غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 11-06-2019, 05:14 AM
بحر عيونها بحر عيونها غير متصل
©؛°¨غرامي جديد¨°؛©
 
الافتراضي روايتي الأولى / مآ كنتُ أؤمن بالعيون و فِعلهآ حتىٰ دهتني بالهوىٰ عيناكِ


مآ كنتُ أؤمن بالعيون و فِعلهآ
حتىٰ دهتني بالهوىٰ عيناكِ

سيدي / سيدتي .. القارئ/ة
هنآ أضع لكم قليلاً من خبرتي ،
وكثيرآ من الحب .

جهزوا أكوابَ قهوتكم واحتسوها ،
جهزوا تلك الاضاءة الجميلة والاريكة
المريحة ، والابتسامة الواسعة ،
وتعالوا نعيش معاً هذه الاحداث وهذه
القصص .
إن في طيات روايتي كثيراً من عالمنآ الكبير
من واقعنا المجنون ، من نمط حياتنا المعتاد
انها ليست خيال وليست جنون وليست فضاء
بل هي نحنُ وما يحدث لنا ، والجميع سيشعرُ
بهذا .. حيث تحتوي على مشكلات كثيرة
جاء بها الواقع و حملها أكتاف صغارنا .

لن أُطيل الكلام عليكم .. أحبتي
كلُ رجائي تفاعلكم اللطيف ،
نقدكم البناءَ الذي يجعل من تلك الوردة
الصغيرة ربيعاً ملون .. دمتم بخير جميعاً ..
‏#on1uc

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 11-06-2019, 05:24 AM
بحر عيونها بحر عيونها غير متصل
©؛°¨غرامي جديد¨°؛©
 
B10 رد: روايتي الأولى / مآ كنتُ أؤمن بالعيون و فِعلهآ حتىٰ دهتني بالهوىٰ عيناكِ


الفصل الأول
💛(Part (1 .. بغضب وصوت ارعب مسامع البيت كله :
قلللت لك ما راح تدخلين هالتخصص وما عندنا بنات يشتغلون بهالاماكن المختلطه .. وبحدة وعيونه اشتعلت غضب من عنادها .. سااامعه !! قامت من على الكرسي وهي تدفعه بقسسوة خلفها ، وبغضب مشابهه لأبوها ، وبياضها الناصع قالب للون الاحمر :
لااا وألف لااا .. راح ادخله هذاااا حلمي .. هذا اللي تعبت وسهرت ليالي عشااانه ما راح اتخلى عنه لو شنو يصيير ، لو شنووو سمعتوووا .. ومشت تاركتهم مصدومين !! .. طول عمرها عنييدة وراسها يابس و محد في هالبيت يقدر عليها ، تسوي اللي تبي .. قووويه وتدافع عن اللي تبيه لأخر لحظه .. سكرت باب غرفتها بقوة وهي تقفله بالمفتاح قفلتين .. وترمي روحها ع السرير ، وجهها احمرر وعروقها باارزة من شدة الغضب والتوتر .. ولا دمعه نزلت منها !! ، وكل اللي يدور في راسها انها تحقق اللي حلمت فيه طول عمرها وبس
عمها وبحقد على بنت اخوه اللي بنظره انسانه خربانه وبتفضحهم بين القبايل وبين معارفهم : يااافهدد عقّل بنتك .. هذي جنت بتشمت فينا العرب وبتفضحنا ، وشوله تبي هذا التخصص قلت التخصصات يعني ؟؟ فهد وهو يمسح وجهه : وش تبيني اسوي يا متعب هاه ؟؟ هذي الكادي عنيييده وراسها يابس ،، ولف على اخوه بضيييق : وانا ما احب اتعامل مع بناتي بقسوة يا متعب ، انا معودهم على اللين
متعب وهو يستغل هالكلام لصالحه : ما خربهم الا هالكلام والدلع اللي انت مدلعهم اياه ، هذا هي راكبه راسها وطالعه عن شورك ، وهي نتفه ما فقست من البيضه ، الله اعلم وش تسوي بعد كم سنه .. وقام تاركه مشغوول باله بكلام اخوه عن بنته اللي مختلفه بطبايعها عن كل بنات القبيله !! 💛✨ ‏
مع حبي : بحر عيونها #on1uc

