غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 26-06-2019, 11:46 PM
صورة كنيتي سعادة الرمزية
كنيتي سعادة كنيتي سعادة غير متصل
©؛°¨غرامي متألق ¨°؛©
 
الافتراضي رد: يوميات مغناطيس مشاكل /بقلمي


ههههه صدق مجنونة تظلّي صامتة والكل يتكلّم أنا بصراحة ما أقدر أجلس دقيقة في المدرسة دون ما أسأل الأساتذة على كل صغيرة وكبيرة ما عدا في حصّة الفرنسيّة فأنا في الشّرق وهي في الغرب ما أفهم منها ولا كلمة ولمّا تتكلّم المعلّمة أظنها تقول طلامس للشّعودة والسّحر
على كلّ حال أنتظر التّكملة تشاو

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 28-06-2019, 08:03 PM
صورة Conan_Edegawa الرمزية
Conan_Edegawa Conan_Edegawa غير متصل
©؛°¨غرامي جديد¨°؛©
 
الافتراضي رد: يوميات مغناطيس مشاكل /بقلمي


اقتباس:
المشاركة الأساسية كتبها كنيتي سعادة مشاهدة المشاركة
ههههه صدق مجنونة تظلّي صامتة والكل يتكلّم أنا بصراحة ما أقدر أجلس دقيقة في المدرسة دون ما أسأل الأساتذة على كل صغيرة وكبيرة ما عدا في حصّة الفرنسيّة فأنا في الشّرق وهي في الغرب ما أفهم منها ولا كلمة ولمّا تتكلّم المعلّمة أظنها تقول طلامس للشّعودة والسّحر
على كلّ حال أنتظر التّكملة تشاو
هههههههه يسعدك يارب
لا انا طبعي هيك ، بكسل اذا حركت لساني ههههه😂😂
احنا ما بندرس فرنسي بالمدرسة الا المدارس الخاصة بس عربي وانجليزي بس تعودت اني اسرح بالشباك
بس بنفس الوقت كنت الحمد الله من الاوائل
شكرا على متابعتك انتظريني بالغد ان شاء الله بالبارت السادس 😘😘

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 03-07-2019, 09:19 PM
Conan_Edogawa Conan_Edogawa غير متصل
©؛°¨غرامي جديد¨°؛©
 
الافتراضي رد: يوميات مغناطيس مشاكل /بقلمي


#يوميات_مغناطيس_المشاكل .... الجزء السادس

نكمل من عند الجندي الصامت ، المهم صحيح انو هيك سماني بس الحلو بالموضوع بغض النظر عن عصبيتي منو ، كان متفائل فيّ كتير وكان يحكي انو متوقع اني أجيب معدل محترم على أقل تقدير امتياز بغض النظر بأي درجة ، أنا انبسطت عن جد ، أول واحد يحكيلي كلمة حلوة🙌 ، مش زي بعض الناس ..... آه أصلو بتدرس كتير وهي في الموهوبين ، هوا أنا من قلة بكره الموهوبين😡 ....

بعد كلمة الأستاذ وقدام كل البنات وطبعا منهم بنات الموهوبين ... انبسطت كتير من انو في حدا متأمل اني أفلح بالعربي ...🙌

روحت عالبيت وأنا بتباهى ، منشكح على الآخر ، مصهلل ،😸😆
زي الي ماخد حبة أترمال ومزود الجرعة وبتفشخر بالعربي ، حكيت لأمي الي حكاه الاستاذ ، بس على ما أذكر ( ان لم تخني الذاكرة😕)
اتبهدلت من أمي لأني ما بشارك مع الأستاذ ، كنت أتفشخر طلعت ببهدلة ، مع ذلك هذا لم ينسيني قيمتي المستقبلية المتوقعة ، بس خلاني أتذكر في المستقبل العاجل والآجل اني أنتبه لكلامي أحسنلي ، بلاش بهدلة وقلة قيمة ....😸😆

