غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 26-06-2019, 10:52 AM
صورة زيــــتآ الرمزية
زيــــتآ زيــــتآ غير متصل
©؛°¨غرامي مشارك¨°؛©
 
الافتراضي لا مستحيل في الحب


السلام عليكم والرحمه اعضاء وعضوات غرام الكرام



وبعد تفكير وتردد وتسجيل في العديد من المنتديات
قررت بان اضيع رواتي بين يديكم
ارجوا ان تنال اعجابكم وان يكون هناك تفاعل
ان لم اجد تفاعل لن استمر بها





انتظروني في البارت الاول والثاني في الساعة 2 مساءا




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 26-06-2019, 02:16 PM
صورة زيــــتآ الرمزية
زيــــتآ زيــــتآ غير متصل
©؛°¨غرامي مشارك¨°؛©
 
الافتراضي رد: لا مستحيل في الحب


[ الجزء الأول ]




سحر : قــــول والله ؟
راشد : يـه .. قلت لج والله ! ..
سحر : بعد أهلــي أنــت .. أنا من زمان أقول ماكو أحد مثل أخوي ..
راشد : أيه .. سوي نفسج طيبه وحبوبه ..
سحر بدلع : أفــا .. أنا مو طيبه ..
راشد : لا تتدلعين علي لا ..........
قطعهم صوت جوال راشد ..
راشد : حيـا الله بـو عزوز .. وينك يالقاطع
مشعل : وعليكم السلام ..
راشد : ههههه يازعم تحرج مع وجهك ؟ ..
مشعل : أنت حد يطلعك ؟ أنت لازم تقعد بالبيت تعفن وما أحد يسوي فيك عمل خير ..
راشد : أفــا .. أفــا .. أمس كنا الحبايب واليوم ابد مو قرايب ، كني قلت شعر ؟
مشعل : بلا كلام فاضي وأجهز 10 دقايق وانا عند باب بيتكم ..
راشد : وين بتاخذنا اليوم ؟
سحر تأشر له أنه ما يروح
مشعل : ما ادري باخذك وبنروح لحمود الاماراتي
راشد : خلاص .. عشر دقايق وانا جاهز
مشعل : اوكي حبيب القلب لا تبطي ..
راشد : ابشـر .. فمان الله
سكر راشد الجوال و وقفت له سحر متخصره : وين اللي بيأكلني اليوم من مطعم لا صار ولا بيصير ؟
راشد : ههه أقول سحوور
سحر بحاجب مرفوع : خير ؟
راشد : خليها يوم ثاني .. والله مشعل صار لي شهر ما أدري عنه ..
سحر : وأنا شكو بمشعل أو أمه ؟ .. لا تسوي لي فيها اذا وعد أخلف .. ترى والله ما أحللك ! ..
راشد : هــي أنتي .. لا تهدديني مع ويهج .. اليوم ما عشيتج بكره اعشيج .. والمطاعم بتطير يعني ؟ ..
سحر : أنت احد يصدقك بشي ؟ .. أقول روح لمشعل لا تجرح مشاعره
راشد : هه سخيفه
سحر : انت اسخف
دخلت أم راشد المجلس : شفيكم ؟
راشد : ما فينا شي .. أقول يمه أنا بطلع تبين شي ؟
أم راشد : لا يمه سلامتك .. حط بالك على روحك ..
سحر : والله كل يوم نروح المدرسه ونرجع لا حطي بالج على روحج ولا هم يحزنون ..
راشد طلع لسانه مثل اليهال : حررررررررره
سحر : تعال قول لي سولفي عن صديقاتج
راشد : من حلاتهم عاد ؟ .. كلهم مثلج
سحر : ارجـــوك .. ربعك اللي كل واحد توم كروز ..
راشد : ما اضيع وقتي مع الـ .........
سحر بصوت عالي تكلم أمها : شفتـــــــــــــي ؟ بعيونج شفتي .. يسبني .. وانتي ساكته ..
أم راشد : وجعتوا راسي من الصبح بصوتكم
راشد باس راس امه : مع السلامه يمه
ام راشد : في حفظ الله
طلع راشد من البيت وبقت ام راشد و سحر
ام راشد : غرفتج أبوي راح يرتبها ؟ ..
سحر واهي تقرض اظافرها : وي يا حلاته جدي بيطلع من القبر ؟
ام راشد : تستخفين بدمج ؟
سحر : بعد عمري انتي يمه .. والله هلكانه .. يكفي اليوم الغدى علي
ام راشد : لااا اللي يسمع يقول طابخه هامور .. مو كأن صحن عدس
سحر : حلفي مو حلو ؟
ام راشد : ما قلت مو حلو .. بس صحن عدس يعني ما يتعب !
سحر : لأنج ما تعرفين تسوين فـ تقولين ما يتعب
ام راشد : ما أدري منو اللي علمج تسوينه يعني ؟
سحر : خخخ .. انزين يمه بصعد داري ..
دخلت عليهم رفا بإيدها كاس الكوفي : هااي
سحر : وكل يوم ابوي يشتري كوفي على حسابج ؟
رفا : تدفعين من جيبج ؟
سحر : لا بس .. ذبحتينا بريحته ما أحبه ..
ام راشد : الا اليوم طالعه من الغرفه ؟
رفا : ما تبوني برجع ترى ما عندي مانع
سحر : لا عيوني بتقعدين هنا .. الا قولي لي اليوم ما عندج أحد بالمستشفى مات ؟
رفا : قص بلسانج .. عبالج مثلج بنت الثانويه ؟ .. أنا جامعيه عيوني
سحر : شوي شوي لا يسيح نصج .. من حلاتهم الجامعيات يعني ؟
رفا : مو أحسن من البنات اللي يلبسون مريول وكل يوم عندهم واجبات ..
سحر : طيــري زيـن
رفا : ما عندي اجنحه ..
سحر : هه بااايخه
رفا : أحترمي اللي أكبر منج
سحر : يا كــرهج لما تقولينها
رفا قعدت عند امها : طيب واقفه وين رايحه ؟
سحر : السوبر ماركت .. جايه معاي ؟
رفا : خفيفه .. وين بتروحين ؟
سحر : يعني وين .. باروح غرفتي
رفا : شو بتسوين ؟
سحر : بسج أسئله عاد .. بتكلم بالتلفون
رفا : وليش ما تتكلمين هنا ؟
سحر: لأن شوفي ( تأشر على أمها ) بدأت سهرتها مع قناة الجزيره .. الصوت لآخر الدنيا وين أتكلم
رفا : طيب خلاص بروح معاج
سحر : شكو ؟
رفا : كيفي

