منتديات غرام روايات غرام روايات كامله - يتم نقل الرواية هنا بعد اكتمالها رواية قبلك كان الحب خرافة ومحض هراء وسفرا من أساطير الأولين/بقلمي؛كاملة
بنت&بلادي ©؛°¨غرامي مشارك¨°؛©

السلام عليكم ورحمة الله وبركاته
هذي اول تجاربي في تنزيل روايتي هنا في منتدى غرام
بالتاكيد في تخوف من الاخطاء من جميع النواحي
ولكن باذن الله تتسهل الامور علي وانزلها مع دعمكم اكيد

بنت&بلادي ©؛°¨غرامي مشارك¨°؛©

بسم الله الرحمن الرحيم
أتيتكم وكلي يقين
بأعزائي مشتركين منتدى غرام
وردودهم الجميله لكل روايه مرت علي وقريتها كنت انذهل بأسلوبكم الراقي وتفاعلكم الحلو متأملة أن أجد ذالك الجمال والرقي هنا في روايتي والتي تكون الرابعة
لأقلامي
روايتي: قبلكِ كان الحبُ خرافةً ومحضَ هُراءٍ وسِفْراً من أساطيرِ الأولين

روايه رقيقه بتعاملها معكم
مختصره بين البطلين لتحكي قصة ملحمتهم امام ناظريكمواحداث كانو لم يتوقعو تجربتها من قبل
نبذة روايتي: عندما يكون
الجهل والكرامهه
هي المتحكم
وعندما تكون السلطه اكبر من رأي فتاة
عندما يكون الانتقامم اكبر من حب شخصين
و يكونن عن طريقهم
وتمثلهم كممر عبور للملك الجهل والملكه الكرامه؟
ماذا سوف يفعل ابطالنا عندما يجدون انفسهم حل لخلاف بين عائلتهم ولا يتم اله بأنفصالهمم حتى قبل ان يتم زواجهم بشكل رسمي؟؟
ماذا سوف تفعل بطلتنه تجاهه عائلتها
وهل سوف يؤيد البطل وينفذ مطلب عائلتنه؟
وماهي تلكك المشكله التي لاتحل اله بأنفصالهمم
ولككن رغم كل هذا ....
الا ان القدر يرفض ذالكك فماذا سوف يحدث.....
اترككم مع مولودتي الرابعه:
"قبلكِ كان الحبُ خرافةً ومحضَ هُراءٍ وسِفْراً من أساطيرِ الأولين"


