غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 06-08-2019, 02:26 AM
Joy Star Joy Star غير متصل
©؛°¨غرامي جديد¨°؛©
 
الافتراضي لم تستطيعي بعد أن تتفهمي أن الرجال جميعهم أطفال/بقلمي


السلام عليكم يا اعضاء ويا قراء..
تمنيت دائما ان اشارك الناس افكاري واحلامي التي بقيت حبيسه في ذاكرتي..لكن اليوم وبمعونه من الله قررت ان اكتب هذه القصه المتواضعه التي تحوي سطورها الكثير من الخياال و الكثير من المواقف التي عايشتها واحببت ان اشارككم اياها..واتمنى ان تنال اعجابكم ورضاكم ..



بسم الله الرحمن الرحيم
0
0
0
0
0
0
0
"لم تستطيعي بعد ان تتفهمي00ان الرجال جميعهم اطفال" نزار قباني

البارت الأول


ابو سلطان كان يكلم تلفون في مكتبه عالسبيكر وهو يوقع اوراق
جوري: عمي انا مستحيل اتزوج بهالطريقه التقليديه ..انا مابي ولدك
ابو سلطان ابتسم بروقان: بس يا جوري هذي وصيه ابوك ..كان المفروض تتنفذ من سنه بس انا عذرتك عشان قلتي تبين ترتبين امورك قبل ما تجين السعوديه
جوري بغيض: بس يا عمي انا ..
ابو سلطان يقاطعها: بس شنو ليكون في احد ثاني ببالك؟!
جوري بدفاع:لا لا يعمي مافي احد بس انا مابي اتزوج الحين انا احب شغلي ومابي اتزوج
ابو سلطان بحزم : جوري انتوا صار لكم اكثر من سنه مملكين من قبل ما يموت الوالد المفروض الحين تكونين شايله ولدك
جوري باحباط: خلاص يا عمي ما يصير خاطرك الا طيب
ابو سلطان: ايه يا بنتي كذا ابيك ....كم باقي وتجين تنورين بلدك؟
جوري بتفكير :من 6شهور الى 8 شهور
ابو سلطان باستنكار: ليش هالكثر؟
جوري: المشروع الي نشتغل عليه للحين ما خلص ادعيلي يتم على خير
ابو سلطان: وانتي وش لك بهالشغل؟؟
جوري :والله يا عمي انا موقعه معهم عقد وما اقدر امشي قبل ما يتم المشروع
ابو سلطان: الله يوفقك يا بنتي
سلطان الي كان يسمع من ورا الباب كان قلبه يعتصر من الالم هو عارف من زمان انها ما تبغاه وكان يمني نفسه مع الايام لكن خلاص طفح الكيل وقرر ينتقم لكرامته
توجه للصاله لامه وحاول يتكلم بصراحه
سلطان: يما ابيك تخطبين لي مها بنت خالتي
ام سلطان باستنكار: وبنت عمك الماصله وش بتسوي معها
سلطان: وش بسوي يعني ..بجلس على الاطلال انتظر جنابها تشرف مثلا؟!
ام سلطان بسعاده: يعني ما تبيها؟!
سلطان: والله يا امي هالموضوع مو بيدي بس انا البنت عافتها نفسي من زماان
ام سلطان بتشفي: احسن ...والله ان مها بنت اختي تسواها وتسوى طوايفها
وضحى وهي نازله : مين هذي يمه الي مها تسواها؟
ام سلطان : مرة اخوك العوبه
وضحى: الله يهديك يمه انتي حتى ما شفتيها
ام سلطان:ولا ابي اشوفها
وضحى: يمه انتي تذكرين شكلها؟؟
سلطان الي طالع امه باهتمام
ام سلطان: اذكر ان مافيها زود
وضحى: مو شقره زي امها ؟؟
ام سلطان بتكشيره: لا وين امها احلا ..امها كانت شقره وعيونها ملونه بس البنت شعرها غامق وما اذكر لون عيونها
سلطان خاب امله هو صحيح كتب كتابه بس ابوه كان وكيله يوم راح يشوف اخوه قبل ما يموت يعني هو ما التقى بالبنت ولا عمره شافها ..وحتى لو شافها فو ما يذكرها ..عمه كان ساكن بجده وهم بالرياض ولما مرضت زوجته السوريه سافر لامريكا وبدأ يدير مشاريع هناك وهي ماتت بعد سنه من سفرهم بس هو ما رجع ..سلطان التقى بعمه كذا مره بس ماشاف بنته
ام سلطان اتصلت باختها الي ماصدقت خبر ووافقت مع انها تدري ان سلطان خاطب بنت عمه بس هي من زمان عينها على سلطان وعندها امل انه يترك بنت عمه اذا اخذ بنتها
ابو سلطان بغضب: ومن بشوره تخطبينها له
ام سلطان بخوف: ولدك جاني وقال يمه ابيها
ابو سلطان وهو يطالع ولده بحده: وعلى اي اساس تاخذ هذي على بنت اخوي؟
سلطان بقوه وصرامه: ما اسمها هذي اسمها مها هذا اولا ..ثانيا بنت اخوك لو فيها خير كان جت هنا تستر عمرها بدل ماهي هايته هناك لا حسيب ولا رقيب
ماحس سلطان الا بكف حامي على وجهه من ابوه
ابو سلطان وجسمه ينتفض وعيونه جحظت: جب...لا انت ولا غيرك يحق له يتكلم على بنت اخوي فاهم
ناظر سلطان ابوه بقهر : تطقني يا بوي على شانها؟!...طيب والله والي خلقني وخلقها لاخذ مها وبنت اخوك هذي مانا مطلقها بخليها تتمنى الموت وما تلاقيه
..... بعد شهر من هالاحداث كتب سلطان كتابه على مها الي كانت مو سايعتها الفرحه ومتناسيه ان في وحده ثانيه تشاركها زوجها
كانت لابسه فستان ذهبي ناعم ماسك على جسمها الممشوق والاكمام نازله على اكتافها بنعومه
دخلت وضحى للغرفه بابتسامه وهي تقيم جمال بنت خالتها باعجاب
وضحى: السلام عليكم...وش هالجماال وش هالاناقه...الله يعينك ياخوي
مها بابتسامه متوتره: وعليكم السلام اخيرا احد جا
حضنتها وضحى
وضحى: اجل وين اختك رحمه؟
كشرت مها بضيق: ما ادري ..كانت مرره متضايقه لاني وافقت على اخوك
وضحى بضيق: هي خايفه عليك
مها: ليش وش بيصير يعني؟ اذا على ذيك الحيه فهي صار لها سنه مو راضيه تجي عالاساس انها مهمه وعندها شغل
وضحى ما حبت تقلب الجو نكد : طيب خلاص انتي لا تضايقي نفسك وانبسطي هذا يومك
التفتت مها للمرايه تتامل نفسها
مها بنت جميله ملامحها ناعمه عيونها ناعسه وسود بشرتها قمحيه وشعرها اسود لاكتافها بس هي اليوم عامله تسريحه ومركبه خصل .. طولها 155مع الكعب تصير جنان
دخلت رحمه وحاولت تبتسم عشان اختها بس الحقيقه هي مو عاجبها الي جالس يصير
رحمه :مبروك مهاوي حبيبتي الله يكتب لك الخير يا رب
مها بابتسامه ناعم: الله يبارك فيك .. خفت ما تجين
رحمه: وليش ما اجي اليوم ملكة اختي حبيبتي
نزلوا البنات تحت وزفوا العروسه و امها قامت تزغرط ..كانت الجلسه ملمومه عمات العريس ما جوا علشان زعلانين على بنت اخوهم اما بنات عم العريس حضروا بس كانوا هادئين وكانه مو عاجبهم الي يصير
بعد شوي جا فيصل اخو سلطان الاصغر واعطى الدفتر لخالته عشان العروس توقع
وقعت مها وهي ترجف بعد شوي بيشوفها سلطاان وااه من سلطان هي حافظه كل معلم من معالم وجهه تحبه وتمووووت عليه من كانوا صغار ..صحيح ما كان يعبرها بس هذا كان يعلقها فيه اكثر واكثر
طلعت وراحت لمجلس الرجال امها وخالتها كانوا معها دخلت بارتبكاك وجلست مكان ما امها اشرت لها
ام رحمه:كللللوووش
ام سلطان ضحكت ونادت وضحى تجيب لولدها الدبل والشبكه
ام سلطان : يلا لبس عروستك يا سلطان
مسك سلطان الدبل وهو خايف ..خايف انه يكون تسرع بهالقرار وانه بيظلم بنت خالته بانتقام تافه مالها دخل فيه... بس هي رضت وهي عارفه بضروفه ..وبعدين ما بتنظلم بالعكس بتعيش اميره
ام سلطان: يلا يا سلطان وش تنتظر
اخذ سلطان الشبكه وبدأ يلبسها مع كل قطعه امه وخالته يزغرطون
وضحى كانت مبتسمه وتراقب الوضع بصمت اخوها ما كان مكشر ولا كان مبتسم واضح انه سرحان ..بس هي حالفه تخليه يموت فدابديب مها..
طلعوا وتركوا العرسان بحالهم
سلطان بصوت فخم وهادء: كيف حالك يا مها
مها بخجل: تمام الحمد لله ..
سكتوا الاثنين
سلطان: خلصتي الجامعه ولا لسا
مها بحيا: لا والله لسا
سلطان عقد حواجبه: كم باقيلك؟
مها : باقيلي سنه
سلطان:ناويه تكملين دراسه
مها : الي انت تشوفه مناسب انا بسويه
سلطان الي حس انها ما رح تتعبه: انا احب المراه الي تهتم ببيتها وزوجها واذا الدراسه ما بتاثر فانا ما عندي مانع
تموا يسولفون شوي بمواضيع سطحيه وبعدها راح اخذ امه واخته ومشوا
ماكان في كثير احداث غير ان ابو سلطان كان غضبان على ولده ونبه عليه ان محد يجيب طاري زواجه لجوري عشان ترضى تجي للسعوديه و هذيك الساعه يحلها الف حلال
بعد شهر من الملكه كان موعد الزواج سلطان ما شاف مها الا مرتين خلال هالشهر وكلهن بالحاح من امه
اما مها فكانت تمني نفسها انه مجرد ثقل وبعد الزواج بيعشقها ويترك بنت عمه ما كانت تدري انه حلف انه ما بيطلقها لو ايش
كان العرس صارخ عكس الخطوبه معازيم بيت ابو سلطان كثيرين بحكم مكانته الاجتماعيه
دخلت وضحى بحماس لغرفه العروس وشافت مها واقفه بقلق جنب اختها رحمه وصاحبتها روان
مها بقلق:وضحى طمنيني كيف التجهيزات تحت
وضحى بابتسامه :كل شي عشره على عشره يقميييل ..الله يعين اخوي الليله
مها بخوف: قولي الصدق شكلي جد حلو ولا تكذبين علي
وضحى : اقولك قمممر تقوليلي تكذبين؟!!
روان:خلاص قالت لك تجننين كلنا قلنالك تجننين كفايه خلاص
مها:والله خايفه
رحمه : ما عليك منهم... هم ماجربوا العرس انا حاسه فيك
وحظنت اختها
ام سلطان وهي داخله:وخروا عن مرة ولدي لا تخربون مكياجها
كلهم ضحكوا وبعدوا عنها
ام رحمه وهي داخله ورا ام سلطان: يلا بسرعه بنزف العروس
مها بقلق: يمه بطني يعورنيي
ام رحمه: يعمري انتي لا تخافين مو رايحه لناس غرب ترى هذا بيت خالتك
انزفت مها على موسيقى كلاسيكيه هادئه وفقاعات صابون عطت جو حلو ..كوشتها كانت عباره عن ستائر بيضا وتحفيات كرستال وفضي والكرسي كان ابيض باطارات فضيه وورد احمر منثور بكل مكاان
بعد ما جلست الناس بدأوا يلتمون عليها ويسلمون جو بنات عم سلطان يسلمون عليها
سمارا من غير نفس: الف مبروك
ريم بنذاله: يلا تتهنين هالست شهور ان شاء الله
وضحى كانت تخزهم ومها كانت رافعه حاجبها باستخفاف فيهم و ردت بقوه
مها: ان شاء الله اتهنى العمر كله وربي يبعد عننا العذال
رناد باستهزاء: والله ما ادري مين العذال بالضبط
مها بغرور: اليوم يومي وماعندي وقت اضيعه مع حثاله زيكم
وضحى مسكتهم على جنب بعصبيه : خير ان شاء الله من متى المحبه للاخت جوري؟؟!! الي يشوفكم يقول ربيتوا معها
ريم وهي تهف على اظافرها بغرور: والله مهما يكون هي بنت عمي وهذي خطافه الرجال جايه تاخذه منها
وضحى باستهزاء وهي تتخصر: لا والله..وهي لو تبيه كان جت من زمان مو تاركته وتبيه ينربط فيها
رناد: والله هو من يوم ما كتب كتابه وهو عارف ضروفها
سمارا :ليش ما هو يروح لها لامريكا من الاساس ويدعمها بدل ما جاي يتزوج عليها
وضحى بقهر: اففف انتوا الحكي معكم ضايع
بهالاثنااء صعدت عالمسرح بنت جممييله ومن جد تلفت النظر واضح انها اجنبيه ..مشت بثقه وراحت سلمت عالعروس واهي تبوس خدها همست لمها بشي خلاها تنكتم
: جوري بتسلم عليك وبتئلك انتي الي بديتي الحرب معها
مها بثقه : قوليلها اعلى ما بخيلها تركبه ..سلطان لي انا وبس
ابتسمت البنت بسخريه واختفت مثل الحلم
كانت مها جالسه على اعصابها وضحى ورحمه وروان كانوا يحسبوها خايفه من سلطان فحاولو يطلعوها من الجو الي هي فيه ونجحوا
الطقاقه نادت بالمكرفون حتى يتغطون الحريم لان المعرس وصل ..
دخل سلطان مع ابوه واخوه فيصل وولد عمه ياسر اخو سمارا وريم و عيال عمته سعود وخالد اخوان رناد وسارة وولد عمته الثانيه سييف على اغنيه هيبه ملك والي كانت توصف جمال دخلتهم و سلطان يتوسطهم بهيبته وحضوره كانوا البنات بياكلونهم بعيونهم كل واحد اوسم من الثاني
خالد وسعود وفيصل كانوا يضحكون وعاجبهم الوضع بعد شوي وقفوا وصوروا مع بعض وطلعوا كلهم ما بقى غير سلطان اما ابو سلطان راح يجيب العروس ويزفها من ورا قلبه بس مضطر لانها يتيمه وما عندها ابو
سلمت مها على راس عمها بو سلطان بخجل وهو مو طايق يشوف وجهها لانه يحس نفسه خان اخوه المرحوم بس مع ذلك مسكها من يدها وزفها لولده وبطبيعه الحال الناس بدأوا يقارنون بين سلطان وبينها بحكم انه اجمل منها بكثييير
سلطان برونزي ملامحه حاده وحواجبه كثيفه وسوده ومرسومه ..خشمه مثل السيف ولحيته كامله مخففها شفايفه وسط وعيونه سوده وحاده
كانوا منشغلين بقص الكيك والتصوير لكن فجأه سمعوا صوت زغروطه مصريه بلدي والتفتوا لعند الباب وشافوا رقاصه دخلت لابسه بدله رقص خالعه جدا وصارت تمشي عالجسر وهي تهز كل جسمها لحد ما وصلت للكوشه وسط ذهووول الجميع
الرقاصه وهي تبوس مها بقوه : الف مبروك يعروسه والف مبرووك يعرييييس كللللللوووووش
وقامت تهز قدام سلطان وابو سلطان وام سلطان بغى يغمى عليها من الفجعه وبهاللحظه دخلوا الامن النسائي وجروها لبرى القاعه وهي تضحك وتقول بصوت عالي: في ايه يعروسه ست روان هيه الي قابتني هنا
مها كانت حالتها يرثى لها كانت بتموت خلاص ..ما قدرت تتحمل الصدمه وجلست عالكرسي وهي تتذكر كلام البنت السوريه معناها جد بدأت الحرب





