غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 10-01-2020, 03:31 PM
نغمة البحر نغمة البحر غير متصل
©؛°¨غرامي جديد¨°؛©
 
الافتراضي رد: روايتي الاولى بين الحاضر والماضي


[[COLOR="black"]QUOTE=نغمة البحر;31510299]
مرحبا
بارت الاول




[ في مستشفى خاص كانت فتاة تمشى بمرافقة امها وكانت امها تتمتم
:يارب سترك...يا رب سترك... وكانت تحكي وهي خايفة ودموعها على خدها
عند وصولهم لريسبشين (استقبال) راحت عند موظف الاستقبال
:يا ابني الله يرضى عليك بدي اسال عن شخص عمل حادث قبل شوي ونقلوه لهاي المستشفى
موظف :ممكن خالتي اعرف شو اسم المريض يلي بدك ياه لانو قبل شو جاء عندنا في نفس حالة
: ابو فهد اسمه نايف 00
موظف:موجود في مستشفى بس هلأ بسأل في اي طابق ورح اخبرك
اجرى اتصال حتى يسآل عن غرفة ابو فهد
موظف:والله ياخالتي المريض موجود في طابق الثامن وحاليا في غرفة العمليات بحكوا حالته حرجة جدا
:شكرا يا ابني يلا يا ريم خلينا نطلع نشوف ابوكي شو صار فيه سترك يارب
ريم:ان شاء الله يمة
دخلو المصعد الكهربائي على طابق الثامن كان فيه امراة لابسة نقاب وبناتها ثلاثة وشاب صغر في سن تقريبا كان عمره 19سنة

