غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 14-06-2019, 04:18 PM
Conan_Edogawa Conan_Edogawa غير متصل
©؛°¨غرامي جديد¨°؛©
 
الافتراضي يوميات مغناطيس مشاكل /بقلمي


السلام عليكم ورحمة الله وبركاته
أقدم لكم يوميات مغناطيس المشاكل بقلمي
هادي كانت أول كتاباتي الكاملة وحتكون ان شاء الله 12 بارت
أنا حاليا بعمل على القطعة الثانية والي هي رواية صفحات من الماضي للي حابب
يشوفها ، نشرت 22 بارت وحاليا أعمل على 23 وخلاال يومين ثلاثة ان شاء الله حيكون جاهز
للي حابب يشرفني عليها
https://forums.graaam.com/626620.html

المهم وين كنا ، كنا في اليوميات
البارت الأول ، أعطوني رأيكم فيها ،
#يوميات_مغناطيس_المشاكل.... الجزء الاول
السلام عليكم
بدينا بتحية الاسلام , وعليكم السلام ورحمة الله وبركاته , نبدا على بركة الله
هادا يا سيدي ، ( خطرة عمن أول )
على رأي خالي الي تعلمها من قعدتو مع العجايز مع احترامي الكبير الهم والله يحفظلنا اياهم يا رب , بغض النظر اذا فهمت معناها ولا لا ، مش حنختلف بس أنا بعرف على الأقل انها هيك بتلفظ ، على كل ...

أنا يلي قاعد بيكتب الحين وهوا تحت البطانية ونص نايم والمفروض ينام لانو بكرة زي كل يوم عندو دوام من الساعة 8 والساعة الحين عندها صارت 12 بالليل و بفكر شو بدي أكتب ، يعني عن انجازاتي العظيمة الضخمة بحياتي ولا عن ايش مش عارف بصراحة .
أنا يا سيدي يلي بتقرأ هبلي الي كتبتو، أنا مجرد طالب سنة ثانية طالب غلبان مش طالبان في الجامعة تخصص تمريض يعني مش فلطحة زماني ودكتور ، حبة ممرض لسا ما خلص مع احترامي لكل دكتور وممرض محترم ولجروبي في العملي الي نازل معي في التدريب العملي ، الكو تحية خاصة ولأوكسيجيناتكو الي بتتنفسوها الحين .....
اعتقد قبل ما أبدا في المواضيع الي مش عارف شو هي ، عارف انو البعض راح يعترض شوية اعتراضات من انواع مختلفة ، يمكن ما أقدر اعرفها كلها ...
1- مثلا أولا وليس أخرا : موضوع التاء المربوطة الي كتير من الناس اعترضت على ازالتها من كلامي ،
بالمختصر اني بستعمل صيغة المذكر وأنا يعني طالبة ولست بطالب يعني زي هيك بالعامية ،
والكلمة هاي بصراحة كتير ناس كانت تحكيلي اياها ، بس بالاغلب كانت معلمتي الله يحفظها يارب وبنتها صحبيتي ، كانو دايما يحكو وين التاء المربوطة ،
أنا مش عارف ايش المشكلة اذا حكيت هيك ، مش حيضر بعض التغير ومع ذلك أنا بس بستمتع فيها وانا بسمعها هيك .....

2- ثانيا : موضوع الكتابة بالعامية ، أنا عارف انو في البعض راح يعترض على كتابتي بالعامية ، بصراحة الهم وجهة نظر ، بس أنا قررت أكتب اليوم بالعامية لأني حسيت اني ممكن ما أعلاف أشرح الي بدي اياه من منطلق اني مش ملم بكل كلمات الفصحى فقط من هذا المنطلق لا أكتر ولا أقل .....
ما بعرف اذا من الممكن انو يكون في اعتراضات تانية او لا ، بس هادا الي قدرت استنبطو الحين
الاكمال في الجزء الثاني #

بنتظر رأيكم فيها بفارغ الصبر



تعديل Conan_Edogawa; بتاريخ 14-06-2019 الساعة 06:43 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 14-06-2019, 05:00 PM
Conan_Edogawa Conan_Edogawa غير متصل
©؛°¨غرامي جديد¨°؛©
 
الافتراضي رد: يوميات مغناطيس مشاكل بقلمي


بنتظر رأيكم فيها اذا أكمل ولا لا
لأنها كاملة عندي وجاهزة
بس للعلم هي مجرد يوميات بس بطابع كوميدي
تتحدث عني المشاكل الي واجهتني خلال فترة الثانوية العامة
وفعليا تواجه أي طالب بهذه المرحلة
ها ، نكمل ولا ؟ ......



