غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 15-06-2019, 06:12 AM
صورة احلام وطموح الرمزية
احلام وطموح احلام وطموح غير متصل
©؛°¨غرامي فعال ¨°؛©
 
الافتراضي رد: رواية جبرتني الظروف أبتعد وأغدر فيك يابعد ناسي /بقلمي






البــارت الثالث (3)


.
.



بلكونه , اغنية رومانسيـــة , هــدوء , وورقـه وقلم وتبدأ تبحر في عالم خيالها الواسع
رفعت رأسها للاعلى حتى تبعد خصلات شعر اللي نزلت على عينها ولمحته وهو نازل من سيارته توسعت عيونها بصدمه وحطت يدها ع فمها حتى لا يُسمع صراخها وتركت كل اللي بيدها وركضت للغرفه : اسسسررراااارر ااسسررااار قومي بسرعه الرساله الرساله قوميييي اسرررااار
تقلبت اسرار ع الجهه الثانيه تكمل نومها : اتركيني
اخذت روان بقايا البيبسي الموجود ع الطاولة وكبته عليها : قوووووممميييي وليد جا نسيتي موضوع الرساله قومي قومي لازم نحطها له بسرعه قبل يمشي
اخذت اسرار المنديل تمسح فيه وجهها : الله ياخذك انتي وياه بسرعه جيبها بسرعه خلينا نخلص

-


كان يمشي بخطوات مسرعة وداست رجله ورقه على في العشب الناعم وكانت بتسبب في زحلقه له توقف مكانه واخذها من الارض وتأمل فيها وسمع صوت " لحظه " رفع نظره وقال : روان ؟
تقدمت روان له بإحراج وقالت : انا ا....
وليد نظر لرسمه ونظر في روان : ايش هذا ؟
ارتبكت روان مكانها وحست كل خليه فيها ترتجف : انا
سكت وليد مدة وهو يتأمل تفاصيلها كيف اتقنته بهالشكل : طلعتي فنانه وفنانه كثير مو شوي , اقدر احتفظ فيها ؟.
نظرت له روان بكل حُب وقلبها طاير فرح : اكيد ولو تدري عندي احلى منهم
ابتسم وليد لها وقال : اجل يبي لي قعده معك واشوف كل اللي عندك
الا راكان وينه شكلها بتمطر ؟؟
ضاعت روان مكانها وهي تشوف ابتسامته بعيونها : راكان فـي ..... قطع كلامها صوت الرعد اللي ضرب وهز المكان بقوته ونزل شلال من المطر، وبدون شعور م حست بنفسها الا وهي داخل حضنه لجل تحتمي فيه ، انصدم وليد وارتعشت كل خليه فيه ، أول مره تقرب منه ويلصق صدرها بصدره ويفوح عطرها حس بإحساس غريب ما مر عليه من قبل ، مرت دقايق وهم واقفين تحت المطر ومحد يبي يترك الثاني ، وشد المطر اكثر وزاد صوت الرعد, اخذ بيده وحوط خصرها النحيل وإحتمو تحت اقرب مظلة
ابتعدت روان عنه وهي تقول : انا اسفه وليد
وليد : لا تتأسفين , بس تدرين انا زعلان ع شي واحد , دخل يده بجيب بنطلونه الايسر وأخرج الرسمة وكانت مبلولة
روان : فداك عندي غيرهم كثير
صوت صراخ راكان من عند باب بيتهم : وليددددد !
التفت وليد له وهو يأشر له بيده لا يتحرك : لا تجي المطر غزيز راح تتزحلق
راكان : اي ادري انا كنت جايك بقولك مافي بحر اليوم بس زين انك سبقتني
ارتجف جسمها من شدة الهوا وضمت كفوفها وهي تقول: راكان جيب لنا اي شي نبي نعدي وندخل البيت متنا برد
تراجع راكان خطوتين للخلف وهو يقول : لحظه بجيب مظلة لا تتحركون , اتجه لدرج وصعده بسرعه وهو يأخذ ثلاث درجات بطلعه وحده , اتجه لغرفته مباشرة لكن قبل لا يدخل سمع خربشة ف الغرفة توقف لحظات في تردد هل يدخل ولا ينتظر السارق يطلع ويمسكه بالجرم المشهود , وماهي الا ثواني حتى طلعت اسرار من غرفه مسكها برقبتها وثبتها بالجدار وهو يقول : وش عندك بغرفتي يالسارقه !
اسرار : والله ما سرقت شي
راكان : تكذبين عيني ! اجل وش تسوين تنظفين مثلا ؟
وضعت اسرار يدها ع يده لأجل تبعده عنها : راكان ابتعد
شد راكان على رقبتها اكثر بلا رحمه لحد ما صار وجها ازرق وهو يقول : والله ويمين بالله إن شفتك تعدين باب غرفتي ما تلومين الا نفسك راح اعديك بمزاجي هالمرة وبس لأني مو فاضي لأشكالك وعبير تبعدين عنها وحست عينك يطب لسانك لسانها فهمتي ؟ , وترك يده مبتعد عنها
طاحت اسرار ع الأرض وهي تلتقط أنفاسها اللي كانت بضيع في يدينه

