منتديات غرام روايات غرام روايات - طويلة ما كنت اؤمن بالعيون وفعلها حتى دهتني في الهوى عيناك/ بقلمي
riwaiax ©؛°¨غرامي فعال ¨°؛©

البارت الثالث والثلاثين

نوره مشت لهم وهي شايله الاكياس قعدت ووجدان شايله اكياسها قعدت جنبهم
سعود : وش تحبون تأكلون
نوره وهي تدرو بشنطتها : اي شي على ذوقك
عضت شفتها لما ما حصلت جوالها
طالعت سعود بهدوء : سعود تكفى ابي ارجع السعوديه
سعود وهو يطالعها : طيب بشوف اقرب رحله واحجز لنا
ابتسمت نوره براحه
محمد باعتراض : لا بابا للحين ما قعدنا كثير ما استانسنا
جواد : ايه بابا ما نبي نرجع
عبدالله يطالع بهدوء
نوره بضيق : سعود ابي جوالك
سعود عقد حواجبه : ليش
نوره : نسيت جوالي وابي اتصل لفايز
سعود عطاها الجوال
نوره اتصلت اكثر من مره بس محد رد
تذكرت رقم الجوري واتصلت عليه


____


فايز طالع جواله انكسرت شاشته زفر بضيق وتركه على الكوميدينه وسرح رن جواله وطلعه من افكاره طالعه وهو يشوف رقم دولي متصل فيه ما رد ما يبي يكلم احد

تحت في الصاله رن جوال الجوري شالته استغربت الرقم وردت : الو
نوره : هلا جوج اخبارك
جرري ابتسمت : بخير حبيبتي انت كيفك و كيف العيال
نوره : الحمدلله فايز عندك
الجوري وقفت وابتعدت عنهم : ما انصحك تكلمينه الحين
نوره رجف قلبها : ليش فيه شي
الجوري بهدوء : نوره ليش ما خبرتيه عن سفرك كان فرحان بس فرحته تلاشت لما قلت له عن سفرك
نوره بهدوء : ما كنت ابي اضايقه
الجوري : بس تضايق لما عرف مني واكثر من كل مره
نوره غمضت عيونها و ارتجفت يدها : جوري تكفين خليه يرد علي بس بكلمه بطمن عليه الله يخليك خذي له الجوال
الجوري تنهدت : بحاول معه بس بقفل الحين وبعدين بتصل لك
نوره بصوت يرجف : ما ابيك تحاولين ابيك تقنعينه جوري لازم اكلمه ما راح ارتاح اذا ما كلمته انتي ام الحين واكيد حاسه فيني
الجوري بضيق على اختها : طيب حبيبتي
قفلت وشافت صالح قاعد يسولف مع اسيل مشت وراحت لفايز

دخلت الغرفه شافته منسدح : بتنام بدري لسه ما تعشيت
فايز طالعها : ما ابي
الجوري قعدت جنبه : واحنا ما راح نأكل الا اذا كنت معنا
فايز قعد : خلاص بتعشى
الجوري مسحت على شعره وبهدوء : امك اتصلت وتبي تكلمك و قبل كل شي لازم تحط في بالك ان هاذي امك الي ما عندها اغلى منك
ضحك فايز وطالعها : قلتي امي متصله بدري كان انتظرت لما ترجع احسن وترا عندها الي اغلى مني
الجوري : فايز كلمها اسمع منها والله انك عندها اغلى من العين ونظرها
فايز تكتف : ما ابي
الجوري سكتت وهي تفكر بنوره اذا عرفت بكلامه خذت نفس : فايز عشاني اذا ما تبي تزعلني كلمها
فايز زم شفايفه وطالعها بقهر : طيب اتصلي
الجوري اتصلت على رقم سعود
ردت نوره بلهفه : هاه جوري شقال لك
الجوري طالعت فايز : هذا هو كلميه
فايز مسك الجوال : الو
نوره بابتسامه : هلا حبيبي كيفك
فايز ببرود :بخير تبين شي لان الحين بروح اتعشى ويا امي شيخه
نوره نزلت دموعها :فايز اسمعني ما ابيك تزعل مني وربي ما نسيتك ولا كنت بسافر بدونك بس
فايز قاطعها :خلاص ماما مع السلامه
عطاه لجوري ونزل لجدته يعرفها ما راح تتعشى قبل ما يكون قاعد معها
الجوري ما قدرت تمسك نفسها وهي تسمع بكاء اختها حقدت على اسامه وعلى اسماء وشيخه وانقهرت دموع اختها غاليه عندها وبغصه : نوره اهدي تكفين اهدي هو زعلان بس بيرضى
نوره بصوت مخنوق : مع السلامه

قفلت منها بدون ما تسمع رد الجوري
انجرحت من اسلوبه وكأنه يكلمها مجبور دفنت راسها بالمخده وهي مقهوره
سعود دخل الغرفه وجمد وهو يشوف حالتها مشى بسرعه قعد جنبها وبخوف: فايز فيه شي
نوره ما ردت ولا التفتت عليه
سعود مسح على شعرها :حبيبتي قومي فهميني ليش هالبكاء
نوره قعدت وطالعته وعيونها مليانه دموع: فايز زعلان مني واسلوبه متغير ١٨٠ درجه
سعود سحبها له وضمها :خلاص لقيت حجز بكرا الساعه ٨ الصبح بنرجع السعوديه
نوره هدت شوي وهي تطالعه
سعود مسح دموعها :راح تشوفينه واشرحي له كل شي وفهميه


____



يوم جديد

الجوري لبست عبايتها وهي تحس بتعب فجأه مسكت راسها بألم واسودت الدنيا بوجها
عبدالعزيز مسكها بخوف وهو يشوف وجها الذبلان :حبيبتي مافي روحه اليوم لدوامك
الجوري بتعب :عبدالعزيز تكفى عندي مرضى ومواعيد وشغل كثير اليوم لازم اروح
عبدالعزيز طالع بعيونها :مستحيل اسمح لك تروحين ارتاحي اليوم ما يضر يوم واحد
الجوري :عندي مرضى ما اقدر اوعدك ما اتعب نفسي وبكرا عندي اجازه مسكت يده وبرجاء: حبيبي لازم اروح
عبدالعزيز تنهد بقوه :طيب انا بوديك انسي تسوقين وانتي بهالحاله
ابتسمت ورفعت نفسها وباست خده :من عيوني انت تأمر
نزل صالح بخطوات سريعه
الجوري :شوي شوي ماما لا تطيح
عبدلعزيز مسك يده :وين تبي تروح
صالح :ابي اروح لبيت جدو حسام
الجوري :انا بعد بروح لبيت ابوي بعد الدوام نوره بتجي وابي اشوفها
عبدالعزيز ابتسم : تمام يلا مشينا


____


اسيل قاعده في الصاله في يدها كوب قهوه تشرب بهدوء وسرحانه لبعيد انتبهت على صوت عيال تركي داخلين البيت وازعاجهم ملأ البيت كله ابتسمت وهي ترحب بميلاف وتسلم عليها
ميلاف :اخبارك
اسيل :نحمد الله وانتي كيف حالك وكيف حال العيال
ميلاف :الحمدلله بخير
وقفت وهي تضيفها وسوالف معها وقعدت معهم ام تركي
فجأه جات منار تركض :ماما امجد وبسام تهاوشوا
وقفت ميلاف :ليش
دخلوا بعد ما نادتهم اسيل
بسام بقهر :ماما هو ضربني
ميلاف بعصبيه:وكسر ان شاء الله ليش تضربه
امجد ببرود : هو الي ضربني اول
اسيل طالعت ميلاف :خلاص ميلاف حصل خير بزران يتهاوشون ويتراضون
ميلاف بعصبيه سحبت امجد من يده وقبل لا تتكلم
اسيل سحبت يده عنها :ما اسمح لك اذا امجد غلطان انا بتفاهم معه بس ولدك الي غلط عليه
ميلاف بانفعال :ايه لان مو ولدك الي انضرب اصلا انتي ما عندك عيال عشان تحسين
ام تركي بحده :ميلااف
انصدمت اسيل من ردها وانجرحت بقوه ابتسمت بهدوء: حبيبتي امجد ولدي وهو ما يمد يده على احد الا اذا تعدى عليه
ام تركي :اسيل ميلاف ما تقصد
اسيل طالعت خالتها مسكت امجد ومشت
اما ميلاف ندمت على كلامها لاسيل


____


وقف سعود قدام بيته طلع من المطار وركبوا السياره وساق لبيته تعبان حيل
فتح البيت ودخل الاغراض
نوره خذت نفس عميق اشتاقت لهالمنطقه وكل شي فيها
دخلو العيال وراحوا لغرفهم
سعود لف لنوره :قلتي لاهلك ان احنا جايين
نوره ابتسمت :ايه
سعود : تعالي نريح شوي وبعدين نروح لهم لان حدي تعبان
نوره ابتسمت وفي داخلها شوق لاهلها ولفايز الي ما شافته من ثلاث سنين مشت لجناحهم سعود بعد ما اخذ شور لبس بيجامه وراح بسابع نومه من تعبه
اما نوره فتحت شنطتها وطلعت لها فستان ناعم وخذت منشفتها وراحت تاخذ شور بعد ما خلصت جففت شعرها ومشطته من كثر شوقها ولهفتها تشوف فايز مو قادره تنام تعد الثواني والدقايق بس عشان تشوفه طلعت جوالها ورسلت واتس لجوري وثريا
نزلته وطلعت لغرفة التوأم شافتهم نايمين ابتسمت وراحت لغرفة محمد وعبدالله فتحت الباب لفوا لها :ليش ما نمتوا
محمد :مافيني نوم
عبدالله بابتسامه :وانا مو قادر انام افكر بامي وفايز والكل
ابتسمت نوره :بتشوفهم ان شاء الله
طالعها عبدالله بهدوء :تتوقعين امي مشتاقه لنا مثل شوقك لفايز
محمد بسخريه :لا تتفائل كثير هي ما تكلمنا الا بالشهر او الشهرين مره انا ما اعتبرها ام لي
عبدالله بحده :محمد
نوره تنهدت :محمد ما يصير تقول عن امك كذا هي امك واكيد مشتاقه لكم كثير فوق الي تتوقعونه
عبدالله سرح يفكر
اما محمد مسك جواله ينشغل فيه


____


عبدالعزيز اخذ فايز ومر على الجوري بالمستشفى بعد ما خلص دوامها وقف قدام بيت حسام شاف سيارة سعود وابتسم
فايز نزل ودخل البيت وابتسامته توسعت لما شاف جده حسام راح وسلم عليه
ومشى لجدته وسلم عليها وباسها راسها والتفت لخاله سعد :هلا هلا بفايز لنا اسبوعين ما شفناك
فايز سلم عليه :هلا فيك كيفك يا خال
سعد :الحمدلله
دخلت الجوري مع عبدالعزيز وسلموا عليهم
الجوري :وين صالح
نوال :نايم
طلع عبدالعزيز مع سعد وحسام لمجلس الرجال وتمت جوري تسولف مع امها
فجأه التفتوا للي داخلين يركضون
نوال التمعت عيونها وضمت التوام بحب
فايز انصدم وهو يشوف اخوانه كيف ومتى جوا تجمد وهو يسمع صوت امه لف وشافها تضم صالح الي توه صحى و سلمت على امها واختها
وقفت قدامه عيونها لمعت ونبضات قلبها زادت كبر عن اخر مره شافته كبر بعيد عنها مسكت وجهه بين ايديها وهي تتأمله انحنت وباست جبينه وضمته بقوه ودموعها نزلت بغزاره :اشتقت لك يمه اشتقت لك فوق ما تتصور
فايز ارتجف بلع ريقه وهو للحين متضايق منها وبهدوء: ماما انتي ما اشتقتي لي وانا ما صرت اهمك مثل قبل
نوره هزت راسها بالنفي ومسكت وجهه: لا حبيبي انتي الوحيد الي تهمني
فايز بعد يدينها عنه :قلتي لي بعطلة الربيع بجي عشانك انتظرك وما جيتي ليش
نوره طالعته بضيق والم وبصدق: جواد تعب علينا وترقد اسبوع بالمستشفى وما قدرت اجي
فايز ارتجفت شفايفه والتمعت عيونه وهو يسمع ردها حس بجسمه كله يرجف لف نظره لجواد ووجدان الي يطالعونه باستغراب طيب هو اكثر من مره تعب ومرض ما لقى احد جنبه مره ارتفعت حرارته ومحد سهر عنده غير جدته نزلت دموعه ومسحها بسرعه ورد بصوت يرجف : اعرف انهم اهم مني عندك وتلوميني اذا قلت ما صرت اهمك
رن جواله ورد بصوت مخنوق : هلا عمي .. لا مافيني شي .. طيب الحين بطلع لك
نزل جواله لجيب بنطلونه وطالع صالح: بتجي نروح مع عمي احمد
صالح بحماس :ايه جاي
نوره مسكت يده :فايز وربي احبك انت بكري بس هم اخوانك اخاف عليك وعليهم
فايز سحب يده وبحده :هم معك على طول بس انا كلها مره او مرتين بالسنه الي اشوفك
نوال :فايز امك تركت سفرها وجات عشانك وكذا تكلمها
فايز طالع جدته وببرود :عن اذنك يا جده تاخرت على عمي
طالع خالته الجوري :عادي اخذ صالح
الجوري تنهدت بهدوء :ايه
طلع وهو يحس بضيق وحابس دموعه شاف عبدالله قدامه
عبدالله ضمه بقوه :كيفك فايز
فايز بلع ريقه :بخير انت كيف حالك
عبدالله : الحمدلله وحشتني
ابتسم فايز له :وانت بعد
طالع محمد الي يناظره ببرود ولف لعبدالله وبهدوء : مع السلامه

