غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > قصص - قصيرة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 18-06-2019, 06:10 PM
صورة درة الجميلة الرمزية
درة الجميلة درة الجميلة غير متصل
©؛°¨غرامي مشارك¨°؛©
 
Upload91196349b5 رواية هل اصبحت الأن فتاة قبيحه ؟؟ رواية حزين تحكي عن الأمل


[COLOR="Sienna"]

رواية * الأمل


أملٌ تألق وارتقى
مثل النجوم محلقا
في وسط قلب في الهموم تمزقا
قد كنت وحدي في المسير
في الحزن عشت كما الأسير
حتى رأيت الزهر يزهر ها هنا

فبدأت أركض نحوه
و بدأت ألثم عطره
حتى شعرت بقيد حزني ينكسر
لكن صباحي لم يطل
فالليل في الاجواء حل
و الغيم غطى كل شيءٍ في المدى

فحنيت راسي يائساً
و بدأت ابكي جالساً
حتى اتى بعض النسيم مواسياً
فسمعته يقول لي
الغيم حتما ينجلي
و الشمس في جوف الظلام ستنتصر
أصغي لنصحي لا تَمَل
فالنصر إيمانٌ عمل
من نفسك كن واثقاً و بلا وجل



رواية ** هل اصبحت الأن فتاة قبيحه ؟؟

إذا أغلقت الشتاء أبواب بيتك .. وحاصرتك تلال الجليد من كل مكان ..
فإنتظر قدوم الربيع وافتح نوافذك لنسمات الهواء النقي !
وأنظر بعيداً فسوف ترى أسراب الطيور وقد عادت تغني ..
وسوف ترى الشمس وهي تلقي خيوطها الذهبيه فوق أغصان الشجر ..
لتصنع لك عمراً جديداً وحلماً جديداً .. وقلباً جديداً.

عادت الأم من العمل وكان الجو بارد وجميل ..
وبسماته تملئ فؤادها لكن تتفاجاء بعد رجوعها
بالمكان المبعثر كانت الوسائد مرميه والستائر مفتوحه
والبيت مقلوب رأس على عقب والأقلام والأوراق
والملابس بالشبك على شكلها
انصدمت الأم من اهمال الخادمه وتنادي بأعلا صوت : ماري ماري
ماري تنزل بسرعه والخوف باين على وجهها : حاضر ماما
سعاد معصبه : ليش انت مافي سوي ترتيب
ماري : ماما جود كانت بتجيب اغراضها من فوق الدولاب وطاحت في الأرض
والحين هي في مشكل في دم واجد
سعاد بتوتر وقلق : طيب وينها الحين ؟
ماري : فوق في غرفه
بسرعه سعاد صعدت الدرج ومو حاسه في نفسها انها حامل وفي شهرها ٨
دخلت غرفة بنتها وكانت منسدحه على الأرض وشعرها متناثر على وجهها التعبان
قربت من بنتها ومو قادره توقف بكاء وشالتها على ايدها وحضنتها : جود جود تسمعيني
*************************************ء
ملاحظه موعد نزول البارتات الإثنين والخميس..
البارت الأول راح انزله هذا الخميس ان شاء الله


















/COLOR]


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 24-06-2019, 04:46 PM
صورة ضـحكتــي سحـــريّـــه الرمزية
ضـحكتــي سحـــريّـــه ضـحكتــي سحـــريّـــه غير متصل
©؛°¨غرامي مجتهد¨°؛©
 
الافتراضي رد: رواية هل اصبحت الأن فتاة قبيحه ؟؟ رواية حزين تحكي عن الأمل


السّلام عليكم انا في انتظار البارت القادم جذبني العنوان وأتوقّع أنّ جود هي البطلة ولمّا وقعت بيتشوّه وجهها استمرّي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 25-06-2019, 03:08 PM
صورة درة الجميلة الرمزية
درة الجميلة درة الجميلة غير متصل
©؛°¨غرامي مشارك¨°؛©
 
