غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 14-05-2020, 08:09 PM
نبض اسوود نبض اسوود غير متصل
©؛°¨غرامي مشارك¨°؛©
 
الافتراضي رد: رواية اليوم قدرك مايسوى ماطآ الأقدام حبك بقلبي مات وأعلن رحيله..!!/بقلمي


،
..3..
اهلاً مجدداً يــا رفـــاق..!
اتيتكم بالــفــصل الثــالــث مـن روايتـــي..
اتمنــى ان ينــال اعجابكــم..
استغـفـرالله واتــوب إليــه..
سبحــان الله وبحمــده..سبحــان الله العـظيـم..
تقبل الله منا ومنكم صالح الأعمال..
والعشر عليكم مباركـــه..
...........

....! فيني ألم غربة مع فرقى أعز الناس..
سفينة تايهة تبحث عن موانيها..
ذكرتك يوم ودعتك وضاقت فيني الأنفاس...
بكت عيني على فرقاك لكن من يواسيها...
حرام أشوف أفراحي بأقدام الألم تنداس....!ّ

............................

بعد ساعه ونص تقريباً..
......
بالصاله جالسين بعباياتهم..
ينتظرون الست تشرف..
نادت بصرااخ يصم الاذن:اللهههههنننننوووووووووووففففففففففف.
ساميه انتفضت وفتحت عيونها بررعب:ووجع سهى خيير؟!
سهى بعصبيه:الله ياخذ هنييفف بتروح نوره ماجيناها ولاسلمنا عليهااا..
ناظرتها ساميه بنص عين:اصــل...
دخلت عليهم ام صقر وقالت بحنق وهي عاقده حواجبها مقاطعتهم: وش داعي الصراخ؟!مافيه حنجر صغير تتكلمين معه؟؟
لفت سهى بربكه عليها:اححم خالتي سمعتيني ماشالله!!
ام صقر ناظرتها بحده:البنت السنعه ماينسمع صوتها بالبيت.وانتي حتى الجيران سمعووه!لمتــى وحنا نعلمكم قصر الصوت!!
سهى بفشله:ان شاءالله خالتي..
ناظرت البنات:وانتم اخلصو خلونا نطلع ماعاد معنا وقت..
وطلعت خالتهم..
ريم ضحكت بشماته:ههههههههههه احسن يام لسان...:)
رمت عليها الشنطه وهي مفتشله:انطمي مالتس شغل..
تفادتها ريم وهي تضحك:اووه هههههههههههههههه
سمر تعدل طرحتها عند المرايه:عادي عادي هذي كلمة امي المعتاده حفظتها من كثر ماتعيدها.
ساميه بنغزه:اي من طول لسانس.
سمر رفعت حواجبها وتخصرت وهي تلف عليها:نعم اخت ساميه!!على اساس انتي اللي ماينسمع حسس..!!
ساميه بفجعه مصطنعه:اناااا؟؟هزت راسها:من قاالل حبيبتي انا انسانه هاديه رزينه وعاقله..
سمر تقلدها:انا عاقله ااننننننننننه..وبدفاشه دفتها مع راسها:اقول على شحم وطسي للسياره..
عصبت ساميه منها وهي تمسك راسها:بليز سمر حسني الفاظك..
سمر تجلس وتحط رجل على رجل وبعناد:لا.. ومالتس دخل في الفاظي وبسخريه:يالعاقله الرزينه..
ساميه بقرف:تدرين انتس سامججه..؟!
حسناء ناظرتهم بأستحقار:شف السوالف .. ماكنكم نسوان؟؟الله يخلف بس..
ساميه بفشله سكتت..
سمر رفعت حاجب:مخلين السوالف الزينه لتس..
سهى بصررااخ تسكتهم:خللصنااااا..!بعدين حطت يدها على فمها وناظرت الباب:يمه لاتجي خالتي وتغسلني..
دخلت الهنوف فشهقة سهى:بسم الله وش فيس؟
سهى تنهدت براحه:اه اشوى احسبس خالتي..وبعصبيه تذكرت:ساعه شتسووين فوقق؟؟
الهنوف ببرود:اتزين..وطلعت متجاهلتها..
وداد بشماته:هههههههه تلقينها من الام ولابنتها..
قامت سهى تناظرها وبحده:قومو بسررعهه..
.....
وقفت مكانها فجأه..
التفتو عليها اشرت بيدها على السياره:عناد اخوس بيودينا؟؟
سهى بأستغراب:ايه.. وامي وخالاتي مع السواق..
قالت ساميه برفض:مااببييي..
سهى بغرابه:وش اللي ماتبينه؟؟
ساميه تكتفت بطفوليه:مابي اروح مع اخوس..!
فرح رفعت حاجب:ولييه انشالله؟؟
ساميه بعناد مشت لسيارة السواق:قلت ماببي..
ضحكت حسناء وهي تذكرهم:مفتشله لانه شافها بالمطبخ..
سهى ثواني تستوعب!!!
هزت راسها:اهاهه..موب من جدها عناد ماقصد..
ندى اشرت بيدها:خلاص نروح مع اخوكم وهي معهم وانتهى..؟
تحركو للسياره وعيونهم على سياره السواق وساميه تتكلم ماركبت.
سهى:وش فيها؟؟
دفتها ريم بدفاشه:شدخلنا فيها اركبي اركبي..
ركبت سهى وهي تتألم:وجع ريموه..هذي يد..؟
ريم تسكر الباب وقالت بهمس:يوجعك يالبقره..
عناد ابتسم:حياا الله البنات..
البنات بصوت واحد:يحييك..
سهى بضحكة:اعصابكم بنات ماحنا بالعسكريه..
قبصتها ريم بجنبها وشهقت بقوه:اااااه..!
عقد عناد حواجبه ورفع عينه للمرايه:وش فيس؟!
سهى بألم:ولاشي امش..وهمست لريم:بردها لتس..
.....
بطفش:عممه وش بيضر اذا ركبت معكم!!
عمتها ام عناد اشرت على سيارة ولدها:روحي مع البناتت..
ساميه بقهر وعناد طفولي:ماابيييي ماابييي ماببييي افف..
امها بعصبيه:بنت تكلمي عدل مع عمتس..
ساميه بدموع التماسيح وصوت مخنوق:يمممهه ماابييي تكفيينن.
عمتها انفجعت:خلاص اركبي اركبي..
ابتسمت بخبث ومسحت دمعتها الكذابه:طيب بعدي شوي عشان اركب..
بعدت عمتها لها مكان وركبت وهي تمثل انها تمسح دموعها..
عمتها بحنان:خلاص سوسو احسبس تعاندين..
ساميه تنحنحت بعد مامشت السياره:اي ياعمه كنت اعاندكم...اصلاً مابكيت..!!
••••••••••••
طلع وهو متلثم بالشماغ وعيونه تحكي عن وجع لاحدود له..
.....
تذكر احلام السنـين.؟
وماعلى حرفك يبـيـن.!!
تذكر انغام السوالف..!!
ننطرب بأحلى معازف..
اهـ ياصوت الأنين..
وانتصارات الحنين..
.....
نزل راسه بأسى وهو يجلس قدام المكتب..
تنحنح يخفي تأثره وبخيبة امل:هاه يادكتور مافيه تقدم؟..
الدكتور ناظره بهدؤ:لنا اربع سنوات ننتظر..ومافيه تفاعل الا قبل اسبوع..اخذ نفس:كنت ابي اقولك بس ماقدرت لاني سافرت ضروري..
كان يسمعه ويدري نفس الكلام بينعاد..
نفس الموال((الى الان مافيه شي))
((ادع ربك يفرجها))
((لاتيأس من رحمة ربك))
مؤمن بالله لكن قلب ابن آدم ليس بيـده..
بـــس..
كلماته بالصميم..؟
لحظه لحظه!!
كأنه قال فيه تفاعل.!!
رفع راسه بعنف وبعدم استيعاب:كــــــيـــــــف!!
الدكتور بحكمه:شف ياخوي لاحظت انها قبل اسبوع تقريباً مؤشراتها تترتفع وتتغير بشكل ملحوظ..قال بتمهيد:هو شيئين يانها تقوم يا انها..وسكت ماقدر يكمل وهو يتأمل ملامحه المكسوره...
انتفض الاخر بجزع:لا انشالله انها بتقوم يارب..
الدكتور هز راسه:الامل بالله كبير ..انا علمتك لانك زوجها واذا تبي تقول لأخوانها بكيفك..اكمل بتحذير:بس انتبه تقول لابوها ولاامها ولاخواتها..حرام تعطيهم امل مجهول خاصه الام.
هز راسه بتفهم وهو يحس نفسه ضايع:ولايهمك..
قام وصافحه:تسلم يادكتور تعبناك معنا..
الدكتور مازن بابتسامه:واجبي ياخوي..
..
طلع ومايدري وين يروح..
فكر يروح لها يفرغ اللي فيه فيها..
بس تعوذ من الشيطان موب كل مره بتتحمل..
خاصه الحين هو بأشد توتره واي شي بيثير اعصابه..
راح توضأ وصلى بالمصلى وهو يدعي بعمق قلبه المتعب..
يالله يارب لاتفجعني فيها..
يالله يارب لاتاخذها مني..
يالله يارب لاتيتمني وتيتم ولدها..
اللهم لااعتراض على اقدارك..
اللهم رب الناس اذهب الباس اشفها وانت الشافي لاشفاء الا شفائك..
حس بروحه مخنوقه مجرد يفكر بأنه يمكــن يفقدها يرتعش جسمه ماهو متصور حياة مهيب فيها..
اربع سنوات جسد بلا روح..
اربع سنوات ينتظر..
اربع سنوات يتعذب..
اربع سنوات راحت من عمره وهي غايبه..
اربع سنوات يتقطع قلبه عليها..
نطق بعمــق قلبــه:يـــــارب رحــمــتــك..