نوره قعدت على الكنبه وهي ماسكه راسها بصدمه مشت لها امها وقعدت جنبها :لا تلومينه يمه ما تدرين وش مر فيه
فايز ما يكرهك ولا يكرهم هو بس يحس بالنقص الاهتمام والحب والحنان الي تعطينه اخوانه هو يحتاجه اكثر منهم
لهالسبب يحس بالغيره ومن حقه
نوره مسحت دموعها وهي تطالع امها خذت نفس ما تبي تضايق امها معها تعرف انها بتم شايله همها :كيف حالك يمه عساك طيبه
نوال: الحمدلله بخير بشوفتك
نوره: دوم يارب
طالعت الجوري: والله شكلك مو عاجبني فيك شي
الجوري ابتسمت: تعب خفيف ويروح
نوال وقفت وبابتسامه: شكلها حامل
نوره توسعت عيونها: جد جوج حامل
الجوري انحرجت : ما ادري والله
نوره ابتسمت : يارب تطلعين حامل وتجيبن اخ او اخت للحلو صالح كيف عزيز معك
جوري بهيام : ربي لا يحرمني منه مافي احد مثل عزيز اموت فيه
نوره ابتسمت : آمين وامه
الجوري كشرت بهدوء : تمام صايره طيبه اذا شفتيها بتنصدمين من اسلوبها
نوره : ليش تضايقتي
الجوري بتصرف الموضوع : ثريا شكلها مو جايه اليوم
نوره سرحت فجأه وراح تفكيرها لبعيد


____



فايز قاعد بهدوء يطالع العيال يلعبون يحس بضيق ما يبي يسوي اي شي
احمد قعد جنبه : وش فيك قاعد مو انت الي طلبت نطلع
فايز : ايه بس الحين مالي خلق لشي ابي اقعد وبس
احمد باستغراب : فايز انت تعبان في شي يوجعك
فايز هز راسه بلا
احمد : تبيني اشتري لك شي
فايز بهدوء : لا
احمد وقف وهو مو عاجبه حال فايز وبصوت عالي : طلال
طلال جاء لابوه : آمر يبه
احمد : شوف فايز شكله متضايق خله يقوم معك ويوسع صدره
طلال ابتسم :ان شاء الله
راح طلال لفايز وبعد محاولات قام فايز معه


____


دخل ياسر على اسيل كان معاها امجد يطقطق في جواله :الحلوين مجتمعين خير ان شاء الله
اسيل ببرود :اي خير الي يجي من خواتك ومرت اخوك
ياسر بنظرات بارده :وش صاير بعد
اسيل بقهر :ابد الله يسلمك بس امجد تهاوش مع بسام وبغت تضربه
ياسر بتفاجى :وش تضربه على كيفها
امجد بقهر: بابا هو الي بدا يعني يضربني واسكت له
ياسر زفر وبهدوء: خلاص شرايكم نطلع ونغير جو
امجد بحماس :ايه نبي نطلع بروح ابدل وطلع بسرعه
اسيل رفعت نظرها له :حبيبي عندي موعد بكرا وابيك تجي معي
ياسر تنهد :طيب بجي معك
اسيل بهدوء وقفت :والا اقول لك خلاص ما ابي اروح
ياسر وقف ومسك يدها وهو يتأملها : ليش
اسيل :خلاص تعبت وانا اسمع نفس الكلام من الدكتوره في كل مره خلاص مافي امل
ياسر بهدوء :بتروحين ولا ابي اسمع هالكلام منك مره ثانيه خلي ثقتك بربي كبيره مافي شي اسمه مافي امل عند ربي
اسيل تنهدت : وين بنروح
ياسر ابتسم :اجهزي وتعرفين


____


عند نوره رجعت بيتها وهي ضايقه فيها الدنيا قاعده في الصاله وسعود والعيال كلهم قاعدين معها
جواد بلقافه :ماما من هذاك الولد الي
صرخ عليك
توجهت انظارهم له
وجدان :ايه ليش بكى
نوره عضت شفتها
محمد ببرود :فايز من غيره
سعود بهدوء :صارخ عليك
نوره وزادت ضيقتها اضعاف: ما صارخ علي كان مقهور ومعصب بس
سعود :نوره ما قلتي لي وش صار معك كلمتيه فهمتيه كل شي
نوره مسكت راسها الي يوجعها :لا ما عطاني فرصه اكلمه قال كلام كثير وان اهتم باخوانه اكثر منه وان ما فكرت فيه ابد
سعود تنهد
عبدالله :ماما لا تزعلين منه
نوره بألم :مستحيل ازعل منه بس انا ما ابيه يزعل مني
عبدالله وقف وقعد قدامها: انا بكلمه وبقول له كل شي
نوره ابتسمت ومدت يدها لشعره :حبيبي الي كبر
وجدان بدهشه لفت لجواد :يالغبي طلع فايز اخوي
جواد طالعها :لا يالذكيه مو كانك كنتي تسأليني من هو
وجدان :من زمان عنه نسيت شكله بس كبر صح
جواد :ايه والله كبر وتغير شوي
محمد وقف بعصبيه :فايز فايز خلاص هو ما يبينا واحنا بعد ما نبيه
سعود بحده :محمد اذا هو ما يبينا احنا نبيه وبيظل واحد منا والله لو اسمع انك مضايق فايز بكلمه لا تشوف شي ما يسرك ويلا انقلع من قدامي
محمد طالع ابوه بقهر ومشى
عبدالله انقهر من محمد ليش يكره فايز وبعد المفروض ما يقول كذا قدام امه هي مو ناقصته


____


الجوري في المستشفى بعد ما سوت تحليل الحمل توجهت لمكتبها والابتسامه على وجها فرحانه لانها حامل حطت الورقه في الشنطه وطلعت تكمل شغلها

_____


نوره قاعده على السرير وفي يدها جوالها تتصل له وما يرد تعبت نزلت جوالها وهي تحس بضيقه فضيعه بصدرها مالها خلق احد دخل سعود وشاف وضعها مشى وقعد هو بالجهه الثانيه
نوره طالعته :ممكن اطلبك طلب
سعود باستغراب :ايه اكيد
نوره :ابي اقعد عند اهلي هالشهر نفسيتي تعبانه مرا وابي اتفاهم مع فايز
سعود طالعها بهدوء :كم يوم بتقعدين
نوره بتعب :ماعرف
سعود اخذ نفس هو يبي علاقتها مع فايز ترجع طبيعيه بس يعرف فايز كلامه بيوجعها مسك يدها بهدوء وضغط عليها : طيب حبيبتي ماعندي مانع


____


الساعه ٩ م

وقفت الجوري سيارتها في كراج بيتها
دخلت البيت ومشت لغرفة صالح شافته نايم باست خده وجبينه وغطته وطلعت دخلت غرفتها وابتسمت من شافت عبدالعزيز قاعد وماسك جواله : مساء الخير
عبدالعزيز رفع عينه لها : مساء النور والنوير
الجوري فسخت عبايتها وشيلتها وخذت منشفتها وطلعت لها قميص نوم ناعم بتاخذ شور سريع
طلعت بعد ١٠ دقايق وهي تنشف شعرها
مشت من قدامه مسكها وقعدها على السرير وهو يتأمل شعرها المبلل و وجها وبهمس :ما ودك باخ او اخت لصلوح
الجوري بابتسامه خبث :لا
عبدالعزيز بدهشه :من جدك
الجوري وهي تطالع بعيونه وبحب :طيب والي يقول لك ان بعد ٧ شهور بيجي لنا طفل ثاني
عبدالعزيز ما استوعب :عادي نـ..
سكت فجأه وهو يطالعها :حامل
الجوري هزت راسها :ايه
عبدالعزيز بابتسامه فرح :احلفي مو مصدق بيجي لنا طفل ثاني
الجوري ضحكت :ايه يا احلى اب بالدنيا


____


في بيت ابو احمد

الكل مجتمع ما عدا الجوري
شيخه تعودت على وجود الجوري بينهم : عبدالعزيز
عبدالعزيز :آمري يمه
شيخه بضيق :وينها زوجتك من اسبوعين ما شفتها
عبدالعزيز سكت شوي وبابتسامه : يمه تعبانه من الحمل وصالح و الشغل ما تقدر بس تفضى بتجي
شيخه :الله يعينها
اسيل من سمعت حمل حست بضيق بصدرها غصب عنها
اما عبدالعزيز قاعد يفكر بتغير الجور
عبدالعزيز قاعد يفكر بتغير الجوري قاعده اليوم في البيت اجازه بس رفضت تجي معه وراحت لبيت اهلها وقف بيروح لفايز
فتح غرفته ودخل استغرب وهو يشوفها ظلام بهالسرعه نام توه كان وياهم شغل الليت و مشى له وقعد على السرير : فايز
فايز بعد الغطاء عنه عيونه حمراء وخدوده
عبدالعزيز بخوف مد يده لجبينه بس تنفس براحه لما كانت حرارته طبيعيه : تجي معي
فايز :وين
عبدالعزيز :نتمشى نروح المكان الي تبيه ونمر جدك حسام
فايز تكتف ببرود :اذا بشوف امي خلاص ما ابي
عبدالعزيز باستغراب مسح على شعره: ليش ما تبي تشوفها
فايز بانفعال وبحده :كذا ما ابي اشوفها خلاص افهموا ما ابي اشوفها
عبدالعزيز طالعه بهدوء من انفعاله وحدة صوته
فايز نزل راسه بعد ما استوعب ان رفع صوته عليه :آسف
عبدالعزيز مد يده لشعره :طيب ما بتشوفها يلا نمشي
فايز ابتسم :بس ابدل واجهز واجيك
عبدالعزيز :انتظرك تحت
فايز وقف :اوكي


_____


نوره بعصبيه :وجدان جواد خلاص
وجدان :ماما اخذ اسوارتي
نوره طالع جواد :جواد عطها الاسواره ولا تاخذ اشيائها
جواد بطفش :طيب
لفت لثريا وهي تسمع سوالفها وترد عليها
وفجأه وقفت
ثريا باستغراب :وين
نوره :المطبخ ومشت
دخل فايز ركض سلم على جدته ضمته بقوه وباست راسه وخده :حبيبي كيف حالك
فايز :بخير
مشى لخالته الجوري سلم عليها :خالتو ليش ما تجين عندنا امي تسأل عنك
الجوري ابتسمت :حبيبي ما قدرت بس ان شاء الله مره ثانيه بجي
فابز ابتسم :تمام
وقف لما شاف الجوري راحت المطبخ لمح امه وبسرعه سلم على خالته ثريا و طلع من البيت وقف قدام الباب وهو يفكر
ثواني وطلع له ماجد :فايز
لف له فايز :هلا
ماجد :خالتي تبيك
فايز طنش وركز انظاره على محمد وعبدالله الي جايين من بيتهم جهته

فايز طنش وركز انظاره على محمد وعبدالله الي جايين من بيتهم جهته
محمد بعصبيه :خير وش تبي جاي تغث امي بكلامك
فايز ببرود :مالك دخل
محمد :الا لي دخل اذا بتجي تضايق ماما وتبكيها لا تجي احسن
فايز تعدل بوقفته وبهدوء :هيه كل شوي ماما وامي لاتنسى ان امك عبير روح لها وفكنا والا اقول لك روح اشبع من ماما الي ازعجتني فيها تنغث وتبكي ما همتني
محمد بعصبيه مشى لها ومسك ياقة فانيلته بقوه :احترم نفسك ولا تغلط عليها وهي امي غصب عنك
فايز مسك يدينه بقوه ودفه على الارض
طاح محمد على الارض وهو يطالعه بحده
فايز بعصبيه :انت الي احترم نفسك ولا تقرب مني والحين روح اركض لها خلها تضمك وتهديك خليها تشوف اذا تعورت او لا اشتكي لها مني
محمد تنرفز وقف بيهجم عليه بس مسكه عبدالله ورجعه لوراء :ليش تتكلم عنها كذا انت تدري ان ما نقعد على السفره الا تذكرك فايز اكل او جوعان ننام تذكرك فايز نام او تعبان و فايز كيف حاله بقوم اكلمه اسمع صوته نسافر ما تقعد ابد وهي تشوف هذا بيعجب فايز لا هذا احلى عليه و تاخذ لك كل شي وبس نقعد تقول ابي اكلم فايز تركت كل شي وجات عشانك و انت تجرحها وتبكيها على اشياء تافهه

