بنت آل تميم ©؛°¨غرامي فعال ¨°؛©

المشاركة الأساسية كتبها نبض اسوود اقتباس :
بنات انا مضطره فمااقدر انزل بارت لظروف
عسااا ما شر نبض في انتظارك عيني

ميماا وبــس ©؛°¨غرامي مشارك¨°؛©

هذا وانا مجهزه جلسه وجو اجلس اقرا 💔ماعليه مقدره ظروفك ننتظر اليوم البارت

نبض اسوود ©؛°¨غرامي نشيط¨°؛©


..6..
اهلاً رفاق..
الفصل السادس بين ايديكم..
اللهم صلــي وسلــم علـى حبيبنـا محمـد..
استمتعــووا..

آأإاآأإاأاإآ آأإاآأإاأاإآ آأإاآأإاأاإآ آأإاآأإاأاإآ آأإاآأإاأاإآ

فَمُوتُوا كِرَامًا أَوْ أَمِيتُوا عَدُوَّكُمْ..

وَدِبُّوا لِنَارِ الْحَرْبِ بِالْحَطَبِ الْجَزْلِ..


•••

صــبــاح العـــسكــريــه..
..
بين صفوف المتدربين..
وقطرات العرق تسقط من التعب..
اصوات خطوات تضرب بقوه..
وصراخ رجل صارم يملـئ المـكـآن..
صــرخ بجـهور:انــتهــى..
تشنجو بوقفتهم ودقو تحيه:هــــوب..
..
رمى جسمه على الكــرسي بعد ماانتهى من مهمته..
خذا قارورة المويه اللي على الطاوله وشربها دفعه وحده..ورماها بسلة المهملات..
اندق الباب:ادخـــل..
دخل بخطوات واسعه وهو يرمي السلام حتى وصل للكرسي المقابل للمكتب وجلس بكل اريحيه..
اطلق سؤاله بعد مارد الجالس السلام:خلصت تدريبـك..!
هز راسه بـ اي بدون رد..
هتف بتأمل لملامحه الحاده:كانك مالك نفس؟.
هز راسـه بنفس الطريقه بـ لا..
نزل الملفات اللي بيده على المكتب:والله ماينعرف لك..وبأهتمام اشر: هينا ملفين مرسلينها لي وتلخبطت فيها.. شف انت سالفتها..
اعتدل بجلسته ومال على المكتب وبجديه سحب اول ملف وفتحه.
دارت عيونه على المحتوى بمهاره..
ثم التقط الملف الثاني.
عقد حواجبه بعدم فهم؟.
قال وهو يراقب تعابيره:الاول من القضيه قبل شهرين والثاني من نفسها بس قبل اسبوع.
قال بهدؤ جاد:يعني المسدس كم عليه بصمه؟
رد الاخر:ثنتين..
همهم وهو يتأمل الملفات:طيـب مكتوب ان الرصاص المستعمل غير نوع رصاص المسدس الموجود؟.
هز راسه بتجاوب:اي..يعنـي احتمال كان فيه اكثر من شخص..
سأل بجديه وبحة صوته:من المشرف عليها قبل اسبوع؟.
قال بهدؤ:قبل شهرين كان فزاع..وقبل اسبوع كان شيهان..
هز راسه بفهم:ارسلهم لي..
قام واقف:اوك..تبي الملفات معـك؟.
هز راسه بـ اي..
طلع منه وهدى المكان واستكان..
نزل الملفات على جنب ينتظرهم يجون..
استند على راحة الكرسي وعيونه على الفراغ..
ابتـسـمت غصـب وانا اتذكر هوشة امس..
بعد ماطلعنا من بيت خالي راجعين للبيت..
كلن راح ينام حتى اديل راحت بس انا وامي والعوبه على قولة نهى وعزيز جلسنا بالصاله..
كنت شاك بشي بس قلت اتأكد..
الجازي باين فيها النوم وعزيز عيونه عليها..
لاحظت ان عزيز متنرفز من كنا عند خالي..
والحين قاعد يحرق الجازي بنظراته..
وهي ولاهمها تسولف مع امي..
وانا جالس اراقب الوضع..
مرت ربع ساعه ولاواحد ناوي يتحرك..
فقمـت انا:بروح انام تصبحين على خير يمه..
قالت بحنيه:نوم العوافي..
ناظرت الجازي اللي قامت:وانا بروح ارقد.
تنحنح عزيز وهو يعتدل بيقوم بعد..
شفت الجازي تناظره بطرف عين وتنطلق بخطوات واسعه برا الصاله..
رفعت حاجب وانا امشي واشوف عزيز حب راس امي ومشى وراي..
اول ماطلعنا واختفينا من عيون امي..
ركضت الجازي لفوق وانا انبهتت بسم الله..!
ههههههه شفت عزيز يسرع بخطواته وراها..
عاد لحقتهم وسمعته ينادي:تعـــالــي..
مسكت مقبض باب غرفتها وقبل تفتح سحبها مع ذراعها بقووه..
قلت بأستغراب من همجيته:عبدالعزيز وش بلاك!.
ماعطاني وجه وقال بغضب وهو يلوي ذراعها:الظاهر تبين من يعيد تربيتس؟.
ردت عليه بقوه:اسأل نفسك..
رفعت حاجب وانا اقرب لهم:عن الهبال انت وياها..
عزيز بهمس حار وعيونه عليها:فهــد الزم مكانك..
كمل كلامه لها:جلستي مع خوالـي والشباب حولتس وسكتت لتس وقلت مشها ياعزيز وبعدها اشوفتس بملحـق العمال!!!!..
هزت ذراعها وببرود:عن الكذب ماهو للعمال الملحق تابع للمسبح..
هزها بجنون وغضب وهو شاد على يده الثانيه لايضربها:انكتمـي.. ذا ملحق العمال تعلميني في بيت خالي؟.
صرخت فيه:عزيز لاتستهبل معي ساميه قايله انه مع المسبح..وبعدين وش بسوي مع العمال؟؟.
ارتفعت يده لشعرها بعصبيه من صراخها بس صرخت فيه وهي تلف راسها مبعده:عملـ..وسكتت..
مافهمتها ومسكت عزيز وانا اسحبه منها:ولـد..
كانت عيونه عليها بغضب..
ضربت كتفه بخفه:ياخي ماعليك لو تشوفها جالسه بين شباب وبدعاره خلها هذا كلامك دايمن صح ولا؟..ومشيت وانا متأكد انه بيهدى..
ماناظرتها ولافكرت حتى..
شدت على يدها بألم وعيونها تنزل لتحت..
تراجعت خطوه ولفت تدخل غرفتها..
وبشبه همس قآلت بنبره هزت آوصآلـي:مشكور يآولد آمي وآبـوي..وسكرت آلبآب..
ناظرنـي بسكون:شاطر..ومشى لغرفته..
ماادري هو يشكرني او يلومني..
ناظرت بآب غرفتهآ بآبتسآمه مكر:تستآهل..
..
دق آلبآب صحآنـي من سرحآنـي:آدخــل..
دخل فزآع وشيهآ:السلام عليكـــم..