تعديل Conan_Edogawa; بتاريخ 14-06-2019 الساعة 05:24 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 16-06-2019, 11:20 PM
Conan_Edogawa Conan_Edogawa غير متصل
©؛°¨غرامي جديد¨°؛©
 
الافتراضي رد: يوميات مغناطيس مشاكل بقلمي


#يوميات_مغناطيس_المشاكل _ الجزء الثاني
وين وقفنا المرة الي فاتت
وقفنا عند اعتراضات البعض الي كان ممكن اني استنبطها ، حاولت أكمل كتابة وأنا نايم بس ما عرفت شو أعمل أو أكتب بصراحة ..........
يعني ايش أحكي ؟
أحكي عن نفسي شوي .... انا بالمختصر المفيد مغناطيس مشاكل ، لا أكتر ولا أقل ( الي عاملي هيبة بين الناس هي هادي الخاصية ، لاني بجيب الاكشن على البيت ) ليش ؟ ، لأني وبكل بساطة وين ما أروح تكون في مشكلة مثلا خارجية ولا علاقة الي فيها ، بعدين بجلالة قدري وقيمتي بطلع الفلطح الي قاعد يكتب عضو رئيس في هادي المشكلة ، كيف ؟ بتعرفش ، لا وهادا ان ما كان هوا الي عاملها كمان .....
أصلا عادي تعودت على الموضوع
ايش الحل ؟ حلها انك ترضى بالواقع الأليم وتدخل وانت مغلوب على أمرك وتعمل على حل المشكلة معهم ، مش ضعف منك ، لا بالعكس هيك بتشتري راحة بالك وبتبعد عن وجع الراس الي هيك هيك وراك وين ما رحت ، لانك بمجرد بس المحاولة بالموضوع انك تقنعهم انك مالك دخل بتصير مش السبب في هادي المشكلة ، بتتطور المشكلة وبتصير المشكلة هي مشكلة المجاعة في الصومال ، الحرب العالمية الاولى والثانية واذا في ثالثة انت راح تكون السبب فيها كمان ....