••••••••••••••••

جالسه على الكنب وشابكه يديها ببعض وعاقده حواحبها بعدم رضـى من اللي تسمعه..
والاخرى جالسه على الكنب بروقان وتتقهـوى وتضحك مره وتخاف من نظرتها مره..
قالت بأعتراض:بـس هي اللي بــ..
قاطعتها بحده:اصص ولاكلمه.. وحده كبر امتس تسوين بها كذا!!حتى لو اغلطت ردي عليها بأدب..بس انتي صايره ماتحشمين احد ولسانس طويل..
قالت بتبرير:اسمعي السالفه اول يمه..
امها:ولاحرررفف..وش السالفه اللي تخليس تسوين سواتس!!ماربيتس على كذا؟؟
قالت بتأفف:يمه الله يهداس فاتحه سالفه عشان خالاتس!!خلاص راحوو فكه..
امها بغضب:الجـــااززيي!!نذذر نذرته ان سمعت منتس كلمة خالاتس ان اسوي شي مايرضيس وهذاني حذرتس..
عبست بعدم رضى وبسرعه:طيب قولي لها هي تناديني الجازي موب بنت بنت اختي!!
امها بقل صبر:الظاهر نرجع للعقاب عشان تتسنعين.!!
رفعت الجازي حواجبها..
ضحكت نوره:هههههههه تخيلي تعاقبينها وهي عجوز!!
الجازي بغيض لفت عليها:نوير اقصري الشر لأقلب عليس..ماناقص الاانتي..
ارسلت لها بوسه بالهواء تقهرها:من عنيا..!
لفت الجازي على امها:خلاص من اليوم اذا جاوو خالاتس مالي شغل والله ماانزل لهـ..
قاطعتها امها وهي تنزل الفنجان على الطاوله بقوه:جوويززيي!!شقلت بذا الكلمه؟؟
الجازي بضيقه:خلاص يمه ماصارت!!كلها هواشه مثل دايمن..
امها بعصبيه كبيره وقهر من بنتها:طارده خالاتس من بيت ابوتس وتقولين هوشه!!كملت بحسره:اييه الظاهر ماعرفت اربيس؟؟ولا غيبتس السنين ذي غيرتس!!
احتدت ملامحها من الطاري:يــمــه..
امها بغضب عارم:حيدن صمه..لاعرفتي تكلمين امتس قولي يمه..
مالت الجازي على نوره وبهمس:امي صايره دلوعه؟
ضحكت نوره بخفيف:قليلة ادب..
امها بأمر حاد:انقلعي لغرفتس..
الجازي ناظرت امها:انا يمه؟؟
امها بحده:لا انا!! اي انتي انقلعي لغرفتس مادام فعايلتس تسذا..
الجازي مالت براسها:يمه خالاتي بيجون والبنات!!
امها ببرود يقهر:طيب!!مالتس قعده معهم..
فزت وجلست جنب امها وبمحاوله تلينها:يممه لي سنين ماجلست معهم خليني اجلس واوسع صدري وخالاتس بس دقي عليهم بعد بكره واعزميهم ويرضون..
امها بصوت تكبت عصبيتها:لا اله الا الله..الجازي برا لغرفتس..
قامت الجازي بعصبيه وقهر بعد ماشافت امها مصرره وهي تضرب رجولها بالارض:اااااافففففففففف منههممم افف..وطلعت..
نوره ناظرت طيفها الي اختفى ولفت على امها:يمه موب من جدس!!
امها بعصبيه:نوير لاتخليني افرغ فيتس..
نوره بلعت ريقها وبزعل مصطنع:هذا وانا عروس تكلموني كذا..!!
ابتسمت امها غصب..
نوره بضحكة:فديت الابتسامه على بنت حزام..
امها:بانــ..
رن جرس البيت..
فزت نوره برعب:يمه خالتي ام عناد جات..
امها بمزاج مقلوب:طيب!؟
نوره جلست جنبها:يييمااهه اقولس خالتي ام عبداللههه..
استوعبت امها وضحكت:طيب!!خالتس موب اول مره تجي!
نوره بربكه:يووه يمه الوضع خاص الحين..
قامت امها واقفه:الله يعطيس العقل بس..
دخلت سهى مدرعمه:نوير راحت!!
نوره ابتسمت بخجل:هلا والله..لامارحت..
سهى بصوت عالي:ككككلللللللللووووووووشش هلا بعروستنا المزيونه..
حمرت خدود نوره وهي تسلم عليها:سهى خير اخواني وابوي بالمجلس..!
سهى بضحكه تحب راس خالتها:عادي عروس..
دخلت ريم وسمر وبصوت واحد:كلللللللوووووووووووووشش اللف الصلاه والسلااام عللييك ياااحبيببب الللله محمممددددد..
نوره بأحراج:بننناااااااتتتتتتتت..
ضحكوو عليها..
بعد السلام..
سهى بابتسامة حماس ناظرت نوره:وين عبود!!
نوره بحرج:مدررييي..
رفعت سهى حاحب:امس راقده بحضنه والحين مدري!!
نوره شهقت:ووجع سهىى..
ضحكت ساميه:ههههههههههههههههه وصخه..
سهى حركت حواجبها:كلكم بشوف فيكم يوم..
ريم بابتسامه بريئه:نوره انشالله ليلة العمر حلوه!!
نوره ردت بابتسامه حرج:ريــ..سكتت وهي تتذكر..
ناظرتها بحنق:ريمووه ياتببن يالباخيه..
ريم بصدمه:ووات!!
نوره:ماقلت لتس مااعرف للعدسات؟؟
ريم بعدم استيعاب:كييف؟؟.
...
بضحكة يخفيها:خلاص نوره اهدي وبطلعها..
نوره ببكا:لا لا بتعميني..
تنحنح يعدل صوته وبثقه:لايابنت الحلال انتي لاتبكين وانا بتفاهم..
ناظرته ببراءه للحظات ومسحت دموعها:طيب يلا نزلها...!
ابتسم لها وبعد محاولات طلعها الثنتين:هاه شفتي.!
رمشت كم مره وقامت خذتها ورمت العدسات بالزباله وبقهر:اخر مره اسمع لريموه..
راحت للمرايه وقعدت تفتح عيونها ببقووه وترخيها وتغمض بقوه وتفتح ونست اللي جالس يراقبها..
لثواني حست بنظرات تحرقها وولع وجهها احمر..
كيف نسيته الله يفشلنيي يممهه..
لفت بحرج وفركت يدها بربكه..
قام لها بابتسامه جذابه كاتم الضحكة:ننوررريي..
••••
طاحت على ظهرها ميته ضحك ونزلت دموعها..
نوره بعصبيه:ووش يضححكك ياتبنن!!
ريم ماردت وهي فادمه تضحك..
خالتها ام صقر بضحكة:ياحليلس يانوره ههههههه..
الهنوف:ههههههههه تبكين عشان عدسات؟؟
نوره بفشله:قسم بالله احرااجج افف..
سمر ضربت اختها:خلصنا لاتموتين..
ريم مسكت ضحكتها وقالت وهي تمسح دموعها:خلاص خلاص ههههههههههههههههههههه
قلبت نوره عيونها:سخيفه..
حسناء اللي فقدتها قالت:وينها الجازي!!
ندى تتلفت:اي صح وينها!!
نوره بابتسامه:صح النوم..
ندى بابتسامه مشابهه:دايمن نجيكم ماهيب موجوده تعودنا ونسيناها..
وداد:طيب وينها!!
نوره ناظرت امها المنشغله تسولف:امي معاقبتها..
سكتو يناظرونها بصمت..
بعدين انفجرو ضحـــك..
ندى من بين ضحكها:هههههههه امانه ليش !!
ههههههههههه..!!
نوره بحنق:من خالتي عفراء تهاوشت مع الجازي وطردتها..
ريم اختفت ضحكتها:ووووتتتتت!!!!
سكتو البنات بذهول..
حسناء بأستغراب:اماا طردتها!
نوره هزت راسها..
حسناء بتساؤل:ليه طيب!؟
نوره هزت راسها:السالفه ياطويلين العمر..خالتي عفراء وخالتي حصه جاوو تمام..تعرفون دايم اذا اجتمعو مع الجازي لازم مناقرات المهم امي راحت المطبخ فقامت خالتي عفراء تطعن الجازي بشرفها..
شهقت الهنوف ووداد بصدمه:ااف
سهى بحماس:اصص..كمليي..؟؟
نوره تكمل:عاد الجازي ثارت وعطتها كلمتين بالقلب وطردتها..
سهى تربعت بحماس:امااا ياقوويهه..
ابتسمت نوره:جات امي وكانو يطلعون معصبين ويقولون ماتربت ولاتعرف السنع ومن ذا الكلام والجازي جالسه مااشتحنت منهم..
ضحكت ريم:ههههههههههه ياحبي لها ولأكشنها..
نوره:المهم امي ماخلت الجازي تعلمها وانتم تعرفونها الجازي اكره شي عندها التبرير وعادي يفهمونها غلط..
هزت سمر راسها:وماجاب لها المصايب الا هالعاده..
نوره عقدة حواجبها:كيف؟
سمر حركت يدها تشرح:قصدي انها تعطي الواحد فرصه اذا ماسمع لها ماعاد تحاول..
نوره هزت راسها:اي عاد طبعها كذا وامي عاقبتها ماتنزل..
سكتوو البنات بدون تعليق..
ومرت ثواني هدؤو..
حتى رفعت الهنوف راسها لجهة خالاتها وبصوت عالي شوي:خالتتــي..!
لفو خالاتها كلهم:هلا!
ابتسمت بربكه من التفاتهم:احم قصدي خالتي حصه.
ام صالح بأستغراب مصطنع تدري وش تبي:هلا يمه وش!!
الهنوف بطيبه:خالتي نفداتس خلي الجازي تنزل..
خالتها ابتسمت لأن توقعها صاب بس قالت بحزم ورفض:لا..ماهيب نازله..؟
سهى تقوم وتجلس جنبها تطلبها:بلييزز خالتوو ماشبعنا منها..
ام صالح بأصرار:لا..الايام جايه اشبعو منها بس الحين انا معاقبتها..
سهى بمحاوله:خليني نجلس جلسه حلوه قبل تسافر نوره..
ام صالح ببرود:نوره اسبوعين وترجع واجتمعو على كيفكم..
سهى برجاء:خالتيي الجازي بزر تعاقبينها كذا!!
ام صالح برفض:مستحيل تنزل.
سهى ماشافت فايده ناظرت امها برجاء تقنعها..
هزت امها راسها وخيبتها:حركة الجازي مالها داعي وامها تعرف تتعامل معها..
سهى بخيبه:يماااه لاااا..
ريم قامت ومعها سمر وندى وساميه وجلسو حول خالتهم يطلبونها..
•••••••••••••
الدور الثانــــي..
بغرفه مظلمه وباررده..
على السرير جسد رجل نائم بسلام..
نومه هادئه مريحه..
انار هذه الغرفه ضوء يشع من على الطاوله..
وصوت رنين الهاتف..
تقلب بنومته الخفيفه بطفش وهو ياخذ الجوال ويرد بدون نفس:خير!!
جاه صوته الرخيم ببحته المميزه:السلام عليكم..
رد وهو عاقد حواحبه بكسل:وعليكم السلام وش تبي مخرب نومتي..؟!
قال بجديه:سالم صحصح ورد علي..
سالم لمس الجديه بصوته وطار النوم وهو يجلس:خير؟وش صاير؟