اتمنى ان يكون البارت قد نال اعجابكم ..عارفه انه قصير ولكن هذا للتسخين فقط😉

ابي اشوف توقعاتكم وتفاعلكم

ايش بيكون مصير سلطان ومها بعد الي صار؟
اعلان الحرب بين جوري ومها لاي مدى ممكن يوصل؟
ايش ردة فعل ابو سلطان لما يعرف ان جوري هي الي جابت الرقاصه ؟؟
والاهم كيف بيكون اللقاء الاول بين سلطان وجوري ؟


دمتم بخير Joy star

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 06-08-2019, 02:48 AM
صورة ضـحكتــي سحـــريّـــه الرمزية
ضـحكتــي سحـــريّـــه ضـحكتــي سحـــريّـــه غير متصل
©؛°¨غرامي مجتهد¨°؛©
 
الافتراضي رد: لم تستطيعي بعد ان تتفهمي..ان الرجال جميعهم اطفال


أوّلا يشرّفني أنّي أكون أوّل متابعه لكي ^_^
ثانيا نروح للتّوقّعات
1/مصير سلطان ومها ما أدري يمكن الثنين يكرهون جوري لمّا يدرون أنها هي اللّي حضرت الرقّاصه
2/إعلان الحرب بين مها وجوري لأي مدى بيوصل ذا بتحدّده بقيّت البارتات
3/ردّت فعل أبو سلطان لمّا يدري أنّ جوري هي اللّي سوّت كذا ما أدري يمكن يزعل في الأوّل وبعدهى يرضى
4/وكيف بيكون لقاء سلطان مع جوري فأتوقّع أنّه بيكون مليء بالتّحدّي والكره وبعدين بيحبّون بعضهم مثل أغلب الرّوايات اللّي تبني علاقت أبطالها على الكره في بادئ الأمر وبعدها يحبّوا بعض (أتمنّا تسوّين شويّ تغيير من الرّوايات السّابقه فذي السّالفه صارت كثير مكرّره ^_^)
ذي هي توقّعاتي أمّا الشّخصيّات فما عرفتها كلها وما عرفت كل صفاتها عشان ذا بكتب رأيي عنها بعد البارتات القادمه
أنتظرك ^_^


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 06-08-2019, 06:47 AM
Joy Star Joy Star غير متصل
©؛°¨غرامي جديد¨°؛©
 
الافتراضي رد: لم تستطيعي بعد ان تتفهمي..ان الرجال جميعهم اطفال


اقتباس:
المشاركة الأساسية كتبها ضـحكتــي سحـــريّـــه مشاهدة المشاركة
أوّلا يشرّفني أنّي أكون أوّل متابعه لكي ^_^
ثانيا نروح للتّوقّعات
1/مصير سلطان ومها ما أدري يمكن الثنين يكرهون جوري لمّا يدرون أنها هي اللّي حضرت الرقّاصه
2/إعلان الحرب بين مها وجوري لأي مدى بيوصل ذا بتحدّده بقيّت البارتات
3/ردّت فعل أبو سلطان لمّا يدري أنّ جوري هي اللّي سوّت كذا ما أدري يمكن يزعل في الأوّل وبعدهى يرضى
4/وكيف بيكون لقاء سلطان مع جوري فأتوقّع أنّه بيكون مليء بالتّحدّي والكره وبعدين بيحبّون بعضهم مثل أغلب الرّوايات اللّي تبني علاقت أبطالها على الكره في بادئ الأمر وبعدها يحبّوا بعض (أتمنّا تسوّين شويّ تغيير من الرّوايات السّابقه فذي السّالفه صارت كثير مكرّره ^_^)
ذي هي توقّعاتي أمّا الشّخصيّات فما عرفتها كلها وما عرفت كل صفاتها عشان ذا بكتب رأيي عنها بعد البارتات القادمه
أنتظرك ^_^
انا الي لي الشرف انك تتابعيني..واتمنى ان هالروايه تكون عند حسن ظنك ان شاء الله اشوف ردود اكثر عشان اتحمس اكتب..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 06-08-2019, 08:39 AM
صورة بنت آل تميم الرمزية
بنت آل تميم بنت آل تميم غير متصل
©؛°¨غرامي جديد¨°؛©
 
الافتراضي رد: لم تستطيعي بعد ان تتفهمي..ان الرجال جميعهم اطفال


هههههههه حركت الرقاصة خطيييره
سلطان انسان سخيييف،، ليش احس انه البنت نفسها جوري لان كلام سوري
متشوقة لحظة رجوع الجوري،،
واضح انه الرواية ممتعة و حلوة
ممكن تحددي وقت تنزيل البارت

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 06-08-2019, 12:50 PM
Joy Star Joy Star غير متصل
©؛°¨غرامي جديد¨°؛©
 
11302798202 رد: لم تستطيعي بعد ان تتفهمي..ان الرجال جميعهم اطفال


اقتباس:
المشاركة الأساسية كتبها بنت آل تميم مشاهدة المشاركة
هههههههه حركت الرقاصة خطيييره
سلطان انسان سخيييف،، ليش احس انه البنت نفسها جوري لان كلام سوري
متشوقة لحظة رجوع الجوري،،
واضح انه الرواية ممتعة و حلوة
ممكن تحددي وقت تنزيل البارت

شكرا عالمرور يقلبي..ان شاء الله بنزل البارتات كل يوم احد اذا شفت في تفاعل ان شاء الله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 07-08-2019, 06:44 AM
صورة بنت آل تميم الرمزية
بنت آل تميم بنت آل تميم غير متصل
©؛°¨غرامي جديد¨°؛©
 
