حنينے لماضے ©؛°¨غرامي مشارك¨°؛©

البارت الثالث اليوم راح ينزل قراءة ممتعة 😊🌹🌹

حنينے لماضے ©؛°¨غرامي مشارك¨°؛©

البارت الثالث









اتصل عليه:الوووو وينك لا يكون دخلت
نواف: لا أنتظرك م دخلت بعدني
عماد: وين احصلك
نواف: تعال الكانتين
عماد: اوك دقايق وعندك اكون ..
توجه للكانتين اول م وصل
نواف يأشر عليه من عند جالس : هنا تعال
راح وجلس عنده : اشفيه وجهك متغير
عماد: هاه ولا شي م فيه شي يمكن من البروده
نواف: اها طيب تريد شي تاكل او تشرب
عماد: لا م ابغى شي بس ابغى أسألك شي
نواف: تفضل لا تقول جايبني هنا عشان تسال بس
عماد: انت جاوب وبس بعدين اخبرك
حمد: هلا الشباب هنا اخباركم
عماد ونواف: الحمدلله
حمد: شكله شي موضوع خاص اروح عندكم
نواف رد بسرعة : لا لا عادي خليك جالس
عماد: ايش شعورك اذا فقدت حد غالي عليك يا نواف
نواف: نفس شعور اي شخص لما يفقد حد عزيز عليه بس ليش هذا السؤال
عماد: عشان...
شهق حمد لما شاف الرسالة ورفع رأسه بسرعه لنواف ربيعه
نواف: اشفيك ايش صار
عماد حس أنه عرف الخبر وم تكلم
حمد: هاه... لا ولا شي ولا شي بس صدموني هذيلا اللي معي
عماد: نواف
رجع رأسه لعماد: هلا
عماد تنهد : عظم الله اجرك
ضحك نواف : تتمسخر ايش عظم الله اجرك
فسخ قبعته ومسح على شعره وهو يرد عليه : اهلك يا نواف ...اهلك عطوك عمرهم.
صرخ نواف واللي جالسين هناك شافو عليه : كذاب تكذب انت
عماد وحمد: الصبر يا نواف الصبر
انهار ف الأرض : تكذبوا علي انتوا تكذبوا وهو يصيح😭😭 كلكم كذابين م صحيح الخبر صح حمد قولي م صحيح خبرني وهو يهزه بقوة
نزل حمد رأسه 😞
عماد: اتصلوا علينا من مركز شرطة... وقالوا لازم نكون هناك
مسك رأسه: اخ يا قلبي 💔 وهو يصيح بشكل هستري
حمد: قول إن لله وإن إليه راجعون راحوا عند اللي أرحم منك ومنا
نواف وهو يصيح: إن لله وإن إليه راجعون إن لله وإن إليه راجعون وقف فجأة: خلا بسرعة يمكن الخبر م صحيح وهم غلطانين رايحين يتمشوا هم والله قالوا رايحين يتمشوا 😭😭😭💔 م ودعونا م ودعونا
اللي ف الكانتين يشوف عليه وراحمينه وعماد وحمد يهديوه
عماد يكلم حمد: تفرضه خليهن معك أخذه معي أنا
حمد: إن شاء الله أنا الحقكم واجي هناك ساعدوا نواف عشان ينهض وراحوا متجهين لمركز الشرطة






ف نفس الوقت
ف المستشفى
جالسه مثبته عيونها ف السقف تشوف ودموعها وحدها تنزل دخل الدكتور عندها: مرحبا يا شطوره صاحيه ومحد خبرنا
وهي بعد مثبته عيونها فوق
قال الدكتور: هاه كيف صحتك الحين
ردت من غير لا تشوفه: كيف ايكون حال وحدة م تعرف من هي وفاقدة الذاكرة بعد
تنهد الدكتور: إن الله مع الصابرين ربنا اختارك عشان يشوف مقدار صبرك اختارك انتي من بين كل الناس وهذا اختبار من عند ربك عشان يشوف ايش تسوي قولي الحمد لله غيرك اكبر من مصيبتك وتحصليهم يضحكوا وكل شي ماشيه حياتهم عادي ولا كانه صاير معهم شي
قالت: من غير أهل ايش تبي يكون أكبر من مصيبتي
رد عليها: ومن قال من دون أهل عندك اهل بس م تتذكريهم هذه الفترة بس هذه الفترة حطي خط عليها ويحتاجلك وقت بس انتي قولي الحمد لله
البنت: الحمدلله على كل حال الحمدلله...سكتت شوي بعدين قالت: والحين ايش اسوي
جلس نفس قبل : الحين شوفي عندك خيارين
البنت: ايش!!!
قال: يا انك تروحي تعيشي مع الناس اللي حصلوك أو تروحي ف دار الايتام وهم اللي يتكفلوا بكل شي
ردت: افضل الخيار الثاني من الخيار الاول م ابغى اتعلق ف ناس وانا عارفه انهم م اهلي
الدكتور: بس الخيار الثاني بعد تتعلقي بناس عارفه انك اتتركيهم
البنت : بس هذيلاك غير م نفس لما تكون ف الدار وهذيك العائلة وعندهم اولاد اعتقد م ايخذوا راحتهم ف بيتهم
الدكتور: بعدك فكري انتي وردي علي
قالت مقاطعه: اسفه اني قاطعتك خلاص هذا قراري م يحتاج تفكير
الدكتور: طيب انا الحين اروح وارجع بعدين
البنت: دكتور
شاف عليها قبل لا يطلع : ايش؟؟
البنت: متى اطلع من هنا
شال يده من مقبض الباب: والله حاليا م اعرف بس اكيد اخبرك لما نتأكد من حالتك زين
هزت راسها قال : صح بغيت اقولك عشان اسمك راح نسوي لك اسم وكل شي عشان تمشي امورك بس إلى فترة معينه وحتى انتي اختاري الاسم
قالت: طيب
الدكتور: ف شي ثاني تريديه!؟
البنت: لا شكرا
الدكتور: ولو واجبي يالله ف أمان الله اذا بغيتي شي مساعده عندك هذاك الزر ضغطي عليه وتحصليهم عندك ...وطلع من عنها




