غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 08-04-2020, 12:46 AM
الكاتبة أريج الكاتبة أريج غير متصل
©؛°¨غرامي مشارك¨°؛©
 
الافتراضي رواية ‏ضعت بغربة عيونك مما بقت لي ديار/بقلمي


أعزوفتيِ الثانيه
▽‏لو أخر قصيدي بيت كتبته حُب في عيونك▽
للكاتبة/اريج بنت محــمـد 🇸🇦
&الشخصيات&
"عائلة ابو احمد"
*الجد(موسئ) توفت زوجته من سنه
رغم كبره بالعمر الا انه مازال بكامل قواه
العقليه فارض امر على الكل كل جمعه
جمعتهم ببيته موصي اكبر عياله عليهم
له هيبته وكلمته ماتنرفض ولا تنرد..
اولاده:
_
احمد:55سنه انسان محترم له هيبته وكلمته
من بعد ابوه.*متقاعد*
زوجته صفيه 47سنه انسانه بلاها الله في الناس
وخصوصياتهم مالها طب ابد ولسانها لمن طاح
محد يقدر يرفعه الكل شاكي ونافر منها
زياد الولد الأكبر والحفيد الأول لموسى
33سنه عصبي عكس ابوه له عاداته محد
يقدر يعترضه في كلمته السعاده عدوته وكأنها حالفه
انها ماتجي له ابد. الكل يتجنبه ومايعصي
أمره حفظآلسلامتهم منه.. زياد انسان متذوق للقصيد
عقب ماطلق زوجته كنه فقد لذة الراحه
تركت بذمته سيف بعمر الـ2سنتين..
الي لو تأذئ ضفر من اضافره قوم الدنيا وقعدها
عشانه....*عسكري*
مروه 20سنه انسانه هادئه وطيبه لـ ابععد حد
مهما كلفها الأمر ماترتد عنه متقنه في شغلها
مالها في الخرابيط والجوالات
سلمئ 18سنه عكس اختها ع قولتهم ام
لسان رغم انها أصغر من مروه لكن عقلها متفتح و
مالها شي بالتفاهم تمتلك شوية غرور وانانيه
_
عائلة"نايف"
نايف:الأخ الاوسط لـ احمد 50سنه
عصبي مايتفاهم وبداخله شوية شكوك
معقد عياله ومضيق خلقتهم
زوجته شريفه 44سنه طيبه ومالها الا نفسها
وبناتها متمسكه بـ ادبها واخلاقها
اريام25سنه. متزوجه وعندها ولدين"نايف&عمار"
نفس طبع امها
أريج22سنه الدنيا كلها ع راسها
تودي وتجيب كتومه وماتوضح الي بداخلها
حساسه لكنها تخبي جواتها و مع الحق دائم
كسرت فيها الحياه اشياء كثثير لكن مع ذلك
صابره وعندها امل ان ربي رح يعوضها عن
الي فقدته بحياتها احلامها كثير ولكنها
متمسكه فيها ثقتها بربها اولا وبعدها بنفسها.
كملت ثانويتها وانتهى بها المطاف ووقفت
_
عائلة حصه..39سنه
بعد وفاة امها"خديجه" استقرت
ببيت ابوها"موسئ" زوجها ع كثر مايجيب
ع راسها الحريم الا انها مازالت صابره
انسانه مثابره ودمعتها تسبق كلامها
الكل يحبها ع حنية قلبها.
صقر:27سنه قرة عينها الأولى.
يلبي طلباتها اول بأول مايترك في
خاطرها شي..*مدرس إبتدائية*
عماد.24سنه الانسان ذا فكاهي
العائلة خفة دمه وبرودة مافي مثلها
اخر سنه له بالجامعه.
فهد..20سنه الكل عينه عليه
رفضت الجامعات تستقبله
وتجملت الراحه  بعيونه  النوم
والاكل المرتبه الأولى بحياته
مايهمه احد في الحياه الا نفسه






"عائلة ابو سعود"
محمد 50سنه..الادمي ذا كافي
الناس خيره وشره ملتزم ومتمسك
بصلاته ودينه.. من بيته للمسجد
ومن المسجد للبيت.
منيره 40سنه مريضة ضغط وسكر
طيبه مالها شي بالكبره والغرور
عايشه ع قد حالها وحال زوجها..
سعود25سنه متثقف وعقله متفتح
في العلم يحمل قلب طيب لكن
لا قسئ مايعرف احد"طبيب اسنان"
كيان 23سنه.رزقها الله بالجمال
الزين خجوله  وماترفض طلب حد
تمتلك قلب كبيرر ابيض م لها صوب
بالحقد ولا لها صوب بالعداوه.
____





أثير!! "طليقة زياد"
26سنه.خريجة جامعه
تزوجت بعمر الـ18
بداية زواجهم كانت في حُب
وغرام لكن بعدها بسنه بدا الأمر
ينقلب ويسوؤ تغير شخصيتها
وكرهة زياد عيشته بسبب لسانها
وهواشها الي بدون سبب. اهمالها
لزوجها وبيتها خلت زياد يطلع عن
طوره ويطلق... إلخ.
كل شخصيه لها قصه مختلفه
زياد&اثير الي ابتدو زواجهم عن قصة حُب
وانتهت بالفشل ولازالت القضيه مجهوله