_

طرقت الباب ودخلت بعد ما استأذنت , وقدمت القهوة وجلست بطرف السرير معها
عبير : شكرا لمى
لمى : العفو , اعرف انك ما تحبين القهوة بسكر بس تراني حطيت شوي هاه
عبير وهي حاطه اللاب بحضنها و مركزه فيه : مو مشكله
ارتشفت لمى من قهوتها شوي وهي تقول : أقول ترا لك ساعه ما خلصتي يلا ابي اللابتوب انا وراي تسجيل جامعه
عبير : ياختي اصبري , وانا قاعده ادور رزقي
لمى : مافيه وظيفه بمزاجك خذي أي شي وخلاص
عبير : ياختي انا ماخذه شهاده وتعبانه عليها اروح نهايتي ف اردى الوظائف
استني علي شوي الجامعة مب طايرة
لمى : زين نص ساعه بس ترا مليت انا
عبير : طيب
لمى : طب اقولك أي جامعه ادخل ؟
عبير : حسب تخصصك انتي شنو تبين وروحي الجامعة
لمى : بصراحه ابي اصير مترجمة لغات واصير متحدثة عالميه
عبير : هههههه طموحك عالي
لمى : ليش
عبير : اول شي بتحتاجين تسافرين برا عشان تمارسين اللغة ويكون عندك اتقان اكثر واكسنت ممتاز وهنا المصيبة
لمى : وليش مصيبه وليد يروح معاي واذا ع الفلوس الله يدبرها
عبير : ياختي وانتي وليد ماعنده شغله غيرك ؟ من هنا لين تتخرجين وتقررين تسافرين بيكون تزوج وعيل
لمى : استغفر الله العظيم اللي يكلمك غلطان


-


دخلت روان غـرفتها واخذت أقرب روب تدفى فيه , بحثت عن اسرار ولكن مالقتها ف الغرفة اتجهت لغرفة الملابس وشافتها قاعده تلم اغراضها جلست بجانبها وقالت لها بكل حماس : اسرار تدرين وش صار ! تخيلي تخيلي حضنته وهو حضني بعد وقالي .... سكتت وهي تشوفها لافه وجها عنها ولا ترد عليها ولا تحط عينها بعيونها , اسرار شفيك ؟
اسرار : انا ماشيه بيت ابوي






نهابة البـارت .
تعليقكم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 16-06-2019, 05:20 PM
Moly9 Moly9 غير متصل
©؛°¨غرامي مشارك¨°؛©
 
