غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 30-07-2019, 01:14 AM
صورة كلارينت الرمزية
كلارينت كلارينت غير متصل
©؛°¨غرامي نشيط¨°؛©
 
11302798240 رواية غرامك يالخفوق ذبحني هآت حضنك يحتويني/بقلمي














بسم الله الرحمن الرحيم
السلام عليكم ورحمة الله وبركاته


،


"ربِّ ادخلني مدخل صدق وأخرجني مخرج صدق
وإجعل لي من لَدُنك سُلطانًا نصير
ا"




،



أقدم بين أيديكم روايتي "الثالثة"

  رواية رومانسية ، جَريئة ، إنتقامية من نُوع
رومانسي فَاخر جدًا..
قصة عُشاق يصلون الى مرحلة إجرامية قاتله
بدرجة وحشيه..وبلا رَحمة ..!
يتخخلها عَواصف الحُب
بينْ المَاضي والحَاضر ..
أحداثْ غَير مُتوقعة وصَادمة جدًا
لدرجة التشويق..!



حياكم معي للتحليق ..
عبر
.
.
{ طائرتنا الملكيّة الخاصّة}

لعَالم
الثراء الفَاحشْ ، والفقرْ المُميتْ !
الدراما ، الأكشنْ ، الغُموض
الإنتقام ، العِشق ، الحُب
الجَبروتْ ،الظُلم ،
السيطرة ،الوحشية
القتلْ ، الحُزن
الفقد ، الشوق ، الحَنين..
الرومانسية الفَاخرة ..


بين سُطور وابطال روايتي.




"البــارت الأول "

رواية غرامك يالخفوق ذبحني هآت حضنك يحتويني/بقلمي .


 
إنت حلمي واللي ذلتني الليالي لأجل أطوله

وإنت يومي واللي دوخ عمري من لحظة وصوله

من فراغ الدنيا أهرب وأنزل لنارك وأجيك

وأنسى جنة فرحي وأجري للعنا مابين إيديك

*نشوى جرار .







   ،







-امريكا
مدينة واشنطن .. وقتْ الصَباحْ
بأحد أرقى احياء هذي العَاصمة..
في قصره المُصغّر الخَاص..
وحوالينه حراساتْ مُشددة..
متواجدْ بمكتبه العتيق ..
جَالس على الكرسي حَاطْ رجلْ على رجل
على طرف الطاولة ويهز رجله بتوتر..
بيده  سيجارته ورحيتها منتشره بالمكان
ينتظرْ يجيه الردْ بفارغْ الصبرْ ..
ومُتحمس لهذا اليوم ..!
بعد دقايقْ وصلتْ له رِسالة على شاشة الجوال ..
قراها ، وابتسمْ بخبثْ : بطريقتي راحْ اخليّك
تجينْ غصبن عليك هههههههه...
ثم نزلْ الجَوال على الطاولة بهدوء ..
واخذ جواله الثَاني ، واتصل على أحدْ رجاله
وقالْ : تأكد انّها رَاحْ تحضر، وبلّغني
بحضورها ، اوكِ ..
الطرف الآخر : أبشرْ طَال عمرك .. لا تشيل همْ
راح يصير اللي تبيه ..
قفلْ الخط.. بدون رد للطرف الآخر
ابتسمْ براحه ، ثم رمى الجوال على الطَاولة
ووقف بانْ  طوله وضخامة جسمه..
مشى لجهة الشبّاك، يتأمل حديقة قصره المُمتدة
وتتوسطها نَافوره دائرية..
وبتفكير عَميق .. ابتسمْ بخبثْ
وقال: انتهى وقتْ الهدنه وهالحين
لازم اكمّل ما بديته قبل 9 سَنينْ.!