اريج بتدخل حياة زياد وبتغير مجراهاا
لكن هل تكون ناجحه ولا تفشل

كيان وصقر يجمعهم القدر صدفه
لكن يوقف بينهم عارض مايسمى بالعادات
والتقاليد


كل هذا رح تعرفونه في الحلقات القادمه
من {لو أخر قصيدي بيت كتبته حُب في عيونك}
انتضروني§°

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 08-04-2020, 12:49 AM
الكاتبة أريج الكاتبة أريج غير متصل
©؛°¨غرامي مشارك¨°؛©
 
الافتراضي رد: رواية/لو أخر قصيدي بيت كتبته حُب في عيونك/كامله


بارت"1"
🎈 💗
____
الساعه8:30م
في السعودية تحديدا جنوب المملكة
ببيت ابو زياد*أحمد*
صراخه الي مملي المكان ومسبب
ازعاج بصوته ونبرته الي تحكي فقد
مايقدر يعبر عنها الا بصياح ونياح
قربت مروه تركض:سييف بس
ياماما جيت جيييت.. قربت صوبه
وهي تضمه لصدرها لكن كان
مقاوم ويبكي بكل قوته....
:استغفرالله يااربي الله لا يوفق
امك الله يحرقها مثل م احرقت قلبكك
سللمئ سلممممممئ ووجععع..
___
زياد الي بقي له ساعه ويطلع من
دوامه يحس نفسه ع احر من الجمر
ويدري ان ولده مايتقبل شخص غيره
كان جالس ع طرف الباب ويهز برجله
قرب صوبه خويه عدنان:سلامات شفيك
يالطيب؟
_ناضر له زياد وهو كاتم بداخله شي:سيف
ياعدنان سييف.
_عدنان:مافيه الا العافيه ياولد وهذي هي
كلمتك كل ماجيت جنبك تراه عند اهلك
ماهو عند قريب والحين اكيد انه يانايم
يامستلعب..
تنهد زياد وهو عارف ان الكلام عكس:سيف
اذا ماشافني حوله يقلب دنياهم ولدي واعرفه
___
مروه الي تحاول تسكت في سيف لكن
ماقدرت طلعت ام زياد*صفيه*ع صوته
:لاحوووول يعني كل يوم على نفس
الموال كل يوم صياح سيف وسيف
اتصلي في اخوك انتي وش تسكتين
فيه هالجني الي مايسكت الا بوجود
ابوه ياجعل ل امه بالي مني قايلته..
اشدت صياح سيف وكنه يعاند
_مروه:ييممه تكفييين خلااص اتصلت
فيه مايرد بدوامه اكيد رح يجي
...طلعت سلمئ وشافتهم بالصاله
ميلت فمها وسماعتها بـ اذونها:خير
شعنده ذا كل يوم صيااح..
زفرت مروه بضيق:سلمئ شرايك
تنكتمين ولي ساعه انادي عليك وينك
تخصرت سلمئ:لاوالله وش حقه انكتم
خير شعندك خليك انتي المربيه حقه
واذا قلب عليك مايعرفك.. مشت وتركتها
جلست ام زياد ع الكنب وهي تناضر بسيف
الا انتهى من كثر صياحه.:والله لو ابوك
طاوعني هذيك الليله وماتزوج بنت ابليس
الي لعبت بعقله كنت خطبت له وحده
بمزاجه وتمسك بيتها وولدها ماكان تركتك
متشرد كذا.....
غمضت مروه عيونها وخذت نفس عميق
وزفرته:تكفييين يمه خلااص تزوج وانتهى
ليش ترجعون لماضيه يكفي يمه خلاص..
وقفت ام زياد وبانت بملامحها عصبيه:لاا
مووو خلاص وش الي خلااص هاا تدافعين
عنه قدامي وعينك بعيني تبطين والله انتي وهو
اسمعي زينن الولد ذا سكتيه ولا اتصلي
ف امه تاخذه انا تحملته وصبرت سنه ونص
مافيني اصبر اكثر شوفي لك حل ياترمينه
ع ابوه ياتاخذه امه مارح تدومين ل اخوك
مربيه لولده..
__
#لو_أخر_قصيدي_بيت_كتبته_حُب_في_عيونك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 08-04-2020, 12:52 AM
الكاتبة أريج الكاتبة أريج غير متصل
©؛°¨غرامي مشارك¨°؛©
 
