غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 08-04-2020, 03:18 AM
الكاتبة أريج الكاتبة أريج غير متصل
©؛°¨غرامي مشارك¨°؛©
 
الافتراضي رد: رواية/لو أخر قصيدي بيت كتبته حُب في عيونك/كامله


💙✨

بارت"10"

طلع الجد من غرفته وشافه نايف ورد ناضر في
اخته الي بكت من دون لا يدري.. مسحت حصه
فمها وانفها وردت لشغلها.
قرب نايف يحب راس ابوه:اخبارك يبه..
:بخير بخير احمد ماجاء!
_نايف:مدري بس م ضنتي جاء توني واصل مع عيالي.
. دخل الجد مجلس الحريم.. ونايف توجهه لحصه
:وش فيك ياحصه فيه شي ماادري عنه قوليلي.
حصه بتنهيده:لا يااخوي بس كذا حسيتني مضغوطه
بالحيل من الساعه8وانا اجري هنا وهنا مالحقت
ع شغل البيت..
_نايف:الله يعين وانا اخوكك. تركها وتوجهه
لعيال اخته..
دخل الجد وقفو البنات يسلمون عليه:هلا هلا
تسلمون جعلكم تحبون الكعبه..
وقفت شريفه حبت راسه ويده:وش اخبارك ياعمي
عساك طيب اليوم....
جلست اريام تغيير لعمار ملابسه واريج
بجنبها التفت لها:اريج روحي يابنيتي ساعدي عمتك
من صباح الله خير وهي تكرف في هالبيت..
ابتسمت:ابشر ياجد.. تركته وطلعت..
صقر بالمطبخ يفطر وبيده الجوال ويشوف اخر اخبار
ماوصل له.. رفع كاسة الحليب يشربه.
.. حصه شافت اريج وابتسمت:هلا والله حياا الله
ارييججج..
صقر يوم سمع اسمها غص بالحليب وكح..
حس بحراره بجسمه مايدري وش سببها دقات
قلبه بدت تتسارع..
قربت اريج بخجل من عمتها وهي مو داريه عن
وجود صقر:تسلمين ياعميمه وش فيه تبين اساعدك
بوه..
_حصه:اهه يارريج جيتي  وجابك الله.
خلي العيال يطلعون ورتبي لي غرفتهم..
وانا برتب الصاله والمطبخ.. قاطعتها اريج
:طيب خليني ادخل ارتب المطبخ ع بال م يطلعون
للصلاه..
_حصه:صقر بالمطبخ يفطر..ارتبك صقر
حتى فطوره م كمله حس بحماس مفاجئ قرب
صوب الباب وتنحنح..
اريج بعدم اهتمام دخلت االسيب الفاصل بين
مجلس الحريم والصاله..
_حصه:تعال ياصقر راحت اطلع سرعه.. طلع صقر
وعيونه تدورها يبي يلمح بس زولها او طرف منها
يبي يهدئ قلبه الي مو راضي يوقف من كثرة
تسارع النبض.. دخل غرفته وعيونه للحين تدورها.
بس للاسف ماشافها. وينها؟ اوف طرف بس اشوفها
منه؟ يارب عفوك ورضاك بس.
_فهد يعدل ثوبه:صقر تراني اخذت من ملابسك
امي مدري وين حاطة ملابسي مو ملاقيها..
صقر لاحياه لمن تنادي عقله رااحح بعيييد وبعييد
راح لطفوله ماضيه وذكرياته القديمه
الا الكل دفنها ونسئ عنها لكن صقر للحين حافظه
في الذاكره للحين متعلق فيها وعايش معها بخياله.
___
احمد:ليتك يازياد تكسر الشر وتجي معانا للصلاه؛!
تثاوب زياد:ماني معكم روحو الله يحفظكم..
تركهم ودخل غرفته يكمل نومه...
طلعت صفيه لابسه عباياتها:احمد خذني لا اهلي
متجمعين ع الغدا ابي معهم.
_احمد:يابنت الحلال ليه م تكلمتي من بدري ليه
م اعتذرتي مو الحين تقولين لي ماني رايح
امشي يلا..
_صفيه تخصرت:لاووالله تروح بي مو بكيفك
توهم متصلين فيني كل أسبوع وعند ابوك
خلاص هالاسبوع بروح ل اهلي وصلني.
_وقف احمد معصب:صفييههه ماني رايح
امشي قدامي السياره عند ابوي وانتي ساكته..
_مروه:يمه طيب اتصلي ف خوالي واعتذري.
_صفيه:مروه انطمي تبين تروحين روحي مع
ابوك انا بصحي زياد يوصلني..
#لو_اخر_قصيدي_بيت_كتبته_حُب_في_عيونك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 08-04-2020, 08:45 AM
الكاتبة أريج الكاتبة أريج غير متصل
©؛°¨غرامي مشارك¨°؛©
 
الافتراضي رد: رواية/لو أخر قصيدي بيت كتبته حُب في عيونك/كامله


💛✨

بارت "11"

