غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 131
قديم(ـة) 12-03-2020, 11:18 PM
صورة غموض الحنين الرمزية
غموض الحنين غموض الحنين غير متصل
©؛°¨غرامي مشارك¨°؛©
 
الافتراضي رد: رواية من يقول أن البشر مره تموت/بقلمي


جاري الانتظاررررررررر.......

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 132
قديم(ـة) 12-03-2020, 11:35 PM
صورة غموض الحنين الرمزية
غموض الحنين غموض الحنين غير متصل
©؛°¨غرامي مشارك¨°؛©
 
الافتراضي رد: رواية من يقول أن البشر مره تموت/بقلمي


فينك ؟ انتظرك سريععع

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 133
قديم(ـة) 13-03-2020, 12:02 AM
صورة غموض الحنين الرمزية
غموض الحنين غموض الحنين غير متصل
©؛°¨غرامي مشارك¨°؛©
 
الافتراضي رد: رواية من يقول أن البشر مره تموت/بقلمي


شكل م فيه بارت اليوم 💔😔

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 134
قديم(ـة) 13-03-2020, 12:02 AM
صورة سُـهـد الرمزية
سُـهـد سُـهـد غير متصل
©؛°¨غرامي مشارك¨°؛©
 
الافتراضي رد: رواية من يقول أن البشر مره تموت/بقلمي


مدخل:
‏"وقد اعتاد على القلق ويظن أن الطمأنينة كمين."
____
الرياض بعد مرور ساعات :

صحى وهو حاس روحه تغادره كلما تذكر ضربه لفاطمه نطق بتعب وهو يحاول يرفع ظهره: سستر

فز ابراهيم اللي كان على جواله:سم

فواز بتعب: فاطمه وينها وش صار عليها

ابراهيم تقدم له وهو يمد له المويه:

ماعليها بخير تعب بسيط لاتشيل همها

فواز طالعه بعتب: اختي هذي قطعه من روحي كيف ما اشيل همها بصير حقير اصلا لو جلست دقيقه هنا

ابراهيم توهق: اجلس بس قلت لك مافيها الا العافيه

فواز عض شفته بقهر وابراهيم محاوط ايدينه رافض انه يقوم: طيب يا ابراهيم

ابعد عنه وهو يرجع يجلس بالكراسي وعيونه

مسلطه على فواز اللي ضرب ايده بالسرير بقوه

دلاله على قهره مسح على وجهه بتعب كم الساعه

الحين العصر وللحين العمليه مستمره باقي كم

دقيقه وتنتهي رفع عيونه لفوق بضيق فياض عايش

من هالفياض وش يطلع ليه قالو انه ميت وحتى

اسمه مو معروف معقوله يكون مثل ابوه علشان

كذا نفوه ليش اهتمو ب اخوانه واتركوه اصلا كيف

يسمح لا اخوانه يعيشون بعيد عنه 19 سنه

ماشافهم ولا شافوه كيف لو يرجع الحين معقوله

بيخسر فواز طالع فواز بتأمل بيكون له اخ يعني

بينساك لا ليش ينساني انا سويت له اشياء الاخو ما

يسويها تنهد بضيق المفروض تفرح لفواز مو

تتضايق بس طول عمري احس فواز اخوي واشوف

نفسي اخوه الكبير كيف لو طلع اخوهم صدق

عايش

_________

الكويت :

العصر بالمخيم:

ابتعد بخطواته بعيد لين وقف بتعب صرخ بقهر

للحين الكلمه ترن ب اذنه:

ولد الحرام اشوا من ولد القاتل انت عبالك الناس

بتحط لك قدر وتحشمك لو تصلح من هنا لبكره

بتظل ولد ذاك الرجال اللي ماخلا بلا ماسواه

ما الوم خوالك لمن وقفو ضده شيل الغمامه اللي

بعيونك شيلها وشوف ليش خوالك ضده وبتحذير لاتحاول

تقنعني با انه غير لاتحاول

فتح ازارير ثوبه نزل شماغه وهو حاس بالحراره

تسري جسمه من هالشخص وكيف يقول هالكلام

وليش ماعطاه مجال يرد ليش يشككه با ابوه الرجال

مات واندفن تحت هالارض وهم للحين ينبشون

بلحمه ياليت الميت يرجع حي ..دنق راسه وهو

يحس بشعور بالعار وكأنه مسوي خطا يكفيه ظنون

الناس فيه يكفيه نظراتهم اللي خلته مايقدر حتى

يروح لبيت جده ويقابل جماعته هو كان مظلوم

وابوه اكيد انه مظلوم مستحيل ابوه يكون كذا

جلس يرددها بعقله: مستحيل ابوي يكون كذا المصلي والصايم مستحيل يكون كذا رفع راسه والدمع معانق عيونه: يارب اني مغلوب ف انتصر يارب تنصرني عليهم يارب تطلع الحقيقه يارب

وقف بتعب وهو يمسح على عيونه بقوه وصوت

البغيض اللي كلمه يرجع له القهر اللي بصدره لو

طلع بس بيقلبهم فوق تحت ضرب كفوفه بقوه

وهو ينطق بعزم: والله ما اكون ولد ناصي ان ماقلبتها عليهم واحد واحد

بد يمشي بهدوء والمسافه اللي طالت كلما لها

تقصر سرحان يتذكر كل اللي صار له اليوم بداية
من جادل

ونهاية بهالرجال دخل حدود المخيم وهو يتوجه

للمغاسل بدا يتوضأ وهو حاس بالقهر ياكل قلبه

ابعد وهو يردد:

( أشهد أن لا إله إلا الله وحده لا شريك له ، وأشهد أن محمداً عبده ورسوله ، اللهم اجعلني من التوابين واجعلني من المتطهرين ، سبحانك اللهم وبحمدك ، أشهد أن لا إله إلا أنت ، أستغفرك وأتوب إليك )

استقبل القبله وبدا يصلي ركعتين يهدي فيها نفسه من كثر ما العصبيه معميه عيونه والقهر ماكل قلبه

يطالع له من بعيد ب استغراب : بسم الله الرحمن الرحيم هذا بابا مو صاحي مجنون

رد عليه جابر: ليش وش صاير

الهندي: بابا جاء هينا بعدين راح بعيد بعيد يجي بسرعه ويروح يصلي والصلاه خلاص
جابر مسك راسه من شرح الهندي: خلاص اسكت ولاتقول له انك علمتني تراه يذبحك وانت كيفك