آأإاآأإاأاإآ آأإاآأإاأاإآ آأإاآأإاأاإآ آأإاآأإاأاإآ آأإاآأإاأاإآ

..
نزلت بخطوآت هآديه وعبآيتهآ بذراعها وشنطتها بيدها..
لابسه تنوره سودا وتي شيرت ابيض بكلام احمر..
رافعه شعرها ذيل الفرس..
وخصلات نازله معطيتها شكل..
حاطه روج وماسكرا وكحل داخل العين..
ومنزله راسها على جوالها تطقطق عليه..
دخلت غرفة الاكل بعد ماسمعت اصواتهم..
قالت بلاشعور واعتياديه:بـوو نجـووغ.(صباح الخير)
ردت عليها بدون نفس:وعليكم السلام..
رفعت راسها بأنتباه وضحكت وهي تقرب وتحب راسها:لبى خشمتس بالغلط..
امها بكره:لاعاد اسمع ذا الكلام المعوق..
ابتسمت ببرود وهزت راسها..
ناظرتها امها بأستغراب:وين على ذا الصبح؟.
سحبت كرسي جنب اخوها وجلست بأريحيه:بروح للجامعه..
ضحك الجالس قبل ترد امه:الجامعه؟؟.
هزت راسها بـ اي..
امها بجديه:جويزي وش جامعته؟.
ناظرتها بأستغرآب وهي تاخذ كاس حليب صبه لها سالم:بسم الله؟الجامعه الجامعه بروح ادرس؟.
بعدين ضحكت على وصفها..
قاطعت امها ضحكتها:بنــت.!
سكتت تناظرها:لبيـه!.
امها بعصبيه:انتي ماتخرجتـي؟.
سكتت وملامحها ارتخت وعيونها على امها..
ناظرتها امها بمعنى تكلمـي.!
شدت على الكاس وقالت بهدؤ:هذي اخر سنه..شربت رشفه وكملت ببساطه:سحبت سنه:)..
ناظرتها امها بنظرات غريبه وماعلقـت..
اعتدلت بجلستها وناظرت طلال:عطنـي يالمزيون الشطه اللي عندك..
ابتسـم بهدؤ غصب عنـه ومدها لها..
قال فيصـل بسؤال غبي:نفس جامعتس؟.
هزت راسها بـ اي وهي تاكل..
رفع عيونه لأخوانه ونزلها لها بصمـت..
دق جوالها مقاطع الصمت رفعته بسرعه:هلا مهاوي.!
:.....
:بالبيت..
:......
:ههههههه طيب بجـي..
:.......
رفعت حاجب:وليه؟.
:.....
قامت واقفه وبعصبيه مفاجئه:ماهوب على كيفها بتجي ورجلها على رقبتها..
:.....
قالت بسخريه لاذعه:لآآآآ آبكـي آحسن بعـد؟.
:....
قلبـت عيونهآ بطفش وبذآت آلعصبيه:آسمعي آنتي ويآهآ عندي وحده آلحين مصدعه رآسي مآلي خلق آجي آتهاوش مع آللي عندك..
:....
آبتسمت بغرور:شـآطرين..
:...
:يلآ سلآآم..
قربت وحبت راس امها:تبيـن شي يآلغآليه؟.
آمها بتأثر دمعت عينها:سلآمتس..
مشت وهي تنآظر آلدرج بترقـب..
قال بشبه ابتسامه:ورآك..
التفتت بتلقائيه وكانت واقفه بحجابها قلبت عيونها:ياليل القلق..
بابتسامه:بوونجوغ..
ببرود ردت:ارجعي وراتس..
قالت بأستغرآب وهي تتقدم:ماذآ؟.
ناظرت ساعتها ثم ناظرتها مافيه وقت يتناقشون ويتلاعنون:آخر مره تجين معي؟..
هزت راسها بكل كذب بـ اي..
مشت لبرا بأستعجآل:بسرعه..
••
عم المكان هدؤ بعد ماطلعت..
ماكان موجود الا انا وفيصل وسالم وطلال وفواز وامي..
الباقين طلعو..
قلت بهدؤ وانا اقوم واقف:انا طآلع تآمرين على شي يالغلآ؟.
شفتها تمسح دمعتها وبأختتاق:الله يحفظك..
حبيت راسها وانا امسح دموعها اللي تزيد:ليه الدموع يمه لبى روحتس؟.
ردت بخنقه:احمد ربي آلي ردهآ لي..كملت وهي تقاتل عبراتها:يآمآ تمنيـت آقوم آلصبح وآلقآهآ رايحه الجامعه مع نوره..وربي ماردني الحمدالله..
ماعلقت وانا احب يدها..
بعدين قمت واقف وانا اشوف فيصل يقوم لأمي..
لوحـت بيدي:يلا سلآم..
اشرو لي وطلعت..
نسفت غترتي بتلقائيه وانا انزل الدرجات..
وشفتها واقفه متخصره وواضح العصبيه عليها:اذا ماذبحتها مااكون بنت مطلق..
قالت الثانيه ببحه وهي تضحك:كالميفو..
بعصبيه نهرتها:تيت وا..
نزلت اخر درجتين ولفـت علـي بأنتبآه..
ناظرتني نظره سريعه من فوق لتحت وصدت بكل هدؤ..
تجاهلتها وانا اروح لسيارتـي اللي مطلعينها الحرس لي ركبتها بأستكانه..
خذيت العطر الموجود وبخيت منه..
بعدين حركت طآلع للمستشـفـى..
وانا طالع مع البوابه لمحت من المرايه سياره توقف عندها..
رفعت جوالي وآنا آطلع للشآرع آلعآم..
آبـوي موصيني ولا كان مآفكرت ادق..
دقيت على الحرس ونبهتهم على انها طلعت يمشون معهم..
وقفت عند محل قهوه خذيت لي كوب..
صح تونـي شارب بس احب قهوة هالمحل..
..بعد ثلث ساعه تقريباً..
وقفـت بالباركينق الخآص بالمستشفى..
نزل بهيبه..
لابـس ثوبه الرمآدي وبغترته البيضا..
ملامحه قاسيه جامده كشخصيتـه..
دخـل وله حضور بدخـلته..
كل من يمـر يسـلم عليه..
وراه اثنـين من الحرس..
لابسيـن ثيآب حتـى مايثيرون الشكوك..
كل من يمر عليه يصبـح عليه بأحترام..
وآخيراً وصل لعيآدته..
دخـل لأحب مكـآن على قلبـه..
يحس بالراحه وانه ينتمـي لهآلمكان..
جلس على كرسيه الجلدي..
نزل كوب قهوته على الطاوله..
ضغط على السماعه يطلبهم يرسلون له الموآعـيد..
وكلها دقايـق حتى صارت بين يديه..
:اول حاله موجوده هينا حالياً..قالتها الموظفه..
هز راسه وبصوته الخشن مخلوط بحده:خليها تدخـل..
هزت راسها وطلعت بصمت..
دقيقه..
واندق الباب..
رفع صوته بجهور:آدخـــل..
دخــلت شابه بالعشرينيات..
ضامه الشنطه لصدرها وتناظر حولها بربكه..
اشر لها على الكرسي بسكون:تفضلـي اجـلسـي..
تقدمت خطوه ووقفت..
كان متفهم خوفها وربكتها..
حاله جديده واول يوم لهـا بعيادته..
قال بنبرته المميزه يمحي الخوف:لاتخآفين آجلسي..
غصـب استجابت وجلست..
منزله راسها لرجولها وساكته..
عشر دقايق صممتت..
اخذت نفـس..
بترمي وجعها اليوم..
وجع كتمته تسع شهور..
ذكـرى جعلتهـا بقايـآ فتآه عذبهـآ المـآضي..
عذبهـآ ضميرهآ..
عذبتهـآ آحاسيسهـآ..
تكلمت بسرعه فائقه ومباشره كأنها تبي ترمي هموها وتهرب..
ماعاد قلبها قادر يتحمـل..
محـد قـدر يسآعدهآ..
الحل الوحيد تدور دكتوره نفسيـه..
بس مافيه مواعيد دكتورات تمشي مع وقتها..
كانت الدكتوره اريح لها..
بـس هي ماتقدر تجي بأوقات وجود دكتورات..
فمافيه الا دكتور..
وسمعته طيبه ومريحه..
ماتقدر تنتظر اكثر..
تحس بتموت..
:كنت ببيت جدتـي نايمين عندها..نزلت عيونها لتحت بأختناق:كان عندهم شغاله طيبه نعرفها من شهور..دايم اسولف معها..
وذاك اليوم سولفت معها قبل انام كانت تشكي لي عن عذاب اهلها لها وانهم سرقو فلوسها اللي اشتغلت بها سنين وتبكي بقهر..رفعت عيونها لفوق لاتبكي:كان صوتها مقهور بقوه..وانا اسمعها واواسيها وابكي معها..واليوم الثاني قامت بدري وبدت تنظف البيت كله حتى الجدران تمسحها ونظراتها غريبه..شهقت ببكا وهي تنتفض على الكرسي:جـ جاتنـي وضمتني وتشكـ وتشكرنـي وتـ وتقول سامحيني..وشهقت بعنف وهي تغمض عيونها:قـ قـ قلت وش فيك قـ قالت مافي شي..مسحت دموعها من تحت النقاب وهي ترتجف:وبالليل كانـ كانت تترجانـي اجلس معها نسـ نسولف وانا رفـ رفضت عشان ابـ ابوي..قلت بروح البيت واجـ واجي الصباح..خذت نفس وماوقفت كلامها:حسيت فيها شي بس طنشت..والصباح رحت لها بـ بـ ـس..شهقت بحراره وهي تغطـي عيونها:لـ ـقـ ـيـ ـتـ ـها مـ ـنـ ـتـ ـحـ ره..
ودخلت بنوبة بكاء عارمه وهي ترجف بشكل يقطع القلب..
قالت من بين بكاها المتوجع حد الصميم:لـ ـيتـ ـني قـ ـعـ ـدت مـ ـعـ ـهـ ـا كـ كـ ـ ـان مـ راح تـ تموت كـانـ ت تبـ ـينـ ي اجـ اجلس معها عـ عشـ ـان ما تنـ تحـر...كـ كانت معلقه بالسقف..بكت بوجع انهكها:وعيونها على الباب..واختفى صوتها وهي تبكـي من قلب..
كان جالـس بسـكون من انطلقت بكلامها حتى انهارت تبكي..
يتابع ردات فعلها وتعابيرها من عيونها بأنتباه..
مايل بجسمه على قدام والقلم بين يديه..
بعد ماتأكد انهـا ماعادهـي متكلمه..
رفع السماعه وطلب كاس عصير ليمون ونعناع..
مامر الكثير من الوقت..
حتى دخلت الموظفه بالكاس..
اشر لها تعطيها..
لانه مايقدر يقربها ماهي محرم له..
قربت الموظفه وجلست جنبها وضمتها بحنان:خلاص ياروحي انتـي اذكري الله..
شهقت ببكا والموظفه تسمي بالله..
كانت ضامتها وتمسح على ظهرها وتقرا عليها..
وهي منهاره بألم..
ماينسمع غير بكاها وأنينها..
دقيقه..
دقيقتين..
ثلاث..
اربع..
خمس..
ست دقايق..
سبـع..
ثمان دقايق..
بدت تهدى وصوتها يهدى..
مدت الموظفه لها الكاس:سمي بالله..
سمت بالله وشربت شوي ونزلته..
اشر للموظفه..
وقامت طالعه..
وقفت الثانيه وشنطتها بيدها..
بـس حمـد امرها تجلس بحزم رقيق:ارجـعي..
ناظرته بعيون محمره وجلسـت غصـب..

آأإاآأإاأاإآ آأإاآأإاأاإآ آأإاآأإاأاإآ آأإاآأإاأاإآ آأإاآأإاأاإآ

بـالسيـآره..
وقفـت قدام الجـآمعه..
نزلـت بهدؤ متمكـن منـه..
نظرات ثاقبه..
ومشيه واثقه..
دخلت الجامعه..
نزلت عبآيتهآ وتعطـرت من عطرها..
لفت على اديل اللي منزله حجابها وشعرها الأحمر يوصل لرقبتهـآ..
ومكيآجها نااعم وخفيف..
اشرت لها:آلونزي"للنطلق"
هزت راسها ومشت معها..
دارت عيونـها على بنات الجآمعه تدورهم..
الكل ينآظرنـها اذا مرت من عندهم..
مشيتها الواثقه وملامحها الجديده عليهم..
وذات الشعر الأحمر اللي تمشي معها..
ملفتيـن للأنتبـآه..
:آلـــــجــــــآزي..
لفت على الصوت آللي ينآدي..
كـانـت مهـآ..
ابتسمت بحنين..
وصلـت مها وضمتها:اشتقـت لك..
ضحكت الجازي:ههههههههه حلوه..
وسلمت عليها..رفعت عينها لورا بس مافيه احد..
عقدة حواجبها وبحده:وين نـوف؟.
خذت نفـس وهي تدري بالعآصفه القآدمه:نوف ساحبه..
ناظرتها بحده وشكوكها الي محتها تتأكد:ساحبه؟.
بلعت ريقها وابتسمت بربكه:ا اي..
الجازي بجنون مكتوم:مهآ لاتلعبيـن بأعصابي..
مها بربكه واضحه شتت نظرهـآ:نوف مآ دآومت من يوم الحادث..
جمدت ملامحها ونظراتهآ تحرق مها:مـادآومت..
هزت راسها بـ اي..
وبذات النبره قالت:وكذبتـي علـي؟.
رمشت بسرعه بدون رد..
:حتى دراسه عن بعد مادرست؟.
هزت راسها بـ اي..
رفعت يدها تشوف الساعه..
باقي خمس دقايق تقريباً وتبدآ محـآظرتهـآ..
زفرت هوا حار.. ورفعت عينها للواقفه:ورآي محآظـره..وبنـظرة وعيد مرعبـه همست ببحه:وحسابكـم بعـدين..ومشت بدون تسمع لمهآ اللي تناديهآ..
انا محذره مها ماتسحب..
بس هين الوعد لاطلعت..
ويبونها تسلم وهي محكوره بالبيت؟.
لاوالله اللي ماسلمت..
وبيزيد وجعها وتعبها..
اليوم كله بتفاهم مع نوف وحالتها..
تنهدت وهي تقرب من القاعه..
ليلى بكره ان شاءالله..
غمضت عيونها تطرد احاسيسها..
ليه روحتي لليلى معسره؟.
ليه احس بيصير شي اذا رحت..
وهالشي قاعد يتاخر..
"عمـــى"..
قالتها البنت بعد ماصدمت فيني..
ببرود رديت وانا اعتدل:احد يطلع مدرعم كذا؟.
رفعـت عينهـا لي:انا عنـ..سكتت وملامح الدهشه تبان عليها..!!!!
ناظرتها بذات البرود ووجهها مألوف..
من من من!.
اههــــــآهه..!
ذي الكلبه مريام او مريم.!
شفتها تبتسم بشكل غريب:اهلاً..ومدت يدها تسلم.
شعر ولد ازرق بأطراف بيضا..
سلاسل ماليه رقبتها..
خواتم بأصابعها..
ملامح هادئه غريبه..
ناظرتهـآ بأحتقـآر واضح مااخفته من فوق لتحت..
هشت بيدها بكل كره:فارقـي من قـدآمـي لأحط الحره فيتس..
رفعت حاجب وعيونها بعيونـي:صدق ناس ماتربت ماعندك ذوق تردين السلام!.
ابتسمت ابتسامتـي الغـريبه:هه اذا اشكالك تربو تعالي شوفي الناس اللي ماتربت..
عقدة حواجبها بعدم رضى وعصبيه:لو ماوراي محآظره كان تفآهمت معك بشكـل ينـآسبك..
ناظرتها من فوق لتحت بسخريه:بالله!.ياليت تخلصين وتجين توريني..ودفيتها من قدامي بأطراف اصابعي وانا ادخـل..
ناس متخلفه..
من حظهـا المكان شفع لها مااجرم فيها..
جلست وجلست جنبـي اديل الهاديه..
هآديـه بشكـل غريـب!.
مسكت يدها بأستغراب:اديل ماذا بك؟.
ناظرتني بنظره اعرفهـآ:اشتـقت له..كان يأتي معي الى الحامعه دائماً ويودعنـي والان..نزلت راسها بأسى:لم يعد موجوداً..
بلعت ريقي بصعوبه وبللت شفاتي..
وقتك غلط يابنت الناس غلط..
شديت على يدها:هل مرت لحظه لم تشتاقـي فيهـآ إليـه؟.
هزت راسها بـ لا..
ابتسمت بحنين وانا اقاوم مشاعري:اذاً لاداعـي للدموع..وبيقين كملت:سترينه يوماً ما لامحـاله..
..
ارمشت بعيناي لااريد البكـاء..
اجـل انا متأكده يوماً ما سأراه..
لااحد يمكنه منعي ذالك اليوم من عناقه..
لن يمنعوني من تقبيله..
سأخبره كم افتقدته..
كم احبه..
وكم اشتقت له..
سأخبره ماعشت من بعد ماتركني..
سأعاتبه كثيـراً..
همست برجاء:يارب لاتطل ذالك اليوم..
عادت ذاكرتـي للمـآضـي..
شعرت بيده الحانيه تمسح على رأسي كالعاده..
فتحت عيناي بنعاس وابتسمت بحب:بوو نجوغ..
رد لي الابتسامه وهو يقف:بوو نجوغ ياجميلتي..
اعتدلت جالسه تأملت ظهره وهو يهتف لي:اليوم سنذهب لمنزل بدر..
ابتسمت بأتساع:جمـيل..
اكمل بابتسامه:وستذهب معنا الأخرى..
عبست بعدم رضى:بووكواا؟."لمـاااذاا؟؟."
اجابني بحزم:لا أعترآض..
سحبت نفسها وهي تقوم:ok..
دخلت للحمام..~وانتم بكرامـه~
وهو طلع للغرفه الثانيه..
دق بابهـآ:يـآفتـآه..ألـم تستيقـظي؟.
جاه ردها الجامد:يلااا..
تحرك نازل لتحت وبصوته الجهوري ناداهم:بـسـرعـه..
••
حست بألم بذراعها..
لفت بألم غاضب ويدها على مكان القرصه:بووكوا؟.
قالت ببرود وهي ترجع بنظرها لقدام:انظري كيف تبتسمين؟؟.وكملت بسخريه:تقل مهبوله مضيعة عقلها..
ناظرتها بحنق وماردت..

