غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 04-07-2019, 11:44 AM
صورة جومانه21 الرمزية
جومانه21 جومانه21 غير متصل
©؛°¨غرامي جديد¨°؛©
 
الافتراضي رواية عيناك ليال صيفيه ورؤى وقصائد ورديه


السلام عليكم اول حاجه حابه اقول اني كتبت قبل روايه بس مالقيت عليها تفاعل ابدا وهالشي ضايقني بس قلت حبدا بروايه جديده وان شاءلله القى عليها تفاعل
..


بالبدايه حابه اعرفكم على ابطال روايتي بس ماراح يكون تعريف كلي عن شخصياتهم لان حابه تعرفون شخصياتهم مع الروايه
اتمنى من كل قلبي نكون مثل الخوات والاخوان نتبادل الاراء والافكار والانتقادات ب احترام وحب^_^

حنبدا بسم الله

-العايله الاولى
"عايلة الخوات"
هم ثلاث عوايل وكلهم خوات"اقصد الامهات"
الاخت الكبيره"الجوهره"متزوجه من رجل اعمال معروف وكان متزوج من حرمه ثانيه توفى قبل 4سنوات وعندها بنات وعيال
الكبير"فارس"متزوج من وحده كان يحبها عن طريق صاحبه وهي اقل منهم ونقدر نقول فقيره وسالفتها سالفه ومو معروف اصلها وعندها بنت متوظف بنفس الشركه حقت ابوه عمره42
يزيد"عنده شركه خاصه فيه عمره 37 مضرب عن الزواج بدون سبب"
عبدالله"متزوج من بنت خالته عن حب ومتوظف بنفس شركة يزيد عمره28"
وداد"سالفتها طويله وراح نعرفها بالروايه تدرس بالجامعه عمرها23"
..............
الثانيه"ابتسام"متزوجه من ولد عمها وولد عمهاغني وعنده مال قارون طلقها وتركها لوحدها وتزوج وحده اصغر منه"عندها من العيال والبنات"
سيف"ماسك شركة ابوه وهو الكبير ومسؤول عن امه وخواته كان متزوج بس طلقها لسبب مجهول وماعنده منها اطفال عمره39
يارا"دكتوره بنفس المستشفى الي فيه قيس كانت مخطوبه ل اخو صديقتها بس اكتشفت انه مايستاهلها وتركته عمرها27
سولاف"تدرس رابع سنه بالجامعه وكل همها دراستها وشايله فكرة الزواج نهائياً من بالها عمرها24
شيماء"جميلة العايله ودلوعة امها تحب الحب وعايشه بعالمم وردي وتحب تلعب على الشباب وتطقطق عليهم عمرها22
،...............
الاخت الاخيره"جمانه"تزوجت عن حب لصاحب اخوها
وزوجها عنده شركات وغني اسمه"بدر"
" عندها من العيال والبنات"
علي"اكبر عيالها متوظف بشركة ابوه طلق زوجته لسبب راح نعرفه بالروايه
عمره44
بيسان"مصممه وعندها محل لفساتين العرايس وكله من تصميمها
والكل يشهد بجمال تصميمها عمرها38
قيس"دكتور ومحترف جداً عمره37
عبدالرحمن"ترك السعوديه من سبع سنين وسافر للخارج واستقر
هناك وتحديداً كان بسويسرا ورجع وراح يتوظف بشركة ابوه
عمره27
غرام"صاحبة شيماء الروح بالروح وكانهم توام تدرس مع شيماء بنفس الجامعه متزوجه من عبدالله ولد خالتها الجوهره عمرها22
،
،
طبعاً *معلومه الجوهره وابتسام عايشين بقصر واحد هم وعيالهم*
،'
،
العايله الثانيه
"عيلة ابو طلال وام طلال"
عيالهم
"طلال"اكبر عيالهم وماسك شغل ابوه بالشركه متزوج من دلال عمره44
صقر شرطي ومتزوج من سعاد وعنده بنت عمره42
فيصل محامي ومتزوج من انتصار عمره38
محمد موظف بشركة ابوه عمره34
مرام اصغر العنقود ودلوعة امها مخطوبه عمرها27
،
،
العايلة الثالثه والاخيره
"ابو ناصر،ام ناصر"
عيالهم
ناصر اكبرهم ودلوع البابا زي مايقولون رايح فيها يشرب ويسرق وكل شوي داخل السجن بقضيه غير"39"
سميه"حالتها زي حالة خواتها محبوسه بالبيت وابوها ظالمهم وظالم امهم"28"
"ريم"دكتوره وقد الدنيا ومحبوبه والكل يحبها طلعت من تحكم ابوها وجرمه واشتغلت وسكنت لحالها عمرها25
"حسام"الاخ الحنون على خواته يموت فيهم ويحبهم ولايرضى بالي يسويه ابوه بس مابيده شي عمره22
مياده وميساء توام مختلف فوله وانقسمت نصين قد مايقدرون يحاولون يطلعون من قيود ابوهم عمرهم18

