منتديات غرام

منتديات غرام (/)
-   روايات - طويلة (https://forums.graaam.com/134/)
-   -   رواية ياسمح المحيا جر الهجـينية/بقلمي (https://forums.graaam.com/632213.html)

rwuiit28 03-06-2020 09:06 PM

رد: رواية ياسمح المحيا جر الهجـينية/بقلمي
 
اقتباس:

المشاركة الأساسية كتبها مـادلــmadeleinــين (المشاركة رقم 31793910)
سلام كيفك رواياات
بجد وحشتينا بس طول الغيبه تجيب الغنايم
بجد بارتلت مرا حرنان وقفلات ارووع
من الروعه نفسها كل مابك تبدعي اكثر واكثر

مالحقت اعبر علـ البارتات السابقه بسبب سوء النت

لذلك بحط تعليق البارتات السابقه
وبعدين بحط تعليق البارتات الجداد


♥♥♥**♥♥♥**♥♥♥

هذا للبارتا السابقه


♥♥♥
جــسار&بخـــوت

ايش الحركه الي سوتها فيه ايش ذنبه هوا
زعلته يااادلبي ايش ذنبه ان حلايا ماقعدت
يمه وخلاص حركيه دي البنت

حلوو انو ماتأثر من رجوع القضيه لو غيره
كان راح يتأثر ويأثر علـ حياته الزوجيه معها
بس هوا غير بحق وحقيقه

ياقلبي عليها بجد رحمتها لمن انهارات رجع لها
الماضي كله اكيد ,انشاء الله تاخذ حقها منهم

جســار
ياقلبي عليه ايش صار فيه الله ينتقم من ذا
الغيييث الزفت ايش يبي منه
وكمان هو ليش يروح لهم اووف بس
وبخوت ايش بتكون ردت فعلها هل
بتتحول للاحسن وتتندم علـ الي سوته
في جسار وتصالحه وتحاول تتقرب منه
ولا مارح تتاثر. انا اتوقع تندم ويبعد
عنها ذا النفور الي ملازمه

♥♥♥**♥♥♥**♥♥♥

غيــث

تصيبه الصرايم لسا بيرادد ولا علـ باله
بجد نرفزني مرا مرا لو كنت بروايه كنت قتلته😂
ياذا الرجال ايش الثقه وقوات العين
هذي انو ماراح يصير له شي وراح يطلع منها
ولا في باله ولاهو متأثر نرفزني مرا

وهديه صراحه ماتوقعت تبلغ عليه مو كانت
تحبه ايش غيرها عليه ايش دي القلبه عليه
وكمان مو مصدقه ان مناور جاراها وراح معها
وايش الحركه الي سوتها ايش تريد توصله

هههه ضحكت مرا لمن قلق انها حطت له شي
في الاكل وخلاها تجرب تاكل قبله

اريد اعرف ليش متمسك في بخووت ويبيها
ترجع له حب ذا ولا شنووو


وكمان موقف اخواته مرا منرفز ايش
قووه العين ذي ولا علـ بالهن

لا والي سووه في عباير في الماضي ذا
المقطع قلب المواجع


بس بردت قلبي فيهن عباير بحد دي البنت
تجنن بكل شي بردودها وردات فعلها.

علـ الي صار لها من خوات غيث بس
عرفت تاخذ حقها منهن

♥♥♥**♥♥♥**♥♥♥

مــطــلق& نــاصر

واخيرا اعترفوا احسن ماسووه بعد دي
السنوات رجع لهم عقلهم وبلغوا بكل شي


♥♥♥**♥♥♥**♥♥♥


راشـــد&هيـــفــاء

صح انها نرفزه انهم خبو عليه موضوع امه
بس ما كان له داعي يسوي كذا فيها ويرفع
صوته عليها

عجبني موقف هيفاء كثير ودفاعها عن
عمتها ام راشد بجد مره اصيله

موقف راشد مع امه جسد موقف الابن البار. بـ امه

ولمن بكت هيفاء تأثرت اكثر من موقف راشد نفسه
واتوقع تكون حامل


♥♥♥**♥♥♥**♥♥♥


ابــو غازي

هذا الرجال مايترك قساوته حتا ابن
اخته مايسلم منه الله يعينهم هههه
ويعينني من نرفزته لي

واااع والحركه الي سواهافي راشد
والي كان يبي يسويها بعد
انفجعت انا ههههه

♥♥♥**♥♥♥**♥♥♥

رهـــايف&جـــواد

لسا علـ جنانهم دوول الاثنين ماعقلهم
الزواج ابدا هههههه

موقفها مع الطفل في الطياره مرا عبيط
هه ايش كان يصير لها لو صبرت ههه

♥♥♥**♥♥♥**♥♥♥

غـــاازي&عـــذاري


مشاعر فياضه محاوطه لهم الفرحه
بالجنين الاول غير عن اي فرحه مهما
كابر الانسان الا انو اول فرحه

ايش بتكون رده فعل عذاري لمن تعرف
ان سهام حامل اكيد راح تغار ههههه


♥♥♥**♥♥♥**♥♥♥



وسميــه&فــاهــد

يالله قليبها اسود ولا رضت ترضا عليه
ولاقلب جمل اليـــــــ عليها دا

وفاهد ياقلبي عليه محد راحمه غيري
مسكين والله
وهل راح يتم الصلح مع اهل ام جلاجل
ايش بتجون رده فعلهم لمن يعرفوا ايش
صاب اولادهم بتال وجسار




♥♥♥**♥♥♥**♥♥♥

مـــرزووق

يالله معقوله
[مش معقول لحد ماتظهر الحقيقه يمووت
وقسم قهر مرا مرا
واهلوا وقهرهم عليه يووووجع القلب

الله يعينهم


♥♥♥**♥♥♥**♥♥♥

بتـــال

القفله الي علـ بتال لعب بـاعصابنا.
ايش بيصير عليه
ومين الي جو يمكن اهل نرزوق عرفوا
او يمكن يكونوا شله غييث اجت لهم
بس ليش هربوا وانرعبت هعباير بدا الشكل
بالي صار وان القضيه رجعت انفتحت
بسياراتهم
والمجنونه ليش ماهدت ولا حاسبو مالت
عليهاما اللحين بكتب علـ البارتات الاخيره
لانو كنت اريد اعلق علـ البارتات السابقه
بس النت كان عائق ومنعني

ونا كتبت رد طوويل ماحبيت مااعرضوا

لذلك الرد السابق كان للبارتات الاولى

اما ذا الرد لأخر بارتات نزلواا متا راح تعقل

♥♥♥**♥♥♥**♥♥♥

بتـــال

كل الاحداث تدور حول بتال بذا البارتات
بجد اعصابي تلفت وقتها كنت اتوقع
اي شي يصير له بس سلمها ربي

عجبتني رده فعله ههه مرا جووونان
لا وكمان لمن بلغ صراحه رهيييب


♥♥♥**♥♥♥**♥♥♥

جســـار

يَاقًلُبّيَ ْعلُيَُه ايش بيصير له ماقدرت اتوقع اي شي

♥♥♥**♥♥♥**♥♥♥

افــاهــد

طلعت المشكله كذا ثأر قديم كنت
استغرب كثير ايشـصار واخيرا بدا
توضح الاحداث بس ياترا الخنجر
لمين لا تكون لمناور ههه


♥♥♥**♥♥♥**♥♥♥

عبــايــر

طلعت بطله ذي المره برجعتها لبتال
وخوفها عليه مع اني كنت احسبها احيانا انانيه


♥♥♥**♥♥♥**♥♥♥

راشــد&هيفا
فطست ضحك لمن علمها طريقه اللعبه خطأ
بجد. طفولي مرا

♥♥♥**♥♥♥**♥♥♥


بإنتظارك
واعذريني علـ التقصير


مشكورة ويسلم قلبك يارب ولا كلمة توفيك حقك فعلا تسعدني ردودك وتوفي البارتات حقها الله يكتب اجر السعادة اللي تدخلينها بقلبي❤❤