الهندي بخوف: لا مارح يقوله

سكر وهو يرمي الجوال على جنب

وبدا يراقب فياض

طول بسجوده الثاني

مرت عشر دقايق ولازال ساجد

الهندي توتر وهو يطالع له كيف مايتحرك ولا له صوت

تقدم بخوف وهو يراقبه بشده
على ماقرب له رفع راسه فياض وهو يتشهد

صرخ الهندي : بسم الله بسم الله

سلم بسرعه وبعدها وقف وهو يشوف هالهندي انخبل يراكض ويصارخ

فياض: حكيييم ياحكيم وقف وش فيك

ركض له فياض وهو يمسكه بالغصب ويجلسه: وش فيك مهبول انت ماعاد فيك عقل ماخليتني اصلي زي العالم تحوم فوق راسي

الهندي: انا خوف انك فيه موت انت مايتحرك

فياض: وانت وش تبي تراقبني تراني ساكت لك انت

ومعزبك جالسين فوق راسي هذي اخر مره اشوفك

تراقبني سامع

هز راسه وهو للحين ينتفض من الخوف

زفر بحراره وهو يبعد عنه دخل الخيمه وهو يشوف

اغراضها لازالت موجوده طلع جوالها من جيبه

من الصبح يحاول يفتحه بس عجز رجعه لجيبه

طالع لثيابه المعلقه على طرف الشباك اخذ ثوبه

الابييض وشماغه وبدا يلبس وهو مستعجل

طلع من الخيمه وبصوت هادي: حكيم قفل الخيمه

وانتبه طيب وبالمطبخ فيه اغراض اذ بتسوي لك

اكل طيب

حكيم ووجهه مخطوف : طيب بابا

ركب سيارته وهو يسكر الباب بقوه

دق جواله رد وهو يحاول يضبط اعصابه قد مايقدر: من

جادل بهدوء: خلصت تقدر تمرني

فياض بنفس نبرة الهدوء: تجهزي عشر دقايق واكون عندك

رجعت الجوال للحرمه وبهمس: شكراً

جلست على كنب الانتظار وهي تحس روحها ميته

تسمعهم يذكرون الله ويهمسون عليها وهي لازالت

صامته وسرحانه بكوب الكابتشينو بين ايدينها

الشخص اللي عايشه معه كل يوم يفاجئها بشي

تذكرت اللي حصل الفجر على ماغفت بطرف

الخيمه سمعت صراخه فزت بخوف وهي تشوفه

يون بتعب ويصرخ تقدمت له بخوف وهي تسمي

عليه مايمديها تمسح على كتفه الا لوى ايديها

بغضب وقتها صرخت بقوه وصحى مفجوع

: انتي وش جابك هينا

جادل وهي تفرك ايدها بوجع : انت جالس تصارخ وتون جيت بصحيك

نطق مابين اسنانه: لاتقربين مني لو تشوفيني جالس اموت فهمتي

هزت راسها ورجعت لمكانها بضيق وهي ماسكه نفسها ماتبكي ابد ماتحب احد يصرخ عليها بقوه هذي جزاتي جايه بساعدك

مرت ساعه ساعتين وانتفض بشده
عضت شفتها ماتبي تطالع له كيف يضرب نفسه ماتحملت وهي تقوم له ماحست الا ب ايديه تضربها مافكها الين مابدت تصرخ بصوت عالي

مسحت عيونها من هالذكره على صوت وحده :

يابنتي الكحل لايخرب

استغفرت بداخلها وهي تطنشها ثواني ورجعت لها الحرمه وبهدوء: اختي زوجج برا

وقفت وهي عاقده حواجبها بقوه عدلت شيلتها وهي تتغطى فيها طلعت بهدوء ركبت السياره ولازال الصمت بينهم حرك السياره وهو يتكلم بهدوء: جابر من اليوم يدق جاهزه تروحين لهم

جادل بهدوء: ايه بس ابي مكان ابدل فيه

فياض بتفكير: المخيم بعيد

جادل ولازالت مدنقه ونظرها على اصابعها: احجز شقه

فياض ب ابتسامه خبيثه: ليش المخاسيير

مسك طريق البر ووقف بالخلا وبهدوء : يلا انزلي والبسي والسياره بتذري عليتس

طارت عيونها بقوه والغطوه تمنع شوفته لملامحها: انت صاحي كيف تبيني ابدل هينا

فياض وهو ينزل ويتمدد : وش فيها البر وش كبره وفاضي من بيشوفتس حتى انا بكون بالجهه الثانيه

عضت شفاتها بقوه صرخت وهي تشوفه يمشي مبعد عن السياره: فياضضض

ابتسم بقوه وهو يحس بنشوة الانتصار وهو يسمع دعاويها وصراخها وبصوت عالي نطق: معتس عشر دقايق

جادل وهي تنزل من السياره وتضرب الباب بكل قوتها:عساني ما اشوف وجهك العمر كله

سكنت ملامحه بوجع من دعائها اللي وصله
زفر بضيق والبرود تلبس ملامحه وهو ينطق صاد: اذكري ربك وسمي قبل لاتلبسين يمكن الارض تكون مسكونه

حس بخطواتها وراه وعطرها وصله غمض عيونه

وبهمس: توك تبين الفكه والحين لزقتي بظهري

جادل ضربت كتفه متألمه: بلبس بالسياره خوفتني

لف عليها عقد حواجبه وهو يشوفها لازالت

متغطيه: امشي للسياره وعجلي علي جابر احرقني اتصالات

جادل همست وهي تطالع له :بتروح كذا

فياض وهو يستغفر بداخله: لا بروح البس فستاني وش رايتس يعني

ضحكت بقوه وهي تتمسك ب ايدينه : حلوه بس

لاتعيديها وانا قصدي ثوبك عليه بقع دم من جهة

ظهرك وكتفك

فياض وقف عند السياره : اركبي ورا والبسي وبسرعه مو تطولين

هزت راسها وهي تركب وتبدل لبسها بلبس شراه

لها الصبح كان نفنوف بلونه الابيض ناعم يزينه

الريش اللي على الاكمام قصير لحد نص الساق

ضيق من عند الصدر بنظام لف ويتوسع من الخصر

لبست الكعب على عجاله وهي مو عاجبها ابد بس

اصر عليها تاخذه علشانه ساتر لبست الاكسسوارت

وتوهقت بالقلاده اللي كان يحمل حرفه !