الافتراضي رد: رواية/لو أخر قصيدي بيت كتبته حُب في عيونك/كامله


بارت"2"
🎈♥️
صنمت مروه من كلام امها فعلا
حست الكل يضغط ع زياد بكلامهم
زياد سبب العصبيه الي هو فيها ضغطهم
عليه بلعت ريقها:حاظر يمه ابشري..
اخذت سيف واتجهت به للحوش وهي
تحاول انها تسكته..
_
واقفه بالحوش وبيدها سلة الملابس
نزلتها وبدت تنشرها ع الحبل وصوتها
اخذه عقلها لبعيد وفجأه انطلقت
عذوبه من صوتها بدت تغني(الله
يسامحك ضيعتني من يدينك
قلت لك لاتخليني وخليتني)
قرب صقر صوب الباب وجاء
بـ يدقه لكن شده صوتها ولحنها
ابتسم لا شعوريا وهو يحاول يستوعب
الصوت. اريج اي اي صوتهاا والله اهي.
حس بـ انشراح وهو يسمعها رفع يده لقلبه
وابتسم حتى بانت سنونه هذي حبيبة الطفوله
هذي حبه الأول.. تنهد وتقدم للباب وطرقه
وبداخله ياليتني م دقيته.
لفت اريج للباب وقربت صوبه:مين؟
تنحنح صقر:انا صقر ولد عمتك حصه..
عقدت حاجبها وبلعت ريقها ونطقت
بصوت شبه مسموع:هلا صقر وش بغيت؟
ابوي ماهو هنا.
_غمض عيونه وفتحهم وهو يحاول
يسترق صوتها الي جذبه:هلا بك يابنت
الخال. ابد بغيت ابوك جدي يبيه يقول
يتصل فيه ومايرد وكنت مار قلت امر
اشوفه ع طريقي ان كان هنا..
_اريج:والله ماهو هنا طلع لصلاة العشاء
وللحين ماجاء.
_صقر:يمكن انه بالقهوه بمر اشوفه الحين.
سكت لثواني وهو يبي يسمع صوتها ونبرتها
لكن حس انها نفس ماهي نفس حالها
ماتتكلم الا اذا سحب احد الكلام بالغصب منها
تنحنح:اقول اريج؟
_اريج:هلا صقر!
_صقر:شلونك مع خالي؟ للحين رافض
انك تكملي دراستك.. بققت اريج عيونها
بصدمة من سؤاله وجراءته
____
عند زياد واخيرا انتهت الساعه
الأخيره الي حسها ثقيييلهه عليهه
ودع اصحابه وتوجهه لسيارته وسيف
بعقله كان متهور بسواقته اكل المطبات اكل
من كثر سرعته...
_
مروه بالحوش وسيف بيدها:اووفف ياسيف
خلااص تكفى اهجد اسككتت اسكتتت خلاص.
كانت تاره تهزه وتاره تدور فيه وتاره تضمه
لصدرها مو عارفه شلون تسكته.. طفح الكيل
عندها وصرخت بوجهه:سيييففف خلاااصص
خلااااص اسكتتتتت انكتتمممم.. باللحضه
الي صرخت فيه على سيف قرب زياد
وسحبه من يدينها وارتمئ سيف بحضنه
سكت عن بكاه لكن تنهيدته وشهقاته ماوقفت
هنا تجمدت مروه بمكانها وهي تشوف زياد
دخل بشياطينه براسه مالها مفر ولا لها ملجأ
#لو_اخر_قصيدي_بيت_كتبته_حُب_في_عيونك
___

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 08-04-2020, 12:55 AM
الكاتبة أريج الكاتبة أريج غير متصل
©؛°¨غرامي مشارك¨°؛©
 
الافتراضي رد: رواية/لو أخر قصيدي بيت كتبته حُب في عيونك/كامله


بارت"3"
📍 🎈

اريج ضلت ساكته ومنصدمه بنفس الوقت
بلعت ريقها بصعوبه تامه:شسـ...
ام اريج*شريفه*ارييج!! شعندك واقفه عند
الباب؟ للحين ماكملتي؟ تعالي قبل لا يجي ابوك
ويطير علينا بشياطينه.. صقر حس نفسه
انحشر وحس نفسه حشرها بسؤاله عم الصمت
بينه وبين نفسه دخلت ام اريج.. واريج لعقت
شفايفها واخذت نفس عميق  ونطقت:عن اذنك..
اخذت السله وتوجهتت للبيت وبعقلها سؤال صقر
كشر صقر ع سنونه وضرب بكفه ع طرف الجدار
:اهخخ ياصقر اهخخ اثقل اثقل وش هالسواه
ناضر بساعة يده وتوجهه لمقهى الحاره.
__
مروه بدت ترجف من خوفها ومن زياد الي
يناضرها بنضره ماتطمن ابد.. رفع سيف وباسه
بجبينه تأكد انه هدا تمامآ خذه وتوجهه
لغرفته سلمئ كانت بالصاله وبيدها جوالها
والسماعة بـ اذونها لمحت طرف زياد
وسرعان م سحبت سماعتها ورمت جوالها
تحت الوساده وعدلت جلستها ناضرها
زياد بطرف عين:وين امي وابوي؟؟
_سلمئ بصوت ساكن:ابوي عند جدي
وامي بغرفتها... توجهه لغرفته
نزل سيف من يده واسنده ع سريره
:وش فيك بابا زعلان هاا. مين زعل
حبيبي سيف هاا. سيف بوز وكنه
يشكي لـ ابوه ضيق الدنيا فيه انسدح
زياد جنبه وسحب سيف لحضنه وبدا يطبطب
ع ظهره:مين حبيب بابا.
_سيف بصوت باكي:انا
_زياد:مين عيون بابا
_:انا.. رفع سيف راسه وابتسم ببراءه
وطفوله ضحك زياد بخفه ع براءه ولده
طلع جواله وفتح ع اليوتيوب وعطاه سيف.
عدله بوسط السرير وعدل الوساده بجنبه..
دخلت مروه وجلست جنب سلمئ وهي تهز
رجولها بخوف واظافرها بفمها.
عقدت سلمئ حواجبها:ششفيك؟..
مروه الي انخطف لونها:لا تسألين الحين يذبحني.
_زياد بصوته العالي:مروووووهههه..
فزت مروه ووققفت وهي ترجف
قرب صوبها زياد وعيونه بعيونها:كمم مره
قلت لكمم سيف لحد يصارخ عليه هااا كمم
مره قلت لككم اناا. بلعت ريقها بخوف
حست لسانها انعقد:ز. يــ.. ــاد والـ..ـله بــ...ــدون قــ..ـصد
شدة ع قبضة يده وكشر ع سنونه ورفع
اصبعه بوجهها وبحددهه:هاللمرررهههه بعديها
لك لكن صدقيني يامروه اني عدتيها ثاني قسم
بالله ادفنككك انتيي والي يلمس شعره
منه... تجمعت الدموع بعيون مروه من شدتة خوفها
هزت راسها بـ إيجاب تركها ورد لسيف
ولاكنه سوئ شي جلست مروه وقلبها يدق
خوف حتى انفاسها حاره من قوة الرعب الي بداخها
_سلمئ:ياما نصحتك يامروه وقلت لك
رح ينسى فضلك كله لكن ماسمعتيني
_مروة بصوت باكي:انطميي مابي اسمع صوتك
انتي بالذات انكتمي.. تركتها َتوجهت صوب غرفتهم.
_
#لو_اخر_قصيدي_بيت_كتبته_حُب_في_عيونك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 08-04-2020, 12:58 AM
الكاتبة أريج الكاتبة أريج غير متصل
©؛°¨غرامي مشارك¨°؛©
 