----------

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 26-06-2019, 03:33 PM
صورة زيــــتآ الرمزية
زيــــتآ زيــــتآ غير متصل
©؛°¨غرامي مشارك¨°؛©
 
الافتراضي رد: لا مستحيل في الحب


محمد : مشعل .. يا اخي شغل شي قاعدين جي
مشعل : ما عندي شي اشغله
محمد : أنا عندي شريط يديد
مشعل : ما ابي اسمع اغاني
محمد : ليش ؟
مشعل : مالي نفس ارقص زين ؟
محمد : لا صدق صدق ..
مشعل : الهدوء حلو .. وبعدين كل واحد واهو يغني تحس انه بيموت .. يبه خلنا منهم
راشد : أوقف مشعل وقف هنا .. بانزل آخذ لأختي عشا .. واعدتها اليوم اني باخذها للمطعم وما قدرت
مشعل : أووكي .. وقفنا .. أنزل
طلع راشد من السياره وبقى مشعل ومحمد يتكلمون
محمد : الا شحال حمود ؟ ..
مشعل : حمود أمس مثل حمود اليوم وبكره
محمد : خيبه .. للحين مثل قبل بس سفر ؟
مشعل : ايه
محمد : ما نشوفه يسير الامارات ؟
مشعل : والله كل يومين هو بالامارات ..
محمد : واذا هناك ليش ما يقول لي ..
مشعل : يقول انك بخيل وما تضيفه
محمد : أونه بخيل !
مشعل : ههههه اتغشمر .. بس ماله خلق
محمد : لا قول له اكرام الضيف واجب ..
مشعل : رقمه عندك كلمه ..

-------

سحر : أوكي سارة أنا اخليج الحين لأن رفا ذبحتني حاطه اذنها عند السماعه
سارة : ههههه سلمي عليها حييييل
رفا تصارخ : الله يسلمني
سارة : ههه والله خبلة اختج هاذي
سحر : خخ ما عليج منها .. يلا نتلاقى بالمدرسه ..
سارة: أوكي مع السلامه
سحر : الله يسلمج ..

