FoFo Queen ©؛°¨غرامي مشارك¨°؛©

البـــــــ الثـــالـــــث ــــــــارت













































اقف مقابل قبرك وبيدي وردة ذابلة تلك الوردة التي اردت ان اهديها لك فاخذك القدر بحادث واهداك الموت قبلي
بقلمـــــــــــــــــــي



جنى وسعت عيونها بصدمة واخذت شيلتها المرمية على الكنبة ولبستها بإهمال وسرعة
محمد مربع ايدينه ويطالعها وتكلم بهدوء : منوو اننتي ؟
جنى بخوف : انت اللي منو شلون تدخل البيت ؟
محمد استوعب : انتي خــــــادمة هنا؟
جنى بذل نزلت عيونها وطاحت دموعها : ايه ..
والتفت واعطته ظهرها .
محمد استغرب وسكت شلون خادمة كذا لااا وبنت حلوة صغيرة والاهم "سعووووووووووووددية " ؟؟!
محمد : هيييي لو سمحتي في احد بالبيت ؟
جنى بدون م تلتفت : رند ..
محمد ابتسم يبي يشاكسها يبي يعصب بها وراح متوجه لغرفتها وطرق الباب
بالغرفة رند تطلع من الحمام توها صحت من النوم : هاا سديم وش تبي ؟
محمد : افتحيي بلا هرج
رند استغربت : محمد ؟ انتظر
وراحت لبست ثوب صلاتها وغطت شعرها وفتحت الباب : اهليييين وش جابك ؟؟
محمد سكت : اشتقت لكم
رند ضيقت عيونها وبضحك : لا يكووووون بس ... وسكتت وقالت بصوت مرتفع شوي : مطرووووووووووود
محمد ضحك : هههههه ساحرة انتي شلون عرفتي او لا يكون الاء الحية كلمتك
رند حست انه صار شي بينه وبين الاء : وكمان مسوي مشكلة مع الاء ..
محمد : كلمتك والله ..
رند : وربي جوالي مقفل من امس الليل وما فتحته ..
محمد : روحي جيبيه
رند راحت وجابته ورجعت
رند : تعال ننزل .
محمد تذكر : الا صح شغالتكم الجدييدة وش اسمها
رند : هاااا سديم
محمد : سديم اسمها ..
رند :م عليك منها تعال ننزل
ونزلت وقعدت على الكنبة وهو بالكنبة اللي جنبهاا
رند شافت 7 مكالمات من الاء
رند : اوو 7 مكالمات من الاء
محمد قام للمطبخ
منيرة تدخل : السلام عليكم
رند : وعليكم السسلام
منيرة : افاا ليه متحجبة منو بالبيت
رند : محمد ولد عمي
منيرة تضايقت من وجود ابن امينة : اهاا

*****************
سأعيش او بالأصح سأتعايش .. سأنسى او بالأصح سأتناسى .. سأبتسم او بالأصح سأتصنع الابتسامة .. فقلبي لقد تكسر بالكامل ولم يعد قابل لان يكون كما كان من قبل
بقلمـــــــــــــي ..

بجامعة *****
هيام تمشي بالجامعة بفرحة وماتصدق انها بتخصصها *طب*
تشوف صديقتها سمر وتحضنها
سمر : شلونك ؟ كيف النفسية
هيام بفرحة وابتسامة ظهرت رغم انها متلثمة
سمر : الله يديم هالفرح تعالي عمري نتعرف عالجامعة ونشوف الاقسام تر ى احسه ممتع
هيام : يله قلبي ...

*************
اللهم الامان لقلبي المتكسر .. اللهم الهدوء للأعاصيف التي بداخلي .. اللهم شفاء لكل الم يبكيني
بقلمــــــــــــــــي

ببيت ابو خالد
الاء قاعده بغرفتها تقرا وردها ..
كملت تقرا حطت المصحف ونزلت الصالة شافت ابوها قاعد يقرا مجلة ويشرب قهوته
االاء : يبه ..
ابو خالد : هلا بنيتي امري
الاء : مايامر عليك عدو .. اقول وش صار على موضوع سفرتي ؟
ابو خالد : شوفين حبيبتي انا بفتح لك معرض بالخارج لكن مادري اي دولة ومتى وكيف وشلون لسه الموضوع مطول حبيبتي ..
الاء : ابتسمت وباست راس ابوها بحب : الله يخليك لنا وما يحرمنا منك ابدا
*************
لن احدثك بالرجولة... ففاقد الشي لايعطيه ..
بقلمـــــــــــــــــــــي

ببيت ابو راكان
سديم كالعادة طفشانة الكل طلع من البيت مافي احد غير محمد هذا الغريب اللي اجى ونايم طوال الوقت م شافته غير لمن اجى ..
منيرة تدخل البيت بسرعة : سديييييييم
سديم تفز من الكنبة : هاا ..
منيرة : هويتي بنار .. تكلمي سنع لا بارك الله فيك بس اقول اطلعين غرفتي سريع جيبين من الدرج الدائري ملف لونه وردي
سديم : اوكي ..
محمد قام من النوم ومشى متوجه للباب فتحه ويشوفها مهرولة لغرفة عمته
محمد : وششفيها مستعجلة ؟ وليه تدخل غرفة عمتي وم في احد بالبيت وراح بهدوء يلحقها وراقب بهدوء
عند جنى دخلت مستعجلة اول م القت بنظرها للغرفة داهمتها دوخة فضيعة وم ككانت تسمع غير : هههههههههههه هههههههههههه وتشوف امامها لوحة تحكم واحد يضغط ارقام محدده وضحك سديم فقدت توازنها وبدت تترنح بالغرفة وتطيح وتقوم وهي ضاغطة على راسها من قوة الالم
محمد مستغرب ومذهول يطالع بصمت ومو فاهم شي ..
سديم(جنى) حست توازنها بدا يرجع راحت توجهت للدرج وفتحته وتدور بين الملفات لقت الملف الملفت بلونه الصارخ " الوردي" واخذته والتفتت تبي تخرج من الغرفة شد انتباههها الصورة المعلقة بوسط الغرفة لصالح وجنبه منيرة وبعدين راكان ورند وريما واخيرا عمر ..

جنى ماتدري ليه ابتسمت ومشت متوجهة لباب الغرفة وكانت تحس انها م تبي تطلع تحس في شي يشدها انها تقعد بالغرفة م تدري ليه لكن قررت انها تطلع وطلعت محمد رجع غرفتة بسرعة وسديم وسكرت الباب ومشت نازلة
تحت عند منيرة
منيرة تتكلم بالتلفون: ههههههههههه بالله عليك والله تستاهل ماجاها .. اانا م اطيقها من يومي
جنى تتوجة لهها : تفضلي
منيرة اخذته ومشت لبرع البيت

بالغرفة فوق
محمد قاعد امام الدريشة ويفكر بالبنت هذي غريبة الاطوار
: احس في شي ليه كانت تترنح وبتطيح من دخلت الغرفة ليه كانت تهذي باسامي غريبة ..
وتوجة لباب الغرفة وفتح الباب وطلع من الغرفة متوجة للصالة

بنفس البيت لكن بالملحق
سديم قاعدة على طرف السرير ودموعها م تدري ليه بطرف دموعها
سديم : اهدددي ي وترددت م تعرف هي من اصلا وقالت
اهدي ي سديم م يصير تنهاري وقامت متوجهة لخارج الغرفة وتعلقت عيونها بعيون اللي يمشي بعجلة
محمد وقف وتم يتاملها وكانه يقول : انتيييييي منو ؟؟
سديم وقفت وملامح محمد وجعت لها راسها
سديم تجلس على الارض ويدها على راسها ضاغطاها
سديم : لااااا اي راسي يمممممة يببببببة
محمد واقف مذهول ماهو عارف وش يسوي لها شكلها يقطع القلب
محمد راح يركض للمطبخ جاب كاسة مي وراح ونزل لمستواهها
محمد : اااا سديم سدييييييم
سديم تشوف طفلة تركض وتشوف دمية تطيح تشوف دم تشوف اكثر من شي مو واضح لكن اللي تتاكد منه ملامح منيرة كانت تشوفها ومتاكدة منها
محمدرش عليها شوي مي
سديم استوعبت وهي حاطة يدها على راسها : احمم . وقامت ركض لغرفتها
محمد وهو على نفس الوضعية وبيبده الماء .. وش صار لها