فايز وعيونه امتلت دموع :بنظرك تافهه و ما يهمني هذا كله  احتجتها كثير بس ما لقيتها وينها عندكم اعد الليالي والايام عشان ارتاح بحضنها بس تتجاهل ان عندها ولد عشان راحتكم
انت وياه ما تحتاجون امكم بس انا ما عندي وكثر ما احتجتها وتمنيت اكون معها كرهتها
محمد دف عبدالله وعطاه كف و دموعه نزلت:اذا انت مقهور من امك مره انا مقهور مليون مره تدري اني اكرهك واغار منك كثر ما تذكرك امك و تحبك وتخاف عليك احنا بحياتنا ما حسينا بحنان الام الا منها امي الي تبينا نروح لها ما تذكرنا غير كل خمسه شهور مره صار لنا اكثر من اسبوعين هنا وهي تدري وما جات تشوفنا وانت زعلان منها دفه عنه غبي الله ياخذك

نوره طلعت بصدمه بعد ما قال لها ماجد عنهم مشت لهم وقفت وهي تشوف محمد يبكي وعبدالله لف عنهم
اما فايز نزل نظره للارض بصدمه
نوره طالعت فايز :وش صاير قلت لهم شي ضايقهم
فايز طالعها وعيونه دمعت:ليش ما سألتيه هو ليش ضربني صرخ بقهر :ليش توقفين معاهم انا ولدك ولا هم
نوره طالعته بندم وتوها تنتبه لوجهه ولفت لمحمد بضيق :ليش ضربته
محمد مارد
خذت نفس و قعدت قدامه ومسكت اكتافه وهي تطالع وجهه المليان دموع :حبيبي ما وقفت معهم بس سألتك
فايز دفها بقهر :انا اكرهك طول عمرك تحبينهم وتفضلين وجدان وجواد وتهتمين لهم وانا لا طيب عمرك سألتي نفسك وش يحس فيه فايز وهو يشوف اهتمام مرت
عمه او اي ام بعيالها فكرتي فيني اذا طلعت مع العيال اشوف جولاتهم ما توقف وانا محد يدري عني تعبت خلاص انسي ان لك ولد خليني بحالي روحي الشرقيه وريحيني منك
نوره دارت فيها الارض من صدمتها بكلمته خافت ما تشوفه مره ثانيه ضمته بقوه: والله لو انسى روحي ما نسيتك ادري اني مقصره معك بس تعال عندي لا تعاند
فايز غمض عيونه بقوه وبهدوء :وبعدين تروحين وتخليني مثل كل مره ما ابي
فك نفسه وطالع عبدالله ومحمد وكلامهم للحين يسمعه مشى وابتعد وهو يسمع امه تناديه بس ما رد
نوره بتجن طالعت ملاك بنت ثريا :جيبي جوالي بسرعه
ركضت وجابته لها اتصلت اكثر من مره ومارد
تسندت على الجدار وقلبها يرجف خوف عليه شافت صالح :صالح حبيبي بابا موجود
صالح : ايه مع خالو سعد
نوره : روح قول له يتصل لفايز يشوف وينه

فايز دخل البقاله شرا له مويه وطلع وقف وهو يشربها بهدوء غسل وجهه
ورنين جواله ازعجه طلعه وشاف عمه متصل : الو .. انا عند البقاله .. طيب جايك
مشى وتفكيره بكلام عبدالله الي قاعد يتردد براسه اعمى نظره نور السياره القوي قدامه انصدم وجمد بمكانه وفجأه سحبته يد جهتها كان يرجف بخوف
عبدالعزيز مسك اكتافه وبقلق :انت بخير
فايز استوعب وهز راسه بايه
عبدالعزيز تنهد براحه مسك يده ومشى لسيارته ركب معه صالح وانتظر جوري تطلع

وقف قدام بيت اهله
لف لجوري بتنزلين
الجوري ببرود : لا
عبدالعزيز : ليش
الجوري : حبيبي تعبانه وابي اروح البيت
عبدالعزيز طالعها بهدوء و هي توترت من نظراته
نزل فتح الباب الي وراء شاف فايز نايم ووجهه احمر قرب منه وشاله ودخل البيت فتحه ورفسه برجله
اسامه وقف بسرعه : وش فيه
عبدالعزيز : تعبان شوي اتمنى تنتبه له الليله على الاقل
اسامه مد يده لخده وجبينه كان حار شاله من عبدالعزيز و راح لغرفته
نزله على السرير فسخ جزمته ورماها وغطاه لما شافه يرجف
قعد جنبه مقهور اهمله بالفتره الاخيره لان انشغل كثير مد يده لشعره : فايز تعشيت كلت شي
فايز هز راسه بلا
وقف وطلع بيجيب له اكل عشان يعطيه خافض حراره


_____


اسماء حست روحها بتطلع من كثر ما استفرغت غسلت وجها وطلعت من الحمام وهي تنتفس بصعوبه طلعت من الغرفه وراحت لغرفة بنتها ابتسمت بهدوء لما شافتها نايمه طلعت وقفت لما شافت الشغاله طالعه من غرفة فايز : لحظه وقفي
وقفت الشغاله : نعم ماما
اسماء : اسامه جاء
الشغاله : ايه في غرفة فايز
مشت لها فتحت الباب بقوه
طالعها اسامه بحده : افتحي الباب مثل الناس
اسماء : ابي اروح المستشفى
اسامه : ليش عسى ماشر
اسماء : تعبانه مصدعه و عندي غثيان بتوديني
اسامه مد يده شال الفوطه الي على جبين فايز عصرها ورجعها وببرود : ما اقدر اخلي فايز بس اذا ما خفت حرارته الصبح اخذك انتي وياه
اسماء طالعته بقهر ولفت بتطلع
اسامه بحده : قفلي الباب بهدوء
اسماء قفلت ومشت


____


نوره قاعده على السرير غمضت عيونها بألم وضيق وكلمات فايز ما فارقتها " انا اكرهك طول عمرك تحبينهم وتفضلين وجدان وجواد وتهتمين لهم وانا لا طيب عمرك سألتي نفسك وش يحس فيه فايز وهو يشوف اهتمام مرت
عمه او اي ام بعيالها فكرتي فيني لما اشوف كيف امهاتهم تخاف عليهم اذا تأخروا وانا محد يدري عني تعبت خلاص انسي ان لك ولد خليني بحالي روحي الشرقيه وريحيني منك "
نزلت دموعها بألم ان هذا كله بقلبه عليها وهي ما تدري وعندها احساس انه ما راح يسامحها وهالشي يذبحها ويدمي قلبه حست بيدين مسحت دموعها
فتحت عيونها وطالعته قاعد قدامها
سعود بهدوء :ما تعبتي من البكاء ما مليتي من الدموع
نوره بعيون حزينه وبصوت يرجف :فايز اليوم انفجر وقال وش يحس فيه ووش عانى منه وانا عارفه ان ما قال كل شي للحين في قلبه كلام اكبر
شهقت وهي تحس بحرقة بقلبها وبغصه: خسرت ولدي يا سعود فقدته هو مو راضي يفهمني يحسبني مرتاحه ببعدي عنه وانا من اخذه ابوه ما شفت الراحه آه ليتني مت قبل لا اتركه واجرحه
سعود قعد جنبها وضمها يهدي رجفتها انفجع لما ارتخى جسمها بين يدينه
بعدها وهو يشوف وجها الاحمر من البكاء ضرب على خدها بخوف :نوره نوره
هزها :نواره وش فيك ردي علي
وقف بخوف وهو ياخذ جيك الماء ويصب لي يده ويمسح على وجها اكثر من مره
حركت اجفانها بتعب زفر براحه بعد ما حس بقلبه بيوقف
فتحت عيونها ما قدرت تركز بشي تحس كل شي يدور قدامها غمضت عيونها بتعب وهي تحس بدوخه قويه
سعود :حبيبتي انتي بخير
نوره هزت راسها بأيه :بس راسي يدور بنام
سعود تنهد شال اللحاف وغطاها وطلع


____



اسامه فتح عيونه وهو يمد يده لجواله ويوقف المنبه حرك رقبته بألم ووقف وهو يتمدد بتعب من نومته على الكرسي
مسك يد فايز تفاجئ من حرارته العاليه في الليل انخفظت بس رجعت ارتفعت
تتهد بعمق رفع يده وباسها وده يعرف وش صار معه امس وتعب
لف وطلع راح لغرفته وهو يسمع اذان الفجر اخذ شور ولبس ثوبه وشماغه وعقاله وتعطر
وقف قدام سريره :اسماء
فتحت عيونها بتعب
اسامه :قومي صلي الفجر واجهزي بنروح المستشفى
اسماء قعدت :طيب


_____


بعد ساعه

الممرضه شالت المغذي من فايز و كتبت له ادويه
اسامه مسك يد فايز :بابا تقدر تمشي
فايز :ايه
اسامه مشى معاه رايحين لاسماء شافها جايه جهته و الفرحه واضحه بعيونها
اسامه : هاه وش صار معك
اسماء مدت له الورقه بهدوء
شالها منها وهو يقرأ استوعب الي مكتوب طالعها بدهشه :حامل
اسماء ابتسمت :ايه
اسامه توسعت ابتسامته :احلى خبر اسمعه
فايز بتعب :بابا يعني بيصير عندي اخ او اخت
اسامه بابتسامه مسح على شعره :ان شاء الله
طلعوا وهما فرحانين


____



فزت من نومها بصرخه طلعت من اعماقها
سعود قعد بصدمه :وش فيك
نوره وهي تحس راسها ثقيل وجبينها متعرق ومو قادره تتنفس وجسمها يرجف وقلبها تحس بيطلع من قوة دقاته تطالع يدينها بصدمه و بشتات :فايز طايح على الارض وجسمه مليان دم حاولت اساعده بس ما قدرت
طلعت شهقه قويه منها :فايز راح مني
سعود مسك اكتافها :نوره حلم الي شفتيه مجرد كابوس تعوذي من الشيطان
نوره : لالا انا شفته كان غرقان بدمه
سعود هزها بقوه وبحده يبيها تستوعب: الي شفتيه كابوس اصحي فايز مافيه شي


( تفائل فإن الأمر كله لله )


سَـرَآبْ ©؛°¨غرامي فعال ¨°؛©

اهلا اهلا يا جميله
.
بارت رائع ومميز
.
من طول الغيبات جاب الغنايم
.
كل الحب

riwaiax ©؛°¨غرامي فعال ¨°؛©

البارت الرابع والثلاثين

نوره طالعته تستوعب :يعني فايز بخير
سعود اخذ نفس :ايه بخير
صب للكوب ماء وعطاها خذته منه بيد ترجف و شربته نزلت الكوب حست بانفاسها ترد لها و دقات قلبها تهدى و سندت نفسها على صدره :اتصل له بسمع صوته بطمن انه بخير
سعود :طيب
مسك جواله واتصل مره ومرتين واخيرا رد بنعاس :الو
سعود ابتسم وحطه سبيكر :هلا فايز كيف حالك
فايز بعد جواله يشوف من وبهدوء :بخير
سعود بهدوء :امك تبي تكلمك
فايز :الحين ما اقدر بنام مع السلامه وقفل
طالع نوره :تطمنتي عليه الحين
نوره :ايه
سعود وهو يتأملها :انتي وضعك مو عاجبني اوديك المستشفى
نوره : لا
سعود باس راسها : طيب اهدي الحين وارتاحي
حط يده على شعرها وهو يقرأ عليها


____


في بيت ابو تركي

طلع امجد من غرفته يركض : ماما ماما
شاف سوسن قدامه ابتسم : هلا عمتو
سوسن مدت يدها له وسلم عليها : شفتي امي
سوسن : اسيلوه
امجد بابتسامه : ليش عندي ام غيرها
سوسن : ايه توها طلعت عساها ما ترد
امحد تلاشت ابتسامته وهو يتخيل انه يخسر امه ويجرب الفقد للمره الثالثه ارتجفت يده وبحده : لا تدعين عليها ما اسمح لك والله لو يصير لامي شي ما اسامحك
طلع جواله وهو يتصل فيها بينما سوسن وقفت مصدومه ما توقعت امجد يعصب
وقف قدام الباب بيطلع لما ما حصل رد منها بس رجع خطوتين لما انفتح الباب ابتسم براحه لما شافها قدامه بخير : ماما وين رحتي
اسيل حطت يدها على شعره واكتافه : كنت بروح اتمشى بس نسيت جوالي ورجعت له تجي معي
امجد : ايه جاي ماما ابي اسجل بنادي كرة قدم تكفين كلمي بابا
اسيل : وليش انت ما تكلمه
امجد طالعها : طيب خلاص انا بكلمه
خذت جوالها وطلعت معاه