آأإاآأإاأاإآ آأإاآأإاأاإآ آأإاآأإاأاإآ آأإاآأإاأاإآ آأإاآأإاأاإآ

جلست جنبها وهي تحط كاس العصير قدامها:يعني من زمان هينا وانا اخر من يدري؟.
ببرود ردت:على اساس يهمك؟.
بلعت ريقي وهي ترفع الكاس لجل تشربه:مايهمنـي بس مااحب اكون غبيه كذا ماادري وين ربي حاطني..
مع اني ادري بس اتغابا ههه..
مسحت على وجهها بتعـب:خلينا من وضعك..الحـين وش يفكـنا منهـآ؟.
قالت ببرود:مالها دخل..
عصبت من برودها:حصـه عـن السخــافــه..
نزلت الكاس وبعصبيه مشابهه:وش يخوفك منها؟.
مها بلوم:مااخاف..بس هي زعلت وش عاد يراضيها؟.
هزت راسها بطفش:خلاص هي قالت تتفاهم اذا رجعتم خليك ساكته حتى تتفاهمون بالبيت.. لاتزودينها..
هزت راسها بعجز وارتشفت من الكاس..
بعد صمت دام لدقايق..
قالت حصه وهي تنزل الكاس على الطاوله وتاخذ اغراضها بأستعجال:طيب مها انا عندي محاظره وبطلع..بتتأخرين؟.
ناظرتها مها لثوآنـي بعدين هزت راسها بالموافقه:بخلص على عشر..
مشت حصه بخطوات واسعه تلحق على محاظرتها:اوك سلااام..
تأملت زولها بسكـون ورجعت بنظرها للكاس الفارغ.
زفرت بهـم وقامت واقفه بطفش ماعاد لها نفس لشي..
الجازي سدت نفسها كان ودها تسحب على المحاظره..
تعوذت من ابليس..
وكل شي بينحل بالرواقه..
..
جلست بمكاني اخيراً..رفعت جوالي وكان فيه اتصالين من ياسمين..دقيت عليها:هلاابك؟.
ردت بهدؤ:هلا مها مداومه؟.
هزيت راسي كانها تشوفني:ايه..
سألتني:وينك طيب؟.
قلت بهدؤ وانا اناظر حولي:بالقاعه..
همهمت لي:متى تخلصين؟.
رديت وانا المح الدكتوره وصلت:على عشر..جات الدكتوره اكلمك بعدين..
سكرت منها وانشغلت مع المحاظره..
لحظات اركز معها ولحظات اهوجس بالجازي..
اخيــراً خلصت..
عندي محاظره بعد ساعه..
رفعت جوالي وكان فيه اتصال من الجازي..
بلعت ريقي وترددت ادق..
بس دقت مره ثانيه.
رمشت اكثر من مره ورديت:هلا..
جاني صوتها الحاد بنبره بارده:وينس؟.
رديت بسكون:طالعه من المحاظره قبل شوي..
سألت ببرودها نفسه:وراتس شي؟.
قررت اسحب على اخر محاظره:لا..وانتي؟.
طنشت سوالي وبأمر قالت:تعالـي للبوابه بنرجع لبيتكم..
وسكرت بوجهي..
اخذت نفس معصبه معصبه معصبه..
وماحدن يعرفها كثري..
اذا بردت معناته فيه اعصار..
مشيت للبوابه وانا ساكنه..
احس ماني مستعده لعصبيتها..
:مهـــاوي.
وقفت مكاني وانا اشوف ياسمين تقرب..
سلمـت علي بحراره..
بعد السلام..
قالت وهي تناظر ساعتها:ماودك تسحبين وافطرك على حسابي؟.
ابتسمت:انا ساحبه ساحبه..
نفخت صدرها:يعني موافقه؟.
مشيت معها للبوابه مبتسمه:مره ثانيـه..
هزت راسها بالرفض:لا ياعيوني تجين معي..
قبـل ارد جاني صوتها:مهـآ ساعـه عشان تجـين؟.
رفعت عيوني لهـا..
متكتفه وملامحها بارده خدودها محمره على بياضها صارت اكثر جمال..
بس لو تشيل هالجمود تكون احلا:كنت اسلم على ياسمين.
رفعت نظرها لياسمين ببرود..
كانت ياسمين تناظرها بقرف وكره:يآليل..لاتقولين بتروحين معها؟.
قلت ونبرتها مااعجبتني:اي..
هزت راسها وبذات النبره اجتاحها الغرور:كيف تتماشيـن مع هالأشكـال.؟
رفعت حاجب:نعـ..
قاطعتني وهي ترد بجمود:ماحدن سأل عن رايس..
شفتها تفشلت..كانت متوقعه تجرح الجازي بس انقلبت السالفه..
لبسته طرحتها ونقابها ومشت ومعها اديل:يلا تعالي..
مشيت بهدؤ وانا اعدل نقابي وماناظرت ياسمين..
هالبنت تنرفزني صح احبها بس تنرفز..

آأإاآأإاأاإآ آأإاآأإاأاإآ آأإاآأإاأاإآ آأإاآأإاأاإآ آأإاآأإاأاإآ

تمددت على السرير بعد ماصلت..
"علامتس؟..تعبانه ولاشي؟"
رفعت عيونها له وابتسمت بنعاس:لا ابي النوم..
هز راسه بهدؤ وببحه قال:انا طالع ساعه بالكثير وراجع انتبهي على نفسس ولاتفتحين الباب لأحد..
هزت راسها بخمول وهمست:ان شاءالله..
قرب وباس راسها:مع السلامه..
تأملت زوله وهو يختفي وهمست:الله يحفظك..
رمشت بعيونه والنوم يذبحها..
تذكرت ليلة امس بكـل احدآثهـآ..
ابتسمت بألم..
..
سكتت بعد صراخه وكلماته..
بس فيه صوت بكا يملى المكان..
رفعت عينها للجهه الثانيه شافت طارق جالس على ركبه وبين يديه سهام تبكي..
ناظرت الي على الكرسي بعيونه ضياع وخوف..
دق قلبـهـا بألم ورعب مازال..
حست بيده الحانيه وصوته الدافي:نوره اشربي..
نزلت عينها لكاس المويه..
خذته بتعب وشربته بخفيف.
بين لحظه ولحظه تشهق..
وصوت سهام بدا يختفي..
همست ببحه من البكا:رجعني للبيت..
هز راسه بحنيه:من عيونـ..
سمع صوت رجال ثقيل:وش صـآير؟.
فز عبدالله وسحب نوره معه..
مشى بسرعه للباب الخلفي ودخلها..
ماعليها عبايه ولاشي يسترها..
لف وهو يشوف الرجال صاد عنهم وقريب من طارق ويكلم البنت.."سهام"..
عبدالله لف عليها ومسح على شعرها:جيبي عبايتس واغراضس ومشينا..
هزت راسها وتحس بصداع من البكا..
دخلت داخل وكانو البنـات موجودات..
قربت شادن منها وحضنتها مع جنب وبرجاء:طالبتك يانوره ماتروحين..
ببحه ردت:تعبـآنه..
مسكت جواهر يدها برجاء مشابه:امانه اقعدي وتعشي وبنسهر..
صالحه بابتسامه واثقه:ووعد مني ماتقابلين عمتي اللي رمت عليك كلام:)..
ناظرها الكل بحنق من طاري الحرمه وبلعت ريقها بصمت..
البنات يترجون وراسها صدع قالت بطفش:خلااص بقعد..
تعالت اصواتهم بفرح..
ناظرتهم بأستغراب لهدرجه يبونها تقعد؟.
حست بخطوات وراها شافت سهام جايه وتمشي بتعب عيونها وانفها محمره بعد ماهدت مناف وخلته يرتاح ويرجع مع طارق..
نوره بطيبه قامت تمشي لجهتها..
ناظرتها سهام ونزلت راسها وهي توقف..
حضنتها نوره بعمق وسهام المدهوشه ردت الحضن لها بألم نفسـي..
وبخاطرها..ياطيب قلبك يانوره..
همست بثقه وصدق:اسفـه..ووالله العظيم ان بكاي ماهوب عشان اخوتس والله انه عشان شي بقلبي..
ردت الهمس بهمس مشابهه:معذوره ماتنلامين..
تخصرت بعدم رضا:لاوالله؟.نبي نسمع وش قلتم..
ابتسمت سهام بتعب وهي تبعد:سـرر..
صالحه بأستنكار:الله اكبر يالاسرار..
شادن بابتسامه تقاطعهم:تعـآلو للمقلط نجلس..
مشو معها للمقلط..
ابتسمت نوره والبنات بتفاجئ..
طاوله خشبيه ارضيه..
موزعه حولها الخديديات..
وعلى الطاوله مشروبات وجلكسيات وشبسات..
جواهر تضم شادن بحب وسعاده:يننـصر دينك يابنت رواد..
ابتسمت شادن بغرور مصطنع:لاداعي لاداعي..
كلمت نوره عبدالله انها بتقعد..
ومرت ليلتهم حلوه..
ماتوقعو البنات تنحل السالفه كذا؟.