قدمت الكرسي اللي ورا وهي تنزل ضربت كتفه

بهدوء: شوف عيا يسكر

لف عليها بلخبطة وهو يشوف ايه من الجمال قدام

عيونه نفنوفها الناعم مازادها الاجمال ومكياجها

الخفيف روجها الاحمر خله يصد بسرعه وهو يذكر

ربه بداخله

انجرحت من صد حست انها شي مقرف منبوذ

وبهمس موجوع: الاقل قل حلو اصلا مو هامني رايك بس ابيك تسكر قلادتك اللي

لف عليها من غير لايبرر تصرفاته اخذ عقدها وهو يهمس: ارفعي شعرتس

رفعته وايدينها ترجف بحكم كتمها لعبرتها

سكر العقد مد ايده وثبت اصبعه على حرفه وضغط

عليه بقوه تكلمت بوجع: فياض جالس توجعني ابعد
حضن خصرها وبهمس قريب من اذنها:

شوفي صاحب هالحرف بقلبتس وعلميهم انه حر

ماينذل لمخلوق علمي عزوتس انه حاول قد مايقدر

يصونتس ويصفي حساباته بعيد عنتس وارفقي به

ترا ماتعود على كل هالزين والدلال وبهمس

موجوع: سامحيه لامالت الدنيا عليتس وانتي بذراه

ختم كلامه وهو يلفها له ويحصنها

تسمعه يقرا عليها الاذكار جسمها بين ايدينه

ولازالت ترجف بخوف منه ومن همسه كانها ناقصه

تعقيد معه ليش كل حكيه الغاز ب الغاز ليش على

قد امانك احس وراك اسرار وراك خوافي كثير تخلي

عقلي يبعد عنك الف مره حتى قلبي مو مطمن لك

الحاجز اللي بينا عمره ماراح ينهد دامك بهالتناقض

والرعب

ركبت السياره لبست عباتها وهي تتغطى والضياع

يحضنها لمت ايدينها على جسمها وهي تشوفه

ياخذ ثوب ويلبسه وجواله يدق ب اسم جابر

ركب السياره وهو يهمس: تاخرنا كثير

ماردت وعيونها معلقه بملامحه بضياع

سكت وهو يحرك لداخل الكويت

وبعدها اردف بهدوء: تبين شي قبل لاندخل عليهم

الجادل بنفس الهمس: ايه حلا

فياض عقد حواجبه: وليش هم عازمينا مو حنا

جادل : فياض بلا استهبال من الحين يدخل على

الناس وايدينه فاضيه تبيهم يقولون زوجة فياض

ماعندها ذوق لا ياقلبي ما ادخل وايديني فاضيه ابي

شي حلو وفخم ومحلات الكويت اغلبها تهبل

فياض مازالت العقده بحواجبه وبسخريه: عساتس

بتجبين كيكة وتكتبين عليها شكرا لانكم عزمتونا

وبعدين فلوسي على قد القد يالله تكفينا للشهور

الجايه ولا ناوي اصرفها على عادات مستحدثه

جادل احتد صوتها : فياض انت وين عايش ماعندك

خوات الاقل امك لاراحت تسير ماتاخذ شي معها

معقوله بتروح كذا من غير شي ترا الدنيا تغيرت

كثير ماهي على خبرك وبسخريه: شكلك للحين بعام الفيين

غرز اظافره بفخذه وهو يحاول يمسك اعصابه :

الدنيا عمرها ماتغيرت الناس هي اللي تغيرت كثرت
البيوت كثرت العزايم وكل وحده تنافس الثانيه بالمجالس والتقديم بس هذا ضاق اشر على صدره
المجالس تمشي بالعرض والطول بس نوايا الناس تغيرت هم نفس الاشخاص اللي كنا نجيهم من غير وقت ونفرح فيهم هم نفسهم تغيروا ونواياهم اسودت ففكيني من هالمبادئ الدخيله علينا

نفخت بضيق : بس وش بيقولون علي الحين

فياض بزفره: وش بيقولون يعني لاتفكرين بهالشكل

عمرتس لاتفكرين بالناس وش قالو وش بيقولون

يابنت الحلال الناس لاقالو لتس طيحي نفستس

بالنار اكيد لا

جادل : صحن حلا بسسس

قاطعها بصوت ضايق: لا

__________________

بيت ام جابر

المغرب

التجهيزات على قدم وساق الصاله نفضتها حنان من الى جهزت طاولات الخدمه اللي كانت قزاز ب ايطار ذهبي رتبتهم وحطت الضيافه على طاوله كبيره تتوسط الصاله قزاز ب ايطار ذهبي رتبت الموالح والحلويات والفطاير وقفت بتعب بعد ماشافتت الصاله مرتبه بشكل مريح كانت عباره عن كنب بلون البيج فاتح والموكيت بلون السكري بذهبي جابت الورد الاصفر وهي تحطه على الطاوله وب ابتسامه ايه جذي تطلع كامله
اخذت جوالها وهي وتصور الضيافه كتبت على الصوره ب انتظار ضيوفنا نزلته ستوري السناب طفت جوالها وهي تمشي وبصوت عالي: هاجر رهف وينكم

طلعت ام جابر من غرفتها وكانت لابسه دراعه هاديه تليق بعمرها ولافه الشيله
ابتسمت حنان : وش هالزين ياام جابر

ابتسمت ام جابر: ايه وش عالبالج اني عجزت خلاص ما احط لي كحيله وحميره

حنان: ههههههه يازينج والله غمضت عيونها : الله يمه وش العود اللي انتي حاطته ريحته تهبببل

ام جابر وهي تمشي للصاله : تلقينه على الطاوله

وبصراخ: رهيف هجير وجع وينكن اخلصن العرب جو

طلعت هاجر وهي مفوله عصبيه: يماه شفيج ماخلصنا باقي شعري ماسويته انتظر بنتج المسعده تخلص وبعدين عندج حنان مو لازم كلنا نطلع بنفس التوقييت ومن زين العرب اللي جايين عاد اقصاهم عمتي وخالتي

ام جابر بعصبيه : هجير فكيني من شرج واخلصي معكن عشر دقايق من متى وانا معلمتكن وهذا وانا موصيه بعد ماتفشلني

رجعت الغرفه وهي منقهره لفت على رهف اللي تلبس بعجله: ايه اطلعي وخذي مكاني وفكيني والله ما اطلع لين اسوي شعري ويفي

رهف وهي تطالع نفسها بالمرايه كان لبسها تنوره مكسره ميد بلون الفضي وتيشيرت اسود يتوسطه كلام ابيض وشعرها كان استريت ومكياجها كان جدا هادي اكتفت بمسكره وكحل ايلاينر وشوي تنت على وجهها وروج مات باللون البنك ابتسمت وهي ترسل لنفسها بوسه لفت على هاجر اللي كانت لابسه ثوب بلون العنابي ضيق على الجسم واكمامه لف على الايدين

