غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
عرض نتائج التصويت: هل روايتي حلم ألم أمل تستحق تنعرض بالمنتدي
نعم 22 78.57%
لا 1 3.57%
ربما 5 17.86%
لا أظن ذلك 0 0%
المصوتون: 28. لم تقم بالتصويت على هذا التصويت

 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 51
قديم(ـة) 31-12-2019, 08:21 PM
صورة احلام النجوم الرمزية
احلام النجوم احلام النجوم غير متصل
©؛°¨غرامي مشارك¨°؛©
 
الافتراضي رد: رواية حلم ألم أمل /بقلمي


اقتباس:
المشاركة الأساسية كتبها أغلال ناعمه مشاهدة المشاركة
فديت قلللبك ياعنوني .. وانا وربي حبيتك والله شاهد .. مننننتظرررره ومتحمسه جدا جدا .. واكيد البارت عاجبني قبل ماينزل .. كل شي منك حلوووو ياعسل💕
تفداااك روحي ياقمر
والعسل انت ياجميل
والله وحتي انا حبيتك وحبيت البنات
وتسلمين الحين انزله وقولي رايك
وبعدين الليله اخر يوم بالسنه
اتمني لك سنه جديدة كلها سعادة وفرح ونجاح وتحققين كل اللي تحملين فيه 😘😘😘😘

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 52
قديم(ـة) 31-12-2019, 08:24 PM
صورة احلام النجوم الرمزية
احلام النجوم احلام النجوم غير متصل
©؛°¨غرامي مشارك¨°؛©
 
الافتراضي رد: رواية حلم ألم أمل /بقلمي


الفصل الثاني عشر

عند الشباب فارس وطلال كانو بالمول
فارس بخوف : ياخوي وش ناوي عليه
طلال حامل شي يغرع : وعد أخليهم يهجون من المزرعة كلهم ولاعاد تشوف الا غبرتهم بس إنت خلك قوي وساعدني
فارس تحمس للفكرة الجهنمية ب راس طلال : موافق بس وش نسوي!؟

طلال والشرر يطلع من عيونه : بقول لك بس خليه بينا والتنفيذ بكرة بالليل بالمزرعة إن شالله
فارس بحماس : أوكي متفقين

بعد ماتفقوا علي خطتهم اللي رح تطيح قلوب أبطالنا رجعو علي بيتهم وينامون شوي لاجل يتحركون من الفجر
عند الفجر ناخذ لفة علي كل بيت من بيوت ابطالنا
بيت أبو بدر

أماني واقفة اسفل الدرج و تصارخ : يلا ترانا متأخرين وأكيد بيت عمي سبقونا
أم بدر : بشويش ترا عندنا جيرانا وأكيد هجوا من ضجتك

أماني برطمت : ماعلي منهم بس تعجلوا شوي مابي احد يوصل قبلنا
مني نازلة الدرج بهدوء وتعدل فعبايتها وحجابها وأماني وصلت معها : وبعدين لي يوصل يوصل عشان المزرعة بمكانها ومارح تتحرك
أماني ناظرتها بنص عين : أنا مروقة علي هذا الصباح الحلو فماله داعي غرورك الزايد يهبلني فإنطمي أحسن

ببيت أبو أسامة
أم اسامة للخدم : مانسينا شئ
الخدامة : لا مام كل شي في ..
ا إبتسام تتزحلق عل درابزين الدرج اللي كله رخام : صباح الخير علي أحلي أم بالكون
أم أسامة بخوف: صباح النور بس بشويش لاتطحين

إبتسام ملت البيت بالضحك وبدلع: هههههههه نو مام مافيه فوبيا و خوف معتاده الحين
أم أسامة فرحت للفرحها : هههههه الله يحميكي يله ابوك وإخوانك ينتظرونا وريتاج بعد ....وراحوا لبرا وركبوا بسيارتهم ( نسيت أقول إن سامر مارح يروح عشانه مشغول لإمتحان تغير الجامعة لي بعد يومين )

بيت أبو طلال

طلال بصارخ : هديل فرح يله تأخرنا

هديل : جاينا جاينا

يزيد النعاس غالبه ويبي يرجع ينام : وش فيك؟ وليه كل هالحماس ؟لاتكون ناوي علي بلوة !!!!!
طلال بخبث : لا يالحبيب اناو البلاوي ماعاد يجمعنا شي

يزيد بثقة : مأظن انو الحبيب يسمح بحبيبه بالسهولة بس ماعليه يذوب الثلج ويبان المرج
طلال بإنكار : ههههههه انا الحين بريئ يالفيلسوف
فرح بصدمة : انت البرئ !!! أجل علي البراءة السلام
هديل : ههههه البراءة صارت مرفوعة الحين لسماء بسب ط
أبو طلال : بسكم الحين ويله مشينا
بيت أبو مصعب