مع ذلك لما أشوف الكل بيحاول ياخذ باستشارتي بنبسط بالموضوع سواء أمي او ابي أو خواتي أو أي حدا ، بحس نفسي سفير النوايا الحسنة ، مبعوث الأمم المتحدة من اصلاح لابداء أراء لاي اشي بيخطر على البال سواء كنت بحبو او لا ....
كمان اضافة الى ذلك كان الكل يسميني العلاقة بغض النظر اني علاقة مشاكل حاليا ، بس كان قصدهم وأنا صغير ( الماديلية ) زي ما كانو يحكوها من كتر ما كنت دايما مع أبي وين ما يروح ،( مشوار شغل، زيارة ، على السوبر ، حتى اني كنت اقعد معاه بين الرجال ) كنت أحب أقعد بينهم لأني أحيانا بستفيد من يعني خبرات وظيفة كل واحد فيهم ، خبراتهم بالحياة والمواقف الي مرت عليهم ، وأهم اشي ما بيحكوا زي النسوان ، ( أهم شي ) ....... هادي عملت وهادي سوت وهادي مش عارف ايش ، كان اكره ما عندي ولا زال كذلك اني أقعد بين الحريم ( بلاش نسوان أصلو في ناس بتتحسس منها الكلمة هاي زي ما بتحكو ) بالمختصر بقعد معهم لازم أطلع بمشكلة أو أصير زيهن او على الأقل ، على الأقل اطلع بعاهة مستديمة مع صداع نصفي من طنينهم الي زي طنين النحل ، وبظلم النحل معهن على بنستفيد من النحل باشي .....
عشان هيك انا بختصر الموضوع من اساسو وبقعد مع الرجال بعدين بتتعلم فنون الرد وقصف الجبهات كمان ، هادي لحالها بتكفي بالنسبة الي ( بعشق قصف الجبهات ) ، وما باخذ ذنوب من الغيبة عن الناس وبتعلم برودة الأعصاب شوي ، مش مستاهلة القصة أروح أعمل عملية مرارة ، بطلع أنا الخسران فيها ....
برودة الأعصاب للي بحب يتعلمها يقعد مع الرجال درسين خصوصي وبطلع بامتياز منها مع مرتبة الشرف ، أما النسوان يا عيني على النسوان ، بس بتحسهم على أقل حبة فتفوتة صغنونة كتكوتة... ، خلص بكفي بيعملو مشكلة ، على كل سيبكو من النسوان ، أصلا جزء كبير من المجال المغناطيسي تبع المشاكل تبعي ما لا يقل عن 80% هادا ان ما كان 90 عامل اتفاقية تعاون ، اتفاقية مصالح مشتركة معهن ، ايش ما أحكي مش حوفي حقهم ولا حخلص قد ما عديت ، عشان هيك بعمل احتياطاتي وببعد عنهن من الأساس أريح وأخف لوجع الراس وبلاش أحكي ، شخصيا من فترة بسيطة لسا صارت معي مشكلة من وراهن ، وبلاش أحكي لاني كالعادة مش فاهم لا السبب ولا المغزى من وراها ،
ما احنا حكينا سيبك من النسوان ، ايش رجعنا لمثلث برمودا تاني ، هادا ان دل فانما يدل على قوة Danger zone الي دخلتها .......

سلام عليكم ، أطلع بكرامتي أحسن مع السلامة في الجرعة الثالثة من التحشيش في حاجات انا مش فاهمها #
يلا بستنى رأيكم فيها


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 17-06-2019, 12:03 AM
صورة عشتار-AshTaR الرمزية
عشتار-AshTaR عشتار-AshTaR غير متصل
©؛°¨غرامي متألق ¨°؛©
 
الافتراضي رد: يوميات مغناطيس مشاكل بقلمي


��������
إستمررري وبالتوفيق..������

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 17-06-2019, 02:24 PM
Conan_Edogawa Conan_Edogawa غير متصل
©؛°¨غرامي جديد¨°؛©
 
الافتراضي رد: يوميات مغناطيس مشاكل بقلمي


اقتباس:
المشاركة الأساسية كتبها عشتار-AshTaR مشاهدة المشاركة
��������
إستمررري وبالتوفيق..������
يسلمو على المتابعة


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 19-06-2019, 10:50 PM
Conan_Edogawa Conan_Edogawa غير متصل
©؛°¨غرامي جديد¨°؛©
 
الافتراضي رد: يوميات مغناطيس مشاكل /بقلمي


#يوميات ........ الجزء الثالث

السلام عليكم ....... وعليكم السلام والرحمة والاكرام ......
في الجزء الي فات بامكاني أختصر واحكي اني حكيت عن النسوان ودخلت بدوامة وطلعت ورجعت و... الخ ...
المهم الحين عن ايش بدي أحكي ،
ايش رأيكو أحكي عن انجازاتي العلمية والدراسية وفلطحتي ........



