احلى من خلق ربي ©؛°¨غرامي مشارك¨°؛©

فارس مسك خده : والله ما اتركها وما اكون ولد ابوي ان ما جبتها
ابو فارس : والله والله يا فارس لو تقرب للبنت لا انا ابوك ولا انا اعرفك
فارس : من زينك يعني رح بس
طنش ابوه وطلع لغرفته
نروح عند وحدة ما ذكرناها بطلتي المجنونة اييه اديل
اديل كانت تمشي وفجأة سارت تجري ونطت على الدكتور الشاب : بااااسسسل وحشتني
الدكتور :ااا......
اديل وهي تبكي : وين كنت هم يقولون انا مجنونة بس انا مو مجنونة وين رحت وتركتني يا باسل
الدكتور : لو سمحتي
اديل مسكت يده وهي تبوسها : تكفى لا تكلمني كذا كأنك ما تعرفني تكفى يا باسل تكفى لا تتركني هنا
جا ممرض من وراها وضربها ابرة جا يشيلها بس الدكتور وقف في وجهه : اتركها
شالها الدكتور وودها لغرفته وطلع وهو يناظر الممرض اللي معها : وين الدكتور المشرف على حالتها
الممرض : دكتور.......
راح له ودخل له على المكتب
وقف الدكتور مرحب : هلا هلا دكتور خالد
خالد طالع في الدكتور بغرور : جيت ابيك تعطيني حالة مريضة هنا بكون مشرف عليها
الدكتور : تمام الحين ادور لك حالة تقدر تشرف عليها
خالد بحدة : اديل
الدكتور طالع فيه باستغراب : وش؟
خالد: اعطني حالة اديل
الدكتور : بس يا دكتور اديل حالتها مستعصية ما تقدر انت كطبيب توه مخلص امتياز تمسكها
خالد بعناد : ابي حالة اديل ولا بطردك من هالمستشفى
الدكتور جلس بتنهيدة وطلع ملف من الدرج : خذ
خالد طلع من مكتب الدكتور وجلس يتمشى وهو يدور اسم الممرضة اللي مشرفة على حالة اديل وراح لمكتبه بعد ما قال لواحد من الممرضين يناديها
دخلت الممرضة وهي مسرعة : هلا استاذ خالد ناديتني
خالد : سميرة؟
سميرة : ايه نعم
خالد ابتسم بشر وراح لما الباب وقفله واخذ المفتاح
سميرة بخوف : ايش؟
خالد راح ودخل يده في الدرج واخذ شي وسكر الدرج وقرب من سميرة
سميرة : تكفى استاذ خالد لا تقرب
خالد طالع فيها باستحقار : ما بقى الا انتي أقرب منك
طلع جهاز ال كهرباء من جيبه
سميرة يوم شافته طالعت فيه بخوف : وش تبي؟
خالد : ابد والله بس ابي اذوق من اللي سويتيه لاديل شوي
سميرة : بس ما سويت شي
خالد طالع فيها وصرخ : انطمي يا كذابة
سميرة :اا...
ما لحقت تكمل الا وخالد ضربها بالجهاز وهي تصرخ وخالد يحط الجهاز عليها لما اغمى عليها مسكها بقرف ورماها برى مكتبه ورجع دخل : والله يا اديل لا اخذ حقك من كل واحد اذاك
خالد بصراخ : محممممد
دخل الممرض بسرعة : هلا
خالد : نادي لي الممرضة سعاد
محمد : حاضر
دقايق ودخلت له سعاد
خالد : اتفضلي
جلست سعاد بدون ما تتكلم
خالد : كيفك?
سعاد : تمام كيفك انت؟
خالد :تمام سعاد عندي حالة اسمها اديل ال..... ابيك تكونين الممرضة الخاصة فيها
سعاد : بس دي مريضة سميرة
خالد : تبين ولا لا بدون نقاش؟
سعاد : اللي تبيه انا حاضرة
خالد : خلاص من بكرة انتي المشرفة على حالتها وانا ما حطيتك الا وانا واثق فيك
سعاد : حاضر يلا انا استأذن
خالد طلع ودخل على غرفة اديل وجلس جنبها لما صحيت
اديل : باااسل
خالد بابتسامة : انا مو باسل لكن تقدرين تناديني باسل اتفقنا؟
اديل بطفولة هزت راسها : ايه ايه
خالد : بس دايم اتذكري انا مو باسل اوك؟
اديل : طيب وش اسمك؟
خالد: خالد
اديل نزلت راسها بحزن : انا مجنونة لا تكلمني بتسير مجنون مثلي
