منتديات غرام روايات غرام قصص - قصيرة النهرده كان يوم جميل اوى وكنت سعيده
الزهرة البيضاء ©؛°¨غرامي متألق ¨°؛©

السلام عليكم ورحمة الله وبركاته
بصوا بقى انا حابه احكيلكم عن يوم ليا فى الكليه كان حلو اوى مش عارفه ابدا ازاى بس المهم يعنى نبدا من البدايه خلصنا المحاضرتين وروحنا عشان نركب من على البحر ونروح انا وصحبتى وبعدين جت صاحبتى هند تروح معانا وقعدنا ملطوعين على البحر مش لاقين مواصلات وقعدنا نضحك ونهزر طبعا وشوية وجت علينا ياسمين برضه مش لاقين مواصلات زحمه اوى وبعدين ياسمين قالت نروح نتمشى وانا كنت حموت واروح البيت قلت لا بلاش انا عايزه اروح قالت لا تعالى على البحر شويه ونطلع قدام يمكن نلاقى مواصلات نعدى النفق وبعدين نروح على الجانب بتاع البحر ولما يخف الزحمه نعدى النفق اللى بعد الكليه اللى عند تاكى ونشوف فى مواصلات المهم قولت ماشى ورجعت فى كلامى وفضلنا ماشين اتكلمنا فى كلام عادى وبعدين واحنا عند parking اللى قبل الكليه هند وقفت تربط الشوز بتاعها وكان فيها بتاع كده بيقعدوا الناس عليه مش عارفه اسمه ايه وكان عليه بنات ورجاله بيحبوا فى بعض بس منظرهم مش كان لذيذ خالص وافهموا انتوا ماشى وبعدين قولتلهم ايه رايكم نتريق عليهم صحبتى قالت اوكى يلا وهند بلاش وياسمين قالت لا قولتلها ليه انا بحب اغلس عليهم عشان هما غلط ونزهئهم وبعدين هند ربطت الشوز ومشينا ياسمين على فكره بنت منقبه ومتدينه انا لسه جايه فى الكلام بلاش اسبق المهم يعنى قولتيلها ليه يا ياسمين قالتلى ترضى لو انتى مكانهم حد يعمل فيكى كده لا طبعا انا عمرى ما اكون زيهم ابدا بصتلى كده وقالتلى محدش ضامن بلاش تعيبى على الناس علشان ربنا ياخد اللى فيهم ويجعله فيكى قولتلها لا طبعا ان شاء الله انا مش حكون زيهم قالتلى تعرفى صحبتى كانت زيك كانت تعيب على اللى زى كده وكانت لابسه نقاب وبعدين الشيطان لعب بيها وشويه شويه قلعت النقاب وبعدين لبست حجاب عادى وبعدين لبست مينى جيب شفتى بقى من نقاب لمينى جيب استغربت وقالتلى كمان صحبتى كانت تسخر من اخوها اللى مش بيصلى بعد فترة تركت هى الصلاة واخوها انتظم فى الصلاة المهم نسيت قبل ما كنا ندخل على parking ياسمين سالتنى وقالتلى هبه هو انتى بتعملى حواجبك قمت ابتسمت وقالتلها اه قلتلها متتكلميش عارفه حتقولى ايه قالتلى الموضوع مش محتاج كلام جهاد صحبتى ادخلت وقالت انا بعمل لان حواجبى تقيله قالتلها ربنا قال لعن الله النامصه والمتنمصه جهاد ردت وقالت بس فى شيوخ قالوا العبسه مش حرام لو عملتها ياسمين قالت ربنا قال لعن الله النامصه والمتنمصه ومقلش انما اللى حتعمل العبسه مش حرام الحكم مفهوش استثناء وبعدين جهاد قالت بس انا عندى مش ينفع وكمان انا سمعت شيوخ قالوا انه مش حرام العبسه حرام ردت ياسمين وقالت طب لو فرضا ان الشى ده 90% منه حرام و10% منه مشكوك فيه برضه تعمليه قالت ياسمين اللعن انك تنطردى من رحمة ربنا تحبى احنا يوم القيامه حندخل الجنه برحمة ربنا تصورى بقى انتى بعتى رحمة ربنا بيكى عشان العمل ده تصورى تيجى يوم القيامه وحسناتك وذنوبك بقوا متساويين يعنى لوممكن حسنه واحده تدخلك الجنه وسيئه واحده تقذف بيكى فى النار وبعدين اخدنا الكلام وسهينا وعدينا النفق وعدينا تاكى فقولتلهم انتوا مش ملاحظين اننا عدينا