*********************

عاملني بالمعاملة التي تريد ان تراها مني ..فالسيئة بالسيئة ولست آسف
بقلمــــــــــــــــــي

بالجامعة
هيام : هههههه اي وبعدين
سمارا :تصدقين والله كنت احس قلبي بيوقف لحضتها
لولوة : عاد انا لو تشوفون بس امي عطتني كفففف بسبب البنت والله
امل : اوووو عاد تصدقون نسيت م اصلي ضحى اليوم
سمارا : من جدك انتي فاضية والله
امل بعجب منهم : انتوا م تدرون وش فضلها

بالطاولة اللي جنبهم
بسام يتابع فيلم بجواله
نايف يجي له : يا لغبببببببببي تراك مسختها تتابع فيلم بالجامعة
بسام : اجل وش اسوي اطالع وجهك عاد هذا الناقص
نايف يرمش بعيونه : يب يب
بسام : مااسخ انقلع بس انقلع .
هيام قامت تمشي
وبسام بنفس اللحظة قام
هيام بدون ما تنتبه صدمت فيه من جنب
هيام طاح جوالها ومن الاحراج مشت مهرولة
بسام يطالعها باستغراب واحراج وانتبه على الجوال اخذه ومشى وراها ...

*************
لن يدخل قلبي بعدك أي رجل .. ليس لاني احبك لااا .. بل لان المؤمن لا يلدغ مرتين
بقلمــــــــــــــــــــــي

ببيت ام راكان
رند على السرير وماسكة جوالها
يوسف : اية والححين كيفك ؟
رند بدون نفس : بخير حبيييييييبي
يوسف : ايه
رند : خلاص مافي كلام
يوسف انقهر : رند ترا من جددد ابيك عطيني عنوان واجي اخطب
رند : شوف يوسف خلاص انسى اللي بيننا اوكي
يوسف : رننننننند 3 سنوات وتقولي انسى اللي بيننا رنند انت يبعقلك
رند :باااااااي
وسكرت وطنشت الموضوع تماما ..

****************

هل تركت شيئا لم يفعله الشيطان ففعلته ؟؟
بقلمـــــــــــــــي ،،،

في برلــــــــــيـــــــــن
يمشي ويديه على مخباة جاكيته
ناصر يتامل المارين والرايحين وعيونه اللي طاغي عليهم الحزن ..
ناصر شاف اعلان عن افتتاح معرض للرسم كاول شابة عربية سعودية تفتح معرض في المانيا
ناصر جذبه الموضوع وتاكد ان اليوم حطوا هذا الاعلان لان من كثر م يمر في هذا الشارع هو متاكد انه ماششاف الاعلان هذا من قبل ..


***************
اوجاعي نهضت هذه المرة .. وانا الذي حاولت تسكيينها لسنين ...و للاسف لم استطع
..!
بقلمــــــــــــــــي ،،،

اليوم الكل اتفقوا انهم بيسووا طلعة للبر وكان المسؤول على العزيمة ابو خالد بما انه بيبلغهم بموضوع الاء اللي مسويه مفاجاة للجميع حتى ل الاء ..
الساعة 7 الفجر
ببيت ابو راكان
ريما : يلة عمر
عمر : حمااااس حمااااااس
ريما تضحك : ايه حماس حماس
ونزلت للصالة وكان الكل منتظرها
ابو راكان : هاا خلاص جاهزين ..
: ايه ..
ابو راكان : يله بسم الله

ببيت ابو خالد
محمد : يممممه ترى م يصير وين شميزي الاسود
ام محمد : لاا عاد حتى شميزك علي انا ؟؟
محمد : يمه ابيه ضروري
ام محمد : ترى ماهي مشكلة خذ شي غيره الدولاب مليان
محمد : لاحووووووول بس ..
الاء : امي وش دخلها تسالها .. امس كانت لابساه مثلا
محمد : وخري قبل لا اضربك الحين واكسر لك عضو
الاء : انت اقرب بس ..ترى هييييي م يحق لك تمسني .. فاهم
محمد : يمه سكتيها
ام محمد : خلاااااص وين احترامي هااااااا بزران انتوا توكم ؟؟ احترمون انفاسكم يله وامشون تاخرنا
حلا: ماما ماما انا جاهزة
الاء : ههههههي بايخة تراك منو جهزك
حلا : انا
الاء : كذابة من يومك ..
ام محمد : بسسسسسس

ببيت الجده وصلوا ابو فارس وابو راكان ومنتظرين ابو خالد وبيتوزعوا وبينطلقوا ..
وبالصالة
فارس يجي من جنب الباب : يمة ترا وصل عمي ابو خالد
ام فارس : يلة ي جماعة
رند : بنات وش رايكم نطلع مع خالد حنا البنات تراه وناسة
ريما :ايه والله
ام فارس تجي : بنات حببيباتي بتطلعون مع فارس يله منتظركم .
ريما فتحت عيونها بوسعهم : ا..أ. اوكي اوكي
رند خبطت راس سندس : ضاعت خطتنا
ريما : تراك بايخة خالد او فارس ترا كلكم اولاد عم وكلهم زي بعض
ريما : امشون بس امشون

نبدا بتقسيم السيارات
سيارة ابو راكان
ابو راكان ومنيرة ومعاهم عمر وسديم وخدامة ثانية واغراضهم وشنطهم ..
سيارة ابو خالد( الخدم اللي بيروحون هم خدم ام راكان بس ..يعني ماله داعي زيادة)
ام خالد وحلا ومعاهم شنطهم واشيائهم اللي يحتاجوها ..
سيارة ابو فارس
ابو فارس وام فارس ومعاهم الغداء لانهم اول يوم م بيطبخوا ولا بيذبحوا
سيارة فارس
سندس جنب اخوها ووراها رند وجنبها الاء وجنبها ريما
سيارة خالد
نواف جنبه ووراه محمد وجنبه راكان
بمر لكم على كل سيارة ونشوف الجو
منيرة : طيب وش عليك انت عليه
صالح : منيرة تراه اخووي
منيرة : ادري انه اخوك .. بس حتى ولو ..
سديم ساكته تطالع شخصيتها ومستغربة ان في ناس كذا قلوبهم قاسية ما يبون الخير لاحد وحتى لاهلهم !!

وبسيارة ابو خالد
امينة : طيب م اخترت غير المانيا
ابو خالد : ايه بس هاا انتبهي احد يعرف كلمتك عشان يكون عندك علم
امينة : اوكي ..

بسيارة ابو فارس مافي غير صوت استغفار ام فارس وصوت القران المنخفض نوعا ما ..
وعند البنات
سندس : فارررررس افتح شي سنع بالله عليك وش ذا ؟؟
فارس : اللي عنده شي سنع يفتح بلوتوث ويسوي اقتران ورونا سناعتكم ..
رند فتحت البلوتوث وسوت اقتران وتدور اغنية فتحت قومي رقصي " ميريام فارس "
فارس : بالله وش ذاااااا الحين حقي مو سنع وحقكم سنع
ريمابصوت اشبة بالهمس : انا بفتح وفتحت حبني بجنون " سيف نبيل "
فارس بدون شعور طالع المراية واتفاجا بريما تطالعه من قبل
فارس نزل نظره وكمل طريقه
رند بصوت شبه مسموع : ريما ريما نعتبرها رسالة هااا وغمزت لها
ريما عطتها نظرة: اووص ي حيوانة
فارس سمع واستغرب : وش رسالته؟
وبعد الموضوع من راسه
الاء : رند نمتي زين ؟ شكلك تعبانة
رند بكذب ابتسمت : هااا ايه نمت الحمدلله زين .
الاء : كوني اهتمي بصحتك .. شكلك تعبان ..
رند : مم انحرم منك ..
سندس : انت الغلاا .. وتغني
فارس : سندس اسكتي .
سندس ابتلعت : اوكي .