بنت&بلادي ©؛°¨غرامي مشارك¨°؛©

باذن الله بس اشوف تفاعل راح ابدأ في تنزيلها

بنت&بلادي ©؛°¨غرامي مشارك¨°؛©

"قبلكِ كان الحبُ خرافةً ومحضَ هُراءٍ وسِفْراً من أساطيرِ الأولين"
.
البارت الاول
.
.
.
بسم الله...لا اله الا الله...الله اكبر..استغفرالله..سبحان الله
______
اجواء من التشاحن والغضب
افكار تتراوح بينهم
صرخ الاب بعصبيههه:وشش اللي افهمههه منككك يا الجازييي تعصين كلامم ابوككك؟؟!
الجازي وهي تحس الدم فار فيها وتحاول تتكلم بهدوء وتمسك اعصابها:يبهه حرامم علييك والله انا وهو وش ذنباا بمشكلتكمم
ابو الجازي بعصبيهه:الهه ذنبكمم ونصص وبعدين وشش تبين الناس يقولون عناا هااه
الجازيي وهي مو قادره تستحمل ابدد ردت بعصبيهه ولاول مرهه:خلاص مو كافي طلقتوو بنتهمم
وبعدين مو انتو زوجتوني اياه وقتلو لا من الاهل وعيب نرفض والحين بعد ماحبيته جيتو تفصلوون بينننهه انتو اللي عطيتوني لهه فا تحملووو اللي سويتوو
صرخة عمها اسكتتها بعصبيه:جااااااااازييييي
ناظرت لعمها والجد اللي يناظرها بنظرات مجهولهه وهي كاتمه عصبيتها
طلعتت من الصاله متوجهه لغرفتهاا وهيي كارهه كل شي بحياتهاا وكارهه اهلها وتفكيرهمم الجاهليي
تحت صراخ ابوها بأنه بفركشون الملكه وغصب عنهاا
_________
نرجع لورا شوي قبل سنه وخمس شهور
:.
الحب مو احساس....الحب روح تلبسنه
لانه هذا هو الحب.....يجي بلحظهه
:.
.......
ابو عبدالله:ابكك اخلصوو انا انتظركمم برا
كمل يمشي بنرفزه:مدري من قايل لهم بنعيش هناك كلها اسبوع(وبصراخ)اخرتوني علرجااالل
طلعت الجازي وهي تشيل العفش مع الشغاله:يا يبهه ان شاءالله وش نسوي يعني نطييرر
طلعت عيون ابتسام وعظامها تتصفق وهي تصفق بلجازييي
وقف ابو عبدالله وهو يناظرها ويقرص بعيونه:وش قلتيي
الجازي بهدوء:قلتت وش نسوي نطييرر
ابو عبدالله ناظر لها:انتيي ماتستحيين على وجهكك تكلميين ابوكك كذا هااهه
الجازي بكل هدوء وهي تنزل الاغراض:وشو ماقلت شي غلط انا جالسه اتناقش معاكك عادي يعنيي
ابو عبدالله بنتقاد:تتناقشين معاي؟؟ الرجال محد يجي يتناقس معاهم كلمتهم تمشي فوق خشمكك تفهمييننن؟؟؟ ويلهه اخلصيي انتي وياهاا
نزلت الجازي بنرفزه وهي تشيل بلعفش
وتحطه بسياره وبهمس:اي الحريم تحت و الرجال دايم فوق هه مجتمع يحوم الكبدد
دخلت وهي تشيل اخوها الصغير النايم ودخلت لسياره بجنبها ابتسام بنت عمها اللي همست لها:ابي افهم انتي ليش ترادديين هاهه والله لو مو مستعجل كان جلدكك الحينن
همست الجازي بنرفزه:اسكتي بس تكفين اذا انتي خايفه انا مابخاف الحمدالله وشكر يعاملونه كانه عبيد عندهم هم الصح وحنى الغلطط
ابتسام بستغراب:تراك اوفر يعني مب لهدرجهه ترى
الجازيي:كيفي ياخيي انا كذا رايي يوه اذا لهدرجه فاضيه تسولفين اخذي حمودي بحضنك ترى شل يديي
ابتسام:لا شكرا كافيي اللي ببيتنه مجننيني
اسكتت الجازي بعد ماركب ابوها واخوها عبدالله بجنبه وامها بجنب ابتسام همست:شوفي حتى مجلسين امي ورا الحمدالله وشكر
ابتسام بملل:وش يعني تبين اخوك عبود يجي ورا وهو وش طوله رجال
الجازيي بنرفز همست:اي علاقل احترام لامي
ابتسام وهي تحط راسها على كتف الجازي بهمس:اشش بنام اذا وصلنه للمزرعه قولي لي
الجازي وهي تعدل حمد بحضنها بعبوس:طييب
بعد ثواني الجازي بصوت شبه عاليي:يبه
ابو عبدالله:نعمم
الجازي بنرفزه:ليش عبود يجلس قداممم وامي وراا مفروض هي قدام
رفعت ابتسام راسها عن كتف الجازي وهي تصفق جبهتها بيدها وبهمس:لا هلبنت مب صاحييه ناويه على موتها اليومم
ابو عبدالله بنتقاد:ليشش وش يقولون الرجال بكرا اخوك وش طولهه وعرضهه تجلسيننه وراا هااهه
الجازيي بقهرر:وشو وش يقولون وهم شكو وبعديين امه هذي مفروض يحطها فوق راسه بعدد
ابو عبدالله بعصبيهه ونرفزه من مجادلتها:انتي تنطميينن ومالكك شغل بسوالف الرجال فاهمههه
ام عبدالله مدة يدها وهي تقرص كتف الجازي وبهمس:جب ومالك دخلل وقصري حسك ماتشوفين اخوك نايم
ناظرت لها الجازي بصدمه وهي تمسك مكان القرصه بألم همست:وشوو ان شاءالله هتخلف اللي انا عايشه فيهه...(جات بتتكلم لولا يد ابتسام اللي سكرت فمهما)
ابتسام بهمس :تكفينن خلاص مانبي نموتت بفهمم انا ليشش فكرت اجي معاكمم هاه لو مع اهلي واشيل عفشنه ازين لي
سكتت الجازي بقهرر "اي اسكت ليش لا وبكرا اتزوج وانكرف مع عيالي وزوجي وكل شي اقول سم وامر وبعدين اربي بعيالي وبلاخير يجلسون مكاني وانا اذلف ورا كاني العنز يوم يحطونه بدبه"
سكرت عيونها محاوله تنامم تتناسا اللي صار
بس لاا مو جازي اللي تنام وتسكت:يبهه
ابو عبدالله وهو يهمس ب"استغفرالله":نعمم وش تبين
جازي وهي تاشر:وقفف عند هلبقاله تكفى خل عبود ينزل يجيب شي نتسلى فيه بطريق
ابو عبدالله وقف علجنب:ماتشوفينه نايم
جازي بسرعه:يبه انتو رجال عيب تخيل انزل انا وش يقولون الناس
شالت حمود وهي تحطه بحضن ابتسام وترفع نفسها لتوصل حق عبدالله وهي تهز بكتفى:قووم قووومم روح البقاله انت الرجال عيب انا انزل جيب لنا شي ناكل قوووممممم
ابو عبدالله وهو يرجعها لورا:ابكك اركدي مكانكك(ناظر لعبدالله اللي قام وهو عافس بوجهه بتنهد)انزل جيب لهم شي ياكلونه بطريق
عبدالله وهو يعفس بوجهه فتح الباب وهو يهمس:مدري منو قايل لهم انها طقوس الاكل بسياره لازم كل مره ياكلون اوفف..
كمل يتحلطم وهو متوجهه للبقاله
بينما بلجهه الثانيه
جلست الجازي ببتسامة نصر اهم شي خلته يقوم من المكان ويتعب