الافتراضي رد: رواية جبرتني الظروف أبتعد وأغدر فيك يابعد ناسي /بقلمي


حلو البارت، في انتظار القادم💗.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 16-06-2019, 06:19 PM
Moly9 Moly9 غير متصل
©؛°¨غرامي مشارك¨°؛©
 
الافتراضي رد: رواية جبرتني الظروف أبتعد وأغدر فيك يابعد ناسي /بقلمي


متى مواعيد البارتات؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 24-06-2019, 11:56 AM
صورة احلام وطموح الرمزية
احلام وطموح احلام وطموح غير متصل
©؛°¨غرامي فعال ¨°؛©
 
الافتراضي رد: رواية جبرتني الظروف أبتعد وأغدر فيك يابعد ناسي /بقلمي


السـلام عليكم عودة بعد انقطاع


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 24-06-2019, 11:58 AM
صورة احلام وطموح الرمزية
احلام وطموح احلام وطموح غير متصل
©؛°¨غرامي فعال ¨°؛©
 
الافتراضي رد: رواية جبرتني الظروف أبتعد وأغدر فيك يابعد ناسي /بقلمي


البارت الـــرابع (4)





دخلت روان غـرفتها واخذت أقرب روب تدفى فيه , بحثت عن اسرار ولكن مالقتها ف الغرفة اتجهت لغرفة الملابس وشافتها قاعده تلم اغراضها جلست بجانبها وقالت لها بكل حماس : اسرار تدرين وش صار ! تخيلي تخيلي حضنته وهو حضني بعد وقالي .... سكتت وهي تشوفها لافه وجها عنها ولا ترد عليها ولا تحط عينها بعيونها , اسرار شفيك ؟
اسرار : انا ماشيه بيت ابوي
روان : ليه !!!
احتزمت اسرار حقائبها واغلقتها وقالت بصوت مرتبك : أسـالي راكان اخوك انا لازم ارجع قبل ابوي يجي , واخذت نفسها متثاقله خارجه من الغرفة مسكت روان يدها وقالت وهي تنظر في عيونها بشك : اخوي مسوي لك شي !
لفت اسرار عنها وقالت : أساليه
روان : زين بقولك الرسالة وين وليد ترا ما نزل اغراضه من السيارة ؟
اسرار : حطيتهم بغرفه راكان
توسعت عيون روان بصدمه وهي تقول : نعـــــــــم ! تستبهلين صح ! اسرار قولي انك تكذبين وانك مو قاعده تحكين الحقيقة
اسرار ببلاهه : ليش !
روان : لان الشنط اللي بغرفه راكان هي لراكان يا ذكيه وانا اتقفت معاك اشغل وليد وتحطينهم ف الشنط حقته!!, سكتت اسرارللحظه وسحبت يدها منها وقالت : وانا شدراني كنت دايخة و فيني النوم احسبهم مع بعض بشنطة وحدة
نظرت روان لأسرار بعمق وحزن وقالت : حبي لوليد انتهى من هاللحظه بسبتك لان مصير راكان يقرا ويعرف كل شي بيني وبينه ياليتني ما طاوعتك ودخلت غرفتها وأغلقت الباب بدون أي كلمه زيادة