سكرت التلفون ومسكت رفا من اذنها : ليش قاطه اذنج عندنا ؟
رفا : تركي اذني واحترمي اللي اكبر منج
سحر : أووف ذبحتيني أكبر منج وأكبر منج يه ؟
رفا : عيوني فرق بينا 7 سنيييين .. أحترميني
سحر : شنو هالنظريه السخيفه ؟ .. واكبر مني بـ 7 سنين .. مو يمكن انتي يالكبيره يالمتعلمه ما تفهمين اشياء وايد انا افهمها .. وبالله عليج باين ان انتي الكبيره ؟ .. العمر مو متى انولدتي وكم صار لج من انولدتي .. ولا تحسبين كل صغير سن صغير عقل وتفكير وفهم .. الانسان يعرف عمره بقدر ما شاف من الدنيا ..
تشوفين صغير عمره 10 سنين يفهم أكثر من اللي عمره 20 .. ليش ؟ .. لأن شاف من الدنيا اشياء اكبر من اللي شافها بو 20 سنه ..
رفا : خلصتي الفلسفه ؟
سحر : رجاءً لا تستخفين بكلامي .. هذا ومسويه نفسج جامعية ؟
رفا : سمعيني عيوني ماني فاضيه لكلامج السخيف
سحر : أقول برى غرفتي يلا برى ، أنا الغبيه اللي قاعده أكلم اشكالج
رفا : قطـــع ، على آخر عمرها رفــا الدكتورة تكلم هالمستوى من الناس
سحر : أقول قلب ، عرض اكتافج لو سمحتي
طلعت رفا من الغرفه وراحت سحر للتلفون تتصل على راشد

محمد : مشعلوو النقال يرن شوف منو
مشعل : لا ما أبي
محمد : قلت لك رد
مشعل : لحظة ، كاتب سحر ، الأخ ساحر ؟
أصبر أصبر

سحر : ألوو
مشعل : هلا
سحر : السلام عليكم
مشعل : وعليكم السلام
سحر : راشد؟!
مشعل : لا مو راشد
سحر : أوكي السموحه ، يلا مع السلامه
مشعل : لا لا .. لحظة ، أنا صديقه ، هو ناسي النقال بالسياره ، رايح يشتري عشا لكم ، تبين أقول له شي
سحر : والله ؟ .. رايح يشتري فديته أخوي الطيب
مشعل قعد يضحك على هبال سحر
أنحرجت : سوري ..
مشعل : لا عادي ، تبين أقول له شي
سحر : لا بس قول له إذا يبيني أسوي له عشا خله يدق علي ، وإذا ما يبي بالطقاق ، عساه ما أكل إن شاء الله أصلا راح يوفر عليـنــ .. [ وعت لنفسها ] ، أأأأ .. أقصد خله يدق وبس
مشعل : تامرين الشيخه
سحر : مشكـور ، يلا مع السلامه
مشعل : الله يحفظج
سكرت التلفون سحر و وجها يتقلب ألـوانه ، أنحـرجت حيـل

محمد يمثل : آخ قلبي ، ذبحتني ، أسرتني ، من أول ألو سكنت قلبي
مشعل : جب يلا جب
محمد : ههههههه يحليلك ، إلا شفيك تتكلم وكأنك بتموت؟
مشعل : من هذا اللي اسمه راشد ، كل هذا عشا
دخل راشد السيارة ..
راشد : تأخرت عليكم ؟
مشعل : لا ما تأخرت ، بس لو كنت نايم داخل أحسن ترى
راشد : حبيب قلبي أنت
محمد : رشود في وحده دقت عليك
مشعل : شفت أسم سحر ، قلت يمكن تتعامل مع سحره وأحنا ما ندري طلعوا البيت ، وتقول لك أختك دق عليها إذا تبي عشا
محمد : وتقول لك إذا ما تبي .....
يقطعه مشعل : ههه ما عليك منه بيقعد يألف ، أقول دق عليها ، وإذا بتسوي لك عشا أعزمنا معاك
راشد : خخخ أوكي

راشد : ألوو
سحر : هلا
راشد : ها سحوور يقولون تبين تسوين لنا عشا
سحر : أيه ما تبي ؟ .. أوكي مع السلامه
راشد : هيي أنتي هيي ، ما قلت ما أبي
سحر : خلصني شتبي ؟
راشد : أووف نفس خايسه
سحر : بعـد ؟! ، تسبني ؟ .. بشوف منو يسوي لك
راشد : أممم العشا اللي جبته آكله بروحي ؟
سحر : أففففف ، أنزين شتبي ..
راشد : أمي تعرف اللي اكله ، بس شوفي زيدي الأكل معاي اثنين
سحر : نعم ؟ نعم ؟ لا يبه ماني مسويه زياده
راشد برجا : سحــــــــــــــر
سحر : أنــزين ، متى بتوصل ؟
راشد : مدري بعد ساعتين يمكن
سحر : أوكي ، مع السلامه
راشد : الله يسلمج

