غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 281
قديم(ـة) 10-02-2020, 11:36 PM
Fay .. Fay .. غير متصل
©؛°¨غرامي مشارك¨°؛©
 
الافتراضي رد: رواية ياسمح المحيا جر الهجـينية/بقلمي


اقتباس:
المشاركة الأساسية كتبها ضحكته مشاهدة المشاركة
شفتي كيف لا تلوموني بعدين
يزينهه خذااا قلبي ذا الشويبه 😭💙💙
والله ان البارتات صارت حماس من رجع
وفديته بسسسس
لا الحين صار وضعه بالسليم ينحب بس بعدين الله يستر 😂

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 282
قديم(ـة) 11-02-2020, 06:23 PM
صورة ضحكته الرمزية
ضحكته ضحكته غير متصل
©؛°¨غرامي مشارك¨°؛©
 
B2 رد: رواية ياسمح المحيا جر الهجـينية/بقلمي


يالله واخيراً بدأ الحمااااس
من زمممان استنى ذكرياتهم ياتراا وش راح يصير بعذبه
وشلون راشد وهيفا 🥺

ياقلبي ي عباير حزنتني
له عين طلق وغيث يردون الخوات
قواة وجهه وشين فعول
😭💔

الله يستر لايصير لعذبه شي
يارب لاتقهر راشد يارب
وبادي الحب لبى الوجهه ي زييينههه ياعرب 🙈🌸
بارت جمييييل عجييييب
بنتظار القادم

تسسسلمين ي بعد روحي انتي تسسلم اناملك ع هالبارت ي قلبي 💛💛




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 283
قديم(ـة) 12-02-2020, 01:18 AM
rwuiit28 rwuiit28 غير متصل
©؛°¨غرامي فعال ¨°؛©
 
الافتراضي رد: رواية ياسمح المحيا جر الهجـينية/بقلمي


اقتباس:
المشاركة الأساسية كتبها fay .. مشاهدة المشاركة
ابو هليل و طقته مستحيل يقتنعون بحركات عيالهم ، اخ ثقالة دمهم من اكبرهم لاصغرهم

و طلق احسن اللي جاه احسن يستاهل ،غابني
راشد و سعود اخوااان ؟ 😭
شلون كيف ،ضيعت والله
تسسسلم يدك
بيوضح كل شي باْذن الله❤❤

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 284
قديم(ـة) 12-02-2020, 01:19 AM
rwuiit28 rwuiit28 غير متصل
©؛°¨غرامي فعال ¨°؛©
 
الافتراضي رد: رواية ياسمح المحيا جر الهجـينية/بقلمي


اقتباس:
المشاركة الأساسية كتبها ضحكته مشاهدة المشاركة
يالله واخيراً بدأ الحمااااس
من زمممان استنى ذكرياتهم ياتراا وش راح يصير بعذبه
وشلون راشد وهيفا 🥺

ياقلبي ي عباير حزنتني
له عين طلق وغيث يردون الخوات
قواة وجهه وشين فعول
😭💔

الله يستر لايصير لعذبه شي
يارب لاتقهر راشد يارب
وبادي الحب لبى الوجهه ي زييينههه ياعرب 🙈🌸
بارت جمييييل عجييييب
بنتظار القادم

تسسسلمين ي بعد روحي انتي تسسلم اناملك ع هالبارت ي قلبي 💛💛


تبدا توضح الاحداث قريّب وجدا باْذن الله🤍🤍

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 285
قديم(ـة) 12-02-2020, 01:20 AM
rwuiit28 rwuiit28 غير متصل
©؛°¨غرامي فعال ¨°؛©
 