جمب تاكى قالوا اه يلا نكمل لغايه سان ستيفانو ونروح المول قولنا يلا اليوم ضايع كده كده وبعدين ياسمين فضلت تتكلم وانا كنت حابه استمع ليها فرحت جمبها وهند وجهاد راحوا فى جمب وانا وياسمين فى جمب ياسمين انا معجبه بيها جدا جدا اقترحت حاجه علينا ممكن بدل ما تعملوا الحواجب اعملوا تشقير ليها وحتبان طبيعيه ويبقى بكده انتى مش غضبتى ربنا قولنا حنجرب وبعدين لقينا نفسنا قدام مول سان ستيفانو بس احنا لازم نعدى طريق البحر ويا قلبى على طريق البحر عربيات سريعه جدا وطريق واسع اوى وعيشه المهم جهاد وهند عدوا ولقيت ياسمين بتسحبنى وحنعدى وقعدنا نجرى وسط العربيات وهى ماشيه بسرعه وقعدنا نضحك والعربيات عماله تتجنب انها تخبطنا ولما وصلنا للجمب التانى وقفنا وضحكنا من الطريق وبعدين اتكلمنا كلام عادى وبعدين دخلنا المول وفى المول بقى مش حتكلم عن اللى فيه ابقوا اعملوا زياره للاسكندرية وروحوا المول لانه فى حاجات حلوه اوى المهم انا كنت مستمتعه بحديث ياسمين اوى اللى يلفت فى ياسمين انها بنت كل شى عندها ربنا انا بحب ربنا لابسه النقاب عشان ربنا ربنا نهانا عن شى هى مش تعمله تحس كده لما تقول شى من الدنيا ياسمين تفكرك بربنا وياسمين دى من تحت النقابه تحفه قمر المهم ياسمين لو جينا نتكلم عن بنت بطريقه مش حلوه تقول لا حرام دى نميمه بلاش ناخد ذنوب او واحنا فى المول بنات بقى وشباب البنت ممكن تبقى لابسه شى تقريبا عارى كاسيات عاريات بالمعنى الصحيح اقعد انا وجهاد نتكلم عنها او نضحك نتريق ياسمين لا تدير وشها عنا كانها بترفض دايما تفكرك بربنا مش تعلق على وسامه شاب معين متتكلمش مش عايزه تاخد ذنوب وفى نفس الوقت بنت تحب الموضه وتلبس حلو بس فى البيت وبعدين سالتها ياسمين انتى لابسه النقاب من امتى قالتلى من صيف خمسه ابتدائى يعنى كانت صغيره اوى قالتلى على فكره انا مامتى داعيه بتروح فى المساجد وتعطى دروس وانا كنت بروح واسمع وحبيت النقاب اوى وقولت لماما انا عايزه البسه عشان انا بحب ربنا ولفيت على مساجد كتير واتعلمت هى على فكره مش بتعظم من نفسها هى متواضعه
وبعدين كل ده وانا وياسمين مع نفسنا وهند وجهاد ادامنا
ياسمين وهى قاعده بتتكلم تحس ربنا كل شى فى حياتها غير الكل اللى قابلتهم وعرفتهم قابلت بنات من كل الانواع فيهم المتدينه والمحترمه اوى اوى تخنق شويه والمحترمه العادى وفيه المتزمته وفيه العاديه خالص وفيه البنت اللى ؟؟؟؟؟؟؟؟؟؟ افهموا انتوا وفيه البنت اللى منطويه وشوية معقده ياسمين تفلتك فى شى هدفها الجنه وربنا اهم شى كتير اوى ممكن نشوفهم بيعمل عبادات بس عادى زى معظم الناس انما ياسمين واللى من نوعها فئة قليله للاسف تحفظ القران وتعمل به لما تتكلم معاها مش الموضوه والحب وشفتى فلانه وعلانه ودى وده وتجيب فى سيرة الناس والذنوب تكتر ومش حديثها دنيوى شويه تافه ولا طريقه تكون بذيئه او غير محترمه او روشه وعصرية ولا كلام كده يخلى قلب الشخص قاسى بعيد عن ربنا هى تتكلم وكمان تهزر بس بطريقه محترمه ميكونش فيها حاجه تغضب ربنا ومتخلكش تاخد ذنوب وكمان متخجلش تدعى لربنا وان شافت غلط تقول انه غلط وتقول الصح ياسمين كمانى تتكلم معاها تذكر الاحاديث والسند بتاعه مش تعرف مغنى ولا فنان لا لا لا لا تقولك الصحابى كذا والرسول عليه الصلاة والسلام وربنا قال فى القران كده حديثها تحسه فى جو جميل اوى مش تخليك تروش وتعيش حياتك تخليك تحس بالسعاده والاحترام وتفتكر ربنا دايما وانا كنت مستمتعه جدا بحديثها وصحبتها وانا معاها سالتها ياسمين حتشتغلى قالتلى اتمنى قولتلها والنقاب قالتلى انتى عارفه بقى مش حينفع وبالذات لان بعد ما حنخلص حيكون الشغل اللى متاح امامنا اما فى شركات او بنوك فقط ودول بقى عايزين بنات روشه وعايشين قولتلها انى مقتنعه تماما بالنقاب وانه صح والحق واللى المفروض نلتزم بيه وقولتلها انى معنديش شجاعه انى اعمله وطلبت منها انى اروح للمساجد اللى بتروحا وبتحفظ قران وبتتعلم علوم شرعيه فيها واتعرف على صحبه صالحه وافقت وقالتلى بعد الامتحانات وقالتلى لما حتروحى هناك وحتشوفى البنات اللى تلت تربعهم منقبات وحتعيشى فى الجو الجميل ده حتبقى سعيده وحتحبى تلبسى النقاب وهناك مش حتلاقى حد بتاع مصلحه ولا اى حاجه كلهم هدفهم يتعلموا ويتقربوا من ربنا انا حاسه انها حتاخدنى للجنه على الارض بجد والله تصوروا كده حياتكم فيها ذكر ربنا وان فرفشتوا برضه فى طاعه ومفيش معاصى ولا ذنوب مش كل حياتك عاديه روتينى خاليه من الذكر او قليل من الذكر ومعاصى كتير انا بجد بعد كلامى مع ياسمين امنت ميه فى الميهبحديث الرسول عليه الصلاة والسلام لمعاذ عندما قال له وهل يكب الناس فى النار على وجوههم الا حصائد السنتهم فعلا ما ينطق عن الهوى وحصل موقف تانى واحنا فى المول دخلنا محل ملابس واتفرجنا على الهدوم وعجبتنى جيب هناك وبعدين بشوفها عليا فوق الاسدال بصتلى كده ياسمين وسالتنى هبه هو انتى تعرفى ايه هى عورة المراة على المراة قولتها تقريبا من الركبه حتى قامت هى مكمله حتى الصدر فرديت وقولتلها بس ماما بس واختى اللى حيشفونى بيه وبعدين ده عادى لان الجيب كانت يادوب شبر ونص بكتيره اوى قالتلى بس ربنا قالنا كده مينفعش تعمليه من خلال كلامى معاها تلاحظ تقولك ربنا قال كده تقولى انتى مش تحبى ربنا اقول اه تقولى اعملى اللى يحبه ويقولك عليه ومن ضمن الحوار قولتلها ياسمين انا لابسه الاسدال وماما واخواتى واصحابى عايزنى اقلعه وبيتريقوا عليا تصورى بقى لو النقاب قالتلى تعرفى ثواب النقاب ايه قولتلها لا قالتلى مش يمكن هو ده يوم القيامه يكون سبب لنجاتك من النار وتكونى محتاجه حسنات والنقاب يدخلك الجنه


