غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
الإشعارات
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 11-04-2019, 04:36 PM
صورة عيونها..نجلا الرمزية
عيونها..نجلا عيونها..نجلا غير متصل
©؛°¨غرامي مشارك¨°؛©
 
الافتراضي رد: وخلقت من ضلعي الأعوجا& خذني بقايا جروح ارجوك داويني/بقلمي


. ام سلطان"-الوليد..الوليد..وين رحت"
الوليد" -سهيت..شوي..اقول ..وشرايتس ياخاله انا نويت اتمم ..هالزواج...قريب..."
ام سلطان "-ايه والله ..ياريت..الفرح فارقنا ..من بعد فراق..ابوك....الله..ير..حمه ،، سبع سنوات مرت كنها البارح الله يجعل مثواه الجنه "
الوليد"-افا ياخاله ..تبكين ..وانا موجود.." الميت له الدعاء ،، ) نزل عينه بثبات،،
ام سلطان "-انت الخير والبركه ..ويشهد الله ان ..قلبي يحبك"وانك من جيت زانت ايامنا ياوليدي )"
الوليد"-حبتك العافيه"
ام سلطان"-طيب قلت لسلطان"
الوليد بلهجه واثقه-"سلطان خليه..علي"
ام سلطان"-الله يتمم..على خير"وسكتت وفي عيونها سؤال..
الوليد"-خير ياخاله..شكل عندتس شين تقولينه"
ام سلطان"-ماشاء الله عليك ..فطين..ماشي ن يفوتك"
الوليد"-هههههه..طيب وشو..احكي وعليتس الامان"
ام سلطان"اقول ياوليدي ..ماودك ..نخلي الفرحه ..فرحتين....".وسكتت ..تشوف رد فعله
جمد وجه الوليد..لان هذا الموضوع..شايله من راسه ..نهائيا.....الوليد"-ليه اجل ياخاله ..مليتي مني؟؟"
ام سلطان..خايفه..حست انها تدخلت شوي"-لا والله يعلم الله انك جيت وعوضت مكانٍ خالي وجود معنا يمك يشرح الصدر ،، بس ودنا..نفرح فيك ..ياولد الغالي ..ونشوف ..عيالك"-العمر يمشي يامك وانت الكبير لابد لك من عيال يشيلون اسمك ،، وابوك الله يرحمه الود وده مزوجكم كلكم ،،،)
ملامح الوليد ..جمدت...وناظر الارض...عشان مرت ابوه ماتحس..بأنها جابتها علا الجرح هالموضوع شايله من راسه من بعد الحادث ،،،
ام سلطان"-هاااه يالوليد..وش رايك"
الوليد...بصوت..مزوح"-ايوه..ومين انتو.."
ام سلطان"-ههههههههههههههه..والله ..طالع علا ابوك ..مايفوتك...شي...انا وامك نوره.... يالله يالوليد..تكفى ياامك..وافق...وترى العروس...موجوده....."
الوليد" -بابتسامه مرواغه ("ومين هي؟؟؟؟؟"
ام سلطان....فرحت ..وقالت.."بنت عمتك حصه"
الوليد"-والله يالغاليه ماودي اكسر بخاطركم بس...انا هالموضوع..بالذات مافكر فيه الحين.."
ام سلطان "-ليه ؟؟؟؟؟..الله يهديك.."
الوليد بلهجه..حازمه..عشان ينهي الموضوع...."-اقول ياخاله..اليوم ..الجمعه ..وين.؟؟؟.."
ام سلطان- "انا داريه تصرفني....لكن ماعليه..والجمعه..عند امك نوره..."
الوليد"-ههههه..اكتملت..الله يعيني ..اليوم.."
ام سلطان-"هههههه.....عاد وش بيفكك..من امي نوره"
الوليد"-الحين انتو افرحو ...بسلطان .."
ام سلطان".-..ماعليييي...
قاطعهم،..دق الباب.....الوليد"-ادخل"
الخادمه
ستي"-مدام..ماما نوره..في تليفون..إبغى ضروري"
ام سلطان"-اخيرا..نطقتي ..عربي..وخلني اشوفتس..ترطنين مره ثانيه لاكلمتيني"
الوليد..ابتسم.."-اوووووه ..روحي ياخاله..اكيد عندها شي ضروري"
ام سلطان راحت وهي عارفه..خالتها وش تبي وهي تسمع رنة ضحكته وراها ..
&&&&&&&&&&&
ام سلطان "-هلا والله بنور عيون الكل"
امي نوره"-اها..عن التصريف..هاه وش سويتي..مع الوليد"
ام سلطان" -الله يهداتس ...علا طول الوليد..قولي وش لونكم ..وشخباركم.."
امي نوره"-ماقولتس انا لا تصرفين"
ام سلطان "-طيب ..طيب..ابشرتس فيه عرس قريب"
امي نوره"-لآ.. الله يبشرتس بالخير..يالله مع السلا مه خليني اكلم حصه"
ام سلطان"-لحظه ..لحظه ياخاله..مب الوليد الي بيعرس .."
امي نوره"-وشو؟؟؟؟؟؟؟؟؟...اجل مينهو ان شالله"
ام سلطان-"سلطان..وليدي"
امي نوره"اقول مالت عليتس انتي وولدتس قايلتن لتس..هالولد مايلعب عليه"
ام سلطان متعوده علا اسلوب خالتها وهذا ..الي محببها فيها..
ام سلطان"-والله ياخالتي مدري وشلون قلبهاعلينا"
امي نوره -"إييييييييييه..ماعليه..يالوليد..مصيري بزوجك...المهم لا تتأخرون علينا..اليوم..زي المره الي راحت ..ان جيتوني متأخرين انتي وعيالتس مانيب..مدخلتكم.."
ام سلطان "-لا ان شاء الله..بنجي بدري..قبل الكل ,,هاه..وش تآمرين عليه بعد"
امي نوره.."-مايامر عليتس عدو..يالله فمان الله"
ام سلطان "-فمان الله"
&&&&&&&&&&
نايف "يمه ... يمه .."
ام نايف...تنزل من الدرج وعيونها يالله تفكها من النوم.شايله ناصر .."هاه يابوي وش بغيت "
نايف"-وينكم..فيه..وش هالنوم ذا لاعيشتن صاحيه ولاقهوه "
ام نايف"-والله تعبانه ياولدي ..اليوم من بدري وانا قايمه ..اكرف في ذا البيت مع ذا الشغاله ..يوم جت الساعه..12..ماتحملت..انسدحت..وغفيت"
نايف ("-ونجلا وشيهانه وينهم "ليه يقومن بالشغل !!؟
الله ياخذها ذا النجلا..وقالت بصوت مكسور..
"-شيهانه تعبانه من امس مب عاجبتني ونجلا تخبرني يامك ماحب اغصب عليها..بس قلتلها..اقعدي لا تسوين أي شي بس انتبهي ..لناصر..سفهتني ..وخلته يلعب بالحمام...واقول لها ليه ترادد لسانها وش طوله )"
نايف والشرار بعينه- "نجلا.......نجللللللللا"
ام نايف- "لا خلاص ..اختك قويه..ومنت قادر عليها..وش بيفكني منها بعدين"
هي في داخلها عارفه ان هالكلام بينرفزه اكثر...

نجلا..سمعت ..ضراخ..نايف ..وهي...في غرفتها...توها تريح..من شغل ..البيت....فزت بسرعه......مثل البرق..
نجلا "-سم نايف فيه شي....."مسك شعرها ..ورج..راسها..لين...قال بس.....
نايف"-انتي وتاليتها معك ..طفشتيني...زهقتيني.....والكف ورا الثاني
نجلا بصوت يقطع القلب"-وش.. ف..ي..ه ياخوي "
وهو يضربها مسك عقاله.."-ورى يو م قالت لك امي ساعديني عيتي ..لا ونايمه..بعد. وترادينها !!!؟؟؟.ويضرب...
نجلا"-نااااااااااااي،،،ف ..الله..يخليك..عطني فرصه"
نايف"-ليه عشان تكذبين...!!!.."
نجلا"-والله يانايف ..اني قايمه من الصبح اشتغل....."
ام نايف ..ودموع التماسيح..في عيونها-
"حرام عليك ..يانجلا..لا تكذبين.."
نجلا وهي تصارخ"-لا ...انا ياخوي مااكذب ..هي الي قالتلي ..اذلفي ارتاحي...." -ارعبتها عيون نايف المحمره من الشر ،،، وكانه كل يوم ينتظر ،، عشان يكون الجلاد ،،،
نايف "-وتصرخين .بعد..ونزل عقاله..وجرها..معاه.."-واخوك لعب بالمويه ولا لأ.."
نجلا"-لعب بس..مو زي منت متصور ..نايف تكفى أسمعني...تترجاه..وهي عارفه ..قسوة قلبه......جرها ودخلها الملحق..وهو جارها ورايح..
ام نايف "-خلاص يانايف خلاص يمك لايجي ابوك ..سامحها..هالمره..سفيهه..مدري مين جاذبها"
نجلا..دموعها..وعبراتها..تهل..
"-آآآآآآآآآآآه ...امي... لا تجبين... طاريها..."
صرخت نجلا- ( شيهااااااااااااااااانه) تعالي تعالي بسرعه )
نايف -( اص ولا كلمه وش تبينها تسوي لك تكذب عشانك !!!)
ام نايف "-شفت ..شفت ....الله يسامحك حتى اختك ماتبي تخليها بحالها .."
..سحبها..وضربها بالعقال...وضرب وضرب...وهي تتلوى..وتصيح.. رفسها برجله اكثر من مره ،،وهي وقفت مقاومه تعبت ،،، معد تقدر تقواه ولا راح تقدر من اساس،،
نجلا- اكرهكم !!!! في حياتي مراح اسامحكم !!!!
نزل لمستواها سحب ذراعها..
نايف- "شوفي عاد المره هاذي سلمتي ..لكن المره الجاييه...والله..والله..لشب فيك ..واحرق هالوجه..الي من شفناه ماعينا خير ......".......وطلع وقفل عليها الباب.......
سكووووون المكان الا من شهقاتها وعباراتها ووناتها
اهههه يمه اه يمه اه يمه ايمممه اه امممممممممم
الم.........الم..جسمي كله الم........جسمي كله الم..........وينك ياسعد..........وينك؟؟
مقدر اتحمل......مقدر اتحمل.......كل جسمها رضوض..
.كل شي..ن......فيها..يصرخ...آآآآآآآآآآآآآآآآآآآآآآآآآه ....ياربي ..ارحمني...ياربي..ياحبيبي........ارحمني........يار بي...انا...ماعاد..فيني...صبر........حتى الصبر فيني ذبحوه.......ياااااااااربي....خذني....من هالدنيا......وريحني........"..شوي....حست ...بشي ..يشل ...جسمها.....وابتسمت....هذا ( يارب اموت يارب ،،ياربي خذ روحي ،،،) الموت ....يانجلا ...ربك....استجاب للدعا........وانعدم الاحساس...حتى الالم........مافي الم......
&&&&&&&&&&&&&&&&&&&&&&&&&&&
تمت نجلا ساعتين بالملحق
نزلت شيهانه على صراخها الي شال البيت
شيهانه بتأتأه-( يمه وش فيها ن جلا)
ام تايف -( تستاهل مايجيها الغلطان الا مايتادب )
شيهانه- ( يمه ،،، يايمه هذي اختنا ! ليش كل يوم معها مشاكل )
ام نايف -( شبي !!! واذا اختك يامقروده !!؟يعني عادي ماتحشمني واسكت لها،،،، مالله عاطاني بنتن صاحيه خلك ميته بجلدك الين تقوى هالمنحوسه وتعيش احسن منك)!!!!
الا على دخلة ابو نايف
ابو نايف- ( السلام عليكم )
ام نايف وهي تخز بنتها تنطم( -وعليكم السلام هلا ياهلا وينك يابو نايف من الفجر منت بالبيت)
ابو نايف -( وين بكون طلعت للشركه عندي اشغال متراكمه) سلمت عليه شيهانه ونصوري جاه يركض
لف راسه يدور نجلا
ابو نايف -( نجلا وينها؟؟)
ام نايف بعجل ( -بالملحق )
نايف -( علميه علميه وش مسويه )
ابو نايف -( لاحول ولا قوة الا بالله وش صاير بعد )
نايف -( كالعاده يبه هذي البنت عوجا ماتنعدل !!!تحسب ان مافيه الي يربيها)
ابو نايف-( نادوها لي ،، والتفت لنايف
ابو نايف-( انا كم مره نبهتكم ماتمدون يدكم عليها )
نايف-( لسانها طويل ولاتحترمني رجال طول بعرض نتفه تقلل من قدري !!! انا اخوها الكبير!!! لاتحشمني ولاتحشم امي )
ابو نايف -( لاحول ولاقوة الا بالله ،،، شف يانايف !! اول صجيتني بسعد وهذا سعد مب فيه والحين مسكتو لي نجلا وين تبون احطها ارميها بالشارع)!!!
نايف اخوها الكبير صحيح لكن غير سوي وغير مستقيم
واقشر من امه على اخوانه -( زوجها فكنا منها غثت امي )
ابو نايف -( نادوها)
ام نايف( -قومي شيهانه روحي لها ) مشت شيهانه الا توقفها ام نايف
اصبري اصبري خذي اخوك وارقي قالتها وهي تشدد بعينها
ام نايف -( انا بروح اناديها )

ام نايف ..دخلت علا نجلا .."-يعني نايمه؟؟اقول يالله قومي ياشينة الحلايا..نجلا...نجلا...بنت؟...انجيله ووجع"قالتها وهي ترفسها..برجولها...ياويلي البنت ...ماتحرك"
ام نايف الله يالبلشه وابتلشنا"-
يابوناااايف...الحق نجلا ماترد علي"
"-نااااااايف ...."
نايف..ينزل من الدرج...-
"خير انشالله الواحد مايرتاح ..يعني ...وش سوت بعد!!......المره هاذي ذابحها ذابحها"
ام نايف "-نجلا ماترد مدري وش فيها؟؟"
جاهم ابو نايف شاف نجلا مرميه عالارض وشعرها مغطي ووجهها قرب منها بعجل
ابو نايف -( نجلا !!!؟؟نجلا!!!! قومي يابوك !) حرك راسها
وشهق يوم شاف وجهها بكدماته وجرح عند شفايفها
ابو نايف( -انتم وش سويتو !!؟؟لابارك الله فيكم!!؟ناااايف اعجل شغل السياره،،،هاتي عبايتها بسسرررعه!!!!)
نايف "-روحي هاتي عبايتها....بسرعه"..ركض يشغل السياره
بسرعه جابت ام نايف العبايه....وطلع ابو نايف ونايف يسوق يودونها المستشفى....
جت شيهانه تركض -( يمه وش فيها وين بيودونها يمممما )
ام نايف -( انطرمي !!بيودونها المستشفى مافيها شي !! اغمى عليها بس )
شيهانه-( بس !! يمه وش سويتو فيها )
دخلت ام نايف سافهه بنتها ،،،



&&&&&&&&&&&&&&&&&&&&&&&&


ابو نايف"هاه يادكتور...بشر"
الدكتور يناظر ابونايف وقال بشك"-هاذي بنتك؟؟"
ابونايف"-ايه يادكتور..ليه وش صار لها."
الدكتور-"ممكن اعرف ايش سبب الرضوض الي فيها ..لان لو كانت بفعل فاعل..راح اضطر ابلغ الشرطه!!"..
نايف -( طاحت من الدرج ،،) ناظر الدكتور بتحدي
ابو نايف -"لا يادكتور ! مانبي فضايح ولا شرطه ..طاحت من الدرجه.."
الدكتور"-يااخ..
-"ابونايف معك"
الدكتور"-يابونايف..هاذي مو اثار طيحة درج..هاذي آثار ضرب.." ولاهو ضرب عادي هذا عنف !)
قطع عليهم صوت نغمة جوال ابو نايف
"ررررررررن .."
ابونايف "-دقايق..يادكتور"
طلع الجوال ..قبط حواجبه هذا الوليد ..رد..بسرعه عشان يتهرب من استجواب الدكتور..وعينه على نايف محذره انه يتكلم وش هالمصيبه..الي طاحت عليه......"الو"
الوليد-"السلام عليكم ورحمة الله وبركاتو"
ابو نايف-"وعليكم السلام"
الوليد"-اخبارك ياعم غازي .."
ارتبك ابونايف وحاول جاهد يكون ثابت ..
ابو نايف( -يامرحبتين يالوليد ،، اليوم خلصت الاعتمادات الي تبيهم ،،،)
الوليد ضغط شفايفه (-سلمت سلمت ...انا داق عليك لموضوع ثاني )
جا بيرد ابو نايف الا سمع مجادلة نايف للدكتور)
الوليد- ( ابو ناااايف!؟.....عم غااازي !!!)
ابونايف بصوت عالي "-نايف !!! لو تكرمت يادكتور هد اللامور ،، دكتور!؟؟ ."سمع الوليد تمتمات واصوات
وانقفل الخط فجاه ،، عاد الاتصال وكرر ركرر
ابو نايف تورط الدكتور بيقدم بلاغ بسبب الضرب
على قد ماحاول يسكر الموضوع الا ان نايف هيج الدكتور ،،
مسك جواله ورد اخيرا
ابو نايف" -( المعذره منك طال عمرك ،، انا بحال مايعلم فيها الا الله)
الوليد-"خير ان شاء الله اش حاصل يابو نايف!!؟ "

ابو نايف"-والله اخباري لا تسر عدو ولا حبيب..يا طويل العمر"
الوليد-"افا ياعم.. ..وش ذا العلم"
ابونايف"-ايه والله ..ونا عمك..انا في المستشفى..وفي ورطه .. ان قدرت تساعدني ،،"
الوليد -وش صاير ...
ابو نايف-بنتي صار معها حادث بسيط بالبيت وجبنها المستشفى والدكتور يبي يبلغ
تحرك الوليد وقام ماشي طالع ياخذ التفاصيل
توجه لهم وهو شايل هم ،،،،
وهو متوتر ،،، يتسآئل...........
..لايكون درى..بالي سواه سلطان
الوليد"-انت بأي مستشفى)"سمع الوليد اصوات
وكمل
الوليد -( عطني الدكتور!!!؟ )
الدكتور-( نعم!!)
الوليد- ( السلام عليكم ورحمة الله وبركاته)
الدكتور متنرفز ( وعليكم السلام)
الوليد -( معك الوليد بن جلمود،،) كمل معه الوليد
ابو نايف يراقب وجه الدكتور وماسك ولده على جنب
الدكتور( -طيب تم لكن مااوعدك !! حالتها جدا صعبه )
سلم الدكتور الجوال لابو نايف
وتركهم
الوليد( -ابو نايف انتم اي مستشفى مسافة الطريق واوصلكم!!!)عطاه ابو نايف الاسم وقفل
ابو نايف -( موضوعنا ماراح نتكلم فيه الين يجي الي كلمك)
الدكتور-( حتى لو جا نسيبك!!!؟ الوضع مايحتمل اني اغبي !!!)هذي جريمه!!! ان فاقت البنت وثبت انه تعدي وضرب لازم كل شي ياخذ مجراه وباين منكم انها كيد متعرضه لتعنيف!!)
ابو نايف ونايف تفاجؤا يوم قال نسيبك !!!
سكت ابو نايف وراح الدكتور
نايف( -اخيراااا ... فكه جاك الفرج يابو نايف)
ابو نايف-( اص!!الله لا يوفق عدوك ،، حديتني لشي مابيه !!،،)
نايف( -ليه يبه مب قالها من نفسه !! مب ذولا الي رددت عنها عشانهم جو بوقتهم!!!) هم وبينزاح!)
ابو نايف -( وش بيقول الرجال!!ضاربين البنت!!!)
نايف-( طاحت من الدرج!!!)

