منتديات غرام

منتديات غرام (/)
-   روايات - طويلة (https://forums.graaam.com/134/)
-   -   رواية ياسمح المحيا جر الهجـينية/بقلمي (https://forums.graaam.com/632213.html)

rwuiit28 08-04-2020 04:13 PM

رد: رواية ياسمح المحيا جر الهجـينية/بقلمي
 
اقتباس:

المشاركة الأساسية كتبها ضحكته (المشاركة رقم 31684349)
اووووههه يويلي يوسف راح لهم
روايات وش قصة بتال والعبري
وش سالفتهم وليش خايفين كذا
منوو يبون فاهد ولا بادي عجزت استوعب شي احس تلخبطت
وش حصل الي افهمه انه القصه شكلها دم
بس الي بالمستشفى مو صاحب القصه باين صغير
بدت اآلغاز تدوخ يطلع لنا كل بارت لغز 😭

روايات وضحي لنا تكفييين
تسسلمين ع هالبارت متحمسه اشوف عادل وهو يقابل يوسف 🤣

كل شي بيوضح مع الاحداث وبوقته😊❤

rwuiit28 08-04-2020 04:14 PM

رد: رواية ياسمح المحيا جر الهجـينية/بقلمي
 
اقتباس:

المشاركة الأساسية كتبها ام محمدوديمه (المشاركة رقم 31684985)
ايش عامل فاهد بعائلة عبري

سويلم اول مالمح بتال مصدق بس بعدين شكله شك فيه

ومراح يخلوه فحاله

بتال حلو انه أعطى اخوه فرصه عشان يتعرف عليه


واعطاه مفتاح الدخول للعائله فالنهايه اهو ولد ولد اخو الجد نشمي بينهم صلة دم قويه

الجد طيب ويتقبله لكن عادل بالفعل يمكن ميتقبله

عيال عبري يعتبرون احد اهم الأسباب لشي معين بيوضح معنا باْذن الله
وفعلًا الجد ممكن يتقبل لكن عادل وش وضعه مع فاهد هل بيستمر بعناده

rwuiit28 08-04-2020 04:16 PM

رد: رواية ياسمح المحيا جر الهجـينية/بقلمي
 
اقتباس:

المشاركة الأساسية كتبها مـادلــmadeleinــين (المشاركة رقم 31686469)
سلامووو كيفك روايااات
شكراً لاتكفي كمية الجمال
والاناقه التي تمنحها كتابتك الرائعه
تمنيت لو رددت ردوداً وافيه
على كلٍ بارت ولكن احياناً
محاولة وصف الجمال تبخسه .
سلمتي دائما وابدا

♥♥♥**♥♥♥**♥♥♥

بتال
ايش يقصد بحكيه يبي يقنع
اهله او يراضيهم اول اوكيف

وايش حكايه فاهد مع سويلم
واهل عبري ايش مسوي مصيبه كمان
اول شي شوفته لبتال واللحين
مطاردته الله يستووور بس
شكله ماراح يتركووه بحاله
اول مانقول زانت تجي. عفسه


محاولاته بتقريب اخوه
وابوه شي جميل ويعتبر
تقدم جدا بمسامحته لابوه


♥♥♥**♥♥♥**♥♥♥

يَـــوَسِـــفَ

ايش بيكون موقف اهل بتال
من مقابله يوسف راح يتقبلوووه او لا
تحمسسسسست مراااا

♥♥♥**♥♥♥**♥♥♥



جــــواد&رهـــايـــف

واخيــرا ظهروا
اشتقنا لحركاتهم وشقاره رهايف

اكثر شي يجذبني بعلاقتهم هو
ان كل واحد منهم ينكر حبه للثاني
وانجدابه ليه


♥♥♥**♥♥♥**♥♥♥


راشـــد &هيــفـــاء

ليش سوا كذا
جرحها مرا كان بيسويه
بموقف غير اول ليله زوواج

ياااربي من الزوجه من اول
يوم تتجه مشاعرها لزوجها
علـ طول ومستعده تفديه بعمرها
وكل ماتملك

وموقفا اول ماعرفت انو
مايملكوا حلال مضحك
وخوفها من الجووع ههه

♥♥♥**♥♥♥**♥♥♥


بانتظارك علـ طوول


راشد مجرد ارضاء لفضوله يبي يتأكد اكثر من سالفته مع حمدانِ رغم انها انتهت لكن باقي الفضول وردة فعل هيفاء معه رجعت عقله له ويترك هالموضوع اللي مر وانتهى بسلام

