غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 01-03-2020, 09:53 AM
صورة M&Ms الرمزية
M&Ms M&Ms غير متصل
©؛°¨غرامي مشارك¨°؛©
 
الافتراضي رد: روايتي الثانية:وين اهلي !!


بصراحه ودي ترجع لأهلها ...
بس بتنصدم اكثر لو عرفت بوفاة امها وابوها واثنين من اخوانها
وضعها صعب




تسلم الايادي حنينے لماضے
اتمنى لك دوام التألق

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 01-03-2020, 11:51 PM
صورة الفيروزه الرمزية
الفيروزه الفيروزه غير متصل
©؛°¨غرامي مشارك¨°؛©
 
الافتراضي رد: روايتي الثانية:وين اهلي !!


اقتباس:
المشاركة الأساسية كتبها m&ms مشاهدة المشاركة
بصراحه ودي ترجع لأهلها ...
بس بتنصدم اكثر لو عرفت بوفاة امها وابوها واثنين من اخوانها
وضعها صعب




تسلم الايادي حنينے لماضے
اتمنى لك دوام التألق
صح كلامك وضعها صعب
وشلون بتكون ردت فعلها يوم تسمع بوفاتهم ..الله يعينها ههه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 02-03-2020, 12:11 AM
حنينے لماضے حنينے لماضے غير متصل
©؛°¨غرامي مشارك¨°؛©
 
الافتراضي رد: روايتي الثانية:وين اهلي !!


[b]تكملت البارت السادس


يتبع 👇




نواف: ايوه لحظه اسوي سبيكر الحين يسوق
فرح: اوك
نايف: هلا فروحة واصله البيت
فرح: ايوه
نواف: اسمعي عندنا لك اخبار حلوه
نايف: ايوه
كمل نواف يسبق أخوه: أنا أتكلم وس انت اسكت
نايف: تكلم يا البزر 😒
فرح: حصلتوها وهي فرحانة
نواف: صراحه هي م حصلناها بس حصلنا شي يخصها يعني شي أمل
فرح: الحمدلله لك يارب الحمدلله متى توصلو البيت
نواف: قريب قريب ونوصل
فرح: طيب ديروا بالكم أنا انتظركم ف البيت
نايف: فروحه وحدك ف البيت
فرح: لا لما شفت محد ف البيت خليت احمد يجلس معي
نايف: زين سويتي
نواف: يالله الحين أسكر أشوفك ف البيت
فرح: ف حفظ الرحمن






تنتقل من محل لمحل تشتري الاغراض: الحمدلله خلصت
حسان: متأكدة م مشتريه كل الأغراض اللي ف السوق 😏
شافته بنظرة ولافه بوزها: تتمسخر 😒
حسان: لا بس ما شاء الله الاكياس
ريمان : اذا م قادر تشلها جيب أنا وحدي اشلهن
حسان: امزح اشفيك ريمان
ريمان: طيب خلا نرجع
حسان: اوك بس اذا م حصلنا حد هناك نروح بيتنا اشرايك
ريمان : شوووو لا م يستوي
حسان: ترى خبرتهم عنك وعاد اختي تريد تتعرف عليك
ريمان: بس فضيحه
حسان: لا فضيحه ولا شي
ريمان وهي تفكر : طيب م الحين مره غيرها م مستعدة الحين
حسان: طيب براحتك بس اذا م حصلنا حد هناك م اخليك بروحك هناك
ريمان وهي مبتسمة: وديني البحر هناك نتغدى 😊
حسان وعجبته الفكرة: والله فكرة حلوه من زمان عنه البحر بس تم
وتوجه على دار الايتام ولما وصل م حصل حد.: هاه خلا البحر وعاد نرجع بعدين
ريمان: طيب سرينا
مشيوا البحر واشتروا الغداء وراحوا يجلسوا عند البحر




نرجع لبيت ناصر

وصل البيت الساعه ١١ تقريبا
فرح: الحمدلله على السلامه
نايف ونواف: الله يسلمك
فرح: خبروني ايش صار بالتفصيل
جلسوا يشرحوا لها كل السالفة
فرح: الحمدلله والشكر لك يارب الحين اروح اسوي الغداء بعدين نبدأ شغل
نايف: لحظه لحظه وين رايحه نحنا متفقين أنا ونواف الغداء على احمد صح لاه وهو يغمز له
احمد: يا سلام فكرت اتقولو الغداء علينا يعزموا على حسابي
نواف: افا م هجيتك بخيل كذا طول عمرك كريم
احمد: كريم بس لا تعزموا على حسابي
فرح: ايوه صحيح كلامه حمودي
نايف يشوف أخته بنظرة مكر: حمودي أجل هاه 😏 تدافع عنه ونحنا مساكين 😞
فرح: م تهونو بس كلكم عليه اشوف
نواف: نمزح نحنا الغداء خلاص ف المطبخ م نتعبك
فرح: حلو عيل اشرايكم نروح نشتغل الحين قالتها وقبلها عورها
سكتوا نايف ونواف: طيب خلا مشيوا عشان يرتبوا الاغراض وف نفسهم م يريدوا يشوفوها عشان م يتذكروا أهلهم بس م شي حيلة عندهم غير كذا
فرح: أنا بروح غرفة وبلعت ريقها امي وأبوي وانتوا الباقي
احمد ونواف ونايف ف نفس الوقت: لا
شافت عليهم مستغربة: ايش لا
نواف: شوفي أنا ونواف اغراض... اغراض اخوي وانتي وأحمد أغراض اختي بعدين كلنا غرفة.... غرفة.. غرفتهم والعبرة خانقتنه
فرح والرؤية مشوشه عندها بسبب الدموع المتجمعه فيها: طيب راحت غرفة أخواتها عشان يرتبوها اول م وصلت غرفة أخواتها كانت ايغمي عليها بس احمد سبق ومسكها
احمد: حبيبتي خليك قويه انتي أقوى من كذا
فرح وهي تمسك دموعها قبل لا تنزل: شو اسوي راحوا كلهم مره وحده 😭😭💔
احمد: قضاء وقدر ما نقدر نرجع الماضي وم يجوز نجلس طول عمرنا حزينين هذه سنة الحياة
نزلت راسها متفهمة وعارفه كلامه بس م بيدها: طيب خلا نبدا عشان نخلص
سحبها من يدها وبدوا يرتبوا


