غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 25-01-2020, 08:20 AM
عِتق ! عِتق ! غير متصل
©؛°¨غرامي جديد¨°؛©
 
الافتراضي رواية يا طبيّ و عـوقي /بقلمي


صباح الخير على الجميع..

هذي آخر رواية اجمع شجاعتي لاجل طرحها بين ايديكم..
اتمنى تفاعلكم و وجودكم بالقرب يزيدني شجاعة ❤

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 25-01-2020, 08:30 AM
عِتق ! عِتق ! غير متصل
©؛°¨غرامي جديد¨°؛©
 
الافتراضي رد: رواية / يا طبيّ و عـوقي ..


اشار لها الموظف لتتقدم و يختم لها جواز السفر الدبلوماسي الذي يحمل اسم ( شيخة تركي الـ ...)
و من خلفها ( ألجازي تركي الـ ... )
و الاخيرة ( مضاوي تركي الـ ... )
تقدمن جميعهن و تبعن الكبرى و هي تشير بعيناها جهة اليمين في اخر الممر باستكنااان عالي /
هاه ؟؟
وايت موكا سنقل شوت ؟
اجابتها الصغرى /
لا مابي شيء انا روحي أنتِ ومضاوي
انا بروح دورة المياه اغسل وجهي ماعاد اشووووف
اقترحت عليها /
طيب خليني اخذ لك اسبريسو
كشرت بوجهها و مشت مبتعدة بعد ما قالت /
ناقصه لوعة كبد و مرارة انااا
ضحكت /
وربي درامااااا
امشي انتِ الثانية خل نلحق قبل تفتح البوابة
تبعتها و هي تتسائل /
اقول شيخة
تهقين نبطي هناك ؟
شيخة بعدم مبالاة /
والله مادري لكن ماهو فارق معي واجد
هنا ولا هناك
كلها غربة
تألمت من كلمتها الاخيرة .. يا كم كانت صاااادقة !
تبعتها بهدوء.. و الافكار سافرت بعقلها قبل يرحل جسدها عن هذي الارض
لربما للنهاية..

**

فتح باب الغرفة بلقافه و طفاقة و قلة ادب بدون استأذان و قال /
طلبتك يالعضيد يالمحزم المليان و ياعزوتي و ظهري
ما ألتفت له مشغول باللي بيدينه و لكنه مسك اعصابه و تسائل /
نعم
وش عندك بعد هالموّال
تقدم منه و برجاء /
سلمان تكفى ابي سيارتك بس يومين
بمشي الخبر مع العيال
وربي لاحافظ عليها مثل.....
رمى عليه المفتاح و رجع يكمل شغله بصمت..
ناظر المفتاح الي التقطته ايدينه بصدمة ثم اقترب اكثر و هو يتلمس جبينه /
انت طيّب ولا تونس شيء يا ولد ؟؟
شبه ابتسامه زينت محياه /
المفتاح و عطيتك
ممكن تفارق؟؟؟
هز راسه بايجاب /
بفارق على خشمي بس
وش ذا ؟؟
على وين ؟
سلمان /
شغل
سلطان اقلب وجهك لا تلهيني
سلطان بجدية /
مطول ؟
سلمان بغموض /
الله العالم
مسح على كتفه و بحب صاادق /
تروح و ترجع سالم غانم
و سيارتك بالحفظ والصون
التفت عليه بعد ما لفت انتباهه الاستغلال اللي راح يصير /
اتوقع انك قلت لي يومين بس ؟؟
يومين يا سلطان و تسلم المفتاح ماجد
سلطان بامل /
تكف...
سلمان بحدة /
و يمين بالله ان اتصلت فيه و المفتاح ماهو معه
لارجع لك مخصوص و اطلع من عينك قيمة المشوار اللي ضربته
سلطان بمحايل قبل راسه و مشى طالع /
ان كان المفتاح بيرجعك عز الله ما سلمته
ابتسم و هو يناظر طيفه بطرف عين
و كمل تجهيز ملابسه بعد ما رفع عينه للساعة اللي عالحائط و انتبه للوقت
رحلته ما بقى عليها الا اقل من ساعتين !!