rwuiit28 03-06-2020 09:08 PM

رد: رواية ياسمح المحيا جر الهجـينية/بقلمي
 
،،الـجـزء الـثـامـن والـسـبـعين،،
سبحانك ربي لااله الا انت استغفرك واتوب اليك،،سبحان الله وبحمده سبحان الله العظيم
.
.
..قرية عيال عبري..
مجلس الشيخ وتحديدًا عند نار المشب الجد بادي والجد نشمي ونشمي وفاهد وابو غازي جالسين ومحاوطينهم مجموعة بأسلحتهم من عيال عبري،،
ابو غازي جالس بعيد عنهم شوي ويلصق باللي واقف عنده وهو صاد عنهم
الجد بادي جالس قريب منه زفر وهو يطالعه:عادل
ابو غازي مارد
الجد نشمي جالس على مسافة بسيطة عنه وجنبه فاهد ونشمي بينه وبين الجد بادي:ولد ياعادل
ابو غازي مارد
فاهد كشر بوجهه وهو يطالع ردة فعله:ترا ماهو انت بروحك اللي ضايقتن به الوسيعة!!
ابو غازي اتسعت عيونه وهو يسمعه والتفت له:وشو!!
فاهد:خابرن جمايلك يم وغدي مير مردّه وغدي ياعادل
ابو غازي فز واقف وبصراخ برزت معه عروق رقبته:انكعم يافاهد انكعم وغدك على وريقات وينك عنه يوم انه بعازته!!
فاهد وقف وبحدة:هذاني غديت يمّه أريده وأريد له العوض ياعادل
نشمي ثنى رجوله وتكى بكوعه على ركبته وسند راسه ع كف يده وهو يزفر
ابو غازي ضحك:راع راع وش عملت به غديتك!!
فاهد:مير اني خابرن بيغدي هاللون ولا من الاولة وشو له هجيت!!
ابو غازي:انا اللي هجيت ماهو بأنت
فاهد كشر بوجهه
ابو غازي:هجيت به عن ام جـلاجـل عقب ردى فعولك لاتلحقه دسيته(خبيته)واوجست اكذاب من يمين ويسار اتعقى(اتفادى)الصرايم وهاذي هي نزلت يوم اللي عودت يافاهد
فاهد:هاذي هي اكبر الصرايم وغديت يمّها كود امنع شرها عنه ياعادل
ابو غازي بحدة:وثمن يافاهد وثمن؟
فاهد:اوجست يمك ياعادل عودت تايبن واوجست يمي اطس مير مانيب طاس ولاني معودن الى مني اتخبر وش تاليتها مع وغدي اللي صاك عليه وراده عني
ابو غازي:راده عنك لاني مااخبر وش تاليتك اجل اجدعه يمك وثمن تعمل صريمة وتهج وتكبه وسطها!!
فاهد بحدة:الله غفور رحيم قبل التايب ولاصك بيبانه علامك مابقلبك رحمة!!
ابو غازي:الرحمة انمزعت(انشالت،اختفت)من ارعيت فعايلك يافاهد
فاهد:هذا انت قنقك قنق ياعادل!!
ابو غازي بسخرية:من اللين اللي ماصعن رقبتك يافاهد!!
فاهد يطالعه وهو يعض ع شفته مايبي يغلط وتكبر المشكلة
الجد بادي بحدة وهو يطالع فاهد:عادل مااوجس غير الصحيح
الجد نشمي وعينه على الجد بادي:وفاهد اوجس الصحيح مير عادل قنقه قنق!!
الجد بادي وهو يطالع الجد نشمي:نشمي!!
نشمي زفر:والله ماينلام بتال بكم يوم تبرا وجحدكم مير انا المخطي يوم اني لفيت معكم،،وقف وهو يبتعد عنهم وجلس وهو يعطيهم ظهره،،
ابو غازي جلس جنب الجد بادي وعينه بعين فاهد يتبادلون نظرات غيظهم
>>بزاوية احد البيوت اللي تلف مجلس الشيخ>>
فارس:ياجد انتم توجسون راعي اذية!!علامكم توحون له!!
سويلم بغبنة:عسى صدقته!!
ضبعان ساكت يفكر
سويلم بقهر:علي الحرام انه يوجس اكذاب وربي وربي كودني اكذب ياعلي بصرايم مالها اول من تالي
ضبعان زفر:عوذا منك ياسويلم
سويلم:ياعم انت أوجست رايي يسري
ضبعان:مير اللي غدا غير عن اللي نخبره
سويلم اتسعت عيونه:صدقته!!
فارس:جدي!!
ضبعان التفت لسويلم:سويلم وانا عمك
سويلم:لاتومن له ياعم لاتومن(لاتستأمن)
ضبعان:سويلم ياسويلم
سويلم كشر بوجهه وبحدة:اوحيك
ضبعان:اللي باوجسه لايغيظك لانه صحيح ابوك وأخوانك وطامي وحتى انا والقبيلة من اول راعين صرايم لنا صولات وسط العربان(يعتدون عالناس)وانت خابر هالعلوم
سويلم بحدة:وثمن؟
ضبعان:فاهد من اول يوحي لإخوانك وطامي اكثر من اهله ولااوجس اكذاب كود اوجست ان طامي وإخوانك هم البلا بفعوله
سويلم:عمي!!
ضبعان:التالي ياسويلم ان اللي عدا(هجم)يم اخوي ووغدانه وحتى وغدي وكب هالخنجر وراه رايدن علمّه يصل يمّنا
فارس قطب جبينه:يعني فاهد قطع العلم!!
سويلم رجف قلبه:لا ياعم لا
ضبعان زفر:هذا هو راعي هالخنجر عمل العلم هو وربعه رايدن صريمة بيننا وفاهد ماله علم باللي غدا
سويلم بقهر:وحق ابوي واخواني يغدي!!!
ضبعان:لا ماهو بغادين ياسويلم
سويلم قطب جبينه وبحدة:وثمن؟!
ضبعان طالعه:تريد حقك كل ابوه ولاهو بباردن دمك ياسويلم؟
سويلم وقف وهو ياخذ سلاحه؛اَي بالله ياعم
ضبعان وقف:اجل طاوع شوري كل ابوه ولااوجس شين ابد،،مشى ومشوا وراه فارس وسويلم،،
.
..المستشفى..
سعود دخل وهو يتجه لبخوت بعد ماعرف بسالفة جسّار من غازي اللي قابله صدفة بالمستشفى وقف عند انتظار النساء على مسافة بسيطة وهو ينادي:بنت يابخوت ام حلايا
بخوت فارشة السجادة بزاوية الانتظار وجالسة تستغفر بعد ماصلت استخارة للي ناوية تسويه
حلايا متمددة عالكراسي ونايمة صحت بصوته وطالعت بخوت:ماما سعود؟
بخوت زفرت وهي تتوكل على الله بينها وبين نفسها وقفت وهي تطبق السجادة وهمست لحلايا:ايه سعود
حلايا جلست وهي تنط من المراسي وجرت برا الانتظار اتسعت ابتسامتها:سعووود،،جرت له،،
سعود فتح يديه وهو يشيلها لحضنه ويضمها:ياعين سعود وروحه،،بوسها،،
بخوت طلعت له
سعود نزل حلايا وهو يشرع لها وسحبها لحضنه:بسم الله على روحش ياأخت سعود بسم الله
بخوت بكت وهي بحضنه
سعود:الحمدلله على سلامته قرت عينش ماعليش بكرة ان شاء الله تزين اموره ادعي له
بخوت وهي تتركه:سعود
سعود:ياعينه
بخوت:اريد اغدي يم محل
سعود باستغراب:ذالحين!!
بخوت هزت راسها بايه
.
..قرية عيال عبري..
ضبعان وقف قبالهم
،،الكل وقف وسط ملامح جدية من جدية الموقف بينهم،،
الجد بادي:اوجس علمك ياضبعان؟
ضبعان:مير حنا ماتريد عسير امرنا هين
الجد نشمي:وتم
ضبعان:نريد فاهد يغدي يم المركز
سويلم:عمي!!
ضبعان:ويوجس العلم كل ابوه ولاعلينا كود انه طال من قومن عامل بهم صريمة
سويلم:خاف الله ياعم بنا خاف الله!!
ضبعان التفت له:نسيت وش اوجست يمك نسيت!!
سويلم عض شفته وهو يطالع فاهد بحقد
ضبعان طالع فاهد بحدة:وش علمك يافاهد؟
فاهد اخذ نفس:تم على ماتريدون ابشروا
شاب من عيال عبري يجري وقف على مدخل القرية:الدوريااااات ياعبرية!!
،،الكل صوب بالسلاح عليهم،،
ضبعان يطالعهم بحدة:اهبوا وصريمة تنزل بكم!!
سويلم وهو مصوب بصراخ:ارعيت!!هماني أوجست ياعم لاتومن لهم!!
الجد نشمي بحدة:لو انا رايدين به شرطة لفينا من اولها معهم ياضبعان!!
ضبعان:اعقب!!
الجد بادي بحدة:ضبعان يارجل اغدوا بهالبلاوي جوا لاتغدي علومن قشرا!!
ضبعان عض شفته للحظة بقهر:عبرية كل البنادق بالبير اعجلوا
،،دخلت الدوريات للقرية،،
،،الكل جالس حول النار بهدوء وهم يتقهوون،،
ضبعان وقف:حيهم ياحيهم القهوة ياعيال القهوة
الضابط وقف وبابتسامة:سلمت سلمت ماشاء الله ماشاء الله عساها دايمة بس وين ضبعان؟
ضبعان:وصلت اسلم؟
الضابط بابتسامته:تفضل على قهوتنا انت وضيوفك واللي يسمعون أساميهم معهم
.
.........****..........
يوم جديد
.........****..........
.
..بالسيارة..
ام غازي جالسة ورا الجدة منيرة وهي على أعصابها تكبح عبرتها مابين مصدقة ومكذبة للأخبار اللي وصلت لها
امجاد جالسة جنب امها وهي كل شوي تلتفت تطالعها بقلق
عذبة جالسة جنب امجاد وهي تهمس بأدعية
هيفاء جالسة ورا راشد وهي كل شوي تطالع المراية تطالع ملامحه تتطمن عليه
الجدة منيرة جالسة بمكان الراكب:اعجل ياراشد علامك بطي!!
عذبة:لا لاتسرع ياراشد،،طالعت امها،،يمه بنوصل ان شاء الله وجسار مافيه الا العافية ادعي له انتي مسافرة ادعي يمه ادعي
.
..بيت طلق..
طلق واقف عالباب:تحرصي على روحش
شامة بابتسامة:ابشر
طلق:لاتبطين بالبيت اغدي يم بيت عمي وباتي يمهم الليلة
شامة:ان شاء الله بس انجز كم غريضن حولي
طلق:كبيه لامني اعود يم البيت واعمليه على هونش
شامة:تريدني اكب التمر والقط(المضير)لامنك تعود!!يعدم(يخرب)
طلق زفر؛لاتتعبين روحش على هونش اليوم اغدي يم اهلش مثل مااوجسه وبكرة عودي مع خياتش واعملي ماتريدين ثم عودي يمهم وثمن معود انا ونادي يم البيت
شامة زفرت:ان شاء الله ان شاء الله
طلق بتأكيد على كلامه:شامة اوحيتي العلم؟
شامة؛اوحيت اوحيت
طلق:تراش مانش بلحالش معش وغد خافي ربش به
شامة كشرت وبزعل:طلق!!ذال عليه ماهو بعلي!!
طلق ابتسم وهو يبوس جبينها:ذال عليكم كل ابوكم ياشامة كل ابوكم،،فمان الله
شامة مسكت يده:تحرص على روحك
طلق ابتسم:يومين والثالث يمش ان شاء الله،،سحب يده،،فمان الله
شامة:حافظك الله ياعيني حافظك الله
طلق خرج
شامة قفلت الباب وراه واتجهت لداخل البيت وجلست عالسرير الحديد اللي فوقه عناقيد التمر وهي تنقي(تختار الزين وتقصه)وتحطه فوق الفرشة اللي عالسرير حتى يجف وهي تهمهم بابتسامة
،،دق الباب،،
شامة عقدت حواجبها وهي ماتتوقع واتجهت للباب ومن وراه:مَن؟
.
..المركز..
،،بعد ساعات من الانتظار الى ان بدا الدوام الرسمي،،
،،غرفة الضابط المناوب،،
سعود جالس بتكشيرة وزعل مرتسم على وجهه وحلايا بحضنه
بخوت ضامة يديها بتوتر
الضابط:تفضلي ياأخت بخوت وش المهم بخصوص القضية؟
بخوت:انا ابي أتنازل عن غيث
سعود عض شفته وهو يغلي بقهر منها
الضابط:الموضوع مو لعبة عشان تتنازلين!!انرفع للمحكمة وبدا امر رسمي!!
بخوت برجفة صوتها؛مير انا مااريد اجر ابو بنيتي بالمحاكم وثمن حنا محله بيننا وسط القرية
الضابط تنرفز منها:وش تخليته وسط القرية!!لعبة الموضوع
بخوت:اللي تريدونه ومايحل بس عقب التنازل راضيتن به
.
،،التوقيف،،
ابو غازي ماغفت عينه ابد من الحرقة اللي يحس فيها وهو يتوعد بتال بينه وبين نفسه
فاهد بالجهة المقابلة له مكشر بوجهه
الجد بادي والجد بادي وضبعان ونشمي وفارس يفطرون
سويلم يمرر نظره عليهم بتكشير
فاهد بتكشيرة:هاذي تالية تربيتك ياعادل!!
ابو غازي طالعه وبغبنة:مير ماغدا بهاللون غير يوم خبرك!!
فارس كتم ضحكته وهو يطالعهم
ضبعان ارتفعت حواجبه وهو يطالعهم
الجد بادي ابتسم برضا عن رد ابو غازي
فاهد:لو انك مخزين ابليسك ماغدا هاللون!!
ابو غازي:لو انك كاف شرك ولاعودت يمّنا ماغدا هاللون!!
ضبعان تنهد:دايم كذيا؟!!
سويلم:مير عادل يوجس صحيح
الجد بادي وهو ينزل الخبزة وبشعور انتصار:ارعيتوا!!!حتى الغريب اللي مايخبر شين اوجس صحيح!!
ضبعان؛مير سويلم مايريد فاهد يريد يمه الصرايم
سويلم كشر:عمي
ضبعان:هذا الصحيح!!
الجد نشمي التفت لبادي:اوحيت!!
نشمي مرر نظره بين ابو غازي وفاهد:لاحدن يلوم احد توحون
ابو غازي وفاهد التفتوا له
نشمي:ماتخبرون وش اوجس يمكم غازي؟
،،الكل طالعه،،
نشمي:غيظه شين وهذا اوله مير عينوا لكم دبرة لاطلعتوا يرضى يواجهكم مع اني عقب سواته هاذي ماظنتي والله بيرضى
ابو غازي كشر بوجهه:معصي
ضبعان زفر بسخرية:عصّه الى ما ينفقش(يروح)قنقك لانه دام هذا علمه عز الله ان لاارعاكم يمين ضرب اليسار
سويلم:ماعلي منهم،،طالع فاهد وبحدة،،مير عيني ماتزل عنك الى من الشرطة توجس تالية العلم اوحيت!!
.
..المستشفى..
غازي دخل للطوارئ وهو يهرول بخطواته وقف عنده وهو يهمس من بين اسنانه بغبنة:بتال
بتال متغطي كله وهو نايم
غازي سحب اللحاف وبغبنته:بتال ووجع!!
بتال صحى وهو يتثاوب ومتمدد على سريره بيساره الملفوفة بجبيرة وطرف شفته العلوية من جهة اليمين اللي بها غرزتين وفوقها ضمادة وبأنفه اللي واضحة عليه الكدمات:خير
غازي بغبنة:وين الخير قولي وينه؟!!!
بتال فز جالس وهو يخفي وجع جسمه وبقلق:وش فيه جسار فيه شي قالوا لك شي؟؟
غازي بعصبية:يعني فوق همي تزيديني هموم!!
بتال بحدة:لاترفع ضغطي اكثر قولي وش فيه جسار!!
غازي زفر:هو لو قالوا شي شفتني قدامك!!
بتال تنهد براحة وهو يرجع يتمدد ويسحب اللحاف معه:الحمدلله شويات وصحني
غازي سحب اللحاف:بتال!!!
بتال كشر بوجهه وبصراخ:فجرت أذني!!اسمعك ترا وش تبي؟!!
غازي:ابوي وجدي راميهم بالتوقيف وتسال!!
بتال ببرود:قلتها ابوك وجدك!!
غازي اتسعت عيونه:بتال لاتطير عقلي!!
بتال جلس وهو يزفر:وش فيه وش اللي مزعلك روح طلعهم على كفالتك وانتهى الموضوع ليش جاي ومزعجني!!
غازي:صاحي انت ولا مهبول!!وش فيك صاير بزرنجي!!كبر عقلك وش هالحركات!!
بتال زفر بسخرية:الحمدلله مكبر عقلي مع انه المفروض العكس!!
غازي بحدة:استح يابتال!!
بتال:ترا ماسويت شي غلط بس اخذ حقي وادفع المصايب عني!!
غازي بتقطيبة جبينه:ابوي وجدي صاروا مصايب!!
بتال بانفجار:وابوي وجدي وخالي كلهم كلهم مصايب حلت على راسي واللي يصدع براسي اطرده عني ماهو بشي جديد علي!!
غازي بحدة ملامحه:الحين اهلك صاروا مصايب!!ياعيب والله عيب عليك يابتال!!
بتال بغبنته:ايه مصايب مصايب انا فارقت راحة البال طارت ياغازي طارت ماعادني مرتاح حتى النوم ماانام الا بعد تعب وإرهاق ماعاد هنت لي نومة منهم!!
غازي زفر:بكيفك يابتال بكيفك،،لف عنه بيمشي،،
بتال وهو يتمدد:غازي
غازي التفت له بتكشيرة
بتال:شويات وصحني سمعت
غازي مشى وهو يعض شفته بغبنة منه
.
.........****..........
..السيارة..
يوسف يسوق
ابو جواد جالس جنبه وهو يزفر:كلمت اخوك
يوسف:جواله مغلق
ابو جواد:لاحول ولاقوة الا بالله وش هاللي سواه!!
يوسف بقهر:اكيد فيه شي احد قايل له شي
ابو جواد بحدة وهو يفهم تلميحه:يوسف!!وبعدين ابو غازي معهم لاترمي التهايم!!
يوسف زفر:السموحة ياعم غصب عني والله
ابو جواد تنهد:الله يعين وييسرها من عندها
.
..بيت خالد..
عذاري اللي باتت عند اهلها من سافر غازي نازلة عالدرج وهي تتثاوب ابتسمت وهي تطالع سهام
سهام شايلة من الفطور وتمشي متجهة لحديق البيت وبابتسامة:صباح الخير
عذاري بابتسامة:ياعيني عالسناعة يعني تركتي دوامك عشان تطبخين وتنفخين!!
سهام ابتسمت:اموتك سناعة انا وش عرفك بس!!
عذاري ضحكت وهي تمشي جنبها:يمّه يالسنعة،،انصدمت وهي تطالع ابوها قدامها،،يبه!!،،ابتسمت وهي تسلم على راسه،،صبحت بالخير
ابو صايل:صباح النور ياعيني صباحه،،مد يديه لسهام،،عنك
عذاري قطبت جبينها باستغراب
سهام استحي من عذاري:لا عادي بأشيله مو ثقيل
ابو صايل اخذه منها غصب وهو يطالع عذاري بابتسامة:عذاري بيجيك اخو ولا أخت
سهام تغير وجهها بخجل من كلامه
عذاري بابتسامة:مبروك الف مبروك يبه،،التفتت لسهام،،الله يتمم لك على خير مبروك ياسهام الف مبروك
.
..الفندق..
جواد خرج من الحمام بعد مااستحم وهو يمسح يديه بالفاين اللي معه رماه بالزبالة وزفر وهو يطالعها
رهايف معطيته ظهرها وهي متمددة على طرف السرير ومتغطية زعلانة منه
جواد وهو يجلس عالسرير:لاتاخذين راحتك بالنوم ترا هالفندق مؤقت
رهايف قطبت جبينها وهي تسمع كلامه
جواد تمدد وتغطى وهو يغطي عيونه بيمينه وبنوم وتعب:بس نريح وبعدها نغيره
رهايف بدون لاتلتفت له:وليش ان شاء الله!!
جواد:فيه فيران
رهايف تقلبت بالسرير وهي تلصق بجنب جواد الايمن ومعطيته ظهرها
جواد للحين بنفس وضعه ابتسم وزم شفايفه وهو يخفي ابتسامته:ترا قالي اللي ينظف انهم كبار مرة
رهايف قشعر جسمها وهي تلف له وتحاوطه بيدها اليمين:جواد
جواد:هممم
رهايف:قوم خلنا نغيره
جواد؛تعبان تو واصلين مافيني حيل
رهايف:تكفى جواد يالله حبيبي
جواد:الحين حبيبك!!وانتي منفسة علي بالطيارة!!
رهايف:لاتصير حقود ماتنسى شي،،ضمته اكثر،،قوم حبيبي يالله
جواد نزل يمينه وهو يضمها له:نامي انا معك
رهايف:ترا فار مو لعبة والله مااقدر
جواد:خليني اريح ساعة وابشري بس ساعة
رهايف بترجي:جواد تكفى
جواد استسلم للنوم وتركها وهي تترجاه
.
..بيت خالد..
،،بعد الفطور،،
سهام شايلة صينية الأكواب
عذاري وراها وبابتسامة:اتركيها لاتشيلين شي ثقيل
سهام كشرت بزعل وهي تلتفت لها:عذاري
عذاري ضحكت
سهام تعثرت بخطوتها وزلقت
عذاري صرخت وهي تمسك طرف بلوزتها وتشدها لفوق قبل تطيح ومسكت يدها اخيرا:سهام
سهام طاحت الصينية منها واعتلى صوت تكسير الأكواب اللي طاحت عالارض وغمضت عيونها بقوة وهي تنتظر الطيحة
عذاري انخطف وجهها وهي تحس بوجع أسفل بطنها من مسكتها لسهام
ابو صايل وقف وهو يطالع عذاري وسهام وفهم الوضع غلط وبوسع عيونه صرخ وهو يجري لهم:عذاااااري!!،،وقف وهو يضرب يد عذاري بيساره ويرفع سهام بيمينه،،
عذاري اتسعت عيونها بصدمة
ام صايل وقفت عندهم وهي تطالعهم بفجعة طالعت عذاري بوجهها المخطوف:يمّه فيك شي
ابو صايل وهو يطالع سهام اللي بين يديه:فيك شي تعورتي
سهام وهي تبلع غصتها بخوف هزت راسها بلا
عذاري همست وهي تبتسم وتخفي المها:مافيني شي يمه
ام صايل:وش فيه وجهك يمه
ابو صايل وقف وهو يوقف سهام وبحدة وهو يطالع عذاري:ايه وجهها يتغير يازهرة لان اللي تبيه ماصار
عذاري قطبت جبينها باستغراب
سهام اتسعت عيونها
ام صايل باستغراب مثل بنتها:وش قصدك ياخالد؟!!!
عذاري اتسعت عيونها وهي تفهم:يبه!!لايكون
ابو صايل قاطعها بلحظة غضبه:ايه ماتبين حملها يتم ولا وش معنى اللي سويتيه!!
سهام بفجعة:لا ياخالد لا!!
عذاري غرقت عيونها دموع وهي تحس بكلام ابوها سكين اخترق صدرها كيف يفكر فيها بهالطريقة وهي وحيدته صحت(ااااه ماني بوحيدته الحين ماعاد يهم وجودي)
ام صايل بحدة:خالد!!كيف تفكر ان عذاري ممكن تسوي كذا!!!
ابو صايل بحدته:اذا ناوية تكملين هالحركات لانشوفك الى ماتولد سهام
سهام بعصبية:خالد عذاري مادفتني!!انا تعثرت!!
عذاري طاحت دموعها وهي تطالع ابوها بقهر
ابو صايل التفت لسهام بصدمة:نعم!!
سهام:عذاري حاولت تلحقني وتساعدني مادفتني ابدا!!
ابو صايل التفت لعذاري بوجه مخطوف من سوء الموقف:عذاري
عذاري قاطعته بقهرها:ابشر ياابو صايل ابشر
ابو صايل حس بخنقه وهو يطالعها وبهمس:عذاري
عذاري:حتى بعد ماتولد حرمك المصون ماراح تشوف وجهي
ابو صايل تنهد:عذاري يابنتي
عذاري رفعت صوتها الراجف وهي تكمل:حتى لايصير بولدك شي وأكون انا السبب وانا مدري!!اااه ويمكن أكون اللي باذبحه بيوم محد يدري!!
ام صايل:عذاري!!
ابو صايل:حقك علي يا
عذاري دخلت للبيت بخطوات سريعة
ام صايل لحقتها:عذاري يمه
عذاري ماترد ولاتطالعها حتى طلعت لغرفتها اخذت أغراضها ونزلت وهي تلبس عبايتها
ابو صايل واقف ينتظرها عند نهاية الدرج طالعها:عذاري يابنتي
عذاري مرت بدون لاتطالعه ولاترد
سهام بتأنيب ضمير:عذاري
ام صايل بحسرة:يمه عذاري
عذاري ماطالعت احد تتفادى نظراتهم وهي تحبس دموعها قد ماتقدر ولاردت على احد نزلت شنطة أغراضها الصغيرة عند الباب وهي تلف طرحتها:السموحة ياابو صايل نبي اخر خدمة من سواقك ولاتخاف بنعطيك حقه وترانا كريمين فوق الحق نحط كرمنا
ابو صايل زفر وهو يلتزم الصمت
عذاري طالعت امها:يمّه تعرفين بيتي حياك الله متى مابغيتي،،لبست نقابها وانحنت وهي تشيل شنطتها والتفتت لهم،،ايه قبل اطلع احب أبشركم تراني حامل من ثلاث شهور
ابو صايل اتسعت عيونه بصدمة
عذاري:مع السلامة،،خرجت،،
.
.........****..........
.
..المستشفى..
ام غازي جالسة ع كراسي الانتظار قبال غرفة العناية المركزة وعيونها مثبتة عالغرفة وهي بين عذبة والجدة منيرة
امجاد واقفة جنبهم وهي متكية بظهرها عالجدار
غازي مشى متجه لهم
الجدة منيرة التفتت له وهي توقف:ها ياوليدي وش العلم؟
غازي وقف عندهم:يمه انتي بس تدخلين ماينفع كلنا
ام غازي وقفت وهي تحس قلبها يرجف من الخوف:اهل اخوك
غازي قاطعها:عند اختها يمه اختها مريضة بنفس المستشفى
الجدة منيرة:لااله الا الله وش هالصرايم اللي نزلت بنا مرتن وحدة!!
عذبة:لاحول ولاقوة الا بالله
غازي مد يده لها:يالله يمه
ام غازي زفرت وهي تحط يدها اللي ترجف بيده
غازي شد على يدها وهو يحس برجفتها:بيقوم يمّه بيقوم ان شاء الله ويغثك باللي صار له لاتشيلين هم
ام غازي بكت وهي تسمع كلامه
غازي ضم امه لصدره وهو يكبح عبرته
امجاد بكت
غازي برجفة صوته:يمه ادخلي وهاوشيه قولي له باقي كم ساعة من الأربع والعشرين ياويلك ماتصحى ان ماصحيت بيذبحك غازي بنفسه
ام غازي بحضنه تبكي
.
..بالسيارة..
هيفاء جالسة جنبه قدام وبزعل:علامك علي!!ليش غديت بي!!
راشد زفر:يابنت الحلال وش بتسوين وانتي معنا!!
هيفاء:اعاونهم كود اعتازوا شين وارني حولهم
راشد:محد يبي منك شي بهالوضع وبعدين انتي الحين خليك بنفسك ارتاحي
هيفاء:الحمدلله مريحة مير انت
راشد قاطعها:تراك ماسكة طريق وانتي حامل مايصلح ابد يعني انا اقول لك!!
هيفاء:هذاني قدامك مثل الغزال مابي شي
راشد كشر:اذكري الله وبعدين بتجلسين ببيت عمك وارتاحي لاتسوين شي ابدا وانتهى الموضوع
هيفاء تكتفت وهي زعلانة
راشد:اذا احتاجوا شي جيت عندك وأخذته ارتحتي
.
..المستشفى..
ام غازي دخلت للغرفة الكبيرة اللي قدامها وقشعر جسمها من حست ببرودتها الفظيعة واضاءاتها الساطعة مشت ورا الممرضة اللي تمشي قدامها وقلبها تتسارع نبضاته فوق سرعتها سرعة اكبر عيونها تلف المكان اللي كله باللون الابيض السيراميك الابيض اللي به لمعة خفيفة أسرة بيضاء ستاير بنية كحاجز بين كل سرير وسرير عضت شفتها ونزلت عينها عالارض بسرعة من وصلها صوت اللي تبكي عن يمينها واكيد تبكي على زوج او ولد او اخ مرت وهي تسمعها تقول(يالله انها عليك يالله ردّه لي وارفع عنه ياكريم)بلعت ريقها وهي تسمع شهقاتها بللت شفتها وجمعت ريقها وبلعته بمحاولة منها تكبح عبرتها لاتنفجر بالمكان
الممرضة وقفت قبال الستارة
ام غازي وقفت وراها وهي تاخذ نفس بكل مافيها تطرد هالضيقة اللي اجتاحتها شدت على قبضتها وهي ترفع
الممرضة مدت يدها للستارة وفتحتها والتفتت لام غازي:خمس دقايق ياخالة خمس مو اكثر
ام غازي هزت راسها وبحة صوتها؛ان شاء الله
الممرضة مشت
ام غازي سرت بجسمها رجفة اول ماطاحت عينها عليه تقدمت لذاك الجسد الهادي على غير عادته فوق السرير بمنظر غريب عليها وعليه بنفس الوقت أسلاك تلف ذاك الجسد بأماكن مختلفة تقدمت له بخطوات واضح صوتها عمد وهي تتمنى باخر مراحل اليأس عندها لعله يصحى فيها وخاب املها وهي توقف جنب سريره اللي مااختلف عن باقي أسرة المتواجدين حوله انحنت له وهي تطبع بوسة على جبينه وسط عيونها اللي هلت دمعها غصب:اجر وعافية ياعيني اجر وعافية،،اعتدلت وهي تمسك يمينه بين يديها وتطالعه بهدوء،،
جسّار عالسرير بدون اَي حركة ولا حتى طيف احساس باللي حوله
ام غازي زفرت وهي تطرد بكيتها وبرجفة صوتها الواضحة:ياشينك ياجسار وياشين هالمزحة!!ياويلك من غازي ينتظرك برا وهو يتوعد وبتّال اكيد مابيترك هالسماجة تمر عليه وهو ماجلدك،،ابتسمت،،والاهم ابوك قبلهم كلهم بيذبحك،،طالعته وهي تنتظر رده نزلت دموعها،،يايمه لاتبطي علينا خابرة انك موجوع مير لاتبطي علي وانا امك لاتوجع قلبي عليك لاتفجعني ياجسار تكفى لاتفجعني فيك،،عضت شفتها وهي تكتم شهقاتها وهي تطالعه بدون رد بكت وهي تنحني شبه جالسة وتنزل راسها بين يديها وجبينها لامس طرف ركبتيها وهي شادة على يده،،يارب مالي حيلة حيلتي انت يارب هو عظيم عـلـي و عليك هين ياااارب رحمتك فيه وفيني يارب قلبي لاتفجعه يارب
.
،،عند عباير،،
عباير واقفة قريب الباب وهي تلبس طرحتها معطيه ظهرها لبخوت كتبوا لها خروج مكشرة بوجهها ولاتطالعها ابد
بخوت جالسة عالسرير وجنبها حلايا:عباير
عباير ماردت
بخوت:الى متى بتغتاظين علي!!ولا اغتاظي مير لاتبطين علي
عباير التفتت لها وبقهر:هاذي تالية التعب!!تعفين عنه!!كل ماغدا بنا جحدتيه يابخوت!!
بخوت برجفة صوت:ماترعين وش غدا من وراه!!
عباير بعصبية:وش غدا هاه وشو!!
بخوت بنفس نبرة عباير وحدتها:انتي وجسار واخوه!!كل ذا وتنشدين!!،،نزلت دموعها،،راعي جسار راعي الضعيف اللي ماعمل شي وش غدا به من وراي،،وبشهقاتها،،لاهو اللي حي ولا هو اللي ميت!!
عباير بقهر:وظنش جسار بيسر خويطره ماعملتي!!
بخوت بدموع وصراخ:امنع الشر عنكم!!هذا جزاتي!!
عباير:ليش ظنش بيكبش!!
بخوت:يكف أذيته عنا دام غدا مايريد
عباير ضحكت بقهر:ايه بالحيل بيكبش!!مير انتي كبيتيه يغدي بعملته!!كبيتيه يغدي من ذنب جسار!!اقلها يوم غديتي المركز عمدتيه(رحتي له)واوجستي بوجهه تعقب يغدي كل شين على هواك ياغيث تنقع بالسجن وذوق شوين مما ذقناه بدال هاللون اللي عملتيه!!
بخوت بحسرة:عباااير!!
حلايا نزلت من السرير وهي توقف عند عباير وضربتها وبدموعها:انكعمي عن ماما يابعاير انكعمي
عباير طالعت حلايا ثم رفعت عينها لبخوت وبحدة:دام عملتي هاللون مايرده شين يابخوت مايرده هالنوبة جسار والنوبة التالية حلايا
بخوت هزت راسها بلا:عباير تكفين ياعباير
عباير بصراخ:سلم وش اللي يمنعه عنش يابخوت هاه!!دام سلم نوبة يعملها نوبات وانتي تطاعمي(ذوقي بس بشويش)ماعملت يديش،،خرجت وتركتها بدون لاتودعها او تسال عن وضع جسار،،
بخوت وقفت وسط دموعها وهي تتغطى مسكت يد حلايا وهي تخرج من الغرفة ووقفت وهي تطالعه
سعود بتكشيرة؛اغدي يم اهل رجلش ولاتغدين محل لامني اغدي بعباير واقضي شغلتي ومعود يمش،،لف بيمشي،،
بخوت:سعود
سعود وقف والتفت وببرود:تريدين شي؟
بخوت همست:لا
سعود مشى بخطوات سريعة وهو يتركها وراه
بخوت مشت متجهة لغرفة العناية وهي تكبح دموعها اللي ماوقفت تجر خطواتها بثقل من وضعها ماحست بطعم الفرح زين للحين وغيث مابيتركها ابد وقفت وهي ترفع عينها للي يناديها
ام غازي قبالها:بخوت يابنتي
بخوت جلست عالارض وانفجرت تبكي بصوت
ام غازي اسرعت لها وهي تجلس وتضمها لها:بسم الله عليك بسم الله
بخوت:سامحيني ياعمة سامحيني
ام غازي هلت دموعها:مسموحة يابنتي مالك ذنب باللي صار مالك ذنب يابخوت
بخوت:سامحيني تكفين سامحيني
.
..بيت طلق..
شامة جالسة قبالهن وهي تضيفهم مدت فنجال القهوة لغيثة
غيثة اخذت الفنجال بابتسامة:سلمتي سلمتي
شامة بيدها الفنجال صبت ومدته لنايفة:سمي
نايفة وهي تاخذه بابتسامة:يسم عداش ياشامة سلمتي
,,بعد القهوة والسوالف العادية,,
غيثة:والله ياشامة حنا غادين يمش نطلبش طلبة
شامة قطبت جبينها باستغراب:ابشري باللي احرز عليه
غيثة:ان شاء الله تحرزين عليه ان شاء الله
نايفة:وحنا مانصيناش عبث وكاد تحرزين
شامة زفرت:باْذن الله باْذن الله وش تريدين ياغيثة
غيثة:نريدش تقنعين رجلش
شامة كشرت بوجهها
غيثة:كود يعود عن الاكذاب اللي اوجسها هو وخويه على خيي(اخوي)
شامة:مير علوم الرجال ياغيثة مالي بها
غيثة اتسعت عيونها
نايفة بربكة:وش هالوجه ياشامة!!حنا ناصينش
شامة قاطعتها وهي ماتحملت اكثر:ليتش ناصيتني على شين يسر يانايفة كان عـيـنـي فداش مير هالعلم لو هو علي حتى خيي جدعته يم خيكن
غيثة احتدت ملامحها
نايفة بحدة:كود خيش سويد وجه فان خيي شيخ قومه!!
شامة:امحق شيخ دام هاذي علومه
غيثة بغبنة:اعقبي!!
شامة بحدة:الخيّة النشمية راعية الحق تفزع لخيها لو انه على خطا مير ماهو بهاللون تفزع يمه توعيّه كود يراعي خطاه ويعود سواد وجه بدنياه ولا سواد وجه باخرته!!
غيثة:غيث على اسمه ياشامة غيث حتى اللي أخطو يمه يكرمهم من جزيل غيثه
شامة تنهدت:انا اللي بأطلبكن ذالحين ماهو بأنتن قنعن خيّكن كود خيي يعود يمي
غيثة:شامة!!
شامة:خيكن اخطى لاتغدن معه ردنّه عن خطاه يابنات الشيخ وخوات الشيخ!!
غيثة:هاذي تالية نصيتش ياشامة
شامة وقفت:مير لاقضيتن من قهوتكن ورايدات اتهرجن معي بغير هالعلوم حياكن وكود غيره تخبرن الدرب،،مشت باتجاه السرير وهي تزفر بضيقة ماتبي تستخدم هالاسلوب معاهم،،
نايفة فزت وراها ولحقتها مسكتها من يدها وهي تلفها بقوة
شامة شهقت بفجعة من السحبة وهي تلف لها
نايفة بحدة وهي ماسكتها:اوحي العلم ياشامة كود ماعود رجلش عن علمه الشين والله والله ان كل ماطا يطاه نارن تأكله اوحيتي!!
شامة سحبت يدها وبحدة:ماهو بعلى هواش يانايفة
غيثة وقفت وهي تدف شامة من كتفها بيدها
شامة رجعت خطوة لورا وهي تطالعهم بحدة
غيثة بحدتها:ازين له وأزين لش معه توحون مايوجس يمكم من علوم ولايغدي شين مايسركم
شامة ضحكت وبسخرية:علامه ماغدا لذالحين!!وش تحترون!!
غيثة ضربتها كف بكل قوتها
نايفة ابتسمت برضا
غيثة بحدة:وهذا اوله واهونه
شامة طالعتها بحدة:تعقبن يغدي على هواكـ(ش)ـن شين يابنات الشيخ!!
نايفة دفتها بقوة
شامة رجعت لورا
نايفة:هيه انتي ياهييييه مخبولة انتي مخبولة!!
شامة بحدة:يسدكن ماعملتها مير اغدن برا بيتي لاصوت وألم اهل الديرة عليكن!!
نايفة زفرت بضحكة:وشو!!
شامة:براااا
غيثة دفتها بقوة
شامة طاحت هالمرة من دفتها وبطيحتها ضرب راسها من ورا بحافة السرير وكملت الطيحة للارض
غيثة بصراخ:خيرنا كاسيش(مغطيها)وتوجسين هاللون يمّنا!!،،قطبت جبينها وهي تطالعها،،
نايفة تطالع شامة وبحدة:كبي التهول عنش!!
شامة مرتمية عالارض تطالعهم بهدوء وهي تحس بثقل براسها
نايفة انخطف وجهها وبرعب:غيثة!!
غيثة اتسعت عيونها وهي تطالع دم شامة اللي بدا يسيل عالارض ويوضح
نايفة جلست عالارض عندها وهي تكلمها:شامة
شامة ماترد تطالعهم
نايفة انحنت وهي تحط يدها تحت راس شامة وترفعها انخطف وجهها وهي تحس شي يتحرك بطرف إصبع يدها اللي تحت راس شامة قشعر جسمها ووقفت انفاسها وهي ترفع عينها برعب لغيثة وبدموع:غيثة!!
غيثة بلعت ريقها من الرعب وبلعثمة:قومي
نايفة رجعت عينها على شامة
شامة غمضت عيونها بهدوء
نايفة صرخت برعب:شامة!!
غيثة من بين اسنانها بحدة:انكعمي وصريمة!!قومي اعجلي علي!!
نايفة نزلت شامة وهي توقف
غيثة وهي تلف طرحتها:غدينا!!
نايفة بصدمة:وشامة!!
غيثة:رجلها يعود شوي وامها بتغدي بعد غدينا،،مشت،،
نايفة طالعت شامة
غيثة التفتت واتسعت عيونها وهي تطالعها واقفة مكانها وبحدة:نايفة وعلة تنزل بش غدينا!!،،مشت ووقفت وهي تطالع القهوة،،
نايفة بتردد وعينها على شامة:وشامة شامة نكبها بهاللون،،رفعت عينها عن شامة وهي تطالع غيثة باستغراب،،
غيثة اتجهت للمطبخ وبيدها فنجالها وفنجال نايفة دخلت له وهي تغسل الفناجيل بوسط رجفة يديها الواضحة ورجعت طريقها جري:كود تريدين تغدين معي بكيفش وكود غيره لومي روحش على مايغدي بش،،خرجت،،
نايفة جرت ورا غيثة وهي تترك شامة وراها
.
..المستشفى..
امجاد بترجي:بتاااال
بتال متمدد عالسرير ومغطي عيونه بيده عض شفته وهو مايقدر يرد لأمجاد طلب واكتفى بالصمت
الجدة منيرة بنرفزة:اترك العناد عنك
بتال:وش عناده ياجدة!!
الجدة منيرة رفعت يده عن عيونه وهي تضربه ع كتفه بيدها الثانية:بتال!!!
بتال زفر وهو يجلس:نعم نعم نعم!!
الجدة منيرة اتسعت عيونها:ولد!!!
بتال:جدة لاتخليني اشتكيك بعد!!
راشد اتسعت عيونه:بتال!!
الجدة منيرة تقرصه من جنبه
بتال:اااه
الجدة منيرة بحدة:استح على وجهك!!تكلميني بهاللون
بتال كشر بوجهه وهو يطالع لقدام ويحتفظ برده لنفسه
الجدة منيرة:بتال ادري انك زعلان مير هالزعل ماهو بمعود يمك بفايدة!!
بتال عض شفته يكتم رده
راشد:يازينك والله وانت حابس ابوك وجدك عز عز ياطيبه من عز!!
بتال التفت يطالعه بحدة:وانت وش دراك عن اللي يصير!!
راشد:ويعني!!اللي صار معك صار وانتهى لكن الغلط اللي سويته على اسمه غلط يابتال!!
بتال بوسع عيونه:واللي سووه ماهو بغلط!!
ام غازي دخلت وهي تسمع اخر كلامه:غلط وعين الغلط لكن امورهم ولادم تنحل
بتال بقهر:على حسابي يمه!!
ام غازي تنهدت:اذا ماتحملتهم انت مين يتحملهم!!
بتال بعناد:ماني بمحلول أتحمل ابدا!!لايكلف الله نفسًا الا وسعها!!وانا هاذي طاقتي وهاذي قدرتي معليش يتحملون مايجيهم
الجدة منيرة بعصبية:بتااااال!!
بتال مارد وهو معاند
ام غازي:براحتك يابتال لكن لاتكلمني ولاتسلم علي وانت ماسويت اللي ابيه
بتال طالعها وبغبنته:غصب يمه غصب!!
ام غازي:انا قلت اللي عندي وانت بكيفك
بتال:ابشري يمه ابشري لكن مالي اَي علاقة فيهم ابدا
ام غازي:هذا اذا هم وافقوا يستقبلونك بعد اللي سويته!!
بتال بعناده:بتنازل عشانك يمه لكن هم لي تصرف ثاني معهم،،رفع اللحاف وهو يمد يمينه لأمجاد وبحدة،،اسحبي الابرة(يقصد المغذي)
امجاد طالعته وهي ماتقدر تسوي هالشي
بتال رفع يساره المجبرة والبارزة أصابعه منها وسحب الابرة غلط وكتم المه ورمى لحافه وخرج
راشد لحقه
ام غازي تنهدت وهي تطالعه
الجدة منيرة:راس يابس لااله الا الله!!مدري على مين طالع!!
غازي دخل وهو يوقف قبال امه وبوسط انفاسه:يمه جسّار جسّار!!
.
.
.
<اللهم صل وسلم على نبينا محمد>
.
.
.

