غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 20-03-2020, 04:28 PM
صورة بـنــت حـــرب الرمزية
بـنــت حـــرب بـنــت حـــرب غير متصل
©؛°¨غرامي ذهبي¨°؛©
 
الافتراضي رد: ولو اخر قصيدي بيت كتبته حُب في عيونك/بقلمي


لااااااااااااا بتتتتاارررر ماااااتتتت بصيييح والله خير
حزنتني إيثار يا عمري عليها مع اني متاكدة انو الجد ما
كان حيوافق عليه والبتار واضح انه بدا يحبها بس مابي
ابي بتار أهـي أهـي انني حزينة حقًا 💔💔💔

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 22-03-2020, 07:56 PM
Rwaiiiv Rwaiiiv غير متصل
©؛°¨غرامي جديد¨°؛©
 
الافتراضي رد: ولو اخر قصيدي بيت كتبته حُب في عيونك/بقلمي


لاياعمري خطاء بالترقيم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 23-03-2020, 07:41 PM
Rwaiiiv Rwaiiiv غير متصل
©؛°¨غرامي جديد¨°؛©
 
الافتراضي رد: ولو اخر قصيدي بيت كتبته حُب في عيونك


العشرون
كان الباتر يسمع لحديثهم من اوله لاخره انقهر يعني معقوله صدق تحبه؟ وكل شي صحيح! وفيه صور تثبت؟ كان جاي ياخذ له ملابس واشياء ناقصته وانصدم بالي سمعه دخل غرفته واخذ الاغراض الي ناقصته وطلع مسرع ركب سيارته وتوجه للفندق دخل غرفته الي حاجزها جنب غرفة ايثار جلس فيها وهو يحاول يهدي نفسه وعصبيته يخاف يروح يكسر راس ايثار «بيت راشد »
وليد:اعذروني انتو غلطانين عليها! وتبونها ترجع لكم ولا كان صار شي؟
ابومطلق:طيب خلونا من هذا كله،تبون نسوي زواج مطلق بعد شهرين؟ لانه ملك على البنت له الحين سنه
الجد راشد:قل لهم يناسبهم نسويه بعد شهرين لان ضقنا نبي نستانس عن هالمشاكل الي دوخت روسنا
ابومطلق طلع جواله من مخباته:طيب بدق اشوف ابوها
مطلق دخل:دقيقه لاتدق عليهم،انا طلقت البنت منزمان
ام مطلق:وليش تطلق رغد البنت حلوه؟ شفيها؟
مطلق:مابيها غيرت رايي حسيت اني مومرتاح معها يعني فيها شي؟ تراجعت
ابومطلق:هذا لعب!!! ولد خلك رجال وقد كلمتك وش طلقتها؟ وانا اشوف ابوها مايرد على اتصالاتي طلع منك! انت شتبي بفهم؟ كل شي موعاجبك ؟ البنت مافيها عيب ليش تطلقها؟
مطلق:طيب مابي اتزوج غصب؟ ماهو غصب وطلع برا البيت «بيت عمـاد»
هيفاء:يا انـا ياهي؟ من تختار؟
عماد:هيفاء انتي شتبين توك تجين تحاسبيني؟ انا اخذت موافقتك وكنتي راضيه!
هيفاء:طلقها طيب تبيني انا اوهي؟
عماد:البنت صغيره؟ اخرب حياتها بالطلاق؟ وهي مافيها عيب! ليه؟ اطلقها ترضينها على بناتك؟
هيفاء سكتت بفشله
عماد:ردي جاوبيني؟ هي غلطت عليك بشي؟ على رنا او نوران؟
هيفاء هزت راسها بلا
عماد:اجل ليش تبيني اطلقها؟ اسمعيني هيفاء خليك بحالك وانا من اليوم جالس اقولك هي غلطت عليك بشي تردين بلا؟ يامره ترا تعبتيني
هيفاء بدموع:انت تحبها عشانها بتجيب لك الولد صح؟
عماد بغضب:انتي شفيك ترا موبزر بناتك طولك! شدخل احبها عشان بتجيب لي ولد؟ انتي علامك انا ربي رزقني الحمدالله لاتفكرين بالطريقه ذي! انا بجيب ولد يحمي خواته من بعدي يشيل اسمي والبركه بالبنات طبعاً
هيفاء:طيب لي ماتطلقها ونسافر برا يمدحون دكتور احمل عبر الانابيب
عما بغضب وبصراخ:انتي شفيك ماتستوعبين؟ خطر عليك الحمل خلاص افهمي وانا تزوجت أمـاني وماني مطلقها افهمي عاد قام وقبل لايطلع لحقته رنـا
:يبـه لاتضايق نفسك وامي والله ماتقصد بس شوي مضغوطه الفتره هاذي عشاني يبه امسحها بوجهي واعتبر ماصار شي
نوران:افا ابونوران يزعل نفسه؟ لاتضايق نفسك
عماد ابتسم وضمهم له:انا طالع عندي شغل.
نوران ورنا:بحفظ الرحمن
طلع عماد لشغله
«ميس،عـناد»
ميس بدموع:انا حالياً ماقدر موقادره وربي ماقدر ياعناد قدر ذا الشي!
عناد بحده:شلون يعني؟ ماتبين تجيبين عيال؟ ميس مومعقوله؟ تبين تضلين كذا طول عمرك
ميس:افهمني انا خايفه وربك خايفه ! مابيك تقرب لي! افهمني
عناد بصراخ:لمتى تبيني افهمك؟ لمتى! انا عمري بيصك الثلاثين وللحين ماجاني عيال! اذا على كذا اسمحي لي اتزوج عليك لان صراحه مليت انا
ميس قامت:بكيفك موماسكتك
عناد بقهر:يعني عادي عندك؟ اتزوج عليك!
ميس لفت له:اي عادي موانت قلت بتتزوج! ترا موجابرتك علي كان خليتني عند اهلي مادامك بتسوي فيني كذا !
عناد قام من مكانه:انا شسويت؟ انا طلبت منك طلب بسيط سلمي نفسك لي بس انا ابي عيال! فيها شي؟ ميس هذا حق من حقوقي !
ميس:انا ماقدر اعطيك ياه اعذرني جت بتطلع قاطعها
عناد:لك مهله3 ايـام تفكرين فيها وعطيني رايك تبين نعيش انا وياك ونجيب عيال او اتزوج عليك!
ميس طنشته وطلعت لغرفتها
"صباح يوم جديد "
«الفندق»
دخل الباتر للغرفه كانت ايثار جالسه وتشرب قهوتها وصار يدور بعيونه على مناف:بالغرفه نايم
الباتر:بدخل اشوفه شوي ونطلع نروح ناثث البيت تمام؟ بس مناف نخليه عند امي
ايثار:ولدي مايجلس عندهم باخذه معاي زين!
الباتر:تعب عليك طيب
ايثار:لاتعب ولاشي وبعدين ثقه بالعايله ذي مستحيل اثق وامن ولدي عندهم تمام!
الباتر:بس قاطعته
:لاتجلس تتعذر انا عارفتهم وش وش سوو فيني ومستحيل اخليهم يشوفون او يلمسون ولدي
الباتر:بس ماهو ولدك لحالك ولدي انا بعد
ايثار:عالعموم سكر على الموضوع
لان انت غلطان وبكثير بعد
تبي تدافع عنهم اطلع برا لان موناقصتك انت بعد ترا متحملتك عشان الي داخل موعشان سواد عيونك تمام؟
الباتر بحده:شوي شوي ترا اكلمك بشويش علامك اكلتيني بقشوري؟ وامي تحترمينها فاهمه؟ لان ماودي اتكلم عليك او اجرحك
ايثار:اقولك لاتعب نفسك وبضحكه لان كلامك بضربه بعرض الاجدار اوك؟ وشف ولدك بالغرفه لان جاي عشان ولدك وهذا الي بيني وبينك طيب!
الباتر قرب منها ومسك معصمها:سدي حلقك لاتحسبين بتخوفيني وشفتيني خايف عليك انتي وولدي قلتي يالله بركب على راسه وامشيه على كيفي زي الخروف لااصحي ياماما للحين ماعرفتي الباتر زين لان لو تكلمتي الحين لسانك ذا بقصه من عرقه واخليك تحترمين الكبير والصغير وانتي كفو احد ياخذ رايك ويدلعك انثبري هنا كلها اسبوع والبيت جاهز تذلفين له لابارك الله فيك من مره ودفها طاحت على الكنب
ايثار:مسوي بتخوفني وهي تفرك على يدها بوجع الله يقص يدك ياحيوان
الباتر:شقلتي ماسمعت؟
ايثار وهي متوجعه من يدها:على تراب هذا الي انت فالح فيه تفرد قوتك علي صح؟
الباتر:وانتي لازم افرد قوتي عليك عشان تسدين حلقك!
ايثار قامت:نعم نعم؟ انتي شفيك جاي تدور مشاكل؟ ترا موراقيه لك ابد تفهم واطلع برا
الباتر قام وهو بقمة عصبيته:ايه ماتروقين الا اذا شفتي حبيب القلب صح؟
ايثار باستغراب:اي حبيب قلب!!انت شقاعد تقول؟
الباتر:كل شي واضح وضوح الشمس ولانخبي على بعض انتي تحبينه صح؟ ودك اليوم قبل بكره تتطلقين مني !
ايثار:منهو الي بتطلق منك علشانك؟ الباتر بدون الغاز اخلص شسالفه!
الباتر بصراخ وغيره:بَتار عشق الطفوله!!! ماتحبينه يعني؟
ايثار:بَتار؟ هذا كان زمان انت شفيك جالس تنبش بالماضي؟
الباتر وعيونه تطاير شرار:انا انبش؟ ولا انتي ! الي كلهم شاهدين انك تحبينه للان وكاشفينك !
ايثار بغضب:انت هيه احترم نفسك عيب عليك ! واقف قدامي وتقول لزوجتك انتي تحبين غيري؟ وانك تبين تتطلقين عشان تروحين له ! الباتر اصحى اصحى انت الحين ابو ولدي مستحيل افكر مجرد تفكير بغيرك
الباتر وهو يضحك باستفزاز:زين اجل تبين اريحك واريح نفسي انتي طالق
ايثار بقهر:طلقتني! طلقتني ياولد سياف؟ عشان بنت الكلب أمـاني تكلمت وفضحتني؟ وقالت لكم انـها تبي الطلاق! عشان تروح لحبيب القلب؟ انتـو شفيكم ترا حـب طاهر طاهر وانا حبيته وهو مايدري يعني بالمختصر "حب من طرف واحد"
تدري وش اخر شي بقوله؟ الله يسامحك تخليت عني للمره الثانيه ولاسمعتني تفضل اطلع برا خلني لحالي
طـلع البـاتر من الفندق بكبره
ايثار جلست على الكنب وصارت تداري دموعها الي صارت تنزل بغزاره للمره الثانيه تخلى عنها أمـاني بنت عمـها وقبل تكون بنت عمها اختها!!