....
الابطال مو كثيرين وكل واحد منهم له دور بالروايه مختلف
....
البدايه
هـ1/11/1440


تعديل جومانه21; بتاريخ 04-07-2019 الساعة 03:40 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 04-07-2019, 05:05 PM
صورة كنيتي سعادة الرمزية
كنيتي سعادة كنيتي سعادة غير متصل
©؛°¨غرامي متألق ¨°؛©
 
الافتراضي رد: روايتي الاولى/عيناك ليال صيفيه ورؤى وقاصئد ورديه


مرحبا أنتظر البارت الأوّل وأتمنّى لك التّوفيق

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 06-07-2019, 03:07 PM
صورة جومانه21 الرمزية
جومانه21 جومانه21 غير متصل
©؛°¨غرامي جديد¨°؛©
 
الافتراضي رد: روايتي الاولى/عيناك ليال صيفيه ورؤى وقاصئد ورديه


اقتباس:
المشاركة الأساسية كتبها كنيتي سعادة مشاهدة المشاركة
مرحبا أنتظر البارت الأوّل وأتمنّى لك التّوفيق
هلا حبيبتي ان شاءلله اول بارت راح ينزل اليوم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 06-07-2019, 03:26 PM
صورة جومانه21 الرمزية
جومانه21 جومانه21 غير متصل
©؛°¨غرامي جديد¨°؛©
 
الافتراضي رد: روايتي الاولى/عيناك ليال صيفيه ورؤى وقاصئد ورديه


"1"
إني أُريدك كيفما كُنت معي-
حرباً وسِلماً..جنّتي نيراني.
'
'
في احدا ارقى احياء الرياض وافخم القصور
قصر كبير واسع وممتد ع ارض ماخذه مساحه وممتد ويثبت
وجوده ووجود اهله قصر عائلة الفيصل يتكون من حديقة
جميله وواسعه تدل على غنى اصحابها في نافوره مويه عاليه ويتغير
لون المويه كل بعد دقايق لون ثاني وكل جهه من الحديقه جلسات مكونه
من طاولات وكراسي من الخشب الراقي وفيها من كل جهه ارجوحات
جميله ممتده على كل ارجوحه ورود ملتفه على كل ارجوحه وداخل
القصر مايقل ابداً عن جمال الحديقه
"داخل القصر"
القصر قاعد يستعد لرجعة ابنه الغالي الي مضى له فوق ال سبع
سنين ماجاء لسبب انه كان خارج السعوديه لظروف تخصه الكل فرحان
وبتقوم الولام والافراح والمسرات لهاليوم الجميل
في جناح بطلتي الجميله وتحديداً في غرفتها الي كانت كلها
باللون السكري ويغطيه ورق جدران باللون الابيض والازرق
واقفه بغرفة الملابس وهي تشوف اي فستان تلبس وكل ماعجبها فستان
ترمييه على الارض وتبوز بشفايفها
غرام:انا بفهم ليش كل هالحوسه
شيماء:زي ماانتي شايفه قاعده ادورلي فستان يليق بسهرة اليوم
غرام:ذا حلو ياغبيه
ميلت فمها:يعني البسه؟
غرام:اي
شيماء:زين خلاص خليني ابدا احط مكياجي
وبدت تحط مكياجها وبعدين لبست فستانها الي كان عباره عن فستان
وردي فاتح مورد بورود ملونه جميله فتحت شعرها البني المحمر وكانت
مسويه تكسير ناعم فيه وحطت «شبصات الهبه»ولبست كعب ناعم
واكسسوار يليق مع الفستان كان شكلها بمعنى كل كلمة جميله
طالعت بالمرايا وابتسمت برضا تنهدت برتياح وهي تبخ من عطرها
المفضل ونزلت بثقه لتحت نزلت وشافته كان جالس يكلم امه
وهو مبتسم ابتسمت وتقدمت له
ببتسامه:هلا عبدالرحمن"ومدت يدها له"
وقف ببتسامه وهو ملهوف عليها:هلا"ومد يده وشد عليها"
جلست شيماء قدامه:ايوا كيفك وحشتنا لك سبع سنين ماشفناك
ام علي بمزح:شمسوي بعد وانا خالتك مع هالشقر والحمر قليل
الخاتمه
شيماء ضحكت:هاذا الظاهر ياخاله
عبدالرحمن:لاعاد حرام عليكم
شيماء بضحك:بكرا يجيك ياخاله ومعه بنت حميره يقولك بنته
ام علي:وي كان اطب ولاانا ميته
شيماء:بسمالله عليك يابعد روحي
ام سيف:وي شفيكم على عبدالرحمن عاد ولاحرف مارضى عليه
عبدالرحمن بحزن ممزوج بمزح:شفتي ياخاله!استفردو فيني
وجلسو يتريقون علي
ام سيف:وهم يقدرون وانا موجوده كله مزح
يارا بدلع وببتسامه:ابرك الساعات واغلى من يجي
ابتسم عبدالرحمن ابتسامه باهته:شكراً
جلست يارا جنب شيماء
شيماء بهمس وهي تكلم يارا:وين غرومه؟
يارا:فوق للحين مانزلت
شيماء:ليش ليكون ماهي نازله
يارا:الظاهر كذا
شيماء:اف منها"ووقفت"عن اذنكم
،
،