**

نزل كوب قهوته و برجاء /
خالد تكفى ويمين بالله نص ساعة
صد رد و عشاك علي تكفى
خالد بنذالة /
مناوبة الاسبوع الي فات تذكر ؟؟؟
اترجاك ترجي احضر النهائي يالرخمة ما فزعت
مانيب ناسيها لك انت وفيصل
انهى كلامه على دخول فيصل /
وش عنده البعير الحقود معصب
خالد /
خلك من البعير و الحق عمرك
تو طلع من عندنا د.يزيد و سأل عنك
فيصل بعقدة حاجبين /
و صرفتوه ؟؟
الله يقلع شيطانك عزام ورا ما صحيتني معك ياخي
عزام اللي وقف و هو ياخذ بطاقته و يثبتها يسار صدره /
مخلفك و ناسيك انا
بعدين اخلص انت وياه الـ ER متأزم الليلة
كانت 5 دقائق بين اروقة المستشفى حتى وصلوا الى قسم الطوارئ
اثنان منهم توجهوا بسرعة للاسعاف بعد ان استقبلوا code Blue ليبدأ خالد مع المسعفين باجراء الـ CPR بمساعدة فيصل..

اما عزام فقد اخذ ملفه و توجه لغرفة A-34 بعد ان تنحنح ليأذن له صوت رقيق بالدخول..
تقدم و بصوت واضح قال /
السلام عليكم
معاك د.عزام
وش المشكلة يا ....
*التقط اسمها فالملف ثم اكمل*
يا هديل
كانت عيناه لا زالت على الملف و هو يحاول استيعاب اكبر قدر من ما يحويه و لكن اذناه منصته بحرص /
اخذت ادويه فوق الجرعة
عزام /
متعمدة او ...
هديل بتأكيد /
ايه متعمدة
عزام اللي تعجب من السبب الي ممكن يكون دفعها لهذا التصرف ولكنه استبعده عندما انتبه لعمرها .. شابة ! لم تكمل عامها ال20 بعد ! /
ممكن اعرف السبب بكل وضوح
هديل بذبول /
ابي انام نومة طويلة
رفع عينه لها لاول مره
يا لجمالك!
يا لرقتك!
يالخجلك اللي بانت مواريه على وجنتينك!
يالبرائتك!
عشرينية و توك دخلتي عالم العشرين!
وش له كل هذا يا بنت ؟؟
كانت هذه التساؤولات التي تدور في باله و من ثم قال /
ممكن توضحين لي مفهومك للنومة الطويلة يا هديل
هديل بوضوح /
انام .. و ما اصحى
ماشال عينه
يحاول يفهم اسبابها
لعلها توضح على وجهها
اكتئاب؟ حزن؟ خوف؟
لا!
جميلة.. مبتسمه.. رقيقة
لا يمكن انها تعرف وش معنى اي مفردة من الي ذكرتها
استغرب منها كثيير..
ولكنه طلب منها بعد ما مد يده ناحيتها /
مايخالف اشوف الادوية
و ابي اعرف كم اخذتي قرص و متى
فتحت شنطتها و طلعت شريطين لادوية نفسية بالغة الخطورة و الحساسية و لا تعطى الا لمرضى اوشك الاكتئاب من انهاء حياتهم
ادوية قد تعين على اعادة الامل او الاستقرار النفسي على الاقل..
ولكن هديل.. استعانت بها للانتحار!!
الى اي حد وصلت من اليأس! يا للاسف..
المسكينة هديل..
اجابته /
اخذت من السيروكسين 3 اقراص و من المنوم 2 ونص
يومين
رفع حاجبه بتعجب شديد /
فكل اليومين اخذتي جرعة زائدة !!
هزت راسها بتاكيد على كلامه..
ليغلق الملف /
راح نستدعي الاستشاري و بيشوفك بعد ما نبلغه بالحالة