مصعب : راشد جبت الكرات

راشد : ايه كرة السلة وكرة القدم
مصعب :أنزين وين التوأم

ندي ومدي : كملنا يلا
مصعب : كم مرة قلت كل وحدة تتكلم بحالها

ندي ومدي : انشالله المرة الجاية
راشد : ههههه سير سير ماكو فايدة منهم

مصعب ماسك راسه : صدق ماكو فايدة

أم مصعب : ترا ابوكم بالسيارة من زمان
مصعب : أنزين يمه جايين

بيت ابو فهد
فهد ركب بالسيارة وطلب من ابوه يسوق وهو حط راسه ونام ونوف نفس حالته

ركبوا أبطالنا بسيارتهم وأتجهوا للمزرعة لي تلم شملهم لإيام وترجع تفرقهم بس ياترا هل بتكون رحلة حلوة لكل واحد فيهم وتكون فيها مواقف تنغرس بذاكرة أبطالنا هل بيكون فيها الفرح والحزن بنفس الوقت خلنا نشوف او أقول نقرا ^^^ هههه فاضية انا
كانت سيارة أسامة جمس كبيرة فكانت كل عايلته موجودة هو كان يسوق وأبوه جنبه ومن وراه كانت أمه وأحمد وأمين وإبتسام وريتاج باخر مرتبة

ج تسولف وتضحك

وإبتسام حطت راسها علي الشباك وتناظر الطريق " رايحة له برجلني شلون قلت ابي المزرعة ..بدي قلبي ينبض بس مارح اقربه أبد ...محمد ليتك فيه معي وتحمني منه "

ريتاج ملت : بسوم سولفي طفشت بروحي

إبتسام بتعب : روحي عني مالي خلقك أبد
ريتاج : اوووووووووووووف
أم أسامة بحنية وهى تلف لورا : يمه فيك شي ؟ حاسة بألم ؟

إبتسام : لا يمه أنا بخير ماله داعي تخافين
أم أسامةبخوف عليها : أنزين بس ليش ساكته ؟

إبتسام إبتسمت : ريتاج تكفي

أم أسامة إبتسمت : ابدن ...ريتاج بروحها ماتكفي سولفي إنت وهي مب ريتاج
ريتاج فرحت : ايوه يمه ترا عندي إخت مو البنت الوحيدة عشان ابربر بروحي
الكل ضحك

إبتسام رحمتها : ههههههه انا ابي اروح حق نوف اكيد طفشانة مثلك وإنت دقي لإماني وخليها تجي عندك تسولفين معها

ريتاج ستانست : صدق فكرة ...وبعدين اريح منك روحي حق دلوعة نويف..... واتصلت علي أماني وإبتسام دقت علي نوف
عند أماني كانت بسيارة أبوها لي يسوق وجنبه أمها وراه هي وجنبها سهي وجنب سهي مني أما بدرفكان بسيارة فارس لي يسوق ومعهم ي

أماني : أوف طفشانة سولفوا وش فيكم
مني كانت تبي تنام شوي لانه باقي لهم ساعة ونص لين يوصلون : أماني أي سوالف الله يهداك بهذا الوقت نامي أرتاحي شوي قدامك اليوم بحاله لسوالف

أماني أخذت موبايلها تدق علي ريتاج وتكلم مني : الشرهة مو عليك علي انا اللي ودي أسولف معك ...ودق موبايلها بأسم ريتاج

أماني بفرح : هلا هلا توني كنت بتصل عليك
ريتاج : هههه طفشانة مو

أماني : إلا أبو الطفش إنت وش تسوين
ريتاج: يعني وش بسوي تعالي عندي وخلينا نتفرج علي مجلة فاشن جايبتها للضرورة ونسولف بعد

أماني بوناسة : ياي ثواني بس وين بسووم

ريتاج تستهبل : بالمنفي وين يعني
أماني فقعت ضحك وفهمت قصدها " بعالمها " بصراخ : يبه وقف وقف أبي أروح حق سيارة عمي

أبو بدر وقف سيارته بقوة وفحط فيها وأغترع من صراخ أماني : يبه في شي؟؟ شصاير!!
أم بدر أغترعت وحطت إيدها علي قلبها عشانها كانت نايمة : وش فيه.... وش صاير !؟
أماني ماتت ضحك عليهم

مني بخوف : يالهبلة ترا كنا بنروح فيها بسب صارخك

أبو بدر ناظرها بغضب : أماني إيش ذا الصراخ !؟

أماني تفشلت: أسفة يبة تحمست بس وبعدين وقفتك لانو ريتاج تبيني أروح لها
أم بدر تهدي الوضع : ماصر شي يابو بدر جات سليمة .. يله أماني أنزلي

الكل لاحظ توقف أبو بدر الرهيب وأغترعوا ووقفوا سيارتهم

فارس وقف سيارته ونزل علي طول وراح لابوه : يبه إنت بخير.. صاير شي !؟

أبو بدر : ولا شي بس أماني تبي تروح حق بنت عمك
فارس براحة : أنزين بس إذا كنت تعبان أسوق مكانك وبدر يسوق عني