الافتراضي رد: رواية ياسمح المحيا جر الهجـينية/بقلمي


،،الـجـزء الاربـعـين،،
~~بارت قصير مفاجئ ولطيف ان شاء الله❤~~
..استغفر الله العظيم من كل ذنب عظيم وأتوب اليه..
.
.
.
راشد انقلب وجهه من سمع صرختها ورجع خطوة لورا ووقف من حس حافة البير اللي بدون حاجز يلفه والتفت وراه بسرعة يتأكد وهو يتقدم خطوة لقدام
هيفاء تطالعه بصدمة وتجمدت مكانها والصوت اللي طلع منها اختفى من جديد ضمت يديها اللي تحت طرحتها ببعض وهي ترجف من خوفها
راشد طالعها بورطته الطريق اللي يخرج منه واقفة فيه هيفاء تقدم خطوة وهو يمد يديه لقدامه
هيفاء جلست عالارض وهي تطالعه بدموعها
راشد رجع وبتوتر فظيع:يابنت الناس انا بس ابي اخرج حسبت ان البيت مافيه احد ماتوقعت ان فيه سكان!!،،تقدم خطوة ووقف وهو يشوف ردة فعلها اللي خوفته،،
هيفاء طلعت منها صرخة مكتومة وهي تضم نفسها قدّامه وتغمض عيونها
راشد اخذ نفس وتكلم بسرعة:انا بخرج من المكان ولازم امر من جنبك،،مشى بخطوات سريعة متجه لها،،
هيفاء بنفس وضعها تبكي ولارفعت راسها له
راشد مر من جنبها ووقف على باب البيت بصدمة
مفلح واقف قباله ع باب البيت الخارجي وهو يلهث اتسعت عيونه وهو يشوف المتلثم قدّامه وبصوت عالي وهو يجري لراشد:ابوووووك يامفلح!!!!
ثريا مصدومة وهي تطالع هيفاء من ورا مفلح وجرت وراه وبفجعتها:ياويل حالي عليش ياهيفاء!!اويلي على بنيتي!!
راشد انخطف وجهه وهو يشوفهم متجهين له فتح شماغه عن وجهه بسرعة وهو يرجع لورا ورفع صوته:البيييييرررررر!!!البييييرررر!!
مفلح رمى مركوعه عالارض وهو يجري لراشد ثم مسكه من ياقة ثوبه يخنقه:ابوك يالخسيس تعقب غادين يم محارمنا!!!،،وبصراخه،،اعقب يامفلح اعقب غدا يمك غدا!!
راشد مسك يد مفلح ورفع صوته:البير ياعم دلوني عليه!!ماجيت محارمك
مفلح:انكعم يالكذوب!!
ثريا ضربت راشد بالمركوع ع راسه اللي اخذته اول مارماه مفلح عالارض
راشد أوجعته الضربة ودف مفلح بقوة عنه وبصراخ وهو ماسك راسه؛اقولكم مدلول عالبير!!مدلول!!
.
..السيارة..
ناصر يسوق وهو ساكت
طلق يغلي وهو صاد بوجهه عنه
ناصر:اوجست بتوحي علمن مايسرك!!
طلق:وأوجست لـك ابغدي لحالي!!
ناصر بوسع عيونه:مهبول اكبك تغدي لحالك!!
طلق:انكعم عني ياناصر مابي حيل أوحي شي زود
ناصر زفر:طلق
طلق بحدة وهو يلتفت له:انكعم ياناصر انكعم!!
ناصر:اوح العلم وبتوحيه الى ماتكب العلم الشين عنك
طلق بصراخ من غبنته:ظنيت اني بكبها يوم اني قبلت بشامة مير راع وش غدا بي يوم أوحيت اللي غدا بها!!
ناصر زفر:دامك احرزت تكبها شوي بتكبها دايم اصبر وانا اخوك اصبر
طلق بغبنة:هين يابادي هين اجل هاذي علومك!!
ناصر التفت له وهو خايف:لا لا ياطلق طلبتك لاتغدي مثلهم!!
طلق:مااعذروني وهم خابرين العلم كله!!والله مااعذرهم على طعونهم!!
ناصر بحدة:يسدّهم(يكفيهم)ماانعمل بهم ياطلق!!
طلق:وقليبي اللي يعملون به مايريدون!!
ناصر بغبنة:قليبك تخيرهم وبداهم عليها ياطلق!!
طلق ضحك بغبنة:انا مالي سلطتن عليها وهي لو مايحصل لها غيري تموت ولاتقربني مير اني عليم الله ماأكب قليبي يتمزع(يتقطع) بلحاله!!
.
،،السيارة،،
سعود يسوق وهو كل شوي يسرق نظرات لجده بشك
الجد بادي صاد بوجهه وهو يطالع الطريق وساكت سرحان بوسط تفكيره
سعود اخذ نفس وطالع للمراية قدّامه يشوف خواته وراه وابتسم وهو يشوفهم
عباير رغم آلامها الا انها فرحانة الاول مرة تخرج من هالديرة ابتسامتها على وجهها بوناسة
بخوت تطالع حلايا اللي بحضنها يكفيها انها طيبة
حلايا واضح على ملامحها التعب لكن مبسوطة انهم طالعين من الديرة وهالمرة اول مرة تخرج من الديرة بحياتها وتطالع الطريق بوناسة مثل عباير
الجد بادي بدون لايلتفت:ولد ياسعود
سعود طالع جده براحة:سم ياجد
الجد بادي:ولمت اللي علمتك؟
سعود مد يده للدرج اللي قدام جده وفتحه
الجد بادي طالع السلاح اللي بالدرج
سعود:على مااوجست ياجد
الجد بادي قفل الدرج:زين زين .
..بيت فالح..
مفلح جالس قبالهم يطالعها وهو للحين مو واثق من اللي سمعه طالع هيفاء:يوجس الصحيح يابنت؟
هيفاء بحضن ثريا طالعت عمها عن طرف وهي تهز راسه بايع
مفلح:ماناشك(مالمسك)؟ابدن ابدن؟!!
ثريا متربعة مدت رجلها وهي تضربه بشويش ع ركبته:وبلا!!تفاول على بنيتي،،باستها على راسها،،حافظش الرحمن ياروحي
مفلح بعصبية وهو يرفع مركوعه:انكعمي لااهد سنونش بهالمركوع،،طالع هيفاء،،وش ارعيتيه يعمل بالبير؟
هيفاء ماردت
مفلح بعصبيته:اوجسي يابنت!!اقبيل(قبل شوي)موحينش تصاعكين(صرخت)عجزانة توجسين!!
ثريا بعصبية:روعتها!!ماتراعي هي وين به!!اصبر الى من يعود قليبها!!اهب يامفلح ياشينك!!ياخسارة الفزعة لك!!ليته هابدك وفاكنا منك!!مير انه ولد حلال يخاف ربه!!ليتني محطتك مكانه كود يعود عقلك بمكانه
مفلح ضربها بالمركوع ع كتفها
ثريا توجعت وهي تمسك كتفها:اهب ياالشين ماتخاف ربك!!
مفلح بعصبية:انكعمي لااجز لسانش من قاعته!!
.
،،السيارة،،
راشد يسوق بسرعة جنونية وهو يمسح الدم اللي براسه بشماغه وخرج جواله من جيبه وهو يطالع اتصالاته رد ببرود:نـعـم
بتال اللي احرق جوال راشد باتصالاته وهو يلف المستوصف مو قادر يجلس من توتره وبصراخ اول ماسمع صوته وبغبنته؛ونعامة ترفسك ياااارب قل امين!!
راشد زفر:خير وش فيه،،انخطف وجهه وبفجعة،،امي رجعوها للمستشفى؟!!
بتال:متصل بك اقولك عمتي مافيها شي كلمتني وقالت امسكه عندك لايجي
راشد:وانا مااقدر مااروح لها!!
بتال بعصبية:داري ياوجه التيس داري بس اني اقولك اترك الطفقة عنك وسق على هونك اتصلت بك ولارديت عليها!!
راشد:ماانتبهت للجوال فاضي له انا!!
بتال بحدة:وصلك الخبر اتصل فيها وتأكد بنفسك وسوق على هونك لاتفجع عمتي فيك
راشد تنهد وهو يهدي:ان شاء الله ان شاء الله
بتال سكت وهو ذابحه الفضول يبي يعرف وين راح وش سوا
راشد:تبي شي
بتال تنهد:ماابي منك شي،،قفل بوجهه وهو واقف على باب غرفة مكتب جسّار وحذف علبة الموية اللي بيده ع جسّار بكل قوته،،
جسّار اللي يكمل ملفات عنده ضربته العلبة بجبهته وتألم وهو يمسك مكان الضربة ويطالع بتال:وش سويت!!!
بتال بغبنة:لاعاد تقول اخبار لأحد ياالنكبة سمعت،،مشى بخطوات سريعة وخرج لبرا المستوصف ووقف عالمدخل وطالع الأجواء الممطرة قدامه اخذ نفس عميق يبيه يوصل لاخر أفكاره الثقيلة ويمسحها،،
...........****..........
الـعـصـر
...........****..........
،،جسّار وبتال خرجوا من دواماتهم قبل الصلاة بساعة لكن مع الجو ووضع الطريق ماوصلوا الا ع وقت الصلاة،،
جسّار من ركب السيارة مانطق حرف وهو صاد بوجهه ماتكلم ولاقابله بعد الموقف
بتال يسوق وهو مطنش الوضع بينهم وقف عند البيت وبصوت وسط نفسه:واخيرررااا!!
جسّار نزل ورفع يديه فوق راسه وجرى للبيت
بتال نزل ولحقه وقف عالباب وهو يلتفت للي يكلمه
واحد من الشباب وبوسط انفاسه وهو يلهث وغرقانة ملابسه من المطر:نريد عون بعض الحلال بدرب السيل
بتال:ابشر
الشاب:بأغدي اعلم اللي قدام بلكن يفزعون
بتال:لاحقك الحين رح رح
الشاب كمل طريقه يجري
بتال رفع صوته وهو يلتفت للبيت:جساااار
جسّار طالعه ع مدخل غرفته:خيييير
بتال:امش الناس محتاجين فزعة اخلص
...........****..........
..عند باب البيت الكبير..
راشد واقف عالباب بسيارته وهو معلق عالبوري ومسبب ازعاج ومافيه صبر يبي يشوف امه ويتطمن عليها رغم انه كلمها وطيبة لكن ماارتاح قلبه يبي يشوفها بنفسه ويتأكد التفتت للي يدق شباك الراكب باستغراب واتسعت عيونه بصدمة وهو يفتح باب سيارته وينزل ويتجه وبابتسامة رسمها على وجهه رغم باله المشغول:ياحياه ياحياك الله ارحب ارحب
سعود بابتسامة وسط استغرابه من وجوده وهو يسلم عليه:والله عرفت الموتر مير كذبت روحي!!
راشد وهو يسلم عليه:حياك الله حياك الله
الجد بادي بحدة من ورا سعود:انت من أهل البيت ياولد؟
راشد اتجه له وسلم على راسه
الجد بادي سلامه جدا بارد لراشد
راشد:الله يحييك افضل تفضل ياعم
الجد بادي بحدة:من أهل البيت ياولد اوجس؟
راشد:ايه من أهل البيت حياك الله ياعم تفضل
الجد بادي:اغد يم عربك وازهم لي شايب البيت
.