العيال : صدمة عمر مرت علي ولا حسبت حسابها
محمد : يالله دخيلك يا ولي مدري وش اللي جابها
راكان : دنيا تدور لزعلي صكت ف وجهي بابها
وكملوا وناستهم ..

*****************
" كن لنفسك كل شئ " .. انت السند .. انت القوة .. انت الملجأ لروحك لحياتك لحزنك .. انت كل شي لنفسك " بقلمـــــــــــي..

وصلوا البر ونصبوا خيامهم
البنات دخلوا الخيمة المخصصة لهم
عبارة عن خيمة للشباب وخيمة للحريم وخيمة فيها ادوات الطبخ وهذي الاشياء
رند بحماس : بنات انا بروح العب على الرمل
الاء : هههههه ترا الشمس فوقك
رند : عادي بسوي واقي
الاء : مو عل قصة الواقي راسك بيعوورك
رند كشرت : طيب .. ورن تلفونها
رند قامت واتجهت للثمتها ولبستها بسرعة وطلعت من الخيمة
الاء : ووي وين برتوحين شفيك ..
وسكتت تفكر وبداخلها : لا جدد البنت مو طبيعية في شي وانا بعرفه ..
رند: هلا ياسر شخبارك ..
ياسر وهو يسوق السيارة : حبيبتي انتي .. كيفك شخبارك
رند بفرحة : الحمدلله
يااسر : عسى خير وش هالفرح
رند ببسمة : طلعنا البر تخيل
ياسر : وانا اليوم طلعت ربعي سبقوني ومنتظريني ؟؟ انتي وين طيب
رند توهقت : هاا .. اا ..ْءء تراني امزح وشفيك صدقتني
ياسر عرف انها كذبت : اهاا تصدقي صدقت
من بعد مسافة خطوات تمشي تطقطق على جوالها تبي الاشارة تطلع " التغطية الخطوات تقرب تقرب وتشوف اللي جالسة على مكان عند السيارات تتكلم
رند : هههههه لا حبيبي كذب ترا .. المهم .. اشتقت لك
ياسر : وانا ا... تحس بيد تاخذ التفلون بقوة من اذنها لدرجة عورتها
رند بخووووووف التفت

***************
حتى عندما اعتقدت انني نسيتك انت اول من يخطر ببالي دائما...
بقلمــــــــــــــي ,,,

وعند الحريم
ام فارس : اية والله من زمان على الطلعات هذي .. الله يرحم شمعة كانت اكثر وحدة تتحمس للطلعات هذي
ام ركان :غصت بالمي : كح كح كح
امينة تخزها : اووف منيروة حبيبتي .. شفيك ..
منيرة بقوة من برع وترجف من الداخل : امم .. وش دخلك .. غصيت بالمي ..
امينة تكلم ام فارس : ايييييييه والله اشتقنننا لشمعععععة " وشدت على كلمة شمعة "
سديم دخلت الخيمة على اسم شمعة
سديم تحس لها فترة بشعور خنقة وتعب ماتدري ليه وقفت للحظة والاسم ينعاد بذاكرتها وقاعد يدور مثل الدوامة : شمعة .. شمعة
منيرة : سديم وين القهوة ..
سديم : الان بجيبها
ام فارس باعجاب : ماشاء الله وين لقيتي خدامة كذا جمال وبعد كلامها مو مكسر وماشاء الله شغلها حلو شكله
منرة بتلعثم : هااا .. اقول . اصلا هذي صديقتي سافرت الهند وخدامتها ما كانت تدري وين تحطها انا اخذتها .. وبس
ام فارس : ماشاء الله وكم تعطينها
منيرة : عاد حتى هذي تبين تعرفينها
وغيرت الموضوع .. انا بقوم اشوف البنات

***************
*وهل صنعوا دواء لإمحاء كل الذكريـــــــــــات
بقلمـــــــــــــــــــي،،،

وعند رند التفت بصدمة وتحس نفسها مو قادرة توقف
نواف وعيونه حمراء وضاغط على اسنانه : تكلمين منو يبنت عمممي ؟ " وشدد على بنت عمي
رند بخوف وعلى طول طاحوا الدموع : ن . نن .. نواف .. الله يخليك وسكتت ما قدرت تتكلم
نواف جاء بيتكلم لكن رن جوالها برقم
نواف اشر لها تسكت وفك السماعة
يوسف : هلا رند قلبي ..
يوسف : الوو ؟؟ رند رنودتي
نواف م قدر يتحمل اكثر سكر السماعة ورمى التلفون على يدها وسقط بالارض
رند مسكت يدها وبصرخة مكتومة : ااااي
نواف :كذا تجازي حبي اللي بدا ينمو ويكبر ي رند .. كذا ي رند .. رند انتي ناسية انتي بنت منو ؟؟ انتي منو ؟؟ انتيييييييي شنوووو لية تسوين كذا
رند لفت معطياه ظهرها وكانت تشاهق وتبكي ..
نواف بقهر : اسمعيني ي رند .. افتحين اذانيكي انا بعرف كيف اربيك لكن مو الحين .. لا صرتي حـــــــــــــــــلالـــــــــــــــــــي """ بعرف شلون ادبك..
رند ما استوعبت اللي قادر يصير غير انه كشفها مع اثنين اولاد .. وهو اللي عرفت عن طريق الاء انه بدا يحبها .. شلون كذا وهي كانت تتخذ الطريق هذا للعب فقط .. م اتخيلت في يوم من الايام انها تنكشف او يعرف احد والمصيبة من اللي عرف " نواف " م غيره .
طاحت على ركبها للارض من صدمة كلمة " حلاااااالي " صح نواف م فيه عيب والف من تتمناه بس م بهذي الطريقة .. شلون يتزوجها وهو كشفها ويشوفها بنت مو محترمة .. شلون تتزوجه تتمنى تمووووووت كانت
لكن هي تحصد " ثمارها " اللي زرعتها في يوم من الايام ..
مافيك تزرع صبار تطلع لك وردة ..

