منتديات غرام

منتديات غرام (/)
-   روايات كامله - يتم نقل الرواية هنا بعد اكتمالها (https://forums.graaam.com/152/)
-   -   رواية ياسمح المحيا جر الهجـينية/بقلمي؛كاملة (https://forums.graaam.com/632213.html)

Fay .. 08-06-2020 06:59 AM

رد: رواية ياسمح المحيا جر الهجـينية/بقلمي
 
كله كوم و ام غيثها و بناتها كوم
وش هالقلب الي عندهم حسبييي الله بس
وولدها ثقيل الدم
طلق حزنت والله ، كلهم ربي فتح على قلوبهم و قالوا الحق الا ام غيثه و عيالها

بخوت ؟؟ وش تبي توصل بعذ ما تنازلت تبي تطلق شدعوه تانيب ضمير ولا ايش؟

بتال و ابو غازي و بادي يتنافسون من اعند من الثاني

الرواية كانها قربت تخلص ولا؟😅🙁

ترنيمه .. 08-06-2020 04:11 PM

رد: رواية ياسمح المحيا جر الهجـينية/بقلمي
 
اقتباس:

المشاركة الأساسية كتبها rwuiit28 (المشاركة رقم 31799176)
طقت كبده وطلعت روحه منهم واشتكى عالكل مافكر باحد😂😂..
وعيال عبري ماحصلوا فاهد بياخذون ثارهم من ولده لهالسبب ابو غازي مايبيه يروح لام جلاجل ولا يعرفها ابدا..
وسلمتي ياعيني❤❤..

بعد عيني
الله يسلمك🌻

queeeen 11-06-2020 06:05 PM

رد: رواية ياسمح المحيا جر الهجـينية/بقلمي
 
في انتظار التكملة بفارغ الصبر😭😭😭❤❤❤
سجلت. في المنتدى حتى أرد على روايتك😭❤

rwuiit28 11-06-2020 11:25 PM

رد: رواية ياسمح المحيا جر الهجـينية/بقلمي
 
اقتباس:

المشاركة الأساسية كتبها بنفسج 2020 (المشاركة رقم 31809685)
عندي إحساس أنه هليل بتأخذه رجليه لعند غيث
ويمكن واحد من عيال عبري يكون مراقبه أو يشوفه صدفه المهم أنه بيلحقوا وبنخلص من غيث الزفت بس كنت أتمنى يتعذب بالسجن أول

توقع جميل جددداااا❤❤

rwuiit28 11-06-2020 11:27 PM

رد: رواية ياسمح المحيا جر الهجـينية/بقلمي
 
اقتباس:

المشاركة الأساسية كتبها ام محمدوديمه (المشاركة رقم 31809754)
عذاري عورني قلبي عليها كانت بتفقد جنينها عشان الأخ او الأخت القادم لكن سوء الظن كسرها

المشكله دايما احساسنا ان زوجة الاب اما ظالمه او مظلومه رغم انت فيه بيوت زوجة الاب تكون مثل الأخت لبنات زوجها او لزوجته


بتال العنيد لوين عنادك بيوديك


لو يعرف هليل ان الللي قتل اخته اهوه اخوات غيث مكان تردد دقيقه لسجنه لكن باين انه بتراجع فاخر لحظه من تسرعه


جسار متى يكشف اللي حاولو قتله؟!


جواد ورهايف حكايه لوحدهم


نشمي تحرك وتقدم لعذبه وأنهى عذابكم


بتّال واضح يبي هدوء بدون توتر وهو جالس بينهم اقلهم عشان خاطره رغم كرههم لبعض

rwuiit28 11-06-2020 11:29 PM

رد: رواية ياسمح المحيا جر الهجـينية/بقلمي
 
اقتباس:

المشاركة الأساسية كتبها fay .. (المشاركة رقم 31811238)
كله كوم و ام غيثها و بناتها كوم
وش هالقلب الي عندهم حسبييي الله بس
وولدها ثقيل الدم
طلق حزنت والله ، كلهم ربي فتح على قلوبهم و قالوا الحق الا ام غيثه و عيالها

بخوت ؟؟ وش تبي توصل بعذ ما تنازلت تبي تطلق شدعوه تانيب ضمير ولا ايش؟

بتال و ابو غازي و بادي يتنافسون من اعند من الثاني

الرواية كانها قربت تخلص ولا؟😅🙁


بخوت اعتقد واضحة جدا وواضح جدا سبب طلبها😅
وبتّال طبيعي يعاند ابوه خصوصا ان فاهد بعد ابوه وماراح يرضي الطرفين بدون مايتنازل احد منهم فعناده الحل الوحيد قدامه

rwuiit28 11-06-2020 11:30 PM

رد: رواية ياسمح المحيا جر الهجـينية/بقلمي
 
اقتباس:

المشاركة الأساسية كتبها queeeen (المشاركة رقم 31821077)
في انتظار التكملة بفارغ الصبر😭😭😭❤❤❤
سجلت. في المنتدى حتى أرد على روايتك😭❤

