عرض نتائج التصويت: اكمل الروايه ؟؟
هيه
50.00%
1
لا
0%
0
مادري
50.00%
1
فيروزه7 ©؛°¨غرامي جديد¨°؛©

السلام عليكم
هاذي روايتي الاولى انشاءالله تعجبكم
مهمه حب صعبه

في غرفتها يالسه على تلفونها كل عاده مثل هذا الوقت تكلم حب صادفته في مكان تجمع فيه القلوب مثل ما تسميه وهو المول مكان لقائهم الأولى ،، حب حقيقي بمقدار الرمل ..صافي ...صادق ..ومثل ما الكل يتمناه ..

مهره منسدحه على شبريتها وتكلم الحب بعد اتمامها ساعه ونصف : متى سيف نيتمع متى
سيف بكل حب : مهره فديتج خليها على الله
مهره : اوووف ياهي حاله ليش الحب عندنا عيب واونه حرام ،ترا حتى الرسول صلى الله عليه وسلم
سيف يقاطعها : عليه الصلاه والسلام
مهره :كان يحب ام المؤمنين عائشه بس بالحلال
سيف : ياعيوني انشاءالله ان حبنا بينتصر عليهم خليها على الله
مهره : ونعم بالله
يدق باب غرفه مهره : مهروه فديتج ادخل
مهره بصوت ماينسمع : سيف انا بكلمك بعدين امي برا
سيف : يالله حبي تصبحبن على خير
مهره سكرت التلفون : حياج الله امي قربي
ام عبدالله : الله يحيج ..يالله ياريحت الحجره شو تستخدمين انتي ريحتها غاويه
مهره : عايبتنج
ام عبدالله يلست على الغنفه اللي مجابل مهره : اكيد عيبتني ماتشوفيني امدحها
مهره قربت من أمها وضمتها : انزين تفداج الريحه انا مولعه شمعه عندي ثنتين بعطيج
ام عبدالله ابتسمت : منو كنتي تكلمين
مهره توترت بس تعودت تخش : هاذي عواش متصله
ام عبدالله : شو تبا عوييش
مهره : تبا تسولف ملانه
ام عبدالله قامت : هيه عيل تصبحين على خير
مهره : وانتي من اهله
طبعاً ام عبدالله ماترقد الا وهيه خاطفه على عياله وبما انا بدينا خلوني اعرفكم على الشخصيات (مهره عمرها 22 تدرس جامعه تخصص طب عام تموت على شي اسمه سيف ماتقدر تفارقه اجمل وحده من عايلتها يشبهونها بالغزال من عيونها تشبه يدتها عندها اخوان عبدالله عمرها 26 وعلي 17 اما عنن خواتها فاطمه متزوجه توها عروس عمرها 25 اما شما 19 وهي توها مسجله الجامعه ....امها وابوها موجودين بتعرفونهم مع الأيام )
( سيف عمره 26 أكبر واحد في البيت غلاته عند امه تسوا الدنيا مهندس في جمال عربي صدق قوي عقبه اخته مريم عمرها 23 توها متخرجه من الجامعه تخصص علاقات عامه تدورلها شغله سلطان 20 يدرس جامعه تخصص طيران واخته امنه عمرها 16 اصغر وحده واكثر وحده دلوعه في البيت )