: هاجر احط ربطه صفراء ولا ماله داعي

هاجر برجا وهي تسوي شعرها :
حطي ربطه وفكيني تكفين طلبتج

رهف وهي تلبس كعبها : يالله طالعه والله يعيني من الانفجار اللي بحصله

طلعت وهي تشم ريحة البخور بكل مكان : الله يازين العزايييم

طالعتها امها بنص عين: ايه واضح وانتن تشلعن قلبي على ماتطلعن

جت حنان ومعها المرشات : يمه احطهم على طاولة المدخل

ام جابر وهي تدخل شيلتها: ايه وشوفي ردي الباب علشان البنيه تدخل على طول وبتوصيه وهي تطالع رهف: خبال منا ومنا ما ابي صيرن حريم كبار وعقالات رجة العقل مابيها تفهمن

رهف مدت بوزها شبر: يعني حنا خفاف افا يام جابر

حنان وهي تحط الاغراض: شوفي انتي واختج مابي حركات اصب قهوه وما اصب ابيكن تلفن بالقهوه والشاي كل شوي مو تجلسن وتنسن اعرف حركاتكم

رهف وهي ترفع يدينها: يالله ياحبيبي تعييني انا واخيتي هجور من سلب الحقوق وكرف للضيوف
لفت على امها : يمه امانه خليني احط كل وحده قهوتها عندها واريح راسي وراسج

ام جابر وهي تطالع حنة ايدينها ومطنتشها: حنون شرايج بلونها

حنان وهي تكتم الضحكه على ملامح رهف: تهببل يمه وماشاءالله غويشاتج اللي جابهن جابر لايقات على دراعتج حييل

ام جابر ولازالت ما تطالع لرهف: الله يحفظكن لي ويحفظ جابر

رهف وقفت وهي تاخذ جوالها وتصور الضيافه

ثواني ودخلت هاجر وهي تبتسم :
شراييييكم بس

جلست تفر بنص الصاله

ام جابر بصرخه: هجير وش هالبس وش باقي تقل جلد عنز غيريه
حنان : بالعكس يمه يجنن وعادي واذ ضيق مافيها شي

هاجر وهي تسوي بعيونها حركات: يرضيج اغير وانا تعبانه على الميكب وشعري واخرته بكل برود اغيير بعدين من الظهر وانا اختار وحالتي حاله وبالاخير جلد عنز وبتساؤل: وش العنز اللي لونه عنابي

ام جابر بعصبيه وهي تحرك عصاته : اقول انتي وياها هاللبس تدرن مايعجبني البسي نفس اختج ساتر وسيع ولا البسي شي بالمعقول ومو هالبس مفصل جسمج تفصيل ماتستحين انتي قدام هالحريم تعرضين بهالثوب

هاجر سكتت لمن شافت امها بجد عصبت :
خلاص ولا تزعلين بغيره

اتجهت لغرفتها وهي حاسه نفسها بتصيح وتخرب مكياجها فتحت كبتها وهي تاخذ نفنوف بلون البنك الفاتح ضيق من الصدر ويتوسع من الخصر كان ساده واكمامه شيفون لين الكوع لبسته بزعل اخذت الحزام اللي كان عليه كرستال خفيف بلون الفضي ربطته على خصرها دنقت تلبس كعبها وهي تسمع صراخ امها تناديها تجي اخذت نفس وهي تقوي حالها ماتبكي اخذت المنديل وهي تمسح حمرتها وبدلتها بحمره مات بلون البنك
طلعت وهي تعدل نفسها وشعرها اللي كان ويفي ورافعته من البدايه : جايه

دخلت الصاله وهي تاخذ البخور وتمشي فيه للممرات

حنان بهمس لامها: يمه خفي عليهن شوي شوفي هاجر كيف تضايقت يمديج تقولين لهن بهدوء لاتصارخين عليهن
ام جابر وهي (تلبس برقعها عاده عند العجز اذ جوهن ضيوف) مو الكل بس البعض :

علميني بعد شلون اربي بناتي

حنان وهي تنزل ايدينها عن دراعتها المغربيه:
حشى لله بس انبهج عليهن

ام جابر وهي توقف : عزمتي عماتج

حنان: كلمتهن كلهن وجلسن يتشرهن ليش توج تعزمينا وخالاتي مشغولات بس خالتي عذوب بتجي احتمال عمتي مناير لانها مازعلت لمن كلمتها قالت ابشري ماني راده عزيمة ام جابر

ام جابر بحزن: مناير وعذوب اصفى من ماي الذهب
وبتنهيده: لاتغفلن عن الحريم وقهون كل شوي طيب يابنياتي

هاجر جت تركض من الممر : حرمه جت

صبخت ع راسها ام جابر: هذا وانا توني محذرتج

فزت حنان : اجلسي يالغاليه انا استقبلها

مشت حنان بسرعه للممر وهي توقف وتشوف البنت قبلها : ياحي الله ضيفتنا نورتي مكانج يالغاليه

جادل وقلبها يرقع وايدينها بارده نزلت غطوتها وهي تسلم عليها: الله يحيك ياقلبي

حنان مسكت ايدينها : تعالي هينا علشان تشوفين نفسج بالمرايه

ابتسمت جادل ب ارتباك: ان شاءالله بس عباتي وين احطها
حنان : عطينيها ياروحي انا اعلقها عن معاليق عند المدخل

فتحت عباتها وهي تنزلها ب ارتباك واضح عليها
مدتها مع غطوتها وقفت قبال المرايه وهي تطالع نفسها عدلت شعرها اللي كان استريت عادي
رتبت شعرها بتوتر وهي تهدي نفسها اخذت شنطتها الصغيره وهي تمسكها بيدها جتها حنان وهي تأشر على الصاله

دخلت وفزو البنات وام جابر يسلمون عليها تحت ترحيب ام جابر الحار فيها جلست مقابل المدخل
وقفت هاجر وهي تقهويها ورهف تحط الحلا قدامها
التفت على سؤال ام جابر: شلونج وشلون اهلج وفياض

جادل وهي تتكلم برزانه: الحمدالله كلهم بخير

ام جابر : عساهم دايم بخير وانتي عساج مرتاحه بالكويت

جادل : الحمدالله ياخاله مافيه فرق الا ان اهلي بالرياض

رهف وهي تجلس بجنبها: معج رهف وهذي تؤامي هاجر

جادل ابتسمت براحه وهي تشوف وجيهم البشوشه: وانا جادل

حنان وهي تجلس بالجلسه اللي بجانبها: اسمج وايد حلو وانا حنان اخت جابر الكبيره

جادل وهي تتقهوى: الله يخليه لكم

____
بالدوانية الرجال دخل والجمود يحتويه يكره التجماعات بشكل مايوصف فزو الرجال وهم يسلمون عليه واحد واحد
جلس بصدر المجلس بجنب جابر اللي بين خواله وعمامه وعيال عمه اللي فازين بضيفه والترحيب ماسكت