rwuiit28 08-04-2020 04:18 PM

رد: رواية ياسمح المحيا جر الهجـينية/بقلمي
 
،،الـجـزء الـخـامـس والـسـتـيـن،،
لاحول ولاقوة الا بالله،،سبحان الله،والحمدلله ولااله الا الله والله اكبر
.
.
..بيت نشمي..
الجد نشمي بعصبية:وش هالكلام!!
الجدة منيرة:تعبانين اكيد الطريق وثم تبيهم يقابلون الناس وهم ماتريحوا!!حتى انت الله يهديك مستعجل
الجد نشمي بنرفزة:مافيه العشا به به لايتعذر بس
عذبة؛أكرمك الله يبه بــس انت اصبر الى مايجي ونفهم وضعه
الجد نشمي:ماهو بعلى كيفه يمشي على رايي وانا ولد ابوي!!
عذبة:ابشر يبه ابشر انت بس هد نفسك شوي وأبشر باللي يسرك
فيصل دخل:السلام عليكم،،وبعد ماسلم عالموجودين،،جدي فيه ضيف ينتظرك بالمجلس
الجد نشمي بتكشيرة على وجهه وبعصبية:يالله يالله هذاني رايح له الله يعني عليكم من عيال الله يعني!!
.
..الفندق..
راشد واقف قدام المراية يقفل ازارير ثوبه
هيفاء خرجت من الحمام وهي لابسة تنورة سودا وبلوزة بيج والموديل بكبره واسع عليها لافة شعرها بالمنشفة حاطة روجها الوردي وكحلتها السودا الثقيلة داخل عينها وقفت وهي تنشف شعرها شتت نظرها عنه وهي منتبهة لنظراته
راشد طالعها بابتسامة:ليش مانشفتيه داخل بتغرق ملابسك الحين
هيفاء ماردت مي فاهمة قصده وفضلت تسكت
راشد مشى لها وقف قبالها وهو يمد يده ويمسك يدها وفتح باب الحمام اللي هيفاء واقفة عنده
هيفاء سحبت يدها بوسع عيونها بفجعة:علامكك!!
راشد باستغراب وهو يطالعها:اوريك الاستشوار!!
هيفاء:هاللي توجس به مااخبره وثمن كب شعري عنك مالك به!!
راشد زفر وهو يطالع خوفها فتح الباب بيدخل
هيفاء بصوت شبه عالي توقفه:اصبر
راشد:وش فيه الحين بعد!!
هيفاء دخلت وهي تجمع أغراضها اللي داخل الحمام وخرجت وهي ضامة أغراضها بين يديها:عاد ذالحين اعمل ماتريد،،مشت للدولاب وهي تحط أغراضها،،
راشد دخل للحمام واخذ الاستشوار وخرج نص جسمه وهو يلمح طرفها بس لان الدولاب مغطيها:هيفا
هيفاء التفتت:سم ياعيني
راشد ابتسم:تسلم عيونك تعالي
هيفاء:ماانت بصاحي والله اغدي يمك!!وجعان!!
راشد ضحك بخفة وهو يمد الاستشوار:يابنت الحلال تعالي بس
هيفاء راحت له وهي خايفة ماتدري وش بيسوي وقفت على الباب وبترددها الواضح:سم
راشد مد يده وسحبها له
هيفاء كتمت شهقتها وووضح على وجهها خوفها
راشد لفها عالمراية وهو وراها اشر بيده عالاستشوار:عاد انا مااعرف له بالحيل بس اشوف امي تستخدمه
هيفاء عقدت حواجبها:وشلون تريديني اخذ شين ماهو بلي!!
راشد ابتسم:دافع انا!!
هيفاء:يعني لنا؟
راشد ابتسم وهو ينزل الاستشوار ورفع يده لمنشفتها ينشف شعرها
هيفاء ترتسم الخجل على وجهها من اللي يسويه
راشد:لا ماهو بلنا بس كم يوم بنقعد استخدمي كل شي بهالغرفة حلالك،،رفع الاستشوار وهو يطالعه ثم طالعها بالمراية واشر عالزر،،شغليه من هالزر،،شغله وفز من قوة الهوا،،بسم الله
هيفاء فزت معه وضحكت على اشكالهم
راشد كشر بوجهه وهو يقلل قوة الهوا:اضحكي اضحكي وش عليك ماهو انتي اللي انفض قلبك
هيفاء تطالعه بابتسامة
راشد وجه الاستشوار لشعرها وبدا ينشف شعرها:امي مالها غيري ياهيفاء والحين انتي صرتي بنتها هي امك مثل ماهي امي عامليها بالحسنى مااقصد انك تكلفين على نفسك فوق ماتتحملها عامليها على
هيفاء قاطعته:بعيوني ياراشد غلاتها من غلاة عمتي ثريا لاتوصي وتحرّص
راشد ابتسم:من طيب اصلك ياهيفاء من طيب اصلك
هيفاء لفت عليه
راشد رفع الاستشوار لفرق وسط عيونه اللي اتسعت بصدمة منها
هيفاء:وثمن لاعاد توصي وتحرص ابشر بعزك من عيونك اتخبر اللي تريده
راشد اخذ نفسه:اجهزي انتي ويالله مشينا تأخرنا على امي،،خرج بسرعة،،
هيفاء مدت يدها لشعرها وهي تلمسه وهمست بهم:حسبي الله يبس شعري وش يفكه الحين
.
..بيت عادل..
ام غازي تصب قهوة لابو غازي:عادل
ابو غازي طالعها وهو ياخذ فنجاله:سمي
ام غازي سكتت
ابو غازي التفت لها كله:قولي اللي تبين دام محد حولنا
ام غازي زفرت:فاهد
ابو غازي كشر بوجهه وبحدة:وش تبين فيه!!
ام غازي بحزن:للحين باقية بقلبك
ابو غازي طارت تكشيرته وطالعها ساكت
ام غازي ابتسمت بانكسار تخفيه وهي تصب لها فنجال:أنسى أنسى مايحتاج اسمع جوابك
ابو غازي نزل فنجاله:وسمية
ام غازي طالعته
ابو غازي:اوحيني زين
ام غازي زفرت:اوحيك
ابو غازي بجدية:هالعلم بأوجسه يمك مرتن وحدة وأريدك تصكين عليه بقليبش قبل راسش
ام غازي سكتت
ابو غازي:الميتين غدوا يم ديارن الله بها عليم
ام غازي كشرت:وثمن؟
ابو غازي:غلاهم غدا معهم وظلوا يرهشون بعقلي بين فيّة وفيّة(ذكريات تزوره بين فترة وفترة)
ام غازي:توجس اكذاب!!ماني بوغدن ياعادل!!
ابو غازي زفر:اوحي العلم ياوسمية!!
ام غازي تطالعه بتكشيرة
ابو غازي:وش تريديني اعمل بش وانا كل مالفيت يمش رديتيني ومنعتيني واطريتيها يمي!!
ام غازي:وشلون تريديني اقبل يمك وانا ارعيها بعيونك!!
ابو غازي:علميني ياوسمية متى غلا عادل يوجسه بمنطوق!!
ام غازي:وعلامك توجسه يمّها من اول!!
ابو غازي:هذاك اول والأول تبدّل!!
ام غازي سكتت
ابو غازي:عادل تخبرينه مايوجسه بفمه ابدن
ام غازي سكتت وهو فعلا صادق اهتمامه يوضح بأفعاله ماينطق كلمة حلوة
ابو غازي:مير انتي تجحدين كل ماعمل وتطرينها
ام غازي:يعني ماتريدها!!
ابو غازي:اكذب كود اوجس هاللون
ام غازي بزعل:هه ارعيت
ابو غازي:مير ماهي بازيد منش ياوسمية
ام غازي وهي تصد:اكذاب!!
ابو غازي بعصبية:وش تريدين اعمل حتى توحين وجسي عجزت عنش وانا اوجسه يمش لاتجدعينها بيني وبينش!!
ام غازي:أريدك تحلف بالله اني أغلى منها
ابو غازي رمش وهو يستوعب مو مصدق سهولة ردها
ام غازي وهي تعرفه مايحلف كذب ابدا:هماك توجس غلالها نقص وانا غلاي أزيد احلف كودك حلفت صدقتك
ابو غازي:والله والله والله ياوسمية غلاش تزيد بقليبي منها
ام غازي:مِن مَن؟!!
ابو غازي:غلاش أزيد من غلا جميلة أزيد بواحد من زين فعولش ولو يغدي بش اغدي وراش
ام غازي خجلت وهو عطاها فوق اللي تبيه اكثر اخذت فنجاله وهي تكبه بفنجان ثاني:برد تصب لك غيره
ابو غازي تنهد براحة واخيرا هالحاجز المبني من سنين بينهم هاذي بداية انهياره
ام غازي مدت له الفنجال وهي تكرر سؤالها:فاهد؟
ابو غازي:وثمن ياوسمية وثمن!!
ام غازي:خابرتن خطاه ولا لي النية اتخطراه(تتجاوز عنه)مير الوغدان وش ذنبهم بنا
ابو غازي بعصبية:وهذا البلا كودش نسيتي مانسيت!!
ام غازي:خابرته خابرته ياعادل مير بتال وأخوه
ابو غازي قاطعها:اخوانه يسدون
ام غازي:انت خابرن بتال مايوجس هرجة لاتزيده ياعادل
ابو غازي:وش تريدين كود غدا يم فاهد تخبرين وش يحصل!!كبيه لامنه يعود من ام جـلاجـل ويتثبت هنيا وقتها نراعي لنا دبرتن بهالفاهد الله لايرده
ام غازي زفرت:عـمـي درا؟
ابو غازي:لذالحين ماعلمته
ام غازي:عمي اهون من عـمـي بادي الله يستر الله يستر علينا
فيصل دخل وهو يسلم عليهم:يبه فيه ضيف عند جدي وغريب مرررررة
ابو غازي قطب جبينه:مين؟!!
فيصل:واحد عيونه زرقا تشوفه تقول اجنبي!!
ابو غازي فز واقف وهو يهرول بخطواته
ام غازي وقفت وهي تمسك فيصل:سمعت اسمه؟
فيصل:ايه يوسف
.
..بيت مسفر..
شذى تطالعها بشك وهي متكتفة عالباب:كثرانة جياتك لنا خير وش تبين؟
رهايف اتسعت عيونها:الله اكبر عليك ياشيخة!!!الحمدلله انه مو بيتك بيت عمي!!
شذى بضحكة:ايه يابيت عمك وش تبين؟
رهايف:جاية اسولف معكم،،اشرت وراها بطرف إصبعها،،امشي يعني امشي!!
شذى بابتسامة:يالله اشوف روحي
رهايف دخلت وهي تدفها وكملت لداخل:اقول اوص بس لاصار بيتك تكلمي
شذى قفلت الباب وهي فيها ضحكة وتمشي وراها:وش هاللي معك العادة يديك فاضية هالمرة معك خير!!
رهايف وهي تدخل لصالة استقبال الحريم وتفتح النور ونزلت طرحتها على أكتافها وتجلس عالكنب:مو لك هالخير ارتاحي!!
شذى وقفت ع مدخل الصالة:ايه ادري وجه فقر انتي من متى تذكريني!!
رهايف:لاذكرتيني ذكرتك حبيبتي
شذى:يمه منك!!بخيلة درجة اولى!!
رهايف:الحمدلله طالعة عليك
شذى كشرت:وش تبين؟
رهايف:وين عروستنا؟
شذى مشت لها بسرعة وهي تمد يدها:انا وهي واحد
رهايف دفت يدها:خبلة انا اصدقكك!!!ناديها بس ولايكثر
جواد بصوته المبحوح:شذى
رهايف عقدت حواجبها باستغراب:خوالك عندكم؟!!
شذى:خوال مين!!هذا الحب حقك
رهايف كشرت:وع ياشين رمياتك ياشيخة
شذى ضحكت:مررررة صدقتك واضح حبيبتي واضح لاتحاولين الله يهينكم بس
جواد خرج جواله واتصل عليها بنرفزة
شذى مدت الجوال لجهة رهايف:شفتي،،رفعت صوتها،،تـ
رهايف نطت لها:اوص،،غطت فم شذى بيديها،،اوص لاتنادينه تكفين!!
شذى دفت يدين رهايف عنها وبابتسامة:ليش!!
جواد بصوته المبحوح:شذى بنت!!
رهايف:لاتخلينه يدخل بعدين اقولك
شذى باستغلال:وش لي؟
رهايف:معي صحن كاكاو حلالك بس فكيني تكفين
شذى رفعت يديها لشعرها وهي تعدله
رهايف:صرفيه فاهمة،،رجعت لمكانها،،
شذى خرجت بخطوات سريعة وهي تهمس:جاية جاية وش فيك!!
جواد ببحته ونرفزته:وين الفلوتاب؟
شذى:للحين ماخف حلقك!!وبعدين وش دخل الفلوتاب هذا وانت دكتور!!
جواد:وش دخلك انتي!!قلت انا اللي ابيه!!اقولك اعطيني اياه وانتي ساكتة!!
شذى بتكشيرة:طيب طيب وش فيك اكلتني بسم الله!!نقص صوتك شوي فضحتني!!
جواد:خلصيني بس
شذى مشت ورجعت له ومعها الفلوتاب مدته بزعل على وجهها:خذ
جواد:مين اللي فيه؟
شذى:صحبتي
جواد قطب جبينه:ومن متى صحباتك تطلعين لهم ببجامة!!
شذى ارتفعت حواجبها:عادي نمون على بعض!!
جواد طالعها بشك:اللي يجون صحباتها سهام انتي ماعمري سمعت ان لك صاحبات
شذى:ليه ان شاء الله معك كشف بقائمة علاقاتي!!
جواد:انتي ورهايف ماتتصاحبون ابد عشان كذا روسكم ببعض،،اتسعت عيونه،،
شذى:لا والله!!ترا صحباتنا دايم يجون وانت مو موجود!!مو لازم تقابلهم اصلا استح على وجهك انت متزوج!!
جواد دفها:ابعدي عني ابعدي بس
رهايف واقفة على مدخل الصالة من داخلها وهي متكية بظهرها عالجدار تسمعهم مغمضة عيونها وتردد بتوترها:وجعلنا من بين أيديهم سدًا ومن خلفهم سدا فاغشيناهم فهم لايبصرون،،فتحت عيونها وهي ماتسمع لهم صوت ميات راسها تطالع فيه احد او لا
جواد بيدخل للصالة وانفض قلبه وهي تطلع بوجهه وببحته:بسم الله!!
رهايف رجعت لورا بخوف:يمممههه!!
شذى انفجرت تضحك وهي تطالعهم
جواد طالعها بحدة
شذى زمت شفايفها وهي تكتم ضحكتها
رهايف رفعت طرحتها على راسها وهي تبعد عنه لداخل الصالة بسرعة
جواد طالعها بابتسامة وهي تبتعد:رهايف
رهايف التفتت تطالعه
جواد وهو يكح ويسحب خطواته يتصنع المرض
شذى اتسعت عيونها وهي تطالعه
جواد جلس على اقرب كنبة:ها ارتحتي!!شفتي الفليت وش سوا بالآدمي ان شاء الله انك تحسين بتأنيب ضمير وانا كذا بسبتك!!
رهايف طالعت شذى:يكذب صح؟
شذى هزت راسها بايه:لا
جواد احتدت نظرته لها
شذى:اووووه عاد انا مالي شغل بينكم لاتدخلوني بمشاكلكم من الحين،،مشت وتركتهم،،
جواد كح
رهايف:من تمارض فقد مَرِض!!
جواد ضحك بخفة:من مرة انقالت لك!!
رهايف كشرت بوجهها
جواد ببحته:المهم كيف ضميرك وانت تشوفيني بهالحالة؟
رهايف بابتسامة:الحمدلله مرتاحة
جواد اتسعت عيونه
رهايف:تكفير ذنوب لك
جواد:والله ماتلاقين احد يصبر عليك انتي ولسانك كثري!!
رهايف:طبعا!!بالنهاية احنا زوجين
جواد ميل فمه ماعجبه الكلام:زوجين!!
رهايف:وحبيبين
جواد يطالعها مو مصدق كلامها
رهايف:بس مو الحين مستقبلا ان شاء الله
جواد:افهم ماتحبيني؟!!
رهايف بوسع عيونه:استغفر الله لاتقول هالكلام ماقلته انا!!
جواد:طيب؟!!
رهايف وهي تنحني للكنبة تفتش بين الأكياس اللي جابتها معها وهي تتفادى نظراته:انت شي جديد غريب بحياتي ماشابهه شي ابد
جواد ابتسم وهو يطالعها وباستغباء:وش معنى هالكلام مافهمت!!
رهايف طالعته:شي غير كنت ماارتاح له ولا أتحمله ابدا
جواد:والحين؟
رهايف:الحين صرت انا ادور لك عشان اتهاوش معك
جواد:تموتين بالمشاكل!!
رهايف:هواش المحبين راحة!!
جواد ضحك بصدمة من كلامها:كبير الكلام يابنت مستوعبة حجمه!!
رهايف خجلت وهي تتصنع العكس مشت له وبيدها كيس صغير وعريض:ايه مستوعبة،،وقفت قدامه،،
جواد يطالعها ضحك بخفة بصدمة من جرأتها
رهايف مدت له الكيس:تفضل
جواد اخذه منها وهو يطالع داخله:هذا من تأنيب ضميرك؟
رهايف مسكت يده وهي تزم عالكيس بنفس الوقت حتى مايشوف اللي داخله
جواد رفع عينه لها
رهايف:لاتفتحه الحين
جواد:ليش!!
رهايف:شوفه لوحدك وبغرفتك،،همست،،ولاتنتبه شذى
جواد ابتسم:بعد مسكت هاليد ابشري ماراح تدري
رهايف تركته بسرعة
شذى دخلت وهي شايلة صينية القهوة:بس رحت اجيب القهوة واجي تحشون فيني!!وش اللي ماتبوني اعرفه!!
رهايف طالعتها:الأكياس لسهام وامانة عندك ماتفتحينه شذى
شذى كشرت:اعطيها انتي!!
رهايف:ارجع بعدين وابارك لها
شذى بتكشيرتها:تقهوي معي ولا شفتيه وخلاص!!
رهايف زفرت:محد ياخذ مكانك يالشذيا حقتي انتي الكل بالكل
جواد اتسعت عيونه وهو يسمعها
رهايف:الكاكاو بالكيس الابيض
جواد رفع الكيس لشذى بغيرة منها:شوفي
رهايف انصدمت:يالله سلام،،مشت،،
جواد رفع صوته:هدية من صحبتك الوحيدة
رهايف جرت
شذى اتسعت عيونها وهي تلحقها:يابخيلة والله توقفين والله مابقي غيري بينهم والله تجيبين لي هدية والله
رهايف وهي تجري:حسبي الله
جواد ابتسم براحة وهو يوقف واتجه للدرج ويطلع بسرعة متجه لغرفته بحماس
.
..بيت الشعر..
الجد نشمي:حياك الله ياولدي حياك الله
يوسف وهو ينزل فنجاله:الله يسلمك ويبقيك سلمت ياجد سلمت
الجد نشمي عقد حواجبه باستغراب وهو يناديه ياجد من البداية ومشى الموضوع:ايه ابشري ياولدي امر وش بغيت
يوسف:انا لافين يمك طالبن الحق وعليك وجه الله وبالله ماتردني
الجد نشمي:ابشر بعزك اذا لك حق تاخذه كامل مكمل ومحدن يوجس يمك وجس ابشر ياولدي ابشر كوده حقك ابشر
يوسف اخذ نفس وبجدية:يرضيك ياجد انمنع عن اخوي!!
الجد نشمي عقد حواجبه باستغراب:من هو اخوك!!
يوسف:ويرضيك عمتي تمنعني عنها وعن عيالها بشين مالي به بد!!
الجد نشمي بقلة صبر وضحت بعصبيته:ياولد اوجس من انت ومن تريد!!!
يوسف:اخوي بتال ياجد
الجد نشمي بتقطيبة جبينه:هاه!!
يوسف:وعمتي وسمية وعيالها
الجد نشمي يطالعه بصدمة مو مستوعب
يوسف:ياجد انا ولد فاهد ولفيت يمك ناصيك أريدك تنصفني بشين مالي به بد ولا عملته!!
الجد نشمي اخذ نفس:اصبر اصبر ذالحين توجس انك وغدن لفاهد
يوسف هز راسه بايه:ايه نعم
الجد نشمي كشر بوجهه:استح يارجل!!
يوسف اتسعت عيونه بصدمة:هاه!!
الجد نشمي:خلقتن ماهي بلنا ولّا الله قاله وشلون توجس انك ولد فاهد،،رفع عكازه بوجه يوسف،،
يوسف رجع لورا كم خطوة
الجد نشمي بعصبية وسط صوته العالي:وثمن فاهد الله يتجاوز عنه ويبيحه علامك توجس اكذابن يم الموتى هاه!!خاف ربك ياشين اهب!!
يوسف:والله اني وغد فاهد!!يشهد الله ياجد
الجد نشمي يطالعه بتكذيب
يوسف:علي الله وحرام بالله اني اوجس الصحيح يوسف ابن فاهد ياجد والله
ابو غازي دخل بوسط انفاسه السريعة وبحدة:وش تسوي هينا!!
الجد نشمي يطالع ابو غازي اللي هجم عليهم معصب ثم التفت ليوسف:توجس الصحيح اجل!!
.
..بيت مسفر..
،،غرفة جواد،،
جواد متربع على سريره قدامه صندوق الهدية الكرتوني باللون البني وشريطة مربوطة على شكل فيونكة تتوسطه من قدام مد يده وسحب الشريطة واخذ نفس متوتر يبي يفتحها وهو يعرف حركاتها هون لايفتحها وسحب جواله اللي راميه عنده عالسرير وهو يتصل عليها
رهايف ردت بهدوء:هلا!!
جواد:وش حاطة بالصندوق؟
رهايف بوسع عيونها:مافتحتها للحين!!
جواد بشكه:وش فيه الصندوق؟
رهايف:انتبه على نفسك وانت تفتحه وسم بالله وتعوذ من الشيطان مو يصير لك شي وتتبلاني بعدين اه واكتب وصيتك احتياط
جواد كشر بوجهه وهو يمد يده ويرفع الغطا المتصل بالصندوق من جهته الخلفية بسرعة:يعني وش حاطة ثعبان مثلا!!،،ارتفع صوت صفارة إنذار من الشاشة اللي تتوسط غطا الصندوق فز معها،،بسم الله
