غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 141
قديم(ـة) 15-03-2020, 03:41 AM
صورة سُـهـد الرمزية
سُـهـد سُـهـد غير متصل
©؛°¨غرامي مشارك¨°؛©
 
الافتراضي رد: رواية من يقول أن البشر مره تموت/بقلمي


اقتباس:
المشاركة الأساسية كتبها أم أحمد ورؤى مشاهدة المشاركة
هلا والله بالغالية
المهم اللي يناسبك أنت الكاتبة
لو علينا قلنا تنزلينهم كلهم وراء بعض 🤣
هلابك ياروحي

ان شاءالله بس اخلص من تنزيل كم جزء وبعدها نبدا نعدل على النهايه بالكثير شهر مدة التوقف

ياعمري انا احتاج رايكم تبونا نستمر كل اسبوع جزئين ولا تبونهم مع بعض كل يوم جزء اللي يناسبكم بسويه
دامني فاضيه):

وربي يسعدك ❤

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 142
قديم(ـة) 15-03-2020, 02:30 PM
الأُفـق لا يعنـي السمـاء الأُفـق لا يعنـي السمـاء غير متصل
©؛°¨غرامي جديد¨°؛©
 
الافتراضي رد: رواية من يقول أن البشر مره تموت/بقلمي


انا اقترح تنزلي الاجزاء الجاهزه كلهم مع بعض
تحسباً لأي ظرف ممكن يصير🤷‍♀
و الاجزاء الباقية ع وقت م تخلصي من كتابتهم نزليهم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 143
قديم(ـة) 15-03-2020, 05:26 PM
غموض الحنين غموض الحنين غير متصل
©؛°¨غرامي مشارك¨°؛©
 
الافتراضي رد: رواية من يقول أن البشر مره تموت/بقلمي


انا مع أختي الأفق لا يعني السماء ء تنزلون كل الاجزاء اللي جاهزه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 144
قديم(ـة) 18-03-2020, 07:10 AM
صورة سُـهـد الرمزية
سُـهـد سُـهـد غير متصل
©؛°¨غرامي مشارك¨°؛©
 
الافتراضي رد: رواية من يقول أن البشر مره تموت/بقلمي


صباح الخير

اعتذر عن نزول الجزء التاسع لظرف
طارئ

وشكرا وانتبهو لا انفسكم والله يحفظكم جميعاً ❤


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 145
قديم(ـة) 20-03-2020, 03:43 PM
نوارة بنت صوصو نوارة بنت صوصو غير متصل
©؛°¨غرامي مشارك¨°؛©
 
الافتراضي رد: رواية من يقول أن البشر مره تموت/بقلمي


اقتباس:
المشاركة الأساسية كتبها سُـهـد مشاهدة المشاركة
مرحبا بنات

بما انني ب اجازه

قررت اكتب واكمل الاجزاء الناقصه وانزلهم بوقت

لين اللحين راجعت12 جزء وباقي 28 جزء على قيد الكتابه

شرايكم انزلهم لكم هالاسبوع والباقي اخذ فيهم فترة توقف

لين تقريبا الرمضان

واذ خلصتهم بدري بنزلهم وبكذا نختم الروايه بدريي

شرايكم ؟؟؟؟؟

‏هلا والله سهد..
قبل كل شيء أهنيك على روايتك الجميلة.. وأشكرك على التزامك
أما بخصوص اقتراحك... سوي اللي يناسبك قبل كل شيء، وأنا عجبني اقتراحك بخصوص انزال الأجزاء المكتملة دفعة وحدة... وبعدها تتوقفين وقت كافي ومناسب ‏وتنزلين الباقي من الرواية.
‏وارجع وأقول سوي اللي يريحك يا قلبي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 146
قديم(ـة) 23-03-2020, 03:39 PM
اصول العشق اصول العشق غير متصل
©؛°¨غرامي جديد¨°؛©
 