سأل بترقب:الجازي اختك جات!!!؟؟
للحظه مارد يستوعب السوال..
ثم قال بعصبيه وقهر:عناادد ياتتببنن مخرب نومتي عشانها؟؟
عناد ماتغيرت نبرته الجديه وفيها ترقب وخوف:ولد جات ولا؟؟
ابتسم سالم بحنيه:الا جات يالخوي..
ماجاه رد..
سالم ناداه:عناد فيك شي؟؟
مارد..
سالم صرخ:عناددد..
عناد بهدؤ:هلا..سكت ثانيه ثم:شف انا جايب اهلي وخالاتي والبنات ورايح لمجلسكم لازم اشوفها زين؟..
هز راسه بابتسامه:ابشر..
بعد ماسلم عليه..
قفل منه..
رجع انسدح يبي يرقد..
ماقدر..
تقلب يمين يسار..
ماقدر..
صرخ بقهر:عناد ياتبــن خربت عللي..
قام بطفش يتروش...
نص ساعه وطلع..
لبس بنطلون جنز اسود وتي شيرت ازرق..
تعطر بعطره المفضل..
اخذ مفاتيحه وجواله وبوكه وطلع..
ناظر جواله والرساله الموجوده من قروب الشغل..
((الكابتن سالم مطلق المطلق عندك رحله الصباح الساعه تسع))
ارسل بقهر وطفش:اوك..
افف موب وقت الرحلات مافيه غيري..!؟
طلع للصاله اللي بدورهم لقاها جالسه على الكنب عاقده حواجبها تتابع التي في بس كأنها سرحانه..
ابتسم على شكلها وبروقان ماكأنه المنفس من شوي قال قاطع سرحانها:ترى اللي يعبس كثير يعجز بسرعه..
لفت عليه بأنتباه..
شافته كاشخ وشعره المبلول معطيه جاذبيه..
واضح انه طالع..!
ابتسمت له وبدلع:سلللووومميييي ياحلوو..
لف وجهه للجهه الثانيه صاد عنها بابتسامه يدري شتبي:اسف انا طالع..
ابتسمت اكثر وبعبط:صددق!!خلاص بطلع معك شرايك؟
سالم برفض باسم:بطلع مع الشباب..
الجازي بابتسامه:من؟
سالم وهو ناسي:مع عناد من زينس مرتزه مع الرجال.!عـييب..!
ضحكت بخبث:طيب بطلع معكم ترى عناد اخوي:)
استوعب انه اخوها وعض شفته:معنا عبدالله
:عبود اخوي:)
سكت كيف انه صاير درج؟؟ بس ..
ابتسم بخبث اكبر:عزيز معنا بعد..؟
ابتسامتها تحولت لتكشيره وبقرف:يع..!
كتم ضحكته وهو يمشي:لا..اطلعي معنا نغير جو بعدين عزيز اخوتس..!
الجازي بحقد:ماابييي عزيزوه معكم يع..
حط يده على شعرها ونثره وهو يجلس على حافة الكنب:اخوتس الكبير..
قلبت عيونها بطفش:خلاص اطلع معه اف.
قبل يرد جاته رساله قراها وقام مستعجل:جوجو انزلي معي يلا..
الجازي بأستغراب:ليه؟
سالم يحرك يده على تحت:ابيس اولاً تشوفين لي طريق..ثانياً عناد يبي يشوفس اشغلنا مهوب مصدق انتس رجعتي..
سكتت لفتره..
ثــم...
ابتسمت بحب كبير وهي تقول:جعلك انت وفيصل وعزيز وفواز وفهد وطلال تفدونه كلكم...
رفع حاجب بعدم رضى وهو يضربها مع راسها:قليلة ادب..
قامت بحماس مطنشه كلمته:اقول تحرك وخلني اروح اشوف حبيب قلبي...
ناظرها من تحت لفوق بأزدراء ومشى:اقول بسرعه..!
مشت خطوتين بعدين وقفت:لا..
لف بأستغراب:وش!
الجازي رجعت وجلست:ماقدر..
سالم بذات الغرابه:تستهبلين؟!
الجازي بقهر:لا مااستهبل امي طاردتني ووالله ماانزل..
ناظرها شوي بعدين ضحك:ليه طاردتك؟؟
عطته نظره:لاني طردت خالاتها.!
رمش بعيونه:وشششوووو!!!!
قامت وقربت منه بلامبالاه:اي طردتهم..المهم خل عناد يجيني فوق..:)
ناظرها بأزدراء على برودها وواضح عاجبتها طردها لخالاتها قال وهو يتكي على درابزين الدرج:يااشيخه احلفي!.اخلي الرجال يجيس؟.ليه عروس!..
الجازي بطفش:ياخي نزله مااني نازله..
سالم بجديه:طيب ليه طارده خالاتي؟؟
الجازي بعبط:اناا؟؟
سالم بابتسامه مغصوبه:لا انا
الجازي وهي تشرح بيدها بالهواء:عفراء اللي ماتستحي قايله اني اكلم شباب واني هاربه معهم على كيفها!!عاد قمت انا وطردتها..
نزلت يدها تدريجياً وسكتت وهي تشوف نظراته المطبقه عليها وحست بعمقها استحقاار وانكسار..
بعد عيونه عنها بصمت بدون تعليق..
ماحبت تسكت كذا ويبان انكسارها هي فقالت:ناد عناد..
سالم ببرود تملك صوته:انزلي معي..
الجازي بعناد:لا..
سالم نزل وببرود:اجل انقلعي..
عصبت وهي تشوفه مطنشها ايالحمار قربت من الدرج وسمعته ينادي:ياولــــــــد..!
وقفت بسكون..
شخصت عيونها ع الفراغ بوجع متمكن منها..
عادت ذاكرتها لذاك اليوم الأسوود..
نفضت راسها وجسمها يرتعش..
الالم النفسي يتعمقها يوم بعد يوم..
ألــم الضـرب.
ألــم الأنكـسار..
حتى لو راح الوجع..
الألم النفسي ماراح..
رجعت بتجلس...
لــكــن..!
شافت باب غرفة فواز ينفتح وهو يطلع منها
ابتسمت تنسى وجعها وهي تقرب له:فوووازز..
رفع راسه..
وابتسم لها..
بعدين كشر..
كشرت هي بعد:ليه هاالتكشيره..!
فواز عطاها نظره كأنه يقول:انتي ادرى ليه..
اوتش سوري هو قالها اصلاً..:(
دفها من طريقه ومشى..
عضت شفتها من تجاهله الصريح ونظرته وكلامه...
كانت بترجع تجلس لانه بينزل..
بس هو املها..!
غمضت عيونها وفتحتها ومشت على كلام عقلها الاهل مابينهم كرامه بهالامور
قربت له:فوواز لححظه اسمعع..!
وقف ولف لها وببرود وهو يدخل جواله بجيبه:خير!
الجازي ببراءه ترمش بعيونها:ناد عناد..
عقد حواجبه بعدم فهم:نعم!
الجازي بشرح:عناد تحت بالمجلس ابيك تناديه يجي فوق..
رفع حاجب:ليه! اختلفتي؟؟
ابتسمت بعبط:يلاااا فوازز نادده..
هز راسه:من جدس اناديه لفوق؟؟
الجازي بثقه:اي.ليش معقدينها؟!
سكت لوهله ثم نزل وببرود هتف:لا..!
ناظرت ظهره بقهر منه ومن اخوه وصرخت:ترى البنات بالصاله.
ثواني..
سمعته ينادي:دررررببب ياولــــد..
رجعت وهي تضرب رجولها بالارض:دردبو راسك انت واخوك صدق حميييرررر..!
جلست بمكانها بخيبة امل..
تذكرت ذكرياتها مع عناد..
قبل تختفي كان مسافر له شهر..
تذكر انه يدق عليها ويكلمها لساعه يشيل من حزنها على صديقتها..
لو كان بيده جاء يسعى..
بس ماقدر وهي رفضت يجي..
ابتسمت بألــم..
تبي تقوله كيف هي متضايقه..
كيف هي ماعادت تعرف الامان..
كيف هي تفرقت عن صديقاتها..
كيف صار بينها وبين اهلها حواجز..
كيف وكيف وكيف..
رمشت اكثر من مره عشان تروح الرطوبه اللي بعيونها..
رفعت عينها للساعه كانت ثلاث العصر..
لازم تتجهز وتروح لها..
قامت بتثاقل وراحت لغرفتها..
دقت على اديل قالت لها تجهز السياره..
لبست بنطلون اسود وبلوزه بيضاء عليها كلام فرنسي بالاحمر.. Levez la tête vers le ciel
"" ارفع رأسك الى السماء ""
لبست عباياتها خذت جوالها..
جاها اتصال من اديل..
ردت بعجله: Oui "نعم!"
اديل: La voiture est prête "السياره جاهزه.."
الجازي:حسناً.." OK "
اديل وهي عارفه وين بيروحون قالت بأستنكار: Mais c'est trop tôt "لكن الوقت مبكر!!"
هزت راسها برضى: C'est bon, c'est ce que je veux "لابأس..هذا مااريده.."
اديل بطاعه:OK..
سكرت باب غرفتها وقفلته مشت للدرج ونزلت بهدؤ..
ولأنها ماتبي تقابلهم وتتناقر مع امها طلعت من باب المطبخ.
سلمى بأستغراب ناظرتها:الجازي على وين؟
الجازي بأستعجال:بطلع.
سلمى تشوفها تفتح الباب الخلفي:ليش من هينا؟
الجازي بعجله:اقرب لي..وطلعت..
مشت من ورا حتى وصلت للمجالس سمعت صوت اخوانها وابوها..
اوه كلهم مجتمعين ياحظي الردي:)..
ابتسمت وهي تسمع ضحكة صالح الحلووه..
عضت شفتها بألم تكتمه تمنت لو ينحل كل شي وتروح له تضمه..
بس هي مجروحه منه من بين الكل..
مذبوحه منه بقسوه..
من بين اصواتهم جاها صوته..
نفسه ماتغير..
اهلها كلهم ماتغيرو مره بالشكل..
لاحظت بأمها التعب وبأبوها وبهم كلهم..
بس كملامح لا ماتغيرو بنظرها..
نفسهم وازدادو جمال..
حتى لو هاله حزينه تحيطهم..
تشوف امها ونوره مستانسين حتى من عيونهم...
جلست مع نوره ساعه كامله ماسكتو ضحك وسوالف وغسلت شراع نوره على دخولها للغرفه..
بس تفاهموو عادي..
ثم جاوو خالاتها وخربوو جووهم..
دق جوالها يصحيها وكانت اديل..
وجع وش بلاها ذي:نعم؟اديلوه ماذا هناك..
اديل بابتسامه:لماذا لاتدخلين؟
الجازي رفعت راسها وناظرت السياره واديل جالسه على مقدمتها قالت:امم لماذا؟؟
اديل هزت راسها كأنها تشوفها..
الجازي بابتسامه كاذبه:اخاف ان ابكي..!
اديل عقدة حواجبها بأستخفاف:ياللهول؟!!ثم بنبره غير مباليه:لا يهم ادخلي لهم او لتأتي لكي ننطلق..
هزت راسها:حسناً..
دقت على فيصل..
..... دااخل..
فيصل بابتسامه يرفع جواله:ذكرنا القوط جانا ينوط..!
لف عناد عليه:الجازي؟؟!!
هز راسه وهو يفتح جواله سبيكر:هلااا والله بالشيخه..
..يتبـــع~~