جواد خارج من دوامه متجه للبيت رفع جواله لاذنه بعد ماكبر بوجهه منزعج من الرنة ماله خلق لشي:شذى قولي للسواق يجيب لك اللي تبين مافيني
رهايف وهي تبكي:جواد
جواد ارتفع حاجبه وهو يسمع صوت رهايف طالع الاسم يتأكد وفعلًا اسم شذى وبهدوء:وش فيه؟
رهايف وهي تشاهق:شذى صدمت فينا؟
جواد اتسعت عيونه بصدمة
رهايف ببكاها:تكفى تعال!!
.
..بيت نشمي..
،،الكل يتقهوى بالصالة،،
عذبة بصوتها المبحوح:الله يهديك يمه خوفتيهم عالفاضي!!
الجدة منيرة:فز قليبي وانا اراعيك ماتوجسين لي كلمة بغيت افطس مكاني!!
حصة:يمه نسيتي ان عذبة لامرضت لازم هالطيحة واذا ماطاحت هالطيحة اعرفي ان فيها بلا!!
الجدة منيرة بعصبية:عوذا منش ومن لسانش!الحمدلله محدن من عييلش غدا عليش!!
حصة بصدمة من هالهجوم:وش قلت!!
الجدة منيرة:واشيب قليبي عَلى وسمية كل عييلها غدوا يمش!!هذا طول السنتهم من وراش!! ابو غازي تنحنحت وهو يبي يقطع هالللهجة
عذبة تنهدت:صدقت يمه حصة ماغلطت عارفة وضعي مااتحمل الزكمة وهي زكمة وش عاد وهي نزلة
حصة بابتسامة:عاد بقليبي شي خاطري اقوله
الجدة منيرة وهي ترفع عكازها:اقطعي الشيانة من لسانش وتخنفرين على جسّار الضعيف وهو مثلش!!
ابو جواد يسمعهم بابتسامة معتلية وجهه
حصة بزعل:يمه ياشينك دايم تحامين عن عيال عيالك وعلينا اللهم ياكافي
الجدة منيرة:انكعمي محد شيب راسي غيرش والله والله ياسواياش انتي وزاهية للحين توجع قليبي
حصة كشرت بوجهها
ابو غازي وابو جواد اتجهت أنظارهم لعذبة
عذبة ابتسمت بمجاملة وهي تسمع ضحكت ابوها
الجد نشمي ابتسم:مير ماهن غاديات يروعنش هاك الايام يامنيرة!!يموزحنش ويلعبن معش!!
الجدة منيرة:الحمدلله مثبت العقل ولا كان الحين اغدي وسط الطرقات منفصخ(طار)عقلي!!
حصة بحدة:يمه وش هالطواري الشينة امنعيني الله يجيرش
الجدة منيرة ضربتها بطرف العكاز:انكعمي تعلميني وش اللي اعمل!!
،،الكل التفت لمدخل الصالة بعد ماسمعوا قفلة الباب القوية،،
راشد دخل وهو يجري وبوسط انفاسه السريعة وهو يثبت نظره على امه وبخوف من كل قلبه:عساه فيني ولافيك ياروح راشد
عذبة انصدمت من وجوده وهي منبهة على جسّار وبتال لايجي ابد
راشد جلس عندها وباس ع راسها ويدها وضمها له وهو يطمن قلبه عليها:ياروح راشد ربي يحفظك لراشد
عذبة ابتسمت وهي تمسح ع ظهره:بسم الله عليك بسم الله
الجدة منيرة التفتت تطالع حصة:هه ناظري مو بالناس لسانش يلوط اذانش!!(يوصل اذنها من طوله)
حصة:يووه يمه عاد مالقيتي تقارنين الا براشد الرهيف!!
راشد ترك امه واتجه يسلم عالموجودين وابتدأ بجده
الجدة منيرة بعصبية:وترادد!!لذالحين ترادد!!ليتش تغدين مثل فيصلوه الافدغ(غبي)مرده مايرادد مثلش
ابو جواد بضحكة:اسكتي ياحصة خلاص لاتجيك كلمة وراشد بيقولها لجسار ثم عاد وش يفكك من لسانه
راشد وعينه ع جده:ياجد فيه ضيف بنتظرك برا
الجد نشمي بعصبية وهو يوقف:وليش ماقلطته؟!!
راشد:عيّا ياجدي يقول ازهم شايب البيت
الجد نشمي قطب جبينه:تعرفه؟
راشد:مااعرفه لكن اعرف الولد اللي جاي معه وهم من أهل ام جلاجل
الجد نشمي فزّ قلبه للحظة لكن طرد هالفكرة وهو يعرف طباعه زفر وهو خارج:جهزوا القهوة لاتبطون
حصة وقفت:تامر يبه
الجد نشمي خرج ووراه ابو غازي وابو جواد وراشد ومشى باتجاه بوابة البيت وكله تفكير من هالضيف اللي متعني وجاي له من ام جـلاجــل فتح الباب وانصدم من وجوده وكله يأس ان هاللحظة ممكن تحصل بيوم اخر شي توقعه يشوفه قدّامه
الجد بادي واقف على الباب ومثبت عينه عليه بوجه جدي جدا مستند ع عكازه بيديه الثنتين وهو ينتظره يفتح له
سعود واقف جنبه بهدوء وهو مايدري بالموضوع ولايعرف هالناس اللي قدامه
ابو غازي كشّر بوجهه وهو يطالعه
ابو جواد انصدم من وجوده:عّم بادي!!!
راشد قطب جبينه باستغراب منهم وهو يشوف وجيههم اللي تغيرت
الجد نشمي اختفت صدمته وارتسمت ابتسامة وهو تنعاد ذكريات الجيرة والمودة والاحترام والصحبة بذاكرته وودف الباب بكل قوته وبكل فرحة وهو يفتح يديه متجه له:حياك الله ياحي الله بادي أسفرت وأنورت يااخوي!!
سعود ابتسم والتفت يطالع جده
الجد بادي رفع يده اليمين بوجه نشمي يوقفه وبتكشيرة:على هونك على هونك
الجد نشمي وقف وهو تختفي ابتسامته
ابو غازي عض شفته وهو يكتم غيظه مايحق له يتدخل بهالموقف وبالأصح ماجات وقت تدخله للحين
الجد بادي بحدة:ماغديت يمك مسامح يانشمي غادين يمك اتخبّر العلم اللي ناوين تعمله هالمرة؟!
...........****..........
أم جـلاجــل .
..بيت مفلح..
مفلح بعصبية:أعجلي يامرة انتي وبنتش السيل مفترع(ببداية)الوادي اعجلن علي!!الله لايعجل باجالنا!!
ثريا وهي ترمي الاغـراض المهمة بكيس بيدها بسرعة:نازلن بنا يم بيت بوسط الوادي ويتروع لالمح المطر!!وثم ماانت بميتن قبل يومك لاتروع!!وهذاني طايرتن بيدي ورجولي وانت تهرج فوق راسي ماتدعيني(تتركني)اعمل شي!!
مفلح:لا غدا بش السيل يم الوادي حينها تصايحين افزع والله ماافزع لش ياثريا كود يفزع لش لسانش!!
هيفاء شايلة شنطتها على ظهرها ومرت من قدّامهم وهي تجري خارجة
مفلح وثريا طالعوها بصدمة منها وتركوا ناقشهم وخرجوا وراها
.
..عند الحلال..
،،انقسموا الشباب دفعات اللي به قوة واضحة كان من ضمن الدفعة اللي تشيل الحلال وتسلمه للشباب اللي واقفين على طرف الجرف اللي يحطونه بالسيارات الموجودة ويحركون ويوصلونه للمكان المتفق عليه وكان عدد المساعدين لابأس فيه وشالوا عدد من حلال اهل القرية لابأس فيه بعد بفضل تعاونهم اللي متعودين عليه،،
،،بتال كان من ضمن اللي يشيلون ويسلمون وجسّار من ضمن اللي يستلمون ويحطون بالسيارة،،
،،وبوسط شغلهم والكل حيله مهدود خصوصا ان هاذي المنطقة ثاني منطقة يغطونها،،
الشاب صرخ:كبوا الحلال كبوه السيل غادين يمكم ياوجه الله كبوه كبوه!!
،،الشباب الواقفين ع طرف الجرف ساعدوا الشباب اللي بالوادي يطلعون عن مجرى السيل،،
طلق ع طرف الجرف:قضينا قضينا مابقي شي
جسّار واقف فوق بأعلى الجرف وهو يطالع اللي ع طرف الجرف تحت ومرر نظره يطالع بداية السيل اللي يجري بالوادي ثم طالع بتال وبتوتر وهو يرفع صوته:بتاااال
بتال مشى لعند الجرف والتفت وراه وانتبه لصغير ماعز باقية بالشبك ورجع لها
جسّار صرخ بغبنة منه:بتال!!
بتال شال الصغير وجرى وهو راجع بطريقه ورفعه لطلق اللي اقرب له
هليل سحب جسّار اللي واقف جنبه وبقلقه:اطلع بالسيارة طلق اخبر منك بالجرف اطلع حتى نهج عن السيل اعجل لاتوخرنا يالله
جسّار سحب يده من هليل وبحدة:مالك شغل فيني رح ماطلبتك تساعدني!!
ناصر واقف عندهم:تعوذ من الشيطان ياابن الحلال ماهو بوقت خنفرة ذالحين!!
طلق اخذ الصغير من بتال وحطه جنبه
هليل ترك جسّار ونزل لعند طلق واخذ الصغير ورجع طريقه لاعلى الجرف وحطه بالسيارة وركب وحرك وابتعد شوي عن الجرف ووقف وهو بقى داخلها مانزل
غيث بالوادي مد يده لطلق
طلق مسك يده ولاقدر يرفعه من التعب
بتال ساعد طلق برفعته لغيث
غيث طلع لأعلى الجرف وهو ينفض نفسه واتجه لجسار وناصر
طلق مد يده لبتّال
بتال مسك يده بابتسامة وسط انفاسه السريعة من التعب:قواك الله ماتقصر
طلق ابتسم له للحظة واختفت ابتسامته واتسعت عيونه وهو يشوف السيل وصل عندهم ونزل يده الثانية ومسك بتال وهو يسحبه بكل قوته يحاول يرفعه
بتال مسك يدين طلق بقوة وهو يحس بقوة السيل اللي تسحبه غصب عنه
جسّار جرى بينزل لعندهم
غيث مسكه يوقفه وبصراخ:مهبول ناوين عليهم يالاثنين!!تهد الجرف بهم!!
ناصر مر من جنبهم ونزل للجرف
جسّار دفه بقوة عنه وهو ينزل الجرف المايل بخطواته السريعة وشوي ويطيح
طلق جلس وهو يثبت رجوله قدّ مايقدر عالجرف لاينسحب معه وماسك بتال بيديه الثنتين وصرخ وهو يحاول يسحبه لفوق
بتال انهارت قوته ويأس وهو يشوف قدرة طلق اللي منهارة مثله وتركه وهو يستسلم لقدره مايبي ياخذ ذنب طلق معه
طلق مسكه بقوة وسط صدمته من بتال وانسحب معه
ناصر مسك طلق عالنهاية وساعده وخرجه
بتال سحبه السيل معه
جسّار وصل لطرف الجرف ومسك راسه بيديه بفجعة على اخوه وهو يشوفه يغرق لحظة ويرتفع لحظة بوسط السيل اللي يتلاعب فيه بطريقته وعلى هواه وصرخ:بتاااااال!!!!
.
.
<اللهم صل وسلم على نبينا محمد>
.
.