اخذت حمود من ابتسام اللي تهمس وتسب فيها:انا اعلمكك خل ننزل كسرتي رجلي باخوك انا وش جابني معاكممم ياربي
بعد مده
صعد عبدالله وهو يحذف الكيس عليهم
ويرد ينام
اخذت الجازي الكيس وهي تطلع لها شبس وعصير وتعطي لامها وابتسام
الجازي وهي تقدم شوي:يبه تبي شي؟
ابو عبدالله :لا مابي
رجعت لمكانها وهي تشغل فلم اعطت ابتسام سماعه واخذه هي الثانيه وجلسو يطالعون فيه لين يوصلون
وطبعا طول الفلم يعلقون ويضحكون
ابتسام بهمس:يالبييه كل بطل ازين من الثاني
جازي بهمس:امانه انا حبيت هذا ماقدر او ماي قاد شوفي بيبوسها هههههههههه
قربو اثنينهم لشاشه بتركيز وهم ماسكين ضحكتهم وكل وحده مغطيه عين
همست ابتسام:ياحظها
ضربتها جازي بكتفها بهمس:قلة ادبب والله ماتستحين على وجهك ههههههههههههههههههههههههههههههه بس امانه مالومه شايفه شلون تتدلع عنده
همست ابتسام:اقول طوفي بس ناقصين ذنوب
الجازي وهي تطوف:اي والله
لين طلع البطل همست ابتسام:لا اله الا الله شنو هلفلم اللي كله حلوين
قاطعهم صوت ابو عبدالله:وش تتساسرون فيه انتم الثنتين هاه ؟؟
ابتسام وهي ماسكه ضحكتها:ولا شي عمي نشوف فلم يضحك بس
ابو عبدالله:اي شوفو ماقلنا شي بس خلو عنكم الضحك الماصخ
الجازي:ان شاءالله(همست)شنو بعد حرام نضحك
ابتسام شغلت الفلم وهي تهمس:اسكتي تفكيين خنطالع
قاطعهم ام عبدالله وهي تشهق بصدمه:يويليي يا ابو عبدالله
فزو الجازي وابتسام بخوف وهي كل وحده تسحب بلجوال
ابو عبدالله :وشوو
ام عبدالله بزعل:نسيتت اجيب مفاتيح البيت
طاحت كل وحده على كتف الثاني وهي تاخذ نفس
ابو عبدالله بضيق وهو يلف لها ويرد يناظر بطريق:وش مفاتيحه بعد
ام عبدالله:مفتاح بيت المزرعهه والله اني انشغلت ونسيته اعوذ بالله من الشيطان
ابو عبدالله بقلة حيله:اجالي نرجع نجيبهم
ام عبدالله:بس يا ابو عبدالله انت خابر بكرا عندنا عشا وحقين الزينه اللي بنركبها تلقاهم وصلو والاوراق عندي ولازم اني اكون موجوده وما تاخر
ابو عبدالله وهو يتنهد:بتصل على واحد من اخواني ينتظرونه عند وحده من هلبقالات وانزلي انتي والعيال وباخذ الجازي معاي وانتي علميها مكان المفاتيح
الجازي تنهدت بملل وهي تهمس:الله يعين
وصحيح كلها ربع ساعه وهم يوقفون عند البقاله وتنزل ام عبدالله مع ولدها عبدالله وحمودي وابتسام راكبين مع ابوها ابو عادل
اما الجازي فا ركبت قدام مع ابوها وحركو راجعين للبيت تجيب المفاتيح اللي وصتها امها عليها
شغلت جهازها بملل وهي تركب سماعات وتسكر عيونها منتظره يوصلون البيت
بعد مده
ابو عبدالله:يا جازييي..يابنت قوميي وصلنهه(بصراخ)يااابنتتت
فزت الجازي بصدمه:بسم الله وشوو..
ابو عبدالله بتعب:بسم الله عليك قومي وصلنه راح صوتي وانا اصحي بك
جازي قامت بشويش وهي تحس رقبتها تكسرت:اخخ ياراسي
نزل ابو عبدالله قبلها
وهي نزلت وراه
اخذت مفتاح البيت ودخلت عسريع متوجه لغرفة امها وابوها
فتحت الباب وهي تتوجه للمكان اللي قالت لها امها عنه
بهمس:الله يهداك يا يمه وين بلقاه انا....(ابتسمت براحه وهي تطلعه من مكانه)لقييتهه
ناظرت للمفتاح وبعتب:مرجعنه عشانك بس اخخ بس لو انك مو جماد اخخ بس حسافه ولا كان عطيتك كف
تحركت بسرعه من سمعت صوت ابوها
وهي تنزل بسرعه وقفلت باب البيت وهي تتأكد لاتذبحها امها ثم اللحقت ابوها لسياره
صعدت قدام وحرك ابوها وكان الهدوء سيد الموقف
مرة فتره لحتى بصدمه مسك بلباب بسبب انه السياره اهتزت
ثواني لحتى شافت ابوها يحرك بسياره بسرععهه ويوقفها علجنبب
ناظرت له الجازي بصدمه:بسم الله وشفيه
تافف ابو عبدالله:شفيه يعني خربت السياره الظاهر فيها شي
نزل يتفحصها
جلست الجازي وهي تحط يدها على وجهه بنحيب:اااااهه بسس هذا اللي كان ناقصنيي انا اجلس بهلحرر وسياره خربانه ااااااااخ انا شنو سويت بحياتي عشان كذا يصير معيي
ناظرت لابوها اللي يتكلم مع "السطحه"ياخذون السياره
وشوي يتصل علصناعيه ويكلمهم عن السياره وانه بيجيبها لهم
ركب بجنبها وهي تناظر له:يبه وش بنسوي الحين
ابو عبدالله وهو يعقد حواجبه:بتصل على احد يجي ياخذنا ويودينه بعد وش بسوي
الجازي بستفسار:طيب والسياره؟
ابو عبدالله:يجون السطحه ياخذونها
ثواني وهو يرفع الجوال بعد ما رن:الوو هلا هلا ياسعد وش اخبارك يانسيب...ابدد والله تعطلت السياره فينا....هههههه اي والله الحظ وافعاله...منتظر السطحه....والله مدري بشوف لي واحد من الشباب يمرنه.....ههههههههههه صايدني شكلك......هههههه يارجال ودي والله ارفض بس تعرف ماتوقع بلقى غيره......ماتقصر اجل انا ارسل لك الموقع وخل ولد اخوك يجي.....ماتقصر والله ....هههههه نبشر مع السلامه
سكر منه وهو يرسل له الموقع ثم يرد يتصل على السطحه ويعلمهم موقعه
والجازي حاطه يدها على خدها وذابحها الحر وابوها كل شوي يتصل على احد ويكلم فلان وعلان وبس سكر
الجازي وهي ميته من الحر:يبه؟
ابو عبدالله:هلا
الجازي:منو بيجي ياخذنا
ابو عبدالله:زوج عمتك اروى سعد بيدز ولد اخوه قريب من عندنا يودينه
الجازي:لا يبه وين فشله مانعرفه ولا يعرفنه
ابو عبدالله بنتقاد:وانتي شكو وبعدين الرجال عمه نسيبنه ونعرفه ويعرفنه مالك شغل انتي تركبين ومالك حس
الجازي بزعل:طيبب
حطت راسها على ورا وهي تسكر عيونها منتظرين حظرة ابن اخ النسيب يجيهم على قولتها
_____________________________
تم ونوقف هنا لاتنسون توقعاتكم