_مروه:يمه طيب اتصلي ف خوالي واعتذري.
_صفيه:مروه انطمي تبين تروحين روحي مع
ابوك انا بصحي زياد يوصلني..
توجهت لغرفة زياد وفتحت الباب بكل قوتها
_
صقر مبتسم وعقله بعالم ثاني
قبل سنين وسنين طوييللههه سنين مالها
اول وتالي بذيك الليله وبذيك الساعه
اريج وصقر تحت القمره.
_اريج:صقر يوم حنا نمشي ونجري القمر يجري
معنا؟
صقر:ههههههههههههههههههههههههههههههههههههههههه
انتي مهبوله يابنت لا مايجري معنا هو واقف
_اريج ناضرت بعيون صقر:وشلون واقف وحنا
لا رجعنا بيتنا يمشي معنا واذا جينا عند جدي
يمشي معنا... قاطعهم دخول ابو صقر عليهم
بيده العقال:صقققررررر صقرررر.
فز صقر ووقفت اريج واختبت
خلف ضهر صقر بخوف
_صقر بخووف:ها يايبه علامك.. والله ماعملتو
شي...
قاطع خيال صقر صوت جده:وين وصلت انت
يلا امشوا.. مسح صقر عيونه وقام يلبس ثوبه.
___
احمد خذا عياله وتوجهه لبيت ابوه عدا صفيه
الا اصرت على زياد يوديها لخواله...
كان بالسياره وحالته دفشه بالحيل
رافع اكمام ثوبه وناكس طاقيته والشماغ
ع طرف كتفه.. ناضرت له امه:اقول زياد
_زياد بعد اهتمام:هاااا
_ام زياد:وش رايك ببنت خالتك سمر؟
_زياد:وش دراني تسألني عنها اخوها انا
ولا ابوها... شمقت بعيونها وسكتت
وهي براسها فكره ماخطرت ف بال احد..
وصلت ل اهلها ونزلت ومشئ زياد.
___
الكل طلع للصلاه والبنات قامو يجهزون
حصه حايسه في ترتيب البيت
اريج ومروه يكنسون الحوش ويضبطون الجلسه
بما انه جو غيم.
شريفه ف المطبخ تضبط الاكل
اريام و سلمئ لاهين ف انفسهم..
سيف مع عيال اريام مستلعب معهم...
_مروه:اقول اريج
_اريج:هلا
:اممم ماسجلتي جامعه؟؟
اريج ناضرت لمروه وردت تكنس وهزت راسها بمعنى لا.
قاطعهم صوت
حصه نادت ع مروه:هذي عمتي حصيص بكلمها
وانتي كملي قبل لا يجون.. دخلت مروه..
واريج مشت بالحوش تكنسه..
____
وصل زياد لبيت جده ولبق سيارته ع جنب
لبس نظارته الشمسيه ونزل
دخل  وهو مو شايف اللي قبله ولا همه احد
يمشي رافع راسه. ولا هو متنازل لوجود احد
صلبت اريج بمكانها  يوم سمعت صوت الباب
وفهت شهقت رمت المكنسه وانطلقت تركض
لداخل...
دخلت لمجلس الحريم وغطت ع وجهه وهي منقلب لونها
اريام وسلمئ ناضرو ببعض
وردو يناضرون ب اريج اللي انخطف لونها:ووشش فييككك
انقلب لونكك كذا؟..
الكل فز ع صوت زياد الجهورري اللي ينسمع عن بعد
كيلو من شدة حدته وضخامته..
طلعت حصه:هلاااا يازياد وينك مارحت تصلي معهم؟
#لو_اخر_قصيدي_بيت_كتبته_حُب_في_عيونك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 08-04-2020, 08:49 AM
الكاتبة أريج الكاتبة أريج غير متصل
©؛°¨غرامي مشارك¨°؛©
 
الافتراضي رد: رواية/لو أخر قصيدي بيت كتبته حُب في عيونك/كامله


📍✨
"بارت12"