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 286
قديم(ـة) 12-02-2020, 02:20 AM
الربيع القلب الربيع القلب غير متصل
©؛°¨غرامي مشارك¨°؛©
 
الافتراضي رد: رواية ياسمح المحيا جر الهجـينية/بقلمي


ما شاء الله تبارك الله
والله انك عسل
تسلمي عالهدية وكثري منها
انا ما عرفت عمر هيفاء

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 287
قديم(ـة) 12-02-2020, 06:57 AM
صورة شَجن العُذوب الرمزية
شَجن العُذوب شَجن العُذوب غير متصل
©؛°¨غرامي مشارك¨°؛©
 
الافتراضي رد: رواية ياسمح المحيا جر الهجـينية/بقلمي


السلام عليكم ورحمة الله وبركاته
يازين ها الطله ، ما ننعدم من هالهدايا يارب ، بارت يجننننننن ، الله يصبرنا ع الي جاي .. الي مطمني إن بتال البطل ومستحيل يموت .. صح مدامع؟

يا زين الشباب طلق وشلتُه شكلهم تصااحو مع بتال 😂

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 288
قديم(ـة) 12-02-2020, 02:21 PM
صورة ضحكته الرمزية
ضحكته ضحكته غير متصل
©؛°¨غرامي مشارك¨°؛©
 
B2 رد: رواية ياسمح المحيا جر الهجـينية/بقلمي


لاااااااا بتال لااااا تكفووون لا يصير له شي 😭💔💔💔

طلعوا طيبين وحبوبين والله شلة غيث 😅

يممه احس بحماس ابي اعرف وش بيصير 🥺💙💙

سلمتي ي قلبي وسلمت اناملك ي روحي



تعديل ضحكته; بتاريخ 12-02-2020 الساعة 05:04 PM. السبب: ...ءء
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 289
قديم(ـة) 12-02-2020, 02:49 PM
Fay .. Fay .. غير متصل
©؛°¨غرامي مشارك¨°؛©
 
الافتراضي رد: رواية ياسمح المحيا جر الهجـينية/بقلمي


بارت لطيف بس النهاية مو لطيفه ابداً😭😭😭
تكفييين الا بتال تكفين
لا تطولين علينا ☹☹

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 290
قديم(ـة) 14-02-2020, 01:17 AM
rwuiit28 rwuiit28 غير متصل
©؛°¨غرامي فعال ¨°؛©
 