ايثار وهي تشاهق وبصراخ الكل تخلى عنك ياايثار الككككل مابقى لك احد بالدنيا غير ولدك مناف اماني الي كانت لي اخت تخلت عني وكشفت اسراري قدام الي يسوا والي مايسوا غفران الي كانت لك صديقه واخت ماصارت تصدق كلامي الي اقوله لها معقوله! انا شسويت انا تعبت تعبتت وطاحت على ركبتها وتغرز اظافرها بالفرشه وهي تصارخ من الشي الي كان مكبوت بداخلها ولاطلعته سمعت صرخة مناف قامت بسرعه وهي تمسح دموعها شالته وصارت تهديه لين مارجع نام انسدحت جنبه صارت تبكي وتشاهق لين نامت
«بيت راشد»
فز راشد من مكانه:طلقتها؟ليه يابوك ليه؟ والله تلقاها ماتجينا يالباتر انت غلطت شلون تطلقها! مالها احد غيرك ماتبيك الا انت ماتبي تشوفنا حتى ثريا ماتبيها
الباتر بصراخ:لاحد يكلمني عنها واذ بجيب لها سـواق وفلتها جاهزه ومصروف ولدي شهري يجي لها لاحد يتدخل بموضوع طلاقي لها تفهمون طلع لغرفته وهو بقمة الغضب
رهف لفت على امـاني:هاه عاجبك؟ خربتي بيتها يامريضه؟ انتي وش غيرك! وش غيرك
قوت:ماتوقعتك بالحقاره هاذي كلها تخربين بيت ايثار؟ وهي معها ولد حرام عليك
أمـاني:حرام علي؟ ليه هذا هي الي تبيه تبي الطلاق عشان تاخذ بَتار لانلعب على بعض تمام؟
قربت ثريا وضربتها كف الجمهم: شلون تتكلمين عن اختي كذا؟ شلون لك الجراءة تتكلمين قدامهم كذا ماتخافين الدنيا تدور وتطيحين بنفس الموقف!
ساره بكره وحقد:انقلعي بيتك ولاعاد تجينا تفهمين! وش غيرك عليها هي قالت اسرارك قدام اهلك واخوانك؟ قالت أمـاني سوت وفعلت؟ ماتكلمت اخذت ولدها وطلعت وهذا انتي تسببتي بطلاقها وهي معها رضيع يحتاج لابوه!
انتهى

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 23-03-2020, 07:44 PM
Rwaiiiv Rwaiiiv غير متصل
©؛°¨غرامي جديد¨°؛©
 