فيروزه7 ©؛°¨غرامي جديد¨°؛©

البارت الثاني

مهره نازله ولابسه عبايته وكل عاده متكشخه بكشختها الانيقه والمرتبه وساير لطاوله الطعام اللي دايماً ييتمعون فيها العائله كلها الصبح : صباح الخير عائلتي العزيزه
أبو عبدالله : صباح النور وسرور هلا بمهره
مهره : اهلين فيك ابويه
ام عبدالله : قريبه واعيه من وقت
مهره : اليوم بتريق مع عواش حاشرتني هيه وشماني اختي
أبو عبدالله : بتوبلينهن كلهن تريقينهن عنبوه انتي مريقتنه ومغديتنهن وعشيتيهن بلاش
مهره : افا عليهن مايغلا شي لهن ولا غيران منهن
أبو عبدالله : وشله اغير منهن
ام عبدالله : تعالي فديتج ماتشوفين عمرج هلكانه مافيج شحم ولحم يلسي كلي ريوقج هيانا
أبو عبدالله : هيه والله انج تقولين الصدق ...عنبوه وين الريوق اللي تاكلنه
دخل عبدالله عليهم وهو طبعا متكشخ مثل اخته هاذيلا الخوان انيقين : السلام عليكم صباح الورد والفل والياسمين
ام عبدالله : وعليكم السلام ، قرب فديتك
عبدالله : قريب ، شحقه واقفه مهروه
مهره : اتريا شماني تنزل
عبدالله مسكها من ايدها ويلسها على الكرسي : يلسي هني مره مالج شوف الصبح
مهره : شو اسوي من الكلاسات اللي يعطونا إياها الصبح
أبو عبدالله طلع بوكه من مخباه : مهره
مهره : نعم ابويه
أبو عبدالله : الله ينعم عليج ، خذي هاذيلا مصروفج
مهره : مشكور ابويه ماتقصر بس انته عطيتني هذا الأسبوع
أبو عبدالله : يوم انج تطعمين الناس لازم نزيد
مهره سارت عند ابوها وحبت راسه وضمته : فديت الغالي أبو الغاليه ماتقصر فديتك يعلني افدا خشمك
شما دخلت عليهم : لا والله تراني اغار انا
مهره : عنبوه وينج انتي متأخره
ام عبدالله : أناس تسلم تقول صباح الخير تقول كلام حلو هب انتي عنبوه
شما سارت لابوها حبت راسه وسارت عند أمها حبتها وضمتها : صباح الخير لاغلى ورده في هذا العالم صباح الحب والسعاده الابديه
عبدالله : بسج بسج عنبوه ماخليتي شي
شما تشم أمها : امايه ريحتج غاويه اليوم
ام عبدالله : هذا من عطر اللي يابته لي مهره
شما لفت ايديها على خصرها : وشحقه ماتتعطرين بعطري اللي خذته لج
عبدالله : لاوالله بتحاسبين امايه
ام عبدالله : فكوني من حشرتكم علووه وين عيل
مهره : احيده راقد ماقام وانا تراني مابوعيه شما يالله الشرده لسياره
أبو عبدالله : انا بتولاه
عند سيف اللي كان ضحية امه الصبح مثل كل عاده تكلمه عن زواجه متى بيكون
ام سيف :ياولدي انا كبرت وابا اشوف احفادي متى بشوفهم
سيف حب راس امه : امايه قلتلج بخلص الأمور اللي عليه وعقبها يستوي خير تبين اقولج سر
ام سيف : شو بعد هذا السر
سيف : انا حاط عيني على بنت بس هاه لاتفكرين منو هيه بيي يوم بقولج منو هاذي
ام سيف : لا يكون اللي في بالي قول هيه
سيف : انا مادري منو هيه بس لا مب اللي في بالج
بوزت ام سيف لان خاطرها تاخذله بنت عمه اللي الكل يمدحها في عرضها
في بيتها الجديد اللي كملت فيه أسبوعين بعد زواجها وابتعادها عن أهلها
فاطمه بمستحى : محمد
محمد واقف جدام المرايه يعدل سفرته : هلا
فاطمه تقربت منه : عادي اطلب طلب واحد بس واحد
محمد التفت صوبها وابتسم : قولي انزين
فاطمه : أبا اسير عند هلي
محمد : انشاءالله فديتج بوصلج بس عقب مارد من الدوام عشان مره وحده اسلم عليهم
فاطمه ابتسمت : اوكي متى بترد
محمد : والله اليوم مادري عندي قضيه اليوم وحده انشاءالله ماشي قضاايا اليوم
فاطمه قالتها من خاطر : يااااارب
محمد ضحك عليها وطلع
فاطمه في داخلها : بسير اسوي لي شي وعقب بسير عند عمتي
في المطعم اللي اتفقو عليه عشان يتريقون يالسين مهره وعواش يدرسون حق امتحانهم لليوم اما شما فكانت تطالع تلفونها
عواش : مهره شحالها علييوه ( وهني قصدها بسيف )
مهره : بخير الحمدالله
عواش : متى العرس ( تقصد متى بيتقدملها )
مهره : والله مادري تقول بتخلص أمور مهمه وبتقول حق أمها اليوم انها ناويه
شما مب فاهمه شي : علياء بتخطب ؟؟
مهره وعواش شافو بعض
مهره : لا حبيبتي شقايل بنت تخطب
شما : عيل كيف تقولين ناويه
مهره : ياحبي ناويه انها ترد عليهم
شما : شقايل تقولن متى العرس
مهره عصبت : اووووف شما فكيني من حشرتج متى الاكل بيي


فيروزه7 ©؛°¨غرامي جديد¨°؛©

تبوني اكمل الروايه ؟؟
مابكمل لين ما اشوف ردود

النرجـAssiaAljrjryـسية ©؛°¨غرامي مجتهد¨°؛©







السلام عليكم ورحمة الله وبركاته
اولا انرتي غرام ومنتدى الروايات عزيزتي
ثانية احب اقدم لك نصيحة اخوية
انتي جديدة بالمنتدى فالقراء لسا ما يعرفوك وما اعتادوا على اسلوبك بالكتابة، وفي الغالب في قراء يتابعون من وراء الكواليس يعني مش مسجلين بالمنتدى، انتِ اكتبي لنفسك لتطوري مهاراتك بالكتابة في الوقت الحاضر، وفي الغالب الفصول الاولى ما راح تلقين تشجيع ودعم لان مثلما سبقت كاتبة جديدة اولا وثانيا اغلب القراء يميلون لقراءة الروايات الكاملة، لان في كثير من الأحيان القارئ يتابع الرواية بحماس ولكن الكاتب يقرر اغلاق الرواية لاسباب متعددة مما يسبب خيبة القارئ، فيكي تشوفي عدد الروايات المغلقة لعدم اكتمالها لتفهمي سبب خيبة القارئ وتوجسه من الروايات المستمرة.