الافتراضي رد: لم تستطيعي بعد ان تتفهمي..ان الرجال جميعهم اطفال


اقتباس:
المشاركة الأساسية كتبها joy star مشاهدة المشاركة
شكرا عالمرور يقلبي..ان شاء الله بنزل البارتات كل يوم احد اذا شفت في تفاعل ان شاء الله
في انتظارك يالمبدعة..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 07-08-2019, 09:36 AM
صورة حفيد. الرمزية
حفيد. حفيد. غير متصل
©؛°¨غرامي نشيط¨°؛©
 
الافتراضي رد: لم تستطيعي بعد أن تتفهمي أن الرجال جميعهم أطفال/بقلمي


اسمها جوري وامها سوريا
لا تخاف يا سلطان طول بالك يا غبي هههههههه

شكرا جدا لك بالتوفيق بالقادم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 11-08-2019, 07:56 PM
Joy Star Joy Star غير متصل
©؛°¨غرامي جديد¨°؛©
 
الافتراضي رد: لم تستطيعي بعد أن تتفهمي أن الرجال جميعهم أطفال/بقلمي


السلام عليكم..تقبل الله صيامكم وقيامكم..وجعله الله عيدا مباركا علينا وعليكم❤

البارت الثاني
.
.
.
.
كانوا البنات في بيت العمه منى ام سيف فارطييين ضحك ساره: ياربي لا مستحيييل ااههه بطني هههههههه
ريم : ياربي شفتوا وجه عمي بو سلطان والله حسيت عيونه بتطلع من محاجرهاههههه
ريناد: هههههههههه والله الي سوى هالحركه برد قلبي فيها
ليان : افف يا ربي امي عيت نحضر
ساره بحماس: لايكون عمتي منى هي الي سوت المقلب بما انها ما رضت تحضر
ليان: ارتاحي بس تو ريم تقول ان الرقاصه قالت ان روان صاحبه مها هي الي جابتها
سمارا: وانتي لايكون صدقتي واضح انها لعبه من حد وحطوها براس روان
ريم بضحكه خبيثه: والله قلبي يقول ان بنت عمنا جوري هي الي مسويتها
سمارا: لا مستحييل عمي نبه على الكل ان ما يخبروها الا اذا وحده فيكم خونت هذا شي ثاني
ريناد: والله انا كان خاطري اقول لها بس المشكله ما معي رقمها
ساره: الحمد لله والشكر مجنونه مع مرتبه الشرف
ريناد تتنحنح: احم احم وبكل فخر
ليان: بس والله حرام يعني مها ما تستاهل الي صار
ساره:اي والله انا بعد عورت قلبي
ريم بعصبيه: وش الي حرام خطافه رجاجيل
ساره: لا والله ..ولد عمك هو الي راح وخطبها محد جبره
ريم: وهي محد قال لها توافق وهي تدري انه متزوج
ليان: خلاص هذا الي صار نقاشكم ما بيغير شي