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 14-05-2020, 08:17 PM
نبض اسوود نبض اسوود غير متصل
©؛°¨غرامي مشارك¨°؛©
 
الافتراضي رد: رواية اليوم قدرك مايسوى ماطآ الأقدام حبك بقلبي مات وأعلن رحيله..!!/بقلمي


الجازي بسرعه:فيصل لاتصير ثور مثل سالم وفواز وتعال بسرعه..
رفع عينه لأخوانه بدهشه ورد:وش مسويين..
الجازي بأستعجال:بقعد اقولك قصة حياتي؟؟اخلص علي..
ابتسم وعينه تروح على عناد اللي جمد من سمع صوتها:طيب آمري شتبين..
ابتسمت برضا:ابيك تطلع لي عناد بسررعهه..
رمش عناد يرجع للواقع..
فيصل بضحكة:وين اجيبه..
الجازي بعصبيه:طلعه وانا اتفاهم..
فيصل بابتسامه خبيثه:توتو مايصلح..عناد اصلاً رااح..
الجازي بسخريه:تدري انك ماتعرف تكذب؟
ابتسم وقبل يتكلم انسحب الجوال منه:الجازي!!!
الجازي دق قلبها وماردت..
قال بصوته الحنون المصدوم:الجازي..!
رمشت كم مره هو يناديها ماتتخيل..!
عناد مشى لبرا وحط الجوال على اذنه:الجازي تسمعيني!!
تنفست ببطئ تبي تتكلم..
تبي تناديه بس ماتقدر..
صوتها راح..
لسانها ثقييل..
رفعت راسها وهي تشوف الباب ينفتح ويطلع معه رجال..
جسده عريض رياضي لابس ثوب ابيض..
وبيده تلمع ساعه كحليه تعرفها..
لأنها هي اهدتها له..
بهاللحظه اللي ناداها:الجازي وين رحتي؟انا عناد..
طاحت عينه بعينها ووقف مدهوش..
ملامح رجوليه قاسيه لاتخفي جمالاً جذاباً..
عوارض مرتبه..
عيون عسليه ناعسه..
تيبست مكانها ماقدرت تمشي له..
تأملها..
تأمل ملامحها..
صايره حلوه اكثر من قبل...
عيونها مغلفه بشي غريب!!
نادا بألم بصوته وبحته الرجوليه:الــجــازي..!
مشت خطوه.
وماقدرت تكمل..
قرب منها..
حست انها بتبكي اسرعت بخطواتها ونادت بعمق صوتها:عـــــــنــــــــاد....!!
عناد وعبدالله بتضمهم وتضحك معهم وتسولف بشكل مريح وبريئ..
صح سالم وفيصل مايجرحونها.
بس اللي صار حط حاجز بينهم..
شي يمنع الحريه..
شي يزود في موتها..
اللي تعرفه عن نفسها حالياً انها تموت ببطئ..
من كل النواحي
ضمها عناد بقووه بقووه..
تعلقت فيه كالغريق..
اشتاقت له ولريحته ولحنيته ولصوته ولكله..
وهو مثلها واكثر..
فيه احد كان يراقب..
كان يتمنى لو هو مكان عناد..
يتمنى يضمها ويخبيها بصدره..
يتمنى يمسح نظرة الالم بعيونها كل ماطاحت بعيونه..
يتمنى يمسح على شعرها ويسولف معها..
يتمنى شي هو مايعجز عن فعله..
بـــس..
قلبه عاجـــز..!
قلبه قاسي..
قلبه مطعون..
تراجع للخلف..
...
عناد بحب أخوي بعدها عنه برفق شاف عيونها تلمع بنظره غريبه..
اللي فهمه من هالنظره ومتأكد منه..
هذي مهيـــب الجـــازي..!!
قبل ثلاث سنوات نظرتها ماكانت كذا؟؟
ماهيب نظرتها..
لمعتها مهيب لمعة الجازي..
••••••••••••••••••••••••

. ‏وإذا الشدائدُ أقبلت بجنـودها
والدهرُ مِن بعد المسـرّةِ أوجعك
،
إرفع يديك إلى السماءِ ففوقها
ربٌّ إذا ناديتَهُ ،،،،، ما ضيّعك