أيييي المهم نكمل من عند أستاذنا الفاضل ، كانت في كلمة تانية أنا زي ما تحكوا أُستفزيت منها ، ألا وهي كلمة _....أشول...._
ما معنى هذه الكلمة ؟ معناها طلع أعسر ، أشملي ، بيستخدم ايدو الشمال ، اليسرى ، شايفيين أكم من مصطلح فيه نفس المعنى ، أنا ما عنديش مانع إني أستخدم أي واحد فيهم الا مصطلح ... أشول ...
هادا عاد خط أحمر ، ايش إلي أشول ، فشي كلمة ألطف منها الله يسامحك ، بحس حالي مش عارف ايش أوصف بصراحة ، بس من الأخر بكرها الكلمة هادي وما بطيقها بالمختصر ....
حكاها واحنا قاعدين وكل البنات موجودين ، وكان في عدد أشولي على رأيو ، لا بأس به ، بس ما في حدا اعترض على كلمتو ، عارف بيطلع الخلل فيّ هيك كالعادة ...

عدت وخلصنا منها ، بس انبسطت معاه وخصوصا لمى طلب منا نيجي يوم جمعة عشان نعوض وقت كتير كان رايح علينا وكانت الدنيا رمضان والساعة 8 أو 9 مش ذاكر ، ما كان في شخص على وجه الأرض في الشارع ، انقراض حياتي كامل ، تطبيق مقولة اذا انت زلمة اطلع برا ، رهيب الشارع كان يومه ولا عمري بنسى الموقف

المهم بعد فترة لما قدرنا نلاقي سيارة ، كنا قبلها أي سواق يسأل وين طالعين كنا نحكي جامعة ، يطلع فينا نظرة هي استهبال، مسخرة بتعرفش ....
المهم السواق الي اركبنا معو سألنا ، يا عم هوا في جامعات اليوم ، في اشي ، جاوبنا انو مش على الجامعة ، بس منطقة قريبة منها ، مش فاهم ليش الكل حاسب انو رايحيين على الجامعة ، عادي ممكن تكون أي منطقة قريبة منها وتكون هي مجرد مجاز مرسل علاقته المحلية عادي يعني
المهم الشارع هناك كان يصفر ، فشي الا احنا الي كنا هناك واتنين حراس شرطة وبيطلعوا على الجيش الي واقف بستنا الاستاذ برا لأنو تأخر والباب مسكر ، منظر رهيب فش زيو ....
عدت على خير فترة الدروس هادي ومش ذاكر اذا في مواقف كمان ولا لا ، والله يسهل على الأستاذ ، كان نادر المثيل وكان ممتاز بصراحة بغض النظر عن الثأر الي بيني وبينو ... الف تحية

إلى اللقاء في الجزء القادم مع بداية المدرسة وبداية تفانينها ومرضها وصحتها وأكل الفستق ...
والسلام عليكم ورحمة الله 🙋☺#




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 03-07-2019, 09:37 PM
صورة كنيتي سعادة الرمزية
كنيتي سعادة كنيتي سعادة غير متصل
©؛°¨غرامي متألق ¨°؛©
 
الافتراضي رد: يوميات مغناطيس مشاكل /بقلمي


أنتظر الفستق ههههههه لا تتأخري

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 04-07-2019, 03:37 PM
Conan_Edogawa Conan_Edogawa غير متصل
©؛°¨غرامي جديد¨°؛©
 
الافتراضي رد: يوميات مغناطيس مشاكل /بقلمي


اقتباس:
المشاركة الأساسية كتبها كنيتي سعادة مشاهدة المشاركة
أنتظر الفستق ههههههه لا تتأخري

هههههه ان شاء الله
اليوم المسا أو بكرا بالكثير
شكرا على مرورك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 04-07-2019, 05:31 PM
صورة كنيتي سعادة الرمزية
كنيتي سعادة كنيتي سعادة غير متصل
©؛°¨غرامي متألق ¨°؛©
 
11302798240 رد: يوميات مغناطيس مشاكل /بقلمي


اقتباس:
المشاركة الأساسية كتبها Conan_Edogawa مشاهدة المشاركة

هههههه ان شاء الله
اليوم المسا أو بكرا بالكثير
شكرا على مرورك
....العفو....

