غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 01-04-2020, 01:19 PM
صورة صفحه بيضا الرمزية
صفحه بيضا صفحه بيضا غير متصل
©؛°¨غرامي نشيط¨°؛©
 
الافتراضي رد: ماضيه وحاضري/بقلمي


هلا والله حلوين

البارت الثاني عشر ..
واسفه عالتأخير

(الوليد دخل الشقه ومسك قاسم من رقبته ورفعه وطلع المسدس حقه وتكلم بصوت يروع ):بعطيك فرصه يكون لك شي مشرف فالحياه .. تدري شنو ..
(قاسم يرفس يبي يفك )..
(الوليد سحب سكين جيب وغرزها بفخذه وسحبها لين اخر العضله هناك.. وطلعها ورجع غرزهة بكتفه وسحبها لاخر عضلته ): وين بعد ..اممم .. يكفي دم .. تراك نجس وانجستني .. (رما السكين وطلع المسدس حقه) .. تموت على يدي وبمسدسي اللي اقدسه ذا .. شرف لذكراك .. (دخل المسدس ففمه )..
كادي : الوليد .. لو تطلق عليه اذبح نفسي (ساحبه مسدس محمد ومتوخيه عاليدار والمسدس على راسها .. حررت الزند )..
الوليد : كادي لا تتهورين ..
كادي : فكه ولا بنموت انا وياه ..
(الوليد ناظر له .. رماه وتفل عليه ): جاك الشرف بطريقه ثانيه .. كادي بنت ماجد تدافع عنك .. احفظ كلامي عدل ..( شد شعره).. ماجد سيدك وتاج راسك واللي يقرب صوبه وعياله .. اضن جاتك نبذه مختصره عن مصيره ..( تفل عليه وراح لكادي .. مسك يدها واخذ المسدس وباس يدها) : حبيبتي انتي غاليه ما تربطين نفسك فيه ابد ..
(كادي طاحت جالسه من الخوف الي كانت فيه بس مسكها اخوها وشالها ): مب عشانه .. بس انت بتموت لو مات ..
الوليد : هذا دمه حلال من لمن فكر يلمسك ..
كادي : اشششش..ما يجوز تقول كذا .. دم المسلم حرام ..
الوليد : هذا مسلم ..
كادي : نطق الشهاده يصلي .. مب انت ربه عسب تحاسبه .. اذا بنقتل كل من غلط ترا العالم خلصوا ونحنا اولهم ..
(الوليد اقتنع بكلامها .. باس راسها وطلع فيها للسيارة)..
(فارس تنهد) ..
قاسم ينادي فارس بوجع : فارس .. رجلي ..
فارس زفر بضيق: قايل لك ان ولد عمك ماهو بهين..عز الله مشيت عليها هالرجل .. هذا اذا ما بطلت وبتروها ... قم عاونني فيك ..
قاسم : مب قادر اتحرك ..
سعد : في نقاط حيويه فجسمه متخدره واي حركه غلط بتسبب له نزيف ..
فارس : اجل شلون اخذه ..
سعد : لا تحركه .. دكتورنا جاي (وصل مايد بأسود حسب التوصيات ومتلثم .. خلص من الخياطه والى اخره ) .. السكين صغيره وحقت جيب .. لذا تعد انت محظوظ جدا .. خذ .. خذ هالاغراض وبدل عالجروح ٤ مرات يوميا .. ولا يمشي ولا يبتل ..