الافتراضي رد: رواية من يقول أن البشر مره تموت/بقلمي


ماشاء الله الروايه قمه في الروعه
البارت اليوم اي ساعه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 147
قديم(ـة) 24-03-2020, 09:41 PM
ام محمدوديمه ام محمدوديمه متصل الآن
©؛°¨غرامي مشارك¨°؛©
 
الافتراضي رد: رواية من يقول أن البشر مره تموت/بقلمي


روايه رائعه

لكاتبه متمكنه

أعجبتني القصه وحبكتها

وغموضها الذي يبدأ بالوصوح تدريجيا


ماذا سيكون رد فعل فاطمه بعد أن تكتشف انهم قد زوجوها


فياض هل بيستقر فبيت بالكويت بما انه طلب إرسال جده؟!

وسر عائلة جابر متى سينكشف؟!

اتوقع ابو فياض تعرض لمؤامره من أشخاص ربما كشفهم

امه انتحرت ربما اعطوها حبوب هلوسه او اغتصبها لأنها مستحيل تسوي كذا


اعتقد ورى قضية فياض وسجنه ابو ثامر واشك انه اخواله معاهم خلفيه حاسه انه لعب عليهم ابو ثامر واستغلهم



مثل محاول يستغل فياض


فياض بعد مبين انه تعامل مع احد فسفره يمكن مع الشرطه عشان كذا كان خطط ابو ثامر مكشوفه معه


بانتظار التكمله


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 148
قديم(ـة) 26-03-2020, 07:03 AM
صورة سُـهـد الرمزية
سُـهـد سُـهـد غير متصل
©؛°¨غرامي مشارك¨°؛©
 
الافتراضي رد: رواية من يقول أن البشر مره تموت/بقلمي


الجزء التاسع

مدخل/

‏"ولكن أحس أنه يتعذب، يبحث عن شيء ضائع، وقد لا يعرف ما يبحث عنه، وهذا أصعب ما يواجه الإنسان، وأشد ما يعذبه"

_____

الرياض

شاهر طالع اللي معه: انت صاحي وبعدين ترا العناية متشدده يعني اخوها تلقاه بالمسجد ولا برا بمرر العناية

شد على ياقته وهو يمشي : هم مايعرفوني حييل بالاصح ماكنت اقابلهم كثير ف بمر من عندهم

شاهر شد على كتفه وهو يطالع بعيونه بشك:
وكيف بتدخل عليها وبتفكير وانا فواز مايعرفني ولا يعرف وش صليتي فييهم بس شكل ابراهيم عرفني لاني بعد ماطلعت اسمعه ماسك عمه ويسأله

ابتسم بخبث: اتركها علي ماحد حافظ العناية غيري

طارت عيون شاهر : خلصنا لا ننمسك

ضحك وهو يمشي: ناسي انك معي عارف من انا ولا

قاطعه شاهر بقهر: جاه عرق الهياط خلصنا

مشى بمررات العناية بهدوء تمام دخل قسم العناية وهو يرز بطاقته دخلته الممرضه وهي تأشر له يعجل دخل على غرفتها ما ركز كثير بملامحها

طلع الورقه من جيبه نزلها على السرير مسك ايديها وهو يمسكها القلم وبعدها وقع انرسمت الابتسامه على وجهه رفع ايدها وهو يهمس:
عساه عقد السعاده والفرح
نزل ايديها وهو يرجع الورقه داخل جيبه ويطلع

بالسياره تحت عند شاهر اللي ينتظره بخوف

ثواني وفتح الباب : خلصنا

شاهر : وين نروح الحين

: نفطر وبعدها للمحكمه نوثق العقد انا متفق مع الشيخ هناك

شاهر وهو يحك عيونه بنعاس :ترا واري داوم وبزارين وحوسة ومدير اقشر

طالع له بنظرات: وانا عندي امي تحت الملاحظه ومن امس وانا من مكان لمكان ماشفتها علشان بنت خالك

شاهر وهو يتثاوب : تؤبرني يابو نسب بنفطر وبعده خل احد يجيك انا بروح اداوم

هز راسه بهدوء: تمام

______________________
الصباح

بالفيلا ام لافي بد يشتغل على شقته ويخطط عليها :