وقف زياد وحب راس عمته:لا والله ياعميمه!
جاء له  سيف يركض مد له زياد ذراعه ورفعه
لصدره وهو يبوس براسه:يالله انك تحييه..
ناضرته حصه:ادخل المجلس ادخل
الله يصلحك!!
نزل سيف من يده ومسح طرف خشمه بقفئ
يده:مابه اكل ميت بطني من الجوع قد
هو يغرغر..
_حصه:الا به انت ادخل بس الحين يجون
عمانك ونحطه... دخل زياد للمجلس
ورمئ بنفسه ع الأرض كنب..
___
اريج بالغصب انبلع ريقها وانتضمت دقات قلبها
دخلت عليهم مروه:بسم الله انتي هنا
وانا طلعت برا اشرف وين طست هالبنت¿
_اريج:اقولك اسكتي بس دخل اخوك وقفزت لهنا
بغيت اموت
_سلمئ:ههههههههههههههههههههههههههههههههههههههههه
الحمد لله يعني مو لحالنا اللي مسبب لنا
زياد رعب.. ناضرتها مروه وعطتها نضره
اسكتي يكون احسن:ماعليك يلا تعالو
للمطبخ نساعدهم...
__
طلع الكل من المسجد الشيبان التقو بشيبان الحاره
وبدت تاخذهم السوالف والاخبار.
عماد وفهد مع جماعتهم صقر شاف بسطه
بجنب المسجد انفتحت فيهاا عطور عوده
وسبحات رفع العطور وبدا يرش ع يده ويشم..
وصل لعطر عودهه تاخذ العقل قربه من خشمه
واستنشق بكل قوته حس ريحته وصلت لـ اعماق
مخهه..:كم سعره يالطيب
_عوض:عاد هذا دوبه نازل ف السوق
ريحته طيبه وماسكه بالحييل. والله سعره
450بس دامك اول مشتري عندي ياصقروه
ودامك معروف وولد ناس ابي اعطيك ب380
خذه بالعافيه..
_صقر:الله يسلمك ياعوض ماقصرت والله..
طلع الفلوس من محفظته ودفع القيمه
جاء ب يمشي لفت نضره شي جذبه.
كان مثل التعليقه ونهايته مثل عبق.
رفعه وقلبه بيده:هذا كم سعره ياعوض؟
إبتسم عوض:هذا يالطيب تراه كويس
مثل الذكرى يعني تنفع للعرسان تتنفع تهديها
لـ اختك لشخص غالي عليك... ابتسم
صقر نص إبتسامه وبداخله:ابهديه لحبيبة
طفولتي.. اخفئ ابتسامته قبل لا ينكشف
وتنحنح:اي طيب وش سعره
_عوض:سعره 40عشان العبق اللي الموجود
تقدر تحط فيه عطر كذكرئ..
__
عماد مع عيال الحاره:وين الجمعه تبونها اليوم
ياعيال
_فيصل:والله ان كان تبونا بعد الغدا نجلس
بالمقهى ونفلها لعب بالضمنه
ولا تبونا نهج جنب جبال ولا نكشت في البر.
_بسام:والله م اوعدكم اني اكون معكم
وراي دوام الساعه 6المغرب ابي اخمد نووم.
_عماد:العسكرية هذي هاا!!
_فيصل:الا ع طاري العسكريه
العسكري الشاعر وينه والله انه افتقدنا
بيته..
_عماد:هااا قصدك زياد هههههه
والله ماعاد هو شاعر والظاهر ماعاد هو عسكري
اخر قصيد سمعت له.
_‏ماحس انني فاقد حبييب ... اااحس اني فاقد بلد.
#لو_اخر_قصيدي_بيت_كتبته_حُب_في_عيونك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 08-04-2020, 08:51 AM
الكاتبة أريج الكاتبة أريج غير متصل
©؛°¨غرامي مشارك¨°؛©
 
الافتراضي رد: رواية/لو أخر قصيدي بيت كتبته حُب في عيونك/كامله


💛 📌
بارت"13"
فيصل:والله زياد ضيع نفسه بحب ماله فايده
ماغير انها تركت له طفل وغيرت عقله وهجت..
_بسام:اي بالله كنت اذكره لاجاء وحنا متجمعين
جلس معنا وعطنا قصايد وهروجه وعلوم زينه
اليوم لا شفته اهرب من طريق ثاني
هههههههههههههههههههههههههههههههههههههههههه
صايير  رعب للحاره..
_عماد:اقول توكم طالعين من صلاه قد
امداكم تاكلون فييه يلا استأذنكم...
وودع اخوياه والتفت ع صقر اللي هالأيام
شايفه بعالم ثاني شايفه عايش قصه
محد يدري عنه قرب صوبه ووقف خلفه وهزه
بكتفه:وش عندنا هاا.. ناضر له صقر وغمز
له عماد
_صقر:ارتبكك واخفئ التعليقه بجيبه وتنحنح:يلا
فمان الله ياعوض ماقصرت..
مشئ بخطوات خفيفه وعماد معه:ابد شريت لي
عطر يلا وينهم اعمامي مشينا ع البيت..
عماد رفع حاجبه يحاول يصدق صقر لكن صقر
ماعطئ اي اهتماممم.. توجهو الكل
صوب البيت...
_____
زياد مسترخي والطاقيه مغطي فيها عيونه غفئ
وهو منتضرهم....
قربت حصه ونزلت صحن التمر والقهوه اصدرتت
ضجه تبي زياد يحس لكنه بسابع نومه..
دخلو الشباب من الباب والكل يسلم.. بصوته
اللي كنه يعطي حياه للبيت وطقوس روحانيه
يحسون فيها كل جمعه نوايا بيضاء وقلوب صافيه
.. دخلو البنات للمطبخ وحطو الغداء للرجال.
الكل سمئ بالله وجلس ع السفره اللي فيها من
كل غالي ورخيص أنهوا الغدا بعافيه ونظرات نايف
احرقت زياد لكن زياد مو متنبهه ل اي شي.
ولا همه من حوله اكل ملئ بطنه وانسدح...
انتهئ وقت الغداء وترتب البيت وتنضف كل شي.
وتختم بالبخور جاء وقت القهوه والسواليف الطيبه.
___
اريام تصب القهوه رفعت الفنجال ومدته لـ امها:تفضلي
يالغاليه.
_شريفه:سلمتي..
_حصه:اقول مروه ليش ماجت امكم معكم
_مروه:والله خوالي مسوين عزيمه واتصلو فيها
قالت تبي تروح عاد وصلها زياد.. وحنا وصلنا
ابوي..
_شريفه:هههههه ماشاء الله عاد امك لو هي
معنا ماكان عجبتها جلسة البيت
_حصه:ههههههههههههههههههههههههههههههههههههههههه
والله صادقه..
_سلمئ:احمم احمم اسمحولي يعني
جالسين تحشون في امي قدامنا؟ سلامات
ياعماتي..
_اريام:ههههههههههههههههههههههههههههههههههههههههه
ياحليلك ياسلمئ غاشيه بالي معك واذا وصلت
السالفه لحش طلع صوتكك..
_مروه:هذي هي حياة سلمئ
اقول شكل الجماعه ماطلعو خلونا نطلع
ضبطنا الجلسه بالحوش والله ع كيف كيفكم.
#لو_اخر_قصيدي_بيت_كتبته_حُب_في_عيونك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 08-04-2020, 08:53 AM
الكاتبة أريج الكاتبة أريج غير متصل
©؛°¨غرامي مشارك¨°؛©
 