عند وصول المصعد الطابق الثامن خرجو منه وتوجهت ريم وامها يسألوا الممرضان عن غرفة العمليات و قعدت امها على المقعد يلي في الممرات
ريم:لو سمحتي بدي اسألك عن غرف العمليات..ممكن تخبريني وين اروح لحتى اوصلها
ممرضة:ليش حبيبتي بدك غرف العمليات هل حدث لكي شئ
ريم:لا بس ابوي سوى حادث حكولنا في الاستقبال انه في هاد الطابق وفي غرفة العمليات
ممرضة:طيب سيري بخط مستقيم في ممرين وبعدها لفي لجهة الشمال اوكي..ممكن اعرف كم عمرك
ريم:شكرا..عمري 17سنة
راحت مسكت يد امها :يلا يمة خلينا نروح
سارو في الممر وعند وصولهم باب غرفة العمليات
قعدوا ينتظروا و نفس الاشخاص يلي كانوا في المصعد جالسين بس الشاب ما كان موجود..و كان واقف رجال اكبرمنو وكانت ريم تمشي رايحة جاي
امها:خلص ريم حولتيني استقري على مكان يا اما توقفي او تقعدي
ريم:يمه والله ومتوترة خايفة يصير على ابوي ايشي .وهي تبكي
امها:ما تخافي ان شاء الله كلشي خير بس ادعيله بعدين حكيتي لخواتك فهد وعماد
ريم:وهي تمسح دموعها .تعرفي اني انسيت انزلنا كرفتة ولبست عباية وشالة بسرعة بدون ما اعرف شكل وجهي
امها:طيب هلاء انا بتصل باخوتك بس ما يعملولي مصيبة في المستشفى الساعة اكيد هلأ صارت بعد نصف ليل
ريم :اسمعي انا بتصل فيهم وانتي بتحكي معهم
امها:طيب بس احكي معهم لاني نسيت جوالي في الدار
وهي بتدورعلى جوالها اتذكرت انها نسيته على الكومادينا بجانب السرير
ريم:يا الله بتعرفي ماما اني انسيت جوالي وانتي تاني ناسيتيه هلاء كيف بدنا نحكي
امها :طيب شو بدي اعمل هلأ كيف بدنا نخبرهم
اجت صبيةعمرها تقريبا20سنة عند ريم يلي كانوا معهم في نفس مصعد
:اختي صاير معك شي
ريم : لا والله بس انا بدي احكي مع اخواني بس نسيت انا وامي الجوال بالبيت
:طيب هلأ بخلي اخوي عناد يعطيكي جواله تحكي عن طريقه
ريم :بخاف اثقل عليكم
:ولا بتثقلي ولاايشي بس بدي اروح احكي معاه برجعلك اوكي
راحت عند اخوها عناد وكان هناك اخوتها باقين
عناد:شو صار على ابوي ان شاء الله خير يا روعة
روعة :ان شاء الله بس بدي اخذ جوالك شوي لانو في صبية بدها تحكي مع اخوانها عشان ييجو لانو هي وامها لوحدهم بالمستشفى
عناد :طيب بس تتصل مش تلعبي فيه ياست روعة
روعة :ولا عناد احترم يلي اكبر منك
عناد :طيب بس اصلا ولا حدا من الدكاترة بفهم والدليل على ذلك انو ولا دكتور طلع لحد الأن.. بس بتعرفي ان شاء الله بدي ادرس طب بالجامعة
روعة :طيب الله يعطك يلي بيرضيك بس اعطيني الجوال وخلصني
عناد:خدي هيني رايح عند بندر وصالح
روعة :طيب
راحت جلست عند ريم من شان تحكي مع اخوتها
اتصلت ريم على اخوتها حتى يجوا على المستشفى
في هدا الوقت طلعت الممرضة من غرفة العمليات نهضت ريم وامها حتى يعرفوا شو صار مع ابوها
ممرضة :والله ما بقدراحكيلك بس فيكي تسآلي الدكتور على حالة المريض
ريم :طيب.. وفي نفس الوقت طلع الدكتورمن غرفة العمليات
دكتور :مين اقارب المريض السيد ابو فهد
ريم وامها في نفس الوقت :احنا اهله..طمنا يا دكتور عن حالة ابو فهد
دكتور :المريض صار معه كسرفي رجله وايده الايمين وفي رضوض بسيطة بس ما بقدر اعرف حالته التامة الا بعد مايصحى او بعد 48 ساعة
والدة ريم:ممكن تخبرني يا دكتور بأي غرفة نقلتو ابو فهد
دكتور:نقلنا المريض للعناية المشددة بس هلأ ممنوع الزيارة
امها :يعطيك العافية دكتور..وشكرا الك
دكتور:لاشكر على واجب ياخالتي هاي مهمتنا يا خالتي
مشي الدكتور من جنبهم طلع دكتور ثاني عند اهل ابو بندر
امها :طيب يلا يا بنتي
سلمو على النسوان نفسهم يلي التقوا معهم بالمصعد على طابق خامس في قسم غرف عناية مشدد
بندر وصالح وعناد :كيف وضعه.. ان شاء الله بخير
دكتور:
-----------------------------------------------------------------------------------------------------------
بعد مرور ثمن سنوات
ام ريم فاتت على غرفة ريم
وهي بتفتح الستائر:يلا ريم خلصي اومي على جامعتك صارت الساعة 8:00 الصبح
ريم(امت مفزوعة):شو بتمزحي
دخلت الحمام(الله اكرمكم)استحمت و نزلت على الصالون شافت اخوها عماد وامها وابوها جالسين على سفرةالفطور
باست راس ابوها وامها :بحكي ليش الصبح منور يا احلى ام واب في الدنيا وبعدين يا ماما بهون عليكي تحكيلي الساعة ثمانية وهي الساعة اصلا سبعة
امها :ما انتي كل يوم نفس الموال خلصيني
ابوها وهو بضحك :هههه طيب الله خليلي اياكي ياحنونة انتي.. بس لو عندي تاني بنات كان عيشتي بتحلو اكتر
امها :اه كتير مين كان يحكي قبل شو عن بنته بتحب النوم كتير بعدين الله يخليلك فهد وعماد
ابوها :امين ما اختلفنا بس انا بحب البنات اكتر
ريم :طيب طيب بس على فكرة كنت مبيرح بعمل تقرير المستشفى يلي بدي اتدرب فيها ونمت الساعة 1:00 بالليل
ابوها :الله يوفقك وأشوفك ماسكة شهادتك طيب ليش انتي مصرة في دراسة الطب مش فاهمة انك متعبى حالك كتير
عماد وهو بيضحك :حتى اكون بطلة يابابا بطلة
ريم وهي معصبة :انت اخرس بتعرف من بعد ما شفت ابوي بحالة قبل ثمن سنين وهو بعاني من وقت ما صار حادث وهو من دكتور لدكتور ومن عملية لعملية حتى يقدر يمشي ..وغير تحبيطاتهم لمعنويات الواحد أنه مستحيل يمشي ثاني مرة وانا من هداك الوقت وأنا مصممة على دراسة طب حتى اساعد الناس وما يصير فيهم زيي ما صار مع ابوي.
ابوها :الحمد لله يا بنتي هاد امتحان من عند ربنا بعدين يا بنتي خلص انسي هيني رجعت امشي و بقعد وع فكرة خطيبك اليوم جاي من برا معاه شهادته وتعيين في مستشفى أهله
ريم : طيب هيني رايحة على جامعة .




انتهى بارت
ملاحظة :صار تعديل على بارت
/COLOR]
[/QUOTE]



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 10-01-2020, 06:17 PM
نغمة البحر نغمة البحر غير متصل
©؛°¨غرامي جديد¨°؛©
 
الافتراضي رد: روايتي الاولى بين الحاضر والماضي


مرحبا
اسفة على الخربشة يلي بالبارتات بدل ما انزل بارت 4 نزلت بارت 1

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 10-01-2020, 06:26 PM
نغمة البحر نغمة البحر غير متصل
©؛°¨غرامي جديد¨°؛©
 