هـــدبـــ خــجــلانــــ 05-06-2020 12:04 AM

رد: رواية ياسمح المحيا جر الهجـينية/بقلمي
 
سلام
كيفك روايات
بارت يجنن يجنن, كـ سابقيه من البارتات
ابدعتي سلمت يداك ...
وكل مال الروايه تكون حماس اكثر ايش
بيصير علـ ابطالنا
ايش دي القفله الي تحرق الاعصاب

♥♥♥**♥♥♥**♥♥♥

جســار&بخـــوت

ياقلبي علـ جسار ايش بيصير له
وياترا صحي او كانت نهايته

وياحرقته من بخووت الي تنازلت
علـ غيث رفعت ضغطي يوووه بس

♥♥♥**♥♥♥**♥♥♥

بتال
والله عندو حق كل شخص وله قدره
تحمل وهوا ايش ذنبه بالي صار مالو خص بحد
وماهو ملزوم يتحمل اخطا۽ اي شخص
لو بخليهم كمان شوي منقعين في التوقيف


♥♥♥**♥♥♥**♥♥♥

ضبعــان وشلته

ايش مخططين ومين اصلا الي قتل
ابنه واخوه وولاده ماقدرت اخمن ...
قصه محيره صراحه فيه طرف ثالث
في القصه ماعرفنا مييين هوا.....

♥♥♥**♥♥♥**♥♥♥

شـــامــه

شو راح يصير لها, ايش نهايتها
ياترا بيلحق عليها مطلق ولا واحد من
اهلها انشاϪ الله تكون بخير

وغيثه ونايفه ياجعلهن الصرايم تركنها
وخلاص مافي قلب ولا رحمه وكمان
يغسلوا الفناجين علشان لايثبت عليهن شي
طابع اجرامي في اسرتهن حسيبي الله عليهن ..
عليهن بجاحه ياااساتر بس


♥♥♥**♥♥♥**♥♥♥

عبــايــر

اكيد انحرقت اعصابها من فعله بخووت
الله يعينها لو انا مكانها بخنق بخوت
من قهري هههه قهر وقسم

وسعود ايش صابه لخد ما يجاريها
كان بيسحبها للبيت ويخلص ههههه


♥♥♥**♥♥♥**♥♥♥

بادي&نشمي&وفاهد&عادل

يابرد قلبي فيهم كلهم يستاهلوا ماجاهم ههه
حاقده من صماصيم قلبي عليهم


♥♥♥**♥♥♥**♥♥♥

صارت الروايه حماس معاد نقدر
نستحمل نريد اكثر وواكثر


بانتظار گ♥

Fay .. 05-06-2020 05:53 AM

رد: رواية ياسمح المحيا جر الهجـينية/بقلمي
 
بخوت ممكن اذبحها :)
تقهر مستتتفزه !!!
يارب جسار مايصير فيه شي و يقوم بسرععه؛(

اما بتال ضحكني و صدمني قسم بالله !😭
لا و عنيييد صامل

اما الثنتين الي الله بتخذهم هم و اخوهم و امهم و ابوهم فوقهم ؟؟؟؟
وش هالقلب الي عندهم حسبيالله عليهم قهروننيييي ،جعلهم ينكشفون و يعرفون انهم هم الي سوو بشامة

تسلم يدك♥♥♥

ام محمدوديمه 06-06-2020 12:59 PM

رد: رواية ياسمح المحيا جر الهجـينية/بقلمي
 
بتتتتااااللل

مصيبه بتال معقوله عصبيته توصل يسجن الكل هذا جنون مب حل للمشكله


جسار يا قلبي عليه عسى يصحى ويفرح الكل


ابو غازي من كل عقله يترك جسار ويجلس يتضارب مع فهاد
اطمنت على بتال خلاص اركض لابنك


بخوت خربت الدنيا... مشكله لما تعاند على شي بعدين تندم عليه


ضبعان كان عنده خطه ان يمسك قاتل اخوه من قبل الشرطه لكن بنتال خرب عليهم



شامه ياقلبي عليها قتلنها الشريرات هي وطفلها اكيد بيجن طلق وهو مسافر ومعتمد انها فبيت أهلها