الافتراضي رد: رواية/لو أخر قصيدي بيت كتبته حُب في عيونك/كامله


📌📍
بارت"14"
حصه:والله شكلهم ماودهم يطلعون عماد تغدا
وطلع مع اخوياه وفهد 24ساعه نايم قد رفع لي
ضغطي والباقي ماتوقع رح يطلعون..
_____
_نايف:والله عاد ابو ناصر هذا مافيه الا كثر الهرج
انا عندي وعندي وهو ماعنده الا جيبه
_احمد:المشكله جاي لعندي ويقول والله ياابو
زياد خطبت لولدي وحده من عايله ترفع الراس
قلت له الله يتممم له بس..
_الجد(موسئ):بو ناصر من وعاد ابوه حي
وههو كلام وهروج كثيره. زياد سادح وبيده
تلفونه ولاهي بلعبة&ببجي&.. لف
له جده ورد لف لـ احمد وبهمس:وذا وش اخر علومه
مايبي يعزم ويتزوج بنيه تمسك بيته وتربي ولده
المشرد¿!
_احمد بتنهيده:والله ياابوي زياد غسل شراعي
وروحي كلها ماعد به فايده فيه اكل نوم
دوام الكلام معد يدخل راسه ابد ابد..
_نايف:والله اسمحلي ياخوي زياد ماهو بكفو
اعذرني عاد. شايفه البارح مابقئ الا يقوم
يمد يده علي لاتظلمون بنــ... قاطعهم:والله
ياجماعة الخير هرج يوصلكم ويتعداكم زواج
مانيب متزوج وهذيك لاتخلونها تتأمل عبث..
تركهم زياد وطلع ناضر فيهم صقر وهو مو فاهم
شي استأذنهم وطلع.. توجهه للمطبخ..
فتح الثلاجه واخذ له مويه بيده ومد يده بداخل جيبه
وطلع التعليقه بيده وابتسم فتح العبق واخذ عطره
العوده وبدأ يمليها منها...
زياد اخذ مفاتيح سيارته وطلععع...
_____
_اريج:يلا طلعونا تكفوننن والله الجو مايتفوتت ابد
_مروه:وقسم صادقه تعالي نطلع احنا
العيال مارح يطلعون صدقيني بعد الغدا معد تلقين
حد والباقي عاد كلهم من محارمنا..
. وقفت اريج:زين انتي اطلعي وانا بروح المطبخ
نجيب لنا شي والحقكك
_سلمئ:انا بجي معكم يلا... طلعو مروه وسلمئ
واريح توجهت للمطبخ بدون لا تدري عن وجود صقر
اللي كان تركيزه بالعطر دخلت اريج وردت طلعت
بعدم انتباهه اي احد
وقفت عند طرف الجدار وعضت شفتها وضربت
جبهتها:ياربيي اليوم كل مره ادرعم بوجهه احد
من عيال اعمامي....
#لو_اخر_قصيدي_بيت_كتبته_حُب_في_عيونك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 08-04-2020, 08:56 AM
الكاتبة أريج الكاتبة أريج غير متصل
©؛°¨غرامي مشارك¨°؛©
 
الافتراضي رد: رواية/لو أخر قصيدي بيت كتبته حُب في عيونك/كامله


🎈 💗 💗

بارت "15"

