غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 29-06-2020, 12:28 AM
تراتيل غيثاره تراتيل غيثاره غير متصل
©؛°¨غرامي جديد¨°؛©
 
الافتراضي مد كتفك احتمي به من سود الليالي/ هواجيس كاتبه


روايتي الاولى بمنتدى غرام..

مد كتفك احتمي به من سود الليالي"


البارت الاول ...
طالعته وعيونها اغشتها الدموع : قلي كيف بقدر بلياك ورب الكون مصبر على غيرك .. تكفي عضدي لاتخليني.
جابر حس قلبه انشق قلبه نصفين وهو يسمعها تناديه عضدي ، انزل راسه وضمه بيدينه وهو يعتصر من الالم لكن ماقادر يبكي .
هجر تحركت صوبه ، بين شهجاتها: اهون قلي ياعضدي اهون اروح لغيرك !
غمضت عيونها وملامحها تطالع السما وشهجاتها تبكي من يشوفها.
جابر رفع راسه يطالعها : طلبتك لاتكسريني وقومي لاتخليني اموت فوق الموت الي اعيشه وانا عيوني تلمح مدمعك ينزف. قام يبي يروح.
هجر مدت ايدها ومسكت بطرف دهداشته من تحت طالعته مثل الطفله وراسها لفوق لتلمح عيونه : اوعدني قبلها ما اكون لغيرك .
جابر بصوت مبحوح بعد ماذبحته الغصه: الوعد انخلق ليخلف به وما ابي اخلف وعد قطعته على روحي . طلع من الكلاس وهو يحس ان روحه فارقت جسده!
هجر شهجت بقوه ورجعت تبكي مثل الطفله.
التموا حواليها رفيقاتها وحاولوا يقوموها بنص انهيارها.