و في هذي الاثناء راح نسوي فحوصات نتاكد فيها من سلامتك من اي تاثير من الجرعة الزائدة على الاعضاء
و ما تشوفين شر
تراجع للخلف ليخرج و لكنه لم يستطيع منع نفسه من السؤال /
ندمانة ؟؟
ابتسمت له بعذوبة ساحرة..
جمالها غريب
عيون من وسعها .. ماقدر مرّت على بشر
سوداء و هدبها مثل الليل
شفايف ورديه مكتنزه و على يسارها من الاسفل شامه صغيره لكن جذابة
بيضاء بياض مشرب بحمرة
رقتها واضحة من خجلها المستمر من وجود طبيب.. مجرد طبيب !
ثم هزت راسها يمين ويسار دلالة على الـ " لا ".. لا مو ندمانة
عقد حاجبينه و مشى طالع..
هذي اول حالة انتحار تمر عليه كطبيب مناوب..
و من الحالات النادرة عندنا كمسلمين ولله الحمد
لكن وش اللي صار مع بنت بعمرها.. و اوصلها لهالحال ؟؟
تساؤولات كثيرة اشغلته عن مصعب اللي طفح به الكيل من النداء حتى رمى عليه علبة المنديل بغضب /
عزام و تبن
وينك فيه ؟؟؟
عزام بنرفزة رمى الملف على الطاولة الي خلفها مصعب /
ياخي عندي حالة و توني قايل بسم الله
وش فيه وش تبي
مصعب /
البيق بوس يبيك
و موده الليلة ماهوب اللي
عزام /
من متى كان موده زي العالم والناس اصلا
مصعب بعجلة /
طيب اخلص عليه من اليوم يستناك و وراي شغل فارق
مشى عزام و يدينه فجيبه و تفكيره مع ذيك المريضة غريبة الاطوار كما يعتقد..
طق الباب و دخل بعد ما سمع الاذن /
مساء الخير دكتور
الدكتور بدون ما يرفع عينه عن الاوراق /
الساعة 2 الصباح يا مساء الخير انت
وش صار على مريض الـ AMI
عزام /
فيه ورم على الجهة اليمين....
قاطعه /
عطني اخبار ماعرفها
سويت الـ Endoscopy ؟؟
عزام /
لا ، المريض رافض العملية
رفع راسه /
انت مبلغه باهميتها ؟؟
عزام بربكة /
لا اا.....
رفع صوته بحده /
مريض عنده ورم في الـ mitral valve و ما عطيته لو نبذه بسيطة عن القادم من حياته بدون العملية ؟؟؟؟
ولا تبي ننتظر الاسعاف جايبينه محتاج لـ CPR بعد ما وقف قلبه بسبب اهمالك كطبيب في توضيح ابعاد المرض لمرضاك يا دكتور عزام ؟؟؟!
كان راح يوضح و لكنه قاطعه للمرة الثانية /
تطلع لي الان للمريض تبلغه بجدية وضعه و تقنعه باي طريقة باي حيلة
بكيفك شف لك صرفة
المهم ان التوقيع يوقعه و التنظير تسويه و يجيني الملف كاقصى حد بعد 4 ساعات
تنتهي مناوبتي ماستلمت ملفه لا تشوفك عيني بعدها يا عزام
والحين اطلع برى و شف لي خالد يجيني
تراجع للخلف ليخرج ولكنه استوقفه بالسؤال /
الامتياز من مسؤول عنهم ؟؟
عزام بملل من كثرة الاستجواب الي تعرض لها بداية مناوبته /
خالد
الدكتور /
خالد ابيه
خذهم انت
شد على عيونه بعد ما بدأ راسه يصدع
رأسه اللي ما تحمل الضغط هذا مع بداية مناوبة الـ 24 ساعة !!
واضح وراك ليلة طويلة يا عزام..