الافتراضي رد: روايتي الاولى بين الحاضر والماضي










البارت الرابع





ام جاسروام فهد وام صالح:ماذا بك لم صرختي؟هل انت بخير؟
روعه:لا ما في شي بس تذكرت شي
ام صالح:الله يعيني عليكي وعلى اخوكي العنيد
ام جاسر:هوني عليكي يا ام صالح انشاء الله بيرجع بالسلامة وبتخطبيه
ام صالح:ليرجع بالاول..قبل يومين اتصلت عليه وسالته عموعد رجعته عالبلد وقال شوبدو يستقر باميركا لانو نفسيتو تعبت بعد ما راح رفيقو وقال شو ما رح يقطعني ورح يزورني بالاعياد
ام جاسر:شو هالابن يلي عندك كتير عنيد صحيح انهم صحبة كتير بس مش يعمل هيك لانو رفيقو مات..وهاي حكمة ربنا انو يموت محمد
ام فهد:تعالي شوفي ابني مطلعلي قرون هوي واختو صار معاه موقف اتعقد من الجواز وشايلها من عقله واتعقد من الدكاترة وكرههم
ام صالح:ههه وانتي التانية بس شو يلي عقده لهالدرجة
ام جاسر:الله لا يورجيكي شو صار معه رح تفرطي ضحك بعد ما تعرفي
ام صالح:والله شوقتوني اعرف احكيلي يا ام فهد
ام فهد:لما كنت بدور انا وام جاسر وريم على بنت يخطبها رطبعا زيي باقي الشباب بدومواصفات معينة ومواصفاته تعجيزية قمت سالته اذا في بنت بباله احسن ما ادور عالفاضي وقال شو من وين بدو يجيب بنت بهالمواصفات وقال يعني اني انا يلي رح الاقي والمهم لقينا بنت بهالمواصفات تقريبا رحنا شفنا البنت وعجبتنا وحكولنا بدهم يردولنا خبر وبعد ما وافقو اخدنا عماد معنا عشان يتعرف عالبنت