عسى ينكشفو من بصماتهم بالبيت او احد يشوفهن وهن طالعات من البيت


لانه راح يتهم طلق فهالحاله

اتمنى بعد انها متموت

rwuiit28 06-06-2020 11:20 PM

رد: رواية ياسمح المحيا جر الهجـينية/بقلمي
 
،،الـجـزء التــاسـع والـسـبـعـيـن،،
سبحان الله،،الحمدلله،،لااله الا الله،،الله اكبر،،لاحول ولاقوة الا بالله
.
.
.........****..........
،،،بـعـد يـومـيـن،،،
.........****..........
.
..بيت ابو هليل..
طلق جالس يتقهوى مع عمه وهليل وباستغراب:وينها شامة مالفت تسلم علي!!
ابو هليل قطب جبينه:وش هالوجس اللي ماله سنع ياطلق!!
هليل يطالعه باستغراب:مير حنا غدينا يمكم ودقينا ومحدن لفانا!!
طلق بصدمة:وش هالعلم!!
ام هليل:أوجسنا غدت معك!!
طلق فز واقف:بأغدي يم البيت،،اسرع بخطواته خارج،،
هليل لحقه
ام هليل جرت لداخل البيت وهي تنادي لبناتها:اعجلن علي بعبايتها اعجلن يابنات
.
..بيت مناور..
نايفة بوجهه كاسيه السواد من كثر التفكير دخلت للغرفة وهي تطالع غيثة اللي تحني يدها قبضة والأمور عندها تمام واتسعت عيونها:غيثة!!
غيثة طالعتها وابتسمت وهي ترجع عينها بيدها وتكمل حنا:ادني يمي احنيش
نايفة:حنا!!حنا!!،،رفعت يدها وبرجفة صوتها،،مير يدي محنية ياغيثة بدم شامة لذالحين!!
غيثة اختفت ابتسامتها وبحدة وهي ترفع عيونها لها:انكعمي!!
نايفة برعب:مااوحينا شين لذالحين عنها ياغيثة!!
غيثة:اوص ماتوحين!!انكعمي
نايفة:غيثة
غيثة:وكاد مابها خلاف دام مااوحينا شين انكعمي ياادني يمي احنيش ياطسي عني وفكيني منش
.
..بيت الشلة..
ام غازي وهي تنزل الفطور:غازي ماشفت اخوك؟
ابو غازي بحدة:ووش عليك من هالخسيس!!
الجد نشمي:عادل!!
غازي زفر:يمه اخر مرة شفته بالمستشفى والديرة ذي مافيها إرسال يعني اكيد هو حولنا قريب
ام غازي:الله يستر عليه بعد ماتفطر شف راشد ودوروا له
ابو غازي بحدة:اتركه اللي مايبينا مانبيه!!
الجد نشمي بحدة:اوجس عن روحك ياعادل!!
ابو غازي كشر بوجهه
الجد نشمي وقف:انا غادين يم بادي كود تريدوني تعينوني يمه،،مشى،،
غازي همس لامه:مايحتاج ندور له يمه
ام غازي طالعته بتقطيبة جبينها
ابو غازي وقف وبتكشيرة:لو ادري انك تدري عنه قضيت رجولك ياغازي،،مشى،،
غازي همس لامه:اقولك بالسيارة المكان هينا غير امن يمه
.
..عند الحلال..
نشمي ركب بالسيارة انتظر شوي واستغرب من ابوه اللي تأخر خرج راسه من السيارة ورفع صوته:يبه علامك ابطيت؟تريد اعاونك بشين؟
الجد بادي خرج من شبك الغنم وبيده جك فيه حليب من الغنم نزله عالارض وهو يقفل الشبك
نشمي نزل من السيارة وهو يسرع بخطواته لابوه رفع الجك من عالارض:الله يصلحك يابيي علامك ماعلمتني!!احلب عنك وش تريد بالشقا!!
الجد بادي بعد ماقفل الشبك ولف عنه متجه للسيارة:مير الشقا بي ذالحين ولا اول!!
نشمي زفر وهو يمشي ورا ابوه ويحسه عتاب من ابوه:يبه
الجد بادي التفت وهو يقاطعه:لايغدي يمك علمن شين!!ماعنيت شين ابدن مير هذا انا محدن يوجس نيتن حسنة يم وجسي!!،،ركب السيارة،،
نشمي ركب السيارة وهو يحط الجك بينهم:يبه
الجد بادي:نشمي لذالحين تريدها؟
نشمي انصدم من سؤال ابوه:هاه!!
الجد بادي بحدة:علامك تهوهي يمي!!انشدك لذالحين تريد عذبة؟
نشمي زفر وهو يحرك السيارة:عيّت يبه عيّت
الجد بادي ابتسم:ماالومها يانشمي يبي لها تمحطك بعد
نشمي:يبه!!
الجد بادي:وغدي يم عمك نخطبها ولا نخطبها من راشد ذالحين اسلم وهاذي العلم الصحيح
نشمي رمشت وهو يستوعب انه خطبها بالطريقة الغلط تنهد:يبه عيّت خطبتها وعيت
الجد بادي:بلكن لاغديت معك يلين راسها ماتخبر ماتردني فاضيه يدي
نشمي سكت وهو يفكر
الجد بادي:اوجس يمك الحليب ذا اليومين مايظلي منه شي لااله الا الله!!
نشمي:يمكن الغنم مابها شي يبه
الجد بادي:كب عنك راع المخّاضة(جك آلة تخلط اللبن وتزبده>>يصير زبدة)دايم املا ربعها ذالحين املاها كلها وتقضي من يومها!!
نشمي:بلكن عباير تغدي باللبن يم بيت عمي نشمي
الجد بادي:والله لو انه تصبه عليهم صب ماقضى!!
.
..بيت طلق..
طلق فتح الباب ودخل للبيت بخطواته السريعة اللي توازيها نبضات قلبه وهو يترك الباب مفتوح وراه لهليل
هليل دخل وهو يرد الباب وراه بهدوءه
طلق طاحت عينه عليها بطرف الحوش قباله مرتمية عالارض اتسعت عيونه وهو يجري لها وبصرخة وحدة:شامة!!
هليل جمد مكانه بفجعة من وصلت مسامعه صرخة طلق وظل بمكانه يطالعه
طلق انحنى شبه جالس عندها وهو يرفعها لحضنه وبصدمته:شامة علامش راقدة في ذا!!بنت ياشامة قومي،،حاول يوقف فيها وماقدر وهو يحسها ثقيلة جدا لكن الصدمة قامت بدورها عليه،،
هليل تحرك اخيرا وجرى له وهو يحس قلبه بيخرج من مكانه من أفكاره اللي توديه وتجيبه
طلق بوجهه المخطوف:علامش يابنت لاتروعيني عوذا!!
هليل وقف عند رجولها وهو يساعده برفعها وبصراخه:اعجل ياطلق اعجل
ام هليل وقفت الباب وجلست عالارض من قوة صدمتها وهي تطالعها بينهم بدون حركة
.
..بيت بادي..
،،المشب الداخلي بالبيت،،
بتال جالس يفطر وهو مكشر ويطالع سعود بنظرات تخترقه
سعود جالس قباله وبينهم الفطور زفر وهو ينزل لقمته:اوجس وش وراك!!
بتال بحلطمة:الى متى وانا يا نايم بالسيارة ولا المستشفى ارحمني تكفى!!
سعود بغبنة من الموضوع اللي انعاد فوق مية مرة خلال هاليومين:تراك ذبحتني وعليت قلبي يابتال!!وبعدين ترا يومين يومين اللي نمتهن وأشغلتني معك!!
بتال اتسعت عيونه:يومين!!يومين!!،،بتكشيرة،،واللي قبله وانا من مكان لمكان هاه!!،،مسك يد سعود وبترجي،،تكفى ياولد خالتي تكفى ارحمني
سعود سحب يده وهو يفطر:ارحمك ولا استر عليك؟
بتال كشر:وش له هالكلام؟
سعود وهو يفطر بدون لايطالعه:أيهن ياولد الخالة؟
بتال تكتف وبتكشيرته:كلهم
سعود ابتسم وهو يتمنن عليه:اما الرحمة ماانت بمعيّن(تحصل)مثلي هذاني ادس لك واغدي يمك بكل شين تريده
بتال بتكشيرة:على اساس مهرب أسلحة!!
سعود:اَي والله انا وغازي اللي يراعي حالتنا يوجس اقشر من الأسلحة لو اقضبونا!!
بتال ابتسم بتسليك:مشكورين مشكورين وماتقصرون يكثر خيركم والله
سعود قاطعه:اما الستر يشهد الله اني ساترن عليك وهم تالين رقبتي بكل حزة وينه هالخوان!!
بتال زفر:وش فيك اليوم تتكلم كثير!!
سعود طالعه بتكشيرة:اهب ياوجهك حاسدني وانت تلج فوق راسي توجس راديو ماينكعم!!
بتال كتم غيظه وهو يزفر:اخلص علي وش سويت؟
سعود:كل ماغديت يم احدن وساسرته(كلمه بالسر)باسمك عيّا(رفض)
بتال اتسعت عيونه:وليش ان شاء الله
سعود:أولهن ولد فاهد
بتال:ماشاء الله أولهن!!وش بعد؟!!
سعود:سالفتك مع عيال عبري
بتال:بدل مايحبون راسي عاللي سويته معهم!!
سعود:مايريدون لك شوف خل يحبون راسك
بتال زفر:والحل الحين وش اسوي؟
سعود:سواة الله خير اصبر الى من الله يفرجها عليك
بتال بعصبية:سعووود!!
سعود:اشرب صخينة(حليب الغنم يعاونه عالنار مباشرة قبل يحطونه بالآلة ويصير لبن)اشرب وانكعم عني
بتال بعصبية:ماابي الله يديم النعمة ذبحتني فيه طلع مع خشمي ماابي
سعود اتسعت عيونه:اهب!!هذا جزاي أرم(يجبر)عظمك!!وثمن خاف ربك يالبطران!!نعمة!!
بتال:الحمدلله دايم الدوم وانا قلت شي الحين!!
سعود:اعجل علي وطس قبل يلفي جدي وخالي
بتال:ماني برايح الى ماتقول لي حصلت شي او لا
سعود زفر وهو يرفع راسه فوق:لااله الا الله!!علامك متسلطن علي اليوم علامك!!
بتال:الحل وبأنشب لك الى ماتلاقي لي حل
سعود تنهد:من اول ماني معلمك الى مني اخذ العلم الصامل منه
بتال ابتسم:ايه!!
سعود:الرجال متحيّر بك عقب سالفتك
بتال بطفش:ياليل ذا السالفة!!
سعود رفع صوته:اوجس اصبر علي
بتال:يعني؟
سعود:اصبر وثمن تراه بعيد باقصى الديرة
بتال:مايهم ولو غرفة راضي والله راضي
سعود:بعيد ياولد يوم انه بناه من اول حطه للراعي مير الراعي هج وكبه
بتال بوناسة:عز الطلب ولا فيه احد حولي صح؟
سعود:صحيح
بتال جلس ع ركبه وهو ينحني ويسحب راس سعود ويبوسه وبصوت عالي:كفو والله انك كفوو ياولد الخالة
سعود تنهد:لذالحين مااوجس وكاد لاتستانس
بتال وقف:عاد استاذنك يكثر خيرك
سعود وقف:اغد اغد وانا معك لايلفي جدي ويخبر اكذابي وتقوم صريمة
بتال شحب وجهه وهو يوقف ورا الباب مافتحه يسمع اصواتهم
الجد نشمي برا بيت بادي جلس قبال المشب بالعشة الخارجية وبعصبية:علامك تابعني؟
ابو غازي واقف قباله:واتركك تروح وانت زعلان علي!!
الجد نشمي بزعله:مير انت من الاولة مااوحيت يمي وجس!!
ابو غازي:يبه كلامك على راسي من فوق لكن بعض الأمور صعبة يبه صعبة
الجد نشمي:وانت من جدك متبري منه!!
ابو غازي بنرفزة:واللي سواه هين!!
الجد نشمي زفر:معذور معذور ماينلام!!
ابو غازي بحدة:يبه!!وبعدين انا لو اشوفه قدامي والله والله لادفنه محد يفكه من يديني
بتال ورا الباب بلع ريقه والتفت لسعود وبوجهه المخطوف:والحل؟
سعود:ماعلي منك انا باطلع واغدي يم دوامي
بتال بصدمة منه:سعووود!!
سعود زفر:الى متى وانت تهج عنهم هاه!!مردك تواجهم!!،،دفه عن الباب وبتكشيرة،،توخر ماني بفاضي لك مبلشني تراك،،وقف وهو يسمع صوته،،
الجد بادي بابتسامة:ياحيهم يامرحبا ومسهلا
نشمي يمشي وراه تقدم وهو ينزل الجك ويسلم على الجد نشمي وابو غازي
الجد بادي:اغد بالحليب يم البيت لايعفن
بتال قفل الباب وجرى داخل البيت
سعود جرا وراه
بتال انحنى شبه راكع قبال الفطور وهو يشيل من اغراض فطورهم
سعود يطالعه باستغراب:انت وش تعمل!!
بتال:ابوي ماتمشي عليه
سعود دفه:وش بيغدي بابوك ذالحين اغد قدامي!!
بتال جرى لغرفة سعود
سعود جرى لغرفة عباير فتح الباب بقوة
عباير فزت من فتحته بفجعة:بِسْم الله علينا علامك!!
سعود وهو يهمس حتى ماتصحى حلايا:اغدي فكي الباب لخالي ولاتوجسين شي عنا أرعينا بغرفتي اوحيتي
عباير وقفت باستغراب:ان شاء الله
سعود اتجه لغرفته وقفل الباب وراه
عباير لفت طرحتها الطويلة واتجهت للباب وهي تسمع صوت محاولات فتحه وفتحته
نشمي باستغراب:علامك امدرّكته(قافلته بإحكام)!!،،دخل،،
عباير بربكة:ابدن ياخال مير التحرص مابه خلاف
الجد بادي دخل:اعجلي يابنت بالفطور لعمامش،،قطب جبينه،،علامش متلفعة(لابسة الطرحة)!!
عباير:هماك توجس الفطور لاعمامي!!
الجد بادي بشك وهو يدخل:مير انش ماغديتي من الاولة!!،،طاحت عيونه عالاغراض اللي عند المشب والتفت لها،،
عباير ابتسمت وهي تخفي ربكتها:فطور سعود مارفعته لذالحين!!
سعود داخل الغرفة ورا الباب قطب جبينه:ذالحين انا ليش غديت معك!!وانا ماعملت شين!!،،مد يده للباب،،
بتال واقف جنبه مسك يده وهو يطالعه وهمس:ابوك ياسعود تتركني!!افا!!
سعود دف يده ومن بين اسنانه:يوم انك تعمل هالعمايل وشو له الذّلة(الخوف)!!اغد رجل وولم روحك!!وثمن هاذي عمايلك مالي بها!!
بتال بغبنة من بين اسنانه وبهمس:سعود!!
سعود:اوحيك!!يسدني ماعينته هاليومين من جدي من وراك!!خارج روحك ياولد الخالة مالي بك بد!!،،مد يده للباب،،
بتال ضرب يد سعود
سعود زفر وهو يكتم غيظه:علامك!!
بتال فتح الباب وخرج
الجد بادي التفت لعباير وعروق رقبته برزت وبحدة:فطور سعود ياعباير هاه!!،،صرخ،،فطور سعود!!
عباير جرت بخطواتها لداخل البيت وهي تتحسب عليهم بينها وبين نفسها ورطوها معهم
سعود انصدم وهو يسمع صراخ جده وخرج وراه بسرعة
بتال بملامحه محتدة وهو يطالع جده وخاله:يكثر خيرك على الفطور ياسعود عساك غانم
.
.........****..........
..بيت خالد..
ابو صايل جالس بمكان جلستهم المعتادة داخل البيت وهو يحاول يكون طبيعي
سهام صبت كاسة الشاهي ومدتها له:تفضل
ابو صايل اخذ الكاسة من سهام:سلمتي،،رفع عينه لام صايل،،بشري يازهرة ردت عليك؟
ام صايل تنهدت:ردت اكيد ماتقدر تطول علي
ابو صايل اعتدل بجلسته:ايه؟
ام صايل زفرت:تسولف عادي لكن صوتها ماهو بعاجبني ابد
سهام وهي تحط الكاسة قبال ام صايل:انا اقول تروحون لها
ام صايل:مافيها كلام انا رايحة،،طالعت ابو صايل تنتظر رده،،
ابو صايل:بنروح باْذن الله انا بس تركتها امس تعدل وأنتم تدرون بعداري وزعلها
ام صايل وقفت:انا ببات عندها الليلة،،مشت،،
ابو صايل زفر بضيق
سهام طالعته وهي تتاكد ان ام صايل ابتعدت:حبيبي لازم تتحمل شوي زعلها انت غلطت عليها بعد
ابو صايل:عارف وهذا اللي مضايقتي اكثر ظلمتها وهي ماعمرها غلطت بحقي
.
..بيت فاهد..
يوسف جالس قبال الفطور وهو مغمض عيونه ماسك اللقمة بيده وفاتح فمه شوي
فاهد جالس قباله متربع طالعه بتكشيرة وهو يصحيه للمرة الألف اخذ زيتونة وهو يحذفه فيها
يوسف ضربته الزيتونة بأنفه كشر بوجهه:اريح عـيـونـي يبه ماني براقد
فاهد اتسعت عيونه:صحيح!!!،،اعتدل بجلسته وهو يجلس على ركبه ويمسك يد يوسف اللي فيها اللقمة ويدخلها بفم يوسف بقوة،،نص ساعة والخبزة بيدك يبست!!
يوسف مافتح عيونه ويأكل وهو مكشر وبنرفزة:اريح اريح!!البارح سهران اقضي شغلي اللي مايقضي!!
فاهد طالعه بتكشيرة وهو يطالع شعره الأشقر اللي بدا يطرد صبغته السودا وبحدة:راع لك صرفة بشعرك ذا توجس تيسن مجبوع(شعره لونين)
يوسف تنهد وهو يفتح عيونه:وش تريد اعمل!!مل اسبوعين وانا اصبغه
فاهد بحدة:وش موزمك(حادك)عليه!
يوسف:لاغديت يم الديرة كل ابوهم يتهولون بي لاارعوني كذيا!!
فاهد:يعني محدن يتهول بك ابدن وشعرك اسود؟!!
يوسف:الا مير اهون من هالشقار
فاهد زفر:يوسف
يوسف:سم يبه
فاهد:كب عنك هالخثاريد وانت هو انت اسود احمر اطخم انت هو انت يوسف مايتبعك شين وانا ابوك
يوسف:ان شاء الله يبه ابشر
فاهد وهو ياخذ لقمة:افطر افطر وعلمني عينت شي؟
يوسف قطب جبينه باستغراب:وش!!
فاهد:ودي خيّك؟
يوسف ابتسم:اوجسه من اول انك عانين هاللون!!
فاهد قطب جبينه:وشو!!
يوسف ابتسم:ابدن مولم الفطور وارقد شوين لامني اولمه وثمن خنفرت علي اثاريك رايدن شين غير يوسف الضعيف اللي محدن يمّه!!
فاهد يسمعه وهو مميل فمه وسط تكشيرة واول ماخلص كلامه:قضيت؟
يوسف:هو به وجسن مير اني اكبه لروحي احسن
فاهد:ازين ماعملت وثمن كب عنك هالتحومس(يدور حنان)وعلمني
يوسف زفر وهو يتكتف وفتح فمه:اااه
فاهد قطب جبينه وسط تكشيرة
يوسف اتسعت عيونه:لقمة!!
فاهد بحدة:استح على وجهك!!
يوسف فك تكتيفته وهو يمد يده:اجل مابه علوم
فاهد سحب الخبز بسرعة واخذ لقمة وهو يمدها له وسط غليانه اللي واضح على وجهه
يوسف بلع ريقه وهو يطالعه
فاهد بحدة:علامك!!،،مدها اكثر،،هاك!!
يوسف قرب له بشويش واكلها
فاهد:اوجس اوحيك
يوسف:مامن علوم
فاهد بتكشيرة:وشو؟!!
يوسف:اتصلت به ومقفول
فاهد عض شفته بغبنة وهو يكتم غيظه:طسّ عني لاارعيك
يوسف فز واقف:ابشر يبه ابشر،،مشى،،
.
..بيت عادل..
،،جناح غازي،،
عذاري متكورة على نفسها بالسرير تحت لحافها وهي تبلع غصتها من الوجع اللي تحسه طالعت جوالها وهي تشوف عدد اتصالات امها وابوها كشرت بضيق زادها هم وبنفسها:مااتصل يتطمن حتى!!،،زفرت وهي تطالع المكالمة اخذت نفس وهي تحاول تتحكم بنبرة صوتها،،هلا يمه
ام صايل:كيفك الحين؟
عذاري ابتسمت:من اول مافيني شي يمه!!والحمدلله الف طيبة الحمدلله
ام صايل:تكذبين عالكل الا امك!!
عذاري خانتها عبرتها وبكت
ام صايل قطبت جبينها بشك:عذاري؟
عذاري وهي تبلع ريقها:معك يمه معك
ام صايل بخوف:عذاري يمه لاتخوفيني
عذاري زادت دموعها وهي تاخذ نفس:يمه مافيني شي والله ارتاحي
ام صايل تاكدت شكوكها بهاللحظة:زين انتبهي على نفسك يمّه
عذاري ابتسمت وهي فاهمة امها:يمه
ام صايل:ياعينها
عذاري:لاتخافين مافيني شي ارتاحي
ام صايل:ان شاء الله ان شاء الله،،قفلت وهي تاخذ عبايتها وتنزل الدرج بسرعة وبدموع وهي توقف قبالهم،،خالد يالله ياخالد عذاري فيها شي مشينا لها بسرعة مشينا
.
..الفندق..
جواد فتح الابجورة وهو مقطب جبينه تلتفت حوله وهو يشوف الدنيا ظلام بصوت هادي:كم نمنا!!،،سحب الريموت وهو يفتح انوار الجناح جلس والتفت لها وهو يطالعها نايمة قريب منه ابتسم وهو يفهم خوفها ارتفعت حواجبه وهو يطالع الاكل اللي عالطاولة وقف واتجه له وقطب جبينه وهو يطالع كمية الاكل اللي واضح مو لشخص واحد بس عالاقل يكفي خمس اشخاص زفر وهو يكشر ويلتفت لها يطالعها وبنفسه،،ولاتصحيني!!،،رجع طريقه وهو يتمدد عالسرير ويقفل الابجورة وسحب جواله وقرب منها وهو يرفع اضاءة جواله ويهمس لها،،رهايف رهايف
رهايف كشرت وهي تدفن نفسها باللحاف
جواد بهمس:ترا فيه شي يتحرك عند رجولي
رهايف فزت واقفة وجرت عالسرير وتعثرت من طرف اللحاف وطاحت على وجهها من فوق السرير
جواد فز وراها بصدمة:رهايف!!
.
.........****..........
.
راشد يمشي جنبها رغم المسافة الفاصلة البسيطة جدا بينهم بتكشيرة مرتسمة على وجهه وهو متكتف
هيفاء بيدها الخطام وبنهايته مربوطة عتقى تمشي جنبه ميلت فمها وهي تطالعه وتركت الخطام وهي تقرب جنبه اكثر وتحتضن ذراعه
راشد وهو متكتف للحين وبزعله:شبعتي من عتقى؟
هيفاء:علامك علي!!ادناة الدون تغيظك علي!!
راشد:اللي اعرفه الزوجة تصبح على زوجها ببوسة
هيفاء تغير وجهها وهي تلتف حولها
راشد مكمل:حضن مخلوط بغزل والله عالغزل ياشيخ يضيع يضيع يابنتي اقلها ابتسامة اضعف الإيمان ابتسامة
هيفاء بهمس:اقصر حسك فضحتنا ترانا بين ضلعان يسري الصوت!!
راشد التفت لها وهو يوقف:ليش!!تخافين يسمعنا عمك!!
هيفاء وهي تضربه بخفة على يده اللي ماسكتها:راشد!!
راشد فك يديه:خليه يسمعني خليه!!خليه يشوف الحرمان اللي انا فيه حتى الكلام محروم منه!!
هيفاء زفرت:طيب طيب على ماتريد
راشد بزعل:لاتصرفيني!!اجل فيه احد يصبح بوجه حبيبه وهو يقول شاقتني عتقى!!ليتني عتقى ياشيخة!!
هيفاء ضحكت وهي تطالعه
راشد كشر:مبسوطة!!،،مشى،،ايه وش عليك ماتحسين انتي ماتحسين ابد الا اذا تكلمت عليك!!
هيفاء لحقته وهي تمسك كف يمينه بيمينها:ياربي منك زعول زعول تغتاظ من كل شين!!
راشد:ايه اغتاظ اجل الناقة ذي أغلى مني!!
هيفاء:راشد ماهو بهاللون!!
راشد:الا والله هاللون!!لكن ياانا يا هالناقة!!
هيفاء شهقت وهي تتركه وتوقف:لا عز الله ماانت بصويحي!!تحط نقرك من نقرها!!
راشد اللي تقدم كم خطوة التفت يطالعها بتكشيرته:والله اللي صحاك الشوق لها ماهي بهينة بكرة تاخذين عفشك وبزري وتسكنين عندها وتتركيني ولاعليك مني!!
هيفاء رمشت وهي تطالعه بصدمة من كلامه:توجسه صحيح!!
راشد:اَي والله!!
هيفاء بزعل:افا واشيب حالي كود تراعيني بهاللون!!
راشد قطب جبينه
هيفاء:والله والله وان مااوجست والله اني لاأذكيها لعويناتك ياعلك سالم
راشد ارتسمت ابتسامة للحظة وأخفاها وهو يتكتف:من جدك ولا تسكتيني بس؟
هيفاء بزعل:هماني اوجست يمك من اول انت أبدى منها!!وشلون توجس هالعلم اللي ماله سنع!!
راشد:اشوفك طايرة فيها اربع وعشرين ساعة ماكنتي كذا والحين من جينا الديرة بزيادة!!
هيفاء:مير انك خابرن العلم وتوجس هالطواري!!،،لفت عنه ورجعت طريقها باتجاه البيت،،
راشد اسرع بخطواته لها وحاوط خصرها من وراها
هيفاء وقفت وبتكشيرة وهي تضرب يديه:كبني عنك
راشد تكى بطرف دقنه على كتفها:هيفاء
هيفاء بزعل:مااخبر احدن بهالزهمة(بهالنداء)
راشد بدلعه عليها:هيفااااء
هيفاء بزعل:غدت يم عتقى
راشد ضحك بخفة:وتلوميني فيك!!
هيفاء وهي تفك يديه عنها:مير هذا انت اتضحك عـلـي دايم مير كبني
راشد:لانك سعادتي والسعيد طول وقته يضحك!!
هيفاء:ايه ايه تضحك علي مثل دايم هذا انت!!
راشد تركها وهو يمسك يدها:وش تبيني اسوي طايرة طايرة بعتقى
هيفاء:وثمن ياراشد وثمن؟
راشد سكت
هيفاء:ارعيت!!ماحولك علمن يواجه!!ناقة ناقة وش هالعلوم ياراشد وشهي!!
راشد:انا اسف اخر مرة بس ترا غصب عني اهتمامك كله هناك ياهيفاء شوي لي راضي بربع اهتمامك فيها والله راضي
هيفاء زفرت وهي تحاوط وسطه:والله والله اني اذل عليك أزود من روحي مير انت ماتراعيه ابدن ابدن
راشد تنهد وهو يضمها له:ربي لايحرمني منك ياروح راشد ادري والله ادري بس قلبي يموت لو يشوف حبك لغيري
هيفاء ضمته:ويخليك لي مير كب هالعلوم عنك وانت راعي هالقليب ومنية عـيـنـي
راشد باسها على جبينها وعينه عالناقة بحقد:انا بروح للمستشفى تبين شي؟
هيفاء تركته
راشد رسم ابتسامة على وجهه
هيفاء:اصبر كبني أولم القهوة والفطور
راشد مايحتاج مايحتاج انتي تبين شي بس؟
.
..المستشفى..
غازي يمشي بالمستشفى ويده بيد امه بابتسامة ويده الثانية سلة القهوة والشاهي ترك يد امه وهو يدخل يده بجيبه ويخرج جواله رفعه وهو يطالع الشاشة اللي ضوت باسمها رد براحة:هلا والله
عذاري ببحة صوتها:غازي
غازي تغير وجهه وهو يحاول يكون طبيعي:هلا عذاري وشلونك؟
عذاري برجفة صوت واضحة:غازي تعال بسرعة ياغازي والله ماعاد اقدر أتحمل اكثر
غازي وقف:خير وش صاير!!
ام غازي التفتت له باستغراب
عذاري:لاتطول اكثر بموت من الوجع
غازي:خلي عمي يوديك وانا طالع لك الحين
عذاري:ماابي
غازي بحدة:مو وقت عنادك عذاري!!
عذاري؛انت ولا اموت ياغازي
غازي:موتي ياعذاري موتي،،قفل بوجهها،،
ام غازي اتسعت عيونها وهي تسمع اخر كلامه وبعصبية:انهبلت!!
غازي باس راس امه:يمه عذاري حامل والظاهر فيه شي صاير لازم اروح الحين
ام غازي بعصبية:وللحين واقف!!رح!!
غازي نزل السلة وجرى وهو يترك امه وراه
ام غازي بقلق:الله يستر عليكم يايمه الله يستر
.
،،غرفة جسّار،،
جسّار طول هاليومين يصحى كم دقيقة ويرجع يكمل نومته وهالشي طبيعي من تأثير الأدوية عليه
بخوت جالسة عالكرسي جنبه وهي تطالعه كل بعد فترة تتاكد انه بخير
ام غازي دقت الباب ودخلت:السلام عليكم
بخوت وقفت بابتسامة:وعليكم السلام والرحمة حياك ياعمة هـلا ياهلا والله حياك الله
ام غازي نزلت السلة وسلمت على بخوت وبابتسامة وهي تتقدم له وتبوس جبينه بهدوء كعادتها زفرت وهي تطالعه للحظة ثم التفت لبخوت:ها يابنتي بشري؟
بخوت:للحين ياعمة راقد يصحى أعطيه ما ويعود يرقد
ام غازي:خير خير يجيب الله الخير مايجي منه خير اصبري يابنتي الصبر الصبر
بخوت زفرت بضيقة وهي تطالعه على سريره بهدوءه اللي ماتعودت عليه
.
<بجهة ثانية من المستشفى>
طلق واقف قبال باب غرفة الطوارئ العريض الخاص بالحالات الحرجة وهو متكي بظهره عالجدار ومثبت عيونه اللي مارمشت للحظة على هالباب وهو ينتظر
هليل يروح ويجي وهو يهمس:ياربي استرها يارب استر
ام هليل جالسة عالكرسي شادة على قبضتيها وهي تهل دموعها عالصامت وتدعي بينها وبين نفسها يسلم بنتها
ابو هليل جالس جنبها بوجهه المكتم ينطق بهمه وهو منزل راسه للارض
الدكتورة خرجت بوجه مقلوب ووراها ممرض
طلق اعتدل بوقفته وهو يطالعها بمكانه
هليل وقف قبالها وبرجى يخالطه أمل:ها بشرينا الله يبرد عليش
الدكتورة:عظم الله اجركم المريضة متوفية من فترة
طلق يحس بنفسه يدخل ويخرج بثقل شديد من هالخبر وماسمع ولا شي بعد(عظم الله اجركم)
هليل:كيف يعني!!هماك دكتورة!!،،بانفعال،،اقضي علينا وكل هالخثاريد!!
ام هليل انفجرت تبكي بصوت وهي تنوح على بنتها:اويل حالي عليش ليتني محلش اويلي عليش اويلي!!
الممرض وقف بين هليل والدكتورة:يااخوي الله يجبر قلوبكم لكن المريضة متوفية من قبل تجينا والحمدلله على حكمه
هليل بصراخ وهو يدف الممرض:لاتوجس على راسي اغد يمّها وشف شغلك ولا اعلمك وش تعمل!!اغد!!
ابو هليل اخذ نفس وهو يكتم عبرته ووقف وبحدة:هليل!!
هليل التفت لابوه بملامحه المحتدة
ابو هليل:خاف ربك بها!!تعذبها بهالسواة!!
هليل عض شفته بقهر من نفسه واللي يصير وخانته دموعه وهلت تبلل خدوده بهالموقف الصعب
ابو هليل التفت لام هليل وبحدته:اذكري ربش وادعي لها يامرة!!هاذي بنيتش ترضين لها هاللون!!
ام هليل وقفت واتجهت لطلق اللي مانطق حرف وقفت قباله وضربته كف بكل قوتها
ابو هليل اتسعت عيونه وصرخ:سعدية(معليش نسيت اسمها🌚💔)
هليل مسح دموعه وهو يمشي بخطواته لهم
طلق نزل راسه بهدوء
ابو هليل بحدة:احشمي عمرش يامرة!!
ام هليل:ذنب بنيتي برقبتك ياطلق برقبتك لامن تتبعها
هليل مسك امه من يدها يبعدها:ماهو بخطاه يمّه مكتوب مكتوب
ام هليل سحبت يدها وعينه عليه وبحسرتها:عجزت تغدي بها يمّنا!!يوم مابك خير ليش غديت يمّنا وخطبتها!!يومك ماانت بكفو الأمانة ليش تاخذها،،صرخت،،ليييششش!!
ابو هليل بحدة:خذ امك ياهليّل خذها لايغدي علمن مايسر
ام هليل:وش ضرك لو انك غديت بها يمّنا ولاكبيتها وراك وش نقص منك!!وشو!!
هليل سحب امه بالقوة وهو يبعدها عنه
طلق عض شفته وهو يبلع غصته
ابو هليل رفع يمينه وهو يحط يده على كتف طلق وبرجفة صوته:مأجور مأجور عظم الله اجرك ياولدي
طلق خانته عبرته ونزلت دمعته وهو يرفع عينه لعمه تأكد من اللي سمعه وهو يطالع عيونه الغرقانة دموع تأكد وهو يطالع تسليمه بالأمر ورضاه انحنى شبه جالس وهو يحط راسه بين يديه فعلا الدنيا قصيرة وشلون احلامه البسيطة انهدمت بلحظة كل مارسم حلم انهدم بطريقة اسرع من اللي بناه فيها عض شفته وهو يبكي حسرة على شامة وضناه اللي ماتهنى حتى بشوفته كيف ضاعوا منه بلحظة بدون سابق إنذار
ابو هليل:اغد ياولدي يم البيت اغد تريح شوين وانا اقضي عنك امورك هنيا
طلق برجفة صوت وهو منزل راسه مارفعه:وين اغدي به ياعم وين!!يم بيت شامة ومجلس شامة وريحة شامة وكل شين يوجس ياطلق شامة!!
.
يا عين هلي صافي الدمع هليـــــــــــه..
واليا انتهى صافيه هاتي سريبــــــــه..
يا عين شوفي زرع خلك وراعيــــــه..
شوفي معاويده وشوفي قليبـــــــــــه..
من أولن دايم لرايه نماليـــــــــــــــه..
واليوم جيتّهم علينا صعيـبــــــــــــــه..
.
.
<اللهم صل وسلم على نبينا محمد>
.
.