**

انفتح بابه و نزل جهة الدرج العريض الطويل..
ما ان انتهى من صعوده حتى وصل للمدخل الي انفتح و من خلفه رئيسة الخدم /
حياك الله طال عمرك
عشاك جاهز تحب نطلعه غ....
توقف و التفت لها /
ما فيه احد فالبيت ؟؟
اجابته /
لا
شال شماغه و ثبته على يدينه و استفسر /
مابي عشاء يا نورية
وين الناس..
هديل وينها ؟؟
نورية /
طويل العمر ابو نايف و ولده من طلعوا معاك للان
و هديل طالعة من بعد المغرب و بلغتني انها بتتاخر
هز راسه و مشى جهة المصعد /
لا وصلت خلوها تجيني
نورية بصوت مرتفع حتى يصله فقد اصبح في وسط المصعد الان /
سم طال عمرك ابشر

**

وضعت يديها على اذنيها فلم تعد تحتمل صوت طرق الباب باصرار /
خلااااااااااص
فاررررقني الله لا يسامحك فارررررقني
ماراح افتحه لو امووووت ولو تمووووت
ماراح افتحه ماااابي اشوووف احد
اتاها صوته البغيض باهتمام يجعلها تشعر بالاشمئزاز /
اماني و الله ما بسوي لك شيء بس اكلي لك لقمه يا بنت الح....
اماني بنحيب /
لا تقوووول بنت حلاااال
لا تقوووولها تبي تقهرررني وبس
اناا و بنتتتتي بنات حراااااااام
فار دمه ! قهرته كلمتها..
ذبحته و عذبته
لدرجة انه ضرب الباب برجله لينفتح رغمًا عنها ..
تقدم بخطوات سريعة ناحيتها ولكنه توقف رحمة و رأفة بحالها فمن شعرها المبعثر
وكحلها الي محتل مساحات واسعة من وجهها
و انفها المحمر و عيونها الذبلانة
كان من الواضح ان بينها وبين الجنون.. خطوة منه!
جلس على ركبتيه و برجاء /
تكفين لا تسوين بنفسك كذا تراك تذبحيني انا
توجعييني انا يا بنت
قومي معي اغسل وجهك يرحم والديك
اماني بغصة /
اتركني فحالي يا عبدالله..
اتركني فحالي والله بموت والله والله
هز راسه بأسى و مشى طالع و هو ينادي عالخادمة تساعدها ..
جلس على الكنبة و عيونه على شاشة التلفزيون الي تستعرض سوق الاسهم و اخباره..
اتاه صوت .. يا كم يبغضه /
كيفها..
عبدالله باستهزاء /
انت ابوها و انت المفروض ادرى
ليجيبه على سخريته /
و انت اسباب حالتها و انت اكيد ادرى
التفت له بقهر /
انت الي منعتني و انت الي جريتنا لكل ذا
انت ابليس بحد ذاته و انا عبد ضعيف ايمان
و يد توجعني و مسكتني زين منها..
انت السبب في بلاها و بلاي
انت

استمروا في جدل.. لا جدوى منه
و اثنينهم عارف..
ان ذنبها برقبتهم كلهم
لا هذا ولا ذاك بريئ..


**

على سريره ..
يتقلب يمين و يسار و النوم معاديه
ذبحه الارق !!
قام من مكانه و مشى خارج جناحه جهة غرفتها
فتح الباب و ما ان التقطت حاسة الشم ريحة عطرها حتى اغلق الباب بقوة و عاد ادراجه..
دخل جناحه من جديد و توجه للتليفون بعد ما مرر اصابعه على مفاتيح ارقام ..
ليأتيه صوت خملان و بعذره الوقت متاخر /
سم الله يحفظك
تسائل /
وصلته الامانة ؟؟
تنحنح و هو يجيب بثقة /
فحضنه يا طويل العمر لا تخاف
اغلق السماعة و تنهد تنهيدة.. كانت على وشك تحرق صدره!