الوليد...كان ناوي ياخذ منه موعد..عشان ..يحددون ..يوم يزوروهم ..مع عمانه..الله يسود وجهك ياسلطان...اكيد الرجال الحين الدنيا مسوده في وجهه...
وصل الوليد ....
الوليد"-الو ..ياعم انا وصلت ..!! وينكم فيه "
ابو نايف-"جايك..يابو صخر ،، انت وينك عند البوابه......جايك"
استغرب ..الوليد...
ابو نايف"-السلام عليكم ياطويل العمر.."هذا ولدي نايف )
مد يده الوليد وهو يشوف حالتهم ماتطمن -( مرحبتين يالله حيك )
نايف( -هلابك )
التفت الوليد"..-خير ياعم وش صاير"
ابونايف"-ابد ياطويل العمر...البنت الله يسلمك طاحت من الدرج..وجاها رضوض..والدكتور يقول لازم نبلغ الشرطه..وانا ياطويل العمر رجال..كبير في السن.. يرضيك على آخر عمري..اتجرجر بالشرطه "
الوليد"-انت ارتاح ومايسير خاطرك الا طيب"
ابونايف-(بس الدكتور الي اشرف عليها..يقول بيبلغ.."
الوليد"-انا بروح له بس هو وش اسمه"
ابو نايف "-بروح معك ..ماني قادر ارتاح..لين اطمن"
&&&&&
الوليد"-لو سمحت ابي اقابل الدكتور المسؤل عن حالة بنت غازي ال مجفل "
الاستقبال"تفضل اخوي من هينا"
"دق ..دق"
الدكتور "تفضل"
الوليد"السلام عليكم يا دكتور"
دخل الوليد ووراه ابونايف ونايف اول ماشاف الدكتور..رز نفسه ومشى بكبِر
الوليد"-خير يادكتور بشر عن حالة بنت ابو نايف"
الدكتور "-نجلا ....انت زوجها؟؟ "


الوليد.. بخاطره الله لا يقوله. شد على شفايفه ووجهه كلامه للدكتور
."لا يادكتور .."
الدكتور "-اجل ممكن اعرف ..وش تقربلها بالضبط. الي كلمني وانتظره يقول نسيبهم "التفت الدكتور لبو نايف وكمل"لان الاخ الوالد والي معاه رافضين يعلموني سبب حالة المريضه .... اذا عندك علم "
الوليد..بصوت جازم..مافيه شك.."-وانا بمثابة..نسيبه..يادكتور لان المريضه..مدام اخوي المستقبليه.."ابو نايف رفع راسه ونايف طير عيونه..وارتبك ..من الفرحه..
الدكتور"-والله البنت ..حالها مايسر..الرضوض والظربات ماليه..جسمها...هذا غير الالم النفسي....."
الوليد بخاطره ..اكيد ابوها مسك عليها شي والعياذ بالله..أأأأأأأأأأأأأأأاخ ياسلطان لو ما لعبت معها ...كان قدرت اتصرف...مرغت وجهي بالتراب....!!!
الوليد"-بس الشرطه يادكتور ..بتسبب مشاكل لنا مالها اول..ولاتالي..واحنا نبي نضيق علا الموضوع..
وانا اوعدك ا ن الي حصل مايتكرر"
قالها وهو يناظر ابو نايف ..
الدكتور.."-والله ..انا..ودي ان الامر مايتكرر..بس..يااخ؟..ماتشرفنا يااخ؟"
الوليد"-معك الوليد بن صخر آل جلمود "
فتح الدكتور ..عيونه عاالآخر...الفرق بين ذاالرجال ..وهالشايب ..كبير..وباين انه. رجل محترم وكباريه.و..الاسم هذا مين مايعرفه...بس وش خلاهم يناسبون ذا العيله ..الي حتى بنتهم ماسألوا.. عنها.....
الدكتور "-ان شالله ...طال عمرك..انه مايتكرر..بس زي ماقلت ..البنت متأثره نفسيا..وتحتاج لراحه..تامه..وانا اليوم مااقدر اكتبلها خروج..لازم تنويم ..كم يوم....."
الوليد"-مشكور يادكتور..بس انا ابي انقلها على مسؤليتي ..."
الدكتور "-الخاص ..طال عمرك ماراح يسويلها اكثر من الي سويناه"
الوليد"-معلوم يادكتور بس عشان يطمن الوالد اكثر"
الدكتور "-خلاص ..ساعة زمان نخلص اجرائتها..ونكتب لها نقل ..بس على مسؤليتكم"
نايف"-ماعليه يادكتور ان شالله مافيها الاالعافيه ..دلع بنات..بس"
الدكتور ناظر نايف..ببرود
الوليد"-بس يادكتور الله ابي سياره اسعاف تنقلها"
الدكتور -والله ودي اخدمك ..بس هذا خارج نطاق صلاحياتي"
الوليد"-من المسؤل"
&&&&&&&&&
انهى الوليد كل الاجرائات اللازمه..لنقل نجلا
ابو نايف "-مشكور طال عمرك ماقصرت..رح الله يستر عليك دنيا وآخره"
الوليد"-هذا اقل شي ممكن اسويه"
نايف-( ماقصرت ،، يابو صخر ،، )
كثير اسئله في عيون الوليد..بس صعب السؤال..وعيب وش بيقول عنه ابونايف........ياترى وش الي خلاك تمد يدك علا بنتك..... وايش السالفه زي مايتوقع او فعلا حادث عارض اكيد مامدها الا لشي كايد.......مااقول الاالله يهديك ياسلطان.....لازم يتأدب ويصلح غلطته مع بنت الناس...
&&&&
شي واحد هو الي اكد للوليد شكوكه......كلمة ابو نايف..."رح الله يستر عليك"
&&&&&&&&&&&&&&&&&&&&&&&&&&&&&&
/

الجوهره-يعني وشلون..ماني رايحه
والله..حاله..وش ذا الطفش...
دلال-ياشيخه..خلنا نروح..السوق نوسع صدورنا..وخلك من جمعة..خوالك..
الجوهره-وش سوقه انتي بعد!!ياربييييييييه..اليوم اكيد الوليد..بيجي..
دلال-اسكتي لحد يسمعك ياالهبلى..انتي صاحيه..والله لو يسمعك عمي ناصر مايحصلك خير..
الجوهره-ليه ان شالله..هذا حب حلال..ياغبيه
دلال -اسكتي الله يرجك..وناظرت الجوهره بطرف عينها..وهان عليك تنسين ..حمدان
الجوهره-وش جاب الثرى للثريا..يالفاغره
دلال-اسمعي صوت عبير اكيد جت ..اقعدي بس خلينا نوسع صدورنا ..ولا اقولك خلنا نروح السينما ..
الجوهره-الحين انا جمعتهم الي راحت مارحت يعني لي اسبوعين ماشفت امي..
دلال –هههههههههههههه ايه كثري منهات مشتاقه لامك؟؟!!ولا؟؟؟؟
الجوهره-ياحبيبتي الوقت يمضي كالسيف ان لم تقطعه قطعك..وانا لازم اكسب الوقت..واخليه يلتفت لي
دلال- ههههههههههههههههه والله شكله ماعنده نيه يلتفت لك اولغيرك كم لك سنه وانتي تحاولين تلفتين الانظار!؟
الجوهره-الا انا ..!!!!
راح يلتفتلي ويحبني بعد..وبيني وبينك امي نوره وامي ودهم بعد
دخلت عليهم عبير وهنا
عبير –مالو القمر زعلان ماله؟؟؟ليه ليه الجوهره زعلانه؟؟
هنا-اكيد يوم شافتنا
الجوهره بترد ودق جوالها
الجوهره –هلا
رنا –اول السلام بعدين السؤال
الجوهره-والله نفسي مسدوده...امي هيا عيت تخليني اجيكم
رنا –لللللللللللللللللللللللا..تكفين لازم اليوم تجين ..انتي نسيتي الي اتفقنا عليه
الجوهره –انا انسى؟؟؟؟؟؟؟طول الاسبوع وانا استنى الجمعه هاذي
رنا-اليوم نقدر نحجرله...بس المرات الجايه..يمكن مانمسكه...تعرفين هو نادر مايفضى
الجوهره-يالبىىىىىىىى..قلبه..عقبال مااجي واشيل عنه الحمل
رنا-آآآآآآآآآآآآآآآآآآآآآآآآآمين............طيب تبين اخلي عمتي تكلمها
الجوهره-ايه تكفين لاني ادق على امي ماترد
رنا-بقولها....واخبار البنات؟
الجوهره-هاذاهم هينا يحايلوني اقعد
عبير وهنا ودلال يناظرونها..ويضحكون علا حرتها
عبير-ههههههههههه لا لا ياامي روحي مانبي ناس مكشرين......نبغى ناس يوسعون صدورنا
سكرت الجوهره- يارب يييييييييييارب اروح....
هنا-ياالله تحبينه كل هالحب؟؟؟؟؟؟؟؟
دلال-تحبه وبس انتي ماتشوفينها...متغيره....شوي وتاكلنا
الجوهره-يوووووه منكم !!؟قسما بالله لاطردكم من غرفتي !!)
هنا وعبير
ه ودلال-ههههههههههههههههههههه...خلاص خلاص...توبه....يالله يارب اليوم تروحين عند الحبيب
الجوهره-ايوه اذا كان كيذا تكلموا
&&&&&&&&
ام سلطان –يابنات...يابنات....يالله اجهزوا......مانبي نتأخر
رنا-خلاص خلصنا....بس يمه بقولتس شي
ام سلطان- هاه وش عندتس اوجزي
رنا- يمه جدة الجوهره عيت تخليها تجي
ام سلطان- وراه الله يهديها الاسبوع الي راح ماشفناها..
سمر-يالله يمه انا خالصه...وش فيكم ماتردون؟؟؟......اكيد...فيه موضوع خطير!!!!!
رنا –ياشين اللقافه.!!!!
سمر-يمه شوفيها!!
ام سلطان-هذا وقته!!؟...والتفتت تكلم رنا...وطيب وش تبيني اسوي يعني؟؟
رنا –ههههههههههه ضحكتيني يمه..قولي وش الي ماتقدرين تسوينه...يمه كلمي امي نوره وقوليلها...وهي اكيد بتكلم جدة الجوهره.....ولا تقولين ورا ما تكلم هي لانها كلمتهم وتليفونهم مشغول.....
سمر-وليه مشتاقه هالكثر..دايما جمعاتنا ماتجيها....وناظرت اختها بطرف عين......ماصارت تجي الا يوم سكن الوليد في الرياض..
ام سلطان-بنت استحي على وجهتي وبلا كلام فاضي...وبعدين ورا مالبستي عبايتس
رنا-سمعتي امي ؟؟يالله روحي البسي
سمر-بلبس..بس لاتحسبوني بزر وماعرف شي ...
ام سلطان-روحوا عن وجهي كلكم....
رنا-يممممممممممممه ..والجوهره
ام سلطان-ياذا الجوهره....بكلم جدتس بالسياره
ابتسمت رنا فرحانه ....لانها كانت تتمنى ان بنت عمتها حصه تسير مرت اخوها......رنا كانت ومازالت معجبه في بنت عمتها لدرجة انها تقلدها وتقتدي فيها والجوهره مو ملقيتها بال....بالعكس كانت لاهيه بحياتها عند جدانها لان ابوها الله يرحمه توفى ومن توفى تمت سنه عند امها...بس امها تقدملها عريس ووافقت عليه....ومارضوا اهل زوجها ان بنتهم تعيش عند رجآل غريب عشان كيذى خذوها عندهم....
|
|
في قصر الجد...الله يرحمه( الوليد بن صخر )
ضغطت امي نوره علا زر الخدمه الي بجنبها
امي نوره-كانو......كانو.....شبي جمر...
.دخلت ساره علا امها
ساره-وش تبي ام سلطان
امي نوره-ام سلطان اليوم...ماش ماعجبتني...
ساره-ليه عسى ماشر
امي نوره-انا ادري كل الاخبار الي جابتها اليوم ...ماهيب على الكيف
ساره..عرفت قصد امها لان لها كم شهر وهي مع حصه يخطوطون....على انهم يزوجون الجوهره...للوليد...
ساره-يايمه...اذا كان علا موضوع الوليد......بصراحه.....احنا ودنا بس مانقدر نجبره كم لكم تحاولون معه كم؟؟شخص يوصل لهالعمر خذيها مني !!ماراح يجاريكم بسهوله !)هو رافض فكرة الزواج نفسها !!)
امي نوره-ليه والجوهره فيها عيب عشان نجبره عليها ...زين ودلال...وعقل
ساره-هههههههههههههههه....اما عقل كثري منها
امي نوره-البنت تأثرت من بعد امها...وهناك محد قريب منها.ومايعرف للبنت الا امها ...وان كانت مرجوجه الوليد اصلح واحد لها
دخلت حنان...-السلام عليكم
امي نوره وساره_وعليكم السلام ورحمة الله وبركاته
امي نوره-تعالي ياحبيبتي..دقيلي علا رقم ام ناصر
حنان-وانا اقول وش هالدلع..ماهوب لله
امي نوره_الا قبلي ادلعتس..يالله تعالي ولا بخلي سارونه تدق..
حنان_خليها تدق ..انا اليوم مبسوطه ماودي اعكر يومي بسماع اخبار بنت اختي المصون
امي نوره بزعل_ليه ماتبين تسمعين اخبارها ..؟؟هاذي الغاليه..
ساره_يمه لا تواخذينها..تمزح..
امي نوره_الا ازعل عليها مب بزر هي
حنان_يارببه يمه امزح خلاص ...ياحبيلي للجوهره اموت انا عليها هههههههههه
امي نوره _تستغبيني انتي!!
حنان_لا والله وعشان ارضيتس بروح المطبخ اسوي الحلا..اليوم مشتهيه اذوقكم من يدي جعلكم ماتعدمونها
امي نوره_ساره عطيني رقم اقرب اسعاف
ساره وحنان بخوف _ليه يمه فيتس شي؟؟؟؟
امي نوره_لا بس بغيت سيارات الاسعاف توقف عند الباب عشان لا كلو عيالي الحلا وتعبوا
ساره تكلم حنان_ههههههههههههههههههههههههههههههههه وش يفكتس من امتس الحين
حنان_احمدوا ربكم ..تدرين هونت خلي طباخكم ..المعتبر يسويلكم حلوياته الي مدري من أي ديره جايبها..وطلعت وهي تخربط في الكلام الي ما افهموا منه ولا شي
امي نوره_الله يصلحها هالبنت ..مدري وراها على الجوهره
ساره_يمه انتي تدلعين الجوهره بزود ..وناسيه ان حنان والجوهره بنفس العمر..اكيد بتغار!!
امي نوره_الله يهديها والله اني احبهم كلهم حبن واحد بس اني ارحم الجوهره ,,حبيبّتي بعيده عن امها وعنا..يالله دقي على ام ناصر بسرعه خلني اقنعها تخليها تجي
ساره_ان شالله يمه

|
|
ساره سألت امها بعد ما سكرت الجوال من ام ناصر-هاه وافقت
امي نوره-ام ناصر اصيله ماتردلي طلب...
ساره –طب من اول كان وافقت
امي نوره_الله يهديها ذا البنت ....تقول جدتها انها تبي تعاقبها....آآآه لو الوليد يطيعنا ويجيب بنيتنا عندنا
ساره – الي في الكون بيكون...ولو انه من نصيبها بتاخذه..
&&&&&&&&&&&&&&&&&&&&&&&&

رن......رن.....رن.......رن
نصوري_ا الو
سعد_هلا نصوري حبيبي اخبارك ؟
نصوري_ا الو
سعد_هلا نصوري الووووو هلا حبيبي..كيف حالك؟؟
نصوري_انا طيب..انت وينك ..تجيب حلاوه؟؟
سعد_اذا ناديت نجلا اجيب حلاوه..
نصوري بيرد...وسحبت ام نايف التليفون
غاده- خير يا طير؟؟؟...ماقلت لك لا عاد تدق؟؟
سعد يحاول يمسك اعصابه- وين نجلا يا ام نايف
غاده_والله ..نجلا مو فاضيه...عندها شغل..وكم مره قلتلك...لاعاد تدق..
سعد يتنهد يمسك اعصابه-(" مسا الخير يام نايف بغيت اكلم نجلا من زمان ماسمعت صوتها )
ام نايف-( اي خير يجينا منكم !!؟..وسكرت السماعه..في وجهه
|
|
احمد_علامك يا سعد من سكرت من المكالمه ..وانت متكدر كالعاده..كلمت نجلا؟؟..فيها شي؟؟
سعد_لا والله ما كلنمتها من اخر مره شفتها .........لي 4شهور..وانا خايف عليها وشايل همها وانا خوك..
احمد_الحين انت رتبت امورك وخذت شقه وأثثتها..مو عشان تجيبها؟؟خلاص جبها وطمن بالك
سعد_ياليت هالموضوع بالساهل..المشكله اني ما سممعت صوتها من ذاك اليوم..وانا عارف ومتأكد ان مرت الوالد ونايف مبهذلينها..وياليته علا كيذا حتى الوالد..احياناً مايرحم..والي قاهرني..ان اختي تغيرت..موب الي اعرفها..صارت مكسوره..مغبونه..مهما حاولت تكابر ...الي اعرفها غير...نجلا..الي كبرت معها يوم بيوم..فرفوشه..الضحكه ماتفارقها..ولا العناد..ياما سبب بينا خلافات..وكنت بكسر راسها عليه...والحين اتمناه.. اتمنى اشوفهاتضحك بدون مشاكل لسانها معد تسمعه ...
احمد- تعلمني ..اعرفها..كان لسانهها يوصل للشارع لما تهاوش مع شيخه ...
سعد- شفت..هذا كله اختفى ..من بعد المشاكل الي صارت تسببها مرت ابوي لها ..والله يا احمد..انا عشانها تحملت..الضيم..لين ماسار الي سار..واحتديت..اطلع...
احمد-الله لا يجزاها خير ..مرت ابوك حتى احنا منعتنا من زيارتها..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 11-04-2019, 04:38 PM
صورة عيونها..نجلا الرمزية
عيونها..نجلا عيونها..نجلا غير متصل
©؛°¨غرامي مشارك¨°؛©
 
الافتراضي رد: وخلقت من ضلعي الأعوجا& خذني بقايا جروح ارجوك داويني/بقلمي


. سعد_اقول احمد؟؟
احمد_سم ياخوي؟؟
سعد_تصدق !! الي سمعته عن الرجال الي ابوي ناوي يزوجه اختي ماعجبني !!)"
احمد_هههههههههههههههههههه .....ومين ماسمع عنه..هذا محطم قلوب العذارى زي مايقولون..الا لي لحين ابوك مصر يزوج نجلا له
سعد بغضب_علا جثتي..نجلا الي ياخذها..لازم يعرف انه ملك دانه من الدانات..والماسه بعد والله يااحمد لولا رفض ابوي كان خذتها مو لازم يجيها واحد يعذبها اختي تبي الحياه ... فاقده الراحه !!)
احمد_وابوك..؟؟وش راح تسوي معه؟؟ شلون بتفاتحه .. برايك .. وهو مايسمع لك ..) هذا غير نايف اخوك )

سعد_وهذا الموضوع الي شاغلني الحين...بصراحه.....انا ودي آخذها معي للدوره الي بروح لها..تعرف بطول فيها..وماراح يهدالي بال الا لما تكون معي.....لكن المشكله في ابوي ونايف قل ابوي ممكن يسمح بس نايف مستقوي عليها كله من امه !!وانا لازم اخذها ..لاني اذا خذتها بقدر اطلعها من الهم .الي..هي فيه..والهي ابوي عن سالفة .سلطان ..شوي..والحين ابي طريقه عشان اقدر اكلمها واسمع صوتها واطمن ابوي رحت له واستسمحت منه وشارط اتعذر من ام نايف والعالم الله مالي الا هالحل ...
احمد_خلها علا ربك الا ماتلقى طريقه
سعد_ونعم بالله
&&&&&&&&&&&&&&&&&&&


ابو نايف ونايف دخلوا البيت ..وقعدوا في الصاله..وجته ام نايف و شيهانه ..
شيهانه _ هاه يابوي ..وش صار بشر نجلا وش فيها !!؟
ابونايف مو مع الناس يفكر خطواته اخذته لعتبات الدرج ،،
يوم اختفى ،،التفتوا لنايف ،،
نايف_البشااااااره يمه خلاص بترتاحين من ذا !!..الهم
ام نايف -(وش صاير اخلص علي يامك هالبنت وينها. فيه)
نايف-( خلاص اخيرا بتتزوج ونفتك من مشاكلكم معها حي الدرااااهم والفلووووووووووس ضحك بسخريه )
ام نايف -(" انت وش تقصد !؟ ) نجلا وينها وش صار عليها )
نايف (" اقوووووول خلاص بترتاحين بنزوجها للجماعه الي يبونها ،،) وهي طيبه ماعليها .. بتجلس كم يوم ..))وتجيكم كمل ( الله لو تشوفين حماها يمه الله من العز )
ام نايف بقهر ماتبيه يبين_وششششششششششو؟؟
ابو نايف _ايه الي سمعتيه..................وعلمها بالي صار
شيهانه _وطيب..وشلون...؟؟؟ليه ؟؟الحين بالذات..؟؟وش الي خلاهم يختارون الوقت هذا ؟؟؟؟؟
نايف _ياكثر اسئلتك ...كلمه وقلتها لازم تعرفين كل شي بالتفصيل؟؟
ام نايف _خلاص لا تعصب هي تقصد انها ..توها صغيره..وماتدبر شي!!!..)
نايف رفع حاجبه _("لا صغيره ولا شي بعدين اذا تزوجت سلطان راح تتمرغ بالعز ويمكن تعيش اميرة بعد) خل نلقى من وراها فايده ) حط شماغه على كتفه وقام يتمطى ...
ام نايف بحقد مخفي_("عاد انا اعرفها بتروح عنا وتنسى فضل ابوها عليها..ويمكن تنسى ان لها اهل بعد
نايف _ايه زين حتى لو نست اذكرها.. انا بطلع مع ربعي لاتنتظروني
ام نايف حمقانه التفت لشيهانه-( بنت !!!روحي جيبيلي قهوه راسي موجعني ... شفتي لو انك الي متزوجه مب احسن !! ذولا ناسن صاحين لو علي دزيتك لهم !!)