،








بأحد افخم قصور مدينة الرياض ..
داخله مع بوابة القصر
بسيارتها البنتلي الفارهة
بعد ما  اخذتْ فيها فرّه عالسريع بشوارع الرياض
وخصلت كلاسها في النادي...
وقفت  قدام المدخل الرئيسي ،نزلت من السيارة
بطولها الشامخ ..
نزلت عبايتها واعطتها العاملة..
وبانت تفاصيل جسمها الممشوق ومرسوم كَساعة رَملية
واضح اهتمامها بنفسها ..
كانت لابسه  لِبس رياضي بلون بابيض..
ونزلت نظارتها  الشمسية ،بانت عيونها
الآسره ، وساع وكحيلة وهالجَمال يميّزها
مثل عيون ابوها بالضبّطْ...!
بشرتها فاتحه...وصَافيه
ماهي حاطه ميك اب ، ماعدًا قلوس
خفيف على شفايفها المرسومة والمملؤه
  واكتفتْ بواقي شمس..
شعرها ناعم رافعته ذيل حصان طويل
لونه كستنائي غامق ..
راسمه على وجهها إبتسامة رضىٰ
تتأمل سيارتها اللي وصلت من اسبوع
وما شبعت منها، تاخذ لها كم لقطه بجوالها للذكرى
قالت : عسى الله يعطيني  خيرك ويكفيني شرك 
يا بنتي الغَاليه ..
امها جايه كانت قِمة بالجمال نسخة بنتها اللي
يشوفها يقول هذي اختها مو امها ...
رغم عمرها بالأربعين لكن إهتمامها بنفسها معطي
نتيجة ...
جلستْ على طرف سيارة شُموخ
قالت: حيَ الله بنتي شموخ ، من يوم ما وصلتِ للرياض
ماعَاد شفتك جَالسه بالبيتْ ..
شموخ كانت مركزه عالتصوير
وناظرت بأمها وردتْ بإبتسامة : هلا فيك ماما
والله وحشتني الرياض قلتْ بتفقدها هههههه
واشوف شوارعها وحشتني ...
نورهـ ام شموخ : ههههههه ، يا حليلك تتفقدينها ، والله يا بنتي
حنا اولى ... عَاد خففي طلّعاتك عشان
ابوك ما يزعل ْ ....
شُموخ : اكيد انتم على عيني وراسي
وبخفف طلعاتي ماما من عيوني ..ماطلبتِ شي
كلش ولا زعل بابا ...
ام شُموخ : تسلمْ عيونك حبيبتي ..
ماشاء الله ماشبعتي تصوير منها ؟
شموخ : لا يا ماما بنتي واحبها ولا ماكان انتظرتها
هالسنين بعد تعبي ودراسي بكامبريدج ...
ما استاهل الا الزين ...
نورهـ ام شموخ ضحكت : هههههه يا حليلك صارتْ السيارة بنتك
تزوجي وجيبي لنا بنت صدقيه موب ذي
اللي مقابلتها 24 ساعة ، الى متى وانتِ سنقل ؟
شموخ ضاق صدرها من هالطاري
قالتْ : ماما يا حبيبتي وش قلنا عن الزواج ؟؟
قلت لكم ماراح اتزوج الا لما اخلص الدكتوراه ..
وبعدها يصير خير ..
نورهـ ام شموخ حطت يدها على خصرها مصدومه : خييير
ان شاء الله بعد بتقعدين سنقل عشان الدكتوراه !
لا بالله اعطيناك وجه زياده ،خلاص تزوجي
وكملي مع زوجك وانتهينا ..!
شموخ بعناد : ومن قال لك بتزوج واكمل ...؟!
ماراح اتزوج الا لما اخلص وهذا شرطي ...
وانتم عارفينه وش اللي غيركم علي ؟؟
كنتم داعمين لي وهالحين صرتم
ضدي عشان كلام الناس اللي لا يودي
ولا يجيب ! اثر في بابا ؟!!
جاها صوت من وراها التفتت عليه ...
..: شُموووخ
ابوها نَاصر واضح على ملامح وجهه الغَضب
ومتغير وجهه من يوم ماطلعوا الرجال من عنده...
قال بحدّه وعيونه على شموخ :  كلام امك يمشي
ماراح تدرسين الا لما تتزوجين ..
والعريس جاهز ودراستك جاهزه تبينها بلندن بامريكا
بجهنّم اللي ودك فيه ...
شموخ رمشت بعيونها بعدم تصديقْ : خيير بابا وش
اللي غيرك علي انت بعد ولا كلام الرجال أثّر فيك بعد ؟!
والصراحه الزواج ماني مستعده له..
ناصر : ما اثر فيني ولا شي ، خلاص انتِ طول عمرك دراسه
ماتجين الرياض الا قليل ،وهالحين تخرجتي من الماستر
وسكتنا قلنا بتعرس بعد الماستر وهالحين رافضه
وتقولين ماني مستعده !