**Flash back**



عماد:والله يا امي اذا البنت مش زيي ما بدي لاحرجك قدام الجماعة وارفض بصوت عالي..يعني اذا مش زيي ما بدي بلا ما افضحك او تفضحيني
ام فهد:طيب فهمت يمة بالاول نوصل بيتهم بعدين بتحكي احكيلك كلمة يا ابو فهد فقعلي مرارتي وقال شو بدو مواصفات معينة قال يعني اني بفصلها عند خياط..والله يا عماد اذا ما صار نصيب ما رح ادورلك على غيرها لما تقرر تلغي المواصفات وتلاقي بنت زي ما بدك بتحكيلي وانا بخطبها
ابو فهد:الله يصبرك يا ام فهد على هالولد والله فهد تزوج بسهولة بدون ما يغلبنا اتزوج وخلف اما هاد المسطول وابو لسانين مش عاجبه العجب وقال بدو يتزوج حسب المواصفات لنشوف مين يلي رح تقبل فيك
ريم(ضحكت بصوت عالي):هههههههه اذا انا معذبني وجالطني بدوش يجلطكم
عماد:وانتي شو دخلك بالقصة انا يلي بدي اتزوج ولا انتي وبعدين انا ايمتن اتدخلت فيكي من اليوم ورايح ما رح اقلق عليكي حتى بالجامعة
ريم:لنشوف لوقتها بيجيها فرج
بعد فترة وصلو وجهتهم..بعد ان دخلو القو السلام وجلسو في الصالة وسالو عن احوالهم وطلبو من اهل العروس ان يقبلو بجلوس ابنتهم مع عماد حتى يتحدثا قليلا
جلس عماد مقابل الفتاة وبدا بالتحدث
عماد:اسمي عماد وعمري 24 سنة وانا درست هندسة بناء وبشتغل بنفس الوقت بدرس دراسات عليا وانشاء الله حابب اصير دكتور بالجامعة ووضعي ممتاز الحمد لله وعندي بيت وسيارة
الفتاة:انا اسمي------- وعمري 24 سنة بدرس طب وحاليا بتخصص بالقسم يلي رح اشتغل فيه وطبعا طموحي اصير دكتورة مشهورة وممتازة بشغلي وبحب اعمل كل شي ببالي وبحب اعمل عمل تطوعي وبحب اروح رحل تخييم مع الجامعة وعندي صديقات بروح معهم يوميا على المطاعم وبنعمل شوبينغ(تسوق)وطبعا ماركات..وكل فترة بروح عالصالون بقص شعري او بصبغه او بعمله بروتين وبعمل اظافري وقصص البنات اكيد عندك اخت بنت بتروح عالصالون وبتعمل زيي..وانشاء الله اذا صار نصيب بدي اسافر كل 3 شهور على دولة اميركا فرنسا بلجيكا لندن تركيا وغيرها كتير وبدي السيارة احدث موديل وتكون فاخرة وطراز كوري لانه سياراتهم فاخرة وحديثة..وبالنسبة للشغل اكيد نسيت تسالني راتبي ما رح رح ينصرف الا عليي اما راتبك النص بالنص وعلى قولتك اذا عالاكل كل يوم بمطعم وطبعا المطعم فاخر مش ح يالله معطم بدي يكون راقي وخمس نجوم
بعد ان صمتت قليلا اراد التحدث لتقاطعه:اه نسيت اسالك كم راتبك..ومتى بتقبضه
نظر اليها لثواني باحتقار شديد:والله راتبي ما بعرف مجموعه وبعطيه لامي تتصرف فيه
نظرت اليه لتتكلم:شو بتعمل براتبك طيب
عماد(بابتسامة شريرة):اه راتبي بتصدقي اني ما باخد منه ولا قرش وحتى امي بتعطيني مصروف زيي الولاد الصغار ومحاضرات ليش بدك المصاري بس هية كريمة وبتعطيني مبلغ محرز لاني مبذر وعلمك عندي سيارة وكل شهر بغييرها واكيد ما بتعرفي انو عندي كراج سيارات اشكال والوان واحجام وشايفة السيارة يلي اجينا فيها الشهر الماضي اشتريتها والشهر الجاي بدي اغيرها بس للاسف ولا سيارة موجودة لانو امي الله يهديها باعتهم كلهم وما خلت غير يلي برا وطبعا كل ما اجيب سيارة امي بتعصب عليي وبعد اسبوع بتتعود
تركها وهي مصدومة جدا
*في طريق عودتهم الى منزلهم*
ام فهد:شو صار يمة انشاء الله عجبتك البنت
ابو فهد:انشاء الله تكون بنت حلال ومشاء الله عنها مبين انها بنت مربية
اما عماد في عالم اخر يتحدث بداخله(يا ويلي هالبنت مبينة طمعانة فيي وقال شو كل يوم بمطعم شكل والمشكلة مطعم فاخر وخمس نجوم معناها من اول يوم مفلس واصلا انا ما بدخل المطعم يمكن كل شهرين وكل هاد بلعته وقبلته وكملتها كل فترة بتروح عالصالون وبتزبط حالها وطبعا مش اي صالون اكيد خمس نجوم وقال شو اختي اكيد بتعمل زييها على اساس ريم بتروح الصالون كتير هية بالمناسبات لتروح الصالون وهاد برضو بلعتو ورضيت وفوق كل هاد كل 3 شهور بدها تسافر كاني ملوينير او رئيس دولة وكانو ما في وراي اشغال واكيد مش اي فندق برتضاه لازم خمس نجوم قمت بلعته ورضيت وكل شهر بدها سيارة احدث طراز انا يا دوبني اشتريت سيارة وحدة وقال الانسة بدها كل شهر بالاول ابوها يجبلها سيارة كل شهر بعدين بجبلها قمت بلعته ورضيت وبالاخير راتبها لنفسها فهمت بس راتبي النص بالنص والله بسابع المستحيلات اوافق فوق ما بدها مطاعم وسيارات وسفر وصالونات وتسوق ونص راتبي راتبي بس وكل هدول كوم والمهر كوم تاني..واخيرا رح اعلن افلاسي وعدم قدرتي على العمل واحضار المال )
ريم:والله شكلها عجبت ابنكم لانو من وقت ما روحنا وهوي سرحان واكيد بجمالها وادبها وذكائها خلص خلينا نتصل فيهم ونحكيلهم نو عماد موافق
عماد(مصدوم):شو..شو انا معجوب فيها(فجاة اوقف السيارة)ولا جمالها المعفن ولا طمعا الله لا يوفقها رح افلس من وراها وبدها تاني مهر لو اموت ما رح ادفع مهر وبعد ما افلس رح اضطر اخد قروض من البنوك عشان ست الحسن والجمال المعفن والطب يلي دارسته ورافعة مناخيرها للسما ............(بعدها تحدث عما حصل معه في منزلها) والله ويلي اسمه الله ما بتزوجها ولا بتزوج وحدة زي امثالها قال دكتورة الله ياخد كل دكتورة متلها طماعة
**end flash back**
ام فهد:من وقتها وهوي متعقد وما بجيب سيرة الزواج..واي حد بحكي عن الطب بعصب صار يكره الدكاترة وهوي ما بيعرف عنهم شي..وبعد ما نجحت اخته وكان ابو فهد عامل وقتها حادث وطالع جديد من المستشفى ووقتها كانت اخته بدها تدرس طب ومن وقتها اخوها معترض على دراستها وبضل يسخر عالدكاترة والحمد لله درست طب وبعد فصل بتتخرج انشاء الله
ريم:اصلا انا سجلت طب بدون ما يعرف عماد بالسر ولما كان يسالني شو تخصصك ارد عليه اعلام مع انو ما كان موافق عالاعلام س كان يحكي اهون من الطب ومرة حكالي بدو يدفعلي القسط للجامعة وانا كنت ناسية انوما بيعرف اني بدرس طب ولما عرف اني درست طب صار يبهدلني ويسب عليي مر اسبوع وكان يبهدلني وبعدها صار يضحك عليي ويحكيلي كيف الطب يا بطلة..كيف الجامعة يا بطلة
روعه:الله يعينك عليه
فجاة رن هاتف ام فهد(كان المتكلم ابو فهد وقد اخبرها ان يقوموا بتجهيز انفسهم هي وريم حتى يغادرو)
بعد ان جهزوا انفسهم خرجوا من المنزل..صعدو السيارة وغادروا وقد كان عماد سرحان كانه يفكر بامر ما
وكل تفكيره كان متعلق بالفتاة التي اعترضت طريقه




hours previously:(2 ساعة سابقا2)