اول حدث،!!!

الجازي وطريقة كلامها؟؟!!

شنو قصدها ب انتو السبب.!!

حياة البطله ؟!

ابن اخ النسيب..!!؟

الروايه كلها بشكل عام.؟!!

ودمتم بخير
____________________________________

الروايه كامله لكن بعطي كل بارت حقه من التفاعل
اتمنى القى ذيك.التوقعات والردود الحلوه وباذن الله
ينزل البارت الثاني وقتها

200718(:


Reema.Sh ©؛°¨غرامي جديد¨°؛©

استمريييي ياحلوه اعشق رواياتك 🤩🤩
بدايه موفقققه وننتظر الباقي ✨
امممم بالنسبه لابو جازي ؟!! خييرر ماحبيت تفكيره ابددد ..

بنت&بلادي ©؛°¨غرامي مشارك¨°؛©

البارت الثاني:
&
:
&
:

بسم الله...استغفرالله..سبحان الله...الحمدالله
_____
في مكان ثاني
على طريق السريع
انتبه لجواله وهو يرفعه ويناظر لاسم المتصل"سعد ابو ذياب" ابتسم وهو يرد:هلااا هلا بأبو ذيااب
بلجهه الثانيه من الخط:هو خل يجي اول يأبو سعد ههههههههههه
رفع حاجه بستغراب وهو ماسك الضحكه:احلف؟؟
سعد:هههههههههههه وشش
ذياب وهو يناظر لطريق:اخلص شتبي مو كافي ساحبني من الدوام
سعد:افا بس وش اسوي حضرت النقيب يعني تدري ماعندي غيرك يجيب شغلي اللي انساه
ناظر ذياب لشنطه اللي ناسيها سعد:اي مو انا اشتغل عندك اصلا المهم اخلص شتبي متصل
سعد:اقول كلمني عدل تراني عمكك
ذياب وهو يحط الجوال بلجهه الثانيه وضغط عليه بين اذنه وكتفه:اي خير ان شاءالله انتظر شوي
بيد ماسك دركسون وبيد الثانيه شال الشنطه وهو يخفف من السرعه فتح الشباك وشال الجوال عن اذنبه وهو يصور عسريع ويرسله له ويرجع الشنطه لمكانها والجوال مكانه ويمسك الدركسون :....اقول شوف وش ارسلت لكك
سعد دخل للرساله وهو يشوف شنطته بصدمه:ههييي يارجال لاتستهبل
ذياب وهو يطلع الدخان ويشرب منه ويطلعه بخبث:قلت لي منو عمكك؟
سعد:ههههههههه افا بس عمي ذياب شفيكك امزح معك ترا وبعدين مسوي فيها ترى لو تقوم وتجلس عمك غصب عنكك
ذياب وهو يرشف منها :اقول كم عمركك
سعد :نفس عمركك
ذياب:اي شهر
سعد:بدينا
ذياب:يعني تدري اني اكبر منك فا لاتتفلسف ههههههههههههههههههه اقول الا وش تبي متصل
سعد بصدمه:اوفف نسيييتت الا انت وينكك بأي طريق
ذياب:عند طريق.......
سعد:اسمع بما انك جاي لمزرعة نسايبنا اخو حرمتي وقفت فيه السياره الظاهر بنجرت وهو مستعجل مر عليه وجيبه
ذياب بقلة حيله:مو قايل لكك اشتغل عندكك انا..(نفث بدخان)وينن موقعهم
سعد ببتسامه:كفو الحين ارسل لكك
ذياب وهو يطفي الدخان :انتظركك....
سكر منه وهو يتصل على رقم ثواني حتى:الوو اسمع حمد ......كنسل الاجتماع .......وقول للعسكر يركزون على الشغل اللي عطيته لهم مشغول اليوم.......يله فان الله
سكر منه وهو يناظر لرسالة سعد وللموقع اللي ارسله :حلو قريب
________
الجازي بهمس:اساسا كنت ادري ان هذي نهايتي بلحر
ابو عبدالله نزل من السياره بس جا له اتصال:الوو ...يا هلاا...اي اي....اشوفك .....فمان الله
قربت الجازي وهي تناظر لسياره اللي جات :ما بغى يجي ولد اخ النسيب هههههههههههههههههههههههه
ناظرت له وهو ينزل بهمس:همم لا الولد حلو
قرب ذياب وهو يسلم على ابو عبدالله خشم بخشم:الحمدالله والله يسرك الحال
ابو عبدالله:عسى ماشغلتك معي
ذياب بهدوء ورزه:لا والله طريقي وطريقك واحد
ابو عبدالله:اجالي بنزل الاغراض واحطها بسيارتك وقفل على سيارتي ونمشي
ذياب:ابك انت خلك قاعده انا ادخلهم لسيارتي بس عطني مفتاحك
ابتسم ابو عبدالله وهو يمد له المفتاح:ماتقصر والله بس البنت بسياره خل اناديها
ذياب وهو صاد بحترام:طيب
ابو عبدالله توجهه لسياره:ياا بنت انزلي
عند الجازي
الجازي وهي تناظر لابوها يناديها:اخخ ليش حسيتني من حقين الصحرا وانزلي واحلبي الجمل ههههههههه اخخ استغفرالله
نزلت وهي ترد:سم يبه(بهمس)ناقص برقع وتكتمل المسرحيه
راحت لابوها وهو ياشر لها تركب سيارته لين يشيلون الاغراض