حياك الله اسعدتيني❤❤❤

rwuiit28 11-06-2020 11:31 PM

رد: رواية ياسمح المحيا جر الهجـينية/بقلمي
 
،،الـجـزء الـثـانـي والـثـمـانـيـن،،
سبحان الله وبحمده عدد خلقه ، سبحان الله وبحمده رضا نفسه ، سبحان الله وبحمده زنة عرشه ، سبحان الله وبحمده مداد كلماته
.
.
،،بـعـد أسـبـوع،،
.........****..........
يوم جديد
.........****..........
.
..بيت خالد،..
،،غرفة عذاري،،
عذاري جالسة على سريرها وبزعل:وبعدين ياغازي وبعدين ماصارت!!
غازي:وش فيك!!
عذاري:اشوف اليومين صارت سنة
غازي:الله اكبر عليك يالظالمة!!طيب تبين أجيبك وتسحبين وتنزلين وتنظفين وبعدها اوديك المستشفى ينظفونك
عذاري كشرت وبزعل:وش فيك علي!!
غازي؛انتي اللي وش فيك علي!!
عذاري:طفشت وانا محبوسة بالغرفة
غازي؛اطلعي من الغرفة!!لايكون مسجونة!!
عذاري بنبرة هادية اقرب للهمس:اخاف أقابل ابوي
غازي:ابوك ذَا!!وش فيك؟!!،،سكت للحظة وبحدة،،عذاري للحين ماتكلمين عمي؟
عذاري مبوزة:مو مااكلمه
غازي:ايييوووه!!!
عذاري:مدري كيف اكلمه
غازي:عذاري!!
عذاري:هممم
غازي:العني الشيطان اللي برأسك وانزله لابوك وسلمي على راسه ويده وانتي تبكين هذا ابوك كيف مرتاحة وهو بخاطره شي عليك!!
عذاري زاد تأنيب ضميرها وبنبرة زعل:غازي
غازي بنفس نبرتها:تراني مو ابوك الزعلان ياعذاري
عذاري بنرفزة:خلاص فهمتك اصلا من اول بروح له بس ابي دعم معنوي وانت ماتقصر ماشاء الله،،كشرت،،يازين دعمك!!
غازي ابتسم وهو عارف انه رفع ضغطها:جاهز باي وقت افا عليك بس اذا مادعمتك ادعم مين!!
عذاري باستعباط وسط تعصيبتها:اي والله تدعمني(تصدمني)صدق تسويها مايردك شي
غازي بهدوء وسط ابتسامته:الا يردني ومو شي اشياء بعد
عذاري تنحنحت بخفة وهي تبتسم:مثل ايش؟
غازي:باب بيتكم،،انفجر يضحك،،
عذاري كشرت:الحق علي والله انا اللي مااتوب من حركاتك اللي ماتبطلها
غازي بابتسامة:انا مااعرف بالجوال لايف فقط يالحب
عذاري:صدقتك!!
غازي:هيا روحي لعمي واستسمحي منه دقايق وانا عندك واوريك اللائق حقي كيف
.
..بيت الشعر..
راشد باحراج:ياعم هالمرة الرابعة اللي اقولك رفضت والله مستحي منك وانا كل شوي اردك
نشمي ابتسم:ماعليه ياراشد ماعليه يحق لها ومامن ملامة يمها اخطيت والخطا بعيني قـبـل عينها كبير مير نشمي ذاك الوقت ماهو بنشمي هالوقت لو تردني عـشـر باعود وأطلبها لامن قلبها يلين ولايغدي بي الموت عنها
راشد:استغفر الله ياعم وش هالكلام!!
نشمي ضحك:ولد ياراشد
راشد:سم ياعم
نشمي وعينه عالاكل بابتسامة:فطوركم دايم بهاللون؟
راشد طالع الاكل باستغراب:لا مير عشانك ضيف
نشمي:وضيوفكم دايم تفطرونهم هالجريشة؟
راشد باستغراب:مرات على حسب
نشمي بابتسامة:ولد ياراشد كل مالفيت وهالجريشة قبالي تخبر اني أريد الجريش
راشد انصدم وهو يطالعه ماتوقعه من امه
نشمي بابتسامة:اوح العلم ياراشد أوحه
راشد:سم ياعم
.
..بيت عادل..
ابو غازي متمدد عالسرير على ظهره ومغطي عيونه بيده
ام غازي جالسة جنبه:قم ابيك بسالفة
ابو غازي:وش تبين اسمعك!!
ام غازي:ابي أقابل فاهد
ابو غازي بنفس وضعه:مامنعتك قابليه
ام غازي اتسعت عيونها:وبالبيت بعد
ابو غازي:بكيفك
ام غازي بغبنة منه:اجل ليش مانع بتال!!
ابو غازي ببروده:مامنعته
ام غازي مدت يدها وهي تدف يده عن عيونه وبنرفزة:ارعني وانا اوجس يمك
ابو غازي زفر:لااله الا الله!!وش تبين!!
ام غازي؛اقولك ابي أقابله وتقول لي قابليه وملأنا موافق لبتّال!!وش فيك قول لي ياعادل!!
ابو غازي جلس وسط ملامحه المحتدة:بتقابلينه وانا ماني بالبيت وبتكرمينه وانا ماني بالبيت مردّه اخوش مير عيني ماتراعيه وثمن بتال مارديته
ام غازي ضحكت:ايه مارديته صحيح صدقت مير بتال يخبرك مثل مايخبر روحه ولذالحين يحتريك ياعادل كود انت ياللي رحمته وهو صغير ماترحمه ذالحين وهو بطولك!!
ابو غازي كشر:مارديته ابدن ياوسمية مارديته واللي يريده مااحرز عليه مااحرز ابد
ام غازي:اجل الله يقويك على ذنبه لافطس وغدك بمكانه وانت خابره رهيّف مثلك
ابو غازي شهق بوسع عيونه:وسمية!!
او غازي قطبت جبينها وبسخرية:ذال عليه!!لاتذل ابدن هذا الصحيح بيفطس من الغبنة قبل يومه،،تمددت عالسرير وهي تعطيه ظهرها،،لاتغتاظ وانا اعلمك الصحيح ياعادل لاتغتاظ
ابو غازي بحدة:قومي طفي اللمبات
ام غازي وهي بنفس وضعها:الضحى وانت ماتريد نومة الضحى اغد يم عمتي ازين لك
ابو غازي:قومي اريد ارقد طفي اللمبات
ام غازي زفرت وهي توقف
ابو غازي تمدد وهو يغلي من كلامها
ام غازي وهي تجر خطواتها:الله يعينش ياوسمية الله يعنيش ويعين عييلش
ابو غازي شهق وبحدة:وسمية علامش علي اليوم هاه!!
ام غازي قفلت النور وماردت عليه وتمددت عالسرير وهي تعطيه ظهرها بوسط ابتسامة
.
..بيت خالد..
،،الجو يعمه الصمت بوجودها،،
عذاري تطالع فنجالها اللي برد بين يديها استجمعت شجاعته وهي تاخذ نفس عميق ووقفت:يبه
ابو صايل طالعها باستغراب وخاصة بعد تعاملها الرسمي معه طول فترة جلستها عندهم:هلا يابنتي
عذاري مشت له وهي توقف قباله وسلمت على راسه ويده
سهام وقفت وخرجت من المكان تتركهم براحتهم
ابو صايل سحب يده منها:كرمتي كرمتي
عذاري برجفة صوتها وسط عيونها اللي تلتمع من يدها:سامحني يبه غلطت عليك وجرحتك بحركاتي معك سامحني تكفى
ابو صايل وقف وهو يضمها لحضنه؛مسموح مسموحة ماغلطتي ياعين ابوك الغلط من ابوك هالمرة سامحيه انتي سامحي ابوك ياعذاري
عذاري ضمت ابوها لحضنها بقوة وهي تبكي:محشوم ياابو عذاري ماتغلط ابد محشوم
ام صايل ابتسمت وهي تطالعهم
ابو صايل:ياعين ابوك اشتقت لهاللمة اشتقت
.
..بيت الجد نشمي..
،،المطبخ،،
هيفاء تساعد عذبة بشغل المطبخ
راشد ابتسم وهو يطالعهم:والله اني صباحاتي احلى الصباحات
هيفاء ابتسمت وهي تغسل الصحون
عذبة ترفع الاشياء:وصباحنا احلى بوجودك
راشد مشى لامه ومسكها من يدها وسحبها وراه:يمّه ابيك بسالفة
عذبة قطبت جبينها وهي تمشي معه:خير عـسـى ماشر؟
راشد مشى فيها وهو يدخل غرفة الضيوف ويقفلها عليهم وجلس وجلسها جنبه
عذبة:وش فيك خوفتني
راشد:يمه عمي نشمي
عذبة زفرت بطفش:راشد!!
راشد:اسمعي وش بأقول وبعدها ماني بقايل لك شي ابدا
عذبة بنرفزة:خير
راشد:يقول ياعذبة غديت مهلي وغديتي ناديته علي
عذبة تغير وجهها
راشد وهو يطالعها:هاه يمه
عذبة وهي تبلع غصتها:وغيره؟
راشد:ابد خرج ولاقال شي
عذبة:يومه خرج وشلون خرج؟
راشد قطب جبينه باستغراب:مع الباب يمّه!!
عذبة كشرت وعصبية:ماهو بوقت مزوحك ياراشد!!
راشد:وهذا الصدق خرج مع الباب كيف وشلون خرج!!
عذبة زفرت وهي توقف:تبي شي ثاني بس؟
راشد:سلامتك وصلت اللي يبيه وبس
عذبة مشت وهي تحبس دموعها:حسيبك الله يانشمي ذالحين غديت عليك نادية!!محدن عمل بنا هاللون غيرك محد!!
ــــــــــــــــــــــــــــــــــــــــــــــــــ ــــــــــــــــــــــــــــــ
‏الله يانادية كان ما تدرين بمهلّي..
‏من سبّتك من يشوفه قال: عزاله..
‏أمشي وقلبي سوات القدس محتلّي..
‏عليك قلبي جريح وحالتي حاله..
معقول ياسيد الخثرات ياخلي..
مستعمر القلب مايدري عن أحواله؟!!..
اخذت قلبي تكرّم واخذني كلي..
يانور عيني سهوم الهجر قتّاله..
يامشغل البال في نومي تخيّلي..
دايم نديم الشقا ماغبت عن باله..
ياأعز الأحباب قلي يالغضي قلي..
متى عميلك بحبل الوصل تسعى له..
أنـا تعلقت فيك ولاانت حاصل لي..
ولو يقدر القلب ينسى حبك أشوى له!!..
ــــــــــــــــــــــــــــــــــــــــــــــــــ ــــــــــــــــــــــــــــــ
.........****..........
ام جـلاجـل
.
..بيت مناور..
ام غيث على أعصابها تدور بالبيت مـاهـي بمرتاحة اليوم لها يومين ماشافته
غيثة وقفت جنبها:يمّه علامش بيلفي مثل كل ليلة اصبري
ام غيث وهي تطالعها بحدة:انتي بينهم انكعمي مااريد لش حس ولا شوف
غيثة قطبت جبينها:ليش يمه وش عملت؟!
ام غيث دفتها عن طريقها:اغدي جوا ارعي لش شغلتن بعيد عني
غيثة مشت لداخل البيت وهي تطالع امها للحظة بشك دخلت للمطبخ وهي تطالعها واتسعت عيونها:نايفة!!
نايفة ماسكة إبريق الموية الحار وهي تصب منه بابريق الشاهي وامتلى وصار يكب ويقطر لتحت عليها وهي مو حاسة التفتت ببرود لغيثة وسط وجهها الذابل وهالاتها السودا اللي مرتسمة عليه بوضوح
غيثة اسرعت لها وهي تسحبه من يدها بقوة:علامش!!انخبلتي
نايفة بهمس:كل مالتفت ياغيثة ارعيها تراعيني
غيثة ضربتها كـف على وجهها
نايفة طالعتها بدموع
غيثة بهمس من بين اسنانها:ماهو بذنبش ذنبي تريحي وكبي الملامة يمي اوحيتي!!
.
..المستشفى..
بتال جالس بالإسعاف وسماعاته باذنه:ها قولي لي كيف ضروسك ياانستني الجميلة؟
الجدة منيرة كشرت:لاعاد تقول لي هالكلمة وبعدين وش عليك بضروري هاه؟
بتال:لا بس شاري كرتون خلاص يحبه قلبك واخاف تاكلين منه وينشب ضرسك بالتمرة،،ضحك،،
الجدة منيرة بتعصيبة:ضحكت من سرك بلا اَي والله بلا استح تقولي هالكلام
بتال بضحكة:ايه وانتي وش يفكني من لسانك لانشب ضرسك بالتمرة صدق هاه!!
الجدة منيرة وهي ترفع يدها ومن قلب:يالله يارب جعل ضروسك كلهن يطقنك(توجعه)
بتال:اعوذ بالله منك ياام قليب بدل ماتدعين لحفيدك!!
الجدة منيرة:اَي حفيد هاه اللي يتطنز؟!!
بتال:نسيتي نسيتي هاه مانسيت يوم عادل جلدني لان التميس حق امس اوجعك بضروسك ترا مانسيت
الجدة منيرة:وتلحقني ذنب ابوك فيك!!!
بتال:ليش مابللتيه بموية او شاهي اللي كان قدامك وانتي تدرين فيه حق امس هاه؟
الجدة منيرة:عاد عادل خبل تلومني على فعوله!!
بتال زفر بضيق:ايه ياجدة ايه احل يرضيك اللي يسويه فيني حتى امي مايخليني أكلمها ياجدة
الجدة منيرة شهقت:تقوله صادق ياولد؟
بتال وهو يشتكي لها:ياجدة ابوي فوق انه زعلان علي اخواني مهددهم محد يكلمني منهم ولاالومهم هذا عادل وانتي تعرفينه
الجدة منيرة بعصبية:اوريك فيه انا اوريك
بتال:ياجدة ماسالتيني عن زعله ليش؟
الجدة منيرة:مايبي له ادري اكيد عن فاهد هو به غير هالسالفة ذا الشهر
بتال:ياجدة غلطان انا عشان يسري فيني كذا؟قولي لي تكفين؟
الجدة منيرة:لا والله ماانت بغلطان ابوك
بتال:انا ماابي أقابله وانا ادري ان قلبه ماهو براضي يظل ابوي مهما كان ياجدة
الجدة منيرة زفرت:من طيب اصلك يابتال من طيبه
بتال تنهد:ماعاد ادري ياجدة اللي اسويه صح او لا
الجدة منيرة؛الا صحيح ولو انه انا عز الله ماتصير الصبح غـيـر وهم كلهم متكسرين وانا جدتك
بتال ضحك:قايله انا ام قليب ماتتركين حقك يروح
الجدة منيرة:الله اكبر عليك اذكر الله اهب
بتال بضحكة:ليش اذكر الله عليك وانتي تهببيني ياام قليب
الجدة منيرة:هين هين وين تروح تجي تجي والله والله،،رفعت عكازها،،لاامحطك بهالعصاة
بتال ضحك:خليني اجيك اول يالله العفو والعافية ماتدرين مين حي ومين ميت وقتها!!
الجدة منيرة صرخت فيه:الله اكبر عليك
بتال انفجر يضحك
الجدة منيرة:والله محدن بيذبحني غـيـر عيونك يالحسود
بتال:ليت كل الناس مثلي بالحسد ياجدة
الجدة منيرة:الحمدلله ولاّ كلنا موتنا(ميتين)
بتال ضحك:الا والله انكم بخير وعافية اصلا الحسد مااعرفه انتي اللي تخافين بزيادة يالمتطيرة(من الطيرة)
الجدة منيرة:صابتني الطيرة منك ياللي حاسدني تحسب علي الدقايق من عرفتك
بتال ضحك:ياجدة احسبهن خايف عليك ابيك معي
الجدة منيرة:انت علامك اليوم تفاول علي هاه علامك؟
بتال بضحكة وهو يشوف ترقيعته مافادت معها:الله يطول بعمرك ياجدة واشوفك على عكازك جنبي وانا على عكازي
الجدة منيرة:الحمدلله قلت شي سنع مابغيت
بتال ضحك:تبين شي ياجدة؟
الجدة منيرة:سلامتك سلامتك انتبه على نفسك
بتال بابتسامة:ان شاء الله ان شاء الله يالله سلام
.
.........****..........
الليل
.........****..........
.
..بيت جسّار..
جسّار خارج من غرفة النوم اللي صارت مقره ونادرا يخرج منها الا للضرورة عقد حواجبه وهو يسمع صوت غريب وخفيف واتجه له وقف على طرف باب المطبخ وهو يميل راسه بشويش يطالع داخله
بخوت منهارة تبكي وهي تغسل الصحون
جسّار عض شفته بقهر وهو يطالعها رجع طريقه بهدوء وهو يتركها بدون لاينطق لها كلمة
.
..مزرعة هلال..
هليل قفل باب المزرعة وهو متجه لسيارة ماحس الا باليد الليي هجمت عليه من ورا والتفت حول رقبته تخنقه حاول يدافع عن نفسه لكن الطرف الثاني كان اقوى منه وبآخر لحظة وهو يفقد قوته بالوقوف ويحس انفاسه تنقطع ارتحت هاليد الملتفة وهي تعطيه المحال يتنفس ووصله الصوت وهو يحس بدوخة
غيث:اعقب يالخسيس اعقب ياللي مابك مروة!!
.
..بيت بادي..
عباير جالسة جنب جدها عند المشب وبحلطمة:لفانا الحر شابين ناركم وشو له!!ذبحتونا بالحر
الجد بادي:اغدي عني كودش ماتريدين المشب
عباير حاوطت ذراعه:مير اني اريدك وشلون اغدي واكبك وراي!!
الجد بادي طالعها بنص عين:ايه ايه مير وش تريدين علميني؟اعجلي
عباير شهقت:مااريد غيرك ياجد
الجد بادي ميل فمه:اللي عقبه؟
عباير بابتسامة:وتمنعني من الحلال بكرة
سعود ضحك
الجد بادي:خابرن من اول ان وراش علوم علوم وين تريدين تغدين؟
عباير:فراشي والله ماغيره فراشي اريد نومة الضحى
الجد بادي كشر:عجز عجز(عجوزة)ماترقد هالوقت غير العجز
عباير ميلت فمها:اراعيك ماترقد الضحى!!
سعود كتم ضحكته
الجد بادي:ايه لأجل اني شباب اجل وش رايش شايب!!
عباير:وسيد شبابهم كل ابوهم لولا هالشعيرات البيض،،فزت وهي تتركه وتبعد عنه قباله،،
الجد بادي رفع عكازه:اعقبي مابش حيا
عباير جلست جنب سعود وهي تتخبى فيه:هذا الصحيح ياجد شايب
الجد بادي شهق:والله لاقبرش ياعباير ماانكعمتي عني
عباير:شايب مير القلب شباب اخضر تزهاهم كل ابوهم تزهاهم ياشيخهم
الجد بادي تنحني وهو يرفع فنجاله له:خابره خابر
سعود بابتسامة:ياجد
الجد بادي بعصبية:خلاص ياسعود يسد خابرن ان بتال مغتاظ خابر!!
سعود ابتسم؛مير اني مااريد اوجس هالعلم!!
الجد بادي وهو يطالعه من فوق لتحت وسط تكشيرته:وش وراك اجل دام ماهو بعلمك هالعلم وانت مغير يمه!!
سعود بنص عين:اوجس الصحيح ياجد حاسدني وتريد انك محلي تواجهه
الجد بادي اتسعت عيونه:استح!!
سعود بابتسامة جانبية:تشوقت له ياجد علمني مااوجسه يم احد علمني
الجد بادي بنرفزة:ماعلي منه ولااشقاني!!!
سعود:والله ياهو يجر هجينيات تالي الليل يمه تهيض قليبك ياجد تغدي شباب صحيح
الجد بادي بعصبية:علامك انت وخيتك متسلطين علي الليلة هاه هاه؟!!
سعود:ياجد بتال خطب
عباير التفتت لسعود تطالعه
الجد بادي:وشو!!متى هالعلم!!مع من غدا!!ومن هاللي خطب يمهم!!
عباير تطالع جدها بابتسامة:توجس مااشقاك ياجد!!وانت ماقصرت بالنشدة!!
الجد بادي:انكعمي عني ياعباير توجس الصحيح ياسعود؟
سعود:وهالامور بها اكذاب!!
الجد بادي:من غدا معه؟فاهد!!
سعود:محدن ابد بروحه
الجد بادي اتسعت عيونه:وش هالعلم!!واهله على وجدهم ماغدا معه احد!!
سعود:ماهو انتم رضيتوا بالقطيعة وش تريده يعمل!!
الجد بادي احتدت ملامحه:سعود!!
سعود تنهد؛ياجد هذا اوله الجيزة بلياكم وثمن العيال وعقايقهم وكل اموره بلياكم وهذا اللي تريدونه انتم!!
الجد بادي صد بوجهه
سعود:خطب يمّنا ياجد
الجد بادي التفت له بسرعة:هاه!!
عباير ماانتبهت للي ينقال وهي مشغولة تحرك الدلة وسط المشب واعتدلت بجلستها وهي ترفع فنجال قهوتها لفمها تقهوى
سعود بابتسامة:خطب عباير ياجد طلبها حليلتن له
عباير شرقت بالقهوة وهي تسمع كلامه وكحت وسطهم
سعود مد يده ومسح على ظهرها:بسم الله عليش بسم الله
عباير دفت يده عن ظهرها بقوة من الاحراج اللي احسه
الجد بادي اتسعت ابتسامته:صحيح ياسعود؟
سعود:مير الرأي يمها ياجد مااوجست يمه علم لذالحين
عباير ضمت يديها وهي تطالع الارض تحس بحرارة فضيعة
الجد بادي طالعها وبابتسامته:غدا شوقش ياعباير غدا!!
عباير فزت واقفة:انا بأغدي ارقد وراي حلال بكرة،،مشت بخطوات سريعة وهي تحس حرارتها تنتشر بالمكان حولها وتفضحها،،
سعود كتم ضحكته وهو يطالعها تبتعد
الجد بادي رفع صوته:هماش توجسين مابه حلال عودي عودي واوجسي علمش يمّنا يابنية
عباير هرولت بخطوات اقرب للجري وهي تتجه لغرفتها وبهمس وهي بتموت من احراجها:ياربي الليلة وش هالعلم !!،،دخلت وقفلت الباب بقوة وراها،،
سعود ضحك:كبّها ياجد كبّها الليلة
.
..بالسيارة..
هليل يسوق بنظراته المحتدة
غيث بغبنة:هاذي تاليتها تعمل بي هالعلوم ياهليّل!!
هليل بحدة:مااخطيت
غيث صرخ وهو يضرب بيديه اللي قدامه:انكعم انكعم انكعم!!ماظل غيرك يوجس يمي علومن بها جمايله علي!!انكعممم!!
هليل عض شفته بقهر
غيث بغبنة:ااه اااه مير اني اخطيت بك ليتني غديت بالمراسيل يمك دون اختك!!
هليل التفت له بصدمة يطالعه:هاه!!
غيث بحرقة صدره:اااه واغبينتك ياغيث واغبينتك!!ليت مراسيلي صابتك انت وأختك كل ابوكم مرتن وحدة ليت!!ليت ماغدا بخيتك غدا بك ليتكن ياخياتي فزعتن وعملتنا به ليت ياليت!!
هليل غرقت عيونه دموع وهو يطالع قدامه بصدمة من اللي يسمعه
غيث يطالعه بحقد:عديتك خوي مير الظاهر اخطيت بك اخطيت ليت مراسيلي صابتك ولا زليت عنك
هليل نزل يمينه لتحت مقعدته وسط دموعه اللي ملت محاجر عيونه وهو يسحب خنجره من غمده المثبت بالمعقدة تحته وسدد خنجره بدون اَي تردد حتى لو للحظة لرقبة غيث
غيث شحب وجهه
هليل سحب الخنجر من رقبة غيث وبقهر وسط دموعه اللي طاحت وبدون اَي ذرة رحمة او حتى ندم:شيطان وحقك الموت موتك على يدي ياغيث حق شامة مايحيد عنكم ابدن ابدن دوني الموت كود حاد عنكم،،دعس عالبنزين وتحركت السيارة بكل سرعة عدادها،،
.
..بيت مناور..
مناور جالس بطرف الحوش ومتكي عالمين بضيق واضح وهو يفكر بمصيبة ولده
ام غيث مرت من قدامه وهي خارجة من غرفتها متجهة للمطبخ اللي قبالها وطالعته بوسط تكشيرتها:امحق شيخ اللي قاعدن يمي بالبيت وهو خابرن عيال عبري يعيثون ورا وغده!!
مناور اعتدل بجلسته وبحدة وسط نبرته العالية:طسي عن وجهي ياصيفة يسدني وغدش طسي لاتغدي الصريمة صرايمهم واحدة طسي!!
ام غيث ميلت فمها وحملت طريقها وهي تتحلطم منه بينها وبين نفسها
نايفة وقفت عنده:يبه
مناور رفع راسه واعتدل وهو يزفر ويطالعها:خير وش تريدين انتي بعد؟
نايفة بدموع:يبه انا وغيثة ذبحنا شامة
مناور وقف شعر جسمه وهو يطالعها بصدمة
.
.........****..........
.
..بيت الجد نشمي..
ابو غازي دخل للصالة وهو يرفع يده بالسلام:السلام عليكم
عذبة بابتسامة:وعليكم السلام والرحمة ياهلا
ابو غازي تقدم لها وهو يبي ينحني يسلم عليها
الجدة منيرة سحبت عكازها ورفعته بينها وبينه وبزعل:لاسلام ولاكلام ولا هلا ولامسهلا ولامرحبا ياعادل
ابو غازي شهق:وش فيك زعلانة علي يمّه!!
الجدة منيرة:والله مدري عنك شاور روحك وتعرف خطاك!!
ابو غازي:يمّه جايك اتقهوى معك وتقهويني هالكلام!!
الجدة منيرة بحدة:علامك انت علامك!!بعير بعير الا والله بعير صدق
عذبة كتمت ضحكتها
ابو غازي:يمّه!!
الجدة منيرة:مير حتى البعير اهون منك يرحم عويلته(عياله)
ابو غازي كشر وهو فهم الموضوع:اخلص من وسمية ألقاك انتي يمّه مثلها!!
الجدة منيرة:والله ان وسمية فالها الجنة وبإذنه انها فالها على هالعلوم اللي تعمل بها
ابو غازي بنرفزة:والله يمه اللي يسمعك يقول اني فرعون!!
الجدة منيرة:الا شي بسيط
ابو غازي كتم غيظه:وش تبين يمّه مني الحين
الجدة منيرة:بتال
ابو غازي كشر:وش فيه؟
الجدة منيرة:سلامتك ابد ماانت مسوي له شي!!
ابو غازي ضحك بقهر:ضربني وبكا سبقني وشكى!!
الجدة منيرة:اَي والله هاذي حالته
ابو غازي بحدة:يمّه انا مااطيق فاهد ولاابي له مراعاة
الجدة منيرة:تكذب ياعادل تكذب
ابو غازي:يمه!!
الجدة منيرة بعصبية:وصمة اوحيك هذاني قدامك!!اسمع ياعادل كود مااخذت بخويطر هالمسيكين فانا مالي خويطرن يمك واللي مالي خويطرن يمه مااريد له شوف
ابو غازي عض شفته بغبنة
عذبة اتسعت عيونها:يمّه تعوذي من الشيطان!!
الجدة منيرة صدت بوجهه؛وهذا علمي ياعادل
ابو غازي بغبنته:يعني قدر فاهد ازين بعينش مني يمه؟!
الجدة منيرة التفتت له وبحدة:وصريمة تصرم هالفاهد اللي ابلشتونا به ماعلي منه فاهد ولااشقاني ابدن!!
ابو غازي بصراخ:اجل ليش!!
الجدة منيرة اتسعت عيونها:يازينك ياعادل يازينك وانت حسك يطول امك يازينك!!
801
.
~
ابو غازي زفر وبغبنته:استغفر الله العظيم
الجدة منيرة:خابرتك فطين مير الظاهر الحقد عمى قليبك!!
ابو غازي يطالعه بتكشيرته
الجدة منيرة:مااشقاني فاهد ياعادل واللي عمله بينه وبين ربه ودام غدا يمكم وطلبكم الحل كلن وكيفه يقبل به او يرده محدن له وجس على الثاني مير دام ظاهره ذالحين زين ادناة الدون تحشمه لأجل هالمسكين اللي يدوج(ضايع)بينكم مايعرف ارضه من سماه!!
ابو غازي بقهر:مايستاهل الحشيمة يمه مايستاهلها مااقدر مااقدر أتحمل لا الخوان ولا الكذاب يمّه مااقدر
الجدة منيرة:عين العقل لاتقبل به ياعادل مير يومه جالس يم بتال انكعم عنه لأجل بتال لاتوجس شين الى منه يطس عن عينك
ابو غازي ضحك:يمّه هذا اخر علومك!!
الجدة منيرة كشرت وهي تمد عكازها عالباب:هذاك الباب ارعه مالي يمك وجس الى من تعمل مااريده
ابو غازي بعصبية:اجل استودعتك الله،،مشى،،
الجدة منيرة لتقلب وجهها
عذبة فزت وهي تجري وراه:عادل ياعادل ابو غازي تكفى اصبر
الجدة منيرة بغبنة وصوت عالي:كود تبعتيه ياعذبة لاتعودين اوحيتي
عذبة وقفت وهي تطالع ابو غازي اللي يبتعد والتفتت تطالع امها بحيرة بينهم
.
،،غرفة راشد،،
هيفاء متربعة عالسرير قباله وهي متوترة منه:علامك اوجس ماوراك روعتني!
راشد جالس قبالها عالسرير وبملامح جدية تنهد:والله مدري وش اقولك
هيفاء:ياابن الحلال اوجسه،،شهقت وبخوفها،،عمي به شي!!ولا عمتي صابتها شي!!
راشد:لا لا مافيهم الا العافية تطمني
هيفاء بنرفزة:اجل علامك اوجس يمي اعجل مغير روعت بي!!
راشد:ماهو انا مدري كيف اقول مستحي اقولها مدري كيف اطلبك
هيفاء:ياابن الحلال تم وأبشر مير اوجس
راشد ارتسمت ابتسامة:صدق!!
هيفاء:وانا ماارجع عن كلمتي من أغلى عندي منك ابشر عويناتي لك
راشد ضمها لحضنه:سلمت العيون وصاحبتهم سلموا لي الله يخليك لي ولايحرمني منك
هيفاء ابتسمت وهي بحضنه؛وش تريد اوجس
راشد تركها ويديه على اكتافها وبابتسامة:ابي عتقى
هيفاء قطبت جبينها:كيف تريدها؟!!
راشد:ابي اعطيها هدية
هيفاء تغير وجهها بصدمة
راشد حزت بخاطره وهو يطالعها:خلاص ماابيها خلاص
هيفاء بلعت ريقها:لا والله ان تاخذها
راشد تركها:لا لا ماتبيها باشوف لي ناقة تواجه غيرها
هيفاء:هي لك ولو تعيي عنها ذبحتها وحطيتها بالثلاجة بنفسي
راشد:يابنت خلاص ماابيها اقولك
هيفاء:والله ان تاخذها وهاذي تالية العلم قضينا
.
.........****..........
.
..بيت بادي..
،،العشّة الخارجية،،
الجد نشمي:بادي
الجد بادي زفر بضيقة:تراك عليتني يانشمي عليتني
الجد نشمي:طاوعني يارجل ماهو من كثر غدياته
الجد بادي:وانغث لاارعيته سنة يانشمي سنة!!
الجد نشمي:ياابن الحلال لأجل عين تكرم مدينة خاف الله توك ارعيته وخبرته تحرم روحك من وغيد جميلة نوبتن ثانية!!
الجد بادي كشر
الجد نشمي زفر:يابادي والله ثمن والله مالك يمه غدية ولاتلتقيه بدرب كود بالسنة نوبة ماتهون هالنوبة لخويطره؟
الجد بادي بحدة:انكعم يانشمي عني انكعم!!
الجد نشمي:يابادي
الجد بادي صرخ:نشمي!!
الجد نشمي:يرضي جميلة هاللي تعمله ذالحين يرضيها؟
الجد بادي بحدة:كبّ جميلة عنك يانشمي لااغتاظ منك صحيح
الجد نشمي زفر:لك الله يابتال لك الله ياوغيد جميلة لك الله
الجد بادي كشر بوجهه
الجد نشمي وقف
الجد بادي:وين غادين به؟
الجد نشمي:غادين يم بيتي لاتقشعني(تضربني)بهالمركوع وارني بوسط المشب،،مشى،،تصبح على خير
.
..بيت مناور..
شريفة ونوفة بفجعة وخوف مرتسم على وجيههم من اللي يسمعونه
ام غيث متربعة وهي مغطية فمها بيدها وتطالعها
غيثة واقفة قبالها شهقت وبصراخ:وشوووو!!تعقبين يالكذوب ماعديتي الصحيح!!
نايفة اتسعت عيونها وبصراخ نفسها:الا والله انتي اللي دفيتيها وحصل اللي حصل مير ماهو بنيتش يعدي هاللون
غيثة بحدة؛انكعمي ماظل غيرش يالمخبولة ايه راعي روحش وشلون غدا وجهش مير ايه اللي مايرقد بالأيام مردّه ينهبل وماناخذ منه لاحق ولاباطل
نايفة بقهر:اعقبي ياللي ماتخافين الله
مناور جالس يطالعهم قبالهم وقف وصرخ بحدة:انكعمن كل ابوكن انكعمن،،التفت لغيثة بنظراته الحارة ومسكها من يدها يسحبها بقوة له،،
غيثة انخطف وجهها وهي تبلع ريقها وبلعثمة:يييببه
مناور بحدته:صحيح اللي توجسه اختش؟
غيثة بدموعها:اكذاب يبه والله اكذاب
نايفة:وش ينفعني يوم اني اكذب عليش وانتي خيتي هاه!!
غيثة بدموعها:راعها يبه راع نايفة والله ان تخبر انها ماهي لنايفة اللي تخبرها
ام غيث ميلت فمها وهي تزفر بابتسامة سخرية من غيثة
غيثة:حتى انشد امي طول هالايام اللي مضت وحنا نراعيها لاتعمل شين بروحها
نايفة انقلب وجهها وهي تلتفت لامها
مناور التفت لام غيث وبحدته:اوجسي الصحيح ياصيفة
ام غيث زفرت وهي تنزل يدها:وثمن يامناور وثمن لاخبرت العلم!!كوده صحيح غدت يمك صريمة وكوده اكذاب غدت صريمتن تالية
نايفة طالعت ابوها وبدموعها:تكفى يبه تكفى لاتكذبني عليم الله ماتذوق عيني النوم من روعتي تكفى
مناور طالع غيثة بحدة ودفها:والله والله ياغيثة كود اوحيت طواري علوم بعلم شامة اني لااغدي بش بروحي يم المركز ،،طالع نايفة،،وانتي انكعمي عن اختش ولاتوجسين يمها شين ابدن،،مرر نظره عليهم ثم طالع ام غيث،،ياعيشة القرادة يوم رضيت واخذتش
ام غيث ميلت فمها وهي تتمنى يذوق ماتذوق منه
مناور مشى بيخرج والتفت لغيثة:لاتستانسين ياغيثة كود مااوجسته نايفة صحيح راعي غيث وش غدا به عقب سواياه ياعلكم للصريمة جميع،،خرج،،
.
..بيت بتال..
بتال وقف بسيارته عند بيته ونزل من السيارة وهو عاقد حواجبه من دخان مشبه زفر وهو يطالعه
الجد نشمي طول هالاسبوع يتردد على بتال اللي يكرمه مجاملة فقط بدون لاينطق له حرف جالس قبال المشب يجهز دلته ابتسم وهو يرفع عينه له:ارحب هـلا ياهلا
بتّال زفر وهو يوقف قباله:ماتعبت ياجد
الجد نشمي:كودك تعبت انا اتعب
بتال زفر وهو يميل فمه يطالعه
الجد نشمي:وثمن اقلط اقلط عالقهوة حياك
بتال زفر:أغير ملابسي واجيك،،دخل للبيت،،
الجد نشمي ابتسم وهو يطالعه بدا يلين معه عكس الايام اللي راحت
بتال رجع عنده بعد مابدل وجلس عن يمين جده وبينهم مسافة وعلى وجهه تكشيرة مو عاجبه الوضع
الجد نشمي مد له القهوة:سم
بتال مد يده اخذ الفنجال ونزله وهو يطالع جده:سلمت ياجد
الجد نشمي؛تقهوى ياولد
بتال مارد
الجد نشمي:وش مغيظك يمي
بتال سكت
الجد نشمي تقهوى ونزل فنجاله:صحيح فاهد اخطى يابتال لكن محدن مجبور يسامحه حتى لخاطرك
بتال عض طرف شفته السفلية وهو ينزل راسه
الجد نشمي:مير اني معك باللي قلته
بتال التفت له بسرعة
الجد نشمي:حتى ولو انه اخطى يظل حقك تشوفه ومرده يجي بأفراحك وحتى مصابك وثمن لاجا وش بيغدي بهم
بتال زفر:ياجد ادري اني غلطت لكن مابيسمعون لي الا بهالطريقة مافيه غيرها ياجد
الجد نشمي:ولك اللي يجيبهم عندك
بتال يطالعه وهو مميل فمه بتكذيب
الجد نشمي ارتفعت حواجبه:مكذبني ياولد!!!
بتال ابتسم:اخسي ياابو عادل اخسي أكذبك افا وانا ولد عادل
الجد نشمي ابتسم:اجل نتقهوى وبعدها أبيك توديني يم الضلع(الجبل)اللي عنده إرسال ابي اتصل على جدتك
بتال بنص عين وابتسامة:ذبحك الشوق ياجد ماتقدر عالصبر
الجد نشمي كشر:عيب ياولد وهذا وانت زعلان علي!!
بتال مافوت الفرصة:ياحظك ياجدة جدي مايقدر يصبر عنك
الجد نشمي بنرفزة:ولد!!
بتال ضحك:يالله ترزقني بحب مثل حبك ياجد
الجد نشمي:الله يرزقك ببنت الحلال بتوديني ولا؟
بتال بابتسامة:ابشر ياجد ابشر اوديك
الجد نشمي تنهد:مير قبلها جر يمي هجينية ياولد
بتال ابتسم:ابشر وش يقول بتال ياجده؟
الجد نشمي بابتسامة:يقول ياللي تهيجن على قلبين
بتال جر الهجينية:
يـالـلـي تـهـيـجـن عـلـى قـلـبـيـن..
مـع هـجـعـة الـنـاس بـسـكـاتِ..
بـحـرف واحـد ورا حـرفـيـن..
يـطـلـع ضـمـا ضـم وأفـواتـي..
وافـي ولـك عـزوتـن وافـيـن..
إفـعـولـهـم تـحـرق الـشـاتـي..
مـن حـاضـر الـقـوم والـمـاضـيـن..
مـن مـات لـه حـي مـا مـاتِ..
أقـولـهـا والـهـدف نـاريـن..
مـابـيـن حـاسـد وشـمـاتِ..
.
هليل وقف بالسيارة وسط صوت الأنفاس الثقيلة اللي كسرت هدوء المكان
غيث ضاغط على جرح رقبته اللي ينزف بتعب فظيع مرتسم اثره على وجهه وهو بالقوة يلقط انفاسه طالع هليل عن طرف عينه من تعبه وهو يادوب يلمحه وبهمس وهو باخر رمق قوة عنده:اغد بس يم المستشفى واكبك
هليل زفر بضحكة وهو يفتح الباب وينزل ويتركه مفتوح واتجه لمكان الراكب وهو يفتح الباب
غيث سند راْسه عالمقعدة بقلة حيله وهو يطالعه:هليل
هليل حط يده على كتفه وهو يسحبه بقوة
غيث طاح عالارض مافيه اَي حيل من كثر نزفه
هليل سحبه عالارض وسط انفاسه من ثقل غيث وهو مثبت عينه عالبركة اللي قدامه:هنيا ياغيث كبر راسك بالحيل فـوق كبره وتخطي الخطا وتراعي روحك مسموح ويحق لك،،ضحك،،وانا الفديغ(الغبي)اتوبعك احسب انك على حق!!
غيث تعالى صوت انفاسه وشهق باخر نفس له على هالدنيا معلن لهليل موته
هليل رجف صوته وسط محاجر عيونه الغرقانة بدموعه:مادريت انك يالنجس بأتجنى على خيتي الضعيفة اللي مااذت احد ابدن ليتك ذبحتني دونها ليتك،،وقف عند البركة وهو يسحب غيث ويجلسه ويتكي ظهر غيث على جدار البركة،،
غيث بدون اَي حركة وطبيعي وهو يعتبر جثة الان
هليل نفض يديه وهو يطالعه:لوم روحك ياغيث على صنايع يديك لومها،،عطاه ظهره وهو يبتعد وسط محاجر عيونه اللي امتلت دموع وانعصر قلبه وفاضت دموعه بحسرة على شامة وبخزي وكره وحسرة على صديق عمره اللي غدر به لكن ماندم ابدا على فعل يديه،،
.
.
<اللهم صل وسلم على نبينا محمد>
.
.