دخلت سهام وهي شايله تركي وب ابتسامه: صباح الخيرات

بدر وهو ينزل القلم من اذنه : صباح النور ياهلا بالشيخ تروك شاله وهو يلعبه

سهام وهي تجلس: ايوه وش صاير معك يابو عادل

بدر وهو يبتسم: مو صاير شي

سهام رفعت حاجبها ب اعتراض: بس اليوم بنات خالتي راسلين لي يقولون صدق مرة ولدكم مسافره مع سايقها صدق هالسالفه ولا علشان اوقفهم عند حدهم

بدر: صحيح وش بتسوين يعني

سهام وعرق الخبث نطق : خلها علي والله من زمان غاثتني

بدر بهدوء: سهام حياتي خاصه فيني انا وزوجتي بس وماحد عليه كلمه عليها غيري بتقولين انا اختك وانا دارى بمصلحتك بس
انا وام عادل عشرة عمر مو يوم يومين
وبعدين انا سمحت لها تروح ما اظن فيها شي مو من بعد المسافه بينا وبين الدمام كلها ثلاث ساعات

سهام برد وجهها: ايه ماقلت شي انا براحتك
وقفت بسرعه وهي تاخذ تركي منه وتطلع

طالعها لين ماراحت اخذ نفس : الله يهديك يا اماني

رجع يخطط ويكمل تخطيطه على هالشقه

نزلت تحت بزعل وصلت جناح امها طقت الباب اكثر من مره وماحد فتحت لها زفرت بضيق وهي تطلع للصاله دخلت دانه ب استعجال : سهوم تكفين توق نايمه مع رعد انتبهي عليها لاصحت عندي اليوم ضغط كبير بالشغل يمكن ارجع متأخر بلغي رعد

سهام طالعتها بقوه: خير ان شاءالله

دنقت على تركي حبته وطلعت بسرعه

بوزت بضيق امنيه زعلانه ببيت اهلها اماني هجت لاهلها على كبر هالبيت مافي احد يجيب الكأبه جادل تزوجت وراحت طالعت ولدها اللي بدا يغفي اخذت لفته وحطته بالارض وظلت تطالعه بحزن
______

عند ريفا نزلت وهي تركض و بصراخ :
يبه يمه اقبلوني بمستشفى الحرس

ابتسم ابوها اللي كان طالع لشغله : على البركه يابوتس على البركه

لفت على امها وهي تحضنها بفرحه: ماتوقعت يقبلوني بهالسرعه

ابوها بفخر: لانتس شاطره ومستواتس عالي

ريفا ب ابتسامه/ ياعيوني يابوي

حب راسها وبعده طلع والابتسامه تشع بوجهه بفرحته ببنته واغلى بناته
بالبيت وعلى سفرة الفطور

ريما : فتحتي علي باب كلما شافوني قالو اجتهدي مثل اختك ياربي ياريفا بس

ريفا: هههههههههه ايه اجتهدي واطلعي مثلي

ريما: اقصى همي صدقيني

دخلت امهم ببشوية عصبيه: ريما السايق صار له ساعه برا وش تنتظرين

وقفت بعجله وهي تلبس عباتها ونقابها: هاه طالعه

التفت عليها امها: ب امان الله

وبعدها طالعت ريفا اللي تاكل وعينها على جوالها:
وش صار بينك وبين عبدالرحمن ؟

ريفا بهدوء: ولا شي بس كنت استفسر منه بخصوص واحد دعمنا الا شوي

طالعتها امها : امس كله وانتي ماعلى لسانك الا اسمه

ريفا عقدت حواجبها وب استنكار: يخسى مابقى الا هو خلاص افهمو عبدالرحمن انتهى من زمان

امها: علمي نفسك هالكلام مو تجلسين تاخذيني بصراخ كففي دموعك يابنت مايكفيك اللي صار لك من تحت راسه العنيد