آأإاآأإاأاإآ آأإاآأإاأاإآ آأإاآأإاأاإآ آأإاآأإاأاإآ آأإاآأإاأاإآ

تنهد وهو يريح جسمه على الكرسي..
انتهى شغله على خير..
واليوم بفضل الله تشافى مريضين على يده..
ابتسم وهو يتذكر دموع الشاب الممتنه..
والشاب الثاني حضنه واجهش بالبكاء..
بعد سنين أليمـه تم علاجهم بفضل الله..
فرحتهم عانقت السما..
دق جوالـه ورفعه "ابــوي"..
رد ببحه:سم يبه.!
ابوه وهو مشغول:سم الله عدوك..متى تخلص؟.
عقد حواجبه وهو يعتدل بجلسته:خلصت..تآمرنـي بشي؟.
ابوه بهدؤ:انا وصلت ورايح للشركه ابيك تجيب اوراق من البيت تقدر؟.
قلت بعتب رقيق وانا اقوم واقف:وليه ماقلت لنا نفداك؟.
رد بابتسامه:ماله داعي يوم وجيت..
هزيت راسي وانا اقفل المكتب وراي:يلا انا طالع وش الاوراق؟.
..
سكرت من ابوي ورحت لسيـآرتـي..
حركت للبيـت وانا تعبـان..
بعد فترهه وقفت قدام البيت نزلت بهدوء وعطيت الحارس مفتاح السياره يدخلها الباركينق..
فتحت باب البيت ودخلت بهدؤ..
مريت على الصاله شفت فيصل جالس ومعه طلال:السلام عليكم..
ردو السلام وسألت عن امي:نايمه..
هزيت راسي ورحت لفوق مستعجل..
دخلت غرفتـي تروشت على السريع ولبست ثوب ابيض ونزلت بعد ماخلصت..
دخلت مكتب ابوي وخذيت الاوراق..
طلعت ورجعت للصاله وهم على وضعهم..
طلال على الجوال وفيصل على التلفزيون:ترى ابوي رجع..
رفع طلال راسها بأستغراب:وليه ماقال لنا..
هزيت كتوفي:ماادري بس حبيت اعطيكم خبر..
واشرت بيدي لهم وانا اطلع..
..
حبيت راسها ويديه الثنتين نزلت على رجليه وحلف علي:والله ماتنزل.. لاتفجرني..
ناظرته بعتب وانا احب يده:وش فيها يبه..!
هز راسه برفض:سلامك وصل وانا ابوك..
نزلت الاوراق قدامه:هذي هي نفدا خشمك..
ابتسم وهو ياخذها ويتفحصها:تسلم ياحمد ماقصرت..
اندق الباب ورفع ابوي صوته:تعـال..
دخل عبد العزيز وفواز..
وسلمو على ابوي:ماشالله وش عرفكم اني جيت..
عزيز وهو يجلس:فيصل دق علي وعلمني..
جلست على الكنب بهدؤ:اي انا معلمه هو وطلال.
بعد مواضيع عن سفرة ابوي..
فواز جلس على حافة المكتب وقال وهو يتشاغل بالأقلام:يبه سمعت اخر خبر؟.
ناظرناه كلنا بأستغراب؟.
قال ابوي:وشهو؟.
ابتسم نصف ابتسامه:بنتك ماتخرجت..
ناظرته ببرود:بـس.!
هز راسه بـ اي:احسب عنده سالفه..
لف على ابوي:تقول سحبت سنه:)..
رفع ابوي حاجب بهدؤ:اليووم بتفـآهم معها..
فواز بسرعه:وانا ابي اكلمها..
كنت ادري ان فواز ماقال سالفة الدراسه من طناخه..
كان يبي يوصل لهالنقطه..
رد ابوي بحزم:انا اتفاهم معها..
عزيز بجمود:وانا لي كلام معها..
ابوي بحزم حاد:قلت انا بتفاهم لاحدن يتدخل..
فواز بعصبيه:يبـه تفاهم معها بس ابي اكلمها انا..
قلت بحده:ولـد تكلم عدل..
استغفر ربه وهو يقوم ويجلس على الكنب..
..40دقيقه مرت ماحسينا فيها..
قام ابوي بعد ماانها النقاش بحزم..
وواضح عليه التعب..
رجعنا كلنا للبيت الساعه صارت 11 الظهر..
..
كان الغدا مبكر فتغدينا كلنا الا الجازي وسالم..
تكلم ابوي:وينها الجازي؟.
قالت امي:مابعد عودتت..
ناظرت ابوي وش يبي فيها؟
ودي هالساعه يجيني خبر موتهـآ ونرتـآح..
قال حمد ببرود:عسآها ماجات..
بهمس قلت:امين..
نهرته امي بغضب:استغــفر ياللي ماتخاف ربك تدعي على اختك؟.
مال راسه وهمس لأمي وهو يستغفر..ههههه
ناظرته امي بحنق وطنشته..
نادانـي ابـوي:عـزيـز..
رفعت راسي له:لبـيه؟.
بأمر تكلم:اكل بدل التأمل بوجيهنا..
سكتت استوعب كلامه بعدين ضحكت واخواني معي:مشتاق لك يبه واتأملك..
ابتسم بسكون وماعلق..
خلصنا الغدا وكلن توزع..
ابوي راح ينام وامي مع اخواني بالصاله..
رحت لغرفتي ودقيت اتصال سريع وانا انسدح:مرحبا..
:...
بحذر متوجس سألت:وينكم؟.
:....
عقدت حواجبي وجلست معتدل:نعـم!.وليه ان شاء الله؟..
:..
:خلاص مع السلامه..
سكرت ودقيت على رقمها وعفاريت فوق راسي..
مسك الخط وماعطيتها مجال وبحده:خـيير ان شاءالله؟..من سمح لتس تسرحين وين ماتبين؟.
ببرود مستفز ردت بأختصار:مالك دخـل..
فتح عيون مستنكر ردها..!
وصرخ:نعـــم ماسمعت!.
عادت وهي تمد بكلامها تقهره:مــــالـــك دخــــل..
انتفض من الغضب وهو يصارخ:ويمين الله خمس دقايق مالقيتس مزروعه تحت ان اتفاهم معتس بطريقتي..
كل البرود اللي ماهو وقته اجتمع فيها وبأستفزاز:وانا قلت لك ماااللكككك دخخخلللل فريح راسك لان رجعه ماني راجعه الا على المغرب اوك؟.وبابتسامه وصوت رايق:وعلى فكره ماحدن حطك ولي امري يابوالعز فاركد مكانك وانااختك..
جن جنونه من طريقة كلامها..
وبصوت مبحوح من الغضب همس بفحيح وصل لمسامعها ورساله وصلتها بأنه بحالة ثوران..
:طيب طيب يابنت ابوتس بتندمين..وسكر الجوال بوجهها..
فز واقف ووجهه محمر من الغضب وقهر من اسلوبها..
فتح ازرار قميصه ورماه على الكنب بأهمال خذا قميص ثاني لونه اسود ولبس بنطلون ابيض على السريع وهو يشتمها بغضب..
سحب جواله ومفاتيحه وطلع بسرعة البرق..
..
فز واقف وقطع سوالفه مع امه الصوت الهايج طلع من باب الصاله وشاف عبدالعزيز ينزل وحوله هالة غضب جامح..
مانطق وهو يتأمله يمر من قدامه ويطلع ويسكر الباب وراه بأقوى ماعنده..
شهقت ام صالح برعب وهي تقوم:وش صاير..
رجع طلال لداخل وهو يمسح على شعره:عزيز كنه ثور هايج..
امه بأستغراب وخوف:ليه.!
هز كتوفه بمعنى ماادري..
ناظر اخوانه اللي يتقهوون بلامبالاه..
وهواجيس داخله تطري ان الجازي سبب هيجانه..
رجعت امه وجلست وهي تستغفر:استغفرالله استغفرالله واتوب اليه..
جلس جنبهـآ ومد يده لفنجال القهوه اللي ماكمله..
رشف منه وعيونه على الفراغ بتفكير..
اذا الجازي السبب فـ وش مسويه؟.
وياخوفي يذبحها وهو بعز عصبيته..
لاحول الله ماترتاح الا اذا تناشبت وجرت مصايبها معها..
اللله يعين عليها ان كانها من صغرها مصيبه..
انتبه من سرحانه لصوت امه:دق على الحرس يشوفون وين اختك ماترد علي..
ناظرتها للحظات ثم سحبت جوالي من جيبي ودقيت عليهم..
بعد رنه جاني الرد:وينكـم؟.
:...
هزيت راسي بتفهم:اهاه طيب..
:....
:اوك..سلام عليكم..
لفيت على امي بعد ماسكرت:راحو لبيت ابوعزام..
ارتخت ملامحها وابتسمت:زيين..

آأإاآأإاأاإآ آأإاآأإاأاإآ آأإاآأإاأاإآ آأإاآأإاأاإآ آأإاآأإاأاإآ

"طيب وش حادك على الشقى؟"
لفت عليها ببرود:انشغلي بكذبه جديده وخليس مني..
ارخت هدب عينها بأحراج:وربـ..
قاطعتها بحده:ماهو وقته..
سكتت وتحس بغصه..ماتحب اسلوبها كذا..
موب هي اللي رفضت..
اسندت راسها على الشباك وشبكت ايديها ببعض..
وعيونها معلقه لبرا وسرحت بهم يخالط اعماقها..
راحت للماضي لأيام حنت لها..
تذكر تجمعهم وضحكهم وهوشاتهم وفزعاتهم..
على طاري الفزعه تذكرت هوشتهم..
بثاني ثانوي..
تلهث من الركض:نـ نـوف تتهـ تتهاوش..
فزت الجازي ومشاعل وحصه مع بعض:نعــــم!.
مها تأشر لورا:الحقووووووو..
راحو بسرعه للساحه الخارجيه..
نوف فوق بنت بثالث ثنوي..
وتشد شعرها بقوه:اياالخسيسه ماتربيتي انتي..
صرخت بوجع وقهر:ابعدي ياحقيررهه ابعدووهـاااا..
نوف وتحس عروق راسها تنبض ألم وقهر صرخت وهي تلكمها بكفها:والله ماابعد الا ودمك يسيل..
فتحت نوف عيونها بوجع عميق وهي تحس باللي تشد شعرها..
رفعت عينها وكانت بنت عطتها كف وهي تسحبها:انتي وحش؟.
طاحت نوف على ظهرها بألم وفزت البنت الطايحه ورفستها تتنتقم:تستاهلين يالمهايطــ..انبترت عبارتها وهي تحس بالوحش اللي هجم عليها وكانت الجازي ضرربتها بحرقة قلب وشكل نوف وملامحها المتوجعه ينعاد ببالها..
تضربها ومع كل ضربه تشتم بعمق قلبها وقهر..
مها جلست عند نوف بخوف وهي تشوف وجهها مجروح:يوجعك شي؟.
جلست نوف واستندت بأيديها بتعب وهي تتنفس بسرعه..
ناظرت الجازي وكيف حصه ومشاعل يسحبونها من البنت..
ساعدتها مها تقوم بصعوبه..
بعد ربع ساعه هدى الوضع..
وكانو جالسين بالاداره..
تم استدعاء اولياء الامـ..
فاقت من سرحانها على يد انحطت على كتفها:انزلي.
قالتها الجازي وهي تفتح الباب وتنزل ووراها اديل..
تنهدت من الجاي وهي تنزل..
دخلو البيت كان عزام بالصاله مع امه ونوف..
فز واقف وهو يدخل جواله بجيبه بعد ماقالت مها له:عزام ترى الجازي معـي..
طلع مع باب الصاله وشافها واقفه بأستقامه ومعها اديل..
تكلم بشبه ابتسامـه وهو صاد:هلا والله اخبارك يابنت مطلق؟.
ردت بهدؤ يغلفه البرود والرسميه وعينها شاخصه على الفراغ:ماعلي خلاف..عساك بخير ياولد خزام؟.
رد بهدوء وهو يمسح على عوارضه ويمشي للدرج:نشكر الله..واختفى رايح..
دخلت للصاله وهي تنزل نقابها..
ابتسمت وهي تسلم على ام عزام..
ثم سلمت على نوف بنظره وعيد..
بعد الاخذ والعطا..
تكلمت بجديه وحده مغلفه بالبرود:وبعدين مع دراسة نوف؟.
الكــل سكـت..
كملت بنبره حازمه:وانا لي اسبوع اسالكم وتقولون تداوم..طلعتم تلعبون علي؟.
اخذت مها نفس:اسمـ..
مدت يدها برفض:اسكتي انتي بالذات..
نزلت مها عينها للارض بجرح..
تكلمت ام عزام وطريقة الجازي مااعجبتها:اظن الدراسه دراسة نوف ماهيب انتي..
رفعت حاجب ولفت عليها:مااختلفنا..بس انا كم مره سألتكم؟؟.
ردت ام عزام:اكثر من مره..
هزت راسها:وليه كذبتم؟.
ردت ببساطه:عشان ماتنشبين..
بحده تكلمت:ومادامها ماراحت للجامعه ليه مادرست عن بعد؟.
:مـ ـابـ ـ ـي اد ـ ر ـس..قالتها نوف بأختناق..
الجازي لفت عليها وعين نوف بعينها:ليـــش؟.
جاوبت مها:ماترتاح..
هزت الجازي راسها وهي تشوف ام عزام تطلع:اهاه..اخذت نفس الموضوع لازم ينحل بروقان..
قلت بهدؤ:طيب انتي تتعالجين حالياً وماشالله نطقتي كلها كم شهر وتصيرين غزال.
قلب وجه مها لالوان..
ناظرتها بشك:وش فيتس..
بلعت ريقها بصعوبه وهي ترمش..
الجازي وهي فطينه لقطتها..
غمضت عيوني احاول اكذب هواجيسي..
بحده واضحه هتفت:نوف تتعالجين؟.
صــــمـــت يعطي الأجابه..
قلت بقل صبر وانا شاده على يدي:تتعالجين؟.
مها بأستسلام:لا..
يارب اسألك الصبر من عندك..
يارب الهمني العقل..
زفرت هوا حار:انا ماالعب..
مها بعحز:وحنا مانلعب..نوف ماتعالجت من ثلاث سنين بس اول خمس شهور وقطعنا العلـ..
انخرست من الصرخه الغاضبه:احـــلـــفـــي؟.
راسي بينفجر مصدومه..
راحت من عمرها ثلاث سنين ماتعالجت..
لو كانت تتعالج اكيد الحين متعافيه..
تنفسي صار اسرع والحرقه بداخلي تزود قلت بغضب ماني قادره اتحكم به:ثلاث سنين ماتعالجت فيها؟؟وينكم ثلاث سنين تموت قدامكم وانتم تتأملونها تذبل..لاتتحرك ولاتتكلم ولاتروح ولاتجي وفوق هذا ماتتعالج..اشتد صوتي بغضب جامح يصعب كتمانه وقهر يحرق روحي:وانا الغبيه اللي مصدقه انها تكلمت من العلاج..ضربت صدري بقهر:طلعت ماتحركت..طلعت ماتتعالج..ناظرت بناريه مها اللي تنزل دموعها:من جيت اسألتس عن التقارير واقول وش صار وتلعبين علي!.
:طيب بطنش الدراسه مع ان مفروض درست عن بعد وش سالفة علاجهاا...صرخت بقهر وحقد:ممكن تعطـــوونـــي سببب واااحد بسس؟؟؟؟.
••••••••••
:واللله ماترووح..
تنفس بسرعه:ناصر..
ناصر دفني وبحده:عزيززز قلت لك لاتروح عند ابو عزام خلاص مابه الا خير..لاتفضحنا.
تنهدت واحس بنفجر ومشيت لسيارتي:خلاص مانيب برايحن لها عساها بحريقه..
••••••

..يتبــع..