رهايف ضحكت:تقطعها بالعافية
جواد وهو اللي ماطالع داخل الصندوق بسرعة وراجع بجسمه لورا وهو ينتظر اَي شي يصير:وش وش!!وش فيه؟
رهايف ضحكت ماردت عليه وقفلت
جواد:بنت بنت،،قفل وهو يقدم نفسه بشويش ينتظر اَي شي يطير على وجهه وطالع لداخل الصندوق وكان فيه ساعة جلد باللون الاسود يلفها الجوري الاحمر مد يده للغطا ورفعه وهو يطالع الشاشة اللي تتوسطه وطافية واشتغلت اول مارفعه وارتفع صوت صفارة الإنذار من جديد كشر بوجهه وطارت التكشيرة وهو يقرا الكلام المتحرك اللي عالشاشة(احب اعرف لك معنى الحياة اللي بتكون معي وهي كالتالي كل يوم بيكون فيه مغامرة جديدة تحدي جــديــد ونهاية هالمغامرات والتحديات اكيد طرف خاسر لكن هالخسارة بنهاية اليوم بتكون ضحكات وسعادة تملي قلوبنا وعلى كثر السخافات اللي بتمر فيها أتمنى من كل قلبي تتجاوزها بسلامة وبالنهاية أتمنى لك حياة مديدة مع مفاجأتي والله يبعد عنك شر السكتات القلبية يقولون التفاح زين للقلب)ابتسم وهو يزفر براحة عجيبة وشوق غريب للمستقبل اللي كان كارهة معها ومد يده للساعة يقيسها على يده:ياولد ذويقة البنت!!
.
..بيت الشعر..
ابو غازي جالس قباله يطالعه بحدة
ام غازي بكامل حشمتها تطالعه بنرفزة منه
يوسف وهو متوتر من هالنظرات:عمة افتشي تراني محرمك
ابو غازي صرخ:عمت عينك من ولد!!
يوسف فز للحظة
الجد نشمي فز بشكل واضح وبصراخ على ابو غازي:ولد بتذبحني انت!!!
ابو غازي بعصبية:يبه ماتسمعه!!
الجد نشمي:الحمدلله للحين اسمع مير انت اللي بتذهبه!!
يوسف:انا مااوجست شي(ن)شين ولاّ عملت به!!
ابو غازي بعصبية:اوص لااسمعك تسولف بهاللهجة اوص!!
الجد نشمي بحدة:عادل!!
ابو غازي سكت وهو يغلي
الجد نشمي زفر وطالع يوسف:يارجل ابيك
يوسف قاطعه:انا مالي بفعول ابي بد!!
ابو غازي كشر بوجهه
ام غازي ميلر فمها بشك
يوسف:انا اريد اتخبر اهلي ويوم اني اوجس اهلي عنيت بتال وعمتي وعييلها
ابو غازي بعصبية:اعقب!!
يوسف رفع صوته وهو يطنشه:وكود رجل عمتي مايريد لـي شوف يبشر مايراعيني اغدي يمهم وهو ماهو إحويلهم
ابو غازي:عجيييييببب!!!صدق!!وانا ماني بفيه اغدي يم بيتي!!حليت المشكلة بهالهون!!
يوسف كشر
الجد نشمي:عادل!!!متى تنكعم وتكبني اوحي العلم زين!!
ابو غازي:يبه
الجد نشمي:عادل!!
ابو غازي سكت وهو يعض ع شفته
الجد نشمي زفر وبهدوء:وشلونه ابيك
ابو غازي اتسعت عيونه
ام غازي انصدمت من سؤاله
يوسف تنهد:حاله مايسر عقب العلوم اللي انعملت!!
ابو غازي بحدة:احسن
يوسف كشر
الجد نشمي تنهد:علامه ماغدا معك يسلم علي؟
ابو غازي بصدمته:يبه!!
يوسف:هو مايخبر اني لافين يمكم ومتهددني من اولها مااعمل شين ابدن مير انا مااحرز اقرّ(اثبت)مكاني
ابو غازي بغبنة:يبه ناوين تراعيه عقب عمايله!!
الجد نشمي:خابرن سود فعوله ياعادل خابر!!مير الدنيا تطرد ومحدن يخبر وش يغدي به بكرة
ابو غازي بصدمة من كلامه:ومسامح على اللي غدا!!مسامح!!
الجد نشمي:ماني بمسامح لذالحين مير بالهون النفس تعود ترضى
ابو غازي صرخ:يبه!!
الجد نشمي:ماهو لخويطره ياعادل ماهو لخويطره!!
ابو غازي بعصبية:اجل وش!!
الجد نشمي:وش ذنب هالضعوف!!يكفي ماغدا بكم ادعيه يغدي بهم!!
يوسف طالعه بصدمة من رحمته له
ابو غازي:يبه انت من اول وانت ترحمه وراع وش عمل على كثر ماعملت له!!وش اللي يمنعه لايعمل نفس الشي!!
يوسف بتكشيرته:ابوي تغير ماهو بمثل اولوثمن كلن يخطي والله غفور رحيم!!!
ابو غازي بحدة:انت انكعم محدن اوجس يمك وجس!!
الجد نشمي بحدة وهو يقطع نقاشه:خلاص ياعادل خلاص
ابو غازي:يبه
الجد نشمي بحدة:اوجست يسد!!،،طالع ام غازي،،وش توجسين ياوسمية؟
ابو غازي اتسعت عيونه وبحدته:مابها نشدة(سؤال)يبه!!
الجد نشمي بحدة:مانشدتك ياعادل!!!اوجسي ياوسمية
ام غازي طالعته ساكتة
يوسف تلونت خدوده من توتره وهو يطالعها بيموت وهو ينتظر جوابها
ام غازي بشكها:وش تريد؟
ابو غازي طالعها بصدمة
يوسف ابتسم بفرحة:ابدن مااريد الا اتخبركم
ام غازي:وثمن؟
يوسف:اجيكم مرتن وحدة كل يوم وحدتن ماغيرها اتخبر علومكم واغدي ماني بمبطي وانا يمكم
ام غازي زفرت وهي تفكر
ابو غازي بقلة صبر:علامش ياوسمية!!
ام غازي:هو ماله بدّ باللي انعمل ياعادل
يوسف بيموت من فرحته
ابو غازي وقف وبعصبية:اجل يتحمل مايجيك مني،،مشى خارج بخطوات سريعة،،
الجد نشمي زفر وهو يطالع عادل وتصرفاته
ام غازي طالعت يوسف:هي مرة وحدة بس واذا عافوك ماتعتب باب بيتنا ابدا فهمت
يوسف هز راسه بحماس:ابشري ابشري ياعمة
الجد نشمي:قوم سلم على راس عمتك قوم
يوسف وقف بوسط ابتسامة مرتسمة على وجهه وهو يسلم على راسها وانحنى يبوس يدها
ام غازي سحبت يدها من يده ومسكتها:مين اللي أرسلك
يوسف بابتسامة بدون لاينتبه:بتـ،،سكت،،
الجد نشمي اتسعت عيونه
يوسف بسرعة:محد انا لفيت لحالي
ام غازي زفرت بابتسامة وبنفسها:وش اللي وراك يابتال وشو!!
.
.
.
.
تـسـريـع لـلأحـداث:
**يوسف مثل مااتفق معهم كل يوم حاضر وناشب لكل المتواجدين ومتحمل ابو غازي وتصرفاته معه ومتحمل نظرات عيال عمته بهدوء وهو ينتظر الفرج
**راشد وهيفاء سكنوا مع ببيت الجد نشمي بعد اصرار هيفاء على راشد
**تم زواج ابو صايل من سهام وكانت سفرتهم اسبوع ورجعوا بسبب زوجته ام صايل المريضة
**تحدد زواج جواد ورهايف بعد اسبوع بالضبط من زواج جسّار رغم اعتراضات العايلتين لكن ابو غازي نفذ اللي براسه ولاهمه راي احد
**جسار استأجر جزء من بيت العم مصلح اللي ساكن باطراف الديرة
**غيث كل ماوصله خبر وصول شي من اثاث بيت جسّار طار للبيت ويطالعهم وهو يتخيل بخوت مبسوطة ويموت من غبنته ويتوعد
.
.
>>ومرت هالاسبوعين بسرعة وتعب وإرهاق على اهل المعاريس>>
.
.
.........****..........
يوم جديد
.........****..........
أم جـلاجـل
.
..بيت مفلح..
،،عالغدا،،
ثريا وهي غرقت جهة هيفاء من الصحن لحم تقطع وتحط بدون لاتوقف من فرحتها بزيارة هيفاء
مفلح ياخذ من جهة هيفاء ويأكل بهدوء
ثريا بابتسامة:كلي كلي وانا عمتش عساه بالعافية اراعي وجهش مشهب(اصفر)وغاديتن تقل عود(نحفانة)،،اختفت ابتسامتها وهي تضرب مفلح على يده بوسط تكشيرة،،
مفلح انصدم من ضربتها وبهواش:علاااامش!!
ثريا بتكشيرتها:معك يدك جز(اقطع)لروحك كب عيشة بنيتي يالمفجوع!!
هيفاء ابتسمت بوسط غصة تبلعها وهي اشتاقت وميتة من الشوق لهم تطالعهم بهدوء
مفلح:اهبي مزهدتن بي ماتعملين غير قطيعة ماتشبع احد اليوم اللي ارعيت العيشة زين!!(يقصد تقلل الاكل له)
ثريا:ماهو بنافعك كثير العيشة وانت شايبن مابه حيل ازهد بك رحيمة بك
مفلح:الله لايعود هالرحمة اللي بقليبش كودش تكبيني مقوي(تتركه جيعان)الا اجدعي يمي العيشة ومالش بي ماشكيت يمش علل!!
ثريا:ايه اغدي على ماتريد ثمن اقعد بها محدن يتعقّاها(يأكلها)غيري!!
مفلح:اهبي الله اكبر عليش من مرة تريدين يمي السو اهبي!!
هيفاء ابتعدت عن الصحن:جاد الله عليكم
،،مفلح وثريا التفتوا لها بصدمة،،
مفلح:علامش يابنت كملي غداش!!
ثريا طالعته بتكشيرة:من نفسك الله يقطع النفس الدنية!!
مفلح بحدة:اعقبي!!
ثريا طنشته:عودي كلي يابنت
هيفاء بابتسامة:يكثر خيركم شبعت الحمدلله،،كملت طريقها حتى تغسل يديها،،
ثريا مسكت الصحن وهي بتقوم تشيله
مفلح مسك الصحن وبوسع عيونه:علامش!!
ثريا منحنية شبه جالسة:كبّه ابي اغدي به للغنيمات
مفلح:اهبي الغنيمات ابدى(اهم)مني!!ماتغديت لذالحين!!
ثريا:شبعت يسدك مااكلت
مفلح سحب الصحن منها بقوة:اغدي اغدي ولمي الشاهي
ثريا وقفت بتكشيرة:الله يعنيك على روحك،،مشت ورا هيفاء،،
هيفاء واقفة ورا مغسلة المطبخ تغسل
ثريا وقفت جنبها:علامه رجلش ماتغدا معنا؟
هيفاء:يوجس يكبني على مااريد وثمن هو يتغدى مع اهله كل ابوهم بالديرة
ثريا شهقت:كبش يمّنا!!
هيفاء وهي تحط إبريق الشاهي عالغاز:ايه اوجس ارقد الليلة هنيا
ثريا بفجعة:يايمه الليلة!!
هيفاء التفتت لها بفجعة:علامش ياعمة!!
ثريا:الرجل طشش
هيفاء اختفت فجعتها:هاه؟!!
ثريا مشت بخطوات سريعة وهي تخرج من المطبخ:مفلح ولد يامفلح
هيفاء مشت وراها:عمة ياعمة!!
مفلح وقفت لقمته بحلقه وبلعها بالقوة:علامش يامرة!!!
ثريا واقفة عنده:الرجل جدع البنت وغدا(مايبي هيفا)
هيفاء اتسعت عيونها:عمة!!
مفلح كشر بوجهه وهو يعتدل بجلسته:وش هالوجسة الشينة!!،،طالع هيفاء،،صحيح يابنية؟!!
هيفاء:ياعم راشد كبني هنيا لان اهله كل ابوهم بالديرة
من شان العرس بكرة والمحل مايشيلهم واجدين ماشاء الله
ثريا طالعتها بشك:وشلون يكبش ويغدي!!
هيفاء:حتى يعاونهم وثمن بيبلش بي وانا يمهم وين نغدي به البيت حكرة(ضيق)
ثريا:والله ماادري عنش
مفلح زفر:كبي شين الظنون والرجل ولد حلالن مثل ماهي بنية حلال كبيهم كودهم متخبرين علوم بعضهم
ثريا زفرت براحة:زين زين
.
الـعـصـر
.
..بيت مناور..
ام هليّل بتكشيرة وهي تتقهوى:بكرة العرس
ام طلق:اَي بالله!!محدن خبر هاللون ابدن!!
ام غيث زفرت:حسبي الله هذا اللي اوجسه
ام مزون تسمعهم ساكتة
ام ناصر:خافن الله البنية ماعملت بكن شي!!
ام طلق طالعتها بتكشيرة
ام غيث بنرفزة:ام ناصر لاتوجسين شين الله يصلحك علومك اللي دايم اكعميها عني!!
ام ناصر زفرت:كودني اوجس الصحيح مايعجبكن!!
ام طلق شهقت:ام ناصر!!
ام هليّل:انا فاقعن كبيدتي وشلون خبر هالبيت من يد بيوت الديرة!!ولا تخير غير سويدة الوجه بخوت ام الاكذاب!!
ام طلق:اَي بالله ماعيّن غير بادي!!ياكثر انيث(بنات)الديرة!!
ام هليّل بقهر:الله اكبر عليها!!وكاد عاملتن شي للرجل!!ولا وشلون ياخذ وحدتن عزبى وفوقها ورع!!
ام مزون نزلت فنجالها وبهدوء:مير انيث الديرة كل ابوهن محدن منهن توازي زين بخوت وطيب نيتها
،،الكل يطالعها بصدمة من ردها،،
ام ناصر ابتسمت برضا
ام مزون:واللي يخبرها يخبر انها بنية حلال وتصبرت على شين الفعول دهر ووراه منكعمة!!
ام هليّل:علامش يامرة!!انخبلتي!!
ام مزون بابتسامة:صدقت ام ناصر اوجست الصحيح ولا اعجبكن!!
ام غيث بحدة:وش هالطاري ياسلمى!!ولا قليبش حاد يمهن!!
ام مزون:الا وانتي الصادقة اخطا يومه حاد عنهن من اولها!!
ام غيث بوسع عيونها:وشو!!!
ام مزون وقفت:الـلـي اوحيتيه مير عسى قهوتكم دايمة يابيت الشيخ،،مشت،،
ام ناصر وقفت بابتسامة وهي تلحقها:احتريني ياسلمى احتريني
ام غيث تطالعها بغبنة
.
..بيت الشلة..
رهايف بغرفة راشد اللي استحلوها البنات:يووووه ياربي يوووه استغفر الله الله لايضيق علينا بقبورنا وش ذا!!مالقيتوا اصغر من هالبيت!!
حصة:رهايفوه انكتمي مو بس انتي المتضايقة!!
امجاد:باقي بيت عمي مسفر بكرة يوصلون
رهايف ببكية:يارب اني اسالك الفرج،،فتحت باب الغرفة ومن وراه بصوتها العالي،،جسّار جسااااار
ابو غازي اللي يتقهوى بالحوش مع امه وعذبة وراشد وغازي وجسّار:بنت!!نقصي صوتك!!
رهايف قصرت صوتها:جساااار
جسّار جالس بالحوش يرتب اغراضه:اسمعك خير وش تبين!!
رهايف:تكفى ياجسار تكفى
جسّار زفر بطفش:وش تبين
رهايف:نام انت واخواني ببيتك بغرفة الضيوف خلنا نتوسع بموت من الضيق هينا!!
ام غازي داخل الغرفة؛صاحية انتي!!
رهايف:يمه!!وش اسوي عاجبك وضعنا!!
جسّار:مع نفسك!!
راشد وهو ينزل فنجاله:انا ببات عند جدي بادي
الجدة منيرة شهقت:وش هالعلم ياولد!!
راشد:هناك مافيه احد وخواتي عادي الوضع ومنها يتوسعون هينا شوي يالله فمان الله
رهايف من ورا الباب:روح الله يوسع عليك ياراشد من حيث لاتعلم روح
راشد ضحك:امين
غازي احتدت نظرته وهو يسمع كلامها
راشد خرج
رهايف فتحت الباب وهي تسحب نفس بصوت عالي:الرااااحة ياجماعة الرااااحة،،مشت لهم،،
غازي بحدة:كم مرة قايل لك ماترفعين صوتك كذا ولاتتكلمين مع الرجال!!
رهايف وهي تجلس جنب جسّار وتختصر الموضوع مع غازي:اسفة
ابو غازي:اتركها ياغازي
غازي يطالعها بغبنة
رهايف طنشت نظراته وهي تطالع اغراض جسّار وابتسمت
جسار وهو منتبه لها:مافيه ابعدي عني
رهايف كشرت
جسّار طالع غازي وابتسم وهو يقول شعره: مثل الايسكريم ليا دقته شمس الظهيرة..اذوب في حبك ياكنافة ياشيرة،،يا داخل قلبي بدون تأشيرة..
غازي زفر:اخلص وش تبي؟
جسّار ابتسم:ابي عطرك المحبوب اتعطر فيه يوم زواجي
رهايف:يمه منك بخيل لاخر رمق!!ياشيخ ارحم نفسك ترا زواجك حتى العطر اللي عاجبك مااشتريته!!
جسّار:الا شريته
رهايف باستغراب:وبعدين؟
جسّار:ليش افتحه وغازي معه نفس العطر!!
رهايف:ماتقول الا الله يعين بخوت عليك!!
جسّار بابتسامة:لاتخافين عـيـونـي لها!!
رهايف:يمه منك يالرومانسي صدقتك مررررة!!
غازي وقف:اقول مشينا للخيمة نساعد بتال وسعود وفيصل مشينا
.
.........****..........
الليل
.
،،مـكـان خيمة زواج جسّار،،
،،بعد ماانتهوا وتأكدوا من وجود كل شي وبامكانه ولابقى الا الزوليات(السجادات)تفرش الصباح جمعوا الشباب اغراضهم،،
سعود وهو يطالع الكم عامل الموجودين بحدة:قفل الماطور(مصدر للكهربا ينور المكان)لاترقدون فتّحوا عيونكم زين وراعوا المكان وتحرصوا
بتال:خلاص ياسعود والله فهموا خلاص
جسّار وهو يتمدد بتعب:عاد استأذنكم انا بروح انام ميت من التعب،،لف بيمشي،،
غازي بابتسامة:وين ياعريس وين!!
جسّار التفت له باستغراب:وش باقي!!
غازي فتح يديه وسط ابتسامة وهو يغني:عريسنا يابدر بادي..دامت لياليك السرور..
جسّار ابتسم وهو يسرع بخطواته لغازي ويرتمي بحضنه يضمه ويسلم عليه
غازي همس له:مبروك يااخوي مبروك
بتال غنى بابتسامة:عريسنا ياعطر زاهي..غلّب على كل العطور..
جسّار ترك غازي وهو يغطي فمه يتدلع عليهم:خلاص استحي ترا،،سلم على بتال،،
راشد وقف جنب غازي وهو يحاول يجمّل صوته:جينا بمنقاش الأيادي..نخرق بها عين الحسود..
جسّار كشر:صوتك يكفي
راشد كشر:وانت وجهك!!،،سلم عليه وبابتسامة،،مبروك ياجسار مبروك
سعود بابتسامة وهو يتقدم لجسار ويمد يده له وغنى بصوته الثخين:يمينها جات بيمينه..بأسمى المعاني والشعور..
جسّار بابتسامة وهو يحط يده بيد سعود وبابتسامة:بعيوني
سعود وهو يشد على يده على يد جسار:واخذتها و انتَ الموفق..حوريه من بلاد النور..،،سحبه اول ماخلص الكلمة،،
جسّار انصدم
سعود كتفه وتجمعوا عليه الشباب وشالوه
جسّار بصدمته وسط ضحكاتهم:وش فيه وش فيكم!!نزلوني!!هيه عيال تكفون بلاسماجة هييييههههه!!
،،نزلوه ووقفوه وهم يثبتونه ويربطونه بعامود يتوسط الخيمة،،
جسّار يقاومهم لكن مو قادر عليهم بترجي:أمانة بكرة زواجي خلوني ارتاح
بتال جالس وهو يربط رجوله:بترتاح زين هينا
راشد وهو يربط يديه ورا العامود وبحقد:وبيحرسونك اخوياي اللي تتمسخر عليهم دايم
جسّار طالع سعود المبتسم والمتكتف قباله:سعود تكفى ياسعود ترضى يسوون بنسيبك كذا!!
سعود وهو يرفع يديه لفوق بابتسامة:اخوانك مالي بدن بشين ابد!!
جسّار طالع غازي اللي واقف جنب سعود:غازي
غازي:قيمة العطر
جسّار:ماابيه ماابيه بس فكني
غازي بابتسامة:عيب يارجل!!كلمة الرجال وحدة
جسّار بترجي:تكفون فكوني بلا عباطة!!
بتال وقف وهو ربطه بذمة وضمير ويضرب يديه ينفضها:مشينا
جسار بعد مايأس منهم:اصلا عادي ماهمني وش بيصير يعني يالله توكلوا يالله
غازي وهو يلتفت لوراه:سومار(عامل)قفل ماطور
جسّار كشر بوجهه
سعود:عاد اوحيت جدي يطري ان ذا الوادي بسم الله علينا الله يحفظنا
جسّار:مسوين فلة الحين تخوفوني!!اخر همومي!!
راشد وهو يطالع وراه:لا لاتسوي له شي تراني احبه
جسّار بغبنة:حبك برص ان شاء الله فكني
راشد باستعباط وهو يمشي له بسرعة يطالع عند رجوله:يالله روحوا العبوا هناك يالله لاتجون حوله يالله
جسّار:هه هااااا مرة يمه خفت الحين!!
غازي:تصبح على خير ياعريس،،مشى،،
جسّار وهو يسمع توديعهم له ويمشون عنه:تمزحون صح!!مابتتركوني هينا!!
العامل قفل الماطور واظلمت الدنيا تماما
جسّار صرخ:ههههيييييهههههه يااااا****لاتتركووووونننننييييييي!!!!
.
.
<اللهم صل وسلم على نبينا محمد>
.
.