بأحد الفلل الراقيه..
يحاوط الفله مساحات خضراء..
وبعض الفلاحين يعملون بنشاط
بالصاله تحديداً..
كرسي متحــرك..
يحمل انسانه محطمه..
فتاة حطمت احلامها بقسوه..
نهشت بقسوه..
اقتلعوها من بين النجوم وزرعوها تحت الارض..
همست بتعب:عـ ـ ـطـ ـ ـيـ ـ ـنـ ـ ـي م مـ ـ ـو ـ ـيه..
التفتت لها بجزع:تبين موبه.؟؟
هزت راسها بضعف..
فزت بسرعه للمطبخ تجيب مويه..
تجرحها هالحركه..
يجرحها اهتمامهم بها وجزعهم اذا نطقت..
حتى لو كانت مصابه بالـــشـــلل الـــربــاعـــي..
هي انسانه تحتاج نفسيه حلوه..
تحتاج احد يعاملها بشكل طبيعي..
تحتاج نظرات طبيعيه منهم..
نظرة الشفقه والرحمه تذبحها..
بس مابيدها شي تسويه...!!
وتدري انه من حبهم لها..
جات اختها بالمويه:سمي..شرّبتها بحنيه ورفق..
ابتسمت لها وقالت تفرحها:تدرين ان حبيبة قلبك بتجي؟؟
بشكل واضح وسريع..
اشرق وجهها كطفل بيجيبون هديته وقالت بصعوبه:ا شـ ـ ـتـ ـ ـقـ ـ ـتـ لـ ـ ـهـ ـ ـا..
ابتسمت اختها بحب وباستها:يالبيهه والله..
ولفت على التي في..
ناظرتها بألم وش ذنبها تقعد معها دايم..!!
ماتفارقها الا نادراً..
تنام معها وتقوم معها..
ماتنكر انه يسعدها اهتمام اختها..
بس ترحمها..
دخل اخوهم الكبير وابتسم بحنان لهم قامت له وهي تنزل الريموت وحبت راسها:هلا بعزام هلا..
عزام ينزل ويحب اخته الثانيه:هلابك..شلونكم!
هزت راسها بدون رد..
:الحمدالله..
جلس مقابلها على الكنب بأريحيه:اه ياظهري..
اخته بشفقه:يوجعك!!
هز راسه بهدؤ:يعني موب مره..
ناظرها وبحنان:ودكم نطلع مكان!
فتحت عيونها برفض ونطقت بصعوبه:لـ لا.
استغرب منها:ليه!
ابتسمت الاخرى:لأن حبيبة القلب بتجي.
عزام فهمها وضحك:ههههههههه اهاهه..وبأقتراح:طيب نروح كلنا معها..
ناظرته ودموعها بعينها ماهي مثل اول..
ماهي تسعى وتروح وتجي..
ماهي تاكل وتضحك وتسولف..
ماهي تطلب وترفض
روحتها بس بيلفت الأنظار ويوجعها..
ماتبي الوجع..
ماتبي الألم..
ماتبي تطلع كذا..
نطقت بتعب..:مـ ـ ابـ ـ ـيـ..(مابي)
عزام بحنان مد يده ومسح دموعها وباس خدها:خلاص ياروحي على راحتكم..ولف على الثانيه وهو يدري انها بتنهار فيبي يهربها تبكي برا:مهوي جيبي شي نشربه..
فزت مها وهي تبيها من الله..
دخلت المطبخ ويدها على فمها ودموعها تنزل غصب..
اختها تغيرت تغيرت..
راحت ذيك البنت النشيطه..
كانت طاقه ايجابيه بالبيت واختفت..
تغيرت تغيرت..
اشتاقت لها ولصراخهم وهواشهم..
تمنت لو انها سولفت معها اكثر..
لو انها ضحكت معها اكثر..
هي الحين يتعبها الكلام والضحك..
قربت الخدامه وبخوف:مها وش فيه؟
مها مسحت دموعها بسرعه:م مافيه شي..
ومشت للثلاجه طلعت فواكه:شوفي نور سوي عصير كوكتيل قطعي الفواكه...
اخذتها نور برحمه على حالهم:اوك..
مشت مها لبرا المطبخ طالعه للحديقه وجلست على الكرسي وتمسح دموعها اللي تنزل غصب..
رفعت راسها وناظرت المسبح البعيد..
ابتسمت بألم وحنيه..
متى اخر موه سبحو؟؟
اختها اخر مره رجتها تسبح ورفضت..
ليتها وافقت ليتها وافقت..
لو كانت تدري انها اخر مره بتسبح معها مارفضت..
........
جاها صوت رجولي هادي يسأل :مها ليه تبكين؟؟
مها لفت بخوف وشافته معطيها جنبه قالت بأختناق:مافيني شي...
رفع حاجب وبتكذيب واثق:كــذابه..
طاح وجهها وبعناد تمسح دموعها:اصلاً مابكيت..
بنفس نبرته هتف:كــذاابه..
عصبت مها منه:انت الكذاب انقلعع..
حرك حاجبه منها..
وعشان يقهرها..
رفع راسه فوق بخبث وغمض عينه ولف عليها..
صرخت بذعر:لاتفتح عينك فقعتهاا..
جته الضحك وقعد يحرك عيونه بدون يفتح:هاه افتح ولا..!
مها بعصبيه:ولد ماعلي حجاب لاتتتففتتتحح..
هز راسه:هممم تهقين ماافتح!؟
فتحت عيونها على وسعها:هي انقللعع ورااك..
هالمره نزل راسه وبصوت هادي قال:طيب..ومشى..
ناظرت مقفاه لايكون الحمار ذا زعل؟؟اف وش يراضيه الحين! كانت بتناديه بس سمعت صراخ عزام:ممههووييي عجلليي..
قامت داخله وقبل وقفت لفت عليه وصرخت:خلااص انا كذابه ارتحت؟؟
ابتسم بأتساع وهو فاهمها اشر بيده بدون يلف:ايي..
دخلت وهي كاتمه بسمتها خذت العصير من نور وطلعت لهم وبابتسامه تقهره:انااا جييت..!
عزام بسخريه:تصدقين انك سريعه؟؟
نزلت العصير على الطاوله وعطته كاس:احمد ربك..
خذاه وهو يبتسم ورجع على التي في..
لفت على اختها وبحب قربت لها الكاس بالشفاط:هذا لأحلى نوف بالدنيا...!!
ابتسمت نوف بخفيف..
•••••••••••••••••••••••
بأحدى البيوت الجميلــه بتصاميمها الجذابه..
جالسه بالصاله ضامه رجولها لصدرها ودموعها تنزل بصمت..
جرحها للمره المليون بتجاهله..
ماكأنها انسانه عايشه معه..
مسحت دمعتها بقسوه ونهرت نفسها:لاتبكين الله ياخذه..
عجز قلبها على دعوتها واستغفرت بخفوت..
...قبل..
تجهز سفرة الفطور..
كان عليها فول وعدس وحليب وبيض وخبز...
فطور تحبه وتعشقه..
راحت للغرفه فتحت الباب بخفيف..
طلت براسها كان نايم..
مدت يدها وطفت المكيف وولعت النور..
نادتها بصوتها المبحوح بشكل مميز:بــســام..
قربت منه وسحبت البطانيه:بسام قم يلا..
عقد حراجبه بأنزعاج ولف للجهه الثانيه:هممم
سوسن هزته من كتفه:بساامم يلااا قم افطر ورح صل..
بسام بأنزعاج وتثاقل:سوسن طفي النور واطلعي برا..
رفعت حاجب من طردته الصريحه:تدري انك قليل ادب!!
مارد وهو يرجع ينام..
سوسن بتهديد:بسااامم تقووم ولاارش عليك الماء!!
بسام بلين عشان تطلع:سوسن حبيبي اطلعي وطفي النور يلا..
ارتجفت بخجل من كلمته بس ماسمحت له:اقول قم قم بسرعه..
جلس فجأه ورجعت على ورا بخوف:سكنهم..!
ابتسم على شكلها وسحب جواله..
رمش كم مره:الساعه عشر!!!
هزت راسها ببرأه:اي..
بسام انسدح:اف سوسن اف طفي النور برقد شوي..!
سوسن برفض ورجاء:لا بساام امانه..جلست جنبه وبرجاء مسكت يده بعفويه:احب اقوم هالوقت وافطر..وبملل:وانت دايمن هالوقت طالع لشغلك اليوم اجازه قم نفطر..
ماشافته رد..
سحب يده من يدها بهدؤ وسكت وعيونه تغمض بسكون وبجرح:ممكن تطلعين برا برقد..
قامت وعيونها تلمع دموع من حركته البايخه..
قالت بصوت خانقته العبره:تراني بشر زيك ماله داعي تتقرف..ومشت طالعه وهي تقول بأختناق متزايد:ارقد مع جنونك..
طفت النور وسكرت الباب بقوه..
ونزلت دموعها..
كلب حمار ثور جلف لوح..
مايفهم ولايحن..
وش سويت له انا..!!
وقفت قدام طاولة الفطور..
عضت شفتها ودموعها تزيد..
كانت متخيله يطلع ويجلسون يفطرون بروقان..
كانت تجهزه بنفسيه حلووه..
بس هو محطم اللذات..
ماعاد لها نفس فيه..
دخلت للمطبخ خذت صحون غطته بها وماحركته..
مشت داخله للغرفه الثانيه..
جلست على الكنبه ودموعها ماوقفت...
ماحست بنفسها وهي تنام..
.....مرت ربع ساعه....
قام فيها وتروش ولبس ثوبه وخلص...
طلع للصاله..
راح للطاوله شاف الفطور مجهز ومغطى ماانلمس..
عض شفته وهو يدخل جواله بجيبه..
راح للمطبخ مالقاها..
راح للحمام::وانتم بكرامه::مالقاها..
راح للغرفه..
دخل وشافها جالسه على الكنبه بوضعيه غلط لوحده حامل..
راسها مايل على جنب وضامه رجولها لصدرها..
قرب لها تأمل وجهها اللي ماراحت آثار الدموع منه.
مد يده ومسحها برفق..
باس خدها كأعتذار..
حملها بين يديه بخفه وراح بها للغرفه..
حطها بمكانه على السرير..
جلس على الحافه وهو يمسح على شعرها بسرحان.
سرح بمكالمته الاخيره مع خويه..
مكالمه قلبت موازينه..
خلته يفكر من كل النواحي..
بس الباب مسدود بوجهه..
حس بحركتها وانتبه ليده اللي نزلت على وجهها..
نزل راسه لها قبلها بعمق وطلع..
...
قامت واقفه الى الان ماجاء..
ماعادهي بباكيه عليه..
مشت لطاولة الفطور اللي ماحركها بس كاس حليب شربه..
خذت الحليب وراحت تحميه..
رجعت وجلست وهي تكلم نفسها:اكلي الاكل يغير النفسييه..
كلت بهدؤ وهي تسولف مع نفسها..
فجــأه سمعت الباب ينفتح بالمفتاح..
شرقت بأكلها وشربت كاس الحليب بسرعه..
كان حار غمضت عيونها بألم من حرارته..
خذت قارورة الماء وشربتها بسرعه..
تنفست بعمق:اه ياربي بغيت اموت..
كتم ضحكته على شكلها..
سمعته يقول وهو يحط مفاتيحه على الطاوله:انتي كل شي عندك رابطته بالموت؟؟
تجاهلته وهي تاكل..
خله يحس فيني اذا طنشني..
جاء وجلس قدامها بالضبط واتكى بيده على الطاوله وخده مستنده عليها ويراقبها..
ارتبكت من نظراته فقالت تشوشه:تبي حليب!!
ابتسم وهز راسه:يس..!
صبت له كاس وعطته اياه بدون تناظره..
كملو فطورهم بصمت..
كانت تاكل وعينها على الطاوله..
وهو عينه عليها..
وللامانه عجبه ربكتها وحب يتأملها..
سوسن بأرتباك وعصبيه:مافيه شي تتأمله غيري!!
ابتسم بأندهاش ثم قال بهدؤ:لا للأسف..
قامت من على الطاوله معصبه ومشت للمطبخ تختفي من قدامه..
قبل كذا مد يده ومسك يدها:نعم!!
بسام بهدؤ باس باطن يدها كشكر على الفطور..
ارتعشت واقفه وسحبت يدها بسرعه وراحت للغرفه..