الافتراضي رد: رواية هل اصبحت الأن فتاة قبيحه ؟؟ رواية حزين تحكي عن الأمل


البارت الأول
بعد مرور 10 سنوات من حادثة جود الأليمه
الي تشوه وجهها بالكامل ومافي مستشفى ما راحت له
لكن للأسف مافي علاج
بس كان املها بالله كبير كل يوم يمر الا وتفرش سجادتها وتبكي لربها
وبعد ما تخلص تروح تنام وهي مرتاحه
بكرا اول يوم لجود في الجامعه وتحس بفاؤل انها راح تكون صداقات مو مثل يوم
كانت في المتوسط والثانوي
جهزت لبسها واغراضه من الليل واخذت شور سريع ونزلت تحت تتعشاء
لقت امها وابوها واخوها جالسين على الطاوله ويتبادلون اطراف الحديث ويضحكون
طقت الباب ودخلت عم الصمت جود للحين مو عارفه ليه ابوها ما يحبها مثل اخوها المدلل
امها هي الوحيده الي تسأل عنها وتوقف وياها وتساندها بعد الله
دخلت والحزن كاتمته جواتها
جود : السلام عليكم
الجميع : وعليكم السلام
نوف : هلا بالغاليه
جود باست امها : هلا فيك يمه
وراحت باست ابوها وجلست جنب امها
نوف بفرح : يا سعدي ببنيتي كبرت وصارت بالجامعه
جود تبتسم في وجه امها : ان شاء الله اصير معلمه مثلك
نوف : ان شاء الله
اخذت نوف العصير وصبته لهم كل واحد اخذ كاسه
منصور كان يلعب بالجوال ومو مركز مع امه كويس طاح الكوب منه وتكسر
نوف : كم مره اقولك انتبه معي اذا جيت اعطيك شيء مو عينك بس بالجوال
منصور : اسف ماما
نوف : قوم طيب اكنسه
منصور : طيب
خالد بعصبيه : لا تهوشين الولد توه صغير وبعدين وش يعرفه بالكنس خلي جود تقوم تنظفه
جود منصدمه من ابوها : بس انا وش دخلني فيه
خالد : راح تقومين ولا اجي اتفاهم معاك
قامت جود والعبره خانقتها ومو عارفه ايش تسوي
نوف : لا تدلعه ذبحتنا انت وياه
خالد : الواحد ما يقدر ياكل وهو مستانس
وقام وسكر الباب بقوه
نوف : اذا ما قمت تنظف مع اختك تراني ماني امك
منصور : ابعلم ابوي وطلع وراه

..عائلة جود
الأب خالد عمره43
الأم نوف عمره 39
جود عمرها 18 شعرها اسود طويل اخر ظهرها بيضاء وجميله لكن
تشوه وجهه بعد الي صار لها نحيفه طولها 157
منصور 10 سنوات دلوع ومربرب شوي شعره اشقر وفلافل ناعمه ابيض وشدوقه ورديه
******************************ء
عند عائله ابو سعد الي يصير اخو خالد
كان البيت في حالة استنفار يدورون مفاتيح سعد
حقت السياره ومضيعها
نوره : انت ما غير تضيع الأشياء وحنى الي ندورها
سعد : الي ما تدور ما عاد اوصلها للمشاوير
امل : اصلا كلها كم شهر وامسك سياره واوصل خواتي انا
سعد : اوك يراحتكم
سارة : طيب على الأقل دور معانا
سعد : هذاني ادور
دخلت امهم عليهم وعلامات الاستفهام عليها ؟؟
ام سعد : وش فيكم شالي صاير
ساره : يمه اولدك هذا ما ينتهي امس مضيع شاحنه وقالب البيت
والحين مفاتيحه
ام سعد : يا بعدي يا وليدي دوروله مفاتيحه
سعد ضحك على خواته وراح حضن امه وبدلع يمازحها
سعد : نبع الحنان خليهم يدورنها
امل : يععع محب اشوف ولد يتدلع

..عائلة ابو سعد
ابو سعد 52
ام سعد 48
امل 27 مخطوبه من ولد خالتها
طيبه وحنونه نحيفه شعرها نص ظهرها حنطية البشره
نوره 23 بيضاء مربربه شعرها اسود لنص ظهرها فله وفرفوشه
تحب المغامرات ومساعدة الناس
سعد21 اسمر مكحل الملامح شعره اشقر نحيف وجسمه معضل
طيب بجواته بس ما يحب يبين للناس
ساره 18تشبه اختها نوره بس هي شعرها اطول ونحيفه
اذا اجتمعت هي واختها يقلبونها ضحك نفس جامعة جود بس لسى ولا وحده عارفه
ان الثانيه معها بنفس الجامعه