الافتراضي رد: رواية/لو أخر قصيدي بيت كتبته حُب في عيونك/كامله


✨🌿

بارت"4"
صعدت اريج غرفتها وجلست ع طرف السرير
وبراسها. ليش سألني؟ وش قصده؟ مو من عوايده
يهتم لدرجه ذي؟ وش معنى هالمره تمادى بسوالفه
معي؟.. قاطع حبل افكاره التلفون توجهت صوبه
ورفعت السماعه:هلا..
__
كمل صقر دربه لمقهى الحاره وهو يفكر
:لو اني سكت كان احسن لي! والله انها ماتغيرت
نفس ماهي هالبنت هادئه وبالغصب يطلع صوتها!.
خذته الأفكار والشرود بعقله ما وقفه الا صوت
عماد:ههيه وين طاس انت.. وعئ صقر
ع نفسه ثم التفت خلفه ورد ناضر لعماد:وش
بلاك شتبي؟
_تكفكف عماد:الي ماخذ عقلك يتهنى..
_صقر:ياجعلهم ياخذون عقلك قل امين
اسكت وانقلع عني قبل لا اسطرك هنيا.
_عماد بتصنع:الله خير نعم وش قلنا بوه
عشان يقلب كذيه والله من حدود الجنوب
لين بيت جدي م تنكر انه بوه حد ماخذين
عقلك..ضحك عماد يستفزه وهزه بكتفه
وابعد عنه مسافه شوي. صقر عقد حواجبه
وناضره بنص عين:اقول وراك ماتنقلع عني
وعاد بك عظم بخير وطيب.
اختفت إبتسامه عماد:ياربي رحمتك محد
يمزح مع الادمي ذا اعوذ بالله بس..
____
طلع زياد من غرفته بعد ماتأكد تمامآ ان سيف
نام بدل ملابسه ورفع شماغه ع طرف كتفه
ونكس طاقيته كفكف اكمام ثوبه وفتح اول
ازراره.. ناضر حوله مالمح حد
جلس بالصاله وبصوته:مروووههه سلممممئ
.. طلعت صفيه"ام زياد":خير وش هالصوت
وش عندك تصارخ..
زياد قصر صوته عند صوت امه عاد هذي
امه غصبن عليه يحترمها ويلزم حدوده عندها:
ابد يمه سلامتك طلبت البنات وينهم.
دخلت سلمئ من الحوش تتمخطر وسماعته جوالها
بـ اذونها وههنا جن جنون زياد كل شي الا هالحركه
جوال بيد وسماعة بـ اذن ناضرها وبقق عيونه
وققف قدامها سحب سماعة الجوال من اذنها
وسحب الجوال من يدها ورماه بالأرض حتى
صار حطام ومسك بكتفها يهزها وعيونه
تطاير شرار:اننااا كم مرهه قلت لكك لعد
اشوف الجوال بيدك والسماعة بذونككك ههااا
انتي ماتفهين انتي تبين موتك على يدي هاااا
تكللللمممييي..سلمئ تحاول تفتح نفسها منه
لكن مقدرت :ااهه هددنييي اترككننيي عوررتن
يدي يممممهههه.... قربت صفيه منه ووهي
تحاول تفكهها منه لكن م قدرت:اتررككهه اقووللكك
اتركهه ياجعل ليدك الكسر عشان معد تمدها ع خواتكك
طلعت مروه من غرفتها وشافتهم وقربت منهم وحاولت
تفتح بينهم:زيااادد اترككهاااا خلااصصص انت متى
تبطلل حركاتتكك حنا تعبنا منكككك خلاااص ياازياااد
زياد وهو متجاهلهم وشياطين براسه:اذا ابوي ما عرف
يربيكم انا اربييكممم من اول وجديد..فجأه
بدون إنذار وقف وهو بصدمه بلع ريقه وهو يحاول يستوعب..
#لو_اخر_قصيدي_بيت_كتبته_حُب_في_عيونك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 08-04-2020, 01:01 AM
الكاتبة أريج الكاتبة أريج غير متصل
©؛°¨غرامي مشارك¨°؛©
 