اما هو كمل فطوره بروقان...
موب بكيفك يابسام..
موب على مزاجك تمشيني..
•••••••••••••••••••••
اخذت نفس ونزلت من السياره..
مشت بخطوات هادئه كانت الساعه 3:50..
دخلت للمستشفى وراحت لجهة المصاعد..
ناظرت حولها تلمح اي احد منهم تعرفه بس مافيه..!
دخلت المصعد اول مافتح..
وقبل يسكر دخلت يد رجل بسرعه يفتحه ودخل..
ناظرته بخفه ومااهتمت له..
بـــس..!
رفعت راسها مره ثانيه بصدمه تتأمله..
يمه ذا وش جايبه!!
اه صح هي هينا بعد..
عقد حواجبه من نظرات البنت الجريئه اللي حس فيها وبهدؤ بدون يلتفت:خير؟
قالت بهمس وصل لمسامعه:خـالـي..!
لف وطاحت عينها بعينه وكان صدق خالها.
رفع حاجب بعد ماعرفها:نعم؟وش جايبس!
قالت بأستغراب وسوال غبي:خالي وش تسوي انت هينا!!
خالها ببرود اتكى على الجدار:بنصور فيلم هينا..
ناظرته ببلاهه..يستعبط ذا.:من جدك؟؟
خالها بعصبيه لانه متوتر:وش اسوي يعني؟؟جاي عشان ليلى موجوده هينا..
رددت وراه:ليلى..!
هز راسه وهو يصد عنها:ايه..الجازي روحي عني هاالساعه..
سكتت بدون رد..
حتى سلام ماسلم..
لهدرجه كارهها..!
بس المهم..
ان ليلى بنفس المستشفى!!
هي جات هينا بس ماانتبهت..!
لأنها كانت حذره ومتوتره!!
انفتح المصعد طلعت وطلع هو ومسكها:وين؟
شتت نظرها عنه:ليه!
خالها بتهديد:تبين ليلى مافيه.. هذاني حذرتس..
رفعت عينها له:شف ياخال..ليلى مثل ماانت تحبها انا احبها..وماراح اخذ اذنك على اني ازورها..
ركز بعيونها وبنبره صقيعيه:اهاهه..يعني تقتل القتيل وتمشي بجنازته..!برافو يالجازي..
الجازي غمضت عينها بتعب منه:ققققللللتتت للكك مالليي دخلل..سحبت يدها منه وراحت للجهه الثانيه راقبها بعيونه..
شافها تدخل لقسم الأمراض النفــســيــه..!!!!!
مستححــيــل!!
الجازي تتعالــج نفســيـاً..!!
لحقها يشوف وين بتروح...
:بـــنـــدر..
لف لجههة الصوت:هـــلا..!
قرب له وكان اخو ليلى..
بانت ملامح الدعشه عليه...
سلم عليه بحراره..
بندر بابتسامه:الحمدالله على السلامه مابغيت ترجع.. وش هالمفاجأه..!
اخو ليلى رد الابتسامه:الله يسلمك..والله الاشغال زادت رحت على اساس اسبوع قعدت شهرين..وبنبره حزينه مهتمه:جيت هينا على طول ابي ازور ليلى ومااعرف غرفتها وشفتك بالصدفه..
بندر راحت عينه للباب اللي راحت معه الجازي ورجع لخويه وبهم:تعال معي انا رايح بعد..
الجازي بسألها بعدين..
•••••••
ناظرت ساعتها اربع ودقيقتين..
تأخرت دقيقتين..
هه اديل قالت الوقت مبكر وهذاني متأخره..
وقفت قدام الغرفه سمعت اصوات هادئه بالداخل..
انقبض قلبها بألم لم يكن نفسياً بل جسدياً..
خذت نفس تقوي نفسها..
دقت الباب وجاها صوت انثوي:ادخــل..
مادخلــت ولاتحــركـت..
سمعت الاصوات هدت بالداخل..
دقت مره ثانيه..
وهالمره جاها صوت رجل:تفـضل..
ونفس الشي ماتحركــت..
دقت للمره الثالثه..
وهينا سمعت صرير الكرسي..
دليل على ان احد قام..
تراجعت خطوتين لورا..
انفتح الباب وطلع معه شاب يافع طاحت عينه علي وتراجع للداخل وسمعته يقول:ياسمين فيه بنت برا..
قامت المدعوه ياسمين للباب وطلعت..
ناظرتني ثواني وماعرفتني:من انتي!؟
قلت بهدؤ وانا اخفض صوتـي:تعالي وسكري الباب..
سكرت الباب وقربت لي:هلا..من؟
رديت عليها وانا اصعقها:انا الــجـازي..
شفتها فتحت عيونها على وسعها تتأملني..
اقصد تتأمل عيوني..
ماتكلمت..
فتكلمت انا وبصيغه آمره:ياسمين ابي ادخل على مشاعل ولحالي فأطلعو..
لحظات مرت علينا تتأملني وانا مستغربه.
بس صراحه مافاجأتني نظرتها الشرسه..
قالت لي وانا احس ودها تذبحني:لا.. واطلعي من هيناا..
ماعطيتها وجه ماناقص الا هالبزر يراددني:تطلعينهم ولا ادخل انا..
شفت يدها ترجف معناته عصبيتها هه تطق راسها بالجدار..
ماردت علي ودخلت وخلت الباب مفتوح..
ياسمينوه تعرفني واني اذا قلت كلمه اسويها..
فعشان كذا ماعاندت لأنه مثل عنادي مافيه..
شفت يطلع ولدين كبار ورجال اخوان مشاعل وابوها ثم طلعت البزر ياسمينوه وامها..
قربت وسلمت على امها اللي ماعرفتني..
احسن...
ابو مشاعل مثل ابوي من ولدت وانا اشوفه فسلمت عليه من بعيد:شحالك ياعم!..
شفته عقد حواجبه مستغرب جرئتي هههه ياحبي له ماعرفني لهدرجه تغير صوتي!!
رد برزانه:الحمدالله وشلونتس يابنتي!..
قلت بهدؤ وانا اصعقه مثل بنته:بخير دامك بخير..معك الجازي بنت مطلق عادك تذكرني..!!
شفته رفع راسه لي مصدوم..
وامه التفت لي مصدومه..
دخلت وسكرت الباب بدون اسمع رده..
صراحه اعتبروه هروب..
اي هربت..
مابي اشوف منه نظرة اللوم..
لأني تعبت من هالنظرات تعبت..
ومابي اسمع من عمي شبيه ابوي كلام جارح..
مابيه يلومني ويقسو علي لأن ابوي لحاله يكفي..
....
مشت بخطوات ثقيله حتى اوقفت عند راس السرير..
اه ياقلبي انكسر نصفين..
كانت مايله للنحف..
موب مره بس مع ذالك نحيفه..
ووجهها ذابل بتعب..
وعيونها غريبه غريبه..
اي كانـت عيــون وحــده..
تعــانــي نفســـياً.......!!
نزلت نقابي وطرحتي ابيها تعرفني مع اني احلف لكم يمين باللله انها بتعرفني من عيوني وصوتي هذي مشاعل مشاااعل همست لها:مـشـاعــل..!
..
اسم المريـضه:مشــاعل عبدالله الغانــم..
الجنسيه:سعوديه..
المهنه:طالبه جامعيه..
رقم الملف:2232..
رقم السجــل:12746500..
الحــالـه:حاله نفــسيه..
المستـوى:متوســط مائـل للخـطـوره..
الأستجابــه:معدومه..
سبب الحـاله:مجهــوله..لم يتم التصريح بها..
نتـائج الفحــص الجسدي:لم يتم الفحص الجسدي.
نتائج الفحـص النفسـي:تمر بحالة اكتئاب وصدمه نفسيــه تمنع التجاوب...
@@@..مـــلـــف مــشــاعــل الــغــانـــم..@@@
€€••€€••€€••€€••€€••€€••€€••€€•€
ناظرت باللي واقفه عند السرير وانلجمت..
بعد غياب سنين..
بعد فراق القلوب..
بعد موت الارواح..
بعد فقدان الامل..
اتــى اللقاء..
تأملتها بصدمه..
هذي اللي شافتها تموت ولاتحركت..
هذي نفسها قدامها..
قربت الجازي بخمول سرى بجسدها وهي تعرف ليه..
موب لأنها شافت مشاعل لا...
سبب تعرفه زين بس موب وقته..
او بالأحرى شوفة مشاعل جزء من اللي يصير فيها...
الجازي مسكت يدها برجفه وهمست بتثاقل:ميشو..
ارتفعت عيونها المحاطه بالهالات لعيني من عانت معها..
من شهدت موتها..
من تركتها عندما كانت بأمس الحاجه إليــها..
الجازي ارتجفت حدقتيها من نظرتها..
ذبحــتــهــا...!!
ذبحــتــهــا...!!
ذبحــتــهــا...!!
ذبحــتــهــا...!!
الا هالنظره تكفين لا...!
كلهم ذبحوها الا انتي..
همست بصدمه وهي تهمس اول كلمه منذ ثلاثة اعوام:الـ ـ جـ ـ ـازـ ي..!
جلست على السرير بتعب ونزلت لها وضمتها بقوه وهي تبوسها بحب:عيونها..
مسكت دموعها لاتطيح كيف صارت خفيفه كذا!!
تغيــرت..
بعد مافكتها قالت بخوف انها ترجع للصمت:مشاعل..
ناظرتها بدون رد..
مسكت كتفها:مشاعل..
ماردت..
قالت بخوف:مشاعل تكلمي..!
ماردت..
سكنت على السرير بثقل..
ألم كاسح يشتعل بقلبها..
غمضت عيونها تتماسك..
وهمست بألم وذكرياتها ترجع لورا:والله يامشاعل والله ثم والله وهذي ثلاث حلوف انه مايموت مرتاح..وبنبره حاقده:بجيبه لتس واذبحه قدامتس..اصبري بس..
ارتجف جسد مشاعل بعنف..
ذاكرتها رمت لها ذكريات عنيفه..
ذكريات دمرتها..
بس لا لاتفكرين لا..
رفعت عينها للجازي..
ناظرتها بعمق شفاف..
بألم انتهك روحها..
و..
صرخت بوجع..
وجع مايعرفه الا اللي ذاقه:لااااااا اه لاااااا
فزت الجازي مرعوبه:مشاعل.. ميشو..شفيس!!
مشاعل تنتفض على السرير بدون وعي:لااا لاااا لااااا
انصدمت الجازي..
كأنها تصعق بالكهرباء..
تنتفض بشكل يرعب..
تقدمت لها..
وكتفتها نادتها بصراخ:مشااعل..مشااعل..
مشاعل طاحت دموعها من ألمها وتهمس بهلوسه:لااا لااا الجااازززييييييي للاااا طلعيينيييي لااا لاتخلينه بعدييه الجااززيي قووميي لااا..
ناظرتها بألم..
فهمت وش فيها..!
فهمت وش سالفتها..
فهمت ألمهــآ..
انفتح الباب دخلت الام وياسمين والاب..
ابو مشاعل جمد من شكل بنته..
امها قربت وهي تبكي:وش سويتي بها يالمغضوبه..
الجازي ناظرتها وصرخت بكره:انكتمي..
نزلت الجازي نظرها لمشاعل وصرخت من وجع قلبها:بـــــــــــس مـــشاعــــــل..
انتفضت مشاعل وصراخها يزيد كالمجنونه..
غمضت عيونها بضيق من اللي بتسويه..
ورفعت يدها..
ثـــم..
هبطت فيها على خدها بقوه..
تحت صدمة الكل..
هينا جمدت مشاعل..
ارتخت بين يدين الجازي..
وصوتها اختفى..
بس دموعها تنزل..
سدحتها الجازي على السرير وعيونها تلمع بوجع..
قرب ابو مشاعل لبنته..
نزل لمستواها ومد يده يمسح دموعها..
همس بحنان ووجع:مشاعل يابوتس تبكين!!
ناظرت ابوها بتفاعل ودموعها تزيد..
ابتسم وهو يبوسها:الحمدالله الحمدالله..
ياسمين بدموع:ميشو تككلميي بلييز..
زادت دموع مشاعل وودها تصارخ.انطمووو..!
مشاعل لها ثلاث سنين..
ماتتكلم..
ماتبكي..
عيونها ماطاحت بعين احد..