الافتراضي رد: رواية ياسمح المحيا جر الهجـينية/بقلمي


،،الـجـزء الـواحد والأربعين،،
لااله الا الله وحده لاشريك له له الملك وله الحمد وهو على كل شي قدير،اللهم صل وسلم على حبيبك ونبيك محمد عليه افضل الصلاة وأتم التسليم،،
.
.
...........****.........
..عند جواد ورهايف..
،،قدر المرور الخطا على شذى وحجزوا عالسيارة وتم الاتفاق بين الطرفين بالتراضي وشذى تتحمل تكلفة التصليح وطبعا جواد هو المسؤول عن كل شي،، جواد يسوق بسيارته وهو ضاغط عالدريكسون بيديه بينفجر من غيظه
شذى متمددة ورا ونايمة
رهايف جالسة مكان الراكب متربعة ورابطة حزام الأمان وهي تكتم شهقاتها اللي واضحة بهزة جسمها
جواد تأفف من هالوضع وبنبرة عالية:وبعدين معك انتي!!
رهايف فزت والتفتت له وهي تطالعه وبصدمة:وش فيك؟!!
جواد بنرفزة:الى متى وانتي تبكين؟!!خلاص ربي سلم!!
رهايف برجفة صوت وهي تتصنع القوة؛ايه لو انه انت اللي صايرة الصدمة من جهتك مااسمع ذا الكلام منك!!بس فيك حيل تسولف ماشاء الله!!ماتنلام ماصار لك حادث مثلي!!
جواد زفر:استغفر الله العظيم
رهايف:الف!!!
جواد عض شفته وهو يكتم غيظه عنها
رهايف وهي تتحلطم:بغيت اموت ويخاصمني!!والله لو هو مايترك احد مايقول له اللي صار معه!!
جواد بعصبية:واللي يرحم امك اللي يسمعك يقول شي كبير صاير معك!!كلها دقة بسيطة من قدام وش ذا الدراما اللي عايشة فيها!!
رهايف بقهر منه:وأختك اللي داخت علي من الفجعة وقف قلبي حسبتها ماتت!!وانت بس تخاصم!!حس فيني،،وهي تحط يدها على صدرها تتوجع،،يمه يذبح الموقف كل مااذكره يذبح يذبح بغيت اموت!!
جواد:والله اتوقع كل ذي الدراما ماهو خوف من الحادث كثر ماهو خوف من عمي!!
رهايف اتسعت عيونها وهي تتذكر ابوها وشهقت وهي تلف عليه كلها وتمسك ذراعه وبرعب:ابوي يدري؟قلت له؟!!
جواد سحب يده منها وبتكشيرة:ماقلت له ناقص صداع انا!!ادري بيلحقني كلام من وراك!!
رهايف زفرت براحة وهي تعتدل بجلستها وبكت غصب عنها
جواد بنبرة اقرب للصراخ:وش فيك الحين؟!!
رهايف وهي تمسح دموعها:لا بس ابي اقول شكرا وادري بأندم اني قلتها لك
جواد زفر وهو يعض لسانه يبي يرد لكن مقدر اللي مرت فيه
رهايف انحنت لتحت عند مكان رجولها وهي ترفع كيس شفاف داخله سجادة لحضنها
جواد اللي انتبه للكيس اللي معها من لحظة ماوصل لهم بمكان الحادث مااعطاه اي اهمية بلحظتها لكن استغرب من اللي تسويه ويسرق نظرات لها وهو ساكت
رهايف خرجت السجادة الملفوفة بشكل اسطواني من الكيس وفتحتها وهي داخلها قصديرتين طولية
جواد التفت لها هالمرة وعقد حواجبه مستغرب منها وهو يطالعها
رهايف اخذت قصديرة وفتحتها وبداخلها ساندويشة
جواد انصدم من اللي يشوفه
رهايف اكلت منها وهي تبلع دموعها مع لقمتها والتفتت تطالعه:مااحب الشاورما باردة،،مدت الساندويشة له،،تبي؟
.
.
على غروب الشمس...
بتال بقواه المنهارة فعليا من مقاومته لهالسيل صاحب الكفة الأقوى اللي يرفعه وينزله على اختلاف قوته من جهة للثانية حاول وحاول يمسك باي شي يقدر يلمحه بطرف شجرة او طرف شبك بمجرى هالسيل لكن كل مامسك شي مايثبته بالعكس ينجرف معه من قوة هالسيل واخيرا مسك بجذع شجرة وحاوطه بيديه لكن ماقدر يحاوط الجذع العريض كله ومع ذلك تمسك فيه بكل قوته ويغطيه السيل دقايق ويتركه ياخذ نفسه لدقيقة وانصعق وهو يشوف كمية السيل اللي متجه له وأيقن هالمرة بموته وشد يديه ورجوله حول هالجذع بكل قوته الباقية باخر اماله وبلحظة ماضربه السيل الجارف ارتفعت صرخة استنجاد من كل قلبه بيأس:ياااارب رحمتـ،،وانقطعت دعوته من السيل اللي ضربه بكل قوة وثواني وسحبه السيل معه من جديد،،
.
جسّار يجري وسط السيارات الواقفة برعبه الواضح على وجهه وهو يترجاهم يساعدونه لكن بدون فايدة
غيث زفر بضيق:غدينا يم الديرة غدينا
جسّار بصراخ وسط فجعته:وش تغدي مدري ماتغدي محد يتحرك الى ماتشوفون بتال وينه!!
هليّل بهدوء:مير وكل امرك لله من اصبّح افلح وانا اخوك
جسّار لكمه ع وجهه بعيونه اللي تلتمع من دموعه
طلق مسكه ورجعه ورا عن هليل
هليل مسك مكان الضربة وهو يزفر:ماعليه عاذرك ومعوض خير مامن ملامة تلحقك الله يجبر كسرك
جسّار انفجر يهجم عليه
ناصر تحرك لعندهم ومسكه مع طلق
غيث تحرك لعندهم ووقف قبال جسّار وبحدة:مااوجس اكذاب يارجل!!
ناصر ماسك جسار صرخ:غيث!!
غيث بنفس حدته:كود ربي كاتب له حياة بنعينه(يحصلونه)الصبح،،طالع ناصر،،وانت خابرن الدفاع مابه حيلة لهاالديار بهالوقت!!وياكم مرتن غدوا غيره وماعينا احد!!
جسّار بصراخ:محد طلب فزعة من وراك!!
طلق:يوجسون الصحيح ياجسار
جسّار طالعه بصدمة
طلق:حتى لو بغينا فزعة الخط لامن عيّن سيل قطعنا ايام عن كل شين حويلنا!!
جسّار بردت عظامه وجلس من طوله ماتحمل يوقف من الصدمة
ناصر مسكه:بسم الله عليك
طلق:حتى الجوال يبطي وهو ماعيّن شي(مالقط ارسال)مير لاغدا الصبح فزعنا يااهل الديرة بلكن نعينه كود مالحقناه!!
...........****..........
الجد بادي واقف قبالهم ومتكي ع عكازه وبحدة:اصدقني يانشمي وش تريد من عملتك؟!!
الجد نشمي واقف قباله وهو مرجع يديه ورا ظهره وبتكشيرة خفيفة على وجهه وبهدوء: وش العملة اللي توجسها يابادي ياكثرهن بعيونك!!
الجد بادي ميل فمه بابتسامة ساخرة من كلامه:عاد مامن لوم صدقت!!ياشين فعولك وياكثرهن!!
الجد نشمي وهو يكتم غيظه:غادين يمي بشرك يابادي!!ماارعيتك من عمر ويوم غديت يمي توجس عمايل!!
الجد بادي دخل يده بجيبه وخرج السلاح من جيبه وهو يرفعه بوجه نشمي ببرود
الجد نشمي اتسعت عيونه
ابو غازي تقدم بخطواته بملامحه المحتدة المرتسمة على وجهه
ابو جواد انصدم ووضح على وجهه
راشد يطالعهم بصدمة
سعود ورا جده يطالعهم بهدوء وجاهز لاي ردة فعل ممكن تحصل بهالموقف
الجد نشمي رفع يده وهو يوقف ابو غازي
ابو غازي وقف جنب ابوه
الجد نشمي بحدة:وش اللي حادك تمده بوجهي؟!!
الجد بادي بابتسامة:العمايل اللي تنشد عنهن!!
الجد نشمي:نصيتك كم مرتن ناوين الوصل يعود مير عنادك صدّني(يرفض)عنك يابادي
الجد بادي بحدة:وش المغزى يانشمي؟
الجد نشمي:مامن مغزى ومامن عمايل مير انت ناصيني بشرك!!
الجد بادي رفع السلاح ورمى طلقة بالهواء
،،البنات بالسيارة فزوا وسط صرخة فلتت من حلايا اللي انرعبت من اللي تشوفه،،
،،عيال نشمي انصدموا وتقدموا لعنده،، ابو غازي وقف قدام ابوه وهو يطالع الجد بادي بحدة
الجد نشمي بتكشيرة:انت بوسط مدينة ماانت باك جـلاجــل يابادي!!
الجد بادي بحدة:المرة الجاية بين عويناتك يانشمي علمني وش ناوين من ورا هالعملة!!ولاقضيت على بنياتي والحين غادين يم عييلهن(احفاده)!!
الجد نشمي بحدة:بنياتك يابادي يومهن ومكتوب مالي به بد!!والولد إعمله يم الديرة الغبرا وش نعمل به!!
الجد بادي ضحك وهو ينزل سلاحه
الجد نشمي بنفس التكشيرة يطالعه
الجد بادي بابتسامة:وعساك باغيني اصدق هالاكذاب!!
الجد نشمي:الولد باغين هالعمل بهالديرة وش اعمل به يابادي!!
الجد بادي صرخ:تمنعه!!!باغيني اصدق انك عجزت عنه(ماقدر عليه)!!
الجد نشمي:وهذا اللي حصل يابادي عجزت عنه!!
الجد بادي بعصبية:امهبول يانشمي امهبول!!تغدي به يم الديرة!!ماانت بصاحي عزالله!!
ابو غازي ضحك بسخرية
الجد بادي طالعه وبصراخ:انكعم ياعادل!!
ابو غازي بابتسامة:مير انت غديت به مرة ولا نسيت!!
الجد بادي:هذاك اول اول!!واول تحول ياعادل!!
ابو غازي اختفت ابتسامته وهو يطالعه بحدة
الجد نشمي:العلم يابادي ان عالولد راسه يابس مثلك ومثل من رباه عجزنا عنه وهو اللي تخير دربه ولااحدن منا له سلطتن(كلمة او راي)عليه!!
الجد بادي بغضب:يوم ان مالك سلطة عليه كان اوجست له العلم كله يانشمي!!
الجد نشمي:وانت تظن انه بيوحي مني شي!!