أبو بدر : لا ياوليدي أنا بخير مايحتاج
فارس : أنزين يبه

بدر بخوف : فارس إستوي شي؟
فارس رفع إيده لبدر وطلال وزوج عمته : لا ماصار شي تطمون

أماني نزلت وراحت سيارة عمها لي كانت جنب سيارة طلال وإبتسام بدورها راحت حق نوف سيارة خالها

طلال فز قلبه يوم شاف أماني تمر من عنده وإبتسم لها

أماني وقف قلبها من إبتسامته لي تذوب الحجر وإبتسمت له بدورها
طلال ضاعت علومه وقرر إنه لازم يقول لها عن مشاعره

أماني ركبت سيارة عمها وهي شاقة الخشة : كود مورنين هاو أر يو ؟
الكل : وعليكم السلام
أماني : هههههه سوري نسيت عمي
أبو أسامة : كيفها أمونة وكيف الحماس حقها

أماني: 100\100 خبرني عن علومك ياعمي

أبو أسامة : طيب بس وش أستوى مع أبوك

أماني توهقت : ماكو شي بس وقف بسرعة
أبو أسامة : الحمد لله غرعنا

أسامة: أماني ليش جاية حتي هني لاحقتنا
أماني : أسمعني يأسامة مابي هواش لإني مرة مستانسة خلينا لما نوصل حق المزرعة ونتهاوش وبعدين أنتبه علي الطريق ماعليك مني

أحمد : هههههه انطم يأسامة لإن بنت عمك معنوياتها مليون
أسامة : حتي أنا مرة فرحان ومابي تنسد نفسيتي

أم أسامة: أقول أثنينكم أسكتوا وخلوا بنت عمكم براحتها مع أختكم

أماني بنصر : مشكورة خالتي الله يخليك إنت ألاحلي وألاغلي
أمين: ههههه المصالح وماتسوي
أماني تتمصلح : لا يخالتي صدق أنت عسل ماعليك من أمينوه

أم أسامة شاقة الخشة : هههههههه مشكورة يابنتي وخذي راحتك ترا السيارة سيارتك

أسامة : أحم أحم ترا أنا موجود والسيارة حقي

أبو أسامة : احم احم ماإسمع وش قلت!!!
أسامة توهق : اقول حق عبد الله الصالح
أبو أسامة بابتسامة نصر : عبالي شي ولاشي

ريتاج: هههههه أسامة أنبلع لسانك

أسامة بغضب : إنطمي أحسن لك
الكل فقع ضحك عليه

أماني بهمس لريتاج : رتووج انا بموت لو شفتيه كان يناظرني ومبتسم ^^^ أماني قالت لريتاج عن طلااااال ( تذكير )

ريتاج تمثل الغباء عشان تقهرها : منهو لي مبتسم لك !!!!؟؟؟

أماني بقهر : رتوج يله عاد بلا سماجة....ترا موصلة معي من أسامة
ريتاج:ههه خبلة
أماني : لاتخليني اوقف وأنزل الحين
ريتاج : لا ماله داعي تراه بس مزاح

أماني بحالمية : أقول كنت بذوب بأرضي
ريتاج أجتها حالة الضحك : ههههه أنزين ليش ماتذوبن الحين وأحطك في الفريزير هههههههه
أماني ميتة قهر : يلا عاد

ريتاج تضحك : ههههههه نكتة حلوة مو

أماني صرخت : رتوووووج

ريتاج بجد مفاجئ وتقلد إبتسام : أماني إذا صدق تبينه ثقلي شوي وش تبينه يقول باعية نفسها
أماني خاشة جو : أي ثقل الله يهداك
ريتاج بأمر أماني إختها الصغيرة وبعدين تعرف حركات طلال مع البنات وماتبي أماني تنجرح مشاعرها ويكون طلال مايحبها : إذا تبينه أسمعني ولاتخالفيني

أماني وتبي تتشبث بأي خيط أمل : حاضر إنت بس تأمري .... الا وين المجلة
ريتاج بخبث : هي مجلة ازياء حق الشباب مو البنات
أماني : واو وناسة هاتي هاتي
وصارو يناظرون ويضحكون علي هذا وذاك.. ولبس هذا وستايل وزين ذاك ومالوا السيارة ضحك وسوالف * هههه رح تقولون مايستحون ويخافون الله وأماني وريتاج يحبون يقزون لعيال قز*
أسامة ماسك راسه بإيد وحدة والثانية يسوق فيها : رتوج أماني بس ترا راسي بصدع منكم ثنتينكم

أحمد بهدوء : بسكم الحين صار لكم ساعة وانت وهي تتكلمون مامليتوا حشى مو بنات

أماني : أوف خلونا براحتنا ترا ملينا من الطريق اللي ماوده يخلص

ريتاج: صدق ...أقول أسامة كم باقي لنا ؟
أسامة : شوي بس والحين إرتاحوا شوي عن البربرة ترا لسان حق كل وحدة فيكم وده بالانعاش

ريتاج رحمته عشانه تعب هو يسوق : هههههه رحمتك ورحمة لساني بعد
أماني تموت عناد بأسامة : لو مو عمي وخالتي فيه كان ماسكتت