**

يدينه على راسه و عيونه كل شوي تميل للنايمة بجنبه بسكينة و امان..
قلبه قابضه من يوم استلم الرسالة..
ما يرد علي!
و بنته عندي!
و لا احد يدري وين ارضه من سماه!
وييييين ضعت يا محيا و ضيعتني معاك..
وييين ياخوك ..

**


هذي مقدمة بسيطة و كتعريف مبدئي للشخصيات الرئيسية فالرواية..
نلتقي قريبًا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 28-01-2020, 09:36 PM
صورة ضحكته الرمزية
ضحكته ضحكته غير متصل
©؛°¨غرامي مشارك¨°؛©
 
الافتراضي رد: رواية / يا طبيّ و عـوقي ..


بدايه رائعه مششششوقه أبدعتي حبيبتي أتمنى تستمرين وتعطينا وصف الإعمار ابطالنا
وعوائلهم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 01-02-2020, 06:01 PM
صورة ضحكته الرمزية
ضحكته ضحكته غير متصل
©؛°¨غرامي مشارك¨°؛©
 
الافتراضي رد: رواية / يا طبيّ و عـوقي ..


لا توقفين هالروايه نفس الي قبلهم كل القراء معك كملي علشانهم


تعديل ضحكته; بتاريخ 01-02-2020 الساعة 06:01 PM. السبب: ،،،،
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 05-02-2020, 07:13 AM
عِتق ! عِتق ! غير متصل
©؛°¨غرامي جديد¨°؛©
 
الافتراضي رد: رواية يا طبيّ و عـوقي /بقلمي


نزلت كوب الشاي من يدها و بغضب /
يابنت اقصري الصوت والله ان سمعك ابوك
ليقص لسانك قص
لم تنصت و بتمرد قالت /
خليييه يسمع خلييه يعرف كيف شعوري و هو مرخصني قدام اللي يسوى واللي مايسوى يمه
بلعت ريقها و هي تسمع صوته الحاد يصرخ باسمها /
تركيــــــة
التفتت عليه برعب من خطواته السريعة ناحيتها و اصبعه السبابه المرفوع /
وعزة الله ان سمعت لك حس
ان دريت انه يطري لك بس طاري
لتبكين الليل و النهار ما جفت دموعك
و العرس بتعرسين من فوق خشمك مانيب مشاورك
رجال و الشرع محلل له اربع ..
تبين تحرمين على الرجال ما احل الله له ؟؟؟؟
ليهدأ صوته و نبرة خيبة الامل كسرتها /
كنت اظنك يابوك اعقل من كذا
وين بنتي العاقل الراكد اللي تخاف الله في نفسها واهلها؟؟
التفت على والدتها بعد ما اوجعه قلبه من منظرها الباكي /
اقطعوا العلم و لا عاد اسمعه
و العرس في نفس التاريخ و كل الامور على ماهي عليه
عقلي بنتك و اركدن

مشى طالع تارك وراه انثى ماتت احلامها في مهدها..
انثى على كثر ما اوجعها كلام ابوها.. على كثر ما كان صااادق!
تبين تحرمين ما احل الله يا تركيه؟؟ اعوذ بالله منك يا ابليس..
مسحت دموعها و مشت مبتعده.. والافكار تشكلت على هيئة صداع قاتل!