بس قبل ثلاث اسابيع جاها اتصال.
كانت الجازي..
انهارت بألم وبكت..
بس ماكان معها الاا الدكتوره..
اللي هدتها وسكرت من الجازي..
ومن ذاك اليوم ماعاد كلمتها..
واليوم جات وقلبتها..
ولو الدكتوره تعرف حالة مشاعل..
بتقدر تعالجها بعون الله بأيام بسيطه..
بس كل شي مجهول..
لامشاعل تتكلم..
ولاالجازي موجوده..
بخطوات خفيفه متعبه ترراجعت للخلف..
طلعت بسكوون بعد ماتغطت وهي تتمايل بخفيف..
ماحسو فيهاا..
اما اخوان مشاعل اول ماطلعت دخلوو عندهم..
ابتسم بحب وفرحه اخوها الكبير وهو يحب راسها ويمسح دموعها:الحمدالله والشكر يالله ياكريم..
جاء الثاني:هههههه مبروك ميشو مبروك..وباسها..
ماكانت بحالهم هي تبكي..
ليش مستانسين..!
ابو مشاعل التفت حوله مالقاها قام وهو ناوي نيه..
مسكه ولده قبل يطلع وبرجاء:يبه طالبك ماتلحقها..
ابوه بحزم:لا بعرف منها كل شي..
برجاء اكبر باس يده:يبه البنت طلعت ماهيب طيبه احسها شوي وتطيح..ناظر اخته اللي على السرير:شف مشاعل بكت بعد ثلاث سنين بفضلها بعد الله..
رجع يناظر ابوه:اسألها مره ثانيه..خلنا مع مشاعل الحين..!
سكت ابوه بأستسلام وهو يناظر الفراغ بألم..
داهمهم دخول الممرضات..
صرخ ابومشاعل بشكل مرعب:مااابغيتــــم..!!
ارتجفت الممرضه:سورري..
ابو مشاعل بغضب:اططلعـــي برا..
الممرضه بالانجليزيه: I can't.."لااستطيع..
ياسمين قربت لأبوها وجلسته بالقوه هي واخوها:يبه تعوذ من الشيطان..
زفر بعصبيه وصد عنهم..
يحسهم بيسكتونها وينومونها..
ماعادهي بباكيه ولامتكلمه..
متوتر من كل شي..
اشرت ياسمين للممرضه:خلاص..
.......
تمشي وتحس بعظامها متكسره..
جسدها خامل..
وتنفسها سريع..
حالتها رجعت لها..!
رمشت اكثر من مره تتماسك..
منظر مشاعل رجع لها احداث الثلاث اعوام..
من ذاك اليوم المشئوم اللي احترق فيه البيت..
الـــى اليوم..
استندت على الجدار وهي داخل المصعد..
كان معها دكتور وممرضه..
راحو للدور الرابع وهي مستنده على الجدار..
تحس الدنيا تدور..
طلع الدكتور وبقت هي والممرضه اللي سألتها:How many role number do you want
"" كم رقم الدور الذي تريدينه..""
بتعب الدنيا وصوت ثقيل متعب: the last one “الاخير"
ناظرتها بشك: ??Are you fine"هل أنتي بخير".
هزت راسها بدون رد..
ضغطت على الدور الثاني ثم الدور الاخير.
وصلو للثاني وطلعت الممرضه..
ثم راح لدور الأول..
انفتح المصعد ودخل اثنين..
يتكلمون بس ماتعرف وش يقولون..
لأنهــا ببسـاطــه..((تفــقـد وعــيهــا ببــطئ))..
تحس كأنها ببحر تغوص لداخل..
انفتح المصعد على الدور الأخير وطلعت بتعب
مشت بالممر ووقفت بنصه واستندت على الجدار..
بهاللحظه حست بضعف وعجز..
تمنت لو احد معها تضمه وترمي همومها عليه..
خالها فوق متى بينزل!!
تبي اي احد..
بس من بيسمعها!؟
من يواسيها!!
من بيصدقها اصلاً..!
نوره سافرت..
امها ماتقدر تقولها لأنها خذلتها مره..
اخوانها وش بيسوون!!
ابوها اللي كسرها بيجبرها يعني..!
دارت عيونها حولها..
ماعندها الاهو..
حتى لو قسى عليها وجرحها..
حالياً مافيه غيره..
همست بعجز:بـ بنــدر..!!
بس وينه بندر..!!
بندر عند زوجته ونساك يالجــازي..
بندر باله مشغول مع زوجته والدكتور..
بندر اللي رجيتيه ماهو بحالك..
بندر بعالمه اللي تسكــنه ليلــى وولدهــم..
اهلك يالجازي ملتهين عنك..
امك اختارت خالاتك عليك..
ابوك كسرك وتغير عليك..
اخوانك يجرحونك ومطنشينك..
محد مهتم فيك...
محد فاهمك..
..
دق جوالها وكأنه ينقذها ماتدري منهو بس فتحت الخط والرؤيه تصعب..
تكلمت بترد..
بس صوتهاا رااح..
لاماهو وقته..
حاولت تتكلم ماقدرت..
جاها صوت بالطرف الثاني: Salut"مرحباً"
ابتسمت بتعب ابتسامه صعب رؤيته لأنها صغيره..
ايه هي الوحيده اللي تفهمها..
هي الوحيده اللي تعرف بمعاناتها..
الوحيده اللي بتعرف وش فيها..
الوحيده اللي ماراح تخذلها وتتركها بعد الله..
اعادت كلمتها: Salut.. Où es-tu((مرحباً اين انتي!!))
ماسمعت غير الأنين والتنفس السريع..
فهمت حالتها..
تعرف وش معنى هالأنين..
وللأسف تعرف وش بيتراكب معه..
هم ماصدقو ينتهون انقلبت!!
نزلت من السياره بسرعة البرق وهي تصرخ على السائقه:انزلــي..
رجعت للجوال:انا قادمه..
ركضت لداخل موب مهتمه لنظرات الناس..
دخلت للمستشفى تلفتت حولها تتأمل الأشخاص..
حتى شافتها تمشي وهي مستنده على الجدار..
درت انها بأقصى حالاتها..
وش اللي قلبها!!
وش اللي خلاها ترجع لكذا!!
وش اللي رجع هيأة الجازي قبل ثلاث سنين!!.
قبل توصل لها..
سمعت شهقة ألـــــم..
من الجـــازي..
شهقة ألــــم جسدي..
ألــــم ينهش صدرها..
ألـــم بقلبــهــا..
بعــــدهــــا..
دارت الدنـيـــا واظلمت..
وسقــط جســـد الجــــازي مرتــــطماً بالأرض بعـنــــــف.....!!!!!!!!!!!!!!!!
••••••••••••••••••••••••
رجع للبيـــت بعد ساعتين من خروجه..
ساعه وهو رايح مع نوره وعبدالله للمطار..
وساعه وهو راجع..
شاف امه وأخوانه بالصاله الا سالم وفواز وحمد وناصر..
سلم عليهم..
وجلس جنب امه..
امها بحزن:عساها مابكت!!
ابتسم صالح وهو يبوس كتفها:لا الحمدالله هاديه..
امه بأختناق:الله يوفقها..
أمنو وراها..
لف على اخوانه:وين ابوي..!
فهد وهو يقفل جواله ويحطه على الطاوله:طلع..
هز راسه بدون رد..
مرت لحظات سكينه..
البيت فاضي..
ويجيب الضيقه..
تكلم فيصل بضيقه:يمه..
ناظرته بمعنى وش؟.
قال:نوره وراحت والبيت هادي كأن مافيه احد..وبرجاء:طلبتس خلي الجازي تنزل..
فهد بأستغراب:طيب!شدخل امي؟؟
فيصل بذات الضيقه لأنه عرف السالفه من نوره:معاقبتها فوق ماتطلع..ناظر امه ينتظر ردها.
ام صالح سكتت شوي بعدين قالت:خلاص رح خلها تجي..بعد بتجزم ماسلمت على نوره..
فز فيصل مثل البزر مستانس وراح لفوق..
فهد ضحك عليه ولف على امه بضحكة:ليه معاقبتها؟!
امه وتذكرت السالفه عصبت:عشانها ماتربت..
فهد رفع حواجبه بدهشه:وش مسويه بعد!!
امه بدون نفس:طارده خالاتها عفراء وحصه..
عقد صالح حواجبه:نعـم!!طاردتهم!!
هزت راسهاوبتحذير:صالح خلك بعيد عنها..
صالح وبدت ملامح الغضب بوجهه:وبأي حق تطردهم!!
امه بضيقه:تلاسنوو معها وطردتهم..انها ماتحترم لا الكبير ولاالصغير..
عصب حده وبحده:ماشالله بكره بيقولون بنت مطلق طارده خالاتها من البيت!!وعادي عندس تعاقبينها هاالعقاب كنها بزر!!
امه خافت من عصبيته:خلاص اللي راح راح..وانا بتفاهم معها..
صالح بعصبيه:لا ماراح..وهي ماهيب بزر تسوي هالحركات..
رفع عينه للباب وهو يسمع خطوات فيصل اللي دخل لحاله قال بعصبيه:وينهااا!!!
فيصل استغرب ان صالح يسأل عنها..
ماشالله وش قلبه!!
قال بأستغراب:مالقيتها..!
امه بخوف انها تختفي:لا..هي فوق ماطلعت..!
فيصل ارتبك:مالها أثر..
قبل تتكلم امهم..
صرخ صالح بغضب:سلمى..سلمى..
جات سلمى بأرتباك من صراخه:ه هلا!!
صالح بغضب يحاول كتمه:وين الملعونه..!
سلمى بأرتباك:الجازي!!طلعت..
فتح عيونه على وسعها..
راحت افكاره لبعيد..
اي راحت لذيك اللحظه..
راحت لهيأتها وهي تمشي مع رجال..
وتدخل المصعد..
وصوتها تغازله..
جن جنونه وفز ينتفض من الغضب..
صالح غضبه نادر..
انسان هادي غامض كتوم..
لكـــن..
الجازي من ثلاث سنين بحركتها قلبته..
صار عصبي..
غضب جامح خارج من جرح بقلبه..
سحب جواله بيدق..
ماعنده رقمها رص عليه بغضب..
جاه صوت عزيز الهادي مبطن بشي مجهول:صالح اجلس..وين بتروح يعني!!
صالح بغضب صرخ بلا وعي:بتروح مع الم####..
ناظره عزيز بغضب وصدمه وهو يصرخ:صـــالــح!
تنفس بسرعه ودق على سواقتهم:الوو..وين الجازي!!
قالت بخوف:سير الأنسه طاحت علينا..
قال بصدمه:كييف؟!!شتقولين انتي؟؟
قالت بربكه:هي كانتـ..انسحب منها الجوال.
جاه صوت اديل الهادي قالت بالانجليزيه:سيدي الجازي بخير لاتقلق ننحن قادمون الان الى اللقاء..سكرت بوجهه..
غمض عيونه يكتم غضبه من كل شي..
سكرت بوجهه؟؟
يارب صبرك..
طلع عزيز من عندهم..
فهد حك طرف حاجبه وهو ساكت وهادي..
ام صالح:لاحول ولاقوة الا بالله..ناظرت فهد الساكت وطلال اللي يتبادل النظرات مع فيصل..
وصالح اللي طلع ورا عزيز مدري لويـن..
•••••••••••••••••
انتهـــى الفـــصل الثالــث..
اتمنـــى ينال اعجابكـــم..
توقعاتكــــم..!!
ماادري ليه احس هالفصل جاء سريع..
اعذروني اذا كانت احداثه سريعه وماعشتم الاجواء..
اعوضكم بالفصل الرابع..
وحنا بعشر اواخر فمااقدر احدد يوم انزل فيه الفصل...
ان شاءالله اذا جهز نزل..
قلت بينزل الاربعاء بس جاتني ظروف..
والمنتدى اليوم علق معي..
وصلــى الله وبـارك على سيدنــا محمــد..
تحياتــــي:نبـــض اســوود🖤🧸..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 15-05-2020, 10:06 PM
صورة غموض الحنين الرمزية
غموض الحنين غموض الحنين غير متصل
©؛°¨غرامي مشارك¨°؛©
 