rwuiit28 06-06-2020 11:22 PM

رد: رواية ياسمح المحيا جر الهجـينية/بقلمي
 
،،الـجـزء الـثـمـانـيـن،،
استغفر الله العظيم واتوب اليه،،لااله الا انت سبحانك اني كنت من الظالمين
.
.
..بالسيارة..
غازي يشد عالدريكسون بيديه وهي ماترد عليه ابد اتصل مرة واثنين وثلاث ونفس الوضع ماترد زفر وهو يتصل:حي ذا الصوت
ابو صايل بابتسامة يسوق متجه لبيت عادل:الله يسلمه ويبقيه ياهلا ياهلا
غازي:وشلونكم ياعم؟وشلون عمتي عساها بخير؟
ابو صايل:بخير عساك بخير انت بشرني عنكم كيفه جسّار الحين عساه احسن؟
غازي:ماعليه الحمدلله ماعليه بس الأدوية مأثرة عليه شوي الدكتور يقول يومين ان شاء الله ويرجع طبيعي
ابو صايل:اجر وعافية اجر وعافية الله يقر عيونكم بسلامته
غازي:امين امين جزاك الله خير اقول ياعم بغيتك ولا عليك امر تمر عذاري
ابو صايل قطب جبينه:وهذا انا متجه لها عـسـى ماشر
غازي:تعبانة شوي ومو راضية تروح المستشفى الا اذا جيت وانت تدري بالطريق يبي له وقت وانا خايف لايصير لها شي
ابو صايل قاطعه وهو يوقف عند بيت عادل:لاتخاف ياولدي هذا حنا عندها ارتاح
ام صايل نزلت بسرعة
سهام نزلت واتجهت لبيت اهلها
غازي:اتعبتك ياعم اتعبتك معنا
ابو صايل:انتم عيالي ياولدي ماله داعي هالكلام
غازي:مسافة الطريق وان شاء الله عندكم
ابو صايل:على هونك وانتبه وانا اتصل بك ان شاء الله
غازي:مشكور ياعم مشكور ماتقصر
ابو صايل:فمان الله فمان الله
غازي قفل واتصل فيها عض طرف شفته بتوتر وهي ماترد واخيرا وصله ردها
عذاري بهمس:نعم
غازي اخذ نفس وهو يكتم غيظه:وينك عن جوالك ليش ماتردين!!
عذاري:وليش ارد مو تبيني اموت!!
غازي تنرفز لاقصى درجة:لا طيبة!!دام فيك حيل تجادلين!!
عذاري عضت شفتها وهي تحبس دموعها
غازي زفر:عذاري روحي مع عمي وبطلي عناد مو عشانك لحالك عشان اللي معك بعد مو انتي تبينه!!
عذاري بكت:خايفة ياغازي خايفة اروح ويقولون راح خلاص
غازي:واذا راح فدا راسك
عذاري ببكا:غازي
غازي:دامك طيبة كل شي ياعوض ياروحي ربك كريم اهم شي انك بخير والله يعوضنا ياعين غازي
عذاري:بس انا تعبت وانا انتظر ابيه ابيه
ام صايل دقت الباب:عذاري بنتي عذاري
عذاري سكتت
غازي:روحي واتركي العناد واللي مكتوب يصير بيصير والحمدلله على كل حال الحمدلله
.
.........****..........
،،الصيدلية،،
جواد واقف وهو ينتظر الصيدلي التفت يطالعها وهي متكتفة ومكشرة كتم ضحكته وهو يطالعها
رهايف بطرف انفها المجروح وشفتها المنفوخة وجنب اليسار المخدوش مكشرة ومتكتفة
جواد اخذ الدوا بعد ماحاسب عليه مد يده ليدها ومسكها وخرج من الصيدلية وهي وراه وهو كل شوي يزفر بصوت يكتم ضحكته
رهايف بزعلها وبشويش تتكلم وبحروف بالقوة تخرج:اضـدححـ.ـك وش رادّدك
جواد انفجر يضحك
رهايف سحبت يدها منه وهي تكمل طريقها بدونه
جواد لحقها وهو يمسك يدها:اول مرة تمر علي حالة مثلك
رهايف بتكشيرة وبنفسها وهي ماتقدر تتكلم:على اسمي رهيفة وجع!!
جواد:طيحة بسيطة جرحت لسانك ولازم غرز اجل لو تكعبلتي بالدرج وش صار!!
رهايف بعصبية وهي تسحب يدها:تفاول علي!!،،تغير وجهها وهي تحبس دموعها من المها،،
جواد بضحكة:بشويش بشويش لاينفتح جرحك ونبلش من جديد
رهايف طالعته وهي تكمل
جواد لحقها وحط يده على كتفها وهو جنبها وضمها وهو يكمل طريقه:بشويش بشويش لاتتكعبلين وتضرب أسنانك بالرصيف وتتكسر عاد وش يحلها وقتها والفتحة الفم الامامية اكبر من الجبهة،،انفجر يضحك،،
رهايف دفت يده وهي تطالعه يضحك
جواد بضحكة:ها ها انتبهي لاتتكلمين محد بيتوجع غيرك
رهايف اسرعت بخطواتها وهي تغلي
جواد لحقها وبضحكه اللي يحرقها:يابنت بشويش بشويش لاتطيحين بشويش
.
..المستشفى..
عذاري بيدها المغذي صادة بوجهها عن ابوها وامها ووجهها شاحب
ام صايل:الحمدلله على سلامتك يابنتي الحمدلله
ابو صايل بنرفزة:يوم تحسين الوجع ليه مااتصلتي اوديك ولا اقلها رحتي بنفسك لو صار لك شي ومحد درا عنك ها!!
عذاري:وش يهمك الحين يبه اهم شي ولدك
ابو صايل بحدة:عذاري!!
عذاري شدت يدها وهي تحبس دموعها
ام صايل طالعته:خالد!!
ابو صايل وقف وبحدة:تدرين اني ماقصدت ولحظة غضب وبالعكس اخاف عليك وانتي قطعة مني!!واخطيت واعتذرت بس راسك يابس وش تبين اكثر هاه وش تبين!!
عذاري ماردت
ابو صايل طالع ام صايل وهو يغلي:خليك معها الليلة ولاجا زوجها أخذتك ماله داعي تنغثين منها،،خرج،،
عذاري نزلت دموعها وهي تسمعه وطالعت امها:الحين انا غثيثة يمه!!
ام صايل سكتت ماردت
عذاري:قولي لي يمه صدق
ام صايل:ارتاحي الحين وبعدين خير
.
.........****..........
.
..بيت بادي..
،،العشّة الخارجية،،
بتال مسلطة عليه جميع أنواع النظرات بهاللحظة مابين عتاب وزعل وقهر وغيظ وحتى حنية تنهد وهو يستجمع شجاعته وبحدته:انا ماني بندمان عاللي سويته ابد
الجد بادي احتدت نظرته
ابو غازي عن يمينه وبحدة:اعقب وانا ولد ابوي!!
نشمي زفر وهو يرفع فنجاله يتقهوى بهدوء
الجد نشمي بحدة:عادل انكعم كبنا نوحي علمه!!
ابو غازي بحدته:وش علمه يبه هاه!!ماوراه غير انه يريدنا نقبل بفاهدن وحنا نتضحك!!
الجد بادي بحدة:معصي دام هذا علمه!!
الجد نشمي زفر بيأس من هالاثنين
الجد بادي بحدة وعينه على بتال:كودك تريد تواجهه اقطع طاريك من يمي اوحيت!!
ابو غازي صد وبغبنته:هاذي تاليتها نقبل به عقب شين فعوله!!
بتال:وانا من متى قلت اقبلوه!!
الجد بادي قطب جبينه
ابو غازي التفت له يطالعه بتكشيرته
الجد نشمي يطالعه بتقطيبة جبينه
بتال:عمري ماقلت سامحوه!!ولاعمري قلت سلموا عليه واحسبوه من اهلكم!!
ابو غازي بحدة:مهبول انت مهبول!!
بتال رفع صوته:بكامل عقلي بس انتم ماتسمعون لي ابد!!
ابو غازي صرخ:وهذا معنى كلامك!!وش فيك انت!!كل اللي تقوله هذا معناه!!
بتال رفع يديه:استغفر الله ماقلته ابد!!لاتقولني شي ماقلته يبه!!
الجد نشمي:وش عنيت يابتال اوجس نوحيك؟
بتال:انا ماني بلعبة عند احد ولاني بمستعد أضيق صدري وأكدر خاطري وانا رايح جاي بينكم احاول أراضي ذا وذا!!
ابو غازي بحدة:ووش تبي برضا فاهد يابتال!!
بتال:ابوي
ابو غازي انخطف وجهه وهو يطالعه
بتال زفر:ادري توجعك هالكلمة يبه لكن يظل ابوي ويحاول يمد حبال الوصل وانت تصده
ابو غازي عض شفته بقهر
بتال طالع جده:وانت ياجد تلوم فاهد وناسي وش سويت بي!!
الجد بادي احتدت نظرته
الجد نشمي بحدة:بتال!!
بتال طالع جده نشمي:وانت ياجد قولي وش اللي مااعرفه للحين بعد؟
الجد نشمي زفر:مابه شي
بتال ابتسم بسخرية:ااااه مثل سالفة عيال عبري اللي مافيه شي ابد!!
الجد نشمي كشر
بتال طالع خاله نشمي:انت اخر واحد أسأله هالسؤال ياخال وتكفى طلبتك لاتكذب علي
نشمي طالعه بجدية
بتال:فيه شي مااعرفه؟باقي شي ماادري عنه؟
نشمي:اقصاها يابتال عيال عبري وهذا هو فاهد سعى وحل الموضوع
بتال التفت ومرر نظره بين ابوه وجده:يشهد الله علي ماابي منك توصلونه ابد ولا ابي منكم تعزونه وتحسبونه منكم اللي ابيه وانا جالس وهو موجود احترام بس احترام ماابي محبة ابد،،وقف،،لاقبلتوا باللي قلته حياكم غيره انا للحين عند كلامي!!،،لف بيمشي،،
الجد بادي بحدة:والخوان وشلون نقدّره وهو خان!!
بتال التفت يطالع جده:تاب ياجد وجاك وهو راضي باللي ناوي تسويه فيه!!
الجد بادي:وش عقبه!!
بتال زفر والتفت يطالع ابوه وهو يسمع جوابه الشعري
ابو غازي:
من تقنع النفس قنعت لو تعاتبها..
ماعاد ترجع كما الاول على العادة..
شين بلا شفّها ماعاد يطربها..
اذا انكفت مالها في تركها راده..
نفسي على ماكرهت ماني بغاصبها..
ماهي على المخادعة والشين معتادة..
من تلدغ اليد في الحفرة عقاربها..
ماتردّها ثانية والعقرب اسدادة!!..
بتال بضيق ارتسم بوضوح على وجهه:صعب يبه بالحيل صعب؟
ابو غازي يطالعه بحدة وهو ساكت مكتفي بردّه اللي قاله
بتال برجفة صوته:اجل وادعتكم الله من اكبركم لاصغركم
الجد نشمي:بتاااال!!
بتال:وجع سنين ولا وجع كل لحظة طول عمري ياجد،،مشى وتركهم وراه،،
.
،،بـعـد اربـع ايـام،،
.........****..........
يوم جديد
.........****..........
.
..المستشفى..
جسّار شبه جالس ساند ظهره عالسرير وهو يطالعهم بابتسامة
سعود بابتسامة:لا ماشاء الله اليوم وجهك منور احسن من الأيام اللي غدت
حلايا واقفة جنب سعود وهي تطالعه بهدوء
جسّار بصوت هادي وسط ابتسامته:ادري ادري اني صاير مضيء للحد الذي لايُرى
بتال قباله بلبس دوامه متكي ظهره عالجدار ومتكتف:ليه يالحبيب كشّاف ملعب!!
راشد انفجر يضحك
جسّار كشر بوجهه:انت ماترحم لا بسراء ولا بضراء!!
بتال رفع أكتافه لفوق:ارحم اللي يستاهلون الرحمة
جسّار زفر وهو ارتفع ضغطه منه
سعود طالع بتال:كب جسار علامك عليه اغد وحط قنقك باللي انت خابر!!
بتال بوسع عيونه:وانا قلت شي!!
جسّار قطب جبينه:وش صاير؟
راشد بحماس:فاااااتك بتال رمى خالي وجداني بالسجن
جسّار اتسعت عيونه وهو يفز بجلسته ناشئ وضعه مسك جرحه بألم وزفر بصوت
بتال تقدم له بسرعة وهو يرفع عينه على راشد بحدة
راشد:وش دراني بيتحمس!!
بتال مسكه من يده بيمينه ويساره ورا ظهر جسار وهو يرجعه لورا بشويش:شوي شوي خذ نفس
جسّار:ورا ماتشيل جبسك عن ظهري كسرت عامودي الفقري
سعود ابتسم وهو يطالع مناقرتهم
جسّار:وادري مايحتاج تقول!!
بتال شال يساره عن جسار وبتكشيرة:ويومك تدري تبي ترجع للعمليات من جديد!!
جسّار سند ظهره عالسرير وبأنفاس هادية:وش اللي يقوله راشد من جده ولا يمزح علي!!
بتال زفر:بعدين الحين ارتاح ووراك تحقيق اول ماتخف
جسّار تغير وجهه وبحقد:خل يجون انا جاهز
بتال:ارتاح اول
جسّار:مرتاح يابتال خل يجون
بتال رفع يمينه لوجه جسار بسرعة وضم أصبعيه الوسطى والسبابة وهو يطلق الوسطى بقوة ويضرب جبهة جسار
جسّار غمض وهو يمسك جبهته:اااه
بتال:ارتاح اول وبعده يصير خير،،مشى،،
حلايا وقفت بطريقه قبل يخرج
بتال طالعها:فصعونة وش تبين
حلايا بتهديد:اخر مرة تضرب زسار
جسّار اتسعت عيونه باستغراب وهو يطالعها تهدده بس
بتال ابتسم:افا افا يعني الحين هو بس اللي تحبينه!!
حلايا ميلت فمها بحيرة
بتال:وش تبين هالمرة قولي؟
سعود:بتااال!!لاتعدمها علينا!!
حلايا طالعت سعود:اوص
سعود اتسعت عيونه
راشد ضحك:والله وطاح كرتك ياسعود!!
بتال انحنى شبه جالس قبالها:هاه وش تبين امري
حلايا همست له باذنه
بتال طالعها:بــس!!ابشري الليلة عندك
حلايا ابتسمت وهي ترجع جنب سعود
بتال:عاد استأذنكم وراي دوام
سعود:اجيك الليلة؟
بتال وهو خارج:بكيفك سلام
جسّار مرر نظره بين سعود وراشد:وش فيه؟وش صاير؟
راشد زفر:وش اللي مو صاير ياجسار اخر شي تتوقعه بحياتك
سعود طالع راشد:ترا حاله ياراشد ماهي بانقص منهم!!
راشد:داري والله وواضح عليه ماالومه ياسعود
جسّار بنرفزة:وبعدين معكم!!احد يقول لي وش صاير!!
حلايا واقفة جنب سريره:زسار
جسّار طالعها ابتسم وهو يخفي عصبيته:عـيـونـي امري
حلايا مسكت يده وبخوف:لاتخنفر اذّل عليك
.
..بيت طلق..
ام طلق فتحت الباب ودخلت بخطوات سريعة وهي تدور عليه فقدته من البارح من انتهى العزا ماشافته وسألت عنه اخوانه ماشافوه دارت البيت ووقفت قبال غرفة النوم بتردد فتحت الباب:طلق
طلق متمدد على السرير بثوب العزا اللي امس ومتلثم بشماغه نايم
ام طلق تنهدت براحة ومشت له ووقفت عنده وهي تنحني تصحيه:طلق يمّه ياطلق
طلق مارد
ام طلق فكت شماغه عن وجهه وخنقتها عبرتها وهي تطالع وجهه اللي اقرب للسواد انحنت وباست جبينه وهمست:الله يجبر قليبك وانا امك الله يجبره،،مشت،،
طلق عض شفته يكتم عبرته وهو يغمض عيونه بقوة
ام طلق قفلت الباب
طلق سحب المخدة وهو يغطي وجهه يكتم صوت بكاه اللي ماهدا من البارح
.
هليل يتمشى بالقرية يغير جو الحزن اللي خنقه بالبيت وبكل مكان حتى نفسه ويحاول ينسى شوي لكن اللي يصير معه يضيق صدره اكثر كل خطوة يخطيها يتذكر شامة وزعلها منه قبل موتها ماتت وهي زعلانة منه وقف بمكانه وانحنى شبه جالس انفجر يبكي عليها
الجد بادي راجع من الحلال يمشي بعد ماطلب من نشمي يوقف له على مدخل الديرة وهو يكمل طريقه للبيت مشي وبيده عليك موية صغيرة فيها حليب من الغنم وقف وراه وهو يطالعه زفر وتقدم هالخطوة ووقف جنبه وهو ينحني شبه راكع ويحط علبة الحليب جنبه
هليل طالع العلبة ورفع عينه له يطالعه
الجد بادي زفر بصوت وهو يعتدل بوقفته ويكمل طريقه
هليل برجفة صوته وسط دموعه:يوجسون بنيتك توفت وهي مغتاظة منك ياجد بادي صحيح هالوجس؟
الجد بادي وقف بدون لايلتفت له
هليل بدموعه:وشلون ياجد وشلون يصبح صبحك ويمسي ليلك وانت تخبر هاللون؟وشلون قلبك تصبر على هالعلم وشلون!!
الجد بادي زفر وهو يبلع غصته:اللوم ياهليّل اللوم
هليل بلع ريقه وهو يبلع غصته معه
الجد بادي تنهد:ماظليت حي لليوم لولا الملامة ولا كودني فطست من الغبينة وراها من الاول،،مشى،،
هليل هلت دموعه وبصوته المنتحب:مير من الوم من هو اللي ألومه مابه غيري يلام ياجد مابه غيري!!
الجد بادي تنهد وبنفسه:مير الملامة لاابطت تعدم الخير اللي لافين وراها ياهليّل
.
.........****..........
..بيت عادل..
،،جناح غازي،،
غازي فاتح الشنطة وحاطها عالسرير وهو يخرج ملابس لها ويحطها
عذاري خرجت من الحمام عقدت حواجبها وهي تطالعه قبالها وبينهم السرير:خير!!
غازي:الخير وجهك ارتاحي وانا اجهز اللي تبين
عذاري اتسعت عيونها:نعم!!،،اسرعت بخطواتها له،،
غازي:شوي شوي!!
عذاري وقفت جنبه وهي تطالعه:ليش!!
غازي وهو يمسكها من يديها يجلسها:اجلسي طيب
عذاري دفت يديه:جاوبني؟!
غازي:زفر وهو يخرج من ملابسها:عشان ترتاحين عند عمي
عذاري اتسعت عيونها؛لا والله!!،،انحنت وهي تسحب ملابسها من الشنطة وترميها بالدولاب بنرفزة،،
غازي كتم نرفزته:عذاري!!
عذاري:ماابي اروح عندهم ياغازي وانت تدري برايي من البداية!!
غازي انحنى وهو يسحب الشنطة شوي عنه وجلس مكانها وهو يمسك عذاري ويجلسها جنبه
عذاري بنرفزة:لاتحاول معي ماابي
غازي زفر:عذاري سلمتي هالمرة وبأذنك سمعتي وش قالت لك الدكتورة مافيه مرة جاية الحرص واجب!!
عذاري:عشان كذا اقولك لا وبعدين انت معي!!
غازي:هي يومين بس بأروح اجيب امي وامجاد وراجع
عذاري:ايييه!!
غازي:والثاني اخذك فيه على بيتنا الجديد
عذاري ابتسمت:صدق!!
غازي زفر:عاد بعد اللي صار لازم راحة ومافيه درج مجبور وش اسوي
عذاري كشرت:بس ماابي اروح عندهم ياغازي
غازي:كنت أتمنى اسمعها والحين يوم اسمعها ماابيها!!
عذاري اتسعت عيونها:نعمممم!!!
غازي ضحك:ليش أكذب!!طفشت وانا رايح جاي اوديك واجيبك
عذاري صدت وهي مكشرة:مشكور ماتقصر مشكور
غازي مد يده لوجهها بابتسامة وهو يلف وجهها له وماسك وجهها:يمّه يالنفيسة اللي عندك يارب ماتنتقل بالوراثة بس
عذاري ضربت يده بزعل
غازي ضحك:عذاري صح اني طفشت شوي لكن مستحيل اردك وانا ادري بعمتي ووضعها ولأجل عين تكرم مدينة
عذاري ابتسمت وهي تتكتف وبشوفة نفس:ايه الله يخلي لك هالعين
غازي قفل قبضة يمينه ماعدا سبابته وهو يمدها لجبهة عذاري ويدفها بشويش:يالله يالعين اخلصي أبوديك وراي خط
عذاري كشرت ماتبي تروح
غازي:يالله يالله بدون اعتراضات قومي يالله
.
،،المطعم،،
جواد يطالعها بحقد:الحين طالبة كل ذا وانتي ماتقدرين تاكلين ليش!!سرف!!
رهايف وهي متكية باكواعه عالطاولة وسانده فكها على كفوفها وراسمة بابتسامة وبشويش:انا خفيت الحمدلله!!
جواد بتكشيرة:ايه بس اللي طالبته ماراح تقدرين عليه بيوجعك!!
رهايف:يكفي أمتع نظري بشوفتك وانت تستلذ
جواد زفر:اصبر أيوب
رهايف وهي تاخذ من الاكل بشوكتها وترفع له:اااه
جواد اكل بوسط تكشيرة
رهايف اتسعت عيونها:حرام عليك!!نعمة شيل التكشيرة احترمها!!
جواد رسم ابتسامة غصب وهو يمضغ
رهايف بابتسامة:حبيبي انت
جواد قطب جبينه يتصنع الحزن:تدرين عاد ماتهنى لي لقمة وانتي بهالحالة
رهايف كشرت:كذاب لك يومين تبلع وتطقطق علي!!
جواد بتطنيش لكلامها:عاد مايصير اكل واترك كذا!!
رهايف رجعت بظهرها لورا عالكرسي وبشك:وش بتسوي!!
جواد بابتسامة:امضغ لـك
رهايف طلعت روحها وهي تتخيل
جواد كتم ضحكته وهذا اللي يبيه:يعني احنا سول ميت عادي الوضع بالعكس هذا قمة الحب والوفاء
رهايف وهي تحس بغثيان:جواد اسكت الله يعافيك
جواد وهو ياخذ بالشوكة كذا قطعة من الدجاج اللي قدامه ويفتح فمه لأوسع شي وحطها بفمه
رهايف:جواد اكرم النعمة!!
جواد بفمه المليان:ماي لڤ ماي سول ميت!!
رهايف بنرفزة:اذا صادق جوّع نفسك مو تطلب اللي احبه قاصد!!
جواد بلع اللقمة وتغير وجهه وهي وقفت بحلقه
رهايف انخطف وجهها وهي تعطيه عصيرها
جواد شرب وزفر بعد مانزلت لقمته
جواد طالعها:ذنبك
رهايف بغرور:الحمدلله عشان تتأدب معي
جواد ارتفع حاجبه:نعم!!
رهايف وهي حست جابت العيد:لا مو قصدي يعني اقصد
جواد قاطعها:وش قلتي؟اللقمة اثرت علي
رهايف سحبت كليتها وهي تشفط العصير من المصاصة مرة وحدة وتركتها وهي تغطي فمها بيديها بوجع
جواد ابتسم وهو يوقف:مشينا بس اشتري لك غيره برا
.
.........****..........
ام جـلاجـل
.
هليل يمشي متجه لبيتهم مر من قبال بيت الشيخ والتفت للسيارة وهو يطالعه كمل طريقه وهو يوقف عنده:السلام عليكم ياعم
مناور واقف عند السيارة يصلحها اعتدل وهو يلتفت له ابتسم:وعليكم السلام والرحمة هلا ياهليّل ياهلا يسرني عنكم وشلون ابيك واميمتك اليوم؟
هليل زفر:الحمدلله الحمدلله
مناور:الله يجبر مصابهم الله يجبره
هليل:عـسـى ماشر ياعم ارعيك تولم بهالددسن؟
مناور ابتسم:اَي بالله غادين يم المحافظة اجيب غيث
هليل ابتسم:كبوه!!
مناور:الحمدلله سترها ربك
هليل وهو يحاول يطلع نفسه من جوه:تريح ياعم انا باغدي يمه
مناور:لا خلك عند امك وأبيك
هليل:ماني بمطولن ابدن ياعم كبني اعمل مااريد
مناور:هليل!!
هليل:تكفى ياعم
مناور زفر وهو يطالع اصراره مد له المفتاح
هليل:مالي به اغدي بسيارتي،،مشى بخطوات سريعة متجه لسيارته،،
.
..المستشفى..
بتال واقف برا غرفة جسار متكي بظهره عالجدار متكتف ينتظرها اعتدل بوقفته ونزل عينه عالارض وهو يسمع فتح الباب
ام غازي خرجت ابتسمت وهي تطالعه:بتال
بتال رفع عينه لها وابتسم وهو يمشي لها:ياعيون بتال،،انحنى وهو ياخذ السلة من يدها بيمينه،،
ام غازي بابتسامة:سلمت سلمت
بتال بضيق:خلاص بتروحون اليوم؟
ام غازي:ان شاء الله
بتال:ماشبعت منك يمّه تعالي بيتي الليلة
ام غازي:انا ببيتك!!
بتال كشر بوجهه:بيت جدي ماهو بيتي!!
ام غازي ابتسمت:يومك زعلان وقطعت علاقتك معهم وش له تقول له جد!!
بتال سكت
ام غازي:بتال
بتال:تكفين يمه قفلي الموضوع
ام غازي زفرت:الله يهدي النفوس ياعيني الله يهديها
،،خرجوا من المستشفى،،
بتال:يمه تعالي عندي
ام غازي:ان شاء الله مايصير خاطرك الا طيب
بتال ابتسم بوناسة:صدق!!
ام غازي بتتكلم والتفتت للصوت الحاد اللي وصلها
بتال زفر وهو يلتفت له
ابو غازي بحدة:وسمية!!وش فيك تاخرتي!!اخلصي علينا!!
بتال نزل السلة وباس راسها:اعذريني يمه مااقدر أوصلها عنك
ام غازي تنهدت:معذور ياعيني معذور
ابو غازي بحدة:اخلصي يامرة!!
بتال رفع كفها بيمينه وهو يبوسها:استودعتك الله الظاهر مالي نصيب بشوفتك قبل تسافرين
ام غازي انعصر قلبها عليه وحاوطته بحضنها
ابو غازي شهق:وسمية!!!!
ام غازي:استودعتك الله ياعيني انتبه على نفسك وتراني وصيت بخوت على مرق اللحم لك وعطيتها قيمة الذبيحة لاتترك منها ولا شي سمعت
بتال ضم امه بكل قوته لصدره وهو يستنشق بعمق ريحتها مايدري متى اللقى معها المرة الجاية
ام غازي تركته:فمان الله ياعيني فمان الله
بتال تركها وهو يطالعها بانكسار التقت نظراته بنظرات ابوه المحتدة وارتسمت على وجهه ملامحه المحتدة مثله بعناد ومشى
ابو غازي عض شفته بقهر منه وركب السيارة وهو يقفل الباب بكل قوته وبعصبية:لازم التأخير يعني لازم!!
.
..السيارة..
هليّل يسوق وهو ساكت
غيث يهمهم مبسوط زفر بصوت:ارعيت ارعيت!!هماني اوجست يمك مردها أتروع وتعود عن قنقها!!،،ضحك وهو يزفر نفس عميق من نشوة انتصاره اللي تحتويه بهاللحظة،،ايه ياغيث ايه صحيح وجسك يحصل!!،،التفت لهليل وهو يطالعه ساكت تنهد،،مأجور يااخوي مأجور عظم الله اجرك
هليل زفر:جزاك الله خير
غيث وهو يوجه نظره لقدام:ايه ياويل قليبي عليش ياشامة ايه
هليل كشر بوجهه
غيث بضيق:وش لش بطلق هذاش اخذتي ظلميته عنه واشيب عمري عليش!!
هليل عض شفته وهو يسترجع كل شي من البداية غيث وسالفته مع البير وسالفة بخوت وشهادة طلق وزعل شامة اللي كان هو السبب الرئيسي اللي زعل اخته عشانه
غيث:ياقلبي عليش مير الطاهر طاهر عسى روحش للجنة حسيبة الله ياطلق الظلوم حسيبك الله
هليل وقف السيارة على جنب الطريق
غيث قطب جبينه باستغراب:عـسـى ماشر!!
هليل وهو يغلي وبدون لايطالعه:اندر
غيث بصدمة؛هاه!!
هليل التفت له وصرخ:اندر ياغيث اندر
غيث كشر بوجهه:علامك!!
هليل بغيظه؛اندر لااقبرك ذالحين ياغيث اندر!!
غيث فتح الباب:هين ياهليّل هين!!،،نزل وقفل الباب بقوة وراه،،
هليل حرك وتركه بوسط هالصحرا لحاله
.
..المستشفى..
جسّار يتأمل بخوت اللي جالسة قباله وهي تأكله
بخوت انتبهت له
جسّار شال عينه وهو يرسم التعب على وجهه
بخوت زفرت وهي تنزل الملعقة:كل انت
جسّار كح وتوجع صدق
بخوت وهي تاخذ الملعقة وتاخذ من الشوربة وتمدها له وسط زفرتها:الكذب خياب راع كذبتك وش عملت بك
جسّار وهو يهدي صوته:تعبان يابخوت احسني دايخ
بخوت مد الملعقة له اكثر وهي تنتظره ياكل:بسم الله عليك بلكن من الدوا
جسّار:دواي معروف عند مين
بخوت ميلت فمها وهي فاهمة قصده وتطالع الاكل وهي تقلبه بالملعقة:لا الحمدلله عني انك ازين وياعله دايم
جسّار ابتسم وهو يطالعها
بخوت بتردد:جسّار
جسّار بابتسامته:عيونه
بخوت اخذت نفس ورفعت عينها له وبجدية:به علمن لابد تعلمه
جسّار قطب جبينه:اسلمي؟
بخوت:كبيت غيث يغدي
جسّار مو فاهم بالضبط قصدها وبشكه:كيف يعني؟
بخوت تركت الملعقة ورفعت عينها له:تنازلت عنه
جسّار بصدمة:عن مين!!
بخوت:عن غيث ياجسار عن غيث
جسّار بعصبية:ليش!!
بخوت مدت يدها له بتمسك كتفه:بالهون على روحك بالهون
جسّار ضرب يدها يدفها عنه بعصبيته؛اتركيني عنك الحين وجاوبيني ليش تنازلنا عنه ليش!!
بخوت نزلت يدها وضمتها وبهدوءها:راع وش غدا بك راع!!
جسّار بقهره:وش عليك مني!!
بخوت نزلت عينها وهمست:وشلون ماعلي منك!!
جسّار بصراخ:ليش تنازلتي ليش!!ماصدقنا نمسك عليه شي تضيعين تعبنا كله بلحظة خوف منك ليش ليش!!
بخوت رفعت عينها لها وسط نظرتها الحادة وبعصبية وسط صوتها اللي ارتفع:ايه أذل منه ايه!!تهددني وعمل تهديده وش تريدون مني احتريه!!تموتون إنظارتي(قدام عيني)واحدن ورا الثاني!!
جسّار بعصبيته:اجل خافي منه وسوي اللي يبيه!!تحسبين بيتركك بحالك!!
بخوت بثقة:مايقدر يتعرضني
جسّار:وواثقة!!وش سر هالثقة!!
بخوت:ماذل من الشرطة مير انه بيذل من المنقود ووجس الديرة يردّه
جسّار يطالعها بغبنته
بخوت:وبه علمن أبدى من هالعلم
جسّار بحدة:وش باقي بعد؟
بخوت:لاتشاويت(لاخفيت)وزانت امورك أريدك تحللني من حلّك
جسّار قطب جبينه:نعم
بخوت:طلقني ياجسار تطلقني
جسّار اتسعت عيونه بصدمة من طلبها:نعم!!!
.
..المركز..
هليل واقف قبال المركز يروح ويجي بتردد اخذ نفس وهو يهدي باله هذا الحل الوحيد قدامه حتى يسويه اتجه للمركز بخطوات ثابتة دخل اول مكتب قابله ووقف قبال الضابط:انا لافين اوجس علمن داسّه(مخفيه)من سنين
الضابط طالعه باستغراب:الأمور ماتمشي كذا صبر اخوي انتظر مثل الباقين الى مايجي دورك
هليل بعصبية:مابي صبر غادين اوجس يمك علمن يروع كبني اوجسه قبل أهون
.
.........****..........
الليل
.........****..........
.
..بيت غيث..
هدية بوجهها الشاحب تكنس البيت النظيف من اساسه من قهرها من درت بالخبر عضت شفتها وهي تكتم عبرتها كانت مستعدة تنتظره وتبدا معه حياة جديدة وهو نظيف تبي حياة كلها حلال وخير لكن خابت ظنونها من عرفت بخرجته من السجن اعتدلت بوقفتها وهي تسمع صوت عند الباب قطبت جبينها وهي تتجه له:مـن؟
غيث:علامش موصدة الباب بالحيل!!
هدية قشعر جسمها من وصلها صوته وبلعت ريقها
غيث:فكي لي رجلش!!من غيره!!
هدية لفت عن الباب وجرت لغرفتها
غيث ضرب عالباب بقوة ومن بين اسنانه:فكي ياهدية ازين لش
هدية رجعت للباب بخطوات سريعة وقفت ورا الباب وهي ترتب شكلها اخذت نفس وهي تفتح الباب وزغرطت:ياحيّه ياحيّه
غيث ارتفع حاجبه وهو مميل فمه بابتسامة جانبية وزفر بسخرية وهو يدخل والتفت لها قباله يطالعها
هدية وهي ترد الباب بتقفله:مبروك مبروك ياعله،،انقطع كلامها وشهقت وهي تحس بسحبته،،
غيث مسكها من طرف كوعها وسحبها بقوة له ومن بين اسنانه بابتسامة:لفاش موتش ياهدية لفاش انا تغدرين بي انا!!
هدية وهي تطالعه بحدة:كود ماارعيت الخطا افك عويناتك وادعيا تراعيه
غيث ضحك:وانا بفكك لش عظامش على سواد وجهش
هدية ابتسمت وهي تنتفض من الخوف:ماتحرز تعمل بي شين ابدن ياغيث
غيث احتدت نظرته وهو يسمع كلامها اللي عكس خوفها اللي ينطق به جسمها بيده:وليش مااحرز عليه!!
هدية دفت يده وهي تنزل يدها وطاح خنجرها بكفها وبحدة:عليم الله لاأوسمك قبل تنوشني
غيث ضحك:ماانتي بهينة يابنت الـعـم
هدية تطالعه بحدة
غيث مد يديه ومسكها وهو يسحبها بقوة له وسط ابتسامته:ابشري الفيش بجميلش مرتن وحدة
هدية رجفت برعب وسط عيونها اللي غرقت بدموعها وهي تطالع عيونه
مناور دخل وصرخ بحدة:غيث!!
غيث التفت له وهدية بين يديه
مناور بحدة:كبها!!
غيث:وليش اوحي لك علم وانت غادين معها!!
مناور كشر بوجهه:اعقب!!
غيث تركها من جهة وظل ماسكها من يمينها وهو يطالع ابوه:ليش أكبها!!كود توسدت وسادتي تغدي يمي وتذبحني!!لاااا انا اخبر وشلون اعمل أموري!!
مناور مشى له بسرعة وهو يسحب هدية من يده بقوة ويرجعها وراه وبحدة:انخبلت!!وش ذبحته!!ماانت بصاحي عاثت علومك وانت بالسجن
غيث:ايه تعوث يبه تعوث دام ابوي هو اللي غادين بمرتي اللي تشهد علي!!
هدية بعصبية:ايه انا اللي دليتهم يمك كودك على باطل نوعيك
غيث مد يده يحاول يمسكها وهو ناوي يضربها:انا اعلمش وشلون تقدرين رجلش
مناور دفه بقوة لبعيد وبحدة:بالاول علم روحك وشلون تقدر ابوك!!!
غيث طالعه:ابوي ماحشمني كود احشمه!!
مناور اتسعت عيونه:وشو!!
غيث:مامن حشيمة للي مايحشمنا ياشيخ!!
مناور بعصبية:اغد برا البيت برررااا
غيث زفر بضحكة:بيتي!!وشلون تقلعني منه!!
مناور:ماهو ببيتك تعقب بيتها
غيث بتكشيرته:وشو!!
مناور:وماتطبه وهي ماكبتك تغدي يمه
هدية:برا اغد برا بيتي برا
غيث بابتسامة:هين ياهدية هين مردي اعود ومحدن يمش واعلمش من هو غيث اعلمش،،خرج،،
.
..بيت بتال الجديد..
،،البيت عبارة عن غرفة صغيرة لها باب تفتح على ممر نهايته مطبخ صغير وهالبيت له بابين باب الدخول للبيت وقباله تماما باب يخرجك لبرا البيت وتلاقي الحمام متصل بالبيت لكن بابه من ورا البيت يعني لازم تخرج من البيت حتى تروح له وبتّال بحكم مافيه مكان للجلسة ضبط مشب صغير وجلسة بسيطة برا البيت من جهة باب الدخول،،
غازي اللي اول مرة يشوف بيته الجديد يطالعه بضحكة:عساك مبسوط بعنادك؟
بتال طالعه بتكشيرة:ايه مبسوط اذا عنادي على حق مبسوط،،صد عنه،،
سعود:غازي كبّه يسده مابه
بتال:ليش وش فيني!!مافيني الا العافية الحمدلله!!
غازي وهو يتلفت ويطالع الدنيا حوله ظلام وخلا مافيه احد قريب منه ابد ضحك وهو يطالعه:والله هذا سوء المنقلب!!
بتال كشر
سعود شهق:غازي علامك غادين يمّه تزيده!!
غازي:والله ماهو بنيتي شي!!لكن هذا الحقيقة المرة!!
بتال:كيفي والله المكان ويازينه اهيجن متى ماابي العب سوني واصارخ على كيفي مافيه احد يستقعد لي والامور على الـكـيـف
غازي قطب جبينه وهو مميل فمه بعدم رضا:كيف حالك يابتال؟
بتال يطالعه باستغراب:وش كيف حالي!!الحمدلله طيب!!
غازي يطالعه ساكت
بتال زفر وهو من البداية فاهمه بس يستغبي اعتدل بجلسته وهو يرفع الدلة بيمينه
سعود اخذها منه:هات انت دوبك بروحك
بتال جلس وهو يتحاشى يطالع غازي
سعود صب لغازي ومد له
غازي اخذ الفنجال:سلمت
بتال وهو يطالع الظلام قدامه بعد مااخذ الفنجال من سعود:
ياخي لا تنشد عن الحال ياخي..
‏حالي وسط ياللي عن الحال خصيت..
‏في خاطري ضيقه وفي خاطري شي..
‏شيّ يراودني ليا اصبحت وامسيت..
‏نسبر عذوق الغرسه اللي على النيّ..
‏اللي تخاطفها يدين العفاريت..
‏حلمت واليا الميت يبكي على الحي..
‏وانا احسب ان الحيّ يبكي على الميت..
سعود بابتسامة وهو يتقهوى:دامك عملتها أصمل!!القشران يريد لهم خلقن اقشر منهم واصبر
بتال زفر بضيق:داري ياسعود داري حتى جدي يهون مقدور عليه لكن وجه ابوي للحين مانسيته ابوي،،سكت ماكمل كلامه وهو يزفر،،
غازي ابتسم:هونها وتهون وبعدين هذا عادل وتعرفه وانت ولده ورأسك أيبس من راسه تجيبه الأيـام تجيبه
بتال ساكت مارد
سعود وقف:عاد استأذنكم
غازي التفت له بوسع عيونه:بدري ياولد!!
سعود بابتسامة:وراي دوام بكرة هني اللي متريح
غازي ابتسم:درب السلامة
سعود مشى:يالله فمان الله،،ركب سيارته وابتعد،،
بتال وعينه عالنار:غازي
غازي التفت له:نعم
بتال ماطالعه عينه عالنار:خايف ياغازي خايف
غازي قطب جبينه:من وش!!
بتال:خايف ان البكا على الحي يصير لي ياغازي
غازي تنهد:تدري عاد انت وش ينفع معك
بتال التفت له بأمل
غازي ابتسم: وكل أمرك للكريم ويسمح أمـرك..
كل ما دكت علـى بالك روابـع..
وافرد همومك على سجـاة صـدرك..
لا تضيقها وحلم الله واسع..
واعرف اسباب الردى والطيب وادرك..
واحسب حسابك من الليلـه وطالـع..
لا تطاول في قصير الشبر شبٌرك..
ولا اتنازل عن شيمك ولا اتراجع..
بتال زفر بضحكة خفيفة
غازي بابتسامة:ها عرفت اجيب راسك ولا ماعرفت؟
بتال وهو يتمدد على ظهره ويطالع السما:محد يجيب راسي غيرك انت واللي بتاخذني
غازي ضحك:مستحيل تعترف بأفضالي عليك لازم تدخل احد!!
بتال حرك عيونه يطالعه بتكشيرة:من متى لك أفضال علي انت ووجهك!!!
غازي اتسعت عيونه:ابوك يالجاحد!!
بتال:تقهوى واسكت لااطردك بس
غازي شهق:ولد ابوي فيها طردة بعد!!
بتال وهو يطالع السما:براحتك ياتقلب وجهك ياتتقهوى وانت ساكت
غازي كشر بوجهه وبسخرية:ايه انت عاد يبي لك احد مع هالوحدة المحزنة القاتلة اللي انت فيها صراحة
بتال كشر وهو يطالعه:نعم!!
غازي زفر:لكن انا الشكوى لله مجبور اجلس عندك البيت فل زحمة هناك
بتال ابتسم:طبعًا مافيه كرامة!!
غازي قام بعصبية وهو ياخذ الدلة وفنجاله معه ومشى مسافة وهو يجلس قبال بتال بنهاية ضو النار بزعل
بتال طالعه وضحك:وش ذا أقصى حدود الكرامة!!
غازي بنرفزة:ورب البيت تزعل بتال خلاص عاد!!
بتال زفر:اتركني انفس عليك شوي ياغازي لااموت من الضيقة
غازي يطالعه بتكشيرة
بتال طالع السما زفر وهو يجر هجينيته:
الـبـارحـة مـزعـلـيـن الـنـوم..
لـو مـر مـانـي عـلـى فـاقـة..
مـن بـيـنـنـا صـار لـمـس خـشـوم..
لـيـن الـزعـل بـيّـن أخـلاقـه..
بتال زفر:ايييههه
غازي كمّل وهو يأكد له ورا الصبر الفرج:
أخـيـل بـرق سـنـاه يـزوم..
حـتـى أقـبـل الـصـبـح بـاشـراقـه..
.
.
<اللهم صل وسلم على نبينا محمد>
.
.