لو لاحظتوا ياسمين بتستمتع بحياتهم بتتكلم وتهزر واهتمت باللبس بس طبعا بتلبسه فى البيت وكمان الاكسسوار
بس مش اغلب كلامها تاخد عليه ذنوب ولا تافه ولا يخلى قلبك قاسى بعيد عن ذكر ربنا

فى النهايه وبعد الرغى الفظيع بتاعى ش عارفه اذا كان احساسى وصلكم ولا لا والفكره عرفتوها اللى عايزه اقولها تصوروا يا جماعه لو حياتنا بقيت زى ياسمين كل المسلمين اكيد حننتصر ونرجع اسياد الارض اكيد كلنا بندور على السعاده وهى فى شى واحد ربنا قال عليه ان اللى حيبعد عن طريق ربنا حيعيش معيشه ضنك



مش عارفه اذا كان اللى بيقرا الكلام ده سمع الفلاش اللى فى صوتيات اسلاميه اللى كنت حطيته بتاع قصه غريبه اصله حلو اوى بجد فيه كلمه مرعبه تخلينا نعيد التفكير فى حياتنا وطريقتنا واسلوبنا فى الكلام والتعامل واشياء كتيره اوى ومحدش يبص فينا على ان ذنوبه عادى مش كبيره اصله مش بيعمل الكبا
ئر



عندى طلب اخير انا بحب الدعاء اوى وانا بكون سعيده اوى لما حد يدعيلى اد ايه بكون فرحانه ممكن تدعولى ان ربنا يهدينى ويحمينى ممكن

سبحانك الله وبحمدك اشهد ان لا اله الا انت استغفرك واتوب اليك
السلام عليكم ورحمة الله وبركاته


نادر منصور ©؛°¨غرامي ماسي ¨°؛©

ربنا يهدينا جميعا

ويجعل ايامك كلها فرح وسرور


ارق تحياتي لك

sun_010 ©؛°¨غرامي مشارك¨°؛©

وعليكم السلام ورحمة الله وبركاته
اللهم اهديه وثبت اقدامه وارشده اى الطريق المستقيم ياراحم الراحمين
والله يفرحك كمان وكمان.
تحياتى
.

HAJAR مستشــ¸.·* غرام *·.¸ـــاري

;

الزهرة البيضاء صباحك سكر ياقمر

:3f7f5ccfb0:

إسمحيلي كذا الأول أنقل قصتك لغرام القصص

وبعدين حرجع عشاآن أقراها برواقة أكثر ...!:)

يسعدلي أيامك أختي,,

;

الزهرة البيضاء ©؛°¨غرامي متألق ¨°؛©

القلم المتميز امين يارب وشكرا على المرور
sun_010 ااامين يارب وشكرا على المرور
هاجر يسعد مساكى
بليز هاجر ما تنقلهوش خليه فى مكانه
واتمنى تكونى قرتيه بروقان

دلوعةة الرياض ©؛°¨غرامي متألق ¨°؛©

يسلموووووووووووووووووووووووووووووووووووووووووووووو ووووووووووووووووووووووووووووووووو
على النقل الرائع
اللللللللللللللللللللللله يسعدك
تقبلي مروووووووووووووووووري

الرومانسي 1 عضو موقوف من الإداره

يسلموووووووووووووووووووووووووووووووووووووووووووووو ووووووووووووووووووووووووووووووووو
على النقل الرائع

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1