سلطان كان راسه بينفجر صحيح العرس مر عليه اسبوع بس للحين مغتاض من الي صار الناس مو راضيه تسكت عن السالفه..بس الجانب الجيد ان الفضيحه الي صارت زادت نسبه المبيعات في متاجر العائله..فعلا رب ضارة نافعه
مها بانكسار وهي تحط يدها على كتفه:.. خلاص يعمري لا تضايق نفسك
سلطان وهو يعقد حواجبه: انا جالس احاول اتذكر اعدائي اكيد احد فيهم تعمد يسوي هالحركه ..والتفت عليها بشك..او ان كلام الرقاصه يطلع صح وصاحبتك تكون هي الي سوتها
مها بدفاع: لا وربي روان مالها دخل انا قلت لك هذي بنت عمك الحيه هي الي سوت كذا طلقها وفكنا
طالعها سلطان بحده: كلمه ثانيه بعد واقص لسانك فاهمه..ابوي وصا الكل ما يخبرها فكيف بتعرف ومن مين بتدري؟؟
مها بخوف: بس المعازيم كثار الا ما يكون احد خبرها
سلطان بتفكير: كل شي بيبين بعد ست شهور اذا ما نزلت للسعوديه معناها صدقتي
سافروا سلطان ومها شهر العسل لاوروبا بعد ما كان موعده ثاني يوم الزواج وتاجل اسبوع بسبب حادثه الرقاصه..العرسان غيروا جو وانبسطوا ..وحاولوا ينسوا التوتر الي عاشوه ويكملوا حياتهم بشكل طبيعي
بعد ست شهور طلع ابو سلطان من بيته عالساعه عشره بالليل علشان يستقبل جوري في المطار ..هو عنده سواقين بس ما حب احد ياخذها غيره خصوصا انه حب يعطيها خبر زواج سلطان بنفسه
وصلت المطار وقبل تنزل من الطياره لبسه عباتها الكتف المزينه هي بالعاده تلبس حجاب وملابس محتشمه لما تكون بامريكا بس خيطت لها عبايه كتف هناك علشان رجعتها للسعوديه
طلبت من واحد من العمال يشيل لها الشنط الي اخذت وقت حتى وصلت وتوجهت لقاعه الاستقبال وشافت عمها واقف وبيده باقه ورد ...راحت له تجري وحضنته بقوه
جوري: عمي رععد وحشتنيي
ابو سلطان باحراج: وانتي بعد ..يلا امشي عيب ترى احنا في الرياض
ضحكت جوري واخذت باقه الورد من عمها ومشوا للسياره..اعطى العامل ميتين وركب قدام جنبها
ابو سلطان: نورتي الرياض
جوري: النور بوجودك عمي حبيبي
سكت ابو سلطان وهو مو عارف كيف يعطيها الخبر
ابو سلطان بحنيه: جوري
جوري وهي تصد تطالع عمها: سم عمي
ابو سلطان: سم الله عدوك يبنتي..انا في شي حاب اقوله لك يا بنتي ومابيك تتضايقين
جوري:....
ابو سلطان وهو يحاول يركز عالطريق : سلطان يا بنتي تزوج مها بنت خالته...
جوري:...
ابو سلطان كمل من دون ما يطالعها: يا بنتي هو صبر كثيير وعلشان كذا عيا الا يتزوج...
طال الصمت واضطر ابو سلطان يلتفت ناحيه بنت اخوه الي كانت تطالع من الشباك وجسمها يهتز واضح انها تبكي
ابو سلطان وقلبه معوره على بنت اخوه: لا تبكين يا بنت اخوي والله ما يعدي ليلي الا وانا ماخذ لك حقك بيدي
اتفتت جوري على عمها وعلى شفايفها طيف ابتسامه:ههههه.. لا تشيل هم يا عم تراني كنت عارفه من زمان و اخذت حقي وتصافينا
التفت ابو سلطان عليها بفجعه: وشهو ؟!..كيف يعني تدرين ؟؟مين قالك ؟؟
جوري: أمل بنت خالي سامي
ابو سلطان ما خطر على باله ابدا هالموضوع
جوري كملت وهي تغمز: بس وش رايك بالمفاجأه الي اخر العرس؟
ابو سلطان ضغط بريك بقوه والتفت بكل جسمه عليها: اي مفاجأه؟!..لا يكون الرقاصه؟؟!!
جوري بغرور: ايه وترى للحين ما برد خاطري.. فوق ما اني رضيت اتزوجه رايح يتزوج علي
ابو سلطان تم ساكت فتره وبعدين انفجججر ضحك...يمكن لو قالت له من البدايه كان عصب بس الحين صار الموضوع من الذكريات المضحكه
ابو سلطان وهو يكمل سياقه: والله انك يا بنت اخوي ينخاف منك ما ينخاف عليك..وانا الي كنت افكر كيف اعطيك الخبر..
ضحكه جوري بدلع: تربايه اخوك يعمي
ابو سلطان بجديه: بس والله ما ظنيتك تجين لو دريتي بهالخبر
جوري: والله يا عمي حسبتها وقلت انا وش بستفيد اذا بقيت معلقه فامريكا فقلت ارجع واشوف اذا عجبني الوضع هنا بتم بين اهلي ووسط ناسي وولدك بحاله وانا بحالي واذا ما عجبني الوضع بهج لامريكا..وقالت بسرها"هذا ما يمنع اني اتسلى بسلطان شوي ههه"..بس عمي تكفا لا تقول لاي احد اني ادري واني ارسلت الرقاصه
ابو سلطان: هههههه..لا تخافين ما بقول لاحد
سكت ابو سلطان وهو يحلف ان ما بيناسب عناد ولده الا عناد بنت اخوه
نزلوا من السياره و دخلوا الفيلا الكل كان نايم نادى ابو سلطان عالخدم ياخذون شنطها للغرفه وودعها وراح غرفته ينام
توجهت لغرفتها والي هي بالدور الاول لانها غرفه الضيوف بينما بقيه الغرف في الدور الثاني
تاملت الغرفه بهدوء شكلها يشبه غرف الفنادق الفخمه ..الاثاث خشب باللون البني الغامق الهدبورد تبع السرير نصفه السفلي بني خشب اما العلوي ابيض عليه خطوط بنفس درجه البني كانها اغصان والسرير عموما موديله واطي وجنبه كمدينتين بايطار ابيض حولين الادراج الزوليه بيضا بخيوط منفوشه ولان الغرفه شكلها مستطيل فكان القسم الثاني فيه كنبتين وحده طويله والثانيه قصيره و قدام الطويله كان في طاوله تقديم زجاجيه مستطيل وقدامها التلفزيون عند الجدار راقت لها الغرفه اما الخدامه رتبت الاغراض بغرفه التبديل
الخدامه: Do you need anything else miss?
جوري: yes please..I want two cheese and vegetable sandwiches
جابت لها الخدامه صينه عليها الساندوش وعصير ليمون ومويه مع انها ما طلبتهم
ابتسمت لها جوري بود وبدأت تاكل وهي جالسه عالجلسه الجانبيه وتتفرج عالتلفزيون ...هي تعرف تتكلم عربي بس ما تفهم كل اللهجات ولما شخص يتكلم بسرعه او يكون معصب ما تفهم كل الي يقوله هذا غير انها تنطق بعض الكلمات بشكل غريب احيانا
خلصت اكل وراحت اخذت لها حمام دافي برغوه زيت الكاكاو ونامت فيه من غير ما تحس
صحت بقلق بعد ساعتين كان اذان الفجر لفت الروب الي يصل للركبه ولفت شعرها بالمنشفه وراحت غرفه التبديل وطلعت لها قميص نوم ستان وردي وروب لانها ناويه ترجع تكمل نومتها بعد الصلاه طلعت عشان تسأل احد عن القبله راحت المطبخ شافت نور الثلاجه شغال وشخص واقف عنده بس المكان كان ظلام حسبته الشغاله وشغلت الليت لكن بس شافت الشاب الطويل البرونزي واقف يطالعها بصدمه طفت الضو بسرعه وهربت لغرفتها
كان متصنم فمكانه ..مين الصاروخ الي كانت واقفه بلع ريقه ثلاث مرات ..هذاي حوريه مو انسيه حالول يتذكرها كانت لمحه..لابسه روب وردي لنصف الفخذ وشعرها الاشقر المبلول على كتفها ماقدر يتذكر ملامحها لانه اصلا مالحق يتاملها
تعوذ من ابليس وراح للمسجد