شموخ عضّت على شفتها السفليه : بابا حبيبي
اسمعني زين ،كلامك لي على العين والراس بس مو
وقت الزواج والله مو وقته ...
ناصر بحدّه : الا وقته وغصبنْ عليك بعد..
شُموخ بترجي وبنظرة شققة : بابا تكفى خلني اخلص دراستي وبعدين يصير اللي يرضيك
ويرضي ماما بعد ...
ناصر بتهديد : كلامي يمشي يا شموخ انتِ اللي افهمي
وحطي الكلام براسك ، انا سكت عنك ورديت خطاطيب
وشيوخ وامراء عشان دراستك الحين خلاص
عمرك راح بالدراسه...!
تقدرين تكملين بعد ما تتزوجين ..
شوفي الحريم كملوا دارستهم وهم معهم بزارينهم
وما صار لهم الا كل خيير
وخلي الدلع هذا عنك...
شموخ بترجي: بابا واللي يعافيك وقفت
على دراستي! ومن ذا العريس اللي جاي
يتقدم حضرته ..!
ناصر : ولد الشيخ مبارك ، جاي يتقدم لك
رجال والنعم فيه ..
شموخ توسعت عيونها : بابا مالقيت غير ذا تزوجني
اياه على كذا ما ابيه ،اقعد بالبيت احسن لي
ولا اخذ هالأشكال...
ناصر يتوعد فيها :  بتتزوجين غصبن عليك واقعدي
في البيت وخيسي فيه بعد ..
مد يده لها يطلب منها المفتاح : وهاتي مفتاح
سيارتك احلمي تركبين فيها ...
شموخ توسعت عيونها ورصت على اسنانها : بابا الا سيارتي
لييش تاخذها ..؟؟؟!
التفتت لأمها : ماما شوفي بابا قولي شي !!
نورهـ ام شُموخ واقفه بصف ابوها : كلام ابوك يمشي يا ماما
تبين سيارتك ودراستك تزوجي ولد الشيخ مبارك ..
ابوها يطالع فيها بإنتصار ، شموخ انقهرت
وتحجرت دموعها غبنه ..
وقالتْ : هذا رايك يا ماما ، هيّن يصير خير
ناصر : هاتي المفتاح وروحي غرفتك
شموخ تتأمل بسيارتها ومقهوره ماتهنت فيها ،
صحيح عند ابوها
سيارات بس هذي غيير سيارة احلامها ..
حطت المفتاح بيد ابوها : الله يسامحك يا بابا ..
ومشت ووجها احمّر كاتمه غضبها ...
ام شُموخ نورهـ حضنت ناصر ،حطت راسها على صدره
وتحمس على كتفه ..
وقالت : ادري حبيبي مايرضيك بس شوي شوي
عليها موب كذا تصير ،قاسي توها راده من ابريطانيا
خل ننبسط فيها وتوسع صدرها هنا ...
ناصر يمسح على راس زوجته : يا نورهـ لو تعرفين
وش يقولون عن بنتك ، ماكان تقولين هالكلام
الرجال اكلوني فيها تونّي سمعتْ عنها كلام
يسمّ البدن ...بس ماصدقتْ ،  انا بنتي واعرفها زين ..
لكن وش يفك بنتي من كلام الناس ..وانا رجال تهمني
سمعني  وسمعة بنتي ..وهذا ولد الشيخ مبارك جاي
يتقدم لها والنعم فيه ..وهي تزعل الحين وكلها
كم يوم بتوافق عليه ان شاء الله  ...
نورهـ بضيق : لاحول ولا قوة الا بالله متى هالناس
تسد حلوقها عن بنتي ، ابيها تتزوج برضاها
وتكون مبسوطه مو تغصبها يا ناصر ، فكرْ
بالموضوع شوي الله يرضى عليك ..
ناصر : والله ان تقدم لها واحد غير ولد الشيخ
مبارك ،وكانتْ تبيه هي زوجتها اياه ..
وماراح ارفضه ... مير بنتك راسها يابس ماهمها
الا الدراسه والشهادات ...
نورهـ ام شموخ ابتسمت وتحاول تهديه باللينْ
وقالت : بعد روحي بنيتي اللي رافعه روسنا والله
يا بو شموخ الشهادة عز وشرف
وشوف بنتنا وين وصلت بسم الله 
عليها ماتبيها تكمّل ؟
ناصر : انا ابيها تكمل بس تتزوج  وتريحني وارتاح
من كلام النّاس ..يا نورة ..
نورهـ بتنهيده : الله ييسرها يا حبيبي ويهدي الشموخ
وكل شي بوقته لا تضايق نفسك وبتهون ان شاء الله
وشموخ بتغير رايها وترضى فيه ..
ناصر : آميين تعالي نجلس داخل راسي مصدع
وابي ارتاح ..
نورهـ ام شموخ : اوك حبيبي مشينا ...