فاعطي زمن للقراء ياخذو فكرة عن روايتك ونزلي الفصول بانتظام
القارئ يتعامل في العادة مع (الكاتب)مش مع (الكتاب)
فكلما كان الكاتب مشهور ومنتظم لقى الكتاب نجاح اكثر والشهرة ما تجي بالاستسلام وكل كاتب مشهور كان بيوم من الايام يكتب وينشر وما يلقى رد واحد على الي كتبه، شي واحد يقرر نجاحك بمسار الكتابة كحبك للكتابة وهو العزيمه والمقدرة على المواصلة لتصلي لمرحلة القراء يعتنون بروايتك ويلتهمون حروفك بنهم.
فالفرق بين الكاتب المشهور والكاتب الي ترك الكتابة هو العزيمه وحب الكتابة، فاللي يكتب لنفسه ما يحتاج دعم حتى يكتب لكن الي يكتب لغيره او للشهرة بعد فترة من الكتابة راح يتلاشى حماسه ويجف حبره لان الكاتب لغيره كالكاتب من البركة والبركه ان استخرجت ماءه راح ينفذ اما الكاتب لحبه للكتابة ولنفسه حبر قلمه مثل النبع دائم يفيض وان اعتنى فيه صار انهار وجداول
.
و البارتات قصيرة جدا اتمنى اتطوليها حبتين حتى يزيد الحماس بالبارت
.
اتمنى لك التوفيق عزيزتي











فيروزه7 ©؛°¨غرامي جديد¨°؛©

شكرا لنصيحتك وانشاءالله بطول في البارتات

فيروزه7 ©؛°¨غرامي جديد¨°؛©

البارت الثالثه

سيف في سيارة ساير لبيتهم : حبيبي لي لج مفاجأه بس مب اللحين بقولج
مهره مافيها صبر دائما فضوليه : مفاجأه ؟؟ شو هيه قولي
سيف : مفاجأه حلو باجر تريي الخبر
مهره مستانسه : لايكون اللي في بالي
سيف يسوق الساير ويهرن : الله يغربله شو عنده يستهبل هذا
مهره : شوفيك عصبت
سيف : هذا المهم طوفيها... مهاري؟؟
مهره ابتسمت : عيونها
سيف : فديت عيونها بسألج سؤال
مهره : اسأل
سيف : لو لا سمح الله ياني شي مثلاً يعني مت بتحبين غيري
مهره بقهر : شو هذا السؤال حد يسأل جيه اخر مره
سيف بصدق : لا صدق صدق يعني
مهره : ما ادري اصراحه
سيف : لو استوالي شي لاسمح الله لاتتزوجين غيري الا اذا قلبج حب غيري ويكون من قرايبج
مهره : شو هذا الكلام سيفووه محد بياخذين غيرك
سيف : والله صدق أتكلم
مهره : سيف والله ترا ازعل لاتقول شي خلاص
سيف : هههههه خلاص قلبي
مهره : انزين ليش يعني من قرايبي
سيف : توج تقولين لاتتكلم
مهره : انزين أبا اعرف ليش
سيف : روحج بتعرفين
مهره تثاوب : انزين سيف انا بسير ارقد راسي يعورني الصراحه كله منك
سيف : فديت راسج
مهره : تصبح على خير
سيف : وانتي من اهل الخير قلبي
سكرو الخط اللي بينهم ومريم كانت وياه في السياره
مريم : يعني مابتقولها
سيف : مابقول لها بسرعه بس بلمحلها
مريم :شو بتسوي عقب
سيف بحزن : بخلي قلبها يكرهني
مريم فتحت ثمها : لا سيف مب جيه
سيف بحزن : شو اسوي يا مريوم شو اسوي
مريم : تعرف انك حمست امي على عرسك
سيف : ادري
مريم : تقدملها
سيف بحزن وقهر : آآآخ تعبت من هاي الدنيا تعبت
مريم :سيف انته نسيت ول.....
ام سيف تتصل
.
.
عوااش دخلت على اخوها : حمدان
حمدان راقد
عواش بصوت خفيف : حمدااااان
حمدان مايعرف وين الله حاطنه : مهره
عواش تعرف اخوها قريبه منه بس في أشياء مايقولها لان قلبه مايفتحه بسرعه للكل
عواش مصدومه ( مستحيل حمدان لا مستحيل )
.
.
.
عائشه بنت عم مهره ورباعه ( أصدقاء ) من أيام الطفوله طبعاً هي الوحيده اللي تعرف اسرار مهره
ونفس العمر ونفس التخصص في الجامعه

.
.
.
يوم الجمعه الكل مجتمع في صالة يدهم خلوني اعرفكم على عائلة مهره كلها
يدها اللي يحب احفاده كلهم وخاصتاً مهره لانها تشبه زوجته المرحومه
أبو مهره هو الأكبر وتعرفون عائلته اسمه مبارك(مهره عمرها 22 تدرس جامعه تخصص طب عام عبدالله عمره 26 وعليي 17 اما عنن خواتها فاطمه متزوجه توها عروس عمرها 25 اما شما 19 وهي توها مسجله الجامعه .