...
احمد : ياربي طيب شيتسوين تعرفينه انتِ ابوي.
مي وهي تبكي: ما ادري يا احمد والله ان ضايعه. دشت في بدفاشتها المتعارف عليها وهي شوي تكسر الباب .
في بغضب: شلوون يغصبونك وماتعلميني!! كذا وانا توؤمك.
احمد : استغفر الله بس ،انتِ متى تعقلين وتبطلين هالدفاشه قلوبنا طاحت.
في : انت اسكت خلك على صوب (جلست يم اختها) كيف ماوقفتي بوجهه وقلتي له انك ماتبين ياغبيه ورب البيت ماخليته يلمس منك شعره.
احمد بخوف من اخته الي حافظها هي وجنونها: وش بتسوين يعني؟
في تضرب على صدرها: ماتوؤمها بلاش ، متى النظره الشرعيه؟
احمد : بكره بس قولي شبتسوين؟؟
في ببساطه: انا بدخل المجلس بدلها.
احمد وقف: وشششششش لايكون تبينه انتِ؟
في بقرف: يععع قطيعه يخسي ويهبي ياخذني انا في الماجد، بس راح اخليه بروحه يرفض والله لاخليه يندم على الساعه الي قرر ياخذها.
احمد جلس : طيب شبتسوين وكيف بتدخلين اذا هو شايف قبل مي !!؟
في بخبث: اذا ابوي مايعرف يفرق بيني انا وهي شلون هو بيعرف! خليني اتكتكها عدل عقب بعلمكم(طالعت اختها الي لازالت تبكي ) وانتِ بسك انا هنا ، يومك صغيره محد قدر يتجرأ عليك بوجودي تهجين برضاها الحين. مي ضمت في وهي تبتسم على اختها الي دايم كانت لها مثل اخ اكثر من اخت بسبب تصرفاتها الرجوليه والواثقه عكسها هي الخجوله والارق من ريش الحمام حتى.
...
المغرب ..
طلع احمد من غرفه خواته التووم وهو ميت ضحك على خطه اخته الجهنميه وهو يدعي الله يمرر باكر على اخير.
ركب سياره خويه وهو لازال يتخيل الي بيصير ويضحك.
مفلح بابتسامه: عساها دووم.
احمد طالعه بابتسامه بين ضحكاته: الدايم الله.
مفلح بمكر: اوهو من هذي الي كذا مسويه فيك؟
احمد : الا قول من هذا. ورجع يضحك.
مفلح استغرب مايعرف احد بالبيت رجال غيره هو وابوه كونه اجا بين بنات وابوه مسافر بيرجع بعد يومين.
مفلح بستعباط: اوهوو لقيت رفيج غيري يعني ياخاين العشره.
احمد : اي خيانه اي بطيخ هذي اختي في وربي مابنت وهو ميت ضحك علمه عن خطة اخته(علاقه احمد بمفلح قويه جدا لدرجه ان الكل يعرفهم وهم مع بعض ولا خلا واحد بدون الثاني يسالون عن الغايب.)
مفلح : ههههههاي عليها افكارها الا اسألك هذي اختك من وين جابت قواه العين كلها .
احمد: لو تدري بس شسوت فيني وانا على صغر بتمسك راسك كان هذي سواه بنت بس خلني ساكت بدون فضايح.
مفلح حرك السياره وهو ويضحك على سوالف رفيقه مع اخته.
....
بيت ابو مفلح...
اميره: ماااه وينك تعالي بدا الفلم.
ام مفلح: كاني جيت.
دخل مفلح وهو لازال يضحك بعد ماخبره احمد عن اخته وسوالفها.
ام ملفح بسعاده: جعلني فدا لهالمبسم لاضحك. مفلح ابتسم وهو يعرف شلون اسلوب امه يرد روحه وجلس وحط راسه على رجولاتها.
مفلح: زيديني. ضحكت ام مفلح بخفه على ولدها.
اميره: بليييز الحين طالع فلم مابي صوت.
مفلح سحب الوساده الي كانت تحته وعلى طول صوبها: انتِ ماتعرفي تسكتي ماتشوفين هنا حديث اهم(وبغزل رجع يطالع امه) كملي ياروح مفلح كملي.
ام مفلح ماقدرت: ههههه وش فيك ياولد تستقطع على الكلام الحلو ياخوفي الي تاخذك تلحس عقلك بهالكلام.
اميره: لا ياماما لا يغركك الحين هو ياخذ دروس منك عشان الحب .
مفلح طالع اخته: وليش حرام حلالي وابي اتعلم شلون ادلعها.
اميره: مشينك انت وهي فوقك(وسوت مالت).
مفلح قام وطفا التلفزون: تغلطين علي مشيناها تغلطي على ام عيالي ما اسمح لك يا ام لسان.
اميره : مااااااه شووفيههه توه الفلم بادي حرام والله.
ام مفلح: رده ياولد ابوك ماتشوفني اطالع معها ولا مافي احترام.
مفلح رجع يركبه: افااااا ماعاش من مايحترمك يا بنت امك(كتم ضحكته ،عقب طالع اخته بنص عين) انتِ دواك عقب.
اميره الي تدري اخوها لمن يعصب : اميهه بسم الله الله زين قبل خذها ست الحسن والزين عقب حايز ما من الحين.
مفلح حط اصبعه صوب راسه: بكيفي ماهوب بكيفك يا ام لسان اصبري بس .
اميره : كان ناقصني في2. مفلح طالعها وعقب تذكر اسم اخت ربيعته وسوالفها وارجع يضحك بصوت عالي وهو طالع لغرفته، بينما اميره وامها يطالعون بعض وش بلاه!


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 29-06-2020, 02:05 PM
تراتيل غيثاره تراتيل غيثاره غير متصل
©؛°¨غرامي جديد¨°؛©
 
الافتراضي رد: مد كتفك احتمي به من سود الليالي/ هواجيس كاتبه


الحمد لله ..الله اكبر.. استغفر الله ..ولا حول ولا قوه الا بالله.


البارت الثاني....