ف الغرفة الثانية

غرفة نواف وأخوه الصغير المشتركة مسك لبس أخوه واستنشق ريحته: يعني خلاص الحين م راح اشوفه ابدا
نايف: الله يرحمهم مطلوب منا ندعيلهم الحين
نواف: الله يرحمهم ويغفر لهم يا رب خلا نخلص عشان باقي شي
نايف: والمرحلة الاصعب 💔
نواف: الله يعين الله كريم




ف السوق بعد م خلصوا مشترين
مريم: يالله يا حلوين الحين وقت الغداء
رياض: هاااااي وناسه من زمان جوعان
ضحكت فاطمة: من سنة كم
رياض م فاهم عليها: هاه م اعرف ايش سنه
تقربت مريم وجلست مقابلته: ولا شي يا بطل الحين نشتري لك الأكل اللي تحبه
راحوا كلهم المطعم عشان يتغدوا



عند البحر

ريمان كانت تفكر وقالت: دكتور الحين تقول اني اروح العمرة بس اكون وحدي كيف ادبر اموري
حسان: لا تحاتي انتي روحي وصاحب الحملة والناس الموجودة هناك اتهتم لا تخافي
ريمان : بس بعد فضيحه وانا اخاف
حسان: شوفي لو م أثق في صاحب الحملة كان م اخليك تروحي وانا ترى رحت قبل معه رجال والنعم فيه اعرفه يعني انتي ف أمان تكوني معه وانا أخبره م شي خوف يعني
ريمان: طيب
حسان: صح واخليكي تشوفيه وتتعودي عليهم لأنه هوا المسؤول عنك هناك يعني ايكون ولي امرك هناك أي شي تحتاجيه خبريه هوا ولا أخوه وما يقصروا معك صح أنا م خبرته بعد بس متأكد أنه ايوافق
ريمان: وانا فكرت خبرته وعاد الأغراض جاهزة وكل شي ايش اسوي اذا م وافق
حسان: تفائلو بالخير تجدوه قلتلك الرجال م يردني وخاصة إذا عرف سالفتك
ريمان: طيب
حسان: ايوه والحين أرسله عشان افاتحه بالموضوع
ريمان: ايوه احسن من الحين عشان م أفقد الأمل يلا نروح الدار يمكن رجعوا
حسان: تمام خلا خلصي عشان نروح
ريمان: مخلصه أنا نمشي وهي تنفض ملابسها من الغبار
حسان: يب روحنا



بعد م خلصوا متغدين راحوا الدار راجعين الساعه٣ ظهر وصلوا كلهم وناموا وريمان وصلت ونامت من التعب اللي فيهم



ف بيت ناصر

خلصوا مرتبين غرف إخوانهم وتقدمت فرح تسبقهم غرفة امها وأبوها اول م فتحت الباب وصلتها الريحة اللي تذكرها بأمها وأبوها تعرفهم وتميزهم بهذه الريحة طاحت ف الأرض وانفجرت دموعها بعد م كانت ماسكتهن: آه امي أبوي والله اشتقت لكم والله
راحوا نواف ونايف وأحمد يركضوا لما سمعوا بكائها ومسكها نواف لانه اول واحد فيهم وحضنها: اااش فروحه خلاص
وهي تصيح وتتشبث فيه بقوة: والله فكرت حلم انام واحصلهم قدامي بس طلع م حلم م حلم وهي تضرب اخوها ف صدره
بعد احمد نواف وراح عندها ونواف انهار نفسها حط يديه ف وجه وجلس يصيح ونايف رجع ظهره بقوة ف الباب ودموعه تنزل من غير لا يحس
احمد: بس يا فرح طول عمرك قويه شو صار لك الحين شوفي اخوانك ايش صار فيهم هم اللي باقين لك ألحين لازم تكوني معهم وانتي قويه وصابرة
رفعت راسها تشوف إخوانها كل حد ف جه ويصيح
مسح نواف دموعه ورفع رأسه لها: فروحه الغالية م يصير اللي تسويه ف نفسك انتي م بروحك حد وياك شو نسيتي أنه يأثر على الجنين واعتقد عاد ف شهرك فوق صح ولا غلطان أنا
نايف: ايوه صدق كلامه نواف كلنا رايحين من الدنيا محد باقي وهذا يومهم هم السابقون ونحن الاحقون
فرح وتمسح دموعها بقوه اللي خانتها: اللهم لا اعتراض اللهم لا اعتراض خلا نرتب عشان نلحق ناخذهم عشان يوزعوهم
احمد: ايوه بس شدوا الهمة انتوا حاولوا بقوة ارجوكم
شافوا عليه ونزلوا رأسهم




عند حسان اتصل على صاحب باص نقل العمرة: السلام عليكم سلطان
سلطان: وعليكم السلام ورحمه الله وبركاته
حسان: هاه قريت الرسالة
سلطان: ايوه شو ناوي تروح العمرة
حسان: لا لا فهمت غلط م أنا ناوي حد يروح ثاني
سلطان: ايش رايك اشوفك الحين قريب منكم مال ٥د
حسان: حلو انتظرك
سلطان: يالله مسافة الطريق وعندك
حسان: طيب درب السلامه
وصلو عنده: هلا دكتور
حسان: اهلين فيكم نورتوا اخباركم
يوسف: النور نورك شيخ الحمدلله تمام اشحالك انت
حسان: الحمدلله طيب بغيتكم ف موضوع عشان بنت تريد تروح العمرة ومحد معها
سلطان: كيف محد معها
حسان: البنت فاقدة الذاكرة بسبب صدمة نفسية وحادث واهلها م معها وعاد أنا اقترحت عليها تروح العمرة وجيت خبرتكم عشان اذا تروحوا قريب واذا ممكن تكونوا المسؤولين عنها وانا م جيتكم الا اني واثق فيكم
يوسف: حي الله فيها والله ولا يهمك يا ريال
سلطان: خليها تجي ولا تحاتي بالمبلغ علينا وبعد اسبوعين بنروح إن شاء الله
حسان: والنعم فيكم والله بس لازم تتعرفوا عليها لأنها تخاف شوي
يوسف: إن شاء الله انتعرف عليها
حسان: بس تم حلو


ف دار الايتام وقت الليل يوم الجمعة دخلت عليهن وهي متنرفزة: م تشبعن سوالف يالله يالله امشن
ريمان: يا شين الأسلوب ترى امانة عندك تعرفي ايش يعني أمانة ولا اشرحلك
مريم: شوووووو



انتهى البارت توقعاتكم 😊[/]


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 02-03-2020, 12:15 AM
حنينے لماضے حنينے لماضے غير متصل
©؛°¨غرامي مشارك¨°؛©
 
الافتراضي رد: روايتي الثانية:وين اهلي !!