،

،
"فارس،فاديه"
في جناح ملكي وكبير في احدا غرفه
واقف ويطالع بنفسه بالمرايه ويضبط نفسه وبخ عطر على نفسه
فاديه رفعت حاجب:متى ناوي تسمعني؟متى؟
تأفف فارس:والنهايه؟خلصنا ياست فاديه انا ترا مو طايق نفسي
فاديه:وانت متى تفضي اصلا عشان تطيق احد؟تطالع الناس
بنظره دونيه ليش انت البشر وهم جواري او حيوانات عندك؟
التفت لها وبغرور:اي
فاديه:الله ياخذك انت وعايلتكم الزباله
سحبها من شعرها:اوصص لاتجيبين اسم عايلتي على لسناك مابيه
يتلوث يابنت الفقر مو عاجبك ليش جالسه معي؟ولاعشان فلوسي
فاديه ببكى:الله ياخذك وياخذ فلوسك مابيها انا ابي كرامتي الي
نسيتها عند عتبة الباب يوم دخلت هالبيت المقرف
عطاها ظهره وببرود:هالبيت دخلتك عليه بس شرف لك كفايه ان
حالتك هنا احسن من قبل يابنت الفراش"وضحك بستهزاء وطلع"
ضمت جسمها لها وهي تبكي:حسبي الله ونعم الوكيل
قربت لها بنتها وببرائه:ماما لبثي حلو البسه عند دده"لبثي،لبسي،دده،جده"
صرخت على بنتها بعصبيه:انقلعي عني
طالعت فيها ببرائه وتجمعت الدموع بعيونها ونزلت ل ابوها
،
،
"غرام،عبدالله"
عبدالله:شفيك حبيبتي؟
غرام:مافيني شي
عبدالله وخر الشعر الي كان طايح على عيونها:الا فيك قولي؟
غرام رفعت الخاتم بوجهه وبعصبيه:حق مين ذا؟
توتر عبدالله:ماادري يمكن حق وحده من البنات
غرام:لاانا اقولك حق مين حق السرابيت الي تطلع معاهم لقيته
بثوبك يعني انت لك يومين رايح معاها وكاذب علي عساس انك سافرت
عشان الشغل
عبدالله قرب منها:حبيبتي خليني افهمك الموضوع مو كذا
غرام:الموضوع اكبر من كذا اساساً بعد عني ولاتقرب مني مابي يدك الوصخه تلمسني
دقت الباب شيماء:غرومه وينك يلا
غرام ببحه:شوي ونازله
شيماء بخوف:طيب افتحي
فتح عبدالله الباب ووجهه متغير وطلع رفعت حاجبها بستغراب؛شصاير؟
غرام جلست على السرير وهي تبكي وحاطه يدينها على عيونها:مابيه
خلاص مابيه الله ياخذه تعبني وطفشني كرهت نفسي وانا معاه
جلست شيماء جنبها بخوف وحضنتها وهي تمسح على شعرها:خلاص
غرومه لاتحطي ببالك ولاتزعلين محد يستاهل
رفعت راسها من حضنها وهي تبكي:بس هو خاني شيماء ومو المرا الاولى
شيماء وهي ماسكتها بيدينها الثنتين من كتوفها:امسحي دموعك واسمعيني
غرام مسحت دموعها وهي تطالع فيها تستناها تتكلم
شيماء:محد يستاهل تحزني وتزعلي عليه ان كان هو خانك هو المفروض
يزعل لانه فرط بشي نادر فرط فيك مو انتي انتي مفروض تتركينه زي
الجزمه القديمه
غرام:ياليتني افكر مثلك