خالد مسك فكها ورفعه : لا لا تقولين كذا انتي عاقلة واعقل مني ومن أي أحد هنا
اديل : بس سميرة تقول انا مجنونة
خالد : مين تصدقين باسل ولا سميرة؟
اديل : باسل
خالد : وباسل يقول انتي موب مجنونة
نتركهم الحين ونروح لبسام :
اذن اذان الظهر وبدو الطلاب يطلعون من المدرسة لبيوتهم وفي كل مكان تلاقي شكل من العيال يمشون هنا شلة يتضاربون وهنا شلة يضحكون ::
بسام وهو يمشي ويكلم بالجوال اللي في يده : اييه تونا خرجنا
........... : طيب وش لابس اوصفلي كل شي
بسام : اممم بنطلون وفوقه بلوفر اصفر
............ : طيب كثيرين يلبسون مثلك حددلي بالضبط
بسام : لابس سماعة ايربودز وحاط كاب على راسي ووووو
.............. : شفتك بس لوح بيدك عشان اتأكد
بسام رفع يده وهو يلوح:انا؟
.............. :ايه خلاص لقيتك طالع على يمينك في سيارة كامري سودا تعال
بسام ابتسم: ايههه لقيتك
راح بسام للسيارة وهو يجري فتح الباب الخلفي وركب : السلام عليكم
............ :وعليكم السلام
بسام : ها بنروح المختبر
............ : ايه
بسام : الله شكرا لأنك قلتلي على هالبرنامج
............ :ابد بس شفت ذكائك قلت حرام يروح على الفاضي
بسام : يعني هو مختبر حقيقي فيه زي الافلام كذا عقاقير
............ :ايه
بسام رفع جواله اللي يرن : اصبر برد ونكمل
........... :اتفضل
بسام رد:الو
اسامة: وينك؟
بسام: توني خرجت من المدرسة بروح افطر واجي
أسامة بحزم : تعال البيت بسرعة واذا تبي انا اخرجك
بسام:مابي حفطر وبعدها اجي
أسامة بتنهيدة : اوك لا تتأخر
بسام : ماني براجع بدري ناقص انا هواشات
اسامة: ابشرك امي وابوي مو في البيت وبعدين يوم ترجع البيت لا تقعد معهم خلهم يهاوشون زي ما يبون
بسام: لو يطلقون احسن لهم ولنا
اسامة:ايه والله بس شنسوي
بسام: يلا سلام
أسامة : سلام
وقفت السيارة ونزل بسام مع الرجال اللي دخله لمكان اول مرة يشوفه استغرب انه في أماكن زي كذا في دبي لكن ما وقفه هالشي من انه يتقدم ويستكشف دخل البودي قارد ودخله لمكان شبه معزول عن العالم كبيير وفيه أشخاص كثيرين بمختلف الأعمار وكلهم يشتغلون
جا رجال عجوز :هلا هلا ببسام الحمد لله انك ما خيبت ظنوني فيك
بسام : هلا فيك ابد بس كنت ابي اجي اشوف بعد ما قال لي الرجال انكم هنا تعطونا دورات تدريبية في المواد الكيميائية
العجوز : ايه بس هالمفهوم غلط حنا هنا ما نسوي دورات ابد
بسام باستغراب وقف وشال شنطته: اجل جيتي مالها داعي بروح البيت
العجوز مسكه من معصمه: لا لا تعال بشرح لك
بسام سحب يده بهدوء: الرجال قال لي معمل يعطونا دورة فيه غير كذا مابي
العجوز : حتى لو كان انك تخدم وطنك؟
بسام عقد حواجبه: شلون؟
العجوز ابتسم : انا كنت اراقبك من وقت لقيت فيك اشياء مقدر الاقيها في شخص ثاني على الرغم من عمرك الصغير
بسام رجع جلس وطالع في العجوز باهتمام: وش هذي الاشياء
العجوز: اممم ذكاء حزم هدوء صبر
بسام ابتسم بغرور : ايه في ذي معك حق
العجوز : حنا وش شغلنا هنا؟
بسام باستغراب : وش يدريني عنكم
العجوز : نصنع متفجرات
بسام وقف بفزع : وشششش؟
العجوز ببرود : نصنع متفجرات
بسام اشر على نفسه: وتبوني معكم ليش؟ ثانيا انا مستحيل أسير ارهابي
العجوز : مو ارهاب ذا جهاد حنا نصنع المتفجرات ونعطيها الدولة ما نوديها لمكان ثاني