شكرا لكل شخص يرد على روايتي لولا ردودكم أنا م امشي ف الرواية 😊
صح وضعها صعب 😅 بس الأحداث اتحكم بعدين ف البارتات القادمة

قراءة ممتعة 💐


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 02-03-2020, 03:43 PM
اسماء روحي اسماء روحي غير متصل
©؛°¨غرامي جديد¨°؛©
 
الافتراضي رد: روايتي الثانية:وين اهلي !!


السلام عليكم ورحمة الله وبركاته.....ترا اول مرة ادخل معك مشتركة بالرواية وقريت البارتات ماشاء الله عليك اختي ابداع وكتيير تاثرت يعني الوالدين والاخوان ممرة صعب الفقد شعور قاسي عليها لنا تعرف
مرة ثانية احييك على اسلوبك في السرد وبطلب طلب صغيييير ههههه ممكن حبيبتي تطولي البارت شوي ههه😋😋😋والله عجبتني وماودي تخلص
تحياتي اليك والله يوفقك😊😊😊😊

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 02-03-2020, 10:08 PM
حنينے لماضے حنينے لماضے غير متصل
©؛°¨غرامي مشارك¨°؛©
 
الافتراضي رد: روايتي الثانية:وين اهلي !!


اقتباس:
المشاركة الأساسية كتبها اسماء روحي مشاهدة المشاركة
السلام عليكم ورحمة الله وبركاته.....ترا اول مرة ادخل معك مشتركة بالرواية وقريت البارتات ماشاء الله عليك اختي ابداع وكتيير تاثرت يعني الوالدين والاخوان ممرة صعب الفقد شعور قاسي عليها لنا تعرف
مرة ثانية احييك على اسلوبك في السرد وبطلب طلب صغيييير ههههه ممكن حبيبتي تطولي البارت شوي ههه😋😋😋والله عجبتني وماودي تخلص
تحياتي اليك والله يوفقك😊😊😊😊
وعليكم السلام ورحمه الله وبركاته اختي حياكي الله شرفتني ف الرواية وشكرا على مرورك ومشاركتك 🥰
إن شاء الله اطول ف البارتات الجايه باذن الله احاول و الله يوفق الجميع يا رب ❤💐😊


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 03-03-2020, 12:04 AM
حنينے لماضے حنينے لماضے غير متصل
©؛°¨غرامي مشارك¨°؛©
 
الافتراضي رد: روايتي الثانية:وين اهلي !!


البارت السابع










..: خلصنا الحمدلله
نواف ونايف: الحمدلله من يوديهن
احمد: نحنا ورايحين بنشلهن معنا
نواف: طيب
نايف: شو الحين تروحوا؟؟
فرح: ايوه عشان باكر معه شغل
نواف وهو يجلس: اشفيكم جلسوا شوي ارتاحوا بعدين توكلوا
نايف: ايوه الشغل م طاير صراحه
احمد: رايكم يعني
نايف ونواف: ايوه
نايف: الحين مخلصين وتعبانين ارتاحوا وبعدين مسموح لكم تروحوا
احمد يشوف على فرح: الشور عندها الحين
فرح: والله م عندي مانع أنت اللي معك الشغل
احمد: طيب نجلس نريح شوي وبعدين نتوكل
نواف: ايوه كذا زين وهو يقوم بروح اجيب قهوة عشان تعدلوا راسكم شوي
فرح: زين والله





عند حسان

سلطان: لزوم تعرفنا عليها
حسان: طيب أنا خبرتها أنه اعطيكم رقمها بس م تتواصلوا الحين الا لما تتعرفوا عليها لأنها م ترد عليكم
يوسف: إن شاء الله بس هي كم عمرها
حسان:١٤ سنة
انصدمو: مسكينه الله يعينها يا رب
حسان: امين يارب راحم حالها م اتخيل حد من أهلي كذا يصير فيه بس ايش نسوي القدر محد يرده
سلطان: صدق كلامك م بيدك حيلة وانت مأجور باللي تسويه معها
يوسف: ايوه الله يجعله في ميزان حسناتك
حسان: امين ..شو اسوي الحين تعتبرني حسبت اخوها
سلطان: وهذا احسن شي عشان تحس أنه حد باقي لها محد تركها