-

فتح دولابه ورمى عليه قميص ابيض وبنطلون اسود ومنشفه بيضاء وقال وهو يغلق دولابه ويلتفت عليه : بدل ثيابك بسرعه لو قعدت دقيقه زيادة راح تمرض واحنا ورانا طلعه
ازاح وليد الثياب عنه وعطس بقوه , ومدة يده لأقرب منديل ياخذه : شكلها خلاص أصلا
تأفف راكان بملل : لاتقوووللللل زكمت !!!
انسدح وليد ع السرير وهو حاط يدة ع جبهته : جسمي يلقطها بسرعه هوا قوي ومطر وغرفتك لا اله الا الله ثلاجة غصبن عن وجهي ازكم هذا اذا ما لحقتها سخونة بعد
راكان : ياليل , خلاص ابقعد ف الصالة لين تبدل ملابسك وبقول لطباخ يسوي لنا أي شي ناكله
وليد : ببدل ف الحمام خلك هنا
اخذ راكان جوالة اللي كان على الطاولة وخرج من الغرفة وهو يقول : لا خذ راحتك الحمام ابرد من الغرفة , نزل راكان لدور الأرضي وجلس بصالة اللي مقابل الحديـقة مكان ما جلست فيه عبير وارسل مسج " عبير ممكن اسمع صوتك ؟ "
عبير " هلا , أي دق "
رفع راكان جواله بعد ما دق عليها وقال راكان : كيفك عبير
عبير : زينه الحمدلله انت شلونك؟
راكان : تو ماصرت بخير
عبير : هههههه زين الحمدلله , وسكتت شوي وقالت صاير شي ؟
راكان : تدرين إن دموعك غاليه وانك اغلى منها
سكتت عبير مصدومه من كلامه وهو يكمل : من اليوم و رايح اسرار هاذي تنسينها خلاص لان ما عاد تقدر تتعرض لك ابد
عبير : شسويت معها !
راكان : خنقتها بيدي خليتها لين تشم ريحة الموت وتركتها
عبير بصدمه : راكان منجدك!!
راكان : ايه
عبير : ليش يا راكان انا ما طلبت منك ولا افكر اطلب منك هالشي كيف تلمسها وتجنس يدك بها الظاهر انا الغلطانه اني فضفضت لك
راكان : عبير
عبير : نعم
راكان : انتي مو غلطانه ولاشي بلعكس لو ما قلتي لي كان عرفت بطريقتي ابيك بس تثقين فيني وتعرفين اني ما ارضى على زعلك
عبير : ليش اهمك مثلا ؟
راكان : تهميني اكيد
عبير : ليش
راكان : لان اللي ما ارضاه على روان مستحيل ارضاه فيك
عبير : اوكي مع السلامة واغلقت الخط ولا سمحت له فرصه يتكلم : قال مثل روان قال هـف يا ربي ما ادري ليش هـ الأنسان رافع ضغطي ! لهدرجه غبي وماي فهم ! كيف حبيتك انا ! ".


_

خرج مع الحمام بعد ما بدل ثيابه وغطى رأسه بالمنشفة وجلس ع طرف السرير يجفف شعره , دخل عليه راكان ومعه صينية الاكل وعلى صوت رنين جوال وليد وضع الصينية على جنب وانتظر وليد لين ينهي مكالمته : هلا قلبي لا كنسلنا الطلعة والحين في بيت راكان , اوك ان شاءالله ماني متأخر , يلا تبين شي ؟, عمري إنتي انتبهي لنفسك .
اغلق الخط ووضع الجوال ع جنب وراكان مدة له صحن الشوربة وهو يقول : هاه المحروسة حقتك ؟
أخذ وليد الشروبة منها وهو يقول : هههه أي داقه تتطمن علي عبالها طلعت البحر في الجو هذا
راكان : يا حليلها تخاف عليك
وليد : اش عبالك اجل , المهم شغل لنا قيم خل نلعب
راكان : ابشر ما طلبت شي

-

# بعد منتصف الليل

وقف وليد سيارته وقبل لا ينزل منها وصله مسج على جواله مع صورة مرفقه لبيتهم مع رابط للكويشن الموقع " اقصر المسافة وتعال والا اقرب بنزين واحرق البيت باللي فيه ".

انصدم وليد وتعرق وجهه من التوتر وهو حاس انه دخل مصيبة ما راح يطلع منها على خير , ارسل مسج لراكان وقال " ضروري اشوفك بأقرب وقت " ونزل من سيارته وهو حاس بهم الدنيا على قلبه , امه ابوه عبير وحبيبة القلب لمى ! هذولا هم القلب كله , هم الحياة هم النفس اللي عايش عليه , مستحيل يرضى عليهم الأذى فـ كيف ينحرق البيت ! وتموت ذكرياتهم وكل لحظه حلوه ومره فيه !