جالسين على العشا ..
جبر كانت تطالع العشا بدون نفس وروحها مامعها ، هجر الي كانت اصغر عن جبر بسنه وكانها توؤمها كانت تعرف بالي صار وقلبها موجعها على اختها، في كانت كل شوي تعلق مع احد وهي تحاول تطقطق عشان تشوف امها الي معورها قلبها على بنتها مبسوطه وهي ماعارفه عن الي ناويه عليه في، مي كانت تحاول تكون مبسوطه بعد ماعرفت عن سوات اختها لباكر والي مريحها زود ان ابوها محد بيكون ولكن هذا مايعني ان زال الخوف ، ريم اكبرهم كان مشغول بالها مع مديرها الي كان محيرها بسبب اسلوبه معها ، رهف وهي اصغرهم ثالث ثانوي كانت شابكه مع في ، اما احمد فكان كل شوي ينفعل وعقب يهدا بسبب جنون فيّ .
ام احمد: انتِ ماتيوزين؟
فيّ: ابيييهه بعد جزاتي اباها تستانس الغاليه بس ماعليه يا ام احمد .
رهف: هي هي هي طيروا جبهتي . احمد رفع ايده مع رهف ان انتصروا على فيّ.
فيّ شنفت بوجيهم عقب طالعت امها : ماميتوووو
ام احمد ؛ وش هناك بعد؟
فيّ: تتذكرين الشال الي جابته لك جدتي عشان البرد؟
ام احمد وهي تحاول تتذكر : ايي وش فيه ،؟
فيّ بخبث: ابيه. احمد غص و عقب اطلق ضحكات عاليه وهو فاهم سبب طلبها.
ام احمد : بسم الله وش فيك انت ،( طالعت في) وبعدين وش تبين فيه انتِ الثانيه؟
فيّ بابتسامه تتصنع فيها البراءه: صايره ابرد بزياده شكله هرموناتي مضطربه مسكينه فقلت اتدفى بشال نبع الحنان . ام احمد مابلعت عذرها بس مشتها عن الصدعه.
................
بيوم جديد يوم المنتظر بالنسبه لمي.
مي بخوف: وربي خايفه حيللل عليك يافي متاكده من الي بتسويه ؟؟
في : اووهووو الي لازم يخاف انا ما انتِ بعدين خافي على الرجال ما انا مسكين بينجلط من ذوقه وكككككككككك.
ريم حاطه رجل على رجل واياديها بمخابي تيشيرتها السبورت : مدري من وين جايبه هالجرأه لو يدري ابوك عن سواتك راح يطير ام راسك ذا .
هجر الي حاطه ايده على خدودها تراقب في: والله وصادقه ريوومه الحمد لله انه محد .
جبر وهي تحاول تنسى الي صار وتدش معاهم بالجو : في باليز انتبهي لك لاتفقدي السيطره قدامه وتتحمسي بزياده.
في وهي تلف الشال عليها : ما اوعدك بس بحاول لان ناويه انسيه الدرب الي جا منه .
رهف الي متحمسه : والله خاطري اشوف شكل امي وهي تعرف بسواتك لا تحش رجولك حش كككككككككك.
في: بسم الله علي اصلا مابخليها تشوفني وانا ادخل.
احمد دخل عليهم بعد مادق الباب واول ماشافها انصدم وعقب نقع ضحك.
احمد وهو يضحك: حرام عليك وربي بتخليه يعتزل الحريم كلهم ككككككككككككككككككككك.
في بخبث: وهذا المطلوب،(طالعت مي) عطيني الكتاب تعرفيني( وهي تمثل) ما اعيش بلاهم. عطتها ونزلت في مع احمد.
نوصفهااا لكم( كانت لابسه شال وتحته لبس عاديه جدا وماحاطه ولا تقطه ميكاب ومتاكده ان وجهها شاحب ، وكملتها بنظاره اكبر من حياتها ، كانن شكلها كانها عيووز من التراث مسحوبه ككككك.)
دخلت المجلس ورا احمد الي كان يحاول يكتم ضحكته.
مطلق اول ماشاف احمد دخل وقف لكن السدمه كان شكلها ولكن عداها .
طالعته من ورا نظارتها وبلعت ريقها لكن خلاص مافي تراجع .
جلست جنب احمد مواجهه له.
في وهي تنزل نظارتها لطرف انفها : السلام عليكم.