**

عينها على المجلة و بسخرية /
تكسرت رقبتك من كثر ما تتلفتين خلااااص
احمرت وجنتينها من اختها اللي تلقطها و هي طااايرة /
مالك دخل و بعدين انا مشبهه عليه لا اكثر
رفعت حاجبها و بنص نظرة /
قولي هالكلام لألجازي يمكن تصدق
بس بيني وبينك اطخم مزيووووون
بس لا تستعجلين باريس مليانه اشكاله
صفقت كتفها و باشمئزاز /
مضاوي وجع وش هالكلام ؟ استحي بلا قلة حياء
و بعدين قلت لك مشبهه عليه و احاول اتذكر
مضاوي بلكاعة /
و هو مشبه عليك بعد ؟
من يومنا عند ستاربكس و عينه عليك
اتوقع هذا اللي يسمونه حب من اول نظرة
صدت عنها بنرفزة من اسلوبها الساخر
ورجعت عينها تبحث عنه ولكنه غادر مقعده!
يمكن راح لدورة المياه.. يووووه!! و انا وش دخلني وين ذلف بكيفه اف
رجعت تفتح كتابها و عقلها شبه مركز مع المفردات..

في الجهة الاخرى..

غسل وجهه لعل الارهاق يخف و يصحصح شوي ..
نشف يدينه بسرعة و مشى طالع و لكن استوقفه فنص الممر رسالة من ساعة ونص ولكن بسبب الارسال و صعوبته توها توصله ، محتواها /
" حصل الي كنا متوقعينه رغم استعدادنا لكل حدث و لكن الموضوع اكبر و بيكبر ، حالته حرجه و الوضع صعب..
الغزلان امانة عندك لا تسلمها لمين ما كان
مجرد ما يستقر الوضع عندك اطلع عالسفارة فوراً اوراقك هناك و انا جايك "

رفع عينه عليها و تأملها باريحية.. لاهيه بكتابها
طفلة! و هو يكره الاطفال..
تحرك راجع لمكانه بعد ما سمع صوت المضيفة تستأذنه يرجع


**


رمى زقارته و مشى بخطوات سريعة ناحية اللي دق عليه و كانت احد اطباء الامتياز اللي واجهت مشكله مع مريض توقف قلبه فجاة عن النبض..
سألها بحدة /
كم صار له ؟؟؟
اجابته بذعر /
10 دقايق وو.....
صرخ عليها /
و تنتظريني اجي؟؟؟؟؟؟؟
تصرفي وريني نتاج ال7 سنين يا دكتوررة
كان يراقب بعيونه الجهاز و مرت 20 دقيقة و هي تحاول تنعشه..
امرها اكثر من مرة توقف عن الانعاش و تعلن وقت الوفاة
ولكنها اصرّت على الاستمرار..
الصدمة الاخيرة اعادت النبض للمريض
التفتت عليه و دموع الفرح بعيونها
اول مريض حالته حرجة.. اول مريض تنعشه.. و اول مريض تنقذه كطبيبة
اقترب منها و بحدة مرعبة و ايدينه تشير للجهاز الي خلفها /
الاكسجين منقطع عن دماغه له 25 دقيقة يا دكتورة نوف *صفّق لها بسخرية * تهانينا رجعتي النبض لمريض ميت دماغيًا
مازال صوته يرتفع و يزداد حده /
انا الطبيب هنا و أنتِ التلميذة
لما اقول وقفي توقفين ولما اقول افعلي تفعلين
لا تحاولين مره ثانية تلعبين دور البطولة
بدال ما نستفيد من اعضاءه لاشخاص احياء يرزقون
خليتيه يعيش على اجهزة لا اكثر..
اللي سويتيه يا بطله مجرد استنفاذ للاجهزة الطبية و ضياع فرص للي محتاجين تبرع

صد عنها و مشى مبتعد بينما الدكتورة نوف.. لا يمكن تمر عليها اسوء من هذي الليلة!
باعتقادها..