،







دخلتْ شُموخ غرفتها معصبّة
وماهي راضيه باللي صَار
مستغربه من ابوها !!
شلونْ تغيّر وصار يهمّه كلام الناس عنها او عنه !
لهدرجة يجبرها عشانْ يرضي الناس!
حيّل تغير من لما رجعتْ من لندنْ..
زفرتْ بضيقْ ، وجلستْ على مكتبها ..
تفكر وبراسها شي لازم تسويه : هذي نهايتها اجل
يا بابا تبيني اتزوج  عشان ترضي الناس..!
ابشر من عيوووني يا بابا ...
خايف من كلامهم هاه ؟!
وتهمك سمعتك وماتهمك حياة بنتك
غير تزوجها عشانهم ..آاه اموتْ واعرفْ
وش قالوا لك عنّي ،عشانْ تعاملني كذا !
بعد تفكير طويل ،عضّت على شفتها السفليه
وابتسمت بمكر  : الحين وقت تنفيذ
الخطة " ب " والبادي اظلم  يا بابا ..
طلعت من ورى مكتبة الكُتب ، الڤيجن بورد
"لوحة الرؤية او الاهداف" مُستقبلية..
كانت مجمعة عِدتْ صور لأهدافها
منها شهادة الدكتوراه اخذتها...
حطت بدالها  صورة رجل أعمال يتوسط الأمراء
واصحاب النفوذ والسلطة...
قبلتها على السريع ثم رجعتها
لمكانها ، وقالت : جاء الوقتْ الغير
متوقع انّي اتحرك الحين ، ومافيه غير طريقه وحده
اللي اقدر اوصلْ لك .. وهههه اكيد مثل غيري
ما اخذتك الا كذا ..!
تشوفه حلم عاشته طول هالسنتين ماتوقعتْْ
انه بيجي هاليوم وراح تخطي الخطوة مُرغمه عن
نفسها ..!
وقالت بأسى : المشكله بابا شلون بيرضى بواحد
مثلك مُستحيل يوافق  بسهولة.!!
لكن دام يبيني اتزوج مالي الا اختارك انتْ
وغصب عن اللي يرضى واللي مايرضى..
ابتسمتْ بخبث ..
ثم فتحت احد الأدراج ..
تدور على بطاقة الدعوة لحفل
"زفاف الأميرة هَنوف"
وصلتْ لببتهم وبحكمْ معرفتها لجدة العروس
الأميرة نجد قررتْ تروح ..
العرس او الحفل ..
فتحتها طط
شافتْ موعد الحفل اليوم
اخذت جوالها واتصلتْ
على بنتْ عمّها غِيْد : الوو غيد ..؟؟
غيد دوبها صاحيه من النوم
وسألتها باختصار لانها عارفتها
راح تغير رايها على آخر لحظه بحضور الحفله
قالت بصوت نعسان : هلا شموخي من الآخير بتروحين
للحفله ولا لا ؟!
شموخ بثقه قالت: ايه بروح  للحفله طلعتْ اليوم
وعبالي انها بكرا عشانْ كذا قلتْ لك  امس ماني رايحه ..
بس هالحين لازم اروووح ..
غيد صحصت : صدق والله زين انك تأكدتي انها اليوم ..
توقعتك ماتروحين وقلت فشله اروح لحالي بدونك ..
بس تعالي وش اللي غير رايك  كذا فجأة ؟
شموخ بتنهيده قالت  : آااه وش اقول لك ..
تخيلي  اليوم ماما فتحت موضوع الزواج
معي انا ،قبل بابا يجي ،ورفضت انا اتزوج
الا بعد ما اخذ الدكتوراه ، وفجأة ابوي جاي من مجلس الرجال
ووجهه مايبشر بالخير..
ورفض اني  ادرس الدكتوراه ،وقالي ماراح تكلمين الا
لين تتزوجين .. تخيلي ببستقعد لي
على سالفة الزواج .. خييير غصب يزوجني مدري مين
لاعب بعقله ..  آاه يالقهر بس وغير كذا
يقولي جاي عريس رجال والنعم فيه بيتقدم لي ..
غيد  بنبرة مصدومة  :منجدك انتِ ، خييير وش فيه عممي
انقلب كذا مب طبعه ،يغصبك عالعرس ؟!
خيير وين عايشين حنا!! ماتوا اللي يجبرون
بناتهم عالعرس...
وبعدين تعاالي مين ذا اللي جاي بيتقدم لك ؟!!
شُموخ اعجبها انفعال غِيْد  ..عكسها هي
تكلمتْ بكل برود ولا كأنه هامها موضوع
ولد الشيخ مبارك..
قد ما يهمها انها تروح للحفله
وتسوي اللي براسها..!
قالت: ماعليك ماراح اخذه ، واللي متقدم
