راويه مميزه ©؛°¨غرامي جديد¨°؛©

تقلبات الحياة

بارت:واحد(1)

(لكل شيء في هذه الدنيا علامة قد لا يفهمها الإنسان أبداً، وقد يفهمها بعد حين)

كلنا مو عارفين ايش كاتب لنا ربي ممكن بلحظه تنقلب حياتنا فوق تحت وهاذا الي حصل مع بطلتنا وعائلتها

المملكه العربيه السعوديه،تحديداً(العاصمه الرياض)

مها:ماما قلتلك نغيره ما يضحك مره تافهيين

الام(أسماء):تستهبلين مره يضحك تقطع بطني

مها:اف لو بابا هنا كان تابعنا فلم رعب

الام(أسماء):اعوذ بالله مين جاب طاري الرعب خليني مستانسه

بوسط ضحكات الام(أسماء) وتذمر مها من الفلم يسمعون الباب الداخلي ينفتح بقوه التفت مها وامها(أسماء) ب انفجاع من الصوت

مها:بابا فجعتني وش فيك داخل كأنه حرب وقامت تضحك بخفيف

الام(أسماء): مهند شفيك جاي بدري مو من عادتك

مها:بابا تعال نتابع فلم رعب ونسحب على ماما وفلمها البايخ، تخيل.....كانت بتكمل بس اسكتت يوم شافت نظرات امها الحاده

الاب(مهند):*بصراخ* ليلي"الخدامه"

ليلي:نعم *طبعاً كلامهم بالانجليزي بس انا بترجمه لكم*

الاب(مهند):اذهبي إلى غرفة مها وقومي بوضع جميع ملابسها واحتياجاتها بحقائب

ليلي:*هزت راسها*بمعنى الموافقه

الاب(مهند):مها لازم تسافرين الحين بسرعه مافيه وقت

الام(أسماء):*بشبه صدمه قالت* شفيك يامهند وش سفره هالوقت

وبطلتنا(مها)كانت هادئه*وتعابيرها كانت ممزوجه بين الاستغراب والصدمة*

أتمنى اول بارت ينال أعجابكم
عطوني رأيكم بأول بارت و وش نظرتكم عن الرواية
أبغى تفاعل قوي❤❤

راويه مميزه ©؛°¨غرامي جديد¨°؛©

تقلبات الحياة

بارت:ثنين(2)

(الحياةُ روايةٌ جميلةٌ عليك قراءتها حتى النهاية لا تتوقف أبداً عند سطر حزين قد تكون النهاية جميلة)

الاب(مهند):يلا وانا ابوك غيري ملابسك وانزلي مافيه وقت

مها:*وهي مصدومه ومستغربه*بابا قاعد تستهبل صح!! وين اسافر له وليه اسافر

الاب(مهند):*بعصبيه*المواضيع هاذي مافيها استهبال

الام(أسماء):بعد ما ادركت جدية الموضوع،يلا تعالي لفوق تغيرين ملابسك

مها:ماراح اغير ملابسي لما تعلموني وش السالفه وانا وين رايحه وليه

الاب(مهند):ماتسمعين وش اقول!! مافيه وقت

مها:ماراح اتحرك من هنا لما تعلمني*قعدت على الكنبه*

الاب(مهند):*بهدوء*جلس جنب مها،ياروح بابا لازم تسافرين لأن خطر عليك تقعدين هنا وانا مستحيل اخلي ضرر يصيبك

مها:ليه؟

الاب(مهند):بعدين تعرفين ليه المهم الحين تبدلين ملابسك وتروحين للمطار،الساعه(11)رحلتك لتركيا

مها:تركيا!!!

الاب(مهند):اي ياقلب مهند بتروحين لتركيا واسمك بيكون(اصلي) وراح تعيشين مع عائله لطيفه،انا شخصيًا اعرفهم

مها:وليه ذا الاسم تحديداً

الاب(مهند):لازم يكون اسم تركي عشان تندمجين معهم ولايشكون فيك

مها:مين يشك فيني؟

الاب(مهند):مو مهم تعرفين المهم الحين تروحين للمطار

مها:طيب انت حددت وين بعيش وحددت مستقبلي وين بيكون على الاقل خليني اختار اسم يعجبني

الاب(مهند):ابشري ياقلبي الي تبينه بس الحين روحي بدلي عشان ماتتأخرين على الرحله

مها:تمام

الام(أسماء):*بعد ماقامت مها تبدل*طيب ممكن انا اعرف وش صاير

الاب(مهند):خلي مها تسافر ويتطمن قلبي عليها بعدين اتفرغ واقولك

مها:بابا انا جاهزه

الاب(مهند):يلا ساري*السواق*ينتظرنا برا

الام(اسماء):انا بجيب شنطتي وبجي انتظر....