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 11-06-2019, 05:53 AM
بحر عيونها بحر عيونها غير متصل
©؛°¨غرامي جديد¨°؛©
 
B10 رد: روايتي الأولى / مآ كنتُ أؤمن بالعيون و فِعلهآ حتىٰ دهتني بالهوىٰ عيناكِ


Part 2

ام خالد واقفه عند باب غرفتها : كادي فتحي الباب .. كادي فتحي الباب بسرعه !! قامت من سريرها بتثاقل تفتح الباب حق امها ورجعت عند سريرها .. ام خالد واهي تتقدم وتجلس جمبها : يمه يا كادي ورا ما تبطلين هالعناد اللي براسك ، وتسمعين شور ابوك ؟ وشفيها يعني لو دخلتي اي تخصص غيره ؟ وش كثر التخصصات ليه هذا يعيني !!! كادي و بعبره : يمه مت وانا اقولكم غير الطب ما راح ادخل ،، انا احبه كذا احبه !! هذا حلمي عرفتي ليه ابغاه الحييين ؟؟ ابوي انا عارفه انه ما عنده مشكله بس البلا في ذا العم اللي مخرب علي بأفكاره!! ام خالد : عييب يابنت وش هالكلام .. احترمي عمك
كادي مدت بوزها : طيب طيب .. بس رجاءاً يمه خلاص لا تناقشوني ، تعرفيني ما راح اغير رايي لو ايييش .. ام خالد بقلة حيله : كيفك هذاني قلت لك ترا ابوك راكب راسه ودام عمك متعب معه الله يعينك وش راح يصير .. خلاص انا غسلت يدي منكم كل واحد اعند من الثاني .. وقامت طالعه من غرفتها
🧜🏻‍♀💜

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 11-06-2019, 05:54 AM
بحر عيونها بحر عيونها غير متصل
©؛°¨غرامي جديد¨°؛©
 
الافتراضي رد: روايتي الأولى / مآ كنتُ أؤمن بالعيون و فِعلهآ حتىٰ دهتني بالهوىٰ عيناكِ


Part 3

بالصاله .. ريان : اختكم هذي وراها ماتسمع كلام احد
مشعل بضحكه : ما تعرفها يعني هذي كادي ، وبعدين انا معاها من حقها تدخل اللي تبغاه ، ابوي وعمي ما عندهم سالفه
خالد اللي توه جاي من الشركة : مين اللي ماعنده سالفه ؟ عن ايش تتكلمون ؟

ريان بنبرة سخريه : كاااادي و سالفتها .. خالد بهدوء : عادي البنت ماقالت شي قاعده تدافع عن حقها لمتى عمي بيظل بهالافكار المتخلفه ؟؟ بس اهي لو تتكلم مع ابوي بهدوء اكثر راح يوافق .. بس مشكلتها عصبيه و
متهورة
مشعل باندفاع : ايه مرة ما عجبني اسلوب كدوي ترا مهما كان هذا ابوها المفروض تحترم اكثر .. خالد اللي شكله ميت تعب وهو بيصعد الدرج : ان شاءالله راح اكلمها بهالموضوع .. وصعد تاركهم .. اما مشعل وريان جلسوا يكملون لعب في البلاي ستيشن .. اللي يشيلون ويحطون فيه وين ما يروحون
🧜🏻‍♀💜

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 11-06-2019, 05:55 AM
بحر عيونها بحر عيونها غير متصل
©؛°¨غرامي جديد¨°؛©
 
الافتراضي رد: روايتي الأولى / مآ كنتُ أؤمن بالعيون و فِعلهآ حتىٰ دهتني بالهوىٰ عيناكِ