كان ابو فهد يتحدث مع ابو جاسر
ابو فهد:والله يا ابو جاسر صارت عندي صفقة ارض اشتريها وناوي ابني فيها شاليه عشان نروح انا والعيلة ونبيت فيها كم يوم
ابو جاسر:ليش لا فكرتك حلوة وبامكانك تبني بيت لابنك فيها ولا الارض بعيدة عن المدينة
ابو فهد:اه هية كتير بعيدة وبالاول ليقبل يتزوج بشتريلو احسن فيلا
عماد:اصلا انا ما بدي اشتري فيلا انا بدي اسكن بالطابق يلي فوق بيتنا
ابو فهد:زيي ما بدك..استنى شوي يا ابو جاسر بس اطول الجوال وافرجيك الارض
وبعد مدة من البحث لم يجد هاتفه
ابو فهد:عماد معاك جوالي
عماد:لا ليش مش معك..كيف بدي اخذه وانت كنت حاطه بالسيارة على الشاحن
ابو جاسر:يمكن نسيته بالسيارة
ابو فهد:عماد اطلع بدون امر عليك وجبلي اياه الله يرضى عليك
عماد(وهو ينهض):طيب هيني رايح
عندما كان خارجا كانت هناك فتاة ستدخل وكانت ترتدي النقاب والعباءة واسعة..لحظات وكانا سيصطدمان ببعضها
عماد:اسف مش منتبه.. وكان نظره على عيونها
الفتاة:عادي بتصير بارقى العائلات
عماد:تفضلي..(بعد ان افسح لها المجال للعبور)
دخلت الفتاة وبصوت منخفض(شكرا)
ذهب للسيارة ليحضر الجوال ثم عاد للمنزل
..now الان..
في المنزل
كان عماد مستلقي على سريره ويتحدث مع فهد على الجوال
فهد:بتعرف انو امي معصبة منك
عماد:ليش شو صار لحتى تزعل
فهد:لانك راضي تتزوج وحتى كل ما تفتح معك الموضوع بتصير تتنفطر فيها كانها صغيرة
عماد:بتعرف اني تعقدت من اشي اسمه زواج وطب
فهد:طيب كل يلي صار ما نسيته لهلأ وبعدين معروف انها طماعة لانها سمعت انك مهندس وابوك عنده شركة واحنا معروفين بالبلد بدكاش اياها تطمع فيك والله بحبك يلي قعدت معها وسمعتتها وعرفتها على حقيقتها قبا ما تتزوجها وياما كان في ناس اتزوجو بعض على طمع وبعد ما تزوجو صار فيه طلاق وفي كتير قصص منتشرة هالايام عن هاد الشي خلص انسى وما تتشائم
عماد:خلص انسى شو بدك فيي خليك بحالك
**بيت ام جاسر**
ام صالح:مين هاي الصبية يلي كانت مع ام فهد بتقربكم ولا شو
ام جاسر:اه شايفة ابو جاسر بكون ابن عم ابو فهد يلي بكون ابوها للصبية
ام صالح:طيب شو اسمها وكيف اخلاقها ..بتدرس
ام جاسر:اسمها ريم واخلاقها ماشاء الله بتجنن وبتدرس طب وبعد فصلين بتتخرج..وبعدين انا بغرفها منيح لانها كانت مقروء فاتحتها على محمد الله يرحمه بس ما كان علني وحكى محمد انو بعد ما يتخرج بيخطبها وبعد ما يمر فترة على الخطبة بحددو موعد العرس (بينما كانت تتحدث نزلت دمعة)بس الله اخد امانته بتعرفي يا ام صالح صحيح جاسر غالي على قلبي بس محمد كانت اله معزة بقلبي بس ربي بيشهد اني ما كنت افرق بمحبتهم وكنت اتمنى ان يكون لدي بنات على قد ما بحبهم بس الله ما رزقني فيهم وريم الله يخليها لاهلها بعتبرها متل بنتي ولما حكالي ابو جاسر انو بدو يخطب ريم لمحمد فرحتي زادت
ام صالح:الله كريم..بس بتعرفي والله حبيتها وكنت مفكرة اخطبها لابني عناد
ام جاسر:والنعم..والله لو رحتي تخطبيها لعناد لاشجعها توافق ترا ابنك عناد ما بينرفض وانا بشهد على اخلاقه وكمان دارس طب
ام صالح:ليقبل بالاول ما انا انبرى لساني وانا بحكيلو عن الخطبة وكل ما بحكيلو بيرفع ايده(رفعت ايدها وصارت تقلد حركة ابنها)لا ما بدي اتزوج بدي اضل سنجل
ام جاسر:الله يعينك زي ابن ام فهد عماد سبحان الله اسمائهم متقاربة ..ابنها متعقد من الاطباء وابنك بدو يضل سنجل شو هالتفكير يلي عندهم زي ما بقولو المهندسين والدكاترة عقولهم مقفلة بس بستوعبو الكتب والدراسة والشغل بس وغيره ..No No Noوهية بتحرك ايدها يمين وشمال
**في مكان اخر**
دخل الى منزله الفارغ والمظلم ولا يوجد به احد من عائلته
:ماما..بابا..رورو..شكله فش حدا بالبيت
طلع على غرفته حتى يستحم وينام



انتهى البارت


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 17-01-2020, 06:34 PM
نغمة البحر نغمة البحر غير متصل
©؛°¨غرامي جديد¨°؛©
 