الافتراضي رد: رواية/لو أخر قصيدي بيت كتبته حُب في عيونك/كامله


🌿 🌻
بارت"5"
وقف زياد وهدا عم الصمت حس بتألم بظهره
لأول مره وهو بذا العمر تنمد يد امه عليه.
لف عليها وبيده عصا المكنسه عطته ضربه بوسط
ظهره هجدت شياطينه:تسستااهللههههه تسمعني
وتستاهل اكثر منها كم تبينا نصبر عليكك بععد
هااا حتى بنت الناس تركتككك من فعلك وشغلك
الي تسووييههه يعني خلااص معد فييهه احترراام
في البيتت هذااا تسمعني يازياد والله ثم والله ان
مديت يدككك ثاني مره عليهم لا تشوف شي
عمركك ماشفتتههه اطردكك انت وولدك للشارع
تسمعننيييي.. فوق م إن جرح زياد للحين م برئ
كن كلام امه زاد الطين بله. رجال كبييرر ينضرب
قدام خواته ومن امه بعد ياويل قلبي وحالي..
رفع شماغه َورده ع كتفه وطلع بدون لا ينطق حتى
بحرف.
_ام زياد:اطللعع ياجعلك م تردد استغفرالله العظيم
بسس مايجي الا للمشاكل والفتنن...
سلمئ ناضرت بجوالها بكت عليه اكثر م انها
تبكي ع نفسها:يمممممهه شوفي يمههه.. وانهارت.
تنهدت مروه ع الحال الي كل يوم يتكرر:يمه
والله ماله داعي تمدين يدك عليه..
بققت عيونها وكشرت ع سنوننها ونفخت فيها:اسكتي
اسكتتتي يا مروهه احسن لكك لعد تدافعين ع هالجني
قدامي فااهمهههه..
___
طلع زياااادد عند باب الشارع وجلس ع طرف
رجوله طلع السجاره بيده وكان يشفط وكنه
ينسحب قلبه ويرد ينفثثههه ورد يشفط اقوئ
ويننففثثث وو براسه مليون تفكير ومليون سؤال
ابليس يوسوس له الغضب مسيطر عليه ولو
تكلم عليه حد ثاني احتمال يرتكب جريمه.
_____
حصه بالمطبخ تسوي الشاهي دخل عليها
ابوها"الجد موسى":شلونك ياحصه.
لفت حصه عليه وابتسمت وردت تضبط
الشاهي:يالله حيه يبه طيبه دامني اشوفك.
دامك جيت بدري اليوم هذا الشاهي جهز الحين
تشرب معي.
_الجد:وين بدري يابنيتي ابي انام بكرا
ورانا صلاة جمعه وقومة من بدري
_حصه:يبه تو الناس الساعه باقي تسع
ع الاقل تسع ونص ورح نام.. ضرب بعصاته
ع الارض ع خفيف:لالا انا منتظم ع نومي
جيبي لي مويتي وحبوبي وبنام..
_حصه:ابشر يبه ابشر..... قاطعهم
فهد الي يدندن ويغني وبيده سبحه يلعب فيها
ويدورها ع ا صبعه دخل بوجهه جده وامه
بلع ريقه وابتسم بخخوفه لا يزفونه اليوم:
ماشاءالله صاحي ياجدي..قرب يبي يحبه براسه
لكن محطه بعصاته ع فخذه تهاوئ فهد من المه:
يااجديي كم مره قلت لك لعد تزفني بها ترا
والله تعور؛ شوفي ياام صقر شوفي الحين مكانه
يعلم..
:اسكتت اقووولككك اسكت قبل لا اعطيك به
ع راسك اخليه يصف خلاياك صف تقلع عن دربي
تقلع....
#لو_اخر_قصيدي_بيت_كتبته_حُب_في_عيونك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 08-04-2020, 03:08 AM
الكاتبة أريج الكاتبة أريج غير متصل
©؛°¨غرامي مشارك¨°؛©
 