ريفا وقفت : يمه انا بروح اتجهز لازم اسلم اوراقي بعد بكره مقابلتي

ام ريفا وهي تشوفها تمشي: ايه انحاشي

دخلت غرفتها وهي تسكر الباب بسرعه:

جلست على سريرها وهي ماسكه دموعها بقوه

بس وش يفيدها البكي واللي كان حلالها حرمت نفسها منه ومن حبه افرضت قيودها على قلبه وفرت هاربه منه بس ايقنت انه هو اللي فرض حبه عليها

______
الكويت:

طلعت من الخيمه بعد ماصلت صلاتها عقدت حواجبها وهي تشوفه جالس على جلسه وقدامه حاطب ويقلب فيه وريحة القهوه ريحتها منتشره بكل مكان

لمح زولها جاي وبصوت مبحوح : غطي جسمك بجلال حكيم يفر حوالين المخيم

جادل وهي تجلس بالارض قابله: عطني جاكيتك

رفع حاجبه :انتي مايحلا بعينك الا اللي انا لابسه

جادل وهي تهز راسها وبهدوء/ مافي فطور مييته جوع

فياض بسخريه وهو يلعب بالعصا: مدري من الحرمه انا ولا انتي

جادل نفخت خدودها بضيق: فياض انت وش وراك

لف وراه بسخريه : سيياج بعده صخر وبعده سيارتي

جادل طالعته بنفس شينه: ياصباح خير شكل فويزاتك ضاربه

فياض ب ابتسامه وهو ينزع جاكيته ويرميه عليها:
اقول وش رايك بس بهالبر

جادل بتعابير خاليه: ممل يضيق الخلق

رفع حاجبه وبهدوء رفع راسه للسماء:
انا بعكسك اشوفه جزء مني شفتي وسع هالمكان انا مثله تمام

قاطعته بسخريه: واضح وايدينك للحين معلمه بكتوفي

فياض بنبره هاديه: عند الضروره تحجب الاسباب

جادل بنظره : ماشاءالله

فياض بنفس النبره : ارجع واقولك عدلي نظرتك للبر لانه متنفسي الوحيد اللي الاقي نفسي فيه ولازم تتحملينه

جادل : مو انت تقول انا وانت مستحيل نكون مع بعض ليش تربطني فيك الحين وتبيني احب اللي تحبه

فياض وهو يمسك الدله: قهوه

جادل بقهر: ليش متى ماتبي تتكلم تجبرني اسمعك واجاوبك وانت تطنشني

فياض وهو يمد لها الفنجال: الله واعلم شكلتس قاعده ومجمعه شياطين البر براستس تعوذي من ابليس شفيتس شابه نار

جادل وهي تحذف فنجاله بالارض ب اقوى ماعندها وحطت رجلها وانحاشت للمطبخ

طالعها بجمود والابتسامه متعلقه بشفاته: متري البر لو بغيتي مالتس مكان الا هينا

رن جواله عقد حواجبه وهو يطالع الرقم السعودي رد بهدوء: الو

: مافي مبروك

فز من مكانه بغضب: سويت اللي براسك

ضحك : هههههههههههه بارك طيب ليش العصبيه شايفني ماني كفو لاختك

فياض بقهر : مانت بكفو يكفيني انحرمت 19 سنه منها جاي تقهرني فيها هذي اخر خوتك دخلتني بهالمعمعه وسكت والحيييين جاني بدم بارد تقول ملكت عليها فاطمه تستاهل اللي احسن منك

سكر الجوال وهو يرمي بقهر على الكبوت

فياض انقهر زود دق على جابر: اسمعني احجز لي على الرياض الحيييين فاهم الحين

جابر بهدوء: اسف ممنوع تطلع من الكويت

فياض: ومن متى تصدر اوامر انت اخلص علي جابر ترا الدنيا تساوت بعيوني

جابر بسخريه: طول عمر الدنيا متساويه بعيونك وش فرقت الحين

فياض بغيض: تحمل مايجيك اجل

سكر جواله وهو يحذفه بوسط النار والقهر متوسط قلبه وقف بسرعه مايبي يشوف جادل وهو بهالحال ركب سيارته وحركها مسرع