مشعل : هااا لنا مكان ؟
راشد : أفــا عليك بس

سحر بتأفأف : أوووووه أنا شكو باصدقائه يعني ؟ .. والدتهم وناسيتهم ؟
رفا : هههههاي ما أحد قال لج سوي نفسج طيبه
سحر : وأنتي من وين طلعتي ، اليوم شفيج قاعده مغثه على كبدي ؟
رفا : خخخ وشسوي ؟ .. اليوم إجازه
سحر : أف إجازة وسحـر تتعذب
رفا : يحصل لج أني أقعد معاج يالخبله ؟
سحر : رفا ساعديني بالعشا بلييز
رفا : أناا شكو ، طبخي أنتي وبعدين شوفي أنتي قدمي العشا يمكن واحد منهم ما عنده نظر ويخطبج
سحر : جـــــــــــــــــــــــــــــب ، والله ما تستحين
رفا : قومي زين صرتي 17 يلا خلصينا
سحر : وأنتي 24 ، ليش مو أنتي اللي تخلصينا ؟
رفا : تبيني أنـــا آخذ أي أحد ؟
سحر : قطــع غرور مدري على شو ، من حلاتج عاد ؟
رفا : أحلى منج يا أم عيون
سحر : حلااتها عيني كبيــره تهبـل ، مو مثلج تقولين يابانيه ، أقوول ماما ، أنتي فاتحه عينج ولا مسكرتها
رفا : ثقيله ما تضحكين
سحر : أقول وخري بروح المطبخ

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 28-06-2019, 02:11 AM
فاتنة بكبريائي فاتنة بكبريائي غير متصل
©؛°¨غرامي مشارك¨°؛©
 
الافتراضي رد: لا مستحيل في الحب


هاااااي زيتا اتشرف اني اول وخدة عم تعلق ع روايتك حبيبتي بداية موفقة و اصلا اسمها يجذب الشخص عشان يقراها ام شخصية سخر عجبتني مرررررة و من توقعاتي يا اما محمد يا اما مشعل واحد منهم يحب سحر و ثاني رفا مابعرف انتي اعلم هههههه آسفة طولت عليك المهم حياتي لا توقفيها بلييييز
و تسلم اناملك الحلوة


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 28-06-2019, 09:54 AM
صورة زيــــتآ الرمزية
زيــــتآ زيــــتآ غير متصل
©؛°¨غرامي مشارك¨°؛©
 
الافتراضي رد: لا مستحيل في الحب


اقتباس:
المشاركة الأساسية كتبها فاتنة بكبريائي مشاهدة المشاركة
هاااااي زيتا اتشرف اني اول وخدة عم تعلق ع روايتك حبيبتي بداية موفقة و اصلا اسمها يجذب الشخص عشان يقراها ام شخصية سخر عجبتني مرررررة و من توقعاتي يا اما محمد يا اما مشعل واحد منهم يحب سحر و ثاني رفا مابعرف انتي اعلم هههههه آسفة طولت عليك المهم حياتي لا توقفيها بلييييز
و تسلم اناملك الحلوة



اهلا بك عزيزتي اشرفني حضورك كثيرا

سعيدة لانها نالت اعجابك لكن ان لم يتواجد اعضاء هنا كثيرون فلن اكملها


سلمتِ بود

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 03-07-2019, 05:49 PM
فاتنة بكبريائي فاتنة بكبريائي غير متصل
©؛°¨غرامي مشارك¨°؛©
 
الافتراضي رد: لا مستحيل في الحب


لالالا
زيتا كمليها و مع الوقت رح تلاقي متابعين حبيبتي بليييييز و اتمنى تكمليها


الرد باقتباس
إضافة رد

لا مستحيل في الحب

الوسوم
مستحيل , الحب
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مواقف الطفوله مستحيل انساها 😀 ،، صدى صوره نكت - ضحك - وناسة - فرفشة 12 28-06-2019 06:18 PM
شي مستحيل تاكله - مستحيل تشربه ـ مستحيل تسويه ‏///تجديد الحنين الصادق العاب - مسابقات 14 28-06-2019 02:04 AM
انزع الحب حينئذ تصبح أرضنا قبر/بقلمي Baraem al Saba أرشيف الروايات المغلقة - لعدم إكتمالها 678 11-02-2019 12:41 AM
(مستحيل انساك) لمن تقولها ؟ ب د ر ديوانية الاعضاء - متنفس للجميع 659 17-07-2018 05:46 AM
عيش ع كوكب اخر !!! مستحيل رايكم مانيا أندلجينت~ نقاش و حوار - غرام 5 22-11-2016 05:17 PM

الساعة الآن +3: 09:14 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1