اما حمد هو اللي بعد مبارك متزوج وعنده ولده ( هزاع عمره 27 ) يشتغل ظابط في الشرطه
اما بنته الثانيه ( حمده عمرها 24 ) تعمل مدرسه انجليزي

بعد حمد سلوى ارمله عندها بنت وحده اسمها ريم عمرها 25

اما بعد سلوى محمد عنده
حمدان عمره 25 يعمل مدير للاعمال لناس كبار اكبر منه سلطان عمره 28 متزوج
بعد هزاع عوااش تعرفونها بعد ها اخوها حميد اصغر واحد عمره 19

عواش : قولي والله انه قالج
مهره وقلبها معورنها عليه : هيه والله مادري احس في شي قلبي يعورني يقرصني في ي ماقالي عنه
عواش : تعوذي من ابليس يمكن هذا من ابليس يوسوس فيج
دخلت ريم عليهم :ماشاءالله يالسات هني وماتقولون
مهره تعالي تعالي قعدي هني عدالي (جنبي )
ريم دائما صاحبة الحلول : ها شو عندج
مهره : مافي شي
ريم ربعت ريولها في اليلسه :اهاا
مهره على طول حطت راسه في حضن ريم
ريم : مهره فيج شي
مهره صوتها تغير : لا
عواش : مهروه
مهره شوي وبتصيح : لاتقولولي شي
ريم مسحت على راس مهره
..
.
.
حمد : لا ماشاءالله عليه نجح البزنس
محمد : هو امبونه (من زمان ) شاطر في هاذي الأشياء
مبارك : الا مهره بنتي تكلمني تبا تفتح بزنس
سلوى دخلت عليهم وشاله القهوه : مااشاءالله عليج يا مهره كل شي تباه
مبارك : من متى وهي تحن
محمد : انزين شحقه ماتبا تفتحلها
مبارك : انا أبا هي تفتحه من مجهودها مب انا افتحه والصراحه شكلها صدق بتفتح
أبو مبارك : وشحقه مخليه فخاطرها
مبارك : با بويه لو فتحتلها انا بيتم كل شي عليه اما اذا هيه بتفتح فهي بتهتم فيه
هزاع وحمدان وعبدالله كلهم دخلوا مع بعض
حمدان بصوت عالي : ماشاءالله على سلطان غداءه ما يتفوت
عبدالله يلس عدال ابوه : ابويه
مبارك : نعم
عبدالله : ماتبونا هاذي الاجازه نسير العزبه ؟؟
حمدان قعد قرب عبدالله : والله انها فكره ماشي اشطر منها
مبارك : والله الشور عند يدك
أبو مبارك : والله الشور زين
هزاع : بنسير نحن الشباب كلنا
محمد : والبنات وين بتخلونهن
عبدالله : يدبرن عمارهن
أبو مبارك : لا ماشي سيره بلا البنيات
هزاع : ياموتك عل البنات يدي
سلوى صدقه سيره بليا البنات ماي وين تبونا نحطهم
حمدان : نعم انج صادقه عمووه شو هاا المفروض انتو محارمهم ماتخلونهن بروحهن
هزاع يطالع حمدان بنص عين : لا والله ؟؟
أبو مبارك : هيه نعم صدق والله انك ريال يا حمدان
سلوى : امبونه ريال
عبدالله : ونحن شو يعني
حمد : افا عليكم رياييل
محمد : خلوكم عن الخرط انا روحي أبا اسير المزرعه العزبه دوم انسيرلها خلونا نغير
مبارك : يبتها صح والله ياخويه زين بنسير
سلوى : متى انزين
محمد : باجر
الكل : هيه
مبارك : انا برتبها السيره
حمدان : والله يوم انك انته بترتبها عيل انها طماشه ( رائعه )بتكون
دخل عليهم حميد
حميد : يالله شواب خلص الغداء
أبو مبارك : منو الشواب (كبار السن ) تعال بعلمك منو (وقف بيسير للاكل )