ف بيت محمد
العم : ابوك وامك خلوا امانتهم عندك باقي اخوانك
نايف: كيف م فهمت شي عمي
العم : إخوانك أمانة معك الحين انت مسؤول عنهم اهلك عطوك عمرهم ادعليهم
نايف: عمي تمزح معي ولا
محمد: لا حوله ولا قوه الا بالله لا يا ولدي م أمزح يطلبوا منك الرحمة الصبر يا ولدي عند المصيبة
نايف مخلي رأسه بين يديه: الله يرحمكم الله يرحمكم ودموعه تنزل وينهم الحين وين ....وم قدر يكمل
عمه: ف المستشفى خلا




راحوا كلهم المستشفى ف نفس الوقت وحالتهم كل حد أسوأ من الغيره نزل من السيارة ووقف م دخل شافه أخوه واقف راح معه سوي يده ف ظهره : خلا اتجلس واقف كذا يعني شافه ومشيوا داخل المستشفى استقبلهم الضابط: انتوا اهل المرحوم ناصر بن ....
محمد: ايوه نحنا
الضابط: لو سمحتوا ممكن تتفضلوا عشان تشوفوهم اذا كانوا هم ولا لا
محمد: نايف نواف دخلوا شوفو اذا كانوا ...هم ولا
نايف متردد يقدم رجل وياخر رجل
نواف: خلا نايف لازم ندخل عشان نتأكد
هزا رأسه ودخلوا اول م دخلو هبتهم هواء بارد مال الثلاجات وارتعشت أجسامهم
تقدم الضابط مع الدكتور عشان يشوفوا الجثث



خارج الغرفة
العم محمد: حد خبرها فرح
أخوه علي : أنا خبرت ام اريج تروح عندها تخبرها
محمد: زين سويت




ف داخل الغرفة الثلاجات
فتح الدكتور والضابط الثلاجات الأربع تقدموا نواف ونايف شوي شوي عند الثلاجات المفتوحة صرخ بصوت قوي: لا ....لااااااااا..م ودعتهم م ودعتهم وهو يبتعد على وراء ونايف طاح ف الأرض من الصدمة لما شافهم يعني الخبر صحيح طلع م احلم أنا
عند نواف: قالوا يروحوا ويرجعوا راحوا يتمشوا هم ليش تكذبوا علينا ليش ابوي امي جواد جود ردوا علي ردوا انتوا م رحتوا صح م رحتوا
اول م سمعوا صرخت نواف دخلو كلهم م عدا محمد م قدر يوقف هو وأخوه علي ركضوا اولاد عمه يهديوه وحد.راح عند نايف اللي طاح على الأرض ومن قادر يتكلم شافه الدكتور وراح بسرعه عنده: يا ولد تكلم اصرخ سوي شي لا تجلس كذا وهو يضربه ف وجهه واحد منكم بسرعه يجيب ماي راح حمد يركض يجيب ماي ورشوه ف وجه نايف تكلم بصوت خفيف: ماتوا يعني م نشوفهم مره ثانيه
الدكتور: الحمدلله... إن لله وإن إليه راجعون الصبر يا اولاد الصبر اذا انتوا الرجال كذا سويتوا ايش عاد نقول الحريم
هديوهم قال الضابط: الحين ننقلهم بيتكم ف سيارات الإسعاف
راحوا سيارتهم متوجهين بيتهم وسيارات الإسعاف تمشي وراهم
...................
فقد شخص حتى لو كان م نعرفه يوجع القلب م بالك بفقد الام والاب والأخوة ف نفس الوقت بس هذه سنة الحياة وم علينا الا الصبر عند المصيبة توجر عليه ويعوضك ربك باحسن منه ....


يتبع...

حنينے لماضے ©؛°¨غرامي مشارك¨°؛©







ف بيت فرح



وصلت ام اريج بيت فرح دقت الجرس وطلعت الخادمة: مدام فرح موجود
الخادمة: ايوه ماما تعال ادخل
دخلت ام اريج داخل وراحت الخادمة تنادي فرح: يا هلا بأم أريج تو م نور البيت كان خبر.... اشفيك عمتي صاير شي
ام اريج: تعالي بنتي جلسي
فرح: خوفتيني عموه والله وجهك م يبشر بالخير حد من الأهل صاير له شي
دخل زوجها عشان يسلم على ام اريج ولما شافها كذا جلس على طول عشان يعرف ايش فيها
ام اريج: أخوك قالي اجي اخذك بيت أهلك هو م قدر يتصل
زوج فرح احمد: خير عمتي عسى م شر
فرح وهي خايفه: اتوقفي قلبي عموه وانتي حالتك كذا
أول ما سمعت ام اريج كلمة اتوقفي قلبي نزلت دمعه منها خانتها ومسحتها بسرعة تقدمت عند فرح أكثر وضمتها وهي تصيح: البقيه ف حياتك بنتي اهلك...
بعدتها فرح بقوة عنها: ايش اهلي ايش تقولي عموه
أول ما سمع زوجها تقرب من فرح وجلس عندها بالمره
تكلمت ام اريج وهي تصيح: توفوا يا فرح توفوا يطلبوا الرحمة والدعاء منك
صرخت بقوة: لاااااااااااااااااا...م صحيح قبل نص ساعة مكلمتهم أو معرف قبل كم
راحت تهز عمتها: تكلمي قولي أنه م صحيح قولييييي
ام اريج تهز راسها بلا تأكد لها الخبر
فرح: هم قالوا يمروا عندي هم قالوا والله احمد صح هم قالوا يمروا عندنا أنا خبرتك أنه يمروا اهلي عشان كذا انت م طلعت وطاحت أغمي عليها ركض احمد يشيلها ركض يوصلوها المستشفى وام اريج راحت سيارة ولدها عشان تلحقهم