شيهانه تنهدت بحسره _( يمه هذا الي همك ونجلا،.... والضرب الي جاها !!؟؟ )
ام نايف شارده (- ..ياحظها هالبنت ..كل شي في صالحها..يوووووووه..ياني مقهوره
شيهانه ( اووووف اوووووف وبس )
&&&&&&
|
في مجمع فلل ابو ناصر وعياله..وخصوصا فيلا..ابو ناصر
ام ناصر_ابتهال روحي نادي الجوهره..من غرفتها
ابتهال _ان شالله ..يمه هيا
|||
دخلت ابتهال على الجوهره والبنات ..ووجهت كلامها للجوهره..
ابتهال_الجوهره روحي لاامي هيا تبغاك تحت
الجوهره قامت ببسمة انتصار_طيب ياروحي الحين بنزل
عبير_هههههههه خلاص انبسطي؟؟
دلال _يالله عطينا ..اتعابنا ..ترانا دعينا..لين بحت حلوقنا
الجوهره..رمت الفرشه الي كانت تمشط فيها.._.اذا سار الي في بالي ابشروا بالحلاوه..وراحت وهي فرحانه مررررررره..وشلون ماتفرح وهي بتقابل فارس احلامها اليوم ...كل روحه لهم تشوفه تراقبه من بعيد ومرا تلتقيه بصدفه مدبره ومرا لا تراقبه بس من بعيد ......
الجوهره..ببراءه_سمي ماما هيا بغيتي شي؟؟
ام ناصر_الحين انتي تدرين انك معاقبه ليه تدقين علا جدتك وتقولين لها اني انا الي رافضه تروحين لهم؟؟
الجوهره بنبرة حزن مصطنع_ايييه معليه لو ابوي عايش محد عاقبني...هي تعرف ان الكلام هذا بيحنن قلب جدتها
ام ناصر بحنيه_يا حبيبتي جدك لما عاقبك من خوفه عليك يا بنيتي مو كره ..يالله عاد ترانا شلنا عنك الحصار..وبيوديك السواق مع ماريتا..
الجوهره ركضت من الفرحه تحضن جدتها وتبوس راسها.._الله لا يحرمني منك يااحلى جده في الوجود
ام ناصر_والله ماضيعني الا حركاتك ذي
الجوهره_ههههه بس فيه طلب صغير..تكفين يا ماما وافقي عليه؟؟
ام ناصر _وانا اقدر ارفض لك طلب؟وش تبين؟؟
الجوهره_ابغى اخلي السواق يوديني بسيارتي..مابي سيارته
ام ناصر _بس؟؟ ابشري..خذيها ولا تتأخرين لين الصبح ..ترى منا ناقصين وجع راس مع عمك ناصر
الجوهره_سمعا وطاعه يا اروع جده في الوجود
وتتابعت خطواتها من الفرحه..ياحظي بشوفك يالوليد...
|||
دخلت عليهم ومن الفرحه شوي وتشيل الباب معها
دلال _شوي شوي بغيتي طيرينا
عبير_ههههههههههههههههههههههههه تلومينها ؟؟تلقينها نستنا
الجوهره مرتبكه وبسرعه راحت لدولاب ملابسها محتاره وش تلبس
هنا_ماتبين مساعده؟؟
دلال _يا عمه تراك بتقابلين البنااااااااااااااااات مو حبيب القلب..عادي البسي أي شي
الجوهره بغنج ساحر_وش ادراك يمكن يشوفني ..وانا ماشيه ولا قاعده
عبير.._الله يستر من الي ناويته..بس انتبهي ترى ان كان الوليد رجآل من جد ..ماراح يرضى انك ترزرزين..عند البيبان
الجوهره تنرفزت_اقول ما كنس زودتيها..انا ادرى ماني بزر ولا هبلا..وترى ما اسمحلك الوليد سيد الرجاجيل وتاج راسهم بعد)"
عبير__طيب خلاص خلاص الواحد مايمزح
دلال _يوووووووووووووووووه فكونا من النرفزه..وناظرت عبير تغمز لها..وتأشر اتركيها عنك
&&&&&&&&&&&&&&&&&&&&



في سيارة الوليد...
الوليد يفكر ..لازم اليوم ينهي الموضوع
اخذ جواله..
الوليد بحزم -الو ..سلطان
سلطان..بصوت متذمر-نعم يالوليد
الوليد-الله ينعم عليك ..انت وينك؟؟
سلطان-والله انا في ارض الله الواسعه
الوليد-لا تراوغ..المهم اليوم اجتماعنا عند امي نوره..لا تنسى تكون موجود
سلطان-والله جمعاتكم ممله..
الوليد..قاطعه..بصوت جازم-انا مااشور عليك..انا آمرك..
سلطان..بعصبيه-انا محد يامرني
الوليد-انا آمرك..وان ..ما نفذت الي بيصير ماراح يسرك
سلطان يحاول يخلي صوته لا مبالي-طيب خلاص ..فيه شي ثاني ؟؟
الوليد-لا مافيه..مع السلامه
وسكر الجوال بدون ماينتظر رد سلطان
سلطان-تتأمر يالوليد..إيه معليه..ماكون ولد ابوي إذا ماخليتك..تندم
&&&&&&&&&&&&&&
نزل الوليد ..من سيارته ..وتوجه للبيت مالقى احد اكيد الكل طلع لان الساعه..6
راح لجناحه ..ودخل وسحب شماغه وغترته وتوجه لسريره..ورماهم على جنب ... جلس وهو يفكك ازراز ثوبه

"نغمة جواله ترن "
الوليد..شاف رقم امي نوره
الوليد-هلا والله وغلا
امي نوره-هلا بك يالغالي..وينك يا نور عيوني..تأخرت علينا
الوليد-مسافة الطريق .آخذ شاورو.اغير ملابسي واكون عندكم
امي نوره-وششششششو..وش شار,,ذا؟؟
الوليد..يضحك-بتحمم..ياجده..

امي نوره-هههههههههههههههههه لا تواخذني يابوي وش ادراني عن خرابيط شباب هالايام ورطناتهم الي مدري منين جابوها ..وكملت لا تأخر علينا ..الكل وصل ..ومابقى الا نورك
الوليد مبتسم-يكفيهم نورك انتي الكل في الكل
امي نوره –هههههههههه ..يالله نستناك..مع السلامه
الوليد-فمان الله..تآمرين على شي؟؟
امي نوره-مايامر عليك عدو..
سكر الوليد واستقعد علا السرير وهو يناظر عصاه الي ماتفارقه..شد بأصابعه عليها
تركها وقام للحمام وهو يعرج..وحاس انه بيضغط على رجله لانه تجاهل وجود العصى
&&&&&&&&&&&&&&&&&&&&&&&&&&&&&


بالمستشفى ... بغياهب الامل المكسور ...الذي بدأ يضعف تدريجياً... ليختفي ..
فتحت عينها بشويش .. وهي تحس بآلآم في جسمها شافت ممرضه ترتب لها سير الغذايه بلعت ريقها وحركت راسها
الممرضه -( فقتي حبيبتي)
نجلا بوهن- عطشانه)
الممرضه -مدت المويه وسندت نجلا الي صدرت منها اآهه خفيفه ( اشربي بالعافيه) كلمتها برحمه
نجلا - من متى انا هينا ؟
الممرضه - من العصر وصلتي لاتتحركين يبيلك راحه الدكتور بيمرك بكرا الصباح والحمد الله على سلامتك)

نجلا بجهد وعبره ( الله يسلمك )
الممرضه ( لا لا لاتبكين ارتاحي من مزعل القمر ماشاء الله )
نجلا -رجفت شفايفها وببسمه خفيفه( واجد الي زعلوني )
الممرضه ( انسي الزعل الحين عشان تتحسنين الحمد الله مافيك كسور من طيحتك ربي سلمك)
نجلا -من جابني هينا وين اهلي
الممرضه - جابك زوجك واوالد ..
قطبت نجلا وضحكت ضحكه مخنوقه بس مافيها حيل تتكلم ... الله لايقوله يصير لي مثل نايف زوج!!!
طلعت الممرضه وتركت نجلا
غمضت عينها تتذكر الي صار ارتجفت شفايفها بالم ..
رفعت اناملها ولمست شفتها تحسست لصق جروح
حركت خصلات قصتها ورا اذنها ورفعت اللحاف بتحرك رجولها تأوهت
جت عينها على الكدمات الي بساقها وامتلت عينها دموع .. حرقت جفونها من حرارتها شهقت ورفعت يدها تغطي وجهها
نجلا بونّه-( اههههههه ياربي تعبت معد لي جهد ولا قوه تعبت ياربي ... تعبت ) وش هالحياه !؟ )
بلعت ريقها ومسحت دموعها بيدها جا ببالها سعد وفز قلبها وفجأه
وش بتقولين له !؟ بتقهرينه اكثر ؟؟!!مو كفايه منطرد بسببك ؟! انتي هم عليه !!من راح معد سال يمكن ارتاح منك ،،) شهقت عبراتها ورا بعض هو الم روح هو جسد هو قهر هو غبن ....رفعت راسها حتى محد جاني ولا احد معي رموني هينا زي النكره ...جالت عينها بسيقانها المتضرره ورفعت ثوب المستشفى تشوف بطنها وخصرها كله ضربات بلعت ريقها ... وزادت شهقاتها فيها قهر شلون يرووح شلووون مقهوررره من عدم احساس ابوها مقهوررره من اخوها الي عمره مافكر فيها كاخت ومن اختها ودورها المهمش وتجاهلها للي تمر فيه وقدام عينها !!!!!!
&&&&&&&&&&&&&&&&&&&&&&&&&&&&

امي نوره-الوليد يقول الحين بيجي
ساره-يمه ترا بدري..عجلتي عليه
امي نوره-لا بدري ولا شي نسيتي اني انام مبكر؟؟بعدين انا ودي اقعد معه
ام سلطان عارفه وش نية خالتها-والله يا خالتي ان كنتي بتفتحين موضوع الي بالي بالتس ..معه ..تراني احذرتس بيعرف يطلع منها..
ام سعود-اهااااااا زعلتوني وش الي بالتس وبالها ؟؟
امي نوره-والله مابينا الا كل خير وسعي صدرتس وتقهوي..وغيرت الموضوع...اقول وين البنات؟؟
ساره-فوق عند حنان...
دخلت الجوهره بعبايتها المخصره من كل جهه ..وشكلها ملفت بشكل!!
الجوهره مبتسمه-السلام عليكم يااحلى جده في الوجود
امي نوره-هلا والله بالزين..كله
سلمت الجوهره عليهم واحد واحد
الجوهره تلتفت تدور-وين امي ماجات؟؟
امي نوره-لا توها ..تلقينهم بالطريق الحين
الجوهره –طيب..البنات وينهم..؟؟
ام سلطان –شوفيهم عند حنان
الجوهره بغنج –طيب عن اذنكم بروح ااشوفهم
امي نوره-روحي يامي ..والتفت لام سلطان وام سعود...شفتوا هالبنت محلاها كل مالها تزين اكثر من اول
ام سعود وام سلطان-ايه والله ...الله يحفظها
&&&&&&
رنا- الجوهره ماكنها تأخرت؟؟
الجوهره-وش فيها الجوهره...؟؟
رنا-وااااااااااااااااااو وش ذا الزين؟؟وش هالحلا..تهبلين..طالعه قمر ...وش مسويه يابنت اختفيتي ورجعتي ازين وازين
سمر-شوي شوي عالبنت..كلتيها
حنان-سلمي اول؟؟
الجوهره..بدلع يغيظ-السلام ياخاله..كيف حالك؟؟
حنان-وش شايفتني عجوز؟؟
سمر-هههههههههههههههههههه..تخيلي عاد انتس عجوز وتقعدين معنا..
رنا-بيقولون عجوز متصابيه
حنان-وش فيــــــــــــــــــكم علي...اشوف قلبتوا؟؟
الجوهره-فرحانين بشوفتي...اعذريهم!!
رنا-خلاص لا تهاوشون...الجوهره ...وافقت جدتتس بسرعه؟؟
الجوهره –الله يخلي امي نوره..ولا يحرمني منها
رنا- افاااااااااااااااااا يالخاينه....نسيتي وش سويت
الجوهره –لا مانسيت...مشكـــــــــــــــوووووووووره...
الجوهره-اقول رنا مين جابكم؟؟
رنا فهمت مغزى الجوهره..-السياره يعني مين؟؟
حنان-هههههههههههههههههههههه
سمر- وراتس ياحنان تضحكين؟؟؟
الجوهره...بنرفزه-تتريقين...تعرفين قصدي...؟؟
سمر-يااااااااااااااااااااهو...احنا موجودين
رنا-ياختي اسكتي شوي!!!...والتفتت..للجوهره...تضحك...-بصراحه الي ساق السياره يعقوب
ناظرت الجوهره رنا بطرف عين-مالت احسبه شخص ثاني
حنان –ليه من حسبتيه؟؟
الجوهره-مو لازززززززززززم تعرفين!!
حنان-اصلا عارفته...مايحتاج تقولين ...بس لعلمك من خبرته ماقد ساق بهم سياره هههههههههههههههه
سمرزعلانه-اصلا شرهتكم على الي يقعد معكم بزل تحت عند امي!!!!
حنان-عن اذنكم حبايبي بروح...دورة المياه
التفتت الجوهره لرنا-هاه بشري الوليد بيجي؟؟
رنا –مدري بس انا اتوقع يجي
الجوهره-ايششششششش؟؟تتوقعين؟؟؟..انا جايه ابي لشوفه مو اقابلكم..
رنا بقهر-ليه وانتي تكلميني عشانه وبس؟؟
الجوهره حست انها تهورت بعصبيتها...وماتبي تفقد رنا لانها ان خسرتها بتخسر أي اخبار ممكن توصلها عن الوليد
الجوهره-Sorry...........بلييييييييييييز سامحيني ...مو القصد تعالي علميني وش صار على مشروعك ..
دخلت ابتسام-سلااااااااااااااااااااااااام يا حلوين...ازيكم؟؟
الجوهره ورنا _وعليكم السلام ..
ابتسام-الجوووووووووووووووهره..عاش من شافتس
الجوهره- عاشت ايامك ححبيبتي..
ابتسام-امممممممممم دام فيها حبيبتي اجل راضيه علينا اليوم
شوي ودخلت رانيا وحنان
رانيه-سلام يابنات
البنات-وعليكم السلام
رنا ماشالله مابقى الا رهف ورزان..وسمر
حنان- كلهم جو ..وناظرت الجوهره بطرف عين ..والعيال بعد
الجوهره بترقب..
رنا –جا الوليد
حنان-اكــــــــــــــــــــيد...والغريبه ان سلطان جا بعد
رنا-معقووووووووله...لا اكيد فيه إن..
ابتسام-ليه هالاستغراب؟؟
حنان-يعني ماتدرين؟؟؟سلطان عمره ماعمل اعتبار لاجتماعاتنا
رانيا-لا تدققون يمكن ينشغل...
دخلت سمر-الجوهره..عمتي حصه تبيتس..تحت
الجوهره قامت –الله امي جت بروح اشوفها عن اذنكم؟؟
&&
ام محمد-هلا بحبيبتي..وينتس ياامي...طبعا الجوهره حبيبة الكل هينا محد يرد لها طلب
الجوهره-كنت فوق عند البنات وشلونك ماما؟؟
ام محمد-بخير دامتس بخير..تعالي اقعدي جنبي وعلميني علومك
امي نوره-ابد علومها تسر..وهو يجي من هالزين علومن تجيب الهم
الجوهره-هههههههههههه
ام محمد-ايه والله يمه..من وين تجي العلوم الشينه ؟؟
ام خالد- ماسلمتي علي يالجوهره؟؟
الجوهره بدلعها المعتاد-يووووه سامحيني ياخاله من فرحتي بشوفة امي ماانتبهت
وراحت لها تسلم عليها وكل العيون ...عليها...
تعتبر رائعة المظهر بهية الطلع والحضور ...
نعووومه مره وبيضااا مره,,شعرها لين كتوفها ..وعيونها ناعسه بغنج...
ام خالد- الله يحفظتس لشبابتس
امي نوره-آآآآمين ان شالله
التفتت حصه لامها وكلمتها بصوت واطي-هاه يمه ماسار شي على موضوع الجوهره
امي نوره-الى الحين لا بس لا تخافين كل شي بوقته..حلو
حصه- وشلون ماخاف يمه انتي شايفه الجوهره..تهبل بسم الله عليها ..وخطابها كثروا..مو زينه كل يوم والثاني نخلي عمانها يردونهم
امي نوره..بثقه-اليوم ان شالله نحسم الموضوع
القهوجيه تدور تصب القهوه
ام خالد تقول لام سلطان-ماشالله يقول ابو خالد ان الوليد شاري مزرعه فيها اسطبل خيول
ام سلطان –والله مدري تعرفين الوليد كتوم في شغله
الجوهره-الللله ياسلام ياليت نروح لها؟؟
امي نوره-بنقوله ..ماراح يخالف..نعرف اول هي خاصه او لشغلهم
ام سعود-الله يعطيه من خيرها ويكفيه شرها ..
ام سلطان- ايه والله...
الجوهره قامت طايره...
حصه-وين ..وين ؟؟يمه
الجوهره-بروح للبنات ..وهي تخاطب نفسها .. فرحانه ..لانها سمعت همس امها لجدتها
&&&&&&&&&&&&&&&&&&



في قسم الرجال
ابو سعود-اخبارك يالوليد...؟
الوليد-بخير عساك بخير..
ابو سعود –وشلون الشغل معك؟؟ ومتى الاحتماع السنوي ماتقرر؟؟
الوليد-علومه تسرك..ياعم لسه ... بس اطمنك كل شي في محله ..
ابوسعود-والنعم فيك وانا عمك..والله وجودك شال عني حمل ..تعرف انا لاهي باشغالنا ..وماخذه كل وقتي..
الوليد-لاتشيل هم ياعمي..هذا حلال اخواني..وواجبي احافظ عليه
سلطان..باستهزاء-لايكون اخوانك بزارين واحنا ماندري
التفت الوليد له وقال بصوت هادي رصين-لا حشا ..تبي تصون مالك تعال داوم
سلطان-لا مشكككككككككككور خلينا التعب لك والراحه لنا..
الوليد مارد عليه..لانه ينفخ في قربه مقطوعه(يعني مافيه فايده)
الوليد-عمي ؟؟
ابو سعود-سم وانا عمك
الوليد-سم الله عدوك..بغيت اقولكم شي دامكم مجتمعين
ابوسعود-قول وانا عمك بس لحظه..التفت للمجلس بكبره ووجه كلامه لخوانه وعيالهم
ابو سعود-هدوووووووء يا خواني الوليد عنده شي بيقوله لنا
الكل سكت يستنى الوليد
الوليد-طبعا يالغالين تعرفون الوالد الله يرحمه مر على وفاته اكثر من عشر سنين ... .
......وزي ماسمعت من خالتي ام سلطان ...سكت وناظر سلطان.انه كان خاطب لسلطان
...رفع سلطان راسه بقوه يناظر اخوه ..وعرف ليه قاله يجي يبي يحرجه عند عمانه..ويخليه يوافق غصب..على هالزواج...
كمل الوليد-وانا بصراحه ودي اتمم رغبة الوالد..وعشان كيذى انا حددت الزواج ..الشهر الجاي ان تم كل شي على مانبي ..انهى جملته وعينه على اخوه.