ف دار الايتام


مريم: شوووو تقولي اشوف لسانك طال آنسة ريمان
ريمان: والله من اسلوبك الحلو خلاص م قدرت اتحمله
البنات يشوفن بعض ويشوفوها مستغربين من ردت فعلها المفاجأة
خافت مريم بس م وضحت: واجبك تحترميني دامك هنا
ريمان: احترمك وهي تضحك قبل احترمينا بعدين نحترمك من اول م جيت هنا وأسلوبك معنا صفر تعرفي ايش صفر بعد الصفر له قيمة بس انتي عندك عادي
مريم ترفع يدها من العصبية تريد تضربها كف مسكتها قبل لا تضربها: م يلك حق ترفعي يدك علي فهمتي ونزلت يدها بقوة
مريم: من حضرتك يا آنسة ريمان حتى م تعرفي اسمك شوو ولا أهلك الله أعلم من تكوني
انقلب وجهها احمر من العصبية وحست برأسها يعورها
فاطمة: بس مريم بس تجاوزتي الحدود تراك
ريمان تكمل وهي تحاول تبعد وجع رأسها: م لنا ذنب اذا ربنا كاتب لنا كذا بس أنتي اللي راح تتحاسبي اللي تسويه ف الايتام اللي قدامك قال الرسول: " أنا وكافل اليتيم كهاتين وأشار باسبابة والوسطى" تعرفي ايش يعني بجوار الرسول عليه السلام وانا صراحه اهنيك على هذه المنزلة اخت مريم وهي تصفق لها
مريم: بس انتوا دامكم هنا لازم تسمعوا كلامي بعدين لا تتكلمي وانتي م صار لك غير ٣ ايام معنا من جيتي هنا قبل اعرفي من أهلك وبعدين تكلمي
صرخت فاطمة عليها.: مريم خلاص البنت م بيدها
حست برأسها يزيد وجعه والدنيا تشوفها سوداء صرخت بصوت عالي: آخر راسي آه بموت وطاحت على الأرض
انصدمو الكل لما طاحت على الأرض
البنات وفاطمة: ريمان!!!!!! ركضن عندها يصحينها
مريم واقفة مكانها خايفة وراحت تركض معهن تصحيها وهي لا مجيب
فاطمة: بسرعه اتصلي على الدكتور دكتورها بسرعه
ركضت مريم تتصل على الدكتور حسان
فاطمة: جيبوا ماي بسرعه ماي
قامت أرجوان تجيب ماي والبنات الغيرهن يصحين وخايفات: م لازم كنا نسوي هذه الخطة
بلقيس: لو كنت اعرف انه ايصير كذا كان م وافقت
سمعتهن فاطمة وتجاهلت كلامهن عشان تتفاهم معهن بعدين لانه الوضع م يسمح



ف الجهة الثانية

حسان: وهذه السالفة كلها
سلطان: أعرفك كفو...
رن تلفون حسان واستغرب رقم الدار: لحظه شباب من الدار يتصلوا
يوسف: خذ راحتك
رد: السلام عليكم
قالت وهي تصيح: وعليكم السلام الحق دكتور ريمان طاحت اغمي عليها وم نهضت لحد الحين
حسان: شوووو!!! الحين جاي سكر التلفون ومشى بسرعه وسلطان ويوسف وراه: خير يا ريال
حسان: البنت غمت وم صحت لحد الحين
سلطان: نجي معك
حسان: لا م في داعي وقت ثاني ركب سيارته ومشى بسرعه
يوسف: الله يعينه متحمل مسؤولية وهو توه شباب
سلطان: برايه الله يوفقه ويساعده على تحملها



وصل دار الايتام ونزل بسرعه بعد م فتحله الحارس الباب
فاطمة: مرحبا دكتور
حسان: وينها
فاطمة: تعال داخل بسرعه
دخل عندها لما اشرت له على مكانها اول م شافها عطاها إبرة بدت شوي شوي تصحصح ولما لمحته من غير لا تحس رمت نفسها ف حضنه وتشبثت ف لبسه أنصدم من حركتها بس هي م كانت على وعيها: ابغى اهلي تكفي حسان خذني ابغاهم اهلي 😭😭😭💔
تقطع قلبه على حالتها لما شافها انكست مثل قبل: ريمان نحنا م اتفقنا كذا
ريمان بصوت مبحوح من الصياح: بس هم يسمعوني ايش ذنبي انا قولي ايش ذنبي
مسح على رأسها يقرأ عليها وهو يمسح لحد ما هدت وغمضت عيونها ترتاح طلع وهو يكلم فاطمة: لو سمحتي ممكن نتكلم بس خارج م هنا
فاطمة وهي عارفه ايش يريد يقول: طيب وطلعت وراه
لما طلعوا: ايش صار وهو مكتف يديه شو صار عشان انقلبت حالتها كذا
فاطمة وهي متوتره ومريم تسمعهم وخايفة: بس صار معها سوء فهم بين المشرفة الثانية
تكلم بعصبية : كذا لما واحد يسلمكم أمانة تسوا فيها
فاطمة تفرك يدها من التوتر: لا م كذا .... السموحة منك إن شاء الله م يتكرر
حسان: انزين حتى لو كان سوء فهم تسمعوها أنها أهلها م معها أنا قلت انها هنا محد يضغط عليها بس شكلي طلعت غلطان
فاطمة: اسفين والله إن شاء الله نصلح اللي سويناه
حسان: اتمنى هذا الشي اقدر اشتكي عليكم بهذا التصرف بس أنا م من النوع اللي يقطع ارزاق الناس عن اذنكم وطلع بعد م خلص كلامه م عطاها فرصة تتكلم بعد م طلع دخلت مريم وهي منزلة رأسها شافتها فاطمة: عجبك الحين ارتحتي هاه لما حصلت على هذا الشكر بسببك م اقول غير الله يهديك بس خففي على البنات شوي خففي هم أمانة اذا تعرفي الأمانة خلصت كلامها وطلعت
مريم منزلة رأسها قالت: آسفه بس م سمعتها لانها طالعه عادت اول م طلعت شافت البنات وافقات برا: أنتن لي كلام ثاني معكن ممكن تتفضلن معي المكتب
شافن على بعض ومشين وراها وصلن المكتب: تعالن دخلن ولا تريدن عزيمة بعد.... دخلن ووقفن على صوب
جلست على الكرسي شافت عليهن وحدة وحدة: يا انسات ايش صار هاه 😏
أرجوان: م ...م صار شي 😥
فاطمة: م صار شي حلوه هذه واللي سمعته من عند جمان وبلقيس عن الخطة 😏
انصدمن البنات أنها تعرف
صفاء: صراحه ايوه سوينا خطة عشان مريم تصلح معاملتها معنا وكانت فكرتنا نحنا
فاطمة: وريمان الضحية ولا ايش
جمان: ريمان هي وافقت تسوي كذا بس نحنا منعناها بس هي أصرت تشارك معنا
دخلت عليهن: ايوه انا اصريت عليهن عشان نعلمها درس م تنساه ونفس الوقت تعدل معاملتها معنا
شافن عليها الكل: ريمان !!!!😳
ريمان كان وجهها اصفر من التعب اللي صار لها: ايوه هي اسفه فاطمة واسفه لمريم بعد على اللي سويناه بس كان هذا الحل
فاطمة: أنتي تعبانه م يصير تنهضي شوفي وجهك اصفر قالب
ريمان: عادي أنا بخير عارفه أنه الدكتور عصب عليكم بس أنا اتفاهم معه واشرح له اسفه بالنيابة عنه طلعت رايحة غرفتها
فاطمة: خلاص روحن واتمنى م يتكرر هذا الشي
البنات: حاضر
طب
طلعن رايحات الغرفة
دخلن عليها: بنات ممكن شوي ابغى اسوي اتصال
البنات: تمام وطلعن غرفة الجلوس