الافتراضي رد: رواية/لو أخر قصيدي بيت كتبته حُب في عيونك/كامله


💙💙

بارت"6"
طلع الجد لغرفته وحصة فتحت الثلاجه تطلع حبوب
ابوها وقف فهد قدامها:يمهه جوعااننن بموتتت
احس خلاص ب يغمئ علي
_حصه:تقلع عني ع قولة جدك وينك يوم حطيت
لخوانك الأكل من قبل شوي اكلو وطلعو وانت
من المغرب مدري وين الله حاطك وتوك تشرفني
بوز فهد يبيها تشوفه لكن حصة تجاهلته وهي
كاتمه ضحكتها تركته وطلعت لأبوها
:طيب عبروني هي ترا والله انا حي وموجود يعني.
فتح الثلاجه يدور له شي خفيف
___
نايف بالقهوة مع اصحابه الشيبان ومن ضمنهم
احمد اخوه وماخذتهم سوالف الحاره دخل
صقر وتنحنح وبصَوته الجهوري:سلام عليكم
وش حالكم عساكم طيبين؟.
_:حمدلله بخير.. قرب صوب خواله
وحب احمد براسه:تحب الكعبه ياوليدي
اجلس تعال شلونك...
قرب صوب نايف وحبه براسه:بخير ياخال
بخير شلونكم انتو.. جلس بجنب خاله نايف
:من وين جاي؟. فتح فمه وحس لسانه تلعثم
ناضر بـ احمد ورد ناضر بنايف:ششسمه
صليت العشاء وو قــ..ـلـت امر القهوه شوي..
_نايف:هااا زين زين.اجل انا استأذنكم.
_احمد:تو الناس اجلس وش بك مستعجل
_نايف:ماني مستعجل بكرا جمعه وتعرف
الشايب لا تأخرنا....
___
دخل زياد الي محد يهمه ولا يهم احد ولاحتى
كنه له وجود قرب صوب ابوه وعمه وجلس
وهو كنه يدور مشاكل:الي تقول عنه شايب
تراا ابوكككك...
لف له احمد وخزه بعينه يبيه يسكت..
نايف الي حتى من نمله ينفجر :وانتت وش
دخلككك هااا تجي كذا َوتدرعم بين خلق ربك
وتحشر نفسك ف شي مالك به نقطه يالملقوف.
_صقر يحاول يهدي الوضع:استهدو يالله ياجماعه
اتفلوا الشيطان.. عم الهدوء ف المقهى ماعدا
صوت زياد وعمه. رفع ركبته ونزل رجله الثانيه
وااسند ضهره ع طرف المتكئ وبـ إستفزاز:والله ان
كان به شيطان هنيا شوفه تراه براس خالك.
جن جنونه نايف وتهور يبي يقرب له لكن مسكه
صقر يحاول يهدي:ياخال ياخال خلاص اصص
لا تفضحَوناا استهدا بالله  ولا تحط راسك براسه..
احمد وعينه بعين زياد:اقولك اقلع شياطينك
هذولا ولا اطلع من هنا لا تفضحني قدام الله وخلقه.
زياد وبحركاته اللي تستفز كل مخلوق رفع يده بمعنى
روح عني زيين:عطني شاهي بنعاع ياظافر..
شد نايف ع قبضه يده يحاول يتمالك نفسه
تركهم وطلع ولحقه احمد ناضره صقر وهز راسه:استغفرالله
بس.. جلس بجنبه وهو كاتم انفاسه من ريحة
دخانه الي فايحه بكل مكان:وش فيك. ياخي
هاا وش الي حارق رزك الحين تكلمه بذا الأسلوب.
ضيق زياد عيونه:صقر حل عني وسري ترا قد
هي واصله لي هنيا.. واشرا ب السبابه ع انفه..
تركه صقر وطلع.. طلع زياد سيجاره واشعلها
وبدا يشفطها لداخله وينفثها من جديد.
#لو_اخر_قصيدي_بيت_كتبته_حُب_في_عيونك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 08-04-2020, 03:10 AM
الكاتبة أريج الكاتبة أريج غير متصل
©؛°¨غرامي مشارك¨°؛©
 
الافتراضي رد: رواية/لو أخر قصيدي بيت كتبته حُب في عيونك/كامله


💚💚
بارت"7"