الاب(مهند):*قبل لا تكمل (أسماء)كلامها*انتي اقعدي عشان ماتلفتين الانتباه اكثر

الام(اسماء):بروح عشان اودع قطعة قلبي

الاب(مهند):ودعيها هنا

الام(أسماء):*ودموعها بدت تتساقط*تعالي ياقلبي

مها:*اتجهت لأمها وحضنتها*دموعك غاليه،مايهون علي اشوف تبكين

الام(أسماء):كيف ماتبيني ابكي وقطقة قلبي بتسافر بعيد عني

مها:وعد اكلمك كل يوم فيس تايم لما تطفشين مني

الام(أسماء)اكيد؟

مها:اكيد

الاب(مهند):يلا تأخرنا

الام(أسماء)*بعد مافكت حضنها من مها*بحفظ الرحمن ياروح امك،انتبهي على نفسك

مها:ابشري

*بعد ماركبت مها وابوها(مهند)السياره*

الاب(مهند):اسمعي وانا ابوك ابيك تصيرين نبيهه لاتكلمين اي احد وانتبهي زين والي تحسين حركاته مشبوهه وخري عنه،وانا عارف انك ماتخيبين ظني

مها:توصون وحده عندها احزمه بالفنون القتاليه!!

الاب(مهند):*وهو يضحك*الحذر واجب وانا ابوك

*في المطار*

الاب(مهند):انا سويت جواز بأسمك(اصلي)بس توصلين هناك بيوصلك الجواز بالاسم الي تبينه،الا ماقلتيلي وش الاسم الي تبينه؟

مها:سيڤدا

الاب(مهند):زين

مها:بابا انا ما اعرف وش صاير بس اكيد فيه سالفه قويه تخليك تسفرني عشان كذا انتبه على نفسك وعلى ماما لاتخلون مكروه يصيبكم

الاب(مهند):ماعليك امك بالحفظ والصون،يلا ياروح ابوك لاتتأخرين على الطياره

*ركبت مها الطياره وجلست بمقعدها وحطت سماعاتها وانفصلت عن العالم الخارجي*

*بما ان بطلتنا مشغوله خلوني احدثكم عن ابطال قصتنا*

مها:قصيره طولها(154)
نحيفه
شعرها قصير(عند فكها)
بيضاء
ملامحها جذابه وطفوليه(مميزه)
عصبيه،عنيده،تحب تجرب اشياء جديده،تحب النوم
عمرها(17)
اسلوبها اكبر من عمرها

الام(أسماء):طولها متوسط(162)
نحيفه
شعرها طويل(يوصل لظهرها)
بيضاء
ملامحها حاده
لطيفه،عنيده،نشيطه،تحب الزراعه
عمرها(35)

الاب(مهند):طويل(187)
يحب يحافظ على جسمه ويبني عضلات
حنطي
ملامحه جذابه
صبور،عنيد،يحب الشغل
ورث من ابوه شركه عالميه واجتهد وتحولت
من شركه لشركات ومصانع

تعبت على هاذا البارت اخذ مني ساعه كامله
عطوني رأيكم بالبارت
أبغى تفاعل قوي❤❤

ضاقت أنفاسي
✿ إدارة الإقسام ✿

تغلق الرواية في حال تأخر الكاتبة عن التنزيل اكثر من 10 أيام وتفتح في حال جاهزية الكاتبة للتنزيل ...دمتم بخير

وردة الزيزفون
✿ إدارة الإقسام ✿

تفتح بطلب من الكاتبة

ضاقت أنفاسي
✿ إدارة الإقسام ✿

مساء الخير تغلق الرواية في حال تأخر الكاتبة عن التنزيل ...وتفتح في حال جاهزيتها للتنزيل ...دمتم بخير

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1