********************
*يارب ادخله جهنم ليحترق فيها .. كشعوري وانا احترق في هذا العالم .. ليذوق مااذاقني اياه ...بقلمـــــــــــــــــــــــي ,,,
عند البنات
قاعدات في خيمة من الخيم
الاء: من هو الحيوان اللي ياكل م يشبع
البنات : سندس ..
سندس تضحك معاهم : ههههههههههههههههه تف علييييييكم تفف تتف
الاء : الا جد بنات
قطع حديثهم دخول رند اللي شكلهاحالته حالة عباييتها مغبرة ودموعها على خدها
الاء قامت تركض : رنددددددد..
رند طاحت على الارض وحضنت الاء بقوة
الاء خافت : وش فيك .. رنند حبيبتي
رند : غلللللطت ي الاء .. وتبكي وتبكي
سنددس وريما خايفات
ريما قامت لاختها : رند حبيبتي شفيييييييك
سندس تحذرهم :بنات عمتي منيرة جايية
رند قامت بقوة وخوف راحت لركن الخيمة والبنات راحوا وسووازي الدائرة على اساس انهم يتكلمون
منيرة : ريما حبيبتي وين عمر
ريما : عند محمد والعيال اعتقد
منيرة : اهاا انتبهون على اخوكم .. ومشت
الاء تنفست بقوة : الحمدلله م لاحظت
رند بهدوء بداو عيونها يدمعوا وينزلون دموعها بصمت
البنات تنهدوا يدرون برند م بتتكلم الحين ابداا

***********
هل هنالك شخصا ترمي عليه كل حملك وهمومك .. فيحملها لك لتنام انت بكل نومك .. وتستيقض وتراه مبتسما رغم المه من همومك فياخذ بيدك ويذهب بك الى مكان ليفرحك فيه .. وهو مثقل من همومــــــــــــــك ...
بقلمـــــــــــــــــــــــــــــــــــي ،،،


وعند بطلتنا سديـــــــــــم بالمطبخ تشرب مي وتفكيرها 24 ساعة مشغول ومو صافي
تسمع اصوات وضحكات وناس يمشون
حرمة حلوة تركض لواحد رجال : صالح حبيبي صاالح تعال
وتشوف ولد يجي : جنى تعالي نروح نلعب يله
سديم رمت الكاسة من يدها وحطت يداتها عل راسها وضغطت عليه وبدات تتالم
: اااااااي يمه لاااا صالح تعال لا تضربها لا لااااااااا

محمد اللي كان متربع على الباب دخل وبصدمة قرب منها و



انتهى الجزء الاول من البارت الثالث انتظروني في الجزء الثاني من البارت الثالث بكرة بإذن الله..


FoOFo Queen

FoFo Queen ©؛°¨غرامي مشارك¨°؛©

البــــــ الثالث ـارت


ملاحظة : ما احلل اي احد او اي مصدر ينقل روايتي " غرفة الاسرار " دون كتابة اسم الكاتبة : FoOFo Queen

محمد قرب منها بخوف : سديم .. سديم
سديم طاحت على الارض وتصيح " تبكي " صياح يعور القلب
محمدباستغراب وخوف :طيب ممكن اسالك
سديم طالعته وعيونها مدمعة
محمد : وش قصتك .. الكل اتفاجا بيوم وليلة وانتي عند عمتي منيرة .. طيب مو مشكلة .. وش حكايتك دايم تدوخين ؟؟ وش فيك دايم تمسكين راسك وتتمتمين بكلمات غير مفهومة
جنى م تعرف ليه تكلمت وكانت غلطة بس تحس انها تكرررة منيرة وتبي تتكلم : اصلا اانا فاقدة الذاكرة وراسي دايم يعورني
ريما بالصدفة مرت وسمعت محمد يتكلم مع الخدامة واستغربت وظلت تسمع ..
محمد باستغراب : فاقدة الذاكرة شلون يعني انتي من متى وتشتغلين
جنى بقوة م تدري من وين جاتها بس تعبت من الهيانة من حياة الذل ومحمد فتح جروحها : انا مو خاااااادمة .. انا بننت طبيعية مثلي مثل اي وحدة بالعالم . استغلوا اني فاقدة ذاكرتي وجابوني خادمة ..
محمد بصدمة : انتي متاكدة
سديم ودموعها على خدها : ايه ايه .. والتفت ومسحت دموعها : اتمنى محد يعرف بالموضوع ابي اسوي شغلي .. مافيني حيل انطرد واتبهذل بالشوارع .. جزاها الله خير انها ضفتني ببيتها وحتى لو" وسكتت وبعدها نطقت ": خدامة
محمد : بس ..
سديم : اووش خلاص ي ريت تطلع عشان محد يشوفنا
ريما تسمعهم من الصدمة هربت ققبل لا يطلع محمد ويشوفها ..
ريما وقفت مسافة بعيدة عن الخيم وقعدت على الارض وتفكر بصمت
: امي شلون كذا ؟؟ يمكن تكذب .. لا لا م تكذب لو كانت تكذب م كانت تتوتر دايم واصلا كلامها صح حللوة وجميلة وصغيرة وسعووودية شلون تشتغل وكل م نسال امي تقول صديقتها وصديقتها ..
طالعت يدها وشافت الكتاب اللي قالت بتقراه ونست .. فتحت الصفحة 254 وبدات تقرا على مكان م وصلت
: وانتي بس عالكتب .. قومي ادخلي مو هني
ريما التفت : لا ماابي .. تعالي اجلسي جنبي
سندس : ترا فارس اتصل لي وقال تعالي برع ابيكي ..
ريما : لااا يبنت والله قلبي بيوقف . .روحي كلميه مكان ثاني
سندس :قولي آمين ..
ريما : آميييين
سندس: تكونوا من نصيب بعض
ريما : علمي اخوك فارسووووه ال وسكتت
سندس : هههه ال شنو ولا م تعرفي تسبي حبيب القلب هاااا
ريماوعيونها معلقة على الشخص اللي ورى سندس : ......
سندس التفت وشافته واقف يطالعهم وملامحه ماتدل على شي
ريما متوترة من عيونه اللي تطالع عيونها ....
فارس : سندس ..ءء ابيك شوي تعالي
سندس بجمود وخوف : هاا ..
فارس تكلم بكلمة بس : من متى ؟
سندس م تدري عيونها دمعت : فترة طويييييييلة ي فارس .. طويلة
فارس : ليه م تكلمتي ؟؟
سندس : وش اقول لك .. فارس ريما تحبك .. ؟
فارس : وان كنت م عرفت واستمريت م احس وخلاص وش بيصير
ريما بصوت مليانه الغصة وعيونها الوساع اللي جمالهم يفتن فيهم لمعة من الدموع : بواصل حياتي .. صحيح م بنساك .. بظل احبك بنفسي بداخلي بتذكرك بمسك على قلبي وبسكت ..
فارس قد ايش كبرت بعينه وحس بذنب م يدري ليه .. مشى متوجه لجهة الخيم
ريما حضنت سندس وبكت كان مزيج مختلط مابين فرح .. حزن .. قهر والاهم حـ و ب ... " حب "

**************
ادامك ربي لي نبض وشريان لا ينقطع ابدا ...
بقلمـــــــــــــــــــــي،،،

هيام بالبيت قاعدة على السرير ومتوترة : الو امل
امل : هلا قلبي
هيام : مصيبببببببببببببببة ي امل
امل : وش خرعتيني
هييام ببكى : تلفوني م ادري وينه
امل : وشوووووو ؟؟ كيف م تدري وين
هيام : امل شاسوي
امل : مقفل اهم شي
هيام : اي بصمة
امل : خلاص الحمدلله
هيام : بس خايفة
امل : اهدي ي قلبي.. صلي ركعتين وهدي نفسك واقري قران واستغفري بنية ..
هيام تبكي : اوكي اان شاء الله ...
امل : واحنا بكرة بنروح ونشوف ونسال عنه
هيام : طيب

****************
*اتسوى الدنيا بعد عبوسك شي ...؟
بقلمــــــ,,,ـــــــــــي

في البر على الليل الحريم ناموا من بدري
البنات قاعدات برع الخيم وعاملين زي الجلسة ويتكلمون ويطقطقون
رند ابد مو معاهم تفكر
ريما مسويه نفسها طبيعي وهي بداخلها تشتعل
الاء : طيبيب بنات تراني طفشت ابي شي
سندس : ابي اكل
ريما تتعدل بجلستها : وش رايكم نشوي
البنات : فكرة
سندس : انا السلطة
رند : وانا بتبل الدجاج وبجهزه بالاسياخ
الاء : وانا معاكي
ريما : وانا علي النار والشوي
الاء : سندس ترى عيب سوين انتي العصير ..
البنات : يله قومون

عند الشباب
فارس قاعد على جواله ونظره على الارض يفكر بموضوع اليوم
: شلون م فكرت انها تحبني .. دلخ انا ولا وش
وتذكر يوم ما اتصلت ريما وهو رد
ودارت بينهم هالمحادثة هو واخته ..
فارس : وانا شيدريني يعني ... شفتيني بعقلها ولا بقلبها
سندس بتسرع : بقلبها .!! وشهقت وحطت يداتها على فمها
يوم ردت على التلفون
فارس : م كانت ترد علي وتتم ساكتة وتفكر وكلام سندس دلييييييييل بس انا م فكرت .. واليوم فتحت الاغنية رسالة والدليل كلام رند لمن كلمتها ورفعت عيوني شفتها تتاملني وهذي مو اول مرة .. ااااااه والله وكبرتي ي ريما وصرتي تحبيني .. ااه بس والله م تصيرين لغيري يريما لو يصير اللي يصير .. صبرتي وانا بقدر صبرك..