ف المستشفى
مكان بعيد عن الأحداث الحزينة


تفكر كيف اتكون حياتها بدون أهل وم تعرف نفسها من هي حاسه بدوامة ف رأسها وم راضيه توقف: باااااااااس
الدكتور: آنسة انتي معي
انتزقت لما شافت الدكتور جالس عندها: متى جيت
الدكتور: الله يسلم حالك لي ساعة اكلمك وانتي م معي
البنت وهي تعدل جلستها: آسفه م انتبهت عليك
الدكتور: م عليه أهم شي كيفك الحين
قالت: الحمدلله على كل حال الحمدلله
الدكتور: واجب الحمد والشكر اهم شي م تنسي كلامي اللي قلتلك عنه
البنت: إن شاء الله
مد لها اوراق
رفعت راسها متسائلة
الدكتور: هذيلا الأوراق عشان شهادتك وتثبت هويتك لحد ما تبدي تعرفي لازم تمشي بهن حياتك هذه الفترة والاسم اللي طلبتيه
خذت الاوراق وشافت مكتوب: ريمان بنت محمد.... نزلت دمعه منها
الدكتور: لا لا يا ريمان نحنا م اتفقنا كذا خليك قويه أنا متأكد انك اقوى من كذا بس بغيت اسالك
رفعت راسها من غير لا تتكلم
قال: بعدك مصره أنك تروحي دار الايتام
تنهدت وقالت: ايوه م تغير كلامي بعده سكتت شوي وقالت: دكتور
رد: نعم ريمان
ريمان: ابغى اشوف اللي ساعدوني اذا ممكن
الدكتور: ممكن ليش لا اصلا هم طلبوا قبل انهم يشوفوك بس أنا منعتهم
شافت عليه كأنها تبغى تفسير ليش منعهم أنهم يشوفونها
جاوبها كانه فهم سؤالها: عشان صحتك يا ريمان
ريمان: طيب ليش كل ساعة تقول الاسم
ضحك الدكتور: عشان لا تنسي انك انتي حاليا ريمان صح كلامي ولا غلط
هزات رأسها وهي تجاوبه: ايوه صح...متى اشوفهم
الدكتور: أنا اتصل عليهم واخبرهم
ريمان: طيب
الدكتور: يالله تريدي شي
ريمان: لا شكرا
الدكتور: العفو... صح نسيت اذا بغيتي تطلعي تغيري جو عادي
ريمان: إن شاء الله ولا يهمك
الدكتور وهو يودعها: يالله ف أمان الله طلع وسكر الباب

... يعني الحين اسمي ريمان وبعد كم يوم اطلع اروح دار الايتام يا رب صبرك يا رب رد لي ذاكرتي ف اقرب وقت يا رب يا كريم






ف بيت ناصر بن ....
وصلوا الجنايز كلهن ف البيت والناس كلهم متجمعين ف بيتهم وصلهم الخبر نزلوهم من السيارة وراحت السيارات
جات ام اريج: نايف
شاف عليها من دون لا يرد
أم اريج: عظم الله اجرك
نايف رد ويا دوب يستمع صوته: البقاء والدوام لله وين فرح
ام اريج: خذها زوجها المستشفى جاها إنهيار عصبي بس الحين الحمدلله بخير والحين ف الطريق
بعد م خلصت متكلمة شافوا سيارة واصلة وفرح تركض صوب الجنايز وهي تصيح ولحافها م فراسها من كثر م تركض بسرعة وزوجها وراها يركض
فرح: امي وأبوي اخواني اخ يا قلبي اخ يا قلبي كلكم رحتوا عني كلكم ايش اسوي بدونكم أنا ايش نسوي أنا ونواف ونايف يا ريتني رحت معكم يا ريت
نايف: م يجوز اللي تسوينه بنفسك ذكري الله ادعي يحتاجوا دعواتنا الحين
فرح: الله يرحمكم الله يرحمكم يارب يارب يا كريم يا ريتني معكم
احمد: إن لله وإن إليه راجعون لا حوله ولا قوه الا بالله
جات ام شيخة (زوجة ناصر) : وينها بنتي وين احفادي زوجها يا حرقت قلبي عليكم يا حرقت قلبي كيف رحتوا قبلي أنا اللي مفروض اروح قبلكم استغفر الله استغفر الله رحتوا وتركتونا بحرقت قلوبنا عليكم
احمد: يماه لا تقولي كذا م يجوز هذه سنة الحياة
هديوها وجيوا الغيرهم يسلموا عليهم قبل لا يشلوهم خلصوا وشلوهم
نطت فرح من مكانها: وين تاخذوهم خلوهم م شبعت بعدني ما شبعت وهي منهارة صياح
احمد مسكها ويهديها:: م يجوز نخليهم أكثر من كذا قال تعالى:"والذين إذا أصابتهم مصيبة قالوا إن لله وإن إليه راجعون". الميت اجره الدفن
فرح: إن لله وإن إليه راجعون راحت خالتها ومسكتها وراح احمد عشان الدفن دفنوهم وراحوا كلهم مجلس عشان يبديوا ايام العزاء
وعند الحريم كلهن يروحن بيت ناصر يعزوا الناس







بعد ٣ايام
ف المستشفى
مكتب الدكتور حسان
...م شي اخبار
حسان: لا م شي صراحه
العم راشد: يعني باكر اتنقلوها دار الايتام
حسان: ايوه بس بعدهم خبرناها
راشد وهو منكس رأسه: اها الله يصبرها وعسى ترجع لها ذاكرتها كان زين لو تجي معنا
حسان: يا عم خبرتها انا بس هي قالت عشان اولادك
راشد: برايه كله خير...يالله الحين استاذنك اروح معي شغل
حسان: أذنك معك كيف باكر م تجي عشان تسلم عليها
راشد: اجي إن شاء الله ....ف أمان الله







ف بيت العزاء



جالسات الحريم ف مجلس الحريم والرجال ف مجلس الرجال
الحريم جالسات معها يواسنها: الله يرحمكم الله يرحمكم امي ابوي اخواني بعدهم صغار بعدهم صغار صدق الموت م يرحم لا صغير ولا كبير اختي صح اختي نهضت بسرعة وين نواف وبن نواف نايف وهي متجه مجلس الرجال راحت عمتها لحقت بسرعه فرح: وين فرح يا بنتي فرح تعالي هناك رجال م يصير
فرح وهي تصيح ومنهاره: اختي عمتي اختي م معهم م مع اهلي كلهم هناك بس هي م معهم
عمتها مريم؛ طيب لحظه يا بنت.. شافت ولدها ماشي: فهد يا ولد تعال
راح ولدها: نعم ماما
مريم: اسمع روح نادي نواف ولا نايف قوله امي تبغاك عيد ايش قلت
فهد؛ أقوله ماما تبغاك
مريم: روح الحين
راح يركض المجلس دخل المجلس وتوجه عند نايف
فهد: نايف نايف ماما تبغاك
نايف: وين
فهد: بلا تقول تعال
نايف: طيب يكلم الرجال الحين ارجع
طلع مع فهد ولد عمته اول م وصل عند عمته شاف أخته جالسه على الأرض جنب عمته فرح اول م شافته نهضت بسرعة: اختي بعدها اختي هم أربعة بس أربعة
جلس يتذكر كم واحد لما شافهم: ايوه صح أربعة بس لا حوله ولا قوه الا بالله اتصل بالشرطي راح بعيد عنهم واتصل بالشرطي