جوري كانت رايحه غرفتها وهي تضحك على شكله وهو منصدم ..يا ترى مين هذا سلطان ولا فيصل ..يارب يكون سلطان ..هههه الولد انسطل مرره وحده ههههه
شافت الخدامه بطريقها وسألتها عن القبله ..دخلت غرفتها وطلعت جلال الصلاه تبع امها وسجاده ابوها صلت ونامت على الفراش الوثيير ووقتت جوالها على الساعه 12الظهر
قامل على صوت الجوال الي صار له فترة يرن مسكته وهي كلها نوم وشافتها الساعه 12:30 تاففت وقامت توضت وصلت الظهر وتوجهت لغرفه الملابس واحتارت ايش تلبس ..اليوم بتواجه عدوتها..هي ماكانت تبي اعداء لو مها صبرت عليها كان خلت سلطان يطلقها وهي بنفسها بتزوجه مها لكن دام مها حطت راسها براس جوري المجنونه تتحمل الي يجيها
طلعت لها بنطلون جينز غامق وضيق فيه ثلاث ازرار موديله فوق السره وطلعت بلوزه بيضا فيها خيوط عالرقبه وعليها رسمه بوسه خلت شعرها مموج على طبيعته بس حطت له رغوه حتى تعطيه شعور انه مبلول لبست كعب احمر ناعم مفتوح شوي من قدام لبست اساور فضيه بيدها اليمين وباليسار لبست ساعتها جلد بني ..السير نحيف بس الدائره كبيره ولبست اسوارتين خيوط شغل يدوي رشت عطرها المفضل من دولشي اند قبانا وحطت مرطب بسيط على وجهها وشفايفها ..اليوم حابه تهدي اللعب ما تبي تحرق جميع اوراقها اخذت تلفونها من عالتسريحه وطلعت وهي تمشي بغرور تدري ان مافي احد من الرجال في البيت عمها قال انهم يخلصون شغل عالساعه 4 توجهت للمطبخ وشافت ام سلطان حايسه مع الشغالات ترددت تدخل بس بعدين دخلت وسلمت بصوت هادئ وبأدب غريب عن طبعها الجريء: السلام عليكم
التفتت ام سلطان بمفاجأه: وعليكم السلام
تمت تتاملها لدقيقه لحد ما قربت جوري ومدت يدها تصافح ام سلطان
جوري بخجل: السلام عليكم امي ام سلطان ..شكلك ما عرفتيني
ام سلطان حاولت تتدارك الوضع ورحبت بحب مسطنع: اهلا اهلا يا بنتي كيف ما عرفتك ..سلمت عليها وحضنتها وهم ثنينهم ودهم ينتفون بعض هههههههه
ابتعدت ام سلطان وهي تتامل جوري وتقول بقلبها " يا عزي لك يا بنت اختي وانا الي اقول عاديه ومافيها زود اثريها قمر 14 بس والله اخبر شعرها غير لونه وعيونها مو زرق كانهم بحر ما شاء الله"
صحت ام سلطان من تاملها على صوت جوري الي ماسكه ضحكتها: اقدر اساعدك بشي يمه؟
ام سلطان: لا وين تساعديني وانتي بهاللبس ..وبعدين روحي ارتاحي انتي توك جايه من السفر
ابتسمت جوري بود وطلعت
سلطان ماكان عارف يشتغل ابوه تو خبره ان بنت عمه امس وصلت من السفر .. يعني الصاروخ الي شافه اليوم تكون هي الجوري ماغيرها
يا عزي لحالك يا سلطان ..وش السوات الحين..اهه يا ربي لو اني صابر عليها لين ما تجي ومأدبها بنفسي بدل ما تزوجت مها عليها ..
بس لا والف لا دام دخلت هالمعركه لازم انهيها وانا فايز.. والله لاخليك تجرين وراي يا بنت حمد وانتي ما تشوفين الدرب
قاطعه صوت ياسر بشقاوه : عالبركه يعريس ..ما شاء الله كل ست شهور زواجه هههههههه
سلطان بنرفزه : انقلع من وجهي مانيب ناقصك
ياسر بضحك: افا يا ذالعلم ..طيب ماقلتلي بتسوون عرس؟؟
سلطان بغيض : قوم انقلع
ياسر : طيب بتجيبون رقاصه هالمره بعد؟؟هههه
قام سلطان من مكانه بس ياسر انحاش لكن رجع طل من الباب وقال: امانه اذا بتجيبون جيبوها وانا موجود ..ماحس الا بشي يفلع راسه وانحاش وهو فاطس ضحك
رجع سلطان لصمته وقرر ان مافي عرس ولا حفله وهم اصلا مملكين من اكثر من سنه ونص
عالغدى فبيت بو سلطان كانوا كلهم عالطاوله
ام سلطان و وضحى ومها طبعا ام سلطان قالت لهم عن وجود جوري ونبهتهم ما يجيبون طاري ان مها زوجه سلطان ..مها كانت متضايقه مووت هذا من غير الحمل الي تعبها صحيح ان سلطان كان يعاملها مثل الاميره الست شهور الي طافت بس مع ذلك كانت خايفه يروح من يدها
دخلت جوري بشموخ وكبرياء
جوري : السلام عليكم
ردوا السلام ام سلطان و وضحى اما مها قلبها كان بيوقف اجل هذي مره سلطان
جلست جوري وبعد فتره قالت وهي تطالع مها : امم انتي وضحى صح ؟؟
مها وهي ترص على اسنانها: لا انا مها بنت خالة وضحى
وضحى بابتسامه قلقه: انا وضحى
جوري " اجل هذي مها ..ههه والله ذوقك حلو يا سليطين": اوه عفوا..تشرفنا
كانت الجلسه متوتره حاولت تلطفها جوري
جوري :امم انتوا تدرسون ؟
وضحى: ايه انا ادرس صيدله
جوري وهي تلتفت على مها الي تبي تقوم وتدفنها : امم ..وانتي يا مها؟
مها وهي تتصنع البرود: انا وقفت دراسه علشان الحمل
جوري الي تفاجأت من خبر حمل مها..لو تدري انها حامل كان ما رجعت للسعوديه: اوه ما شاء الله انتي متزوجه وحامل كمان ...مرره مو باين عليك
ابتسمت مها بغرور وصدت عن جوري الي ماسكه ضحكتها
ام سلطان: كم عمرك جوري ؟
جوري: 26
انتبهت جوري ان مها استبشر وجهها
جوري: وانتوا كم اعماركم؟
مها بغرور: انا 22 وضحى23
جوري : ما شاء الله وانتي بعد متزوجه يوضحى؟
ام سلطان نطت: لا وين لسا ما خلصت جامعه
مها حز بخاطرها بس سكتت
وضحى تتأففت: ايه بس انا محجوزه لولد عمي ياسر
ابتسمت جوري باستهزاء على هالعادات الغريبه الي فعايلتها وكملت اكلها بهدوء..مها استاذنت وصعدت فوق وبعد شوي لحقتها وضحى
جوري حلفت تنكد عليهم اليوم
خلصت اكل وصعدت وراهم بدون لا حيا ولا خجل ودقت الباب وهي مو عارفه هذي غرفه مين اصلا ..
وضحى ومها استغربوا
مها وهي تحسبها الشغاله: تفضلي
دخلت جوري بابتسامه بريئه : معليش اجلس معاكم؟
وضحى التفتت على مها وهي تترقب ردة فعلها
مها تاففت باسلوب واضح انها ما تبيها تجلس معهم بس قالت : حياك
جلست جوري وهي مبسوطه انها بدأت تطفش مها ..هي تبي خبر زواج سلطان يجي من مها حتى تطلع بدور المسكينه المظلومه ههههه
وضحى ومها صاروا يسولفون مع بعض وما كانها موجوده ..جوري بدات تخاف من هالوضع لان محد من اهلها يعرفها وكلهم يعرفون مها فاكيد انها رح تضطر تحارب لكرامتها لحالها استأذنت عشان تروح للحمام الي فجناح سلطان ومها وانتوا بكرامه
دخلت وعطت ضهرها للباب وهي تفكر وش تسوي في ايامها الجايه هل تنكد عليهم هم الجوز ولا تحاول تستميل قلب سلطان لها وتعيش بسلام ولا تمشي وتكمل حياتها لحالها ..بس هيهات جوري تمشي بسلام ..قررت تنكد عليهم وطبعا لا يخلوا الامر من انها تجنن سلطان شوي .. فتحت شنطتها وبدأت تبعثرها شافت روج وعينه من عطرها المفضل خاصه للشنط وبعض الاغراض الاخرى ..فكرت وفكرت ..اخر شي رشت ثلاث ارباع زجاجه العطر في الحمام وهي تضحك وتركت العطر عالمغسله كأنها ناسيته..تدري ان خياال الرجال واسع وعادي انه يخق على مرأه من مجرد ريحتها..وهذا نفس السبب الي يخلي حرام المرأه تتعطر لغير محارمها