حميد يركض برا : اركضو فأن أبو مبارك قادم
الكل : هههههههههههه

انشاءالله تعجبكم


فيروزه7 ©؛°¨غرامي جديد¨°؛©

البارت الرابع


عائشه : قول والله
حمدان : ماتصدقيني سألي ابويه
عائشه : بسير أقول حق امي نجهز حق السيره
حمدان بفضول : بنات عمي كلهم بيسيرون
عائشه فهمت شو يقصد بس سوت نفسها ماتعرف :اكيد بيون كلهم بس يمكن ريم ماتي هيانا لان شي عندهم مناسبه عند عمومها
حمدان : آهاا
عائشه بفضول : ليش تسأل
حمدان جنه انقفط :لا ولا شي بس عشان نعرف نرتب زين
ام سلطان دخلت عليهم في الصاله : حمدان فديتك
حمدان ابتسم :آمري الغاليه
ام سلطان : مايامر عليك العدو فديتك
حمدان : شو تبا الغاليه
ام سلطان : جانك تروم تسير معا مهره وخوها علي بيسيرون المزرعه اليوم يجهزونها سير انته وعواش محد هياهم
حمدان: ليش عبدالله ماسار احيده هو بيسير ؟
ام سلطان : بياخذ اليوم اجازه وباجر بيسير
حمدان : تسيرين عواش
عواش بحماس : اكييد
حمدان ابتسم : امايه بيردون ولابيباتون
ام سلطان : لا بيباتون
حمدان : جيه مابتسير ام عبدالله هياهم
ام سلطان : لافديتك
دخل سلطان ويلس عندهم في الصاله : السلام عليكم
الكل : وعليكم السلام
سلطان : خلووف وين ( ولد سلطان )
ام سلطان : احيده عند الخدامه
حمدان : شحقه تخلونه عندها ماترومون تشلونه
سلطان مبين التعب عليه : ماعليه هب دوم
حمدان : عيل انا بشله هيانا المزرعه
سلطان : لا انا بيبه هيانا باجر
عواش : لا ماعليك انا بطالع عليه وترا بنبات (بنام هناك او بنتم لين باجر )
سلطان : اذنه عند امه قولولها
عواش زين بتصل لها
حميد : ماشاءالله انا ادوركم (ابحث عنكم ) وانتو هني
ام سلطان : تعالى ابويه الله يابك
حميد : وش بغيتي
ام سلطان : سير هاتلنا سامان (أغراض)من الدكان (البقاله)
حميد : امايه خليها المغرب
ام سلطان : بيتمعن عندي الحرمات بتفشلنا
سلطان شاف حميد بعيون تخوف : حميييد
حميد : فالج طيب امايه
ام سلطان : فالك مايخيب
.
.
.
عند مهره اللي كانت تحط الأغراض في سيارتها : علوووه
علي وهو شال ( يحمل )الجدر : هاا
مهره : مايقولون هاا يقولون نعم بسرعه تحرك ماشي وقت
علي : انشاءاله
ركبو السياره
شماا : مهرروه
مهره نزلت الجامه : نعم
شما : امي تقولج حمدان بيسير هياكم هو وعواش
مهره : انشاءالله
شما : ولاتنسين تختارين احسن حجره لنا
مهره تتأشر على عيونها : من عيوني
شما : فديت عيونج
علي : يالله بسرعه تأخرنا
شما : باي باي
مهره : مع السلامه ( وحركه السياره )
علي : غريبه شما ماسارت معانا
مهره : بتساعد اميه يرتبون أغراض
علي : خطفي المحطه أبا اخذ تصبيره لدرب بعد ابوظبي بعيده
مهره : فالك طيب
علي : فالج مايخيب
مهره : اتصل لطباخ المزرعه وقوله شو ناقص
علي : بتوبلين تشترين
مهره : على الأقل الحايه
علي : اوكيي