لف. صقر وانتبهه للخيال الي عند الباب
عقد حاجبه وقرب بخطوات خفيفه.
ووقف لوهله!!!
استنشق العطر وغمض عيونه حس بـ إنتعاش
حس بـ إطمئنان دب بقلبه لعق شفايفه.
وتنحنح:وشلونك يابنت خالي...
ارتبكت اريج وحست الدنيا تدور من حولها
يوم سمعت النبره..
ردت بخجل وصوت شبه مسموع:بخير حمدلله وانت؟؟
ابتسم صقر وبانت سنونه ارتكئ براسه ع طرف
الجدار متعمد يشم الريحه اكثر:بخير دامك بخير..
____
زياد بالسياره وبيده سبحه يلعب فيها ع يده
مره يلفها يمين مره يلفها يسار ناكس الطاقيه
وعاقد حواجبه:إيييهههه يازياد الظاهر بيفنئ عمرك
مع هالبنت؟ طيب لو وافقت وتقدمت لها
اتركها نزوه ومربيه ولا أنسى اللي كنت عايشه
من سنين؟؟ قطع أفكاره رن جواله ابعد كل الأفكار
السوداويه ورد:نعم
_مروه:وينك.
_زياد بنبره حاده:وش تبييننن اخلصي! °
_مروه:سيف يسأل عنك.
زفر زياد النفس الي بداخله وشد ع قبضة يده
وضرب فيها ف الدريكسون:طلعيه الحين اجي له..
____
صقر للحين ف هيمانه للحين ف عشقه وغرامه
يبي سالفه عشان تطول معاها يبي يسمع صوتها
اكثر متى يجي اليوم الي تمسك كفوفي كفوفك
وتكوني معي بالحلال متى يجي اليوم الي
نكون بيت واحد وبغرفه وحده وع سرير واحد
اهه ياربي اجعلها من نصيبي ولي يارب..
جت حصه وقاطعت كل احلام صقر:اريج
وش عندك هنا؟؟
وقف قلب اريج وارتبكت خافت ان احد يشك ان
فيه شي بينها وبين صقر؟ خافت يوصل العلم
لـ ابوها ووقتها تتصفق وتهتان
تلعثم كلامها بلحضه تخربطت ولاعرفت وش
الي تقوله:شـ...ـــسمــ.....ــه هـــ.....ــذا!!
انقذها الصوت الي طلع والضجه اللي اصدرت
من المطبخ.
عقدت حصه حاجبها وقربت صوب الصوت
رفعت اريج يدها ع قلبها وزفرت بـ ارتياح.
:بسم الله الشباك مفتوح
مين الي هنا كان انتي دخلتي ياريج هنا..
:هاااا إي إي شششسممم مممهه ذاا..
_:زين يلا اطلعي مع البنات وانا بجيب الشاي
طلعت اريج وهي تحمد ربها مليون مره انها
هربت من الموقف اللي بقئ يطيح قلبهاا.
___تسريع الأحداث________
انتهى نهار الجمعه وبدت الغروب
الكل عاد لبيته صقر حاول بكل الطرق انه
يوصل العطر لـ اريج لكنه فشل
خباه بداخل ملابسه..
اريج ردت مع اهلها وهي شاردة تمامآ وعقلها مو براسها
ابدا تفكر بـ صقر واسلوب صقر:معقوله للحين يحبني؟
يووهههه مرت سنين وسنين كنا اطفال مهبولين
نسينا وهو الظاهر للحين مانسئ.. رمت نفسها
ع السرير وهي تفكر.
____
وصل زياد للبيت ونزل سيف بعد ماجوله معه بسيارته
وقف ابوه بطريقه:نزل سيف وتعالي ابيك بغرفتي.
ناضر زياد بعيون امه اللي واضح انها معصبه من شي
وكاتمه غيضها...
دخل زياد ورا ابوه جاء بـ يجلس لكن استوقفته
كلمه ابوه:ابيك تتزوج بنت عمك!!!!
#لو_اخر_قصيدي_بيت_كتبته_حُب_في_عيونك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 08-04-2020, 08:58 PM
الكاتبة أريج الكاتبة أريج غير متصل
©؛°¨غرامي مشارك¨°؛©
 
الافتراضي رد: رواية/لو أخر قصيدي بيت كتبته حُب في عيونك/كامله


بارت"16"
دخل زياد ورا ابوه جاء بـ يجلس لكن استوقفته
كلمه ابوه:ابيك تتزوج بنت عمك!!!!
عقد زياد حاجبه وضحك بـ إستفزاز
:يبههههه اتوقع تكلمنا قبل كذا ف ذا الموضوع
انا مابيها وماابي اتزوج باقي ماني مستعد للزواج
_ابو زياد:اذا انت مو مستعد للزواج عالاقل
خللها تقابل ولدك وتهتم فيه خواتك اتعبتهم
كل يوم وحده ع راسه بكرا بعده يجيهم النصيب
تبيني اوقفه عشانك هاااا
زياد فكر ف الموضوع محد بيقبل ف شخص مطلق
وعنده ولد غيررر بنت عمكك...تركه وطلع بقئ
زياد ف حيرته عض شفته بغبنه طلع مفاتيح
سيارته وطلع السياره اخذ سيجارة وكان يشفط بكل
قوته ويرد ينفث دخانها يحس بداخله نار تحترق
مو عارف وش اللي يسويه
مايدري هو للحين عايش ف قلبها مثل ماهي ف قلبه
ومكابر ولا نسته من سنين...
نسترجع الأحداث قبل  3سنوات بالضبط
22/4/1438
ليلة زواج زياد ليلة اجتمع فيها حُب طرفين متبادل
ع الكوشه بالضبط اثير اللي كانت مستحيه والحياء
متملكه من فوق لتحت جت زفة زياد لها
اللي ماكان يشوف حوله احد مايشوف قدام عيونه
الا اثير قرب صوبها وقفت وباسها بـ جبينها
وبهيمان:مبروك لي ولك الليله
صرتي حلالي ومن حقوقي.
ابتسمت اثير بحيا ونزلت راسها وبصوتها الشبه
مسموع:الله يبارك فيك...
انتهى زفافهم من بعد مارقصو اهل زياد
عكس امه اللي كانت كاشره بالزاوية ماكانت تبي
هالزواج يتم زواج عن طريق حب
لانها فعلا عارفه انه مارح يدوم مجرد شعور
وينتهي... بدت زفة الخروج اخذ زياد
زوجته وتوجهه لسيارته مسك بطرف يدها
وباسهم بكل غراااممم:اخخخ مابغينا نجتمع
اخيرا اخيرا صرتي لي..
_اثير:ههههه يلا الحمدلله من بعد عناء صرنا لبعض.
اخذها متوجهه فيها للفندق نزلو
واثير في حاله حياء وخوف فعلا حاله طبيعيه
قفل الباب زياد وقرب منها وبكل حماس:شيلي
فستانك حبيبتي وبدلي بلبسك..
اثير هناا حست قلبها توقف حست بخوف تملكها
ماكانت الا ابتسامه خوف ع وجهها حاول زياد
يهددي الوضع وقرب منها:تبيني نطلب اكل
جوعانه؟
ولا بتنامي؟
ولا بتسولفي معي قولي وش تبينا نسوي
وانا موافق. بس لا تخافين مني تراني صرت
زوجك صرت حقك وحلالك مابينا رسميات
اتفقنا حبيبتي؟
بلعت اثير ريقها بـ ارتياح وابتسمت.
زياد حس امره انتهئ هنا حس ابتسامتها فتنته
قرب صوبها اكثر وبدون شعور سحبها له و..
!! 📍
##لو_اخر_قصيدي_بيت_كتبته_حُب_في_عيونك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 08-04-2020, 09:01 PM
الكاتبة أريج الكاتبة أريج غير متصل
©؛°¨غرامي مشارك¨°؛©
 