بسام بشك: بس أماكن زي كذا المفروض يكون فيها شرطة يحمونها وعلماء مو اغلبهم بزران
العجوز : حنا ناخذ أصحاب الذكاء العالي ما يهمنا العمر ثانيا اذا على الشرطة ما تجي هنا عشان ما تجذب الانظار لنا
بسام جا يبي يخرج : دور على احد غيري
العجوز ابتسم وتركه يروح
نروح عند بطلنا او بطل الوطن واحد من عشرات الجنود المرابطين على حدود الوطن يحمونه بارواحهم ايههه نقصد نضال
حط اخر قطعة من ملابسه وسكر الشنطة ووقف وهو يودع أصحابه مشى لسيارات وهو يقول في نفسه : اخيرااا اخيرااا اجازة بعد شهور من التعب اخخخ مشتاق لأمي مشتاق لأبوي
دخل سيارته وحرك لما وصل لنص الطريق انفجع يوم شاف سيارة تفحط من قدامه وتوقف فهو حاول يسيطر على سيارته وقلبه يدق طبول من الخرعة تنهد براحة لما قدر يوقف سيارته طالع في السيارة ابتسم بسخرية لما شاف انها فيراري اخر موديل همس:ايه هم كذا عيال النعمة عادي تروح أرواح بسبب تهورهم
خرج شاب من الفراري وركض لسيارة نضال ودق عليه الطاقة نضال فتح طاقته وهو يطالع في الولد
الشاب: سار لك شي؟
نضال : لا الحمد لله
الشاب طالع في لبسه : عسكري؟
نضال : لا جندي مرابط في الحدود وكان رايح اجازة بس حضرتك كنت حتقتله قبل لا يوصل لأهله ويشوفهم
الشاب : ههههههههههههههههههههه والله اسف بس كنت ملاحق وتوني ضيعتهم ووقفت اول سيارة وعلى حظي طلعت رجال طيب اسمع ابي شي ضروري ضروري ضروري
نضال باستغراب : بس انت ما تعرفني؟
الشاب : مو مشكلة بس صدق انا في ورطة
نضال: وش؟
الشاب جر يد نضال وفتحها وحط فيه ميموري :خذ ذا
نضال : وش ذا
الشاب اتجاهله وهو يطلع ورقة من جيبه ولف بعيونه يدور قلم فشاف قلم طايح في سيارة نضال نط في السيارة من الشباك واخذ القلم ورجع نفسه لبرى ونضال يطالع فيه بتوتر راح وركز الورقة على كبوت السيارة َوكتب رقمه ورجع لنضال: شف ذا رقمي بتواصل معك وبطلع اسمك لاني حافظ رقم سيارتك الحين تقدر تحرك قبل يشوفونك معي ونتورط بسرععة
نضال : طيب سؤال
الشاب : وشو؟
نضال : وش اسمك؟
الشاب ابتسم : سلمان سلطان آل..........
نضال بمفاجأة : ولد ال....
سلمان لوح له : مقدر اقعد زيادة سلام
ورجع الشاب سيارته وانطلق بنفس السرعة قعد نضال خمس دقايق يستوعب وبعدها حط الميموري في جيبه وجا يبي يشغل السيارة بس دق احد طاقته قال وهو يتحلطم : وش قصتهم الناس معي اليوم؟
فتح الطاقة وشاف اثنين واقفين جنب بعض : هلا؟
الأول : مر من عندك شاب راكب سيارة فيراري
نضال : لا ما مر من هنا
الثاني : اوك
نضال سكر الطاقة ومشى يكمل طريقه وصل لبيته وهو مهلوك من الطريق دخل البيت لقى الكل نايم ابتسم وراح لغرفته بهدوء غير ملابسه وانسدح على سريره ونام

احلى من خلق ربي ©؛°¨غرامي مشارك¨°؛©

اكتشفت انه في رواية بنفس اسم ذي الرواية����
اتمنى من المشرفات يغيرون اسم الرواية إلى
(لـنْ يــَمُـوت الْحُــبُ يَـوْمَـاً
حَـتًَى وَإِنْ طـَـالَ الرًَحِـيل.....)

فيروزه7 ©؛°¨غرامي جديد¨°؛©

ماشاءالله حلووه بس طولي بارتات

احلى من خلق ربي ©؛°¨غرامي مشارك¨°؛©

المشاركة الأساسية كتبها فيروزه7 اقتباس :
ماشاءالله حلووه بس طولي بارتات
لعيونك الحلوهه ❤️

احلى من خلق ربي ©؛°¨غرامي مشارك¨°؛©

تشرفونا على حساب الرواية في الانستجرام❤️❤️
@rewaya36__

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1