طلعت تجلس معاهم ومها بدأت تافف منها
مها وهي مكشره : ياربي ريحه عطر تصرع الراس
جوري انحرجت لان فعلا كميه العطر الي رشتها مو طبيعيه بس لانها كانت تبي تضمن ان الريحه تبقى فالحمام الين ما يرجع سلطان
وضحى ضحكت وهي تطالع جوري بطرف عينها
جوري بضحكه: اوه عذرا شكلي رشيت زياده عن اللزوم شوي هههه
مها : اففف راسي صدع ..وبخبث قالت : وضحى وش رايك نروح الغرفه داخل لاني مرره انكتمت
وضحى: ايه احسن يلا
وقفوا الثنتين متوجهين للغرفه وجوري وقفت معهم وهم منفجعين من قوات عينها ..يعني كل هالتلميحات و للحين مافهمت انهم ما يبونها
ضحكت جوري بسرها ..وقالت مابرتاح الين ما تقولين لي انك زوجه سلطان
جلست مها عالسرير واسندت ضهرها للهدبورد وجود جلست عالطرف الثاني
جوري وهي تتصنع الغباء: الحين هذا جناحك يوضحى؟
وضحى كانت بتجاوب وتقول ايه لكن مها سبقتها
مها ببتسامه خبيثه وهي تتامل رده فعل جوري: لا هذا جناحي انا
جوري باندهاش مفتعل
كملت مها: ما تشوفين صورتي عالتسريحه هناك؟؟
وضحى طالعت مها بلوم بينما جوري مسكت البرواز بيدها وهي تشوف صوره لسلطان ومها بيوم زواجهم وهو ماسك خصرها وانفه يلامس انفها..الصوره كانت كثيير حلوه وحميميه وسلطان طالع جنتل مان
جوري وهي تتأمل الصوره: انتي زوجه فيصل؟!..بس عمي ماقال لي ان فيصل تزوج؟!
مها كانت مغتاضه من غباء جوري..بس وضحى حاولت تهدي اللعب
وضحى: اي هي زوجه اخوي فيصل
عضت جوري شفايفها كانت منتظره مها تعترف بس وضحى خربت عليها ..لكن مسرع ما تكلمت مها بتهور
مها وهي تبي تقوم تقتل جوري: ليه تكذبين يوضحى ..والتفتت على جوري : اسمعيني يا حبيبتي كويس انا زوجه سلطااااان والولد الي فبطني ولده فهمتي ولا اعيد الشرح؟!
رفعت جوري راسها بصدمه وطاح البرواز من يدها على البلاط وتهشم وحطت يدينها الثنتين على فمها بصدمه مسطنعه: لا..مستحييل..سلطان.. سلطان زوجي واحنا مالكين من سنتين كيف كذا
مها والشرر يطاير من عيونها: لا يحبيبتي سلطان لو يبيك ما كان اخذني عليك ..والحين يلا فارقي ترى جاملتك زياده عن اللزوم
جرت جوري برا الغرفه وبحركه مقصوده داست على صوره عصافير الحب وطلعت تجري لتحت ..وطبعا عشان يكون المشهد درامي اكثر نزلت من الدرج مش من المصعد
ابو سلطان وام سلطان وسلطان وفيصل كانوا في الصاله جالسين يقهوون وسمعوا صوت بكا وجري عالدرج وقفوا يشوفون ايش الحكايه
جوري مرت من عند سلطان الي ما انتبهت لوجوده لا هو ولا اخوه الي كان بعيد وريحه عطرها تغلغلت بانفاس سلطان الي ماقدر يخفي رغبته في تأمل ملامحها وعيونها الي مثل البحر..شافت عمها بوجهها و ارتمت بحضنه وهي تبكي
فيصل صد عنها على طول
ابو سلطان بخوف : خير يا بنتي وش فيك
ببكاء ودموع ما تدري من وين جت هههه: عمييي ...في وحده فوق تقول انها زوجه سلطاااااان
ابو سلطان انفجع ..هي امس قالت له انها تدري ..بس تذكر انها نبهته ما يقول لحد..ضحك بسره "منتي بهينه يا بنت حمد "
مسح على راسها وسلطان عيونه اشتعلت شرار يبي يروح ينتف مها على غباءها
جوري وهي تشاهق: عمي قولي انها تكذب..تكفى قول
ابو سلطان التفت على ولده ونظراته تقول يلا حلها الحين
جوري وهي تتمسكن: ليش ساكت يا عمي ؟
التفتت ناحيه ما عمها يناظر وشافت سلطان وعرفته بس راحت وتخبت ورا عمها
ابو سلطان وهو يطلعها من وراه: جوري يا بنتي هذا زوجك سلطان
جوري بحيا حقيقي وهي لسا ورا عمها: بس يا عمي انا ..ما تعودت كذا
سلطان كان يطالعها بتفحص : مردك تتعودين
جوري وكانها تذكرت: صحيح الي فوق زوجتك
سلطان وابتسامه استهزاء على شفايفه: قصدك مها؟!.. ايه زوجتي وحبيبتي وروحي ..وام عيالي ان شاء الله..
جوري قلبها اعتصر من الالم ..مهما يكون هو زوجها حتى لو ما كانت تحبه مو من حقه يتكلم قدامها عن زوجته الثانيه بهالطريقه .. نزلت دمعه حاره على خدها الناعم وركضت لحجرتها
سلطان ابتسم بتشفي بس للحين ما برد قلبه يبي يكسرها اكثر واكثر هالمغروره ..تحسب نفسها فوق الناس
ابو سلطان بعصبيه: انت شنو ما تعرف تثمن كلامك؟!
ام سلطان ناظرت ولدها بلوم: حرام عليك الي تسويه يا سلطان مهما يكون تراها زوجتك ما يجوز تجرح كرامتها بهالطريقه
فيصل طالع سلطان وهو ماسك ضحكته: معتر يا جوز التنتين ههههه
خزره سلطان الي واقف ومكتف ايدينه ومستند على حافه الدرج كان بيتكلم بس شاف مها الي لابسه شيله وجلابيه حمل و وضحى نازلين من المصعد الجانبي
مها بثقل وهي توقف جنب سلطان: خير حبيبي شصاير ؟!
ابو سلطان طالع ولده بحده وصعد فوق وام سلطان لحقته ونظراتها تلوم مها
سلطان همس لمها: حسابك بعدين
مها خافت وتحسبت على جوري الف مرره
دخلت جوري غرفتها..ما توقعت ابدا انها بتنقهر ..يمكن هذا شعور غريزي عند الانسان يحب التملك ..وهي من صغرها تعودت ان محد يشاركها بالعابها ولا حتى بحب امها وابوها لها ..وقفت قدام المرايا ..ومسحت دموعها بقوه وابتسمت لنفسها على غباءها.. اجل انا تنزل دموعي على سليطين ؟!يخسي ويعقب ..تذكرت نظراته لها وحست وجهها صار احمر من الخجل ..
صعد لجناحه فوق ومها وراه خايفه من ردة فعله
دخل الغرفه وبدأ يفصخ ثوبه التفت على مها يبي يهزئها بس هي ركضت ناحيه حمام الغرفه وقفلت الباب ..زفر سلطان بضيق وانب نفسه مصيرها تدري انه متزوج ومها ريحته وخبرتها اخذ الروب وطلع للحمام الي فالصاله وهو ماشي شاف زجاج البرواز مكسر عالارض ..ما اعطى الموضوع اهميه ومشى متوجه للحمام وانتوا بكرامه
دخل الحمام الي كان مغسلته من النحاس والادراج لونها اسود ..الارضيه مصنوعه من الرخام البيج وتمتد الى الشاور الي بابه زجاجي الدش لونه اسود فخم ..ريحه عطرها تلقته ..واااه من ريحه عطرها انتبه لزجاجه العطر ..هذي مو لمها هو يعرف عطور مها لانه دايم يختارهم معها ..هه اكيد نسته هنا ..دخل الشاور وسبح على السريع وطلع ..وخبى العطر فجيب الروب ..
هو ما يحبها بس معجب فيها كشكل ويكرهها لانها ما كانت تبيه .. بس بنفس الوقت يعترف انه غار عليها اليوم لان فيصل شافها بالغلط ..هو بعد انسان اناني وما يحب احد يشاركه ممتلكاته خصوصا الممتلكات العنييده!! والي يعرف انها قطع نادره وان الكل ممكن تكون عينه عليها !!