شيماء:انسيه غرام واتركيه ولاتفكرين فيه سوي زيه وراح يجي يترجاك
ويسوي كل شي عشان يرضيك وبتشوفين
غرام:يارب
شيماء:والحين يقلبي لاتزعلي انا ماحب اشوفك زعلانه لاتخليني انزل العنه عاد
غرام ابتسمت وضمتها:انا بدونك شسوي الله يديمك لي
شيماء ببتسامه:امين ويديمك لي يلا الحين البسي ننزل جاء عبدالرحمن
غرام:تمام
،
"وداد"
كانت جالسه معاهم وبالها ابداً مو معاهم
يارا:شفيك وداد بالك وينه؟
وداد:لامافيني شي بس مرهقه شوي
اميره:مرهقه من هالجوال ماتشوفونها طول اليوم عليه
وداد:حرام عليك اغلب وقتي بالدراسه
بيسان:عساكم بس تنجحون
سولاف ووداد:يارب
ام سعود:الا يمه يارا وين قيس ماجاء معك
يارا:والله ياخاله مادري قيس ماشفته اليوم
ام علي:عساه بس يجي بدري
وداد قامت بعد مادق جوالها وبتوتر:عن اذنكم
وطلعت وراحت للحديقه
وقفت عند باب الحديقه وبصوت راخي وبخوف:هلا تولين
تولين:وينك ماجيتيني اليوم؟مو عساس تجين
وداد:ماقدرت ولد خالتي جاي من السفر ومسوين عزومه كبيره
وامي مارضيت اطلع غصبتني الا اجلس
تولين:نعم نعم؟وليش توعديني شوفي ثواني وتكونين قدامي
فاهمه
وداد بخوف:بس
تولين:ولاحرف قلت ثوااني وانتي قدامي ثواني بس ولاوالله بيصير
شي ماراح يعجبك فاهمه ياحيوانه
تنهدت وداد بحزن:حاضر
تولين:يلا انقلعي"وقفلت"
تنهدت وداد وهي محتاره كيف تطلع ووش تقول ل امها
وداد:يمه صحبتي تولين تعبت بالمستشفى ولازم اروح
ام سعود:عسى مافيها شي كبير
وداد:لايمه ان شاءلله مافيها شي بس ابي اروح اتطمن عليها
ام سعود:زين روحي يمه وطمنيني عليها
وداد:ان شاءلله
وجريت لفوق
يارا بهمس لسولاف:مو عاجبتني هالايام وداد
سولاف:والله وانا بعد ابد مو عاجبتني
يارا:الله يستر لايكون فيها شي
سولاف:امين
،
،
"وداد،تولين"
بعد فتره وصلت لشقة تولين دخلت وشافتها جالسه وتدخن
تقدمت وداد لها بخوف
سحبتها تولين من شعرها:وين كنتي
وداد:والله ماقدرت اجي بدري انا اسفه
تولين:انا اذا قلت كلمة تتنفذ فاهمه
وداد هزت راسها ب اي وهي تبكي بخوف
تولين:متى ناويه تجيبينلي الفلوس؟
وداد:الحين مامعي والله اول ماا امي تعطيني بجيبها لك
تولين:وهو على كيفك؟بنتظر لين ماست الوالده الكريمه تتكرم وتعطيك
بكرا بكرا تجيني وان ماجتني بكرا اعتبري الكل عنده الملفات والفديوهات
حقتك وبتنفضحين وبتنزلين راس اهلك بالتراب فاهمه
وداد بخوف:اي اي فاهمه
تولين:يلا بسرعه قومي سويلي شي اكله
وداد:طيب
دخلت المطبخ وبدت تطلع الاكل وتسويه ودموعها تنزل بدون