وصل نايف لبيته وبراسه شياطين زياد.
فتح الباب ودخل لمح لمبات الحوش للحين
منوره عصب بزياده..
___
اريج بالمطبخ تنضفه وعقلها شارد ومليون
فكره وسؤال توديها وتجيبهاا فزت ع صوت
الباب مع صوت ابوها:ارررييجج اريييجج..
امسحت يدها وطلعت :هلا يبه
_نايف والشرار يطاير من عيونه:لا هلا بك
قولي امين ليش لمبات الحوش للحين مولعتها
هاااا؟ لييهه انتي ماتدرين عن شي بس
اكل ونوم هذي شغلتك بالحياه انتي
بس مايهمك شي لا صرفيه ولا ميزانيه...
اريج حست بغصه بحلقها لاهي قادرة تبلعها
ولاهي قادره تطلعها فضلت السكوت وهي
تتابع كلام ابوها الي تحسه سم ينكت بصدرها
لكن مالها حيله مهما صار حتى لو ذبحها هذا
ابوها رضت ولا مارضت.
___
زياد للحين بالمقهى وبيده الدخان وشي شاغل
باله بس ماله حل دخلو عيال الحاره ومن بينهم
عدنان ولد جارهم وزميل دراسه لزياد ماله
إختلاط معه بكثره بس يمون عليه:اوووه شاعرنا
هنا.. التفت عليه زياد وقلبه مولع من كثر الدخان
نفثها صوب عدنان:شعندك.. قرب صوبه عدنان
والعيال وجلسوا بجنبه:والله ابد دامك هنيا
واجواء زينه ونسمات شتاء اقول وراك ماتعطينا
كم شطر من خشمك.. قاطعهم صوت في اخر
المقهى كنه صوت شايب:اقوول فكونا منه
قبل لا يشوش علينا بجنه كافي مااحترم عمه
عاد وش له الي هنيا!!
_عدنان:ياعمي بو مطلق مابه جن ولا به شي
ان شاء الله خير بس.... طفئ زياد سجارته
ووقف:اقول وراه ماترمون ابليس عنكم ذا
قبل لا يرتكب بكم. جريمه تراني واصل لنهاية
صبري.. تركهم وطلع وبدت الحكاوي والقيل والقال
بينهمَ..
___
حصه بالحوش جالسه بالأرض ع جلسه ارضيه
وع يمينها فهد ويطقطق بجواله..
دخل عليهم صقر:اووهه ماشاءالله شعندها
ام صقر مع الشاهي الزين هاا.
ضحكت:الله يسعدك ياصقر تعال تعال اجلس
اصب لك من الشاهي يمخمخ راسك.. جلس
صقر جنبها عطته كاسة الشاهي:اقول وينه عماد
ماقد جاء.
_فهد:اووهو تحسبه مثلك ترا قد هو نايم
_صقر بتعقيد حاجبه:الله وش فيه باقيي
بدري ماهو وقت نوم الحين.
_حصه:اي  يقول عشان بكررا جمعه وقومة من
صبح ربي  يبي ينام يرتاح له شويتين..تضاربت دقات
قلب صقر حس ب انفاسه وروحه بتطير وهو
منتضر بكرا حبيبته وصديقة طفولته بتجي
واخيرا انقضى هالاسبوع بسرعه إبتسم
نص إبتسامه لاحضت عليه حصه وضحكت
__
اريج ضلت واقفه لحد م انهئ ابوها كلامه
مسكت دموعها الي لو كلمه ثانيه بتنهار
طلعت للحوش و
طلعت شريفه ع صوته:بسم الله وش فيك
انت بس تصارخ تصارخ نعم..
_نايف:اصارخ والله ماتدرون عن شي
لو ينسرق هالبيت م دريتو عن شي اللمبات
للحين منوره محد درا بها
_:يانايف تعوذ من ابليس عيب عليك
استح ع وجهك كل ليله مين ال يطفيها وبعدين
باقي تو الناس..
____
#لو_اخر_قصيدي_بيت_كتبته_حُب_في_عيونك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 08-04-2020, 03:13 AM
الكاتبة أريج الكاتبة أريج غير متصل
©؛°¨غرامي مشارك¨°؛©
 
الافتراضي رد: رواية/لو أخر قصيدي بيت كتبته حُب في عيونك/كامله


🎈 💗 💗
بارت"8"
_:يانايف تعوذ من ابليس عيب عليك
استح ع وجهك كل ليله مين ال يطفيها وبعدين
باقي تو الناس..
طلعت اريج ودموعها متعلقه برموشها طفت كل
اللمبات واقفلت الباب وردت دخلت تكمل نظافة
المطبخ...
__
رن جوال فهد وطلع عند الباب وفتح الخط:هلا والله
ارحب...
صقر الابتسامة للحين عليه وكن عقله شرد راقبت
حصه فهد حتى طلع وردت ناضرت لصقر الي
فيه سر ورا إبتسامته محد يدري عنها ضربته
ع خفيف بطرف فخذه:ايوا وش عندنا ابتسامه
وحركات. وعئ صقر ع نفسه وضحك بخجل:مابه
شي يالغاليه ابد تذكرت شي بس وابتسمت
_حصه بغمزه:ووش ذا الشي طيب شاركني بوه.
صقر يصرف الموضوع مسح ع صدره ونزل
كاسة الشاهي:اقول يمة اليوم خالي نايف وزياد
تناقرو بالقهوة!!
_حصه:الله، "وش السبب؟ زياد هذا مايبي
يعقل ولا يبي يتوب
_صقر:والله مدري عنه هالزياد حتى انا رحت
عنده بشوف وش بلاه انفجر فيني تركته وطلعت
_حصه:الله المستعان بس!!
__
احمد بالصاله ويهز برجله منتضر زياد وع اعصابه
حكت له صفيه كل السالفه من بدايتها لنهايتها
وكمل الناقص دموع سلمئ وحزنها ع جوالها
وعاد صياح سيف كمل الناقص الباقي والبيت
ف حاله تقول عنها بعد شوي بتصير قنبله هنا.
دخل زياد وقفل الباب من بعده نكس الطاقيه ع جهةة
نزل الشماغ من ع كتفه ومسكه بطرف يده شاف
ابوه بالصاله سلمئ شافته ودخلت غرفتها  مروه
عطت سيف حليبه وتركته ولحقت سلمئ.
_احمد.بعصبيه:كم مره قلت لك يدينك ذي لا
تمدها ع خواتك؟ هااا كم مره قلت لك أنا..
زياد بتضجر:يبه تكفى راسي ب يتفجر من صداعه
خلاص بناتك اغلطو وربيتهم. قاطعته صفيه:احترم
نفسك انت لو انك رجال م تمد يدك ع خواتك
واخواتك متربين احسن من تربيتك الي معرفت
اربيك فيها انا..زفر زياد بضيق وبلع الكلام بداخله
_احمد:اسمعني يازياد اخر مره والله العظيم ثاني
مره لا اطردك من بيتي وروح دبر لك بيت
ولا بكيفك... تركه ودخل لغرفته قربت صوبه امه:قليل
تربيه صدق ماعندك اي احترام لحد.. تركته ولحقت احمد
غمض عيونه وتنهد لا شعوريا ودخل غرفته
وبجنب ولده الي ارتمئ بحضنه.. خلل
اصابعه ب اصابع ولده وبدت مواويل الليل
عنده.
ليتها تدري عن اللي بقلبي من جروح
وليتها تحس بأني غفيت وانتهيت