أحمد تدخل قبل لا يبدى الصراع الازلي بين أسامة وأماني : مشكورة يابنت العم علي التفهم وهارد لك انشالله بالأفراح

أماني : ههههه خلك دايم الدوم معتدل

أحمد : " قلت أبي أسكتها مسكة خط " وبحزم : أماني وبعدين

أماني خافت : هههههه توبه توبة

وبعد نصف ساعة وصلوا للمزرعة كانت مرة كبيرة وفيها فيلتين الاولي حق الجد الله يرحمه وهي مسكرة الحين والثانية بناها أبو بدر وأخوه أبو أسامة بعد ممات الجد وكان فيها أسطبل حق الخيل وزريبة حق الخرفان والغنم وكان فيها بركة حق البط وكان فيها مسبح كبير ومرة حلو وجنبه ملحق حلو وفيه صالة فيها كل انواع الالعاب وفيها أشجار وبساتين حق الفاكية والخضر وكان فيها ملعب لكرة القدم والسلة كانت مرة حلوة جنة الله بارضه
الكل نزل وكان تعبان من الطريق وقرروا يرتاحون شوي إلا ريتاج وأماني من يوم نزلوا من السيارة ركضوا علي طول يشوفون المزرعة لي صار لهم أكثر من ثلاث سنين ماشافوها