بنفسج 2020 12-06-2020 01:43 AM

رد: رواية ياسمح المحيا جر الهجـينية/بقلمي
 
وااااااوووو ووووواووووو
يجنن البارت أول شيء فرحت أن هليل أخذ حق أخته من غيث
مع أني كنت أتمنى ينسجن ويتحاسب على كل شيء بس مش مشكله المهم أتعاقب (إن شاء الله هليل يقول للشرطه أن بنات الشيخ هم إلي ذبحوا أخته عشان الزفته غيثه تتعاقب)
ثاني شيء نايفة شاطرة أنها قالت لأبوها ﻷن أمها مالها فائدة
هااااا وأهم حاجه في البارت خخخخججججججلللللل وحياء عباير
والله أقراء المقطع وأنا أضحك

بنت آل تميم 12-06-2020 01:50 AM

رد: رواية ياسمح المحيا جر الهجـينية/بقلمي
 
ماا بغى هل غيث يمووووت الحين ارتحنا منه و من شر
عقبال غيثه حشى علية مجرمين مب بشر

queeeen 12-06-2020 11:00 AM

رد: رواية ياسمح المحيا جر الهجـينية/بقلمي
 
حبيييييت البارت😍😍😍
متى بتال بيتزوج عباير😭❤❤❤❤❤

هـــدبـــ خــجــلانــــ 14-06-2020 02:17 AM

رد: رواية ياسمح المحيا جر الهجـينية/بقلمي
 
سلام روايات
كيفك انشا۽ الله بخير
تاخرت بالرد سوووري بجد انشغلت
كثير لحد ماقدرت ارد نهائيا

طبعا الروايه بدات تاخذ طريق اروووع
من الروعه نفسها والبارتات كل مالها
تحلا اكثر واكثر♥♥♥

والنهايه قربت كذا احساسي يقوول

تسلم يداتك علـ الإبداع الي يخطوهم


♥♥♥**♥♥♥**♥♥♥

بــتــال&عبــايــر

ومتل ماقلت نهايه بتال لعباير
وعباير لبتال كل واحد لثاني هههه

بجد ساعات ارحموا علـ الي بيسوو فيه
وساعات اقوول يستاهل ونشوف النهايه

عباير يادلبي عليها انحرجت من لمن
عرفت بالخطبه


♥♥♥**♥♥♥**♥♥♥

غيــث

ايش يباس الراس ذا انو يحكي لغيث
انو الي قتل اخته بكل برود ولا حسب
حساب شي صراحه استغربه احيانا
واستغرب تصرفاته

لمن طعنه هليل صراحه زعلت قلبي
رهيف مايتحمل شي💔

♥♥♥**♥♥♥**♥♥♥

بخـ وت&جســار

ماتوقعت ابدا تتطلب ااطلاق وليش تطلبه
بس كدا قنق زايد

وجسار ياقلبي عليه تتاثر مرا من طلبها

واخيرا تحررتي يابخووت وعيشي
بـ أمان ومات غيث الرعب الاساسي في حياتك


متحمسه اعرف ايش بتكون ررده فعلها


♥♥♥**♥♥♥**♥♥♥

راشـــد
ايش ييبي بعتقۑ ايش مخطط
له يهديها لهيفا۽ او كيف
وماتوقعت هيفاϪ توافق وتجيبها له

♥♥♥**♥♥♥**♥♥♥

رهايف&جــواد

لسا زي ماهم هههه ماراح يتغيروا
حياتهم يملاها الطابع الطفولي بشكل كبير


♥♥♥**♥♥♥**♥♥♥

غيثه &ونايفه

اخر ماتوقعته اان شامه تتموت علـ
ييدهن ايش ذا الخبث
بس يالله هانت هليل اخذ بحقه

يعني هما كلموا ااخوهم يخس بس

♥♥♥**♥♥♥**♥♥♥

ابو غازي
واقساوه القلب ايش دخلو بين بتال
وابوه ساعات احسه يغاار منه هههه

♥♥♥**♥♥♥**♥♥♥


هليل

وصار شجاع وراح بلغ علـ صاحبه
عجبني موقفه وكثير زعلت من زعله
انو خاوا الي مايستحق المخاواه
♥♥♥**♥♥♥**♥♥♥

مطلق &وشامه

وانطوت حياه شامه بكل بساطه علـ
يد وحوش بلا رحمه

ومطلق فقد ابنه ومرته بنفس الوقت
ايش بتكون رده فعله لما يعرف من قتها

♥♥♥**♥♥♥**♥♥♥

يمكن التعليق ماهو قد المقام بس معلييش
السموحه منك


بانتظارك♥

هيبه وعقل والرزانة 14-06-2020 09:53 AM

رد: رواية ياسمح المحيا جر الهجـينية/بقلمي
 
الروايه جميله الكاتبه مبدعه الجميع يقدر يكتب ولكن هناك كاتب مبدع وانتي مبدعه مترابطة احداثها الاجزاء طويله وجميله 💕 تمنيت أن تكون لهجة الروايه العاديه لان بعض الكلمات صعبه على المتابعين العرب لو كانت لهجة نفس وضع جسار وبتال

ترنيمه .. 14-06-2020 03:36 PM

رد: رواية ياسمح المحيا جر الهجـينية/بقلمي
 
السلام عليكم
مشكوورة الاجزاء تجننننن
🌸ابدااااااااااااااع🌸
اكثر شي اسعدني تطور هليل.اما راشد ماتوقعت ابد النقله النوعيه في شخصيته،عازي ليش مافية رحمه ل عذاري جاااااف لدرجه القسوة كيف وهو عارف انها تعبانه يتركها ولاهي ناقصة يوم يقول لها بالمكالمه تموت،ام غازي عيني عليها قلبها ابيض من بدابة الروايه وهي رحيمه ولاوزعل احد،جسار مالومه في بخوت والله قليل الي يسوي لها هي ليش تطلب الطلاق؟بتال يشطح بعض تصرفاته مثل خطبته لعباير متوقعت ابد انه يخطبها وبعد ليش بطلع ببيت لوحده،عباير ليتها مقالت لبخوت الي قالت تجرحها كذا ماهو حل،اما ام غيث وبناتها مادري ايش اقول عنهم انعدم الرحمه وراح خوفهم من الله زودوها حيل،هدية الله عليها كفوووو كل الي تسوية بغيث يبرد حرتي فية شخصيتها حلوة ماترضى بالغلط ابد وكلامها قوي ،ومناور ماقصر معها ابد مافي عايلته الا هو اما البقية ياصبر ايوب،الجدي نشمي والجد بادي مابغيتو تطيحون الحطب الي بينكم ،فاهد ويوسف ي حبني لهم يوسف كفوو تعامله مع فاهد غيييير صراحه ابعدتي في شخصيته، رهايف وجواد😃😃😃😃هبلت به صار مثلها معاد جواد الي مخنفر 24هههه هم حاله،نشمي اخيرا بيخطب عذبه ياليت ذي المرة يخطبون من راشد ويكون راشد متفهم. راشد ويش كان يبغي ب عتقى يوم يشتريها؟سعود ماتوقعت رده على بتال كذا قلت بيزعل بس كفو عليه ماقصر مع بتال . آآه طلق وشامه تو علاقتهم تحلو شامه ماودي ابد انها تنتهي علاقتهم هنا.اما طلق ورحيله وين بيروح؟تدرين اين المهم انه طلب الحل من الكل يروح وقلبه متطمن.ناصر وينه ياليت مزون توافق صحيح انه اخطاء هو وطلق لكن جازو عن الغلطهم.

🌻ومشكورة مره ثانية🌻
👀تقبلي مروري✋
🌊ترنيمة🌊

rwuiit28 14-06-2020 11:29 PM

رد: رواية ياسمح المحيا جر الهجـينية/بقلمي
 
اقتباس:

المشاركة الأساسية كتبها بنفسج 2020 (المشاركة رقم 31822550)
وااااااوووو ووووواووووو
يجنن البارت أول شيء فرحت أن هليل أخذ حق أخته من غيث
مع أني كنت أتمنى ينسجن ويتحاسب على كل شيء بس مش مشكله المهم أتعاقب (إن شاء الله هليل يقول للشرطه أن بنات الشيخ هم إلي ذبحوا أخته عشان الزفته غيثه تتعاقب)
ثاني شيء نايفة شاطرة أنها قالت لأبوها ﻷن أمها مالها فائدة
هااااا وأهم حاجه في البارت خخخخججججججلللللل وحياء عباير
والله أقراء المقطع وأنا أضحك

الكل علق على عباير حتى بالانستفرام😂😂من البداية عباير هادية وخجولة لكن صار لسانها طويل بعد اللي صار لاختها فطبيعي جدا تخجل خصوصا بموضوع خطبتها

rwuiit28 14-06-2020 11:30 PM

رد: رواية ياسمح المحيا جر الهجـينية/بقلمي
 
اقتباس:

المشاركة الأساسية كتبها بنت آل تميم (المشاركة رقم 31822569)
ماا بغى هل غيث يمووووت الحين ارتحنا منه و من شر
عقبال غيثه حشى علية مجرمين مب بشر

فعلا راحة ارتحنا منه اخيرا😂❤

rwuiit28 14-06-2020 11:31 PM

رد: رواية ياسمح المحيا جر الهجـينية/بقلمي
 
اقتباس:

المشاركة الأساسية كتبها queeeen (المشاركة رقم 31823251)
حبيييييت البارت😍😍😍
متى بتال بيتزوج عباير😭❤❤❤❤❤

خلاص صارت الخطبة يعني الفرحة قريب😉

rwuiit28 14-06-2020 11:33 PM

رد: رواية ياسمح المحيا جر الهجـينية/بقلمي
 
اقتباس:

المشاركة الأساسية كتبها هـــدبـــ خــجــلانــــ (المشاركة رقم 31828718)
سلام روايات
كيفك انشا۽ الله بخير
تاخرت بالرد سوووري بجد انشغلت
كثير لحد ماقدرت ارد نهائيا

طبعا الروايه بدات تاخذ طريق اروووع
من الروعه نفسها والبارتات كل مالها
تحلا اكثر واكثر♥♥♥

والنهايه قربت كذا احساسي يقوول

تسلم يداتك علـ الإبداع الي يخطوهم


♥♥♥**♥♥♥**♥♥♥

بــتــال&عبــايــر

ومتل ماقلت نهايه بتال لعباير
وعباير لبتال كل واحد لثاني هههه

بجد ساعات ارحموا علـ الي بيسوو فيه
وساعات اقوول يستاهل ونشوف النهايه

عباير يادلبي عليها انحرجت من لمن
عرفت بالخطبه


♥♥♥**♥♥♥**♥♥♥

غيــث

ايش يباس الراس ذا انو يحكي لغيث
انو الي قتل اخته بكل برود ولا حسب
حساب شي صراحه استغربه احيانا
واستغرب تصرفاته

لمن طعنه هليل صراحه زعلت قلبي
رهيف مايتحمل شي💔

♥♥♥**♥♥♥**♥♥♥

بخـ وت&جســار

ماتوقعت ابدا تتطلب ااطلاق وليش تطلبه
بس كدا قنق زايد

وجسار ياقلبي عليه تتاثر مرا من طلبها

واخيرا تحررتي يابخووت وعيشي
بـ أمان ومات غيث الرعب الاساسي في حياتك


متحمسه اعرف ايش بتكون ررده فعلها


♥♥♥**♥♥♥**♥♥♥

راشـــد
ايش ييبي بعتقۑ ايش مخطط
له يهديها لهيفا۽ او كيف
وماتوقعت هيفاϪ توافق وتجيبها له

♥♥♥**♥♥♥**♥♥♥

رهايف&جــواد

لسا زي ماهم هههه ماراح يتغيروا
حياتهم يملاها الطابع الطفولي بشكل كبير


♥♥♥**♥♥♥**♥♥♥

غيثه &ونايفه

اخر ماتوقعته اان شامه تتموت علـ
ييدهن ايش ذا الخبث
بس يالله هانت هليل اخذ بحقه

يعني هما كلموا ااخوهم يخس بس

♥♥♥**♥♥♥**♥♥♥

ابو غازي
واقساوه القلب ايش دخلو بين بتال
وابوه ساعات احسه يغاار منه هههه

♥♥♥**♥♥♥**♥♥♥


هليل

وصار شجاع وراح بلغ علـ صاحبه
عجبني موقفه وكثير زعلت من زعله
انو خاوا الي مايستحق المخاواه
♥♥♥**♥♥♥**♥♥♥

مطلق &وشامه

وانطوت حياه شامه بكل بساطه علـ
يد وحوش بلا رحمه

ومطلق فقد ابنه ومرته بنفس الوقت
ايش بتكون رده فعله لما يعرف من قتها

♥♥♥**♥♥♥**♥♥♥

يمكن التعليق ماهو قد المقام بس معلييش
السموحه منك


بانتظارك♥


ربي يسعدك كفيتي ووفيتي💚💚

rwuiit28 14-06-2020 11:36 PM

رد: رواية ياسمح المحيا جر الهجـينية/بقلمي
 
اقتباس:

المشاركة الأساسية كتبها هيبه وعقل والرزانة (المشاركة رقم 31829332)
الروايه جميله الكاتبه مبدعه الجميع يقدر يكتب ولكن هناك كاتب مبدع وانتي مبدعه مترابطة احداثها الاجزاء طويله وجميله 💕 تمنيت أن تكون لهجة الروايه العاديه لان بعض الكلمات صعبه على المتابعين العرب لو كانت لهجة نفس وضع جسار وبتال

ياأهلاً حياك الله نورتي💙💙..
شكرا على كلامك اسعدتيني ربي يكتب اجرك وفعلا اللهجة صعبة شوي رغم ان فيه بعض المفردات للاسف ماعرفت طريقة كتابتها الصحيحة ففضلت استغني عنها ويكفي انها صعبة احيانا وحاولت تكون واضحة قدر الامكان

rwuiit28 14-06-2020 11:43 PM

رد: رواية ياسمح المحيا جر الهجـينية/بقلمي
 
اقتباس:

المشاركة الأساسية كتبها ترنيمه ناي (المشاركة رقم 31829808)
السلام عليكم
مشكوورة الاجزاء تجننننن
🌸ابدااااااااااااااع🌸
اكثر شي اسعدني تطور هليل.اما راشد ماتوقعت ابد النقله النوعيه في شخصيته،عازي ليش مافية رحمه ل عذاري جاااااف لدرجه القسوة كيف وهو عارف انها تعبانه يتركها ولاهي ناقصة يوم يقول لها بالمكالمه تموت،ام غازي عيني عليها قلبها ابيض من بدابة الروايه وهي رحيمه ولاوزعل احد،جسار مالومه في بخوت والله قليل الي يسوي لها هي ليش تطلب الطلاق؟بتال يشطح بعض تصرفاته مثل خطبته لعباير متوقعت ابد انه يخطبها وبعد ليش بطلع ببيت لوحده،عباير ليتها مقالت لبخوت الي قالت تجرحها كذا ماهو حل،اما ام غيث وبناتها مادري ايش اقول عنهم انعدم الرحمه وراح خوفهم من الله زودوها حيل،هدية الله عليها كفوووو كل الي تسوية بغيث يبرد حرتي فية شخصيتها حلوة ماترضى بالغلط ابد وكلامها قوي ،ومناور ماقصر معها ابد مافي عايلته الا هو اما البقية ياصبر ايوب،الجدي نشمي والجد بادي مابغيتو تطيحون الحطب الي بينكم ،فاهد ويوسف ي حبني لهم يوسف كفوو تعامله مع فاهد غيييير صراحه ابعدتي في شخصيته، رهايف وجواد😃😃😃😃هبلت به صار مثلها معاد جواد الي مخنفر 24هههه هم حاله،نشمي اخيرا بيخطب عذبه ياليت ذي المرة يخطبون من راشد ويكون راشد متفهم. راشد ويش كان يبغي ب عتقى يوم يشتريها؟سعود ماتوقعت رده على بتال كذا قلت بيزعل بس كفو عليه ماقصر مع بتال . آآه طلق وشامه تو علاقتهم تحلو شامه ماودي ابد انها تنتهي علاقتهم هنا.اما طلق ورحيله وين بيروح؟تدرين اين المهم انه طلب الحل من الكل يروح وقلبه متطمن.ناصر وينه ياليت مزون توافق صحيح انه اخطاء هو وطلق لكن جازو عن الغلطهم.

🌻ومشكورة مره ثانية🌻
👀تقبلي مروري✋
🌊ترنيمة🌊

راشد كان هادي رغم مشاكسته القليلة مع اولاد خاله لكن وضحت شخصيته ومشاكساته اكثر مع شريكة حياته فوضحت طبيعته جدا مع هيفاء وبالنسبة لعتقى راشد يغار منها وواضح من البداية وغازي جلف جدا لكن حنون نفس ابوه وهو ماقال هالكلمة لعذاري الا من قهره خصوصا انه بعيد وممكن يصير لها شي وهي رافضة تروح مع اهلها للمستشفى فنطق هالكلمة بغير قصد منه وبتّال خرج بيت لوحده حتى يثبت لهم موقفه وماراح يكلم احد منهم لحد مايوصل لحل يرضيه مع هالوضع اللي هو عايش فيه