شَجن العُذوب 08-04-2020 11:44 PM

رد: رواية ياسمح المحيا جر الهجـينية/بقلمي
 
ههههههههههههه 😂😂😂😂😂😂 هههههههه جسار والله تزوج ع كذا
الحمد لله يارب كنت خايفه ع يوسف لا يتفشل عندهم وتنقصف جبهته ، أتمنّى ان الشباب يتقبلنه وما احد يجرحه او يحسسه بشيء ، وعاظل النشبه بيحاشر الضعييييف
بنتارك غناتِ .. سلمتِ ع البارت القميل يا قميله 🌺♥️

ضحكته 09-04-2020 01:13 AM

رد: رواية ياسمح المحيا جر الهجـينية/بقلمي
 
يالله بموت بموت ضحك وش هالبارت كله ضحك بضحك
كله كوم ويوسف يوم كان عند الحد نشمي كوم ذبحني ضحك والله اقراء وانا ميته ضحك
ابو غازي زين ماجاته جلطه منه 😂😂😂
ولا وسميه وضعية المتابع بصمت 💔💔😂😂😂😂
ماجاك شي يا يوسف استنى بس يويلك من عادل ويلاه 😂😂
احس ابوغازي بيحب يوسف وبيقعد يسأل عنه ويدوره مدري احس بيفقده لو يغيب
يسسسسلام وانظم واحد جديد للعائله يابو غازي استلم بس😂😂😂
ولا الخبلان ربطوا جسار بليلة عرسه
😂😂😂😂
ياويلهم من ابوغازي تكفييييين رويات تكفييين نبيه يضربهم كلهم وياليت سعود معهم تكفييين 😭😂😂😂😂

بموت قاعد اتخيل اشكالهم 😂😂😂😂

وش هالبارت التحفه ياناس هذا وسعة خاطر
روايات لازم تعلمينا متى ينزل البارت نبي نتجهز ونلبس لبس جديد ونحضر العرس معهم احسسسسس حماسسسس🥺😂😂💔💃🏻💃🏻💃🏻


تسسسسلم الانامل بسسسس😍

Fay .. 09-04-2020 11:42 AM

رد: رواية ياسمح المحيا جر الهجـينية/بقلمي
 
تكفين ياحلوهم ضحكوني 😂💙💙
البارت يفرح بشكل

ام محمدوديمه 10-04-2020 04:14 PM

رد: رواية ياسمح المحيا جر الهجـينية/بقلمي
 
بارت روعه

كنت متوقعه ان نشمي يتقبل يوسف بسرعه بس متوقعته حتى فاهد متقبلنه صدق الدم يحن

ابو غازي صعب يتقبل يوسف لكن يوسف مش هين بيفرض نفسه

اما مفلح وثريا حكايه لوحدها الكر والفر بينهم مستمر
اهم شي يحبو بعض وميستغنو عن بعض متسلين بالملاسن