Part 4

بعد يومين من الاحداث .. ببيت متعب ابوحمد .. اللي دق على اخوه وقاله يجي عنده .. يبغاه بموضوع مهم .. بو خالد : ايوا وهذا القهوة وشربناها .. هات ما عندك يا متعب .. متعب بجديه وهو يناظر باخوه : اسمع يافهد وسكت لثواني انا فكرت و لقيت الحل اللي يلزم كادي ماتدخل هالتخصص وما تفضحنا
بين القبايل
وسكت ينتظر رد من اخوه.. فهد بتسائل واهتمام : وشنو الحل يا متعب ؟

متعب بهدوء وترقب لردة فعل اخوه : تتزوج

فهد بصدمه وردة فعل قويه : تتزوج؟ تتزوج مين؟ وهو العريس بكيفنا يجي؟
متعب : اكيد على كيفنا ..واردف بابتسامه : العريس موجود وجاهز

فهد بتنهيده : ومين هالعريس ؟
متعب : ولدي حمد .. ثم اردف في محاوله لاقناع اخوه اللي واضح عليه التردد :اسمع يا فهد
بنتك هذي غير عن باقي البنات .. عنيده وما تطيع احد
و واضح يا اخوك انها بتخالف امرك وبتكسر ظهرك بفعولها .. انا اقول نزوجها حمد يضبطها ويمنعها عن اللي براسها .. وتراه شاريها ويبيها من زمان. ، واهو اولى فيها من الغريب .. هاه وش قلت ؟
فهد واللي اقتنع بكلام اخوه : خلاص ..لكن ما راح يصير زواج الا لصارت بالعشرين
🧜🏻‍♀💜

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 11-06-2019, 05:58 AM
بحر عيونها بحر عيونها غير متصل
©؛°¨غرامي جديد¨°؛©
 
الافتراضي رد: روايتي الأولى / مآ كنتُ أؤمن بالعيون و فِعلهآ حتىٰ دهتني بالهوىٰ عيناكِ


Part 5
ام خالد بصدمه : اييش ؟ كادي تتزوج حمد !! .. لا و ألف لا يا فهد بنتي صغيره ال 18 ما كملت وتبغاها تتزوج ولد اخوك !! عشان بس تخصص .. مستحيل
بو خالد بعصبيه : ما راح تتزوجه بس تملك وبعدين يصير خير .. بلغيها هالكلام .. وطلع تاركها بصدمتها
عمره ما صار اناني لهدرجه وعمره ما وقف ضدها وضد عيالها ، دائما يكون حكيم ويعرف مصلحتهم .. بس اكيد ان اخوه لعب براسه .. طلعت متوجه لغرفة كادي واهي خايفه من ردة فعلها وشلون تقنعها بشيء هي نفسها مو مقتنعه فيه .. دقت الباب ودخلت .. كادي اللي جالسه تقرأ .. تركت كتابها :
هلا يمه تو ما نورت الغرفه .. ام خالد وبابتسامه اصطنعتها : منوره بوجودك حبيبتي .. وجلست جمبها : انا جايه بقولك شيء ..
كادي باستغراب : يخص شنو بالضبط ؟

ام خالد وهي تحاول قد ما تقدر تضبط اعصابها ونبرات صوتها وما تخوفها وتقول الموضوع بطريقه افضل : حمد ولد عمك متعب خاطبك .. وابوك موافق ومصر عليه !! كادي بصدمه ما قدرت تخفيها اللي اتضحت من بؤبؤ عينها اللي اتسع و اطرافها اللي سكنت : شنوو .. !! سكتت ثم اردفت وبحده مخلوطه بهدوء تميزت فيها من طفولتها : يمه انا توني صغيرة ولا حمد ولا غيره راح اتزوج ..
ولا تحاولون ابد تغصبوني على شيء ما أبييه !! ام خالد بانفعال : انتي وابوك بتجننوني كل واحد اعند من الثاني ، وتراه قال بكرة بيجب المملك وخليك جاهزه .. اذا عندك كلام قوليه له .. وبقلة حيله : انا تعبت .. و خرجت
🧜🏻‍♀💜

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 11-06-2019, 06:02 AM
بحر عيونها بحر عيونها غير متصل
©؛°¨غرامي جديد¨°؛©
 
الافتراضي رد: روايتي الأولى / مآ كنتُ أؤمن بالعيون و فِعلهآ حتىٰ دهتني بالهوىٰ عيناكِ