____


عبدالعزيز واقف قدام المرايه عدل العقال والشماغ اخذ جواله وبوكه في جيب ثوبه شال المفاتيح ومد يده لسحبته لف بيطلع
الجوري : عزيز وين رايح
عبدالعزيز ببرود : اتوقع ما يهمك
الجوري بدهشه : عزيز
عبدالعزيز ببرود : جهزي صالح باخذه معي بسرعه
الجوري : بتروح لبيت اهلك
عبدالعزيز : ايه بمر امي مو انتي ما تبين تجين و خليتني ادور لك اعذار
الجوري عضت شفتها مشت له ومسكت يده : لا بجي معك اتتظرني
عبدالعزيز وهو يطالع بعيونها : انتي وش غيرك ما كنتي كذا
الجوري سكتت
عبدالعزيز طالعها بنظره : استعجلي انتظرك
طلع عبدالعزيز والجوري خذت نفس عميق تحس انه متضايق منها بسبب رفضها هذا
غير انها مقصره معه هالفتره جهزت بسرعه و طلعت لصالح كل شي عندها يهون الا زعل عبدالعزيز منها لانها تعرفه زعله شين وما يرضى بسرعه


____



سعود قاعد يتكلم بالجوال وهو يشوف نوره قاعده روحها ذابله وجها شاحب تطالع العيال بسرحان قفل من مكالمته وراح لهم : بكرا برجع الشرقيه
طالعته نوره بصدمه :ليش
سعود وهو يطالع العيال :عندي شغل بالشركه لازم ارجع
نوره ضغطت على كف يدها بقوه
سعود طالعها بهدوء يكره يشوف انهيارها ودموعها ونبرة الالم بصوتها وبهدوء :بتقعدين هنا او بتجين معانا
نوره: اذا قعدت هالشي ما يضايقك
سعود: لا
نوره ابتسمت بهدوء
سعود طالع عبدالله ومحمد :اوديكم لامكم تقعدون معها قبل لا نروح او تروحون معي
عبدالله : بابا نبي نروح معك
محمد طالع نوره بهدوء ورجع نظره لابوه :تمام بابا جايين
نوره :بتاخذهم معك
سعود :ايه كلهم
نوره :بس
سعود قاطعها : نوره انتي مو داريه عنهم من جينا وانتي تفكيرك بفايز باخذهم معي احسن
نوره طالعتهم وتوها تنتبه ان كلامه صح
سعود : يلا عبود حمود مشينا
جواد : بابا واحنا
سعود طالعه ولف نوره : قومي جهزي بنروح المستشفى ما راح اروح قبل ما اتطمن عليك


____




في بيت ابو احمد

كلهم قاعدين وسوالف
فايز حاط راسه على فخذ جدته وفي يده جواله مندمج فيه
اسامه : يمه انا مسافر بكرا عندي شغل
شيخه : بتطول يمه
اسامه : لا بس اخلص شغلي واجي
شيخه : الله يوفقك
عبدالعزيز وقف : عن اذنكم
احمد : وين
عبدالعزيز : واحد من الشباب عازمنا عنده مسوي حفله توديع عزوبيه
ابتسم احمد :طيب الله وياك
مشى عبدالعزيز ولحقته الجوري
عبدالعزيز لف لها : اذا تأخرت لا ترجعين مع السواق لحالك
الجوري : تمام انتبه على نفسك
عبدالعزيز طلع من غير ما يرد
الجوري تأففت ورجعت قعدت مكانها


___


سعود وصل العيال لبيت امهم ومشى للمستشفى نوره سوت الفحوصات وحست بدوخه لما انسحب منها الدم
قاعده سانده راسها وجنبها عيالها وسعود
ينتظرون تناديهم الدكتوره
وقف سعود لما نادت الدكتوره باسم نوره : يالله
نوره وقفت ومشت بخطوات هاديه لغرفة الدكتوره
دخلت وقعدت
سعود :دكتوره نوره شفيها
الدكتوره طالعته ابتسمت :المدام حامل بشهر الاول
اندهشوا كلهم
نوره :حامل !
الدكتوره طالعت نوره وكملت: ايه بس ليش انتي مو مهتمه بصحتك ما تأكلين ولا تنامين هالشي يضرك انتي والجنين لان باين ان عندك فقر دم
نوره تنهدت :ان شاء الله بهتم باكلي وصحتي مشكوره
الدكتوره وهي تكتب :العفو الله يثبته لك وتقومين بالسلامه
نوره وقفت :آمين


____



يوم جديد

شيخه قاعده تتقهوى ومعها فجر وفايز
فجر قاعده جنب فايز وببراءة :فايز انت ليش تقول لماما اسماء ليش ما تقول لها ماما
فايز بهدوء نزل فنجانه :لانها مو امي
فجر عقدت حواجبه :طيب وين امك ليش مو معك
فايز طالعها :يمكن عند جدي ويمكن عند عمي سعود
فجر سكتت شوي :ودني لبيت جدك بشوفها
فايز :ما يحتاج
فجر بزعل :انا ابي اروح
فايز طالعها يدري لو عرفت امها ما راح تعدي السالفه على خير تنهد : طيب العصر بنروح
شيخه : وين بتروحون
فجر بحماس : بنروح لام فايز
شيخه : من بيوديكم ابوك مسافر واعمامك ما يندرى عنهم
فايز : بنروح مع السواق
شيخه : انتبه على اختك واتصل فيني اول ما توصل ولا تتأخرون
فايز وقف مشى لها وباس راسها : ان شاء الله يمه


___


نوره قاعده بهدوء
نوال وهي تطالعها : نوره يمه فيك شي
نوره ابتسمت راح عن بالها تقول لامها عن حملها : لا يمه مافيني شي بس الحمل متعبني شوي
نوال بابتسامه : حامل الله يثبته لك يارب و تفرحين فيه
نوره سكتت تفكر بفايز بوسط افكارها دخل فايز ومعاه فجر ماسك يدها
نوال بفرح : هلا والله هلا بالغالي من الي معك
فايز مشى لها وسلم على راسها وبابتسامه : هاذي فجر اختي
نوال ابتسمت : هلا بنتي فجر كيفك يمه
فجر بصوت خافت : بخير
فايز مشى لنوره الي تتأمله من اول ما دخل مد يده يصافحها بس هي سحبته وضمته وباست خده
فايز طالع فجر : هاذي امي
نوره ابتسمت مسكت فجر وقعدتها جنبها
فايز لف بيمشي نوره بهدوء : وين اقعد بنسولف معك
فايز يدون ما يلف : بروح اسلم على جدي وخالي سعد ومشى
طالعت فجر وبدت تسولف معها

طلع فايز للمجلس سلم عليهم وقعد معهم ابتسم لما شاف ماجد ومازن عيال خالته ثريا داخلين مع ابوهم وقعد يسولف معهم طلع ابو ماجد وفايز ما ارتاح بالقعده طلع الحوش واتصل على يوسف الوحيد الي يرتاح بالسوالف معه
ضم نفسه بيده لما حس بالجو زادت برودته قفل من يوسف ونزل جواله لجيبه وفرك يدينه ببعض حس باحد حط شي دافي على اكتافه طالع شاف جاكيت على مقاسه لف بيشوف من الي جابه
طالع بعيونها فتره وبهدوء : مو بردان شيليه
نوره طالعته خشمه احمر مسكت يده كانت بارده حيل بين يدينها الدافيه : جسمك بارد يمه البس الجاكيت واذا ما تبي خلاص ادخل داخل
فايز : حق من محمد ولا عبدالله
نوره : حقك انا شاريته لك
فايز ببرود : مشكوره ما ابيه
طالع سعد الي واقف يطالعهم بهدوء
نوره نزلت لمستواه : متى بتفهم ان الي صار غصب عني مو بيدي اتركك
فايز : طيب فهمت عندك غيره
سعد بعصبيه : فايز تكلم مع امك عدل
نوره طالعت سعد ورجعت لفايز مسكت وجهه بين يديها : ايه عندي تدري انهم كلهم راحوا الشرقيه وانا قعدت عشانك
فايز طالعها وعيونه التمعت بعد يدينها بقوه وبحده : ما طلبت منك تقعدين كان رحتي معهم لان تعودت طول هالفتره اعيش بدونك وجودك ما صار يهمني
نوره طالعته مسكت يده : بس انا وجودك يهمني واكثر ..
فايز قاطعها : خلاص خلاص ما ابي اسمع شي ولا شي خلي فجر تطلع بنروح البيت واخذ الجاكيت ورماه عليها : خليه لعيالك انا ما احتاجه
سعد عصب بقوه ومشى لفايز رفع يده عليه بس نوره وقفت قدامه فجأه وصار الكف فيها ما توازنت من تعبها وطاحت
سعد انصدم ما استوعب الا لما شافها طايحه
فايز شهق قعد و قرب لها بخوف : ماما تعورتي
نوره حاسه بألم ببطنها وجسمها كله
فايز هز كتفها : ماما ردي علي انتي بخير
نوره ابتسمت رغم المها لما سمعت نبرة الخوف بصوته لفت نظرها له ورجعت شعرها لوراء وقعدت : انا بخير حبيبي لا تخاف علي مافيني شي
فايز رجع لوراء مسح دموعه وقبض كف يده بقوه يهدي نفسه
سعد وقفها وبضيق : آسف نوره ما قصدت والله اضربك اوديك المستشفى تعورتي
نوره وقفت : لا ما تعورت
سحبت يدها منه وبعتب : اذا ما تبيني ازعل منك لا تمد يدك عليه ابد
سعد مسح على شعره بيده : بس هو وقح معك
نوره : انا راضيه
طلع حسام وهو يمسح وجهه من الماء و يعدل اكمام ثوبه : وش فيكم واقفين كذا يلا امشوا نصلي العشاء
مشى لفايز مد يده وقفه : وش فيك قاعد على الارض
فايز وقف بهدوء : مافيني شي
حسام : يلا سعد صلاه
وطلع هو وفايز وسعد للمسجد
ونوره دخلت البيت بتعب واضح عليها

____


اسماء دورت في البيت كله على فجر
نادت الشغاله : شفتي فجر
الشغاله : ايه ماما يروه مع فايز
اسماء توسعت عيونها : نعم وين راحوا
الشغاله هزت اكتافها ما تعرف ومشت
اسماء تنرفزت فجر شلون تطلع بدون ما
تقول لها وهالفايز وين وداها
انفتح الباب ودخلت شيخه
اسماء بسرعه راحت لها : عمه تدرين وين راحت فجر
شيخه طالعت ساعتها ٨ وباستغراب : للحين ما جوا
اسماء رصت على اسنانها بنرفزه: وين راحو
شيخه وهي تنزل عبايتها : بيت حسام الـ..
ومرت من جنبها رايحه لجناحها
اسماء انصدمت وقبضت كف يدها بقوه لفت بتروح غرفتها
بس انفتح الباب مره ثانيه ودخل فايز ووراه فجر الي صدعت راسه وهو يسمعها تسولف عن امه طالع الي واقفه قدامهم
ووجها ما يبشر بخير وبهدوء : السلام عليكم
اسماء بقهر : من سمح لك تاخذ فجر معك
فايز ابتسم بسخريه : انا سمحت لنفسي
اسماء قربت لهم و برمشه عين ضربته كف وبحده : والله لو تاخذها معك مره ثانيه ما يكفيني ضربك راح اذبحك
فايز انقهر واحتدت نظراته بقوه مو كل من جاء ضربه رفع نظره لها وتعابير وجهه تغيرت ارتبكت اسماء من حده نظراته الي تشبه بشكل كبير نظرات ابوه : هاذي ثالث مره تمدين يدك علي بس اوعدك تكون الاخيره لان ما راح اسكت عنك مثل كل مره ومشى
اسماء تطالعه بصدمه شلون قدر طفل بعمر ١٣ يربكها بأسلوبه وحدته عضت شفتها بقهر
انتبهت لفجر الي تبكي : ليش ضربتيه هو ما غلط
اسماء مسكتها من يدها ودفتها قدامها : ولا كلمه وانقلعي لغرفتك بسرعه وحسابك معي بعدين وبوريك شلون تطلعين بدون ما تقولين لي ومع من مع فايزوه
شيخه دخلت لغرفه فايز شغلت النور ومشت له : فايز يمه
فايز فتح عيونه وطالعها : هلا يمه بغيتي شي
شيخه وهي تطالع عيونه وخشمه اصلا باين ان ما كان نايم واثر البكاء مبين على وجهه
شيخه مسحت على شعره :وش فيك
فايز : ولا شي
شيخه لفت وجهه له وتوسعت عيونها : ليش خدك احمر من ضاربك
فايز زم شفايفه وضمها بقوه
شيخه بخوف : تكلم وش صار لك عند امك
فايز : ما صار شي يمه ولاشي
شيخه ضمته : حبيبي قوم نتعشى
فايز :ما ابي
شيخه :لا قوم يلا ما راح اكل الا وانت معي واذا تأخرت على دواي وتعبت ترا انت السبب
فايز وقف : لا خلاص بجي معك
شيخه طالعته تحس فيه متضايق
مشى للحمام غسل وجهه ونزلوا
شاف الطاوله فاضيه ارتاح ما يبي يشوف اسماء