كنت في العادة وأنا في المدرسة من صف أول ما بخفى عليكو وبكل تواضع محترم مني ، كنت الأول على صفي ودايما الأول على مدرستي حتى أحيانا ان نزلت شوي أكون الاول على الصف والثاني على المدرسة ، ما نزلت أكتر من هيك ، والناس الي حوالي : قديش بتدرسي يا عم ( والله يا ععم نص ساعة أو ساعة بالكتير ) ، معقول بس هيك ، وأنا ما كنت أكذب بس هات عاد يقتنع ، بطلع كذاب ، كذاب عشان أرد العين والحسد وأنا دوبك أصلا الي كنت فاهم معنى الحسد ....
ما شاء الله عليها همها بس دراستها ما الها بالمشاكل الي حواليها ، يقطع شركو طب أنا بس أشوف حد من بعيد بشرد ، ما أنا هيك هيك بنص المشكلة ايش ما اسوي وبدكم اياني أسيب دراستي ،
يا شيخ سيبوني بحالي ، حلو عني يا زلمي ، هيك أحسن خلص ؟
في الصف الثاني قدرت أعرف نتيجتي قبل ما تطلع باسبوعين أو أكتر شو ،كيف ؟ تسألنيش ............

طلاب الابتدائية بيخلصو امتحانات قبل غيرهم وبيكون نصيبهم من الاجازة طبعا أكتر من غيرهم ، يومها عرفت النتيجة ونشرتها على الجزيرة بالمختصر طبعا ، بعدها بيومين وقعت عن الدرج وأخدت خمس أو سبع غرز براسي ، مش ذاكر بس هي هيك غرز ........
أمي يومه حكت انو حسد لأني ما خليت مكان يعتب علي الا وحكيت فيه ، بس بصراحة ما اقتنعت شخصيا لقصة الحسد ، كنت أفكر خرافات وما يحزنون ، كان عمري سبع سنين شو كنتو تتوقعي مني أفكر ؟
بس الحين اقتنعت تماما بالي حكتو أمي لاني تقابلت أنا والحسد وجها لوجه ، افهموها كيف ما بدكو ، شفت الحسد قدامي ، شفت كيف كلام الناس وكيف عينها ضيقة وما بتحب الخير لغيرها زي ما بتحب لنفسها ....
شماتة عينك عينك قدامك ، في وجهك وبدون أي شعور حتى بذرة تأنيب ضمير ،
حتى على دراستي حسدوني وأنا الي طول عمري كان نفسي أدرس طب ، لما كنت صغير كنت أكره الطب وأنا أقصد كرهي الو ، بالمعنى الحرفي بكرهو ، ما كنت أطيقه ، وما كنت أطيق ولا واحد دكتور ، هيك خلص بحسهم زي الاشرار ، ابصر كيف مش ععارف أوصف شعوري ...........

مشكلتي ما كانت مجرد كره للدم ، يعني جروح وهيك حاجات ، أنا من النوع الي ما بخاف من الدم بالعكس لو كان هيك كان ما صمدت دقيقة وحدة بعد ما شفت دمي وهوا ملي البيت والنافورة الي ما رضيت توقف بعد وقعتي وأنا صغير ، بس انا كنت أخاف من حاجات ما الها وجود في عالم الواقع ، ... بصراحة صعب شرحها يمكن من كتر ما شفت انمي وكرتون وأنا صغير لدرجة اني أبكي على الحلقة الي ما أحضرها وأعمل مناحة .......
نرجع للطب ، ضليتني بكره الطب وللحين ، مع اني حكيت قبل انو كان نفسي ادرس طب من وانا صغير يمكن عندي تناقض بالموضوع ، بس في الثانوية اجت ذرة غبار هيك مش عارف من وين اجت وخلتني نفسي عنجد في الطب مع اني لسا بكرهو وحضل أكرهو ، مش بقلكو تناقض ،
يمكن من مدرسة الموهوبين الي ذلتني العيلة اني دخلتها ( ملاحظة كلمة العيلة هان لا تدخل في نطاق الام والاب والاخوة وانما هي خارج هادا النطاق للعلم فقط ومش داخلة بالمنهج ) .........