ماتحس معقوله وداد الي ماتسمح ل احد يقول لها كلمه ولو كانت
صغييره تسمح لهالحشره تذلها وتسوي فيها كذا بس لمجرد شي
هي ماالها دخل فيه ولااارتكبته تكلمت بحرقه:يارب ساعدني
،
،
ننتقل لمكان ثاني بيت بسيط في وسط حارة فقيره وصغيره
اربع بنات وولدين وام واب
في غرفة"البنات"
ميساء وهي تطالع بالطاقه:اه ودي اطلع طقيت هنا طقيت
مياده نزلت الكتاب من يدها:هه وابوك عايش؟ابوك لو تموتين ماوداك المستشفى بيخليك تطلعين
ميساء:انا الي قهارني انه يخلي ريم تشتغل ولاساكنه بشقه لوحدها
واحنا مانطلع
مياده:حبيبتي وانتي تقارنينا مع ريم ريم قويه عرفت كيف تاخذ حقها
ميساء:والله طفشت من هالعيشه متى نفتك
مياده:وين ناصر؟امس امي تقول ماجاء
ميساء:اكيد مع السرابيت
وفجأة سمعو صوت صراخ طلعو من الغرفه يجرون وهم خايفين
وشافو سميه تبكي وتصارخ وابوها يضربها قربت ريم بخوف
وهي تبعده عنها:يبه هدي شفيك ليش كل هالتعصيب
ابو ناصر:مين هالي جاي يخطبك من وين يعرفك
ريم بعدته ودفته بقوه وتكلمت بعصبيه:الحين انت معصب عشانها
انخطبت؟ بدال ماتفرح جاي تضربها؟شنو من الاباء انت ها شنو
تضرب بناتك وحابسهم كفايه الدراسه بالويل يدرسون وماتخليهم
يعتبون عتبة الباب ولايشوفون احد جاي تضربهم"ورفعة اصباعها بتهديد"
ان عرفت مرا ثانيه انكم ضربتهم او سويت لهم شي ماراح تلوم الا نفسك
بروح للشرطه وببلغ عليك بقول لهم انك مو طبيعي شخص مريض
ورفعت اختها وهي ساندتها ودخلتها للغرفه وقفلت الباب
ريم وهي تتحسس على وجهها وحضنتها:تعورتي يروحي
سميه هزت راسها:اي
ريم:مياده حبيبتي روحي جيبي شنطة الاسعافات الاوليه تلقيها
بدولاب المطبخ المكسور
ميساء:يروحي حسبي الله فيه الله يكسر يده
ريم بعد ماجابت مياده الشنطه بدت تعقم جروح سميه:وين امي؟
مياده:راحت للدايه ام سعد عشان ظهرها وعظامها
ريم:ياربي وامي ماتعرف شي اسمه طب حديث؟ليش ماتروح المستشفى
مياده:عساس ابوك بيسمح لها هو يادوب خلاها تروح مع حسام ل ام سعد
ريم:مو على كيفه غصب عنه ان كان مايعرف شي بالقانون انا اعلمه
دخل ابوها معصب وسحبها مع يدها بقوه:انقلعي برا بيتي ولابشوفك
وياويلك ان دخلتي يوم بيتي فاهمه
ريم:هه على كيفك؟ذا بيتي ان كنت ناسي ياالمخرف
ضربها كف بقوه:اطلعي برا
ريم بعصبيه:ان ماعلمتك قدرك مايكون اسمي ريم اوريك يالشايب
وطلعت بعصبيه وركبت سيارتها وتوجهت لشقتها الي كانت موجوده
في ارقى الاحياء واجملها وكانت قريبه من قصر ابطالي