الافتراضي رد: ولو اخر قصيدي بيت كتبته حُب في عيونك


الواحد والعشرون
كملت ساره وهي بكامل قهرها:تعرفين شعور يكون معاك طفل رضيع واهلك متخلين عنك بسبب تهمه طاحت على راسك وهي كـذب! بعدين يطلقك زوجك وانتي مالك الا هـو تحسينه سندك بالحياه عقب اهلك! لاكن انتي خربتي بيت والله ياخذ حقها منك دفتها
أمـاني بعدم مبالاه:فيه احد بيكمل؟ ولاخلاص؟
رهف:انت شفيك ليش تبين الكل يكرهك؟ ترا افعالك تخلين الكل يبعد عنك!
قوت:رهف خليها أمـاني بينك وبين ايثار شي؟ يعني مومعقوله تكرهينها كذا من ربي؟
أماني رفعت حاجبها ونطقت:بسوي نفسي ماسمعت شي تمام! واذ فيه شي هذا خاص فيني انا وبس تمام يالله بروح بيتي وجيه تسد النفس
قوت لفت نظرها للبنات:شفيها ذي؟ دخلو على ساره الغرفه وجلسو قوت وهي تكمل:
بنات حاسه بينهم شي موطبيعي؟ "ميس سرحانه وكان بالها مشغول "
ساره اشرت لقوت بمعنى اسكتي واشرت على ميس!
رهف باستغراب:ميس علامك مويمنا؟
شفيك سرحانه؟
ميس عدلت جلستها:مافيني شي ليه؟
ساره:تلعبين على من ياميس تكفين قولي لنا الي بخاطرك !
ميس بتردد
قوت:ميس ترا حنا خوات! قولي شفيك
ميس بدموع:عناد بيتزوج علي متخيلين؟
رهف:وليش يتزوج عليك؟ خير؟ شالسبب!
قوت:قولي اخلصي ليش؟
ميس وهي تمسح دموعها:بنات ماخليته يلمسني قسم بالله اني خايفه وهو عطاني خيارين "طبعاً ميس ماحد يدري شصار لها او من وش خايفه الي مايذكر يرجع للبارت24"
رهف:كذا خايفه لازم يكون فيه سبب! وبعدين وش الخيارين؟
ميس:يتزوج علي او اسلم له نفسي !
ساره:غبيه انتي ليش ماتبين يجيك عيال وتفرحين فيهم؟ بعدي الخوف عنك لان مراح ينفعك اكسريه لاتخلينه حاجز بينك وبين عناد تمام؟
ثريا بمزح:ساره خبره خبره
شدراكم انتو؟
ساره ناظرتها بطرف عين:اقول انتي اسكتي وانتي ميس ياغبيه تبين الرجال يروح لوحده وتعضين اصابعك ندم؟ لاحبي جيبي له عيال ليش لا؟
رهف:وجع استحي استحي وجهك مغسول بمرق انتي؟
ساره:يالله انتي شتبين تكفين ثريا علمي ميس عن رومانسيتك مع جابر وانا بعطيكم لاتزوجت لان للحين ربي مارزقني
بعد3ايام بدون احداث مهمه
«الفـندق»
صحت من نومها وراسها يعورها وعيونها متنفخه من البكي وضت وصلت ورفعت يدها وصارت تدعي من قلبها وكل شي طلعته بالدعاء
سمعت طق الباب قامت وعلى راسها جلال الصلاه نطقت:مين؟
الباتر:افتحي انا الباتر!
ايثار تنهدت وفتحت الباب:هلا؟
الباتر:جهزي اغراضك انتي ولدك بتطلعون من الفندق
ايثار:خلص البيت؟ اثثته؟
الباتر:لا بوديك بيت جدي لين اخلص البيت ماقدر اخليكم لحالكم
ايثار بسخريه:ماتقدر تخلينا لحالنا؟ هذا انت خليتنا 3 ايام بدون حتى ماتسال!!
وبعدين ماني رايحه بيت راشد
واضن مالك دخل فيني لان صرت ماتحل لي تمام !
الباتر تنهد بتعب:ايثار لاتجننيني اخلصي علي
ايثار قد ماتقدر بتحاول تبعد عن المشاكل لان نفسيتها تعبانه رتبت اغراض مناف بشنطته لبست عبايتها طلعت شنطتها وشنطة مناف
اخذهم الباتر:يالله امشي
ركب السياره وايثار ركبت وراء
الباتر:سواق عند ابوك انا؟ اركبي قدام خلصيني
ايثار بهدوء:ماحل لك شلون اركب جنبك
الباتر التزم الصمت وتوجه لبيت راشد
دقايق وصل ونزل الشناط دخلت ايثار وبيدها ولدها وجنبها الباتر تحس بكتمه موطبيعيه تضغط على صدرها ناظرت لهم كانو متجمعين حول طاوله الفطور ويسولفون ويضحكون يوم شافوها فزو من مكانهم
ايثار ناظرتهم وبداخلها هاذي هي عايلتك الي تخلت عنك وهاذي هي الي صارت تسولف وتضحك ولاعليهم منك! هاذي هي العايله الي خربت حياتي وخلتني انا وولدي نتشتت من مكان لمكان مالنا مكان امن ونرتاح فيه
نطقت اخيراً:سُميه سُميه
جت سُميه للايثار
:حبيبتي الله يعطيك العافيه جيبي لي الشناط لغرفتي وكاس مويه اذا ماعليك امر طلعت لغرفتها وهي مطنشه الجميع

راشـد لف نظره لنوره:هاذي وراها ماتسلم؟ حتى ورعها ماشفناه؟
نوره:ياراشد اعذرها البنت الي جاها منا ماهو شويه وفوق ذا طلاقها من الباتر تلقاه اثر على نفسيتها
ابوالباتر:قم جب ولدك نبي نشوفه انا جده وماشفته من جاء للسعوديه
الباتر قام من مكانه:تامرون امر الحين اجيبه طلع لغرفة ايثار وطق الباب مره ومرتين المره الثلاثه ردت:هلا
الباتر:عطيني مناف شوي
ايثار عطرت مناف من عطرها وقفت عند باب الحمام "اكرمكم الله":ادخل خذه شفه على السرير
دخل الباتر وشاله وهو يستنشق عطر ايثار بمناف لف نظره لمكان صوت ايثار ولالقاها موجوده اخذه ونزل تحت عطاه جده وسلم عليه وطبعاً مناف لف عليهم كلهم واخر شي طاح بحضن ام البـاتر تسمي عليه :وش سميته وانا امك؟
الباتر ابتسم:مناف
راشد:يالخبل؟ تسمي ولدك مناف وع وش معناه؟ مناف
الباتر كمل وهو مبتسم:مايكفي انه اسم جد الرسول "صلى عليه وسلم"
الكل:صلى عليه وسلم
نزلت ايثار وحاطه الشال على راسها كان وجها اصفر وعيونها تحتها هالات :عطيني ولدي
ام الباتر:تعبانه يامك! تبين المستشفى؟
ايثار:مابي شي بس عطيني ولدي
ام الباتر جت بتمد مناف اخذته رهف من دين ام الباتر ايثار لفت وجها لرهف طاحت مغشي عليها وليد فز من مكانه:بسرعه عطوني عبايتها بسرعه
الباتر:قوت يمه انتبهو على مناف لين نرجع
لبسو ايثار عبايتها الباتر كان كل شوي يلف على ايثار
وليد:لاتصدم فينا خلك منتبه للطريق
وصلو للطوارى ودخلو ايثار
ربع سـاعه وطلع الدكتور وهو يفصخ كمامته
وليد:شلونها؟
الدكتور:لاهي بخير بس منهو زوجها؟
الباتر:انا ليه صاير شي؟
الدكتور:زوجتك فيها اكتئاب مابعد الولاده تعرفونه؟
الباتر وليد باجابه وحده:لا
الدكتور: هو اكتئاب يجي للنساء بعد الولاده واعراضها؛التقلبات المزاجيه،القلق،الحزن،البكاء ووالخ
الباتر:طيب هو خطير؟
الدكتور:لا لا ابد موخطير بس يجي للنساء كثير
بس انتبهو لها ولاتضايقونها وخلوها تاكل وتشرب زين وبصرف لها علاجات