ابو خالد-صدقت وانا عمك..صحيح انا كان ودنا سلطان ياخذ وحده منا وفينا بس عاد وش نقول هذي رغبة الوالد وابو نايف كان من اعز اصحاب ابوك لولا الخساير الي صارت له كان اموره الان عال العال ..
ابو محمد-مبرووك مقدما والله يتمم على خير..وعقبالك يالوليد
بسرعه سلطان انتهزها فرصه
سلطان-والله ودي بس انا اخذت على نفسي عهد ما اتزوج قبلك يالوليد
الوليد-رغبة ابوي اهم من رغباتنا ..وانا ان شالله يمدي علي
سلطان رفع حواجبه - اي يمدي انت اكبر مني ب واجد الي مثلك عنده عيال طوله ...زم شفايفه ...
الوليد ابتسم ابتسامه بارده -راح عمري ورا اشغالي واشغال ابوي .. لاتغلط غلطتي .. انا تعودت عالحريه وضحك بخفوت وكمل
الوليد - عقبالك انت تملى البيت عيال ..
ابوسعود-زين ماسويت وانا عمك...وخير البر عاجله..وبصراحه صادق اخوك ودنا نفرح فيك
الوليد-جعل ايامك فرح يا عمي...المهم الحين سلطان وبعدين انا
ابو خالد-والله ونعم فيك ..ياولد اخوي ..
خالد-يالله ياعم بتلحقنا قريب
سلطان اكتفى بالابتسام...لانه كان يفور من داخل...كيذى يالوليد..هذا اقصى ماعندك ..لسه ياولد ابوي ماعرفتني ..انا اوريك
خالد- سلطان ..سلطان...
سلطان-هااااه معك
خالد-ههههههههههههههه كل ذا عشانَِِِِِِ بنزوجك...ياليت الوليد سوها من اول
سلطان ..بفرح مصطنع-اكييييييييييد فرحان ..ياخي خلني انبسط مثل غيري..وشاف الوليد
وقال-الله يخليك لي ياخوي احلى خبر
الوليد- ماسويت شي لازم اوقف معك بهاليوم ...استغرب الوليد رضوخ سلطان بهالسرعه..كان متوقع اعتراض لو بسيط..يمكن ..يمكن رجع لعقله وعرف ا ن الي سواه غلط في غلط
&&&&&&&
امي نوره ماسكه الجوال-وش تقول ..؟؟
ابو سعود-اقول يمه سلطان زواجه الشهر الجاي
امي نوره-والوليد..؟؟المفروض الكبير قبل الصغير
ابو سعود- الوليد الله يحفظه يبي يتمم كلام ابوه الله يرحمه..والله انه رجال وسنع
امي نوره-ايه والله.. الله يحفظه
ابو سعود-يالله حبيت ا كون اول المبشرين لس..فمان الله تامرين شي؟؟
امي نوره –مايامر عليك عدو..مع السلامه
ام خالد-هاه بشري ياخاله وش عنده ابو سعود
امي نوره-ابشركم...زواج سلطان الشهر الجاي
رهف كانت منسدحه عند امها من سمعت الكلام وهي فازه تركض
راحت للبنات بتعلمهم ان فيه عرس قريب ....الللللللللللله وناسه
رهف-بناااااااااااات عندي خبر بمليون
رنا والجوهره وسمر وابتسام رانيا-وشهو
رهف- زواج ....عيونها تدور عليهم وحده وحده ...
الجوهره سااااااااااااااااااكته وقلبها يدق بقوه
رنا –يالله بل مساخه من زواجه
رهف –زواااااااااااج سلطان الشهر الجاي
رنا وسمر-وووووووووووووووووووووووووووشو
رانيا-ومتى سارت الملكه...؟؟
الجوهره..محبطه-هذا هو الخبر الي بمليون......
حنان-هههههههههههههه تعيشين وتاخذين غيرها
رانيا-وشي الي تعيشين وتاخذين غيرها ...ياشينكم تراني مااحب الاسرار
رنا-ماقصدها شي تعرفين الجوهره مايهمها زواجات العيله
سمر- يــــــــــــــــــاالله متى يمدينا نجهز
رنا –غريبه امي ماقالت شي...والتفتت للجوهره..وقالت بهمس-يمكن الوليد يبي يزوج سلطان وبعدين هو..فرحت الجوهره وبان الامل بعيونها
رانيه-رجعنا للماسسر
حنان-اقول رانيا تعالي ننزل ترى ماراح ناخذ منهم لاحق ولاباطل
(انا بعشأك..انا..انا كلي لك انا)جوال رانيا
رانيا تبتسم –لا ماني نازله..ذكرني حبيب قلبي
رانيا-هلا
خالد-هلا بس؟؟
رانيا-هلا وغلا
رانيا مستحيه من البنات قامت وطلعت وهم يضحكون عليها ..مو مصدقين ان هذي الي لسانها وش طوله
خالد-هلا وغلا بس..؟؟
رانيا بغنج-هلابك يانور عيني ..هلابك يااغلى ناسي
خالد-خلاص خلاص ترى بترك العشى وبجي عندك
رانيا-وين تجي احنا في بيتنا؟؟
خالد-مايمنعني عن قربك الحصون والقصور
رانيا-إيه زين!!وشلون بتجيني طيب؟؟
خالد-تبين تشوفين؟؟
رانيا-لالالالا ..خلاص امزح..هي تعرف زوجها لو قال كلمه محد يرده
خالد-وحششششششششتيني ياعمري
رانيه-وانت بعد
خالد-وانا ايش؟؟؟
رانيا-انت تعرف...
خالد-لا ما اعرف..علميني؟؟
رانيا-انت وحششششتني موووووووووت
خالد-يااااااااااااااااااااااااااالبى هالصوت ..اقول انزلي عند قسم الرجال
رانيا-انت صاحي ؟؟وان شافنا احد
خالد-محد بشوفنا ..يالله انزلي
رانيا-لا مابي انزل
خالد يسوي نفسه زعلان-اقـــــــــــــــول انزلي لأجي انزلك
رانيا-هههههههههه طيب طيب بنزل بس شوي
سكرت منه وحطت الجوال علا قلبهاآآآآآآآآآآآآه ياحبي له
نزلت^^^^^
رانيا تمشي بشويش..لين وصلت قسم الرجال..تلفتت..وبصوت يهمس-خالد خالد
كان وراها شخص ضخم
تقدم منها الشخص وحضنها من الخلف
التفتت رانيا بسرعه-خــــــــــــالد..
خالد-ياروح خالد
رانيا..مرتبكه-هاه وش بغيت؟؟
خالد-يعني وش ابي...ابييييييييي؟؟؟
رانيا..تحاول تبعد عنه..-خالد ترى بيجون بي..شو..فنا..
خالد..يشم عبير عطرها-آآآآآه خليهم يشوفون ويعرفون وش كثر احبك
لفها وخلها تواجهه..ومسك كتوفها بيدينه..وعيونه في عينها
خالد-انتي عمري..انتي روحي..انتي كل ...شي..ارجاك لا تزعلين من امي
رانيا-ياروح رانيا ..انا مستحيل ازعل من امي
خالد قربها وحضنها.._-ويلوموني في حبك...يارانيا...وانتي..تحب..يني؟؟
رانيا حضنته وضمته..-احبك بعدد رمل الصحاري...احب..ك..كثر ..تهدج صوتها..
ابعدها خالد بحنان ..بس مو كثير ..لانه مايقدريبعدها اكثر ..ولانه يحب يتنفس انفاسها....
خالد بهمس-تبكين..تبكين..وانا معك؟؟
رانيا-لا ماابكي..بس هاذي دموع فرح بحبك
مسح دموعها بأصابعه..الين وصل لشفايفها وتأملها
خالد-آآآآآآآآآآآآه لو تدرين وش تسوي فيني عبرات شفايفك
قرب خالد منها بشويش
نزلت راسها بسرعه..وحطت يدها الناعمه على صدره
رانيه بهمس-خالد!!..احنا مو في البيت
ابتعد خالد..بس ضل ماسكها
خالد مبتسم-وهذا الي شفع لك..مسك يدها ورفعها عند شفايفه وباسها
خالد-يالله روحي ..بس بشرط؟؟
رانيا-ايش ؟؟
خالد-عطيني بوسه
رانيا..بغنج-موالحين..
خالد-هـــــــــــــــــــاه
رانيا-طيب طيب..وباسته على راسه وبسررررعة البرق..ركضت ورجعت ..وهي تسمع ضحكته...ياوييييييييييلي من ضحكتك ..ياخالد
&&&&&&
حنان-رانيا..انتي وينك؟؟؟العشا حاطينه لنا شوي..دورنا عليكِ..
حنان انتبهت لوجه رانيا المتوهج..وخدودها المحمره
رانيا-هههههههاه يالله جيت بس خالد كان..
حنان-ايييييوه الدعوه فيها خالد..معذوره يالله تعالي تعشي
وراحو مع بعض
&&&&&&&
"رن.....رن......رن"هاتف بيت ابو نايف
ام نايف -الو
ام حسن-وينك ياام نايف..اليوم ماجيتي..
غاده-والله يام حسن اليوم انشغلت شوي...وبهمس ..ام حسن بعدين اكلمكِ..عندي ابو نايف...
وكملت..ايه والله بخير..يالله مره..ثانيه نتقابل
ام حسن- لاتتأخرين علي ..علميني وش صار
ام نايف-فمان الله
سكرت السماعه..وجلست عند ابو نايف
ابو نايف وهو قاعد يتعشى-وش تبي ام حسن؟؟
غاده- ابد تسأل ليه مارحت اليوم لجمعة الجيران
&&&&&&
في قصر الجد الوليد بن صخر رحمة الله عليه
امي نوره قاعده في الصاله بعد ماراحوا كلهم ماعدا بنتها حصه والجوهره
امي نوره- حصه وين الجوهره؟؟
حصه-يمكن فوق..مع ساره..
التفتت امي نوره لرزان –روحي امي رزان ناديها وابيها تجي لحالها
حصه-ليه يمه فيه شي؟؟
امي نوره مبتسمه وغمزت لبنتها..-دقيلي على رقم الوليد

حصه –ابتسمت لانها عرفت مغزى امها
|||||
الوليد قاعد في بيت الشعر...مع ابو محمد
"رنة جوال الوليد "
الوليد-هلا بميمتي
امي نوره-ياحبيلي لك لما تناديني..هههه محدن يناديني كيذى الا انت
الوليد-آمري
امي نوره-يابوي ماشفتك اليوم تعال عندي بالصاله الداخليه
الوليد-ابشري..شوي وانا عندكِ
الوليد-عن اذنك يابو محمد امي نوره تبيني
ابو محمد-اذنك معك..وانا عمك
||||||||||
دخل الوليد...عند امي نوره...وهو متكي على عصاه ويمشي بخطوات هاديه وعلى مبسمه ابتسامه ،،
حصه-هلا بولد الغالي..
الوليد-هلابكِ ..ياعمه
سلم عليها..
امي نوره-تعال تعال يابوي اقعد بجنبي
راح الوليد وحب راسها وقعد جنبها
ارخى نفسه وثبت عصاه على جنب .. ومد رجله
امي نوره-وش اخبارك ياولدي وعلومك؟؟
الوليد-علومي تسركِ..يالغاليه
امي نوره-على البركه المزرعه الي شريت
الوليد-الله يبارك فيكِ..
حصه-الله يعطيك من خيرها ويكفيك شرها
الوليد- الله يسلمكِ..بس هي ماراح يجيها الخير لين تدخلونها
امي نوره بترد الا بدخلة الجوهـــــــــــــــــــــــــــــــره
كانت عيونه...على جدته..وفجأه التفت لصوت اجراس بسيط ...وهذا صوت الخلخال الي لابسته الجوهره
الجوهره....قلبها بيطلع من صدرها....وعيونها جمدت
ياالللللللللللللللللللللله ..انشقي ياارض وابلعيني..يازينه مو كيذا ياامي نوره ماتفقنا !؟ قلبها شوي ويطلع من مكانه ...
وبسرعــــــــــــــــــــــه رجعت وهي تركض
اما حصه ابتسمت بفخر لانها واااااااااااااثقه ان الجوهره بتعجب الوليد
امي نوره-ههههههههه هي وراها كأنها شافت وحش؟؟
قالت كيذى وهي تناظر الوليد
الي كان ..جامد مكانه..وعارف قصد جدته..البنت صح مزيونه...بس هو مايقدر يظلم أي وحده معه
امي نوره-ماودك تعرف من هالغزال؟؟
الوليد-الله يحفظها..ياامي نوره..
امي نوره-الله يحفظك بعد...هاه مارديت؟؟
الوليديراوغ-بدون ماارد..انا عندي 4خوات ..وهاذي بتكون الخامسه...
امي نوره-وش اختك الله يهديك...هاازين كله وتقول اختي...هاذي بنت عمتك حصه
ضحك الوليد على كلامها - خواتي كلهن ملح وقبله
امي نوره تلف مسعفها - ماقلنا شي الله يحفظهن لاتضيع الهروج تراني ابخص بك ...
آآآآآآآآه اجل هاذي الي كلمتني عنها ام سلطان ..والله منتي بهينه ياميمه
يفكروهو مبتسم...والكل فهم ابتسامته غلط×غلط
امي نوره-هااااه وش رايك اخطبها لك
الوليد انتبه لجدته..ورد بصوت جازم-بعدين يامي نوره...
امي نوره-وراه ياوليدي..خير البر عاجله
الوليد-يامي نوره الله يرضالي عليتس خليني على راحتي
امي نوره-إييييييييييييييه يجيب الله مطر ...يجيب الله..مطر..يالوليد
الوليد-يالله تآمرين على شي انا بروح البيت
امي نوره-رح الله يستر عليك...قال اختي قال؟؟
ابتسم الوليد...وطلع..عارف انه زعلها..
&&&&&
الجوهره...كانت واقفه..تتسمع..اختك يالوليد!!!!!!!!!!!!اختك
بس وين بترو ح انا الجوهره...وان بغيت الشي آخذه...
هين....هيـــــــــــــن
راحت تجيب عبايتها لان السواق برا
|||||
حصه-شفتي يمه ...تدبيرتس ..ما انجح..
امي نوره-لاتخافين..وين بيروح.. ماله الا الجوهره..
حصه-ماسمعتيه يقول مثل اختي!!!
امي نوره-كثر الزن يلين الحديد ... اشغلته هالاعمال وين يلاقي وقت يحك راسه نفسى نفسه ياعوينه التفت لبنتها
امي نوره- حتى الشيب شايل نص وجهه
&&&&&&&&
الجوهره دخلت ..-يالله ياماما مع السلامه..السواق عند الباب
امي نوره-روحي بحفظ الله
حصه- مع السلامه..سلمي على ام ناصر..وانتبهي لنفستس
الجوهره-ان شالله..يالله بآآآآآآآآآآآآآآآآآآآآي
&&&&&&
في بيت ام سلطان..وتحديداا..في غرفة رنا
سمر-متى راح يمدينا نكلم المصمم
رنا-عادي اشتري جاهز
سمر-ايششششش انا اشتري جاهز ليه نسيتي من نكون ومعازيمنا وربعنا
رنا-طيب ..فكري وش بتسوين وعلميني بعدين...وروحي لغرفتك..وخليني انآم
سمر-انا اصلا غلطانه..هذا جزاي قاعده افكرلي وافكر لكِ
طلعت سمر وهي رايحه لجناحها..قابلت الوليد..لان جناحه جنب جناح رنا
الوليد-ليه مانمتي للحين
سمر بخوف-لا بس كنت عند رنا نتشاور كيف نجهز لزواج سلطان
الوليد-آآه طيب تصبحين على خير
سمر-وانت من اهله
&&&&&&
دخل الوليد جناحه واتجهه للصوفا سحب شماغه وعقاله .وجلس يحك جبينه اليوم كان طوييييل واحداثه متعبه بس يلا انزاح هم سلطان باقي يتمم الموضوع ويرتاح تذكر سوالف جدته.. ابتسم بضحكه ...
&&&&&&&&&&&&&&&&&&&&&&&&&&&&&&

صباح يوم آخر ،،،، في قصر الوليد ...

مانام من البارح..موضوع سلطان شاغل باله...مسح وجهه بكف يده..وارخاها على ذقنه لازم تمم الموضوع لازم لاتكبر المسأله اكثر ... اليوم سلمت بكرا .. مايدري اش بيصير ... واخوه لازم يتحمل غلطه ...وهي تتحمل سواد الوجهه ..
رفع جواله ودق رقم انايف
الوليد-السلام عليكم ورحمة الله وبركاته
ابونايف-هلا والله بك ياطويل العمر
الوليد-اخبارك يا عم ابو نايف...ان شالله كل شي بخير
ابونايف-كل شي بخير بوجودك
الوليد-سلمت .. وكمل
الوليد-ابو نايف ودي اكلمك بموضوع بس على الجوال مايصلح..تعطيني من وقتك..اليوم؟؟
ابو نايف.... بانشراح ..لانه متوقع هالمكالمه بس مو باهالسرعه
ابونايف-اجيك الحين طال عمرك
الوليد- لا مايحتاج ..الموضوع شخصي..ومايتم في الشركه
ابو نايف -امرني وين تبي امرك فيه
الوليد - محشوم ياعم انا الي بمرك الموضوع يخص النسب الي بينا ... جاينكم نخطب خطبه رسميه .،،،
ابو نايف بلع ريقه وتنفس بعجل وبهدووء - الله يحيييكم ..هذي الساعه المباركه
الوليد - حي اصلك ياغالي على خير ومانبي كلافه الجيه خفيفه ان شاء الله ...
ابونايف-خلاص اجل اتحراك اليوم..بعد العصر
الوليد-تم يالله فمان الله
ابونايف-مع السلامه
سكر الوليد ...وكلم عمانه يواعدهم عشان يروحون معه
وباقي سلطان..لازم يجي معهم....
&&&&&&&&&&&
سلطان كالعاده في المقهى سمع رنة الجوال..وعرف انه الوليد..طنشه
عبدالله-رد ليه مطنش الجوال
سلطان-واحد غثه..خله شوي
ومره ثانيه الجوال ماسكت
سلطان-نعم
الوليد-الله ينعم عليك..ليه ماترد؟؟
سلطان- مشغـــــــــــــــول فيه شي ضروري؟؟
الوليد-بحط عندك علم ان اليوم موعدنا مع ابو نايف..لاتتأخر علينا عشان ..نروح كلنا سوى
سلطان-فيه شي ثاني..
الوليد-لا..مافيه..مع السلامه
سكر الوليد ...قبل لا يسمع الرد
سلطان بمتعاض مخفي هز راسه كوعيد ... متناسي طرف ثالث قرر انه يجره بحربه الصامته مع اخوه .....