تقدمت لصوب سيارته وجلست ورا كرسي ذياب
ناظرت لسيارته:الله حلوه من داخل
ناظرت جنبها وكان في علبة جوال اخر اصدار بهمس:يالبيه وقسم حياة العيال فله يشتري ويحذف العلبه من البطره(كثر الفلوس)مو انا حتى العلبه شوي واحنطها....شكله يدخن السياره ريحتها دخان على عطر
ناظرت لقدام وهي تشوف علبة الدخان ابتسمت:ذكيه من عمري
قاطعها ذياب اللي فتح شنطة السياره وهو يدخل الاغراض
جلست بهدوء وكانه ماسوت شي"احس ماقدر اتنفس شنو بسوي اجل يوم يسوق طول الطريق"
كملو يحطون بلاغراض لحتى وصلها صوت ابوها:الجازيي انزلي شوفي ناسين شي
فتحت الباب وهي تنزل وبهمس:الله يعين
راحت لشنطة السياره
وهي تشوف اذا في شي بين اغراض ابوها يخصهم
لمحت شنطتها الصغيره:الله الحين طلعو كل اغراضهم جت على اغراضي ينسونهاا
اخذتها بقهر وهي تلف بس وقفت بصدمه وهي تشوفه واقف وواضح ماسك ضحكته رفعة حاجبها بستنكار وبهمس:خير
ناظر لها وهي تروح وبهمس:عيونها تذبح ههههههه واضح عنيده
ناظر تحته وكان طايح شي من شنطتها
نزل ياخذه وابتسم وهو يشوف معقم يد ولون العلبه اسود
سكر سيارة ابو عبدالله
واعطى المفتاح له
ابو عبدالله:اسبقني للسياره انا بحط المفتاح في مكان عشان تجي السطحه وتاخذ السياره
ذياب بهدوء :طيب
عند الجازي
دخلت السياره وسكرت الباب وهي تطلع جوالها بملل
قاطعها دخول ذياب
كان هدوء لدرجة تسمع صوت الثوب يوم يرفعه شوي ويوم يجلس ويده وهي تعدل نسفته صوت تسكيرت الباب حست بتوتر بس حاولت تطنش وهي تناظر بجوالها
اما ذياب فا ناظر لها من المرايه الاماميه وماكانت عيونها واضحه
ناظر للمعقم وبتردد"اعطيها ولا لا"
ناظر للمرايه الجانبيه وكان ابو عبدالله جاي
بسرعه رفع يده وهو يمد لها وعينه على المرايه الاماميه وبهدوء وهيبه بنطقه:طاح منك
ناظر لعيونها بس رفعة راسها وحس قلبه بلقطب الجنوبي نظراتها كانت حاده بدون قصد منها
حس بيدها وهي تاخذ المعقم وبهمس:شكرا
بعد يده وبهمس:العفو"هيي ذياب شفيك انهبلت رسمي بس ...عيونها تذبح ولا يدها قطن مو يد"
قاطعهم دخول ابو عبدالله بهمس:لا اله الا الله...يله مشينا
حرك ذياب وللحظه ناظر لها وكانت تناظر لجوالها ولا كان شي صار حرك متوجهه للمزرعه وهو وده يسمع صوتها بعد او اي شي اهم شي يكون "بينهم"تنهد "ياولد شفيك صحصح الحمدالله وشكر بس"
اما الجازي فا كانت تشوف رسايل ابتسام
"توام روحي":متى تجيين جالسين يركبون الزينه للعشا بكرا تهبلل
"الجازي":مدري والله شكلي ماراح اوصل ولك صار فلم هندي من سيارتنا المهم انا بسكر شحني شوي
"توام روحي":طيب بس تجين قولي لي
"الجازي":يحبك لسوالف..طيب
سكرت جوالها وهي تناظر لطريق بملل :متى نوصل والله لو اني رايحه امريكا مو المزرع....(لفت لجهة ابوها وذياب وهي تبولع بريقها ومثل ماتوقعت لقت نظرات قاتله من ابوها همست)سوري
لفت راسها لجه الشباك وهي تغطي وجها بفشله"انا ليش اتكلمم ياخي فكري بلمخ مو تقولي اخخ انا على يوم بنهي نفسي بنفسي وبعدين سوري؟؟ يعني لازم اعميها دايم"
خذت نفس وهي تناظر عادي عساس ماصار شي"ماصار شي عادي وخليك بمقولة" خلك هادي وكمل عادي ""
ناظر ذياب لها كيف تناظر عادي"تعجبني شخصيتها هلبنت احسها غامضه ماتطلع كل شي ولا تعطي شي اكبر من حجمه لو غيرها يوم مديت المعقم كان استحيت ولا ماقدرت تمسك الابتسامه ولا الضحكه اما هي بدون احساس كاريزما مو طبيعيه"
وكلها وقت ودخلو للمزرعه
ابتسمت وبهمس:مابغينا
وقف ذياب بهدوء وهو يشوف شاحنه ويركبون في الزينه
ناظر لها بس استوعب انها بتنزل ومعاد بيشوفها حس بتملك لحظتها اول مره بحياته يدش شي مزاجه ويخطف تفكيره مثل ماسوته هي وبدون حتى علمها
نزل قبلها وهو يفتح الشنطه تتبعها بنظراته لها وهي تنزل بهدوء همس:اوف حتى مشيتها تذبح