الافتراضي رد: رواية/لو أخر قصيدي بيت كتبته حُب في عيونك/كامله


بارت"17"
شارف الشهر الأول ع النهايه دخلوه
شهر جديد ولازال الطرفين متمسك ف بعض
لازال الطرفين بينهم شعور الحماس شعور
المحبه والتألف
مرا شهرين واحملت اثير بسيف رغم أنها م وصلت
لسن الٓ20الا انها شالت مسؤليه بيت ع راسها
مرت شهور ودخلو شهر رمضان وبدا
الحماس يقل بدت الشكوك عند زياد تزيد
. الساعه 4:30م
زياد بغرفته نايم رن جوال اثير شافته وخذته
طلعتت للمطبخ رفعت السماعه حس زياد بطلوعها
عقد حاجبهه وقام بدون لا يلفت انتباهه مشئ بخطوات
خفيفه وبدا يسترق السمع خلف باب غرفته
_اثير:هلا دوبي صيحت وتعبانه مو طايقه نفسي.
هههه يازينك بس.. لاتمام.. امممم اكيد سمعت
صوتك صرت بخير.....!!! هنا زياد توقف دمه
شد ع قبضه يده وعض شفته بكل قوهه
فتح الباب وسحب جوالها من يدها:الووو
الووووو رد رد يابن الكلب الووووو.. سحب الجوال
ورماه ع الارض صار حطام والعصبيه بوجهه
مسك اثير من طرف شعرها ويهزها:ميينن هذااا
هاااا قولي ميينن هذا تغازلين من وراي هااا؟
اثير تحاول. تفك نفسها منه:اااااههه اتركني عورتني
الله ياخذكك اتركككننيييييي اترككككنيييييي..
كانت تحاول تسحب نفسها منه لكن ماقدرت
من شدة ضخامته امام نحف جسدها..
_زياد:قولي مين ذاا ياقليلة التربيه..
دفته اثير ودموعها بعيونها:انت ماتخاف ربك
لهدرجه مافيه ثقه مافيه اي احترام صاير تشك فيني
يالوصخ..
_زياد بنبرات حاده شبه صراخ:ايي اكييد ومن حقي
اذا شكيت دامك طلعتي معي وكلمتيني وش يضمن
لي ماتسوينها مع غيري؟؟؟.. صدمه كانت ل اثير
فعلا صدمةة كييف البارح كان يقول رح تصيري
حلالي ويوم صرتت صار يشككك..
كل ليلة نفس الموال كل ليله نفس الهواش ونفس الشكوك
محد قدر يستحمل الثاني ولا احد قادر يطيق الثاني
مالهم حل الا الفراق والطلاق.. اصبرت اثير
واللي صبرها حملها.. زياد اللي كان يغيب بالساعات
والايام عن البيت ولا كنه عنده. بيت وزوجه..
مرت الشهور اللي كانت مثل السهامم بين الطرفين
وأخيرا جاء موعد ولادةة اثير ونور سيف الدنيا
اللي صار ضحيه ماله ذنب كل واحد يرميه ع الثاني
وهو ف المهد مرتت شهور
وجاء موعد طلاق اثير وزياد
انحكم ع سيف كل شهرين عند واحد من الطرفين
_______
رجع زياد لواقعه ع رنة جواله فز ومسح وجه بطرف
كفيه اسند راسه ع المرتبه:استغفرالله ياربي..
تنهد بتعب ورد:ارحب. خفارة الحين. طيب طيب
ثواني اكون عندكم. فمان الله.. قفل جواله ورماه
جنبه ع المقعد وهو يحاول يبعد كل أفكاره السوداه
وماضيه الموجع...
______
حصه بغرفتها فارشه سجادتها وبيدها مصحفها.
دخل عليها ابوها كملت الآيه وقفلت مصصحفها
:هلا يايبه ادخل تعال... دخل ابوها وجلس ع طرف السرير
رفعت حصه سجادتها وحبت ابوها براسها
وجلست بجنبه:سم يبه آمر وش بغيت!
_موسئ:سم الله عدوك يابنيتي
بغيتك بسالفتن طيبه ان شاء الله..
شلون شايفه زياد انتي
_:والله يايبه زياد انسان طيب بسس متعصب
يعني ومابه قصور بس اللي عاشه يمكن
غيره بس صدقني زياد محد فهمه.
_
دخل صقر من الباب وهو طاير من فرحته
جاء بيدخل غرفته ولمح باب امه مفتوح
توجه له وهو طاير من فرحته لكن وقفه
الصوت..
_____
_موسئ:طيب اخوتس يبي يخطب له بنت عمه
ماتشوفينها ظليمه لها؟
_حصه:ان شاء الله يتغير مع الأيام الرأي
الاول والاخير رأيها طبعا
وصدقني يبه اريج محد بيلقئ مثلها....
____
اختفت ابتسامة صقر قشعر جسده
وتصلب بمكانه...
#لو_اخر_قصيدي_بيت_كتبته_حُب_في_عيونك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 08-04-2020, 09:04 PM
الكاتبة أريج الكاتبة أريج غير متصل
©؛°¨غرامي مشارك¨°؛©
 