***************
* ايا سارقا قلبي اعده الي ان تكرمت ...
بقلمـــــــــــــــــــــــي،،،

ببيت ابو هيام
باحدى الغرف
قاعد على السرير وتفكيره عندها ..
يوسف : اااااااه ي رند وينك .. ليه تغيرتي علي لييييييه .. وش صار
" وفكر " ليه م ادق لها الحين
ييوسف فتح التلفون ورن

عند نواف
نواف : ايه والله ي محمد
محمد : وبعدين انا..
نواف قطع كلامه الاتصال اللي جاه
واف تذكر ان جوال رند عنده
نواف قام : استاذنكم شباب
نواف طلع من الخيمة وكل الحقد تجمعت لصاحب المكالمة
: نعم !!
يوسف : احمم ...
نواف بصوت حاد : اسمعني لا عاد اشوفك ترن على جوال " مرتــــــــــــــــــــــي" ولا بجيب خبرك
يوسف : عفوووووووووا
نواف : رند مرتي وابعد عنها فاهم
وسكر
يوسف طاح التلفون من يديه وسقط مغميا عليه !!
فحبه لها حب " حقيقي " يصعب تواجده في مثل هذه الايام .. احبها لسنوات حب حقيقي وينصدم بانها " مرتببببببطة "

***************
*امن تراب انت مخلوق ام من قطع سكر ...؟؟
بقلمـــــــــــــــــــــــــــــــــــــي ،،،

وبالبر عند البنات
ريما م عرفت تولع النار
سندس : ريما انتبهي تحرقين
ريما بتوتر : م عرفت
سندس رفعت جوالها : ها هلا .. اسمع تعال ولع لنا النار .. هاا .. لاا لاا اوكي
: نواف الحين بيجي يولع
بعد دقيقتين يمكن
نواف يجي لهم بابتسامة : وش ناويين تسوون خيانات بالليل هااا
سندس : لا تخاف عملنا حسابكم ترى
نواف ابتسم : الله يخليكم لنا تطبخون بس
سندس كشرت : اسكت بس لا يكثر
رند تسمع صوته مو قادرة تطلع .. وشلون تطلع
ريما عند البنات : وين رند الدجاج معاها قلت لها تلحقني ..
نواف اول م سمع اسمها نظره توجه للخيمة اللي فيها معدات الطبخ ويطبخون فيها على طلعتها نواف ناظرها بنظرة ممزوجه بالعتاب .. الحب .. الاهتمام .. م عرفت تفهمها على طول لمعت عيونها بدموع ماخفت عليه
نواف : ولعتها .. لو تبون شي كلموني انتبهون تحرقون ..
وقرب بحركة مقصودة لرند
لدرجة انها انكمشت ورجعت خطوة وهو قرب بزيادة بس واتخذ الدجاج عذر وشاف الدجاج اللي حاملته : شكله مشهي
رند ساكته وعيونها عل الارض قربه يوترها
سندس : هههههههههههههههههههههههه من الحين ..
نواف : هاااا كثروا لنا امو بخل
سندس تدفه : انقلع بس

************
* مااجملها حين تبدا بابتسامه خجل وتنتهي بفستان ابيض ودبله تزين يسارها ...
بقلـــــــــــــــــــــــــــــــــمي ،،،

وبعد ساعتين البنات كملون كل شي وقسموا للشباب
اجى محمد يمشي : رند جيبين الصحون
ريما قامت بحكم انها الاقرب للصحون وعطته العصير
ورجع عطته السلطة والدجاج والتوابع والصوصات
ريما : يله تعالوا ناكل
وكانها تتذكر : وين سديم
رند : شفتها بالغرفة تكتب مدري وش
ريما يعني مو نايمة
رند : لا
ريما قامت ودخلت الخيمة وراحت لها
سديم غلقت الدفتر : تبين شي
ريما : سديم حبيبتي .. تعالي اكلي معانا واتونسي ووسعي صدرك شوي
سديم باحراج وتردد : لاا .. الحين مو وقت احسه .. فشلة
ريما بحب : لا ولا فشلة ولاشي يله تعالي..
سديم اخذت جلالها وقامت بفشلة وتردد ...
ريما طلعت للبنات وبيدها سديم
سندس : ريما تعالي يله انتي وسديم."". وابتسمت
رند والاء وسندس م استغربوا لكن ابتسموا
سديم ارتاحت نوعا ما
ريما الموضوع اللي سمعته اليوم بالمطبخ شاغل بالها وتبي تتاكد من صحة الخبر


عند الشباب
محمد : اممممم والله والبنات طلعوا دواهي
خالد : الحين يوم صاروا يطبخون صاروا دواهي
محمد : ههههههههههههه مو كذا يعني والله طعمه مره حلوو
فارس :ا كل اكل بس ..
محمد : بالله مو حلوو
فارس : طيب منو قال مو حلو ..
الشباب : ههههههههههههههههههههههههه

***********************

*اتدري مالغريب اني عندما اراك لااستطيع امساك نبضات قلبي من العزق سريعا ...
بقلمـــــــــــي

وفي اليوم الثاني
رند مو قادرة تنام طول الليل تتقلب وقامت 5 الفجر.. بعدت لحافها بهدوء ولبست عبايتها وشيلتها ولثمتها وطلعت من الخيمة

رند طلعت وتمشي وكان منظر شروق الشمس خورافي ما يعوووووووض

نواف نايم بالخيمة يضايقه صوت التلفون اللي يرن
راكان بانزعاج : ترى برميك انت والجوال اطلع رد او سكره وخلاص
محمد : بتخلينا ننام اسكت انت وتلفونك
نواف اخذ جوالها وطالع الرقم الغريب شد انتباهه وبتفكير : معقول واحد جديد .." قام وطلع من الخيمة باهتمام "
نواف يمشي منزعج ورد : الوو
: سلام معي رند
نواف تنفس بفرح انه مو ولد واستغرب بهذا الوقت وش تبي
: لا معك اخوها
: اهاا راكان شلونك
نواف ابتلش وش هالنوعيات البايخة : الحمدلله
: وانا بخير واسال عليك
نواف استغرب وش الجرأة وقلة الحياء وسكر بوجهها فيه نوم يبي يرد الخيمة الا انه لفته اللي تمشي وشكلها سرحانة وعرفها من هيئتها ..
نواف راح يمشي لها : رند
رند من سمعت الصوت توقف قلبها وشهقت بقوة
نواف خخاف : بسم الله اهدي ترى مو الوحش انا نواف ..
رند بهمس : ي ريته الوحش
نواف انجرح وما بين : افتحين يدك
رند بخوف : هاا
نواف : من قال هاا سمع
رند بتردد مدت يدها بخوف
نواف حط التفون بكفها من غير ما يلمسها ..
رند طالعت جوالها : م ابيه
نواف : مرة ثانية لا تكونين تصورين فيه
رند فهت وبصدمة :هاا .. شفت صوري
نواف ابتسم : ايه ..
رند دمعت وبكت .. صح الموقف تافه وما يستحق البكاء ولا الصياح لكن هي متحملة من امس والموقف هذا فجرها
رند تبكي بصمت
نواف كشر : لا لا ليه الصياح
رند : ........... تبكي وبس
نواف ابتسم : ترى م شفت الصور ولا شي بس اغلب البنات يتصورون وانتي اكيد تتصورين لانك من زمان تحبين تصورين نفسك .. تذكرين عشان كذا قلت بقول وانتي ما صدقتي على طول تصيحين ..
رند ابتسمت على الذكرى