فياض : الله يحيكم ويسلمكم

جابر ب ابتسامه بشوشه: عاد هذا اعز اخوياي هذا العشير

عقد حواجبه ب استغراب وبداخله: العشير مره وحده انا مالي الا عشير واحد
رجع لواقعه على سؤال واحد من عمامه

:وين ساكن يافياض

فياض بهدوء مدروس: قريب من بيت جابر

عمه بلقافه: وين ماخبر حول بيت جابر بيت فاضي

جابر وهو يغمز لفياض مايرد :اقول يامحمد قهوي

رجع لصمته وتأمله للناس وهو يحس نفسه جالس يختنق والضيقه تزيد بقلبه همس لجابر: متى تخلص هالرسميات ابي اخذ هواء

جابر وهو يهمس له: تحمل شوي بس والله اني متكلف وعازم هالرجاجيل فرحان بجيتك لي

رجع جسمه وهو يتعوذ من ابليس والصداع رجع له بشكل اشد من اول


______


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 135
قديم(ـة) 13-03-2020, 12:03 AM
صورة سُـهـد الرمزية
سُـهـد سُـهـد غير متصل
©؛°¨غرامي مشارك¨°؛©
 
الافتراضي رد: رواية من يقول أن البشر مره تموت/بقلمي


الرياض :
مجتمعين حول الدكتور بعصبيه

رعد وهو متنرفز: كيف دخلت العنايه

الدكتوره وهو ينزل الكمام: يا اخي البنت جسمها كله قزاز والعمليه اخذت فوق 8 ساعات تبيها تنزل الجناح وكأن مافيها شي ظهرها كله غرز وجسمها
لازم تجلس بالعنايه حالتها جداً حرجه الخياطه ابد مو سهله وسوينا لها بدال العمليه عمليتين القزاز داخل بظهرها ورجولها من الخلف

مسك راسه بقوه من اللي يسمعه اما فواز تلثم
بشماغه : يارب تلطف بحالها يارب

رعد هز راسه وهو ينطق: متى بتصحى

الدكتور وهو يمشي لمكتبه: لاخلص البنج
بس ممنوعه الزياره الحين جايتنا اوامر عليا ماحد يدخل عليها

رعد جاء بيلحقه بس مسكوه ابراهيم وحسن/ عمي تعوذ من ابليس
رعد وهو ينفض ايدينه بقوه : ماتشوفونه كيف يتكلم من راس خشمه على وش شايف نفسه بعرف

طالع له فواز بتعب: لاحد يبقى هنا ارجعو لجدتي انا ببقى عندها
رعد وهو يمشي/ اصلا انا طالع ماله داعي اجلس اكثر من كذا وراي

ابراهيم مسك حسن وهو يمشيه معه غصب/ ابوي وينه مختفي

حسن : وانا وش يعرفني وينه بعدين هدني بطلع للداوم

ابراهيم: واجازتك

حسن بقهر من عبدالرحمن: بحح راحت اليوم ارسلو لي استدعاء

ببيت لافي جالسين بصمت يطالعون بعض
جالس ببدلته بكل هيبته:
اسمعني يالافي انا ما اعيد حتسيي مرتين
اطلع من سالفة فاطمه

لافي بعصبيه: ماني طالع وانا خالها وكيفي ووليها ماحد له كلمه عليها غيري

ضرب الطاوله بكل قوته وبغضب: وان تسان ماتعرفني انا لاقلت كلمه تتنفذ لاتخليني احطم براسي والله ماتمسي الا وانت بالتوقيف

لافي بغضب ماشبه: وش بتسوي يعني

رفع حاجبه: اجل مالي طلعه من هالبيت الا وهي حليلتن لي ولاتخليني اساومك على سواد وجهك انت وابوك وشريكم الموقر ابو ثامر

لافي توتر وهو يطالع نظرات شاهر الساخره:
لك ماتبي

بصوته الثقيل :وانا مطلبي فاطمه حليلتن لي

لافي وهو ينطق بكره: جتك

ضحك شاهر وهو يطالع ملامحه : لا ياحبيبي ماتمشي معك هالامور الحين ندق على الشيخ
يجي يملك له

لافي : اللي تشوفونه بس قبل لايجي اخوها

رفع جواله وهو يكلم الشيخ اللي متفق وياه من العصر سكر وهو يرجع جواله: قريب ويجي

دقايق وهو يدخل الشيخ

جلسو بجنبه مسك الدفتر وهو يوقع ب احساس اشبه مايقولون عنه مييت

همس للشيخ: البنت بالمستشفى بكره الصباح بتوقع ان شاءالله والتحاليل اكيد انها وصلتك امس

الشيخ بنفس همسه: ايه وصلتني والحكومه ماقصرت

ابتسم بثقه وهو يوقف : الله يجعلها فال خير علي

طالعه لافي بكره: مبروكين

تقدم له شاهر وهو يبارك له : مبروك يالغالي عسى نفرح بجية اخوها قريب

تقلب وجه لافي وهو يوقف كانه مقروص: حاجتكم خذتوها يلا تفضلو

وقف الشيخ وهو يستأذن ويطلع

وبعده شاهر واللي معه ركبو السياره

ونطق بهمس: امي

شاهر لف عليه بخرعه: وش صار لها لايكون

ضربه بالمنديل: فال الله ولا فالك بس طلعت من العمليات والحمدالله عدت هالمرحله

ابتسم شاهر بفرحه: الحمدالله على سلامتها والله ان وجهه فاطمه وجه خير عليك

طالعه بقوه: لاعاد تطنق اسمها اشوف

شاهر بفرحه واضحه:

ههههههههههههه ابشر يالنسيب

ابتسم وهو يعدل ياقته: وصلني المستشفى بشوف امي وبعدها بطلع لشغلي

شاهر : على هالعين

ضحك : اذكرها على هالخشم

غمز له شاهر بمحبه: لعينك على هالخشم

رجع يضحك بقوه وهو توه يحس روحه انتعشت:

من كبر خشمك عاد

شاهر : ههههههههه شايف خشمك اول

البسمه انرسمت على وجيهم بفرحه بسلامة امه

___________

دخلو الفيلا بتعب
جلسو على الكنب الا ابراهيم اللي حاس بضيقه فضيعه: انا بروح لبيتنا