Part 6

بيوم الملكة .. في غرفتها .. كانت تمشيء بخطوات سريعه ذهاب وإياب ،
وهي تفكر بخطتها اللي اجبرها ابوها ان تخطط لها بعد ما حكم عليها بالزواج بولد عمها اللي برأيها ما يستاهلها ابد !! ومستحيل تضيع يوم واحد من حياتها وهي زوجته .. اوقف حركتها ضرب خفيف على الباب
عرفت صاحبته على طول فتحته بهدوء وهي تهمس لها : قرتش واخيرا .. ثم قالت تسألها : جاء ؟
قرتش وعلى وجهها ملامح الخوف هزت راسها ع الخفيف وهي تهمس بنفس همس كادي : يس مدام .
كادي بلعت ريقها واهي مصرة على اللي براسها رغم الخوف انها تفشل !! اشرت للخادمة انها تدخل الغرفة بسرعة
توجهت لغرفة الملابس اللي باخر غرفتها ونزعت كل ما عليها وليست لبس سبورت بسيط .. واعطت قرتش الفستان والحلي
وامرتها تجلس على سريرها معطيه الباب ظهرها
ع اتفاقهم المسبق !! وخرجت بسرعة لابسه عبايتها ومعاها شنطة يد متوسطة الحجم حاطة فيها بعض الاشياء اللي ممكن تحتاجهم .. نزلت من الدرج بتخفي وهي تحاول ان ماحد من اللي بالبيت ينتبه لها ..
دخلت بالمطبخ بسرعة
و انخشت ورا الثلاجة الكبيرة ، وهي تناظر مشعل اللي جاي يشرب ماي وماسك قطة ريان بيده كتمت ضحكتها ..
واول ما طلع من المطبخ خرجت من ورا الثلاجة و طلعت بسرعة من الباب الخلفي اللي يؤدي للحوش .. كتمت انفاسها وهي تشوف اخوها ريان نازل من سيارته ومتوجه للمدخل الرئيسي .. دعت بقلبها انه ماينتبه لها ، اخوانها مهما كانوا طيبين ويساعدونها ويوقفون معاها ما راح يسمحون لها انها تخالف ابوهم بهالطريقة توقف بوجهه وتكسر كلمته .. ما كانت حابه تخذلهم بالامر ابد وقررت انها وحدها تتحمل مسؤولية قرارها .. حمدت ربها لما شافته دخل وما انتبه لوجودها كملت طريقها لخارج ڤلتهم الكبيرة .. وراحت تدور بعينها سيارة (اوبر) اللي طلبتها وامرت قرتش توصيه يوقف ورا البيت ، عشان محد ينتبه له !! شافت السيارة ابتسمت بسعادة من تحت النقاب اللي لابسته وللحين مو معتادة عليه !
ركبت السيارة و سلمت بهدوء .. و اول ما تحركوا طلعت جوالها الايفون X Max واتصلت عليه.. بعد ثواني قليلة رد عليها .. وهو مروق : مرحبا مليون بالهاربة هههه !
كادي بسرعة وبهمس : عزوز مو وقت تريقك علي انا جاية بالطريق .
لاتنسون الرد😻❤.
.
وبكذا يكون انتهى الفصل الأول👏🏻💗
تتوقعون/
منو عزوز؟
ووش بيصير للكادي؟
وبتقدر تدخل التخصص اللي تبيه ولالا؟
————————
اجابة هذا كله فالبارات الجاي💜🧜🏻‍♀

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 13-06-2019, 02:14 AM
ثوب منقط ثوب منقط غير متصل
©؛°¨غرامي جديد¨°؛©
 
الافتراضي رد: روايتي الأولى / مآ كنتُ أؤمن بالعيون و فِعلهآ حتىٰ دهتني بالهوىٰ عيناكِ


تسلم الانامل مررره تحمست وبدايه جميلة ومتهورة ومضحكة وغريبة شوي قوة الكادي وإصرارها

اتوقع عزوز خالها
اكيد دام سوت كذا ماشي بيمنعها ع التخصص
متى البارت الجاي؟

الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1