ف قسم الشرطة يرن التلفون: الوووو السلام عليكم
نايف: وعليكم السلام لو سمحت بغيت اسالك بخصوص الحادث
الشرطي: تفضل خير اخوي
نايف وقلبه يدق بقوة خايف من تلقي الخبر: لما حصلت السيارة كم شخص فيها كان
فيصل: حصلنا أربعة أشخاص ليش
نايف: اه يا قلبى وهو ماسك قلبه
فيصل: خير يا اخوي ايش صاير
نايف: اختي معهم كانت ومفقوده م حصلناها
فيصل: كيف يعني هم اصلا خمسة أشخاص ... ممكن تتفضل معنا عشان تاخذ التفاصيل منك
نايف: إن شاء الله...على خير



ف المستشفى


دخل غرفة ريمان: مساء الخير يا ريمان
ريمان: مساء النور
حسان: اخبارك يا ريمان
ريمان: الحمدلله وانت
حسان: الحمدلله نشكر الله
ريمان: خير يا دكتور والله حفظت شكلك من كثر م تجي معي هنا الغرفة
ضحك حسان: عارف انك اتقولي كذا أنا راز وجهي صح لاه
ريمان تصحح: لا م أقصد كذا بس يعني م ف تغيير ابدا
ضحك بقوة من كلامها: خلاص ايصير تغيير إن شاء الله باكر
ريمان بعد هدوء: كيف باكر
حسان: يعني باكر اتروحي دار الايتام
ريمان بصوت هادئ: اها يعني م شي امل أنه اهلي يطلعوا
حسان: الامل بالله خلي املك بالله كبير وإن شاء الله م يصير لك الا م كتب الله لك محد يقدر يغير اللي صار
ريمان: الحمدلله على كل حال
حسان: الحمدلله والحين بدي جهزي نفسك
ريمان: إن شاء الله
حسان: وصح حاولي تتجاوزي عن خوفك وتكوني قويه







انتهى البارت
توقعاتكم 😊....

arrora عضو موقوف من الإداره

الله يعطيط العافيه رواية جميلة جدا اتمنى لك اوقات سعيده

غموض الحنين ©؛°¨غرامي مشارك¨°؛©

المشاركة الأساسية كتبها حنينے لماضے اقتباس :
.
.
.
.

.
.
.
.
.
.
.
.
... وقف وقف
..خير يا بنت الناس
..وقف السيارة حادث
..وين
.. اشرت صوب السيارة
...لا حوله ولا قوه الا بالله
....لا حوله ولا قوه الا بالله شكلهم محد منهم عايش
وقف ونزلوا من السيارة في الوقت اللي تجمعوا فيه الناس ووصلت الاسعاف والشرطة


.. بعدوا عن المكان لو سمحتوا كلكم بعدوا عن السيارة زحف الناس من هناك طلعوهم من السيارة : لا حوله ولا قوه الا بالله إن لله وإن إليه راجعون خرجوهم من السيارة وغطوهم
... سيدي فتشنا كل السيارة م حصلنا شي وثائق كلهن مخترقات
... طيب ناخذ الجثث نكشف عن الحمض النووي نقولهم ف السيارة بسرعة وحوطوا المكان عشان الإجراءات
...حاضر سيدي
مشى ووقف : كم جثة هي !؟
...٤ شكلهم اثنين صغار بنت وولد ورجال وحرمة
..طيب نقلوهم بسرعة
نقولهم عند الطب الشرعى عشان التحاليل بعد الفحص وأخذ العينات
...متى تطلع التحاليل
... بعد ساعتين إن شاء الله
.. طيب اول م تطلع خبرونا
..حاضر حضرة الضابط





ف نفس الوقت
ف مكان ثاني
انشئ وثيابها متقطعه ولحافها م ف رأسها ف مكان مجهول بعيد عن الناس م عارفه وين تتجه سمعت حد يتكلم
...يا غبي افرش هنا م تشوف شمس هناك واجد
...م الغبي غيرك تعال لاه وحدك افرش جالس تسب 😒
...اوك اسف مستر افرش هناك لو سمحت
..بس انت وإياه كله مناقرة بس
..يبه هو اللي يبدأ يسب أنا ساكت
...ابوي أنا جالس أفهمه أنه هناك شمس واجد
...اللي يفهم م يسب فاهم 😒
...بس انت وإياه م تخلصوا يعني
سكتوا بثنينهم بعد م صرخ عليهم ابوهم
جات الام: ايش مره هناك م نخلص يعني
الاب:هذيلا شوقي ومنير اللي م يخلصوا مشاركات
الام: الله يهديهم يارب
بنتها وهي جايه: آمين يارب
توجهت عندهم اول م وصلت اغمى عليها قدامهم
من الصدمة اللي شهق واللي حط يده ف فمه
صرخوا ف نفس الوقت :يمه يبه تعالو بسرعه
راحوا يركضوا عند أولادهم اول م شافتها الام غطتها بسرعه وهي تهذي بكلمات: ابغى...ما..ماي
الام : رنا بسرعة ماي جيبي للبنت
ركضت رنا تجيب ماي
رنا:خذي يمه الماي
هذه وشربتها ماي بدت تصحصح شوي نقلنها ف السجاد عشان ترتاح
الام: من انتي بنتي ايش جابك هنا
البنت المجهولة : من أنا شافت عليهن معرف من أنا انا كيف جيت هنا من انتوا
رنا: يمه لا يكون اللي افكر فيه صح
الام:ايش!!!
تكلمت بصوت خفيف: شكلها فاقدة الذاكرة
صرخت البنت المجهولة وهي ماسكة رأسها: اخ راسي أخ يعورني وهي تصيح من أنا من أنا وليش هنا أنا
راحت عندها الام ومسحت على راسها وهي تقرأ عليها لحد م نامت
الام:جلسي عندها الحين اجي أنا
رنا: إن شاء الله يمه
جلست عندها وراحت الام عند زوجها
الاب :هاه عرفتيها من هذه البنت اللي طلعت فجأة
الام: لا والله م عرفتها وشكلها م تعرف نفسها هي
الاب بخوف : يا خوفي تكون وحدة ....
الام مقاطعه: لا م اتوقع شكلها صار معها حادث ولا شي وبعدين م عرفت ايش صار معها
الاب:عسى اللي تقوليه يطلع صح ..