___



عبدالعزيز دخل الغرفه شاف الجوري نايمه فسخ جاكيته وعلقه ومشى لها عرف انها صاحيه لفها له بهدوء : ادري انك صاحيه
الجوري بغصه : وش تبي بنام
عبدالعزيز بابتسامه : مشتاق لك
الجوري سكتت
عبدالعزيز حط يده على اكتافها : ما احب سكوتك
الجوري : مو انت زعلان مني خلاص السكوت احسن
عبدالعزيز : يحق لي ازعل منك لان تصرفاتك صايره مستفزه ارجعي جوج حبيبتي
الجوري طالعته : طيب اسفه
عبدالعزيز مد يده لشعرها و بعثره طالع في عيونها بحب : والله اني احبك كل يوم اكثر


____



فتح ياسر باب الغرفه بعصبيه
اسيل فز قلبها من فتحه للباب كذا : وش فيك
ياسر قفل الباب وتكتف : الدكتوره متصله فيني قالت لك موعدين ما رحتيهم ليش
اسيل زفرت براحه لما عرفت السبب مشت له حطت يدينها على صدره : عادي اروح غيره المهم وش رايك نطلع ونستانس انا وياك وامجد لنا وقت ما طلعنا مع بعض
الا على طاري امجد كلمك عن نادي الكره الي يبي يسجل فيه تعرفه مجنون بكرة القدم
ياسر بهدوء : لا ما قال لي عنه
اسيل : طيب روح اسأله وشوف
ياسر وهو يطالع عيونها ولبسها وشعرها الي مستشورته استريت وصار طوله لاخر ظهرها حط يده على خصرها ومسك خصله بيده الثانيه وهمس : تدرين ان احب شعرك على طبيعيته
اسيل بابتسامه : يعني الكيرلي علي احلى
ياسر : بكثير
اسيل وهي تحرك شعرها بيدها : اصلا بقصه مو عاجبني طوله
ياسر ابتسم ولفها له وضمها وهو يسنتشق ريحة عطرها الي يعشقها : بس انا عاجبني



____



نوره تدور في الغرفه بقلق اليوم ما اتصل فيها سعود وجواله مغلق اتصلت على عبدالله ما يرد خذت نفس تهدى و طلعت من الغرفه تبعد الافكار السيئه عنها وصلت تحت وقعدت مع امها وابوها
مدت لها امها عصير برتقال : خذي زين لك
نوره ابتسمت وقفت وباست راسها : يمه لا تعبين نفسك انا بقوم وبسوي كل شي
نوال : ما ابيك تسوين شي اهتمي بنفسك وبس يكفي امس الالم والتعب كان واضح عليك
رن جوالها فزت وهي تشوف المتصل
استأذنت ومشت وهي ترد عليه :وينك من الصبح اتصل جوالك مغلق
سعود بابتسامه :خلص شحنه وما انتبهت له لان كان عندي اجتماع .. المهم كيف حالك
نوره :بخير وانت
سعود :حالي مايسر
نوره بخوف :ليش شفيك
سعود :مشتاق لك
نوره ابتسمت :وانا اكثر الا كيف العيال ومن عندهم
سعود : عند افنان في بيتها و ترا انا مو قادر على اربعه لحالي من الحين اقول لك شهر بس وجايك
نوره : طيب
سعود بابتسامه :لا شكلك اليوم رايقه وش صار مع فايز
نوره وهي ترجع خصل شعرها لوراء :كل شي تمام وراح يتفهمني
سعود وهو مرتاح لنفسيتها اليوم :ابي اعرف كل شي
نوره ابتسمت :امس شفته وقال كلام كثير مثل كل مره وسعد تنرفز منه وكان بيضربه بس انا وقفت قدامه وسكتت لما استوعبت ان الي تكلمه سعود
سعود بهدوء : ايه كملي وش صار
نوره توترت : بس منعته يضربه وتفاهمت مع فايز
سعود عقد حواجبه : الحمدلله المهم انتبهي لنفسك حبيبتي ولحملك ..
نوره : ان شاء الله
سعود : مع السلامه وقفل


____



مر شهر

وفايز بدت علاقته بأمه تتحسن ما يروح لهم كثير بس انها متواصله وياه

فايز قاعد بملل وجنبه قاعده فجر يطالعون التلفزيون انفتح الباب ما اهتموا فجأه دخل : سلام عليكم يا حلوين
فزت فجر وركضت له ضمها بقوه وهو يبوس راسها وخدها
وقف فايز ومشى له وسلم عليه بنفس شوقه لفجر واكثر
ومشى معاهم وقعدوا على الكنبه وهو في الوسط : كيف حالكم وقولو لي وش صاير وياكم
فايز بملل : ولا شي نفس كل يوم
اسامه حس بألم فصيع شد على يد فايز بدون شعور
فايز تألم وطالعه : بابا
سكت وهو يشوف تعابير وجهه وبخوف : بابا فيك شي
اسامه تنهد بتعب بعد ما خف ألمه : لا بابا تعب السفر بس
فايز طالعه بشك
اسامه : ما قلت لي اخبارك
فايز : الحمدلله الا بابا المدرسه قربت وانا ما شريت شي
اسامه مد يده لشعره : ولا يهمك حبيبي بكرا نطلع وناخذ كل شي
فجر : وانا بعد بروح
اسامه ضحك : واحنا نقدر نطلع بدونك
وقف ومشى لفوق
فايز يطالع ابوه بتفكير


____



سعود وقف سيارته قدام بيته نزلت نوره وهو راح يطلع شنطتها دخلت وهي مبسوطه ان علاقتها بفايز تحسنت حيل وهالشي مريحها
ركضت لها وجدان اول ما شافتها ولحقوها اخوانها ضمتها بقوه : ياروحي اشتقت لك
وجدان : ماما ليش ما جيتي ويانا جواد كل يوم يضربني
نوره ابتسمت من اولها شكاوي
ضمتهم واحد واحد وباستهم : وربي وحشتوني هاه عسى ما اذيتوا بابا
سعود وهو داخل وبيده شنطة نوره واغراضها : الا رفعوا ضغطي بهواشهم وخصوصا هالاثنين واشر على التوأم
نوره : يوه من هالاثنين المشاكسين
مشت نوره لدرج
سعود وقف وراها : ما تبين اشيلك لفوق
نوره طالعته ورفعت حاجب : لا صرت شايب اخاف تتعب
وراحت فوق وهي كاتمه ضحكتها على تعابير وجهه
سعود استوعب : انا شايب
ضحكت نوره وراحت لغرفتها وقفلت
سعود ابتسم لضحكتها و راح فوق بسرعه و قف قدام الغرفه ودق الباب : افتحي وراح تشوفين وش راح يسوي فيك الشايب
نوره وهي تضحك : ما راح افتح
سعود : ترا بكسره و اوريك اني لحين بعز شبابي
نوره فتحت الباب وابتسمت :لا ما يحتاج تتهور
سعود دخل وهو يطالعها رافع حاجب
نوره مشت لتسريحه وهي تفسخ اكسسواراتها وساعتها وفكت شعرها وفردته وحركته يمين ويسار
سعود فز قلبه من حركاتها العفويه مشى لها وقف وراها وبهمس : اخر مره اسمح لك تقعدين عند اهلك كل هالوقت
نوره لفت وهو تأملها كلها حياه مختلفه عن الايام الي راحت اشتاق لروحها المرحه والحلوه بعيد عن الحزن والدموع
نوره : ليش ترا بس شهر
سعود حط يده على خصرها : بس انا اشوفه سنه
نوره ابتسمت
سعود بشووق وحب همس لها : احبك اكثر لما تضحكين
نوره بعدت عنه : ببدل
سعود : طيب
مشت للكبت بتطلع لها ملابس فتحته واستغربت وهي تشوف علبه مخمليه فخمه اول مره تشوفها شالتها بهدوء وفتحتها واندهشت
وهي تشوف طقم ناعم ذهب عجبها حيل
طالعت سعود الي كان متكتف يطالعها : شرايك فيه
نوره : يجنن حبيبي ياخذ العقل


____


اسامه قعد من نومه وراح توضا وصلى
اسماء دخلت وفي يدها كوب عصير مدته له
اسامه بهدوء : ما ابي
اسماء نزلته على الكوميدينو
اسامه وقف : بروح المستشفى
اسماء بخوف : ليش شفيك
اسامه وهو يحاول ما يبين ان يتألم : بروح اسوي فحوصات واطمن على نفسي
اسماء زفرت : اها خير ان شاء الله
اسامه : ان شاء الله لف لها صار شي بغيابي
اسماء توترت خافت فايز قال له شي: هاه لا ما صار شي
اسامه طالعها بشك : اسماء
اسماء وقفت بسرعه : يوه اسامه قلت لك ما صار شي
اسامه طالعها بحده هو يسكر ازارير ثوبه
شال جواله ومفاتيحه ومشى خطوتين وهو يحس بدوخه داهمته فجأه
اسماء مشت لها ومسكته بخوف وقلق : حبيبي خلي السواق يسوق بدالك اخاف يصير لك شي
اسامه سحب يده منها ومشى وهو يحس بارهاق شاف امه قرب منها وسلم على راسها
بحب : كيفك يالغاليه
شيخه :الحمدلله على السلامه يمه انا بخير وانت كيفك حبيبي
اسامه ابتسم : الحمدلله انا طالع يمه تامريني على شي
شيخه : ما يأمر عليك ظالم يمه الله وياك
طلع اسامه وركب سيارته وحرك للمستشفى
الجوري دخلت غرفتها تدور على صالح شهقت لما شافت وجهه و بيده روجها و نص مكياجها طايح على الارض وبعصبيه : صلوح وش سويت
مشت وهي تشيليهم من الارض مع ان اغلبهم انعدمو وحطتهم على التسريحه
مسكت يده وشالت الروج : ماما انا كم مره اقول لك لا تلعب باغراضي
صالح ساكت
مسكت يده وهي متنرفزه وطلعت من الغرفه
عبدالعزيز وقف بوجها : وش فيك
طالع صالح وانصدم وفجأه ضحك على شكله
الجوري : عاجبك الي سواه ولدك قوم بس بروح ابدل ملابسه واسبحه
عبدالعزيز : طيب روقي ليش هالعصبيه
جوري خذت نفس : عزيز قوم من قدامي احسن ما طلع حرتي فيك
عبدالعزيز مد يده لخدها وسحبه : اموت بالمعصبين
الجوري ابتسمت غصب عنها
عبدالعزيز : بدلي هالبطل وسوي لنا قهوه حلوه من ايدينك
الجوري اشرت على عيونها : من عيوني دقايق بس


____



اسامه سوا كل الفحوصات المطلوبه وطلع من المستشفى بيرجع لنتائج لما تطلع
مسك جواله شاف المسج الي جاه دخل على المحادثه قرأ الكلام كله ابتسم ونزله وهو يركز على الطريق وقف قدام الاستراحه ونزل يقعد معهم


____



فايز نزل من غرفته مشى لجدته : يمه شفتي بابا قال بنطلع اليوم السوق بس مدري وينه
شيخه : لا يمه ما شفته
اسماء وهي تعبانه من الحمل : ابوك نايم ما اضن بيوديك اليوم لان تعبان
شيخه : بسم الله على ولدي وش فيه
اسماء بتعب : ما ادري والله
فايز سكت وعيونه امتلت دموع وهو يتخيل ابوه يصير له شي وقف بسرعه ومشى
شيخه بسرعه : فايز وين رايح
فايز لف لها : بروح ليوسف
شيخه تطالع لبسه برمودا جينز وفانيله سماويه : حبيبي روح بدل ملابسك والبس حاكيت الجو بارد
فايز لف وراح بسرعه لفوق بدل وطلع رن جواله ابتسم ورد على امه


____



اسيل قاعده في الصاله ومعاها ميلاف ومنال وام تركي مستغربه من هدوء منال اليوم حتى ما استفزتها مثل كل مره مسكت راسها من الصداع الي تحس فيه
رن جوال منال وقفت وابتعدت عنهم
ردت بصوت خافت : انت وش تبي مني خلاص يا اخي اتركني بحالي .. لا الله يخليك انا متزوجه تكفى لا تخرب بيتي
زمت شفايفها ودموعها نزلت : قلت لك ماعندي هالمبلغ كله من وين اجيبه لك ..
شهقت بقوه : لا لحظ.. وقفل بوجها
اتصلت مره ثانيه ما رد شدت شعرها بقهر وش بتسوي الحين سمعت صوت لفت وانصدمت وهي تشوف اسيل واقفه قدامها ونظرتها لها غريبه
بلعت ريقها منال بخوف انها سمعت : وش فيك
اسيل : من هالي يكلمك وبشنو يهددك
منال اخر شخص تمنت يسمعها اسيل
اسيل تلفتت حواليها و مشت لها ومسكت يدها ومشت لغرفتها