الباتر:يصير ندخل عندها؟
الدكتور:ايه مومشكله بس شخص واحد
وليد:تمام انا بروح معاك تعطيني الوصفه
دخل الباتر وليد راح مع الدكتور
كانت منسدحه وعيونها تناظر السقف وتحت عيونها هالات تحس بتعب موطبيعي نطق:الحمدالله على سلامتك
فزت اول ماسمعت صوته وسحبت شالها وحطته ع راسها وبهدوء:الله يسلمك كان مالها خلق لمشاكل او تطويل للسالفه لان بالنهايه الباتر طلقها وماله داعي تتمشكل معاه الحين
الباتر وهو مركز نظره عليها:تقدرين تمشين ولااطلب لك كرسي!
ايثار وهو تقوم من السرير وتعدل شال راسها:لااقدر امشي وقفت وهي تمشي بشويش وتحس بدوخه
الباتر كان وده يمسكها يسند ظهرها عليه بس ماتحل له:اجلسي انتي هنا بنادي وليد واجيك كان متوجه ينادي وليد وشاف وليد قدامه:تعال امسكها وهات كيسه العلاج
وليد راح لها وسند ظهرها عليه وصار يمشي معاها بشويش ركبت السياره وتوجهو للبيت'
«عماد،أمـاني»
عماد:انتي ليش تغيرتي! أمـاني موانتي والله
صدمتيني والله
أماني رفعت حاجبها بسخريه:انت شفيك معلق موانتي موانتي الا انـا عاجبك موعاجبك مايهمين تمام! قامت بتروح مسكها مع معصمها ولفها له
نطق وعيونه تطاير شرار:مافيه شي يربيك غير الطلاق وانتي طالق طالق طالق وروحي بيت اهلك لان الي فيني مكفيني منك عيب عليك يامره
أمـاني كانت مصدومه تطلقت! دخلت للغرفه سحبت عبايتها ونقابها وطلعت طلبت سياره وتوجهت لبيت جدها تحس نفسها متفشله شلون ترجع لهم وايثار فيه هاذي هي الي كانت تبغاه تتطلق من عماد
وصلت ونزلت من السياره دخلت للبيت وهي خايفه من ردة فعل ابوها لودرا انا تطلقت وبيسالونها السبب!
توجهت للصاله وكانو متجمعين وايثار منزله راسها على ولدها دعت ربها انهم مايسالونها
ابوبتّار:وش رجعك توك رايحه منا؟
أمـاني بخوف من ردة فعلهم:طـلـقـني.
فز بّتار من مكانه ومتعب مثله:وليش يطلقك؟ وش مسويه انتي عشان يطلقك؟
متعب بهدوء:حتى ماكملتو سـنه على زواجكم وتطلقتي؟
أماني نزلت راسها وبهدوء عكس الي بداخلها:شسوي هذا نصيبي !
ابوبتّار:خلاص اطلعي لغرفتك.
ساره بسخريه:هذا الي يسبب مشاكل ويفتن بين الناس
بتّار بحده:اسكتي انتي! شفيك بعد تبين شي؟ ولاقومي لغرفتك!
ساره قامت وطلعت لغرفتها لحقتها رهف .
ايثار تبي تطلع غرفتها:قوت الله يسعدك خوذي عني مناف وديه للغرفه بجيب رضاعته واجيك
قوت ابتسمت:تامرين امر كم عندنا ايثار حنا اخذت مناف من يدها وطلعت للغرفه
ايثار قامت من مكانها توجهت للمطبخ الحقتها ثريا :ممكن اكلمك! تكفين عطيني فرصه؟؟ ايثار لفت نظرها لثريا وبتعب:تعبانه! خليني بحالي بوقت ثاني تعالي
ثريا:ايثار لاتكسرين بخاطري عطيني شوي من وقتك
ايثار عصبت ومسكت الكوب القزاز وضربته علو الجدار وبصراخ:انتي ماتفهمين! كلمتك بهدوء وقلت بوقت ثاني تعرفين شلون بوقت ثاني! انا تعبانه تعرفين شلون تعبانه
ام البـاتر:شصـاير؟
ميس قامت:اكيد ثريا قالت شي لايثار وعصبت انتظروني هنا بروح لها
راحت وانصدمت بايثار الي جالسه ومسنده ركبها على الارض وتبكي وثريا الي تحاول تقرب منها موقادره
ميس قربت منها:ايثار اسمعيني
ايثار بصراخ: بعدي عني الله ياخذكم كلكم فتحت الدرج وطلعت الكاسات القزاز وصارت تضربها على الجدار وطلعت الصحون وكسرتها وتحس هاذي للحين مابردت حرتها الكل تجمع عند باب المطبخ وانصدمو بشكل ايثار تكسر الصحون وكانها تبي تشفي غليلها بتكسيرها
راشـد:هاذي شفـيها انهبلت! ودوها مستشفى الامراض النفسيه ليش نبتلش فيها !
ايثار سمعته مسكت كم صحن وكل ماقربت منه كسرت واحد:ايه ابيكم تودوني يمكن ارتاح! لاني تعبت نفسيتي تعبانه!!
بتّار انكسر خاطره كانت ايثار وقت ماراح غير ولما رجع غير قرب منها:تعالي اسمعيني وهمس باذنها تتزوجيني؟
انتهى📍.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 04-04-2020, 07:54 AM
Rwaiiiv Rwaiiiv غير متصل
©؛°¨غرامي جديد¨°؛©
 