نبض اسوود ©؛°¨غرامي نشيط¨°؛©

صرخت بقهر وحقد:ممكن تعطـــوونـــي سببب واااحد بسس؟؟؟؟.
تنفست بسرعه وعيوني محمره..
ماهي مصدقه..
كانت متأمله بأستجابة نوف للعلاح..
متأمله ان نوف بترجع مثل قبل..
متأمله ان اوجاعهم بتخف..
املها وفرحتها انذبحت بقسوه..
ليه مكتوب عليها الخذلان والكسران؟.
كبتت دموعها بحسره بجوفها..
نوف من صغرها تعرفها..
اختها الي ماجابتها امها..
كيف صار كذا كيف..
ايه انا السبب..
لو مارحت..لوقعدت وتابعت علاجها..
كان تعافت كان هي سليمه الحين..
شديت شعري بقهرر بس انا رحت عشان نفسي
خليتهم يتعذبون عشان انقذ روحي..
ياارربببببببببب ارحمني يارب..
احس بكتمه وكلام حصه انعاد علي..
..
بصراخ مقهور بلا وعي""انتي بكامل عقلتس؟؟..وش جابتس بعد هالسنين..عددت بأصابعها:ليلى ومشاعل ونوف وانا ومها وياسمين واهلهم ماحدن سلم من شرتس؟حتى خااالــك ماارتاح منتس مصايب وراتس وترمينهااااا على النااسس خافيي ربتس محدن يبيس..رفعت يدها ودموعها نزلت بوجع:ثلاث سنين نذر انها اطيب سنين مرت علي..اشرت حولها:راحهه من فرقاس يافرحه ماتمت""
رفعت عيوني وبحسره تكلمت:وش السبب اللي وقـف العلاج؟.
رفعت مها راسها كطفله ومدت كفوفها تمسح دموعها:نوف تعبت وماعادت تاكل وماتبي تتعالج..ناظرت نوف وكملت:ابوي وهو يشوف حالها قال نوقفه..بلعت غصتها:عارضت انا وعزام وامي بس ابوي ماعطانا وجه كان يبكي اذا بكت..ماقدرت عليه ووقفناه..ودفنت يدها بكفوفها وانتحبت بوجع..
رفعت عيني لنوف الي الدموع ملت وجهها..
وبعيونها انكسار ووجع..
اخذت نفس وبقسوه تكلمت:دموع التماسيح ماابيها..ناظرت نوف بحده:والعلاج بتتعالجين..
ماردت ونزلت نظرها لتحت..
زفرت وانا افتح اول ازرار القميص..
لفيت لأديل الصنم: Pulvérisateur..{البخاخ}..
سحبت شنطتها بسرعه وطلعته لي..
بخيت منه مرتين وانا اضبط نفسي..
قربت مني مها وهي تشهق ببكا:الجازي..وش فيك.!
ضربت على الكنب جنبي:مافيه شي..كتمه وبتروح..
بعد فتره سكتت مها وهدينا كلنا..
جابت الخدامه القهوه والشاهي ومكسرات وحلا..
قمت وتربعت على الارض:تعالي مهاوي اجلسي..
قربت مني وجلست مقابلتني وتصب القهوه..
رفعت عيوني لنوف:قهوه؟.
همست بـ لا..
خذيت فنجالي من مها وقمت اقهوي نوف ماعلي منها اعرف انها ميته على القهوه..
قلت بهدؤ:الحين نتفاهم على علاجك ثم دراستك..
وناظرتهم بغيض وقهر..
حرام عليهم ثلاث سنين وينهم فيه..
اهخ بس بتبقى حسره بقلبي..
مها هزت راسها بـ اي:تبين التقارير..
وفزت تجيبها قبل ارد..
..
قلبت بالاوراق ووصل قهري حده..
مكتوب ان حالتها كانت متماثله للشفا والحين قلبت..
رميت الاوراق قدامي وانا ازفر بحراره..
..
بعــد ساعه..
..
قمت واقفه وبتحذير:نفس كلامي تقولين لأبوتس..
هزت واسها وهي تجمع الاوراق..
انتهت سالفة العلاج وكلمت المستشفى وحجزنا موعد..
كل شي تمام حالياً..
والحين بطلع بعد مادقت امي تقول ابوي يبيني الله يستر..
كان صوتها هادي ووراه سالفه ماهيب طيبه..
راسي مصدع وللان مقهوره من نوف..
ودموعها من جلست وهي ماوقفت..
تكسرني دموعها وتدمر قلبي..
نوف اللي تصعب دمعتها تنزل صارت ماتفارق خدها..
اهخ ياوجدي لحالتس يابنت الغانــم..
متأكده ميه بالميه ابوي يبيني بسالفة الغيبه..
مانيب رايقه له.
يبي لي اجلس مع نفسي وارتاح..
انتبهت لأننا وصلنا نزلت من السياره متوجهه لداخل..
مريت على الصاله وكانت امي وصالح وسالم فيه..
سلمت وردو السلام الا صالح..
كأن مالي وجود..حتى ماناظرني..
تجاهلت وانا اسلم على امي:روحي لأبوتس قبل يعصب..
افف استغفرالله..
:طيب..قلتها وانا الف طالعه..
رحت لغرفتي تروشت وبدلت لبسي على السريع..
ترنق بني محروق فضفاض..
شعري رافعته بشبيصه على فوق..{مشبك..هههه}
نزلت بهدؤ وجوالي بيدي..
شافني سالم واشر على مكتب ابوي الي صاد داخل البيت:روحي له توه داخل..
مشيت للمكتب بمشاعر متداخله..
دقيت الباب:تعـــــالـــــــي..
فتحته ودخلت:السلام عليكم..
رد بعد ماتنحنح:وعليكم السلام..
قربت وحبيت راسه ورجعت اجلس على الكنب:ادخل بسالفتك يابوصالح..
ناظرني بحده ورجع يناظر ورقه بيده..
تكتفت انتظره..
تأملت وجهه..
عيونه الحاده بلونها العسلي , خشمه الواقف , ملامحه الحاده الرجوليه , عوارضه المحدده , شعره الاسود الكثيف بالشيب الخفيف..
:مطوله تتأمليـن؟.
ابتسمت على خفيف:ابد خلصت..
اخذ نفس وتكلم بجديه:اجل بدخل فيها ع طول ..ثلاث سنين وين كنتي فيه؟.
غمضت عيوني وشديت على كفي..
ليه مصرين يعيدون معاناه عشتها لحـآلي..
:الجـــازي..قالها بحده..
فتحت عيونها بهدؤ وتكلمت ببرود تملكها:للأسف ماهو وقته..
رفع حاجب واتكى بيديه على الطاوله وسأل بحده وغضب:الجازي عينتس بعيني..
كانت صاده..ماتبيه يشوف الوجع اللي ارتسم من الذكرى..
تكلم مره ثانيه:انا ماسك اخوانس عنتس..حلفتهم مايقربونس..وبسخريه:لاتحسبينه خوف عليس الا عشان اعرف انا السالفه واتفاهم..عمتس ارسل لي انتس كنتي عنده..سكت وهو يشوفها تلتفت عليه بعنف بعدين كمل:اشرحي سالفتس؟.عمس بفرنسا..وبشك:متفقه معه يحميس..!
انتفضت بغضب:يحميني من وش؟؟.شايفني مسويه غلط عشـــان يحمينـــــي؟؟؟؟.
صرخ بغضب مشابهه:انكتمــــي..
رجعت تجلس وهي تمسح وجهها بغضب من عمها اللي بيخرب كل شي..
تكلم ابوها وهو يكبت غضبه:تكلمي وش صار تحكي ياالجازي..
ناظرته بغضب اسوود:لا ولا ولا والله مااقول حرف واحد لاتتعب نفسك..دقت بأصبعها على الطاوله بزمجره:وسالفة وين كنت مالكم دخل فيها..بصرخه وجع:لانك انت طردتني..
رفع يده ونزلها بقوته على خدها..
التف وجهها بعنف للجهه الثانيه..
حست راسها ارتج من الألم..
وصداعها زاد بقوه..
لفت عليه بوجع وهي تنتفض بأنفعال غاضب:اضرب اضرب يبـه ماشبعت من ضربك قبل اضرب كمل ولاتقصر..ضربت صدرها بوجع:لاني ماعاد احس تفهههمممم؟؟ماعاد احس ماعاد يهمني شيي..
زمجر بغضب مشابه وهو يفز واقف