___


ياسر قاعد مع اصدقائه
قعد واحد جنبه والابتسامه شاقه وجهه
ياسر : وانت يا عيسى لحين ما بطلت هالعاده حتى بعد ما تزوجت
عيسى ضحك : لا بطلتها بس هاذي البنت لي فتره طويله ابتزها بصورها مقابل فلوس وهي غبيه ما تعرف تتصرف وضحك بصوت اعلى
ياسر ابتسم وهو يتذكر لما هدد اسيل وجابها لشقته ما كان وده يضرها ابد طالعه : اترك عنك هالسوالف وخل البنت بحالها
عيسى وهو يطالع الصور الي عنده : انا من شفت اول صوره لها وهي واضح عليها بنت عز واخ بس من صوتها يجنن
ياسر بفضول : اشوف
عيسى عطاه الجوال
ياسر طالع الصور و حس الارض تدور فيه و تنفسه اضطرب ودقات قلبه زادت من صدمته وبكل عصبيه رمى الجوال عليه و هجم بكل قوه وهو ما يشوف من عصبيته وقفوا الشباب بسرعه وهم يبعدونه عنه قبل لا يذبحه بس وين ياسر اذا عصب محد يقدر يوقفه دفهم عنه وبسرعه سحب سكين كان على الارض
عيسى وخشمه ينزف وجسمه يوجعه مو قادر يتحرك و مصدوم من ياسر وش الي قلب حاله بهالطريقه انفجع وهو يشوفه سحب السكين صرخ بخوف وهو يشوف السكين يتجه لصدره
ياسر طالع الي مسك يده باخر لحظه بحده : تركي فكني خلني اذبح هالحقير
تركي الي توه وصل انهبل وهو يشوف ياسر اخوه جن و الحمدلله وصل باخر لحظه اخذ السكين منه وضربه كف : وش فيك انهبلت وش سوا فيك عشان تذبحه
ياسر طالعه : انت وش جابك طالع عيسى وبعدين ها#### سكت ما قدر يكمل قرب منه بس مسكه تركي وبحده : جابني الله قبل لا تبلي نفسك بهالمصيبه
ياسر ونظره على عيسى تفل عليه وبعصبيه : من اليوم اعتبر صداقتنا انتهت واتمنى ما اشوفك ابد بعد تركي واخذ جوال عيسى وطلع
تركي لحقه مسك يده : ياسر فهمني شصاير
ياسر سحب يده وهو يرجف ويحس بنار شابه بصدره ركب سيارته وحرك
وتركي ركب سيارته وطلع وراه


استغفرالله العظيم واتوب اليه


سَـرَآبْ ©؛°¨غرامي فعال ¨°؛©

يه يه يه

وينك يا قلبي طولتي عسى المانع خير

.
.
.
.

منال طلع وراها بلاوي انا خفت قلت بس ياسر راح فيها قصاص لا محاله

اسامه معاه مرض وبيموت ولا كيف

.
.

فواز من يدري بحمل أمه ايش بيصير فيه

.
.

ممكن ترجع حليمه لعادتها القديمه

.
.

اسيل بيكون لها موقف مع ياسر عشان منال وتمنعه من ضربها

بس اتوقع بيصير لاسيل شي والله اعلم

بتدافع عن منال وتقول مثل ما هددتني هدد اختك والدين ورجع وبتنقلب الطاوله عليها

.
.

منال بتشيل جميل لاسيل برقبتهااا

riwaiax ©؛°¨غرامي فعال ¨°؛©

المشاركة الأساسية كتبها سَـرَآبْ اقتباس :
يه يه يه

وينك يا قلبي طولتي عسى المانع خير

.
.
.
.

منال طلع وراها بلاوي انا خفت قلت بس ياسر راح فيها قصاص لا محاله

اسامه معاه مرض وبيموت ولا كيف

.
.

فواز من يدري بحمل أمه ايش بيصير فيه

.
.

ممكن ترجع حليمه لعادتها القديمه

.
.

اسيل بيكون لها موقف مع ياسر عشان منال وتمنعه من ضربها

بس اتوقع بيصير لاسيل شي والله اعلم

بتدافع عن منال وتقول مثل ما هددتني هدد اختك والدين ورجع وبتنقلب الطاوله عليها

.
.

منال بتشيل جميل لاسيل برقبتهااا
هلا والله خير حبيبتي

أحلى من يرد ويكتب توقعاته

شنو راح يصير مع ابطالنا وردات فعلهم راح نشوفها في البارت القادم اتمنى يعجبك وقراءة ممتعه


riwaiax ©؛°¨غرامي فعال ¨°؛©

البارت الخامس والثلاثين

منال انهارت مسكت يد اسيل : اسيل تكفين لا تقولين لياسر الي سمعتيه
اسيل غمضت عيونها بقوه وبهدوء : ما راح اقول له تكلمي
منال مو قادره تتكلم اذا قالت لها بتذبحها واذا ما قدرت هي بيكمل عليها ياسر بكت مو قادره تتكلم
اسيل بنرفزه : وقفي بكاء وقولي وش صاير بسرعه
منال ببكاء : اسيل انا آسفه سامحيني تكفين
اسيل بخوف نزلت لمستواها وقعدت : منال شقصدك تكلمي
منال : انا قبل خمس سنين صديقتي عرفتني على واحد وصرت اتواصل معاه وتعلقت فيه بس طالعت اسيل وسكتت
اسيل تلفت اعصابها : كملي
منال نزلت نظرها : طلب صور لي و رسلت له صورك بس بعد سنه طلع حقير وتركته وتزوجت بس رجع وهددني بالصور والحين قاعد يبتزني وطول هالفتره ياخذ مني فلوس
اسيل تحاول تستوعب الي سمعته مسكت راسها من قوة الصدمه وهي تردد : الله ياخذك ما لقيتي الا صوري
لفت لها بقهر : من وين خذتيها؟
منال : من جوالك
اسيل وقفت وصداعها زاد وتحس بغثيان ومغص ببطنها بمجرد التخيل ان صورها تنشتر وتنفضح : الله لا يوفقك يا منال
منال بخوف : وش نسوي الحين قال بيفضحني
اسيل قعدت تفكر وهي حاقده عليها وبسرعه : اسمعي عطيني رقمه وانا بتصرف

دخل ياسر وهو بركان يغلي ناوي يذبح اسيل على خيانتها وصورها الي بجوال عيسى ميلاف تغطت ووقفت امه بصدمه وهي تشوف حالته وبسرعه مر من جنبها لفوق
فتح الباب وعيونه تطلع شرار ارتجفت اسيل من شكله ونظراته ومنال خافت اكثر منها مشى لها وسحبها من شعرها بقوه : تخونيني يا حقيره
اسيل بألم : لا وربي ما خنتك الله ياخذني لو خنتك
ياسر شد بقوه وهو يطالع بعيونها وبخيبه :
آمين وافتك منك
اسيل غمضت عيونها بألم منه ومن شده لشعرها
امه بعصبيه دخلت وراه انصدمت اكثر مشت وقفت قدامه وبحده : ياسر اتركها
امجد وقف وهو مصدوم ومرعوب من الي يصير
الام بعصبيه : مو رجوله تمد يدك على زوجتك بعد عنها
ياسر طالع امه وهو يتنفس بسرعه وعيونه حمراء من عصبيته رمى اسيل على الارض بقوه : الا تستاهل الموت الـ###
وطالع لاسيل وعينه بعينها : و الحمدلله ان ربي ما رزقني عيال من واحده مثلك لان ما يشرفني تكونين ام لهم وبألم بان بنبرة صوته : انتي طالق
اسيل طاحت وضرب راسها بطرف السرير طالعته وهي مصدومه من كلامه الي جرحها بقوه دموعها غرقت وجها وهي تحاول تستوعب اخر كلمه قالها غمضت عيونها بعد ما حست كل شي حولها صار اسود من الم راسها وصدمتها فيه ما عاد حست بشي وارتخى جسمها
ام تركي مصدومه طلعت وراء ياسر : ليش
ياسر وقف لما سمع صوت منال تبكي وهي تصحي اسيل : يمه تعالي اسيل اغمى عليها يمه
امجد قرب منها وهو يهزها : ماما ماما طالع عمته بخوف : ماتت
ارتجفت منال وضمته بقوه : لا حبيبي ما فيها شي بتقوم ان شاء الله
ام تركي : قوم تحرك خذها للمستشفى بسرعه
ياسر خاف عليها يحبها بجنون بس شعور الخيانه بشع بشكل لا يوصف والادهى ان مع عيسى صديقه غمض عيونه بقوه وهو يتذكر كلامه عنها قسى على قلبه ومشى بدون لا يلتفت وطلع من البيت
الام نزلت بسرعه وهي تشوف تركي وزوجته والعيال واقفين بدهشه مو فاهمين شي وبسرعه : تركي بسرعه جهز سيارتك مرت ياسر اغمى عليها وبناخذها المستشفى وميلاف تعالي
تركي بسرعه طلع وشغل سيارته


___


نوره تعبانه من الوحام وكثر الاستفراغ طلعت من الحمام وهي تمسح وجها بمناديل وتتنفس بتعب سمعت بكاء وجدان وهواش جواد
طالعت محمد : حمود قوم شوف اخوانك
محمد وقف بسرعه و راح لهم
جواد ماسك شعر وجدان بعد ماهي عضته بيده
محمد وقف بسرعه و راح لهم سحب جواد :جواد فكها وش فيكم
جواد :هي عضتني اول
وجدان :هو اخذ ايبادي
محمد :عطها ايبادها وتعال بنطلع
خذت ايبادها وراحت قعدت مع امها وهما طلعوا
نوره : قومي جيبي جوالي بكلم فايز
وجدان : ماما بعدين بجيبه
نوره بعصبيه فسخت الشبشب ورمتها : قومي بسرعه
وجدان مسكته: طيب وينه
نوره :بالصاله فوق بتلقينه
وجدان رمت الشبشب على الارض وراحت


___


الدكتوره طلعت من عند اسيل
ام تركي وقفت : كيف صارت
الدكتوره :الحمدلله بخير كان ممكن تخسر الجنين بسبب طيحتها بس الحمدلله الحين وضعها والجنين تمام
ام تركي بدهشه : حامل!!
الدكتوره : اي والحمدلله على سلامتها ومشت
تمت واقفه دقيقه ابتسمت بفرح بس تلاشت ابتسامتها لما تذكرت ان ياسر طلق اسيل دخلت الغرفه قربت منها شافتها على السرير الابيض في راسها لصقة جروح و بيدها مغذي نظرها للاعلى ما طالعت حتى من دخل لها
مسكت يدها : الحمدلله على سلامتك يا بنتي ومبروك يمه والله يثبته لك وتقر عينك بشوفته
اسيل طالعتها بنظرات خاليه من الحياه على كثر ما كانت متلهفه لطفل الا انها الحين ما تحس بفرح وهي تتذكر كلام ياسر الي ذبحها
ام تركي تضايقت عليها :قولي لي يمه وش صاير بينك وبين ياسر الي وصلكم لطلاق
اسيل نزلت دموعها بصمت وما ردت
تنهدت ولفت بتطلع
اسيل :لحظه
ام تركي لفت لها
اسيل :لا تخبرين ياسر بحملي
ام تركي :بس يابنتي ما يصير هو ابوه لازم يدري
اسيل :طلبتك ياخاله لا تخبرين احد
تنهدت ام تركي :طيب وطلعت


___


منال منسدحه على السرير بعد ما طلبت من زوجها تنام في بيت اهلها وجنبها بنتها بعمر السنه نايمه بهدوء ضمتها وضميرها مأنبها صح تكره اسيل بقوه وكانت تبي تفرق بينها وبين ياسر و هونت لما شافت حبه لها بس المصيبه انها تراجعت بعد ما رسلت صورها حاولت بعيسى يمسحهم مقابل الي يبيه بس استغل هالفرصه وهددها فيهم مقابل الفلوس كل فتره وبسبب خوفها من ياسر وافقت نزلت دموعها وهي تتذكر انها خربت حياة اخوها مولا هي قادره  تعترف لياسر ويذبحها