رهايف فله بين متروح ولا يردها شي


حرام عليهم مقالب العرسان حركات

عريس وبيبهدلوه بدل ميحلم فعروسه وينام وهو مبسوط بيحرقوله اعصابه بمقالبهم ليه

rwuiit28 12-04-2020 05:38 PM

رد: رواية ياسمح المحيا جر الهجـينية/بقلمي
 
،،الـجـزء الـسـادس والـسـتـيـن،،
سبحان الله وبحمده سبحان الله العظيم،استغفر الله العظيم الذي لاإله إلا هو الحي القيوم وأتوب اليه
.
.
..بيت بادي..
،،المطبخ،،
بخوت واقفة ورا المغسلة وهي تغسل الصحون
الجد بادي وقف عالباب وهو يطالعها وكشر بوجهه ثم دخل:بنت يابخوت
بخوت تركت اللي بيدها وهي تلتفت له:سم ياجد
الجد بادي وهو يمد يده ويمسكها من يدها يبعدها:كبي اللي بيدش كبيه
بخوت بوسع عيونها:علامك ياجد!!
الجد بادي:اغدي تريحي كبي المواعين عنش انا اغسلهن،،ثبت عكازه على طرف المغسلة وبدا يرفع أكمام ثوبه،،
بخوت شهقت وهي تطالعه ومسكت يديه:والله ماتنوشهن ياجد!!ماعملتها من اول حتى اعملها ذالحين!!
الجد بادي سحب يده وبحدة:اوجست يمش اغدي!!
عباير وقفت عالباب وبابتسامة:اغدي اغدي هي تحصل بادي يعمل عنك شي!!
الجد بادي التفت لها:لفت العوبا لفت!!
عباير كشرت بوجهها:وش عملت!!هاذي والله العقوبة!!
الجد بادي:ادني اشطفي المواعين وكبي خيتش تريح!!وانتي مغير متبطحة!!
عباير شهقت:ياويلك من الله ياجد ياشين الظليمة شيناه!!
الجد بادي دف بخوت لقدامه وهو يمشي وراها:برا برا
بخوت:ياجد مير انه
الجد بادي وهو يدفها لبرا ثم وقف جنب عباير بعد ماخرج بخوت من المطبخ ومسكها من يدها ودفها لداخل المطبخ:وانتي اغدي يم شغلش
بخوت واقفة ع باب المطبخ تطالعهم
عباير بتكشيرة:ياربي انك تفك منها بهالليلة
الجد بادي:اخلصي ثمن ادعي بهواش،،مشى ووقف جنب بخوت ومسك يدها وهو يمشي جنبها باتجاه غرفتها،،بكرة ان شاء الله لاتعين(تصحين)بدري ارقدي وانا جدش والفطور معفية منه
بخوت زفرت:ياجد
الجد بادي ضغط على يدها يقاطعها:كبي قنقش علامش غادية مثل المتروزة خيتش
بخوت ابتسمت:ماهو بقنق
الجد بادي قاطعها:اوحيتي العلم لااراعيش تعملين شين ابد هذاني علمتش
.
،،بمكان جمعتهم المعتاد سابقا،،
غيث جالس قبال النار يطالعها بهدوء
هليّل بغبنة:وتف على طلق وناصر ماغدوا يمّنا وتف
غيث زفر ومانطق حرف
هليّل بعصبية:مابهم خير يلفون يراعون خويهم وش غدا به تف تف كود تريد ذالحين غديت يم خيامهم وشبيت بها ياغيث
غيث رفع عينه له يطالعه ووقف ثم اتجه للحطب اللي جنب النار انحنى شبه جالس وهو ياخذ من الحطب ويرمي بوسط النار
هليّل ابتعد عن النار وهو يطالع الشرار اللي يتطاير حول النار بكثرة
غيث مثبت عينه عالنار ويرمي الحطب وهو يطالعها بهدوء
هليّل:يسد ياغيث يسد لاتشبها أزود!!ذالحين اغدي يم الخيمة ولاتعمل الغبنة بك هاللون!!
غيث وعينه عالنار:لا
هليّل عقد حواجبه:وشو اللي لا!!
غيث طالعه:لاتشب كبّ العرس يغدي على مايريدون
هليّل باستغرابه:وثمن
غيث ابتسم:تعود حليلتن لي غصبن عنهم كل ابوهم
.
.........****..........
يوم جديد
.........****..........
صباح يوم جميل يوم كله فرح على العايلتين اللي افترقت سنين عن بعض واليوم رجعت العلاقة بأجمل رباط مقدس رباط يجمعهم عالحب من جديد
<<صباح زواج جسّار وبخوت>>
.
..بيت بادي..
بخوت فتحت باب غرفتها وابتسمت اول ماوصلت لها ريحة النار المختلطة بالقهوة وخرجت من الغرفة وقفت وهي تطالعهم كلهم حول المشب صاحين قبالها باستغراب توقعت جدها وخالها لكن الكل موجود اتجهت لهم وبوسط ابتسامتها:ياصباح الخير!!
عباير وقفت بابتسامة مرتسمة على وجهها وزغرطت بكل مافيها وغطى صوتها هدوء المكان حولها
الجد بادي ابتسم وحلايا جالسة بحضنه
حلايا نطت من حضنه وهي تتجه لعباير
سعود جالس جنب عباير وقف بابتسامة
راشد جالس قبالهم وقف وهو ياخذ كيس هديته معه واتجه لهم وهو يوقف جنبهم
عباير:الف الف مبروك يابخوت ياعلها عيشة الهنا والسعادة الله يكتب لش الخير وين ماغديتي ياخيتي،،ضمتها تسلم عليها،،
بخوت بلعت غصتها وهي ترسم ابتسامة اعرض تغطي هالغصة:الله يبارك بش
سعود تقدم لها وهو يضمها له ويسلم على راسها:مبروك يااخوش مبروك الله يكتب لش الفرح والسعادة ياعين سعود
بخوت ضمته ونزلت دمعتها غصب:يسلم هالسعود لي ياعل الله لايخليني منه
حلايا وقفت عندهم وهي تفك بينهم:توحر توحر انا ذالحين
سعود ضحك وهو يترك بخوت:حكم القوي عالضعيف هاه كبينها
بخوت ضحكت وسط وجهها الاحمر وانحنت لها شبه جالسة وهي تفتح يديها:هـلا بحلوتي هلا بحلوة الخد
حلايا ضربت سعود على رجله بتكشيرة
عباير ضحكت
راشد ابتسم
سعود اتسعت عيونه:علامش!!
حلايا بعصبية:صيحت بحوت!!
بخوت سحبتها لها وهي تضمها لها:ياعين بخوت انتي الله يطول بعمرش لي ويحفظش ياعيني
حلايا طالعتها وهي للحين بحضنها:بحوت ذالحين اوزس يم زسار يصيح لس سعود
سعود شهق
راشد ضحك
سعود:اعوذ بالله منش يالفتنية!!
عباير بضحكة:ماله داعي توجسين يم زسارش شين ابد تخبره هي الليلة ويختلص(ياخذ)لها
بخوت كشرت:عباير لاتفطنين الوغيدة!!
سعود باستعباط عليها:عاد هذا الصحيح!!
بخوت وقفت وبخجل:سعود!!
راشد تقدم لها وهو يوقف عندها ويمد الكيس لها:مبروك الف الف مبروك وتفضلي
بخوت:الله يبارك بك مير وش انهو ذا؟
راشد:هديتك
بخوت:لا يسد حلفتك على ثوب العرس ماحطينا به ريال يكثر خيرك
راشد تقدم وهو يمسك يدها ويمسكها الكيس:ثوب العرس واجب اذا ماشراه اخوك من يشريه لك!!وبعدين هاذي هديتي انا وهيفاء منا يالاثنين ماينفع تردينها
بخوت:مير انه
عباير قاطعتها:كودش ماتريدينها انا اخذها عنش
سعود بوسع عيونه:عيب عليش يابنت!!
عباير بنرفزة:انا وخيتي نتفاصل وش عليك انت!!
راشد ضغط على يدها:عاد لاتردين اخوك يابخوت
بخوت زفرت وهي تطالعه
سعود:يابنت الحلال خذيها خذيها
بخوت اخذتها:مشكور ماقصرت ياعلك سالم
راشد مد يده:ويصير مااسلم وابارك مثلهم!!
بخوت ضحكت بخفة وهي تفتح يديها:الا احسن منهم ياراشد
راشد ضمها وهو يبارك لها
سعود:عاد اوجس يمش يابخوت علمن يهول
راشد ترك بخوت وهو يطالعه باستغراب
بخوت تغير وجهها وهي تطالعه:ياعلّه خير؟
سعود غمز لها:جسّار إحويلاته(حالته)ماتسر
عباير ابتسمت
راشد يطالعه مقطب جبينه
بخوت قطبت جبينها:وش غادين ومااعلمه؟!!
سعود:ايه وش اوجس مغير يمشي ويتغنى من همّه
بخوت ضحكت بخفة:ووش همه
سعود:يمشي وسط العربان وهو يتشكى ومحدن خابر علته ودواها غيرش
بخوت ضحكت وبتكذيب:صحيح!!
سعود:عاد انتي اوحي طواريه وثمن تضحكي
بخوت؛وش طاريه ياسعود؟
سعود غنى بصوته الثقيل وهو يصفق وصفقت وراه عباير وصفق معها راشد:
أرفـق عـلـى قـلـبـي تـرا قـلـبـي تـزايـد عـنـاه..
راشد وعباير ردوا وراه
سعود بوسط ردهم:سمي على قليبه يابخوت!!
بخوت ضحكت من قلبها
سعود غنى مع ترديد راشد وعباير وراه:
ذبـحتـنـي بـالـطـول والـخـد الـجـمـيـل الـعـفـر..
والـشـعـر الاسـود نـاسـفـه مـضـنـون عـيـنـي وراه..
مـرحـبـًا مـن غـايـة الـروح يـالـزول الـعـجـيـب..
مـن ضـمـيـر مـغـرم فـيـك مـابـيـن غـلاك..
دارت الأيـام والـدولـه تـجـيـب..
قـاطـع(ن)عـنـي مـواصـلـك مـدري وش بـلاك..
يـاطـبـيـب الـروح والله مـاغـيـرك طـبـيـب..
لا واهـنـي مـن مـلـكـوا لـه عـلـى خـلـه..
مـاخـذ لـطـيـف الـروح وارتـاح مـولـيـه..
وفـلان سـاعـدنـي تـرا الـحـال مـنـسـلـه..
والـقـلـب مـجـبـولـ(ن)بـعـيـنـه الـنـداويـة..
.
..بيت الشلة..
،،غرفة الشباب،،
غازي وفيصل وبتّال نايمين عالارض
رهايف نايمة عالسرير
ام غازي فتحت الباب بعصبية وبيدها علاقة ملابس حديد وهي تنحني عند رجولهم ورفعت لحافهم واحد واحد وبدت تضربهم على سيقانهم من قهرها
،،فزوا من نومهم بفجعة،،
غازي بفجعة:يمه وش فيك!!
فيصل متخبي وراه مايدري وش السالفة
بتال يتثاوب وهو يتكلم:هلا يالحب نورتي الغرفة
ام غازي ضربت بتّال ع ساقه:نورت الغرفة!!
بتال يطالعها بنوم ولا كانه انلسع منها
ام غازي رفعت يدها بتضرب
غازي سحب بتال قدامه:وش فيه طيب وش فيه!!
رهايف وهي تغطي راسها بالمخدة وتتأفف من ازعاجهم
ام غازي:ابد مافيه شي ابدا!!!
بتال:طيب ليش زعلانة يمه،،مد يده ليدها وهو يمسكها وياخذ العلاقة،،اتركي هالحاجات مي حلوة بيدك
ام غازي طقت من بروده:والله ماينلام ابوكم يومه يجلدكم!!
بتال قرب منها وهو يمد يده ويرجعها من ورا رقبتها يحاوطها ويضمها له ويسلم على راسها:من مزعل عـيـونـي؟
ام غازي دفته وبزعل:ماتوقعت قلوبكم سودا على بعض!!ماتوقعت مافيكم رحمة!!
غازي:استغفر الله يمه وش هالكلام!!
ام غازي:اجل تربطون اخوكم وتتركونه!!ماله الا هالحل ياان قلوبكم سودا يامرضى اكيد انكم مرضى!!
غازي ضحك وهو يقرب ويسلم على راسها:يمّه نمزح معه!!
ام غازي دفته:ابعد عني انت الثاني يقال انك الكبير بينهم!!
غازي:مو رجع خلاص وطيب!!وش مزعلك!!
ام غازي بقهر منهم:ياربي بتذبحوني انتم!!
بتال وهو يقرب بيسلم عليها من جديد:بسم الله عليك
ام غازي دفته ماتركته يسلم:لو ماجا راشد وسأل محد درا انكم تاركينه هناك اااه منكم اااه
غازي بيسلم عليها مرة ثانية:بسم الله عليك من الاه بعدوينك
ام غازي دفته بزعلها:وخر عني انت الثاني
فيصل:يمه انا مالي شغل والله ماني معهم ماادري عن شي انا!!
بتال وهو يسلم عليها غصب رغم انها تبعده عنها:يمه ياحبيبي والله طيب مافيه شي لاتزعلين نفسك الحين يجي
ام غازي:الله يجيبه سالم ومابيجي لحاله بيجي الخير معه
غازي عقد حواجبه:وش معه يمه؟!!
ابو غازي اللي راح مع راشد ورجع للبيت ومعه جسار وراشد التفت لراشد وبحدة:أوقف عالباب ولاتتحرك خطوة
راشد هز راسه بايه وهو يبلع ريقه:ابشر
ابو غازي دخل
جسّار طالع راشد بتكشيرة
راشد:وش فيك؟
جسّار:مافيه شي تبي تقوله!!
راشد وهو يطالعه:انتبه تراني اخر العروس حسّن علاقتك معي
جسّار زفر:لو مو تعبان حسنت علاقتي زين معك،،مشى وتمدد بوسط الحوش بمكان جلستهم المعتادة واستسلم للنوم من تعبه،،
ابو غازي وهو يمشي متجه للغرفة صرخ:غازي!!!بتاااااال!!
،،غازي وبتّال فزوا وهم يطالعون الباب،،
غازي مسك يد امه وباسها:تكفين يمه
ام غازي سحبت يدها
بتال:ترا العرس الليلة يمه
ام غازي:والعريس نسيتم وش سويتوا فيه!!
غازي:يمه يرضيك نطلع للناس وجيهنا ملونة!!
ام غازي صدت عنه بتطنيش
ابو غازي بصراخ:ولد ابوي انا!!مايردون علي!!هين هين!!
ام غازي:هينا هينا
غازي بوسع عيونه:يمّه!!
ام غازي:وكلهم صاحين!!
بتال جرى الباب وقشعر جسمه وهو يطالع ابوه قدامه
ابو غازي ابتسم:هـلا والله ياهلا
بتال مد يده للباب وقفله بوجه ابوه لاشعوريا
غازي انجلط
ابو غازي اتسعت عيونه من الحركة وصرخ وهو يدف الباب ويرفسه:ابوك ياعادل يصكه بوجهك!!هين وانا ولد ابوي هين!!
رهايف جلست عالسرير وفيها البكية:استاهل استاهل اللي جيت انام عندكم ذنب طردتي لراشد استاااااهل
.
..بيت بادي..
،،غرفة بخوت،،
،،بخوت وعباير جالسين يرتبون اغراض بخوت اللي كلها على بعضها توصل شنطة وحدة بس،،
،،التفتوا يطالعون بعض وهم يسمعون دق الباب،،
بخوت باستغراب:مين جاي الحين؟
عباير بنفس استغرابها؛مدري!!
بخوت تغير وجهها:حلايا وينها؟
عباير:عند التلفزون علامش!!
بخوت بقلق:مير الرجال كل ابوهم غدوا يم خيمة العرس!!
عباير وهي توقف:ماهو بغادين اليوم غير الفرح كبي هالتروع عنش!!تممي امورش وانا باغدي يم الباب،،خرجت من الغرفة وهي متوترة حالها حال بخوت لكن تخفيه عنها اتجهت لغرفة جدها وفتحت الباب زفرت براحة وهي تطالع حلايا اللي تتابع بانسجام قفلت الباب بشويش وهي تمر من البيت طالعت غرفتها وهي تسمع دق الباب اللي زاد هرولت لغرفتها ودخلت للغرفة وهي تاخذ سكينها اللي متعودة عليها وخرجت باتجاه الباب وقفت وراه وبهدوء،،مَن؟
مزون بنرفزة:فكي لي ولاتريدين اتغدى بعشتكم!!
عباير فتحت الباب باستغراب:مزون!!!
مزون دخلت وهي تنزل عبايتها عن راسها على أكتافها وبعدها طرحتها وبيدها كيس ووقفت وهي تلتفت لها وبتكشيرة:ايه مزون اجل من!!
عباير قفلت الباب وهي توقف عندها:وش غادي بش يمّنا ذالحين!!وببيتنا!!!
مزون:اعود دربي يعني!!
عباير بعصبية:علامش شايشتن علي كني ذابحة وغدن لش!!
مزون خافت منها ومشت:عوذا منش ماينوجس يمش شين ابدن!!
عباير مشت وراها:غاديتن يمي منخفرة وتريدين اتضحك لش!!والله ان
مزون وقفت على باب غرفة عباير والتفتت لها وهي تقاطعها:العروس وينها؟
عباير:بغريفتها!!والله ماانتي بصويحية اليوم!!
مزون مشت لغرفة بخوت اللي جنب غرفة عباير على طول:كبيني عنش وعلميني وراش ماولمتي!!
عباير مشت وراها:بدري عالغدا
مزون وقفت على باب غرفة بخوت وهي تلتفت لها وبعصبية:لا ماهو ببدري انش اهل العرس كود ماتخبرين!!ماانتي من الضيفان
عباير:انتي علامش اليوم!!وثمن وشلون غديتي يمّنا ومحدن منعش!!
مزون:اغدي تولمي وإفزعي يم خيمة العرس امي قدامش هنا تحتريش وانا بأولم العروس
عباير بصدمة:هاه!!!
مزون:هواه تهوي بعدوينش لقاع الصرايم اوجسي امين!!،،فتحت الباب،،
عباير ماتحملت وضربتها ع كتفها وبصراخ:علامش انتي علامش!!
مزون وهي تنط مكانها:وكصم(كسر)يكصم العدو نصين وكصم اهبي ماتخافين ربش يالعوبا
بخوت ضحكت وهي تطالعهم
عباير بعصبية:انتي ذالحين المفروض انش ساجدة اتشكرين ربش انش خويتي ولا قبرتش بعد وجسش الشين يامال العافية
مزون صرخت وهي ماتبي تضربها:ورا ماتطسين يم امي لاتقبرش هي لاغديتي يمّها!!
.
..بيت الشلة..
ابو غازي متربع وماد يديه وتلامس نهايتها لركبتيه وشاد قبضتينه وهو يطالعهم بحدة
غازي واقف عند راس جسار النايم منحني شبه راكع وهو فارد شماغه يظلل راْسه
راشد يمسج رجول جسّار
جسّار نايم ولاتحرك رغم الشمس اللي ضاربة منتصف جسمه
ابو غازي التفت يطالع فيصل وصرخ:القهوة!!
فيصل فز وهو ياخذ الدلة ويصب لابوه
رهايف وقفت عندهم بعبايتها وهي تنزل الشاهي وهي تلفت تطالع اشكالهم بضحكة تكتمها
ابو غازي صرخ عليها:وش رايك تكبينه علي!!
رهايف فزت:ابشر يبه
فيصل كتم ضحكته
ابو غازي بوسع عيونه:وشو!!
رهايف:اقصد بسم الله عليك يبه
الجدة منيرة:تستاهل والله!!اجل تخوفها ونبيها تقول شين زين!!عجيب امرك ياعويدل!!
ابو غازي بنرفزة:يمه اتركيني عيالي وانا أتفاهم معهم
غازي يطالعها بحدة من فوق لتحت وهو يهمس لها ليش تتكلم قدام راشد
ابو غازي انتبه له:خلك بعمرك لااكسر عكاز امي على راسك
غازي كشر بوجهه وهو يتحلطم بينه وبين نفسه
حصة خرجت من الغرفة:لااله الا الله محد ينام زين بهالبيت!!،،طالعت غازي وراشد ثم طالعت ابو غازي،،وش فيك عليهم وش فيك!!ارحموا من فالأرض يرحمكم من السماء ياعادل!!
ابو غازي بحدة وهو مايبي يجادلها:حصة!!
حصة زفرت بتكشيرة:بكيفك ان شاء الله تذبحهم استغفر الله العظيم بس،،جلست جنب امها،،
عذبة خرجت من الغرفة واتسعت عيونها وهي تطالعهم اسرعت بخطواتها لهم:خير خير سلامات،،وقفت عند غازي وهي تسحب الشماغ من يده وبعصبية،،اعدل ظهرك
