -سلامتك"
كانو في السياره متوجهين طريق جده..الرياض
السائق عصام هو الي يسوق..سائق ابوه الخاص رجال طيب
عصام"-عمي ابوسلط،،، ابو الوليد شكلك تعبان.."
الوليد"-ابوي ..ماودك ترجع ورى ترتاح.."
ابوالوليد"ايه ولله يابوك..ظهري اتعبني.."
الوليد بصوت آمر"-اجل وقف ياعصام..خل الوالد يجلس ورى وانا بجي قدام"
عصام"-ابشر طال عمرك"
وقف السياره ونزل عصام يفتح الباب لبو وليد..وتبادلو الاماكن....
باقي لهم..500كيلو ويوصلون..
الوليد"-عصام ..لاتجيب العيد..لاحسيت بالنوم..علمني..."
عصام "-ابشر طال عمرك ..انا قدها وقدود..وان شاء مايوص.......................
فجأه..انحرفت السياره...عن مسارها......انفقع الكفر...تقلبت السياره....مره..وثنتين....وثلاث
الوليد شريط حياته يمر قدام عيونه....صورة جده ابوه امه الي ماعرفها الا بالصور ..............خويه واخوه طلال......ابوه الي جاه من بعد انتظار.....وانقطعت انفاسه.............واسبلت اجفانه....وآخر صوره في باله ......هي فرحته برجعة ابوه........
&&&&&&&&&&&&&&&&&&&&&&&&&&
بعد مرور 3 شهور من حادث الانقلاب ،،
الم........الم.......الم
الم في راسه...لف راسه يمين وشمال...وده يفتح عيونه...بس ثقيله ...واخيرا ..فتحها.....
يناظر يبغى يذكر ....
مرت الاحداث متعاقبه
ابوه جاه ..وطلبه يرجع معه.....وهم في السياره.........السياره؟؟وتذكر بلحظه.....كل شي
التفت يشوف البياض الي محاوطه والاجهزه ،،رجع يغمض عينه بقوه وفتحها يدور زر الي جنب السرير..الآ بدخلة الدكتور ..ومعه ..طلال.
.الدكتور"-صباح الخير.،،، الحمد الله عالسلامه اخوي الوليد ،،،-"افتح عينك بشويش انتبه للممرضات يتحركون حواليه ،،،
طلال"-حمدالله علا سلامتك يالوليد.."
الوليد"-ابوي؟؟........اخب.ا.ره؟"
"الدكتور بعد ماكشف " -ارتاح انت الان ..."
الوليد بأصرار"-دكتور..لو سمحت ابوي اخباره؟؟"
طلال بهدوء وانشراح-( الف الحمد الله على سلامتك نورتنا اخيرا ياخوك ) شاف نظرة الوليد ويعرف انه لابد ياخذ الخبر الان او بعدين ،،
طلال"-الوليد انت انسان مؤمن بقضاء الله وقدره.....الوالد يطلبك البيحه،،،،)
الوليد ،، غمض عينه بحسره -"انالله وإنااليه راجعون..انا لله وانا اليه راجعون ،، لاحول ولاقوة الا بالله "
اكمل الدكتور وهو يناظر بعين الوليد
وقال"-الوالد توفى من شهرين .....وانت كنت.غايب عن الوعي..بين الحياة والموت .... بس ربك كريم"
الوليد غمض عينه بالم "لاحول ولاقوة إلابالله"
.......
مر اسبوع...على الوليد....في المستشفى...طبعا رجع طلال بأمر من الوليد..وخلال الاسبوع زاروه عمانه وربعه يتحمدون له بالسلامه....وماقصروا معه وانتهت هالازمه المريره ،،بذكرى راح تلازم الوليد. طول عمره ،،
&&&&&&
الدكتور"-هذا قضاء الله وقدره "
الوليد"-طيب يادكتور مافيه امل؟"
الدكتور-"رجلك ممكن بعمليه بسيطه بعد مايبرى الجرح...اما.....طبعا ...
الامل في الله كبير ...بس حالة العقم ..لاتتأمل كثير الضربه كانت قويه علا ظهرك"
مسك..العصى الي يرتكز عليها.......ووقف..".-طيب يعطيك العافيه يادكتور"
الدكتور"-العفو هذا واجبنا،،،
استند على كرسيه يتسآل ،،
ورجع...يسأل نفسه....وشلون .؟؟؟وشلون
وشلون ..عرف سلطان...؟؟سؤال..حير..الوليد...
هو... العزا ماحضره....واكيد...ان اخوه سأل..يوم عرف..عن الوالد...
قطع افكاره دقه علا الباب....
"دق..دق"
الوليد"-ادخل"
ام سلطان"-الوليد؟؟انت مارحت لين الحين..والله اني اظنك..سلطان..وش فيك..؟؟ياوليدي باين عليك ضايق.."
الوليدمازال متأثرمن الي دار بينه وبين اخوه...قام حب راس مرت ابوه..الوليد"-ابد ..ياخاله ..مافيه ..الآ..كل خير..بس الشغل كاثر هالايام" ...
ام سلطان ..عارفه انه مستحيل يتكلم وهاذي حاله من جاهم .كل شي يكتمه..ولا يعلم عن الي في قلبه..قالت له..."-ارتاح يالوليد.العمر ينتهي والشغل ماينتهي.."
"الوليد"-
"لا تشيلين همي ..يالغاليه...تراني قدها وقدود"
..يتكلم وسؤال واحد يرن في باله..اقول خاله...
.ام سلطان "-سم ياولدي"
الوليد"-سم الله عدوك ياخاله ..انا سامع من عمي ان سلطان خاطب..وسكت مايبيي خالته تحس بأهتمامه..اقبلت ام سلطان وجلست قباله...
ام سلطان"-ايه والله خاطبين له بنت ابو نايف غازي من قبيلة المجفل كان صديق ابوك الروح بالروح الله يرحمه لكن خسر كل شغله وفلوسه وصفا عالحديده وابوك الله يجزاه الجنه ماتركه رغم ان كل قرايبه وربعه تهربو منه !! هو .. عندكم يشتغل في الشركه..تعرفه انت "قطب الوليد وشد على عصاه وكز اسنانه يخفي الصدمه ،،
الوليد" -العم غازي ماغيره!!!!!!!؟؟؟)
يافضيحتك ..ياسلطان..عز الله انك فضحتنا.....
ام سلطان"-ابوك الله يرحمه..كان ناوي يزوجهم قبل لا يموت... وقرر انك لازم تكون موجود ،،، كنت انت شغله الشاغل يمك ،،،بس حكم ربك سبق..وبيني وبينك...اخوك ماقد طرا لنا رغبته ...واخاف يفشلنا بالناس..والبنت..هاذي..ابوك كان يغليها..وهو الي مسميها"
الوليد يغلي من داخله..امحق بنت...زاد حقده عليها...معقوله توصل فيها الوقاحه..وتسلم نفسها لسلطان..كل هذا ثقه..وين دينها..وين خوفها.... الله يخسك..ياسلطان ..لكن ماعليه....هين !!!


الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1