نزل من سيارته متثاقل المشي ودخل البيت وكانت في استقباله دائما , رحبت فيه بحضن دافي بعد هاليوم المتعب وقالت : البيت ماله طعم بدونك
نظر لها وليد بيعن متعبه : الله يخليك لي يا اعظم اخت
تحسست لمى جبهته : أوف ! حرارتك مرتفعة شكلك ظليت تحت المطر صح ؟
عطس وليد قبل لا يتكلم وقال : وزكمت بعد
لمى : طيب خلاص روح ارتاح بغرفتك وانا بسوي لك شي دافي تشربه
وليد : لا شبعان , هاتي معاك كرتون منديل بس .


-
طرقت باب غرفته ولم تسمع اجابه منه , دخلت عليه وشافته حاط السماعات اذن ويلعب قيم بأعلى صوت قربت منه وسحبته منها وقالت : راكان بكلمك شوي
وقف راكان القيم ونظر فيها وقال : شعندك !
تخصرت روان مكانها وهي تقول : اسرار , صحبتي ورفيقتي
طنش راكان روان وقال : يقطع سيرتها , وشغل القيم يكمل لعب
استفزت روان من حركته وقالت : حرام عليك ياخي بفهم وش مسويتلك
لا ضرتك ولا ضرت غيرك ليش تعاملها بالشكل ذا طول ماهي قاعده وانت مكرهها بعيشتها , ممكن تفهمني ايش تبي توصله معها ؟
راكان : يا حبيبتي لو صديقتك هاذي بنت ناس كان قلت ما عليه لكنها سراقه وحراميه بعيني ذي شايفها بغرفتي وتنبش بأغراضي , بنت الفقر ما شافت خير !
أصلا انتي كيف مخليتها قاعده وعايشه عندنا اذا ابوها راميها وما يبيها
روان : انا كل هذا ما يهمني ثاني شي البنت خارجه من عندي مكسورة وقالت انك مسوي معها شي انطق راكان والا والله لأكبر السالفة وأقول لأبوي
راكان : ازيد من الشعر بيت قولي له إني خانقها بعد !
روان : وكل هذا يالظالم عشان دخلت غرفتك ! بذمتك فقدت شي ولا حسيت انسرق منك شي ! , أصلا تدري انا اللي رسلتها وقلت لها تجيب لي شي من غرفتك بس انت اذيتها لان ف نيتك شي مو عشان غرفتك لان غرفتك مثل حطت يدك , تكلم يا راكان
راكان سكت شوي ثم قال : عشان ما ابي لسانها يطب لسان عبير
روان : اييييييه شكلها طالبتك تدافع عنها
راكان : انا ادافع عن نفسي وبس هي مالها دخل تتكلم بلساني وتقول اني احبها وثاني شي عبير لا طلبت مني ادافع ولاشي ريحي مخك هي لها لسان تتكلم
روان : اشك والله ! , وخرجت من الغرفه وأغلقت الباب بعد انهت كلامها معه .
انتظر راكان شوي لين اختفى صوت روان واخذ جواله واتصل على عبير لكنها صكت الخط بوجهه وارسلت مسج " بنام .. لا عاد تدق علي " .
استفزه راكان ردها وترك كل شي وراح لغرفة الجيم .

-


# نهايه البارت الـرابع (4)
.
.
.
أتمنى يكون عجبكم , واقدر أقول من البارت الجاي بتتغير احداث الروايه 180 درجه .
.
.

شكرا لكل من سأل لكل كان عندنا عزا ولخطبة عيد ونوم فما كان عندي وقت اعدل ف روايتي وانزلها .