طلعت من المطبخ على ازعاج سيارته شايفته يحرك مبعد عن المخيم جمدت حواسها برعب: فياض وين رايح ومخليني

وقفت بيأس بعد ماركضت وراه برعب وخوف انه يخليها جثت على ركبها وبتفيكر غريب: تركني اي تركني وراح بكت بخوف من تفكيرها ضربت كفوفها بقهر: هذا اللي مستأمنه روحك عنده راح وخلاك
بيقهر ابوي فيني والله بيقهره وقفت وهي تتنحب بضعف رجعت للخيمه وهي تلبس عباتها ونقابها

جلست على مركى الجلسه وهي تترقب عودته وقلبها وقف من الخوف عقدت حواجبها وهي تطالع النار قبالها شافت الجوال يحترق: حسبي الله على عدوك يافياض حسبي الله الله ياخذ حقي منك الله ياخذه مسحت دموعها وهي توقف واتجهت لغرفته وبدت تدور عن اي جوال نفخت شفايفها بزعل : ياربي وش اسوي

طلعت وهي تتمشى تحاول تلمح احد شافت زول هندي كان قريب من الجهه الثانيه للمخيم نادته بهدوء: لو سمحت

التفت الهندي وبعدها صد بسرعه: نعم ماما

ابتسمت على حركته: انت تشتغل هينا تعرف فياض

حكيم : ايه ماما انا يعرف بابا فياض هذا مره مجنون امس يروح مكان بعيد ويصايح بعدين قال انا فيه موت انتا اذ يشوفني وين يروح

مسكت راسها بصدمه: طيب انت تشتغل عند جابر صح

حكيم هز راسه / ايه كفيل انا بابا جابر وبابا جابر يقول شوف هذا فياض علشان مافي يذبح نفسه
حرك يده على رقبته بتمثيل

مازالت عيونها طايره برعب/ طيب دق على جابر هذا بسرعه قبل مايجي فياض

طلع جواله وهو يدق ع جابر رد جابر بضيق: نعم حكيم تراك ازعجتني من امس

حكيم : والله بابا انا مايبي يدق على انتا بس هذي ماما بس يبي يكلمج

جابر مسك راسه : ماما منو

ردت وهي مستحيه : معك زوجة فياض

جابر تعدل بجلسته/ امري فياض فيه شي

غمضت عيونها وهي مازالت منحرجه: فياض مشى وتركني لحالي بالبر وشكله ماله نيه يرجع حتى شنطته ماهي موجوده وجواله قاطه بالنار وبترجي: الله يخليك هذا المخيم مخيمك جيب وحده من خواتك وتعال خوذني انا مستحيل اقعد بهمكان لحالي

جابر بتردد: بس فياض لو عرف

جادل برجا: الله يحفظ لك خواتك انا بنت ولا اعرف شي ولحالي بهالمكان ماحولي الا هندي غريب عني حتى جوالي ضايع ماحصلته غمضت عيونها وهي تنطق بهمس : لو وحده من خواتك بهالموقف بتتركها

جابر بحزم: تجهزي ساعه بالكثير وانا جايج

جادل دمعت عيونها بفرحه: الله يخليك لاهلك

سكرت الجوال وهي ترجعه للهندي:
شكرا

حكيم لازال صاد : ماما ليش يقول انا هندي انا اسمي حكيم

جادل : شكرا حكيم

رجعت للمخيم بسرعه دخلت وهي ترتب اغراضها طالعت لبسها اللي عباره عن بجامه تنهدت وهي تبدل بسرعه لبست جنز وبلوفر ساده بلون البيج رتبت شعرها ورجعت لبست عباتها لفت شيلتها وهي تلبس نقابها طالعت جاكيته المرمي حست بتأنيب الضمير اخذت نفس وهي تقوي نفسها