الافتراضي رد: روايتي الاولى بين الحاضر والماضي


البارت الخامس












بعد انهى استحمامه توجه الى السرير كي ينام
بعد فترة
دخلتا المنزل وقد كانت مصابيح الصالة مضيئة
:قبل ما تيجي عند عمتك نسيتي الاضواء مضوية
:لا ما اعتقد بس يمكن نسيته..هيني طالعة اتحمم
:طيب بس قبل ما تطلعي على غرفتك شوفي اذا غرفة اخوكي بدها تنظيف لانو صرلي يومين ماتفقدتها
روعة :من عيوني يا ام صالح
ام صالح:تسلم عيونك
طلعت روعة على غرفة اخوها
كانت الغرفة باردة متل الثلج وكان المكيف شغال
التفتت لتنير الغرفة حتى تعرف مين يلي مشغل المكيف
انارت الغرفة ولمحت شخص نائم على السرير ولا يظهر شئ من جسده..فجأة اصبحت تصرخ
:ماما في حرامي بالبيت..ماما
توجهت الى غرفة امها وهي تصرخ
ام صالح:ليش بتصيحي ايش صايرلك
روعه:في حرامي في البيت وموجود بغرفة عناد
ام صالح:انتي مجنونة كيف بدو يدخل البيت وكيف بدو ينام بغرفة اخوكي يمكن حدا من اخواتك يا صالح او بندر
روعه:طيب تعالي معي وشوفي مين
توجهتا الى غرفة عناد ثم دخلتا نظرتا الى الغرفة كانت مظلمة وباردة
ام صالح:مش حكيتلك انو حدا من اخوتك اكيد قام يطفي الضوء ويرجع ينام اكيد انزعج منك
روعه:امانة يمة ترفعي الحرام خايفة يكون الحرامي متخبي تحت الحرام
ام صالح:اما انتي عندك خيالات مش طبيعية يلي بشوفك بفكرك مجنونة...التفتت لتنير الغرفة ثم توجهت الى السرير لترفع الغطاء عنه..كان وجهه على الوسادة
ام صالح:صالح يمة قوم ليش نايم هيك
ازالت الغطاء عنه
:يا الله ما بتخلو حدا ينام بالاول حرامي حرامي وهلأصرت صالح نفسي انام براحة بهالبيت..ثم قام بسحب الغطاء مرة اخرى..(واكمل حديثه)يالله اطلعو برا واطفو الضوء بدي انام
ام صالح وروعة بصدمة:عناد متى عدت من اميركا
توجهت ام صالح من الجهة اليمنى للسرير وروعه الجهة اليسرى وبدأتا في ندائه
:عناد يالله قوم خلينا نشوفك اشتقنا نحك معك..يالله قوم ..(قامت امه بملامسة شعره)يالله حبيبي قوم والله صار شعرك ناعم اكتر
نهض عناد عن السرير وعلى وجهه علامات التعب
عناد:هيني قمت شو بدكم
ام صالح(وهي تعانقه):يمة حبيبي والله اشتقتلك وما بصدق انك قدامي..ليش ما حكيت انك اليوم بدك ترجع كان عملتلك اكلتك المفضلة
عناد(وقد نزلت دموعه):وانا كمان اشتقتلكم..بتعرفي اني كنت ما بدي ارجع بس ما قدرت اضل هناك لانو ذكرياتي مع رفيقي كتيرة هناك لما كنا ندرس مع بعض لهيك قررت ارجع لاني تعبت ومرت 3 ايام وانا ما كنت اعرف انام وكنت مكتئب لانو ما كان عندي حدا يواسيني
ام صالح:انا بواسيك يمة انت بتذكريني بابوك لانك حنون..يالله حبيبي قوم خليني اعملك تاكل لانك كتير نحفان وبعد ما تاكل وبعدها بتنام
عناد:والله يمة مش جوعان بدي انام لاني كتير تعبان
ام صالح:ممنوع تنام بدون اكل هيني رايحة احضرلك الاكل ..(ثم التفتت لروعه واكملت حديثها)وانتي خليكي عند اخوكي ما تخليه ينام
ذهبت ام صالح الى المطبخ وبقيت روعه في الغرفة مصدومة
التفت عناد اليها:شو انسة روعه لا لا مس روعه شكلك ما اشتقتيلي ولا ما بدك تسلمي على الحرامي
روعه:هلأمعقول انت عناد
عناد:لا خياله شو شايفة
اقوتبت روعه بلمح البصر وقامت بمعانقته وهي تبكي من قلبها
عناد (بسخرية):لهالدرجة مشتقتيلي مش مصدق..والله طلع عندي كعجبين بهالبلد
روعه:بتعرف انت ايش بالنسبة الي..انت اكتر من اخ..انت اخ واب وصديق..بتصدق اني عشت فترة صعبة كتير من وقتك ما سافرت على اميركا تدرس طب انا كتير عانيك..كنت كتير بستنى حدا يواسيني ويحكيلي انسي كل شي مع انها ماما كانت تحاول تنسيني بس انا كنت محتاجة حدا يوقف معي
عناد(وقد ظهرت علامات القلق على وجهه):ليش شو صار بعد ما سافرت ما حدا حكالي..وما تغيري الموضوع وتحكي مش كبيرة القصة لانو من حكيك مبين انو القصة كبيرة
روعه(ابتعدت عنه وجلست بجانبه لتتحدث اليه):بعد ما سافرت باسبوع اجا ابن خالتي وخطبني وكان وضعه ممتاز لانو عنده شركة بيشتغل فيها وعنده سيارة ووضعه الحمد لله..لما اجت خالتي تخطبني حبتني وحكت لامي انها بدها تخطبني لابنها وامي حكتلها انو بدها تاخد رأيي صالح وبندر بس ما قدرت تحكيلك لانو كل ما تتصل فيك بكون الخط مشغول وما كنا نقدر نوصلك..صار نصيب ويوم من الايام كان قاعد معي وكان مبين من علامات وجهه انو مش موافق يتزوجني بس انا ما اخدت بهاد الموضوع وبعد يومين وافقنا وتاني يوم جابو الشيخ عشان كتب الكتاب وانا كنت منزعجة لانهم كتير استعجلو بكتب الكتاب وانا حكيت لامي اني بدي تكون موجود معاي عصبت عليي وصارت تحكيلي انك انت ما بترد على الاتصالات ومش عارفين نوصلك كيف بدك تيجي على كتب كتابي وانت ما بتحكي معنا..وبعدين كانو خواتك مش موافقين ومش مرتاحين من الخطبة بس ما حكولنا لانهم ما رضيو يخربو فرحتنا انا وامك..وبعد كتب الكتاب باسبوع زارتنا وحدة من قرايبين العيلة وكانت بتعرفها امي منيح واجت تباركلي بعد ما عرفت بموضوع الخطبة