rwuiit28 14-06-2020 11:44 PM

رد: رواية ياسمح المحيا جر الهجـينية/بقلمي
 
،،الـجـزء الـثـالـث والـثـمـانـيـن،،
لااله الا الله العظيم الحليم،لااله الا الله رب العرش العظيم،،لااله الا الله رب السموات ورب الارض ورب العرش الكريم،،
.
.
.........****..........
يوم جديد
.........****..........
.
..المستشفى..
ابو غازي داخل للمستشفى بوجه واضح عليه الفجعة وبخطوات سريعة وهو يحس رجوله ترجف مابتطول وهي ساندته من هول الخبر وقف قبال الريسبشن وبصوته الراجف بوضوح:بتال بتال فاهد وينه؟
بتال داخل للمستشفى لدوامه قطب جبينه باستغراب وهو يطالع القفا بشك من وجوده اسرع بخطواته وهو يوقف جنبه وتأكد وبقلق وهو يطالع ملامحه:يبه!!
ابو غازي التفت وانصدم من وجوده:بتال!!!
بتال بقلق وهو يطالعه:وش فيك يبه عـسـى ماشر؟
ابو غازي جلس عالارض وهو ماتحملت الضغط اكثر
بتال جلس جنبه بفجعته:يبه وش صاير وش فيه!!
ابو غازي همس وهو ياخذ انفاسه:اصبر اصبر شوي
،،بعد فترة راحة لابو غازي،،
بتال جالس جنبه بيموت من القلق رغم انه تأكد من وضع ابوه مع الدكتور
ابو غازي كل شوي يطالعه بنظراته
بتال ملاحظ هالنظرات:يبه قولي وش فيك وش اللي صار لك قبل شوي؟
ابو غازي وهو يوقف:مافيني شي مافيني
بتال وقف جنب ابوه يمسك يده يسنده وهو للحين ماارتاح
ابو غازي التفت له وارتفع حاجبه وهو يطالعه وسحب يده
بتال رجع ومسكه بعناد
ابو غازي زفر وهو مافيه حيل يتهاوش معه طالع قدامه:جدك وينه؟
بتال:جدي جا معي يشيك على سكره وضغطه
ابو غازي قطب جبينه وهو يطالعه:وتقول ماتعرفنا ولاتبينا!!
بتال:والله لو قلبي حجر واشوف ابوي مريض يتفتت هالقلب يبه من خوفه
ابو غازي سحب يده منه:قولي وين مكان جدك ورح انت لشغلك
بتال:بس يبه
ابو غازي:اخلص علي
.
..بيت هلال..
هليل واقف قبال دولابه هو واخوانه بكامل كشخته ثوب وشماغ وكبك كأن اليوم عرسه فتح دولابه وهو يرش من عطره ورجعه لمكانه وقفل الدولاب خرج من الغرفة وابتسم وهو يطالع امه:صباح الخير
ام هليل مجهزة المبخرة وجالسة بالحوش تنتظره وقفت وهي تشيل المبخرة وتتجه له:ياصباح النور والسرور
هليل وقف قبالها وهو يسلم على راسه ويدها
ام هليل بابتسامة وهي تبخره:ماشاء الله ماشاء الله وش هالزين وش هالزين ابشر بالعروس وانا امك
هليل ابتسم:العوض بإخواني يااميمتي
ام هليل كشرت بزعل:وانت وش ينقصك!!احسن بنات الديرة يريدنك ياعين امك
هليل سلم على راسها
ام هليل:الله يرضى عليك الله يرضى عليك
هليل مسك كفاها وطبع بوسة عميقة وهو يكبح عبرته وطالعها:راضية علي يمه؟
ام هليل:ماعمرك اذيتني وانا امك راضية وكاد
هليل سلم على راسها وبرجفة صوته:اجل اوادعش وانا متريح؟
ام هليل قطبت جبينها بقلق:علامك ياهليّل علامك؟
هليل:غادين يم المركز يمّه
ام هليل:وثمن؟
هليل:البارحة يمّه ذبحت غيث
ام هليل طاحت المبخرة من يدها
هليل طاحت دموعه:يااميمتي اخذت حق شامة منه يعلم الله يااميمتي هو راس البلا احرمنا منها ليت ربي احرمنا منه من اوله يايمه
ام هليل انفجرت تبكي وهي تمسك يده وتجري به للباب:لاتغدي يم المركز هج وانا امك محدن خبر هج
هليل مسك يدها:وقليبي يمه وش يفكه لاهجيت؟ماعادني مثل اول ماعاد اقوى يمه شامة توفت وهي مغتاظة علي طعنة بصدري يمه تشويني شوي
ام هليل بدموعها:ماعليك انت اغد وثمن نراعي لنا دبرة
هليل هز راسه بلا:لا يمه لا لاتغدين مثله اهله واغدي عليكم مثله يايمه
ام هليل انفجرت تبكي بحسرة وهي تشوف عناده:ياحسرة قلبي ياحسرتي
هليل ضمها:حلليني يمه حلليني
ام هليل تبكي بحضنه بحرقة قلبها:ليش عملت هاللون ليش ليش
هليل بكى:حلليني يمه وبيحيني طلبتش
.
..بيت بادي..
عباير تمشي باتجاه الباب اللي غطى صوت الضرب عليه المكان:لافيتك لافيتك عوذا مابك صبر،،اعتلى الصوت اكثر وشهقت وهي توسع عيونها وبنرفزة وهي تفتح الباب،،لافيتن يمك ماتوحي!!
بخوت واقفة قبالها دخلت وهي ترفع نقابها لفوق راسها بدون لاتنطق حرف
عباير رمشت وهي تطالعها تدخل لداخل البيت باستغراب
حلايا واقفة عالباب وهي متكتفة وبتكشيرة وسط كلامها الطفولي:ماردت(مابغيت)ألفي يمش مير انغصبت
عباير اتسعت عيونها بصدمة من اللي تسمعه
حلايا صدت بوجهها عن عباير وهي تدخل للبيت واتجهت لغرفة جدها
عباير زفرت وهي تقفل الباب ومشت باتجاه غرفتها وهي متجاهلة وجود بخوت نهائيا
بخوت بغبنة:بتكبيني وراش!!
عباير التفتت تطالعها بتكشيرة:راعية بيت ماله لزوم اضيفش الا اذا انش تراعين روحش من الضيفان،،كملت طريقها لغرفتها اللي تفصل بينهم خطوات بسيطة،،
بخوت زفرت وهي تتعوذ من الشيطان بينها وبين نفسها وبهدوء:عباير
عباير رفعت راسها لفوق وهي تكتم نرفزتها:استغفر الله العظيم،،التفتت لها بابتسامة وهي تكتم غيظها،،ها يالبيه سمي وش تريدين يابخوت؟
بخوت بعتاب:اخطيتي وبالحيل ياعباير
عباير بحدة وهي تلف بجسمها كله لها وتطالعها:ماأوجست غير الصحيح
بخوت:مير اوجعتي قليب خيتش حتى لو انه صحيح!!
عباير:وانتي ماضربتي لاحد منا وجس وعملتي ماتريدين
بخوت:ويوم اني اخطي تردين الخطا بخطاين مثله!!
عباير سكتت وهي ماتبي تغلط بالكلام
بخوت بغصتها:وشلون هنت لش نومة وانا وانتي مغتاظين من بعضنا!!
عباير:غبنتيني شبّيت من الغبينة كل ماعملناه غدا بليّا فود(بدون فايدة)
بخوت:وانتي خابرة وشو له عملت ماعملته ياعباير
عباير بعناد:اجل مالش حقن تلوميني وانت خابرة وشو له عملت ماعملته
بخوت زفرت وهي تطالع عنادها ومافي اي امل تعذر لها فعلتها:بنت ياحلايا غدينا يابنت اعجلي علي
حلايا خرجت من الغرفة واخفت ابتسامتها وهي ترسم الزعل وعينها على عباير ومشت باتجاه امها
بخوت مشت باتجاه الباب
عباير مشت كم خطوة ووقفت قبال باب غرفتها ومدت يدها ليد الباب بتفتحه
بخوت رفعت صوتها:لفيت يمش اريد اوجس يمش علمن مضيقن خاطري
عباير قطبت جبينها وهي تلفت لها
بخوت:اريد اوجس يمش علم طلاقي من جسّار وشلون اعمل به لاغدا هالعلم
عباير اتسعت عيونها واسرعت بخطواتها لبخوت
بخوت وقفت قبال الباب وهي ترفع يدها لفوق راسها تنزل نقابها تجمعت دموعها بعيونها بقلة حيلة وهي تشوفهم يقفلون الباب بوجهها واحد واحد:مير ماانتي برايدتن تعذريني ولا توحين لي وجس،،مدت يدها بتفتح الباب،،
عباير مسكت يدها وهي تلفها لها بقوة وبعصبية؛وش هالعلم!!انخبلتي انتي لاعز الله انخبلتي!!
بخوت وهي تكبح هالدموع:ماانخبلت ابدن ماانخبلت مير انتم ماتراعون ماارعيه ابد ابدن
.
..المستشفى..
الجد نشمي خارج من المستشفى وهو يتجه للمواقف
ابو غازي واقف على بوابة المستشفى بتكشيرة
الجد نشمي:وشلونك ياعادل
ابو غازي بغبنة:وشلوني!!زين ماصار لـي حادث وانا جاي
الجد نشمي بابتسامة:زين زين الحمدلله عالسلامة
ابو غازي:وش هالكذب يبه؟انت من جهة وامي من جهة!!مايصير!!
الجد نشمي:زين اجل امك بعد مهاوشتك
ابو غازي:ماهو بالغصب يبه
الجد نشمي:واللي انت تسويه ماهو غصب ياعادل!!
ابو غازي بحدة:مارديته ابد!!
الجد نشمي:علمني يــوم علمتك انه مات وقضى وش صابك وش طرا لك؟
ابو غازي كشر:يبه انت تدري ان اخس شي على وجه الارض عندي الكذب
الجد نشمي ابتسم وهو يشوفه رده اللي مايمت بصلة لسؤاله:اوح العلم ياعادل الليلة بنغدي يم بتال مابي شدة عالقطيعة وان مالفيت
ابو غازي كشر:ماتبي تشوفني؟!!
الجد نشمي:زين اجل امك موجسته يمك من اول اقدت منيرة بيض الله وجهها
ابو غازي:ظلم يبه ظلم
الجد نشمي:محد اوجس يمك ريده(حبه)!!،،مشى،،اغد قدامي اغد بس يم البيت
ابو غازي بحدة وهو واقف بمكانه:هماك زعلان!!
الجد نشمي:اغدي بالبيت ثمن يبدا غيظي مير اغد قدامي ذالحين ولايكثر
.
.........****..........
العصر
.........****..........
.
..بيت جسّار..
جسّار راجع من دوامه بتعب فظيع واليوم اول يوم دوام بعد اللي صار له دخل للبيت وقطب جبينه وهو يحسه هادي بزيادة عن هدوءه المعتاد كمل طريقه وهو مقطب جبينه مو مرتاح اتجه للمطبخ ولا فيه احد اتجه لغرفة الحريم مافيه احد طار تعبه وتبخر بلحظة وهو خايف ومتوتر اسرع بخطواته لغرفة النوم وفتحه بقوة وسط انفاسه السريعة اخذ نفس براحة وهو يطالعها ثم كشر بوجهه
بخوت جالسة عالسرير عبايتها جنبها وشنطة أغراضها جاهزة وقفت وهي تبتسم وهي تبلع عبرتها:اوجست احتريك كود تغدي بي يم اهلي
جسّار تنهد بضيق:يعني خلاص نويتيها بيننا؟
بخوت عطته قفاها وهي تنحني وتسحب عبايتها بتلبسها وتتحاشى تطالعه بخوف انها تنفجر وتعترف باللي بقلبها له:مير السموحة منك اثقلت عليك وانت لذالحين دوبك بروحك
جسّار دخل للغرفة ووقف وراها وهو يحاوط خصرها ويضمها لحضنه ودفت طرف دقنه بكتفها وبضيقة:وأهون عليك يابخوت!!تروحين وتتركيني
بخوت حبست دموعها وبرجفة صوتها:صدك ياجسار سدني وخبرت وش اللي تريدني اخبره
جسّار تركها وهو يلفها له
بخوت نزلت نظرها للارض وهي ماتبي دموعها تفضحها رغم انها مفضوحة من الاساس
جسّار مسك يدها:زعلت يابخوت زعلت منك ماقدرت ماازعل
بخوت رفعت عيونها له وطاحت هالكم دمعة المتجمعة وسالت على خدودها:وش تريدني اعمل ياجسار كودكم قوايا(اقوياء)أنا أذل(تخاف)حيلتي انتم اذل عليكم حتى من روحي والله لو يغدي بكم شين ان يطير قلبي من مكانه وافطس(اموت)محلي ياجسار بوقتها
جسّار:بسم الله عليك وش هالكلام!!
بخوت ضغطت على يده:وانتم تلوموني تلوموني لاني مااخبر غير هالدرب ذي حيلتي امنع عنكم الصرايم بهاللون،،بكت بشهقاتها،،كل مامر اخويطري وجهك وانت ناقعن بدمك قدامي يفز قلبي من محله ياجسار هالنوبة سلمت النوبة اللي عقبها وش يفكك منه وش يفكنا منه
جسّار ضمها لحضنه:يخسي يسري شي مرة ثانية صادفت معه الاولى بس لكن يحلم يعيدها ويسلم يحلم!!
بخوت ضمته لصدرها بقوة وهي تبي تحميه بكل مافيها وبدموعها:وتريدني احتري النوبة الثانية ياجسار اموت والله اموت ماعاد بي حيل عليه أرده هدني هدني ياجسار الله يهدّه بالاول حلايا وذالحين انت مااقوى هالوجع مااقواه
جسّار عض شفته بقهر كيف قسى عليها وهو يدري بخوفها من غيث ومن يكون غيث بالنسبة لها
بخوت بكت:والله ماخبرت غير هاللون اعمله مابيدي شين اعمله ولمنعه عنكم ياجسار مابيدي شين يعلم الله!!
جسّار باس جبينها وهو يمسح على ظهرها:خلاص يابخوت خلاص لاتبكين خلاص
بخوت زادت ببكاها وهي تسمع كلامه
.
..السيارة..
بتال قرب من البيت وقطب جبينه باستغراب
وهو يطالع السيارات اللي يعرفها زين واقفة قبال بيته هدا بسرعته وهو يحاول يتفحص بنظره ويلقط وش اللي يصير لكن ماقدر ولابيقدر اصلا وقف بسيارته وهو ياخذ نفس ونزل ووقف وهو يكبح ابتسامة فرحته لاتعتلي وجهه وتفضحه
،،فرشتين متوازيتين وبينهم مسافة متر وكل فرشة وقبالها دلتها وعدتها ابو غازي والجد بادي على فرشة والجد نشمي وفاهد على فرشة ثانية وسعود قبالهم عند مشب بتال يتقهوى لحاله،،
الجد نشمي يطالعه بابتسامة وكأنه يقوله كلامي وصار
فاهد يطالع بتال بابتسامة وهو مبسوط انه واخيرا يلتقي بولده بدون اَي حاجز بينهم
الجد بادي جالس بتكشيرة
ابو غازي بتكشيرة:قليل الحيا مايسلم!!
بتال اتجه لسعود وهو يتصنع الثقل وعطاهم ظهره وهو قبال سعود وعلى وجهه اعرض ابتسامة وبحماس:وش فيه وش اللي صاير؟
سعود:ابدن طال عمرك اللي تراعيه هماك تريدهم قدامك منكعمين هه راعهم
بتال جلس وهو بيطير من فرحته:بموت ماني مصدق مد يده لسعود وهو يقرصه بكل قوته
سعود بوسع عيونه:اااااه!!!
بتال بابتسامة:والله صدق
الجد نشمي:ولد يابتال
بتال فز وجرى لهم وبابتسامة:سم ياجد
الجد نشمي:والحين اللي تبيه وصار وش اللي بعده
بتال بابتسامة:اللي بعده ياعسى أعماركم طويلة وياعساكم فوق راسي طول عمري،،اتجه لابوه عادل وهو يسلم على راسه ويده ثم الجد بادي ثم الجد نشمي واخيرا فاهد اللي سلم عليه مثل الباقين بدون زيادة او نقصان،،
.
.
.
واخيرا بنهاية اليوم انتشر الخبر المشؤوم خبر هليل وفعلته بغيث وتناقلوه الناس بهالديرة اللي مايخفى عليهم خافي وانقلبت الأمور بهاليوم و بهالديرة فوق لتحت وتغيرت موازين الأمور
.
.
.
.........****..........
،،بعد شهر،،
.........****..........
أم جـلاجـل
.
..بيت هلال..
،،الكل مجتمع بالحوش اخوان هليل واخواته وامه بجو كله كآبة وضيقة وعيون تذرف دموع،،
ابو هليل دخل لبيته بوجه كاسيه السواد يجر خطواته بهمه
ام هليل فزت واقفة وبدموعها اللي ماوقفت على ولدها من شهر:بشر ياهلال بشر عفى مناور؟
ابو هليل طالعها:ادعي له بالرحمة ياعتيقة ادعي له
،،اعتلى البيت صوت البكا المكتوم من فترة وهم ينتظرون الخبر بأمل لكن خابت امالهم،،
ام هليل انهارت عالارض بصراخ وهي تنوح على ولدها:اويل حالش ياعتيقة غدا هليل ياعتيقة غدا،غدا يم شامة غدا اويل قلبي على عييلي اويله
ابو هليل برجفة صوته وهو يحبس دموعه:لموا مليبيساتكم(ملابسكم)واتبعوني يم السيارة احتريكم غدينا من هالديرة مالنا به ماوراها غير الصرايم غدينا،،خرج،،
.
..بيت مناور..
،،ام غيث وبناتها وحتى هدية عندهم ينتظرون بنفس انتظار اهل هليل بنفس الجو الكئيب رغم اختلاف النية ماعدا نايفة اللي تتمنى العكس من كثر تأنيب ضميرها،،
مناور دخل ووجهه ينطق حزن وندم
ام غيث فزت له تجري ووقفت قباله وبغبنتها:علمني وش عملت علمني اعجل
مناور بضيقة:قصوه ياصيفة قصوه
،،البنات ضـاقـت خواطرهم رغم ان البعض كان وده بهالشي،،
ام غيث بابتسامة عريضة وفرح رغم دموعها اللي مستمرة تهل:الله اكبر الله اكبر،، زغرطت بصوت عالي غطى المكان وتردد صداه بفرحة،،
غيثة وقفت جنب امها وهي تسلم عليها
مناور احتدت نظرته وهو يطالعها
غيثة:هنيش يمه هنيش برد قليبش برد
ام غيث بابتسامة:علامش يابنت لذالحين ماتولمتي شوين غادين رجلش يمّنا ياخذش
غيثة كشرت:يمه كبيه يوم ثاني مايصلح الليلة
ام غيث الا الفرحة فرحتين غيث واختلصنا له(اخذنا حقه)وانتي بتغدين عروس،،زغرطت وثم ضحكت وهي للحين بوسط دموعها،،
مناور بتكشيرته وهو يطالعها:اوحيتي امش الليلة رجلش غادين ياخذش،،خرج،،
ام غيث اختفت ابتسامتها وجلست وهي منهارة من البكى على ولدها
نايفة طالعت امها:يمّه
ام غيث رفعت عيونها لها بوسط دموعها
نايفة:وشامة يمه من ياخذ حقها
ام غيث بحدة:انكعمي يانايفة انكعمي
نايفة مدت يدها لامها:راعيها يمّه وراش اتوبعش من اربع ايام!!
ام غيث شحب وجهها بفجعة وهي تطالعها
.
.........****..........
العصر
.........****..........
.
،،اليوم زواج بتال وعباير،،
،،الزواج عشا عائلي بسيط بدون اَي معازيم فقط الأهل ومكانه بيت بادي،،
..بيت الشلة قديمًا..
بتال متربع عالارض وهو ناسف شماغه على راسه وحاط البشت على أكتافه
جسّار جالس قباله يتغدا معه طالعه بتكشيرة من فوق لتحت:ندري انك العريس افصخه لاتبقى فيه ريحة الغدا!!
ام غازي جالسة عندهم تقطع لهم فاكهة:اتركه ياكل وش عليك منه!!
بتال ابتسم:غيران؟عادي خذ الثانية
غازي متمدد بعيد ضحك:لاتسمعك بخوت تذبحك قبل تذبحه
بتال بابتسامة:ماتقدر وراي ظهر الحين
امجاد خرجت من الغرفة واتسعت عيونها وهي تطالع امها:يمّه!!للحين ماااستشورتي تعالي مابقي وقت
ام غازي:من كبره هالعرس عاد
جسّار اللي يشرب موية نفثها بوجه بتال
بتال كشر وهو يمسح وجهه:الله يقرفك بالرخص
امجاد وقفت عندها وانحنت وهي تقومها:والله لو بس احنا تقومين تتجهزين بدري يمّه قومي
بتال طالع امه وبزعل:يمه مابتكشخين بزواجي!!
ام غازي:باكشخ باكشخ وانا امك بس اختك مستعجلة مدري وش فيها
بتال:ايه محد يبيني انا ولا احد يبي فرحتي
غازي مد رجله وهو يدف بتال
بتال مال شوي على جنب وهو يطالعه بتكشيرة
غازي بتكشيرة:ياشينك والله
بتال بنرفزة:وانت وش دخلك!!
ام غازي وقفت:تغدوا زين هاه محد فاضي لنقنقاتكم شوي،،مشت،،
ابو غازي خرج من الغرفة واتجه لهم:هاه جهزت؟
بتال فز واقف:جاهز يبه بس اغسل،،اتجه للمغسلة وغسل وهو يوقف عند ابوه،،
ابو غازي رفع العطر اللي بيده:هذا،،سكت وهو يطالع اللي داخل ورا فيصل بتكشيرة،،
فيصل دخل للبيت:حياك ياخال حياك
فاهد دخل ورا فيصل:الله يسلمك ويبقيك،،ابتسم وهو يطالع بتال اللي واقف ببشته،،السلام عليكم
غازي وجسار وقفوا
ابو غازي صد بوجهه
فاهد سلم عليهم
بتال اتجه له وسلم عليه بابتسامة
فاهد:ماشاء الله ماشاء الله مبروك ياابوك مبروك الله يوفقك ويسعدك
ابو غازي وهو مايطالعهم:ولد يابتال
بتال رجع له:سم يبه
ابو غازي رفع العطر:خذ تعطر الليلة من ذا
فاهد رفع الكيس اللي بيده بابتسامة:جايب معي عودة مخصوص لزواجك
بتال بلع ريقه وهو يمرر نظره بينهم بورطة
جسّار واقف جنب غازي وهمس:ياولد احتريت الحمدلله ماني مكانه
غازي همس:ماينلام يوم خلا زواجه كذا والله
ام غازي وقفت قبال بتال وهي تطالع وجهه المخطوف وبيدها المبخرة:لا عطرك ولاعودته
بتال كتم ابتسامته وهو يحمد ربه ان امه تدخلت
ام غازي وهي تبحر بتال:كل واحد جاب له شي لعرسه بحوره وعطره علي محد له كلمة عليه سمعتوا
فاهد ابتسم:زين زين
ابو غازي تنحنح وهو يرفع حاجبه:خذه لك هالعطر جايبة لك من الاول
بتال اتجه لابوه(عادل)وسلم على راسه:مشكور يبه مشكور يكثر خيرك
ابو غازي مشى راجع للغرفة:شغلوا السماعات وش فيكم هاجدين على غير العادة
،،الكل يطالعه منصدم،،
بتال همس:يمه ابوي وش فيه!!
ام غازي ابتسمت؛مافيه شي مافيه شي
.
..بيت بادي..
مزون تحط بها المكياج زفرت بطفش منها:وبعدين معك وبعدين!!
عباير تنهدت:عطيني اياه انا اخبر منش بروحي
مزون:لا والله!!حتى كحلتش تغدي بطول خط الديرة خابرتش انا!!مير انثبري وكبيني ازينه!!بخوت لاتهزينها واجد أبلشتني وانتي زدتيها!!
بخوت ورا عباير تفير اخر خصلها:خلاص اخر شين خلاص،،تركت الشعر وهي خلصتها ووقفت،،اعجلي يامزون ورانا ضيفان
مزون بعصبية:هو برايي هالبلوى علتني ماتكبني اعمل شين!!
عباير بنرفزة:تراني صابرة ومنكعمة عنش من اليوم لاتحديني اخطي عليش!!
مزون:حلفت عليش ذليت ذالحين غمضي غمضي وخليني اقضي محدن موخرني غيرش
عباير غمضت:تحمدي ربش انش خويتين لي ولا كان به علوم
مزون بتكشيرتها:اوص بس اوص غمضي وسدي حلقش عني
.
.........****..........
الليل
.........****..........
.
..بالسيارة..
هيفاء رافعة نقابها عن وجهها تطالع لقدام ساكتة وهي تحبس دموعها
راشد بابتسامة وهو يسوق:الله ياهيوفتي الله لو نعيد زواجنا
هيفاء برجفة صوتها:وشو له؟!!
راشد:يعني ماودك نعيده ابد
هيفاء بكت
راشد انفجع:وش فيك!!تعبانة يوجعك شي
هيفاء ماردت
راشد وقف بالسيارة على جنب الطريق وبخوف وهو يلف عليها كله يطالعها:وش فيك؟!!
هيفاء:مابي شين
راشد:ليش تبكين طيب؟
هيفاء سكتت
راشد زفر:نفسية الحمل؟
هيفاء هزت راسها بلا
راشد:ماني بمتحرك الى ماتقولين وش فيك حتى لو مانحضر الزواج الليلة
هيفاء وهي تبلع غصتها؛عتقى
راشد رجع بظهره للمقعدة:لااله الا الله!!وش فيها؟
هيفاء بدموعها:ذا النوبة بدال مااني اراعيها بالشبك اراعيها بصحن المفطح وسط الضيفان،،بكت،،
راشد انفجر يضحك
هيفاء طالعته بحقد وسط دموعها:ايه تستأهله هذا جزاتي اتضحك علي
راشد:احلى كبسة حاشي يحبها قلبك الليلة لاتفوتك ذوقيها
هيفاء ببكى:وشلون تريديني اتطاعم(اذوق)خويتي عوذا من قليبك عوذا،،صدت بوجهها عنه وهي تحاول توقف بكاها،،
راشد بابتسامة:هيفاء
هيفاء ماطالعته
راشد تنهد؛وانتي مصدقة اني باذبحها بعد ماشفت وجهك ذاك اليوم
هيفاء طالعته بسرعة
راشد:والله مابقلبي رحمة اذا ذبحتها بعد ماشفت وجهك
هيفاء بعدم تصديق:صحيح ياراشد عتقى مابها خلاف؟
راشد:مااخذتها بالشبك شريت من عمي غيرها
هيفاء ابتسمت بفرحة:صحيح عليك الله صحيح؟
راشد فرح من فرحتها:صحيح الصحيح
هيفاء مدت يديها له وهي تمسك وجهه وتقربه منها وباسته على خده بقوة
راشد ضحك
هيفاء طالعته ووجهه بين يديها للحين وبابتسامتها:مشكور مشكور ياعيني الله لايخليني منك
راشد:العفو وآمين بس ماابيها كذا
هيفاء باسته على شفته وتركته وهي تنزل نقابها بسرعة على وجهها وتطالع قدام
راشد تنهد برضا:يعني ولو انها ماتسوى شي جنب جميلي بس يالله مقبولة ماعليه
هيفاء التفتت له تطالعه:هاه!!
راشد بابتسامة:كل يوم مثلها ولا عتقى عالمصلخ
هيفاء؛تروعني انت!!
راشد ضحك:اي والله أروعك وش وراي انا!!
.
..بيت بتال الجديد..
سعود دخل بابتسامته ووراه بتال:يالله ان تحييه ياحيّه
بتال اخذ نفس وهو يهدي نبضات قلبه وكيف مايتوفر وهو بيقابل عروسته الليلة قطب جبينه:هو بيتي من يرحب بالثاني انا ولا انت!!
سعود ضحك:صحيح!!صدقت
بتال بابتسامة:ماعليه كلنا واحد
سعود وقف وهو يطالع حلايا واقفة برا الغرفة اسرع له بخطواته وباستغراب:حلايا علامك لحالك هنيا!!
حلايا بفستانها الابيض:مابي شين احتريكم
سعود:وينها امش؟
حلايا رفعت اكتافها لفوق بمعنى ماادري
سعود قطب جبينه بشك من وجودها برا لحالها:لفيتي بروحش!!!
حلايا هزت راسها بايع وسط ابتسامتها
سعود اتسعت عيونه:ليش!!الحين امش تنخبل عليش!!
حلايا كشرت:كبيرة انا!!
سعود:كبرت حبتش اَي والله(دعوة معناها تحقيق الطموح)علميني به احدن يم عباير؟
حلايا هزت راسه بلا
سعود مد يده ليفتح الباب
بتال مسك يده:لاتصدق هالنتفة تراها نكبة
حلايا كشرت وهي تطالعه:مابه احدن داخل غير امك واختتينك وعباير
بتال:شفت قلت لك نكبة
حلايا بزعل:والله لاعلم زسار
بتال:علميه،،مد لسانه لها،،
حلايا حبست دموعها
بتال انحنى لها:امزح امزح لاتصيحين
حلايا تطالعه بتكشيرة:بعاير بتغدي بها خلاص مانراعيها؟
بتال باستغراب:كيف يعني؟
سعود:من اوجس هالعلم
حلايا:هو اخذها معه مانراعيها بعدين؟
بتال ضحك؛ايه باخذها وأروح
حلايا بكت
سعود:لاااااله الا الله!!بتال!!
بتال مسك يدها وبابتسامة:ياخذها ونروح نشتري لك لعبة ونجيكم ببيتكم
حلايا:صحيح؟مابتغدون بعيد؟
بتال:لا هذا بيتنا متى ماتبين تعالي
الجد بادي دخل:السلام عليكم
بتال وسعود التفتوا له وردوا السلام
الجد بادي:علامكم لذالحين في ذا!!
سعود:ابدن نحتريك ياجد
عباير داخل الغرفة جالسة عالكنبة بفستانها الابيض باكمامه الطويلة وطرحتها الدانتيل المثبتة تحت اكسسوار شعرها الناعم اللي مثبت ورا البف البسيط وشعرها المفير المسدول على ظهرها بحلق ناعم وعقد يزين نحرها بمكياجها الناعم تسولف مع بخوت ورهايف اللي واقفين جنبها بعباياتهم وتضحك عادي
الجدة منيرة جالسة جنب عباير التفتت لام غازي اللي جنبها:وش فيهم تاخروا؟تركنا معازيمنا
ام غازي واقفة جنبها:ماعليك عذبة فيه ماتقصر وهيفاء جاية اكيد وصلت ياعمة،،التفتت لأمجاد اللي واقفة جنبها وهمست لها،،ماشاء الله يازوجة اخوك مرتاحة
امجاد بهمس:يوه يمه نسيتي رهايف!!كانت مثلها
ام غازي:لااا وين
امجاد:والله نفس عباير الحين واول ماقالوا جواد بيدخل،،بضحكة،،رهايف نشف دمها
الجد بادي تنحنح وهو يمد يده لباب الغرفة ويفتحه:ياعرب
عباير تغير وجهها
امجاد ابتسم وهي تهمس لامها:شفتي!!
ام غازي ضحكت بخفة
بخوت:حياك ياجد حياك مابه احد
الجد بادي طالعهم:اصبروا شوي،،دخل وحلايا معه،،السلام عليكم
بخوت بابتسامة:وعليكم السلام والرحمة حياك ياجد حياك،،اشرت لحلايا تروح لها ووقفت حلايا عندها،،
الجد بادي ابتسم وهو يطالع عباير وتقدم لها
عباير وقفت
الجد بادي سلم عليها:مبروك يابنتي مبروك
عباير همست:الله يبارك فيك ياجدي
الجد بادي:سعود ياسعود أقلطوا حيكم
سعود دخل وهو منزل راسه:السلام عليكم
بتال وراه:السلام عليكم
عباير نزلت عينها عالارض وقشعر جسمها من وصلها صوت اللي متعودة عليه لكن هالمرة وصلها غير وصل لها وهو زوجها حلالها وهي حلاله
ام غازي والجدة منيرة زغرطوا بفرح اول مادخل وغنت الجدة؛باركوا له عسى عمره طويل وافرحوا له هذا غاية مناه..
رهايف تشققت من الحماس لكن كابحة نفسها من كثر تهديدات جواد لها مايبي صوتها يـطـلـع ابد مسكت بد بخوت وهي تضغط عليها تكبح حماسها
بخوت التفتت تطالعها باستغراب وطنشت الموضوع
سعود سلم على عباير:مبروك ياعين اخوش مبروك
عباير بهمس:الله يبارك فيك
سعود باستعباط وهو يقرب اذنه منها:هاه؟
عباير رفعت عينها له بتكشيرة
سعود ضحك وهو يضمها لحضنه:مبروك يالعبرة مبروك الله يوفقش ويسعدش يااخيتي
عباير حبست دموعها
سعود ابتعد وهو يترك المجال لبتّال
عباير اخذت نفس وعينها عالارض وهي تحس فيه يقرب
بتال تقدم لها بعد ماسلم على امه وجدته وامجاد وضاعت عينه عن رهايف اللي جنب بخوت وهو مثبت عينه عليها
عباير مع كل خطوة يخطيها ويوصل صوتها لها توتر وتحس المكان يضيق رغم اتساعه
بتال وقف قدامها ومد يده لها:مبروك ياعباير
رهايف صرخت صرخة مكتومة وهي تشد على بخوت
بخوت كتمت ضحكتها وهي اخيرا استوعبت ان رهايف فرحانة بس ماتبي تتكلم
عباير بلعت ريقها وهي تمد يدها وتصافح يده وبهمس:الله يبارك فيك
بتال سلم عليها خد بخد وسط ابتسامته وتركها وهو يوقف جنبها
امجاد صورتهم بالكاميرا وهي كل شوي تتجه لبتال وتهمس بخجل من سعود وجده:قربوا من بعض
،،بعد التصوير الكل خرج واتجه لبيت بادي ماعدا الجد بادي،،
الجد بادي قبالهم طالعهم للحظة وهم واقفين جنب بعض وبينهم مسافة بسيطة مد يمينه بابتسامة ليمين عباير ومسكها وهو يطالعها:ولفى شوق عباير ياعباير
عباير تلون وجهها من إحراجها
بتال قطب جبينه مافهم
الجد بادي:مبروك الله يصلحه لش ويصلحش له،،طالع بتال ومد يساره ليسار بتال ومسكها وللحين يمينه بيمين عباير وطالع بتال،،وغدت عباير عبرتك وشريانك يابتال
بتال ابتسم وهو يفهم انها القاب
الجد بادي:مبروك يابتال مبروك،،حط يديهم بيدين بعض واحتضنها بين يديه وطالع عباير،،ياعبرة بتال وشريانه حطيه بعويناتش وعلى راسش،،طالع بتال،،وياشوق عباير حطها بقلبك قبل تغدي بعيونك،،مرر نظره بينهم بحب وفرح يحتويه وهو محتضن يديهم للحين،،ياعلكم مبروكين ياعله
.
.
<اللهم صل وسلم على نبينا محمد>
.
.

