الاوركيد السوداء ©؛°¨غرامي متألق ¨°؛©

"تفائلوا فالهموم كا الغيوم ,,ما تراكمت إلا لتمطر ..^-^ "..

الاوركيد السوداء ©؛°¨غرامي متألق ¨°؛©



"احيانا يمر ع الواحد مواقف يتوقع فيها ان هذي المواقف مستحيل تنحل ..وانها شر ...واحيانا ينجبر ع اشياء ما يبيها ..وانها ماتحقق اللي كان يحلم فيه ...وفجٲة يكتشف انها افضل بكثييير من احلامه ومن كل توقعاته ...
هذا اللي حصل معي الفترة الفايته ...انفرض علي شي ...كنت رافضاه رفض بات ....واخر شي ممكن اوافق عليه...كنت اشوف ان احلامي وكل شي رسمته في حياتي ضاع ...وكل اللي قدرت عليه افرش سجادتي وانثر فيها كل شي في داخلي ...
كنت مكتئبه ...واعتزلت الكل ...واغلب وقتي ع الجوال ما اتكلم مع احد ....وفي يوم كتبت صديقتي في الستوري كلمات حسيتها انكتبت عشاني ..وصرت كل يوم لازم ارددها ..وعملت بها...حسيت برضا وقناعه بحالي ...وحسيت براحه كبيره الحمد لله من ناحيه الموضوع ....انا الى الان ماشفت خير الموضوع من شره ....لكن مع الراحه اللي احس فيها ..احس ان الله كاتب لي خير كبير فيه ...وان شاء الله يصدق احساسي. ..

الكلمات اللي قريتها كانت ..

اذا ضاقت عليك الدنيا ..تذكر. .{امن يجيب}

واذا كنت وحيد وماحد حولك من الناس ..تذكر. .{فٲني قريب} ..
الله بعظمته وجبروته معاك وما راح يخليك. .وما عليك الا تعلق امالك بالله عز وجل .."

الاوركيد السوداء ©؛°¨غرامي متألق ¨°؛©


" الاسبوع الفايت كنت فاصله النت من جوالي عشان اذاكر للامتحان ...والحمد لله امس امتحنته وعدا ع خير ..بس باقي معي امتحان يوم الثلثاء ...وللحين ما ادري متى راح ابدا اذاكره 😬 "

الاوركيد السوداء ©؛°¨غرامي متألق ¨°؛©



" انا امتحاناتي في الكليه تنقسم عندي لقسمين ...اما يكون صعب ..فاختار اجلس في الكراسي اللي قدام ...او سهل ..واختار فيها اجلس في الكراسي اللي ورا ....اذا كان صعب اختار الكرسي اللي قريب من باب القاعة ..لاني اذا ركزت في شي ..ما عاد احس باللي حولي ..لا اسمع ولا احس ..تصير هوشه ..حرب في القاعه ..وانا في عالمي ..وما احس بنفسي الا بعد ما اخلص من الحل او تكون في ازعاج قريب كثير مني ...ساعتها افصل ..
واختار قريب الباب عشان احس لو دكتور المادة دخل القاعة ...امس برغم اني جلست في مكاني الاستراتيجي الا اني ماحسيت بالدكتورة الا وهي طالعة من القاعة ☹....
اما اذا كان سهل ..مافي داعي اسال الدكتور او اجلس قدام ...غالبا اذا كانت المادة سهله اخلص الحل في ربع الوقت ...وبعدها اقعد احط رجل ع رجل واتابع المشاهد الكوميديه بعنوان " اساليب الغش 2020" 😂..
هم كم طالب وطالبة في دفعتي اللي يغشون ...برغم ان المراقبين مو مقصرين ولكن هم عمرهم ما انمسكوا ما شاء الله عليه ( خايفه عليهم من العين ههههه) ...انا دايما اكشفهم لاني اعرف من هم. .ولاني اختار ااااخر كرسي بالقاعة ..اما المراقبين يقعدوا يتحركوا بكل القاعة فما قدروا يمسكوا عليه دليل بالغش .. اكون ماسكه ضحكتي غصب عشان ماتطلع..اللي يشوف كيف يخترعون الطرق الجديدة في الغش يبصم بالعشرة انهم اذكياء ...بس للاسف يستخدمون ذكائهم في غير مكانه ...ما اقول الا الله يهديهم بس^_^ "

الاوركيد السوداء ©؛°¨غرامي متألق ¨°؛©


" ملاحظه ان شخصيتي بـ غرام صايره عكس شخصيتي في الحقيقه ...كانت شخصيتي في بداياتي في غرام نفس شخصيتي الاصلية ..بس شوي شوي بدت تتغير وصايره في الغالب عكس شخصيتي ...
في الحقيقة انا مايله للهدوء واكره الازعاج ..وصعب جدا الواحد يستفزني ...والاهم بعيييييده كل البعد عن اللقافه والفضول ...بس في غرام العكس 😬..صايره هذي الايام احب المشاكسه ..والاسوء ملقوفه ..لدرجه انا انصدمت من نفسي☹ ...وقبل قليل رحت اسال اختي اذا انا ملقوفه او لا ...وقالت والحمد لله اني مو ملقوفه ابدا..واستغربت سؤالي ...ما ادري والله وش يصير لي لما ادخل المنتدى عشان تنقلب شخصيتي كذا :/ ...".

الاوركيد السوداء ©؛°¨غرامي متألق ¨°؛©


اقتباس اعجبني 👌

"استغرب حقيقة ممن يصفون ٲنفسهم بالصريحين , وٲنهم لا يجاملون , ويتباهون بهذا .
المجاملة لطف وعطاء ,
يقول الفاروق عمر رضي الله عنه : إن العطاء ليس مالا فقط, وٲنما نحفظ ماء الوجوه , ونطيب الخواطر , ونراعي الكرامات , فٳن اراقه ماء وجه انسان كٳراقه دمه " ..
خلوا صراحتكم لكم ومع انفسكم"

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1