الجد بادي بحدة:دام هاذي علومك اوح العلم اللي يجمد على الشارب يانشمي من اليوم مالك به بـد أوحيت يانشمي!!
الجد نشمي اتسعت عيونه
الجد بادي بحدة:لاانت ولااحدن من يمك أوحيت!!
ابو غازي بصراخ:معصي!!مالك كلمتن علينا!!!
عذبة خرجت من ورا الباب وتقدمت وهي توقف قدّامهم وعينها على بادي وبحدة:لارديت العمر اللي قضى من راشد واخوانه وعرفوا بعضهم يحصل اللي تريده ياعم بادي
.
............****..........
الليل
...........****..........
أم جـلاجــل
.
جسّار جالس وهو ثاني ركبتيه لصدره ومحاوطهن بيديه ع طرف الجرف بعد ماوقف المطر الغزير يطالع السيل اللي مايشوفه بوضوح بوسط هالظلام اللي يغطي المكان جالس بيأسه بعد ماجرب كل شي يقدر عليه من محاولات اتصال محاولات عبور للخط اللي جرف سيارته وسلم منه بصعوبة بعد مساعدة ناصر له تمردت من عينه دمعة احرقت خده بعد ماانحرقت من غبنته وتحولت بدمعة كلها عجز ويأس من اللي هو فيه واقتنع بالقضاء والقدر وتقبله
ناصر واقف وراه:جسّار
جسّار برجفة صوته:توكل محد طلب منك شي
ناصر انحنى له شبه راكع وهو يمسكه من يده ويسحبه:قم
جسّار سحب يده بقوة منه
ناصر:هالمسيل يصب يم واديهم
جسّار طالعه بلمعة عيونه وهو ساكت
ناصر:غدينا يمهم كود يعاونونا ندوره!!،،طلع الجرف،،
جسّار فزّ وجرى وراه وسبقه للسيارة وركب مكان السواق
ناصر وقف مكان السواق عند جسّار:اندر(انزل)ماتخبر الخط ويـنـه
جسّار تحرك من مكانه داخل السيارة وجلس مكان الراكب
ناصر ركب السيارة وحرك واتجه لطريق مهجور ومن كثر ماهو مهجور الحصى مغطيه ويتطاير بقوة من سرعة ناصر ويضرب بالسيارة من ورا ويفزز قلب ناصر اللي يتظاهر بالقوة اتجه لقرية ماتبعد عنهم كثير بس خمسين كيلو وقف قدام خط صغير بين جبلين يكفي سيارة وحدة تمر قفل نور السيارة وبهدوء:لاتندر الى من أوجس لك اندر أوحيت؟
جسّار:بس
ناصر:جسّار كود تبي تخبر اخوك حي ولا ميت اقضب مقعدة السيارة ياجسار،،ضغط ع دواسة البنزين بكل قوته واسرع بالسيارة وهو يضغط بيديه عالدريكسون من توتره وعدا هالممر ودخل لأرضهم وهو يخفي رجفته عن جسّار،،
،،وبعد ماكان المكان يغطيه الظلام فجأة انفتح نور سيارة واقفة على الطريق بنفس خطهم ونزلوا منها مجموعة شباب بيد كل واحد منهم رشاش،،
ناصر مسك فرامل قبل لايصدم واحد منهم
جسّار يطالع الوضع باستغراب
ناصر طالعهم بحدة وبدون لايلتفت لجسار:مثل مااوجست لك لاتندر ابد لو يذبحوني
فارس(من الشباب الواقفين)عقد حواجبه وهو يدقق نظره لداخل السيارة
ناصر فتح باب السيارة ونزل وهو يمشي لهم ويوقف قدام سيارته
فارس ابتسم وهو يرفع فوهة رشاشه الموجهة للسيارة لفوق:الله!!!نويصر!!!وش غادين بك يمنا ياولد ام جـلاجــل!!
ناصر وهو يشد على قبضتيه وبحدة:ماني بناصيك انا غادين يم كبير عيال عبري!!
.
...........****..........
.
..بيت نشمي..
بخوت جالسة وطرحتها على كتفها وبحضنها حلايا
عباير جالسة جنب بخوت وهي منزلة طرحتها على كتفها ومرتسم على وجهها ملامح التعب مرتخية بجلستها عالكنب
الجدة منيرة جالسة قبالهم بابتسامة:حـيـاكـم الله ياحياكم
حصة جالسة جنب امها متكتفة وهي حاطة رجل على رجل وتطالعهم بنظرات حادة بعد ماعرفت انهم بنات متعب
الجدة منيرة:بنت ياحصة وين القهوة؟!!
حصة بحدة وهي تطالعهم:مابعد جهزت يمه
الجدة منيرة اتسعت عيونها من ردها
عباير ميلت فمها بتكشيرة وهي تشد ظهرها المرتخي وتعدل جلستها وبابتسامة:علامش إتطاير عويناتش تقل ذابحين واحدن من عييلش!!
الجدة منيرة انصدمت
بخوت اتسعت عيونها وهي تهمس:عباير!!
عباير طالعت بخوت:مااوجست غير الصحيح ماتراعين وشلون تراعينا!!
حصة ضحكت
عباير كشرت بوجهها
حصة وهي تتنهد:ابد والله ماغير اطالع بنات المرة المخبولة اللي استاثمت بالآدمية واحرقتها من غيرتها!!
عباير ضحكت:والله من مد يديه وسرق شين لغيره تقص يديه!!وحنا عملنا بالشرع ماعملنا شي غلط!!
بخوت انخطف وجهها
الجدة منيرة انجلطت منها:اعقبي يابنت!!
حصة وقفت وبعصبية:وش تقولين انتي!!ايه ماهو بغريبن عليك مثل امك سـ
الجدة منيرة بحدة:انكعمي ياحصة
حصة التفتت تطالع امها وبعصبيتها:يمه!!
عباير بحدة:لاتطرين امي على لسانش وانتم من غديتم يمنا بشركم!!
حصة ضحكت
عباير بتكشيرة:ضحكت عليش اباليس الضلعان وبلا!!!
حصة بابتسامة:والله!!ياربي عالمسكينة!!
عباير قطبت جبينها باستغراب
الجدة منيرة بحدة:حصة والله يحصل لش شين مايسرش!!
حصة تكتفت وهي تطالعها بابتسامة وساكتة
عباير قلبها محروق من داخل لكن ارسمت ابتسامة على وجهها وهي تقلدها بنفس الوقفة والتكتيفة:كود اني مسكينة على قولش فالحمدلله الف اللي يرد كيد الوجيه القشرا اللي تكيدني ذالحين
حصة تغير وجهها:وشووووو!!!انا وجهن اقشر!!
عباير وهي تبتسم وتطالعها:استغفر الله متى اوجست هاللون!!
حصة وهي تغلي:هالحين قلتيه!!
عباير مسكت راسها:ياكبرها!!،،ابتسمت،،كود تخبرين روحش وجهن اقشر ذا علمن ثاني!!
حصة عضت شفتها السفلية بغبنة وهي تطالعها
بخوت وهي تجلس حلايا جنبها ووقفت قدام عباير وأعطتها ظهرها وهي تطالع منيرة وحصة اللي قبالها:العذر والسموحة منكم مير ان اختي تعيبانة توها عاملتن عملية وقضبت الخط وهي لذالحين مافكت عنها الابرة وغاديتن تضيع!!(تقصد هلوسة)
الجدة منيرة زفرت وهي مو مصدقة اللي انقال لكن عشان راشد سكتت ومشتها
حصة بعصبيتها:انتي بالذات تسكتين كل مااشوفك ودي اذبحك
عباير وقفت وهي تمسك بخوت من كتفها وتلفها لها وتمسك طرف قميصها وعبايتها بنفس الوقت وترفعها لمسافة بسيطة لقدام وهي تنفث عليها:بسم الله عليش من عين الحسود ياعلّ بها الف عوّد وعود حصنتش باسم الله من عيونهم ياوخيتي!!
الجدة منيرة ابتسمت وهي تشوف حركاتها اللي تشابه حركات حصة
حصة ارتفع ضغطها
بخوت دفت يد عباير عنها وهي تلمس جبينها وتجلسها وتعطيهم ظهرها وتطالع عباير بحدة:بسم الله عليش بسم الله عليش
الجدة منيرة وهي تكتم ضحكتها:بنت ياحصة افزعي جيبي ما ثم عودي وجيبي القهوة
حص طالعتها وهي مغبونة
الجدة منيرة بضحكة خفيفة وبسخرية:اعجلي لانفزع بها يم مطوع ونجيبه حتى يقرا عليها
.
..بيت ابو جواد..
جواد جالس مع امه ع نفس الكنبة وسهام عالكنبة اللي جنبهم ويتقهوى معهم وسط ابتسامات يكتم فيها ضحكته
سهام تطالعه وهي مميلة فمها باستغراب
ام جواد التفتت يمينها:سمعت الصوت اللي قبل المغرب؟!!
جواد التفت لها وهو يمضغ لقمته وسط ابتسامة على وجهه:هممم؟!
ام جواد زفرت بيأس منه وطالعت سهام:سمعتي شي؟!
سهام وعينها على جواد:ماسمعت شي يمه يمكن يتهيأ لك
ام جواد:الا والله الصوت كانه رمي الله يستر علينا بس
جواد زفر بابتسامة:يمه وش فيك؟الظاهر مودك اكشن هالفترة
ام جواد باستغراب:وش هالخرابيط!!
سهام:صدق يمه يمكن تتخيلين،،طالعت جواد،،جواد وش فيك تتبوسم؟ضحكنا معك
جواد بابتسامة:مافيه شي مافيه شي
شذى دخلت وهي تتثاوب وجلست جنب سهام عالكنبة وهي ترفع جوالها لوجهها:صبي لي قهوة خليني اصحصح،،فتحت جوالها،،
ام جواد:قولي السلام اول!!
شذى:السلام عليكم بس مصدعة يمه مرة مصدعة،،رن جوالها بيدها كشرت،،الحين بتستلمني وش يفكني من لسانها
جواد فزّ واقف من مكانه بسرعة ع رجل وحدة وانحنى بجسمه لقدام وهو واقف بمكانه وسحب الجوال من يدها ورجع بجسمه وهو يرتمي بمكانه عالكنبة يجلس
،،الكل يطالعه بصدمة من تصرفاته،،
جواد وهو يطالع اسمها بابتسامة
شذى وقفت وبعصبية وهي تمد يدها:جيبه!!
جواد طالعها وهو تختفي ابتسامته
شذى جلست وهي تتكتف ومكشرة وكرهت نفسها انه هو اللي كاتم سر الحادث وبتنمنع من السواقة اذا درا ابوها
ام جواد:رجعه لها!!
جواد:دقايق يمه بس دقايق،،فتح الخط وهو يحط الجوال ع اذنه ثم وقف وهو يخرج عنهم،،
335