__________________________________

(عند محمد): وليد يا ولدي سمحنا عاللي صار ..
الوليد : ابعد عني .. انا ماسك اعصابي ترا .. كنتوا فيني وقلت اوك .. وصلتوا لاخوي وخصيت ما عممت فيكم .. توصل لاختي .. شرفها .. ااااااااسف ..انتوا ناس استغفر الله .. مب جاي استوعب انكم اهل ابوي ..
نوار : الوليد عيب تكلم عمك كذا ..
الوليد : حتى انتي ..
كادي : الوليد اني معك ان اللي صار غلط .. بس فالاخير انقذوني عيال عمامك محمد وشاهر واللي ضرني ولد حامد اللي انت محاكمه .. هم ما لهم ذنب ..
(ندى قربت منه .. وبما انها الصغيره تراها نقطه ضعف كبيره له ): الوليد .. اعتذر لعمي .. بيزعل ..
الوليد : ندونه حبيبتي .. كانوا بيضرون كادي ..
ندى : مب هم .. ذاك قاسم .. والدليل ان ولد عمي محمد وجهه مبقس ..
الوليد : بس ند(قاطعته )..
ندى : انت رفعت صوتك فوجهه ولازم تعتذر له .. اللي يغلط يعتذر ..
(الوليد هدى شوي وتقدم لعمه وباس راسه ويده): حقك علي ياعمي ..اسف..
جواد : بس انت ما غلطت احنى اللي ما انتبهنا لها ..
(نياف فخاطره) ولو .. كان المفروض ما يرفع صوته على عمه .. اعرفه ما يعرف اهله اذا عصب ولا يمسك لسانه بس لازم يضبط نفسه شوي ..
محمد : حصل خير .. ودامنا بخير .. تقعدون عندنا للصبح ..
الوليد بأستسلام : اللي تشوفه ..(انتبه لاهتزاز جواله ولقى ٣٠ مكالمه فئته خالته رجوى )الله يجعله خير ..
شاهر : عسى ما شر ..
الوليد : خالتي حارقه جوالي اتص(قاطعه اتصال ..وجواله رابط ببلوتوث السياره .. رد) هلا ..
(وصله صوت بكاها ): الو..و..وليد..كاديييي..
(الوليد تورط .. قام بيفك البلوتوث): سلامتك رجاوي وش بك ..
رجوى : ليش ما ترد .. كادي شفيها ..
الوليد : ما فيها شي .. كاهي تلعب ..
رجوى : متأكد ..
الوليد : متأكد يا عيوني ..
رجوى : الحين ترجعون ..
جواد : خيير .. وين يرجعون .. توهم ..
رجوى : الله يخليك ولودي .. تكفى..(تشهق) .. رجع كادي عالاقل ..
فارس بأنفعال : ويين .. ليش تقاطعين وناستها ..
(الكل طالع له لانه مره منفعل)..
رجوى : الوليد .. اذا تغليني ارجع ..
الوليد (طالع عمه): امرك يا الغاليه .. الحين راجع ..
رجوى : وليدوه لا تسلكلي ..
الوليد : ما اسلك .. من متى انا اسلك لك .. جاي فالطريق ..
رجوى : انتظرك (قفل)..
الوليد : والله يا عمي ودي اطول .. جلستكم ما تنمل .. وخساره اللي راح من غيركم .. الله كريم .. لنا لقيه بس انا بعزمك المره الجايه ..
محمد : خلها يوم بتعزم لتميم ..
الوليد : والله هذيه عامه .. الا اذا نجتمع لحالنا اليوم اللي بعده ..
محمد : اللي تشوفه .. الا تميم تعزمون له يوم الجمعه ..
الوليد : لا والله يوم الخميس عالعشا ..بقاعة *******..
محمد : اجل العيال بيكونون معاكم من بعد دوامهم ..
الوليد : ما يحتاج يا عم .. خلهم يرتاحون ..
جواد : افا عليك بس يالوليد .. شهالكلام .. تميم اخوي مثل ما هو اخوك ..قلتلي اي قاعه ..
الوليد : دام كذا خذوا .. هذا الرقم بنتواصل عليه ..
الجود (اخو جواد ): انا بحطكم فقروب واتس ..
(الوليد طالعه عدل ورجع يطالع عمه )..
فارس قرص اذنه : ولد .. وش مطلعك انت ..مب تقوم حضرتك عالساعه ٦ الصبح ..
الجود : قمت الحين بشرب مويه.. وشفت العالم متجمعه ..
فارس : رح نام ..