.
،
"قصر العايله"
كانو الكل متجمعين عيال وبنات في الحديقه وفارشين الفراش وحاطين
قدامهم البلوت ويلعبون والامهات كانو جالسين على المسبح ومنزلين
رجلهم بالمويا
شيماء رمت اوراقها بعصبيه:لاكذا غش
يزيد:وين الغش انتي ووجهك
شيماء:لاياشيخ يعني عبالك مادري ان هالبزر يغششك
قيس وهو يتفرج بجواله:انا ماغششت احد ماليش دخل
شيماء:لاااذا كذا نظامكم ماراح العب
سيف:معليك ان قيس بيغششه انا بغششك
شيماء:فديت اخوي حبيبي
يزيد يتريق عليها ويقلدها :فديت اخوي حبيبي"ورجع كلمها بصوته الطبيعي"ليش هو على كيفك وانت على طول انا اغششك حبيبتي احنا ماغشينا
عبدالرحمن:هيه عاد مو على شيوم صادقه فيه غش
علي:وين الغش
سولاف:خلاص ازعجوتنا
شيماء:شوفيهم الغشاشين انا خلاص مابي العب"وقامت"
عبدالرحمن:كذا زعلتوها
بيسان:وين زعلوها ترا محد غش هي بس انحشرت عشانهاا ماتعرف تعلب
يزيد:اقول كملو لعب
"شيماء"
جلست على المرجيحه والهواء يداعب شعرها ويطير مع الهواء وهي تغني
اغنية ل اصاله وكان صوتها قريب من صوت اصاله وكان فيه احد يسمع
صوتها ومعجب جداً فيه وهي بعز انداماجها لفت للجه الثانيه وشافته
شيماء ببتسامه ووقفت:هلا محمد
محمد ابتسم:كيفك شيماء
شيماء:تمام الحمدالله غريبه شجايبك
محمد:اي الوالده عطتني كرت لزواج مرام اختي
شيماء اخذته وابتسمت:افا واحنا نحتاج كروت احنا من اهل العروسه
محمد:اي اكيد بس لان الفندق ماتدخلونه الا ببطايق
شيماء:اها الله يعطيك العافيه
محمد:عاد سمعت صوتك يجنن
شيماء:جد
محمد:اي
شيماء:عاد ماحسه مرا حلو
محمد:اوهه يجنن
شيماء:اجل كل يوم بجيك بغنيلك
محمد:ياليت والله بس عاد انا الحين اخليك بروح
شيماء:تمام
ومشت راحت عند امها
،
،
،
"ريم"
وصلت لشقتها ومهدود حيلها غيرت ملابسها وانسدحت على سريرها
وهي تفكر بحال امها وخواتها هي تمردت عن ابوها وقرارته وتخلفه
وكملت دراستها الجامعيه ودخلت الطب وصارت دكتوره وسكنت
بشقة مع صاحبتها"سمر"بس خواتها وامها كيف عايشن بهالسجن
تنهدت واخذت الملف وبدت تشوف شغلها تحت انظار حاقده وحاسده
سمر:حبيبتي ريومه ريحي حالك مايصير طول الوقت شغل شغل
تنهدت ريم:شسوي ياسمر مكتوب علي اشتغل هنا وبالمستشفى
سمر:شرايك ناخذ اجازه ونسفر
ريم:وين
سمر:دبي
ريم:اممم مادري افكر بشوف الدكتور قيس اذا ياخذ عني بعض الشغل
سمر:دكتور قيس طيب لو قلتيله بيوافق
ريم:اي ادري يازينه مايحب يرد احد واهمشي متوازن بعمله
سمر:خلاص كلميه وقوليلي شبيقولك
ريم:تمام الا صح تعالي قوليلي شصار مع ذا الي يحبك
سمر:مين؟اها قصدك منصور اي ان شاءلله بكرا بالليل بقابله
ريم:منجدك!؟لاتتهورين يابنتي الرجال مالهم امان ياخذ الي يبيه
منك ويرميك
سمر:لالاتحطين ببالك منصور يحبني وبعدين ترا امه كلمت امي
ريم:منجدك؟وليش ماقلتيلي ياقليلة الادب
سمر: نسيت والله المهم بطلب لي من بابل اطلبلك معي
ريم:اممم اي اطلبيلي اثنين جوسي دجاج بدون وجبه
سمر:تمام
ورن جوال ريم رفعت حاجبها بستغراب ياربي شالسالفه؟اليوم
ذي رابع مرا يدق علي نفس الرقم وقررت اخيراً انها ترد ورفعته
وتمنت انها ماردت ولاسمعت هالكلام الي صدمها وخوفها!
،
،
توقعاتكم؟
مين الي كلم ريم ووش قالها؟
فارس وفاديه وشسبب تعامله معاها كذا؟
عبدالله وغرام ووش بتكون نهاية علاقاتهم
ووش قصة وداد مع تولين وشنو الملفات والفديوهات؟
اسعدوني ب ردودكم وتوقعاتكم❤