رعد : الله معك

اما بدر كان ملتزم الصمت وجالس بزوايا شقته القديمه

ثواني ودق جواله للمره المليون تجاهله وهو يوقف ويبدل لبسه ازعجه الرن اخذه جواله وهو يرد بعصبيه: ازعجتيني وش تبين

اسيل بنبره بكى: يبه لاتزعل علي والله مالي دخل والله امي عصبت واخذتنا غصب علشان عادل انطق بالمدرسه وجت بتقولك وانت تركتها ورحت عند عمامي وهي انقهرت بس هذا اللي صار يبه تكفى لاتهدم حياتنا

بدر بغضب: الحين انا اهدم حياتكم وهي مافكرت لمن شالتكم مع هالسايق وسافرت فيكم اصلا لخوالك رجال رجعوها غصبن عن خشمها وادبوها بس وش اقول الغلط علي من الاساس

اسيل بكت وهي تسمع كلامه القاسي: انت اهملتنا عادل تأذئ وانت تركض لفاطمه ولفواز متى تحس انك مسؤول بعد عنا مو بس عن عيال اختك

قاطعها وهو ينافخ: اقسم بالله لا اربيكم واحد واحد اجل حاسدين عيال اخيتي اليتامى وين اهملتكم وانا دايم معكم ومقابلكم قصرت بحق اهلي وامي علشانكم بس هين اسمنا بنتلاقى وعلمي امك مثل ماراحت ترجع

سكر الجوال بقهر وهو يحذفه بالجدار :
حسبي الله عليك من مره

عند اسيل بكت وامها بجنبها ضمتها وبهدوء: ماعليك منه بكره يهدى ويجي مايصبر ثواني عننا

عمشه مدت شفاتها بزعل: حنا غلطنا كيف نسافر من الرياض للدمام من غير شوره هذا طريق ومع سايق بكره الناس يقولون ماوراها رجال كل مكان تاصله يمه ترا اللي سويتيه كبير بحق ابوي كبير حييل وهالشي راح يخليه يتغير على اشياء كثيره كان يتجاهلها واولها السايق بيحرمنا منه

اماني بضيق : خلاص قفلو هالسيره متى ماجاء نفتح هالمواضيع انا اهم ماعندي انتم تكونون مرتاحين وعادل تأذى كثير بس هو تجاهله

اسيل وهي تمسح دموعها: بس واضح معصب حيل وصوته تعبان من عنده الحين يرضيه

اماني وقفت بتعب من كلام بناتها:

عنده اهله اللي اهملنا علشانهم خليهم ينفعونه الحين

_______

نزل تحت والضيق باين بملامحه لقى امه على الكرسي وسرحانه باس راسه وهو ينطق : ياهلا با ام بدر
اشاحت بوجهها وهي ماتبي تشوف احد فيهم

بدر بضيق : يالغاليه بس طالعيني والله الدنيا صاكه بوجهي

مالت شفاتها بسخريه : يا دانه دانه

دخلت دانه وهي لابسه جلالها ومتغطيه/ امري ياعمه

: دخليني غرفتي مابي اشوف اي احد من اللي ينقال لهم عيالي

دانه: ابشري

وقف بدر وهو يزفر بضيق اتجهه لبر على طول مايبي يقابل رعد ولا لافي

اما دانه رجعت طلعت لفوق بعد ما فضى البيت عليها سهام مقفله غرفتها ونايمه ورعد دخل معصب وطردها من الغرفه وقفت بحيره تطالع جناحها تدخل ولا تظل واقفه كذا اخذت نفس وهي تدخل متجاهله تحذيراته جلست بالصاله اخذت بنتها اللي كانت تلعب على الارض ضمتها وهي تخبي دموعها من كلامه امس لها

ثواني وطلع من الحمام بعد ما اخذ شور طالع لها :
انا مدري انتي تفهمين ولا لا اقولك ما ابي اشوفك اليوم كله تروحين ترزين لي وجهك ليه
دانه بهمس هادي:هذي شقتي وشقتك مو لحالك بس هذا اول شي ثاني شي انا اطلع بمزاجي مو انت تطلعني

رعد قرب منها وهو يأشر عليها:

انتي وحده ماعندك كرامه اصلاً

دانه طارت عيونها بقهر:

قاعده على قلبك وماني متحركه شبر

طنشها وهو يدخل الغرفه ويقفلها

انرسمت على وجهه ابتسامه عريضه وهو مستانس انه نرفزها

اما دانه مسحت دموعها بسرعه وهي تنزل بنتها اللي بدت تصيح مشت للمطبخ وهي تسوي لها رضاعتها

__________
اخر الليل :

لافي مقفل على نفسه المكتب
ومقابل اوراقه بضيق من الشخص اللي جالس يضغط عليه

نزل ابراهيم اللي طفش وهو ينتظر حسن

وقف عن باب المكتب بتوتر ضرب الباب بهدوء: ممكن ادخل

لافي يسمع صوته : لا

ابراهيم: يبه ماشفتك من امس

لافي: قلت لك ماني فاتح الباب

ابعد عن الباب وهو يطلع من البيت بكبره ركب

سيارته واتجهه للمستشفى عند فواز

__________

مزرعة ابو ثامر

جالس بمكتبه ومع شخصين:

الاول: ابلشونا الجماعه يبون اسلحتهم

ابو ثامر بنرفزه: عجزنا نهربها صار لنا شهرين مو قادرين نهرب شي امن الحدود متشددين

رفع حاجبه بسخريه :ابو ثامر مو قادر يهرب قلها لغيرنا انت لو دك هربتها من تحت الارض لو ودك بس

استرخاء بكرسيه والابتسامه ترسم بشفاته:

انتظرو ابو ثامر ليين يروق وبعدها بتجيهم اسلحتهم
بس فيه شخص ابيكم تنفضون القاعه عنه اسمه سهم يشتغل بقسم مكافحة المخدرات

وقفو : بنشوفه لك بس استعجل وصل اسلحة الجماعه تراهم على احر من جمر

ابو ثامر وهو يلعب بقلمه: لا تشيلون هم كلها كم يوم لين ما ارتب خطه وبعدها بتوصلهم
___
قريب من المزرعه :
نزل جواله وهو يضحك بسخريه:
هذي اول خباياك يا ابو ثامر وتسجلت بنشوف بلاويك الثانيه

______
بعد العزيمه

الكويت :

واقف بسيارته قدام البيت ينتظرها تطلع

ثواني وهي تركب سكرت الباب بهدوء وحرك

وب ابتسامه: والله انهم يهبلون اهل خويك مره ذربين ويدخلون القلب

ساكت وعيونه على على الطرييق

جادل بطفش: طيب رد اكلم جدار وبتساول وين بنام لاتقول مخيم امانه والله متكسره مافيني شده على نومة الارض وبعدين ليش طولنا حيل احس افتشلت وانا انتظرك وب ابتسامه : بس والله يهبلون