في حوش بيت سيف
ام سيف ودموعها اربع اربع : وليش ماتقول ياولدي ليش توك تقولي شو تباهم يتمون ايتام ونحن ماندري بهم
سيف قرب من امه : امايه سامحيني هذا من تهوري ماكنت فاهم تزوجت ولاحسبت له حساب
ام سيف بعدت عن سيف : لاتقرب مني
سيف : امايه هاذيلا .....
سعيد بأبتسامه خافته : يعني انا من متى عم
أمنه دموعها كانت تنزل بسبت تصرفات أمها
ام سيف : مب مدخلتنهم عندي ما ادري منو امهم هاذي اللي مسوده ويه أهلها
سيف نزل راسه : امي تراها طليقتي
ام سيف تصارخ : ان مب راضيه عليك ابدا
سيف هنا ماقدر يتحمل الا امه اللي تحبه وتعزه تغيرت بلمح البصر يوم عرفت ماتوقعها جذيه تكون ( بصوت تعب ) : أمايه لاتكونين جذي أمي حراا.... فجأه طاح على الأرض وانفه كان ينزف ولاولى مره يشوفون سيف جذيه بهاذا التعب
امنه ركضت عند سيف : سييييييف
سعيد بفزعه : سيف
ام سيف ماقربت منه كانت تبعد عنه من كثر ماهي مصدومه.. فحياتها ماشافت سيف جذي ومنهو صغير فيه قوه عظيمه مستحيل لانها عارضته يستويله هذا الشي
سيف عطا مفتاحه لامنه عشان تفتح السياره
مريم ركظت لسياره وسعيد شل سيف للسياره
ماقدر سعيد يشوف اخوه جذيه مستحيل يطيح الجبل اللي كان متسند عليه مستحيلل بتقولن زودوها لا لان من مات ابوهم وسيف هو اللي كان حارس البيت ماكان يرفض شي لاهل ومأدي واجبه من اب الا اخ ولصديق ماقدرت العائله تتحمل
آمنه تصيح مب قادره تتحمل شافت أمها بنظرت تبين لها انتي السبب.. هني حست ام سيف بندم على الشئ اللي سوته بس اللي سواه هو ماينقبل
.
.
.
فاطمه متجهز ومترتبه : محمد
محمد زوج فاطمه يطالع تلفونه : هلا
فاطمه :مشغول
محمد ببرود نزل التلفون : لا ليش
فاطمه مستغربه من تصرفاته البارده : فيك شي
محمد : لا
فاطمه : متى بنسير عند اهلي امس قلت اننا بنسير وأجلتها
محمد ابتسم ابتسامه مبين انها مصطنعه : تراج تبين تباتين عندهم
فاطمه : هيه
محمد : خلاص باجر روحي لهم
فاطمه فركت صبوعها : انزييين محمد
محمد : آمري
فاطمه : مايامرك عليك عدو ...اهلي بيسيرون المزرعه أسبوع بروح معاهم
محمد مسك تلفونه : حدج يومين
فاطمه : ليش مب أسبوع
محمد طالعها بنظره : وانا منو بيتم معايه اتم بروحي عندج يومين أسبوع لا انا بداوم يومين
فاطمه نزلت راسها : اوكيه
محمد قرب منها ورفع راسه بحنان : لاتزعلين مني ترا ما اتحمل اتم بروحي
فاطمه نزلت دمعه منها
محمد : افا شو فيج زعلتي
فاطمه مسحت دمعتها : ليش تغيرت تصرفاتك معايه
محمد اشر بأيده عليه : اناا
فاطمه هزت راسها بنعم
محمد ضمها : انا ماتغيرت قلبي بس شوي تعبان آسف حبيبي
.
.
وخطفت مهره الجمعيه : علي ماخطفت المحطه سيارتي فول مر وحده بننزل الجمعيه
علي : عادي مب مشكله
مهره : عيل وين قوم حمدان
علي : اتصله
مهره : هيه قولهم ان نحن في الجمعيه ****
علي : زين
نزلو واتجهو للجمعيه
علي : اللو
حمدان : مرحبا علووه
علي : مرحبتين وين
حمدان : قرب الجمعيه
علي : لف صوبها
حمدان : انتوا هناك
علي : هيه
حمدان : ليش خطفتوا الجمعيه ؟؟
علي : مهروه تبا تتشرا حق المزرعه
حمدان : زين يالله بنيكم ( سكر الخط )
مهره : تعاى بنشترى بخلص الجمعيه اليوم
علي :ههههههههه
بعد ساعه من لفت الجمعيه خذت مهره كل شي ممكن يحتاجونه والاشياء الناقصه
عواش : هاا خلاص
مهره : هيه
حمدان بابتسامه جميله : هاا خلصتوا
عواش : هيه
مهره : كانت تلقط الجبسات وفجأه طاحن كلهن من ايدها وقالت : قلبي ( حطت ايديها على قلبها )
حمدان ( سلامت قلبج ): شو ياج سلمتي
مهره : الله يسلمك من العدو
عواش : شي ياج
مهره شافت حمدان وردت تشوف عواش : مادري احس شي مستوي والله في شي مستوي
عواش حضنت مهره : بسم الله عليج
مهره ابتعدت : حاسبو بس محد يدفع بتصل اطمن
عواش هني فهمت شلت حمدان وروحو
مهره على طول اتصلت بسيف اتصلت واتصلت ومارد
مهره : شو اسوي قلبي يعورني ليش مايرد ...كملت اتصالها
مهره : اتصل لمريم ..لالا ...شو بقول ...لا هي بتفهم عادي ما بلمحلها ....لا بتصل لامنه اذا شي مستوي بتقول ..اتصلت لامنه
امنه تصيح : مهااااااااااااري
مهره خافت : آمنه شو فيج
امنه : سيف اخويه ماعرف شو فيه
مهره هني عرفت ان كان قلبها احساسه صح : شو استوا امون
آمنه وهي تقاطع من الصيااح : اليوووم .....سيف وماما تضاربوا
مهره متفاجأه : شوو
آمنه : طاح اخويه على ارض اخوي ماعرف شو فيه .....طلع شي شي من خشمه طلع ...دم طلع من خشمه دم
مهره شوي وبتصيح : آمون حبيبي لاتصحين ادعي ...الله معاج لاتخافين
آمنه تصيح : مهاااري أخافه يرووح عنا .....
مهره : لا آمون لاتقولين جيه حبيبي ادعي ربج مافيه شي
آمنه : لا اخوي تغير هاذي مب اول مره يستوي جيه ( زاد صياح آمونه)
مهره بستغراب ماقالها شي : حبيبي آمون انتوا في أي مستفى
آمون : مداري بطرش لج اللوكيشن
مهره : اوكي حبيبي أهدي لاتصيحين اوكيه
آمون : اوكي ( هدت امون شوي ) انتي بتين
مهره : مادري آمون
آمون : مهاري تخيلج تعالي مريوم تحتاج آحد يواسيها
آمون : خلاص حبيبتي لا تحاتين
.
.
.