ابحكي واشكي ولكن مين يسمع النحوح
مالي غير الكتمان ولو اني من تعبي بموت
.. اييييههه إيييههه يازياد! الظاهر انك
بتجلس طول عمرك لا ونيس ولا انيس.
حزين وكل من تقرب منك رميته بعيد.
نفض كل افكاره السوداويه وقام بدل
ملابسه وطفئ اللمبه وغفئ بجنب ولده.
#لو_اخر_قصيدي_بيت_كتبته_حُب_في_عيونك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 08-04-2020, 03:15 AM
الكاتبة أريج الكاتبة أريج غير متصل
©؛°¨غرامي مشارك¨°؛©
 
الافتراضي رد: رواية/لو أخر قصيدي بيت كتبته حُب في عيونك/كامله


بارت"9"
بدات طقوس يوم الجمعه ببيت الجد موسئ
الساعه وصلت لـ10:54ص
صقر يحوس بالمطبخ وينادي:يممههه
وين المربئ لايكون مافيه! ¿
يمممههه! يمهههه... طلعت حصه مسرعه وبيدها
ثوب عماد :هاا ياصقر شوفه بالثلاجة عند
الخضار!.. تركته وردت للصاله تكوي
الثياب. نزل الجد موسئ:وينك ياحصه
تعالي يابنيتي رتبي الغرفه وصفطي هاالملابس
ع جهه. وين ثياب الصلاه..
_حصه تركت الي بيدها َتوجهت له:ابشر يبه
انت ادخل تروش وانا بكويها واجيبهم لكك..
دخل ابوها وردت للثياب..
____
اريج توها فتحت الباب لـ اريام تستقبلها:هلا اريام
حياك
_اريام تسلم عليها خدود:اخبارك واخبار ابوي وامي
_اريج:كلنا طيبين تعالي ادخلي ابوي بالحمام"اكرمكم الله"
وامي بالمطبخ.. دخلت اريام وسلمت ع امهاا
دخلو عمار ونايف ركض ل جدتهم"ام اريام"
:هلا هلا حبايبي قلبي شلونكم
_عمار&نايف:حمدلله....
جلست اريام :شلونك يمه
_شريفه:حمدلله بخير شلونك انتي واخبار جماعتك
للي هناك
_اريام:كلنا بخير حمدلله متى بتطلعون عند جدي..
_اريج وهي تلم لأغراض:الحين بنطلع لا تفصخين
عباتاك حتى!!
_____
احمد توه متروش  مابقئ عليه الا الثوب يلبسه.
جالس بالصاله وعنده مروه وسلمئ
وحولهم التمر والقهوة
_احمد:وين امكم.
_مروه:بغرفتها يبه.. ناضضر بساعته:ترا شوي
وبنطلع م يأذن الاذان الثاني الا وحنا ببيت جدكم
جهزو حالكم سريع.. قاطعهم طلوع زياد الي توه
صاحي من. نومه حتى عيونه مو قادر يفتحهم
نزل لهم سيف:مروه جهزيه وخوذيه معكم..
ناضر بسلمئ وبحده ع كلامه:وانتبهوا عليه..
جاء بيدخل وقفه صوت ابوه:
_____
حصه كملت ثوب عماد وصقر
ومسكت ثوب ابوها.. طلع فهد.
ينقط جسمه ماء عليه بس منشفه مغطي
فيها نفسه وصدره برئ:يمه وين ملابسي البيضاء..
حصه اخذت نفس عميق وزفرته:مدري يافهد شوفها
بالدولاب...
ماهي الا ثواني ويقاطعهم صوت نايف يتنحنح..
دخل فهد ووقفت حصه تستقبل اخوها وعياله.
:تعالو تفضلوا.. دخلو الحريم لمجلس الحريم
وحصه الاشغال تراكمت ع راسها.. كانت
كاتمه بكيتها ويوم سمعت صوت نايف:هاا جاهزين
وينه ابوي!
هنا انهارت حصه بكاء بدون سبب معروف.
نايف نغزه قلبه:بسم الله وش فيككك انتي¿
#لو_اخر_قصيدي_بيت_كتبته_حُب_في_عيونك

الرد باقتباس
إضافة رد

رواية ‏ضعت بغربة عيونك مما بقت لي ديار/بقلمي

الوسوم
رواية/من , عيونك/كامله , قصيدي , كتبته
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية مات وبجانبه مغلف/بقلمي انسان بسيط روايات - طويلة 5 17-09-2018 06:48 PM
رواية على حافة الانتقام للكاتبة / داليا {أجـمـَلُ إبتسآمـة} روايات - طويلة 9 22-10-2015 05:21 PM

الساعة الآن +3: 09:29 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1