لي هذا واحد معرف اسمه حتى ؟بس بابا
يقول  ولد الشيخ مبارك وقعد يمدحه عندي هههه ...
يسحبني بوافق عليه وباخذه ، ما درى ان بنته
حاطه براسها واحد بتصدمه فيه  بعد..
ههههههههه...
غيد مسكت اعصابها :  الله يقلع ابليسك وش هالبرود اللي
انتِ فيه ، وانا مستغربة اقول ذي وراها بارده
ما صاحتْ  ولا سوت  مناحه ...
اثاريك داهيه يا بنتْ العم ..
وبتسوين اللي براسك بعد قويه ذي عاد !!
شُموخ مقهوره من داخلها .. بس
اللي مريحيها انها بتسوي اللي براسها ..
قالتْ : افا عليك تحسبيني بسكتْ ! لا والله ماني سَاكته
بتحرك من دون لايدري ..
غِيْد : طيب اللي خاطبك وين يروح ؟
شُموخ : بجهنم يروم ، وش ابيه فيه ..!
بدور لي تصريفه اقولها  لبابا عشان يصرفه عنّي ..
بعدين اتصرف وقتها .. اللحين بتجهز وابيك تمريني ..
غيد باستغراب : امررك وسيارتك وينها ؟
شُموخ بتنهيده :  بابا سحب مني المفتاح ،عشاني رفضت
اتزوج  ... ادعي بس  ان خطتي تنجح واخذه...
غيد بتافف : اوف منك عاد انتِ وخططك المهم
متى ناويه تروحين ..؟
شموخ بثقه: اذا ودك الحين ..
غيد قامت من سريرها  : خيير الحيين؟؟
صاحيه انتِ مره بدري ؟!
شموخ بثقه : اييه الحين مب تقولين امه الأميره نجد
بتحضر الحفلة ، ثم تمشي لازم نروح بدري..
عشان تشوف سِتْ الحسنْ والجَمال حرم ولدها المُستقبلي
هههههههه ..
غيد بإعجاب : عشتي والله شموخ تروح بدري هههههه
ماعليك بمرّك يا سِتْ الحسنْ والجَمال
بس اسمعيني ..
شموخ : هلا وش عندك اخصلي بروح اتحمم واتجهز
غيد : البسي شي ساتر ترى امه ماتحب التفصخ..
شموخ ضربت راسها على خفيف : ايه شلون نسيت ...
اوك يلا بااي بتجهز الحينْ ..
قفلت جوالها وحطته على السرير
راحتْ لغرفة الملابس  تنقي لها
فستان ،ومالقت غير  فستان طويل  اسود بأكمام
طويله وعاري الظهر وفتحت درج المجوهرات
واخذت بروش شانيل لؤلؤي
وجهزتهم على المانيكان وطلبتْ من الخدم يبخرونه
واخذت دش عالسريع
واكتفت بتجفيف شعرها ...
انتهتْ الميك اب كان بسيط جدًا آيشادو لون تُرابي
وروج أحمر داكنْ ،وآيلاينر ..
،ابتسمت على لوكها النهائي برضىٰ ...
ولبست فستانها الأسود ماسك على جسمها
معطيها  شكل أنثوي جذاب..
وحذاء كعب عالي من مانولو بلانيك لون أحمر
اخذت شنطة ديور يد ميني لون اسود ..
لبست عبايتها المزخرفه وطرحتها
وغيد تتصل فيها ...
ردت شموخ : الوو جايه الحين ..
نزلت بهدوء ، بعد ما ذخلتْ وحطت ستيكر على
كومدينة امها مكتوب فيها ...
" عن اذنك ماما رايحه لحفلة الأميرة هنوف "
وركبت سيارة غيد الرنج روفر ..
وقالت بحماس : هاااااي غدووو
غيد بإنبهار من شكلها : اهلين شموخي
يممه ماشاء الله وش هالجماال اللي اشوفه بسم الله عليك
بتغطين على العَروسه ..
تنهدت وقالتْ : بس الله يعينك  اذا اخذتيه وانتِ عارفه...
قاطعتها شموخ : ماعلييك ما اكون انا شموخ
اذا مو قد كلمتي وقعدت على ذمته يا غيد..
غِيْد فيها شبه كبير من شموخ لكن شموخ ملامحها اوسم..
غيد تدعس عالبنزين طلعت صوت كفر السيارة
قالت بحماس: يلا مشييناااا للحُب بتاعك يا شوشو
شموخ تصفق بحماس : ههههههههه احلى من يكفخ
والله قداااام للحب بتاعي اللي بيصدم بابا
ويجلطه هههههه..
غيد دعستْ بقوة عالبنزين : هههههههه يلا ..