دخل الغرفه ومافتح الموضوع مع مها ..لانها من وجهة نظره سوت فيه خير .. بس بنفس الوقت تم صاد عنها لانه يبي يادبها علشان ما تعانده مره ثانيه..
مها بارتباك: سلطان انا..انا ما قصدي الي صار ..
سلطان كان يلبس بدون لا يطالعها:...
مها بقلق اكبر: انا والله ما كنت ابيها تدري ..وحتى شوف خليتها تدخل غرفتنا عشان لا احسسها بشي ..
سلطان:...
مها: هي شافت الصوره وعرفت ان انت زوجي
سلطان اخذ مفاتيحه ومحفظته وطلع ..كان يتمنى يشوفها مره ثانيه بس خاب امله
ابو سلطان بصرامه : سلطاان.. الحقني للمكتب
مشا سلطان مع ابوه بدون نقاش
جلس ابو سلطان عالكرسي الجلد وجلس سلطان قدامه
ابو سلطان بجديه: السبوع الجاي عرسك على بنت عمك
سلطان بلامبالاة: مابي عرس
ابو سلطان بغضب يحاول يكتمه: انا بنت اخوي تتزوج بدون حفلة عرس؟؟!
سلطان بتحدي : وبدون شهر عسل بعد
ابو سلطان بعقلانيه: هذي مرتك و مثل ما سويت عرس لمها بتسوي لجوري عرس
سلطان باستهزاء: ونجيب رقاصه بعد
انصدم ابو سلطان من تعليق ولده وتذكر ان الرقاصه من فعايل جوري ..كبح ابتسامته بقوه وقال: الي تشوفه بس عندي شرط
سلطان عدل جلسته باصغاء: وشهو شرطك ؟
ابو سلطان: تقنع بنت عمك جوري ان مافي عرس
ابتسم سلطان بخبث: من عيوني
كانت فغرفتها جالسه تشاهد Friends للمره المليون وتاكل شبس وضحكها مالي المكان ..سمعت صوت الباب
جوري: ميين؟؟
سلطان بنبره قويه: زووجك
طفت جوري التلفزيون وقامت لبست عباتها وشيلتها الي عالعلاقه جنب الباب وفتحته
جوري بزعل ودلع من ورا الباب: خير وش تبي؟
دف سلطان الباب ودخل وسكره وراه وهو يطالعها بتفحص عباتها ضيقه من الخصر بحزام خيوط وشيلتها الي تلفها بطريقه جذابه..جوري خافت من نظراتها بس حاولت ما تبين..
جوري: خير وش عندك؟؟
مشى سلطان اصابعه عاى شعره الاسود الكثيف بغرور وقال: جاي اتكلم معك بوضوع مهم
جوري وهي تتكتف : ووش هالموضوع المهم؟؟
سلطان وهو يمشي من قدامها ويتوجه للكنب : مو عيب الحرمه السنعه تستقبل زوجها بهالشكل؟!
حط رجل على رجل وهي مفجوعه من جرأته.. توجهت للكنب وجلست قدامه
جوري بغيض: تكلم وخلصني..
سلطان وهو مبسوط انه قدر يستفزها: جاي يا زوجتي العزيزه اعطيك خبر انك السبوع الجاي بتنتقلين لعش الزوجيه..
وقفت جوري باستنكار وهي تتخصر: نعم نعم؟؟
سلطان بثقه: الي سمعتيه ..وترى هذي اوامر الوالد
جوريبقهر : بس انا مابيك ..مابي اعيش معاك حاول تفهم..
انقهر سلطان من كلمتها بس كابر ووقف : هذا امر مو استشاره حتى تبدين رايك فاهمه؟؟
ومشى ناحيه الباب والتفت قبل ما يخرج: واي صح ترى مافي عرس..بتجيني بخلاقينك
جوري باستهزاء: اصلا انا الي مابي عرس ..لان الارتباط بواحد زيك اعتبرها فضيحه
سلطان وهو رافع جابه: وليه مو عاجبك ان شاء الله؟؟ اصلا تحمدين ربك ان حصلتي واحد مثلي يرضى فيك..
جوري وهي تتوجه له بمياعه: بالعكس انت الي يحصلك وحده زيي جمال ومال واخلاق وحسب ونسب وثقافه..وفجأه كشرت وقالت : لكن عيبي الوحيد ان حظي المايل طيحني عند واحد متزوج ومرته حامل بعد
طالعها سلطان باستهزاء: مابي اشوف هالعبايه عليك مره ثانيه فاهمه
وخرج من الغرفه وهو يتوعدها
قرر عمها يعمل لهم حفله بسطه ما يحضرها غير الاهل..
ريناد اخذت رقم جوري من عمها واتصلت عليها
جوري استغربت من الرقم بس ردت
جوري:هالو
ريناد بخجل:السلام عليكم جوري انا ريناد بنت عمتك الهنوف
جوري ابتسمت وهي تعدل جلستها:اهلا اهلا..اخبارك؟
ريناد:الحمد لله تمام يقلبي..الحمد لله عالسلامه
جوري:الله يسلمك
سكتوا شوي
ريناد بارتباك:جوري
جوري:سمي
ريناد:سم الله عدوك..بغيت اقولك انا وبنات خالي وخالتي نبي نجي نشوفك ونتعرف عليك اذا ما عندك مانع
جوري استبشرت ..كانت خايفه انهم ما يتقبلوها: طبعا طبعا ..انا بعد ودي اتعرف عليكم
ريناد ابتسمت:حلو ..ممكن نتجمع قبل الحفله اذا يناسبك؟
جوري: اي اكيد ..
ريناد: ايش رايك نعمل حفله حنه وننبسط
جوري بخجل: بس انا ولا مره جربت الحنه؟
ريناد: ما عليك انتي عروس لازم تعملي حنه ..انا بضبط الوضع انتي لا تشيلي هم
ابتسمت جوري: خلاص اتفقنا