مطلق بابتسامه : وعليكم السلام ، كيفك؟
في: الحمد لله زينه وانت،؟
مطلق بابتسامه : بخير بس الظاهر اني حران بزياده والاوادم بردانه .
في: هه محد بردان غيري لان عندي شوي اضطرابات بالهرمونات لمن الاوادم تصيف انا اشتي ولمن يشتون انا اصيف.
مطلق ضحك بدون شعور .
في انقهرت : المهم اذا خلصنا انا ابي اكمل قرايه (وهي تسوي نفسها تتذكر ) واييييي لنكون واضحين من البدايه( رجعت نظارتها للخلف) انا وحده الكتب اهم من كل شيء بحياتها حتى العيال والصراحه (تحط رجل على رجل )انا ماناويه على جيه العيال. احمد انصدم من جرأة اخته وطالع مطلق.
مطلق كان مصدوم معقوله البنت الي صادفها الخجوله الي حتى ولا قدرت تحط عينها بعينه وهو يمد لها كيسها الي طاح بعد ما ضرب فيها بالغلط تكون هذي! ، باستنكار: السموحه بس الظاهر انك انتِ حتى ماناويه على زواج .
احمد بخاطره : والله انك سويتها يالداهيه.
في: والله هذا عاد شرطي وبكيفك .
مطلق وقف: عيل انا استأذن الظاهر ان مافي نصيب.
احمد وقف : اذنك معك . طلع مطلق الي كان مصدوم وماقادر يتقبل ابد ان هذي البنت نفسها هي مي.
.....
في الصاله
ام حمد كانت جالسه بين بناتها معادا مي الي كانت بالغرفه فوق.
ام احمد : ياربي شلوون بتعيش مع واحد ماتبيه .
رهف بصوت واطي لريم : والله لو تدري بس وش بتسوي في بتجلس تحاتي الرجال اكثر من مي ككك.
نزلت مي الي ماقدرت تتحمل الجلسه بروحها .
ام احمد بصدمه : انتِ مابالمجلس!؟
مي سكتت وهي خايفه من رده فعل امها .
طلعت في ناقعه ضحك من المجلس مع احمد.
ام احمد : هذي انتِ ام الصرووووم.، شلوون ترضاها يا احمد، (طالعت ريم) وانتِ يالعاقله الفاهم؟؟
ريم: بنتك وتعرفينها محد يردها عن الي براسها.
في: وشـ
ام احمد: انتِ ولا كلمه شلون ترضين تطلعين قدام الرجال وهو جاي لاختك وبعدين ليش شويتي كذا هاه؟؟؟
في جلست جمب خواتها وبدون اهتمام: والله اذا رضيتيها يا امي على ان بنتك تتزوج غصب عنها فانا مارضيتها هذي اختي ومامستعده اضحي بحياتها عشانها.
ام احمد : يعني يابطله شسويتي الحين عشان تغيري الوضع بالله فهميني!!؟
في بابتسامه : طبعا طيرت الولد.
البنات نقعوا ضحك واحمد معاهم الي كان يتذكر سواتها وكيف مطلق راح.
ام احمد فتحت عيونها على كبرهم : حشااا ما بنتتت من وين جايبه هالقوات العين!!!
في قامت وسحبت امها وجلستها جنبها : انتِ خلي عنك قوات العين والانف وسمعي الي صار .
في خبرتهم كل الي صار واحمد معاها وهم مصدومين من جرأتها ومره يضحكون بسبب الفاظها ووصفها لمطلق.
رهف صفرت بقوه: عااااش والله انك كفوووو تعالي ابوس خشمك. في ماصدقت رزت خشمها على طول وهي تاشر لها لتبوسه .
رهف : يعع ماصدقت تباها من الله .
مي قامت تبعد رهف عن في وهي تحضنها : ياقلبي والله مدري شبسوي بحياتي من دونك احبككككككك.
في ابتسمت بخبث وهي تسوي نفسها ان بريئه: عيب عيب عقب يهجون بينا حركات . مي فتحت عيونها مامستوعبه عقب نقعت ضحك مع الكل ورجعت تلمها .
ام احمد حست بسعاده داخلها ولكن ما حبت تظهر وبكذا تحسسهم بغلطتهم : ولو يافي هذي مب سواه تسويها بنت العرب المربايه ، هذي المره بمشيها لكن المره الثانيه ما انا الي بعاقبك ابوك هو الي بيجيب راسك.