rwuiit28 14-06-2020 11:47 PM

رد: رواية ياسمح المحيا جر الهجـينية/بقلمي
 
موعدنا مع نهاية روايتنا بالبارت القادم باذن الله ودمتم بخير💜💜

شَجن العُذوب 15-06-2020 12:16 AM

رد: رواية ياسمح المحيا جر الهجـينية/بقلمي
 



السلام عليكم ورحمة الله وبركاته
سلمتِ ي قلبي ❤
حسيت بشيء تحرك بقلبي لما قريت ان البارت الجاي النهايه .. 😢💔
بججد روايه جميله بالحيل وستمتعت فيها، وضحكت كثير فيها، الله يسعدك كثر ما اسعديتنا فيها وامتعتينا،
بس تعقيب صغنون على البارت، حسيت كذا جاء زواج بتال وعباير بسرعه يعني ما عطاتينا شويه تفاصيل ع ردادت فعل ابو غازي وفاهد والكل ع الخبر وكذا أحداث تمهيديه لزواج على طول حسيت زواجهم جاء بسرعه، بس ما يعني هذا إن ما تأثرت بالأحداث خصوصا الموقف الاخير من بادي حسيت كلامه وتوصياته عميقه بجد لامستني ،
ع طاري الكلام من زمان وخاطري أسألك بس أنسى الحين لهجّه أم جللاجل ، بادي وعباير وسعود.. الخ
ما خذاها من اي لهجه بمنطقه بسعوديه .. حايّل ؟

Fay .. 15-06-2020 01:02 AM

رد: رواية ياسمح المحيا جر الهجـينية/بقلمي
 
قسم بالله ما احكي لك عن الشعور الي جاني لما قريت انها بتخلص خلاص😭
كان عندي احساس بس تاكدت و ضاق خلقي صدق

ام غيث و غيثه ياربي لا تبلانا وش هالقلوب
ضاق صدري على هليل و اهله 😔😔
و بتال تزوج اخيييراً♥♥♥♥🤩
احس اشتقت من الحيين

الربيع القلب 15-06-2020 08:22 AM

رد: رواية ياسمح المحيا جر الهجـينية/بقلمي
 
يعطيكي العافيه
مجهود واضح والتزام رائع
وكل بارت اجمل من الثاني
ولغه جميله استمتعت معها
اكيد بمسك الختام حنشوف اولادهم😍

queeeen 15-06-2020 09:31 AM

رد: رواية ياسمح المحيا جر الهجـينية/بقلمي
 
البارت تحححفه من الجمال😔❤❤❤❤❤❤❤❤❤
وبخوت صارت تحب جسار الله🥺
اهم شي عباير تزوجت بتال😭❤❤❤
🥺نبا تفاصيل اكثر عن رهايف وجواد احبب علاقتهم😭❤❤❤

بنت آل تميم 15-06-2020 10:24 AM

رد: رواية ياسمح المحيا جر الهجـينية/بقلمي
 
الف الصلاة و السلام عليك يا حبيب الله محمد كلوووووووليش مباركن عرس الاثنين ليلة ربيع و العين جمرا 😍😍😍
يااااا زين بتال و يااااا زين زواجه وين يوسف نشبه مال اله اثر هل بارت 😂😂😂

الله ياخذ ام غيث وغيثه و ياخذ حق شامة 💔😭 قلبي مااا يرد ابي شي يكسر خشمها و يخليها شي ماا يسوى عجوز قريح

لااااا يعني خلاص مافي ابو غازي وعقاباته و تكفيخ ل بتال و جسار

عقبال زواج سعوووود 😍😍

في انتظارك عيني

queeeen 15-06-2020 01:57 PM

رد: رواية ياسمح المحيا جر الهجـينية/بقلمي
 
اقتباس:

المشاركة الأساسية كتبها بنت آل تميم (المشاركة رقم 31832322)
الف الصلاة و السلام عليك يا حبيب الله محمد كلوووووووليش مباركن عرس الاثنين ليلة ربيع و العين جمرا 😍😍😍
يااااا زين بتال و يااااا زين زواجه وين يوسف نشبه مال اله اثر هل بارت 😂😂😂

الله ياخذ ام غيث وغيثه و ياخذ حق شامة 💔😭 قلبي مااا يرد ابي شي يكسر خشمها و يخليها شي ماا يسوى عجوز قريح

لااااا يعني خلاص مافي ابو غازي وعقاباته و تكفيخ ل بتال و جسار

عقبال زواج سعوووود 😍😍

في انتظارك عيني


😂😂😂😂😂احسسس سعود بيتزوج أمجاد. 🥺❤❤

rwuiit28 16-06-2020 09:34 PM

رد: رواية ياسمح المحيا جر الهجـينية/بقلمي
 
اقتباس:

المشاركة الأساسية كتبها شَجن العُذوب (المشاركة رقم 31831404)



السلام عليكم ورحمة الله وبركاته
سلمتِ ي قلبي ❤
حسيت بشيء تحرك بقلبي لما قريت ان البارت الجاي النهايه .. 😢💔
بججد روايه جميله بالحيل وستمتعت فيها، وضحكت كثير فيها، الله يسعدك كثر ما اسعديتنا فيها وامتعتينا،
بس تعقيب صغنون على البارت، حسيت كذا جاء زواج بتال وعباير بسرعه يعني ما عطاتينا شويه تفاصيل ع ردادت فعل ابو غازي وفاهد والكل ع الخبر وكذا أحداث تمهيديه لزواج على طول حسيت زواجهم جاء بسرعه، بس ما يعني هذا إن ما تأثرت بالأحداث خصوصا الموقف الاخير من بادي حسيت كلامه وتوصياته عميقه بجد لامستني ،
ع طاري الكلام من زمان وخاطري أسألك بس أنسى الحين لهجّه أم جللاجل ، بادي وعباير وسعود.. الخ
ما خذاها من اي لهجه بمنطقه بسعوديه .. حايّل ؟

وعليكم السلام والرحمة..
امين يارب ويسعدك❤❤..
بالنسبة لزواج بتّال وعباير اكيد بيكون باي تعقيد😅لان مشكلته انتهت مع اهله ووافقوا على شرطه بوجوده بيكون الكل هادي..
بالنسبة للهجة يمكن حتنصدمين لكن هي من قرى الغربية النائية وهذا السبب اللي اتفادى اقول المنطقة لان متوقعة الاقي اعتراضات كثير رغم انها لهجتنا😅..

rwuiit28 16-06-2020 09:36 PM

رد: رواية ياسمح المحيا جر الهجـينية/بقلمي
 
اقتباس:

المشاركة الأساسية كتبها fay .. (المشاركة رقم 31831584)
قسم بالله ما احكي لك عن الشعور الي جاني لما قريت انها بتخلص خلاص😭
كان عندي احساس بس تاكدت و ضاق خلقي صدق

ام غيث و غيثه ياربي لا تبلانا وش هالقلوب
ضاق صدري على هليل و اهله 😔😔
و بتال تزوج اخيييراً♥♥♥♥🤩
احس اشتقت من الحيين


بما اننا بالنهاية الكل حياخذ جزاه حتى لو كانت الطريقة مختلفة شوي عن العادة🤗

rwuiit28 16-06-2020 09:37 PM

رد: رواية ياسمح المحيا جر الهجـينية/بقلمي
 
اقتباس:

المشاركة الأساسية كتبها الربيع القلب (المشاركة رقم 31832134)
يعطيكي العافيه
مجهود واضح والتزام رائع
وكل بارت اجمل من الثاني
ولغه جميله استمتعت معها
اكيد بمسك الختام حنشوف اولادهم😍

يعافي قلبك يارب وان شاء الله المتعة تستمر للنهاية❤❤

rwuiit28 16-06-2020 09:38 PM

رد: رواية ياسمح المحيا جر الهجـينية/بقلمي
 
اقتباس:

المشاركة الأساسية كتبها queeeen (المشاركة رقم 31832207)
البارت تحححفه من الجمال😔❤❤❤❤❤❤❤❤❤
وبخوت صارت تحب جسار الله🥺
اهم شي عباير تزوجت بتال😭❤❤❤
🥺نبا تفاصيل اكثر عن رهايف وجواد احبب علاقتهم😭❤❤❤

بخوت تحب جسّار لكن خايفة عليه من غيث وهذا السبب بتصرفاتها كلها

rwuiit28 16-06-2020 09:40 PM

رد: رواية ياسمح المحيا جر الهجـينية/بقلمي
 
اقتباس:

المشاركة الأساسية كتبها بنت آل تميم (المشاركة رقم 31832322)
الف الصلاة و السلام عليك يا حبيب الله محمد كلوووووووليش مباركن عرس الاثنين ليلة ربيع و العين جمرا 😍😍😍
يااااا زين بتال و يااااا زين زواجه وين يوسف نشبه مال اله اثر هل بارت 😂😂😂

الله ياخذ ام غيث وغيثه و ياخذ حق شامة 💔😭 قلبي مااا يرد ابي شي يكسر خشمها و يخليها شي ماا يسوى عجوز قريح

لااااا يعني خلاص مافي ابو غازي وعقاباته و تكفيخ ل بتال و جسار

عقبال زواج سعوووود 😍😍

في انتظارك عيني

خلاص وصلنا لنهاية الرواية صدق حزينة بنهايتها بس اهم شي تكون فعلا استمتعتم بها مثلي❤❤

شَجن العُذوب 16-06-2020 09:42 PM

رد: رواية ياسمح المحيا جر الهجـينية/بقلمي
 
اقتباس:

المشاركة الأساسية كتبها rwuiit28 (المشاركة رقم 31836803)
وعليكم السلام والرحمة..
امين يارب ويسعدك❤❤..
بالنسبة لزواج بتّال وعباير اكيد بيكون باي تعقيد😅لان مشكلته انتهت مع اهله ووافقوا على شرطه بوجوده بيكون الكل هادي..
بالنسبة للهجة يمكن حتنصدمين لكن هي من قرى الغربية النائية وهذا السبب اللي اتفادى اقول المنطقة لان متوقعة الاقي اعتراضات كثير رغم انها لهجتنا😅..