عبدالله-وش يبي اخوك؟؟
سلطان باستخفاف_ابد الاخ مسوي خطابه بيروح يتمم خطبتي على بنت الفقران ابو نايف
عبدالله - اوووووه الين الان مصرين .. والله فيك الخير ،،بس انت وييييييييين والزواج وين !!!
سلطان- اكيد فيني الخير هذي وصيه ابوي وشفيك انت !!!
عبدالله -ياشييييييييييييييييييييييييخ!!وانت موافق
سلطان بأبتسامه خبيثه-اكيد موافق..
&&&&&&&&&&&&&&&&&&&&&&&
ابو نايف-غاده غـــــــــــــــــاااده
ام نايف -سم ياابو نايف..
ابونايف جاي من الشغل-جهزي المجلس ورتبيه واستعدي اليوم جاينا ضيوف.... وكلمي ولدك شوفي وين اراضيه وجهزو الظيافه ..دقيت على سعد مايرد
ام نايف -ضيييييوف!!؟؟مين؟؟
ابونايف -اليوم جايين اهل سلطان عشان تكون الخطبه رسميه
ام نايف -هههههههههها... البنت بالمستشفى اي خطبه !!؟
ابونايف -وش فيكِ !؟؟ مب هذا الي تبينه؟!!!...روحي حطيلي الغدى...
ام نايف -ابشر ..ابشر ..وهي من داخل تغلي غلي
نادت شيهانه ،،، تساعدها البيت فاضي والي تقوم بالشغل .. مب فيه
ام نايف- والله مهزله !! اخرتها انا اقوم بضيافة خطبتها!!!!وصرخت تنادي شيهانه الي جت تركض متوتره
ام نايف - اليوم خطبة اختك المنحوسه !!! رتبي المجلس وجهزي الضيافه ... ياحسرتك ياغاده !!!! الحين لو هي خطبتك مب ابرك بتروح للعز وانتي بلطي مع امك ..

&&&&&&&&&&&&&&&&&&&&&
بعد العصر..في الحي الي تسكن فيه نجلا
ابو نايف -ياهلا وغلا حياكم ..حياكم..تفضلوا
ابوسعود-زاد فضلك ياابو نايف ..

دخلوا الرجاجيل للمجلس
وراح نايف يجيب القهوه...
غاده-خذ ياولدي ..عيونها الحشريه تتسآلل ..عطته الفناجيل والدله
قهواهم ولما جا الفنجال لبو سعود..نزله على الطاوله
ابونايف-تقهوى ياابو سعود
ابو سعود-والله احنا جاينك طلابين
ابو نايف-اشرب قهوتك ومايسير الا الي يرضيك
شرب ابو سعود قهوته..وهو مبتسم...
الوليد ..عينه على اخوه لايتهور..وسلطان راسم على وجهه ابتسامه طويله عريضه
ابو سعود-ابو نايف احنا جاين نبي بنتك الي طلبها اخوي رحمة الله عليه لسلطان ولدنا
ابو نايف بانشراح -الله يحيكم..واعتبروا ان طلبكم مجاب
ابوسعود-سلمت يالنشمي ..بس ماودك تاخذ راي البنيه
نايف رد بعجل مستهجن -ماعندنا بنات يكسرون كلمتنا..
التفت له ابوه بعجل وسكته لايكمل بعينه
ابو نايف - البنت من جت وهي مكتوبتن له واحنا وافقنا ..وشور بنتي من شوري
الوليد..اكيد بترضى ..وهي..بنت ابوها...التفت لسلطان الي ماهو داري .. ومستغرب هدووووؤه البنت البارح كانت بتموت بين ايديهم وهو هادي ...
الوليد-خلاص اجل يا عم وش رايك يكون الزواج وعقد القران في يوم واحد؟؟
ابو نايف مو مصدق-الي تشوفه طال عمرك.. بس ؟؟
الوليد -آمرني
ابو نايف- عطونا مهله
الوليد-وش رايك بالشهر الجاي؟؟
نايف ... بيطير ويوقع..من فرحته-تم يالنشمي ..خير البر عاجله..قالها وعينه على ابوه ..

&&&&&&&&&&&&&&&&&&&&&&&&
ومرت الايام ...ومضى على رجوع نجلا..من المستشفى 4ايام
سمعت الباب يدق...واستغربت غريبه محد يدق الباب عليها الااخوها سعد
قطع افكارها دخول ابوها
نجلا بخوف-نايف؟؟
نايف مبتسم-ارتاحي ..ارتاحي..
نجلا رجفت اطارفها معد بقا فيها حيل للجرم من جديد
نايف- اخبارك الحين
ردت بجمود نجلا بالم - مثل منت شايف وش رايك
كانت تقصد الكدمات الي حوالين يدها وذراعها ،، والجرح الي عند شفتها ..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 11-04-2019, 04:40 PM
صورة عيونها..نجلا الرمزية
عيونها..نجلا عيونها..نجلا غير متصل
©؛°¨غرامي مشارك¨°؛©
 
الافتراضي رد: وخلقت من ضلعي الأعوجا& خذني بقايا جروح ارجوك داويني/بقلمي


. نايف- ليت نفتح صفحه جديده الحين انتي بتتزوجين
نجلا مستغربه قطبت حواجبها ماتدري وش جايب لها نايف هالمره
نجلا- اش تقصد
نايف- ابوي ماقالك؟؟ ولا امي غريبه !!؟؟
نجلا بتوتر - يقولون لي ايش !!
قلبها شوي بيوقف لايكون نايف جايب لها عريس عشان يرتاحون منها .... زي اي شي مهمل في حياتهم ..
نايف - راح وقعد على طرف سريرها
نجلا بتوتر وهي مو ناقصه ،، تتسارع الافكار في فكرها معد لها قوه تواجهه فيهم الكره الي ضدها تعبت .. تعبت من كل شي ...
نايف -انا جاي اقولك ..ان خطبتكِ صارت رسميه..مع ابن جلمود ..
نجلا..انصدمت...ماتدري هي تفرح ولا تحزن...اخيييييييييييرا ..اخييييييييييرا ياسلطان.....جيت يانور أحلامــــــــــــــــــــــي؟؟اخيرااااااااااا ...
نايف......كمل كلامه-والزواج بعد 26يوم من الحين
رمشت عيون نجلا من الصدمه...والمفاجأه.....معقووووووووووله .......
بدت انفاسها تتسارع بتوجس ..وفرحه مكسوره .. خايفه
تكون حلم .... كل شي الا حلمها المكنون لايجونه ويسوودونه .. بكرههم لها ...ابعدت راسها وهي تهوجس

الفرح توه يذكرني و يدق بابي؟؟؟ولاحت في فكرها صورة انســــــــــان عزيز على قلبها...ســـــــــــــــعد......وينك يااخوي تفرح لفرحي......
نايف-الوليد ...اخو سلطان من ابوه الله يوفقه...ارسل اليوم المهر...وناظرها بطرف عينه.....وتراني خذت منه.....نظرته تقول قولي او اعترضي بس !!
حركت عينها بفهم التغيير السريع ..
دخل ابو نايف - مسا الخير يابوي ..
نظر لها نايف بتهديد مخفي ..
نجلا- هلا ابوي وقامت حبت راسه ويدينه
نايف- كنت ابشرها بخطبتها
ابو نايف- الله يتمم ويوفقها ...

نجلا-يبه .. وبتردد كملت - وسعد؟؟؟
رفعت راسها
نايف-قلعته وش فيه؟؟لايكون تكلمينه من ورانا؟؟
نجلا –لا ماكلمته...بس ماراح يدري عن شي؟؟؟؟؟
نايف-مب لازم يعرف عن شي.....سكتت نجلا ودمعه على طرف عيونها
ابو نايف - اذا كلمني علمته ،،، هو عارف شرطي ..
خالتك ام سلطان بتجهز معك واختك معها ..الي ناقصك علميها وهي بتجيبه ..
نايف-جزاها الله خير امي مب مقصره واصلا كل شي عندك متوفر

نجلا... تنهدت تناظر ابوها بألم ....ليه يبه.....وش ناقصني عشان اروح لولد الناس.....بدون جهاز
قام ابوها وطلع...وسكر الباب معه.....
ووراه نايف ...
مشت للمرآيه...تشوف آثار الكدمات .....رفعت اطراف يدها الناعمه....وغطت شفايفها الورديه..تكتم آآآآآه...لاتطلع منها....ليه تحس بشي قابض على قلبها......مو هذا اليوم الي تستناه؟؟؟؟.....مو هاذي الفرحه الي كانت متوقعتها؟؟؟؟؟.......فيه ..احساس قابض على انفاسها....فيه شي اسود مظلم داخل روحها .. يرسل همسات موجعه .. مو هذا الاحساس الي توقعت بيوم تعيشه وقت تسمع خبر خطبتها
&&&&&&&&&&&&
الجوهره-يووووووووووه دلال لاتأخريني...بسرعه.....
دلال-حرام عليكِ.....تعبت...مره,,,,خلنا نستريح.....
الجوهره-مابي ابغى اليوم اخلص.....كل شغلي.....
الجوهره سمعت الجوال ..الجوهره-وش يبي ذا بعد؟؟
دلال بتعب –منهو؟؟
الجوهره-هههههههههههه منهو بعد قيس بن الملوح.....هههههههههههه
دلال-حمداـــــــــن؟؟؟؟؟؟؟؟
الجوهره-هو فيه غيره
دلال- ارحميه وردي .....وعلميه انك.......ماتبينه؟
الجوهره-تكفين لا تعكرين مزاجي تراني مبسوطه.....يالله هذا آخر محل نمره وبعدين نروح.......نتعشى...
دلال-البنات بيجون ؟
الجوهره-ارسلتلهم ....مسج.....الي يبي يجي الله يحيه....
&&&&&
نزلت من جناحها......رايحه ,,,,,للصاله.عندهم..خالة خالد صح ماتحبها بس عاد وش تسوي...لجل عين.....ووقفت فجأه لانها سمعت اسمها
ام خالد-والله مدري..الى متى بنصبر...
ام سليمان-انتوا اهله ومافيها شي اذا تدخلتوا.....بعد تبون تشوفون عياله....اجل يقعد كيذى لاهو عارف راسه من رجليه
ام خالد-تحسبين الحال عاجبني...رانيه ...كل ماحملت ....اجهضت......سكت اول الامر ابيها تستحي وتعتق الولد.....ماسارشي!!
ام سليمان-وجهها مغسول بمرقه...(يعني ماتستحي ..)انتو اهله ولكم كلمه عليه...
ام خالد-والله هو مايرضى فيها كلمه ...مدري ساحرته ؟؟؟
ام سليمان-الوضع ماينسكت عليه...لها...5سنين..كل ماحملت..ماتم حملها...ارضها بور على مايقلون.....هههههههه
ام خالد-لاوالله مااسكت ...لازم يشوفله حل.....يتزوج .....تبي تقعد الله يحييها...ماتبي الباب يفوت جمل
لحد هينا وخــــــــــــلاص.........كلامهم مثل الصاعقه...هز اوصالها .وارسل رجفه في كل جسمها.....رجعت ....تركض ...وراحت من الدرج ,,حتى المصعد تجاهلت وجوده.....وصلت غرفتها ..ورمت نفسها وصاحت ....وصاحت......ترمي بنفسها يمين وشمال.....مستحـــيل.......خالد يتركني؟؟؟؟!!!!!!!!!!!!لااااااااااااااااااااااااا
يصرخ في جوفها صوت يدمي قلوب وقلوب ليه ليه هو بيدي !!؟..........لاااااااااااااااااااااااااااااااا ااااا.ياخالد...انا وش ذنبي ...وسألت نفسها وههو وش ذنبه؟؟بس انا احــــــــــــــــــــــــــــــــبه.......انا اعشقــــــــــــــــــــه.............وش اسوي اذا خليتني..ولا خذتك مني وحده ثانيه..........الكل عارف ان الوضع صعب ......الكل يتكلم .....الكل يقط كلمه........
خالد دخل عليها......توه جاي من شغله.......خالد-رااااااااااااااانيــــــــــــــــــا
انتفضت...بسرعه ..تحاول تخليه مايشوف دموعها.....
خالد-ليه ياعمر خالد تبكين؟؟؟؟؟؟؟احد زعلك...احد كدر خاطرك...جا وجلس عند رجولها..مسك يدها....
ووخرها عن وجهها.....وشد عليها..
خالد-ردي يانــــــــــــــــــور عين خالد.....
رانيا بصوت مرتجف-مافيه شي ..بس ضايق صدري....
خالد يناظرها.......ااااااااااه وش كثر يعشقها......ادري انهم ياضايقونك..وادري انك متحمله.......وماتشكين....لا ياروحي ......ماعاش من يكدركِ......
خالد بهمس-اكيد فيه......علميني .......؟؟من زعلكِ.....من نزل دموعكِ..قوليلي .....ترى انا مااحتمل شوفتك .....ضايقه.....كيذى اغتم ....
رانيه-سلاااامتك من الغم والهم .....لعاد تجيب طاريه......الله يبعده عنا ...
خالد-امي قالت لك شي عن الحماله؟؟سألها وهو عارف ان .....جواب سؤاله.....إيه
سمعت صوت تنهيده طالعه منه ....و ماردت.....وهو عرف .من غير ماترد.........متى بتركونه ....في حاله...لازم يلقى حل ........باسها على راسها....خالد-قومي يالغاليه.....استهدي بالله.....وناظر عيونها .....وكمل كلامه...
خالد-رانيا
رانيا-حبيب رانيا...
خالد اخذ يدها وحطها على قلبه-انتي مكانك هينا...وبيتك هينا...مهما سمعتي ..ماراح تطلعين ..من قلبي...

رانيا-وانت بعد...خذت يده وحطتها فوق قلبها ...مكانك هينا وبيتك هينا ماراح تطلع منه مهما يسير
خالد-طيب خلاص اوعديني ...اوعديني ..انكِ ترمين كل الي تسمعينه ورا ظهركِ...ولا تفكرين فيه.....طيب؟؟
رانيا-تبشر...
خالد-ودموعكِ ماابي اشوفها...يالله ..تراني حيييييييل تعبان.....وابي تأكليني بيدكِ..
رانيا-من عيوووووووني...ياحبيبي...
راحت غسلت وجهها..راحت الدموع بس الالم موجود...كلمت ..المطبخ ..وقالت لهم يجهزون..العشا...ويرقونه لجناحهم
دخل خالد ياخذ شاور...عيشي معه احلى ايام العمر...وانسي الهم..ونسيه.....
&&&&&&&&&&&&&
مرت الايام ومابقى الا اسبوووووووووووووووع ,,والكل في حالة استنفار...الزواج قرب ...والدعوات توزعت...
رنا-يمه والله خلصت الفلوس الي في حسابي ..زيديني ...تكفين
ام سلطان-10آلاف وين راحت؟؟وش سويتي فيها...
رنا –يمه تعرفين ..هذا زواج اخوي ...ولالازم اكون ...نجمة الحفل
سمر-هههههههههههه..اذا كنتي النجمه اجل انا القمر ههههههههههه
رنا –دمتس ...ثقيـــــــــــــل
ام سلطان-والله مدري اعطيتس ولا لا الوليد ..قال الي خذوه يكفيهم...بعدين انا ابي اعرف..الفلوس هاذي بدون حق الفستان..وش سويتي فيها
رنا-يممممممممممممممه..الي نقوله نعيده......كلميه....
سمر-الوليد مساافر ولا نسيتي؟؟
رنا-قوليييييييي والله...وين رايح؟؟
ام سلطان-بونان..او يونان..مدري والله وش اسمها
سمر-هههههههههههههههههههههههههههههه..اليونان يمه اليونان
رنا-طيب قولي لسلطان؟؟؟
ام سلطان-طيب بقوله والله يعيني عليكم
&&&&&&&&&
بعد مرور الايام وقرب اليوم الموعود
سلطان...هايت كالعاده...وفي باله حاجه لازم يسويها..مسك جواله..ودق على رقم خذاه من صاحبه
لشي في قلبه اكد له ان هذا الشخص يستحيل يرفض ..طلبه ..
سلطان-هلا نايف..معك سلطان بن جلمود
نايف فز من مكانه ..
نايف- هلا هلا وغلا ارحب بالنسيب سلطان ماعطاه وجهه ودخل بالموضوع على طول ..

سلطان-والله ودي اطلب منك طلب ..
نايف بعجل -آمر..يالنسيب
سلطان في نفسه.....ياصبر الارض
سلطان –تعرف انت ان الزواج مابقى عليه شي ..كم يوم..ويجي وبصراحه ودي اقابل عروستي...
طبعا سلطان عمره ماعمل اعتبار للتقاليد...وقال دام الزواج قرب والوليد مو موجود...اكيد اخوها ذا بيوافق
نايف بمكر - هذا بدل الشوفه يعني !!؟؟ ضحك وكمل باستخفاف
نايف - لاتشيل هم منت متوهق ... ضحك باستهتار ناسي انه يقللل من شان اخته وان اذيته وقفت ضرب فهو ياذيها الان اكثر من الضرب ...
سلطان - لا مب القصد لكن هذا من حقي ...
نايف - اي اي من حقك كيف ؟؟؟! خلاص ارتبها واكلمك
...ومادرى نايف انه باهالحركه...بيدمر مابقى من اطياف السعاده الي ممكن ...تعيشها .......نجـــــــــــــــــــــــــــــــــــــــــ ـلا
ماصدق سلطان_ خلاص تم انتظرك ماعندي مهله الا اليوم وبكرا ..
نايف -خلاص انا شويات اشوف الوضع وارجع اكلمك تبشر بسعدك ...
قفل نايف وطار ركض لامه
نايف - يمه !!! .....يمه
ام نايف طلعت من غرفتها – وش فيك يارلدي تو اخوك راقد وش تبي؟؟
نايف - يمه العريس يبي يشوف نجلا !!
ام نايف - وش شوفته ذي الي قبل العرس بكم يوم
نايف - مدري عنه المهم انه كلمني ... والاعلم الله انه مايبي ابوي يدري حسيت كيذا وانا لي نظره
ام نايف بهواجس جهنميه - بالله ؟؟ طيب خلاص حدد له اليوم !
نايف - والله مستعجله يمه تبين الفكه
ام نايف- يوه منك !! اعجل بس واعده اليوم عقب المغرب عشان ابوك مب جاي الليله ...
ام نايف نيتها نيه ثانيه .. تذكرت كلام ام حسن عنه
اييييييه اكيد مارن عليه اشكال والوان يبي يشوف ذا الي بياخذها .. ابتسمت مع نيتها الي نوتها جاهله ومتجاهله الكلام الي سمعته عندها اعمتها رغبتها وطمعها ،، حتى لبنتها ... ،،كل شي من صالحها محدن جا يشوف هالبنت بسبب الرضوض والحمد الله انهم ماجو ...
نايف كلم سلطان واتفق معه على بعد المغرب ...
رراح نايف للمطبخ الا شافها تغسل
نايف-نجلا تعالي .. بسرعه اتركي الي بيدك وتعالي فوق ..
نجلا-وش بغيت وراي شغل ابي اخلصه
نايف- اعجلي علي !!! بصراخ
غسلت يدها بسرعه..وهي تبتسم نص ابتسامه..الي يشوفني مايقول باقي على عرسها... ولا يقول اني بترك هالصراخ والخوف وراي خلال اسبوع..
نجلا- سم ياخوي
نايف-سلطان بيجي اليوم يقابلكِ..
نجلا باستنكار -بس وشلون اقعد معه وانا توني ماملكت!!!!
نايف -خلاص مابقى الااسبوع ..بعدين احمدي ربك..يمكن جايب هديه ولاشي..
نجلا باستنكاركملت-اسمحلي ...ماابي اطلع
نايف ..معصب-اشوف طالت وشمخت ..اقول بتدخلين وانتي ماتشوفين الجاده انا افقت مع الرجال!!!!!!
نجلا داخلها بركان يغلي ..حتى لو تحبه .. حتى لو منيتها تكون له حليله .. ضغطت شفايفها
ياخوفي يانايف يكون ذا كله من تدبيرك!!!!!كيف سمح بهالشي وابوي !؟؟ وينه وسلطان كيف يجي ويشوفها وهو ماكتب عليها..رضخت لنايف لانها عارفه لو اصرت وش بيجيها..هذا احساس ..وفيه احساس ثاني يرجف داخلها.... سلطااااااااااااااااااان حلمها الي مايتجاوز سنواتها طلع نايف وتركها ... تذكرت صوته والهيئه المبهمه بذاكرتها ...
طلعت تدور ابوها دخلت على شيهانه
نجلا- شيهانه ابوي جا اليوم ؟
شيهانه تركت الي بيدها-ماشفته الا الفجر يوم قمت اصلي توه راجع من المسجد ...
نجلا- طيب .. مارحع يعني اخوك ذا بيجلطني. ..جايب الرجال ويقول شوفه شرعيه !!!
شيهانه-نايف!؟ طيب وش فيها
نجلا-اش الي وش فيها توه الحين يجي انا قلبي مقبوض احس السالفه مو زي ماقالي ؟؟
شيهانه- نسيتي الاثار وتعبك الي راح ؟؟ من حسن حظك ويمكن كان بيجي وصرفوه ! ولاتخافين نايف مايتصرف بدون علم ابوي
تنهدت نجلا- تعلميني فيه ؟؟ نايف اتوقع منه كل شي كل شي !! انا بس لو اقدر اوصل!!لسعد !
شيهانه - انقطع وكن الارض بلعته ماله حس
نجلا- تلومينه !؟؟؟ لكن يستحيل ماحاول يكلمني !!! اكيد حاول ومنعوه ماستبعد اي شي من امك واخوك!!!
شيهانه- مب صار الي كنتي تتمنين!!نجلا الان فكري قدام وان شاء الله تزين الامور ..!! وابوي كفايه الي فيه ترا صحته معد تتحمل !!
قامت نجلا من كرسيها تحرك يدها ماباليد حيله فيكم !!!!
&&&&&&&&&&&&&&&&&&
بعد المغرب ،.....