قبل سنوات
رند وبيدها كاميرا : الاء تعالي نتصور
الاء تركض بفستانها الوردي اللي نفس فستان رند : يله يله
نواف يمشي : وانا ابي
رند بضحكة اسرت قلب نواف : هههههههههه لا انت ولد ما يصير
نواف كشر : وليه
رند :خلاص تعال تصور
وقربوا من بعض وتصوروا
رند رجعت للموقف ويد نواف تتحرك امامها يمين شمال
نواف : ياهووووو وين سرحتي
رند دمعت عيونها من جديد
نواف بخوف : خلاص خلاص .. بتصيحين صح .. انا بروح اكمل نومي اتصالاتك ازعجتني
ومشى يبي يروح وقفته الكلمة اللي صدرت من رند
رند : انا ما ابيك تتزوجنـــــــــــــي ..

انتهت التكملة اشوفكم الاثنين ببارت جديد .. >> انا كريمة شفتوا نقصت لكم يوم .. احمم احمم ..

اشوفكم بالبارت الرابع ..

FoOFo Queen




FoFo Queen ©؛°¨غرامي مشارك¨°؛©


FoOFo Queen




البـــــ الرابـــــع ــــــارت

ماذا عن الذكريات التــي تداهمنــا بأخر الليل ؟
أنحاول تناسيـــــــها ونمثل بأننا سعاداء ؟
أم نبكي معها ونموت ونحن احيـــاء ؟
بقلـــمي ،،،

وعند رند : انا ما ابيك تتزوجني
نواف بصدمة من الكلام اللي سمعه وقف مكانه وتكلم بدون مايطالعها : بتتزوجيني غصب اذا ..
رند بقهر منه وبتبدا تصيح : لااااا مافي شي غصب .. انا ماابيككك .. نواف : ليه اذا ماتبيني تبين منو ؟؟
رند : اءءء.. قاطعها نواف
نواف : ترفضين ابن عمك عشان منو ؟؟
رند كانها فهمت انه ينغزها واقتهرت : مو عشان احد انا مااا..
نواف يقاطعها وبحزم وبحة وبعيونه نظرات عتاب : عشان يوسف ؟
رند فتحت عيونها بقوة وبصدمة : تعرففففففه ؟؟
نواف ضحك لانه تاكد ان كلامه صحيح: هاا .. عرفت خلاص ماتبيني عشانه
رند ماانصدمت لانها تبي يوسف انصدمت كيف عرفت ان فيه ثاني وبعد اسمه يوسف : نواف اسمعني
نواف : لا بسمع ولا اشي خلاص ماابي اسمع..ماابي اقول النفس عاافتك يابنت عمي مابي اقول لاتجبريني اقولها
رند دموعها تطيح بدون أي صوت : ابي افهمك
نواف شافها بعتاب ومشى متوجه لخيمته
رند مسكت راسها : ااااااه يارب اااه قمت ابي اونس على نفسي طينتها بموت والله بموت

*************

أشعر وكان جبلاً سقط على جسدي وكأن صخرةً كبيرة تحطمت على قلبي .. وكأن كل شهب ونجوم وكواكب الكون تحطمت وتفجرت بكل اجزاء جسدي .. لقد تعبت .. فبكيت .. فتألمت .. فيئست .
بقلــــــــــــــــمي ...

وصباح اليوم التالي

هيام طلعت من الحمام بعد مااخذت شور وشافت التلفون الارضي ( الهاتف ) منتظرة أي مكالمة من امل اخر شي امس كلمتها على موضوع جوالها ...
هيام : كيف نسيته وين ضاااااع اووووف بس من وين الاقيها او من ويين >> وتوجهت لخزنة ملابسها لبست جينز سماوي وشميز اسود وتوجهت لتسريحتها تكحلت وتمسكرت وسوت قلوص ترابي وعملت شعرها كعكة ورفعتها لفوق وتوجهت لعبايتها لبستها واخذت من عطرها ورشت فوق 9 رشات واخذت شيلتها ربطتها واخذت لثمتها بيدها وشنطتها وطلعت من غرفتها ...

بالصالــــــة

ام هيام : حبيبتي تعالي افطري
هيام تروح لامها بابتسامة : اوكي ..
ام هيام تشوف شكل بنتها كيف طالعها وشمت ريحتها والعطر اللي ينشم من على بعد مسافة وسكتت
" كلكم راعٍ وكلكم مسؤول عن رعيته "
بعد ماكملت تاكل
: يله بطلع يمه
وتوجهت للمراية لبست لثمتها ووسعتها لين صاروا اغلب حواجبها طالعين ولبست كعبها الاحمر وطلعت !!
ام هيام ابتسمت : الله يحفظك يا وحيييييدتي ..

*********************
عزيزتي الفتاة اجعلي قلبك مغلق.. لا تفتحي قلبك لغير نفســـــك .. إحذري ان تسلمي مفتاح قلبك بيدك الى من لا يستحقه .. فيفتحه ويعبث بقلبك ويبعثره ويمشي منتظرا منك أن تلملمي قذارته وبقايا أثره ...

بقلمـــــــــــــــــي،،،


بالبر
امينه : متى يقومون البنات الساعة 8 صارت
ريما تدخل بابتسامة : سلام .. كاني سمعت خالتي امينة تتكلم علينا ؟
امينة ابتسمت بحب لريما : ايه نذككركم انكم نوامات
منيرة ماعجبتها ميانة منيرة مع ريما وتطالعهم بخبث
ريما ركزت وذكرت موضوع سديم ماتدري ليه وبحب : يمه حبيبتي .. الحين سديم بتقعد عندنا او لمن ترجع صديقتك بتاخذها
منيرة بداخلها : الله ياخذك هذي سالفة تتكلمين فيها
وتكلمت : هاا ..ءء اية اية من ترجع صديقتي مابتاخذها اصلا ماعاد تبيها .
ريمما حزتها الكلمات واقتهرت من امها وش سوت : يمه .. ( وكانت بتتكلم وتصارخ بس مسكت نفسها )
منيرة : هاا حبيبة امك انتي
ريما ماتدري وش تقول : ءءء .. متى بنمشي ؟
منيرة : انا اعتقد بكرة الفجر ..
ام فارس : ايه ايه بكرة قال ابو فارس
الجدة بضيق : وين البنات لعنبو دارهم ؟؟
منيرة قامت : انا انا باروح
وقامت بسرعة لانها كانت قريب من المخرج وتففاجأت بسديم واقفة تتنصت عليهم
منيرة فزت بخوف وشهقت وهمست : وش تسوييييين انتي هاااا هاااا
سديم بخوف : هاا ..
ريما بالخيمة : انا بقوم اجيب تلفوني
وطلعت من الخيمة وشافت امها ماسكة سديم من كتفها وتسحبها سحب لجهة الخيمة الثانية
ريما بخوف لحقتهم