نبض اسوود ©؛°¨غرامي نشيط¨°؛©

زمجر بغضب مشابه وهو يفز واقف:اياقليله الاصل يالي ماعرفت اربيس..
مد يده وشد شعرها حتى جات قدامه وهزها بعنف مع شعرها بدون رحمه:ترفعين صوتس علي يالعاصـــي؟؟؟؟
تكلمت بألم تجرعته سنين:انت الي تحد الواحد يرفع صوتــ..سكتها كف ثاني اقوى من الي قبل:ولااحررف يالداشره..
صرخت بجنون من كلمته الي تفجر داخلها قنابل تحرقها:ماني داشــــــره تفهـــــم مــــاني ضايعـــه ولابايعـــه نفــسي عشان تكلمنـــي كــذآآآآ..
زاد بشده لشعرها وبيده الثانيه مسك فكها بعنف وصرخ:الا دآآشره وخاينه.. تنكرين انتس مغازله شباب؟؟تنكرين انس طالعه مع واحد وشافس صالح؟.تنكرين التسجيل الي سمعته بأذني..صرخ بوجع اب مطعون ودمعته بعينه وباقي شاد عليها:وش كان ناقصس عشان تروحين لهالطريق..ضربها كف حار وهو يكمل ببحه:وش ناقصس؟ علمينــــي؟ربيتس مثثثل نورررهه واكثررر حطيت عليييس امآآآآل وثققه هذيي آخرتههاااااا؟؟؟..
صرخت بوجع وهي ترجف من شناعة الموقف كل حرف يرمي معه ذكريات تجرعتها بمراره:بسس بسس فكني ابععددد عنييي ابعدددد..
ابوها مارحمها وهو يرميها على الكنب بعنف..
حست ظهرها انكسر من الرميه..
سحب عصاه وبتهديد وهو يتجاهل الدق الي على الباب وعياله وزوجته ينادونه:تكلميي لا اكسرها عليتس..
صرخت بجنون والغضب يستحوذها وتأشر بتهديد مشابه:اضرب اضررب ماراااح تعرررررفف شييي تفهمممم والله ثم والله ثم والله لو تضربني بالسوط ماانطق حرف وااحدد..
صفقها بقهر..وضربها بعصاه على وجهها بلارحمه وهي شهقت بألم..
بصراخ مجنون:اجل تعترفين انتس هايته هالسنين كلها..
ردت بصراخ وألم وجهها وراسها وظهرها ونفسيتها اجتمعت:انتت ماعنددك الا هالسيررهه.!!!
تنفس وهو يشوف وجهها الي رفعته له..
كان محمر واثار يده مطبعه..
ومن خدها لنص رقبتها آثـآر عصاه..
حس بألم من منظرها بس طرده وهو يسمع كلامها..
قبل يعطي ردة فعل..
انفتح الباب بقوه ودخل فهد بسرعه..
قرب وهو يسحب ابوه لورا وبرجاء:يبه نفداك تعوذ من ابليس..انا بتفاهم معها لو تبيني اذبحها ذبحتها بس لايرتفع ضغطك الحين..
ارتجفت بألم وحزن عميق..
طيب وهـــي؟.مايخاف عليهــآ.!.فيها قلب ويضربها وذا يبي يذبحها..
لف فهد عليها وانصدم من وجهها بس طنش وهو يهتف بغضب:روحي لغرفتس..
فزت واقفه ترمي اوجآعها..
ماهو وقت التوجاع والحزن..
رفعت راسها وناظرتهم واحد واحد ورجعت لأبوها بتحدي ووقاحه:قسم بالله ماتعرف شي لو تنط لسما وتنزل ماانطق..فريح نفسك..وبسخريه لاذعه تقلد فهد:لايرتفع ضغطك..
ابوها زمجر بغضب وصراخ مفجع وهو يدف فهد:قوليي امين الله ياخذتس يالي ماتربيتييي ياكلببببه..فكنيي يافهددد فكنييي..
فهد ماعطاه مجال وصرخ بغضب عليها:روحي لغرفتس يالبقره انقلعي اخلصي علي..
سحبت جوالها الي بالارض وناظرته بحده وهي تطلع:انكتم انت الثانـي..
تنرفز بس طنشها وهو يجلس ابوه:تعوذ من ابليس..لف لفيصل الواقف:جب له ماء وباندول..
مسح على وجهه بقهر:حسبي الله عليها ان كانها عار علي وفضيحه..
شهقت ام صالح بفجعه:مطلق وش ذا الحكي؟.
قال بنرفزه:وبتكذبيني بعد؟.انتي ماعرفتي تربينها انا اعيد تربيتها..
ناظرته بقهر وسحبها فيصل لتجي هوشه ثانيه..
..
مشت بسرعه لفوق وخطواتها الغاضبه اعطت انذار لكل من قابلها على الدرج..
سكرت باب غرفتها بقوه..
رمت الشبيصه الي انكسرت..
رفعت ايديها الثنتين لراسها الي ينبض بألم..
شدت علي بقوه وتحس دماغها بينفجر من الوجع..
طاحت جالسه ودموعها تنزل بضعف..
همست بألم وانين:لا اله الا الله بسم الله بسم الله يارب ارحمني..غمضت عيونها وهي شبه ساجده بوجع وانين:اااااه اااه يارب اااه استغفرالله يارب ااه..شهقت ببكا ووجعها يزيد:ياربي ارحمني يارب..
ماعادت تحس بنفسها.
صار انينها يرتفع وجسمها يزيد انتفاض..
وماعلى السانهـآ الا:يــــآرب..
الم فضيع والدم ينزف..
يارب سامحني يارب..
معقوله لاني رفعت صوتي على ابوي:يارب اااااااااااه...
آأإاآأإاأاإآ آأإاآأإاأاإآ آأإاآأإاأاإآ آأإاآأإاأاإآ آأإاآأإاأاإآ
بالمجـلس..
عصب من زنته:مشعل وربي واصله معي..
مشعل بطفش:ياخي اشغلتنا بنفسيتك ذي وانا اتراجاك من الليل نطلع..
لف عليه بنرفزه:اطلع احد ماسكك؟.
تنرفز مشعل مثله:اطلع لحالي؟.
مارد وهو يرجع لجواله:لاتشغلني يامشعــل..
نزل فنجاله بقهر وهو يقوم:اجل تبطي اكلمك مره ثانيه..وطلع بسرعه وعصبيه..
ابتسم الجـالس بجاذبيه وماعلق وهو يرجع ينشغل بجواله..
..
مشى معصب وهو يسب برفيقه..
:اااه عــــمـــــى..
رجع على ورا بعد ماصدم فيها بقوه..
طاحت على الارض وهو للان مااستوعب..
بعدين شافها تقوم وتنفض عباياتها..
عرفها من صوتها وعيونها الرماديه وبلكاعه هتف:يوه شغاله جديده لعمي.!
فتحت عيونها بأستنكار:وقـــح..!
ضحك بصخابه وهو يضرب بيده على كتفها بعفويه..
بس ضربته كسرتها:اه مشعــل ووجع وش ذا اليد؟.
بعدين استوعبت حاجه:خيرر!.تلمسني؟.
طارت ضحكته وناظرها بأستنكار كاذب:لمستس؟.من قال.
مسحت على كتفها بألم:حمار..
ضحك ومشى لسيارته:حساسه ههههههههههههههه..
شوفتها تغير مزاجه وتروقه..
هزت راسها بعجز ولفت لورا وهي تسمع تعليق اختها الساخر:ياااه عصافير حب..
قالت بأستنكار:وييي وش حبه يالوصخه..!
ضحكت وهي تقرب ماشيه للبيت:اطقطق ياختي..
ناظرتها بأستصغار ومشت داخله..
..
فزت اول ماشافتهم داخلين وهي ترمي جوالها ع الكنب:هلااا هلااا بالمزايين هلااا..
ابتسمت لها وسلمت عليها..
واختها بعدها..
جلست وسألت وعيونها تدور بالمكان:اقول فدوى وين امتس؟.
ردت فدوى وهي تقهويهم:طالعه مع خالتي..
همهمت كأجابه وهي تتناول الفنجال بكفها الايمن..
:وعمي وينه؟.
لفت فدوى على الثانيه:الظاهر انه بالمجلس مع خيو و..ابتسمت بخبث:وحبيب القلب معهم..
ناظرتها بابتسامه تحولت لضحكه:هههههههه مدري ليه تحسبون موضوع مشعل يحرجني..!
فدوى رفعت حاجب:لانتس ياحلوه خلقه ماتستحين..وناظرت الثانيه:اختس ذي وجهها مغسول بمرق..مخطوبه له وكنها خويه..
صرخت عليها بغيض:وجع فدوى ترى اذبحتس..
ضحكو الثنتين وهي متنرفزه..
مشعل ولد عمها وخطيبها..
من هم صغار ومناقرين بعض..
وخطبها ووافقت عليه..
الكل يحسبها ماتستحي من طاريه ولايهمها..
والحقيقه ان اسمه يقلبها وينرفزها فكيف لو شافتهـه..؟!
حيــآها يطلع بعصبيـتهـآ..
:سديموووووووووههه..
فزت سديم من سرحانها برعب:بسم الله..
اختها بعصبيه وضحكه:خلاص درينا انتس مخطوبه وسرحانه بحب حياتس وبشهر العسل الي بيجي بس اع..
قاطعها صرخة سديم:وجع غزل قسم بالله ان تندمين لو نطقتي حرف واحد..
سكتت غزل من الهجوم وناظرت فدوى الي فاطسه ضحك..
تنرفزت سديم منها:انطمي انتي الثانيه..
خذت فدوى نفس وزفرته وهي تبتسم:اعصابس طيب..!
..بعد القهوه والسوالف الي مالها هدف..
فدوى بأقتراح:نطلع للسوق؟.
كشرت سديم:لا سماجه..
فدوى:نروح لكافي؟.
سديم بدون نفس:تونا متقهوين..
فدوى متابعه تقترح:طيب تبون نسبح؟.
سديم برفض:اسفه ماهو وقته..
فدوى بنرفزه:اجل عطينا فكره يام الافكار..
ناظرتها سديم بغرور وحطت رجل على رجل:مطعم..
فزت غزل بحماس:اي اي مطعم مشتهيه بيتزاا..
هزت راسها بموافقه:اوك..وقامت واقفه:اقول لذيب يجيب لنا..
سحبت غزل جوالها بيد ويدها الثانيه جلست فدوى:بنطلب من الجوال..
فدوى بتردد:اخاف يعصب.
ماعطتها مجال وعي تدق وتطلب لهم..
راحت فدوى تجهز المشروب والجلسه..
نص ساعه ودق جوال غزل..
سحبت عباياتها ولبستها وخذت طرحتها والفلوس:بروح اجيب الاكل..
هزت سديم راسها بدون رد وهي مندمجه مع التلفزيون..
غزل وهي تمشي برا الصاله:ترا ماهم عارضين صورة مشعل..
ابتسمت سديم على تعليق اختها وماردت..
..
مشت طالعه بخطوات هاديه..
لفت طرحتها وتلثمت بها..
فتحت الباب..
بـــــس..!
ارتعش جسمها من الصوت الحاد ببحه رجوليه:بــــنـــت..
لفت غزل بسرعه لجهته..
جسم رياضي بثوب رمادي..
ملامح هاديه وسيمه..
وصوته الخشن كافي يربكها:وش تسوين..
بربكه:بـاخذ الطلب..
رفع حاجب بأستنكار:طلب وش؟.
:المطعم.
تقدم وتراجعت لورا وهو يفتح الباب ويطلع..
شاف شاب سعودي معه جواله ينتظر:ولــد..
لف الشاب بانتباه وتكلم:طالبين من مطعم..
هز راسه بـ اي..
تقدم الشاب للسياره واخذ طلباتهم ورجع له وهو يمدها:كم حسابك؟.
رد بهدؤ:290..
هز راسه بأيجاب ورجع داخل شافها واقفه نزل الاكل على طاوله مربعه..
غزل بربكه مدت الفلوس:هـاك..
ناظرها بسكون وطلع للعامل مطنش يدها..
تنرفزت منه ونزلت يدها بقهر..
حاسب الشاب ورجع داخل شافها تاخذ الاكل وتمشي داخله وباين انها متنرفزه:مره ثانيه اذا بالبيت رجال ماتطلبون من وراه..
قالها بجمود وحده..
وقفت لحظات ومشت بدون رد..
رجع ماشي للمجلس ماله نفس بالطلعه بس شافها وهو طالع يغسل واقفه عند الباب..
..
نزلته على الطاوله وهي تردح:اخوتس ذا شايفن نفسه..
رفعت فدوى حواجبها بأستنكار:حشى وش صاير؟.

آأإاآأإاأاإآ آأإاآأإاأاإآ آأإاآأإاأاإآ آأإاآأإاأاإآ آأإاآأإاأاإآ
بعــــد يومـــين..
يوم الثـــلاثــاء..
..
:هــــــدددديـــــــل..
فزت هديل على الصرخه..
التفتت للباب بخوف ودقات قلبها وصلت المليون , وبصوت مهزوز:و وش فيه..
ابتسمت كاتمه ضحكتها:احسبتس خامده..
جلست بذعر على الكرسي ويدها على قلبها برجفه:حسبي الله عليتس احسب اهلي درو بالكلب..
بأستغراب قربت وعي تسكر الباب:كلب وش؟.
هديل بهمس:ولد زايد..
ارتخت ملامح البندري برحمه...
اه وش كثر مسوي لتس رعب..
رسمت ملامح العباطعه:اخلصي علي بس..تراه هو بيودينا للجامعه..
فزت هديل ومدت يدها تمسك شعرها:بنوووو..
ضحكت البندري وهي تتراجع:امزح امزح..وبعجله:يلاا ترا عمي ينتظرنا..
سحبت عباياتها ولبستها..
ونزلو طالعين..
هديل مشت للمطبخ:ياخذ قهوتي واجي..
هزت راسها بأيجـاب ومشت طالعه لبرا..
نزلت الكاس بعد ماشربتها بدقيقتين..
وطلعت لبرا وهي تتنقب..
ركبت البـاص وبميانه:صبحـكم الله بالخير..
جاتها الردود مختلفه من الكل..
جلست جنب البندري:متى تخلصين.!
ابتسمت البندري ووضحت ابتسامتها من عيونها:محاظرتين بس..:)
ردت لها الابتسامه واشرت بيدها:وانا وحده بس ياحبي..
كشرت البندري وهي تصد:خيانه..
ضحكت هديل بأنتصـآر..
:ضحكينا معتس..
لفت لهـآ:هلا ببنت مسفر خبري ماتداومين..
كشرت بنت مسفر:غصب عني..
هديل بهبال:يابنت الحلال افصلي وريحي نفستس..
هزت راسها بـ اي:الوكاد انه ذا الي بيصير..
نغزتها البندري بجنبها بدهشه:شوفي..!
لفت هديل للمكان الي تناظره البندري وابتسمت:اف شكله بيركب..
البنات اول ماوقف الباص عند علي ارتفعت تعليقاتهم:اووه الحب موجود..ياحظتس يابنو..الله يرزقني بخطيب اصبح بوجهه وانا رايحه للجامعه..
البندري ووجهها احمر:وجـع بنـ..سكتت وهي تشوفه يفتح الباب..
:عــــلي الزوج المــستقبــلي..همستها هديل بأذنها.
ورفعت صوتها:هلا والله بأخووي المزيون..
ابتسم علي بجاذبيه:هلابتس يالغلا..
هديل بلكاعه:ترى زوجتك معنا..
:ااااااااه..فزت هديل من قبصة بنو المقهوره..
علي تجاهل اول كلامها وبأستغراب مصطنع من صرختها:وش فيتس..؟
تكلم العــم الي مبتسم طول الوقت:هديل العقل وانا ابوتس..
هديل جلست جنب بنات مسفر الثنتين:زوجتك الحماره غارت اني دلعتك..
علي رفع عينه للمرايه وطاحت على البندري وهي تناظر هديل بناريه..
ابتسم وهو يصد لقدام:اعقلــي..
سكتت وهي راحمه البندري..
..
قال وهو يأشر:وقف هينا ياعم..
وقف مكان مايبي..
فتح الباب ونزل بس قبل كذا قال بابتسامه وهو صاد:سألتكم بالله خاصه هديل ماتقولون للبندري حرف ولاتحرجونها..وسكر الباب وهو يأشر لعمه بسلام..
ابتسمت البندري بأنتصار ممزوج بخجل..
رفعت عيونها للبنات الي كاتمين ضحكهم وماسكين السنتهم بالغصب عن التعليق..