في وهي تتفل حوالينها: بسم الله علي اللهم سكنهم بمساكنهم . الكل رجع يضحك على هبالها .
.......
في بيت2 شبيه بالقصور ...
كان جالس يطالع حاسوبه بانتباه شديد ومايغير مسار عيونه الا لملفاته الي كانت موزعه بارجاء المكتب الي قدامه .
ابعد نظارته ورجع راسه الخلف بعد ماحس ان الصداع تغلب عليه.
شوي الا ويحس بخطوات صغيره خفيفه جايه صوبه.
صقر ابتسم بلطف : هلا والله بالشيخ.
ابتسم وليد الي كان عمره 6 سنين ورفع راسه بشموخ : اهلين بابو الشيخ . ضحك بخفه وهو يشوف تعابير ابوه الي تفاجا للحظه عقب ضحك ( هذا الرد كان معلمنه اياه عمه مطلق الي دايم يسمع اخوه ينادي ولده بالشيخ.)
قام صقر ، حمل ولده بين يدينه : كيفف الروضه كانت؟؟
وليد وهو يسوي نفسه يرجع : عووع ماحلوه ولميوه الخايسه كل يوم تجيني تقول احبك (سوا حركه وكانه اخذ شيء حامض ومتغزز ) يععععع.
صقر نقع ضحك وهو ماقادر يمسك نفسه على تعابير ولده .
مطلق من ورا الباب : جعلني فدا راس راعيها.
ابتسم صقر : هلا بالشيخ الكبير . (صقر من لمن اخوه كان ياهل يناديه بالشيخ وهو الي مربنه بعد ماتوفت امه وهو بعمر ال18 بينما كان مطلق6 سنوات، وابوهم توفى بعدها بسنه ).
دخل مطلق : هلا فيكك . شوي الا تتغير تعابيره للحزن.
صقر وهو يقرا ملامح اخوه : وش فيك؟ وش صار شفتها البنت؟
مطلق : شفتها ياخوي وليتني ماشفتها فووق انها جايتني من المتحف تتشرط اوين ماتبي عيال.
صقر ماقدر يتحكم بنفسه وضحك من قلبه: اخخخخ وكذا شايفها اوين.
مطلق: وربي انا بروحي مصدووم كانت غير حتى نظرها ماترفعه لكن الحريم كيدهننن اعوذ بالله عشان تجذبني كذا سوت ، انت لو شايفها كان بتكذب عيونك ان هذي نفسها الي اصطدمت فيها لكن الملامح ماتكذب.
صقر استنكر الوضع لكن حب يسفه ومايكدر بخاطر اخوه الي كان متحمس لهذي الزواجه : ماعليه ياخوي ياكثرهم الي باقين على حياهم الا ماتلاقي الا ترضيك وخلك من هالاشكال.
مطلق : وهو كذا.
وليد الي كان يسمع بدون فهم ولكن جلس يربط الافكار بروحه شهق: يعني شفت ديناسول( ديناصور) برا المحتف( المتحف)؟؟؟
صقر ومطلق كان يطالعون بعض بعدم فهم لكن بعدها استوعبوا وانفجروا ضحك على استنتاجه وكيف حاول يحلل السالفه.
....... انتهى


الرد باقتباس
إضافة رد

مد كتفك احتمي به من سود الليالي/ هواجيس كاتبه

الوسوم
الليالي/ , احتآج , هواجيس , كاتبه , كتفك
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية أنا في لجة وحدي/بقلمي حنان | atch روايات - طويلة 217 الأمس 03:37 AM
على وتر الحياة غنينا/بقلمي؛كاملة غيم الكاسر روايات كامله - يتم نقل الرواية هنا بعد اكتمالها 220 03-06-2020 01:02 AM
روايتي الاولى بنات بمدرسه شباب بقلمي فــلآويــهه أرشيف الروايات المغلقة - لعدم إكتمالها 325 15-02-2017 08:23 PM
كل الليالى تبحث عن القمر وترالكمان خواطر - نثر - عذب الكلام 18 24-01-2016 10:06 PM
روايتي الاولى ( انتي المنزل ) med_awadh أرشيف الروايات المغلقة - لعدم إكتمالها 1 08-08-2015 12:26 AM

الساعة الآن +3: 01:18 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1