كان جالس يفكر بحالتها فجأة رن تلفونه شاف اسمها ورد بسرعه: الووووو ريمان اخبارك
ريمان: الحمدلله احسن اسفه خليتك تجي هنا
حسان: لا عادي خوفتينا عليك الله يهديك
ريمان: اعتذر منك مره ثانيه بس ابغى اقولك شي
حسان: ايش اسمعك
ريمان بعد تردد: حسان كان م يحتاج تكلم المشرفة كذا
حسان: شو م يحتاج وأنا أشوف حالتك كذا واسكت
ريمان: بس هذا كان إتفاق بينا أنا والبنات
حسان: شووو مجنونه واللي معك أجن منك اتفاق تسوي بنفسك كذا اتقتلي نفسك
ريمان: بس كنا نعطي المشرفة درس بسبب معاملتها لنا واتوقع تعلمت الدرس خبرته كل السالفة من لما بدت لحد م جي وشاف حالتها
ندم لما كلم المشرفة بهذيك الطريقة: اوه اسفه اعتذري بنيابة عني للمشرفة والله فشلة
ريمان: ولا يهمك وصل اعتذارك وصلته قبل لا تقول
حسان: م أندم اني عرفتك بس لو خبرتيني عن المشرفة كان تصرفت معها
ريمان: لا أحسن نتصرف بروحنا بدون محد يتدخل من خارج
حسان: ايوه احسن صح نسيت اخبرك
ريمان: شوو؟؟
حسان: تجهزي بعد اسبوعين يروحوا العمرة كلمتهم وقالوا عادي خلوها تجي كل شي علينا بس لازم تقابليهم وانا اعطيتهم رقمك عشان يتواصلون معك
ريمان: جزاك الله خير الله يسعدك يا رب بس متى اقابلهم
حسان: لما اجي ازورك مره ثانيه بعد ٣ ايام
ريمان: اوك مشكور بس الحين لازم اسكر لاني طاردة البنات توصي على شي
حسان: اها كذا السالفة طيب لا م اوصي بس ديري بالك على نفسك والحين روحي ارتاحي لاني عارف انك بعدك تعبانه ووجهك اصفر
ريمان: كأنك قدامي الحين
حسان ضحك: اعرف كل شي يعني لا تخدعيني والحين مع السلامه ربيعاتك ينتظرن برا من ساعة
ريمان: الله معك سكرت التلفون وطلعت تنادي البنات اول م شافنها ركضن يحضننها
ارجوان: يا حياتي يا ريمان 😭💔
جمان: آسفين والله م كان قصدنا
صفاء: ايوه م كان قصدنا نسوي شي
ريمان: شدعوة كلنا متفقين كذا أهم شي تعلمت





يتبع 👇


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 05-03-2020, 12:17 PM
حنينے لماضے حنينے لماضے غير متصل
©؛°¨غرامي مشارك¨°؛©
 
الافتراضي رد: روايتي الثانية:وين اهلي !!











بلقيس: عسى يارب
ريمان: روحوا الغرفة الحقكم
بلقيس: وين تروحي؟
ريمان: عند مريم
الكل : شووو!!😳
ريمان: يس أعتذر منها بعد اسبوعين اروح العمرة م ابغى حد يشيل ف خاطره علي قبل لا اروح
صفاء: والله؟؟
ريمان: ايوه عشان كذا م ابغى حد يزعل مني هذه الفترة
ارجوان: صحيح يالله بالتوفيق وصلي اعتذاري م اقدر اجي بروح الغرفة
جمان: وانا بعد
صفاء وبلقيس: ونحنا بعد اعتذارنا وصليه نروح الغرفة راحن الغرفة وريمان راحت عند مريم





كانت جالسه تفكر باللي صار وندمانة أنها تعاملت معهن بهذه الطريقة: تك تك تك
مسحت دموعها بسرعه: تفضل
دخل : السلام عليكم
استغربت هي اللي مفروض تروح لها: ريمان وعليكم السلام.
ريمان: عادي اتكلم معك ولا مشغولة
مريم: لا تعالي اجلسي
جلست عندها
مريم: المفروض أنا اللي اجي عندك اعتذر
ريمان: اسفه لانه .... انصدمت لما حست مريم حاضنتها وتصيح بادلتها الحضن وهي على صدمتها م قدرت تتكلم : لا تعتذري أنا اللي اسفه غلطت معكن كلكن غلطت ونحيبها يعلي أكثر وأكثر
ريمان تكلمها: بس...
قاطعتها وعي تبعد عنها وتحط يدها على فمها: اششششش خلاص
ريمان وهي تشيل يدها من فمها: بس نحنا
مريم: عارفه كل شي انتوا اللي خططو سمعت كل شي وانا استاهل يمكن كنت احتاج من زمان حد ينبهني على اللي أسويه بس م كنت اسمع حد وتعلمت من هذا الدرس
ريمان وهي شويه ترقص من الفرحة لأنها نجحت خطتهن نست تعبها بس قاومت : يعني راضيه عنا الحين م زعلانه ؟!
مريم: لا ابدا اسفه وصلي اعتذاري للبنات واوعدكم اتتغير معاملتي من باكر إن شاء الله
نهضت ريمان ومسكت يدها مريم: شكرا وهي تشد على يدها
ابتسمت ريمان من غير لا تتكلم وراحت تركض عند البنات وهي ناسيه تعبها اول م وصلت عندهن: بنات
التفتن عليها كلهن
قالت: سمعن الخبر
قالت: شوو!!