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 04-07-2019, 11:42 PM
Conan_Edogawa Conan_Edogawa غير متصل
©؛°¨غرامي جديد¨°؛©
 
الافتراضي رد: يوميات مغناطيس مشاكل /بقلمي


#يوميات_مغناطيس_المشاكل ......الجزء السابع

بدت سنة توجيهي وقبل ما تبدا باسبوع بالضبط متت ، سخست بالعربي مسكني وجع رهيب في رجلي ، بطلت اقدر اقوم ، طول النهار مرمي من هان لهان ، في الاخر طلعت التهابات لوز وحلينا المشكلة ، لسا ما خلصت منهم مسكتني كحة طويلة عريضة ،
بطلت أعرف أنام لا أنا ولا غيري في البيت ، عملت عزل انفرادي
وعلى الفاضي ، صار وضعي مأساوي وخلال هادا الأسبوع كان عندي درس فيزياء وكانت أول حصة وما خليتهم يتهنوا فيها طبعا ، مع اني قبل ما يبدا الأستاذ ما كان معي أي مشكلة ، بس خلص كيف أخلي الحصة تعدي ، صار الأستاذ ينصح فيً ويحكي لازم أشرب زعتر ، بابونج ، أي اشي وهو مش عارف اني ما خليتلهم دوا يعتب علي الفترة الي فاتت ، وفي نهاية الحصة بعد ما طلع الأستاذ ، كسرت الكاسة ، ما هانت عليً ، كان عجبني شكلها وكتير حلوة ، بس مش لدرجة اني كان بدي أكسرها ، ويومها ما لقيت حد أروح معو ، روحت لحالي وما لقيت سيارة أو بالأصح ما عرفت أركب وكنت بدي أركب من المكان الغلط ، هو اليوم مش عارف أصلا كيف عدا ، احراجات باحراجات ، عندت وقلت مش راكب حتى لو لقيت سيارة ، وأصريت أروح مشي ، 35 دقيقة مشي بالضبط لحالي ، هوا من قلة بحكو اني مجنون ، انا عارف حالي ، روحت على البيت وحكيت اني بس روحت مشي ، قصة ركبتي من المكان الغلط ومش عارف من وين أركب ما عرفو عنها اشي ، انتي مجنونة ، حكيت اني حبيت اتفسح شوي واتفرج على المنطقة ، محدش عارف الي فيها ً..........

عدا اليوم بس معداش اول يوم مدارس ، ما نمت ليلتها من الكحة ، الصبح حكيت اني مش قادر اروح على المدرسة ، وما رحت ، عنجد أنا شخصيا مش مصدق الموضوع ، أغيب عن المدرسة ، لا وفي أول يوم كمان ، في اشي غلط أنا متأكد ، الكل استغرب من الي صار بس عوضت اليوم لما رحت تاني يوم على المدرسة ، ما خليت ولا معلمة تعرف تشرح من اصوات العزف الي كنت أعزفها ، وكل البنات بيطلعوا فيً ، معهم حق هادي توجيهي الي بنحكي عنها ، وبنات الموهوبين ، كان احراج ما بعدو احراج ، والأحلى من هيك انو حبوب الدوا الي كنت آخدها كانت تنوم وكنت آخدها قبل ما أطلع على المدرسة وتبدا الحصة الاولى و تبدأ أحلام اليقظة والهلوسة و أصير أشوف الواحد اتنين وناقصني بس مخدة على الطاولة وأروح في سابع نومة .... كنت مدمر الدنيا وحالتي تقطع القلب زي ما بيحكوا
واقنع الناس اني ميت ، لا كيف أصلو كنت أمثل عشان أرد العين كالعادة 😨😨😨😷😷😷😖😖😖
وللعلم هادي مش المرة الوحيدة الي كنت فيها ميت وكان السبب حبة لوزة التهبت ، في كمان مرة ويا روح ما بعدك روح 😷😷😷😨😧

بكمل وصيتي وقصة موتي وتعذيب التوجيهي في الجزء القادم ان شاء الله ، والسلام عليكم ورحمة الله و شكرا ، احم احم الميكروفين شغال ولا التاني خرب ؟ 😉😋😑😑😑




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 07-07-2019, 07:20 PM
Conan_Edogawa Conan_Edogawa غير متصل
©؛°¨غرامي جديد¨°؛©
 