rwuiit28 07-06-2020 03:57 PM

رد: رواية ياسمح المحيا جر الهجـينية/بقلمي
 
،،الـجـزء الـواحـد والـثـمـانـيـن،،
حسبي الله لااله الا هو عليه توكلت وهو رب العرش العظيم..
.
.........****..........
يوم جديد
.........****..........
.
..حلال مفلح..
راشد جالس قباله يفطر معه
مفلح:متيسرين شوين؟
راشد:باْذن الله ياعم باْذن الله
مفلح:الله يسمح دربكم ياولدي
راشد:اقول ياعم وش رايك تبيعني عتقى
مفلح طالعه باستغراب
راشد ضحك:ياعم الزين عندك ولاتستغرب كلامي وانا اخترت ازين الزين
مفلح:مير عتقى لهيفاء انشد هيفاء عنها
راشد:هيفاء بتحط الشور بين يديك ياعم واذا بتبيعها بأعطيك الضعف اذا بثلاث خذ ست واذا بسبع خذ14 وحتى لو انها بعشر خذ عشرين
مفلح رمش وهو يطالع راشد من أسعاره المغرية زفر:مااقدر مااقدر مير طب وتخير من الشبك فدا راسك عطية مني
راشد بعناد:لا انا ابي عتقى
مفلح:اجل دام رديت العطية وتريد عتقى اغد يم هيفاء وأنشدها ولا خذ العطية
راشد زفر:ياعم ماقلت هالمبلغ الا ان راعي الواجب عزيز وغالي وانا ابي الخير لك أبدى من الغريب
مفلح سكت
راشد نطق بلهجتهم:وهيفاء ماهي بمعية وكاد ترد الشور يمك ماتحيد عنك
مفلح ميل فمه مو مقتنع
راشد:ووكاد الوكاد برد الشور يمّها واشاورها ماغديت يمك الا وانا خابرن انها ماهي برادتني ها ياعم وش قلت
مفلح:تخير من الشبك وكب عتقى
راشد بنرفزة:وانا ابيها!!
مفلح تنهد:عود يمي لا شاورت هيفاء كود عطتك ابشر بعزك
راشد كشر بوجهه
مفلح ابتسم وهو يطالع هيفاء:حيها حيها
هيفاء وقفت عندهم:غدينا ياراشد؟
مفلح:قضيتي امورش؟
هيفاء ابتسمت:ايه ياعم
راشد وهو يوقف زفر:الحمدلله يكثر خيرك ياعم
مفلح:افطر علامكم متعجلين!!
هيفاء:ديار ياعم وثمن راشد مارقد زين البارحة طول ليلته يم الحلال
مفلح طالعه:علامك ماعلمتني اغدي معك
راشد ضحك بربكة:ماهو عند الحلال أتمشى بالمكان شوي ياعم،،مسك يد هيفاء،،يالله استودعناكم الله
.
..المستشفى..
جسّار يمشي باتجاه دورة المياه وهو يتسند عالجدار
بخوت واقفة جنبه تطالعه بضيق وهو من امس يرفض اَي مساعدة منها
جسّار وقف وهو يتوجع
بخوت مسكته وبخوفها:ارعيت!!كب قنقك وخلني اعاونك
جسّار سحب يده منها وبحدة:ماابي اثقل على احد مايبيني!!،،كمل طريقه بخطواته البطيئة،،
بخوت بلعت غصتها وهي تطالعه التفتت للباب اللي دق اتجهت له
بتال من ورا الباب:جسار صحى؟
بخوت:توه شوين وحياك
بتال:ان شاء الله،،مشى،،
.
..بيت الشلة..
،،قبال البيت الكل بسيارة غازي ماعدا الجد نشمي،،
الجد نشمي واقف عند السيارة
الجد بادي قباله ويمينه بيمين الجد نشمي وضاغط عليها:اقعد يمي وش تريد بهاك الديار نتسامر انا وياك ونغدي يم مرابعنا الاولة
الجد نشمي ابتسم:مير مامعي شين!!
الجد بادي:ابدن هالبيت حلالك مير ظل يمي يانشمي يسد مافاتنا
الجد نشمي زفر:والله متحير يابادي
الجد بادي:كب الحيرة وظل يمي
الجد نشمي سكت
الجد بادي:هاه وش توجس؟
ابو غازي:يبه اذا هواك تظلي ظل هنيا
الجد بادي:اوجست حتى عادل يوجسه
الجد نشمي التفت لابو غازي:اجل عود علي عقب اسبوع ياعادل اوحيت؟
الجد بادي اتسعت ابتسامته بفرح
ابو غازي:ابشر يبه على ماتريد تحرص على روحك
الجد نشمي ان شاء الله ان شاء الله تحرصوا من الخط
ابو غازي نزل من مكانه اللي ورا وسلم على راس ابوه:باْذن الله باْذن الله
الجد نشمي:فمان الله فمان الله
ابو غازي جلس قدام جنب غازي اللي بيسوق:يالله ياغازي بسم الله
غازي حرك:بسم الله توكلنا على الله
الجد بادي احتضن يد الجد نشمي وهو يطالعهم يبتعدون ويمشي بخطوات سريعة:يالله اغد معي يم البيت أولم ذيك الدلة اللي ترد روحك لايامنا الاولة
الجد نشمي ضحك وهو يمشي معه:بالهون بالهون يابادي غادين معك ماني بهاج
.
..بيت عوض..
ام طلق جالسة جنب زوجها تطالعه بصدمة مو مصدقة اللي يقوله:وش وش توجس شوين شوين علي!!
طلق جالس قبال عمه زفر وهو يعيد كلامه:لفيت اوادعش يمّه مااخبر متى معودن يم هالديرة
ابو فارس(عم طلق)تنهد وهو يلتفت لها
ام طلق بعصبية:اوحيتك من الاولة مخبول انت مخبول!!
طلق:كبيني يمه كبيني اغدي عن هالديرة لو ظليت بها يوم والله افطس يمه افطس بمحلي
ام طلق:وتكبنا وراك!!لاعز الله ماانت بصويحي ياطلق!!
ابو فارس:ياام طلق اخزي ابليس وأوحي وجسه كبيه يعلمك
ام طلق بحرقة قلبها:لابالله مااريده يعلمني ماهو باول رجل ولا أخرهم تموت مرته!!محدن عمل عملته
طلق نزل راسه
ابو فارس بحدة:عتيقة!!
ام طلق وهي تصد بوجهها عنه:ماني براضيتن عنك كود كبيت هالديرة!!
طلق قام وجلس قبالها وباس راسها وبترجي:يمّه والله افطس والله اموت نظارتش والله كبيني اغدي كبيني تكفين طالبش
ام طلق بلعت غصتها وهي ماتطالعه
طلق برجفة صوته:يمّه ماعاد اريد هالديرة وين ماتلتفت ارعيت شين يضيق صدري يايمه
ام طلق طالعته:وثمن؟الى متى؟ماعاد نرعيك ولانخبر شين عنك ابدن!!
طلق:الى ماربي يفرجها علي يااميمتي
ام طلق:لا مااحرز انا انخلعت مرة وتسد(اقصد ابو طلق اللي مات)هماك تراعي عمك حارسني اذل اذل تغدون عني وانا ماخبرت مااريد مااريد احدن منكم يغدي به شرن لو كبر الذرة مااريد
طلق تنهد:يمّه انا غادين غادي عن هالديرة وذالحين مير وادعيني على مااحب مااريد اوادعش وانتي غضيبتن علي
ام طلق اتسعت عيونها ثم عضت شفتها
طلق رفع كفها بفمه بيبوسه
ام طلق سحبت يدها منه وبعصبية وسط عيونها اللي امتلت دموع:اغد اغد طسّ يم ماتريد لو انه بقعا مير ماني براضيتن عنك ياطلق ماني براضية
طلق زفر وهو يطالعه وقف وانحنى وهو يبوس راسها
ام طلق صدت عنه
طلق اعتدل بوقفته وهو يطالع عمه
ابو فارس واقف قباله فتح يديه
طلق ارتمى بحضن عمه
ابو فارس مسح على ظهره:وادعناك الله لاتبطي علينا حتى لو انك عايفن هالديرة حنا بها نحتريك ياطلق
طلق بلع غصته:سامحني ياعم كود اخطيت بحقك
ابو فارس وهو يتركه:مسموح ياولدي مسموح الله يردك يمّنا سالمن غانم
طلق التفت لإخوانه وخواته سلم عليهم ووادعهم اتجه للباب والتفت لامه وسط نظرات اخوانه وعمه اللي صادة عنه:استودعتش الله ياام طلق
ام طلق بكت
طلق رجع لها جري وهو يجلس عندها ويحتضن كفوفها ويبوسها:الله ينقص أيام طلق ولاتهل دميعاتش ياام طلق
ام طلق ضربته:حسيبك الله كود تغبني ياطلق حسيبك
طلق برجفة صوته:هذا هو يحاسبني ياام طلق
ام طلق بدموعها:لاتبطي علي اليوم بدهر على امك ياطلق
طلق:ادعي اطلق ياامه ادعي له
ام طلق:الله يجبر هالقليب وتعود يمي ياعين امك
طلق سلم عليها وخرج وهو قلبه يعتصر على فراقهم لكن مجبور ماهو متحمل الجلسة بهالديرة ابد
.
..المستشفى..
بتال رافع حاجبه الأيسر وهو يطالعه بشك
جسّار يفطر ساكت
بتال:وش فيك مأخر فطورك وانت عارف ان وراك أدوية بمواعيد!!
جسّار:مالي نفس
بتال:عشان؟
جسّار زفر وهو يرفع عينه له:عشان اللي سمعته عنك!!
بتال اتسعت عيونه:ووش عليك مني انتبه لصحتك!!
جسّار:وش بتسوي مع ابوي؟
بتال تنهد:لاتقلب المواجع جسّار
جسّار:ويوم تشوفها مواجع ليش هالحركات!!
بتال زفر وهو يرفع راسه لفوق طفش من هالاسطوانة اللي انعادت كثير وبابتسامة:احب المشاكل وأموت عليها تعرفني اشم ريحة المشاكل من كيلوين ها ارتحت!!
جسّار بسخرية:الحمدلله معترف انك كلب انا قايله من اول
بتال زفر وهو يكتم غيظه
جسّار:الا وش صار على موضوعي؟
بتال زفر بتكشيرة:صدق المتنبي يوم قال مصائب قوم عند قوم فوائد
جسّار قطب جبينه باستغراب:بس انا ماشفت احد!!
بتال:بتروح لهم انت واصلا انت مالك شغل باللي اقصده الموضوع خالص بس يتأكد اللي سمعته
جسّار:وش مسكوا شي قوي عليه!!
بتال:بالضبط!!يقولون هو اللي صدم مرزوق
جسّار اتسعت عيونه:يعني ثبت كلام البنات!!
بتال هز راسه:ليت يمسكونه سالم بس
جسّار:بيمسكونه مافيها كلام
بتال:لااا عيال عبري يلفون الديرة لف يدورون عليه
جسّار طالعه:وش يبون فيه ماتعلموا منك!!
بتال:يبردون كبودهم شوي قبل يسلمونه
جسّار:وانا؟
بتال وهو يمشي باتجاه الباب بيخرج:بتاخذ حقك مافيه شي يضيع انت بس انتبه لنفسك كلها كم يوم وتخرج ماطفشت من المستشفى!!
جسّار تنهد بضيق وهو يذكر كلامها:ان شاء الله ان شاء الله
بتال وهو يخرج:سلام
.
..بيت الشيخ مناور..
مناور جالس وهو متكي بطرف دقنه على يده
ام غيث منهارة بوسط دموعها وهي تروح وتجي وبفجعة:اويل حالي اويلي وين غدا!!يالله استر عليه منهم يالله اويل قليبش ياصيفة اويله،،التفتت لمناور وبعصبية،،قم افزع اغد به يمّنا وانت قاعد هنيا قم
مناور طالعها بحدة:اقصري حسش وثمن يستاهل مايغدي به وقليلن به هالخسيس
ام غيث اتسعت عيونها وبعصبية:انت ابو انت!!به احدن يوجس عن وغده هاللون
مناور:كبيه يتأدب هالخسيس مااثمر به الخير بلكن شره يعود يمه ويثمر به!!
ام غيث بغبنة؛الله اكبر عليك الله اكبر!!من أرعيتك غديت بهدية وفزعت بها على وغدك وانا غاسلتن يدي منك!!
مناور وقف وبحدة:اَي اغسليهن وموطيهن(افركيهم)زين لاني ارعيت وشلون غدا من ورا حميتش وراه اعدمتيه فوق عدامه عدام
ام غيث؛ذالحين يومك توجس هاللون اغد وراه وراعه وين غدا به ولا هذا اللي تحرز عليه!!
مناور:ماني بغادين وراه ابدن لاقضبوه الشرطة غديت وثمن عقب وجسه يمي البارح حتى فزعتن من وراي مايتحصلها،،مشى وخرج،،
ام غيث بقهر:اااه ياقلبي اااه مااحويلش احدن ياصيفة يمنع عنش الظليمة مااحويلش،،طالعت نايفة وبحدة،،اغدي والفيني بعباتي اغدي اعجلي علي اعجلي
نايفة جرت لغرفة امها
.
..السيارة..
غازي يسوق:اقول يبه
ابو غازي وهو يقلب بجواله اللي وصله الإرسال بعد فترة انقطاع:وش فيه؟
غازي:والله امس سمعت شي بس ماصدقته ابدا يعني مايدخل الرأس ابد
ام غازي جالسة ورا قطبت جبينها وهي تسمعه
ابو غازي قطب جبينه والتفت له:وش سمعت!!
غازي ضحك بخفة:والله حتى قوله يضحك!!
ابو غازي بنرفزة:اخلص علي وقل وش عندك
غازي:سمعت ان الحي يبكي الحي!!
امجاد طالعت غازي باستغراب من كلامه
ابو غازي ارتفع حاجبه وهو يطالع غازي بشك
غازي:والله شي عجيب صدق!!اللي اعرفه الحي يبكي الميت لكن الحي يبكي الحي جديدة علي!!
ام غازي:ماهو عجيب ابد ياغازي ماهو عجيب هذا هو مخبول ليلى انهبل عليها وهي حية
امجاد ابتسمت
غازي ضحك:قصدك مجنون ليلى يمه
ام غازي:اللي هو عاد المهم من هالمسكين اللي يبكي حي الله يجبر قليبه
غازي تنهد بضيق:واحد واحد الله يستر عليه
ام غازي:يبكي مرة؟
غازي زفر:لا والله يمه بيته يبكي مرة الا يبكي رجل
ام غازي فهمت من يقصد وبضيق:عزتي عنه الله يجبر قلبه
ابو غازي:اسمع ياغازي
غازي:سم يبه
ابو غازي بحدة:الحي مايبكي حي ألا اذا أخطى وخطاه كبير وكبير بالحيل ماينعفي عنه ابد
امجاد ماتحملت تسكت وبنرفزة:واذا هو مااخطى يبه وللحين يبكيهم وش يسوي بنفسه اذا اللي يبكيه عديم احساس
ابو غازي بحدة:امجاااد!!
امجاد:نعم يبه
ابو غازي:شي ماتعرفينه لاتتكلمين فيه
امجاد صدت
غازي:وجهة نظر يبه
ابو غازي بحدة:أكرمنا بسكوتك ياغازي انت ومواضيعك المايصة
.
..بيت غيث..
هدية نايمة بغرفتها فزت بفجعة وهي تسمع دق الباب القوي قامت من السرير وخرجت من غرفتها وهي تتجه للباب ومن ورا الباب:مَن؟
غيث متلثم همس:فكي ياهدية
هدية كشرت:تيسر الله يستر علينا وعليك
غيث بحدة من بين اسنانه:هدية فكي!!
هدية:كود تعمل بي شين شين!!!تيسر مير تيسر
غيث ضرب عالباب:تكفين فكي لي ياهدية تكفين طلبتش يابنت الـعـم طلبتش
هدية قطبت جبينها باستغراب وهي تسمع ترجيه فتحت الباب وسط ترددها
غيث دف الباب ودخل
هدية تطالعه وهي تخفي خوفها وبحدة:وش تريد؟
غيث زفر بتعب وهو يفتح لثامه؛اريد اتريح شوين كبيني عنش،،دخل،،
هدية تطالعه باستغراب من تصرفاته امس واليوم!!
.
..بيت ابو مزون..
حلايا تلعب حولهم
عباير اخذت الفنجال من مزون:سلمتي سلمتي مير اني ماأرعي خالتي وينها به؟!!
عباير قبالها:غدت يم ام هليل الله يعنيهم
عباير تنهدت:الله يعنيهم
مزون؛الحمدلله على كل حال الحمدلله
عباير:مزون اوحيت ان ناصر غدا مع طلق بعلم بخوت
مزون:وثمن!!
عباير:خابرتن ماعنيت وشو له تنشديني!!
مزون:مير ياعباير
عباير قاطعتها:مابه مير من الاولة ظلمتي روحش يومش تريدينه ليه علقتي روحش معه!!
مزون بغبنة:مااريد الظليمة ياعباير مااريدها!!وهالظليمة شينة شينة صابت خيّاتي وشلون تريديني ارضى به وشلون يعلم الله لو اني على ذمته وعمل هاك الشينة والله والله علي الحرام مااقعد معه دقيقة وحدة
عباير زفرت:خابرة خابرة القليب واللي به يامزون خابرته مير هالضعيف يتردد وعمل كل شين تريدينه ولذالحين تصدينه!!ارحمي قليبه ارحميه!!
مزون سكتت
عباير:كود لفى هالنوبة مالش حقن تردينه
مزون ميلت فمها بتفكير
عباير ابتسمت:اوجست يمش خابرتن القليب واللي به وانتي تريدين ناصر يامزون مثل مايريدش كبي قنقش واوجسي يمه حياك ياعين مزون حياك
.
..بيت بادي..
،،العشّة الخارجية،،
الجد بادي يجهز القهوة بوناسة
الجد نشمي بابتسامة:على هونك على هونك لاتعجل ماورانا شين
طلق وقف عندهم:السلام عليكم
الجد بادي التفت له يطالعه باستغراب من وجوده
الجد نشمي:وعليكم السلام والرحمة
طلق زفر وهو يطالع بادي اللي مارد عليه:السلام عليكم ياجد بادي
الجد بادي ارتفع حاجبه وهو من سنين ماسمع نبرة الاحترام منه:وعليكم السلام والرحمة!!،،اعتدل بجلسته وهو يترك زلته ويطالعه،،
طلق:انا لفيت يمك مااريد اكدر خويطرك ابدن ياجد
الجد بادي:اجل!!
طلق:انا غادين عن هالديرة ياجد ولفيت يمك اطلبك واطلب عباير وبخوت وسعود الحل حللوني من ذنبكم،،رجف صوته وهو يبلع غصته،،ياجد تكفى حللني
الجد بادي زفر وهو يستغفر ويصد بوجهه عنه
طلق:خابرن اللي انعمل ماهو بهين ولايلفي الحب بيوم وليلة مير اريد تحللوني لو انه عقب دهر تكفى ياجد تكفى
الجد نشمي يطالع بادي بصمت
طلق:الدنيا ماهي بدايمتن لاحد ومحدن يخبر متى يلفي يمّه يومه والواحد يريد يواجه ربه ابيض وجه ولاسويد وجه ياجد وانت
الجد بادي قاطعه وهو يلتفت له يطالعه:مسموح ومحلل ياطلق وعملتك معنا تشفع لك وتحللك وانا جدك الله يسمح دربك ويجبر قليبك ياولدي
الجد نشمي اتسعت عيونه
طلق زفر براحة للحظة وتكدر:مير
الجد بادي قاطعه:سعود وخواته ماهو بسويدين قلب وماينسون الجمايل واهلها ياطلق
طلق تقدم له وانحنى وهو يبوس راسها واعتدل بوقفته؛جزاكم الله خير جزاك الله خير ياجد،،لف واسرع بخطواته مبتعد قـبـل لاتفضحه عبرته وابتعد وهو يودع الديرة للابد،،
الجد بادي تنهد وهو يطالع قفاه:ايه ياطلق ايه عليك واشيب قليبك من اللي صاير واشيبه،،التفت لدلته وقطب جبينه وهو يطالع نظرات الجد نشمي،،علامك!!
الجد نشمي:ايه يابادي ايه مارحمت قطعة من قليبك ورحمته!!عجيب والله عجيب!!
الجد بادي كشر بوجهه؛نشمي ياعلك ماانت مظلي يمي تريد تغثني!!
الجد نشمي:كود الصلح غثا اَي بالله ناوين اغثك!!
الجد بادي شهق بوسع عيونه:نشمي!!
الجد نشمي:مايريد بتال هين وتحرز عليه ماهو بضارك
الجد بادي بحدة:نشمي اقطع الطريا
الجد نشمي:تريد اقطع طرياه عنك!!متوكد؟!
الجد بادي زفر بضيق ولا رد
الجد نشمي:اعلمك عاد يوم ارعينا ذالحين وش يطري علي؟
الجد بادي يطالعه بتكشيرة:وش انهو؟
الجد نشمي:
الشيب غطى عوارضنا وشيّبنا..
لكن ماكن كثر الشيب يعنينا..
حتى بدت عينة الشيب بحواجبنا..
‏كنّه على مبتدا الرحله ينادينا..
‏آمالنا في مزيد العمر تندبنا..
‏والموت لو طالت الاعمار قافينا..
‏ياغافر الذنب يا تواب لك تبنا..
الجد بادي قاطعه وهو يمد الفنجال وبتكشيرة:تريد تقهوى ولا اتقهوى لحالي
.
،،المركز،،
جسّار عالكرسي المتحرك
بتال واقف جنبه
الضابط وهو يأشر عالولد اللي واقف قباله
الولد واقف قبال جسار بمسافة بوجهه المخطوف شد يديه يخفي رجفته
الضابط:متأكد؟ركز زين يادكتور
جسّار بنظرات محتدة للولد:ايه متاكد هو ومعه اثنين غيره
الولد تقدم بخطواته
بتال تحرك من مكانه وهو يوقف قبال جسار وعينه عالولد بملامحه المحتدة
الولد برجفة صوته وهو يطالع بتال:عليم الله ماعملت هاللون الا من شان اهلي وحاجتهم
الضابط ارتفع حاجبه وهو يطالعه طول التوقيف والتحقيق مانطق حرف والحين يتكلم!!
بتال بحدة:مو عذر!!!
الولد صرخ:خابره!!،،وبرجفة صوته،،مير الشياطين ماكبتني!!لا جنها ولا أنيسها!!
جسّار مد يده لبتّال وهو يدفه عن وجهه وبحدة وعينه عالولد:من هو؟مين تكلم اذا تبيني اتنازل عنك،،بصوت عالي،،تكلم!!،،عض شفته بالم من جرحه،،
بتال زفر
الضابط طالع الولد:سمعته قل من اللي وراك؟
الولد:ولد الشيخ مناور
جسّار زفر براحة
بتال احتدت نظرته
الضابط:الاسم؟
الولد:غيث ولد الشيخ مناور هو اللي اوجسي يمي اعمل به هاللون وعطاني موتر يعاونا على الدرب
.
..بيت غيث..
غيث جالس بوسط الحوش وقباله شنطة صغيرة يحط اغراضه
هدية وقفت عنده وهي تنزل الدقيق عنده وسط حواجبها المعقودة باستغراب من تصرفاته وطلباته:علامك ياغيث!!
غيث رفع عينه لها بشك:انتي توجسين الصحيح ولا ماعلمتي العلم لذالحين؟!!
هدية:وش علمه!!
غيث زفر وهو يقفل شنطته ويوقف:اوحي العلم شوين واغدي يم بيت هلال واوجسي يم اين خياته اللي ماتوجس العلم يم احدن ابد أدعيها توجس يم هليل احتريك يم البركة اللي تخبرها اوحيتي،،طالعها بحدة،،