ف مكان ثاني

احمد: يالله الحين نروح عنكم
نايف: جالسين
احمد: لا مشكورين م قصرتوا والله الله يجزاكم خير
نواف: ولا واجبنا م سوينا الا الواجب الشمج
فرح: بعد روحي إخواني
احمد: اشوف الغزل هنا
ضحك نايف: فرح ترى ف ناس تغار هنا يعني قولي لنا بالسر كذا 😏
ضحكوا كلهم قال أحمد: جعلها دائمه يا رب
الكل : إن شاء الله
نواف: شكرا احمد نردها ف افراحك وهو يشوف فرح ويغمز له
احمد: إن شاء الله 😅
فرح بنص عين: أشوف عجبك الوضع
نواف وهو يضمها: اصلا م تهون علينا فروحة اقتله
احمد: ولا انت تهون علي قرب منها وباسها ف رأسها
حمر وجهها من الخجل
نايف: اوي احترم المشاعر ياخي ف عزابية هنا 😡
احمد: م قلتلكم تشوفو غمضوا عيونكم ياخي لاه
فرح تغير الموضوع: خلا نروح احمد
احمد عرف انها تغير الموضوع ولا حب يحرجها زيادة عند إخوانها: طيب يالله يا جماعة نستاذنكم الحين
نايف ونواف: الله معكم درب السلامه
طلعوا فرح وأحمد متوجهين بيتهم






عند سلطان ويوسف


سلطان : مسكينه البنت شكلها متعذبة وهي تحاول تتذكر
يوسف: الله يكون في عونها عاد نحنا لازم نقوم بالواجب
سلطان: اكيد دام الدكتور امنا عليها
يوسف: ايوه




نرجع لدار الايتام

ريمان: فاتكم اللي صار صراحه
صفاء: ايش
ارجوان: شو صار
جمان: خلا شوقتينا
بلقيس: ايوه
ريمان: اوك سكتوا خلوني اتكلم حشى
ضحكن على نفسهم
كملت: تخيلن أنها سمعت كل شي وتقول تعتذر منكن
ارجوان.:omg م اصدق 😱
جمان: مريم تعتذر
ريمان: ايوه وصراحة الحرمة ندمانه على اللي سوته وحضنتني بعد 🙊
صفاء: والله عيل فاتني الحضن هههع
ضحكن كلهن
بلقيس: صحيح شكلها ندمانه بقوة
جمان: يا ندمانه....
ريمان: يعني باكر معاملة جديده
ارجوان: تعالي شوي ريمان تعالي
تقربت ريمان : ايش
باستهاف خذها : هذه لك شكرا لانك غمي عليكي وضحكت
ريمان تمسح مكان البوسه : يع يع الله يقرفك يا رب
ضحكن عليها : صدق تستاهلي وصح. الحمدلله على سلامتك
شافتهن: تو الناس خلوني انام احسن
راحت ومسكت تلفونها وترسل له
صفاء: تقولي تنامي اشوفك ماسكه التلفون
ريمان: قل اعوذ برب الفلق تفو تفو على نفسها
صفاء: م قصدي شي
ريمان: الحين انام بس لا تحسديني
ضحكت صفاء وتلحفت تنام




لما قرأ رسالتها ضحك: والله انك خطيرة يا ريمان ارسل لها : كفو ي بنت وانتي من أهله

كانت كاتبه: هلا حسان اعرف انك الحين اتعصب لاني م نمت الحين بس م طاوعني قلبي انتم ومريومه زعلانه مني عشان كذا رحت أراضيها والحمدلله طلعت م زعلانه وقالت إنها اتحسن معاملتها معنا خلاص تخيل كنت ارقص قدامها من الفرحة والحين عاد بروح انام وانا مطمنة بس قلت اخبرك قبل لاني لو م قلتلك يمكن احلم اني جالسه اخبرك المهم تصبح على خير وأحلام سعيده
وقت التلفون للمنبه ونام عشان دوامه




صباح يوم السبت


الساعه ٧:٠٠ صباحا

...: احمد حمودي اصحي يالله قوم ايفوت موعدي
احمد: هممم الحين صاحي خلاص
فرح: شو صاحي خلا يالله
قام من نومه : صباح الخير
فرح: صباح النور يالله حمودي جهزت ملابسك وكل شي بس خلا
نهض متوجه الحمام وتسبح وطلع: خلا خلصت
لبست عبايتها : مشينا
طلعوا من البيت رايحين المستشفى وصلوا المستشفى
احمد: روحي جلسي هناك أنا افتح لك زيارة
فرح وهي تحس بارهاق: إن شاء الله انتظرك هناك راحت تجلس وهو يفتح لها زيارة بعد م خلص
الممرضة: فرح ناصر
احمد: شكله فاضي المكان ساعدها تنهض ودخلوا عشان الفحص
سوت الممرضة الجهاز ف بطن فرح: ما شاء الله تبارك الله
فرح: شو في؟؟
الممرضة: تعالي هنا ف الكرسي اخبرك م ينفعش هنا
نهضت فرح وساعدها زوجها خلصوا وراحوا يجلسوا عند الممرضة
احمد: هاه كيف صحتك الجنين زين
الممرضة وهي فرحانه: الحمدلله صحتهم كويسه
فرح مستغربة: كيف صحتهم
وأحمد يسمع ايش تقول
الممرضة: ليش انتي م خبروكي انك حامل بتوام
احمد شاف فرح وهو الدنيا م واسعته: صدق تتكلمي يا دكتوره
الممرضة: آه صحيح مراتك حامل بتوام
فرح: الحمدلله يا ربي الحمدلله وصاحت
احمد: افا يا فرح ليش الدموع
فرح: دموع الفرح
احمد؛ الحمدلله الله عوضك
الممرضة: مبروك انسه فرح
فرح: الله يبارك فيك
جلست الممرضة تعطيها التعليمات اللي لازم تسويها



ف دار الايتام
الكل مجتمع على الفطور يفطر
ريمان: احم احم انتباه
شافوها كلهم قالت: بما انكم هنا كلكم ابغى اقول شي
مريم: شو
فاطمة: نسمعك
ريمان: إن شاء الله بعد اسبوعين اروح العمرة وعاد السموحة من الجميع
فاطمة: م شاء الله
مريم: مع من تروحي
ريمان: الدكتور حسان تكفل بكل شي والحين خبروني أنه بعد اسبوعين
مريم: الله يوفقك يا رب ومسموحه عمره مقبوله
فاطمة: عمره مقبوله إن شاء الله
صفاء. : تروحي وترجعي بالسلامة
أرجوان: ولا تنسي تدعي لي
جمان: ولا تنسي حلويات السعوديه والأشياء اللي هناك سمعت م تتفوت يعني هالله هالله
ضحك الكل : هذا همك




يتبع 👇


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 05-03-2020, 01:08 PM
حنينے لماضے حنينے لماضے غير متصل
©؛°¨غرامي مشارك¨°؛©
 
الافتراضي رد: روايتي الثانية:وين اهلي !!