الافتراضي رد: ولو اخر قصيدي بيت كتبته حُب في عيونك


الثاني والعشرون
مشاري:والله ضقت من البيت من جينا وحنا مشكله ورا مشكله شرايكم نقترح عليهم نطلع للبر؟ والله الاجواء بتكون حلوه؟
فواز:وين حلوه حر يابوي ماحد يطلع بالاجواء ذي غير الضب يطلع يتمشى ويرجع لحجره
ناصر ضحك:حنا ضبان اسمع مشاري نقول لهم ونشوف رايهم! مولازم نطلع ونرجع بنفس يومها ننام هناك شرايك؟
مشاري وهو يحك ذقنه:ماهي بشينه والله! بس وين الي يطلع ويقترح؟
مطلق دخل وهو يسمعهم:انا بقول لجدي وانشاءالله يوافق حتى عشان نفسية البنات
تعبت
ناصر:الحين انت تبي تتوسط لنا عشان البنات؟
مطلق:ايه ،عشانهم تعبو مره خاصه ايثار وامـاني
متعب بسخريه:مدري ليش تهتمون للاناث
فواز:اسكت اسكت انت يالمعقد! بدينا اصلا انت شلون عايش؟ ماتحب؟
متعب:احب؟مافيه حب صادق للان! خلنا نكون واقعين ! شفت بنت صادقه بحبها! او مخلصه؟ مافيه! الشباب تعرفونهم مايحتاج!! يبون يشبعون شهوتهم بس!! ويكذبون على البنات باسم ايش"الـحـب"
مشاري كان بيتكلم قاطعهه دخول ولـيد:ماتصدقون شصار داخل!! ناصر:ليه شصار؟
ولـيد:ولد عمكم الفاهم الـذكي! بيتزوج ايـثار!
مـتعب:بتّار؟ خبل ذا يتزوج وحده عندها طفل؟ ولامطلقه بعد!
دخل بتّار:والله مطلقه وعندها ولد! عادي مومشكله! وانا بتزوجها عشاني احبها! وقريب بترد لي الموافقه
مشاري:مهبول انت!
ناصر:طيب الباتر؟ شلون تاخذ زوجته وولده! منجدك انت؟
مطلق:حمار انت؟ وش ياخذ ولده؟ وبعدين الباتر طلقها من كيفه ماحد غاصبه!
بتّار:نعم وانا ابيها! سوا مطلقه او عندها 10 عيال انا احبها وطلع تاركهم لحالهم
«غرفة ايثار»
دخل الباتر غرفة ايثار وهو بقمة عصبيته:شلون توافقين عليه وبصراخ شلوننن؟
ايثار وقفت من على سريرها:اول شي قلت له اني بفكر وانا بشوف حياتي! تعرف شلون بشوفها؟ انت تخليت عني للمره الثانيه وعطيت نفسي وقت افكر اني اعطيك فرصه ثانيه! بس خذلتني وتركتني للمره الثانيه! وانت قاعد تشوفني تعبانه نفسيتي ! تزيدها علي بطلاقي منك! مافيه صله بيني وبينك الا اني بنت عمك! تفهم ولا لا!
الباتر ضحك بسخريه:وولدي وين راح لايكون بعد بتخلينه لبتّار؟
ايثار:انا موحقيره لدرجه اني ابعد ولد عن ابوه! ولدك بيكون قريب منك! مراح اطلع من البيت عشان ولدي وعشان تكون قريب منه ! وبتّار برد له موافقتي اللان
الباتر:بس عطيني اخر فرصه اصحح غلطي عطيني ارجعك لذمتي! حرام ياايثار تخلين مناف يضيع بينا والله انه حرام !
يتشتت بينا بس عطيني اخر فرصه اخر فرصه اني ارجعك لذمتي ويكبر ولدي قدام عيني وبحضني
ايثار بتردد وهي تلف نظرها لمناف:افكر واشوف
الباتر قرب منها ومسك يدها:لاتخلينه يبعد عني ! ويكبر بعيد عن عيني!
ايثار سحبت يدها بهدوء وصدت عنه:طيب اطلع برا وعطني وقت افكر فيه طلع الباتر وهي تحس انها متردده كثير! محتاره بين امرين ابو ولدها! ولا حب طفولتها! بعد تفكير طويل اخذت رايها وبتقول لبتّار والباتر رايها!
«الـسـاعه12 باليل»
ايثار طقت الباب على رهف بشويش:افتحي انا ايثـار
فتحت رهف وهي مستغربه:شفيك؟
ايثار:تعالي معي ابي اروح لبتّار بقوله رايي لان عجزت انام ابغى اقوله وارتاح
رهف طلعت معها:يالله امشي بس قولي رايك الي تحسين ارتحتي موعشانه اخوي! اقولك وافقي عليه لا! قولي رايك وماعليك منه اهم شي راحتك
ايثار ابتسمت لها دخلت رهف وقالت ان ايـثار تبيك
بتّار لف نظره لرهف:اطلعي وخليها تجي هنا
رهف:لحالكم؟
بتّار:انتي بتوقفين عند الباب بتقول لي الي تبي وبتروح
قالت رهف لايثـار وقالت لها دخلت ايثار وهي متوتره شلون بتواجهه وتقوله:اسمعني ولاتزعل مني!
بتّار:ادري مراح توافقين!
ايثار رفعت نظرها له وباستغراب:شدراك؟
بتّار:عشان منـاف؟ عاذرك انا تبين ولدك يعيش عند ابوه الله يوفقك يابنت عمي ويستر عليك ويخلي لك ولدك
ايثار:لاتزعل والله انت غالي بس تعرف منـاف ابيه يعيش عند ابوه والبـاتر من حقه يربي ولده! ومابيه يبعد عن البـاتر
ابتسم بتّار:الله يوفقك ويستر عليك
طلعت ايـثار وراحت غرفتهـا ثـواني ونامت
الصباح السـاعه10:30 متجمعين على طاولة الفطور ياكلون بهدوء دخلت ايثار:السلام عليكم لفت نظرها كان مافيه كرسي فاضي الا جنب بين البـاتر وابو البـاتر تنهدت جلست وبيدها مناف
الباتر كان ياكل وكل شوي يخطف نظره لايثـار ويبتسم
أمـاني بهدوء:مدري شلاقي فيها الصراحه!
ايثار باستغراب لفت نظرها للباتر بعدين لامـاني:عفواً !!!
أمـاني:انا صادقه ؟ وش لاقي فيك؟ يعني
ايثار رفعت حاجبها:وانتي شدخلك؟ كان صايره تتدخلين واجد!
أماني وهي تشرب من الشاي حقها:والله كيفي اقول الي بخاطري انتي شتبين؟
ايثار عطت مناف الباتر:لاموكيفك وبصراخ انا بالحاله هاذي بسببك انتي تدرين؟
أماني بضحكه مستفزه:ايه ادري ومستانسه بعد
الباتر وقف وهو يضحك بصوت عالي:والله انتي مسكينه! ايثـار اليوم بعد المغرب برجعها على ذمتي وابحطها بفلتها الي جهزتها من يومين
الجـدة نوره:شلون مو بتّار الي خطبها؟ انتو شفيكم كل واحد ياخذ رايهه على كيفه! لاتخلوني احرمكم ايثار! ولا واحد فيكم ياخذها!
بتّار:جدتي انتي موف قاطعه جـده راشـد
:اسكت ولاكلمه! لعبه عندكم حنا واحد يطلقها والثاني بيتزوجها وبعدين يتغير الكلام؟؟ ماحد فيكم ياخذ ايثار انا بزوجها رجال وكفو!
مو انتم يارخوم اعطيكم ايثار مره ثانـيه!
ايثار ردت بسخريه:يقال تحبني الحين؟ انا برجع لابو ولدي ولا اخذت رايك وكلامك بضربه بالجدار وكانك عندك ريجيل كفو وياخذون مطلقات زوج أمـاني واحد من ريجيلك الكفو وضحكت بسخريه اخذت مناف وطلعت لغرفتها تتجاهل كلامهم
"تسـريع احـداث"
المـغرب رجعت ايـثار لذمـة البـاتر
دخل عليها وكان كاشـخ بثوبه الابيض وشماغه الاحمر وريحة العود والبخور تعج بغرفتها بعكسها هي لابسه جينز وتيشيرت و شعرها ذيل حصان ومكتفيه بالميك اب مسكرا ومرطب لفت نظرها له وضحكت:شعنده العريس؟
الـباتر ضحك:ابد والله قلت خلني اكشخ لام ولدي وزوجتي بس ليت ماتعبت نفسي اشوفك مريحه نفسك؟
ايثـار ضحكت واكتفت بالصمت قرب واخذ من يدها مناف:نمشي؟
انتهى

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 04-04-2020, 07:57 AM
Rwaiiiv Rwaiiiv غير متصل
©؛°¨غرامي جديد¨°؛©
 