على نفس صمته مارد بحرف

طالعته بقهر وصدت: لاترد احسسن

وقف السياره فجاءه وبصوته المبحوح :

جادل

لفت عليه وبطنها مغصها:

هلا

فياض : تعرفين تسوقين

جادل طارت عيونها : ليش فيك شي

فياض وهو يطالع الطريق اللي فيه كذا سياره بس وهو مصفط بساحة خاليه مد ايده وهو ينزل غطوتها وبهمس:

طالعيني لاتصدين بخوف

عقدت حواجبها : لا والله مانت صاحي وش اخاف واصد انا جادل اذ ماتعرفني ماتخوفني تراك

بس بترت كلمتها من شافته يقرب صاحت بخوف:
امزح وربي امزح
فياض وراسه مصدع: يابنت الحلال لو ابي اضرتس ضريتس وانتي جنبي لا تخافين مني خافي من اللي رباتس
ابعدت عن الزوايه اللي حشرت فيها : وش قصدك

فياض وهو يفتح الباب بينزل: بادليني اعرف انتس تعرفين تسوقين ومعتس رخصه

جادل توتر وهي تنزل وتركب بمكانه:

طيب نقابي بشنطتي كيف اسوق وانا علي غطوه

فياض وهو يجلس بمكانها وينزل الكرسي وينسدح عليه بتعب فاض بروحه
: تلثمي

جادل : وعيوني والمكياج تبيني اخذ ذنب

لف عليها طالعها بملامحه الموجعه: جادل يرحم لي

والدينتس خلي هالليله تعدي

جادل استنكرت نظراته وحكيه وبعناد:
معليش فياض ماراح اسوق

فياض رفع كفوفه وهو يضغط على راسه ب الم:

الله لايحوجني لتس عمرتس لاسقتي

انزلي عز الله مانتي فارجتها

جادل مالت شفاتها بسخريه:

على اللي رباني مافيني ذرة خير

فياض لف عليها وهي تفتح عليه الباب ومتخصره:

نزل بهدوء وهو يحاول يتماسك بشده المسافه بعيده بين المخيم وداخل الكويت ركب وهو مو مستعد يسوق

نطقت وهي تشوف تقلبات وجهه وضغطه على راسه: اتصل على جابر يساعدنا

فياض بغضب وهو يحذفها بالجوال وبصراخ:

صوتس لا اسمعه فاهمه

حرك السياره بغضب وهو طاير

جمدت حواسها وهي تعض شفاتها بحره وتفرك كتفها بقوه بسبب ضربته

مجنون مو صاحي

بعد مرور ساعه تقريباً وصلو المخيم طفى السياره ونزل وهو يسكر الباب بقوه

اتجهه للخيمه وهو يفتحها : جهز لي شي اكله ما اكلت شي

طالعته : نعم نعم انا تبيني اسوي لك اكل ليش ما اكلت هناك

فياض نطق بحده: كلامي ما اعيده مرتين هذاك المطبخ معك عشر دقايق ولا ورب البيت لا اعلقك بجنب هالسياج وتعرفين ان لله حق مامداه يكمل تهديده الا وهي متجهه للمطبخ

تنهد بتعب وهو ينزع ثوبه والجرح اتعبه طالع ايدينه بحسره الجروح منتشره ب كفه :

مامليت من هالعاده القشرا

غمض عيونه ب الم مايعرف يعالج روحه الا بجروح جسمه يحس نفسه يتعافى لاعاقب نفسه وشوهه روحه
طالع كتفه المجروح اخذ معقم عقم جرحه ولف عليه شاش ابيض رجع لبس فلينه وثوبه

حس بدخولها وهي تنزل الصحون بعصبيه :
خلصت اكلك

لف عليها وهو يشوف كوب شاي وصمونه :

رجعيه المطبخ غيرت رايي

شالته بسكات وهي تطلع

ما اعطاها اهميه وهو ينسدح على فراشه بتعب وظهره شاب عليه

دخلت وهي تشوفه متغطي كله بالبطانيه اخذت

لبسها وطلعت للحمام وانتم بكرامه

بدلت لبسها بجامه ساده بلون السماوي وقفت قبال المرايه وقلبها يرقع من الخوف وهي تسمع اصوات الكلاب ماقدرت تسيطر على خوفها وطلعت هاربه للخيمه بدت تربط الخيوط ب ايدين مرتجفه
جلست بالزوايه وهي تطلع مرايه صغيره ومناديل مبلله بدت تشيل مكياجها تحت انظاره الهاديه
خلصت اخذت كريم المرطب وهي تحطه على وجهها بصمت وبعدها فكت شعرها من الربطه وجدلته بطريقه عاديه

عقدت حواجبها ب استغراب من سمعته يناديها:
نعم

فياض وهو يعتدل بجلسته :
اسمتس جادل ولا تعرفين تجدلين شعرتس

رفعت حاجبها من سخريته الواضح:

توك طايح تقل ميت والحين صحصحت

ابتسم لين بانت غمازته:

تجيني ولا اجيتس

جادل وقفت وهي تجيه:

لا مابي اكسب ذنب من وراك

فياض وهو يأشر لها تجلس قدامه وبنبره مبحوحه:

الذنوب ماهي لتس خليها لا اهلها

جلست وهي تلقيه ظهرها اخذ المشط
وهو يمشط شعرها بهدوء بدء يجدل
شعرها ب اتقان ذكر ربه بداخله
من كثافة شعرها ونعومته وطوله
اللي كان يوصل لين خصرها
خلص وجديلته طايحه بحضنه
وبتمته هاديه

"اذكريني لا جمعتي لك جديله
‏و إفقديني لا سرا ليلك مووايل"

تسمع همسه بس مو عارفه وش يقول :

وش عيد ترا ما احللك تتكلم من وراي

فياض وهو يرفع شعرها ويحطه على متوننها:
مايحق لتس تعرفين

لف عليه وعبست ملامحها:
ليش تحب تخليني ضايعه معك
للحين ماعرف شي عنك ماعرف الا اسمك بس
وش كانت حياتك قبل وكيف عدت سنينك وكم عمرك وش كانت وظيفتك وش اسماء اهلك امك خواتك اخوانك ليش انت تعرف عني كل شي وانا ما اعرف الا اسمك ماتحس هالشي مزعج بالنسبه لي
ماتحسه يخليني كل يوم معك بشكل وتصرف
لاتخليي حياتنا من بدايتها معقده