نزل عينه وهو يسمعها تكلم الشغاله:نادي علباقي وشيلي الاغراض بشنطه واعطي هذا المفتاح لماما
اللقت جملتها بكل هدوء ومثل نسمة الهوا اللي تمر معطيه هوا حلو ويختفي بلحظتها
ناظر لها للحظه بعد مادخلت لداخل تنهد:يبي لي جلسه مع سعد
ناظر لابو عبدالله اللي جا لعنده يشكره:ابد والله ماسويت شي
قاطع عليهم سعد اللي جا وهو يسلم على ابو عبدالله ناظر لذياب:جبت شغلي
ذياب:تلقاه قدام
ناظر لابو عبدالله:يله انا استئذن
ابو عبدالله:ماتشوف شر وماتقصر وترى بكرا بنسوي عشا تعال لنا ولا ترى بزعل عليك
ابتسم ذياب:تبشر
ناظر لسعد اللي اخذ الشنطه:سعد اركب ابيك
سعد:وسيارتي
ذياب:هههههههه بلف فيك وارجعك المهم اركب
سعد ناظر له:انا ادري وراك سالفه ولا من متى تلف فيني
ابتسم ذياب وهو يتقدم لسياره ويركب
ركب معاه سعد وحررك متوجهه لبرى
سعد:طيب قول شنو سالفتكك
ذياب وهو يحرك بسياره:اصبر خل اشوف قهوه قريبه
______
دخلت للغرفه وهي تحذف شنطتها
وتتمدد على السرير
دخلت ابتسام وراها:هاييي ههههههه واضح متكسرهه
الجازي:متكسره بس خليني ساكته بس مدري شلون بوقف على رجولي بعشا بكرا
تمددت ابتسام بجنبها :طيب يافتاة ال20 قولي لنا سالفتك
الجازي وهي تلف لجهتها:طالعه منها عساس الحين عمرك15 ترى حالك حالي
ابتسام :المهم قولي سالفتك وش صار لي تأخرتو
الجازي بخبث:بقول بس اول سوي لي مساج بكتفي
ابتسام بقهر:قايلين لك محل "كوين للمساج"جوجوو لاتستهبلين
الجازي ناظرت لها بحده:هيي قلت لك لا تناديني جوجو
اتبسام:انتي اول لاتناديني بوبو عشان انا ماناديك جوجو
الجازي:بوبو تدرين انه مو بس انتي اسمك ابتسام فا اختصرتك باسم بوبو بس انا شكوو تضميني معاك
ابتسام:كيفي وبعدين اتوقع البنت هذي من ايام الثانوي المفروض خلاص المهم خلصي ترى بروح امي تبيني
الجازي:عاد تعودت شسوي..احمم شوفي الله يسلمكك يوم رحت للبيت وخذيت الغرض اللي وصتني امي عليه
وحنى بطريق اله فجئه كذا تخيلي السياره صارت تهتز وعاد ابوي يالبييه حرك بيده بسياره واسرعع ووقف على الجنب واحس كانه بفلم اكشنن
ابتسام:الله حماسيس ياليت رحت معاكم
الجازي بضحك:ههههههههه احسنن عشان تعرفين شلون تخليني بروحيي
ابتسام وهي تقوم:بس تدرين شنو ربي راحمني ولا كان فطست معاك بلحر ههههههه يامسكينهه
الجازي وهي تحرك بيدها:هش هشش وسكري الباب وراك بنام لي شوي بعد اللي شفته اليوم
ابتسام ببتسامه:طيبب
______
سعد وهو يرشف من القهوه:طيب وبعدين
ذياب:المهم والا يطيح من شنطتها شي ويوم انزل واخذه الا معقم حقها حتى المعقم لون علبه اسود تحس شخصيتها مو طبيعيه
سعد:طيب وش نستنتج من هذا كله؟
ذياب بهدوء:ابد انتظر شوي اذا دخلت مزاجي رسمي بخطبها
سعد ببتسامه:منو يفكر يتزوج انت؟؟
ذياب ناظر له وهو رافع حاجب:اجل امي اي انا
سعد:مابغيت يارجال صك عمرك30 وانت كل ماقالت لك جدتي بخطب لكك رفضتت (بتفكير)بس ترى بنت ابو عبدالله على حد علمي صغيره
ذياب:مايهم العمر كافي اللي بياخذها رجال
سعد وهو يتنهد:بدينا غرور
ذياب وهو يحرك بسبحته:مو مسألة غرور بس اتوقع مافيني شي عشان ترفضني وظيفة ونقيب واصغر واحد بدفعتي وشكل الحمدالله يقولون لي زوين وفعلي بين الرجال معروف والحمدالله نصلي وصوم وش له ترفض
سعد:صح بعد المهم حرك بس لاتاخر على دوامي بعد باخذ اجازه يومين تدري بكرا عشا وبنام الصباح واليوم الثاني مالي خلق بكون تو راد من درب طريق
ذياب وهو يحرك:قايلين لك زوجتك وانا مدري كيفك ان شاءالله خذيت شهر انا وش دخلني
سعد بصدمه:طيب جبهتي
ذياب ناظر له وابتسم علجنب وهو يغمز:ماعرف اعيش بدون لاحرقها لك هههههههههههه هي يلعنن شكلك جالس اسوق لاتدففف
______
اليوم الثاني
الساعه6م
دخلت ابتسام لعند الجازي:جوجو لايطووفكك تو جا مطر ومن بعده الجو صار بارردد حيل