طلعت لبر ومعها شنطتها واغراضها

___________

جابر رجع للبيت مستعجل جاء بيصحي حنان ولقاها نايمه مع امه رجع لغرفة خواته فتح الباب ب استعجال ومثل ماتوقع لقاهم مواصلين:
هاجر ورهف تجهزو

هاجر فزت : اكيد بتفطرنا برا صح قول صح امانه

جابر يبي يسكتها: ايه البسو عباياتكم والحقوني

هاجر ورهف لبسو ب استعجال علشان يتسابقون من اول وحده تركب السياره فتح باب السياره وهو يركب ثواني ولا يشوفهن يتهاوشن على الباب
عض شفته: ناقصكم انا اخلصن علي

ركبت رهف بالمرتبه الاولى ب انتصار

فتحت هاجر الباب وهي تركب: غش والله غش

جابر : اسمعوني وحده تتكلم بس والله لا اوريها شغلها هذاني حذرت

سكتن بخوف من عصبيته الغريبه عليهن

فتحت جوالها وهي ترسل لهاجر: شفيه معصب

هاجر: وانا شدراني

طلعت من الواتس وهي تنزل جوالها بهدوء

هاجر بلقافه: جبور وين رايحين هذا مو طريق

قاطعها بصراخ: اقولج انجعمي ماتفهمين انتي

انكمشت على نفسها وهي مستغربه عصبيته

غمض عيونه وهو يحاول يهدي وبنفس الوقت خايف من فياض

____________

الريـاض:

الظهر :

مجتمعين حولها وفواز جالس قبالها وهو يطالعها بوجع :فطوم ادري انك قاعده وتسمعيني فتحي عيونك تكفيين بس ردي علي

دخل الدكتور وهو يعقد حواجبه: وش مدخلكم الزياره تفتح الساعه7 المساء

فواز وهو يوقف : دكتور انت قلت انها قاعده ليش طيب ماتفتح عيونها وماترد علي ليش ماتنطق

طالعها وهو يصد بهدوء: فواز ممكن تتفضل وتاخذ اللي معك

نطقت جدتها بتعب : انا برافق معها مانيب بطالعه

الدكتور: بس عيالك يطلعون ازعجو المريضه

ام لافي وهي تمد عصاها: برا ولا اشوف احد قدامي

طلع فواز ومعه بدر ورعد

طلع الدكتور وراهم : فواز اختك رافضه تتكلم من فتحت عيونها الموضوع بيتحول لدكتور نفسي اذ طول وضعها شكلها دخلت بمرحلة صدمه لانها مو جالسه تستوعب اللي صار اكثر من مره تحاول تقوم وبعدها تجلس تتألم من غير لاتنطق بحرف

فواز بضيق: هي عصبيه وطبعها اذ زعلت مستحيل ترد على احد وكل اللي تشوفهم زعلانه عليهم

الدكتور بتنبيه:بالنسبه لوضعها وبما انها طالعه من عمليات كان ممكن تبدي ردة فعل عكسيه وهذا الطبيعي لكن انا قصدي ردة الفعل عندها كانت صفر مافي اي استجابه او رد منها اذ هي تتعامل معكم كذا ف اكيد انها ماراح تتعامل مع الممرضه بنفس الاسلوب بس الواضح انها تعرضت لموقف قوي او صدمه نفسيه خلها بهالجمود ومرحلة اللااستيعاب ب انتظر يومين واذا الوضع ماتغير بحولها لدكتور نفسي

تعداه وهو يتجهه لمكتبه

واقف بضياع يطالع بضيق: ياليت ايدي انكسرت ولا مديتها عليها ياليت

مسك كتفه رعد : فواز
دف ايده بقوه وهو يتعداهم طالع من المستشفى والضيق مالي صدره

رعد : وش فيه هالنفسيه

بدر : لاتلومه تراها اخته

رعد بشماته: عايلتهم جذب للمصايب بشكل فضيع

بدر بتحذير: رعد لاتتشمت انتبه تتشمت بمصايب

الناس انتبه تعداه وهو ينطق بهدوء: انا رايح بالسياره تحت لاتطول
______
ابراهييم جالس بحديقة بيتهم التفت على صوت ابوه: امك مو نايه ترجع