عند نايف ونواف



نايف: يا دب م تشبع نوم والله اروح عنك اذا م نهضت
نواف وهو نايم: وين تروح خليني انام من زمان م نمت والله احس شوي ويصيح
نايف: كيس نوم حشى م شاء الله م آدمي خلا اروح عند حصلوا لحاف اختي الموقع ندور هناك معهم
قفز نواف؛ والله الحين اغسل لا تروح انتظرني
نايف: ٥د م جيت رايح عنك عادت الساعة ٩ وانت ف فراشك
نواف: م اتاخر ٥د واتحصلني قدامك
نايف: انشوف انزين أنا جالس ف الصالة بسرعه بدأ وقتك
م خلص كلامه م شاف الا غباره ركض للحمام





عند فرح وأحمد


احمد: الحمدلله شوفتي الله عوضك وعوضنا باثنين عشان ينسيك شوي اللي انتي فيه
فرح: الحمدلله الحمدلله اسمع م ابغى حد يعرف ابغاها تكون مفاجأة
احمد: رايك يعني
فرح: ايوه احلى م أخبر حد
احمد: بس تم وضمها من فرحته اول مولودين



نرجع لنايف ونواف


نايف: نوافوه يا دب والله اروح اذا م طلعت
نواف يركض ويلبس دشداشته برا: والله جاي هذا قدامك أنا خلا
انفجر نايف ضحك
نواف: سلامات الحين كنت معصب وحالتك حاله ايش قلب الموضوع لضحك
نايف وهو م وقف ضحك : اقول صلح ...صلح دشداشتك زين م ابغى اتفشل أنا وكمل ضحك : اخ بطني
شاف على دشداشته وضرب جبهته: كله منك يقلده نوافوه يا دب والله اروح عنك اذا م طلعت فسخ دشداشته مره ثانيه ولبسها زين : والله م حاله خلا نمشي
راحوا السيارة على الموقع اللي مرسولهم إياه

بعد نص ساعة وصلوا الموقع وحصلو الشرطة هناك تنتظرهم
الضابط فيصل : السلام عليكم وينكم من ساعة ننتظركم
نايف شاف على نواف بنظرة وقال: السموحة منك الطريق زحمة كانت
فيصل: حصل خير خلا نبدا
نايف ونواف والقلق مسيطر عليهم لا صار ف أخاهم شي: بسم الله نبدا
توزعوا كل حد ف مكان يبحث ويناديوا على اسمها
بعد مرور ساعتين
نواف: كيف م حصلتوها
فيصل: لا م حصلناها ولا حصلنا شي لها
نايف: يا رب سترك
الشرطي محمد: كأنها الأرض انشقت وبلعتها
نايف: ايش هذا الكلام ترى م يوم واحد ونحنا فاقدينها اليوم ٥ ايام خمسة تعرف ايش يعني خمسة
نواف : هدي يا نايف م يحتاج هذه العصبية بعدين هوا م غلط
الشرطي: السموحة منك اخوي وهو منكس رأسه بعدما أعطاه الضابط نظره
فيصل : والحين نتاخذ الإجراء الثاني
نواف: ايش هوا
فيصل: نروح نسأل المنازل القريبة من هنا إذا حد شافها
نايف: طيب وراح ننقسم نفس الطريقة اللي قبل شوي
فيصل: ايوه يالله نكمل توزعوا
راحوا يدوروا كل حد ف جهة وبعد ساعة كلهم : م حصلوا حد
..: م شافوها
...: قالوا م نعرف حد بهذا الشكل
...: ايوه نفس الشي قالوا الغيرهم
فيصل ويشوف على نايف ونواف: والحين بحثنا هنا م نقدر نسوي شي
نايف: يا رب يا كريم الطف بنا يا رب
نواف: يا رب احفظها وين م تكون
امنو كلهم على كلامه



عند أهل حسان


رهف: حسان دكتور حسان
جالس على تلفونه مندمج راحت وصرخت ف أذنه : حسانوه
انتزق ورمى التلفون من النزقة: يلعن بليسك قولي امين ايش سويتي والله يا ويلك اذا منكسر أخذ فلوسك كلهن واشتري غيره



يتبع 👇


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 06-03-2020, 12:06 PM
حنينے لماضے حنينے لماضے غير متصل
©؛°¨غرامي مشارك¨°؛©
 
الافتراضي رد: روايتي الثانية:وين اهلي !!