بالخيمة
منيرة : هااااااااااااا .. فهميني .. اهلك علموك تسمعين غيرك وتتنصيت افااا ياقليلة الحياء
وسككتت وقالت : هااااا نسيت .. انتي ماعندك اهل .. الله واعلم وينهم .. او الله واعلم انك هربتي او سويتي شي .. تف عليك بس .. والله تعيدينها لاكسر راسك .. موناقصني االا انتي
سديم تصيح بالم من كلماتها والم من مسكة يدها وشدها عليها وتشوف شلون حياتها ..
ريما على طول ركضت للاتجاة الثاني من الخيمة وتخبت انتظرت امها تطلع من الخيمة وراحت تدخل بسرعة اتفاجات بشكل سديم اللي طايحة على الارض وصياحها واصل لنهاية البر يمكن
ريما تسكتها .. : خلاص خلااص حبيبتي هدي
محمد يمشي رايح للخيمة اللي فيها ادوات الطبخ يبي يقولهم يجيبوا قهوة يسمع صوت صياح من الخيمة اللي جنبه
محمد بخوف دخل بسرعة يتفاجأ بسديم صياحها يقطططع القلب
محمد : سديم ؟؟ريما ؟؟
وراح توجه لهم : صاير شي يعورها شي ؟؟
ريما : محمد اهدي
سديم قامت وبصد عنهم : كلههههه بسبب امممك
ريما ماقدرت تتحمل نظراتها اللي تتهمها ؟ وش ذنبها اذا كانت امها دايم تفشلهم وتسوي لهم مشاكل ليه دايما هم يتحملوا ويجنوا ويحصدوا غلطات وثمار امهم
محمد : طيب اهدي ياسديم
سديم بالم : خلااص لاااا بموت وطاحت على الارض ودقت راسها بحديد كان محطوط بالارض ...
رريما بخوف انصدمت : س..س..سديييييييييييم
محمد ركض لها ورفع راسها وانصدم بالدم اللي يشوفه بيده وصرخ : نادي أي احد يقرب السيارة نسعفها أي مستشفى

****************
بعد 5 ساعات وبمستشفى *****

الكل مشى هذيك الساعة ماانتظروا الا عائلة ابو راكان
منيرة بطفش : نششششبة ماشفت مثلها.. وش هذي البنت
ريما تطالع امها بكره :مسكينة وش صار لها مدوخة وبراسها دم من صباح الله خير
منيرة ماعجبتها نبرة صوت ريما : وش تقصدي
ريما قامت وبضحك : والله ماقصد شي ( غمزت ) عن اذنك بمشي البيت ..
رند : وانا يمة طفشت
منيرة : تمام ..

****************
بالجامعة
هيام تتكلم هي وامل : ترى الدوام بيخلص ومالقينا جوالي
امل : يبنت احنا سوينا اللي علينا خلاص
يجي لهم بسام وبهدوء : هيام لو سمحتي
هيام باستغراب : انا ؟؟
بسام : ايه انتي
هيام مشت بعاه بهدوء : ايه نعم
بسام باعجاااااب وبنفسه :اذا كانت بهالجمال وهي ملثمة كيف بتكون وهي بدون لثمة
هيام باستغراب : لو سمحت ؟؟
بسام رايح فيها : ايه بقولك جوالك .
هيام بصدمة : وش فيه ؟؟
بسام : معاي
هيام : ايش
بسام : ايه معاي جوالك
هيام بخوف : شلون و
بسام يفهمها : اسمعين ي حلوة
هيام : اقوووووول احترم نفسك وابلع لسانك
بسام سكت : امس صدمنا بعض وجوالك طاح وانتي هربتي ولا كنت بعطيك
هيام سكتت : طيب ..
بسام ابتسم لها .
هيام : شكرا اخوي

بسام يبي يطول الكلام مو عارف وش يقول يحس عيونها جاذبينه ..
بسام :امممم
هيام : اعذرني اخوي بمشي مشغولة وشكرا مرة ثانية
بسام : العفووو ..

*******************
وببيت ام خالد

ابو خالد : الاء حبيبتي تعالي
الاء تروح لابوها بحب : ايه يبه
ابو خالد : الاءحبيبتي . ابي ابشرك
الاء طالعته وطالعت امها بمعنى فهموني ؟؟
ابو خالد : جهزي حالك ورتبين امورك هاا ...
الاء بابتسامة استغراب : ليه يبه ؟؟
ابو خالد : لان بعد اسبوعين سفرتنا .!!!
الاء : هااا .. أي سفرة
ابو خالد : معرضك يبنيتي بيجهز بعد اسبوع
الاء بحب : جججججد ؟؟
ابو خالد : مثل ماسمعتيني .. بنروح المانيا
الاء بحب : أي مكان
ابو خالد : برلين وبنفتح معرضك هناك
ام خالد : الاء لا تقلقين ولا شي .. ماعليك ابوك مجهز كل شي انتي جهزي رسوماتك واشيائك وعطين ابوك بورقة كل احتياجاتك والباقي علينا
الاء دمعت وقربت تصيح : الله يحفظكم ولا يحرمني منكم

*******************
وعند رند بغرفتها قاعدة على السرير تفكر بقصتها مع نواف
: اوووووف يارب احس اني قهرته صح اني احبببببه وابيه بس مستحيل وهو يعرف عني اني قليلة ادب .. وسكتت "" لا لا لا تقولي كذا يارند توبي لله .. صلي استغفري .. ربك غفور رحيم .. ربك تواب يغفر الذنوب والمعاصي .. ويبي توبة صادقة
وراحت توضت وفرشت سجادتها وصلت ركعتين لله يمكن بنص ساعة .. صلت ودعت ودعت ربها وبكت وبكت لعل الله يغفر لها ذنبها ...
كملت تصلي توجهت لباب غرفتها ونزلت من الدرج
منيرة : رند رند تعالي قولي للخدامة تجهز ضيافة
رند : ليه يمة في احد بييجي
منيرة : ايه نواف ولد عمك وفارس بالبيت ..
رند طاح وجهها : ن ,, ن.. نواف ببيتنا ؟؟
منيرة باستغراب : هاا .. ايه ببيتنا وش فيها يعني اول مرة
رند : لا لا بس غريبة
منيرة خزتها : مو غريبة ولا شي.. لا يكثر الهرج روحي روحي كلمينها مو تقولين نسيت هاا..
رند ابتسمت : الا يمه وش اخبارالخدامة
منيرة : بكرة بيطلعوها .. نشبة وع
رند سكتت ومشت للمطبخ
رند تكلم الخدامة : ها ماتنسين او ماتضبطي الطعم اوكي ؟؟
الخداممة : اوكي
رند مشت متوجههة للتلفزيون خطرت ببالها فكرة وركضت بسرعة لغرفتها
رند تدخل الغرفة وتتوجة للدرج تطلع ورقة وقلم وقعدت على الكرسي تكتب ؟؟؟
وش ناوية عليه يارند وش ؟؟


بنفس البيت عند ريما قاعده تقرا كتاب على البلكونة
حست بموجة بهواء قوية قامت بحب وإتكت على جدار البلكونة وتطالع المكان شوي تشوف شخص ماتوقعت ابدا يكون ببيتهم ؟؟
فارس يمشي بالحديقة وبيده تلفونه : هههههههه اوكي اوكي لا لا تخاف
ريما تطالع ضحكته اللي وصلها الصوت ابتسمت وضحكت مع ضحكه ورفعت وشاحها على اكتافها لانها حست ببرد
فارس حس بحركة رفع راسه يطالع واتفاجأ باللي واقفة على البلكونة والابتسامة مرسومة عليها ابتسم لها بحب ..
ريما باحراج وربكة ماتوقعت يرفع راسه لها طيحت الكتاب من يدها وانحاشت لداخل غرفتها بسرعة
فارس : هههههههههه ومشى للكتاب الطايح بالارض وشافه كتاب " دون كيشوت "
فارس ابتسم واخذ الكتاب ومشى لسيارته وحطه بسيارته ومشى متوجه للشباب ..