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 07-07-2019, 10:10 AM
صورة شادن بنت عبدالله الرمزية
شادن بنت عبدالله شادن بنت عبدالله غير متصل
©؛°¨غرامي متألق ¨°؛©
 
الافتراضي رد: روايتي الاولى/عيناك ليال صيفيه ورؤى وقاصئد ورديه


السلام بداية جميلة حبيبتي وشكل الرواية تجنن 😍❤ بصراحة ما عندي توقعات لأني ما تعمقت كثير فيها بس ان شاء الله اتوقع المرة الجاية 😅 ننتظرك يالغلا 😘❤

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 07-07-2019, 08:45 PM
صورة كنيتي سعادة الرمزية
كنيتي سعادة كنيتي سعادة غير متصل
©؛°¨غرامي متألق ¨°؛©
 
الافتراضي رد: روايتي الاولى/عيناك ليال صيفيه ورؤى وقاصئد ورديه


مرحبا
ــ من كلّم ريم ما أعرف
ــ سبب معاملة فارس لفاديه بذي الطّريقه هو غروره فهو غني وهي فقيره
ــ غرام بتبغى تتطلّق بس عبد الله بيمنعها لأنّه يحبها
ــ وداد وتولين ما أعرف
أنتظرك يا مبدعه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 08-07-2019, 12:22 AM
صورة Suhan الرمزية
Suhan Suhan غير متصل
©؛°¨غرامي مشارك¨°؛©
 
الافتراضي رد: روايتي الاولى/عيناك ليال صيفيه ورؤى وقاصئد ورديه


بداايه موفقه بس ياليت تكبرين الخط شوي عشان يسهل للقراءة
ويعطيك العافيه وبإذن الله ختامهاا مسك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 08-07-2019, 12:43 AM
صورة جومانه21 الرمزية
جومانه21 جومانه21 غير متصل
©؛°¨غرامي جديد¨°؛©
 
الافتراضي رد: روايتي الاولى/عيناك ليال صيفيه ورؤى وقاصئد ورديه


اقتباس:
المشاركة الأساسية كتبها suhan مشاهدة المشاركة
بداايه موفقه بس ياليت تكبرين الخط شوي عشان يسهل للقراءة
ويعطيك العافيه وبإذن الله ختامهاا مسك
هلا حبيبتي ان شاءلله بالبارتات الجايه حكبر الخط بس لان انا كمان اكتبهم من الجوال ف يمكن عشان كذا
وان شاءلله يكون ختامها مسك❤

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 08-07-2019, 12:46 AM
صورة جومانه21 الرمزية
جومانه21 جومانه21 غير متصل
©؛°¨غرامي جديد¨°؛©
 
الافتراضي رد: روايتي الاولى/عيناك ليال صيفيه ورؤى وقاصئد ورديه


اقتباس:
المشاركة الأساسية كتبها كنيتي سعادة مشاهدة المشاركة
مرحبا
ــ من كلّم ريم ما أعرف
ــ سبب معاملة فارس لفاديه بذي الطّريقه هو غروره فهو غني وهي فقيره
ــ غرام بتبغى تتطلّق بس عبد الله بيمنعها لأنّه يحبها
ــ وداد وتولين ما أعرف
أنتظرك يا مبدعه
شكراً على مرورك ياعسل وبالنسبه للتوقعات ممكن صح وممكن لا نشوف بالبارتات الجايه❤

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 08-07-2019, 12:48 AM
صورة جومانه21 الرمزية
جومانه21 جومانه21 غير متصل
©؛°¨غرامي جديد¨°؛©
 
الافتراضي رد: روايتي الاولى/عيناك ليال صيفيه ورؤى وقاصئد ورديه


اقتباس:
المشاركة الأساسية كتبها شادن بنت عبدالله مشاهدة المشاركة
السلام بداية جميلة حبيبتي وشكل الرواية تجنن 😍❤ بصراحة ما عندي توقعات لأني ما تعمقت كثير فيها بس ان شاء الله اتوقع المرة الجاية 😅 ننتظرك يالغلا 😘❤
شرفني مرورك يقلبي ❤

الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1