انتهى البارت توقعاتكم
ايش قصة البنت !؟
وهل صحيح فاقدة الذاكرة !؟
كيف يتصرفوا الأهل اللي حصلوها!؟





امم مرحبا حنين الماضي
بصراحه اول رواية اقراها وتعجبني بقوهه
الى الامام بس ممكن تقولين لنا متى مواعيد البارتات عشان م ننتظر كثير وميرسسسيييي كثير

حنينے لماضے ©؛°¨غرامي مشارك¨°؛©

المشاركة الأساسية كتبها غموض الحنين اقتباس :
امم مرحبا حنين الماضي
بصراحه اول رواية اقراها وتعجبني بقوهه
الى الامام بس ممكن تقولين لنا متى مواعيد البارتات عشان م ننتظر كثير وميرسسسيييي كثير
مرحبا فيك غموض شرفتي الرواية
شكرا لك على إبداء رأيك فيها 🌹 ف الاسبوع انزل بارتين إن شاء الله يوم الاثنين والخميس
تسلمي على المرور 💐

حنينے لماضے ©؛°¨غرامي مشارك¨°؛©

إن شاء الله البارت الرابع اليوم أنزله بسبب الظروف واتمنى قراءة ممتعة للجميع 🌹

حنينے لماضے ©؛°¨غرامي مشارك¨°؛©









البارت الرابع

.
.
.
.
.
.
.
.
لما وصل مركز الشرطة
دق الباب: تفضل
محمد: سيدي ف شخص يريد يقابلك
فيصل: خليه يدخل
محمد: حاضر سيدي وطلع ودخل نايف
نايف : السلام عليكم وتبادلوا التصافح
فيصل: وعليكم السلام تفضل حياك اجلس
نايف: زاد فضلك
فيصل: جاي عشان الموضوع صح
نايف: ايوه وابغى كل المعلومات لو سمحت
فيصل: يعني اللي موجودين في السيارة خمسة أشخاص م أربعة فهمت من كلامك
نايف: ايوه خمسة أشخاص باقية اختي بعدها
فيصل: طيب نحنا لما رحنا هناك حصلنا أربعة أشخاص بس وبعد السيارة كانت تحترق وم شي اي دليل لشخص خامس كان ف السيارة
نايف صرخ بقوة : كيف كذا فهمني
فيصل: هدي يا اخ نايف م كذا التفاهم
نايف رجع وجلس ف كرسيه: اسف والله بس قدر ظروفي وعائلتي يعني هذه أمانة تعرف ايش يعني أمانة امي ابوي الله يرحمهم راحوا وخلوهم أمانة عندى حتى لو كانت الاخت أكبر وحده بس الولد اولى يتحمل المسؤولية
فيصل: فاهم كلامك والله بس شوف يا اخ نايف نحنا رح نعمم على كل المراكز اللي هنا والمراكز اللي حصلنا فيه الحادث أكثر من كذا اعذرني م اقدر اسوي شي
نايف: طيب حضرة الضابط واي جديد خبرنا فيه ننتظر اتصالك نحنا
فيصل: إنشاء الله وعسى خير
نايف: عسى الحين استاذنك اروح ف أمان الله
فيصل: ف أمان الله









ف بيت ناصر (ابو نايف)

فرح : اتصل عليه شوف ايش صار
نواف: ليش محد خبرني باللي صار
فرح: كنت داخل م بغينا نوتر الموجودين
نواف: هذا رد الووو وينك يا رجال ايش صار
نايف: عرفت؟؟؟
نواف: ايوه خبرتني فرح كان خبرتني يا رجال
نايف: برايه لو جيت م راح تستفيد شي
نواف: كيف ؟؟
نايف: قالوا حصلوا أربعة أشخاص بس ف السيارة
نواف: لا حوله ولا قوه الا بالله العلي العظيم والحين كيف
نايف: عمموا على كل المراكز واذا صار جديد ايخبرونا
نواف: عسى خير يارب الحين انت وينك
نايف: ف الطريق ٥دقايق وواصل
نواف: درب السلامه
نايف: الله يسلمك


فرح: هاه ايش قال
نواف: م شي فايدة م حصلوها
فرح: إن لله وإن إليه راجعون
نواف: كله خير والله كلنا نفس الشعور بي م بيدنا شي نسويه
فرح: اللهم اجعله خير
نواف: امين يارب والحين روحي داخل عشان م يقلقوا الحريم
فرح : طيب وراحت داخل وهي منهد حيلها








ف المستشفى



الحين باكر اروح من هنا خلاص الله يعيني يا رب لازم أرتب الأغراض كلهن احاول اتاقلم على الوضع الجديد وعسى يكونوا البي هناك زينين يا رب يا رب أنا اخذ على نصائح الدكتور إن شاء الله وتفكر إلى م نامت







.....يا ولدي اختك أمانة هي محتاجتك
...: ابوي !!!!
...: ايوه ابوك اختك صغيره م تعرف واجد دور عليها دور عليها يا نايف
نهض منتزق خايف: بسم الله الرحمن الرحيم لازم ادور عليها لازم احصلها شرب ماي ورجع ينام مره ثانيه بعد م هدا نفسه





اليوم الثاني صباح




حسان: صباح الخير ريمان اليوم صاحية من وقت
ريمان: صباح النور قبل أنا نمت زين عشان انهض من وقت
حسان: افا يا اخت ريمان ليش م نمتي زين
ريمان : افكر ف اليوم ايش يصير
حسان : اهاه كذا السالفة خلاص لا تحاتي أنا اسير عليك ف كل مره
ريمان: اعرفك م تقصر جزاك الله خير
حسان: ولو واجبي ف الخدمة أنا
ريمان وهي مبتسمة : نردها لك ف أفراحك
تكلم وعلى وجهة ابتسامة: دعيلي اتزوج
ريمان رافعه يدها فوق: يا رب تتزوج يا رب يرزقك ببنت الحلال واحب احضر عرسك
حسان وهو يغمزلها : تحضري العرس هاه 😏
ريمان: ايوه لازم لاه ⁦☺️⁩
دق الباب: السلام عليكم ورحمه الله وبركاته
العم راشد: مجتمعين ما شاء الله
حسان: ايوه شوي عمي نقضي وقت
العم راشد: اخبارك بنتي ريمان
ريمان: الحمدلله عمي عاش من شافك
العم راشد: تسلمي بنتي هاه كيف جاهزه
ريمان: والله ايش اقولك ايوه جاهزه
العم راشد: توكلي على ربك وكل شي خير
ريمان: إن شاء الله
حسان: ايوه مثل م قلتلك كوني قوية مثل الحين م عرفتك
العم راشد مازح: مداك تعرفها
ريمان: م الومه صراحه عمي كل يوم عندي كيف م يعرفني راز وجهه
ضحك حسان وسوى نفسه كانه زعلان : افا كذا تشكريني م هجيتها منك
ريمان: م قصدي والله شي امزح معك
ابتسم وهو يربت على كتفها: ادري والله بنت اصل
ابتسمت وم علقت