الوليد : ولد مين ذا ..
محمد بوهقه : ولدي ..
الوليد : وش اسمك حبيبي ..
الجود : وييييع .. قلوا الحبايب ..انا الجود ..
الوليد : والنعم فيك والله .. الجود بن محمد ..
جواد : الجود روح داخل ..
الجود حط يده على كتف جواد : جوادوه مين هالخمه ..
محمد : ولد .. شتقول انت .. عيب هذا ولد عمك..
الجود : اي واحد .. هذا (يأشر بأصبعه )..
محمد : نزل اصبعك عيب ..
هياف : خيير .. هذا يسواك ومن جابوك يا ورع ..
نياف : عيب انت الثاني ..امسحها فوجهي يا عمي ..
محمد : لا ابد انا اعتذر لكم .. هذا ولد مرتي الثانيه ..
الوليد : التركيه ..
محمد : شلون دريت ..
الوليد : دريت ..
الجود : انتوا ما تبون تنقلعون .. يله ..
جواد : الجود ..
الوليد ابتسم وقرب منه ومسك خده : ما شالله .. عينك قويه ولسانك طويل .. ما تمشيك كلمه ابوك ..
الولد دف يد الوليد وظرب صدره بظهر يده : انا ماني قواد تمشيني الكلمه دوبك ..
جواد : الجود .. عيييب .. شنو قواد .. قال ابوك..
(طلعت سيلين ام الجود من البيت ): الجود ..
الجود : سمي ..
سيلين : انا سوف اغادر ..
الجود : الله معك ..
سيلين : وداعا شباب ..
الشباب : الله معك ..
محمد : سيده سيلين .. كلمي ابنك عن الرجال ..
سيلين قربت وخلعت النظاره : الوليد ..
الوليد : فرص سعيده سيده سيلين ..
سيلين : فرصتي اسعد ..الجود .. لما تسيئ التصرف ..
الجود : بكيفي .. انا اعامل غيري بحسب ما اثمنهم ..
سيلين : الجود .. اسلوبك غير مقبول ابدا .. انت لست صغيرا .. انا تركتك هنا لتتعلم الحياة المجتمعيه التي يعيشها والدك وتنخرط فيها لا لتخالفها بحسب مزاجك ..
الجود : وانا ما عجبتني ..
سيلين : اذا اسمع .. انا سوف الغي دعمي المادي لك .. وسوف تتحول للعمل في شركه ابن عمك بعد موافقته طبعا ..
الوليد : يا حيو ليش لا .. توني متوظفين عندي اخوانه التوأم ..
سيلين : بذكر التوأم .. اين ذهبوا .. لقد افتقدتهم ..
التوأم اربعتهم : عمتي هنا ..
سيلين : يال جمالكم .. كلما كبرتم و ازددتم جمالا واناقه ..
التوأم : ثانكس ..
سيلين : ول كام .. انا سوف اغادر .. اذا يا سيد الوليد .. سأدع ابني تحت إشرافك ..
الوليد : اعدك ان تسمعي ما يطيب خاطرك ..
سيلين : لنتمنى ذلك.. وداعا اذا .. جوني .. هيا لنذهب .. (سواقها)..
الوليد : مطلقتك تزور اهلك.. والله راعيه واجب .. ليش تركتها ..
محمد : اول ما تزوجنا حملت على طول ولمن جابت الجود قالت انا معاي اعمال ولازم ارجع تركيا اديرها .. قلت لها ماينفع انا بديره وانتي بثانيه .. حاولنا نوصل لحل بس ما فيه .. بالاخير طلبت طلاق ..طلقتها .. خذت الولد بصغره وبعدها جابته هنا .. وهذا هو قدامك ..
الوليد : كم عمرك الجود ..
الجود : ما نزوج ..
الوليد ضحك : حبيتها ..
فارس : ما عليك منه . بكره بمرك انا وياه والسيفي حقه برسله لك من اليوم لو تبي ..
الوليد : اجل عطه سعد (فارس دخل يجيب السيفي .. مستعجل الفكه منه )..
جواد : اي واحد من الجدران اللي وراك ..
الوليد : ما اسمحلك .. هالحراس بالذات متدربين على يدي ..
جواد : هم متدربين ولا انت متربي .. احس مره اكبر منك ..
الوليد : العبره مب بالعمر والطول والعرض ..
جواد : صادق والله .. اجل مين يصدق ان هالفص الصغير يكون عمره ٢٢ سنه (يقصد الجود)..