غازي بالقوة اعتدل بوقفته من الم ظهره
عذبة طالعت راشد:وقف يمه وقوم خلاص
راشد وغازي يطالعون ابو غازي
ابو غازي بعصبية:عذبة اتركيهم مالك شغل فيهم
عذبة بعصبية وهي تطالعهم:اقولكم بس يالله روحوا ارتاحوا
ابو غازي صرخ:عذبة!!
عذبة:لاوالله تبيني اشوف الظلم واسكت
ابو غازي:واللي سووه بهالمسكين ماهو بظلم!!
عذبة:وانت ناسي ان وراهم كرف الليلة ليش تسوي فيهم كذا!!
ابو غازي:ووراهم يوقفونه طول ليلته البارح والليلة وراه وقفة هاه!!
غازي:يبه توقعت العمال يفكونه
ابو غازي وقف وهو يصرخ:انكعم!!
عذبة وقفت قدام غازي ورفعت صوتها:لا بتسمع السالفة منهم
راشد:ياخال والله توقعت انهم بيرجعون له ورحت وانا متطمن ييرجعون ماتوقعت يتركونه صدق
ابو غازي بعصبية:ولو انه صار باخوكم شي هاه وش كان بيصير اليوم!!الفرحة تنقلب مصيبة!!
الجدة منيرة دفته بعكازها من رجله وبفجعة:عوذا منك قلبك ماقبلناه!!
ابو غازي بحدة:وهذا الصحيح يمه!!
عذبة:عارفين انهم غلطوا عاد انت لاتصعبها عليهم زيادة!!
حصة تنهدت وهي ترفع فنجالها لفمها:بتتعبين ماتعرفين اخوك ورأسه اليابس!!
ابو غازي شهق:حصة!!
حصة نزلت فنجالها:يعني واذا بهذلتهم الحين وش بتستفيد ها!!وبعدين،،مدت يدها تأشر على جسّار،،حتى المسكين ذا مابيتهنى بنومته!!
رهايف ضحكت:جسّار مايتهنى بنومته!!!،،كمان ضحكتها،،
فيصل:غلطانة ياعمة
رهايف بضحكة:ومليون غلط بعد!!
غازي بحدة:رهايف!!
ابو غازي بصراخ:انكعم لاتوطاك ذالحين!!
حصة مسكت راسها:يمه يمه صدعت صدعت بموت
عذبة:وبعدين وينه بتال!!وش مسوي فيه ياعادل هاه!!وش؟!!
.
عباير تسوق السيارة متجهة لخيمة العرس ابتسمت وهي تطالع طيف الخيمة اللي قبالها بمسافة بعيدة وواضح انه مكان العرس عقدت حواجبها وهي تطالعه
بتال شايل كرتون مليان اغراض وهو يتصبب عرق من الثقل والمسافة اللي مشاها وهو شايله وبهمس:يارب ثبتها عالكراتين جعله مايجلدني يارب يارب
عباير مرت من جنبه وعرفته وكملت
بتال عرف السيارة وانتبه للي تسوقها وعرفها همس:وش ذا!!ماوقفت لي حتى!!مابقلبها رحمة ذي الآدمية!!،،انتبه لنفسه،،سلامات وش دخلها فيك!!ايه يابتال من الشمس هلوست!!
عباير حنت عليه وهي تطالعه بالمراية وقفت وهي ترجع له ووقفت عنده
بتال وقف وهو يطالع السيارة باستغراب
عباير ماتكلمت ساكتة
بتال ابتسم وحط الكرتون بالبدي حط يديه ع طرف السيارة بيطلع:اذا طلعت مابيصير شي؟
عباير قطبت جبينها باستغراب من سؤاله وبدون لاتلتفت وعينها عليه بالمراية:وش بيغدي يعني!!
بتال:اقصد اهل الديرة و
عباير قاطعته بنرفزة:يعقبون الا يعقبون!!ولد خالتي وعاونته!!واللي يوجس شين جزيت لسانه!!
بتال نط للسيارة:الحمدلله اني عارف ان لسانك طويل وقد كلمتك
عباير ابتسمت وكسرت على طول وهي ماتدري مدح او سب لها حركت السيارة بسرعة بزعل من كلامه
بتال اللي ماتوازن ولاتوقع حركتها طاح بالبدي وضرب راسه بطرف السيارة مسك راسه وهو يتلوى من الالم وبنفسه:حسبي الله عليك ياجسار اكيد داعي علي وش ذا المصايب اليوم!!
عباير بعد مانزلت بتال على مسافة من جهة خيمة العرس الخاصة بالرجال حركت لخيمة العرس اللي بجهة الحريم وقفت السيارة عند الخيمة وهي تطفيها وتنزل منها وتقفلها ثم طالعت الخيمة بوسط مشاعر فرح وتوتر وهي مو عارفة تسيطر عليها غيّر بهالابتسامة اللي ارتسمت على وجهها دخلت للخيمة واستقبلتها ريحة البخور عقدت حواجبها باستغراب ماتوقعت فيه ضيوف بهالسرعة اسرعت بخطواتها وهي تدخل:ياحيهم يا،،سكتت وهي تطالعها تبخر توقعت حضورها مجرد مجاملة فقط لكن كان العكس تماما،،
ام مزون بجلابية عودي مطرزة كل اطرافها بالذهبي لافة طرحتها اللي تزينها فصوص ذهبي بكحلتها السودا الثقيلة وروجها العودي تبخر الخيمة وهي تدعي وتحصن المكان واصحابه التفتت على صوت عباير:يسلمها ويبقيها وينش مالفيتي من الصبح هاه!!
عباير اتسعت ابتسامتها:ياحيها ياهلا ومسهلا ياهلا
.
..بيت الشلة..
بتال دخل وهو متنقع عرق يلقط انفاسه السريعة:يبه
حصة التفت له وبضيقة واضحة على وجهها:وانت من وين جاي بعد؟!
رهايف همست لها بضحكة:ابوي مخليه يوصل الاغراض للخيمة مشي
حصة اتسعت عيونها:وشو
رهايف:حلف ابوي يهد حيله اليوم،،ضحكت غصب بصوت عالي،،
ابو غازي بحدته:يالله الكرتون اللي بعده يالله
عذبة طالعت بتال:والله ان ماتشيل شي،،طالعت ابو غازي،،وش فيك انت عليهم!!خلاص اتركهم يكفي ماجاهم!!
ابو غازي:عذبة تراني سكت عنك كثير!!
عذبة بتحدي:وش بتسوي هاه!!هاه؟!!
بتال وهو يطالع وضعهم:يبه جداني ينتظرونك انت وجسّار المملك وصل
جسّار فز جالس وهو يطالعه بنوم واضح بوجهه:وصل!!
.
.
،،غرفة الشباب،،
رهايف واقفة وهي ماسكة له المراية وكل ماارتخت ونزلت المراية شوي
جسّار وهو ينحني يطالع نفسه ضربها على يدها:تراك ذبحتني!!
رهايف بطفش:يوووه متى تخلص ترا كلها نسفة شماغ ذبحتني!!
جسّار وهو يترك شماغه ويطالعها بنرفزة:اوص عاد اوص اشوفني مااشتكي وانا افرفر فيك للأسواق!!
رهايف شهقت وهي تنزل المراية
جسّار ضربها على يدها وهو يرفع المراية لمستواه
رهايف:يمه يالكذب!!
جسّار وهو ماسك شماغه من النص بيساره وينسف طرف الشماغ بيمينه طالعها بتكشيرة:ايه ايه بوش كذبت بوش!!
رهايف:فرفرة وين وانت متوظف هينا هاه!!يمه يالكذب يمه كذاااب مسيلمة مسيلمة الله اكبر عليك!!
جسّار ترك شماغه واعتدل بوقفته وهو يطالعها:مسيلمة بعينك!!والاعياد اللي كارفانيا فيها بالأسواق وين راحت!!اغراض المدرسة اللي قطعتي قلبي بها وين راحت!!هاه هاه!!،،ابتسم وبنص عين،،ايه ايه خلني ساكت بس
رهايف بتعصيبة:قول قول سمعني عادي ترا!!اللي ببالك صح خلاص ارتحت!!وش فيها يعني الله!!
جسّار:يمه منك مافيك حيا
رهايف:لو وجع يـديـنـي فيك حتى انت مافيك حيا!!
جسّار وعينه بالمراية يمسح على ثوبه بتشييك لاخر مرة على شكله:عادي وليش استحي!!
رهايف اتسعت عيونها من كلامه
جسّار مشى وتركها
رهايف بوسع عيونها:لاحمدًا ولاشكورا!!!
جسّار فتح الباب وانصدم وهو يشوف امه وابوه وجدته وعماته واخوانه قباله ابتسم غصب وهو يسمع فرحتهم اللي تترجمت بصوت عالي وسط تصفيقهم
،،عريسنا يابدر بادي..دامت لياليك السرور،،
جسّار وقفهم وهو يرفع يديه بتكشيرة:لا لا تكفون لا غيروها ماابي اسمع،،قفل اذانيه بأصابع يده،،ماابي اسمعها ابدا بتاتا البتة
الجدة منيرة بابتسامة:ابشر ابشر على ماتريد،،غنت لحفيدها بفرحة،،باركوا له عسى عمره طويل وافرحوا له خذا غاية مناه،،
ام غازي وقفت قباله وبيدها المبخرة تبخره
جسّار سلم على راسها وضمها
حصة ورهايف زغرطوا
ام غازي أبعدت يدها اللي فيها المبخرة عنه بخوف عليه:مبروك ياعيني مبروك
جسّار ترك امه وهو يسلم على راس جدتها ويدها:يسلم لي هالصوت وراعيته عسى عمرها طويل
الجدة منيرة:مبروك ياجسار مبروك والله وغديت عريس بسم الله عليك
جسّار وهو يتركها:لو علي ارجع بالكوفلة عشان انام واكل بس
الجدة منيرة ضحكت:ماتكب سوالفك ياجويسر
ابو غازي وقف عندهم وبيده البشت البني لف من ورا جسّار
جسّار مسكه وهو يسلم على يده وثم راسه وياخذ بشته منه
ابو غازي شد على البشت بإصرار
جسّار تركه باستسلام
ابو غازي حط البشت على اكتاف جسار
جسّار التفت له بسرعة وهو يسلم على راسه ويده
ابو غازي بابتسامة:مبروك ياجسار مبروك ياولدي
.
.........****..........
الليل
.
..بعد صلاة المغرب..
،،خيمة العرس،،
،،عند الحريم،،
ام مزون واقفة على باب الخيمة وهي تزغرط بأعلى صوتها وتحيي:ياهلا ياهلا ومسهلا الله ان يحييكم
ام غيث دخلت بتكشيرة:السلام عليكم
ام مزون بابتسامة:حياش الله ياهلا بمرة الشيخ ياهلا يالله ان تحييها هي وبنياتها يالله عقبال ماتفرح بكم مثل فرحتنا وازود،،زغرطت،،
ام غيث بتكشيرة:وينهم اهل العرس!!ولا مايحشمون ضيفانهم!!
هدية دخلت من ورا ام غيث وهي تسمع كلامها زغرطت باْذن ام غيث بأعلى صوت
ام غيث غطت أذنها بانزعاج:وصريمة!!!
هدية بابتسامة وصوت عالي وهي تسلم على ام مزون:مبروك ياعله بالمبارك!!الف الف مبروك ياخالة منها العيال ومنه المال الله يسعدها ويبارك لها
ام مزون بابتسامتها:الله يبارك بك يابنيتي الله يبارك بك ان شاء الله توحي طايرن زين يمش!!
هدية التفت على ام غيث وسلمت على راسها:علامش ياعمة ماتراعين خالتي ام مزون!!هي ام العروس مايريد لها نشدة!!
ام غيث ميلت فمها ماعجبها الجواب
ام مزون بابتسامة:سلم فيش(فمك)يابنت ياهدية فطينة فطينة حافظش الله،،طالعت ام غيث،،اوحيتي مرت ولدش وش اوجست وكل أبوكم تراعونه مايريد له نشدة ياام غيث
ام غيث زفرت
ام مزون:وثمن خابرة ان العروس نغدي بها يم بيتها المغرب
ام غيث بحدة:خابرته!!مير وش عنيتي بهاللون!!
هدية قاطعت الهوشة قبل تبدا:تعلمش ان اهل العرس يتوخرون من شان المعاريس علامش خنفرتي ياعمة!!
ام غيث بوسع عيونها وهي تطالع هدية وبحدة:مااوجست يمش شين ياهدية
ام مزون:حياكم حياكم الله اغدوا داخل ياحيكم حياهم،،زغرطت باعلى صوتها،،
.
..بيت ابو هليّل..
هليّل خرج من البيت يهرول وقف وهو يطالعه قباله باستغراب
ناصر بكامل كشخته:هلا بهليل ياحيّه
هليّل قطب جبينه:علامك هنيا!!
ناصر:اوجست لروحي اغدي معك يم العرس من مبطي ماتطارينا عليمات بعيضنا
هليّل يطالعه بشك:مير اني غادين يم غريضن لي!!
ناصر بابتسامة:ماعليه اغدي معك يمه ثمن نادي يم العرس .
..بيت غيث..
غيث خرج وهو يعدل طاقيته وبيده عقاله يتدلى منها شماغه وقف وهو يطالعه باستغراب:علامك قاعدن على بابي!!،،قطب جبينه بشك،،وش طواريك اللي ادعتك تغدي يمي!!
طلق شبه جالس متكي بظهره ع جدار البيت اللي قبال باب بيت غيث وقف وهو يضرب يديه ببعض ينفضها:ابدن مير كود نفسيتك تعيث برويسك اوجست احتريك هنيا اتوكد بروحي
غيث كشر بوجهه:اتوكد من وشو؟!!
طلق ميل فمه بابتسامة جانبية بسخرية
غيث زفر وهو يشيل تكشيرته ويقفل باب بيته وبهدوء:اخز ابليس عنك ولاتناوش بالصرايم اوحيت!!
طلق اتسعت عيونه بصدمة
غيث يلبس شماغه ويعدله وهو يمشي:الله يوفقهم ويكتب لهم خير
طلق قطب جبينه بشك من كلامه
غيث وقف والتفت يطالعه باستغراب:علامك واقف بمحلك لذالحين!!بتغدي يم العرس وإلا هونت!!،،كشر بوجهه وهو يسمع اصواتهم اسرع بخطواته بدون لايحس بنفسه،،
طلق مشى وراه يلحقه
غيث وقف وهو يطالعهم بحدة وحرقة واضحة على وجهه
.
..بيت بادي..
الجدة منيرة واقفة عالباب
رهايف معها طبل واقفة ورا جدتها وجنب امها:وش ذا يمه!!عيب يمكن ماتبي!!
امجاد هزت راسها بطفش من كثر اعتراضات رهايف
الجدة منيرة التفتت لها وبتكشيرة:هاذي علومكن يابنات الحين ماهي بعلومهن!!وثمن هن يخبرن طبوعنا ولذالحين عليها ماهن بمثلكم الله يخلف!!،،قطبت جبينها،،وينها حصة؟!!
ام غازي:ببيت جسار
الجدة منيرة اتسعت عيونها وبنرفزة:وش هالوجس!!ماهي خابرتن سلوم العرب!!
شذى بيدها الطبل وبحماس:يالله متى ابدأ؟
ريما معها الكاميرا وبطفش:ليت ورحت مع ماما احسن بدل هالازعاج
الجدة منيرة:اوص انكعمن لاتفضحنّا مع الناس!!
،،اعتلى صوت عباير ومزون من داخل البيت،،
الجدة منيرة بحدة:اوص اوص عدوا يمّنا اوص
،،داخل البيت،،
عباير فتحت باب غرفة بخوت بابتسامة وهي ماسكة يد بخوت بيدها وهي تكبح دموعها:الف الصلاة والسلام عليك ياحبيب الله محمد
بخوت خطت خطوتها الاولى لبرا غرفتها وعينها عالارض بفستانها الابيض المنفوش تغطي وجهها شرعتها الخفيفة والطويلة من وراها بشعرها المرفوع بحركة لف بسيطة من يمين ويسار ومنسدل على كتوفها وظهرها مكياج ناعم جدا وروج احمر كسر نعومتها قبل نعومة المكياج خطت هالخطوة اللي بداية جديدة بداية لكل شي جديد حياة جديدة مع شخص جديد كلها خوف وتوتر من الجاي خطت وسط زغاريطهم البسيطة اللي خلتها ترفع عينها لهم بابتسامة
مزون اللي واقفة قبالهم عالباب زغرطت وسط ابتسامة وفرح
عذبة ابتسمت وهي تردد:بسم الله عليك الرحمن الرحيم ماشاء الله الف من ذكره
حلايا واقفة قبالهم تطالعها بوجهها الاحمر وهي تكبح دموعها
مزون تقدمت وسلمت على بخوت وباركت لها
عذبة تقدمت لها وسلمت عليها وباركت لها
بخوت طالعت حلايا اللي واقفة بمكانها:مابتسلمين علي ياحلوتي؟
حلايا نزلت دموعها عالصامت
بخوت شهقت وهي تسرع بخطواتها لها:بسم الله عليش
عباير تركت يد بخوت وهي تسرع لها وتنحني قبالها:علامش؟!!
حلايا تشاهق
عباير بلعت غصتها وهي على طرف وباستها على خدودها وتمسح دموعها:لاتصيحين وعلميني علامش!!
حلايا طالعت عباير:مرررررة حللللووووة بحوت
مزون ضحكت
عباير ابتسمت والتفتت تطالع بخوت واتسعت عيونها وفزت
بخوت تبكي
عباير:لاتصيحين يخرب هالبلا اللي ذلتنا به مزون
مزون التفتت تطالع بخوت وشهقت:لااااا لاتصيحين تكفين
بخوت ضحكت وهي تطالع خوفهم عالمكياج
مزون رفعت شرعة بخوت عن وجهها وبنرفزة وهي تطالعها:اتضحكين!!شوين وبيراعيش رجلش كود راعى هالسواد هج مايرده لو انه خط الديرة!!
بخوت زادت ضحك
عباير:اهبي فالش ماقبلناه!!
مزون:وهذا الصحيح علامش خنفرتي علي!!
حلايا ضمت بخوت وبالأصح الفستان وهي تبكي
عباير سحبت حلايا بعيد عنها:لاتعدمين(توسخين)فستانها ياعل عدوش الصريمة!!
بخوت انحنت وهي تشيل حلايا لها وتسلم عليها
عذبة تطالعهم وهي تقارن حركاتهم بحركات البنات ابتسمت وهي تمد يدها لبخوت:مشينا قبل يوصل العريس للبيت
بخوت اخذت نفس وهي تمد يدها وتحطها بيد عذبة
مزون زغرطت
عباير بابتسامة وهي تحط عباية بخوت على راسها:الف الصلاة والسلام عليك ياحبيب الله محمد،،زغرطت،،
بخوت مشت وخرجوا من البيت
الجدة منيرة ابتسمت وهي تطالعها وسلمت عليها وباركت لها
ام غازي سلمت عليها وباركت لها وظلت ماسكة يدها
الجدة منيرة مسكت يد بخوت اليسار وهي تزفها لبيت جسار بأعلى صوتها وسط صوت طبول البنات وزغاريطهم وحماسهم وفرحتهم:تخطي يم سعدش وعين الرحمن تراعيش وتحميش..تخطي يم مخدعن كله كرم وجود وامان(ن)يتكوفنش ويدين(ن)تحتويش..
غيث واقف يطالعهم وعيونه مثبتة عليها يطالع وجهها المكشوف له وهي بكامل زينتها بابتسامتها وفرحتها اللي مليانة خوف لكن ماانتبه لخوفها ابد انحرف قلبه وارتسم شر على ملامح وجهه وهو يقارن بين ليلته معها وليلتها الحين ماحس الا بيد تلفه عنهم
طلق يطالعه بحدة:علامك انت!!ماتنتخي ماتستحي على وجهك!!تراعي أعراض الناس!!
غيث متنقع عرق من الحقد اللي يحس فيه طالعه وهو يرفع يده اللي ترجف من غيظه ويمسح جبينه بطرف شماغه ورسم ابتسامة على وجهه الشاحب:غدينا يم العرس غدينا ياطلق
طلق يطالعه مصدوم من تناقض تصرفاته الواضحة
غيث مشى وهو يحس برجوله تضرب ببعض من غيظه وهو يذكر انها تزف لغيره خارت كل قوة تحمله وهو يذكر انها بتروح لبيت غيره وقف وصرخ بصوت عالي من كل قلبه
طلق فز للحظة وهو يطالعه بصدمة
غيث مشى وهو يضغط على نفسه للعرس ويتناسى انها رايحة لغيره
.
.
<اللهم صل وسلم على نبينا محمد>
.
.