وعلى سيرة الموهوبين ، طلعت نتيجتي ملهاش علاقة بالموهوبين بالمرة ، ولكو أنا ايش سويت الكو ، ولكو أنا بعطيكو التصريح ، حلو عني ..........
نرجع للطب ، شكلني علقت عليها ، كان كمان في اكم من شغلة واكم من سبب لرغبتي الفجائية بالموضوع ، احد اسبابها مغناطيس المشاكل بامكانكو تحكو انها بعض من الشخصيات الي اخدت منها بالوراثة جزء من المجال المغناطيسي للمشاكل وطورتو انا طبعا ، بفلطحتي كالعادة وزدت النطاق الخاص فيه وشدة التيار والجهد والمقاومة كان ، خبصت
كانت شخصيات أخدت منها الالهام ، كيف أدخل بنص المشكلة بدون احم ولا دستور ، احلى تحية لاساتذتي الكرام زعماء ومؤسسي الحركة الاصليين ......... شايفين كيف أنا متواضع ، طورت قدراتي ولم ولن أنسى مجهود مدرسي ، يا عمي أصلا أنا عندي تواضع بوزع على بلد ......... p:
الى اللقاء في الجزء الرابع مع تكملة الموهوبين لاني تعبت وانا بكتب بصراحة
وتصبحو على خير ( أياسو مينا ساي ) # :)

p: الى اللقاء في الجزء الرابع مع تكملة الموهوبين لاني تعبت وانا بكتب بصراحة وتصبحو على خير ( أياسو مينا ساي ) # :)


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 23-06-2019, 02:03 PM
Conan_Edogawa Conan_Edogawa غير متصل
©؛°¨غرامي جديد¨°؛©
 
الافتراضي رد: يوميات مغناطيس مشاكل /بقلمي



#يوميات ......... الجزء الرابع

السلام عليكم ...... نكمل من عند الموهوبين
مع دخولي للموهوبين ورغم كرهي لهادي المدرسة بس طلعت أرحم مية مرة من حجات الحين بشوفها ،
المهم صار عندي أمل من اني أجيب معدل محترم هيك انحسد عليه يدخلني الطب
(أصلا لو جبت على الحفة 50% مش حسلم من كلام عيلتي وحافظها ، ايش احكي لما احكي ) يمكن من كتر ما شطحت الناس بهادي المدرسة وشفت شخصيا المعدلات الخيالية زاد الأمل وحطيت بنفسي اني بدي طب بس من غير ما أحكي لحدا ، حبيت انو يكون سري الخاص وتكون مفاجأة لأهلي ، وباعتبار كمان اني حكيت الهم ما بدي طب ، وعنجد تعبت في هادي المدرسة ، بس أول سنة نزل معدلي وصار 93% ، انصدمت ، بس الكل حكى طبيعي لانو نظام المدرسة وامتحاناتها صعبة وفعلا كانت صعبة ، والجو تغير علي يعني عادي ،وعديت الموضوع لاني كان بدي فعلا توجيهي وخلص .......
في توجيهي الجزء الخامس :)
والسلام عليكم ........ سايونرا #





تعديل Conan_Edogawa; بتاريخ 23-06-2019 الساعة 02:09 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 24-06-2019, 02:18 PM
صورة كنيتي سعادة الرمزية
كنيتي سعادة كنيتي سعادة غير متصل
©؛°¨غرامي متألق ¨°؛©
 
الافتراضي رد: يوميات مغناطيس مشاكل /بقلمي


كونيتشوا كونان أو مثلما تلقّب مغناطيس المشاكل أتمنّى لهذه اليوميّات أن تستمر لأنّها حقّا مضحكة. الوداع للجزء الخامس:)

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 24-06-2019, 04:17 PM
Conan_Edogawa Conan_Edogawa غير متصل
©؛°¨غرامي جديد¨°؛©
 
الافتراضي رد: يوميات مغناطيس مشاكل /بقلمي


اقتباس:
المشاركة الأساسية كتبها كنيتي سعادة مشاهدة المشاركة
كونيتشوا كونان أو مثلما تلقّب مغناطيس المشاكل أتمنّى لهذه اليوميّات أن تستمر لأنّها حقّا مضحكة. الوداع للجزء الخامس:)
أريجاتو جوزايماس على المتابعة ،
انتظريني ان شاء الله غدا البارت الخامس ......