أماني وهي تركض : يله رتوج إلحقني
ريتاج بصراخ : يالدوبة لحقني إنت
أسامة بصراخ : وين الهمة يالمراجيح
ريتاج بفرح وصراخ : إستكشاف المزرعة ...إبتسام تعالي
إبتسام ضحكت ولحقتهم وسحبت نوف معها
أم أسامة بخوف عليها عشانها تركض : يمه إبتسام تعالو إرتاحوا الحين وبعدين سو اللي تبون
ريتاج بعدت عنهم شوي : بسك خوف يمه بتكون زينه
إبتسام وقفت ركض ولفت ورفعت إيدها لها : لاتخافين يمه انا زينه
أم أسامة ماحبت تثقل عليها : زين ريتاج إهتمي لها
ريتاج بصراخ : بعيوني يالغالية تطمني
أسامة : مهابيل
الكل كان يناظرهم وفرحان للحماس اللي فيهم
طلال وعيونه مطيرها فأماني اللي اختفت : ياحلوها وياحلو صوتها وضحكتها بس
يزيد يناظره بشك : منهو هاذي اللي صرت عنتر عشانها
طلال مانتبه له انه كان واقف معه وقال يضيع السالفة : من فيه غير بسوم ...ماتشوف إنها بخير وتقدر تركض
يزيد بشك: أشو عبالي بنت عمها أماني
طلال : أقول عن الكلام الفاضي وساعدني ندخل الاغراض مع الخدم
أما عند بدر فكان نفس حالة طلال مفهي فريتاج " تهبلين يالمرجوجة خلني احلل ايام المزرعة علي صوتك ضحكات الحلوة "
أحمد ناظر مني اللي كانت تسلم علي فرح وهديل بفرحة كبيرة وإبتسامتها الحلوة لي أول مرة يشوفها وإبتسم غصب عنه بس إختفت يوم ناظرته مني بقرف وإشمئزار و كأنه حثالة وحس بالدم يغلي بعروقه ناظرها بدوره بنفس النظرة وأحتقرها أكثر عن قبل.
مني حست نفسها حشرة قدام نظراته فقالت فنفسها " مأكون مني إن ماخليتك تعتذر عن كل تصرف ماهوب زين بحقي "
بس أسامة كان غير كانت نفسيته مرة تمام لإنو وأخيرا شاف هدولة قلبه بعد مدة وكان يناظرها بس بدل نظرة عيونه يوم طاحت عينه في عينها اللي خلي هديل تستحي وتمشي داخل مع البنات وتتحطم نفسيته عشانه فكر انها سفهته مثل عادتها وماحس بالتوتر اللي يصير لها يوم تشوفه ماتقدر تستجيب لشي وتموت من الخجل
دخلوا العيال للمجلس يستريحون ويفطورن لانهم مافطروا وبعدها يقررون وش يسون
الرجاجيل دخلوا في إجتماع عن الشغل
أبو بدر :شلون سوق المقاولات يابو مصعب
أبو مصعب رز حاله وعامل فيها " ولا افهم مني " : مثل ماهو الربح والخسارة هالايام مرافقينا بس أحنا قدها
أبو فهد : صدق صاير الواحد مايعرف كسب أو خسر بس يبالها شوية فطنة مثل ماعندي انك تعامل الأجانب لازم تكون ذكي بزايده
أبو أسامة : لا إنت يابو فهد خطير والصراحة ينخاف منك
أبو بدر : لازم ياخوي الشغل مافيه رحمة أبد
أبو فهد نفخ ريشه بزيادة وبغرور : أنا ماحب احد يشاركني بسوق التصدير علشانك يابو أسامة إن إنت رحمتهم أكلو العيش حقك
أبو مصعب : الشغل يباله بس العين الحمراء
وبعد شوي جابو الفطور وافطروا كلهم إلا نوف وإبتسام اللي كانوا يتفرجون علي الاشياء الجديدة بالمزرعة وبعد ماتعبول قرروا يرتاحون شوي تحت ظل شجرة كبيرة
إبتسام كانت رافعة راسها للسماء وتفكر فماضيها بهذا المكان كانت ساندة نفسها للشجرة
نوف كانت ساكتة وحاطه راسها علي فخذ إبتسام وتفكر تسأل إبتسام عن اللي صاير بألمانيا معها
نوف بصوت هامس : بسوم تكلمي ليش ساكته
إبتسام تنفست بعمق وقالت بحزن : إيش تبين أقول
نوف حست فيها : بسوم ادري أنزين شكثر متغيرة يوم رجعتي من ألمانيا فقولي إيش بقلبك
إبتسام بهدوء وتمسح علي راس نوف: قبل أمس كلمني موبايل
نوف فزت : جد شقال لك
إبتسام تناظر بعيد : سال عن العملية
نوف فرحت : الله وناسة يفكر في صحتك
إبتسام بقهر : عشانه دكتور يانوف دكتور
نوف قامت وناظرتها : بسووم شفيك شتبينه يقول لك
إبتسام وكل حزن الدنيا بعيونها : مابيه يقول شي كل اللي أبيه يوخر عن عقلي
نوف رحمتها " إبتسام تحبه من جد " : إبتسام أحس الرجال يحبك
إبتسام إبتسمت بوجع ودمعة من عيونها نزلت وسكتت
نوف غرقت عيونها دموع إبتسام مرة رقيقة ومرة حساسة وإذا قالت الدكتور مايحبها فهو جد مايحبها وحطت إيدها علي إيد إبتسام
إبتسام ببحة وعلي طول تكلمت : يوم كنت بألمانيا كان كل يوم يجني ويتطمن علي يدخل غرفتي عشرة مرات باليوم وفر لي كل اللي احتاجه حسسني إني بفندق مب بمستشفي عندي ممرضة خاصة فني وغرفة كبيرة ومجهزة من كل شي حتي الدش
نوف تسمع لها
إبتسام تكمل وتكابر دموعها وصوت القهر والوجع داخلها : إهتمامه فني وحرصه علي خلوني افكر طول اليوم فيه ..فيه هو وبس ...يوم اشوف إبتسامته ونظراته لي افرح احس الوجع يروح عني يوم يمسك إيدي ويتحسس نبضي ..مرت ايام وكل يوم اشوفه فيه احبه واتعلق فيه لين إختفي ..يوم كامل مادخل غرفتي قلت مشغول او يمكن يوم إجازته ..بس كان يزورني حتي بيوم إجازته