الافتراضي رد: ولو اخر قصيدي بيت كتبته حُب في عيونك


الثالث والعشرون
نزلت وشافت بوجها الكل متجمع بالصاله الباتر همس باذنها:طالبك طلبه انك تسلمين عليهم يكفي ياايـثار خلي الي فات مات! طالبك طلبه ان كان لي خاطر عندك؟
ايـثار:ماعندي للاسف طنشته ومشت طالعه هو ابتسم بفشله وطلع وراها ركبو الـسياره الصمت سيد الـموقف
وقف قدام الفله وكانت حلو تصميمها دخلت للبيت وانذهلت من كثر البوكسات الي كانت مركونه فوق طاوله بالصـاله وكان فيها فساتين وكعوب والـخ وكان فيه اكثر من طقـم ذهب ابـيض واصـفر وكان فيه سلسال منحوت فيه اسـم منـاف واسمه ناظرت فيه وهي منصدمه من الاشياء الموجوده
الـباتر:هـدايا بسيطه لك اتمنى انك تقبلينها؟
ايـثار ابتسمت:مشكور ومسكت السلاسل الي منحوت عليه اسمه واسم مناف ابتسمت اختفت ابتسامتها وارتجف جسمها من محاوطته لها ويمد يده سحب السلاسل ورفع شعرها لبسها السلاسل ونطق بهدوء وروقان:جهزي نفسك بكره فيه طلعه مع ان كان ودي مانطلع بس نطلع تغيرين جو انتي ومناف طبع بوسه على عنقها وابتعد عنها متوجهه لغرفته وقفه صوتها:بسالك سوال ممكن؟
الـباتر ابتسم:عيوني لك امري؟
ايـثار:ننام بغرفه وحده؟ ولامنفصله؟
الـباتر:لايابوي بغرف منفصله ابيك انتي تجيني برضاك مابي اغصبك على شي
ابتسمت ايـثار:طيب ابتعد يكمل طريقه.
-
-
"صـباح يـوم جديد"
الكـل متجمع بـالمخـيم
مشاري وهو ينزل من السياره:اهه توبه اجي مع ناصر وفواز سنه سنه عشان يمشون! والله بروح مع بتّار ومطلق وش ابي فيكم انا؟
ناصر ضحك:والله مو مني من سواقة فواز شدخلني انا؟
عناد توجه لهم وهو مبتسم:شسالفتكم انتم؟ جاين متاخرين؟
مشاري:حبيبي توبه اجي معاهم احس خربو وناستي بسواقتهم
فواز وهو يعدل شعره ويبتسم:صاير تغلط واجد؟
جلـسة الحريم كانو جالسين يسولفون ويضحكون بعكس ايثار كانت جالسه بعيد تحس بضيقه موطبيعيه الجده نوره:ايثار وانا جدتك تعالي اجلسي عندي
ايثار حطت مناف بحضن ام الـباتر وطلعت تركض ضغطت على رقم الباتر ثواني ورد نطقت:تعال بسرعه انا عند سيارتك بسرعه تعال
خاف الباتر وصار يركض انصدم من حالتها كانت جالسه على ركبها وغارزه اظافرها بالارض تحاول تتنفس بس موقادره جاء عندها والخوف متملكه:فيك شي تكلمي فيك شي
ايثار بكت حطت راسها على فخذه هو خاف عليها وصار يقراء كم ورد من القران الكريم وايثار كانت تبكي بصوت عالي وتحس فيه شي يخنقها موقادره تتنفس الـباتر خاف عليها ورفعها وحط راسها على صدره وصار يمسح على راسها ويقراء بعد نص ساعه تحس هدت شوي قامت وهي تنفض ملابسها قام هو وجسمه متشنج نفض ملابسه:هديتي؟
ايثار نطقت بهدوء:ايـه برجع داخل لمنـاف لفت بتروح مسكها مع معصمها
نطق بهدوء:اذ احتجتي شي او بغيتي ترجعين للبيت قولي لي ماعندي مانع نرجع انا وياك بدري تمام؟
ايثار ابتسمت:طيب
"بجلسه الـبنات"
ثريا ضحكت:والله اني حـامل بس للحين ماعلمت جـابر بعلمه بوقت مناسب موالحين
ميس حضنتها:حبيبي والله
أمـاني تاففت وقامت طلعت برا تتمشى
ايثار دخلت وجلست ومدت فنجال لرهـف:بالله صبي لي قهوه
ثريا تناظر فيها:اخبارك؟
ايـثار لفت نظرها لها:تكلميني؟
ثـريا:ايه اكلمك!
ايـثار:والله اضن اخباري مالك دخل فيها تفهمين؟
ثريا:لمتى بتكونين زعلانه؟
ميس:بنات تكفون مانبي نخرب جلستنا!
ايـثار:لا ثريا ودها تخربها والله هذا شي يخصني
ثريا:لامو شـي يخصك ترا انتي زعلانه علينا عشان السـالفه حقت جدي ياختي لاتلومينا كان وقت صدمه لنا ومافيه احد مشكوك فيه الا انتي؟ وماتبين نصدق جدي!! ايـثار:طيب المطلوب مني الحين؟ اعيد واكرر بالاسطوانه الي اقولها لكم؟
ثـريا:اشوفك رضيتي على الباتر وهو ترك6 شهور وطلقك بعدها ورجعتي له ! شمعنى الـباتر ؟
ايـثار ضحكت:الحين انتي تقارنين نفسك بالبـاتر؟ شفتي الـباتر الي كنت اسبه قدامكم؟ واقول انه ماينطاق؟ عرفت الـباتر وش بقلبه لي عرفت هو وش يبي صح انه تركني6 شهور وطلقني بس هاذي ارادتي انا ابي الطلاق وال6شهور الي راحت وهو تاركني فيها خلته يعرف قيمتي ويجي للمـانيا ويدورني ومارجع من الـمانيا الا انا معـه! صرت ادور سبب عشان اتمشكل معاه كنت ابـيه يطلقني وكان يطنشني ولاكانه يسمعني ويجي من بكره يضحك بوجهي ولاكـان صار شي بيني وبينه بس بسبب الـست أمـاني حس ان رجولته انجرحت! ان زوجته تحب واحد غيره؟ والسبب يرجـع لمـين؟ وسبب هدم بيتي؟ تعـرفونه انتـم مـايحتاج اقول!
جت أماني وكانت تسمع كل شي قالته:مافيـه احد ينكر من البـنات انك كنتـي تحبين بتّار
واسكتي عنا فيه ادله عندنا ان كل شي صحيح وتبين نوريها لهم؟ بما ان الجميع موجود
ايـثار ضحكت:صحيح مانـكر اني كنت احب بتّار وكنت اسب الباتر عند البنات وكثير واقول انه معقد وماينطاق بس طلع كلامي العكس لان حنا ماعرفنا للباتر بس والله الباتر غير غير وانا اسحب كلامي الي قلته عنه صار شخص غالي جداً على قلبي لان انا عرفت قيمه الـباتر وهذا الي انا اقدر اقوله !
الجـدة نوره:رهـف خلي جدك وعمـانك يجون!
الكل استغرب!
ثـواني واجتمعو
الـجد راشـد:عساه خير؟
الجده نوره:خير خير انشاءالله بس بنتي ياايثار سامحينا حنا خطينا وكثير بعد بس وانا جدتك ماحد ضامن عمره سامحينا
ايـثار اتجهت لجدها وحبت راسه وجدته مثله وحبت راس عمانها كلهم لين وقفت عن ابـو مطلق كانت تحب عمها ابومطلق كثير لانه يشبه ابوها وضمته وبكت
وابتسمت ساره وتحس رجعت عايلتهم زي اول واحسن بس تفكر الي بتخرب كل شي أمـاني

الـساعـه1:30 بالـيل"
ابومـطلق:انت وفواز تشيلون الاغراض الباقيه لان سيارتي امتلت ومطلق كذالك سيارتكم الفاضيه
ناصر:يبه طيب خل مشاري يجلس اغراضكم كثيره
ابومطلق:مشاري راح مع السيارات الي قبل شوي وانتو اخلصو شيلو والحقونا
فواز وهو شايل الفرشات:تامر امر
حرك ابومطلق ومرت ربع ساعه وهم يشيلون الاغراض خلصو
ناصر:يالله تعب تعب خلو علينا الشي الصعب وراحو الله يسامح ابوي ومطلق ذا اوريك فيه حيوان قسم بالله "سيارة الباتر"
كسر الصمت الباتر:اشوفك حنيتي عليهم وانا للحين ربي مافرج علي ماودك تحنين؟
ايثار:يبي لك قرصة اذن شوي بعدين افكر
الباتر:شدعوه والله خلاص تادبت بس عطينا وجه شوي وضحك
ايثار:تستخف بدمك الحين؟ مراح اعطيك وجه لين اشوفك صدق صدق ندمان
الباتر:هذا وانا صرت شخص غالي عليك ؟ ماودك تعطيني وجه؟
ايثار لفت نظرها له:شخص غالي؟ الثقه عندك عاليه جداً!
الباتر وهو يفتح جواله:لاموعاليه بس فيه ناس الله يخليهم لي اثبتو لي وغمز لها وفتح على الفويس الي كانت تتكلم عن الباتر من اوله لين نهايته
ايثار بصدمه:الله ياخذك ياقوت تحسب بخليها؟ والله ودها تتصفق منزمان ماتصفقت
الباتر:هيه طلعتي انتي الي معنفه اختي المسكينه اعتقيها لوجه الله يابنت الحلال "سياره ناصر وفـواز"
ناصر بصراخ:وقفها وقفها تحكم فيهااااا
فواز وهو متوتر:ماقدرت ماقدرت الفرامل ماتشتغل دق على اي احد دققق بسرعهه
سحب جواله ودق على بتّار ثواني ورد بس كانت الصدمه طلعت بوجهم شاحنه وحاولو يبعدون عنها لاكنن سيارتهم تحطمت تحت الشـاحنه
بتّار بصراخ:ناصررررر رد علي فيك شي نااااصر ويننننككككك ناصر انقطع الاتصال وقال لمطلق يرجع
انتهى