جالس عند تلفونه ينتظر اتصال رن تلفونه وفز من مكانه شاف المتصل وفقد الامل البي كان موجود فيه: السلام عليكم
سالم: وعليكم السلام ورحمه الله وبركاته اخبارك اليوم
نايف: الحمدلله نشكر الله انت اخبارك
سالم: الحمدلله طيب طاب حالك هاه كيف م تداوم
نايف: وانا يلي نفس لدوام وغيره هذا الأسبوع اكمل م اداوم
سالم: اهاه الله يصبرك ويكون ف عونك
نايف: آمين يارب أنا خبرت المدير وقال يسد مكاني لحد م اداوم الله يجزاه خير
سالم: زين تفهم وضعك المهم انتبه على نفسك يا اخوي
نايف: إن شاء الله ولا يهمك توصي بشي
سالم: أنا اللي مفروض أسألك هذا السؤال من صوبي م شي غير كل خير
نايف: لا ابد سلامتك
سالم: الله يسلمك اجل الحين اروح عندي حصة
نايف: م اعطلك. مع السلامه
سالم: مع السلامه
منصور: هاه ايش قال ؟!
سالم: الله يعينه صوته م يطمن قال إنه ايكمل الاسبوع كامل م يداوم
منصور: صدق الله يعينه ويصبره يا رب
سالم: امين يارب..يالله يا استاذ أنا اروح عشان الدرس اتعرف الحين طلابي النشيطين يفكروني م جاي وكلهم ما شاء الله داخل الفصل
منصور وهو يضحك ويضرب كتف سالم : الله يخس ابليسك ابوي هذا حال الطلاب الحين ايش تسوي فيهم اذا كانوا يحبوا العلم لهذي الدرجة
سالم وهو طالع: صدق كلامك والله الله يعين بس اشوفك بعدين وهو يلوح يده عليه






نزلت تحت وحصلت إخوانها جالسين ف الصالة
فرح: ما داومتوا؟!
نايف ونواف: خذينا إجازة هذا الأسبوع
فرح وهي تجلس:صدق من ياه نفس يروح الدوام الا م شي اخبار جديده
نايف: لا م شي قال الضابط اذا شي جديد ابخبرنا ونحنا أمس بس الا ذكرنا
نواف: ايوه صدق ونحنا نبغى نروح ندور بس م نعرف من وين نبدا
فرح: يا رب تحفظها وين م تكون وترجعها لنا


حنينے لماضے ©؛°¨غرامي مشارك¨°؛©






نايف ونواف ف نفس الوقت: امين يارب الله يسمع منك
قال نايف: وانتي عاد لا تعبي نفسك ترى حد ف بطنك
فرح : لا تحاتي





ف المستشفى

مجهزة اغراضها وكل شي بس تنتظر يجوا ينادوها عشان تروح
دخل الدكتور حسان ومعه أوراقها: هاه اشوفك جاهزة ما شاء الله مستعجله شو
ابتسمت وم غابت نظرة الخوف من عيونها: هذا مصيري ترى ايش اسوي
تقرب منها ومد يده: دام كذا يالله حان وقت الوداع
ريمان: م احب الوداع بس انت قول إن شاء الله نشوفك مره ثانيه
حسان: اكيد م ننقطع عنك قال مازح: ترى تعبت يدي وانا مادنها
نزلت راسها من الفشلة: اوه اسفه ومدت يدها ومشوا إلى السيارة اللي تنقلهم إلى دار الايتام وكان معها بنات واولاد غيرهم بس اصغر منها
رقص على يدها وحط يده الثانية ف يدها لما وصل عند السيارة : هاه م أوصيك على نفسك ديري بالك على نفسك وخذي بنصايحي
حطت يدها الثانية ف يده ودموعها تنزل: إن شاء الله اخوي بس لا تقطعني
بعد يده عن يدها وهو يمسح دموعها: افا ليش الدموع م احب اشوف دموعك
ابتسمت من بين دموعها : حاضر دكتور حسان
قال: ايوه كذا ابتسمي بس من دون دموع
فاطمة : يالله يا ريمان باقية انتي
لفت عليها: الحين جايه يالله يا دكتور نشوفك ف وقت قريب إن شاء الله
حسان: إن شاء الله بس المره الغيرها قولي اخوي حسان بدون دكتور
اشرت على عيونها: والحين نستاذنك ف أمان الله
حسان: ف أمان الكريم
ركبت السيارة وسلمت عليه بيدها لحد م غابت السيارة عن نظره