نايف - تفضل طال عمرك
سلطان..يناظر البيت باستحقار وقرف
نايف-يزيد فضلك
نايف -الله يحيك..
سلطان مارد..وكان يناظر اركان البيت ..كأنه يشوفه لاول مره ..لان المره الي راحت ..كان عقله مو معه..


.دخل سلطان مجلس الرجال..
نايف راح يجيب القهوه..
ام نايف -خذ ياولدي ..
نايف طاير من الفرحه..-هاتي هاتي
رن جرس الباب.نايف-مين ذاالي جاي والتفت لامه..انتي مواعده الجيران..
ام نايف -لا والله ماواعدت احد وابوك قال بيتاخر لاننتظره عالعشا ..
راح نايف حط القهوه وطلع ..وفتح الباب..
تفااااااااااااااجأ نااااااااااايف
نايف -سععععععععد!!
نايف-ســـــــــــــــــــــــــــعـــــــــــــــــد... وش جابك؟
سعد-جيت اشوف نجلا!! ولاتحاول تمنعني !!
نايف -خير ياطير وش تبي؟؟
سعد-انا!!؟اعرف من الجرايد موعد زواج اختي !!!!!
نايف-والله عاد هذاالي صار..الحين وش عندك؟؟كل شي بارادة ابوك ولو انه يشوف انك كفو علمك بنفسه !!!
تنفس سعد بعصبيه
سعد-بنوقف عند الباب..ماراح ادخل؟؟ انا جاي عشان اشوف اختي !! ومن حقي التفت شاف السياره الي عند الباب وكمل
سعد-ولا عندك ضيوف؟؟
سعد قالها لانه شاف سياره عند الباب متاكد انه يستحيل تكون لاحد عادي ...
نايف-ادخل واياني وياك تسويلي سالفه؟؟ اليوم شوفة نجلا الشرعيه .. !!! وكله بعلم ابوي فلاتنشبنا وتفضحنا عند الرجال !!
سعد - ليه الحين توهم يجون !!
نايف- والله عاد هذا الي صار !!

دخل سعد ..للمجلس..سعد-السلام عليكم
سلطان-وعليكم السلام ورحمة الله وبركاته"
نايف -هذا سعد اخوي طال عمرك...
سلطان..لازم يزين علاقته في الكل ولا يشكك فيه احد؟؟
سلطان-ونعم فيه والله
قعد نايف وقام سعد يصب القهوه...
سلطان-وينك ياسعد ماشفناك يوم الخطبه
سعد يناظره بريبه-والله منعني ظرف في الشغل..وتعرف العسكر مايلعبون ..ولا فيه وقت ..
سلطان..ياثقل الطينه
ابتسم سلطان-الله يكون بعونك
جلس نايف وعينه لسعد بتربص ...
والتفت سعد...لسلطان..
سعد-طبعا انت الحين واحد منا وفينا
سلطان الله لايقوله-صحيح
سعد-لا اوصيك نجلا ماسه حافظ عليها..اختي تسوى عيوني ..وتبيني اصارحك الي سمعته عنك......مايسر سكت يشوف تأثير كلامه
سلطان..لاووقح بعد-وش سمعت ؟؟واشر باصبعه ...مع اني متأكد ان كل الي سمعته... ماهو صحيح ..دايم احنا الكباريه تلحقنا الاشعاات!!
سعد بصوت جازم –اتمنى
دخل نايف على عجل ..
كمل سعد- اختي هذي الوحيده لانها من امي وابوي .. بالنسبه لي هي كل شي وعشانها انا مستعد افني عمر ...!
سلطان.. اقول بس لايكثر ابثروتنا بذا البنت
سلطان- افا عليك انا جايكم شاري واختك بتكون بعيوني ..
دخل نايف..وقال –عن اذنك ..يا سلطان ..والتفت لسعد ..تعال ابيك
سعد-عن اذنك ولا اوصيك
سلطان- اسلم .. لاتوصي ابشر بعزك
وهو بخاطره متململ .من هالمثاليات الزايده ..
مازالت نظرات سعد مشككه
نايف مشى لين ابعد عن المجلس والتفت لاخوه
نايف-هاه ارتحت ..وش الاسئله الي طايح تسألها لرجل اختك..وش فيك انت تبيه يفر..واحنا ماصدقنا
سعد..بصوت يحاول يخليه هادي-نايف نجلا الف من يتمناها..
نايف-اقول بلا كلام فاضي..الحين ماودك توريني عرض كتافك
سعد-ابي اشوف اختي..
نايف-مب لازم ... ابوي يدري ؟؟
نايف - ابوي يدري وعنده علم !! انا معلمه هو وينه فيه ؟؟
نايف -ماجا ادخل واعجل وراها شوفه !!
سعد- نايف هذي اختنا الصغيره !! انا مني مطمن !!
نايف - اقول تقلع هذا شور ابوي وابوك عطى الرجال كلمه !!!
سعد-نايف انا عندي دوره وكنت ناوي اخذها معي !! لولا هالزواج الي مدري شلون صار !!!وسالفة هالخطبه !!
نايف-فكه ..منك ومنها تروحون مره وحده .. ريحنا واخلص ،،رح ادخل شفها في غرفتها ولا تطول
ترك نايف اخوه ودخل سعد وشاف ام نايف ونصوري في الصاله..
ام نايف -عبرنا ..ولا الاحترام ماتربيت عليه..
سعد .. اللهم صبرك ياروح
سعد - السلام عليكم
ركض ناصر له خذاه بحظنه وباسه وخلاه و..
تركها ورقى الدرج لان مامنها فايده...كان يرقى الدرج بسرعه ..ولهااااااااااان على نجلا...ومشتااااااق لها
"دق ...دق....دق"
سمع صوت الغاليه..-ادخل
مسك عكرة الباب..ولفها وفتح الباب بشويش
شافها ..بس الي شافه غير الي تعود عليه
قاعده تمشط شعرها الشلال...ومن فتح الباب وهي تاركه المشط......رفعت راسها....والتقت نظراتهم..
جت عينها بعينه وتسارعت انفاسها ... وفزت من مكانها..






-












  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 11-04-2019, 04:42 PM
صورة عيونها..نجلا الرمزية
عيونها..نجلا عيونها..نجلا غير متصل
©؛°¨غرامي مشارك¨°؛©
 
الافتراضي رد: وخلقت من ضلعي الأعوجا& خذني بقايا جروح ارجوك داويني/بقلمي


. نجلا بفرحه-سعــــــــــــــــــــــــــــــــــــــد...وينك يااخوي...دموعها نزلت غصب من الفرحه
سعد-موجود........يالغاليه..وتحت الطلب
نجلا-ههههههه..وحشتني موت..
سعد-اخباركِ..يالغاليه؟؟مبسوطه؟؟
نجلا مسكت يده –اكيد مبسوطه بشوفتك يااخوي...مستحيل تكدر خاطره بأي شي سار
سعد-دقيت بس ماكان يرد الا ام نايف ..
نجلا –واكيد تصرف صح.. والله اني كنت حاسه خبرك انا مامعي جوال وشيهانه ماخوذ منها ولالها لسان .. كالعاده
سعد ناظرها-ماعجبتيني ليه النحف ذا لا وزاجك بعد اسبوع...
نزلت راسها الارض من الحيا...
سعد-نجلا ..قوليلي انتي مبسوطه ..وتبين سلطان
رفعت راسها تناظره...ياحبيبها يااخوها والله وحشها موووووت
نجلا بهمس-ايه مبسوطه
سعد-ليه محاجر عينك مسوده ؟؟!..صار شي وانا اخوكِ
نجلا-لا ماسار شي بس من التعب ..تعرف البيت وشغله
سعد-بعد الزواج مافيه كرف وتعب ..واشر باصبعه ..وان كان سلطان بيبهذلكِ..علميني...كان يقولها بمزح..مع انه فيه شكوك تدور براسه حتى بعد ماكلم سلطان
نجلا-ان شالله..طيب ماقلتلي انت اخبارك ..؟؟
سعد-اخباري ماعليها..زينه اذا كنتي بخير وشينه اذا كنتي غير كيذى
نجلا- انا بخير بس فيني رهبه .. رفعت يدها لصدرها
نجلا- ناس ماعرفهم ولاقد شفتهم اذكر اخر مره يوم نروح لهم انت ماجيت كنا صغار .. هزت راسها
سعد - ان شاء الله انهم اجاويد سمعتهم طيبه .. وابوي ماعطاك اياهم الا عارفهم ..
تذكرين عمي صخر الله يرحمه
نجلا- الله يرحمه ماتذكر الا هو من كان يدورنا غيره.
المهم انت اخبارك وين اراضيك .. ابتسمت بشوق
نجلا- وحشتني وحشتني وحشتني واجد
سعد - الحمد الله اهم شي شفتك ابوي كان يبي اقدم مطوية اعتذار لحرمه المصون وولدها
ضحكت نجلا يااالله من زماااااان عن ضحكتها وعن كلام اخوها الي يضحكها ...
نجلا-اي وبعدين..
سعد مسك يدها وجلسها وجلس معها .. وبدا يتكلم بجديه
سعد -انا خذت شقه واستقريت وابوي طول هالفتره عارف مكاني .. بس شارط علي هالشرط .. وكنت بسويه لاني بغيت اخذك عندي وهو مارفض .. لكن سبقوني ال جلمود .. وابتسم ..كمل
سعد- دورتي لفرنسا عقب كم يوم .. سكت شوي يتطلع لتعابيرها .. المتذبذبه..
نجلا –منت حاظر زواجي ؟!!! بعييييد ياخوي ..
سعد - تبين اكنسلها واقابلك ورجلك ..وضحك يوم شاف وجهها محمر .. رغم هشاشتها ونحفها والتعب الواضح عليها الا ان بسمه بس منها تنور له كل هم ..
سعد-لو تبيني اكنسلها كنسلت..كم عندي نجلا انا؟؟؟
نجلا-مولهاالدرجه؟؟؟؟؟؟؟
سعد-ماتدرين وش قدرك عندي ..؟؟؟؟
نجلا-الا اعرف...طيب متى بتروح؟؟؟مرره قريب مرره كنت ابيك تحظر معي من لي غيرك !!؟
ناظرته بحنان...واستحياء وخجل ..

سعد-ههههه وش ذا الحيا..قوليها تراها سهله..بصراحه موعدها ثابت مايتغير...وكا ن ودي احظر؟؟؟بس اهم شي انكِ تكونين مبسوطه ... وسعيده
ماردت نجلا لان نايف دخل ..وعيونه تنطق بالشر..-ماخلصت..؟؟؟
سعد-خلصت خلصت وراكم كني زاير سجين
نايف - ماورانا شي الرجال مستعجل ..
قام يبوس راس نجلا ..
سعد- شوي بطلع دقايق بس ..
طلع نايف وخلاهم ..
سعد التفت لنجلا
سعد - وش فيك وانا اخوك كنك ضايقه
نجلا تنهدت كل شي متلخبط شوفة اخوها وفرحتها ورجعته للغياب وخطبتها وهالشوفه الي طلعت لها
قلبها مو مطمن وابوها الغايب عن هالحدث المهم ..
ماتبي تشغله اكثر تخاف تصير مشاكل مع نايف قدام سلطان خطيبها المنتظر .. حركت راسها لمشاعرها المتلخبطه ..
نجلا - سعد ..مافيني شي بس مرتبكه .. نزلت راسها .. وضحكت
سعد - ياجنة سعد .. الله يسعدك ياوخيتي مبطي ماضحكت عينك جعلي ماعدم فرحتها
كنت شايل هم والله ثم والله لو شفت اوحسيت او قلتي مابيه لأمنع كل شي عنك واحارب الكل عشانك و اخذك معي .. طمنيتني ..
نجلا سمعت كلامه الي محتاجته .. من زماااااااااان من زمااااان
ارتجفت شوي ..
نجلا - الله لايحرمني منك ياروح نجلا ..
سعد قام وقومها وحظنها وحب راسها ..
نجلا احتبست دموعها ورفعت يدينها تحظن اقرب الناس لها .. وشهقاتها تتابع .. وبصوت همس
نجلا- ياجعلي مابكيك ياخوووي ياحبيبييي..
شد عليها بحنيه
سعد - امين يانور عين اخوك امين ولايحرمني منك .. وش انا بدونك ياخوك .. انتي ريحة امي
شهقت نجلا صياح
سعد- اوووه لو ادري ماجيت شوفي وجهك شلون صار
ضحك وضحكت
نجلا رفعت انامل يدها الورديه الصغيره ومسحت ووجهاهها بسرعه بضحكه ترجف
نجلا- لالا خلاص معد فيه بكا
سعد مسك وجهها بين كفوفه
سعد- اي خلاص انسي البكا الله يوفقك في حياتك ويجعلها اخر الاحزان .. الله يطمن قلبي عليك ياحبيبه
نجلا- امين .. باست كفوفه وحاولت ترتفع تبوس جبينه
نجلا- انزل عاد شوي !!
سعد - هههههههههههههههههه
يلا انا طالع طلع من جيبه جهاز صغير ودسه بيدها
سعد- خذي هذا جوال لك صغير عشان ماتنتبه له ام نايف
فيه رقمي بتواصل معك فيه ..
خذت الحوال وشدت يدها عليه
نجلا- يسعد قلبك ياخوي ازين شي بحطه بقلبي ..
سعد - يلا بحاول اجي قبل سفرتي .. اسلم.. فمان الله
نجلا- فمان الكريم ياخوي ..
سعد- يلا اغسلي وجهك وانزلي معي ..
نجلا- بتنزل معي ؟؟!بشهقه غطت وجهها
سعد - اي اكيد والله ماخليك ... بروح احط عيوني وعيونه اربع خل يعرف وراك ظهر وسند ..
نجلا- الله لايحرمني وبخجل راحت تغسل
واساسا حتى البكا زادها جمال ،، رغم الاجهاد والتعب
طلع سعد الا نايف بوجهه
سعد مسك يد نايف
سعد- نايف !!؟ انتم متاكدين !! انا سمعت واجد سوالف
نايف سحب يده- ابوك ادرى وش ظنك يعني .. وتكفى لاتتدخل كالعاده ..
سعد مسك نفسه-نايف هاذي اختي...اذا ماتدخلت الحين متى اتدخل..لما يطيح الفاس في الراس ..ويفوت الفوت..ساعتها ماينفع الندم والضحيه الوحيده هي نجلا
نايف-تكسر كلام ابوي يعني قلت لك ابوك ادرى ليه نعيد ونزيد والعرب خطبو ا وابوك عطا هينا ينتهي الكلام

سمعو صوت الباب وطلعت نجلا تناظرهم شعرها تاركته يغطي متنها الناعم الصغير .. لابسه فستان نيلي واسع من الخصر وماسك الصدر طويل الاكمام .. هاللون تصادم مع بياضها وجمالها .. وملامحها المرسومه ..
سعد وهو يبتسم - ماشاء الله الله يحفظك يازينة بنات المجفل
نايف - اخلصو علينا ..
&&&&&&&&&&&&
بالمجلس
سعد ماسك يد نجلا ويمشي ..
حس بيدينها حااااره ...
انفاسها بتطلع من مكانها
نايف بصدمه دخل مالقا بالمجلس احد
نايف - وين رااااااح !!؟؟ ابو صخر .... يابو صخر
طلع يدور بالمغاسل مافيه احد
طلع برا ماشاف سيارته ...
رجع ثاير
نايف - هذا الي استفدناه من شوفة خشتك الرجال يقولك مستعجل !!!!؟مستعجل وانت جالس .. تبكك انت وهالمنحوسه .!!!
سعد - وين بيروح يعني ..
نايف هز كتوفه وطلع جواله بيدق
نجلا تنفست براحه والتفت لها سعد وابتسم
وابعدت وجهها ..
فهم انها كانت متهيبه الدخول ...
تركت يده وركضت فوق ...دخلت غرفتها ولحقتها شيهانه
شيهانه - هاه ش صار ؟؟ ضحكت
نجلا- اسكتي يانتي قلبي يرجف ماشفت شي طلع
والي يقابل اخوك نايف وين يجلس !!!
احسن مافيني اقابله مني مرتاحه اساسا
شيهانه- راح وين تو امي تقول وينها هالبنت خل تنزل ...
نجلا -مدري مدري ..
هزت راسها ..
.........................
ام نايف - احسن احسن
ام حسن - يعني راح؟؟!!
ام نايف- ههههههههه يمكن ماعجبته
ام حسن- من صجك انتي نجلا !!؟ تتكلمين عن نجلا!!من الي ماتجوز له
ام نايف - والله علمي علمك انا متفرجه وهي تبتسم من خلف الجوال بمكر...
ام حسن- وش بيصير الحين
ام نايف- انا قايله من اول هالعالم مب لها ولا تصلح لهم
تذكرين!!؟؟ خل ابو نايف الحين يشوف ...
.............
"رنة جوال"
رفع جواله شاف رقم هالمناحيس الطماعين
سلطان - نعم
نايف-وينك يابو صخر جيت ادورك مالقيتك
سلطان- جاني ضرف مستعجل وطلعت المعذره منك
نايف- عذرك معك طيب ..
سلطان بخبث - خلاص على موعدنا .:
نايف- على خير ...
سكر ..
سعد - هذي قلة احترام شلون يطلع يدون يتعذر
نايف- ااااااايييه اقل حل عنا بس علمني متى مره ماجيت انت وصلح شي !؟؟
سعد - عطني رقمه
نايف- اقل الخلا بس روح روح تراني مولعه معي ..قالها نايف وطلع
رجع سعد ورقا لنجلا
دق الباب
دخل قامت شيهانه
شيهانه- اهلللللين سعد حيا الله هالطله
سعد - هلا فيك اخبارك.. عينه تدور نجلا
طلعت من دورة المياه
نجلا- هينا هينا
سعد - انا بطلع جيت اسلم عليك الرجال جاه ضرف مستعجل وطلع ماقدر يكلمنا محد عنده
نجلا- اه ازين اساسا مارتحت وضحكت بخفه محرجه
قرب حب راسها .. وسلم على شيهانه
سعد - بوسو لي نويصر
يلا فمان الله نجلا برجع اشوفك ...
نجلا - مع السلامه الله يحفظك ..
ابتسمت عقب طلع
وهو نزل الدرج بيلحق نايف الا يبي رقم سلطان ..
سعد - هات رقم الرجال
نايف حذف جواله على سعد
نايف- خذ ابثرتنا ابثرتنا
نقل سعد الرقم وطلع على عجل ...
———————————
دق جوال سلطان برقم غريب
سعد - السلام عليكم
سلطان - وعليكم السلام
سعد- معك سعد بن غازي علامك طلعت !؟
سلطان يالللللله وش ذا النشب لازم يسايرهم الين يضرب عصفورين بحجر منها يفتك من الزيجه ومن بثرة اخوه
سلطان- جاني ظرف مستعجل ماقدرت انتظر والله .. قلت لنايف ... انا على وعدنا ان شاء الله ...الاسبوع القادم ..
تنهد سعد وشد على كلامه بهدوء وتكلم بصوت هادي ثابت جاد
سعد-يالله انا استأذن..ولا اوصيك..ياسلطان..نجلا حطها في عيونك..ترا ماخلق مثلها ثنتين..ودانه ثمنها غالي...هي اغلى من روحي ..
هز سلطان راسه وحرك شفايفه بامتعاض ..
سلطان-وانا اكثر من راح يصون الدانه هاذي....وهو يقول في نفسه تكفى بس بلا دره بلا دانه فقران ويتشرط بانت حقيقتكم تبون تنشبونها فيني هالدره ..
قالها سلطان وهو يشوف ويحس بتشديد كلام سعد ..
سلطان-نشوفك الخميس ان شالله
سعد -والله انا معذور كان ودي بس عندي دوره لفرنسا ارتباط اختي ماكان على البال والخاطر ومقدر اتعذر ..
سلطان دورة ايش ياعم تبي الفكه ..
سلطان-خساره..تروح وترجع بالسلامه
قفل سلطان وحذف جواله .
قفل سعد جواله ...وهو مطمن من كلام سلطان...يمكن كله كذب الي سمعه ...
الله يوفقكِ يانجلاااااااااااياوخيتي ...جا الوقت الي تعيشين مبسوطه ...ابتسم ....
&&&&&&&&&&
طلال- هلاو الله بالوليد ...حيا الله هالصوت
الوليد-هلابك...
طلال- هاه خلصت صفقاتك ..؟؟؟؟
الوليد-اليوم آخر يوم ان شالله...وبكره راجع تعرف زواج سلطان بعد بكره
طلال- والله انا اليوم بروح...ودقيت اسألك وشي الخيول الي تبيني انقلها الرياض؟؟؟
الوليد-جاك يعرفها...بس اهم واحد الواااااااافي...
طلال- وانا اقدر اخليه؟؟؟حتى هو فقدك...مايبي احد يركبه؟؟؟
الوليد..مبتسم-والله وحشني ..ووحشني ركوبه..
طلال –هاذاهو بيجيك!!الله يعينك عليه
الوليد-لحظه شوي ياطلال
الوليد-طلال ..شوي واكلمك
طلال –يالله اخليك ..فمان الله
الوليد-فمان الله