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) 04-04-2020, 07:59 AM
Rwaiiiv Rwaiiiv غير متصل
©؛°¨غرامي جديد¨°؛©
 
الافتراضي رد: ولو اخر قصيدي بيت كتبته حُب في عيونك


الرابع والعشرون
كان مطلق يسوق بسرعه يحاول قد مايقدر يوصل لاخوانه وصلو وانصدمو من الناس المتجمعه حول السياره المنقلبه والاسعاف وكان وده يروح يشوف شصار بس رجوله موقادره تشيله انهار جلس على ركبته وبصوت خفيف:مشاري بتّار ناصر وفواز فيهم شي روحو شوفو موقادر امشي موقادر
مشاري صار يركض وصل وهو يشوف ناصر وفواز حاطين عليهم الشراشف نزل راسه وهو يردد:ان لله وان اليه راجعون ان لله وان اليه رجعون وكان يشهق ويردد ان لله وان اليه راجعون
بتّار ركض لحقين الاسعاف:ليش مغطينهم وبصراخ لييييششش؟
الموظف:عظم الله اجركم والله يرحمهم
بتّار ماقدر يمشي طاح جنب مشاري وصار يطبطب على ظهره مطلق كان يناظر لهم ودرا ان اخوانه صار فيهم شي لف نظره لصاحب الشاحنه كان فيه كم خدش بوجهه وراسه ينزف بدون وعي صار يركض له:ماتعرف تسوققق اخوانني راحو بسببك وسبب سواقتك هاااذييييي اخواني راحو والسبب انت اخواااننييي وقبل يكمل كلامه طاح مغمي عليه الاسعاف شالته وركب معاه مشاري وبتّار كان ينتظر الاسعاف الثانيه الي بتشيل فواز وربع ساعه وجت شالت فواز سحب مفتاح سيارته وقفلها وركب مع الاسعاف متوجهين للمستشفى
وصلو وكانت الساعه تشير3:00الفجر
صحى مطلق وقام معاهم:خلونا نمشي وبكره نقول لهم
بتّار:بكره تقول لهم؟ بس لازم يدرون اليوم!
مطلق:انا قلت الي عندي لاحد يكثر كلام وكانو متلطمين بشمغهم
وصـلو للبيت وانصدمو ان كلهم متجمعين بالصاله ولانامو!
كان مطلق عيونه حمر وكل شوي يمسح دموعه:السلام عليكم كلهم ردو السلام
ام مطلق:اخوانك وين؟ مطلق كلمني وينهم؟
مطلق شهق:عظم الله اجرك يايمه عظم الله اجرك وطاح على ركبته وحط راسه بين يدينه وبصوت عالي يبكي ويشهق ويردد عظم الله اجرك يايمه باخواني عظم الله اجرك وكان يبكي ويشهق
ام مطلق انهارت مغمي عليها وابومطلق جلس على الكنب بصدمه صعب صعب عليهم يفقدون 2 من عيالهم
ميس دخلت وهي تبكي وراها عناد:خذو بنتكم ماعاد ابيها واخذت بثار اخوي صقر من عيالكم ناصر وفواز
مطلق قام من مكانه:شلون اخذت بثار اخوك؟ شلووووون وبصراخ؟ يعني انت السببب؟ بالحاااادث ياولد ** عناد عصب:الزم حدودك وبنتكم ذي وطت روسكم بالارضضض طالعه مع اخوي الزااانيه والسبب بقتل اخوووي ميننن ناصر وفواز ولاعاد ابيها دخل جابر وهو يكمل:وانا ماعاد ابي ثرياااا اخذت بثار اخوي وصديقي صقر محمد العللي وانتي ياثريا طالق طالق طالق
ثريا بدموع:شدخلني اناااا وبصراخ شدخلني؟ الله ياخذك يامريض يامتخلففف شدخلنيييي بخوييييك
ميس:ثريا اسفه وربي اسفه خربت بيتتتك
ثريا وهي تحذف الفازه بصوب جابر:اي بيت تتكلمين عنه مبني على الكذب ايييي بيت تتكلمين وبصراااخ علميني اي بيت ندمت اني ماسمعت كلام ايثار نندمت اني ماطاوعتها ومشيت على مزاااجي انا الغبيه الي اخذ واحد شفته مره ومرتين بالمستشفى وقلت خطبني لانه يحبني بس الله ياخذك وياخذ بثارك معك واحد حقير
جابر بسخريه:خليك عند اهلك وكانك خايفه انك تجلسين طول عمرك مطلقه برسل واحد يتزوجك ضحك وطلع وراء عناد
كان واقف:حسيت براحه موطبيعيه خليتهم يحسون بالي حسته امي وقهرها على صقر
جابر ابتسم وهو يتنهد براحه:اخذنا حقنا
بتّار طلع وراهم:من قالك انك اخذت حقك بدون عقاب؟ ماراح تطلع منها ياولد فهد وتشوف والله لاجرك بالمحاكم واخليك تخيس بالسجن انت والتبن الي معك
عناد:سو الي تبي مايهمني لو ادخل السجن واخيس اهم شي اخذت حق اخوي منكم وفوقها بنت عمك وضحك وطلع هو وجابر «نرجع للي داخل»
دخلت ايثار تركض وتتلفت:شفيكم شصاير؟
ثريا جالسه على الارض وتبكي ايثار خافت وبصراخ:شفيكم قولو شفيكم "سردو لها كل شي"
الباتر:لاحول ولاقوة الابالله عظم الله اجرك ياعمي
ابومطلق:جزاك الله خير
ايثار سحبت ميس وثريا:امشو قدامي ادخلو بتسكتون ؟ مراح تسون شي؟ غبيات انتم!!!! ميس وهي تمسح دموعها:انتي شفيك اخواني ماتو بسببهم وتطلقنا وحياتنا خربت ورجع الحزنن والمشاكل للبيت تعبت وربي تعبت وانا كاتمه موضوع صقر بقلبي
ايثار:ليش تسكتين؟ ليش ماقلتي لهم وعطيتيهم دليل يثبت الشي ذا
ميس وصوتها مبحوح:وش دليله انتي بعد مافيه دليل يثبت انا التبن الي اثق باخو الي اغتصبنني
والله ندمت ندمتتتت قد شعر راسي الحمدالله ماسلمت له نفسي ذا بعد
ثريا وهي تشاهق:وانا حامل وتركننني؟ شسوي شسوووييي قولو لي شلون ماعندي احد يعاونيي شلون بصرف عليه؟ لاشهادهه ولاوظيفهه انا الي ندمت قد شعر راسي تركت دراستي انا الغبيييه
ايثار تنهدت:اشكي همك لربك شوي واجيكم نزلت تحت وانصدمت بوجود غفران :ايثار كنت ادور عليك زين لقيتك
ايثار:ليه شصاير شفيك؟
غفران:شفتي الي جوك وضربوك؟ وخطفو بتّار؟ هذا كله من عمايل عناد
ايثار:وعناد شدراه عن مكاني؟ غفران يعني هو السبب بالي طحت فيه!!!!! غفران:ايه كان يراقبك من وقت ماطلعتي من شقتك اول ماركبتي الطياره ركب وراك شخص بعد يعني كله هذا من عناد لان حاط فبيتك جهاز تنصت
ايثار تنهدت:يالله متى نرتاح مشكله ورا مشكله الا انتي وش جايبك؟
غفران:انتي شفيك صايره غبيه جيت عشان اعلمك بالموضوع واساعدكم بالعزاء
ايثار ابتسمت:ماقصرتي الله يسعدك بروح اشوف مناف
غفران:وينه بروح معاك يحلوه احسني مشتاقه له
ايثار خزتها:وين تروحين؟ عند الباتر بجيبه واجيك
غفران ضحكت:شعندكم صايرين سمنه على عسل؟ طاح الحطب؟
ايثار:خصوصيات توجهت للمجلس -
"بعد مرور احداث ليست مهمه"
بتّار دخل:السلام عليكم ابشركم تم القبض على جابر وعناد بتهمه قتل واختطاف
مطلق:اختطاف؟ مين خاطفين؟
الباتر تنهد:بتّار وايثار انخطفو من تخطيط جابر وعناد للاسف
بتّار:خربو حياة ثريا وميس الله يكون بعونهم
ثريا دخلت وسمعت اخر جمله قالها بتّار:يخسى يخرب حياتي ابن الكلب الله ياخذه
ام البـاتر:حبيبتي ثريا لاتعبين نفسك انتي حامل مايصير!
ثريا بدموع:مايصيير اي صح مايصير ياناس انا تعبت انا شايله روحين فبطني
الجده:تؤام؟
ثريا جلست على الكنب بتعب:بنت ولد بس شلون ابربيهم لحالي؟ جدتي عطيني حل انا مدري وش اسوي احترت شلون ابربيهم؟؟؟؟؟ وانا ماعندي سنند! اسجل اسماء عيالي على اب مجرممم!!!! ياجماااعه شاب راااسي!
الجـد راشد:اكيد بتحطينهم باسم جابر هذا ابوهم!
ثريا:والي شكك بشرررفي! وقال وش ياكد لي ذولي عيال؟ ولاتبين تدبسينهم برقبتي!!! شرايكم انتم؟ هذا كككلاممم؟ يعني مقصده اني خاااينه وحامل فبطنيي عياللل زنى؟
ابومطلق بغضب:موبكيفه عيالك يتسجلون باسمه وغصب عنك بعد يعترف فيهم قدام الناس .
ايثار:ثريا اسمعيني انتي حامل بالشهر التاسع ولادتك قريبه! لاتفكرين بالاشياء هاذي ريحي نفسك لاترهقين نفسك وعيالك بينحطون باسم ابوهم ليش شايله هم؟
ساره:خلونا من السيره هاذي وش بتسمينهم؟ اكيد ساره البنت
ثريا ضحكت:الله الله ياثقه؟ اسميها ساره؟ وع تبين بنتي تطلع نفسك؟
ساره:انتي شفيك تحطمين؟
والله اسمي حلو!
ثريا:هو حلو ماقلت شي بس انتي الي تخربين الاسم وربي
الجد تنحنح:اسمعوني زين فيه رجال ونعم فيه خاطب رهف
رهف شرقت بالقهوه:انا؟
ايثار ضحكت:ايه انتي!! شفيك منصدمه؟
ساره:يعني مومعقوله؟ شفيها عيون الحريم استغفرالله صدق يعني يشوفون رهف وانا لا قطيعه بس متى اتزوج! حسبي الله بعيش حياة رومانسيه ابي ادلع زوجي اف ياحياة القشره
متعب بغضب:هيه انتي استحي على وجهك الكلام ذا قوليه بينك وبين بنات عمك موقدامنا عيال عمك ماتستحين؟
ساره:تكفون ياعيال عمي دورو لي رجال ابي الستر انا مابي شي ثاني انت شتبي الحين روح بس يانفسيه