أنا من الجنوب..فكان فيه مفردات مفهومه واضحه بنسبه لي لانها شيء من لهجه اهل المنطقه الي انا فيها ، ولو أن الاغلب مو موجود لكن ابد مالاقيت صعوبه بفهم اللهجه بروايه ،
أما بخصوص اعتراضات الي تقولينها، معك حق ممكن تلاقي من يتفلسف ع راسك مع ان ما ادري ليه الواحد يستحي من لهجته مع انها جدا حلوووه، بس فيه ناس مدري كيييف تفكر 🤔😬

rwuiit28 16-06-2020 09:42 PM

رد: رواية ياسمح المحيا جر الهجـينية/بقلمي
 
،،الـجـزء الـرابـع والـثـمـانـيـن والأخـيـر،،
اللهم صل وسلم على نبينا محمد،،استغفر الله العظيم الذي لاإله إلا هو الحي القيوم واتوب اليه
.
.
.........****..........
،،بـعـد سـبـع شـهـور،،
.........****..........
.
..بيت عادل..
،،الصالة،،
ابو غازي شايله بين يديه وهو يبوسه على خدوده وبابتسامة وهو يرفعه وينزله يغني له:مرحبن حييت ياصقرن لفى
ام غازي جالسة عن يساره مدت يدها ليد ابو غازي اليسار وهي تمسكه:بشويش نفضت قلبه فجعته حرام عليك!!
ابو غازي سحب يده منها وبتكشيرة:كبيني انا وحفيدي نتصافى مالك بنا بد وباسه ع خده وهو يغني قريب من اذنه:ومرحبن حييت ياصقرن لفى
ام غازي جنبه ضربته على كتفه بشويش:لاتغني باذنه حرام عليك صغير مايتحمل،،مدت يدها وتسحبه لها وتاخذ عادل من يديه،،جيبه جيبه دفش انت ذبحته
ابو غازي سحب يده:علامش انتي علامش ماتكبيني يوم معه على راحتي!!
ام غازي بعناد سحبت يده وهي تاخذ عادل منه:جيبه بس جيبه الحين يتخلع على امه المسكينة ووقتها مابينفعها صقرك،،باسته ع خدوده:ياروح جدتك ياعويدل
ابو غازي يطالعها بتكشيرة:صبي قهوة لعادل اللي قدامك اول
ام غازي وهي تنزل عادل عالارض وتفتح كوفالته وتمسجه:اخدم نفسك مشغولة مع عادل الصغيرون
ابو غازي:وينها امجاد؟
ام غازي:اتركها تنام اهلكتها فرفرة المولات
ابو غازي:تقعد بالبيت دام اهلكتها وشو له العنا!!
ام غازي وهي تلعب عادل:انت اللي عنيتها مدري متى تترك طبعك!!
ابو غازي:ازين هاللون وش فايدة العرس بعد فترة طويلة اسبوع يكفي
ام غازي زفرت بيأس وهي تفضل تسكت ماتناقشه بهالموضوع
فيصل راجع من برا دخل وجلس عندهم:سلام عليكم
ابو غازي طالعه:هلا هلا اخيرا جيت الحمدلله عالسلامة أستاذ فيصل!!
فيصل:الله يسلمك يبه
ابو غازي بحدة:وينك اليوم ولاتكذب تقول الجامعة دفنتك
فيصل وهو يخفي ربكته:عادي يبه مابكذب عليك مريت المحل قبل يفتح اشيك عليه
ابو غازي بابتسامة سخرية:ماشاء الله!!ذيب ذيب!!ليتك معطي الجامعة بال مثل المحل الله يخلف علي فيك
فيصل:يبه وش فيك علي مستلمني من الصبح
ابو غازي اتسعت عيونه وصرخ:ولد!!
عادل الصغير انتفض بفجعة وصرخ يبكي
ام غازي رفعته بسرعة لحضنها وهي تسمي عليه:بسم الله عليك بسم الله
ابو غازي التفت لفيصل بعد ماكان يطالع عادل وبحدة:طقم صلب لابارك الله بعدوك نفضت قليب المسكين قم
فيصل:وش دخلني يبه!!انت اللي فجعته!!
ابو غازي صرخ:وشو!!!
عادل الصغير اللي هذا صوت بكاه للحظة صرخ يبكي من جديد
ام غازي صرخت:اهب ياعادل اهب خلعت وغيدنا اهب
فيصل فز وهرب
ابو غازي فز وراه:فيصللللللل
.
،،جناح غازي القديم،،
عذاري فتحت غطى السرير بشويش وهي تطالعه نايم تحركت ونزلت رجولها بتقوم من السرير
غازي مسك يدها وهو مغمض عيونه
عذاري تنهدت:غازي باشوف عادل
غازي وهو مغمض عيونه للحين وماسكها ماتركها
عذاري زفرت:صباح الخير حبيبي
غازي فتح عيونه وابتسم:صباح النور حبيبتي العذرة
عذاري كشرت:متى تبطل هالدلع ذا!!
غازي:اذا بطلتي تتسحبين وتهربين عني
عذاري رجعت جلست عالسرير وهي تتربع وتقابله والله مااهرب منك كيف اهرب من روحي!!
غازي سحبها له
عذاري قاومت سحبته:دولتي اكيد يبكي
غازي كشر:عادل عادل وش دولتي وبعدين مع اني لاتشيلين همه،،سحبه له بقوة،،
عذاري استسلمت له وهي تزفر وتمدد جنبه
غازي حاوطها بيديه وضمها لحضنه
عذاري وهي ملاصقة صدره ولامس راسها طرف دقنه
غازي وهو يغمض عيونه:خليني اشبع منك زين وهالنشبة بعيد عنا
عذاري بزعل وهي تضربه على صدره بشويش:حرام عليك مسكين مايسوي شي والله انك شرير
غازي:والله ان هالنتفة هو الشرير مناشبني فيك كل ماحضنتك(يقلد بكاه)واااااع واااع كنه يدري
عذاري ضحكت:يغار على امه
غازي:على شحم عرفتك قبله
عذاري ابتسمت:طيب وبعدين
غازي تنهد وهو يضمها له ويستنشق ريحتها بكل مافيه:ابي اشبع منك بس ابي اشبع بعيد عنه
.
..بيت الجد نشمي..
،،غرفة استقبال الضيوف،،
هيفاء عالسرير
الجدة منيرة وهي شايلة صحن التمر اللي خالطته بأعشاب وقفت جنب السرير وهي تمده لها:ها سمي وكلي منه
هيفاء بتعب:والله ياجدة مالي به نفسي منسدة عن العيشة
الجدة منيرة:راعي وجهش وشلون مصوفر من قل عيشتش(ماتاكل)وشلون بتشد روحش وتقومين ببنتش ورجلش وانتي غادية هاللون!!
هيفاء:عذبتني ياجدة ليت عمتي سمعتها عذاب بدل ماانها عذوب
الجدة منيرة بفجعة:استغفر الله العظيم خافي ربش بوغدتش عني لو يصيبها كبر راس الذرة ان نياحش يوحونه اللي باقصى الديار
هيفاء كشرت:الله يحفظها ياجدة
الجدة منيرة:اغتظتي!!هذا وجسش مايغيظ ياهيفاء،،مدت الصحن بوجهها،،هاش بس هاش اتعبتيني وانا احتريش
هيفاء اخذت الصحن بضيق
الجدة منيرة:كلي وتحمدي الله عالنعمة ولا بأرسل مراسلي يم ثريا تغدي يمش
هيفاء اكلت:لا لا انا باغدي يمهم ياجدة لاترسلين المراسيل تكفين
.
،،بالصالة،،
راشد منحني شبه ساجد وهي عالارض تحته ماسكة خنصره بيدها الصغيرة:يمّه يالوحي يمه يالصعيلونة اتلتي عدلي(اكلتي عقلي)يمه يالحلا يمه يازينة
الجد نشمي ضحك:ولد وش فيك ضاع كلامك!!
راشد تنهد وهو يلتفت لجده:ضيعت عقلي وش الكلام عاد ياجد!
ابو جواد:أعطني اياها خل اسلم عليها
راشد:لحظة ياخال لحظة ماشبعت للحين
ابو جواد كشر:من اليوم مزعجها والحين ماشبعت!!
راشد وعينه على بنته:مناشبني ياخال ببنتي!!
الجد نشمي ضحك
ابو جواد شهق:انهبلت!!
عذبة دخلت وهي شايلة القهوة وجلست بين راشد وابوها:اَي والله انهبل هاذي وهي لها اسبوع وش بيصير له لاكبرت شوي!!
راشد جلس على ركبه وهو يمسك صدره:يمّه بموت وانا اتخيل
عذبة ضربته على كتفه وبحدة:ولد!!
الجد نشمي بضحكة:من اول ضايع عقلك والحين تفلت زيادة!!
فيصل دخل وهو يلهث
،،كلهم طالعوه باستغراب،،
فيصل وهو يجري لجده ويتخبى وراه:ياجد بوجهك
الجد نشمي:وش فيك!!
ابو غازي دخل وبعصبية:فصيللل
راشد رجع ينحني شبه جالس وهو يمسك يدين بنته يبوسها ويهمس:بسم الله عليك بسم الله ياروح بابا بسم الله
الجد نشمي:لااله الا الله!!ماتعقل ياعادل ماتعقل!!
ابو غازي:وهو خلا بي عقل!!،،ابتسم وهو يطالع طرف الكوفالة الوردي اللي واضح طرفه من تحت راشد مشى له بخطوات سريعة ووقف جنب راشد وهو يرفع رجله ويدف راشد من جنبه اليمين،،قم عني
راشد طاح على جنبه اليسار وبصدمة:خاالي!!
ابو جواد ضحك:تستاهل يارويشد ذنبي!!
ابو غازي:قم قم بس قم عني
راشد:هيبتي ياخال قدام بنتي!!
ابو غازي:قم لاأمحطك واوريك الهيئة قم
راشد ابتعدت عن عذوب بهدوء وسط تكشيرته
عذوب بكت بصوت هادي
ابو غازي وهو يجلس:هلا ياهلا بهالصوت اويلي عالبنات وش هالصياح اللي ياخذ القلب
الجد نشمي ضحك:واحد عقله والثاني قلبه!!
ابو غازي رفعها من عالارض لحضنه وهو يسمي
راشد فز قلبه:بشويش تكفى ياخال!!
الجد نشمي غمز لفيصل
فيصل وقف وهو يتسحب بشويش
ابو جواد كتم ضحكته وهو يطالعه
فيصل خرج وجرى لسيارته وحرك لجامعته
ابو غازي طالعه بحدة:علمني احسن!!وبعدين يومك صادق وين فراشها حاطها بالارض كذا!!
عذبة:العناد أكلمه وهو طاير معها ورايح مايسمع
راشد:وش اسوي يمه ماعاد انتبه لشي وهي معي
ابو غازي:من اول ضايع ماهي بجديدة عليك
راشد:خالي!!من اليوم مستلمني وش فيك علي!!
ابو غازي تذكر فيصل والتفت:فصيل العلة!!
الجد نشمي وهو يتقهوى:ارسلته مالك فيه
ابو غازي:ليش يبه!!
راشد:عطني بنتي ياخال
ابو غازي رفع عذوب عن رجوله بيديه ومد رجله لراشد يدفه:طسّ عني طسّ علامك مبلشني كن محد عنده بزر غيرك طس!!
راشد:ياخال
ابو غازي بحدة:اوص
عذبة ضحكت وهي توقف؛بشويش عالبنت لاتذبحونها بودي فطور امها وراجعة لها
راشد:يمه عند ابوها لاتوصين!!
عذبة:وهاذي المصيبة
ابو جواد ضحك
عذبة:وفوقها وسطكم كلكم رجال بتطيرون قلبها من مكانه،،مشت،،
ابو غازي يبوس خدودها:والله اني متنعم ياربي لك الحمد هناك واحد وهينا واحد
.
..بيت خالد..
سهام نازلة عالدرج جاهزة لدوامها خرجت من البيت ووقفت عند مكان جلستهم بالحديقة:السلام عليكم
ابو صايل وام صايل ردوا السلام
سهام تقدمت لسريره وانحنت وهي تبوسه وهو نايم:ياروح ماما
ابو صايل وقف:يالله مشينا
سهام وعينها على ولدها:اذا بيتعبك عادي أوديه لامي
ام صايل بابتسامة:لا لا وين تودينه خليه معي يونسني
سهام تنهدت بضيق:اوك على راحتك مشكورة ماتقصرين
ام صايل وقفت وهي تنحني وتشيله من سريره:خلاص يكفيه تشمس روحي دوامك ويزن عندي لاتشيلين همه بعيوني
سهام:تسلم عيونك مشكورة
ام صايل اتجهت لداخل البيت
ابو صايل مشى:يالله الحقيني
سهام مشت وراه وهي تحبس دموعها
ابو صايل التفت لها وهو يحس بخطواتها البطيئة:وش فيك؟
سهام برجفة صوتها وهي توقف جنبه:مو مطاوعني قلبي اروح واتركه
ابو صايل ابتسم وهو يحط يده على كتفها ويضمها لحضنه ويمشي:وين الهمة اليوم اول يوم دوام لك بعد إجازتك!!ماهي بسهام اللي تقول هالكلام
سهام؛ويزن؟
ابو صايل بابتسامته:عند خالته بعيونها لاتخافين انتي روحي دوامك وبعدها بتتعودين عالوضع
سهام تنهدت بضيقتها
ابو صايل ترك كتفها وهو يمسك يدها ويمشي بسرعة
سهام وراه:وش فيه!!
ابو صايل:يالله يالله لاتتاخرين على اول يوم لك
.
..بيت مسفر..
،،المطبخ،،
شذى تتثاوب وهي تحرك الشوربة التفتت تطالع الطاولة من وصلها صوت الاهتزاز زفرت وهي تقرأ اسمه تقدمت بخطواتها وهي تسحب جوالها وبطفش:نعم!!
جواد:كلمتي رهايف الصباح؟
شذى:مايكفي اجهز الشوربة لكم بعد اهتم بمواعيدكم عن بعد!!
جواد:كل شي بحقه ياام لسان طويل!!
شذى:كلمتني عالساعة ثلاث
جواد سكت
شذى:ليش!!لايكون تعبت مرة ثانية
جواد اتسعت عيونه:اسكتي لاتسمعك امي ويوصل لعمتي فضيحة انتي فضيحة!!
شذى بوزت:اسفة اسفة خلاص لاتعصب
جواد زفر:استغفر الله بس قفلي انتي خليني اشوف نهايتها معها هالرهايف
شذى:طيب،،قفلت،،استغفر الله مضغوط بدوامك وش ذنبنا تنفس علينا!!،،اتسعت عيونها،،والشوربة مابيجي لها!!،،رفعت جوالها بتتصل له وبطلت وبتكشيرة،،ارسل السواق ولايذلني،،قلدته،،كل شي بحقه
.
..بيت فاهد..
يوسف حاط اكل له لوحده بصحنه وجالس يفطر وهو مايطالعهم
فاهد ونشمي جالسين عالارض يفطرون
فاهد زفر بطفش منه وطالعه:وثمن معك انت هاه!!وثمن؟!
يوسف وهو مايطالعه:انا بأغدي يم عمي عادل هو اللي بيفزع معي
نشمي ابتسم وهو فاهم حركته
فاهد طارت عيونه من اللي سمعه وبحدة:وشو!!!
يوسف:ايه انت وعمي ماتدانون(تطيقون)بعيضكم مير عمي لاطلبته فزع اخو عذبة كفوووو
نشمي ارتفع حاجبه:لاتدخل عذبة بالسالفة!!!
فاهد:وانا وين غديت عنك هاه!!جبتك ونسيتك!!
يوسف:انت معيي تنشده!!
فاهد بعصبية:وصريمة يايوسف وصريمة اوجس امين
يوسف بعناد:ماني بموجس
فاهد بعصبيته:قبل البارح خاطبين لك تريد يوجسون تم من اولها!!العرب لزوم يتقصون سواد وجهك!!
يوسف بتكشيرته:وجهي ابيض راعه!!
نشمي ابتسم
فاهد:ياربي صبرنا على هالولد يارب حتى اخوك ماغثني مثلك
يوسف:لانه ماهو بمعك دايم ولا أغث واحدن هو انشد عمي
فاهد كشر بوجهه:يازين غثاه يمك!!عليتني ياعل عداك للعلل
يوسف:الظاهر خالي بيغدي برزقته وانا للحين مااوجسوا يمي شي
نشمي كشر:اذكر الله مابغت ترضى!!
فاهد:ياشين ياشين خاف ربك مالك يومين وفوقها عمتك بنفسها خاطبة لك يعني المفروض انك مرتاح وقاضي!!
يوسف:ليش تأخروا طيب!!
فاهد:يمكن البنت تستخير للحين اصبر لااله الا الله!!
يوسف:لا لا انا مالي بهالوضع الا عمي عادل يمسك اخوه من أذنه ويخليه يوافق
فاهد صرخ:غصب هو غصب!!ولا أعجبك عادل وهو يمشي كل شي بيده
يوسف:ورجوله بعد والله يبه ياعليه شوتة تفقدك الذاكرة
نشمي ضحك
فاهد فز واقف
يوسف رمى صحنه ونط ورا الكنبة:يبه يبه صبر نتفاهم
فاهد:انا اللي بأفقدك الذاكرة على هالصباح
يوسف وهو يدور الغرفة من ورا الكتب ويدف يدين ابوه عنه لايمسكه:ارتقي يبه لاتصير مثله انت العزة والشموخ!!
فاهد:اَي والله بأعتز واتشمخ فوق راسك تعال
يوسف جرى لغرفته:ليه مهبول انا اسلم روحي لك!!
فاهد يجري وراه:ان ماخليتك تحرم تجيب طاري الجيزة ماني ولد ابوي
.
..بيت جواد..
جواد وقف قبال باب بيته راجع من دوامه وهو يتصل فيها ولاترد بدا يدخل قلبه القلق بعد ماكان مجرد توتر وهو خرج البارح وهي تعبانة دخل لبيته:رهايف رهايف،،اتجه لغرفة الضيوف اللي تنام فيها اذا مافيها حيل تطلع فوق زاد قلقه وهو ماحصلها لف الدور الأرضي كله وهو يناديها مو موجودة طلع الدرج ثنتين ثنتين بخطواته السريعة وجرى لجناحهم وهو يفتح الباب قطب جبينه وهو يطالع انارة الـجـنــاح خافتة وبنفسه،،معقولة نايمة!!،،مر من مدخل الجناح البسيط،،
رهايف جالسة بزاوية نهاية مدخل الـجـنــاح وهي تنتظره واول ماسمعت فتحت الباب انصتت لخطواته واول ماقرب مدت عصا المكنسة اللي ملبسة نهايتها شراب اسود وهي تحركها بطريقه بسرعة عالارض قدامه وبصرخة:فاااااار
جواد شهق وهو يوقف على رجله اليسار ويرفع رجله اليمين لفوق ويديه لفوق:يممممممهههه
رهايف انفجرت تضحك وهي تطالعه
جواد وقف وهو يحط يده على صدره يحس بنبضات قلبه للحين ماهدت
رهايف وقفت وهي تتنهد من ضحكتها:ليش تأخرت تدري كم لي جالسة عالارض انتظرك!!
جواد كشر بوجهه
رهايف وهي ترجع لورا وتمد يديها لقدام:لحظة لحظة خل نتفاهم حبيبي
جواد يمشي لها:نتفاهم!!
رهايف وهي ترجع لورا للحين:يالحب يالروح،،لفت وجرت وهي تصرخ بعد مافهمت انه مابيتركها،،يمممممهههههههه
جواد جرى وراها وهدّا بخطواته وهو يذكر حملها وتعب وحمها اللي طفش منه:شوي شوي مابسوي لك شي والله
رهايف وهي تجري للحمام اهم شي توصل له ابتسمت وهي مابيننا وبين الباب الا شعرة ومدت يدها
جواد جرى بسرعة اكثر لحقها وحاوطها من خصرها ورفعها وهو يلف فيها عن الباب بسرعة
رهايف ثنت رجولها وهي تنزل راسها لتحت شوي وتغطي اذانيها بيديها تصرخ بين يديه طايرة بالهوا؛جواااااد
جواد وقف فيها وهمس بأذنها:والله عاللي سويتيه يبي لك ضرب محترم بس احمدي ربك انك حامل
رهايف ارتاحت وهي تسمع كلامه مدت رجولها للارض وهي تلامسها ونزلت يديها وهي تلامس يديه وبزعل:يعني مااستاهل تخاف عشاني شوي!!
جواد:لا ماتستاهلين!!
رهايف كشرت:نعم!!!
جواد ابتسم وهو يرفع يمينه ويبعد شعرها عن رقبتها ويدفن وجهه برقبتها وغطاه شعرها وهمس:تستاهلين روحي ياروحي
رهايف ابتسمت:الله يخليك لي،،اتسعت عيونها،،
جواد عض رقبتها بقوة
رهايف:اااااه
جواد تركها وهو يضحك:عشان مرة ثانية لاتخوفيني
رهايف غرقت عيونها دموع وهي تحط يدها على مكان عضته وتطالعه بتكشيرة
جواد اختفت ابتسامته:زعلتي!!
رهايف ماردت واتجهت للحمام بخطوات سريعة
جواد لحقها
رهايف دخلت الحمام وقفلت الباب وراها
جواد دق الباب:رهايف لاتصيرين نفسية
رهايف ببكاها:مدري مين النفسية والله
جواد زفر وفتح الباب
رهايف ماسكة الشطاف قباله وهي تطالعه بشر
جواد اتسعت عيونه
رهايف رشته بالموية وهي تضحك بصوت عالي وتطالعه:تستاهل هالدمعتين اللي نزلت،،تضحك،،
جواد رجع بخطواته لورا وهو يغطي وجهه بيديه وتحرك بيمشي وزلق
رهايف ماتت ضحك وهي توقف رش عنه ومشت له وقفت عنده
جواد عالارض وهو يمسح وجهه بيديه مد يده لرجلها وسحبها بقوة
رهايف زلقت وصرخت:جوااااااد!!!
جواد اللي نسى حملها اتسعت عيونه وانقلب وجهه من فجعته وهو يمد يديه لها ويحاول يمسكها وطاحت بجسمها على صدره صرخ من المه:اااااه
رهايف رغم ان جسمه خفف طيحتها لكن توجعت شوي وبكت
جواد يتالم تحتها
رهايف قامت عنه بدموعها على خدودها وضربته على صدره بقوة
جواد كح وسط المه:اااه
رهايف:احسن!!
جواد وهو متمدد على ظهره ويطالعها:اسف والله نسيت!!!
رهايف بكت بصوت عالي
جواد زفر وهو يعتدل بتمدده على جنبه اليسار ويطالعها بوجه مرتسم عليه الوجع:الله يعدي الشهور الجاية على خير
.
.........****..........
ام جـلاجـل
.
..مزرعة مناور..
مناور جالس بزواية بيته اللي بوسط هالمزرعة زفر وهو يطالع بيته الفاضي
فضة(زوجته الجديدة)بكامل زينتها المعتاد عليها عندهم جلابية خضرا قصيرة واكمامها الكت بعشر بناجر بيمينها وخمس أسوار عريضة بيسارها خواتم بيديها ورشرش يزين رقبتها بصوت خلخالها اللي وصل له قبل تخرج من الغرفة خرجت من غرفة نومهم وعلى وجهها ابتسامة:حي هالصباح اللي يزهى وتقر عيني بشوفة راعي القلب
مناور ابتسم:الله يحييش يافضة الله يحييش
فضة وقفت قباله وهي تنحني وتسلم على راسه ويده
مناور سحب يده:استغفر الله!!
فضة سحبت يده:كود ماحبيت يد رجلي احب يد من!!محد يستاهلها غيرك ياعين فضة
مناور:سلمتي سلمتي
فضة:افا ياشيخ علامك ماوعيتني!!العادة لذالحين راقد!!
مناور؛ارعيتش راقدة قلت اكبش اتريحين عقب تعب البارحة
فضة زفرت بضيق:مناور
مناور قطب جبينه:علامش
فضة:ماودك تراعي مرتك وبناتك حالتهم تضيق الصدر
مناور بعصبية:اقطعي طرياهم يافضة لااغيظش
فضة تنهدت:زين زين لاتغتاظ والله مااريد غير اراعيك مستنانس ياعين فضة
مناور:قومي ولمي القهوة ولاتوجسين هالطواري مرتن ثانية اوحيتي
فضة فزت واقفة:ابشر ابشر ياعيني ابشر ذالحين وهي قدامك،،لفت عنه باتجاه المطبخ بابتسامة على وجهها وبنفسها،،الله يجعله ياعلك ماتريدهم دايم
.
..بيت مفلح..
ثريا بوجهها المرسوم عليه الضيق:مفلح
مفلح نزل فنجاله بطفش منها وبعصبيته:عليتي مفلح ياعلش ماتفلحين ياثريا اوجسي امين
ثريا:ماني بموجسته الى منك توجس ابشري
مفلح:ماني بغادين بس مير تريحي ياثريا تريحي
ثريا بترجي:تكفى طلبتك يامفلح تكفى
مفلح:ماني بغادين يم هالديار الصعيبة كبيني يامرة كبيني عليتيني عوذا منش عوذا