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 11-04-2019, 04:45 PM
صورة عيونها..نجلا الرمزية
عيونها..نجلا عيونها..نجلا غير متصل
©؛°¨غرامي مشارك¨°؛©
 
الافتراضي رد: وخلقت من ضلعي الأعوجا& خذني بقايا جروح ارجوك داويني/بقلمي


. . رنا-وش رايكِ يمه.....حلووووووووووو صح
لبست رنا فستانها تشوفه....
ام سلطان-يهبل يابنيتي الله يحفظتس من العين....والتفتت لسمر وانتي ياسمر روحي البسي..ووريني
سمر-هل قد طلعت الشمس في غير وقتهاااااااااااا؟؟؟؟؟؟؟؟؟؟؟؟؟؟؟؟؟؟؟؟؟؟؟
رنا-ههههههههههههههههههههههههههههههه لايكون انتي الشمس؟؟؟؟؟؟؟
سمر-ايييييييييييييييييييه انا فيهههههههه مااااااااااااااااااانععععععععع
ام سلطان –اكيد شمس وانتي القمر
رنا-يسلم فمتس يمه....
....يمه وين سلطان ماشفناه..
ام سلطان-والله علمي علمكِ..
سمر-اقول متى بتجي ريتا بكره؟؟؟
رنا-انا مواعدتها الساعه 5
سمر-ليييييييييه؟؟؟متأخر
رنا-عشانها بتمر الجوهره اول
سمر –الجوهره الجوهره...كل شي الجوهره
رنا-ايييييييه الجوهره....عندكِ مــــــــــــــــــــانع
سمر-اصلا ليه اسئلتس...انا غلطانه؟؟؟؟؟!!!!!
&&&&&&&&

ام حسن- هاه بشري خلصتوا شغلكم..ولا باقي؟؟
ام نايف -ايه خلصنا..حتى الفستان خذت حق اختي الجازي...
ام حسن-ههههههههههههههههههههههها ام نايف انتي صاحيه؟؟تلبسينها قديم وش بيقولون الناس عنكم ..الظاهر انكِ مبخستهم حقهم
ام نايف-تحمد ربها بعد والله حق اختي وش زينه .. هذا ان تم هالزواج نشوف نشوف
قالتها بخبث دفين ...
ام حسن- الله كريم طيب والصالون رتبتو وضعكم !!
ام حسن-والكوافير مين بيسويها؟؟
ام نايف-بنروح للقريبه الي عندنا..هاذي(؟؟)
ام حسن في خاطرها تقول ..الله يعديكِ العقوبه يام نايف....
ام حسن-يالله مع السلامه..اشوفكم بكره
ام نايف - يالله مع السلامه
غريبه هالادمي مازال يبيها عقب الي قلته عنها ،،،،
ايييي لعاب بياخذها كم يوم ويقطها ،،..

جنون الكره والحقد هو فقط من يتمثل بشخص ام نايف ..رغم موت ام نجلا الا ان حقدها كل مازادت السنين وكبرت نجلا تكرهها اكثر واكثر ..
&&&&&&&&&&&
سكرت ام نايف وصوت ابو نايف يناديها
ام نايف- سم يابو نايف......
ابو نايف شكله تعبان..ومنهك.. البارح كان بالمستشفى عقب ماتعب .. ومعه اجهاد ..مب مرتاح لين يزوج نجلا ويتطمن عليها ... سعد وشق طريقه بنفسه ... بقى هالصغيره الي عارف انه مقصر بحقها ...
ام نايف -غازي ؟؟...وش فيكِ..عسا ماشر؟؟تعبان ؟؟
ابو نايف-والله مدري وش فيني اليوم.....احس اني ماش
ام نايف بخوف وحذر - والله وجهك مايسر يابو نايف..اكلم ..نايف يودونك المستشفى..
ابو نايف-لا ماله داعي برتاح شوي ..خليني انام تعرفين بكره ورانا قومة صبح
ابو نايف -ابشر نوم العوافي

في غرفتها كالعاده ...منسدحه...وفي فكرها تدور افكار وافكاربكره...بتروح لحبيبها....ياللللللللللللله ليتني شفته...
ليتني لمحته لمحه بسيطه عالطبيعه ..ابتسمت وهي تفكر ان....سعادتها ممزوجه بحزن......لان سعد مو موجود.......رغم انها تواصلت معه ومر يسلم عليها الان قلبها حزين لفراقه.. غمضت عيونها ،،
نامي ..ياعيوني ..واغمضي .....جفونك......بكره ...بكون للحبيب........الي النفس تهواه
غصتها العبره ......يوم ذكرت ان مرت ابوها .....ماجهزت لها زي كل البنات.....ياليتكِ يمه موجوده......شدت على اللحاف بيدها
ياترى ...حينتكتب لي سعاده ولا لا....وتزهر ايامي من جديد؟؟؟؟؟؟؟؟؟؟
دق باب غرفتها
استقعدت يوم شافت ابوها داخل
قامت بسرعه له
نجلا- هلا ابوي حياك
ابو نايف - ابتسم ودخل سكر الباب .. عينه على ملاكه الحزين .. يدري انه مقصر ومقصر كثير ... هذا اليوم الي ينتظره يدري ان زواجها بعد الله امان لها ..
ابو نايف- تعالي يابوك اجلسي مشى وجلس على كرسي وجلست جنبه بعد ماحبت راسه
نجلا طافت عينها عليه ووجهها محرج منه غرفتها كلها اغراض واكياس وقلبها متذبذب مابين سعاده وقلق
ابو نايف- وبتتزوجين وبياخذك زينة الرجال يابنتي
الله يوفقك .. ادري اني مقصر وحرمتك من اشيا واجد ..
نجلا- لاتقول كيذا يبه افديك بعيني .. ماقصرت ..
تدري انه مايدري عن شي ... والكذب يملى علاقتها فيه لكن مع ذلك هذا ابوي... لو ماحسّ فيني يضل ابوي
نجلا- ماقصرت يابوي الله يطول بعمرك
ابو نايف هز راسه- لاوصيك يابنتي .. انتبهي لحياتك ..
وكوني مره صالحه .. ودراستك انا بشترط تكملينها ..
الناس الي بتروحين لهم انا معاشرهم نعم الحموله والعرب ..
نجلا تسمعه بهدووء وفي شي قابض نفسها .. ابوها نظرته غريبه اليوم وحاله غريب
نجلا- يبه انت تعبان !! ليه مايتأجل كل شي شكلك مايطمن
ابو نايف- لا انا بخير جيتك اشوفك بكرا بتصيرين مشغوله مني قادر اكلمك وسط الزحمه
دخل يده داخل جيبه
وطلع علبه صغيره مخمليه
مدها لها
ابو نايف - هذي كات لامك الله يرحمها مكانها الحين عندك
قامت بسرعه وجلست عند رجله خذتها منها وفتحتها باطراف يدينها الي ترجف وملامح وجهها كلها تعابير غريبه ...
جت عينها على فراشه متعلقه بلسلال ذهب
نجلا- هذي لامي ؟؟
ابو نايف- اي لامك الله يجعل مثواها الجنه ..
نجلا اول مرا يكون لها شي خاص من امها رفعت راسها وهي تدور اجابات بوجه ابوها هو اساسا مايتكلم عنها ابدا
نجلا- يبه كنت تحبها ؟؟
ابو نايف ابتسم بوهن وكنه يرسم ذكرى بباله بملامح ووجهها- كانت لي الشوف يابنيتي .. خذتي منها واجد خذتي كل مافيها ...
نجلا- والله يبه ؟!
هز راسه موافق ورفع يده على راسها
ابو نايف- الله يوفقك يابنيتي ويجعل ايامك كلها هنا ..
قام يمشي بهدووء لحقته باست يدينه
نجلا - الله يحفظك .. يابوي ..
مسكت العلبه ولمتها على صدرها احساسها ان ذكرى من امها بتكون معها مدها بالقوه لو قليل..
&&&&&&&&&&&&&&&&

في الوقت نفسه......بس المكان يختلف
احمد-روح ,,,,,,روح نام ياخي بكره عرسك
سلطان-يااااااااااااااااااااااااااااااشيخ جايب خبر جديد ؟؟؟
عبدالله -صدق انك مب صاحي!!!الساعه2..رح نم
سلطان-ماتبوني ؟؟؟؟خلوني اودع العزوبيه...
احمد-ههههههههههههههههههههههه..كثر منها..يعني بتترك لعبك
سلطان..باستنكار-ايششششششش؟؟لا مستحــــــــــــــــــيل..اترك حبايب قلبي..
عبدالله- الله يعينها بنت الناس الي بتاخذك
مارد عليه سلطان..لان فكره راح لوادي ثاني.....يوم جابو طاريها احساس بالخبث والتحدي ....في الوقت نفسه... ابتسم باشمأزاز وهو يتذكر كلام المره الي على بالها بكلامه بتخليه يلين ويرحم ويقبل وحده مثلها تكون زوجته ...!!!! انا !؟ يوم بتزوج اخذ مثلها !! لعابه وفقرانه وين عقل ابوي يوم يخطب منهم ...

بس المكان يختلف
..
شي لازم يروح يشوفه
سلطان-عن اذنكم ياشباب عندي شغله قبل لانام لازم اسويهااا
احمد-وشي تشرب حليب نياااااااااااااااااق يوهههههههههههههههههههه
عبدالله -هههههههههههههههههههههههههه
سلطان-مسوي خفيف طينه الله يرجك........وتركهم وطلع من المقهى
ركب سيارته ......ووقف عند استديوهههههههههههههههات شهــــــــــــــــــــد
سلطان-سلاااااام عمر خلصت الي قلتلك؟؟؟؟؟؟؟؟؟
عمر-ايه خلاص لحظه شوي اجيبه؟؟
عمر الي يشتغل في المحل ......ناول سلطان (سيدي)
سلطان دفع الحساب
سلطان-يالله اشوفك..
عمر--..رد بلفته بسيطه لانه كان مشغول بالزباين الي عنده
طلع سلطان وحطه في درج السياره.وكان فيه ظرف ثاني.....ابيض مغلف بعد....وكمل طريقه
وهو يفكر باللي سواه وبيسويه ...
هز راسه بمكر
اوريك يالوليد .... ان ماحجّرت لك ..، عشان معد تدخل في حياتي
البنت هذي لو تبقا اخر بنت بالدنيا ماخذها
تذكر كلام الحرمه
- (استر عليها الله يحفظك .. والله انا بحاله مايعلم فيها الا الله .. حتى ابوها ابوها ماله وجهن يقابلك اليوم ....
يبون يرمونها بحلقي يحسبوني خبل وانا كنت اقول للوليد اكلمها واكلمها اتاريها ماعندها وقت !!!!صحيح حتى ابوها واخوها ذا المهبول والله لاخلي فرحتكم سواد وجه ...اصرارهم لزويجها هي مع انهم يقدرون يزوجون الكبيره زي ماقالت امها اش معنى مصرين عليها ومحطين السالفه بابوي !!!؟لكن لأخليها تعض الارض هي وابوها واخوها الي شايفن نفسه سويد الوجه وانزل راسك يالوليد للارض !!!...بين ربعك والسلايق الي جايبهم لي اخذ منهم !!!!!!!!
&&&&&&&&&

اليـــــــــــــــــــوم الموعود)
في قصر الجد الوليد بن صخر
امي نوره-هانت اليوم زواج سلطان ...وبيجي زواج الوليد والجوهره بعده...ان شالله
حصه-الله يسمع منتس يمه
ساره-تدرين يمه ....الوليد...شخصيته مو من الي ينجبرون على شي مايبونه ...ومستحيييييييل تغصبونه على زواج مايبيه
حصه باستنكار-وليه نغصبه اصلا الجوهره ....ماهي طايحه
امي نوره-الله يهديتس يا ساره.....الا يمكن هو الي يقول ابيها
حنان دخلت وشافت ووجيههم....حنان-وش فيكم؟؟؟؟؟؟
امي نوره-مافينا الا العافيه
ساره تغير الموضوع-يمه اخواني راحوا
امي نوره-تلقينهم وصلوا.....
&&&&&&&&

في حارة بيت ابو نايف
الساعه 1الظهربعد صلاة الظهر تجمعوا في بيت ابو نايف عشان الملكه ..،،
الوليد...في حيره...سلطان الى الان ماجا وجواله مقفل....
ابو سعود-الوليد...دقيت على اخوك...المفروض يكون اول الموجودين!!!
الوليد بصوت..هادي على قد مايقدر لان في داخله مواري بركان بيثور-المفروض ياعمي... .المفروض
الكل موجود ...ابو خالد وخالد....وصالح..وابو محمد....ومحمد......وعادل نسيب ابو نايف ....
نايف -تقهوى طال عمرك.....يكلم الوليد
الوليد-زاد فضلك...
ابو نايف......ووجه باين عليه الارهاق-اقول دق على سلطان ...ماكنه تأخر.....والمملك...على وصول
الوليد-لاتشيل هم الحين بيجي
دق الجرس
ابو نايف-اكيد وصل؟؟؟
نايف فز يروح يفتح الباب...
راح نايف يفتح الباب بس الي وصل كان المملك...وزادت حيرته ...وش اخره الى الحين..
الوليد..توقع يكون اخوه....بس خاب ضنه...معقوله تسويها وماتجي ..تتحداني ياسلطان..،،
وش ذنب ذا المسكين.....
............


في مجلس الحريم-
ام نايف -والله يمه انا مقهوره .....مره..شفتي حظها وشلون قايل
ام عادل-كلن ياخذ نصيبه...وبعدين من كلامكِ ..مااظن تستمر معهم....وابتسمت بخبث ...بس لاواصيك لا رجعت ..عطيها اخوك
ام نايف -هي ترجع بس والله لاوريها نجوم اليل في عز الظهر......يوووووووووه يمه وفي افخم قاعه بعد الحين لو زواج بنتي مب ازين وش حظنا يمه وبس ..
ام عادل-وسعي صدركِ ..وينها الحين
ام نايف- الظاهر صدقت انها عروس فوق قاعده..وانا وبنتي نخدم ضيوفها!!!!!!!!!!
ام عادل..بانتقاد-كله منكِ روحي ناديها خليها تشوف شغلها وتريحكِ..انتي مو شغاله لها
ام نايف بتصميم-بروح اناديها..وراحت لها..

فتحت ام نايف الباب...وشافت نجلا جالسه بهدووء وشكلها مايدل لابفرحه الا هم فوق هم
ام نايف -وراك مسويه مناحه؟؟؟؟؟؟لايكون ماتبين تفارقينا
نجلا-لوسمحتي اطلعي!!!
نجلاباستنكار-إيششششششششششششششششششششششششششششششششششش...اشوف طلع لك صوت....؟؟؟!!!
نجلا..وقفت ومسحت دموعها بطرف يدها_ايه طلع لي لسان.....خلاص ...ظلمك لي ماراح اتحمله بعد اليوم
ام نايف محتره-وكل هذا عشان تزوجتي اليوم؟؟؟
نجلا..حطت يدها على خصرها_لا مو عشان كيذى وبس...ناظرتها باستحقار..عشان انا تحملتكِ ..لخاطر ابوي....والى الحين كافي!!!!
عصبت ام نايف وجت لها تأدبها كالعاده.....حتى يوم زواجها مااعتقتها؟؟؟
مسكت نجلا يد ام نايف -لا يامرت ابوي ..اليد الي كانت تنمد علي اول ..الحين اقطعها لو انمدت!!!!اول كنت جسد بلا روح والحين انا روح بجسد!!! اليوم جاي نصيبي الي كنتي تعايرني فيه .... وقفت نجلا بشموخ ووحركت يدها ترفع الخصل الكثيفه الي تتبعه حرة وجهها وراسها
ام نايف مذهوووووووووووله..وبصراحه تفآجأت...من ردة فعلها
نفضت نجلا يدها من يد ام نايف....
نجلا-يالله الحين لوسمحتي اطلعي وسكري الباب وراك!!!
غاده مشت وكل شياطين الارض...في راسها....هين .......هين ......يابنت...نوره.....طلعت وسكرت الباب
ونجلا ظلت تناظر الباب.....خلاص ياام نايف...اليوم انا اكتفيت.....اكتفيييت...خذتها عبرتها.....ياترى وينك ياسعد؟؟؟ ماكلمتني اليوم ليه احس بشي قابض قلبي ليييييييييييييه....اليوم يومي ...راحت توضت وصلت ركعتين لانها تحس بضيقه
.....ليه مو سعيده يانجلا ....... ليه هذا اليوم الي تنتظرين ..،،
&&&&&&&&&&&&&&&&&&&&&&&&&&&&

قسم مجلس الرجآل
الساعه2,5
ابو نايف.....يناظر الوليد وفي عيونه تسآؤل....والمملك...بدى يضيق من التأخير
ودق الجرس...وانفرجت اسارير ...ابو نايف.....والكل بعد.....فز نايف على عجل ولحقه ابوه ..
فتح نايف الباب.....يدور ماشاف احد....لمح ظرف.....ابيض .....شاله.....سكر الباب....ويده تفتح الظرف ......طلع ورقه.....


(بسم الله الرحمن الرحيم
السلام عليكم ورحمة الله وبركاته
ابو نايف.... ماعاش ولاخلق الي يحملني سواد وجه بنته
ويبيني استر على وصاختها !!!! ولااتشرف فيكم ولابنسبكم الي يسود الوجه دوروا على غيري اضحكوا عليه !!!