**flash back**




بينما كانت تتحدث ام صالح مع ضيفتها عن خطبة روعه
ام صالح:لحظة اروح واجيب البوم اصور وافرجيكي اياها
بعد فترة عادت ام صالح للجلوس:هيي البوم الصور خدي شوفي الصور
بعد قامت بفتح الالبوم ظهرت على وجهها علامات التعجب ولكنها بقيت صامتة ولم تتحدث وبعد انهت من مشاهدة الالبوم وقامت باغلاقه كانت علامات وجهها قد زادت
:ام صالح بدي احاكيكي بموضوع لحالنا
ام صالح:اللهم اجعله خير تعالي
توجهتا الى غرفة الضيوف
:الشب يلي خطبته بنتك سالتو عنه منيح
ام صالح:اكيد سالنا عه معقول ازوج بنتي لواحد بدون ما اعرف عنه اشي..وبعدين بكون ابن اختي
:طيب بتعرفي انو هاد الشب كان خاطب بنت سلفي..والله نفسه وما بيخلتف عنه بشي..وبعد سنة من خطبته خبراهله انو طلقها بس كان متزوجها من دون علمهم وتاني مخلف منها بنت وولد..ولما اهلو عرفو انو متزوجها قررو يزوجوه وحدة احلى منها ويخلو يطلقها بس هوي ما وافق يطلقها بس وافق انو يتزوج مرة تانية لانو ما بدو يظلم اولاده..وانا لما اجيت عندك ابارك لبنتك وشفت صوره حبيت اخبرك عشان ما تنخدعو وتنصدم بنتك بعد ما تتزوج
ام صالح:انتي متاكدة من هاد الحكي مش معقول اختي تعمل هيك فيني..سبحان الله الاخوات لما بكونو مش من نفس الام بكونو عدوات وزيي الضراير
:والله ما بكذب عليكي يا ام صالح وبحكيلك الحق وبعدين لاني بعزك وبعتبرك متل اختي..ويعني هية مو اختك من امك وهية من ابوكي
ام صالح:اه..والله لو تنطبق السما على الارض ما بخلي بنتي كنتها وانشاء الله بكرة بفسخ الخطبة وبخبر اخوتها
:اه طيب مع السلامة بدي ارجع على البيت وانتي بتعرفي اديش الطريق طويل



**end flash back**






عناد:كل هاد يلي صاير وما خبرتوني لهالدرجة انا غريب عنكم وعلى فكرة مرة لمحتلي امي وسالتني لو صار هيك باختك روعه شو بتعمل وانا رديت عليها اني رح اقتله وانا فكرت امي بتمزح بس م توقعت تكون خالتي لهالدرجة خبيثة ورخيصة وسبحان الله ابنها ولا عمري هضمته وكنت احكي الله يعين يلي بدها تتزوجو..(قام بمسح دموع روعه)ما تزعلي حبيبتي انشاء الله بكرة الله ببعتلك احسن منه وما تخافي لاني ما رح اخلي اشي عنه الا رح اعرف عنه كل شي
روعه:الله يخليلي اياك بس بتعرف اني قررت ما اتزوج لاني قرفت من هالقصص
عناد:زيي ما بدك يالله خلينا ننزل على المطبخ
نزلا الى المطبخ..وكانت ام صالح تحضر طعام بسيط وقامت باعداد الاحساء الذي يفضله
.
.