هدية تطالعه باستغراب
غيث مسك يدها وضغط عليها وبتشديد وسط نظرته الحادة:اوحيتي؟
هدية:ان شاء الله ان شاء الله
غيث مشى للباب وهو يلف شماغه ويتلثم
هدية تمشي وراه
غيث وقف والتفت لها:محسوب هالجميل لش ياهدية محسوب
هدية سكتت وهي تطالعه
غيث خرج وهو يهرول بخطواته ويتلفت حوله لاينتظره او يتبعه احد
.
..بيت هلال..
هليّل دخل للبيت ورجع طريقه بسرعة
ام هليل:عود ياهليّل عود مابه احدن غريب عود ياولد
هليل دخل وهو ينزل نظره للارض وصاد؛السلام عليكم
ام هليل طالعت ام غيث:علامش مااتقهوين!!تقهوي الفنجال برد!!،،مدت يدها بتاخذه وتكبه،،
ام غيث بعبايتها وغطاها مسكت الفنجال:مالي قهوتن يمك ياام هليل
ام هليل:عوذا علامش!!
هليل كشر:وشلونك ياخالة عساك بخير
ام غيث بحدة وعينها عليه:منين الخير ياهليل عقب سواتك
ام هليل انصدمت منها:علامش ياام غيث!!
هليل ميل فمه:عـسـى ماشر ياخالة!!
ام غيث:الا بالله الشر بعينه وإعلمه ياهليّل
هليل زفر:وش انهو هالشر؟
ام غيث:ماتعلمه!!اي بالله ماعليك ملامة دام عملت هاللون!!
ام هليل بنرفزة منها:علامش يامرة طايرتن به!!اوجسي ماوراش وفكيه!!
ام غيث التفتت لها:انشديه وش عمل البارحة!!كود هنت عينش بالرقاد عيني ماذاقته
ام هليل طالعت هليل:علامك ياولد وش اللي تعنيه ام غيث؟!!
هليل:مااخطيت بشين ابد ياخالة ودام لفاش العلم وراش مانشدتي غيث بالأولة!!
ام غيث وقفت وهي تصرخ عليه:اعقب!!غيث ماينشد
ام هليل طارت عيونها وهي تطالعها تصرخ بولدها
هليل بحدة:وانا ماني بموجسن اكذاب!!
ام غيث بحدة:الا كذوب ومن يومك صغيّر كلن يخبر اكذابك ماعزك ورفع قدرك غير غيث ياناكر الجميل
ام هليل فزت واقفة ودفتها:اعقبي!!
ام غيث اتسعت عيونها
ام هليل بعصبيتها:انكعمي عن ولدي لااجز لسانش يالدنية!!ماالكذوب الا انني وولدش سويد الوجه اللي ماكب احدن بحاله!!
ام غيث بصراخها:وصريمة تنزل بش يا
ام هليل قاطعتها بصراخ اعلى:ماهي بنازلتن غير بس وبولدش الظلوم،،دفتها بقوة،،مير طسي برا بيتي طسي
ام غيث مشت وبتهديد:والله وعلي الله ان تصيحين بدمش ولا ارحمش ياعتيقة والله
ام هليل وهي تدفها برا البيت:مير ماظل به دم عقب شامة طسي طسي عن بيتي طسي،،قلت الباب بقوة وبصوتها العالي،،ماظل غير ولدش سويد الوجه يعز ولدي!!وصريمة تصيبكم كل ابوكم يااهل مناور!!
هليل زفر:يمه
ام هليل طالعته وبحدة:اوحني ياهليّل اللي اوجسته اصمل به لو تحل بك صرايم الجن كـل ابوها اوحيت!!،،مشت لداخل البيت بخطواتها السريعة،،
هليل زفر وهو مايبيها تكبر بينهم بس مصيرها بتكبر
.
.........****..........
الليل
.........****..........
.
..مجلس الشيخ..
ضبعان جالس قباله ورجاله وراه واقفين
ابو هليل يطالعه بتكشيرة
مناور:تريحوا يارجال تريحوا وحياكم الله
ضبعان بحدة:مالفينا يمكم بطيب خاطر يااهل ام جـلاجـل
مناور زفر:وش تريدون منا ياعيال عبري
ضبعان؛نريد وغدك يامناور
مناور كشر بوجهه
ابو هليل شهق:انخبلت يارجل!!
ضبعان بحدة:العين بالعين والسن بالسن والنفس أبدى ياهلال!!
ابو هليل:الا بالله انخبلت!!وش ذنبنا يمكم حتى توجس هالعلوم الشينة!!
ضبعان:راس غيث مثل ماغدا راس مرزوق
ابو هليل:هاذي والله العقوبة!!انت توحي وش توجس!!مابه هالعلوم يمّنا
ضبعان بغبنة:به به ياهلال وهليّل اوجسه
ابو هليل انخرس وهو يطالعه بصدمة
ضبعان وعينه على مناور:وكودك لذالحين معيي عن هالعلم اغد يمّنا بهليل وغيث وحنا نعرف الصحيح يم من
مناور بحدة:مير مابه شين يوكد علوم هليل
ابو هليل التفت لمناور بصدمة وهو يسمع تكذيبه لهليل
ضبعان ميل فمه بابتسامة وهو يطالعه يرمي التهمة على هليل:علامه وغدك هاج مابيّن من غدا العلم كوده ماعمل شين صحيح يظهر ويبشر بالسعد
مناور:مايمكم سعد ياعيال عبري!!
ضبعان فز واقف:ابوك ياضبعان توجس هالعلوم يامناور يمي!!
مناور وقف وبحدة:كود لك حق يمّنا اغد يم المركز وهاللون ماعاد يسري علينا ياضبعان
ضبعان:اجل ادع ربك يقضبه المركز قبل تقضبه يدينا،،مرر نظره يطالع اللي بالمجلس،،وانتم ياخال ام جـلاجـل ماتجنى عليكم غـيـر شيخكم ذَا مير اندبوا عماركم،،صرخ،،ياعبرية
رجال ضبعان اعتلت اصواتهم:سم ياشيخ
ضبعان:ياحنا يالمركز يظفر به
رجال ضبعان جروا من عنده وتركوه وراهم وسط استجاباتهم:ابشر وعلى الراس وروحي دون لفيته سالم و...
مناور عض شفته بغبنة وهو يشد قبضته
ضبعان طالع مناور بابتسامة:جنيت على روحك يامناور،،مشى،،
مناور التفت لابو هليل وبحدة:وازين رباتك ياهلال وازينها!!،،مشى وتركه،،
المتواجدين بالمجلس اعتلت وجيههم نظرات استحقار لابو هليل بسبب فعل هليل
ابو هليل اكتسى وجهه السواد ومشى خارج مــن المجلس
.
..بيت جسّار..
عباير عالباب وهي تنزل القدر عالارض وهي مبوزة:هاكم العشا
بخوت عالباب تطالعها:اغدي يمّنا تقهوي
حلايا واقفة جنب بخوت وبابتسامة:اغدي بعاير تكفين اغدي
عباير طالعت حلايا بابتسامة:اغدي معي انتي نلعب مثل دايم
حلايا طالعت امها:لا ابي ارقد مع ماما من اول عنها
عباير ضحكت:طيب
بخوت زفرت:عباير
عباير طالعتها بتكشيرة وماردت
بخوت:لذالحين مغتاظة؟
عباير:لذالحين ماارعيتي خطاش!!
بخوت:عباير انت
عباير:تريدين شي مااريد لتؤخر على جدي وضيفه
بخوت بلعت ريقها وهي تكبح غصتها بابتسامة:تريدين اراعي دربش؟
عباير بحدة:لا والله مشكورة مير اريدش توصدين بابش لايغدي يمش وثمن نبلش من اول وتالي
بخوت اتسعت عيونها وهالكلام اخترقها نزلت راسها وهي تحبس دموعها
عباير مدت يدها للباب وهي تبي تقفله وبابتسامة احلال بدون اَي اهتمام لبخوت؛احتريش بكرة اغدي يمي لاتنسين
حلايا بوناسة:اجل ولمي مواعينش وانا غاديتن يمش
عباير ضحكت:ازين من يسير علي انتي اغدي يمي واطلع لش قدر العزومة
حلايا بتموت من الوناسة وهي تفكر بالقدر وكبره:صحيح!!
عباير:وانا اوجس اكذاب!!انتي ألفي يمي وابشري يالله مع السلامة ياحلوة الخد،،قفلت الباب وهي تعض شفتها عاللي قالته لبخوت اخذت نفس وهي تطرد شعور الذنب اللي ماراح ابد بهالنفس ورجعت طريقها للبيت،،
حلايا رفعت راسها لبخوت بوناسة:ماما متى يأذن الصبح؟،،قطبت جبينها وهي تطالعها ماترد مدت يدها ليد بخوت ومسكتها:ماما؟
بخوت طالعتها بابتسامة وهي تمسح عيونها:ياعين امش سمي
حلايا:متى يأذن الصبح؟
بخوت مشت لداخل البيت
حلايا وراه وهي تنطنط بخطواتها:علميني؟
بخوت بابتسامة وسط وجهها الاحمر:تغدين وتكبيني وراش!!
حلايا:تغدين معي مااكبش ابدا
بخوت ضحكت وهي تزفر عالاقل فيه احد مهتم لها وقفت عند باب الغرفة وهمست لحلايا:اوص ،،فتحت الباب بشويش وفتحته اوسع وهي تطالعه قبالها،،
جسّار واقف قبال مراية التسريحة وهو عاض شفته بألمه وهو بالقوة ساند نفسه بوقفته يطالع المراية وهو يعقم جرحه
بخوت اسرعت بخطواتها لـه:ظنيتك راقد عطني اعاونك
جسّار ابعد يده اللي فيها القطنة عن بخوت:شكرا مايحتاج
بخوت تغير وجهها
جسّار مكمل تعقيم لجرحه وهو يكتم المه ويحاول يكون طبيعي
حلايا وقفت جنبه بابتسامة:زسار
جسّار لصق الضماد فوق جرحه وابتسم وهو يطالعها:ياعين جسار نعم ياهلا
حلايا مدت يدها ليساره الأقرب منها ومسكتها وسحبته
جسّار توجع ووضح على وجهه
بخوت مسكتها بسرعة وهي تسحبها لجنبها عن جسار وبنبرة عالية:كبيه عورتيه!!
حلايا تغير وجهها وهي تطالع امها
بخوت قربت من جسّار وهي تطالعه بخوفها:عسى مااوجعتك بالحيل؟
جسّار ارتفع حاجبه:على اساس خايفة يعني!!
بخوت قشعر جسمها من صدمتها وهي تطالعه مو مستوعبة
جسّار نزل تيشيرته بدون لايطالعها وبطرف ابتسامة سخرية:ماتبيني وتمثلين الخوف!!عجيب امرك،،اتجه للسرير،،وبعدين ماابي شي منك ماابي أتعبك معي وانتي تتمنين فراقي!!
بخوت غرقت عيونها دموع وهي تطالعه
جسّار جلس عالسرير بهدوء:حلوتي تعالي
حلايا جرت له بابتسامة
جسّار بابتسامة:شوفي تحت السرير وش فيه
حلايا اتسعت عيونها وهي تسحب الكيس الكبير بسرعة وحماس وتحطه عالسرير جنبه وهي تفتحه
جسّار يطالعها بابتسامة:من زمان شاريها لك بس نسيت اعطيك اياها
حلايا خرجت اللعبة وشهقت من فرحتها وطالعته بدموعها
جسّار ضحك وفتح يديه:تعالي
حلايا طالعت عالسرير وضمته:ياعلك تكبر وتصير قوي
جسّار ضحك وهو يتركها:انا كبير وقوي
حلايا جلست جنبه وهي تحط اللعبة على رجولها:لا هماك توجس بزر اللي اوجعك
جسّار كشر بوجهه:اخذ اللعبة يعني
حلايا ضمت اللعبة وبتكشيرة:العطية ماينعود بها!!
جسّار ضحك:تعرفين تصرفييين ماانتي بهينة
بخوت:غاديتن أولم عشاكم،،خرجت بسرعة،،
جسّار تمدد عالسرير وكمل سوالف مع حلايا بدون اهتمام لها
.
..بيت مناور..
ام غيث بغرفتها متمددة على جنبها عالسرير تحاول تنام مو قادرة
غيثة دخلت للغرفة وهي تطالعها قفا امها باستغراب:يمه علامش بروحش!!ماتريدين عشا قبل ترقدين؟
ام غيث وهي بنفس وضعها ماتطالعها:منين لي نفس بالعيشة اغدي عني لااحدن يوجس يمي شين ولااريد اوحي حس اوحيتي
غيثة زفرت:ان شاء الله يمه ان شاء الله،،خرجت وقفلت الباب،،
ام غيث فاضت عيونها بدموعها وهي تويل حالها وحال ولدها
نايفة فتحت الباب ودخلت
ام غيث بنرفزة وهي تلتفت للباب:مااوجست لااحدن يغدي يمي وغدان انتم وغدان!!
نايفة دخلت وقفلت الباب وهي تطالعها:يمّه
ام غيث:وصمة علامش!!
نايفة برجفة صوتها:يمه اريد ارقد معش تكفين طلبتش
ام غيث قطبت جبينها باستغراب وهي تزفر:كبي هالعلوم عنش هذا زولش وهاذي علومش!!
نايفة بكت:تكفين يمّه لاترديني اريد ارقد شوين تكفين
ام غيث تنهدت:ادني يمي ادني
نايفة جرت لامها وارتمت بحضنها وهي تبكي:يمّه والله ماردت هاللون يعدي والله
ام غيث باستغراب:علامش يابنت وش غدا بش!!
.
..بيت هلال..
،،السطح،،
هليل متمدد عالسطح فوق فراشه وهو يفكر باللي جاي له بالطريق من مصايب قطب جبينه وهو يطالع اخته توقف عنده:خير؟!!
شيمة جلست وهي تلتفت:قم ودي اوجس يمك علم
هليل قطب جبينه:اوجسي ماوراش وطسي عني
شيمة زفرت:اليوم غدت يمّنا هدية
هليل ميل فمه:وتهاوشت مع امي؟
شيمة:ابدن مااوجست لو هو ادناة الدون يمها
هليل جلس وبنرفزة:اشغلتيني اوجسي ماوراش وطسي
شيمة التفتت لمدخل السطح تتاكد وهمست:اوجست يمي اوجس يمك غيث يحتريك يم البركة اللي انت خابر
هليل ارتفع حاجبه:وشو!!
شيمة:اللي اوحيت
هليل:اوجستيه يم احدن غيري؟
شيمة:مهبولة انا!!وثمن هدية حرصت ووصت مااوجسه غيّر يمك ولحالك
هليل زفر وهو يتمدد:به شين غير هالعلم؟
شيمة:سلامتك ماغيره
هليل بتكشيرة وهو يغمض عيونه:اجل طسي عني مااريد وجع راس
شيمة كشرت وهي تطالعه وقفت وقشعر جسمها وهي تسمع الصراخ التفتت لهليل بخوف:هليل
هليل كشر بوجهه وهو يوقف:الليلة مابه نوم الظاهر
.
..بيت بادي..
الجد بادي مكشر بوجهه
الجد نشمي طالعه:هماك اوجست اقعد بالديرة وشو له هالغيظ علي !!
الجد بادي مارد
نشمي ابتسم:ايه يبه ايه ماحويلك احدن ابد عمي يراضيك حظيظان ماشاء الله عليك
الجد نشمي ابتسم
الجد بادي بنرفزة وهو يطالعه:لايكبر راسك عشان سميّك يحامي عنك
نشمي اتسعت عيونه:وانا وش اوجست يبه!!
الجد بادي بحدة:انكعم عني انكعم
نشمي زفر:ان شاء الله ابشر
الجد نشمي:علامك عالضعيف انا اللي مغيظك ماهو بنشمي
الجد بادي مارد
نشمي ميل فمه وهو يطالع ابوه
الجد نشمي:وبأظلي اغيظك لامنك توحيني
الجد بادي بعصبية وهو يصد بوجهه:مااوحي شين ابدن
الجد نشمي ضحك
نشمي ضحك
الجد بادي بتكشيرة:علامكم!!
الجد نشمي:الحمدلله اوحيتني زين
.
..بيت مناور..
نايفة جالسة جنبها وبدموعها:والله يمه ماعنيته ابدن وغيثة عيّت توحي لي عيت عيني ماذاقت النوم وقلبي يفز مع كل دقة باب من الخوف
ام غيث جالسة عالسرير تطالعها بصدمة وفجعة بنفس الوقت اخذت نفس وهي تخفي رجفتها من اللي سمعته:اصبري اصبري،،بلعت ريقها،،اللي دفت شامة غيثة
نايفة ببكاها:ايه مير مارادت يغدي هاللون مارادته ابدن
ام غيث طالعتها بغبنة وهي تقرص نايفة على فخذها وتوزع ضرباتها على كتفها ووجهها وكل مكان توصل له:يوم انها مارادت ليش ماعلمتيني من الاولة نفزع يمه ليش ليش
نايفة وهي تحط يديها قدامها بوضع الدفاع وهي تبكي بصوت:يمه
ام غيث دفت يديها بيمينها ومدت يسارها لفم نايفة وهي تحطها عليه ودفتها بقوة عالسرير ومن بين اسنانها:اوص انكعمي انكعمي لااوحي حسش اوص،،فزت واقفة وهي تجري للباب،،
نايفة تطالع امها بشهقاتها المكتومة
ام غيث قفلت الباب ورجعت لنايفة وهي تشد شعرها وبتهديد:اللي اوحيته ماينطرى يم احدن ابد اوحيتيني؟
نايفة هزت راسها ابيه
ام غيث دفتها عالسرير:اخمدي عني ياعلكن للصريمة ماوراكن غير الصرايم اخمدي ياعلش ماتقومين اخمدي
.
..بيت هلال..
ابو هليل دخل للبيت بوجه مرتسم عليه الغيظ وبصراخه:هليييييل وبلا هليل
ام هليل خرجت من المطبخ بخطواتها السريعة وهي توقف قباله:علامك يارجل علامك!!
هليل نازل من السطح بخطواته السريعة:سم يبه،،وقف عنده،،سم
ابو هليل رفع يده بيضربه:وين بسم مصرانك
ام هليل مسكت هليل اللي جنبه وهي ترجعه ورا عن ابوه وبعصبية:هلال!!!علامك!!لافين يمّنا بشينك علامك
ابو هليل بصراخ:مالش بي يامرة كبـ
ام هليل قاطعته وبصراخ:الا لي بك وانا بنت ابوي اجل غادين يم وليدي تعيث به وهو ماعمل شين يمك!!
ابو هليل:وش الطواري اللي اوحيتها هاه!!وش انهي!!
هليل باستغباء:وش الطاري يبه؟
ابو هليل انفجر وهو يمسكه ويسحبه من ورا امه
ام هليل صرخت وهي تمسك يد زوجها وتفك ولدها منه:كبّه كبّه ياهلال خاف ربك
ابو هليل:سود وجهي بعلمه الله يسود وجهه
هليل دف ابوه عنه وبصراخ:ماسودت وجهك يبه متى توحي لي متى!!هذا انت دايم فازعن مع الشيخ وولده عمرك مااوحيت يمي وجس!!
ابو هليل:تعمد عبري!!وشلون تريدني اوحي لك وجس هاه!!عبري هذول عبري!!
هليل:ومتى غديت يمهم هاه!!انا اوجست ماارعيت واوجسته يم المركز ماهو بيمهم!!
ابو هليل بحدة:ومن زين فعولك عاد يوم انك اوجسه بوسع وجهك!!
ام هليل بنرفزة منه:لو انه مرة مرة ماغيرها كب عنك هالشيخ اللي مامنه فود وأفزع مع وغدك هذا شيخك راعه ماعمل شين وهو وغده!!كبه عنك وأفزع مع وغدك يارجل!!
ابو هليل يطالعها بتكشيرة:وانتي مستأنسة وانتي تراعين وغدش يعمل هاللون
ام هليل:اَي بالله كوده اوجس الصحيح مستأنسة
ابو هليل:ذالحين زان بعينش ذالحين!!انكعمي لااوحي لش حس انكعمي
هليل بحدة:لاتكعم امي يبه ولاتوجس يمها شين وهي مااخطت عليك
ابو هليل انصدم:وشو!!
هليل:هذاني غادين عنك دام فعولي سودت وجهك،،مشى،،
ابو هليل بعصبية:طسّ طسّ الله لايردك طسّ
ام هليل تلحق هليل:هليل ولد ياهليّل ياولد
هليل خرج من البيت بخطواته السريعة
ام هليل وقفت عالباب بوسط دموعها والتفت لابو هليل:تريح صدرك ذالحين تريح!!
ابو هليل:طسي عن وجهي طسي
ام هليل:مير عوايدك نافخ راس شيخك وحاطه فوق روسنا وهو لاردته ماعينته ياهلال،،مررت يدها على وجهها،،وهه هه كود فزع يمك لاعزته هه
.
..بيت بتال..
بتال يهمهم بابتسامة وهو يتقهوى
سعود وهو يطالعه بابتسامة:الخاطر زين الليلة ياعله دايم
بتال بابتسامة:مااقول الا الله يكثر خيرك وين اطلع عن جمايلك معي
سعود بابتسامته:سلمت مير ماعملت شين ابدن
بتال؛اقول ياسعود
سعود ضحك:واجدة أقوالك الليلة!!
بتال بابتسامة:اليوم لحقنا ست شباب ولا واحد منهم توفى مبسوط وأقصى درجات الانبساط
سعود ابتسم:الله يكتب اجرك هنيك
بتال تنهد بابتسامته:امبن امين ماسالتني وش بأقول
سعود ضحك:اوجس اوحيك
بتال غنى وهو يثخن صوته حتى تناسب اللون اللي يغينيه:
‏الـزيـنـة يـومـن يـطـروهـا..
‏أصـيـلـة مـا عـذربـوهـا..
سعود ضحك وصفق وسط ابتسامته:ونـِعِـم
‏بتال:
تـربـت مـن كـف أخـوهـا..
سعود اختفت ابتسامته وقطب جبينه وهدا تصفيقه وهو يسمع تبديله للكلمات
‏بتال ميل فمه بابتسامة جانبية وهو يكمل:
صـيـت الاجـواد مـحلـيـهـا..
سعود طنش السالفة وابتسم وهو يسمعه
بتال:
الله حـلاهـا بـالـطـبـع..
وأخـوهـا مـن وجـوه الـربـع..
سعود هالمرة تأكد واختفت ابتسامته وهو يطالعه
بتال كتم ضحكته وهو يكمل:
يـوم يـارد مـن لـون الـسـبـع..
بـالـفـعـل الـطـيـب حـامـيـها..
سعود:بتال
بتال بابتسامة:ياهلا
سعود سكت وهو يخاف انه يغلط بالكلام
بتال:سم ياسعود
سعود مد يده للملقط وهو يحرك الجمر وسط المشب:لا لا مابه شي
بتال:افا ياسعود افا وين فطنة البدو!!
سعود التفت له وهو عاقد حواجبه وبنرفزة:علامك يارجل اوجس ماوراك
بتال بابتسامة وهو يطالع نرفزته:اللي وصلك!!
سعود زفر بقلة صبر:لااله الا الله
بتال:الصراحة من زواج جسار وانا ابي اقولك عاللي بخاطري لكن ماكتب الله اني اجلس معك زين ولحالنا وسعود ياسعود
سعود:سم يابتّال
بتال:ابي اختك زوجة لي على سنة الله ورسوله
سعود طالعه بهدوء
بتال:ادري بتشاورها ومن هالكلام
سعود قاطعه:بس جدي
بتال قاطعه:خلك من جدي،جدي شيل همه لاجيت انا وابوي وامي انا علي فيك الحين هاه وش قلت؟
سعود بابتسامة:وش تريديني اوجس ازين من لفى وأعزهم ياحي الله بتال ولد الخالة ياحي الله بتال اللي بيغدي رحيمي(نسيبي)وفوق القرابة قرابتن ازين
بتال ابتسم:الله يسلمك الله يسلمك
سعود زفر:مير
بتال:خلني الليلة انبسط وبعدين أتفاهم معك عالباقي ياسعود
.
.
<اللهم صل وسلم على نبينا محمد>
.
.