.
~
رهايف بعصبية:الحمدلله عالسلامة صحيتي ياوجه النكبة!!اوص لاتنطقين حرف ولا يمينًا بالله أجيك وأذبحك اسمعيني للاخير ولاابي اسمع منك حرف انا متصلة اقولك كلمتين نار بقلبي للحين نااار ماطفت وبأقفل على طول اسمعيها وبس!!الله لايوفقك ياشذى يابنت مسفر ياوجه القرد ياقردة اخر مرة اقبل عزومة منك!!انا الهبلة اللي رحت معك وانا ادري انك ريال ماتطلعينه ياحمارة خافي ربك حتى الشاورما اللي عازمتني عليها قطية!!وفوقها تصدمين فينا!!الله لايبارك فيك ولابعزومتك ياوجه الفقر كان تعلمني السواقة زين بالاول بعدين اعزميني يالفقرانة الطفرانة!!والله مااستاهل اللي صار لي معك!!لاعاد تعزميني ابدا ابدا المرة الجاية اكيد بتدفنيني الله لايوفقك لاانتي ولاشاورمتك يالنحيسة!!من رجعت وانا رايحة جاية عالحمام ممغوصة مدري هو منك ولا من سندويشتك اللي بغينا نروح بسبتها!!بغيت اموت والحمدلله اللي ماسويتها على نفسي من الخوف الله لايوفقك اي والله كان حطوني بسبق،،طالعت جوالها باستغراب تتاكد اذا هي عالخط،،هيه يالشاذي!!وين ذلفتي،،انقلب وجهها،،لايكون متي هالمرة!!
جواد بضحكة:ابد والله ابي انشر الخبر بسبق عشان يكملها عمي للوفيات،،انفجر يضحك،،
رهايف بتكشيرة:ووجع يوجـ
جواد قاطعها بابتسامة وتهديد:ها ها ترا عمي مادرا
رهايف عضت شفتها بقهر
جواد بابتسامة:العشا يجيني عالساعة عشر وانتي اللي تجيبينه واذا تأخرتي باقول لعمي
رهايف:بس ابوي
جواد قاطعها:بيدري
رهايف:طيب طيب ووجع يفكني منك،،قفلت،،
جواد رجع لامه وخواته وهو يضحك ،،الكل يطالعه باستغراب،،
جواد رمى الجوال على شذى
شذى مسكته وهي تطالعه باستغراب منه
جواد يتقهوى وهو يميل راسه وتفلت منه ضحكات غصب عنه
...........****..........
..مـدخـل ديـرة عـيـال عـبـري..
جسّار على أعصابه بالسيارة يطالعهم وهو بيموت من انتظاره
ناصر واقف قباله وهو بيطالعه ساكت
فارس مقطب جبينه باستغراب من طلبه التفتت للي جنبه:يارجل اوحيت اللي اوحيته؟!!
ناصر نطق قبل يرد اللي جنبه وبحدة وهو يرفع صوته:ايه على مااوجست اريد أواجه كبير عيال عبري
فارس ضحك وسط ابتسامات ارتسمت على وجيه اللي حوله
ناصر كشّر بوجهه
فارس بثقة وسط ابتسامته:كل ابونا كباريه بديرتنا،،بسخرية،،ماعندنا كبير واحد مثلكم!!
ناصر بحدة:اوجست الكبير الكبير ابي شايبكم بكلمة راس دام كل أبوكم كباريه
فارس اختفت ابتسامته وارتفع حاجبه وبشر:تعقب تخطي لو هو خطية(خطوة)داخل ديارنا عقب فعولكم
ناصر بتكشيرة:اللي معي ماهو من ديارنا ولايلحقه من فعولنا شي ثمن انا غادين يم شايبكم ماطلبت فزعة من وراك
فارس ميل فمه بابتسامة وكلها تهديد:من جاوركم ياعيال ام جـلاجــل غدا منكم مانشره(شرهة)وراه ولانرجي منه شي!!
جسّار بسيارة ناصر ماعاد يتحمل يجلس بمكانه اكثر نط من مكانه وجلس مكان السواق وهو يربط حزامه وفتح النور عليهم
ناصر التفت بسرعة لجسار وهو يغطي عيونه بيده عن نور السيارة وبصراخ:لا ياجسار لاااااا
جسّار دعس البنزين وحرك بسرعة جنونية وهو يمر من جنبهم لداخل قرية عيال عبري
فارس وهو يوجه الرشاش وبصراخ:لايدخل يم الديرة ارموه
ناصر ضرب فارس بقوة وسحب الرشاش منه وهو يحطه على راس فارس وببنبضات قلبه السريعة وبتهديد:اللي يرمي طلقة يعتبر نفسه هو اللي ذبح فارس
.
..بيت الشعر..
عذبة بعبايتها ونقابها جالسة متربعة عن يمينها راشد وهي حاطة يدينها داخل حضنها وبنبضات قلبها السريعة وهي تطالعه
راشد ساكت يطالع الجد بادي وسعود بهدوء وهو يستوعب وضعه وان سعود ممكن يكون اخوه
الجد بادي جالس قبالها يطالعها بملامحه المحتدة وعن يمينه سعود
سعود يطالع راشد بصدمة ملت صدره واجتاحت مشاعره اللي مو قادر يحددها بهاللحظة يطالعه بملامح وجهه الجامدة تماما عكس اللي يصير داخله يستوعب الحقيفة المرة اخوه كان قدام عيونه ولا عرفه او مرت به لحظة شك ابدا
الجد نشمي دخل وهو يقفل باب بيت الشعر وراه ويمشي لعندهم:البنيات غدن جوا(داخل)البيت
الجد بادي بحدة:اوجسي ياعذبة وش عندش هذا هو ابوش عود!!
عذبة بوسط رجفة قلبها اللي تخفيها:الجيزة(الزواج)حاصلة بي ولا بدوني حاصلة حاصلة مابها هروج وانت خابرن متعب انه على كثر ماتريده زاهية وتغليه الا انه ماملت عينه واخذها لخاطرك وانت تخبر وزاهية بعد خابره هالعلم مثلك
الجد بادي صرخ بغبنة:عذبة!!
راشد احتدت ملامحه وهو يشد قبضته يكبح لسانه عن الرد وهو يشوف جدية امه
الجد نشمي وصل عندهم وبتكشيرة:بادي!!كب الخنفرة واوح العلم اول!!
عذبة رفعت صوتها وعينها على عمها:جيزتي(زواجي)من متعب غصب ياعم بادي والسبايب بنتك وابوي
الجد نشمي انصدم وهو يسمعها ووضح على وجهه
الجد بادي بحدة:وش الطواري يابنت نشمي؟!!زاهية مالها بـد بشين ابد وجميلة
عذبة:ايه وجميلة ياعم جميلة انت خابر علمها
>
>
ام جـلاجـل
.. بيت نشمي ..
عذبة برجفة صوتها وهي تحبس دموعها:علامه نشمي مالفى يم ابوي لذالحين ياجميلة وراه ابطى!!
جميلة:نشمي ماهو بالديرة ياعذبة
عذبة بتوتر:والدبرة الدبرة ياجميلة ابوي ماهو برادن متعب ابدن وهو مابه خلاف حتى لو اني عييت عنه(رفضته)
جميلة:انتي طيعي عمي ذوان(الحين)واغدي على شوره لامن يعود نشمي من الديار اللي غدا لها
عذبة:لا لا مااقدر مااقدر اتزوج متعب زاهية اختي مااقدر
جميلة بنرفزة:انتي علامش!!اوحيني زين طيعي عمي مثل مااوجس لش وثمن عمي ماهو بمزوجش وهو مااوجسه لابوي ويبي له وقت حتى يوجسونه لزاهية وكود تعجلوا وزوجوش لمتعب غديت يم زاهية وعلمتها العلم قبل تغدين حليلتن لمتعب
عذبة:لا ماني بموجسه هالقول ثمن ابوي يزوجني غصبن علي
جميلة ضربتها على كتفها وبعصبية:هو بيزوجش به بيزوجش ومتعب كلن يبيه مير انه نحتري نشمي ونلهيهم عنا شوي بزاهية ثمّن متعب دامه نوى الجيزة فانها غاديتن بش وبلياش
عذبة:اغدي يم زاهية وعلميها العلم كود تهججهم عني
جميلة:مير متعب اخذ الثانية اخذها مير انتي ولّا وحدتن غريبة تلفي علينا .
~
عذبة وهي تمسك يد جميلة:تكفين ياجميلة امنعنيني من هالعلوم مااقواها والله قليبي مايقواها!!
جميلة تنهدت:وش اوجس لش طيعيني وماهو بغادين الا كل خير طيعيني
>>بعد اسبوع>>زواج عذبة بكرة>>
..بيت فاهد..
جميلة جالسة قباله بمسافة بعيدة تطالعه بشك وهو ماسوا بها شي اليوم وراضي عن كل شي على غير العادة
فاهد جالس راسم على وجهه ابتسامة وبيده اليمين سكينة يسنها(يشحذها)ع حجر بيده اليسار ويهمهم مبسوط
جميلة وقفت وهي تلبس طرحتها الطويلة اللي بحضنها من اول
فاهد اختفت ابتسامته وهو يرتفع حاجبه الأيسر ويطالعها وسط تكشيرة ترتسم على ملامح وجهه وهو للحين يسن سكينته:وين ان شاء الله؟
جميلة:يم عمي نشمي
فاهد طالع يديه وبحدة:مامن اغدا
جميلة قطبت جبينها:وراه؟!!
فاهد:انثبري محلش وكبي الناس تولم أمورها على هواها
جميلة اتسعت عيونها:وش اموره؟!
فاهد طالعها بابتسامة:بكرة العرس
جميلة وهي تحس قلبها انخطف:وش عرسه!!
فاهد:عرس متعب!!لاتوجسين مادريتي!!
جميلة برعب:وابوي تخبّر!!وزاهية تخبرت!!