نبض اسوود ©؛°¨غرامي نشيط¨°؛©

..
وقفو قدام الجامعه..

نزلو البنات كلهم..

ومشو مع بعض..

:بنات مسفر وبنت عيد وبنت سالم وبنات مفلح وبنات ناصر وبنات حمود..قالت تشرح لخويتها..

قالت بأعجاب:ماشالله كثار..

هزت راسها:وباقي بعد غيرهم بس الظاهر عندهم اوف..

قالت بتخيل:ليت حنا مثلهم..

اشرت: وشفتي هذيك هديل درست طب ست سنين وسحبت اخر سنه ورجعت الحين تكمل..

بدهشه:اماا ليه؟.

هزت كتوفها بمعنى مدري..
..
هديل جلست بالكافتريا وهي تتكلم بصعوبه:انا ماعندي..شي الحين..

جلسو بنات مسفر ومفلح الي ماعندهم شي..

والباقين راحو..

اخيراً الفرج..

ارتفع ضحكهم بكل مكان:ياويلي علي..هههههههههههههههههه وجههه هههههههه وجججحه البند خههههههههههه..ودخلت بنوبه ضحك..

كل الموجودين يناظرونهم بأستنكار..
..
شدت على يدها بقهر ومالفت:حقيرااااااتت..

بنت سالم ابتسمت:ماعليتس منهم خلهم يفطسون ضحك وعلمهم عند علي..

البندري وخدودها ورديه:لاتجيبين اسمه تكفين..

ضحكت ضحكه قصيره وهي تغير مسارها:اوك باي.

مشت البندري للقاعه وهي تلعب بخصلات شعرها وسرحانه..

:حـرررمم الاستااذ علييي..بصراخ قالتها..

زادت خطوات البندري وكل الانظار عليها..
همست بحقد:لعنه ومرض ووجع مزمن ياكلبه..

:يازووجة المزيوووونننن علياااان..

عضت شفتها بدون تلتفت..
شهقت من اليد الي سحبتني لغرفه جانبيه..

كأني بفلم.!

آأإاآأإاأاإآ آأإاآأإاأاإآ آأإاآأإاأاإآ آأإاآأإاأاإآ آأإاآأإاأاإآ

بفله مطــلــق..

نزلت بعباياتها وخطوات سريعه..

مشت للباب بدون تلتفت للي جالسين على الطاوله..

مطلق بعد ماشاف نظرة فهد:خلها تفكني من وجهها..

سكت فهد وهو يكمل فطوره..

اما حصه"ام صالح."ماعجبتها حركة الجازي..

تذكرت وش صار قبل يومين..
..
راحت لبنتها وهي خايفه عليها..

فهد طلع وابوهم بمكتبه معه صالح وفيصل بالصاله مع طلال..والباقين طالعين..

دقت الباب ماجاها رد..

لصقت بالباب تسمع وشهقت من الانين الواضح..

فتحته ودخلت برق وهي تشوف بنتها على السرير بعد ماقامت من الارض..

قربت منها:الجازي وش فيس بسم الله عليس..
ماجاها غير الانين..

مدت يدها تشوف راسها وشهقت بعنف من المنظر..
دخلت اديل على الشهقه..

شافت وضعية الجازي جالسه مستنده ع الجدار فوق السرير وايديها على راسها المدفون بين رجولها..

حطت يدها على فمها بصدمه..

نزلت بسرعه لتحت متوجهه للمطبخ..

صرخت على سلمى بأن راس الجازي يصب دم..

وسلمى خذت العويدي والادوات الاسعافيه..

رجعو طيران لفوق..

والعيال فزو من الصراخ..

دخلت سلمى الغرفه:وينها؟.

قربت وشافت راس الجازي ينزف وشكل غريب..

استنتجت ان الجازي مسويه عمـــليــه براسهـا..

بس وش السبـــب؟؟.

10دقايق..

ارتخت على مخدتها بتعب ووجه شاحب راسها ملفوف بشاش وامها تمسح على وجهها وتقرا القران..

فيصل بشفقه يناظرها ووده يسأل وش سالفة الي براسها بس ماهو وقته..

اما طلال مسح على وجهه وهو يقوم طالع..

تذكر حصه اول ماعلمت مطلق تبيه يحس بالذنب بس
صعقها برده البارد:خليها قليل بحقها..وبهمس مسموع:ليتها ماتت..
..
مسحت دمعه قبل احد يشوفها وكملت فطورها..
..
ركبت السياره بعجله:يلاا تأخررت..

حركت بسرعه للجامعه..

دقيت ع مها وكانت موجوده.

دقيت على البنات وفيه الجاي والي عنده اوف.

بعد فتره وصلت ونزلت على عجله..

اديل نايمه ههههههههه احسن ماقومتها..

سلمت على مها والبنات الي توهم داخلين..

وكلها دقايق وتفرقو لقاعاتهم..
..
مها وهي تمشي للكافتريا مع الجازي:اي احسها متقبله..

ابتسمت:اذا مهوب بالطيب تتقبل بالغصب.

ناظرتها بحنق:حرااام عليك..

ردت ببرود:مها لو نتكلم بالموضوع ذا انا الرابحه فاختصريها وانهي السالفه..

سكت وهي الصادقه غلط كبير ضياع دراسة وعلاج نوف هالسنين..

كلام الجازي ومحاظرتها ذاك اليوم لي ولأمي ولنوف ذكرني بشي كنت غافله عنه..

انا ماكان عندي امل بحركة نوف..

فما اهتميت..مادري وش جاني بس كأن حاجز غطا على عيوني..

عزام حاول وحاول وابوي ماسمح له..

حتى استسلم وعصب ذاك اليوم..

ثلاث ايام مارجع.. الغلط راكبنا كلنا..

:وين رحتي يالاخت؟.

رفعت راسي لها وابتسمت وانا اجلس:معك..

قالت بتعب:بموت من الجوع ماافطرت لاني متأخره..ورفعت معصمها تشوف الساعه:وش تبين.!

هزيت راسي:عصير بس..

راحت تطلب وانا ارتخيت على الطاوله اتأملها..

شعرها هالمره مفكوك وملفلف ماخذه خصلتين من قدام ورابطتهم على ورا..

الشاش الي كان عليها فكته..

للان مقهوره من ابوها الكـ..سكتت مقدر اسبه لانه مثل ابوي..

كملت تأمل لشعرها سواده واضح وملفت..ماشالله تبارك الله..

ملامحها الحاده وعيونها السودا الغامضه..

تركيبه غريبه هالجازي..

عاشرتها كل عمري من كنت ام ثلاث سنين والجازي وحصه ونوف ومشاعل مع بعضنا..

طبعاً حنا جيران..

كنا نلعب بالشارع دايمن ماكان فينا وحده تحب العاب البنات ههههه..

اذكر جد الجازي يكره لعبنا بالشارع..
ويكره دفاشتنا ومشاكلنا..

مسميني المطفوقه والجازي العوبه..

نوف كانت ام عصاقيل هههههه لان لبسها مايعجبه..
وهي تعانده وتلبس الي يكرهه..

ومشاعل يناديها بأسمها ويحبهاا..

وحصه يتنرفز منها وهي ابليس بنظره..

اذا اجتمعت هي والجازي ياكافي افكارهم وخططهم وسوالفهم..

لعبنا وضحكنا ومشاكلنا وسوالفنا ومزحنا كللللهاا.

فـــــقـــــدتــــهـــــا..

:ليــــه تبكــيـن؟؟؟؟..قالتها بفجعه..!

ارتعشت وانا المس وجهي الي ملاه الدمع..
مسحت دموعي بخفه:سرحت.

جلست جنبي وهي تبعد شعري وتمسح عليه بحنيه:مهاوي متضايقه؟.احد قايل لتس شي؟.

هزيت راسي بـ لا:انتي وش تسوين هنا؟.

ابتسمت بأستغراب:اوزع صدقات..

ناظرتها بأستصغار فقالت:بالعقل يعني مخلصه محاظرتي وجايه اخذ لي شي يبرد على قلبي ولقيتس والدموع مغرقه وجهتس..

:مهاوي ليـــه تبكـــين؟؟؟؟..

ابتسمت لها قلت لكم نفس السوالف:سرحت بالايام الخوالي..

انمحت ابتسامتي وانا اشوف نظرات الجازي تتصادم مع حصه بجمود..

قامت حصه واقفه:انا رايحه..ومشت بدوون تلتفت..

ناظرت الجازي شفتها تجلسه وتنزل الاغراض ع الطاوله وبدون تنطق بدت تاكل..

خذيت عصيري وشربته وانا اتأملها تاكل..

ضحكت:هههههههه بشوي شوي ماهوب طاير..

ناظرتني بابتسامه وهي تشرب الكولا:الجوع ياعيوني..

رديت الابتسامه وانا اسأل:بتنزلين معي اليوم؟.

هزت راسها بـ لا:نون بروح للبيت خبرتس امي ولهانه علي هههههههههه..

ضحكت معها على خفيف..
•••
:سلمي على الحلوه وخالتي..

هزت راسها وهي تنزل:يوصل الله يسلمك..

اشرت لسوناي:locomotive.{تحركـي}..

وصلت بعد دقيقتين او اقل ونزلت وانا ارمي على سوناي كلمتين خلتها تضحك من قلب.

سرر ماراح اقوول..

فتحت الباب وانا انزل نقابي وطرحتي على اكتافي.

دخلت الصاله وشفت امي بعباياتها..

جاتني فكره غبيه..

قلت بدهشه:زعلاانه؟؟؟؟؟.

ناظرتني بأستغراب:وش؟.

قربت منها وجلست بعد ماحبيت راسها:ليه العبايه..
ببساطه ردت:طالعه..

اهااه..

وانا احسبها زعلانه من ابوي وبتروح لأهلها هههههه..

:وش يضحكتس..!

ابتسمت له:ولا شي..اقول يمه..

ماردت..

ناظرتها بأستغراب:يمااه..وش فيتس؟.

قالت بزعل:اليوم عاحبتس حركتس؟.

فتحت عيوني بأستنكار وانا اناظر فواز وسالم وطلال وارجع لها:وش سويت؟؟.

امي رفعت حاجب:سافهتنا اليوم الصبح لاسلام ولاكلام؟.

سكتت اتذكر ثم فزيت وانا احب راسها:ههههه جعلني فداتس نذر نذرته اني ماانتبهت..

ناظرتني بشك فقلت بصدق:والله العظيم اني مستعجله وحتى حظرت محاظرتين بدون فطور.

لانت ملامحها وبحنيه:جوعانه يامتس..

ابتسمت وانا العب بحواجبي لأخواني الي يناظرون كيف قلبت السالفه:لا كليت هناك..

هزت راسها:ان كانس تبين عيشه اقول لهم يسوون الغدا.

هزيت راسي برفض وانا صدق شبعانه:لا وربي بموت ان كليت لقمه..

مسحت على راسي:عاده يوجعس..

تذكرت الي صار وكشرت:لا..

انا نادمه لاني رفعت صوتي على ابوي بس ماكنت بوعيي..

وهو ماقصر وجع ضربه للان احس فيه..

طالعتها بتفحص:الا وين رايحه.!

ارتبكت ملامحها ومافاتتني:بزور لي وحده..

رفعت حاجب:من الاخير منهي هالوحده..

امي بتصريف:ماتعرفينها..وناظرت العيال:من بيوديني؟.

هه تحسب بسكت مسكت يدها:يمه اختصريها وقولي على وين..

ناظرتني للحظات..عرفت مافيه مهرب:لليلـى..

اهاهه:طيب!.وليه هالتصريفات كلها؟.

قالت بتردد:بتجين؟.