رفع اصابعه يفرك راسه الي صدع من نص ساعة و زاد الصداع و هو يتلقى اتصال من ممرضة الغرفة a-34
استعجل خطواته اكثر و قلبه قابضه.. وش صار لك يا بنت!
دخل و شافها في نوبة تشنج على كلام الممرضة صار لها دقيقتين من بدأت
قلبها على اليمين و امرهم يخدرونها حتى يتمكن من اجراء الفحوصات و التوصل لاسباب النوبة..
ما ان هدأت حتى غادر غرفتها و طلب من الممرضة اجراء الفحص و من ثم نقلها للاشعة لاخذ صورة للمخ و......
قاطعهم اللي مد يده ناحية الدكتور /
أنت دكتور هديل صحيح ؟
معاك نايف ال... يالغالي
مد يده بمجامله /
هلا حياك ايه نعم د. عزام
عفوا وش صلة القرابة ؟
نايف بثقة غريبة /
ولد عمها
عزّام بهدوء /
لا هنت ياليت تتواصل مع عمك
لانها بحاجة مرافق و ولي امر يتولى اجراءاتها
كان بيرد لولا ان عزّام عطاه ظهره ومشى مبتعد و بلا سبب واضح ولكنه شعر انه بغيض و ثقيل دم و لا هو برجال ولا فيه مروة ول......
اه! انا وش فيني ؟؟ وش دخلني بعلاقاتها العائلية؟؟ يمكن انه راضع معها؟؟
بس حتى ولو الاصول اصول.. ابوها ولا اخوها اللي يجون
ولد عم؟؟ ياخي وش هالعائلة الغريبة..
بنتهم تنتحر ولا احد يدورها ويسأل غير ولد عمها !!

**

اعتذر عن التاخير.. لولا الظروف و اتمنى العذر منكم
هذا اكمال للمقدمة فقط
بالنسبة للاجزاء و الجزء الاول بالذات راح ينزل كل جمعة واثنين
اتمنى منكم الدعم و التواجد بالقرب
يوم سعيد على الجميع

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 06-02-2020, 12:05 AM
صورة ضحكته الرمزية
ضحكته ضحكته غير متصل
©؛°¨غرامي مشارك¨°؛©
 
الافتراضي رد: رواية يا طبيّ و عـوقي /بقلمي


جمييييل أنتي مبدعه أكملي قلمك فريد ��������


تعديل ضحكته; بتاريخ 06-02-2020 الساعة 12:06 AM. السبب: ءءء...
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 10-02-2020, 02:32 PM
صورة ضحكته الرمزية
ضحكته ضحكته غير متصل
©؛°¨غرامي مشارك¨°؛©
 
الافتراضي رد: رواية يا طبيّ و عـوقي /بقلمي


وين البارت اشتقنا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 11-02-2020, 11:35 AM
Fay .. Fay .. غير متصل
©؛°¨غرامي مشارك¨°؛©
 
الافتراضي رد: رواية يا طبيّ و عـوقي /بقلمي


حبيييت الروايية ❤❤
كملي يابعدي ❤

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 11-02-2020, 09:38 PM
صورة ضحكته الرمزية
ضحكته ضحكته غير متصل
©؛°¨غرامي مشارك¨°؛©
 
الافتراضي رد: رواية يا طبيّ و عـوقي /بقلمي


وين البارت اشتقنا

الرد باقتباس
إضافة رد

رواية يا طبيّ و عـوقي /بقلمي

الوسوم
رواية , عـوقي , طبيّ
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية راعي العيون الناعسه رمشه في ! لا سلهمت ذاب الهوى من حنيني /بقلمي تَرف الرَبَّاع روايات - طويلة 54 19-08-2018 03:03 PM
رواية موعد وفرقى /بقلمي عِتق ! روايات - طويلة 15 26-06-2018 07:15 AM
رواية قاب قلبين او ادنى /بقلمي Mehya.md روايات - طويلة 39 25-05-2018 08:36 AM
رواية من قد قلبي دام حبك سكن فيه /بقلمي » غ’ــموض • روايات - طويلة 107 26-02-2018 03:52 PM
رواية تراه النصيب /بقلمي الكاتبه وميض اليل روايات - طويلة 1 22-11-2017 12:51 AM

الساعة الآن +3: 02:18 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1