الافتراضي رد: يوميات مغناطيس مشاكل /بقلمي


#يوميات_مغناطيس_المشاكل......الجزء الثامن

نكمل في توجيهي وصحبتنا معاه .....📅📆📆
ضليت فترة لحد ما خفت الكحة وراحت 🏥🏥، صار عندي تفاؤل زيادة عن اللزوم بهادي السنة لدرجة انو انقلب تشاؤم .....
بالمختصر بامكاني أعتبر الحالة أكتر من مجرد شيزفيرينيا ( انفصام شخصية ) صارت تسمى أو أسمي نفسي المتشائل .....
تلخص الموضوع بأكمله ....😑😑😑😑
الكل من حواليً بفتي وصار أخصائي نفسي وأنا المريض الي معاه حالة نفسية اسمها توجيهي ، هم ما غلطوا باشي ، فعليا خلو معي حالة نفسية حقيقية ......😷😨
لا تخافي سنة عادية زي أي سنة وبتعدي ، انتو لو سبتوني بحالي كانت عدت ، محدش طلب رأيكو ، أنا فعليا كنت ماخدها بكل بساطة ، مطبق مقولة ~~سمبلها بتتسمبل ~~😉 ما كان عندي أي مشكلة بالمرة ، بس لازم يكون في حبة نفسيات مريضة ، الي بسمعني بحكي حبة ، بقول مش مستاهلين ، مش عارف انهم يمثلون أغلبية الشعب الي حواليً.... 😞😞

في البيت 🏠🏡🏠حاولت أطبق مقولة طنش تعش🙊🙉🙈 ، وأتجنب أي احتكاك مع أطراف غير مرغوب فيها ، باعتبار اني عارف اتجاهات ومذاهب كل طرف ، كان الأمر يقتضيه فقط انك تفلسع من المنطقة بمجرد عمل جهاز الانذار والاستشعار عن بعد بوجود خطر ، قلت أشرد أحسن ما أتورط أو على أقل تقدير أنافق ، بس على الفاضي ( دق المي وهي مي )💦💦💦💧💧💪💪

بس بالنسبة لوضعي في المدرسة 🏫🏫🏫، كان غير ، في النهاية وضعك من وضع الجميع ، ولا يوجد شعور بالتفرقة العنصرية ، حاسس انو المصطلح هاد مش مزبوط بس مش عارف أجيب غيرو .....😿
كان هناك طقوس شبه اعتيادية ، او يومية ، كان لازم بعد الفسحة الفستق والجلي يكونوا على أتمة الاستعداد بشنتطتي🍭🍬 ، هادا بالنسبة الي ، أما الفستق فكان شعار الصف🍫🍡🍫 ، وتطبيق فرق تفز ، على كل الصف ، مبدأ المآخاة كان موجود على أعلى مستوياتو ، وأنا صرت زيهم ، ويا حبذا لو كانت حصة العربي ، بتقلب القصة مطعم🍜🍛 والبزر والمكسرات ، كان الواحد يختار الأكلة حسب ما تكون الحصة الرابعة وحسب الاحتياطات الأمنية ،عمري ما كنت آكل أي شي في المدرسة بس كل هاد صار في الموهوبين وطبعا في ناس الها دور أكتر من غيرها ، صح يا رجاء ؟ أكيد حتفهم قصدي اذا قرأتها ، زميلتي في المصائب وقصف الجبهات....