هزيت راسي بـ اي مع اني مابي اروح الحين بس بشوف وش سالفتهم..

امي برجاء:لا يامتس خالتس حالف ماتجين ولاتعتبين باب غرفتها..

ناظرتها لثواني..

ثـــم..

ضحكت بأستنكار:نعم!.حالف ماادخل غرفتها!.

تنهدت امي بعجز:فكينا من المشاكل..

امي تستهبل معي ولا وش سالفتها.!

يحلف مااررح لليلى!.

الفكره بكبرها خلتني افز..

فزيت واقفه بغضب:تستهبلين معي انتي واخوتس؟؟.

فواز بحده:قص لسان..تكلمي بأحترام..

امي رفعت عيونها لي:بخليتس تروحين لها بدون يدري بندر.

تكلمت بعصبيه وانا ارفع شعر عن وجهي:قايلين لتس اني ارهابيه اروح بالسر والتخفاي؟مايحكمني هو رحت ولاقعدت..وبوعيد غاضب كملت:نيتي ماكانت اروح بس الحين والله ان اروح وخليني اسمعه قايلن حرف ولامعترض..

ومشيت طالعه بسرعه وغضبي وصل حده..

ماهو على كيفه ولد ابوه يحرمني منها..

دخلت غرفتها مثل الاعصار..

كانت جالسه على السرير تطقطق ع الجوال وفزت على دخلتي: Nous sortirons rapidement..{بسرعه سنخرج}..

سحبت حجابها وعبايتها ولبستهم..

وانا نزلت بسرعه مجنونه وانط درجتين..

دقيت على سوناي تجي..

شفت امي تركب السياره معها فواز..

تنقبت وعيوني تدور لسيارة سوناي.

جات اديل مع وصول سوناي..

ركبنا ورحنا للمستشفى.

وبداخلي وعيد ماهو انا الي يمنعني احدن عن الي ابيه حتى لو معه حق ولاباطل..

آأإاآأإاأاإآ آأإاآأإاأاإآ آأإاآأإاأاإآ آأإاآأإاأاإآ آأإاآأإاأاإآ

جلست على كرسيها قدام مكتبها بثقه..

اشرت للسكرتيره:نزليهـا..

نزلت الورقه وخذتها تقرا محتواها..

وعلى اخر شي عقدة حواجبها:شركه عبدالعزيز المطلق مافيه احد يجتمع معهم غيري؟.

هزت راسها بالرفض:للأسف حنا طالبينا بالأسم..

همهمت كأجابه..رفعت الورقه لها:انسخي لي منها وارسليها..

طلعت السكرتيره..

سحبت ملف وقعدت تشتغل عليه..

ومن بين اندماجها قاطعها رنين تلفون المكتب..

ردت بأنشغال:نعــم.!

جاها صوته الغليظ:السلام عليكم..

برسميه ردت وصوت خلاها تنتبه وتنزل القلم:وعليكم السلام..تفضل..

:مكتب حسناء السلطان.!

رفعت حاجب:اي نعم مكتب الاستاذه حسناء السلطان..

حس بنبرتها الغريبه وابتسم بخفيف:معك شركة ال زياد معنا لكم اجتماع بكره..

زادت رسميتها:ياهلا.. اي خدمه؟.

قال بصوته الرخيم:طلبنا تأجيل وقالو بعد اسبوعين.

:الحدول مزحوم واذا اجلتم انتظرو حتى نخلص..

رد:بس اجتماعي معكم مهم واسبوعين كثيره..

سكتت للحظه:معليش مانقدر..

:يابنتـي انا مسافر بعد ثلاث ايام هو بكره خليه بعد بكره..

نبرته الأبويه ذكرتها بجدها فابتسمت غصب:ابشر يااستاذ اجتماعك بعد بكره.

سكرت بعد سماعها لدعاويه الأبويه..

يذكرها بجدها صالح..

دقت على السكرتيره تعدل بالجدول وتدمجهم الاجتماعين بيوم واحد..

رجعت لملفاتها بأنهماك..

دق حوالها وزفرت بطفش بس ابتسمت وهي تشوف المتصل ردت:لبيه يبه.!

ابوها بحنان:هلا حسناء..اخبار شغلتس..

ابتسمت وهي ترد كالعاده:كل شي تمام نفداك..

هز راسها بحزم ابوي:انتبهي على عمرتس وانا ابوتس..

حسناء بطاعه ردت:ان شاءالله على خشمي..

:عليه الشحم..سلام عليكم..

سكرت وهي تنزله..عادته يدق يومياً يتطمن عليها..

كان معارض انها تشتغل بشركة..

بس هذا حلمها وجدها وقف معها..

عطاها فرع خاص..وسكرتيره..تقريباً قسمها كله نساء..

آأإاآأإاأاإآ آأإاآأإاأاإآ آأإاآأإاأاإآ آأإاآأإاأاإآ آأإاآأإاأاإآ

بالمستــــشفــــى..

رجعت لسريرها بعد الصلاه..

انسدحت بتعب..تحس عظامها متكسره..

غمضت عيونها ترتجي النوم..

همسات غريبه .. رائحه مميزه .. لمسات مرعبه..

صرخات موجوعه .. عيون مفجوعه.. دماء حمراء..

سكين لامعه .. همسات متأسفه .. نداء غاضب..

شهــــقت بعـــنف وهـــي تفــز جالســــه..

حطت يدها على قلبها الي يدق بعنف..

طاحت دمعه مسحتها بسرعه..

ناظرت حولها بذعر ثم تنهدت بتعب..

رجعت تتمدد..ورجع عقلها يرمي لها ذكريات مريره.
..
نزلـو من السياره:ميشو خل نمر الحلا ذاك.

مشاعل برفض:لا بعيد امشي ندخل..

قالت بعيون راجيه:فشله ندخل وايدينا فاضيه..

مشاعل برفض:جويزي عن السخافه وامشي ندخل..

الجازي مشت رايحه:مالي دخلل..

لحقتها مشاعل:حماااررهه..

ضحكت الجازي وهي تمشي بسرعه للمحل:يارب عندهم ورق عنب..

هزت راسها بعجز..

بـــــس..
صوت صرير الكفرات..

خلاهم يوقفون ويلفون بتلقائيه للسياره..

نزلو اثنين متلثمين مسك واحد مشاعل وواحد الجازي:هم صح؟.

هز راسه بعجله ويده تسد فم مشاعل الي تصارخ بفجعه..
..
ارتفع انينها بوجع من الي صار..

ياحرقة بالقلب موجوده..

ياحرقة بالعين مفقوعه..

شهقة وجع طلعت منها..

حطت يدها على فمها تكافح شهقات..

سمعت دق على الباب غطت وجهها بالبطانيه..

انفتح الباب وتسكر وخطوات اقدام..

همس انثى:مشاعل نايمه؟.

ماجاها رد فجلست على الكرسي..

فزت وهي تسمع شهقه من مشاعل..

سحبت البطانيه شافت دموعها تنزل..

ركضت للباب قفلته ورجعت لها وهي ترمي عباياتها..

جلست جنبها وجلستها وضمتها:ياروح حصه وش فيس..

ارتفع انين مشاعل الموجع..تعلقت بحصه وهي تبكي..

تركتها تفرغ كل مابقلبها..

بعد فتره هدت..
حصه رفعت شعرها عن وجهها وبحنان كلمتها:وش فيس..

مشاعل بوجع:ماعاد اقدر اتحمل ياحـــصه..

شهقت حصه ودمعتها بعينها..

ياحلات اسمي على لسانس يامشاعل..

ثلاث سنين ماقلتي حصه ولاتكلمتي..

مسحت على راسها بحزم:مشاعل انا اختس قولي لي وش فيس عشان اقدر اساعدس..

مشاعل بوجع تكلمت عن اوجاعها..

مادرت انها بتدمر كل شي تعبت فيه الجازي..

مادرت انها بتخرب كل المخططات..

وبتقلب الدنيا وتشعلها..

وتعب الجازي بيروح هباءً منثورا..

:انــــــــــــــــــــــــــا***********..

وش قالت مشاعل لحصه؟؟؟؟..

آأإاآأإاأاإآ آأإاآأإاأاإآ آأإاآأإاأاإآ آأإاآأإاأاإآ آأإاآأإاأاإآ

انتهـــى الفـــصــل الســادس..

ادري انــه قصير مقارنه بالمده الي قضيتها وانا اكتب..

اعوضكم بقد مااقدر بعدين ان شاءالله..

انتــظر توقعاتكــــم..
تحياتــي:نبـــض اســـوود🖤..


نبض اسوود ©؛°¨غرامي نشيط¨°؛©

واخيررراااااااا نزل الفصصل..

بعد معانااه من المنتدى الي يرفضني..

والتعديل الي ماتعدل الا بعد طلعة الروح..

كان المفروض ينزل من 12 بس المنتدى رفض يدخلني ويفتح الصفحه..

جربت بأكثر من جوال ونفس الشي..


بسس الحمدالللهه نززل الفصــلل:)..

الشر مايجييس يابنت ال تميم..

ههههه ياعمري عليس ياميما غصب عني..:(


ميماا وبــس ©؛°¨غرامي مشارك¨°؛©

يالبيه يالفصلل الحلو يانبض ابدعتي بسم اللله عليك وبعطيك توقعاتي اتمنى تعجبك..اولا الجازي بطلتنا الموجوعه وكتير موجوعه رحمتها بس قوتها تعجبني ابوها ماعنده قلب يضربها كذا ويشد شعرها اه انا اعرف احساس العمليه وشد الشعر لاني مسويه عمليه ومره سحب بزر شعري حسيت اني مت ورجعت للحياه يعووووررررر مررههه الله يعينها
نوف اوك ماالومها اذا ماتبي تروح الجامعه لان الكل يطالع فيها وراحمها وكذا شعور يقرفف
وحصه متزاعله مع الجازي هذا الي فهمته بس السبب مافهمته
البندري وعلي شخصيات حبيتها واحس فيه احد بيخرب بينهم؟شعوري يقول كذا،،،هديل من النوع الكوميدي،،،ونجي عند الرجل [[بندر]]مع احترامي انت غبيي وش دخل الجازي بليلى ابي افهم وش دخلهااا يعني معقوله الجازي ماقالت لهم الي صار؟؟اشك انا؟.
وكلام ابوها عن الشباب عطاني فكره ان الجازي كانت تكلم شباب
اخيرا متى البارت الجاي


بنت آل تميم ©؛°¨غرامي فعال ¨°؛©

ياااااربي 😭😭 شلووون اقدر انتظر للبارت الجاي دام مشاعل جابت العيد في الجازي بعدهااا حرام يروح تعب سنين بس مشاعل
طَيب الحين الي فهمت انه ابو صالح الله ياخذ اهو عياله عبالهم الجازي هربت بشي يخص الشرف ،،، ولكن الحقيقة انها اهي مشاعل خطفوهم ع حسب اخر مقطع من بارت ؟!

نبض تكفين نزلي البارت قريب 😭😭😭

نبض اسوود ©؛°¨غرامي نشيط¨°؛©

المشاركة الأساسية كتبها ميماا وبــس اقتباس :
يالبيه يالفصلل الحلو يانبض ابدعتي بسم اللله عليك وبعطيك توقعاتي اتمنى تعجبك..اولا الجازي بطلتنا الموجوعه وكتير موجوعه رحمتها بس قوتها تعجبني ابوها ماعنده قلب يضربها كذا ويشد شعرها اه انا اعرف احساس العمليه وشد الشعر لاني مسويه عمليه ومره سحب بزر شعري حسيت اني مت ورجعت للحياه يعووووررررر مررههه الله يعينها
نوف اوك ماالومها اذا ماتبي تروح الجامعه لان الكل يطالع فيها وراحمها وكذا شعور يقرفف
وحصه متزاعله مع الجازي هذا الي فهمته بس السبب مافهمته
البندري وعلي شخصيات حبيتها واحس فيه احد بيخرب بينهم؟شعوري يقول كذا،،،هديل من النوع الكوميدي،،،ونجي عند الرجل [[بندر]]مع احترامي انت غبيي وش دخل الجازي بليلى ابي افهم وش دخلهااا يعني معقوله الجازي ماقالت لهم الي صار؟؟اشك انا؟.
وكلام ابوها عن الشباب عطاني فكره ان الجازي كانت تكلم شباب
اخيرا متى البارت الجاي
ياعيوني تسلمين .. توقعاتس اجابتها بالاحداث الجايه..

البارت للان ماحددت موعد:(..

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1