،







بالطريق ... مسافة 10 دقايق..

وصلوا لمكان بنفس الحي
اللي هم ساكنين فيه
الجهة الاخرى من الحي حراستها مشددة
مو اي احد يدخل الحي ..
الا الهوامير واصحابْ
النفوذ والسلطة ...
وكله كاميرات مُراقبه  مشددة فيه ..
وصلت لأحد القصور الكُبرى
"قصر سمو الأميرة نجد "
عند البوابة الملكية الضخمة..
وقفت سيارة غِيْد ، بأمر من احد حرّاس القصر
الحارس الملكي قال : لوسمحتِ طلّعي اثباتكْ..
شموخ وغيد نفذوا اللي طلبه : تفضل ..
قرأ اسمائهم ... رفع حَاجبه بإستغراب هالأسم ماهو
غًَريبْ عليه .. عّلى طول أتصل بصاحبْ القصر
الحَارس : الو السلام عليكم
الطرف الآخر  كَانْ بمكتبه رفع السمّاعة الخاصة
للبّوابة القصرْ ..
ابتسم ابتسامة غًريبة بانتْ على ملامحه ..
وكان منتظر هالإتصالْ ..
رد بصوتْ فخم جدًا : هلا وعليكم السلام
الحَارس : طال عُمرك فيه من الحُضور بنتين
من ضمنهم شُموخ بنت نَاصر الـ...
الطرفْ الآخر إبتسمْ بخبث ورد : حُلو خلهم يتفضلون..
الحَارس : ابشر طَال عُمرك ..
وسجل أسمائهم لضمن قائمة الحضور
  ثم سلّمهم بطايقهم : تقدرون تتفضًلون داخل ..حياكم
شموخ  وغيد تنفسوا براحه ...
غيد بحماس مع توتر تحاول تخفيه قالتْ : مستعده شموخي ؟
شموخ مغصها بطنها  حستْ بخوف ودها ترجع ..
لكن هذا حلمها اللي جاء بغير وقته
وانجبرتْ  تروح بهالطريق بسبب ابوها ..
قبل لا يغصبها على ولد الشيخ مبارك
دام يبيها تتزوج ، فراح تخير ابوها وتختار اللي تبيه ...
لازم تنفذّ حطتها بهالطريقه الوحيدة  هي تشوفه
الحل للوصول لهذا الرجل.." فَارس احلامها "
شموخ ترجع ثقتها بنفسها : ايه مستعده ..
بسم الله توكلتْ الله ..
دخلوا القصر ..
عُيونْ شخص كانتْ تراقبهم بمكآن اخر
بنفسْ القصر .. عبر شاشات كاميراتْ المُراقبة ...!
بعد ما اعطى اذن الدُخول للقصر وحُضورهم للحفله..
هالعيونْ تُوحي بشَراستها، رغم جَاذبيتها
القَاتله ،السَاحرهـ ، الآسرهـ..
إلا انها تلمعْ بشرار
الإنتقــــام ..!!