الافتراضي رد: رواية/لو أخر قصيدي بيت كتبته حُب في عيونك/كامله


؟ ❤️
بارت"18"
_موسئ:طيب اخوتس يبي يخطب له بنت عمه
ماتشوفينها ظليمه لها؟
_حصه:ان شاء الله يتغير مع الأيام الرأي
الاول والاخير رأيها طبعا
وصدقني يبه اريج محد بيلقئ مثلها....
____
اختفت ابتسامة صقر قشعر جسده
وتصلب بمكانه...
فتح فمه بصدمه حس بقلبه وقف
شعور صعب حس فيه رجوله مو قادره
تشيله ولا قادر يوقف عليهم كن الدنيا
وقفت عليه في هاللحظه بلع ريقه بصعوبه
تجمعت غصه بحلقه سحب نفسه للمجلس
اقفل على نفسه الباب واسند ضهره خلف
الباب دخل حالة صدمه غمض عيونه ورفع
يده لقلبه اللي دقاته تضرب حاول يتنفس
ويطلع اللي فيه:استغفرالله العظيم ياربي
استغفر الله يارب اللي سمعته مو صدق
يارب اني سمعت غلط وفهمت غلط..
______
حصه:طيب نايف هايوافق ولا لا يايبه
نايف وزياد مايتقابلون ابد
_موسى:لالا نايف كلمناه ويقول ان شاء الله
انه الامور طيبه وعلى ربك الباقي ان كان
خير لهم الله يكتبه وان كان شر يصرفه الله..
وقف:الوقت تأخر بصلي وتر ونام فمان الله
_حصه:تصبح على خير يبه الله يحفظك..
_______
صقر ارتمئ ع الكنب وغمض عيونه وهو
يدعي ربه انه بحلم ويصحئ منه بسرعه
غفئ غفوته بدون احساس.
____
جاء بكرا بداية يوم جديد الكل يجهله ويجهل اللي فيه
محد حاسب حساب القدر و
الاتفاق اللي ببين نايف واحمد.
زياد اللي عايش بين نارين
من جهةة ماوده يظلم بنت عمه
وجهةة للحين بقلبه طاري حُب قديم.
ماكسر ظهره الا سيف.
يصحئ الفجر وافطر مع اهله وخذ ولده
وتوكل على باب الله
يرد قريب المغرب تركه عند خواته وتوجهه لدوامه
وعقله مشغول ومكتم يومين على هالموال
ولحد حس بالي داخل زيياد انه يحترق
وصقر اللي يراقب كل حركه تخطيها امه
وكل كلمه. ينطق فيها جده يبي طرف خيط
ماشاف اي طاري حاول انه يتناسئ الموضوع
من دوامه للبيت ومن البيت لدوامه.
اريج اللي ماتدري عن شي وكل يوم تتهاوش
من ابوها عاد مالها الا ان تصبر..
مرت يومين على الحال وكل عائله ف بيتها.
محد يسمع عن الثاني صوت.
_______
غفت عيونه بدون وعئ لدقايق وفز ع صوت
اذان الفجر مسح عيونه الناعسه االلي من يومين
ماذاق لذة النوم:اااايييهه ياازياد مالك الا
ترضئ في امرك الواقع توجهه لدورة المياه
وتوضئ نزل قبوعه قدامه ورفع يده وكبر
سجد لله ودعاءه سلم واستغفر ربه..
ورد لخفارته
_____
بالحاره طلعو من بعد انتهاء صلاة الفجر
اللي توجهه لبيته واللي فتح دكانه يترزق ربه
واللي خذته سواليف واخبار..
طلع موسئ وع يمينه صقر..
_موسئ:اقول صقر
_صقر:تنحنح سم ياابو احمد
:سم الله عدوك متى تررد اليوم لبيت كم حصه
عندك..
#لو_اخر_قصيدي_بيت_كتبته_حُب_في_عيونك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 08-04-2020, 09:07 PM
الكاتبة أريج الكاتبة أريج غير متصل
©؛°¨غرامي مشارك¨°؛©
 