عند رند : هاااا عمر وش بتقول وبتعطي من
عمر ببرائة : بعطيها راكان
ررند خبطت راسها : دلخ دلخ .. اقولك عطيها نواف .. نواف ابن عموو موو فارس نواف
عمر : تمام
رند : انتبه هااا نوااااف
عمر : فهمت فهمت
رند تنادي راكان يجي عشان ياخذ الضيافة
راكان اجى : هااا
رند تغمز لعمر
عمر دخل ركض
رند : خذ الضيافة
راكان : اوكي

وعند الشباب
فارس : عمووووووري
عمر ابتسم : فااااالس
فارس :هههههههه تعال يحبيب فارس
عمر راح له ويبتسم ويحضنه
راكان دخل : ها حياكم الله وععطاهم الضيافة
عمر نسى : هاا فارس
فارس : وش ذا
عمر بضحك : مدري ورككككض
رند جنب الباب بتوتر وقلق تروح وتجي شافت عمر اجى لها ركضت له : عموووور تعال تعال بشر سبع ولا ضبع
عمر مافهم شي : انا عطيته
رند : منو ؟؟
عمر : فاااااااااالس
رند شهقت وبخوف : هههههئ .. يويلك يحيوااااان
عمر عرف انه راح فيها انحاش من امامها
رند جلست على الارض : يوييلي يويييلي .. رحتي فيها يارند اصلا كيف اعطي عمر وهو بزر اووووووف يرب ..

*****************


وعند سندس بغرفتها : ايه وبعدين
ريما : ي ربي وربي بموت من الفشلة طاح من يدي الكتاب بخوف وانحشت لداخل
سندس : هههههههههههه وربي يحليييييلكم
ريما : تف عليك ليه تضحكي ممكن اعرف .. ترى بمووت احراج والله ..
سندس : عادي عادي اهم شي عرف خلاص ماعليك ... انا بضبطها
ريما وسعت عينها ووقفت : سندس حسك عينك تسوين حركة هبلا ترى بتموتين على يدي .
سندس : هههههههه اوكي باي باي امي تناديني

ريما سكرت المكالمة وتمت تفكر بفارس لكن انتبهت انها قالت بتروح تزور سديم المستشفى لبست عبايتها وشيلتها ولبست جزمتها واخذت شنطتها ومشت ..

**********************

لا ترهق نفسك بالتفكير بهم فربما هم سعداء من دونك .. لاتبكي الليل تفكر بهم فربما هم غارقون بنومهم .. عش حياتك معك انت فقط .. فكر بنفسك اولا..لاترهق نفسك بالذين ذهبوا .. فكما ذهبوا بكــــــــامل ارادتهم .. فلن ياتون لك ابدا ...
بقلمــــــــي،،،

بغرفة رند ما وقفت ابدا رايحة راجعة تبكي وتضرب نفسها >> تستاااااهل بصراحة ..
رند بخووف : يارب يارب ينساها وماياخذها
رند شهقت وكانهاا تتذكر : اويلي لو راكان يشوفها وش بسوي ياااااااارب

*******************

نعم .. فالقرب مني اكبر مصيبة .. واكبر جريمة من الممكن ان ترتكبها بنفسك .. كنصيحة " ابتعد عني فقط"

بقلمي

وعند منيرة بغرفتها
: الوو اسمعني عبد العزيز
عبد العزيز ابو فارس : وشش
منيرة : القصة هذي انتهت من سنيييييييييين ومابي افتحها
عبد العزيز: طيب بس انا انصحك
منيرة : انت وش ساويت بالمهمة اللي وكلتك هي ؟
عبد العزيز :انا الحين ابحث برسلك كل المعلومات .. اوكي
منيرة : اوكي .. رسل لي اشوف وش اخبار الزفتين هذولا
عبد العزيز بخبث: حاضرين للحلوين
منيرة ابتسمت !!

وسكرت الجوال وراحت لمنطقة محددة بالغرفة بعدت الصورة الكبيرة اللي حاطاها في الجدار صورة للعائلة وهمست على زر محدد بالجدار افتتح لها الجدار على غرفة كبيييييرة
منيرة بابتسامة تكلم نفسها : من اشوف هالغرفة احس اني اسعععععععد انسانة بالدنيا .. مو معقولة انتي ي منيرة قدرتي تستولي على كل شي .. وضحكت ..

************************

كن كشخص عمل عملية وانجزها لمن اخبره بيوم انه فاشل

بقلمـــــــــي ،،،

اليوم الثاني الصباح


سديم وصلت البيت والحين بغرفتها لازم ترتاح
منيرة تدخل بكره : اسمعيني من بكرة تبداين تشتغلي فاهمة !
سديم بداخلها : تموتين يارب
سديم بالم : بس ترى راسي يوجعني .. ومن حقي ارتاح
منيرة قربت لها : وطلع لك لساااااان هااااا .. لا والف لا من بكرة تبداي شغلك
سديم بخنقة : اوكي
منيرة : عشنا وشفنا خدامة تتامر .. الناقص

******************

قلت لنفسي دوما اانني عندما اراك مرة اخرى ساتجاهلك واصفعععك بكلماتي الجارحة .. ولم اكن اعلم انني اول مارايتك انسحرت بعيناك فلم استطع التكلم..

بقلمــــــــــي


في برلــــــــين ،،،
وتحديدا في شقة ناصر

ناصر يطالع رسوماته وهو متاكد من القرار اللي قرره في نفسه


***********************

وان ضاعت احلامك لا تيأس لا تحزن تبسم وادعِ ربك بكل صدق وثبات .. فالذي اتى بالاحلام سياتي بالعدييييد منها

بقلمــــــــي


ببيت ابو فارس
فارس بيجلس على سريره تذكر الورقة اللي عطاها هو عمر
فارس ضحك : هههههههههه وش يبي مني هذا البزر
وتوجه للكرسي اخذ منه الورقة المرمية وفتحها وانصدم باول جملة ...


**************************


لماذا أنا التي أتالم وليس أنت .. لماذا أنا التي أتعذب وأحترق وأبكي وليس أنت ..
بقلــــــمي ,,,


وعند سديم قامت واخذت ادوات النظافة وطلعت متوجهة لغرفة ريما ونظفتها وبعدها دخلت غرفة منيرة
سديم راحت لجهة الصورة عشان تمسحها
سديم (جنى )تمشي بتعب وتحس بالم براسها
مسكت اللوحة وطلعتها من مكانها وبدات تمسح جذب انتباهها الزر الصغير
جنى بضحك : ههههه وش ذا كمان
جنى حطت يدها على مكان الزر واتفاجات بالجدار يتحرك
جنى رجعت لوراء بخوف وحطت اللوحة على السرير ومصدومة من اللي تشوفه
جنى : مثل الافلام .. معقولة هذا حقيقة ؟؟
جنى دخلت الغرفة بتوتر وفجأة تتفاجأ باللي تشوفه
جنى بخوف : امــــــــــــــــــــي ...
وطاحت مدوخة على ارض غرففة الاسرار التي لا يعلم بها في هذا البيت سوى شخص واحد فقط ؟؟
فكيف لو اتت منيرة ورات شخصا غريب على ارض هذه الغرفة

انتهـــــــــــــــــــى البارت
ادري انه مو طوييييييييل كثيير لكن مناسب والله
عشان كذا بعد بكرة بنزل لكم بارت هدية مني لكم ..

انتظروووووني

الكاتبة : FoOFo Queen

FoFo Queen ©؛°¨غرامي مشارك¨°؛©

سلام.. اعتذر لكم ما بقدر اليوم انزل بارت لاني والله تعبانة.. وماقدرت.. انتظروني في الايام هذي ..

Suhan ©؛°¨غرامي فعال ¨°؛©

سلامتك ماتشوفين شر
ويعطيك العافيه استمرري

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1