ثريا بعصبية:الا عوذا منك انت يالوجه الاقشر!!مابك رحمة خابرته من اول مير اوجست بلكن عود عقب ماغدت عنا وغدا بقلبه محنّة مير مالك خير يامفلح تف
مفلح اتسعت عيونه وهو ياخذ فنجاله ويرميه عليها:اعقبي اتفيني!!
ثريا فزت واقفة:اَي بالله ولا الضعيفة غدا لها اسبوع والد وانت ماصحى قلبك يغدي يمّها
مفلح بعصبية:طسي لحالش ياعلش ماتعودين طسي!!
ثريا:اَي بالله بطس ماني محتريتك احتريتك لامني اوجست واللي خلقه!!والله لاغدي يم بلك(الابل حقته)واتخير ازينهن واغدي بها يمّنا ام جـلاجـل واعطيها عطية للي يغدي بي يم هيفاء
مفلح يطالعه بصدمة:وشو!!اعقبي
ثريا؛وانت خلك هنيا،،مشت،،
مفلح فز واقف ومشى وراها:ثريا
ثريا جرت وهي تسمع صوته وراها:والله لأخذ أزينها كود ماغديت بس يم بنيتي يامفلح والله
.
..بيت ناصر..
ناصر واقف عالباب ماسك الحافظات الصغيرة بيده يطالعها بابتسامة
مزون قباله بيدها كيس وهي تاخذ من الحافظات وترتبها بالكيس وعينها عالحافظات والكيس:هاذي بها رز وهاذي بها ايدام وهاذي بها لحم وكل زين وكب عنك،،رفعت عينها له وابتسمت وهي تطالع ابتسامته،،علامك؟
ناصر طبع بوسة على جبينها:الله يقر عيني بش دايم ياإمزينة قليبي
مزون:امين امين ياعيني مير تغدا الشبهة ماهي بنافعتك لااعتليت(مرضت)
ناصر بابتسامة:ذالتن علي يامزون
مزون:وذي يريد لها نشدة!!كود مادلين عليك اذل على من ياعين مزون
ناصر تنهد بحب وهو يطالعها:والله ماودي اغدي ودي اقعد معش ونفطر
مزون زفرت:اغد اغد لاتوخر ويقومون عليك اباليس هالديرة اللي مايثمر بهم شين اغد حافظك الله
ناصر باس جبينها مرة ثانية:الله يحفظش لي الله يحفظش،،خرج،،
.
..بيت طلق..
فارس دخل للبيت وهو يلهث وبصراخه:يمّه يمه
ام طلق خرجت من المطبخ وهي مفجوعة من صراخه:علامك ياولد!!
فارس بوسط انفاسه:طلق يمّه طلق
ام طلق شحب وجهها:علامه خيّك!!
طلق دخل للبيت بابتسامة:السلام عليكم
ام طلق نزلت دموعها وضربت فارس على كتفه:روعتني،،مشت لطلق وهي تزغرط،،ياهلا ومسهلا يامرحبا الف
طلق هرول بخطواته لامه وهو يفتح يديه لها وسط ابتسامته
ام طلق ضمته لحضنها وهي تبكي:يامرحبا بمطول الغيبة يامرحبا
طلق وهو يبوس راسها ويدها وبرجفة صوته:تشوقت لش يمّه تشوقت
ام طلق:ياهلا باللي مزع(شال)قليب امه ورده بلفيته ياهلا
.
،،بمكان نائي تمامًا خالي من البشر ماعدا خيمتهم اللي تتوسط هالوادي،،
تتخطى بخطواتها الضعيفة وعينها على قفاه بحقد
حمد قبال ناره اللي بطرف الخيمة يغني مبسوط وهو يجهز دلته
غيثة بجسمها الهزيل ووجهها الشاحب اللي تغطيه الكدمات بيدها خنجر حمد وقفت وراه وهي تنحني وتوجهه له تبي تذبحه وبغبنتها:متتتت
حمد التفت لها بسرعة وسط ابتسامة وهو يمد يده بسرعة ويمسك يدها اللي ماسكة فيه الخنجر ويوقف
غيثة انخطف وجهها وهي تطالع ابتسامته
حمد ضغط على يدها بقوة وهو يطالعها ببابتسامة
غيثة طيحت الخنجر وهي تبكي من المها:كبني كصمت(كسرت)يدي!!
حمد ترك يدها وهو يرفسها برجله
غيثة طاحت عالارض
حمد بابتسامته:تريدين موتش يوم تعملين هاللون!!
غيثة:ليتني ميتة ولا عيشتي القشرا معك
حمد انفجر يضحك
غيثة:مايصيبك علل بيديك ورجولك
حمد بابتسامة:ليه!!تريدين تصيبني علل!!
غيثة بقهرها:يالله ياكريم ان تنزل بك يالله
حمد ضحك:بتنزل بي مير عقب مااقبرش!!
غيثة:ماورا فعولك بي!!
حمد باستمتاع:ماارعيتي شين لذالحين!!ماارعيتي نورة(زوجته الاولى)وش غدا بها!!
غيثة بدموعها تترجاه:تكفى اذبحني تكفى
حمد انفجر يضحك
غيثة:الموت اشوى لي منك
حمد:صحيح أشوى لش الموت مير والله عقب سواتش ذي ان ماتراعينه!!
غيثة وهي مرعوبة منه وهي تدري اللي سواته مابينا مرور الكرام انهلت دموعها بغزارة وبصراخ:ماتخبر من انا!!انا بنت الشيخ مناور!!والله ان ماتغدي فعولك بي على خير
حمد بابتسامة:امحق شيخ وامحق ابو،،التفت لناره وهو يحركها،،اللي ماعزش وحذفش يمي مثل حذفته للكلاب وهو خابرن فعولي بالحريم وش يريد بهاللون!!،،التفت لها بابتسامة وهو يسحب منه عود حطب طرفه مجمر(بدا يصير جمر)ووقف وهو يتجه لها،،
غيثة رجعت لورا:يلفي والله ان يلفي واتندم على سواياك بي!!
حمد ضحك:مير اني لفيت يمّه عقب مااخذتش بزمن واوجس يمي مايريد لي شوف ولايريد لش طريا
غيثة اتسعت عيونها بصدمة؛اكذاب اكذاب
حمد انحنى وهو يجلس قبالها ويطالع العود اللي بيده:تخبريني اعمل كل شي الا الاكذاب مااريدها
غيثة تجمدت وهي تظلم الدنيا بعينها بعد مافقدت اخر خيوط املها بالفكة من حمد والفكة من حياتها معه
حمد مسك رجلها وهو يحرقها بطرف العود
غيثة صرخت بالم من حرقها
حمد:هالوسم(الحرق)حتى اتخبرين ماتعملين مية مرة قبل تعملينه ياغيثة انا حمد كود ماخبرتي حمد لذالحين اخبرش وافهمش
.
..بيت غيث..
هدية البارز بطنها جالسة قبال عمتها بتعب واضح عليها مدت الفنجال لها:هاش ياعمة
ام غيث اللي تطالع لقدام ساكتة بشرودها
شريفة جالسة جنب امها اخذت من هدية الفنجال وهي تحط يدها على رجل امها المتربعة:يمّه
ام غيث ماردت
شريفة هزتها ورفعت صوتها:يمّه هاش قهوتش
ام غيث انتبهت لها والتفتت لها وأخذته منها ورجعت لشرودها
نوفة متجهة لهم وبيدها صحن التمر جلست قبالهم وهي تقرب الصحن من هدية:هاش كلي حتى إتيسر ولادتش
هدية زفرت:الله يستجيب لش يانوفة الله يجعله رقدت نايفة؟
نوفة؛أعطيتها الدوا وحرستها لامنها رقدت الله يعين ويشفيها رقدت مير ياشين رقدتها،،طالعت امها وزفرت بضيق،،يمّه القهوة أبردت
ام غيث ماردت
شريفة مدت يدها لامها من جديد وهي تهزها:يمّه القهوة
ام غيث طالعت شريفة باستغراب
شريفة:القهوة يمه
ام غيث بكت
هدية غرقت عيونها دموع:عمة!!
شريفة بلعت غصتها وهي تمسك يد امها:علامش يمّه ذالحين علامش!!
نوفة غرقت عيونها دموع وهي تصد بوجهها عنهم
ام غيث اعتلى صوت شهقاتها
شريفة ضمت امها لصدرها:الحمدلله يمّه الحمدلله على كل حال الحمدلله
نوفة:يااميمتي بدل هالدميعات ادعي لمن مات بالرحمة والمريض الله يرفع عنه والغايب الله يرده
.
..بيت جسّار..
جسّار واقف قبال المراية بلبس دوامه يقفل ساعته وهو يهمهم
بخوت بفستانها النيلي القصير لتحت ركبتها المخضر على جسمها بقصة مستطيلة نازلة من الاكتاف عالصدر ومايلة من اليسار على شكل سبعة فاردة شعرها الطويل المغطي ظهرها كله دخلت للغرفة بابتسامتها الهادية وبيدها المبخرة
جسّار ابتسم وهو يطالعها
بخوت وقفت قباله وهي تبخره
جسّار مد يديه وحاوط خصره وهو يسحبها له ويلصق جسمها بجسمه
بخوت ابتسمت باحراج وهي تبعد يدها اللي بها المبخرة
جسّار:كيف اروح للدوام وهالحلا كله قدامي
بخوت بغرور:ماألومك والله
جسّار ضحك:اموت عالثقة يحق للزين يغتر يحق له
بخوت رغم محاولات استعادت ثقتها الا انه تتحرج بسرعة نزلت راسها وهي تحس بخدودها بتنفجر من حرارتها
جسّار عقد حواجبه وهو يشم بصوت:تشمين ريحة؟
بخوت رفعت راسها له وهي تطالعه بنص عين وبزعل:ريحة خدودي اللي انشوت!!
جسّار انفجر يضحك وهي فاهمته
بخوت فكت يده بيدها وهي ترفع لابكوته وتبخره
جسّار:وصلك الصوت؟
بخوت رفعت عينها له:صوت وش!!
جسّار اتسعت عيونه:يمّه لايكون فيني بلا
بخوت ميلت فمها وهي تطالعه بشك:مابك خلاف بسم الله عليك كب الوسوسة عنك
جسّار همس:سمعتيه الحين؟
بخوت سكتت وهي تنصت ثم رفعت عينها له:مابه حس!!
جسّار بهمس:قلبي يدرقن دربق ربق
بخوت كشرت:عنيت درقن درقن ماهو بدربق دربق!!
جسّار ضحك وهو يبوسها بقوة على خدها
بخوت:اااه
جسّار ضمها لصدره وبصوت عالي:ياعالم ياناس ولكم وجه تلوموني بحبها!!
حلايا اللي نايمة على سريرهم جلست وصرخت:اوووووص
جسّار وبخوت التفتوا لها يطالعونها
حلايا:ادوشتوني(ازعجتوني)كبوني انام كبوني
جسّار فك بخوت من حضنه وهو يمسك يدها؛نامي نامي وانا وأمك عندنا سالفة
بخوت نزلت المبخرة على التسريحة
جسّار خرج ويده بيد بخوت وقفل الباب على حلايا ووقف قبالها وطالعها وتنهد بحب وهو يتأملها
بخوت تطالعه بابتسامة ورفعت نفسها على اطراف أصابعها وهي تبوس خده بخفة
جسّار مسكها قبل تنزل:لا اقوى ماترضيني
بخوت رفعت يديها وهي تحاوط رقبته وشدته لها وهي تبوسه بقوة
جسّار ضحك بخفة وكله رضا
بخوت ابتعدت عن خده وهي للحين محاوطة رقبته وبابتسامة:ارضتك ذالحين؟
جسّار حاوط خصرها ورفعها وهو يمشي باتجاه الباب ودافن وجهه بكتف بخوت
بخوت بابتسامة:وثمن بتاخذني معك يم دوامك
جسّار وقف عند الباب وهمس وهو ضامنا له للحين:ياليت والله مااخليك تروحين عن عيني
بخوت:جسّار
جسّار مارد
بخوت:حبيبي
جسّار ابتسم وهو ماتركها
بخوت:ياروح بخوت
جسّار مارد
بخوت:ابرقد الليلة يم جدي
جسّار تركها بوسع عيونه:نعم!!
بخوت ضحكت بخفة:ماتوحي لي الا بهاللون
جسّار كشر:تمزحين صح؟
بخوت:اعجل تراك متوخر هماك توجس ريسك متقعدن لك
جسّار:تقعد عليه علة تفكني منه
بخوت:استغفر الله خاف ربك
جسّار باس خدها:فمان الله،،خرج،،
بخوت ابتسمت وهي تقفل الباب وراه والتفت بتدخل للبيت قطبت جبينها وهي تطالعها:علامش!!
حلايا واقفة قبالها:واخزياه يابخوت واخزياه
بخوت ارتفعت حواجبها:علامش
حلايا:والله لاوجس يم جدي انكم مابكم حيا تسلمون على بعيضكم بوضح النهار!!
بخوت تغير وجهها:ياعين امش انتي
حلايا قاطعتها:وهالكذوب جسّار يوجس يمي بالليل مابه خلاف
بخوت اتسعت عيونها بصدمة:وشو!!!
حلايا:انشدي الكذوب رجلش يعلمش،،مشت للغرفة،،
بخوت جرت لها تلحقها:حلايا حلايا اصبري وش هالعلوم!!ادني يمي علميني يابنت بنت
.
،،بسوق المحافظة،،
سعود واقف وراه انحنى شبه راكع وهو يهمس لجده:ياجد محدن ذالحين ياخذ هاللون
الجد بادي جالس بمحل أقمشة:انكعم عني،،زفر،،خياتك مابهن خير ولا وحدتن فزعت معنا
سعود:ياجد والله ماقصرن انت اللي رديت القطع مااعجبتك!!
الجد بادي:اَي بالله اجل احدن يشري قماش لمرة مايتلامع!!
سعود زفر:جدي والله محدن يعمل هاللون علامك ماتوحي لي
الجد بادي رمى قطعة القماش اللي بيده وهو يلف ويلتفت لسعود وبحدة:ولد ياسعود
سعود:سم ياجد
الجد بادي:من اخبر بالعلوم والسلوم؟
سعود تنهد:انت ياجد انت
الجد بادي:اجل انكعم وكبني اتقضى لزواجك على مااريد وكود ماتقوى تاقف طسّ يم السيارة لامني اقضي أموري
سعود زفر بتكشيرة:بي حيل بي حيل تقضى ياجد على هواك تقضى
.
،،شبك غنم فيه غنم بعدد لابأس فيه وعن يمين هالشبك بركة صغيرة وحوض صغير وقبال هالشبك بمسافة ست امتار تقريبا عشة تحتها مشب ودولاب صغير باللون البني وجلسة مرتبة وورا الشبك والعشة بمسافة خيمة متوسط حجمها وهالشي والخيمة والعشة بوسط وادي فاضي مافيه اَي احد،،
بتال يسوق سيارته راجع من شفته الليلي متجه لهالغنم ابتسم وهو يطالع سيارتها واقفة جنب العشّة ودخان نارها يتصاعد وقف جنب سيارتها ونزل وهو يمدد جسمه وسط اصوات طالعه منه زادت ابتسامته وهو يطالع عبايتها وطرحتها معلقتها بعامود العشّة اتجه لشبك الغنم وضحك بخفة وهو يلمحها داخله اسرع بخطواته وهو يرفع صوته بالغنا:
الـزيـنـة يـومـن يـطـروهـا..
أصـيـلـة مـاعـذربـوهـا..،،وقف على باب الشبك وهو يفتحه ودخل وقفله،،
تـربـت مـن كـف أخـوهـا..،،لف للشبك وغمض عيونه وهو يحس بالضربة،،
عباير بجلابتيها العودية الواسعة بشعرها المجدول جديلتين مسدولة على اكتافها وبعض الخصل النازلة اللي تتطاير على وجهها مع هبوب الهوا جالسة عند احد الغنم ماسكتها وتحلبها وهي تتحلطم فزت واقفة وهي تترك الغنمة وحتى جك الحليب وجرت لخزان الشعير وهي تفتحه وتاخذ بكف يدها كمية من حب الشعير وهي تسمع صوته واتجهت لباب الشبك وعلى التفاتته ضربته بوجهه بكل قوتها بالشعير
بتال يتفل الشعير اللي بفمه وهو مغمض
عباير تكتفت وهي تطالعه وبنرفزة:ماعاد إتضحك علي بهاللون ياولد فاهد!!
بتال فتح عيونه وقطب جبينه وهي ماتناديه ولد فاهد الا اذا زعلانة مرة:ياعبرة القلب وشريانه للحين زعلانة
عباير لفت عنه بتكشيرة وهي ترجع لخزان الشعير:ادنى عاوني ادنى،،سحبت الشراع(تتغطى فيه الخيام وشبوك الغنم وقت المطر)الملفوف على بعضه جنب خزان الشعير وهي تحاول تفرشه عالارض،،
بتال قبالها بمسافة ضم يمينه لصدره وهو يتصنع الالم:لااله الا الله وكرف البارح والمرضى اللي شلتهم
824
.
~
عباير زفرت بيأس منه وهي فرشت الشراع عالارض ووازنته:يومك ماانت براعي غنم ليش تبلشني بها!!
بتال تقدم بخطواته وهو يوقف بوسط الشراع تنهد:قلبي غزاه حبها ياعباير وش العمل بالقلب دام القلب هاويها
عباير اخذت الزبدية اللي بوسط الخزان وهي تشيل بها كمية من الشعير وترميها عند رجوله:ويومك هاويها قم بها ياعلها للذيابة!!
بتال ينطنط وهو يرفع رجوله لاعلى شي يبعد عن الغنم اللي تجمعت حوله عالشعير
عباير هزت راسها وهي تطالعه:ماشاء الله يازين هواك ماشاء الله!!،،انحنت وهي تزفر وتاخذ من الشعير وتحط عالشراع للغنم،،
بتّال متكي بظهره عالشبك يطالعها وهو متكتف بوسط ابتسامته
عباير قفلت الخزان بعد مارجعت الزبدية داخله وانتهت من الغنم واتجهت لباب الشبك
بتال مشى وراها
عباير فتحت الباب وقفلته وراها بسرعة وراها ومسكته وهي تطالعه بتكشيرة
بتال بابتسامة:عبرة القلب
عباير:خلك عند الغنم اللي تريدهن هماك هاويهن!!
بتال:ماهو يكثر هواي الزين!!
عباير ميلت فمها بشك
بتال جر هجينيته وهو يغمز لها:
الـــــــــزين مثل الحيا متبوع..
ان ما تلى الناس يــتــــلونه..
عباير تكتفت وهي تنتظر الزلة:وثمن؟؟؟
بتال ترك البيت اللي هي تنتظره(الشين مثل المحل مقطوع..يمشون لين يتعدونه)وكمل:
من ذاق حب امهات اردوع..
اهل الهوا مايلمونه..
ياشوق عنك الخطا مرفوع..
وانتي عن الشين مصيونه..
عباير تنحنت وهي تفتح له الباب ومشت
بتال قفل الباب ومشى وراها:للحين زعلانة؟
عباير التفت له وهي ترفع يديها وتفتحهن بوجهه وبضيقة:راع راع يديني من راعاهن يوجس خشبة من يبسهن!!
بتال مسك يديها وهو يبوس باطن كفوفها:ازين الخشب واجوده
عباير سحبت يديها منه وهي مستغلة انحنائه ومسكته من اذانيه وشدته وهي تعض طرف شفتها
بتال غمز لها ورسل لها بوسة بالهوا:ذبحتني عضة هالشفاه ياعبرة بتال
عباير تركته وبتكشيرة:بتااال!!
بتال بابتسامة:ياعيونه
عباير:ذالحين مستانسة ربي فكني منها يوم جدي باعها تغدي يمه وتشريها منه ليش!!هاه ليش!!
بتال عاد الكلام:قلبي غزاه حبها يا
عباير تنرفزت:بتااال!!
بتال:والله ياعباير احبها والله
عباير زفرت ومشت باتجاه العشّة
بتال مشى وراها
عباير سحبت طرحتها من عامود العشّة ولفتها اَي كلام وجلست عند المشب وهي تحرك الحطب وبدت تجهز القهوة
بتال جلس قريب منها بنفس جهة جلستها ويمينه موازي ليسارها وبينهم مسافة ابتسم وهو يشوفها مجهزة الفطور وتنتظره:افطرتي؟
عباير بزعلها:اجل احتريك!!
بتال رفع كم سكرابه اليسار وهو يلف جسمه لها يبيها تطالع جرحه وبتكشيرة:شوفي انحرجت ولااحد طالع فيني!!
عباير:احسن تستاهل
بتال كشر وزفر وهو يقرب بجلسته منها وكمل:تخيلي الحادث لااله الا الله وقوته!!وصلنا الموقع وجريت للسيارة فتحت بابها بعد معاناة ودخلت للسيارة ومسكت المصاب ورفعته وضرب راسي بالتندة
عباير كتمت ضحكتها وهي تتربع
بتال وهو يميل بجسمه جهتها:وجاتني دوخة دوخة ماعاد اشوف شي،،ارتمى بحضنها ووازن راْسه على رجولها وهو يتكتف ويغمض عيونه،،دخت دخت
عباير ميلت فمها بابتسامة وهي تمسح على راسه:عاد لحقوا عالوجعان ولا عليك يالدايخ؟!
بتال:مدري الظاهر انا الوجعان
عباير ضحكت:لاترقد الى منّا نفطر
بتال:وين النوم وريحة القهوة تضرب راسي
عباير مدت يدها لسكرابه ترفعه وشهقت وهي تطالع جرحه:اهبوا هذول مستشفى!!كود ماراعوا دكتورهم وشلون بيغدي مستشفاهم ياعله للصريمة!!
بتال فتح عيونه وهو يطالعها:محد يمي ياعبرة بتال
عباير:ابشر العبرة تفزع بك ابشر غدينا يم جدي ماازين من مشعابه
بتال فز جالس وبزعل:عباير!!
عباير انفجرت تضحك:علامك مشعاب جدي من ترعيه تطيب
بتال:ايه اضحكي وش عليك انا اللي بأنكوي!!،،رجع يتمدد على رجولها وغمض عيونه،،
عباير تلعب بشعره بابتسامة
بتال بتكشيرة:لايدري جدي
عباير:ان شاء الله
بتال فتح عيونه ورفع راسها لها بتأكيد:لايدري
عباير وهي ترفع راسه عن رجولها بيسارها وتمد يمينها للدلة اللي عالنار
بتال جلس
عباير مدت له الفنجال بعد ماصبت له وبابتسامتها:سم
بتال اخذ فنجاله:سلمتي
عباير طاحت طرحتها من على راسها وهي تصب لها فنجال تاففت وهي تنزل فنجالها والدلة وتفتح طرحتها عن رقبتها
بتال ضحك وهو يطالعها
عباير قطبت جبينها وهي تطالعه وتفرد طرحتها اللي بين يديها بتلبسها وباستغراب:علامك؟!!،،لمست وجهها بيديها،،بس شين؟
بتال نزل فنجاله وهو يمد يمينه بيمينها ويمسكها وسحب الطرحة منها بيساره وينزلها جنبه وهو يذكر هجينية جده وزفر بوسط ابتسامته العريضة:صدقت ياجد مايكمل يومي الا بشوفة طخمتها!!
عباير مو فاهمته:بتال علامك!!
بتال سحبها من يدها له
عباير انحنت بجسمها تقرب منه وهي ترمش باستغراب
بتال احتضن وجهها بين يديه وهو يطالعها بابتسامة زفر ورفع يده يبعد شعرها اللي يلعب به الهوا عن جبهتها طبع بوسة عميقة على جبينها وبابتسامة:صباح الخير ياعباير صباح الخير ياعبرة بتال وشريانه
عباير ابتسمت:ياعل صباحاتي سمحة بمراعتي لك(بشوفتك)ياسمح المحيا،،وبنص عين،،مير علامك اليوم ياشوق عباير؟
بتال ضحك وهو يتركها وياخذ فنجالها وجر هجينيته بوسط ابتسامته:
تـو ماشافت غزير الزين عيني..
‏طارت الغدفه وشفت اللي تحتها..
‏ناطحتني والجدايل سبحتيني..
‏ياصباح الخير ياشوف طخمتها..
‏مير عذروب الحبيب شارتيني..
‏مع سواد عيونها طول رقبتها..
.
.
الـنـهـايـة...
~تمت بحمد الله وفضله..
~وأخيرا أتمنى تكون هالرواية نالت إعجابكم وارتقت لمستوى توقعاتكم وأن أكون وفقت في تقديم اول رواية لي من هالنوع..(إن أحسنت فمن الله وإن أخطأت فمن نفسي والشيطان)..
~الى الملتقى باْذن الله برواية قادمة جميلة وانا وانتم بخير وعافية وسلامة❤❤
~~حسابي بالانستقرام:rwuiit28~~
.
.
.