الجازي وهي تعدل الكاب:خليك من الجو وقولي لي الحين التيشيرت ضيق ولا عادي
ناظرت ابتسام للجازي:شوفي من ناحية ضيق فا هو ضيق بس راسم الجسم عدل يعني مطلع عندك جسم
الجازي ناظرت لها:وش قصدك ماعندي جسم انا
ابتسام:هههههههه اعصابك لا يعني مطلعك حلوه المهم بتلبسين كاب؟
الجازي بضيق:اي مدري وش اسوي بشعري فا قلت اللبس كاب واخلي على طوله منسدل لقدام من جهه وورا من جهه
ابتسام:المشكله يوم تنزلين راسك مايبين ميك اب العيون عيونك تختفي بس حلوو مطلعك كيوت
الجازي:طيب اسمعي جو ناس واجد برا؟
ابتسام وهي تجلس وبحماس:واجد بس ولكك احس العالم كلهم موجودين شوفي جهة الحريم بجنب جهة الرجال بس فاصل بينهم سيارات واجد حيل داخلين على بعض يعني يوم تجين بينهم تضيعين كانك بمتاهه للامانه غلط لانه والله طلع بوجهي رجال وكنت بنحاش بس طلع اخو جدتي الصغير
الجازي وهي تضبط بلكاب:عاد انا امشي واسلم تطلع بنت اخت ام جدتي عادي ماستغرب سلكي المهم اذا على قولتك كله في رجال واجد نلبس عبايه ليكون
ابتسام:لا اساسا ظلمه حطي شال على كتفك وامشي محد بشايفك
الجازي وهي تطلع لها شال بيج خفيف:طيب يله مشينا بعد امي موصيتني اروح مع حمود للمطبخ اوكله مدري منو قايل لها حاذفينه بربع الخالي ومجوعينه
ابتسام:اوكك انا بروح اتمشى مع البنات ورا بس تخلصين تعالي
الجازي وهي تلف الشال على كتفها :طييب
طلعت من الغرفه وهي تمر الغرفه اللي بجنبها اخذت حمودي وهي تشيله وتعدل الشال وتغطي شعرها
ناظرت للمرايه وكان الكاب مغطي شعرها من فوق:بس وعلى قولة ابتسام ظلام محد بشايفني
ناظرت لاخوها الصغير:صح حمود هههههه مفهيي
مشت عسريع بين السياررات ولمحت الرجال من بعيد وزعاج الحريم واغانيهم من جهه ثانيه همست:ديسكو مو عشا
ناظرت لجهة المطبخ وكان فيه رجال وبعضهم اول مره تشوفهم:وش السالفه الوضع سايب هذا يدخل وذيك تطلع مو هذي مشكلة العزايم اصتدامات بس مو على الجازي صح حمود هههههههههه انت خلكك مفهي
ناظرت للرجال بملل لين لمحة اروى عمتها وبصوت عالي:اروىى
ناظرت لها اروى وهي تجي لصوبها:هلاا وبعدين عمه وش اروى
الجازي:تراك اكبر مني بس ب5 سنين لاتعيشين الجو المهم وش السالفه اشوف رجال داخله وطالعه
اروى:اي مو تدرين اليوم العشا كبير وبعضهم جايبين ذبايح معاهم ولا خضره يقال يتعاونون فا جدك مايقصر ياشر لهم علمطبخ
الجازي :اهاا طيب تعالي شلونك مع سعد
اروى ناظرت لها:لا الاخت ماخذه علموضوع روحي بس اكرفي مع اخوك خل اشوف المعازيم
الجازي بملل:طيب
دخلت للمطبخ بعد ماطلعو الرجال:تعالي انتي هييي شنو في بلمطبخ اكل لبيبي صغير
وقفت الشغاله:في سوي عيش ابيض حق بيبي عشان في نوم هذا ساعه
الجازي وهي ترفع بحمود:طيب لايكثر عطيني صحن وحطي لبن شوي بسرعه
الشغاله:اول انا في يبي ياخذ هذا اغراض من بابا
الجازي وهي تلف للشغاله اللي بتطلع:هي شنو بابا اكلمك ان..(ناظرت بصدمه)بسمم الله
لفت وهي تغطي بشال:هي انت ماتشووف
اما عند ذياب اللي كان يودي ذبيحة عمه سعد وانصدم فيها لما دخلت وماكانت منتبه له لانه طلع يكلم بلجوال ورجع صد عنها وهو يبتسم على طريقة كلامها "هيي وقسم هي اعرفها انا ههههه لا البنت واضح حلوه"وبهمس:واضح مكروفه مع الاهل هههه
سكر عيونه بس جابت الشغاله طاريه"مو وقتهه"
وكلها ثواني اله سمعها تعصب عليهه تكلم بهدوء:اسف كنت موجود من اول مانتبهت لك وبعدين تراني صاد خلصي شغلك واطلعي ماني بشايفك
ناظرت له وهو معطيها ظهره:عساس بنتظرك يعني اكيد بطلع(ناظرت لشغاله)بسرعهه مستعجله انا
غرفت لها الشغاله وحطت لها لبن وملعقه مدة لها ووراحت تشيل بلاغراض
طلعت الجازي بسرعه
اما ذياب كان صاد لحد راحت وهمس:لا رسمي ماخذها الله لايعوق بشر ابكك هذي جويي
________________________________
تم نوقف هنا ولاتنسون توقعاتكمم