انشاءالله يعجبكم


فيروزه7 ©؛°¨غرامي جديد¨°؛©

مبرووك عليكم شهر رمضان...صح متأخر بس مشوها😊
بوقف فيشهررمضان الكتابه لانه الكتابه تحتاج وقت اسفهه..

فيروزه7 ©؛°¨غرامي جديد¨°؛©

عيدكم مبارم الله يديمها من فرح بعد شوي بنزل بارت جديد

فيروزه7 ©؛°¨غرامي جديد¨°؛©

البارت الخامس


آمون بصوت مبحوح : مهاري تخيلج تعالي مريوم تحتاج آحد يواسيها
مهره : خلاص حبيبتي لا تحاتين انا بيي عندكم ( سكرت الخط )
حمدان بخوف :مهره في شي
مهره ماتحس بعمرها بس تحاول تتحمل عشان مايشك فيها حمدان : ه..هلا
حمدان : في شي مستوي
مهره تتلفت تدور عواش : عواش وين؟؟
حمدان خاف على مهره : بسير اناديها
مهره يلست على الأرض وتنتفض وعيونها ماتوقف من الدموع
عواش تركض : مهره شو مستوي
مهره مصدومه : عواش ( ضمتها )
عواش متروعه (خايفه ): مهروه شو مستوي
مهره ماتقدر تقول لها جدام حمدان حاولت تلمح لها
حمدان مايعرف شو يسوي : عوااش انا بشل الأغراض في السياره وعلي بيسير معايه انتي سوقي بها
عواش : انشاءالله ..مهره قومي
مهره وقفت وحاولت تمسك عمرها : حمدان
حمدان: نعم
مهره تحاول تتماسك : لا تخاف ماستوا شي بس ربيعتي طاحت في المستشفى وانا خفت
حمدان مب مقتنع : الله يشفيها
مهره من قلبها :آمييين
.
.
.
في مطبخ ام عبدالله ترتب شنط الاكل وترتب أغراض الطلعه
شما : امي منو اللي متصل لج امس
ام عبدالله : ليش تسألين
شما : بس جيه
ام عبدالله : هاذي وحده اسمها ام سيف كانت بتي اليوم بس ردت اتصلت واستسمحت مني
شما بستغراب : ام سييف ؟؟ منو هاذي
ام عبدالله : هاي وحده اعرفها من بعيد
شما : اهاا
ام عبدالله بتعب : انتي تعالي ساعديني خلي عنج ام سيف
شما : انشاءالله
دخل عليهم عبدالله : يعطيكم العافيه
ام عبدالله : الله يعافيك
عبدالله : ماشاءالله كل هذا ..من نص ساعه متصله مهره وقالت تراها اشترت الأغراض حق المطبخ هناك واتصلت حق الطباخ وسألته شو الناقص وخذت
ام عبدالله بقهر : لاوالله توك تقول وانا ارتب من الصبح
عبدالله يحك راسه :نسيييت
ام عبدالله رفعت نعالتها : انته لازم ادورلك عروس اليوم قبل باجر
عبدالله يبعد عن امه : ههههههههه والله اسف شو اسوي
شما : والله انا ماقول الا الله يعين حرمتك
عبدالله : والله يعين ريلج على كشتج
شما : والله انها احلى عن كشتك
أبو عبدالله : ام عبدالله
ام عبدالله : نعم
أبو عبدالله : جهزتو الذبايح
ام عبدالله : سأل ولدك جانه مانسا
عبدالله : افا عليك ابويه جاهزات يترين الضو
.
.
.
عواش وهي تنتبه لطريق شوي وشوي لمهره
مهره ضامه رجلينها وتصيح
عواش : مهره فهميني شو مستوي
مهره زادت شهقاتها
عواش خافت اكثر : مهروووه قولي لاتخوفيني
مهره تحاول تقلل شهقاتها : عواااااش سيف
عواش : شو فيه
مهره : مادري عواش توني كلمت اخته وقالت انه بالمستشفى
عواش تنهدت : مهروه ترا عادي في المستشفى انتي ادعي له مب تصيحين بعدين كلنا نسير للمستشفى
مهره وهي تعلي صوتها شوي : لا هذا الشي مب عادي ...مب عادي عندي انتي ماجربتي الحب ..انا احبه عواااش ما اقدر على فراقه ما اقدر ..حتى لو تقولين انه تعبان شو ي ( تأشر على قلبها ) هذا مايتحمل مايقدر يفارقه ولو شوي ... بعدين اموون قالت انه مب اول مره يطيح عليهم
عواش : تبين نروح له
مهره ابتسمت : لو سمحتي
.
.
.
يلس محمد على سريره وهو يكلم تلفون ومبتسم.
فاطمه كانت توها طالعه من الحمام تنشف شعرها
محمد شافه وتوتر : مع السلامه أبو جاسم اشوفك بعدين الله يحفظك
فاطمه تكلم نفسها :منو أبو جاسم هذا اللي ذالنا كل يوم صبح وليل يرمسه
محمد : فطوم شوفيج واقفه تعالي يلسي
فطوم : هاا
محمد وقف : ان بسير عقب كم يوم
فطوم : وين..وبعدين مب عليك دوااام
محمد : اول شي بسير هيا ربعي وثاني شي ماخذ ايجازه وثالث شي لا تتكلمين جذي معاي
فطوم : انشاء الله بس وين بتسير انته
محمد : بنسير مصر
فطوم انقهرت : شو تباها مصر
محمد بعصبيه : انتي مايخصج وبعدين انا بسير معا ربعي ماتفهمين كيف تبيني اشلج معايه ....وطلع من الغرفه وسكر لباب بقوه
فاطمه شوي وبتصيح وبصوت خفيف : انا شو سويت انزين
.
.
.
.
مهره نزلت المستشفى ومشت شوي شوي وكانه حد رابطه بصخره
عواش : مهره متأكده انج بتسيرين
مهره : هيه
عواش راحت وسالت : وين غرفه سيف ******
الموظفه : في الطابق الثالث في الغرفه 7
عواش : شكرا ...مهروه نسير
مهره : خلينا اول ننزل ناخذ ورده عيب نسير أيدينا فاضيه
عواش : اوكيه
اتصل تلفون عواش وكان المكتوب حمداان
حمدان بعصبيه خفيفه : الللووو وين سرتوا انتو