___


ياسر ساند راسه على الدريكسون يحس ضيق الكون كله بصدره ياخذ انفاسه بتعب وقلبه ينزف مو مصدق الي صار يتمنى يطلع كابوس ويصحى منه رفع راسه على صوت احد يطق على الدريشه فتحها بهدوء
الرجال : اخوي فيك شي تبي مساعده
ياسر اشر بيده : لا مشكور
قفل الدريشه وحرك سيارته بيرجع للبيت وهو كاره نفسه والبيت كاره كل شي ما توقع هالشي من اسيل هو ما قصر معاها بشي عشان تخونه مع صديقه وترسل له صورها بكل جرأه وقف سيارته وهو يشوف امه نزلت من سيارة تركي
طالعته و دخلت اخذ نفس طفى السياره ونزل دخل البيت مر من جنب غرفة امجد سمع صوت بكاه فتح الباب عليه :مجود
امجد مسح دموعه وتعدل بجلسته وهو يطالع ابوه بخوف
ياسر قعد جنبه :ليش تبكي
امجد بصوت راجف :ماما وينها هي بخير؟
ياسر رفع يده لشعره طالع امجد : مدري وما يهمني
امجد ببكاء :بابا قولي ماما بخير هي بالمستشفى صح اخاف تروح مثل جدتي لما راحت المستشفى وما شفتها بعدها
ياسر ضمه وبهدوء :بخير يا بابا مافيها شي خلاص وقف بكاء
امجد مسح دموعه : روح جيبها
ياسر :ما راح اجيبها وما بترجع لهالبيت ابد تبيها روح لها بيت اهلها وشوفها
امجد :ليش ماما طيبه ليش ضربتها
ياسر تنهد ووقف بيروح غرفته :امجد خلاص نام الحين
وطلع لغرفته فتحها وصلته ريحة عطرها الي منتشره بالمكان مشى لشباك وفتحه وراح ارتمى على سريره بس ما قدر ينام


____


اليوم الثاني جوري دخلت على مريض: السلام عليكم
المريض :وعليكم السلام
الجوري وهي تطالع تحاليله :لا اليوم احسن بكثير
ابتسم المريض :الحمدلله يعني اقدر اطلع
الجوري :ايه بكتب لك خروج والتزم على ادويتك وخذها بوقتها
المريض :ان شاء الله مشكوره
طلعت الجوري شافت الدكتوره وداد ابتسمت :وش عندك تتحلطمين شصاير
وداد :في مريضه عندي تحسين كل هموم الدنيا عندها من امس وهي على نفس وضعها يا تبكي بصمت او سرحانه
الجوري :الله يشفيها بس شصاير لها
وداد :عمتها تقول طاحت وصدم راسها وتعورت بس طلعت حامل وهما ما يدرون سكتت شوي تفكر كأني شفتها معاك مره هي تقرب لك
الجوري باستغراب :وش اسمها ؟
وداد وهي تطالع الاوراق الي بيدها :اسيل صالح الـ..
الجوري بصدمه :اسيل
وداد :ايه تعرفينها؟
الجوري :ايه اخت زوجي وينها
وداد : بجناح ٢٠١
مشت الجوري بسرعه رايحه له


___


دخل اسامه البيت مع فايز وفجر راجعين من السوق بعد ما اشتروا اغراض المدرسه بس ما كملوا كل شي لان اسامه تعب عليهم
اسامه مسك جنبه وهو يتنفس بصعوبه: خذوا اغراضكم لغرفكم بسرعه
قعد على اقرب كنبه له وبصوت عالي: سونا جيبي لي كوب مويا بسرعه
سونا جابته له شربه على ثلاث دفعات وعطاها
شيخه دخلت الصاله طالعته وقعدت جنبه: بسم الله عليك يمه فيك شي
اسامه ابتسم ما يبي يخوف امه :لا يمه لا تخافين ارهاق من الشغل بس
اسماء جات له بسرعه بعد ما قالت لها فجر عن تعبه ابوها :حبيبي رحت المستشفى شفت النتايج تكفى طمني
اسامه طالعها بحده واشر بعينه على امه يبيها تسكت :مافيني الا العافيه لا تفاولين
شيخه :اي نتايج الي تتكلم عنها انت مخبي عني شي
اسامه مسك يدها وباسها :يمه فحوصات عاديه بس لا تشيلين هم مافيني شي
شيخه طالعته مو مرتاحه تحس في شي ما تعرفه: اها زين الحمدلله
طالعت اسماء :وانتي كيفك
اسماء سندت ظهرها ويدها على بطنها: بخير والحمدلله
شيخه بهمس :اشوفك ماشاء الله ولا كأنك حامل
اسماء توسعت عيونها وطالعت اسامه بقهر :اساعدك تروح ترتاح فوق
اسامه وقف :لا ما يحتاج عن اذنك يالغاليه وراح مع اسماء لغرفتهم


____


تركي قاعد في بيت اهله هو زوجته وعياله يفكر رن جرس الباب وقف وراح يفتح تفاجئ بالشرطي :السلام عليكم
تركي :وعليكم السلام خير ان شاء الله
الشرطي مد له ورقه : في قضيه مرفوعه على ياسر هو موجود
تركي حس بدوخه : ياسر
طالع الورقه وهو يقراها عض شفته وهو يقراها عيسى اشتكى عليه زفر بعمق : ياسر الحين مو موجود اذا جاء بقول له
غمض عيونه بقوه لما شاف ياسر وقف سيارته وهو يحس نفسه جسد بلا روح مشى لهم سلم بهدوء
الشرطي : الاخ ياسر
ياسر : ايه
الشرطي : تفضل معنا في شكوى مرفوعه عليك
بدون ما يسأل من وليش لف ومشى معه
تركي مسح على شعره بقهر ودخل وقفل الباب
الام : من
تركي بضيق : الشرطه
شهقت امه بصدمه : وش يبون
تركي : ياسر
طاحت الملعقه من يد منال الي كانت تأكل بنتها طالعت امها الي مسكت راسها : ليش ياسر وش مسوي
تركي قعد جنبها : يمه اذكري الله هاوشه شباب بس وباروح لعيسى وبخليه يتنازل
منال قبضت كف يدها بقوه ونزلت دموعها
كل الي صار بسببها
الام ببكاء : لا اله الا الله مدري وش صار للولد وانقلبت حياته فوق تحت حسبي الله على من كان السبب
دخلت سمر بابتسامه : السلام عليكم
تلاشت ابتسامتها وهي تشوف حالتهم
قربت سلمت على راس امها وتركي ومنال وقعدت جنبها : يمه شصاير شفيكم
الام ماردت
نزل امجد بسرعه يركض : عمو بروح اشوف ماما توديني لها
تركي وقف : طيب
سمر : ليش اسيل وينها
امجد :بالمستشفى بابا ضربها
سمر بصدمه : ياسر ضربها
تركي : يلا امش معي
سمر : وينه ياسر
منال وهي تنزل تاخذ الملعقه بيد ترجف نزلت بنتها على الارض : خذوه الشرطه
سمر ترمش بعدم تصديق للي يصير انصعقت وهي تسمع كلام امها لمنال
الام : منال انتي كنتي موجوده لما دخل ياسر قولي وش قال لاسيل ليش طلقها
منال : مـ مادري يمه
خذت جوالها الي رن ومشت للمطبخ
سمر مسكت راسها بقوه كل هذا يصير وهو ما تدري عجزت تنطق بحرف وهي تحاول تستوعب الي سمعته منهم


___


الجوري قفلت من عبدالعزيز ورجعت لاسيل قعدت على الكرسي على يسارها : اسيل وش صاير لك
ما ردت اسيل
الجوري : ليش محد يدري من اهلك انك هنا
اسيل : انا ما قلت لهم
الجوري وقفت ومسكت يدها : اسيل وضعك مو عاجبني فضفضي لي لا تكتمين
اسيل امتلت عيونها دموع ونزلت بصمت
الجوري بخوف : اسيل انتي تعتبريني اختك صح قولي لي وش فيك
اسيل بغصه وصوت مخنوق : ذبحني يا جوري
الجوري باستغراب : ياسر ؟
اسيل بكت
الجوري قعدت على السرير وضمتها بعد بكاها الموجع :هو الي ضربك
اسيل بألم : ظلمني اتهمني بالخيانه ما يدري ان روحي معلقه فيه وان لو اموت ما خنته ما يدري بحجم حبي له قال ان يوثق فيني ثقه عمياء بس زمت شفايفها وبصوت مخنوق : طلقني يا جوري كسر هالثقه طلقني حتى بدون ما يسمعني
شهقت الجوري بصدمه ونزلت دموعها بقهر عليها : الله لا يوفقه الله يتنقـ..
اسيل : تكفين لا تدعين عليه
الجوري بقهر : الا حسبي الله عليه

عبدالعزيز وقف قبل لا يفتح الباب وهو يسمع كلام الجوري قبض على يده بقوه وهو يتخيل اسيل دلوعتهم تنضرب احتدت نظراته وزاد حقده عليه وهو يسمع كمية الالم والضيق بصوت اسيل طلع بسرعه من المستشفى رايح لياسر

تركي وقف وهو يشوف عبدالعزيز الي مر من جنبه وما انتبه لهم تنهد ومشى لف لامجد : يلا ادخل شوي وجايك طيب
دخل امجد لغرفه اسيل و تركي راح بيشوف عيسى
امجد قرب منها وباس خدها : ماما يعورك راسك
اسيل : لا حبيبي ما يعورني شي وانا بخير
امجد : ماما ما ابي اروح مع بابا بجي معك
اسيل تنهدت : بابا ما بيرضى وتعال اي وقت تبيه طيب
امجد بضيق : طيب


___


تركي دخل وهو يشوف عيسى بحاله سيئه : ما تشوف شر ان شاء الله
عيسى وفي يده جبيره وعلى راسه شاش : الشر انت واخوك وش تبي جاي
تركي : ابي تتنازل عن ياسر
عيسى بعصبيه : مستحيل انت شايف الي سواه فيني اخوك بغى يذبحني ما راح اتنازل
تركي : عيسى انا اعرف ياسر ما عصب وجن الا لسبب قوي وانت صديقه وتعرف شكثر يعزك
عيسى : ما راح اتنازل ويالله اطلع
تركي ببرود : وش تبي مقابل
عيسى ابتسم نقطه ضعفه الفلوس : قول كذا من الاول ٥٠ الف
تركي طالعه جشع وطماع تنهد : تم بهاليومين بتكون عندك
عيسى : خلاص اوكي بس تعطيني الفلوس بروح القسم واتنازل عنه
تركي طالعه باحتقار وطلع
طلع جواله وهو يتصل على امجد يطلع


___


عند عبدالعزيز وقف قدام بيت بو تركي

نزل بسرعه وهي يدق الجرس ما وقف
فتحت ام تركي وهي متغطيه : خير ازعجتنا طق الجرس نفس الناس
عبدالعزيز وهو يحاول يهدأ : وين ياسر
ام تركي بحزن : مو موجود
عبدالعزيز : وينه
ام تركي بضيق : بالسجن انت صديقه
عبدالعزيز ابتسم بتشفي : احسن ويارب ما يطلع واذا طلع انا بتفاهم وياه وبعلمه كيف يتجرأ يمد يده على اختي ومشى لسيارته


___


نوره وهي تقهوي سعود : حبيبي تكفى طلبتك
سعود : تعالي جنبي
نوره وقفت وقعدت جنبه
سعود نزل فنجانه : الحين قولي وش طلبك
نوره بهدوء :بروح الرياض الاسبوع الجاي
سعود :لا
نوره :بس اسبوع ما راح نطول
سعود : نوره توك جايه من عندهم وما شفناك عدل والحين تبين ترجعين
نوره تكتفت بزعل وسكتت
سعود طالعها ابتسم : نوره انا ما اقدر اجي معك وثانيا كيف تبيني اقعد الصبح وما اشوف هالوجه الحلو قدامي ولا يكون اخر شي اشوفه قبل لا انام
نوره :حط صورتي قدامك
سعود طالعها بنظره
نوره ضحكت :امزح معاك شفيك
سكتت لما ما رد عليها تفكر :اقول سعود
سعود ببرود :قولي
نوره :انت عندك فرع هناك فتحته من سنه صح
سعود :ايه
نوره :طيب خلاص اترك الشغل هنا وخلنا نروح احسن لنا كلنا
سعود :وتبيني اترك عمي وهو تعبان نسيتي وقفته معاي
نوره :خل زوج افنان يستلم الشغل مو هو وياكم بالشركه واذا ما يبي على الاقل يساعده وانت روح امسك الفرع الي فتحته بالرياض افضل
سعود سكت يفكر بكلامها
نوره استبشرت خير من سكوته


___



طلع ياسر مع تركي بعد ما تنازل عنه عيسى وقف تركي قدام بيت اهله ونزل ضايقه فيه الدنيا دخل وامه اول ما شافته مشت له وضمته وهي تحمد الله ان طلع
شاف امجد قاعد يطالعه بنظرات ما فهم معناها
فتح يدينه له :تعال
امجد وقف ومشى ضمه ياسر وباس راسه: وش فيه الحلو زعلان
امجد هز راسه بلا :مو زعلان
ياسر ابتسم وطالع امه :كيف حالك يمه
الام :بخير بشوفتك يمه
مشى ومعاه امجد لغرفته وهو هلكان وتعبان