نهايه البارت
ابي اشوف توقعات حلوه😍
كيف بيكون لقاء جوري مع البنات؟
وايش بيصير بحفله سلطان وجوري؟
هل جوري بتنجح في تجنين سلطان من البدايه؟
اشوفكم الأحد القادم🌹

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 13-08-2019, 06:22 AM
Joy Star Joy Star غير متصل
©؛°¨غرامي جديد¨°؛©
 
الافتراضي رد: لم تستطيعي بعد أن تتفهمي أن الرجال جميعهم أطفال/بقلمي


يلا أبي أشوف تفاعل عشان اتحمس اكتب❤

الرد باقتباس
إضافة رد

لم تستطيعي بعد أن تتفهمي أن الرجال جميعهم أطفال/بقلمي

الوسوم
الرجال , اطفال , تتفهمي..ان , تستطيعي , جميعهم
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مختلفه / بقلمي فهد بن عبدآلرحمن .. روايات - طويلة 115 26-12-2017 04:57 AM
لا تتحداني يا ولد ابوك فقدت بسمتي روايات - طويلة 689 12-03-2017 04:41 PM
رد على كل بنت وإمرأة تكرة الرجال ابوو يزيد مواضيع عامة - غرام 10 30-05-2016 08:56 PM
التعادل يحسم ديربي المغرب والنيران الصديقة تحرق الرجاء مغربية حتى النخاع كووره عربية 5 14-04-2015 11:39 PM
الريال يسعى لإستعادة الإنتصارات وبرشلونة يتطلع لمواصلة التألق بالليجا الـ شــــموخي999 كوووره عالميه 3 06-03-2015 04:11 AM

الساعة الآن +3: 12:01 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1