الوليد : يا سلام .. طلعت اصغر مني بسنه (حط يده على راس الجود ونكش شعر.. الجود ما سكت وتأدب .. دف يد الوليد.. وتفل فوجهه): بعد يدك ..
الوليد عصب ومسكه من ياقته : قدها يا بن محمد ..
الجود : اكيد قدها ..
الوليد : ماشي .. انا ماراح اتلفظ ولا بطولها معك هنا لان معي اهم منك ..لكن تذكر حركتك ذي ..
(جا فارس ): الوليد خذ السيفي ..
الوليد ابتسم له : هات ..مشكور .. مع السلامه ..
شاهر : يا كدونه .. ندونه .. نوري .. يله حبيباتي اخوكن ينتظر ..
نوار : خساره كنت ابي اتم شوي بعد ..انا بركب مع هياف..
ندى : انا ابي مع نينو ..
نياف : ندونه مب هنا ..
جواد ضحك : اقول يله يا نينو .. مع السلامه ..
نياف : ترا ما يضحك ..
كادي : الوليد مشغول ولا عادي اجي معاك ..
الوليد : لو مشغول (ابتسم ).. اركبي حبيبتي ..
كادي : ثانكيو (ركضت تركب فرحانه )..
(ودعوا عمامهم وركبوا):استاذ ..
الوليد : بسم الله فصلتو انتوا الاربعه ..
ضحكوا التوأم بحرج: نتعود .. ما علمتنا .. نداوم بكره ..
الوايد : تبون تداومون بكره ولا الاسبوع الجاي ..
التوأم : بكره .. ملل البيت ..
الوليد : اجل بكره على طول تجوني فالاداره واذا ما لقيتوني روحوا لنائبي بدر راشد .. وانا بوصي عليكم فالقسم . .
التوأم : مشكور ما تقصر ..
الوليد : ممكن تتعودون لي على حاجه .
التوأم : سم ..
الوليد : سم الله عدوكم .. تعودوا واحد فيكم يرد .. مب لازم كلكم مع بعض ..
التوأم : امرك (انتبهوا وضحكوا)..
الوليد : لا تنسون اخوكم ..جبوه مبكر .. لاني بكره ناوي عليه ..
التوأم : اوك ..
محمد : الوليد .. خف على الولد ..
الوليد : اكيد .. هذا ولدك بعد عمو.. اوعدك ما اطقه ..سلام عليكم ..
محمد : الله معك ..
(بعد ساعتين فبيت الوليد )..
رجوى : كدونتي .. انا ما تمشي علي سوالفك ..
كادي : ما فيني شي ..
رجوى : ماشي يا كادي .. انا ما راح اكلمك لين تقولين شاللي صاير لك ..
كادي : خالتي ..
(رجوى طنشتها ودخلت غرفتها وقفلت) ..
(كادي جري لغرفة خالتها تدق الباب ):خالتي.. خالتي رجوى .. خالتي .. افتحي .. خالتي ..
(سعاد قربت لندى): ندونه شصاير . .
ندى : خلي كادي تقول لها ..
نوار : ندون .. يله عالنوم ..
ندى : اوك .. (راحت)..
(كادي تطق بقوه وتبكي عند الباب) : خا..خالتي .. خالتيييي.. فتحي الباب .. خالتيييييييي(تمت تبكي وتشاهق وجلست عالارض عند الباب )ااااااااااا.. ااااااا.. ااا.ههااا.. هااااا..
(قرب الوليد لاخته وشالها فحضنه وهي تتضارب معه تبي خالتها):خلاص كدونه ..
كادي : ما ابييييي .. هدني .. ابي خالتييييي..
الوليد : خلاص حبيبتي .. تعالي معاي الحين ..
كادي : يمااااااا.. يمه افتحي الباب يمه .. يمه..(صارت تبكي وانخشت بحظن الوليد)..
الوليد : يله .. كلن غرفته .. نوم ..(طلعها عنده لغرفتها وتم حذالها لين ما نامت .. ونام على روحه بدون لا يحس )..


وبث👶🏻



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 09-05-2020, 11:53 PM
صورة صفحه بيضا الرمزية
صفحه بيضا صفحه بيضا غير متصل
©؛°¨غرامي نشيط¨°؛©
 
الافتراضي رد: ماضيه وحاضري/بقلمي


انا قررت اوقف الروايه ويمكن اطلب الغائها ..

الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1