بنفسج 2020 07-06-2020 05:05 PM

رد: رواية ياسمح المحيا جر الهجـينية/بقلمي
 
عندي إحساس أنه هليل بتأخذه رجليه لعند غيث
ويمكن واحد من عيال عبري يكون مراقبه أو يشوفه صدفه المهم أنه بيلحقوا وبنخلص من غيث الزفت بس كنت أتمنى يتعذب بالسجن أول

ام محمدوديمه 07-06-2020 06:38 PM

رد: رواية ياسمح المحيا جر الهجـينية/بقلمي
 
عذاري عورني قلبي عليها كانت بتفقد جنينها عشان الأخ او الأخت القادم لكن سوء الظن كسرها

المشكله دايما احساسنا ان زوجة الاب اما ظالمه او مظلومه رغم انت فيه بيوت زوجة الاب تكون مثل الأخت لبنات زوجها او لزوجته


بتال العنيد لوين عنادك بيوديك


لو يعرف هليل ان الللي قتل اخته اهوه اخوات غيث مكان تردد دقيقه لسجنه لكن باين انه بتراجع فاخر لحظه من تسرعه


جسار متى يكشف اللي حاولو قتله؟!


جواد ورهايف حكايه لوحدهم


نشمي تحرك وتقدم لعذبه وأنهى عذابكم


الساعة الآن +3: 02:54 AM.


موقع غرام موقع سعودي خليجي عربي يحترم كافة الطوائف والأديان ومختلف الجنسيات


SEO by vBSEO 3.6.1