rwuiit28 12-04-2020 05:40 PM

رد: رواية ياسمح المحيا جر الهجـينية/بقلمي
 
،،الـجـزء الـسـابـع والـسـتـيـن،،
لاحول ولاقوة الا بالله العلي العظيم
.
..بيت جسّار..
،،غرفة استقبال ضيوف بسيطة،،
بخوت جالسة عالكنب بابتسامة وإحراج وهي تطالع البنات اللي مشغلين السماعة ويرقصون عندها
الجدة جالسة جنبها
حصة واقفة متكتفة تطالع بخوت ومثبتة عينها عليها
عذبة دقت حصة بطرف كوعها وهي تهمس لها:وبعدين معك!!خلاص عاد!!
حصة زفرت وهي تلتفت لها:مااقدر والله مااقدر ياعذبة!!انتي كيف قادرة كيف!!
عذبة بحدة:الحين فرحة وهالموضوع بعدين نتكلم فيه!!عالاقل عشان جسار!!
ابو غازي تنحنح وهو يدخل للبيت بصوته العالي ووراه جسّار:ياولد
الجد بادي واقف عالباب وطالع سعود اللي وراه:احترني هنيا لامن يغدون اهل الرجل وثمن تغدي تسلم على خيتك
سعود هز راسه بايه:ابشر ياجد
الجد باديتنحنح وهو يدخل للبيت ووراهم:ياولد!!ماشاء الله ماشاء الله ياعله عامون باهله
ام غازي قفلت الباب اول ماسمعت اصواتهم
البنات فزوا وهم يلبسون عباياتهم وقفلوا السماعة بسرعة
ابو غازي:يابنت ام غازي!!
الجدة منيرة:اصبر ياولد البنات يلبسون عبيهم
ام غازي فتحت الباب
الجد بادي دخل قبلهم بعد اصرار ابو غازي وانصدم من عدد الموجودين وهو ينزل عينه بسرعة واتجه لبخوت مباشرة:السلام عليكم
بخوت وقفت وهي تسلم على جدها
الجد بادي همس لها:ياعله مبروك يابنيتي ياعله مبروك
بخوت همست:الله يبارك فيك
رهايف وقفت قبالهم وبيدها الكاميرا ولقطت صورة لهم
الجد بادي فز من الفلاش:علامش يابنت!!
رهايف:وش فيك ياجد اصورك
الجد بادي بحدة:علميني روعتيني انتي!!
عباير ضحكت
رهايف بسرعة:ترا باصورك،،لقطت الصورة،،
الجد بادي طالعها زين:اَي والله انه انتي العوبا هذيك
رهايف كشرت:ايه انا العوبا>>سالفتها معه قبل بوقت يبي ياخذ بتال>>خلني اصورك
الجد بادي بتكشيرة:خلاص صورتيني ادعي العريس يلفي حياك ياابو غازي حياك انت وجسّار حياكم
بخوت مسكت يد جدها وهي تضغط عليه بقوة وسط خوف واضح ارتسم على ملامح وجهها وتخبت وراه
حصة وهي تطالعها بوسط حواجبها اللي ارتفعت تحت غطاها وهي تهمس بصوت مسموع للي حولها:خير ياطير سلامات!!
عباير التفتت لها بتكشيرة
عذبة وهي تهمس لها:اوص ياحصة اوص اكرمينا بسكوتك!!
حصة:شوفيها!!شوفي كيف انكمشت على نفسها الدرة المصونة!!مسويتلي فيها اول مرة تتزوج!!مقطعها الحيا!!
ابو غازي دخل وهو يتنحنح ومنزل عينه
جسّار دخل وهو منزل عينه بالأرض
رهايف لقطت كم صورة وهي تحس قلبها بيخرج من مكانه من كثر فرحتها
الجدة منيرة زغرطت ومعها البنات:الف مبروك الف مبروك،،غنت له وسط صراخ البنات،،باركوا له عسى عمره طويل وافرحوا له خذا غاية مناه
ابو غازي وقف جنب امه وتنحنح:بس يابنت انتي وهي!!
جسّار اتجه لامه اول مارفع عينه وطاحت عليها وضمها وهي يسلم عليها
ام غازي همست وهي تفكه عنها:مبروك يايمه مبروك رح لعروستك رح يايمه رح
الجد بادي وهو يبعد عن بخوت:حياك ياولدي حياك
بخوت ماسكة بيد جدها ماتركته وسحبته جنبها
الجد بادي طالعها
الجدة منيرة ابتعدت عن بخوت:حيك ياجسار حياك تعال جنب عروستك
جسّار وقف جنبها بينهم مسافة متيبس ماطالعها
الجدة منيرة همست له:سلم على عروستك وش فيك!!
جسّار تنحنح وهو يلتفت لها وثبت عينه على بادي اللي جنبها وهو يلمح طرفها مو قادر يطالعها زين وسط همسات البنات اللي وصلت له وواضح انها طقطقة وحش فيه مد يده
بخوت طالعت يده وهي تحس بقلبها بيخرج من مكانه مدت يدها اللي ترجف وهي تضغط على نفسها وصافحته
جسّار مَن لامس كفها كفها كفه رفع عينه لها وهو يطالعها بابتسامة:مبروك عليك جسار يابخوت ومبروك عليك بخوت ياجسار
بخوت طالعته بدموع ملت عيونها وهي تبتسم وكأنه بكلامه طمن مشاعرها
الجد بادي:لااوصيك ياجسار
جسّار:بعيوني ياجد لاتوصي
رهايف قاطعته:طيب اترك يدها ابي اصوركم قبل يشرد ابوي
ابو غازي التفت لها:بنت!!
رهايف:اسفة يبه
،،وقفوا جنب بعض وهي تصورهم،،
ابو غازي انحنى وهو يهمس باْذن جسّار:لاتنام ترا وراك ضيوف سمعت
جسّار همس:ابشر يبه
ابو غازي:معازيمك واجد سمعت
جسّار:ان شاء الله يبه
رهايف تأففت وهي تنزل الكاميرا:يبه خاني اصوركم زين!!وبعدين ابتسموا شوي ترا مو صورة شخصية لبطاقة الاحوال!!
،،بعد مااخذت صور للكل وخرجوا،،
سعود واقف عالباب ينتظر
الجد بادي خرج وطالعه:ارع عباير داخل ومعها حلايا اغد سلم على بخوت وأعجل علي اتبعنا قبل الصلاة ورانا ضيفانن واجد
سعود:ابشر ياجد ابشر
الجد بادي مشى
سعود ابتعد عن الباب وهو يسمع اصواتهم
،،خرجوا الحريم متجهين للسيارة وهم يتسابقون لسيارة ابو غازي اللي هدد يتركهم اذا تاخروا،،
سعود دخل وهو يشوف الجو الهادي ابتسم وهو يشوف قفاها وعبايتها اللي حاطتها على راسها وتتدلى اكمامها وماسكة حلايا يد بيد اسرع بخطواته وهو يحط يده على كتفها ويلفها له:ذابحتش الحشمة لابستن عباة فوق عباة!!
امجاد اللي حاطة عباية عباير على راسها تنتظرها تخلص من الحمام لفت معه باتساع عيونها من الصدمة ولا نطقت حرف
سعود صدمته ماكانت اقل من صدمتها رجع بخطواته لورا
حلايا تطالعه باستغراب:هاذي ماهي ببعاير بعاير بالحمام!!
امجاد نزلت عباية عباير بسرعة على وجهها وهي تعطيه ظهرها وهي تحس بحرارة فظيعة من احراجها
سعود عطاها ظهره وهو يسرع بخطواته بيخرج
عباير خرجت بوجهه من الحمام اللي اقرب لباب البيت وعلى طريق سعود
سعود انتفض قلبه وهو يتصدد عنها ماانتبه انها عباير
عباير مسكته
سعود سحب يده وبحدة:علامش يامرة!!
عباير بصدمة من حدته:علامك انت!!
سعود زفر براحة:عباير!!
عباير:ايه عباير علامك منقلب وجهك وش غادين بك؟!
سعود بعصبية:علامك ماتوجسين البيت به عرب!!وثمن وينها عباتش والرجل موجود!!
عباير انصدمت من صراخه:عباتي مع امجاد وهذاني خلصت ماابطيت!!
سعود:احتريش برا لاقضيتي ازهميني!!،،خرج،،
عباير مشت لأمجاد باستغراب من صراخ سعود وقفت قبالها وبزعل وهي تاخذ عبايتها من امجاد:مشكورة يكثر خيرش،،وهي تلبس عبايتها،،مخنفر علي وماعملت شي الله لايسلط علينا!!
حلايا:بعاير سعود قدب ام
امجاد غطت فمها
عباير تطالعها باستغراب
امجاد بربكة:بسرعة الحين يخرج جسّار بسرعة البسي
.
..عند جسّار وبخوت..
جسّار جالس جنبها يطالعها ساكت يتأملها ابتسم وهو يمد يده ووقف يده اول ماانتبه لها
بخوت تطالع الارض ضامة يديها فوق بعض برعب يحتويها تتعرق بغزارة تبي تصرخ تبكي تسمع كل الناس انها هونت خلاص ماتبي الزواج ولا حتى طاريه من لتقفل الباب عليهم
جسّار زفر وبعد عنها شوي:عادي امسك يدك؟بتتضايقين مني؟
بخوت رفعت عينها اللي غرقانة دمـوع وهي تطالعه
جسّار ابتسم:ماراح المسك لاتزعلين ماابي اشوف دموعك
بخوت بلعت غصتها وهي تطالعه
جسّار:تطمني وخذي وعدي مني ماهو من غيري لك علي اصونك وأعزك واحترمك واحطك فوق راسي
بخوت تطالعه بدموع طاحت من عيونها غصب
جسّار بعد عن اكثر بفجعة وهو يشوف دموعها:يابنت الحلال هونت ماابي امسك يدك والله والله ماابي
بخوت ابتسمت من حركته
جسّار:اويلي اويلي هاذي ابتسامة ولا فزت قلبك ياجسار!!
بخوت كشرت وهي تطالعه
جسّار:ياأخي مااقدر انا والله اموت هي كشرة هي ابتسامة هي دموع كلك على بعضا تجيبين اجل جسّار
بخوت تطالعه باستغراب من هالتصرفات
جسّار وقف وهو ينحني ويرجع يديه ورا ظهره ويبوس جبينها بدون لايلمسها
بخوت قشعر جسمها ووقفت انفاسها وهي تحس بشفافيته تلامس جبينها
جسّار اعتدل بابتسامة:مبروك مبروك يابخوت والله يقدرني على سعادتك ويقدرك على سعادتنا،،خرج،،
.
،،خيمة العرس،،
،،عـنـد الـرجـال،،
..بعد صلاة العشا مباشرة..
ابو هليّل يهمس بابتسامة:ارعيت محدن لافي يمهم اوجسته من اول يمك مير التهول ذبحك!!
مناور بابتسامة وهو يتقهوى برواق:اوجست بيمتلون دام الخيمة هالكبر،،زفر بسخرية،،وتاليها محدن لافى!!
ابو هليّل:ماش قليبك للحين يتروع!!
مناور زفر:على شين غيث وسواياه مير وليدي وماودي خويطره يتكدر أزود ماودي يلفون يمهم عرب أزود منه هاذي الحسنة اللي اريد قليبه يفرح بها
ابو هليّل زفر:تريح مير تريح من بيلفي يمهم وبنتهم صيتها كلن يخبره!!
مناور يتقهوى اخذ من التمر اللي قباله ياكل
الجد نشمي طالع جسار بقلق وهو يطالع الخيمة الشبه فاضية محد وصل
جسّار يضحك ويسولف مع الشباب
ابو غازي يتقهوى
ابو جواد انتبه لابوه:يبه وش فيك؟
الجد نشمي:محد جا يامسفر محد
ابو جواد:الله يهديك يبه!!الديار بعيدة غصب محد يجي
نشمي:ياعم وش عليك من العرب!!اللي يلفي حياه الله واللي مالفى عذره معه!!
الجد بادي طالع الجد نشمي وبحدة:نشمي علامك!!مثل مااوجسه نشمي محنا بميتين على لفيتهم!!
ابو غازي:بدري بدري علامكم متعجلين عالكرف
مناور ابتسم براحة وهو يسمع حوارهم
ابو هليّل همس:معصي كود يلفي يمكم احد وهاذي طواريكم!!
مناور رفع تمر لفمه واكلها:ياولد تمرهم سكر سكر يازينه عجزت اشبع منه!!،،عقد حواجبه وهو يسمع الصوت رفع عينه يطالعهم،،
الجد نشمي اتسعت ابتسامته وهو يفز واقف ويتجه لباب الخيمة الكبير
الجد بادي اسرع بخطواته ورا الجد نشمي والكل وراه
<<مجموعة رجال كبار بالسن من معارف الجد بادي والجد نشمي ووراهم عدد من الشباب لابأس فيه متحزمين بأحزمة مسدسات شايلين بنادق الملح وهم يرددون بصوت واحد وسط صوت الطبل اللي يرافق لصوت رمي بنادقهم>>
.
جسّار بارك الله فيك ياابن الرجال والتحية ينومس منك منطوقها..
جسّار بارك الله فيك ياابن الرجال والتحية ينومس منك منطوقها..
رجلي لاهل الوفاء تمشي لهم حافية..رجلي لاهل الوفاء تمشي لهم حافية..
رجلي لاهل الوفاء تمشي لهم حافية..رجلي لاهل الوفاء تمشي لهم حافية..
.
الجد نشمي والجد بادي بوسط ابتسامتهم العريضة يرددون:ياحي ياحي ياحيهم ارحبوا يامرحبا حياكم الله ياحيهم تعدوا(تفضلوا،ادخلوا)تعدوا
جواد واقف جنب ابوه همس باذنه:يبه ابي فرقة يدخلون بزواجي مثل كذا
ابو جواد همس له:عشان الدكاترة كلهم يهجون لاسمعوا البنادق!!
.
،،عند الحريم،،
عباير تدور وسط الصبابات وهي تتاكد ان كل شي تمام
ام مزون مسكتها من يدها وهي تسحبها للملعبة
عباير توقفها:ياخالة والله وراي شين لله أمره!!ثمن الضيفان
ام مزون همست لها:راعي ام العريس
عباير التفتت لام غازي
ام غازي اللي تقوم بدورها الطبيعي تشيك على كل شي وترحب بالضيوف
ام مزون همست لها:كبي العنا عنش وتونسي ثمن العزومة على اهل العريس تونسي شوين ماهو بضارش!!
عباير زفرت وهي تستسلم لام مزون وعينها على ام غازي
ام مزون سحبتها للملعبة وهي توقف بين صفوفها
الجدة منيرة واقفة بين صفوف الحريم بالملعبة بثوبها الكحلي المطرز بالفضي وطرحتها الطويلة المطرزة بفصوص فضي وعلى راسها مثل الكاب او الطاقية فوق الطرحة يتدلى منه خيوط طويلة هالخيوط مليانة عملات قديمة من بداية الخيط لنهايته(موروث عندنا من الجدات للأحفاد اسمه المعصب وكل عايلة فيها اقل شي واحد من هالكاب)بقمة وناستها وهي تسترجع العادات اللي اختفت بالمدن تردد معهم بقمة وناستها وحماستها مسكت ام غازي اللي مرت من عندها
ام غازي بيدها المبخرة:سمي ياعمة
الجدة منيرة:اغدي ارقصي ورحبي بضيفانش
ام غازي:ياعمة مير
الجدة منيرة قاطعتها:اغدي محدن منكن غدا حتى بناتش ولابناتي!!اغدي وانا معش،،دخلت الجدة وهي تتمايل بيد ويدها الثانية ماسكة يد ام غازي،،
شذى اللي شافتهم جرت للبنات
رهايف وامجاد وريما وسهام وعذاري جالسين جنب السماعات اللي ام غازي منعتهم يشغلونها لكبر الملعبة وطلبتهم ينتظرون شوي
شذى وقفت عندهم بوسط انفاسها السريعة
رهايف بطفش:طاح اللي براسك!!شفتي اساليبنا القديمة
شذى:جدتي وعمتي يرقصون
،،كل البنات فزوا للملعبة،،
<<صف يبدا والصف اللي قباله يرد وراه وسط صوت الطبل والتصفيق ويخالطه بعض الزغاريد بين فترة وفترة ويتوسط الصفين بعض البنات او الحريم يرقصون>>
.
.
انثروا ورد(ن)وفل وياسمين..داخل الصالة وخارج بابها..بخروا بالعود كل الحاضرين..صبوا القهوة على شرابها..
.
.
ام غازي تتمايل بالمبخرك وسط ابتسامتها العريضة
عذبة وحصة انضموا للجدة وام غازي بوسط الملعبة يرقصون وسط صراخ البنات وتصفيرهم
ام جواد اكتفت تصفق بابتسامة
ام مزون طالعت عباير:اغدي معهم ورحبي بالضيفان
عباير هزت راسها بلا:ذالحين هم انا خابرتن متى اغدي!!
ام غيث واقفة بصدمة وهي تطالع الآدمية اللي رجعت للديرة من جديد
.
،،عند الرجال،،
<<الرجال واقفين صفين متقابلة وكل صف واقف عنده واحد ينضم الصفقة وطريقة الرقص بحيث يعلو التصفيق بنفس الوقت ويهديه بنفس الوقت وهم يرددون وسط صوت التصفيق والطبل>>
.
.
حـيـومـة حـيـومـة لـي حـيـومـة ويـاحلّـي..عـيـونـي عـيـونـي يـاشـقـيـة رمـيـتـيـني..عـلـى الـجـاهـل الـلـي مـابـقـلـبـه مـحـنـيـة..يـحـط الـكـحـل بـالـعـيـن..يـحـرك بـه عـلـيـا..
.
.
غيث يطالع الصفوف وكثر الضيوف اللي ماوقفوا للحين بالعكس مستمرين يتوافدون على الخيمة التفت يطالع جسّار واهله اللي يستقبلون الضيوف ثبت عينه على جسّار يطالعه
جسّار مثله مثل اَي عريس مستانس بليلته يستقبل ضيوفه برحابة صدر واعرض ابتسامة
غيث عض شفته بيموت من غيظه وقف
هليّل وقف معه
ناصر رفع راسه يطالعهم
طلق بحدة:اقعدوا
غيث بغبنته:مالك وجسن علي توحي!!
طلق وقف وهو يطالعه بابتسامة
غيث قطب جبينه
طلق بابتسامته:اغد يم اللي تريد مير كود انك غديت،،اشر بيده على باب الخيمة،،مع هذاك الباب علي الملازيم اني لاغدي وراك انت تغدي يم ماتريد وانا اغدي يم الشرطة وأعلمهم العلم اللي انت خابره
غيث اتسعت عيونه:إتهددني!!
طلق:اللي اوحيته ياغيث،،جلس وهو يتقهوى بدون لايطالعه،،
غيث عض شفته بغبنة وهو شاد على قبضته يطالعه ثم جلس:هين ياطلق هين مير توكد علمك ذا ماهو بمتعديني والسلام!!
.
،،عند الحريم،،
هيفاء بالمطبخ الصغير بالنسبة لكبر الخيمة تاخذ فناجيل وكاسات وقفت وهي تطالعهم باستغراب
غيثة بابتسامة:عيب وشق جيب اللي انعمل يانايفة
نايفة وهي تهز راسها بايه:صحيح صحيح
غيثة تتصنع الزعل:وراش ماسلمتي علينا!!وانت ارعيتينا نوبتين!!
نايفة وهي تطالعها من فوق لتحت:ايه خلاص صابتها الكبرة(اتكبرت)
هيفاء بفستان ارتكواز مخصر ع جسمها واكمامه الدانتيل الواسعة ومزمومة من عند معصمها وشعرها المسدول وروج وردي فقط وهالفستان مو مرتاحة فيه ابد رهايف أعطتها اياه وأقنعتها تلبسه
غيثة ضحكت:يابنت أخذوها مايريدون مرت ولد تمرضهم بلعلعتها(تسولف كثير ومزعجة)وهي تحسبنهم ميتين عليها هالبكيما!!
هيفاء تطالعهم بتكشيرة
نايفة ضحكت:والضعيفة شايشة تعاونهم ماخبرت انهم شارين راحة روسهم
هيفاء زفرت وهي مميلة فمها:وش رأيكن تطسن عن وجهي ذالحين
،،نايفة وغيثة انصدموا مادروا انها تتكلم،،
نايفة بضحكة:ياوجه الله قامت توجس الشينة العلوم!!
غيثة بابتسامة:يابنت من اولها توجس مير انها تضحك علينا
هيفاء:ووش عليكن مني!!انشغلن بأعماركن عني الله يسلط عليكن وسلامكن كبنه لكن مااريده،،مرت من جنبهم،،
نايفة مسكتها وبعصبية:هيه انتي!!مراعية روحش على وش!!
غيثة بحدة:مردش اعرستي ومنكعمة محدن خبر لش طاري وماينلام عمش يومه ادعاش تعرسين بهاللون
هيفاء اتسعت عيونه
نايفة:يذل يخبر العريس عملتش الشينة ويهج
هيفاء:تعقبين!!
نايفة بابتسامة:وعمش ماصدق على الله يراعي واحدن يقلعش عن قلبه يالهم!!
هيفاء بغبنة وسط لمعة عيونها:هذا انتن وابوكن ماهو بانا وعمي ياللي الظليمة راكبتكم من روسكم لمواطيكم!!
غيثة صرخت:نعم!!!
عذبة من وراهم بحدة:وهي الصادقة!!ماقالت كذب ابدا!!
هيفاء تطالعها بصدمة من وجودها
نايفة التفتت وراها:وخير وش عليش منا تيسري يم ربعش تيسري!!
عذبة مرت من بينهم وهي تدفهم عن طريقها ووقفت جنب هيفاء وهي تمسك يدها:مرت ولدي تساوكن ياللي الحسد اكل قليباتكن اكل
هيفاء ابتسمت وهي تسمع ردها
غيثة اتسعت عيونها:وش نحسدها عليه تاليتها رجل!!،،ضحكت،،
عذبة ضحكت:ايه اللي انتن ميتات عليه تريدن واحد ولاحصلتنه!!
غيثة احتدت نظرتها
نايفة بضحكة:مااوجس غير الحمدلله ربي طشش يمّها وفكنا من شرش!!
عذبة:اَي والله الطيبين للطيبات،،مررت نظرها عليهم،،والخبيثون للخبيثات
غيثة عضت شفتها
نايفة:الظاهر انش ماتخبرين العلم ومضيعة مالخبيث الا اللي جنبش والحمدلله ربي طشكم على بعيضكن ولا ابتلا بكن الطيبين،،ضحكت،،
غيثة ابتسمت
ثريا من وراهم مدت يديها ومسكت الثنتين من شعورهم وشدتهم بقوة
هيفاء انصدمت من عمتها
عذبة تطالعها بصدمة
غيثة ونايفة صرخوا
ثريا بغبنة:انا متحلفة بكم من اول ومنعتني عنكن أمكن بالعشا وجميله مير الحسن لو تذبح قعود(جمل)مايفككن من يديني يالعوب(عوبا)!!
ام غيث بحدة:كبيهن ياثريا!!
عذبة اتسعت عيونها وهي تطالعها
ثريا وهي تحرك شعورهم وتشدهم اكثر:كودش ماربيتي نعين ونعاون
ام غيث بحدة:مير الخطا ماينرد بخطى مثله!!
ثريا:وهذاني تعمل ماتوجسين!!اصوب الخطا ياصيفة
ام غيث سحبت بناتها من يدين ثريا وبحدة:كبيهن عنش كود لش شين ترحيبه وابشري بعزش!!
ثريا:اَي بالله لي حق واريد عزي ياصيفة
هيفاء تقدمت لعمتها ومسكتها وهي تهمس:خلاص ياعمة كبيهن يسد ماانعمل خلاص
ثريا بغبنة:واكبهن!!لابالله لااحوس مريرهن مثل ماحاسنش(تضايقهم مثل ماضايقوها)
هيفاء:تكفين ياعمة خلاص كبيهن عيب عرس العرب تقوم به صريمة عيب
ثريا زفرت بعد محاولات هيفاء طالعت ام غيث:مير اقضبي بناتش واحشميهن،،طالعت غيثة ونايفة وبتهديد،،ماودي اوحي طواري اكذاب ثمن اقبرهن اوحيتن،،مشت وهي تسحب هيفاء وراها،،
ام غيث طالعت بناتها بحدة ومن بين اسنانها:اغدن يم البيت
نايفة:يمه مير
ام غيث:اوحيتيني اغدي انتي وهي لا والله اقبركن انا ذالحين،،مشت ووقفت وهي تسمع اسمها والتفتت،،
عذبة:صيفة
ام غيث وقفت والتفتت وهي تطالعها
عذبة:وشلونش ياصيفة
ام غيث بهدوء:الحمدلله بخير من الله
عذبة:ماشاء الله هذول بناتك؟
ام غيث زفرت:اجل من!!
عذبة:زين زين يأخذون حقهم بس ماهو بزين يتعدون على غيرهم ظلم!!
ام غيث بحدة:وش عونش!!ماهن مربيات!!
عذبة بابتسامة:ابد ماعينت شي!!
ام غيث:مير كود غادية يمي اتجنين علي خافي ربش!!