رهف وهي خايفه: والله والله م قصدي كنت اكلمك بس م سمعتني
حسان وهو معصب الآخر ومتجه عندها : تكلميني هاه 😡كذا كلامك انتي تصرخي ف أذون الخلق
رهف ومخليه يدها عند وجهها: توبه توبه لا تضرب خلاص م أعيدها
راح صوب تلفونه وهي بعدها مخليه يدها ف وجهها شافه صاحي م فيه شي : ايش تريدي ؟!
شافها تصيح من غير صوت وحس بالندم لأنه صرخ عليها مشى صوبها : اسف بس انتي الله يهديك كان جيتي ودفشتيني ف كتفي م مثل الحين صرختي ف اذني
مسحت دموعها وتكلمت: يعني انت م زعلان
هزت راسها بلا وهو مبتسم: ازعل من رهوف حبيبتى
راحت وحضنته بقوة : شكرا شكرا احبك دكتور حسان
قال يمازحها: بعدي خنقتيني بعدي
بعدت عنه : سوري حسان وهي منزله راسها
حسان: ايش كنتي تريدي تقولي وسويتي كل هذه الربشة راح ورفع رأسها
رهف: متى توديني عند ريمان ابغى اشوفها
حسان: كل هذا عشان ريمان يا حظك يا ريمان اممممم بشوف وقت
رهف: انت ترى كل يوم تسولف لي عنها تشوقت عاد أنا
حسان: الله رهوف البزر تشوقت
رهف: أنا م بزر كبيرة عمري ١٣
حسان: وف عيني احلى بزر بعد
رهف: لا تغير السالفة
حسان ضحك : فاهمه عاد الوضع
رهف: ايوه يعني لا تضحك علي
حسان: الله يسلم حالك أنا خبرتها انك تريدي تشوفيها بس هي قالت م ابغى الحين اشوف رهف
رهف شوي وتصيح: صدق؟؟🥺
انفجر ضحك : لا م صدق امزح معك
رهف: اشوه والله عبالي صحيح م تريد تشوفني
حسان: لا لا بس قالت يحتاجلها وقت عشان تشوفكم
رهف: اها
حسان: ايوه ... ايش رايك اتصل فيها تكلميها
رهف: والله بس ايوه ايوه اتصل
حسان: كل هذا الحماس عشان ريمان الحين اتصل خلاص





ف دار الايتام

مجتمعين الكل يسولفو ويضحكوا مندمجين ف السوابق رن تلفون ريمان شافت المتصل وقالت : عن اذنكم شوي
ارجوان: هذي راحتك
راحت ريمان بعيد عنهم : السلام عليكم ورحمه الله وبركاته
رهف: وعليكم السلام اخبارك ريمان
بعدت التلفون عنها تشوف المتصل تتاكد ورجعته مره ثانيه : الحمدلله اخبارك انتي
رهف : الحمدلله بخير
ريمان : عفوا من معي هذا م رقم الدكتور حسان
رهف وهي تضحك: ايوه هوا لا تخافي م غلطانه ف الرقم انتي
ريمان: اها طيب من انتي
رهف: معك رهف اخت حسان الصغيره يعني قبل اخر العنقود
ضحكت ريمان : يا هلا باخت حسان الصغيره رهوفه
رهف: اهلين فيك ترى أنا اصغر منك بسنه
ريمان : والله حلو عيل نفس ربيعاتي
رهف وهي طايره من الفرحة : والله صحيح حماس شوقتيني أكثر اجي ازورك
ريمان : هاه بس يا رهف يحتاج وقت
رهف: اها طيب
ريمان : ايوه بس اوعدك اشوف اقرب فرصة واخلي اخوك يجيبك عندي
رهف: حلو والله أنا أنتظر هذا اليوم
شل التلفون من عندها : الووو ريمان
ريمان : اهلا حسان اخبارك
حسان : الحمدلله وانتي
ريمان : الحمدلله بخير
ورهف تضاربه من جهه ليش خذ التلفون عنها : اوووف م شبعتي خلاص
ريمان : نعم
حك رأسه تفشل : اسف م انتي اكلم هذه اللي عندي
ريمان : لا عادي
غطى التلفون بيده يكلم أخته : فشلتيني الله يفشلك بزر وحدة
طلعت لسانها تغايضه وتضحك
ضحك وهو يرجع التلفون ف أذنه : والله صغيره الله يعين بس
ريمان : حلوه الربشة
حسان : اتشوفي لما تجي عندك كيف اطلعلك قرون
ضحكت : شي مثلها هنا وأخس بعد
حسان: كيف متحمله
ريمان : بالعكس حلو اصلا مسويات جو هنا م نقدر نستغنى عنهن
حسان: صدق كلامك م نقدر نستغنى عن الناس اللي كذا
ريمان : ايوه .. بغيت شي
حسان: لا بس هي كانت مصدعه راسي تبي تجي عندك وانا قلتلها اتصل تكلميها
ريمان : وانا استغربت كيف رقم الدكتور حسان وكلمتني بنت
حسان: قلتي يمكن خطيبته
ريمان : شو خطيبته صوتها واضح انها صغيره
حسان: هاه ايوه صح نسيت وانا قلت دام متصل عاد اسلم عليك
ريمان : شكرا م قصرت وانا بخير الحين الحمدلله بفضلك وفضل خطتنا بعد الله
ضحك حسان : إن كيدكن عظيم
ريمان : بس نفع صح
حسان : اكيد
ريمان : تريد شي ثاني
ابتسم : لا سلامتك كل يوم يجي منك الاول عشان تسكري ولا اذا انتظرتيني أنا م جالس اسكره
خجلت ريمان بس م بينت : لا عادي بس أنا قلت لهم الحين ارجع لانه كلهن مجتمعين
حسان : اها كذا السالفة بس تم اخليك الحين أجل ف أمان الله
ريمان : مع السلامه
رجعت عند البنات والكل جالسين : ايش رايكم العصر نلعب
ابراهيم: حلو بس ايش نلعب
ريمان : كوره حلو ؟؟
ابراهيم: حلو واجد
رياض: يعني البنات فريق والاولاد فريق
فارس: لا م يصير البنات فريق والاولاد فريق






انتهى البارت توقعاتكم 😊


الرد باقتباس
إضافة رد

روايتي الثانية:وين اهلي !!

الوسوم
الثانية:وين , اهلي , روايتي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الاولى :الحب بين نيران الحرب الكاتبة طلحي نسرين روايات - طويلة 267 05-06-2018 07:03 PM
روايتي الاولى:أنا مابي أحد سواك jays LoLo روايات - طويلة 8 21-10-2015 03:43 AM
روايتي الاولى : اريدك بجانبي للأبد اريدك لي لوحدي / بقلمي . الكآتبة؛ريم. روايات - طويلة 18 12-10-2015 11:43 PM
روايتي الاولى : حياتي حلوة أنثى بذمة عاشق روايات - طويلة 0 04-09-2015 04:42 PM
روايتي الأولى : متى ينتهي عذابك يا معذبني بجفاك سارونـة أرشيف الروايات المغلقة - لعدم إكتمالها 1237 20-01-2009 07:02 AM

الساعة الآن +3: 10:06 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1