ولا قصة المقلمة الي كانت تلف على كل الصف بحجة الي بدو قلم والي بدو محاي ومزيل ، والقصة كانت تتلخص في المراية الي كانت تلف على كل الصف وكانت شيء اساسي لا يتجزء من هوية صف ١٢/١ ، ولا الجوالات من تحت الطاولة ويا حبذا ان كان في كبسية او تفتيش عليهم طلع المواهب وخبيهم ، والمشكلة الناس بتيجي بتذلك على دخلتك بهادي المدرسة وضرب الأمثال فيها ، بس للصدق كانت في أيام حلوة وكانت في متعة فيها ، عمري ما راح أنسى هديك الأيام ، لا هي ولا علامات امتحاناتها التجريبية 💯💯ولا واجبتها 📚📕📖 الي كنت أكتب السؤال وأسيب الجواب فاضي ، وأحكي للانطي حليتوا شفهي وتكون مسألة كيميا ولا رياضيات ➕➖وتنجلط مني لما تسمع هادي الكلمة ، كيف تقتنع انو مسالة رياضيات تحل شفهي ، أنا مش عارف وين المشكلة في الموضوع ، ايش الصعب في تقبل هادي الفكرة وكانت توفر علي قصة المسح والكتابة من جديد ، وانا شخصيا بحبش أكتب ، لسا الشفهي أسهل ، مش بحكيلكوا تحفة أنا ....... يال تواضعي ! 😉

ولا طابور الصبح 🏀🎾⚽🎤 الي كانت كل المدرسة تلعبوا الا طبعا توجيهي ، أصلو كنت بايعيين القصة على الأخر ، وقصة انو ما في علامات نشاط وفش اشي محسوب ، زادت الطين بلة مش بالنسبة النا ، بالنسبة للمعلمات ، الي عندهم صف ١٢/١ كان كابوس ومشرشر ومش مرتب على رأي البعض وكسول على رأي البعض التاني ، وصاحب العلامة الحمراء والأسوأ في تاريخ البشرية عند مديرة المدرسة ، بصراحة أنا أشك انو المشكلة فيً أنا ، لانو وبكل بساطة طوال ١٢ سنة كل ما أفوت صف يكون هادا الصف له تاريخ أسود في المدرسة ، في الصف العاشر ، كان أسوأ صف بالنسبة لكل الصفوف وعلى مدار السنوات وبالمعنى الحرفي تاريخ أسود وتعاقب جيل من أجيالو وضلو واقف طول الدوام بالساحة ، يعني انا واثق انو المشكلة فيً انا ...... وفي توجيهي طلع قرار انو التوجيهي يصير خمس حصص بالدوام ، وكل المدارس طبقت هذا القرار✔ الا طبعا المدرسة الفلطح الموهوبين ، كيف تعملها ، تعتبر جريمة ، في صفوف ما اعترضت ، بس احنا اعترضنا ونزلنا بدنا نطلع ، شافتنا المديرة وبهدلتنا وما خلت النا اشي يومها ، وتعاقب الصف كلو ، الله يسهل على هاديك الأيام ، بس برضو زودتها ، كل المدارس بتروح بدري الا احنا واحلى اشي لما تشوف الشباب بلعبوا طول اليوم وتقعد تتحسر على حالك وعلى وضعك ..... أخ بس .... 😞😞😠😠

بكفي الحين ، طولت كتير ، أحداث المدرسة هادي مش راح تخلص شكلها ، تحية لطالبات الموهوبين الي مش راح أعتقد اني راح تشوف متلهم تاني ، والسلام عليكم ورحمة الله ، الى تكملة القصة في الجزء القادم ان شاء الله 😃🙋👍👍👍👏👏👏



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 07-07-2019, 08:33 PM
صورة كنيتي سعادة الرمزية
كنيتي سعادة كنيتي سعادة غير متصل
©؛°¨غرامي متألق ¨°؛©
 
الافتراضي رد: يوميات مغناطيس مشاكل /بقلمي


يال الماضي الأسود والكحّه ههههه مسكينه الصّراحه
أنتظرك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 08-07-2019, 04:21 PM
Conan_Edogawa Conan_Edogawa غير متصل
©؛°¨غرامي جديد¨°؛©
 
الافتراضي رد: يوميات مغناطيس مشاكل /بقلمي


اقتباس:
المشاركة الأساسية كتبها كنيتي سعادة مشاهدة المشاركة
يال الماضي الأسود والكحّه ههههه مسكينه الصّراحه
أنتظرك
ان شاء الله خلال هاليومين حيكون البارت نازل
بتمنى تتابعيني على روايتي الي بنشرها في الوقت الحالي وتعطيني رايك فيها
صفحات من الماضي
https://forums.graaam.com/626620.html
بنتظر رايك بفارغ الصبر اذا في اي تعديلات


الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1