تمرسنوات تتغير اشياء في حياتنا احد منا يكون سعيد واخرغيرراضي عن حياته واخر يسعى لتحقيق
احلامه ويكون كل واحد يختلف عن اخر ولكن وما يحصل شئ أن الله -عزوجل -وما يريد









*بعد 3 سنوات*








7:00 am
نزل عناد من غرفته الى الصالة حتى يصبح على والدته واخته ويتناول معهما الفطور..حتى يذهب بعدها الى المستشفى من اجل عمله
عناد:صباح الخير
ام صالح وروعه:صباح النور
ام صالح:وين مرتك ليش ما نزلت
عناد:والله يمة حكتلي انها بدها ترتب الشقة وتنظفها وبدها تروح على المستشفى عشان تدريبها
ام صالح:طيب..يالله تعال افطر
روعه:يمة هيني طالعة اشوفها اذا مطولة عشان اسبقها لانو عليي دوام بكير بالمدرسة واذا خلصت بوصلها بطريقي لانو السيد عناد ما بدو حد يعرف انو الدكتور عناد متزوج من متدربة بالمستشفى
ام صالح:طيب بلا بياخة اطلعي شوفيها
طلعت روعة على غرفة عناد وقامت بطرق الباب ثم دخلت
:شو انسة ريم مطولة لتخلصي..اخرتيني على الدوام
ريم:يالله ثواني خلصت لبس هلا بننزل وبنروح مباشرة
روعه:زيي ما بدك هيني بستناكي تحت بس ما تتاخري لانو اذا رحت على دوامي مش رح يوافق عناد انو يوصلك
ريم:طيب حبيبتي هيني لاحقتك
نزلت روعه على الدرج وكان عناد قد غادر بعد ان تناول فطوره وكانت ام صالح تنظف الطاولة
ريم:ماما جهزلتيلي علبة الاكل
ام صالح:اه حبيبتي حطيتها على الطاولة
اخذت روعه العلبة وقامت بوضعها في حقيبتها وخرجت الى السيارة..بعد ان خرجت روعه بفترة قصير نزلت ريم مسرعة وقد كانت الصالة فارغة لان ام صالح في المطبخ..دخلت المطبخ وقامت بالقاء التحية على ام صالح ثم خرجت مسرعة الى السيارة
صعدت السيارة وتوجهتا الى المشفى قامت ريم بتوديع روعه ونزلت من السيارة واكملت روعه طريقها
دخلت ريم الى المشفى وقد لمحت صديقتها فقامت باحتضانها ولكنها لم تنتبه ان عناد يقف خلفها
عناد:دكتورة ريم هاد مكان عام وللعمل وليس مكان لمقابلة الاصدقاء انتي والطبيبة نوف
ريم ونوف:نعتذر..حاضر دكتور عناد
كان هناك بعض المتدربات يسخرن منهما لانه تم توبيخمها من الدكتور عناد وبالاخص ريم
اكملت ريم طريقها الى المشفى برفقة نوف لتغيير ملابسهما
نوف:لهأ مش موافق يحكي الدكتورعناد انك زوجته في المستشفى..لاني سمعت من بعض المتدربات انك بتلاحقيالدكتور عناد لحتى تتزوجيه
ريم:عادي ما صار اشي يفكرو يلي بدهم اياه ما بتفرق معي
نوف:زيي ما بدك يالله خلينا نروح نبلش تدريب
في مكان اخر
عماد:يمة بدي اياكي تخطبيلي اخت عناد
ام فهد:عنجد ما صدقت ييجي اليوم يلي تحاكيني بهالموضوع وانا من الاول كل ما احكيلك بدي اخطبلك ايها بترفض واخيرا غيرت رايك وغسلت مخك العنيد
عماد:مش عنيد على فكرة بس كنت افكر منيح بالموضوع عشان ما اندم بعدين على قراري
ام فهد:طيب فهمت ما تفتحلي محاضرة..يالله قوم روح على شغلك هلأ بتتأخر
ابو فهد:ما حكتيلي متى ناوية ريم تزورنا
ام فهد:اعتقد اليوم يمكن تزورنا بعد ما يخلص تدريبها واليله بيجي زوجها باخذها
ابو فهد:يالله هيني رايح على شغلي بتطلبي اشي
ام فهد:لا..ما بدي غير سلامتك







انتهى البارت


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 15-03-2020, 07:17 PM
نغمة البحر نغمة البحر غير متصل
©؛°¨غرامي جديد¨°؛©
 
الافتراضي رد: روايتي الاولى بين الحاضر والماضي


مرحبا
اعتذر على انقطاعي لكتابة رواية وكان لعددة اسباب لانو ما في تفاعل حول رواية وتعليقاتكم وانا ما بتشجع اكتب لانو ما احد مهتم لرواية
شكرا


روايتي الاولى بين الحاضر والماضي

الوسوم
الاولى , الحاضر , روايتي , والماضي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الاولى/ الضياع ضائعه بين احرف روايتي أرشيف الروايات المغلقة - لعدم إكتمالها 32 12-06-2020 07:07 PM
روايتي الاولى : موجوع قلبي / بقلمي مودمَوزيل ريَم . أرشيف الروايات المغلقة - لعدم إكتمالها 43 26-11-2016 07:09 PM
روايتي الاولى: جرحت وحكمت بلا دليل وانا حبيتك بلا ضمير بنت شيوخ و كلي شموخ أرشيف الروايات المغلقة - لعدم إكتمالها 6 29-04-2016 01:30 PM
روايتي الاولى : اريدك بجانبي للأبد اريدك لي لوحدي / بقلمي . الكآتبة؛ريم. أرشيف الروايات المغلقة - لعدم إكتمالها 18 12-10-2015 11:43 PM
روايتي الاولى : تائه في متاهة الدنيا كـــلاي..! أرشيف الروايات المغلقة - لعدم إكتمالها 19 12-06-2015 01:40 PM

الساعة الآن +3: 12:20 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1