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 25-06-2019, 06:44 AM
صورة احلام وطموح الرمزية
احلام وطموح احلام وطموح غير متصل
©؛°¨غرامي فعال ¨°؛©
 
الافتراضي رد: رواية جبرتني الظروف أبتعد وأغدر فيك يابعد ناسي /بقلمي


تعلقياتكم ؟ وحماسكم للبارت الجديد ؟



تعديل احلام وطموح; بتاريخ 25-06-2019 الساعة 06:51 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 25-06-2019, 06:50 AM
صورة احلام وطموح الرمزية
احلام وطموح احلام وطموح غير متصل
©؛°¨غرامي فعال ¨°؛©
 
الافتراضي رد: رواية جبرتني الظروف أبتعد وأغدر فيك يابعد ناسي /بقلمي


راح ينزل البارت الخـامس اليوم بإذن لله


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 25-06-2019, 04:32 PM
mimichita mimichita غير متصل
©؛°¨غرامي مشارك¨°؛©
 
11302798202 رد: رواية جبرتني الظروف أبتعد وأغدر فيك يابعد ناسي /بقلمي


اول مرة في حياتي اقرء رواية باللهجة الخليجية فانا و كفتاة جزائرية لست معتادة عليها و لم اقرء في حياتي رواية باللهجة الخليجية خوفا من الا افهمها و لكنني تفاجات عندما قرءت روايتك بسهولة اللهجة علي
يبدو انكم انتم الوحيدين الذين تعانون من لهجتنا ههههههههه
حسنا نعود الى اجواء الرواية
اسلوبك جميل و لطيف
و كل فرد من روايتك يمتلك شخصيته الخاصة التي تميزه عن غيره
و ليد و لما عبير و اسرار و اخيرا روان
يبدو ان قصتانا تتمحور حول هذه الشخصيات
بالنسبة لي احب شخصية لي هي لمى لطيفة و مضحكة اما اسرار اممم لا اريد ان اظلمها و لكنها لم تدخل الى قلبي ههههههههههه
متشوقة لمعرفة بقية احداث الرواية فقد شدتني اليها شدا ههههههههههه
بالتوفيق اختي و سلمت اناملك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 25-06-2019, 10:24 PM
صورة احلام وطموح الرمزية
احلام وطموح احلام وطموح غير متصل
©؛°¨غرامي فعال ¨°؛©
 
الافتراضي رد: رواية جبرتني الظروف أبتعد وأغدر فيك يابعد ناسي /بقلمي


اشكرك اشكرك من اعمـااااااااااااااااااااااق قلبي
ردك جميل واسعدني كثير

فعلا كلامك صح شخصية اسرار متمرده وماهمها شي لكن امها كان لها دور كبير في انها تكون بهاذي الشخصيه

وقريبا راح تنصدمون منها اكثر واكثر

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 27-06-2019, 08:21 AM
صورة احلام وطموح الرمزية
احلام وطموح احلام وطموح غير متصل
©؛°¨غرامي فعال ¨°؛©
 
الافتراضي رد: رواية جبرتني الظروف أبتعد وأغدر فيك يابعد ناسي /بقلمي


الباااااااااااارت جاي

الرد باقتباس
إضافة رد

رواية جبرتني الظروف أبتعد وأغدر فيك يابعد ناسي /بقلمي

الوسوم
حماس , حب , روايه اكشن
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية ممكن طلب ؟ابيك تحبني /بقلمي ريماس#* روايات - طويلة 7 28-05-2016 02:38 PM
رواية كل شي يتغير في لحظة /بقلمي like_the_moon روايات - طويلة 21 08-04-2016 01:32 PM
روايات نزول الوحي على رسول الله slaf elaf قسم المواضيع المخالفه للفترات الزمنية 1 08-03-2016 08:02 AM
رواية رفقا بي يا اهاتي /بقلمي شيــــ chichi مـــاء روايات - طويلة 61 11-09-2015 10:03 AM
رواية برغم الظروف حبيتك ayar.0 روايات - طويلة 8 19-04-2015 02:18 PM

الساعة الآن +3: 02:31 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1