عواش ماتعرف و تقول : نحن هني شوي وبنوصل
حمدان : سيارتكم مب وراناا (خلفنا )
عواش : انزي....
سحبت مهره التلفون : اللو
حمدان بعصبيه : الوو
مهره : ترا نحن بننزل البحر شويه
حمدان خفت العصبيه : انزين ليش ماتقولون
مهره : نسينا يالله بااي
حمدان شاف تلفون : باي
علي : هاا وين هن
حمدان : البحر
علي : ومنو بيرتب كل هذا
حمدان : ماعرف
علي : حمدان شي فيك
حمدان : علي بسألك معنه انك صغير شوي على هاذي الأشياء
علي : هيه
حمدان : لو مثلاً انته تحب وحده وماتقدر تقولها لانك تحس انها تحب غيرك ودوم تجفيبك شو بتسوي
علي : والله انا مالي بهاذا عوار الراس بس لو انا بسير اقولها في ويها يمكن هيه ماتحب يمكن في شي ثاني
حمداان : صدق بس قلبي يقول شي وعقلي شي
علي : المهم تعال ننزل الأغراض
حمدان ضربه على راسه : وطلعت تفهم في الحب أبو حسين
علي ابتسم
وصلت سياره هزاع ونزل منها هزاع وحمده وريم
هزاع : يعطيكم العافيه شباب
حمدان : الله يعافيك كيفك يا زلميه
هزاع : بنشكرالله
ريم : مرحباا
حمدان : وعليكم السلام
استحت ريم لانها مب وايد مع حمدان
ريم وهي تتحرك يمين ويسار : شحالك حمدان
حمدان : بخير
علي : ريم هني
ريم : اكيد هني
حمده تتغشى عن عيال عمه وتستحي بس مع البنات فلهه
حمده بصوت واطيي : السلام عليكم
حمدان : وعليكم السلام ريم شحالج
حمده : بخير وانته
حمدان : بنعمه اللحمدالله
حمده : الله يديمها من نعمه
ريم بدلع :وين مهر وعواش
حمدان : بييون اللحين
ريم : اها ،ماتبون مساعده
هزاع كبر عيونه : ريم يالله سيري داخل
ريم طالعته بنص عين : ليش اخويه وانا مادري
هزاع : اففف عاد بدت تتفلسف الدلوعه
ريم حطت ايدها على خصرها : مايخصك
هزاع : أقول سيري داخل يالله حمده ورااها
ريم : مب سايره
هزاع : لاتخليني اتعامل هياج بطريقه مابتعيبج
حمده مسكت يدها : ريم يالله ..
ريم سحبت ايدها : انتي مايخصج وبتم هني يعني بتم
هزاع : برايج انتي تمي ( يكلم الشباب ) يالله انسير داخل
ريم حست بغصه وسحبت نفسها
.
.
مهره دقت الباب بس محد كان يرد
عواش متروعه : مهرووه دخيلج خلينا نرد لو حد شافنا
مهره : عواش اذا انتي خايفه ردي
عواش : انزين انا براقب الباب وانتي دخلي اول ما ادقه عرفي حد هني
مهره : اوكيه انتبهي زين
فتحت مهره الباب بشوي شوي كانت الأضواء مسكره ، تقربت من السرير كان مغمض عيونه وفي بيب طالع من ايده : سيف
سيف مايرد
مهره قربت منه بس مالمسته : سيف قوم انا ممهره
سيف بصوت ماينسمع : العنووود
مهره بستغراب صوته مش واضح : سيف شو تقول انا مهره
فتح عيونه سيف وتفاجا : مهرهه شو تسوين هني
على طول مهره نزلت دموعها : سيف ليش ماقلت لي
سيف خاف : شو ماقلت لج
مهره تشاهق : انك في المستشفى
ارتاح سيف : مهره
مهره : لبييه
سيف : لاتخافين مافيه شي
سيف عدلت يلسته : مهره بما انه انتي هني جدامي أبا اقولج شي بس اوعدين ماتفهميني غلط والله يعني هذا من زمان ولاني ماكنت افهم مهره اناا مط...
اندق الباب بقوه
مهره : انا بطلع هاذي عوااش شكله حد بيي كلمني تلفون .. وقبل لا انسا هاذي هديه مني
سيف : باي
مهره : كم مره قلتلك لا تقول باي
سيف : اوكييه
طلعت مهره بسرعه ومسكت ايد عواش : يالله نسير
عواش : مهرووه
مهره لفت لعواش : هلا
عواش : منو الحرمه اللي دخلت من شوي تعرفينه
مهره : لا يمكن حد من قرايبهم
عواش : اها
مهره : ليش في شي
عواش : هاا لا ماشي يالله بسرعه اكيد حمدان وعلي يتريونا واصلن من شوي متصل قال ان هزاع وحمد وريم هناك
مهره : اوكيه بس خلينا ناخذ ورد وحلويات عشان مايشكون
عواش : اوكيهه ..تقدرين تسوقين اللحين
مهره : هي
عواش : اوكيه
.
.
سيف : نعم شو اللي يايبنج هني
البنت : سيف مب حرام ازور طليقي
سيف : عنووود
عنود : لبييه
سيف : لو سمحتي فكيني من شرج
عنود يلست قربه وبترجي : سييف انا اسفه انا ادري بعدك تحبني ...اعرف بعدك تفكر فيني وتحلم فيني وتبا ترجعلي
سيف عدل يلسته : سمعي العنود اللي بينا انتهى
عنود : سيف اللي بينا ما انتهى نحن نحب بعض وتزوجنا ويبنا عيال انتا ابوو عيالي
سيف غطا ذنينه : خلااص عنوود بس لاتين عندي كله بسببج بسببج انتي اللي خنتيني
لو ماصدقتج كان اللحين ماعندنا عيال نظلمهم
عنود : منو اللي كانت عند الباب شفتها طالعه مع وحده
سيف : وين ولدي
عنود : لا تغير الموضوع
سيف يصارخ : انتي مايخصج ماااااايخصج اطلعي براا
عنود : مب طالعه بيب ولدك وبرد
سيف : اووف
.
.
.



أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1