ابراهيم رجع على جواله: لا

لافي رفع حاجبه: شفيك معصب

نزل جواله وهو يرفع عيونه لابوه: عاجبك حالنا حسن صاير مايرجع البيت اذ انت فيه وامي تركت البيت وبضيق ترا البيت صاير ماينجلس فيه

لافي جلس بجنبه وهو يحضن كتفه: انتبه لدراستك والوضع بيرجع مثل اول واحسن

ابراهيم رفع حاجبه بضيق: بعدين ليش تكذب عليي كلما سألتك عن فياض تقولي ميت وهو حي

مسك اعصابه وتوتره لايبان على وجهه: وهو ميت صدق

ابراهيم بسخريه: وامس جاينا شاهر يهددنا فيه وانت تقول ميت وبهدوء ساخر توني ادري ان الميت يرجع حيي

لافي وهو يوقف : وهذا الخبر اللي جانا وماني مكذب عليك وهذا بيت عمامك ان مانت مصدقني رح اسألهم واحد واحد

ابراهيم وقف معه: انا وصلت لمرحله ماني عارف يميني من شمالي شاهر فجاءه يطلع يهددنا علشان فاطمه وش عرفه طيب بفاطمه

قاطعه : وش تبي من الاخر

ابراهيم: ابي فاطمه وانت عارف اني هاويها من زمان وكلما جيت بخطبها ترفض والحين مالك عذر ابيها قبل لايخطبها شاهر

لافي ب ابتسامه بانت ب اعلى شفاته: والله وكبرت يا ابراهيم خلها تطلع بالسلامه وتبشر

ابراهيم بتردد: كلمة رجال

لافي مازالت البسمه معتليه شفاته: تاكد ان ماكانت لك ماهي لغيرك وبتهديد لو توصل للسماء مافرحت بغيرك

ابتسم وهو يحب راس ابوه: قسم بالله انك فرحتني الله لايحرمني منك

دخل على وقفتهم صد بوجه بيدخل الا بصوت ابوه:
اقلها السلام عليكم داخل على كفار انت

حسن من غير نفس: سلام

وقفه: تراني ابوك احترمني
نزل ايدينه بهدوء: وانا ماقلت شي
وبهمس ماسمعه ابراهيم: لاعلمتني كيف اسهم شركتك ارتفعت من القاع للسماء علمني اسمع لك واعتبرك ابوي والحين مابيني وبينك شي الا مكان جادل بس وهذي بقى عليها قليل يابو ابراهيم

تعداه وهو يدخل دخل غرفتها وهو ينزل طاقيته بتعب انسدح على السرير وهو يتذكر موقف اخويانه وهم يعلمونه عن اسهم شركتهم كيف ارتفعت وضربت بالسوق وهي كانت ب انحدار رهيب كيف بيومين قدر ابوه يقلب الطاوله حتى عمامه واضح مصدومين :
الله لايخليني كاني خليتك كررها بهمس مُتعب وبعدها غفى

اما لافي طلع لسيارته وهو حاس اوارقه بدت تنكشف لعياله لازم يتصرف لازم
ركب السياره وحركها وهو يرسل لابو ثامر

وين مكانك بسرعه

رد : وين بكون اكيد بالمزرعه

رد : ان جايك

ابو ثامر: منتظرك وتلثم وانت جاي يمكن نكون مراقبين انتبه

رد : ابشر

رمى جواله وهو متوتر

بعد وقت وصل المزرعه :

نزل وهو يدخل وانس وراه :حياك طال عمرك

مارد وهو يدخل مكتب ابو ثامر اللي كان ينطق برفاهيه وفخامه:عاش من شافك من بعد مازوجت بنتك ماعاد شفناك

لافي بتوتر: ابي فياض

رفع حاجبه: ههههههههه ومن هربه وزوجه والحين جاي تبيه

لافي : ابو ثامر انا ماجيتك كذا جيتك لان لو فياض انمسك بنروح فيها وانا مايشفي غليلي الا دمه يا ابو ثامر دمه