نوف إستغربت : وين راح
إبتسام نزلت عيونها وهي تتذكر ذيك الايام اللي شالت الغشاوة عن عيونها وبصوت هادي : إختفي اليوم اللي بعده معتادة افتح عيوني اشوفه واقف ويناظرني ومبتسم يتطمن علي ويروح يسوي شغله ..بس يومها فتحت عيوني وماحصلته مرت الدقايق والساعات ومادخل ..سالت الممرضة قالت إنو فيه ..قلت فنفسي يكمل شغله ويجني بس خاب ظني ...ومر يوم ثلاث ومالمحت طيفه او سمعت صوته وشفت إبتسامته زراتني اسماء وسالتها عنه قالت إنه كل يوم بالمستشفي حزنت حست بقلبي ينتفض إنتظرته لثنتين الصبح
نوف رحمتها كانت تسولف والوجع واضح بصوتها
إبتسام غمضت عيونها وتنهدت بعمق : صباح اليوم الرابع فتحت عيوني اشوفه بس ماحصلته يومها دمعت عيوني وعرفت إني أعشقه ( قالتها من قلب) سكتت وقت ونوف ماقالت كلمة
إبتسام بلعت ريقتها والعبرة خنقتها : أخذت ورقة وقلم ورسمته مثل ماشفته أول يوم واقف بباب مكتبه وكتبت له إنه أهلي وناسي وانو أنا ببلد غريب وابيه يهتم فني
نوف إبتسمت بحنيه : أخذتيها له
إبتسام هزت راسها وكلمت : طلعت من غرفتي وأخذت الرسمة معي وجريت المغذي معي والالم يزيد علي ممنوع أمشي وأصعد الدرج بس انا عندت وتركت المصعد ورقيت الدرج حق مكتبه ..وحصلت السكريترية فيه وفتحت لي الباب ودخلتني داخل وقعدت أنتظره
نوف بهدوء : شفتيه
إبتسام : بعد ساعة والالم ينهش فني والعرق تصبب مني سمعت أحد يفتح الباب
نوف بفرح : هو
إبتسام لفت لها وإبتسمت : إيه هو من فتح الباب واول مادخل وشافني فيه إبتسم لي حسيت الوجع راح عني قمت وإبتسمت له ومشيت له وقلت له إنت زعلان مني
نوف : كان فرحان بشوفتك
إبتسام ماردت علي سؤالها : قال أبد مب زعلان ..تطمنت شوي وعطيته الرسمة ومشيت طالعة
نوف إنقهرت : شقال لك
إبتسام بكت غصب : قهرني يانوف ماوقفني طلعت عنه وحسيت إني شي ثقيل عنه حسيت إني عالة عليه حسيت إنه يسوي واجبه عشان عمي أثبت وبرهن إنو انا مو مهمة عنده شفاني او لأ
نوف علي طول ضمتها كانت تبكي بقهر
إبتسام صارت تشاهق : طلعت لبرا الملم شتاتي ذبحني يانوف ذبحني
نوف غرقت عيونها دموع وحضنتها بحنان لصدرها : خلاص ياقلبي خلاص
إبتسام صارت تبكي عساها ترتاح شوي يومها برهن محمد إنها مب مهمة عنده * فنظرها هي * وإنها مريضة وهو دكتور ويسوي شغله عشانه بعدين طلع ولحقها بسرعة بس طاحت علي الارض وأغمي عليها وحملها بين إيدينه وعيونه إمتلت دموع وركض فيها يعلاجها واول ماصحت عتابها ليش ماطلبت يروح لها ليش راحت عنده وماعرف إنها تتقطع داخل راحت تروي شوقها له وتتطمن عليه بس خاب ظنها وعرفت إنه لو كان يحبها ماتركها أربع أيام مايسأل عنها وماعرفت ليش هو سوي هالشي إيش اللي خلاه يبتعد عنها وإيش اللي خلاه يكابر شوقه ووله إنه يشوفها كان يوصل حق الباب ويتراجع ومايدخل لها ويشوفها
نوف دمعت عيونها : بسمة قلبي خلاص والله ذبحتني
إبتسام تجمع شتاتها وقوتها وقامت وتمسح دموعها " حبيت ولد وتركني وانا صغيرة وتخطيت وجعه وألحين أحب محمد وبيتركني وانا كبيرة بس يومها مادري إيش بصير فني قبل كنت بزر ويوم تركني الولد بكيت بس إيش بسوي وانا واعية ألحين وعرفت معني الحب ألحين.. محمد إنت ألمي وجعي ليتك تعطني بلسمي ودوائي "
نوف تمسح دموع إبتسام وشافتها تناظر نقطة بالارض وماترمش : إبتسام
إبتسام لفت لها وإبتسمت إبتسامة ناعمة : خلنا ندخل داخل نرتاح ..." معتادة علي الدموع والفراق " قالت هالكلمات لنفسها تقويها
نوف إستغربت منها غيرت السالفة كلها وباست خدها بنعومة : زين قومي ..بس ثاني مرة لاتبكين أوكيه
إبتسام ضحكت وبرثاين الالم جواها : هههههههه مادريت إني غالية عند نوافة
نوف فاهمة عليها وحبت تنسيها : وأغلي الغلي بعد بس قومي الحين لإني مرة جوعانة
إبتسام تقهرها : وليه انشالله مافطرتي أنا فطرت احلي فطور بالبيت وأكلت بالسيارة بعد
نوف ناظرتها بحقد : يالدبة كل هاذ تسوينه فني ماعليه ..وقامت راحت عنها
إبتسام : هههههه ترا أمزح وقفي ترا ماكليت شي
نوف بعربجية دلوعة: ماعلي منك واذ تبين تبلعين فألحقيني حق المطبخ
إبتسام فطست ضحك جد : ههههههه أوكي تهبلين يالعربجية الدلوعة
نوف ضحكت وضمتها وباست خدها : ههههه فديتك والله ويالبي هالحضكة
إبتسام إبتسمت بحب لها وباستها هي وراحو ثنتينهم صوب المطبخ أكلو وأخذت إبتسام دواها وراحو بعدها حق البنات وقعدوا يسولفون لين سمعو صراخ العيال فراحوا يشوفون السبب
الحريم راحو حق فيلا الجد وتمشوا بالمزرعة
*****