الافتراضي رد: رواية اليوم قدرك مايسوى ماطآ الأقدام حبك بقلبي مات وأعلن رحيله..!!/بقلمي


مرا حلو البارت ننتظرك بالبارت الرابع

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 17-05-2020, 01:52 AM
نبض اسوود نبض اسوود غير متصل
©؛°¨غرامي مشارك¨°؛©
 
الافتراضي رد: رواية اليوم قدرك مايسوى ماطآ الأقدام حبك بقلبي مات وأعلن رحيله..!!/بقلمي


اقتباس:
المشاركة الأساسية كتبها غموض الحنين مشاهدة المشاركة
مرا حلو البارت ننتظرك بالبارت الرابع
اشكــرك🖤🖤..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 17-05-2020, 02:30 AM
صورة بنت آل تميم الرمزية
بنت آل تميم بنت آل تميم غير متصل
©؛°¨غرامي مشارك¨°؛©
 
الافتراضي رد: رواية اليوم قدرك مايسوى ماطآ الأقدام حبك بقلبي مات وأعلن رحيله..!!/بقلمي


للحين الأحداث مو واضحة يعني شو صار مع الجازي و ليش صالح لهذه الدرجة شاك فيها و ليش ابوها سبب كل الي تمر فيه ؟
بارت خطير

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 17-05-2020, 04:38 AM
نبض اسوود نبض اسوود غير متصل
©؛°¨غرامي مشارك¨°؛©
 
الافتراضي رد: رواية اليوم قدرك مايسوى ماطآ الأقدام حبك بقلبي مات وأعلن رحيله..!!/بقلمي


شوفو بنات..
خلوكم على بينه..
الى الان ماتأكدت بس فيه احد يعبث بحسابي.:(
واظن الصلاحيه انتهت مدري كيف..!
المهم اذا انقطعت فجأه والله لايقوله اعرفو انه موب بيديي..:(
وربي قبل شوي رفضني منتدى غرام كله بغيت اموت😭💔

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 17-05-2020, 04:40 AM
نبض اسوود نبض اسوود غير متصل
©؛°¨غرامي مشارك¨°؛©
 
الافتراضي رد: رواية اليوم قدرك مايسوى ماطآ الأقدام حبك بقلبي مات وأعلن رحيله..!!/بقلمي


اقتباس:
المشاركة الأساسية كتبها بنت آل تميم مشاهدة المشاركة
للحين الأحداث مو واضحة يعني شو صار مع الجازي و ليش صالح لهذه الدرجة شاك فيها و ليش ابوها سبب كل الي تمر فيه ؟
بارت خطير
اشكرك من الاعماق🖤

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 22-05-2020, 12:50 AM
نبض اسوود نبض اسوود غير متصل
©؛°¨غرامي مشارك¨°؛©
 
الافتراضي رد: رواية اليوم قدرك مايسوى ماطآ الأقدام حبك بقلبي مات وأعلن رحيله..!!/بقلمي


فيه وحده اسمها فيتامين سي..
نقلتي روايتي لموقع ثاني ونزلتيها..
بحثت عنها مالقيتها..
طلعت لي بعدين اختفت..!
ياليت تشوفين رسالتي وتقولين لي ليه اختفت؟؟
شكراً..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 22-05-2020, 12:57 AM
فيتامين سي فيتامين سي غير متصل
©؛°¨غرامي متألق ¨°؛©
 
الافتراضي رد: رواية اليوم قدرك مايسوى ماطآ الأقدام حبك بقلبي مات وأعلن رحيله..!!/بقلمي


اقتباس:
المشاركة الأساسية كتبها نبض اسوود مشاهدة المشاركة
فيه وحده اسمها فيتامين سي..
نقلتي روايتي لموقع ثاني ونزلتيها..
بحثت عنها مالقيتها..
طلعت لي بعدين اختفت..!
ياليت تشوفين رسالتي وتقولين لي ليه اختفت؟؟
شكراً..

أرسلت لك هذه الرساله على الخاص في المنتدى اللي نقلت له روايتك
الظاهر ماشفتيها وهذا نص الرساله


السلام عليكم ورحمة الله وبركاته

أولا أهلا بك في منتدى ....... منوره المنتدى

ثانيا أعتذر إذا تضايقتي او زعلتي من نقلي لروايتك لكن أنا نقلتها

لأن ماشفتك كاتبه إنك تمنعين نقلها وفهمت أنك ماعندك مانع من نقلها

وعلى هذا الأساس نقلتها وواضح أنها حلوه رغم أني ماقرأت غير جزء بسيط من بدايتها لأن مشغولين هالأيام

المهم الروايه كنت ناقلتها في ورشة المنقول حتى نعمل لها غلاف
ومن كم يوم نقلتها للعام حتى يشاهدها الأعضاء وللآن يمكن ماتابعها كثير تعرفين هالأيام الغالبيه يبتعدون عن المنتديات خاصه العشر الأواخر

واللي فهمته من مشاركتك عندنا في الروايه إنك أنصدمتي من نقلها
ورافضه نقلها لهذا نقلتها للورشه حتى اتأكد منك إذا رافضه نقلها
راح أحذف الروايه والمعذره منك وإذا ماعندك مانع في نقلها راح أرجع الروايه للعام وأكمل نقلها

المهم حبيبتي في كل الحالتين راح أحترم رغبتك وأنفذها
وأعتذر مره ثانيه إذا ضايقك نقلي للروايه

وأرجوا منك الرد علي هل أكمل نقل أو أحذف الروايه من المنتدى




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 22-05-2020, 02:01 AM
نبض اسوود نبض اسوود غير متصل
©؛°¨غرامي مشارك¨°؛©
 
الافتراضي رد: رواية اليوم قدرك مايسوى ماطآ الأقدام حبك بقلبي مات وأعلن رحيله..!!/بقلمي


اقتباس:
المشاركة الأساسية كتبها فيتامين سي مشاهدة المشاركة

أرسلت لك هذه الرساله على الخاص في المنتدى اللي نقلت له روايتك
الظاهر ماشفتيها وهذا نص الرساله


السلام عليكم ورحمة الله وبركاته

أولا أهلا بك في منتدى ....... منوره المنتدى

ثانيا أعتذر إذا تضايقتي او زعلتي من نقلي لروايتك لكن أنا نقلتها

لأن ماشفتك كاتبه إنك تمنعين نقلها وفهمت أنك ماعندك مانع من نقلها

وعلى هذا الأساس نقلتها وواضح أنها حلوه رغم أني ماقرأت غير جزء بسيط من بدايتها لأن مشغولين هالأيام

المهم الروايه كنت ناقلتها في ورشة المنقول حتى نعمل لها غلاف
ومن كم يوم نقلتها للعام حتى يشاهدها الأعضاء وللآن يمكن ماتابعها كثير تعرفين هالأيام الغالبيه يبتعدون عن المنتديات خاصه العشر الأواخر

واللي فهمته من مشاركتك عندنا في الروايه إنك أنصدمتي من نقلها
ورافضه نقلها لهذا نقلتها للورشه حتى اتأكد منك إذا رافضه نقلها
راح أحذف الروايه والمعذره منك وإذا ماعندك مانع في نقلها راح أرجع الروايه للعام وأكمل نقلها

المهم حبيبتي في كل الحالتين راح أحترم رغبتك وأنفذها
وأعتذر مره ثانيه إذا ضايقك نقلي للروايه

وأرجوا منك الرد علي هل أكمل نقل أو أحذف الروايه من المنتدى


لاا عادديي يارووحييي عادي جداً..
ابد لاتعتذرين بالعكس انتي تقدمين لي شي كبير الله يسعدك..
الموضوع بس اني انصدمت من الفرحه هههههه..
يعني ياعيوني اذا ماعليك كلافه كمليها♥😭..
..
رديت عليك بأكثر من مكان عشان تشوفين..
الله يوفقك ياروحييي..
اسعدتيني بجد

الرد باقتباس
إضافة رد

رواية اليوم قدرك مايسوى ماطآ الأقدام حبك بقلبي مات وأعلن رحيله..!!/بقلمي

الوسوم
مايسوى , لاطل , الأقدام..حبك , اليوم , اسوود.. , بقلبي , رحـيلــه..!!لنبــض , روايتــي: , واعلـن , قدرك
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية قدر و ليس صدفة /بقلمي جزر القمر2 أرشيف الروايات المغلقة - لعدم إكتمالها 1 17-11-2019 03:55 PM
خاطره صدري يلمك يمكن ينسى سنين عذابك/ بقلمي؛كاملة هتون الغيم.. روايات كامله - يتم نقل الرواية هنا بعد اكتمالها 531 26-04-2018 03:04 PM
رواية أتركوا بعضهم بلحظات /بقلمي؛كاملة ixmg_02 روايات كامله - يتم نقل الرواية هنا بعد اكتمالها 20 09-11-2017 01:13 PM
رواية حكاية ماريا/بقلمي tofoof أرشيف الروايات المغلقة - لعدم إكتمالها 64 11-08-2016 01:23 AM
رواية حكاية ماريه tofoof ارشيف غرام 2 08-03-2015 01:36 AM

الساعة الآن +3: 01:35 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1