***************************ء
الساعة 7:30  الصباح
رن المنبه صارت تتقلب بفراشها وتحس حالها دايخه
تذكرت انه اول يوم لها بالجامعة بسرعه قامت وجهزت نفسها
ونزلت تفطر لقت فطورها جاهز اكلته وراحت عند ابوها الي بسابع نومه
جود : تكفى يبه مابي اتأخر وصلني بسرعه
خالد : انت مو لازم تداومين من اول يوم وبعدين ليش ما رحتي مع امك
جود : امي دوامها من الساعه 6:30 بدري مره كيف اروح معها
خالد : ماني فاضي المره الثانيه اذا امك راحت تروحين معها
جود خلاص تحس بالغبنه : يبه تكفى لييش انت كذا قاسي
خالد عصب : انا قاسي
جود : لا مو قصدي بس
خالد : روحي خلي تكسي يوصلك
جود : ليش انا ما عندي ابوي يوصلني
خالد : اي روحي فكيني ورجع نام
جود ما قدرت تستحمل كلام ابوها القاسي وركضت بسرعه على غرفتها وتبكي بحرقه
ليش ابوي كذا يعاملني انا وش سويت عشان بس وجهي تغير وصرت قبيحه
مافي احد يحبني الناس كلها تكرهني وحضنت المخده وغرقت بالدموع
*************************ء
سعد نزل بسرعه لأنه تأخر على ساره الي جالسه تنتظره
اخذ شماغه وعقاله الي كانوا بالكنبه الي بالصاله ولبس جزماته وعلطول راح لها

سارة على اعصابها تنتظره بالسيارة وكل شوي تناظر الساعه
جاها سعد وصعد السياره
سارة مقهوره منه : ليييه كذا تتأخر مليت منك ومن اهمالك يعني لو مره بحياتي توصلني بدري
سعد ببرود : اسف
سارة كانت مجمعه كلام كثير بس يوم اعتذر لها تراجعت وتحولت للوضع الصامت
**************************ء
مسكت معاها فكره تروح مع تكسي احسن من تجلس كذا بدون ما تسوي شيء
راحت عند حصالتها واخذت مبلغ بسيط ونزلت واخذت معها مفتاح البيت وجوالها


طلعت للشارع العام القريب وطلبت كريم ..

عند سعد وسارة
جاه اشعار من كريم لأنه تبع لهم من بنت تبي توصيل
سارة : ايش فيك
سعد : في وحده تبيني اوصلها
سارة : مو بكيفك توصلني اول
سعد : بس هي تبي نفس الجامعه حقتك
سارة ايييش ؟!

*********)))))))))))))))ء...



تعديل درة الجميلة; بتاريخ 25-06-2019 الساعة 03:29 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 29-06-2019, 12:55 AM
صورة امل محطم الرمزية
امل محطم امل محطم غير متصل
©؛°¨غرامي مشارك¨°؛©
 
الافتراضي رد: رواية هل اصبحت الأن فتاة قبيحه ؟؟ رواية حزين تحكي عن الأمل


والله انها رهيبه استمري بإنتظارك 🔥🔥🔥

الرد باقتباس
إضافة رد

رواية هل اصبحت الأن فتاة قبيحه ؟؟ رواية حزين تحكي عن الأمل

الوسوم
رواية هل اصبحت الأن فتاة قبيحه ؟؟ رواية حزين تحكي عن الأمل
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 33922 الأمس 09:43 PM
رواية عيون الألم /بقلمي؛كاملة نهى عبد روايات كامله - يتم نقل الرواية هنا بعد اكتمالها 196 19-05-2017 05:08 PM
رواية ضاع الأمل في غيمة الأحزان الوجــــــــد أرشيف الروايات المغلقة - لعدم إكتمالها 16 28-03-2016 11:09 PM
روايات نزول الوحي على رسول الله slaf elaf قسم المواضيع المخالفه للفترات الزمنية 1 08-03-2016 08:02 AM
رواية المشي على حواف الزجاج وترك المشي على التراب/بقلمي شتات الكون روايات - طويلة 386 27-05-2015 08:09 PM

الساعة الآن +3: 09:43 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1