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 53
قديم(ـة) 31-12-2019, 08:45 PM
صورة احلام النجوم الرمزية
احلام النجوم احلام النجوم غير متصل
©؛°¨غرامي مشارك¨°؛©
 
الافتراضي رد: رواية حلم ألم أمل /بقلمي


السلام وعليكم يابنات
نزلت الفصل اتمني متابعه ممتعه
وكمان اتمني عام جديد كله فرح وخير وسعاده علينا وعلي كل اعضاء المنتدي وعلي كل العرب والسلمين
ملحوظة نسيت اضبط حجم الخط واخليه اكبر شوي
بس اخر مرة رح صير اضبطه عشان تعرفون تتابعون الرواية زين


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 54
قديم(ـة) 31-12-2019, 09:17 PM
صورة أغلال ناعمه الرمزية
أغلال ناعمه أغلال ناعمه غير متصل
©؛°¨غرامي نشيط¨°؛©
 
الافتراضي رد: رواية حلم ألم أمل /بقلمي


لا لا لا لا 😭😭 .. ايش اللي ممكن يصبرني للبارت الجاي .. براسي مليووون فكره ع خطه طلال وفارس .. وخايفه ع ابتسام من خطتهم .. وووو ايه سؤال .. ايش هي ذكريات ابتسام اللي بالمزرعه. . ومين هو الشخص اللي قالت انها جت له برجيلنها .. البارت جمييييل جدا بس قصير 😢.. مااشبع فضول انتظاري وحماسي .. عوضينا بالبارت الجاي .. بليييز ياقلبي خليه بارت طوووييييييل .. وووتسلمي لي حبيبتي .. وسنه حلوووووه عليكي يارب. . ان شاء الله تنبسطي وتستمتعي بكل دقيقه وكل ثانيه بالسنه الجديده💟 .. وبكل سنينك الجايه ان شاء الله .. ربي يسسسسعدك اضعااااف مااسعدتيني بالبارت هذا 💙.. انتظرك ع احر من الجمر 💕
دمتي بود وسعاده ماتنتهي ✌


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 55
قديم(ـة) 31-12-2019, 09:35 PM
صورة الفيروزه الرمزية
الفيروزه الفيروزه غير متصل
©؛°¨غرامي مشارك¨°؛©
 
الافتراضي رد: رواية حلم ألم أمل /بقلمي


😭😭😭😭حرااااام عليك ليش خلصت البااارت بهالسرعة
والحين علمني ايش بصبرني علي بلوة طلال وفارس 🙍🙍🙍
انا زعلانه منك قلت لك خلي البارتات طويله 😔😔😔😔
بس تعالي شسالفة إبتسام منهو الولد اللي كانت تحبه ليكون الولد اللي باول بارت لان الصراحة مش فاهمة اول بارت من الرواية
وين قصدك رايحه له ليش ايش بالمزرعة وايش هي ذكرياتها
جد رح ابكي
بس يله بكرة باذن الله واعرف شصاير وش القصه
اه ونسيت شي ياليت أسامة يعترف بحبه لهديل بالبارت الجاي
ونعرف بلوة طلال وفارس لانو من جد تحمست
وكل عام وانت بالف خير وصحة وعافيه وينعاد عليك وعلي كل البنات والاولاد بالمنتدي علي خير
وكل ليله نقرا بارت جميل وطويل جدااااا ههههههه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 56
قديم(ـة) 01-01-2020, 01:24 AM
أنين الجوارح أنين الجوارح غير متصل
©؛°¨غرامي جديد¨°؛©
 
Upload1862123ac7 رد: رواية حلم ألم أمل /بقلمي


بنات أنا جديدة هون كيف بلاقي البارت الأول


تعديل أنين الجوارح; بتاريخ 01-01-2020 الساعة 01:26 AM. السبب: خطأ في الكتابة
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 57
قديم(ـة) 01-01-2020, 03:49 AM
صورة أغلال ناعمه الرمزية
أغلال ناعمه أغلال ناعمه غير متصل
©؛°¨غرامي نشيط¨°؛©
 
الافتراضي رد: رواية حلم ألم أمل /بقلمي


اقتباس:
المشاركة الأساسية كتبها أنين الجوارح مشاهدة المشاركة
بنات أنا جديدة هون كيف بلاقي البارت الأول
اهلييين فيكي .. تروحي ع اخر صفحه .. وتمشي مع البارتات بالترتيب .. مثلا اخر صفحه فيها البارت الاول واللي قبلها فيها اعتقد اكثر من بارت .. انتي روحي ع الصفحه الاخيره وحتفهمي قصدي ☺
نورتينا ياالغلا 🌹


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 58
قديم(ـة) 01-01-2020, 01:46 PM
صورة احلام النجوم الرمزية
احلام النجوم احلام النجوم غير متصل
©؛°¨غرامي مشارك¨°؛©
 
الافتراضي رد: رواية حلم ألم أمل /بقلمي


اقتباس:
المشاركة الأساسية كتبها أغلال ناعمه مشاهدة المشاركة
لا لا لا لا 😭😭 .. ايش اللي ممكن يصبرني للبارت الجاي .. براسي مليووون فكره ع خطه طلال وفارس .. وخايفه ع ابتسام من خطتهم .. وووو ايه سؤال .. ايش هي ذكريات ابتسام اللي بالمزرعه. . ومين هو الشخص اللي قالت انها جت له برجيلنها .. البارت جمييييل جدا بس قصير 😢.. مااشبع فضول انتظاري وحماسي .. عوضينا بالبارت الجاي .. بليييز ياقلبي خليه بارت طوووييييييل .. وووتسلمي لي حبيبتي .. وسنه حلوووووه عليكي يارب. . ان شاء الله تنبسطي وتستمتعي بكل دقيقه وكل ثانيه بالسنه الجديده💟 .. وبكل سنينك الجايه ان شاء الله .. ربي يسسسسعدك اضعااااف مااسعدتيني بالبارت هذا 💙.. انتظرك ع احر من الجمر 💕
دمتي بود وسعاده ماتنتهي ✌
اهلين وسهلين ياقلبي
ههههه جد بلوة لانو طلال وفارس مهبل وماحد يثق فيهم
ورح تعرفين بعدين شنو قصدي
وسوري ياقمر لو كان البارت قصير
بس تطمني انا رح نزل بارت جديد ويشبع فضولك
وان شاء الله يارب تكون كل ايامنا سعاده وفرح وهناء
دمتي بخير ومتابعه لرواية ومتحمسة له او😘😘😘