وبرجا: ابي اعرف ولو شي بسيط

مالت شفاته بسخريه:
حياتنا من اولها معقده من قبل لايرتبط اسمي ب اسمتس توتس على الشقى ياجادل توتس ماعدينا يومين وتبين تعرفين كل شي

جادل بضيق: بس انت زوجي المفروض اعرف ادنى شي عنك مو طبيعي ماعرف ولا شي

فياض وهو يتثاوب :

اقول ماودتس تقومين بنام

طالعته بقهر: طيب يافياض

قامت بضيق راجعه لمكانها اتكت على المساند وغطت نفسها بفروته

وعيونها مازالت عليه تشوف تقلباته وتدري انه بعيد عن النوم من زفراته وتنهيداته

صدت بنظرها عنه وهي تسند راسها على المساند

بعد دقايق لف وهو يطالعها غارقه بنومتها وراسها مايل على المساند وضامه روحها بفروته

مايلوق الحزن بعيونتس انا الغلطان وانا اللي بليتس فيني مو ذنبتس ذنب ابوتس البشع اللي قتل روحي
من زمان وجاء رزتس بوجهي علشان كلما اتألم اتذكر حقارته انا وانتي ابعد من اننا نجتمع بيوم
ابعد بكثير ياجادل مافهمتي الحزن اللي بعيوني
مافهمتي كمية العذاب اللي اعشه معتس كل يوم تذكريني ب امي وكل يوم تذكرين اخواني كأنتس تذكريني فيهم خذلت ابوي من قبلتس واسف اني بخذلتس بعده اخذ نفس وهو يوقف بتعب طلع من الخيمه وهو يتجهه لسيارته ركبها واسند نفسه بوجع على الكرسي فتح جواله

وهو يتصل ثواني وجاه الرد: وش صار وياك
وكيف اخواني

رد بصوته الهادي:
سجلنا الكلام اللي قاله ابو ثامر ومسكنا دليل
واحد بس وهو التسجيل اخوانك
مدري وش اقولك بس مافي اي اخبار عنهم

فياض عقد حواجبه:
كيف مافي اي خبر سهم انا حاط كل املي فيك

سهم بصوته الثقيل:

فياض انا الامور كلها فوق راسي مدري اراقب ابو ثامر واصير ايده اليمين ولا اجلس اراقب اخوانك
وانت مع بنت الحرامي برا مرتاح لا شغل ولا هم

فياض وهو يسمع خربشه عنده صمت لثواني:
علم اللي بجنبك يرسل لي جدي ب اقرب طياره
وحركاتكم هذي ما هي معديه فاهمييين اذ عبالكم اني ابعدت من السعوديه ولا ادري بشي تراكم مخطيين الاخبار توصلني اول بـ اول
وشيل من بالك زواجك من فاطمه

سكر الجوال وهو يتنهد بضييق:

طيب ياسهم
________

الساعه 7 الصباح

بصالة الانتظار بالمستشفى جالس وبجنبه شاهر:

:شوف انا بحاول ادخل على فاطمه واخذ توقيعها
وانت اشغل ابراهيم وفواز

----


وقفه مع الاحداث:

نشر الطمأنينة في ساعة الفزع نهج الأنبياء، إن لم تكن ممن يهوّنون الأمور وينشرون الكلمة الطيّبة فيما بينهم أو على الأقل يدعون لأنفسهم وأحبابهم وبلدهم، فلا تكن ممن يبثُّون القلق بنشر الأوهام وتضخيم الأمور، فتزعزع بفعلك التماسك وتبثَّ الهلع!

الى هنا ونلتقي الخميس الجاي ب اذن الله.


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 136
قديم(ـة) 13-03-2020, 12:48 PM
صورة غموض الحنين الرمزية
غموض الحنين غموض الحنين غير متصل
©؛°¨غرامي مشارك¨°؛©
 
الافتراضي رد: رواية من يقول أن البشر مره تموت/بقلمي


وااااو بارت حلو وبنفس الوقت اليم
اتوقع فاطمه بتوقع وبتصير زوجته ل شاهر

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 137
قديم(ـة) 14-03-2020, 09:24 AM
الأُفـق لا يعنـي السمـاء الأُفـق لا يعنـي السمـاء غير متصل
©؛°¨غرامي جديد¨°؛©
 
الافتراضي رد: رواية من يقول أن البشر مره تموت/بقلمي


رحمت الجادل☹
تسلم يدك ع هالبارت الحلو مثلك😘😘

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 138
قديم(ـة) 15-03-2020, 03:02 AM
صورة سُـهـد الرمزية
سُـهـد سُـهـد غير متصل
©؛°¨غرامي مشارك¨°؛©
 
الافتراضي رد: رواية من يقول أن البشر مره تموت/بقلمي


مشكورين غموض الحنين والافق لايعني السماء على ردودكم

نورتو الروايه ❤❤

ربي يسعدكم

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 139
قديم(ـة) 15-03-2020, 03:08 AM
صورة سُـهـد الرمزية
سُـهـد سُـهـد غير متصل
©؛°¨غرامي مشارك¨°؛©
 
الافتراضي رد: رواية من يقول أن البشر مره تموت/بقلمي


مرحبا بنات

بما انني ب اجازه

قررت اكتب واكمل الاجزاء الناقصه وانزلهم بوقت

لين اللحين راجعت12 جزء وباقي 28 جزء على قيد الكتابه

شرايكم انزلهم لكم هالاسبوع والباقي اخذ فيهم فترة توقف

لين تقريبا الرمضان

واذ خلصتهم بدري بنزلهم وبكذا نختم الروايه بدريي

شرايكم ؟؟؟؟؟



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 140
قديم(ـة) 15-03-2020, 03:36 AM
أم أحمد ورؤى أم أحمد ورؤى غير متصل
©؛°¨غرامي جديد¨°؛©
 
الافتراضي رد: رواية من يقول أن البشر مره تموت/بقلمي


هلا والله بالغالية
المهم اللي يناسبك أنت الكاتبة
لو علينا قلنا تنزلينهم كلهم وراء بعض 🤣

رواية من يقول أن البشر مره تموت/بقلمي

الوسوم
من ،، يقول ،، البشر،، مره ،،تموت , كسرت ، باب، الحزن،
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 34797 اليوم 01:44 AM
رواية مات وبجانبه مغلف/بقلمي انسان بسيط أرشيف الروايات المغلقة - لعدم إكتمالها 5 17-09-2018 06:48 PM
رواية بعنوان وتسللت الى قلبى - رواية اجتماعية رومانسية نسخة pdf hossamhazem ارشيف غرام 1 23-06-2018 02:21 AM

الساعة الآن +3: 08:54 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1