الجد:اسكتي انتي هاه يارهوف شرايك؟
ساره قاطعته:انتي هيه وافقي افتحي الطريق لي ناشبه بحلقي تزوجي طسيي
ابوبتّار:يابنت استحي على وجهك وقومي فارقي عيب عيب
ساره:مافيها شي من قال عيب؟
انتو شفيكم؟ كل شي عندكم عيب؟
متعب:ايه عيب وجع انشاءالله قومي البنت حلاها بالحياء مو فاصخه الحياء
ساره تاففت:اوه عاد انتي يارهف وافقي تكفين
رهف قامت طلعت برا الغرفه
ساره:يعنني مستحيه والله لواني منها لااوافق قاطعهم دخول أمـاني:السلام عليكم ردو السلام
ساره:عاد جاء النكد بالله خلونا نتفرق مالنا خلق نتمشكل
أماني:انتي الحين شتبين؟ مريضه وربي
ايثار قامت مسكها البـاتر:وين بتروحين؟
ايثار بهمس:بروح لغرفتي انوم مناف
أماني لفت نظرها لايثار:تطلعين عشاني جيت؟
ايثار طنشتها وجت بتطلع لاكن مسكتها أمـاني مع يدها
ايثار نفضت يدها:بعدي عني ولك عين بعد!
أماني:لاتلوميني غرت منك
ايثار ضحكت بسخريه:غرتي مني؟ وش غرتي منه؟ ان حياتي صارت زفففتت تعرفين شلون زفت؟ ابتعدت عن اهلي عشان تهمه باطلله وكذب وتركني الباتر 6 شهور اعاني ابعدوني عن ولدي3 شهور!!! تعذبت وانضربت من قبل عصابة حاقدين ! والضحيه انا!
وانتي ياأمـاني ماقصرتي كملتي علي وسببتي لي مشكله مالها اول وتالي! وتقول اغار منك!
أماني:ايه غرت منك! انا تزوجت واحد كبر ابوي!! وانتي اثنييين يتهاوشون عليك! وش الي فيك ماهو فيني؟ ماحد يطل بوجهي! وتطلقت من خالك لاني كرهت عيشتي معاه فيه فارق سن بيني وبينه انتي اخذتي واحد قريب من عمرك تطلقتي ويبغاك والحبيب الثاني هذا انا تطلقت وماحد طل بوجهي! شالسبب؟ وش الي فيني وماهو فيكك علميني؟
ايثار ضحكت بصدمه:تفكيرك كذا يـاأمـاني؟ تخلين مصيرك يتعلق على رجال؟ اسعدي نفسك بنفسك! ومن حركاتك ماحد يطل بوجهك! خليتي الناس يكرهونك من فعايلك والحين تعيدين اسطوانه بتّار قدام الـباتر؟ معليش يعني تراك وقحه! للمره الثانيه تقولين الحبيب!قدري شعور البـاتر طيب!
انتهى📍.
انتظروني بالبارتات الجديده💛.

الرد باقتباس
إضافة رد

ولو اخر قصيدي بيت كتبته حُب في عيونك/بقلمي

الوسوم
عيونك , قصيدي , كتبته
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
الشعر شعري وإن كتبته لعينك سعد العوجان خواطر - نثر - عذب الكلام 3 27-10-2019 09:13 PM
أجيك كلي وادوخ بضحكتك كلي واموت في لهفتك واتلحف جنونك لاغاب طيفك انا يامنيتي من لي يجرحني البرد واتدفيني عيونك/بقلمي گلي انوثھ......... روايات - طويلة 4 17-02-2018 11:19 PM

الساعة الآن +3: 09:44 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1