سلطــــــــــــــــــــــــــــــان)
نايف عيونه تنضح شرار ابوه قرب خذا الورقه وايدينه ترجف
في المجلس......لاحظ الوليد ان ابو نايف تأخر ,,واتكى علا عصاه...-عن اذنكم
الموجودين ...عيونهم..كلها مليانه كلام
طلع الوليد لابونايف وولده ......وانصدم لما شافه......يرتجف.....ونايف ماسك راسه ..
الوليد-عسا خير يابو نايف.....ناظره ابو نايف وناظر الورقه.....
عرف الوليد ان الرساله من سلطان.....تقدم وخذاها........وقرا المكتوب..........
هدووووووووووووووووووووووووء
الله يخسك ياسلطان....شد على عصاه وتنهد.......هاذي مو فعايل رجال.......التفت لبونايف الي مازال مو مصدق
الوليد-اهدى يابو نايف ومايسير الا الي يرضيك
ابو سعد حاس ان الدنيا تلف وتدور فيه
ابو نايف برجفه -لاحول ولاقوة الا بالله وش اسوي الحين ...وين اودي وجهي وين!!؟!!!!!
نايف- والله لاذبحها والله لاذبحها مشا مثل البرق يركض ركض ..
الوليد بصوت جهوري حاد - ناااايف!!! انتظر !!!
وقف نايف يناظره باستغراب !!
غطا ابو نايف وجههه
الوليد نخوته حركته.......ماقدر يشوف ابو نايف في هالحاله......
صوت .....سمعوه....
عادل....تقدم وخذى الورقه.....بدون ماينتبه.الوليد....
عادل بستهزاء-هاذي عقوبتم.......يوم رديتوني ......صحيح ان الله يحبلي الخير.....الله يسو....
الوليد عصب .....بس مسك نفسه-اسمع يااااا
عادل-ابو ناصر معك!!
الوليد-اسمع يابو ناصر بنت ابو نايف بنت عرب اشرف من همزك ولمزك !!!....سكت .....وهو مثل البركان.....
كمل كلامه بصوت......ثابت......-وان كانت مو من نصيب سلطان فهي راح تكون من نصيبي.....عرف ا ن الي قاله.......مايقدر يتراجع عنه....ضغط بيده على عصاه .. مافي تراجع يالوليد هو مضطر .. عشان هالرجال وعشان اخوه السبب ..لو فتره..
التفت الوليد لابو نايف -هاااااااه يابو نايف.....موافق تحط يدك بيدي؟؟؟؟؟
ابونايف....ووجهه.....معرق.... وعيونه مكسوره......هذا آخر شي ممكن يتوقعه ........انه يمر عليه يوم اسود مثل هاليوم..
الوليد-ابو نايف.....موافق؟؟؟؟

ابونايف-نزل راسه الارض.....الي تشوفه طال عمرك...
الوليد....-يالله تأخرنا على الرجال......
دخلوا المجلس.......
ابوسعود-وينكم تأخرتوا.....؟؟؟؟؟
ابو خالد-هاه وانا عمك سلطان جا؟؟؟؟؟؟؟؟
المملك-بسرعه يااخوان انا وراي مواعيد!!!
الوليد-آسفين على التأخير.....ياله...نبدا تكلم بصوت جامد واضح يرفض اي اشاره او استفهام
الكل استغرب وشلون يبدون والمعرس مابين.....
المملك-ياخوي وشلون نبدا والمعرس مو موجود مايسير!!!
الوليد..ماترك لبونايف فرصه يرد...-المعرس موجود....والتفت للكل كأنه..يلزم الجميع..بعدم معارضته.......وكمل ...اناااااااااا!!!!!
المملك-يااخي وش السالفه؟؟الزواج فيه لبس؟؟
الوليد بلهجه قاطعه-مافيه لبس ولا شي ..ناظر ابو نايف وقال -هذا ابوها موجود أسأله؟؟
المملك-هاه يابو نايف؟؟الاخ هذا هو الي بيناسبك؟؟؟
ابو نايف يجر الحكي جر-نعم ياشيخ!!!!!
ماعطى الوليد فرصه لاي اعتراض من اعمامه ...يكفي ابو نايف الي هو فيه
تمم المملك..كل شي ...-باقي البنت لازم ناخذ رايها.....وتوقع ويتم زواجكم ..

قام ابو نايف يجر رجل ورا رجل..ومعاه الدفتر
والعيون كلها تتسآئل
|||||

ابونايف- روحي نادي نجلا
ام نايف مقهوره_والله بنتك مسويتلي في....سكتت لما شافت وجهه
ام نايف –غازي وش فيك عسا ماشر
ابونايف-مافيني شي روحي نادي نجلا بسرعه
ام نايف وصت شيهانه لها بعجل
شيهان...دخلت على نجلا ..
شيهانه-نجلا يلا انزلي ابوي يبيك تحت
قلبها يدددددددددق بيطلع من مكانه....خايفه...ومرتبكه......وينك يمه وينك ياسعد؟؟؟؟
قلبها مقبوض!!!نزلت ورا اختها وش ماسك صدرها
وراحت عند الباب الي يفصل بين المجلس قسم الحريم.....
ابو نايف- عرف انها موجوده –تفضل ياشيخ تراها جت
المملك-يابنتي انتي نجلا بنت غازي آل مجفل ؟!
نجلا بهمس –ايه
المملك-انتي موافقه على زواجك من الوليد بن ضخر بن جلمود !؟
هو قالها ولا ماقالها......ارتجفت كل اوصالها......من هول الصدمه.....مين ؟؟
طال السكوت
ولا همس وبدون انفاس تنسمع
الوليد.....غمض عينه.....وضغط بقوه على راس عصاه وانفاسه مثل البركان الهادي ..يستنى ترفض!!!
بركااااااااااااااان بركااااااااااان...شد على عصاه مثل العاده....محد حس بالنار الي تسعره من داخل!!!!
شاف نايف بيقوم وعطاه نظره بعينه ورجع جلس !!
ابو نايف...شاف الصدمه على وجهها
وانتبهت ان وجه ابوها ابيض وشفايفه رايح منها كل لون.......
ابو نايف بصوت يرجف-وافقي يابوي وافقي...
نجلا-انتبهت لرجا ابوها....وشفايفها ترجف وقلبها ينعصر
نجلا بهمس مايسمعه الا ابوها-لييييييه ...يبه لييييييييييه؟؟؟
ابو نايف-ارجاكِ يابنتي....
مسكت يد ابوها وهي مو فاهمه وش قاعد يصير...سلطان وينه؟؟؟؟وينه !؟
ابو نايف نزل راسه وتساند عالجدار- لاحول ولاقوة الا بالله .. رفع راسه وعيونه فارغه
عينها عليه وهي تسمع دقات قلبها مثل الطبول ..
ماسمعت الجواب لان المملك عاد السؤال وبنفاذ صبر
المملك-ردي يابنتي ..موافقه..ولا تخجلين ..اذا مارغبتي قولي؟؟
شد ابوها يدينها
غمضت عينها ودمعه حااااره تحدرت فوق خدها ...
نجلا..-موافقه
كان الرد مثل الصاعقه...على الوليد.... معاد فيه رجعه والي سواه .. لحفظ موية وجه ابو نايف بالي سواه اخوه ...كان يتمنى ان كلام اخوه كذب او انها ممكن تعترض وبقوه تنفس نفس طويل ....

المملك-اجل وقعي يابنتي..والله يوفقكِ
خذت القلم من ابوها ...واصابعها ترتجف....وقعت...وسارت بذمة رجال غريب ..عنها..مو حلمها....مو حبيبها......افكارها مشوشه.....وصدمتها كبيره....حطت يدها على فمها تكتم عبراتها...اثر احساسها في محله...وضيقتها في مكانها؟؟؟ فيه شي فيه شي غابنها واحساس متمكن منها رغم الفرح ..الا ان هالاحساس مثل الشوكه الي تحركت اليوم والان عشان تنزف احلامها ..
كانت حاسه بشي ......مستحححححححححححيل..اكون لغيرك ياسلطان..........وروحي لغيرك مسسسسسسستحيل
بأي حق...يجي هذا ويفرق بينا؟؟؟؟؟؟؟؟؟؟؟؟؟جا نايف وعيونه شرر خذا الدفتر ورجع ،،، ناظرته بجمود ورجعت لابوها ...
نجلا-شلون يبه ؟؟ من اجبرك ؟؟! ليه حالك كيذا !!
انتبهت لبوها...وجهه تغير ..وشحب زياده.....وطاح وسحب يدها معه .....
صرخـــــــــــــــــــــــــــــــــــه
ذعر وخوف,,,
نجلا- يبه وش فيك يبه رد علي؟؟؟؟؟
الكل سمع ..وقام نايف بسرعه..يشوف ابوه
دخل وشاف ابوه متمدد عالارض ونجلا عنده وصريخ حواليه
نجلا- يبه يبه رد علي يبه !! يبه رد رد رد اههههه يبه معد فيها نفس كانت تتكلم وتنادي بدرن نفس ..
نجلا ماانتبهت لشي الا لابوها -بيه ........بيه رد علي ........يبـــــــــــــــــــــــه...ابوها عينه عليها كأنه يبي يقول شي بس مو قادر
نايف - يبه يبه رفع راسه لنجلا
نايف-كله منك كله منك !!؟
ابعدت عن عينه الي بتحرقها ......وعيونها يغشاها الدمع..نجلا .-بأي حق؟؟؟بأي حق؟؟؟؟؟؟؟؟؟ تقول هالكلام لي !!
سمعت ابوها يحاول ينطق اسمها-ن....جل...ا..........
التفتت-ياعيون نجلا.....وش فيك يبه؟؟؟..الاسعاف كلموا الاسعاف ...
ابو نايف حرك راسه لنايف- الولي....د .. نااااااد الوليد ،،
نايف بعجل دخل المجلس
نايف - الوليد الوالد ..
الوليد بعجل .. قام من مكانه وتوجه لهم ...
دخل ورا نايف ...
خلاص الحين هي مرته......مرته..........مرته,,,,,,,رنت الكلمه في راسه......مليووووووووون مره
دخل ...وشاف ابو نايف علا الارض وجنبه ...جسم...ضعيف........صغير......وشعر ...منسدل......مغطي معالم وجهها...
قرب الوليد منه وكان مقابلها بس عينه على ابو نايف حاول يجلس وسمعت صوت ضرب عصاه عاالارض ..
رفعت راسها بقوه ورجفت شفايفها وانشبكت عينه بعينها لحظه لحظه فقط....
ابو نايف - بن... تي...
نجلا- لاتتكلم يبه...لا تتعب نفسك!!؟
.................
ام عادل –وش فيه ؟؟وش صاير؟؟؟
شيهانه -يمه ابوييي ...ابوي طايح هينا...قالتها وهي ترتجف...
ابونايف يناظر الوليد الي ماسك يده وشاد عليها
ابونايف- بنتن... ي
نجلا - يبه يبه يبه لا لا لا لا يبه لا
ابو نايف يحاول يجمع اكلمات مو قادر ..
الوليد حس ان ابو نايف ينازع وبحزم وشده- تشهد يابو نايف ردد اشهد ان لا
طافت عينها على ابوها وعلى هذا الكابوس الي قدامها هذا الموت الي طلع لها ...
نجلا- وش تقول انت !!! لا يبااااااا لا يباااااا ناظرني ناظرني
كانت تحاول تفك يد الوليد عن ابوها ..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 11-04-2019, 04:46 PM
صورة عيونها..نجلا الرمزية
عيونها..نجلا عيونها..نجلا غير متصل
©؛°¨غرامي مشارك¨°؛©
 
الافتراضي رد: وخلقت من ضلعي الأعوجا& خذني بقايا جروح ارجوك داويني/بقلمي


. الوليد يكمل يردد الشهاده وهو ثابت عرف ان هذا الموت وان ابو نايف مودع
ابو نايف - بنتي ..اشهد ان لاإله الا الله
صرخه اليمه وهي تظرب يد الوليد يبعد وعينها على ابوها يلفظ انفاسه بين يديها والصراخ الي تسمع واخوها الي واقف جامد ...
نجلا-يبااااااااه يبااااااااه ابووووووي شهقاتها ورا بعض مثل الكابوس
نجلا بصرخه-وخر!!! كله منك كله منك !!؟؟؟؟؟ ضربت يده وترك يد ابوها وهو يحاول يوقف ..

نجلا-للللللللللللللللللللللللللللللللللللللا يبه لاتتركني
يبه ....اجاك يبه...رد علي.....

ام نايف وشيهانه وام عادل ..سمعو ا الصراخ...وركضت شيهانه .. ورا الباب
الوليد-لاحول ولا قوة الابالله...
صوت ام نايف طلع .....وهي تصيح....
ابو سعود وابو خالد...سمعوا كل شي .....
ابو سعود-لاحول ولا قوة الاباالله..إنا لله وإنا له راجعون
الشيخ-لاحول ولا قوة الا بالله
الوليد شال شماغه وغطى ابو نايف ...
نجلا-وخر لا تمسك ابوي...........وخر!!!
تقطعت من الصياح...مسك كتوفها.....وقال بصوت حازم-استهدي بالله...هذا يومه...
ما سمعت ولا كلمه ...حضنت ابوها ..وحطت راسه قرب قلبها..........يبه.....كانت حاسه فيه شي وهو حاسس كلامه امس كلام مودع ...
الوليد..وقف .....وتحته منظرها وابوها متمدد
ارتجفت وخافت.....وصرخت نجلا-مين انت؟؟؟اصلا مين انت؟!!!!!! هي عارفه وسمعت بس كانت صرخه استنكار ...
لحظات مثل الكابوس ...
نجلا حاضنه ابوها....وعيونها تهل الدمع وتدره...آآآآآآآآآآآآآآآآآآآآه....يبه...خليتني ورحت...يابوووووي ..............................
كانت متجاهله كليا وجود ...رجل ......
رجل اعترفت في اعمق احاسيسها بأنه ...هادم سعادتها...وسبب في خنوع ابوها.....ابوهــــــــــــــــــــــــــــــا الي عمره ماانهز او خضع......ابوها.....الي امس بس ...حست انه يحس فيها رغم الالم.....كل الي شافته من ابوها كوم ......والصوره الي شافته اليوم عليها كوم ثاني.....حتى الالم .....الي كانت حاسته ..من صدمتها .....في زواجها ...رحل .....وحل مكانه.......بركان .......خامد .....يتهدد في أي لحظه يثور......بركان......تكون.....لحظة خروج الروح......الى باريها...بركــــــــــــــــــــــــــــــــــــــ ـــــان .........يغذيه.....كرهـــــــ.......كان وليد لحظة الـــــــــــــــــــــــــــــــــم........وقهـــ ــــــــــــــــــــــــر
الوليد عينه عليها بثبات .. عينه تخفي كل احساس داخل روحه ...مشاعره متضاربه
.......مابين قهر الرجآل....والاحتقار ........واخيرا الرحمه......
الوليد بصوت هادي رزين- اذكري الله ...هذا قضاء الل...
التفتت نجلا وعيونها مانعه عنها الشوف.....وقلبها حيييييييييييل.....مليااااااااان....وعجز النظر .....يظهر......مدى الكره.....الي...انوجد.....وانغرس في الاعمـــــــــــــــــ اقــــــ....بثواني
اشرت بأصبعها ..تجاه الوليد....وبصوت عالي-انت السبب...!!!انت!!.......وش دخلك حياتنا؟؟؟؟؟؟........ابوي انت الي قهرته.......وانت الي .....كسرته.....ليه؟؟؟؟ليييــــــــــــــــــــــــ ــــــــــــــــــــه؟؟؟
الوليد...انصدم من هجومها....وزاد احتقاره لها....الوليد..بهدوووووووووء-تعوذي من ابليس
نجلا..ناظرته بأحتقار-ابوي مات!!....بسبتك!!وشلون؟؟؟وشلون وصلت فيك الدنائه...تسوي الي سويته؟؟؟؟.....قالتها والعبرات تنهشها من كل جانب
الوليد..ماسك اعصابه-اقصري الصوت...
نجلا وهي تصيح- مالك كلمه علي......اطلع ...اطلع برا!!!!!اطلع برا.....
تناست نجلا وجود الكل ......ماقدام عيونها الاابوها.......الي خسرته........وباعتها.....خلاص راح تسكت وتتحمل اذا شافته ساكت ومايرد عنها .....راح الي عشانه ترضى وتتحمل وتقول انا غلطانه ... بس لاتضيق ..
صرخت باعلى صوتها نجلا- براااااا اطلع برا
نايف - نجلا !!! كان مقبل عليها بشر واضح .. وصدمه اليمه للي حاصل ...
مسك ذراعها بقوه وقسوه
نايف- انطمي !!! انطمي !!!
نجلا بجنون- لاتستقوى علي !!! روح له هو هذا الي خذا ابوك اليوم هذا الي قهر ابوك !! هذا الخسيس الي...
الوليد واقف بهدوووء وعينه عليها وهي منفعله وعرق بعنقه يدوي دوي ويدك مثل دك الجبال ...ورمش عينه ثابت ونظرته لها فقط ....
نايف يهزها - هذا رجلك الحين!! اسكتي اسكتي
نجلا بانفعال ..مرير ..
كملت...والغضب اعماها....
نجلا بعين مجروحه ومفجوعه رفعت اصبعها -اصلا انا مستحيل اكو ن لك!!!!كيف تجرأت...الي سويته مايسويه رجا...ل...
ماكملت.....وقطع الكلام صفقه...من قوتها.....اظلمت الدنيا......وآخر صورهـــــــــ....كانت لابوها......و.....سعد......والكابوس ..

&&&&&&&&&&&&&&&&&&&&&&&&&&&&&
هنا
تبتدي حكايتي ..ياابي ..

... من منبع الحزن العتيق والفقد المرير..

هنا اصبح المرّ ... لي نصيبا كما امسى ياابي ...

هنا اصبح الحزن لي ثوباً...والقهر لي عنواناً..ياابي

هنا اصبح صاحب هاتان العينان المظلمه لي

سجّاناً

يااابي







  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 11-04-2019, 08:49 PM
صورة ضحكته الرمزية
ضحكته ضحكته غير متصل
©؛°¨غرامي مشارك¨°؛©
 
الافتراضي رد: وخلقت من ضلعي الأعوجا& خذني بقايا جروح ارجوك داويني/بقلمي


ي سسسسسسلام ع البارت نااااار وشرار😩💔

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 11-04-2019, 10:16 PM
صورة Mayar99 الرمزية
Mayar99 Mayar99 غير متصل
©؛°¨غرامي جديد¨°؛©
 
الافتراضي رد: وخلقت من ضلعي الأعوجا& خذني بقايا جروح ارجوك داويني/بقلمي


اهلاً بالجمال اهلاً بالابداع اهلاً بالزمن الجمييل ♥♥♥
الف الحمدلله على السلامة
وعوداً حميداً
قفدنا الامل بعودتك بس الحمدلله رجعتي لنا بالسلامة
يارب اللي رجع لنا عيونها نجلا ♥♥
ترجع لنا ليتني غريبة وخطواتها 💔💔😭😭

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 12-04-2019, 03:04 PM
كالقمر كالقمر غير متصل
©؛°¨غرامي مشارك¨°؛©
 
الافتراضي رد: وخلقت من ضلعي الأعوجا& خذني بقايا جروح ارجوك داويني/بقلمي


أهلاً أهلاً عيونها.. نجلا

عوداً حميداً لك ولنا الحقيقة ماكنت متابعة روايتك قبل
لكن شفت فرحتهم برجعتك فرحت بعودة الروايات لنسقها المميز والروايات الأصيلة

ان شاء الله بكون متابعة معكم على طووول
أنتظرك بشوق 💘

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 13-04-2019, 10:23 PM
صورة آنجلين الرمزية
آنجلين آنجلين غير متصل
©؛°¨غرامي فعال ¨°؛©
 
الافتراضي رد: وخلقت من ضلعي الأعوجا& خذني بقايا جروح ارجوك داويني/بقلمي


رغم أني قريت شوي من البارت بس 🙊
لكن ماتتخيلين كيف السعادة اللي حسيت فيها جدا
روحي سعيدة بعودتك وبعودة قلمك الرائع ☹💜💜💜
مستمرة معك للأبد 😭💕🔥

موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1