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 26-06-2019, 05:18 PM
Conan_Edogawa Conan_Edogawa غير متصل
©؛°¨غرامي جديد¨°؛©
 
الافتراضي رد: يوميات مغناطيس مشاكل /بقلمي


#يوميات_مغناطيس_المشاكل...... الجزء الخامس
بدت سنة توجيهي أو بالأصح قبل ما تبدا
باجازة اخر السنة في الصيف قبل ما المدراس ....

وحدة من صحباتي حكت انها بدها تبدأ تاخد دروس خصوصي قبل ما تبدا المدارس بحكم انو الاستاذ منيح ومتوفر وفي المدارس ما بيكون في وقت للدروس والمدرسة سوا وهيك بنخلص مادة وبنوفر وقت لبقية المواد ، هيك كانت وجهة نظرها وكانت مقنعة لكل اب وام بدهم ابنهم وبنتهم ينجحوا بتوجيهي ، مش معقول لطلبة مثلنا في مدرسة الموهبين يجيبوا معدل واطي بالعامية ، يعني هيك بنكون بننجح بالترفيع او ما شابه طول السنين الي فاتت ،

نرجع للدروس اتصلت علي اذا بدي أسجل معها ، أهلي وافقو لاني مش راح اكون لحالي ، وبصراحة أنا ما ليش على الطلعة ، وما بعرف كتير في الأماكن ..... المهم مشي الموضوع ، أستاذ المادة كان معروف ولو مكانتو الله يسهل عليه ، حتى معاه ما طلعت سليمة ~~ أول شي كان يستغرب لاني بجلس بنفس المكان جنب الشباك ( اي في حدا بيصحلو يشوف الشارع ويدرس بنفس الوقت ، كان مكاني المفضل وما كنت اشارك كتير بصراحة ، مجرد مستمع من منطلق اني بطبق مقولة المستمع الجيد متحدث جيد .....
حاول يستفزني بأكم من كلمة بس ضليتني على وضعي ، ايش حتفرق لو جاوبت ولا لا ، ما دام إني فاهم ومستوعب الي بحكيه ، كان معي كمان بنات من الموهوبين وكانوا على خلافي تماما بشاركوا وبناقشوا الاستاذ بالضبط __ كلمة ومضادها، طباق يوضح المعنى ويؤكده __ هيك الفرق بيني وبينهن بالضبط .....

المهم طلع علي لقب كان دايما يناديني فيه ___ الجندي الصامت __
صرت الجندي الصامت راح والجندي الصامت اجا وانشهرت فيه الاسم هاد كمان حتى في ناس لسا متذكرتو للحين ، بالمختصر أنا ولعت وانجنيت ، بس ضليتني ساكت ... قلت كل الي بدي اياه اني بس أجيب معدل منيح والي بدي اياه ، وطنشتوا واستفزيتوا بزيادة ، حبيت الفكرة ...
بصراحة الموضوع مش مقتصر عليه بس ، كل الناس ليش ساكتة ؟ انطوائية كتير ،ّ........ انتو ايش دخلكو فيّ يا عالم ؟!
ضريت أنا حدا بسكوتي ؟ يعني هيك مرة كان في موقف كان لازم أرجع فيه حق الشعب وسكتت عنو وضيعتو بسكوتي ؟!
سيبوني بحالي ....

هم طبقوا بالضبط مقولة سمعتها .... __ الشخص الذي يحب أن يبقىوحيدا في أغلب الوقت غالبا تكون شخصيته جذابة ومبدعة وحساسة من الاخرين ____ حتى في هادي طلعنا مغناطيس والنا جاذبية بالموضوع ، بس بتعرفو مش مشكلتي انا ، هادي مشكلة الناس انها فضولية وبتحشر حالها بكل صغيرة وكبيرة

ماليش دعوة أنا ، انا عندي مبدأ ، __ من تدخل فيما لا يعنيه ... لقي ما لا يرضيه أو بالأصح خمساوي من حيث لايدريه __

مجرد تحذير ...😼
المهم البقية في الجزء القادم ان شاء الله وتكملة الجندي الصامت
مع السلامة ، سايونرا #😜



الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1