عذبة قشعر جسمها من الكلام:مير من يمي ياصيفة مسامحة كلن غدا يم عمله ماظل غير انا وانتي والله عفو كريم
ام غيث بحدة:مااريد منش شين ابدن وثمن انا مااخطيت ولاتجنيت على احدن ابد
عذبة بابتسامة:مير اني غديت يمش اريد اتخبر عليماتش ونتطارى أيامنا اول
ام غيث:اول غدا وقضى وذالحين كلن بروحه،،لفت عنها ومشت،،
عذبة زفرت وهي تطالعها باستغراب
ام غيث تسرع بخطواتها بضيقة واضحة هي تلقاها من هدية وغيث او من مناور او من بناتها صارت مفضوحة بكل مكان والحين كملت بعذبة
ام مزون وقفت قبالها
ام غيث بتكشيرة:وش تريدين ياسلمى!!وش من طوارين وراش!!
ام مزون زفرت وهي تتقدم لها وتهمس لها:راعي اللي يغدي من احويلش
ام غيث:وثمن!!
ام مزون:بناتش ماتيسرن ووليدش من بقعا لبقعا وانتي،،سكتت،،
ام غيث بحدة:وش تريدين توجسين ياسلمى!!
ام مزون:مير بلكن هذا ذنبن عاملته من اول وانتي خابرة وش عانية ياسلمى توبي عنه والتوبة منه ماتحصل غير لاتعذرتي من اهله
ام غيث ضربتها كف
،،الكل انتبه،،
ام مزون تطالعها بصدمة
ام غيث:تخسين وتعقبين ماعملت شين حتى اتعذر منه،،طالعت شريفة ونوفة وبحدة،،غدينا يم البيت يابنات لابارك الله به من عرس يوم نوينا نغدي يمه،،مشت،،
.
،،عند الرجال،،
بتال يطالع حماس الصفوف وهم ماتعودوا على هالعادة بالمدينة متكي بكتفه على عامود الخيمة ومتكتف ماحس الا بيد تضربه بخفة من على كتفه من ورا التفت باستغراب ابتسم لثانية واختفت ابتسامته
يوسف مد يده:سلام
بتال صافحه:وعليكم السلام
يوسف رفع نفسه على اطراف اصابع رجوله
بتال يطالعه باستغراب
يوسف:طيب انزل شوي ابي اسلم على راسك احترم فوق الطول يااخوي
بتال ابتسم وهو يسمع كلمة يااخوي وحط يده ع كتف يوسف ينزله:مايحتاج تسلم على راسي وصل سلامك
غازي وقف عندهم بوسع عيونه وهو يغطي على يوسف ويهمس له:وش جايبك نسيت ابوي وش قالك
يوسف فتح يديه وسط ابتسامة عريضة وهو يضم غازي بقوة:غازي!!
بتال اتسعت عيونه
غازي يدفه بطفش:ابعد عني ابعد
فيصل وقف بابتسامة:هيه برذر!!
يوسف ترك غازي بابتسامته وهو يصافح فيصل بسلام خاص بينهم:هاي هاي جونيور
بتال يطالعهم مو مصدق
غازي فك يديهم عن بعض ومن بين اسنانه:وش جايبك انت!!جاي للموت برجولك!!
يوسف:ابي ابارك لجسّار هو اللي عزمني على زواجه!!
بتال زفر بضحكة من صدمته
غازي:ابوي حلف يدفنك!!
يوسف ببرود:يارجال عمي كلام بس ماعليك!!
غازي:تكفى ارجع بارك له بعدين
يوسف:جدي موجود مايقدر يسوي شي،،مشى،،
بتال منصدم يطالع الوضع بينهم
يوسف التفت وغمز لبتال:إغسل الفناجيل زين يابتال
غازي هز راسه:مريض مريض هاليوسف على كثر مااشوفكم مرضى هو امرض منكم
بتال طالع غازي:كيف عرفته
غازي:نشبة الله وكيلك نشبة!!
بتال وهو يذكر كيف نشب له ضحك
غازي:تضحك!!خله ينشب لك وشف ابوي على كثر مايجلده ماقدر عليه
بتال انفجر يضحك وهو يتخيل ابوه ويوسف
غازي:امش امش معي بس
بتال مشى وراه
يوسف وقف قبال جسّار بابتسامة:مبروك ياعريس مبروك
ابو غازي اول ماسمع صوته التفت بحدة
الجد نشمي التفت مصدوم من وجوده وعدم اهتمامه لتهديد ابو غازي
نشمي اتسعت عيونه من وجود يوسف
الجد بادي يطالعه باستغراب
جسّار:هـلا ياهلا الله يبارك فيك والفال عندك يايوسف
يوسف:وين اللي ترضى فيني واحدن اطخم من يبيه!!
جسّار ضحك وبنص عين:عيني بعينك بطل كذب
يوسف ضحك:بدري بدري نخلص الأمور الاهم اول
جسّار تنحنح:حياك الله يايوسف حياك الله
يوسف سلم عليهم ووقف قبال ابو غازي وهو يطالعه بابتسامة وهو يحرك حواجبه:عمي
ابو غازي بتكشيرة وهو يطالعه:وعمى
يوسف مد يده:اشتقت لك
ابو غازي ارتفع ضغطه وهو يمد يده ويضغط عليه ويسحبه بقوة لحضنه
يوسف انصدم من سحبته ومسك عقاله بيده اليسار لايطيح ويمينه بيمين ابو غازي:ادري ادري ذبحك الشوق بالهون عـلـي بالهون
ابو غازي بهمس من بين اسنانه:وش قايل لك انا!!!
يوسف:انعزمت وانا ماارد عزيمة احد احب المفطحات
ابو غازي بغبنة يهمس:جعلني اشوفك مفطح!!
يوسف:ياعم ترا الكل يناظرنا مايصير يعني
ابو غازي دفه عنه وبعصبية:اعقب!!
يوسف ضحك:والله اني اموت عليك ياعم
ابو غازي:جعلك للموت مأذيني بعمري راح بتال وجيت انت!!
الجد بادي قطب جبينه
ابو جواد اتسعت عيونه بصدمة من كلمته قدام بادي همس له:عادل!!
يوسف ابتسم بفرحة:يعني انا مثل بتال!!،،تقدم له وهو يضمه،،
ابو غازي دفه:ووجع!!
يوسف سلم على راسه:والله اني احبك ياعم عادل احبك
ابو غازي بعصبية وهو يطالع نظرات اللي حوله:حبك اجلك وعجل يمك قل امين
يوسف بابتسامته:ماني بقايل
ابو غازي:طسّ عني اجل طسّ
.
،،عند الحريم،،
عباير بوسط الملعبة ترقص وهي تتمايل بشعرها اللي سادلته كعادتها لكن هالمرة غير عن عادتها العادة مجعد شعرها هالمرة مستشورته ووضح طوله اللي لفوق ركبتها وعينها على حلايا اللي جالسة قبالها وبعد ماخلصت الملعبة خرجت عباير منها من الجهة اللي فيها حلايا عقدت حواجبها وهي ماتشوفها مشت لام مزون اللي قبالها:خالة وينها به حلايا؟
ام مزون تلفتت حولها:ذالحين اديتها عصير وبطاطس وقعدت يمي!!
عباير توترت وأشرت يمينها:انا باغدي يم طرف الخيمة منّا وانتي اغدي من ذا كود انها هنيا
ام مزون:ابشري،،مشت،،
عباير مشت من الجهة اللي قالت عليها
هدية مسكت عباير
عباير طالعتها باستغراب:علامش!!
هدية:اغدي معي انا خابرتن وينها به!!
.
ام ناصر واقفة قبال مزون:يابنيتي ارحميه وارحمي حالش لهالحين يريدش حليلتن له
مزون:المعذرة ياعمة مير اني على شرطي لذالحين
ام ناصر:هاذي هي بخوت اعرست وش تريدين بشهادته ذالحين!!
مزون بحدة:كوده صادق يريدني حليلتن له يغدي يم الشرطة ويوجس الصحيح انا ماارخص روحي لاحدن ابد لو روحي متعلقة به ياعمة
ام ناصر تحنن قلبها:ناصر يبكيش ليله ونهار يامزون
مزون:وقليبي للحين يريده مير ماارخص روحي له ابدن هذا علمي وهو يخبره يشهد بالصحيح ويكب غيث عنه واوجسي يمه ياعمة به رجلن ماينرد لفاني كود ماعجّل بالصحيح اوجسي يمه مزون توجس يمك محلل ومعتق من ذنبها(محجوزة له من سنين)وانت الله يرزقك ببنية الحلال،،مشت،،
ام ناصر:لاحول ولاقوة الا بالله
.
،،عند الرجال،،
ضبعان دخل ووراه رجال قبيلته وبصوت عالي:السلام عليكم
..هدا ازعاج الخيمة من الصدمة بوجودهم..
الجد بادي كشر بوجهه
الجد نشمي كشر وهو يطالعهم
ابو غازي لفت عيونه المكان وهو يسيطر على اعصابه يدور عليه
ضبعان تقدم بابتسامة:مبروك ياعله مبروك مبروك،،وقف قبالهم بابتسامته ومد يده لبادي،،مبروك ياعله مبروك
الجد بادي صافحه بتكشيرة:الله يبارك بك
ضبعان مد يده لنشمي:مبروك ياابو عادل هاذي والله الساعة المبروكة اللي ارعيناك بها!!
الجد نشمي صافحه:الله يبارك بك والفال عندك
ضبعان ضحك وهو يطالعهم:الله يهني سعيد بسعيدة،،ثبت عينه على بادي وهو يزفر،،هيه الولد،،طالع نشمي وهو مصافحه للحين،،والابو لذالحين ضو البيت من عقبهم ماضوا!!
الجد نشمي سحب يده من ضبعان:الله يرحم من مات ويشفي من مرض
الجد بادي بحدة:ذنبكم يتعدانا ياضبعان مالنا به اقطع الطريا
ضبعان ضحك:ايه اللي يوجسه اللي ماتوجع
الجد نشمي بحدة:ضبعان اقطع الطريا
ضبعان زفر:انا لقيت ونيتي زينة لفيت ابارك صحيح مير الظاهر للحين اتروعون لارعيتوني،،ضحك،،
الجد نشمي والجد بادي كشروا
ضبعان بابتسامة:ياعلكم مبروكين ياعله مبارك
.
،،برا الخيمة،،
بتال يشرف عالعمال بين فترة وفترة يتأكد من شغلهم ونظافة الكاسات والفناجيل التفت للي ناداه وكشر بوجهه وهو يطالعه ومشى متجه للخيمة وهو يتجاهله
فاهد مشى وراه:اصبر ياابن الحلال علامك اصبر شوين
بتال وقف والتفت له وبحدة:كلامي ماتغير رايي من راي ابوي!!
فاهد:ياولدي
بتال كشّر وهو يسمع الكلمة
فاهد:عادل مرده بيرضى ويلين لاارعاك لنت ياولدي
بتال ضحك بغبنة:يعني مصر للنهاية ماتطلب السماح عاللي سويته بالعكس ناوي تستغلني بالموضوع!!!
فاهد زفر:ماني بمستغلك ابدن يابتال مير انا اريد اقعد معك واتخبرك واخذ عليماتك وانت راكبن راسك معيي(معاند)لأجل يرضى عادل!!
بتال:ايه لحد مايرضى عليك ويسامحك!!لاعفا عنك ابوي ذاك الوقت اجلس معي تخبرني وخذ عليماتي!!،،عطاه ظهره بيمشي وهو يزفر من الغبنة،،
فاهد صرخ:اقف!!
بتال وقف وهو يلتفت له وسط حواجبه اللي ارتفعت بصدمة من نبرة الصوت اللي ارتفعت عليه
فاهد:تراني ابوك مثل ماهو ابوك!!وانا لي الحق عليك اكثر منه حتى لو انه هو الي رباك أوحيت!!
بتال ضحك وبابتسامة:صدق!!تصدق عاد محتار مين اللي له حق عليّ اكثر ابوي اللي رباني،،احتدت نظرته،،ولا ابوي اللي اول مادرا بحمل امي حاول يذبحني ويذبحها معي!!
فاهد كشّر بوجهه
بتال:ياليت تقول لي الجواب وتنورني!!
فاهد تنهد وهو يصد:استغفر الله العظيم،،طالعه،،انت من عيال اليوم وش عليك من اللي انعمل وانتهى!!ثمن انا اريد اتخبرك حتى تعلم ابوك وانا اعلمك وشو له تردني وانا غادين يمك بخير ماني بغادين بشر!!
بتال زفر:انا مارديتك ابدا!!قلت لك انا مااطلع عن راي ابوي وحل مشكلتك معي بيد ابوي لاتصافت القلوب وجلستم بمجلس واحد ذاك الوقت ابشر وتم وعلى ماتريد
فاهد يطالعه وهو يدري ان عادل مستحيل يرضى بسهولة:هذا اخر ماتوجس؟!
بتال هز راسه بتأكيد:عن اذنك،،مشى،،
فاهد رفع شماغه المسدولة أطرافه على كتوفه يعدله ومشى بخطوات سريعة وهو يمر من جنب بتال
بتال وقف وهو يطالعه قدامه:وين!!
فاهد وقف والتفت له:يوم انك تريد عادل يرضى لزوم يرضى معه جدك بادي ولا نسيته!!
بتال اتسعت عيونه:نعم!!
فاهد:وماازين من نفوسهم الليلة خير البر عاجله!!،،مشى،،
بتال جرى له ومسكه من يده وبحدة:تبي تخرب الزواج انت!!
فاهد سحب يده بقوة:كبني عنك!!وثمن انا ضيف وأولى بهالفرح من الغُرب!!،،مشى،،
بتال يطالعه:انت مثل ماانت وتقول تغيرت!!
فاهد التفت له وبعصبية:تغيرت اَي بالله تغيرت!!مير العيون ماتراعي اللي ينعمل ذالحين قدامها تراعي اللي انعمل اول وأنعمت عن اللي ذالحين!!وش تريدني اعمل بكم هاه وش!!
بتال بغبنة:مو الحين لاتروح لهم الحين!!وش فيك انت وش فيك!!
فاهد مشى وطنشه
بتال صرخ:يبه
فاهد وقف مو مصدق الكلمة اللي سمعها تناقض مشاعر توسطت صدره بين فرح وحزن وندم عاللي فات وهو بعيد عنه
بتال عاض شفته بقهر من نفسه وشلون نطق هالكلمة لغير ابوه لكن هالشخص فعلا ابوه حتى لو نبذ هالشي مرة واثنين وثلاث وبالنهاية هذا كله حله الوحيد حتى يوقفه لاتخرب فرحة جسّار والسبب هو
فاهد التفت بابتسامة ارتسمت على وجهه:هـلا هلا ياابوك
بتال شد ع قبضته وهو يطالع ابتسامته وبغبنة:تبي تحل الموضوع مو اليوم!!حله باي يوم لكن مو اليوم تكفى مو اليوم
فاهد:ابشر ابشر على ماتريد
بتال مرّ من جنبه وهو يلوم نفسه واتجه للخيمة وهو يحاول يركز تفكيره بجسار ومناسبته
فاهد التفت يطالعه وهو مستانس ومبسوط واختفت ابتسامته وهو يطالع اللي قباله مباشرة ومتجه يدخل للخيمة طالعه وهو يدخل وطالع بتال اللي متجه للخيمة اسرع بخطواته وهو يمسك بتال
بتال التفت له باستغراب:نعم
فاهد تركه بربكة:علامك تركت الفناجيل وراك!!وشلون بتقهوي ضيفانكم!!
.
..بيت مناور..
ام غيث وهي ماسكة غيثة تضربها:يانعنبوا حيك من بنت اَي بالله الله يسلط عليش مثل ماتسلطتي علي!!
شريفة وهي تفك امها عن غيثة:يمه كبيها عنش كبيها
حلايا واقفة بالزاوية وهي تطالعهم بوسط دموعها
نوفة جالسة عندها وهي تكلمها بابتسامة:ماعليش ياحلايا جدتك زعلانة شوين من عماتش لاتذلين وانا عمتش لاتذلين انا امنعهم عنش ناظريني ماعليش منهم
حلايا رجعت خطوة لورا عنها
ام غيث دفت شريفة عنها
غيثة تخبت ورا شريفة
ام غيث بغبنة وهي تطالع غيثة:انا ماني خابرتن وش العلة اللي عملتها حتى تعملن بي هاللون انتي واختش
غيثة بغبنة؛اجل اكبهم يتهنون عقب فعولهم!!يعقبون والله اني لااحوسهم حوس وانا بنت ابوي!!
ام غيث شدتها بشعرها:انا اللي بأحوسش!!حاس الله مريرش من بنية عليتي قلبي عساش بالعلة!!
نايفة:الا ازين ماعملت يمه اجل نراعيهم وهم متهنين وحنا بحسرتنا ليه!!يعقبون واقلها نعمل هاللون وثمن ماحنا بذابحينها حنا اهلها واللي يوجس غير هالعلم كذوب ممتلي راسه اكذاب
ام غيث تركت غيثة ومشت لها
نايفة جرت للغرفة دخلت وهي تقفل عليها الباب
ام غيث وقفت بغبنة:الظاهر انكن انتن بتذبحني قبل العرب يعملونه،،جلست بوجع قلب وحسرة،،حسيبكن الله من بنيات تلفن بالعلل يمي علة علة
نوفة قامت من عند حلايا وأسرعت بخطواتها لامها
غيثة تقدمت لامها بخوف عليها:يمه
نوفة تقدمت قبال امها وجلست عندها:بسم الله عليش يمه ياعل العلل بعدوينش يااميمتي
ام غيث طالعتها بحزن مدت يدها لخد نوفة:ياعين امش يالضعيفة،،طالعت شريفة،،انتي وخيتش مجيورن عليكن بوسطنا
نوفة سحبت يد امها وباستها:جوركم نفداه يايمه كودكم سالمين غانمين قدامنا
هدية تدق الباب بقوة:غيثة ياغيثة فكي فكي الباب تفككوا عدواني فكي
غيثة كشرت وهي تتجه للباب
شريفة مسكتها:كبي النعرة(تدور مشاكل)عنش وانكعمي،،دفتها لورا ومشت للباب،،
نايفة خرجت من الغرفة
غيثة تضايقت من شريفة
شريفة فتحت الباب
عباير دفت الباب ودخلت وبصراخ:حلايا وينش به حلاياااا؟
غيثة:هيه هيه انتي اقصري حسش ياعله ينقطع!!
عباير طالعت حلايا اللي بالزاوية ومشت لها
حلايا جرت لعباير وهي تبكي
عباير ضمتها ثم طالعتها وهي تتفحصها:بش شين؟يوجعش شين؟
حلايا هزت راسها بلا
عباير عضت شفتها السفلية وضربتها كف
حلايا بكت بصوت
عباير مسكتها من يدها وبعصبية:ليش غديتي من العرس ولاعلمتيني هاه!!
حلايا ببكاها:اوزست نعدي يم بحوت
عباير صرخت:وتغدين معها ليش وانتي خابرة علومهم!!هاه!!
غيثة:وعلامها علومنا يابنت متعب!!
نايفة:علومنا تسوى علومش انتي واهلش!!
عباير شالت عباير بحضنها وطالعتهم بحدة:الليلة فرحة،،ابتسمت،،ومااريد اكدر الفرح من شان ناسن شبوا من الغيظ وهم يراعون فرحتنا تبطون وتعجزون تكدرونها
نايفة:الله يعينه على صريمته هالضعيف
عباير ابتسمت:صحيح الله يعنيه على الزين اللي يصبح ويمسي بوجهه عساه مايعتل لافارقها دقيقة
غيثة كشرت
عباير:عاد كان ودي اتعشون مير مالكم نصيب به والله لايجعل لكل جايرن علينا نصيب بكرمنا تمسون على بقعا يابيت مناور،،مشت،،
نايفة مشت وراها بسرعة
ام غيث بحدة:نايفة
نايفة وقفت وبقهر:يمه مااوحيتيها!!اتجنى بوسط بيتنا وننكعم عنها!!
هدية طالعت ام غيث:هاذي فعولن تنعمل من بناتش ياعمة!!تريدينها!!
غيثة بحدة:انكعمي ياهدية انكعمي الله يسد فيش(فمك)عنا!!
نايفة وقفت جنب غيثة:ايه الله والحويل(الحال)اللي انقلب من اول تحب(تبوس)مواطينا من شان غيث وذالحين شايشة يوم اخذت اللي تريده
شريفة صرخت:نايفة!!
هدية ضحكت من قلبها
ام غيث ابتسمت
نايفة كشرت بوجهها
غيثة بابتسامة:اَي بالله يحق لش اتضحكين يحق لش
هدية زفرت بابتسامة
غيثة:اللي تريدين وعينتيه وتبطرتي على عمامش تضحكي تضحكي لاسعد هالوجيه
هدية:يمه يمه ذابحش الحسد آكل قليبش أكل!!مير اخوش هاللي فرحانتن به دوري له مرة لاني صابرتن عليه لخويطر عمي ومردي بأكبه وماهو بهو اللي يكبني انا اللي بأجدعه وجدعتن يوجسون بها اهل ام جـلاجـل كل ابوهم
ام غيث وقفت ومشت ووقفت قبالها وضربتها كف
هدية طالعتها بحدة
غيثة ونايفة ابتسموا برضا
ام غيث:من اول منكعمة عنش اوجس تعود يمش ياصيفة تعود هاذي رباتش(ربتها)ماتحيد عنش!!
هدية بحدة:انا الله تاب علي ووعاني(صحت)بروحي على يدين غيث ياعمة وقطعت الشر كود اريد لروحي خير مير انتي ياعمة منين بيلفي يمش الخير وانتي لذالحين تصدين بوجهش عن الظليمة وهي مرتعة بوسط بيتش
ام غيث تطالعها بتكشيرة وهالكلام انعاد عليها كثير اليوم
غيثة:تعقبين ياجاحدة المعروف تعقبين
هدية تغطت:ياعله نوم العافية والراحة على قليبش ياعمة،،مشت،،
ام غيث بضيقة:كلن يم مرقدها مااريد اوحي حس الليلة اوحيتن،،مشت لغرفتها وقفلت الباب بقوة،،
.
،،برا الخيمة،،
بتال وهو كل شوي يمسك المكان اللي يشتكي منه تركه:وش تبي تقول؟قوله ولا تماطل!!
فاهد بحدة:علامك هاه!!ماانت بدكتور راع وش علتي علمني
بتال بطفش:وش تبي تقول قول ماني بفاضي انا!!
فاهد زفر:مامعي سيارة وأريدك تحطني يم المحطة
بتال:الحين!!
فاهد:ايه ذالحين
بتال زفر:بأشوف لك واحد من العيال
فاهد بإصرار:لا انت ولاتشوف لي احد انت مغيرك
.
،،عند الرجال،،
ضبعان طالع ابو غازي بابتسامة:وشلونك ياعادل؟
ابو غازي يطالعه بكره:بخير من الله الله يديمها نعمة
ضبعان ضحك:تريدني ادعي عليك بهالوجس!!
ابو غازي بحدته:والحمدلله ان الخير ماهو بيدين خلقه
ضبعان:صدقت صدقت نحمده الف الا وشلون يديتك(يده)
ابو غازي شد على يمينه وهو مثبت عينه عليه
ضبعان:عساها زينة
ابو غازي ميل فمه بابتسامة:وش تريد توحي؟
ضبعان رفع يديه:ابدن اريد الخير وبس
ابو غازي رفع يمينه وهو يفتح ويقفل كفه بوجه ضبعان
ضبعان ابتسم وهو يطالع اثر الجرح بيده:عساها دايمة صحيح الا وشلون راعي الشق؟عساه بخير؟
ابو غازي زفر وهو يكشر بوجهه؛عساك ماتغدي مراحه قل امين
،،الجد بادي والجد نشمي وابو جواد ونشمي طالعوه بصدمة من كذبه،،
ضبعان انصدم:لااله الا الله!!
ابو غازي هز راسه:الحمدلله على كل حال
الجد بادي قاطعهم وهو يخاف تكبر الكذبة اكثر :حياك الله وحيا ربعك تعدوا جوا
ضبعان زفر وهو يشوف ترحيبه تنحنح:مبروك مبروك ياعله مبروك،،وقف قبال جسّار وابتسم،،مبروك ياعريس مبروك
جسّار وهو يسلم عليه:هلا هلا ياعم ضبعان ياهلا حياك الله
ضبعان ويده بيد جسار:مامنعني عن اللي تخبرون غير هالوجه ولا كان به علومن ثانية
.
،،وانتهى العرس،،
.
،،قبل صلاة الفجر بساعات،،
..بيت بادي..
،،الكل اتجه لفراشه ياخذ له كم ساعة نوم قبل الصلاة يتريح بها بعد تعب العرس خصوصا وأنه ينتظرهم تعب كثييير بصباح اليوم اللي بعده من تنظيف للخيمة واللي حولها،،
سعود اللي ماجاه نوم متمدد عند المشب ينتظر قهوته اللي عالحطب تجهز ك عقد حواجبه وهو يسمع صوت الباب وقف وهو يتجه له:بالهون بالهون لافيك ذالحين،،فتح الباب واتسعت عيونه بصدمة من وجودها بهالوقت ولحالها وبفجعة،،بخوت!!علامش!!
.
.
<اللهم صل وسلم على نبينا محمد>
.
.


الساعة الآن +3: 02:59 AM.


موقع غرام موقع سعودي خليجي عربي يحترم كافة الطوائف والأديان ومختلف الجنسيات


SEO by vBSEO 3.6.1