ابو ثامر بسخريه: دمه وانت مزوجه برضاك بعدين مارويت حقدك للحين بتهديد: لو اني من فياض كان ذبحتك بس المسكين قلبه نظيف مايحب يأذي احد

لافي : انت معي ولا معه
ابو ثامر بجمود: انا صدق اعمالي ماتشرف بس ان عرفت بس مجرد خبر انك لمست شعره منه والله يالافي لا اقلب حياتكم فوق تحت وانت تعرف كلمتي انا فياض تاركه بكيفي ولو بغيته بجيبه لين باب بيتي بس انا ابيه ياخذ راحته هالفتره وبعدها بيكون ب امانتي فاهم

لافي: اجل انسى اللي بينا

ابو ثامر : ناسيه من يوم سلمتني رقبة هاليتيم

لافي بتهديد: تحمل اللي بيصير

ابوثامر وهو يوقف: لاتخليني احطك براسي وانت عارفني لاذمه ولا ضمير

لافي طالعه بتحذير: ولاتنسى من انا

ابو ثامر بنظره تحمل الكثير من القهر: لاتطلع بوجهي يالافي الف مره قلت لك تجنب طريقي مابي اذيك بس انت ماتفهم الكلام يبي لك فعل علشان تتوب

لافي وهو يطلع ولا مبالاه: سو اللي تقدر عليه وودع سُوارك وثامر
____
الى هنا تعمدت اقصر الجزء علشان الجزء العاشر يكون كثير ووافي بالاحداث وومرحلة انتقال بحياة بعض الابطال

واحتمال السبت ينزل او الجمعه بليل

ودمتم بخير .



تعديل سُـهـد; بتاريخ 26-03-2020 الساعة 07:16 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 149
قديم(ـة) 26-03-2020, 07:52 AM
صورة سُـهـد الرمزية
سُـهـد سُـهـد غير متصل
©؛°¨غرامي مشارك¨°؛©
 
الافتراضي رد: رواية من يقول أن البشر مره تموت/بقلمي


اقتباس:
المشاركة الأساسية كتبها ام محمدوديمه مشاهدة المشاركة
روايه رائعه

لكاتبه متمكنه

أعجبتني القصه وحبكتها

وغموضها الذي يبدأ بالوصوح تدريجيا


ماذا سيكون رد فعل فاطمه بعد أن تكتشف انهم قد زوجوها


فياض هل بيستقر فبيت بالكويت بما انه طلب إرسال جده؟!

وسر عائلة جابر متى سينكشف؟!

اتوقع ابو فياض تعرض لمؤامره من أشخاص ربما كشفهم

امه انتحرت ربما اعطوها حبوب هلوسه او اغتصبها لأنها مستحيل تسوي كذا


اعتقد ورى قضية فياض وسجنه ابو ثامر واشك انه اخواله معاهم خلفيه حاسه انه لعب عليهم ابو ثامر واستغلهم



مثل محاول يستغل فياض


فياض بعد مبين انه تعامل مع احد فسفره يمكن مع الشرطه عشان كذا كان خطط ابو ثامر مكشوفه معه


بانتظار التكمله


ياهلا وغلا ماتتخيلين شكثر مرورك اسعدني

الصراحه بديتي تصدميني بالتوقعاتك

بس بنشوف بالاجزاء الجايه

شكرا مره لمرورك ولاتحرميني من تواجدك❤

ربي يحفظك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 150
قديم(ـة) 26-03-2020, 07:53 AM
صورة سُـهـد الرمزية
سُـهـد سُـهـد غير متصل
©؛°¨غرامي مشارك¨°؛©
 
الافتراضي رد: رواية من يقول أن البشر مره تموت/بقلمي


نواره واصول عشق اسعدني جدا تواجدكم ياليت ماتحرموني من وجودكم بعد كل جزء ربي يسعدكم ويحفظكم💜

الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1