فاهد بابتسامة:محدن خبّر احد والعرس مابه عرس على وجس متعب غادين بها يم ديار عادل مايبي احدن يعلم لامن هو يخبر ابوش واختش،،ضحك،،مير اني غادين بكرة يم العرس عقب مايكتب الشيخ عذبة مرتن لمتعب ومعي ابوش واختش وثمن اراعيهم وهي تقوم الصرايم بينهم واتضحك،،انفجر يضحك،،
جميلة وهي تطالعه برعب:اهب ياسود قلبك وش هالبغيضة اللي ماليتنك!!الله اكبر عليك!!ماتخافه!!ماتخاف ربك
فاهد وهو يطالعها بابتسامة:انكعمي انكعمي دام اني متونس الليلة!!
جميلة:عذبة ماهي باخذتن متعب وانا اللي بأعلم بكل شين يافاهد!!وماهو غادين شي على هواك،،مشت متجهة للباب وهي تجري وتلبس نقابها،،
فاهد رمى اللي بيده ولحقها ومسكها من شعرها وسحبها بكل قوته لورا وهو يرميها
جميلة طاحت عالارض
فاهد بحقد:محدن منكم كل أبوكم يتهنى وانتم احرمتوني الهنا!! جميلة وقفت وهي تتوجع:محدن احرمك من شي مير انت عينك مايملاها شي ياسويد النفس والقليب
فاهد اتجه لها واستلمها ضرب
جميلة متكورة على نفسها تمنع ضرباته عنها
فاهد:انكعمي محدن سواش سويد وجه انكعمي
جميلة انهارت مغمى عليها من كثر الضرب
.
..بيت نشمي>>قبال غرفة البنات..
عذبة تبكي:مااريده يبه مااريده!!تكفى لاترصني(تغصبني)عليه تكفى
نشمي بانفعال:انكعمي!!وش هالعلوم الشينة!!عقب مااوجسنا العلم للرجل توجسين مااريده!!ماهو بغادين على ماتريدين!!باكر تغدين مع رجلش لبيته!!
عذبة بصراخ وغبنة:والله لاشتكيكم لعادل والله
نشمي ضربها كف:اعقبي!!اتهددين ابوش!!الله لايبارك فيش ولايصلح لش حال!! .
~
عذبة بدموعها وصراخ:مااريد اخذ رجلن معيل(عنده عيال)وثمن وشلون ارضى بزوج زاهية!!وشلون!!
نشمي بصراخ:وين هالعلم اول الامر!!نشدتش كمن مرة واوجستي ايه يبه أريده رجلي!!علامه العلم تبدّل!!
عذبة بانفعالها:اوجست هاللون احتري نشمي يعود ماخبرت انه بيبطي!!،،انتبهت للي قالته وطالعته وهي تبلع شهقاتها المختلطة بريقها وموقنة بالموت جاي لعندها،،
نشمي يطالعها بوجهه المخطوف:كذبت فاهد مير مااوجسه صحيح!!
عذبة قطبت جبينها
نشمي مسكها من شعرها ورماها لغرفتها بقوة وبحدة:بكرة عرسش من متعب رضيتي به ولا مارضيتي به وهالنشمي الخسيس نجوم الظهر اقرب له منش ياعذبة اوحيتي،،قفل الباب والتفت لحصة اللي تبكي ومنيرة اللي جالسة وهي ماسكة راسها بصدمة من كلام فاهد عن نشمي وعذبة،،محدن ياصله مرسال ابدن والعرس سكيتي(بسكوت)ياخذها ويغدي يم دياره مثل ماغدا العلم بين الرجال!!
>>يوم العرس>>بيت فاهد..
جميلة فتحت عيونها وهي مرتمية بنفس المكان وهو ماكلف نفسه حتى يشوف اذا حية او ميتة طالعت قفاه وعضت شفتها بقهر بوقت مااستوعبت همهمته المبسوطة وهي تشوفه يعدّل شماغه
فاهد واقف قبال الباب يعدّل شماغه وهو يهمهم بحماس ومبسوط للي بيسويه
جميلة سحبت المسن الي بنفس مكانه ماحركه فاهد ووقفت وكلها حقد واتجهت له وضربته براسه من ورا بكل قوتها
فاهد طاح شماغه والتفت لها بحدة وهو يحط يده مكان الضربة واتسعت عيونه وهو يطالع يده اللي امتلت دم من ضربتها ثم طالعها وكله شر
جميلة رجعت لورا بخطواتها اول مالتقت عيونه بعيونها ولفت عنه وجرت
فاهد لحقها
جميلة مرت من جنب عامود ينتصف البيت معلقة فيها البارودة ونزلتها ولفت وهي تسدد له ضربة بكل قوتها بطرف البارودة وسط دموعها
فاهد ارتمى على الارض ماتحرك بعد ضربتها
جميلة واهمها ابد جرت للباب واتجهت لبيت نشمي دقت الباب وفتحت لها حصة بوجهها المنفوخ من كثر بكاها كشرت وهي تطالعها:وش بش غادية يمنا وش باغية؟
جميلة دفت الباب ودخلت للبيت وهي تدور عذبة
منيرة وقفت بوجهها:تيسري ياجميلة دام النفيسة باقين بها طيب
جميلة تطالعها:وين عذبة ياعمة
منيرة:عذبة غدت مع رجلها
جميلة سودت الدنيا بعيونها كل شي انهدم سعادة عذبة ونشمي مع بعض واستقرار بيت زاهية ومتعب كل شي انتهى ولايمديها تصلحه
منيرة:وكبيها لاعاد تطرينها ابدن يسدها مالحقها من وراش انتي ورجلش واخوش
جميلة طالعتها بوسط صدمتها للحين
منيرة مسكت يدها وبرجى:جميلة كود إنش تغليني صدق امنعينا منش نصيتش لاترديني
جميلة انخطف وجهها وبلعت غصتها
منيرة:كفي فاهد عنا يكفينا مالحقنا من وراه بسبتش!!
جميلة مسكت يدها:ابشري ياعمة ابشري على ماتحبين،،مشت وخرجت وهي تجر خطواتها للبيت اللي جحيم بعينها،،
>
>
راشد شد ع قبضته ونزل راسه وهو يمتلي صدره ضيقة يحس انه مو بمرغوب فيه ابدا شي وانفرض غصب عن الكل
الجد بادي بحدة:ووش علي من ابوش ياعذبة العتب عليش وانتي خابرتن زاهية وشلون تهوى متعب وإتغنى به ليلها ونهارها!!وجميلة مامنها قصور سعت لش وحاولت ترده عنش والله العالم وش اللي ردها عنش!!
عذبة وهي تطالع بادي:وثمن ياعم زاهية اخذت حقها كامل مكمل،،رفعت يديها ومدتها لبادي،،ولا ماارضاك هاللي انعمل بي!!
الجد بادي صدّ بوجهه
سعود انخطف وجهه وهو يشوف سواة امه
راشد اتسعت عيونه وهو يعرف اخيراً السبب الحقيقي لحرق امه
الجد بادي وهو صاد:مير انه
عذبة قاطعته:لاتظن ياعم اني لذالحين عاتبتن على زاهية لا الله يرحمها ويغفر لها ويتجاوز عنها مسامحة وكود هالحرق جزا عن جيزتي من متعب راضيتن به لو تشب بي من راسي لرجولي
الجد بادي احتدت نظرته
عذبة وهي تسحب يد راشد وتحطها بين يديها المحترقة بحضنها
راشد رفع راسه يطالع سعود بوجهه المتجهم
عذبة وعينها على بادي:وماني متحسفة ابدن ابدن على جيزتي من متعب وربي عطاني منه روح تسوى بعيني الدنيا ومافيها وابيع هالروح لأجل تظل روحه مرتاحة
راشد التفت لامه يطالعها وهو يبلع غصته وسط نفس ياخذه بهدوء وهو يرسم ابتسامة على وجهه
الجد بادي بحدة:ونهاية العلوم ياعذبة؟
الجد نشمي زفر:يابادي الحي أبقى من الميت و
عذبة بحدة وهي تقاطع ابوها:مثل مالنا بـد ببتال لاغدا يمك مالك بـد براشد واخوانه لاغدوا يمنا!!
الجد بادي صرخ:عذبة!!
عذبة رفعت صوتها:ودامك ماانت براضي عن هالعلم اوجس لك نرد حبال الوصل لأجل العيال حتى لو النفس عايفة ياعم!!
سعود وراشد التقت عيونهم ببعض وشالوها عن بعض بسرعة
الجد بادي بعصبية:وش هالعلوم ياعذبة!!
عذبة:العيال هم يتشاورون بين بعضهم كان عايفين بعضهم ذا علمن ثاني
ام غازي دخلت وهي تتنفس بسرعة وبعصبية:بتال ولدي مالك حق تمنعه عني ابد!!
.
.
<اللهم صل وسلم على نبينا محمد>
.
.


الرد باقتباس
إضافة رد

رواية ياسمح المحيا جر الهجـينية/بقلمي

الوسوم
ط§ظ„ظ€ظ…ظ€ط­ظ€ظٹظ‘ظ€ط§ , ط§ظ„ظ€ظ‡ظ€ط¬ظ€ظٹظ€ظ†ظ€ظٹظ€ط©) , ط¬ظ€ط±ظ‘ , ط±ظˆط§ظٹط©(ظٹظ€ط§ط³ظ€ظ…ظ€ط­
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 34452 اليوم 11:53 AM
رواية مجنونة وجننته الحمد لله/بقلمي فاطمة 2000 روايات - طويلة 47 13-06-2019 02:00 AM
رواية على حافة الانتقام للكاتبة / داليا {أجـمـَلُ إبتسآمـة} روايات - طويلة 9 22-10-2015 05:21 PM
رواية رفقا بي يا اهاتي /بقلمي شيــــ chichi مـــاء روايات - طويلة 61 11-09-2015 10:03 AM

الساعة الآن +3: 03:33 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1