الافتراضي رد: رواية/لو أخر قصيدي بيت كتبته حُب في عيونك/كامله


*"💜 💜
بارت" 19"
__
عندي 4حصص اليوم
عاد جدول الأربعاء ضغط عندي
آمر جدي وش بغيته..
قاطعم نايف:ياابو احمد وش نهايته امرك..
ناضرهم صقر وبداخله شك بلع ريقه
وحاول يسترق السمع لكن من نظرتهم ان
الموضوع جدا حساس الموضوع جدا مهم
:أستاذنكم ياجماعه عندي دوام بروح اجهز
نفسي..
توجهه للبيت وهوو يفكر وباله مشغول
وشكل هاليوم مارح يعدي ع خير..
دخل للبيت ودخل للغرفة لمح اخوانه
للحين بسابع نومه طفئ المكيف وولع اللمبات
وفتح النافذه:اذا الناس تصلي وتشوف الخير
وانتو نايمين انا اعرف َكيف اتصرف معكم..
فتح دولاب ملابسه يبي سماعته لكن لمح
بصرره العطر اللي للحين بحطة يده حس
بـ الم ببطنه وجاه شعور غريب اخذ العطر العوده
وقربه من خشمه يستنشقههه.. دخلت حصه:عمااد
عمااااد قوم ياولد يللللاااا. صقر عليك ب اخوانك
انا تعبت... طلعت ولحقها صقر:ييمممههه
وقفت حصه ولفت عليه:نعمممم
تنهد صقر وحط عيونه بعيون امه وكنه
يتحدا:ابي اتزوج اريج يمههه... بققت حصه
عيونها وفتحت فمها بصدمه قربت يدها
ع فم صقر:اشش اششش صقرر اششش..
دخلت يدها بذراعه وسحبته لغرفتها
دفته رغم ضخامته وقفلت الباب. لفت عليه
:اشش اششش ياصقر ماسمعت شي ماقلت
شي انسى اسكتت.. لعق شفايفه
وكتم غيضه::ليش يمه وش فيه هااا؟
كم يوم لك انتي وجدي مخططين هااا
قولي يمه شسالفه.. رفعت حصه يدها ومسكت
ع راسها تحاول تهدي نفسها:صقر انسئ اريج
لا تحسبني انه مو ملاحظه شي عليك وعليها
لاتحاول تخليني اتذكر يوم انك طلعت من المطبخ
وهي بالصاله لاتخليني اتذكر يوم انك تراقبها
من خلف الباب فااهم انت واريج ماتصلحون
حب طفوله هي كبرت ونست جدك ماكان يقولها
الا مزوووحح..
غمض صقر عيونه وحاول ياخذ نفس عميق
وزفره فتح عيونه:طيب شسالفه ليش...
تنهدت حصه وهي ماودها تكسر قلب ولدها
حست بقلبها انفطر وانشطر ناضرت بعيون
صقر اللي تحكي شي داخله ومكابرته
للحظه نطقت:خالك احمد يبي يخطبها لزياد
حتى انه كلم نايف والطرفين متفقين.!!!
رمش صقر اكثر من مره وهو فعلا كان
حاس بالشي هذا كان حاس انها مارح تكون له
بس ليش قالت الطرفين؟ معقوله فيه شي
يجمع اريج وزياد معقوله نست كل ايام
طفولتنا ورضت بمطلق ولا بعد عنده ولد
معقوله باعتني ونست كل ليالينا.. غمض عيونه
ببطئ يبي ينظم عقله اللي بثانيه حس انه تقلب
مسكت يده حصه:صقر!
تعوذ من ابليس واطرد
كل التفاكير وراك أنسئ انسئ خلاص
غيرها من الناس مليون.. سحب يده ببطئ
وابتسم ببرود:بس قلبي مايبي المليون يمه!!
قلبي يبي شخص واحد..
لاتحرموني منه يمه.. علقتت دموعه برموشه
الغصه وقفت بحلقه لعق شفايفه وكتم غيضه
___
#لو_اخر_قصيدي_بيت_كتبته_حُب_في_عيونك

الرد باقتباس
إضافة رد

رواية ‏ضعت بغربة عيونك مما بقت لي ديار/بقلمي

الوسوم
رواية/من , عيونك/كامله , قصيدي , كتبته
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية مات وبجانبه مغلف/بقلمي انسان بسيط روايات - طويلة 5 17-09-2018 06:48 PM
رواية على حافة الانتقام للكاتبة / داليا {أجـمـَلُ إبتسآمـة} روايات - طويلة 9 22-10-2015 05:21 PM

الساعة الآن +3: 01:09 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1