ف السيارة

فاطمة : اخباركم يا ابطال
ردوا كلهم م عدا ريمان: الحمدلله
فاطمة تكمل وهي تشوف على ريمان : متحمسين
قالوا: ايوه واجد واجد
فاطمة : فديت الواجد الله يحفظكم يا رب وجهة السؤال لريمان : وانتي يا ريمان
ريمان جاوبتها وعيونها على دريشة السيارة تشوف: أنا خائفة هم بعدهم صغار م يعرفوا شي يفكروا رايحين لحديقة العاب عكسي أنا
فاطمة: انتي خليكي متفائلة وانا مثل م عرفت انك فترة مؤقته صح ولا غلطانة
ريمان شافت عليها: ايوه وعسى تمر بسرعة هذه الفترة لاني عاد انفجر
فاطمة تواسيها: الصبر يا ريمان الصبر إن الله مع الصابرين
سكتت ريمان تنهي المحادثه
قالت فاطمة تحاول تخفف التوتر اللي ف ريمان وبقية الاطفال: م تريدوا تعرفوا اسمي
تعالى صوت الاطفال : ايوه نريد ايش اسمك
شافت ريمان عليها كأنها تقول وانا بعد ابغى اعرف بس م تكلمت وفهمت عليها
جاوبتهم: اسمي فاطمة
ريمان: عاشت الاسامي فاطمة
فاطمة : عاشت ايامك.
ريمان: اسمعوا يا حلوين انتوا نادوها خالوه فاطمة ايش تنادونها
ردوا: خالوه فاطمة
قال واحد منهم : وانتي ايش تقولي لها
ريمان : أنا اقولها فاطمة لأنها مثل اختي بس انتي مثل امكم
قالوا: اها زين وانتي بعد خالوه نقولك
ريمان ابتسمت وهي تمسح على شعره اللي جالس جنبها: على كيفكم عادي استقبل بس هذه وهي تأشر على فاطمة غير لأنها اكبركم هي
ابراهيم: ايش اسمك
ريمان شافته: افا أمس جالس معي وم تعرف ايش اسمي
ابراهيم: ترى م قلتي اسمك
ريمان: انا اسمي ريمان
ابراهيم ببراءة : حلو اسمك.
ريمان وهي تمسك خدوده: وانت الاحلى
تكلمت فاطمة بعد م سمعت حديثهم: وهذا وصلنا بعيد صح
ريمان: تقدري تقولي ساعة كاملة
فاطمة: ايوه كذا الحين انزلوا يستقبلوكم
نزلوا كلهم وهم خايفين واكثر وحده ريمان دخلوا وشافتهم وحدة استقبلتهم م ارتاحت لها ريمان من طريقة سلامها لها
قالت: عرفونا على نفسكم يا حلوين
الاول: أنا ابراهيم
مريم: عاشت الاسامي برهوم حلو اسمك
اتسم ببراءة: شكرا
مريم وهي رايحه للولد الثاني: وانت يا حلو ايش اسمك
قال: فارس
مريم: يا سلام يا فارس اسمك جميل
رد لها الابتسامه
قالت: والحلوه اللي واقفه هناك
لفت تشوف على وراها
اشرت عليها : انتي اللي تشوف على وراها
قالت وهي تأشر على نفسها : انا
جاوبتها: ايوه انتي يا شاطره
قال: انا اسمي شهد
مريم: يا سلام اسمائكم حلوه كلكم وانتوا بعد حلوين
توجهت عندها وحطت يدها على أكتافها: وانتي ايش اسمك م نسيتك
قالت: أنا ريمان اسمي المؤقت حاليا وانتي ايش اسمك
مريم: عاشت الاسامي ريمان حلو الاسم معك مريم اكون المشرفة هنا بين فترة وفترة
ريمان: عاشت ايامك يا هلا فيك
مريم: اهلين فيكم انتوا تعالوا ادخلوا حياكم وتعرفوا على أصدقائكم هنا
دخلوا داخل غرفة كل الصغار موجودين فيها
ريمان بين نفسها : شكلي ظلمتها م يصير احكم من اول لقاء يالله عسى خير
فاطمة تلوح يدها قدام ريمان : يا حلوه وين وصلتي
ريمان : هاه هنا معك
فاطمة: وين معي وانا من ساعة اكلمك
ضحكت ريمان : اسفه كنت افكر
بادلتها الابتسامه: عادي م عليه المهم شوفي هذيلا البنات قريب من عمرك
رفعت راسها تشوفهم : السلام عليكم
ردوا: وعليكم السلام
تقدمت منها بنت نفس طولها وجسمها عدل وشعرها اشقر وعيونها خضراء وصلت عندها ومدت يدها : مرحبا معك صفاء عمري ١٤ يعنعادرس صف ٩حاليا وانتي ايش اسمك
مدت يدها تسلم عليها: اهلا فيك صفاء أنا ريمان نفس عمرك وكل شي
قفزت وصرخت من الفرحة : يس حماس يعني اتكوني صديقتي المفضلة وانا صديقتك المفضلة لانا نفس العمر
انتزقت من صرختها وتراجعت على وراء ضحكت صفاء: اسفه م عبالي تخافي كذا
قالت وحده من وراء: غش كذا ايس صديقتك المفضلة ونحنا وين رحنا هاه معك بلقيس عمري ١٣ اصغر منك بس لساني اكبر منكم هع
ابتسمت ريمان : مرحبا فيك بلقيس ايوه واضح فكرت اتقولي اكبر من عمري
صفاء: صح نسيت بس نحنا هنا كلنا صديقات واخوات يعني لا تحاتي بعد باقيات ٢ الحين يجوا م خلصت كلامها والا وبنتين يركضن صوب البنات : بيب وسعوا لا يصير حادث وسعوا وسعوا وصلن عندهن ووقفن
بلقيس: الحمدلله على سلامتكم
جاوبتها وحدة وهي تلهث من التعب : الله يسلمك كنا انسوي حادث
صفاء: بعيد الشر عنكم
قالت ولغيرها : هذه متهورة م اركب معك مره ثانيه
وريمان تشوفهن ومبتسمة
قالت الاولى: اششش سكتي اتقول عنا البنت مجنونات هذيلا
ضحكت بلقيس بقوة : اونه تتكلم بخفيف كذا م اقول شي كفك كفك صفوي
ردت لها الكف صفاء وهي تضحك: الله يعين
قالت الثانية وهي تكلم ريمان : اقول م عليك منهن هذيلا معك أرجوان عمري ١٢ مدت يدها للثانية كأنها تسلمها المايك : خذي المايك معك الحين
مدت يدها كانها تأخذ المايك : وانا جمان عمري سيم سيم ارجوان بس ترى نحنا م تؤام
قالت ريمان والإبتسامة فوجهها: عاشت الاسامي حلوه اسمائكم
قالت: عاشت ايامك
تكلمت فاطمة بعد متابعة الموقف بصمت : الحين اروح اخليك معهن تتعرفي عليهن أكثر مع السلامه وطلعت من عندهن
حست براحة بوجود البنات معها وراح الخوف منها لأنهن شكلهن طيبات
وصلتها رسالة : هلا ريمان كيفك وكيف الدار معك قلت ارسل نشوف اخبارك وانا إن شاء الله بعد يومين ازورك عشان العلاج
ردت له: الحمدلله زين الدار وانا طيبه انت اخبارك شكرا لسؤالك 😊



انتهى البارت انتظرونا في البارت القادم
قراءة ممتعة 🌹

حنينے لماضے ©؛°¨غرامي مشارك¨°؛©








البارت الخامس
...