____



اسيل في غرفتها ما تبي تشوف احد ولا تقعد مع احد صار لها يومين على هالحال ومحد يدري وش صاير معها غير الجوري وعبدالعزيز
انطق الباب
اسيل : تفضل
دخلت الشغاله : بابا احمد يبيك تحت
اسيل بتوتر : ط طيب جايه
طلعت الشغاله وقفت وغيرت بجامتها و لبست بلوزه سوداء و بنطلون واسع شوي رفعت شعرها بربطه ونزلت
شافت امها واخوانها كلهم قاعدين خافت بس قوت نفسها وقربت : السلام عليكم
ردوا الكل السلام
احمد بدون مقدمات : وش سبب طلاقك
اسيل انصدمت وطالعت عبدالعزيز اكيد جوري قالت له
عبدالعزيز فهم نظراتها : محد قال لي انا سمعت كلامك مع جوري
اسيل زمت شفايفها بقهر وماردت
احمد بعصبيه : اسيل تكلمي وش مسويه من مصيبه اكيد شي يوطي الراس
اسامه بنرفزه : احمد انتبه لكلامك انا واثق باسيل
اسيل نزلت دموعها بقهر
عبدالعزيز بهدوء : يمكن الغلط منه اهدوا خلونا نفهم
اسيل بعصبيه : خلاص سكروا على الموضوع سوء تفاهم صار بينا او الاصح سوء فهم من ناحيته هو انا ما غلطت سامعين ما غلطت
طالعت احمد : و ما سويت شي يوطي راسكم ابد
اسامه مشى لها ضمها على جنب :اسيل اهدي والله لو يوقفون كلهم ضدك انا بوقف معك
احمد كان بيتكلم بس شيخه تكلمت: خلاص سمعت قالت سوء فهم وممكن ينحل ما ابي اسمع اي احد يفتح معها هالموضوع
عبدالعزيز تنهد هو يعرف الي صار ومقهور عليها
اسيل لفت ورجعت لغرفتها
اسامه اخذ نفس وبهدوء :عن اذنكم انا طالع مشوار
شيخه :بحفظ الله

طلع اسامه ركب سيارته وحرك بعد ربع ساعه وقف قدام المستشفى سند ظهره وهو يتنفس بتعب طفى السياره ونزل وصل عند الدكتور الي سوا التحاليل وسأل عن النتائج
الدكتور طلع تحاليله رفع نظره له : التحاليل توضح ان عندك مشاكل بالكلى
اسامه ساكت ينتظره يكمل
الدكتور تنهد :عندك الكليه اليسار متعطله والثانيه ضعيفه وممكن تتعطل باي لحظه ويكون عندك فشل كلوي
اسامه حس نفسه طاح من اعلى جبل بصدمه :ايش
الدكتور مد له اوراق التحاليل :من بكرا لازم تجي تراجعنا وتسوي غسيل كلى
اسامه كان يتردد في عقله فشل كلوي ما سمع كلام الدكتور الي كان يشرح له سبب حالته
الدكتور :اسامه
اسامه انتبه :اسف ما سمعت وش كنت تقول
الدكتور وهو يكتب : الادويه لازم تاخذها بوقتها و تراجعنا بكرا ضروري عشان نشوف جلسات غسيل الكلى واذا لقيت متبرع بوقت اسرع يكون احسن
اسامه طالعه بلع ريقه ومد يده للاوراق : طيب
طلع من عنده لصيدليه اخذ الادويه ومشى لسيارته حط الاوراق والادويه بالكرسي الي جنبه وانهارت قواه وسند راسه لوراء بضعف جاء في باله بهاللحظه امه وعياله فايز وفجر والطفل الي جاي اذا صار له شي او توفى وش راح يصير فيهم عض شفته بقوه وهو يحس بألم فضيع مسك بطنه وهو يحس جوانبه بتتقطع همس بتعب :يالله رحمتك
زفر براحه لما راح الالم وحرك السياره توجه للبيت رن جواله شاف الاسم و رد بهدوء


____



في بيت ابو تركي

دخلت منال شايله بنتها شافت امها ونجلاء و سوسن : السلام عليكم
ردوا عليها السلام
سلمت على امها وقعدت
الام : وانتي كل يوم جايه
ضحكت منال :يمه شسوي احبكم بعدين بو شدن بيسافر وانا بقعد عندك هالشهر
ابتسمت ام تركي :حلو والله تقعدين معي
شهقت منال :يمه نسيت اقول لك بو شدن يبي يسلمك عليك قبل لا يسافر
وقفت امها :وتوك تتذكرين
ومشت للباب سلم عليها وسولف معها شوي وراح مستعجل للمطار
نجلاء لفت لسوسن :الا وين هي اسيل دايما تقعد معنا سوا بهواش او بدون بس اليوم مالها اثر
سوسن باستغراب :ايه والله تصدقين فقدتها
نجلاء ضحكت :والله وصرنا نسأل عنها بس تبين الصدق والله مع العشره طلعت طيبه
طالعت منال الي ساكته وما تكلمت معهم ولا غلطت عليها :وش فيك ساكته والا مو عاجبك كلامنا عن اسيل
دخلت الام ووراها ياسر توترت منال وهي تشوف حالته
سوسن لاحظت عليها واستغربت
سلم على خواته وراح غرفته
نجلاء :يمه ياسر فيه شي
الام :لا بس تعبان شوي وطلعت بتشوف امجد
سوسن :منول تعرفين شصاير
منال بارتباك : هاه لا مـ ما عرف
سوسن طالعتها بشك من ارتباكها الواضح


____



سعود دخل البيت تعبان تناقش مع عمه اليوم وفاتحه بالموضوع الي كلمته عنه نوره وبعد فتره اقتنع رغم ان ما يثق باحد كثر ثقته بسعود بس دام هالشي بيريحه ماعنده مانع راح يدير شغله بنفسه وبمساعدة نايف زوج افنان يعرف ان رجال يخاف الله وبيشوف خبرته بهالمجال
ابتسم وهو يشوفها قاعده وفي يدها كوب قهوتها رد السلام
رفعت راسها بابتسامه : وعليكم السلام ورحمة الله تأخرت اليوم
سعود :انشغلت بالشركه
قعد جنبها واخذ الكوب من يدها
نوره توسعت عيونها :هذا لي
سعود :انا خاطري في قهوه بس ما حلت الا الي بيدك
نوره :سعود مالي خلق اقوم اجيب لي عطني اياها
سعود رفع حاجب :صايره كسلانه وبخيله ودوبه بعد
نوره ضربته على كتفه :سخيف
وقفت وراحت المطبخ
سعود ضحك عليها ورفع الكوب وهو يشرب بهدوء وبصوت عالي :بدلي لبسك الجو بارد
نوره طلعت من المطبخ وفي يدها كوب قهوه طالعته :البيت دافي ما يحتاج
سعود ابتسم :وين العيال
نوره :بغرفهم
سعود :هاديين اليوم
نوره :الحين بيجوك يراكضون
سعود :طيب قبل لا يجون تعالي ابيك بموضوع
نوره مشت وقعدت على الكنبه مقابله : خير ان شاء الله
سعود :كل خير عندي لك بشاره
نوره ابتسمت بحماس :شنو
سعود :كم تعطيني
نوره :الي تبيه اخلص قول
سعود سند ظهره للكنبه :كلمت عمي واقنعته وبنرجع الرياض
نوره بفرح نزلت كوبها على الطاوله بعد ما كان بيطيح من يدها :احلف يعني خلاص بنرجع لبيتنا واهلنا وفايز وقفت :ياربي مو مصدقه واخيرا
سعود ضحك وهو يشوف فرحتها
وجدان جات تركض لابوها ضمها وباس خدها :هلا والله باحلى البنات
دخل جواد ووراه محمد وعبدالله وقعدوا يسولفون


____


اسامه دخل البيت بتعب واتجه لغرفته فتحها ودخل فسخ شماغه وعقاله رماهم على الكنبه وطلع جواله ومفتاحه وبوكه حطهم على التسريحه مشى طلع له بجامه وتوجه للحمام طلعت اسماء بوجهه وهي تنشف شعرها جمدت وهي تشوف تعابير وجهه
اسامه بعدها من قدامه ودخل
اسماء لفت تطالعه بهدوء هزت اكتافه باستغراب ومشت طلعت الاستشوار وشبكته وشغلته تجفف شعرها
اسماء : حبيبي تعبان
اسامه ببرود :شوي بس
اسماء :رحت المستشفى
اسامه :اي تعب عادي والحين ممكن شوية هدوء ابي انام
اسماء :طيب
رن جوال اسامه ما سمعه كان رايح بسابع نومه
مسكت اسماء الجوال تأملت الاسم فتره مكتوب " خلود " فتحته وما تكلمت وصلها صوت انثوي ناعم : حبيبي انشغل بالي عليك صوتك اليوم مو طبيعي لا تقول لي اوهام انا متأكده ان فيك شي "
اسماء ضغطت على الجوال بقوه وصوت انفاسها صار واضح قفلت الخط وهي ترجف بطنها اوجعها قعدت على الارض بصدمه واسلوب البنت يبين انها تعرفه من فتره نزلت دموعها بغزاره مو مصدقه خيانة اسامه


___


نوره مستانسه رغم تعبها من حملها كانت ترتب وتجهز كل شي بحماس
سعود دخل وشافها وهي تحوس بالغرفه جهزت شنطه وباقي تجهز الثانيه
سعود مسكها :خلاص بتقعدين تصيحين من الم ظهرك و بطنك خلاص اقعدي
نوره: بقى شوي
سعود: قلت لا الحين بنادي ميري تسويهم
نوره :بس
سعود قاطعها: ولا كلمه
نوره بزعل مشت بتطلع
سعود: وين
نوره :بروح للعيال
سعود رفع حاجب :ما تبين تقعدين معي انا اجي وانتي تطلعين
نوره طالعته بهدوء: ليش معصب
سعود اخذ نفس :مو معصب
نوره مشت لها مسكت يده وقعدته على السرير وهي جنبه ابتسمت :طيب خلاص روق
سعود طالعها وهي مبتسمه يحس ابتسامتها طالعه من قلبها من كثر فرحها وحماسها رفع يدها الي ماسكته وباسها بعمق : ليه تحرميني من هالابتسامه الحلوه
نوره طالعته ولمعت عيونها بحب :غصبا عني
سعود سرح بنظرة عيونها وما حس بنفسه الا لما انطق الباب ودخل جواد يشكي من وجدان


___


في بيت ابو احمد
الجوري :خالتي وين اسيل
شيخه تنهدت :بغرفتها مو راضيه تطلع عجزت معها
الجوري وقفت: انا بروح لها
شيخه :حاولي تطلع بدل ماهي حابسه نفسها
الجوري : ان شاء الله وراحت لها
دخلت شذى وعيالها
صالح استانس بعيال عمه لان تملل بروحه و فايز طالع
شذى سلمت عليها وسألت عن احوالها : شفت سيارة الجوري برى وينها
شيخه : عند اسيل
شذى : يا عمري اسيل ما تستاهل الي صار لها
شيخه بهدوء : قضاء وقدر
شذى سكتت تفكر وبدون شعور سألت : تتوقعين عشان اسيل ما جابت عيال طلقها لان هو عنده امجد يعني مافيه عيب يعنـ..
سكتت من نظرات شيخه بلعت ريقها وصدت بنظرها دايما تتسرع بالكلام
اسيل وقفت وهي تسمع كلامها اذا شذى هذا كلامها اجل الناس اذا عرفوا بيطلعون عليها ١٠٠ اشاعه ويتناقلونها بينهم
الجوري انقهرت هي يالله قدرت تخليها تنزل خافت ترجع غرفتها مسكت يدها ودخلت الصاله وبحده : والله اسيل كلنا نعرف ان ياسر يموت فيها ونعرف اصراره على الزواج منها واذا فعلا تفكرين ان طلقها لهالسبب السخيف فاحب اقول لك استريحي مو هذا السبب لان لو ياسر فعلا يبي عيال من غير اسيل ليش ما تزوج صار لهم ثمان سنين متزوجين وداخلين بالتاسعه ممكن تقولين لي ليش
شذى سكتت ما عندها رد
الجوري :لان ما يبي من غيرها وراضي بلي كاتبه الله ولا تنسين انه عندهم امجد
اسيل حست بغثيان وقفت بسرعه وراحت للحمام يكرم القارئ
الجوري طالعتها بهدوء
شيخه ابتسمت للجوري :تعالي يمه اقعدي لا تتعبين من الوقفه
الجوري قعدت وسندت ظهرها وهي تحس بتعب حطت يدها على بطنها : والله خاطري بورق عنب حامض مرا
ابتسمت شيخه :ابشري الحين بيجيك احلى ورق عنب
ضحكت الجوري :تسلمين لي والله لا يحرمنا منك
شذى انقهرت من علاقة الجوري وشيخه

سبحان الله والحمد لله ولا إله إلا الله والله أكبرُ
ولآحول ولا قوة إلا بالله


سَـرَآبْ ©؛°¨غرامي فعال ¨°؛©

اوووووف أوووووووف ما كنت متوقعه كذا توصل المواصيل

طيب اكرهوها بس مو تخربطون بالخراب وتحطونه براسها

.

.

ما راح يسامحك ياسر يا منال

.
.

واسييل ما راح تسامحك يا ياسر

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1