 



 
الى هنا نتوقف


#مُلاحظة
جميع الشخصيات والأحداث من وحي الخيال
ولا تمتْ بالواقع اي صِله كانتْ ..






قِراءة مُمتعة للجَميع ..











تعديل وردة الزيزفون; بتاريخ 11-10-2019 الساعة 01:46 AM. السبب: تعديل البارت
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 30-07-2019, 03:00 AM
صورة Suhan الرمزية
Suhan Suhan غير متصل
©؛°¨غرامي مشارك¨°؛©
 
الافتراضي رد: رواية غرامك يالخفوق ذبحني هآت حضنك يحتويني


وعليكم السلام ورحمة الله وبركاته


الف الف الف الف الف مبروووك روايتككك الثااالثه
ان شاء الله تكووون حماسيه مثل اللي قبلهاااا
والله يجعلها شاهده لك لا عليييك ياررب

لي عودة بعد القراءة اكيييد

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 30-07-2019, 05:35 AM
فيتامين سي فيتامين سي متصل الآن
©؛°¨غرامي متألق ¨°؛©
 
الافتراضي رد: رواية غرامك يالخفوق ذبحني هآت حضنك يحتويني


السلام عليكم ورحمة الله وبركاته

الف مبروووك روايتك الثالثه

وإن شاء الله تصلي بها لصفوف المكتمله

شموخ واضح عنيده لكن وش الخطه اللي في راسها شكلها تخطط

مع غدي وترسم إن المرأه اللي قالت لها غدي عنها ماتحب اللبس العريان

تعجب بها وتخطبها لولدها والله يستر من تخطيطها ماينقلب عليها

واللي تبغاه طرب يتحول نشب وتورط بهذا الزواج

لكن كيف هي تعرف هذ العريس ؟

منتظرين باقي الأحداث



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 30-07-2019, 01:16 PM
صورة Ebtisam369 الرمزية
Ebtisam369 Ebtisam369 غير متصل
©؛°¨غرامي مشارك¨°؛©
 
الافتراضي رد: رواية غرامك يالخفوق ذبحني هآت حضنك يحتويني



مبروك روايتك الثالثة وباذن الله احنا معاااك معااك
بدايه حلوه حبيت شخصية الشموخ وعنادها واضح راسها يابس هالبنت
مالومها لو تحارب عشان دراستها وشهاداتها
ابوها بيزوجها ظنييتها تروح تبكي والله طلعت مو بسيطه هالبنت رايحه تخطط
والمكلة اللي رايحه لها عشان الرجل اللي تبيه عريس اظن امه تعجب فيها
وتاخذها لولدها الله يستر لا تاكلها دام غيد تنبهها
بانتظااارك بدايه مشووقه
وحبييت السرد والوصف عشت جو فيه والله يسلموو


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 30-07-2019, 05:09 PM
Mera kasassbh Mera kasassbh غير متصل
©؛°¨غرامي جديد¨°؛©
 
الافتراضي رد: رواية غرامك يالخفوق ذبحني هآت حضنك يحتويني


واو كتير جميله مبدعه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 30-07-2019, 06:10 PM
صورة كلارينت الرمزية
كلارينت كلارينت غير متصل
©؛°¨غرامي نشيط¨°؛©
 
الافتراضي رد: رواية غرامك يالخفوق ذبحني هآت حضنك يحتويني














اقتباس:
المشاركة الأساسية كتبها suhan مشاهدة المشاركة
وعليكم السلام ورحمة الله وبركاته


الف الف الف الف الف مبروووك روايتككك الثااالثه
ان شاء الله تكووون حماسيه مثل اللي قبلهاااا
والله يجعلها شاهده لك لا عليييك ياررب

لي عودة بعد القراءة اكيييد
يا هلا والله فيكِ شرفتيني ونورتي عزيزتي ..
يبارك فييك وبإذن الله تكون عند حسن ظنك ، آميين يارب
حياكِ حبيبتي بأي وقت ..

ما انحرم من هالطلّه ، واسعدني تواجدك في رواتي صراحه..










الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 30-07-2019, 06:16 PM
صورة كلارينت الرمزية
كلارينت كلارينت غير متصل
©؛°¨غرامي نشيط¨°؛©
 
الافتراضي رد: رواية غرامك يالخفوق ذبحني هآت حضنك يحتويني














اقتباس:
المشاركة الأساسية كتبها فيتامين سي مشاهدة المشاركة
السلام عليكم ورحمة الله وبركاته

الف مبروووك روايتك الثالثه

وإن شاء الله تصلي بها لصفوف المكتمله

شموخ واضح عنيده لكن وش الخطه اللي في راسها شكلها تخطط

مع غدي وترسم إن المرأه اللي قالت لها غدي عنها ماتحب اللبس العريان

تعجب بها وتخطبها لولدها والله يستر من تخطيطها ماينقلب عليها

واللي تبغاه طرب يتحول نشب وتورط بهذا الزواج

لكن كيف هي تعرف هذ العريس ؟

منتظرين باقي الأحداث

هلا وغلا وعليكم السلام ورحمة الله وبركاته

نورتيني وشرفتيني فيتامين سي ، الصدق انبسطت بتواجدك
في روايتي ويسعدني ويشرفني صراحه كقارئه رائعه مثلك لروايتي
يبارك فيك وبإذن الله تكون عند حِسنْ ظنك عزيزتي ، بإذن الله على خير اكملها

شموخ لِسه البارت الجاي راح يوضح لكم وش هي ناويه عليه

اذا تقصدين العريس اللي ناويه هي بيبان اكيد ، وهالشي. مُخطط مُسبقًا
لها وضحت لكم في جُزء من البارت انها غيرت اهدافها ، ولكن ما ابي احرق
عليك البارتات حتوضح لنا ونقول الله يستر ..

ما انحرم من هالطلّه فيتامين سي لاخلا ولا عدم ♥✨










الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 30-07-2019, 06:22 PM
صورة كلارينت الرمزية
كلارينت كلارينت غير متصل
©؛°¨غرامي نشيط¨°؛©
 
الافتراضي رد: رواية غرامك يالخفوق ذبحني هآت حضنك يحتويني














اقتباس:
المشاركة الأساسية كتبها إبتسام_ مشاهدة المشاركة
مبروك روايتك الثالثة وباذن الله احنا معاااك معااك
بدايه حلوه حبيت شخصية الشموخ وعنادها واضح راسها يابس هالبنت
مالومها لو تحارب عشان دراستها وشهاداتها
ابوها بيزوجها ظنييتها تروح تبكي والله طلعت مو بسيطه هالبنت رايحه تخطط
والمكلة اللي رايحه لها عشان الرجل اللي تبيه عريس اظن امه تعجب فيها
وتاخذها لولدها الله يستر لا تاكلها دام غيد تنبهها
بانتظااارك بدايه مشووقه
وحبييت السرد والوصف عشت جو فيه والله يسلموو
يا اهلين وسهلين فيك يا بسوم. بعد قلبي انتِ
يبارك فيك حبيبتي ، شرف لي والله وسعيده من الأعماق بمتابعتك لي
بخصوص. شموخ يوضح لكم البارت الجاي ومين هالشخص او العريس
اللي مخططه عليه ،
حبيتبي انتِ ويارب يكون عند حسن ظنك ، يسلمك ربي










الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 30-07-2019, 06:24 PM
صورة كلارينت الرمزية
كلارينت كلارينت غير متصل
©؛°¨غرامي نشيط¨°؛©
 
الافتراضي رد: رواية غرامك يالخفوق ذبحني هآت حضنك يحتويني














اقتباس:
المشاركة الأساسية كتبها mera kasassbh مشاهدة المشاركة
واو كتير جميله مبدعه
يا هلا والله فيك ، الجميل وجودك وتفاعلك عزيزتي
نورتي وشرفتي 🌹










الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 30-07-2019, 06:34 PM
صورة كلارينت الرمزية
كلارينت كلارينت غير متصل
©؛°¨غرامي نشيط¨°؛©
 
الافتراضي رد: رواية غرامك يالخفوق ذبحني هآت حضنك يحتويني














مساء الخير

بإذن الله البارت الثاني ينزل بأقرب وقت
لأني حاليًا مشغوله بالبارت الآخير من روايتي الثانيه

وكونوا بالقُرب











الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1