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 59
قديم(ـة) 01-01-2020, 01:51 PM
صورة احلام النجوم الرمزية
احلام النجوم احلام النجوم غير متصل
©؛°¨غرامي مشارك¨°؛©
 
الافتراضي رد: رواية حلم ألم أمل /بقلمي


اقتباس:
المشاركة الأساسية كتبها الفيروزه مشاهدة المشاركة
😭😭😭😭حرااااام عليك ليش خلصت البااارت بهالسرعة
والحين علمني ايش بصبرني علي بلوة طلال وفارس 🙍🙍🙍
انا زعلانه منك قلت لك خلي البارتات طويله 😔😔😔😔
بس تعالي شسالفة إبتسام منهو الولد اللي كانت تحبه ليكون الولد اللي باول بارت لان الصراحة مش فاهمة اول بارت من الرواية
وين قصدك رايحه له ليش ايش بالمزرعة وايش هي ذكرياتها
جد رح ابكي
بس يله بكرة باذن الله واعرف شصاير وش القصه
اه ونسيت شي ياليت أسامة يعترف بحبه لهديل بالبارت الجاي
ونعرف بلوة طلال وفارس لانو من جد تحمست
وكل عام وانت بالف خير وصحة وعافيه وينعاد عليك وعلي كل البنات والاولاد بالمنتدي علي خير
وكل ليله نقرا بارت جميل وطويل جدااااا ههههههه
اهلين يالغالية
ههههه بس دمووع من عيونك الحلوة
ولايهمك بنزل بارتات جديدة ورح تعجبك باذن الله
وههههه وان شاء الله اسامة يعترف بحبه لهديل وتضحكين ههههه
وكمان رح تعرفين بلوة طلال وفارس ورح تضحكين اكثر
وكل عام وانت بالف خير خير ودوووووم ضحكتك وفرحك يااارب
انتظر رايك الليلة 💖💖💖

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 60
قديم(ـة) 01-01-2020, 01:58 PM
صورة احلام النجوم الرمزية
احلام النجوم احلام النجوم غير متصل
©؛°¨غرامي مشارك¨°؛©
 
الافتراضي رد: رواية حلم ألم أمل /بقلمي


اقتباس:
المشاركة الأساسية كتبها أنين الجوارح مشاهدة المشاركة
بنات أنا جديدة هون كيف بلاقي البارت الأول
اهلين وسهلين ياقلبي نور المنتدي بوجودك
وشرفتي الرواية
وان شاء الله تجمعنا ايام حلوة
شوفي حبيبتي
فيه ترقيم الصفحات بكل موضوع نحن باول صفحة الحين وانت روحي علي اخر صفحة وتحصلين كم بارت فيها وانتقلي بين الصفحات مثل ماقلت لك اغلال ناعمه
او
ادخلي علي المنتدي ولاتسوين تسجيل الدخول
يعني زائرة وادخلي علي الرواية وتحصلين نفسك باول صفحة وبعدها انتقلي بين الصفحات
انا رح ابعث لك لينك اول صفحة برسالة
واتمني اقرا رايك فيها
شرفتني حبيبتي 😘😘😘وكل سنه وانت طيبة

الرد باقتباس
إضافة رد

رواية حلم ألم أمل /بقلمي؛كاملة

الوسوم
محمد ، أبتسام ، بدر ،رائد ، ريتاج ، أماني ،طلال ، فارس ،نوف ، مرض ، حب ، الم ، امل ،حلم ، , رواية ،سعودية ،مرحه ،حزينه ،
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية مابعد مر الرحيل إلا إنكسار /بقلمي؛كاملة انفآس الهجر ! روايات كامله - يتم نقل الرواية هنا بعد اكتمالها 241 28-03-2020 04:28 AM
رواية حـب أسيرتي /بقلمي؛كاملة أطياف صمت روايات كامله - يتم نقل الرواية هنا بعد اكتمالها 17 13-07-2019 06:33 AM
رواية اللعوبة وحقد الفهد /بقلمي؛كاملة شموخ جنوبية روايات كامله - يتم نقل الرواية هنا بعد اكتمالها 161 20-07-2018 11:48 PM
رواية عربجية بنات /بقلمي؛كاملة novel9_ روايات كامله - يتم نقل الرواية هنا بعد اكتمالها 586 27-08-2017 09:35 PM
رواية على حافة الانتقام للكاتبة / داليا {أجـمـَلُ إبتسآمـة} روايات - طويلة 9 22-10-2015 05:21 PM

الساعة الآن +3: 11:16 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1