شَجن العُذوب 16-06-2020 11:45 PM

ط±ط¯: ط±ظˆط§ظٹط© ظٹط§ط³ظ…ط­ ط§ظ„ظ…ط­ظٹط§ ط¬ط± ط§ظ„ظ‡ط¬ظ€ظٹظ†ظٹط©/ط¨ظ‚ظ„ظ…ظٹ
 


السلام عليكم ورحمة الله وبركاته
مشگوره حبيتي على الروايه .. إستمتعت فيها كثير، تنوع الشخصيات كان جدا جميل، من ناحيه الحزم والشده < ابو غازي >. بجد أحب هالإنسان على قشارته وجلادته، وبعد فاهد طبعا بعد ما تاب وتغير اما فاهد الأول هذا ادخل الروايه وسلخخخخ جلده عن عضمه، والهبل والهياط والضحك <. بتاتيل وجسار وحتى غازي هالإنسان رائع،
عجبني بعععععد بروايه واقعيتها.. جسدتي فعلا مشاعر الشخص إلي ممكن ينجرح من أعز الناس له وما عاد يقدر يسامحه واقصد عادل مع فاهد، يعني فعلا بحياتنا مو اي أخطاء ممكن نغفرها للي آذونا، للأننا بشر، حتى لو تابو .. وهذي نقطه ع قد ماهي موجعه على قد ما هي واقعيه وفي حياتنا مع الأسّف فا الله لا يجعلنا نتحمل ذنب أحد برقيبنا، لإنّ حق الناس شيّء ما تتحلل منه إلا من أصحابه ، نسأل الله العفو والعافية
النقطه الاخيره والفريده بالروايه ، عاد انا متوقعه سيناريو مستهلك من الأحداث زي ما نقرأ بروايات الثانيه لكن انتي كسرتي توقعي وغيرتي نظرررتي وهذا شيء اشكرك كثير علييييييه 😍😍😍
بجدددد شخصيه بتال عجبتني لنهايه ، ثقله ورزانته وأسلوبه الرجولي وتحفظه بتعامل مع غير محارمه مرره بطل مو مثل باقي الابطال بأغلب الروايات تلاقينه يراكض ورا البطله بشكل يغثك ، < وجعع🤮
وهذا شيء مره تفردتي فيه بشخصيه بتال، وأشكرك عليه لاني كنت فعلا ما أبغاه يتغير وتخرب شخصيته بعيني ، وبرضو هذا شيء بعد ينطبق ع عباير هالإنسان تنحط على الراس.. ياهي حركاتها تفتح النفس ومنطوقها يبرد الكبد ، هالاثنين يفوزون
المجمل الروايه رائعه ، سلمتِ عليها ، ونتظرك بإذن

Fay .. 17-06-2020 01:54 AM

رد: رواية ياسمح المحيا جر الهجـينية/بقلمي
 
ما ابالغ لو اقول من الروايات الي حبيتها و تعلق قلبيي فيها
:(♥♥♥♥
حبيت كيف النهاية مرضييه بشكل للكل
ام غيث و غيثه اكثر المتضررين باللي صار و لا استفادوا شيي.. فرحت باللي صارهم لانهم وصخات صدق و خبيثات
غازي ابو عادل و ام عادل و العايله كامله صدق حبيتهم و حبيت كيف اخوان والله تحسينهم حقيقي اشياء تصير و الي بينهم و راشد و امه و جواد الي كنت اكرهه😂 و شلون بخوت صايره حبيتتتها وهي كذا مره ، كلهم حابتهم و بفقدهم صدق تعودت عليييهم
فاهد من بداية ماجا تقريباً كنت حابته ، و شي طبيعي عادل ما يسامحه
والله محتاره اعلق على ايش و ايش اقول اخاف اقصر بحقها لكن يمين بالله بدعتي بدعتتتي و الله يوفقك يارب و يسعدك و لو تنزلين رواية ثانيه بكون اول الداعمييين و اول من يقراها طبعاً♥♥♥♥

الربيع القلب 17-06-2020 05:32 AM

رد: رواية ياسمح المحيا جر الهجـينية/بقلمي
 
ياسميح المحيا
عباره جميله
جعلنا الله جميعا نتصف بها
وانما تدل عطيب القلب وسلامة النيه
جزاك الله خيرا

ترنيمه .. 17-06-2020 08:24 AM

رد: رواية ياسمح المحيا جر الهجـينية/بقلمي
 
السلام عليكم ورحمه من الله


""الـنـهـايـة...
~تمت بحمد الله وفضله..
~وأخيرا أتمنى تكون هالرواية نالت إعجابكم وارتقت لمستوى توقعاتكم وأن أكون وفقت في تقديم اول رواية لي من هالنوع..(إن أحسنت فمن الله وإن أخطأت فمن نفسي والشيطان)..
~الى الملتقى باْذن الله برواية قادمة جميلة وانا وانتم بخير وعافية وسلامة❤❤""

مشكووووووورة👍👍
ماقصرتي ابدعتي يا مبدعه فكرة الروايه كانت من الجمل الافكار طرحا، ماشاء الله تبارك الله هالنوع جديد بنسبه لي، خطيتي تفصيل لحياة جميله بشخصيات غريبه وجميله روايتك هذي كانت من الجمل روايات قرائتها ،مبدعه في الوصفه لكل شي ، وانتقالاتك من لون الى لون جديد في الاحداث تغير العادات وأتفاق الشخصيات ،واختلاف الطبقات في الروايه ولكن بشكل لم يسبق لي ان اقراء مثله كان التفاوت معقول وكانت ردود الفعل جميله بعض الاحداث كانت متوقعه ولكن أكثر الأحداث لم ترسم مخيلتي لها فكرة ابدا ،احداثها واقعيه اكثر من تكون خياله ،لهجتها سهله بنسبه لي لكن بعض الكلمات كانت غريبه علي، روايتك بقمه الرقي 💚 موفقة بأذن الله .

😢😢في أمان الله
✋دمتوا بخير✋
🌊ترنيمه 🌊

بنت آل تميم 17-06-2020 10:10 AM

رد: رواية ياسمح المحيا جر الهجـينية/بقلمي
 
الله الله يااا سمح المحيا ..
رواية جميييله باللهجة اجمل و اغرب ..
راح نشتاق لعصبية عادل و تكفيخه ل بتال و جسار و الكل
😂😂😂😂 راشد بعد ما اخذ هيفا انا غسلت ايدي منه
غازي دلوع بشكل
اوووووه بخوت و جسار شو هل جمال و تتطور 😍😍 حلايا اماااا جابت فيهم العيد

عااااااد ملحهم كلهم بتال 😍😍 و عباير اخيرا صارت أنثى ،،
يوسف يااااربي هذا ابد ما يعقل 😂😂

سعود و امجاد الله يسعدكم

و الباقي كلن اخذ جزاهم من ام غيث الى غيثه رحمت بس نايفه...


شكررررا على روايتك الجميله 💕💕 راح نشتاق الك و ل ابطالك
في انتظار لرواية جديده الك 💕


دمتي بخير

queeeen 17-06-2020 02:50 PM

رد: رواية ياسمح المحيا جر الهجـينية/بقلمي
 
تسسسسلم أيدك حبيبتي
رواية جميييلة بمعنى الكلمة
واستمتعت جداً بأحداثها وتفاصيلها
😍😍😍😍
ننتظر رواياتك الجديدة❤❤❤❤❤

هـــدبـــ خــجــلانــــ 23-06-2020 02:29 PM

رد: رواية ياسمح المحيا جر الهجـينية/بقلمي
 
سلام
اخبارك روايااات
روووعه روووووعه الروايه بكل ماتعنيه
الكلمه وروووعه قليله بحقها
واحداث مرا تجنن بجد يسلموا
علـ الانامل الي كتبتهم
ويسلمو علـ الجهد الجبار الي
سويتيه لنا بدوون مقابل منا
بصراحه علـ قدر ماني كنت متحمسه
للنهايه الا اني زعلانه اني بفارقها
بفارق روايه وكاتبتها الي هي
اول كاتبه اشوفها بذا الانتظام
في المواعيد والي اذا تاخرت
ولو شوي تعوضنا تعويض عظيم

اسمحي لي اقول لك بصراحه
انتي كاتبه ممتازه جدا جدا
في مواعيدها وكتاباتها وحبكتها
الرائعه للروايه

روايه عشنا معها بكل شي وكان
احنا فيها تعايشنا مع احداثها وكانها
حقيقه وذا طبعا يعود لاسلوب الكاتبه
وروعتها في الكتابه


وننتظرك في روايه جديده بإذن الله♥

♥♥♥**♥♥♥**♥♥♥

جســار&بٌّخوَوَتْ

انا احسد جسار علـصبره كثير
يالبي ياحلايا واللسان هههه معها لسان
يجنن وكلام منمق

بخوت تستاهل ماجاها من عباير صراحتا
قليل وقليل جدا بعد كل هذي السنوات
ولما قرب حقها يوصل لها تبعده
هذي البنت تنرفرني اووف بس
تبي تتطلق من جسار ايش سوا فيها
تحمد ربها صابر عليها صبر مايصبره
الرجال علـ زوجته

بس يالله تشفع لها ذي المره ممشاعرها


♥♥♥**♥♥♥**♥♥♥

ابــو غازي

انسان قاسي مرا وفاهم التربيه غلط
ماحبيته ابدا

وذا تعليقي لاخر بارت

بالبدايه انفجعت قلت ايش صاب بتال
بس اول ماظهر عرفت علـ طول انها
حبكه دراميه من الجد نشمي لاجل
يقربهم من بعض
يستاهل عادل الفجعه هههه

♥♥♥**♥♥♥**♥♥♥

هليل
صراحتا كبر في عيني من اعترافه بفعلته
مع ان غيث يستاهلها بس زعلت عليه مرا

وزعلت كمان علـ هليل قلبي رهييف

وابو هليل اخيرا ااعترف لنفسه انها
ديره ماوراها غير الصرايم

ومناور دام ندم علـ فعلته ليش سواها

سؤال يعني هليل ماقال انن خوات غيث
الي قتلو اختو



♥♥♥**♥♥♥**♥♥♥

بتــال&عبــايــر

بتال وحكايته الغامضه بالبدايه والي اتضحت
لنا في الاخير ..ومواقفه مع عباير بالبدايه
وتوقعي انها بتتزوجه كان في محله
ومرحه ومزاحه مع الكل ررغم انو عانا كثير من ابوه
وجده الا انو ماتاثر فيه ولا اثر في حياته الي صار


وذا تعليقي لاخر بارت

واحلا شي في البارت انو هوا وابوه اجتمعوا
وخلاص معاد فيه ممشاحنات ولا شي


مرا ضحكت علـ صدمته وورطته كمان
ممن فاهد وابو غازي لمن كل واحد جاب
له عطره


و تم عرسهم بسلام
تأثرت من سلامها علـ اخوها

وموقفها المحرج الي حطها فيه جدها

وكمان اكثر شي الغنم الي تتعلق فيهن بتال
وعباير الي توررطت فيهم


♥♥♥**♥♥♥**♥♥♥

هيفــاء&راشــد

بدايتا من حكايه راشد ومعاناته مع اشباح
وحكايه اسطوريه واخيرا بخروجه من الحكايه
وزواجه من هيفاء كانو اثنين ظريفين مرا
عشنا معهم بكل التفاصيل حزنهم وفرحهم
وكل شي صار معهم تعايشنا مع الاحداث وكان احنا
عايشين في الحكايه نفسها وذا يرجع لاسلوب
الكاتبه الاكثر من رائع

ودا تعليقي لاخر بارتات ليهم

دوول الاثنين كووم والبقيه ككوووم هههه
استغربت ليش تبكي طلع علـ الناقه

وذا الراشد علـ طول يستغبيها
ولهفته علـ بنته وكان ماحد معه بنت غيره


ظريفين صراحتا ههه

♥♥♥**♥♥♥**♥♥♥



فاهد
علـ رغم ماكنت حاقده عليه بالبدايه
الا اني رحمتووه بالاخير لانو تاب وعرف
غلطوو
بس الي كان نفسي اعرفوه هوا من الي قتل
اولاد عبري


♥♥♥**♥♥♥**♥♥♥

نشمي

الحب العذري الي كان يكنه
لعذبه ماغيره الزمن ولا راح يغيره
كثير فرحت لمن وافقت عليه بالنهايه

♥♥♥**♥♥♥**♥♥♥


رهايف&جــواد

اكثر اثنين فيهم كوميديا عجيله
وحكايتهم في البدايه الغريبه من نوعهار
وخطبته لها وطلاقه لدانه
للحين ماعرفت تفكيرها وقت
خطبتها كيف وافقت علـ واحد
متزوج غريبه التفكير


♥♥♥**♥♥♥**♥♥♥

غازي&عذاري

ماحبيت امشي من الروايه ومااعلق
عليها لانو اريد اجيب لكل شخص
حقه بالتعليقات ولو اني مابقدر اجيب
حقه ولا حق الاحداث وروعتها

رفضه لحمل زوجته في البدايه ماكان
له مبرر وخوفه انو بيموت ويترك
الولد ماحبيته لانو في النهايه بيخلف بيخلف

♥♥♥**♥♥♥**♥♥♥

غيـــث

احكايتو كلها تدل علـ ممروضو وعدم
تربيته بطريقه صحيحه تربا لدلال
ويحب كل شي يوصله نهايتهه علـ رغم
انو يستحقها الا اني رحمته هههه

♥♥♥**♥♥♥**♥♥♥

غيـــثه

كنت اريد تتعابق وتعفن في السجن
بس اجا لها الي اخس منوه تستاهل
صراحتا بس برضووووه كغي انها
تنفضح بالي سوته

♥♥♥**♥♥♥**♥♥♥

مناور
الي سواه كان هروب من الواقع
وكمان هروب من المسئولييه كان جبان مرا
ومقدر يواجه الي صار

♥♥♥**♥♥♥**♥♥♥


مٌطِلُقً

ورجع بالاخير لاهله
حكايته كانت كثير موجعه للحد الي
ميقدر اي انسان يتصوره.. ماتت زوجته
وابنه الي في بطنها رغم انو برا ذمته
من ذنب بخوت وكانو الي صار عقاب
له لانو تستر كل هذي المده عن الي صار


♥♥♥**♥♥♥**♥♥♥

ناصر

وكانت الحافز انو يعترف بكل شي
مزووون ولولا مزووون مااعترف ولا قال شي

♥♥♥**♥♥♥**♥♥♥


بانتظارك بروايه جديده ♥
ورائعه كــ روروعه حضورك

ومبروووك اكتمال الروايه♥


ام محمدوديمه 26-06-2020 10:58 AM

رد: رواية ياسمح المحيا جر الهجـينية/بقلمي
 
نهايه سعيده 😍🌹

بتال قدر باصراره ان يلم شكل عائلته... علاقته بعباير جدا جميله مبين التفاهم والاندماج بينهم


رهايف بعد قدرت تكسب زوجها طبايعها لكن كان بتفقد جنينها من هالجنون الله يعين طفلهم


عادل الجد الجاد العصبي مخوف حتى الأطفال من عصبيته بس فالنهايه قلبه طيب وبحب عائلته كثير كثير


ما فهمت رسالة نشمي لعذوب؟! كان نفسي يلتمو على بعض ويكونو عائله تعوض نشمي ويجيب منها عيال


سعود خطب أمجاد!؟


غيثه كانت تستاهل تعذيب اكثر من كذا القاتل يقتل


وغيث نال جزاءه ولو انه يستحق التعذيب


جسار وبخوت اخيرا زانت حياتهم بوجود حلايا اللي فاضحتهم


روايه روعه استمتعنا بيها

شكرا على الروايه

وشكرا على الالتزام صراحه تستحقي درع فالالتزام بالوقت والتنزيل المستمر ولروعة الروايه🥇🏆🏅🎖️

M_510 30-06-2020 12:36 AM

رد: رواية ياسمح المحيا جر الهجـينية/بقلمي
 
السلام عليكم ورحمة الله وبركاته

كيف لي ان لا اعلم عن رواية كهذه الرائعة التي تصدمني في كل جزء منها باسرار جديدة
لا يسعفني تعبيري المتواضع على وصف كيمة الاستمتاع التي اشعر بها وانا اقرأ كلماتك واحداثك

..ان اصل متأخرة خيراً من ان لا اصل ابداً..

لازلت لم انتهي من قرأتها لكن وجب علي ترك مايثبت بان هنالك مكتشفين لقلمك مثلي
وتثيرهم كلماتك وتشوقهم..

اتمنى من قلمك ان لا ينقطع ويثرينا بابداعك.
وفي انتظار جديدك بما انني علمت للتو بان رائعتك هذه قد اكتملت.

لازلت احلل سر مايحدث لراشد
وكيف سيبين الجد بادي رضاه بابن جميله
كيف سينضم بتال لعائلته من امه
من هم اخوه راشد وماتكون هيفاء له هل هي شقيقته
عباير وبتال كيف الارتباط
سر الدم وسر متعب وسر زاهية
والكثير الكثير الكثير


ملاحظة: بحثت عن الهجينيات لادخل اجواء الرواية..

لي عودة بعد اكمال الرواية
دمتي بود

ام ميان العنزي 10-08-2020 09:38 AM

رد: رواية ياسمح المحيا جر الهجـينية/بقلمي؛كاملة
 
يسلمو. على الروايه الاكثر من روعه


الساعة الآن +3: 07:44 PM.


موقع غرام موقع سعودي خليجي عربي يحترم كافة الطوائف والأديان ومختلف الجنسيات


SEO by vBSEO 3.6.1