دخل الكلاس : السلام عليكم
ردوا: وعليكم السلام ورحمه الله وبركاته
المستر : good morning
الطلاب: good morning Mr
المستر: where is Niwaf
حد من أصدقائه: Mr he have condolences
المستر : what 😳
رد: yes Mr your family is death
المستر وحزنان عليه : OMG all of them?!
قال: No Mr father mother sister and brother
المستر : oh how are you new
الطالب: الحمدلله
المستر : الحمدلله you are going to extend to their warm condolenees
الطالب: yes now condolenees days are finished
المستر: oh ok can not visit in your home
الطالب: no problem Mr he site in your home
المستر: Thanks وكمل شرح للطلاب





ف مكان ثاني

جالسين ف الصالة ودق الباب: أنا اروح افتح
راح يفتح الباب: هلا عمي اخبارك
محمد: الحمدلله وانت
نايف: الحمدلله تعال ادخل حياك
دخل العم وسلم على أولاد أخوه : هاه كيف م شي اخبار عن اختكم
نواف: والله يا عمي لحد الحين م شي عالرغم من التعميم على مراكز الشرطة بس معرف كيف
محمد: سبحان الله عسى تكون بخير
الكل : عسى يا رب
محمد: اهم شي لا تنسوها بالدعاء عليها
فرح : ولا يهمك عمي
محمد: ايوه وانتي كثري ترى دعوة الحامل مستجابة
فرح: إن شاء الله عمي
جلسوا يكملوا سوالف بعدين استأذن منهم وطلع من عندهم






ف مركز الشرطة

...: كيف م تعرف وينها ولا وصل اي خبر عنها
الشرطي: سيدي ما...اعرف م اعرف والله ترى نسوي الإجراءات اللازمة نحنا
الضابط: تعرف كم مر من توفوا أهلها احسب من يوم الاحد إلى اليوم كم مرت هاه والبنت م شي خبر عنها
الشرطي وهو خايف من عصبيت فيصل: نحنا م مقصرين بس م شي سهل
فيصل: هذه أمانة الناس تأكلين علي أنا استغفر الله العلي العظيم استغفر الله وجلس ف كرسيه شال قبعته من رأسه ورجع شعره على وراء تقدم منه الشرطي: سيدي اعرف انها أمانة بس م بيدك حيلة انت نحنا الحين نسوي اللي نقدر عليه والباقي ربي يكتبه
فيصل: صدق كلامك الله يسهل يا رب
الشرطي: امين يا رب




ف دار الايتام
الساعة ١٢:٣٠ظهرا


دخلت غرفة البنات : يالله يا بنات بعد شوي وقت الغداء غسلوا وتعالوا
ريمان: م كانه من وقت
مريم: لا حبيبتي هذا النظام الحين عندنا
ريمان : أهاه
مريم: ايوه اروح أنا لا تتاخروا
ردن: إن شاء الله
نهضن عشان يغسلن
صفاء: ريمان ريمان
ريمان: هلا
صفاء: م خبرتينا عنك واجد
ريمان: احلى وقت وقت الليل أخبركم
بلقيس: أيوه صدق وقت الليل احسن
أرجوان وجنان: ونحنا نتفق
ريمان : بس ابغى أخبركم شي
قالن: ايش؟!؛
ريمان: أنا م اسمي الحقيقي ريمان
انصدمن: شو!!!!
ريمان : ايوه م اسمي الحقيقي اسم مؤقت بس
صفاء: شوقتيني اعرف السالفة
بلقيس وارجوان وجمان: وانا بعد تشوقت يا ربي متى يجي الليل
ضحكت ريمان : خلا لا تعصب مريم وتجي تسحبنا
ضحكن البنات: صدقك شكلك تعرفيها من زمان
ريمان: لا بس الواحد يحدد موقفه من اول لقاء صح ولا لا
جمان: ايوه صح قالت وهي مطلعة ضروسها كلهن: ونحنا كيف شفتينا
ريمان : امممممم انتن بروحكن فلة
أرجوان: لا لا م اقدر
بلقيس: استحي صراحه خفي علينا شوي ريمان
مريم: بنات وينكم خلا بسرعة
اول م سمعن صوتها ركضن كلهن غرفة الطعام







ف بيت من زمان م دخلناه ولا رحنا عائلتهم على طاولة الطعام
رنا: يمه يعني الحين خلاص راحت دار الايتام هناك تعيش
سليمه: ايوه الصباح راحت
رنا: خسارة كان زين لو جات عندنا تسلينا شوي
راشد: ترى هي اللي اختارت م نجبرها نحنا
رنا: صدق يبه
رائد: البنت راحت للمكان اللي ترتاح فيه أكثر
سليمه: ايوه يالله كله خير






ف دار الايتام


مريم: بعد م تخلصن شلن صحونكن وغسلنهن
جمان تكلم بخفيف: النظام نظام
ضحكن كلهن
مريم تشوفهن بنص عين : ايش المضحك م اظن قلت نكتة أنا
صفاء: ضحكتنا حمام انشرقت وهي تاكل
مريم: اها يالله تحركن
مشين إلى المغاسل
جنان: يا حيوانه متى انشرقت
صفاء: عيل تريدي اقولها نضحك عليك
بلقيس: كان اتحصلينا ف الشمس ننظف الحين
ريمان : لهدرجة
أرجوان: الخير قدامنا يا بنت لا تستعجلي بعدك جديده
ريمان سكتت وهي تقول ف نفسها : الله يعيني يا رب



اشفيك جالس كانك مهموم وهموم الدنيا على راسك
حسان: والله بيني وبين نفسك شايل هم المريضة الجديدة اللي معي
اسماعيل: اللي فاقدة ذاكرتها واهلها م معها
حسان: ايوه اليوم خذوها دار الايتام هناك تعيش لحد م تتذكر
اسماعيل: أجل كيف بخصوص العلاج
حسان: أنا بروح عندها الدار عشان العلاج اممممم عندك طريقة عشان العلاج
اسماعيل: والله م فكرت بطريقة علاق صح عندي فكرة
حسان تحمس: اتحفنا ايش فكرتك
قال وهو على حماسة: خليها تروح العمرة
سكت يفكر
كمل كلامة : صحيح كلامي يا ما ناس راحت هناك ورجعت وهي راضيه واعرف قصة الحرمة اللي راحت هناك وهي م تشوف فاقدة بصرها وسبحان الله لنا وصلت عند الكعبة ردلها بصرها اذا سمعت بهذه القصة
قال: ايوه سمعت يعني رايك اتوكل واقولها
اسماعيل: ايوه توكل
حسان : خلاص اقولها لما اروح باكر عندها أو بعد باكر
اسماعيل: صدقني م تندم والله
حسان: إن شاء الله


أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1