ذياب النقيب رايكم فيه وبشخصيته؟؟...!!

سعد وعلاقته مع ذياب.!!

اروى والجازي.؟!!

جوجو واتبسام.!!!

احداث اللي بين ذياب والجازي؟!!

المزرعه والعشا.؟!!

دمتم بخير
_______________________________________
رجعت لكم بلبارت الثاني ان شاءالله يكون عند حسن ضنكم ويعجبكم✨🌹


بنت&بلادي ©؛°¨غرامي مشارك¨°؛©

البارت الثالث:

&
:
&
:


بسم الله...لا اله الا الله...استغفرالله....سبحان الله وبحمد سبحان الله العظيم
________
بنص المزرعه
ابتسام ابتسمت بمجامله:جد
غلا:اي مناير تعالي ابيك شوي
مناير وهي تناظر ل ابتسام:سوري مااخلي بنت عمي بروحها
ابتسام بفرح:لا حلفت عليك روحي اكيد تبيك بشي مهم مناير فا بسرعه
اعطتها مناير نظرات ناريه وهي ترد تبتسم لغلا:احمم يله ثواني وبنرجع لك
ابتسام وهي تعلي بصوتها:حلفت عليكم اخذو راحتكمم
قاطعتها الجازي :لا رسمي واضح مستانسه انها راحت
ابتسام وهي تلف وتناظر للجازي:كان ماجيتي بعد
مسكت الجازي يد ابتسام وهي تقومها من جلستها علتراب:كنت انتظر دعوتك،المهم من ذيك
ابتسام:تصير لنا من مدري وين المهم انها صاحبة مناير البزر
الجازي:ههههههههههههههههههههههههههههههه ترا البنت عمرها17 مابينك وبينها شي شوي احترام
ابتسام:هههههههه كيفي المهم تخيلي وقسم صاحبتها تجيب المرض والهم
الجازي وهي تحوط بيدها على كتف ابتسام من ورا وتمشي معاها:كملي
ابتسام :الاخت ماخذتني دفايه عندك
الجازي:تعرفين اني احب امشي معك كذا ياخي يصير الجو دافي المهم شفيهم
ابتسام وهي تمشي شوي شوي ورا غلا ومناير :المهم البنت الظاهر حركاتها مو طبيعيه يعني تخيلي امسك مناير تضرب يدي وتسحبها هههههههههه
الجازي وهي ميته ضحك:يعع منو قايل لها يعني تغار كذا هههههههههههههههههه كملي
ابتسام:المهم ولما توريني صور احد وكذا تقول من ذي ليش ضايفتها وش نعمم خيرر
الجازي:شكله تضن متزوجتها هههههه
ابتسام:ههههههه والله اقول لمناير تقول لا مسكينه والله هي تحب تضمني وكذا المهم هي وغرتها حاطتها علجنب ولا طريقة شعرها كانه تسريحة فاتن حمام بمسلسل نهر الحب يوم حبيبها بلمستشفى متكسر ههههههههههههههههههههههههههههههه تذكرين الحلقه
الجازي:ههههههههههههههههههههههه مدري شنو كان جونه وحنى نتابع المسلسل وقسمم
ابتسام:الملل ومايسوي صدقيني ال...اوبب اوبب اوبب شفي امها
ناظرت الجازي لصوبهم وكانت غلا حاضنه بمناير ابتسمت بخبث وهي تبعد عن ابتسام وتمشي عسريع دخلت نفسها بلغصب بين حضنهم وصارت بينهممم:حتى انا ابي حضننن
صرخت مناير:هيي لاتستهبلين
ناظرت الجازي لغلا:هاي
غلا ناظرت لها بستغراب:هلا
الجازي:وش تبين حاضنه بنت عمي
غلا:....
مناير ناظرت للجازي وهي تسحب فيها لبعيد وبهمس:جازي عن الاستهبال ترى البنت زعلانه وتفضفض لي وش تبين انتي وابتسام ياخي
الجازي:والله حبيبتي ابتسام تقول البنت مو طبيعه وانا ماكذب بوبو حبي فا اذا مو طبيعيه بعدي عنها شكلها من حقين بويات الثانوي وانتي ياهبله ماتدرين وتحضن فيك
مناير ناظرت لها بهدوء:مدري انا ماحسها كذا
الجازي:انتي شايفه شعرها شلون قصير وحتى اليوم عشا مو كاشخه ولابسه كانها ولد وتتلصق فيك اكيد فيها بلا البنت المهم لاتخلينها تحضن فيك حيل اذا شكيتي بوضعها بعدي عنها احسن لك وترى مو قصدي شي اذا جد تفضفض لك سوري بس مو بهشكل بظلمه وتحضن فيك عيب شوي مساحه حتى ماتشوفك كثير
مناير:بسم الله طيبب ترى اكلتينيي
الجازي بضحك:سوري يله روحي كملي سوالف معاها(ناظرت لغلا وكيف تناظر لها بغرابه"لا البنت رسمي الله لايبلانا" وبصوت عالي وهي تشوف مناير تروح لها)غلااا
ناظرت لها وهي تشبك يدها بيد مناير:هلاا
حطت الجازي يدها حول ابتسام وبيدها الثاني رفعت اصبعين وهي تحطهم قدام عينها ثم تاشر على غلا واببتسامه:ترى اشوفك وترى الله فوق
ابتسمت غلا بتحدي:طيييبب
سحبت الجازي ابتسام وهي رايحه تتمشى مخليه مناير بعد ماوصتها:اقول ليش جالسه عند البزران وين باقي البنات كل هلعالم جالسه لي مع بزران
ابتسام وهي تشد الجاكيت عليها من البرد:احلفي تو تقولين احترمي عمرها
الجازي:اي صح
ابتسام: مو صاحيه هههههه ابد تشوفينهم هناك مجموعة البنات اللي يتمشون
الجازي وهي تناظر:يعع لايكون ذيك ماغيرها معهم
ابتسام وهي ترفع يدها وتعدد:ذيك على قولتك وطويله تذكرينها اللي تهاوشنا معاها وبعد ذيك الحيه موجوده
الجازي وهي تناظر لجهتهم:اجل مالومك يوم ماتجلسين معهم
ابتسام: بس يتمشون ويناظرون جهة العيال ويحشون وزوجي قال كذا وخطيبي اليوم جاب كذا ولاتناظرونن خطيبي مر من هنا مدري من قال لهم انه يتغطى
الجازي اللي رسمي ماتت ضحك:ههههههههههههههههههههههههه لااا لاا الوضع عندهم مستحيل فلمم تكفين حلفت عليك امشي خنطقطق عليهم شوي هههههههه خطيبي مر اجل
ابتسام:لاتكفين مالي خلق غثا هههههههههه
كملو يمشون والهوا يلعب بشعرهم والجو بارد شوي يسولفون شوي يمشون ويناظرون للجو والهدوء بعيد عن العشا وازعاجه
قاطعهم اتصال جوال ابتسام
ناظرت للاسم"ماما":امي شكله تبيني اروح احط العشا لاخواني
ردت على امها:هلا....اي ادرري بجي الحين...يله
ناظرت للجازي :هههههه شكله بتكملين المشي بروحك
الجازي ببتسامه:غلطانه عمري مابجلس بروحي بروح اطقطق شوي عليهم وبعدها بروح اكل
ابتسام وهي تبعد عنها وتحط جوالها بجيبها:اوكي قولي لي وش يصير عاد لما تخلصين
الجازي ببتسامه:ههههههه ابشري
ناظرت لها بس راحت حطت يدها بجيبها وهي تمشي ناحيتهم لين وصلت لهم:سلاامم شلت الفسااد
ناظرو لها وتكلمت وحده بينهم:اوف اوف وش فساده ياحافظ
الجازي ببتسامه :بسم الله عليك قلبي استهبل
جاتهم وحده :بناتت تو جيت
تكلمت اول وحده:وينكك طولتي
ناظرت لها:يوو تعرفين اروى ذيك حرمة سعد ولد ام عبدالله
البنت:ايي اي اروى بنت ابو حسام وش بها
ناظرت لها وبقهر:ابد تحارش باامي فا طولت بلكلام معاها
الجازي:يوو عاد اعرفها هلبنت اروى اكيد سكتت امك اعرفها لسانها طوييل
البنت:ايي غثيثه ماتنبلع
الجازي ببتسامه:جد!
البنت:هيي تحارش ياخي لو مو لسانها بس المشكله لو الحريم مو موجدين كان قعدت فوقها العصله خليتها تعرف كيف تتكلم
الجازي:همم اي صح طلعي اللي بقلبك ياعمري انتي
البنت:لا جد مدري على شنو شايفه نفسها ولا كيف تناظر
الجازي ببتسامه :ههههههه اي اعرفها عمتي تقتل امثالكك بثواني
البنت:ت...(ناظرت لها بصدمه)عمتكك
الجازي ابتسمت ببرائه:شفيك منصدمه كملي حش عبالكك مثلك بروح اقول لها لا انا افشلك هنا شوفي كيف وجهك قلبتي طماطه
البنت بتوتر وفشله:انا هذا اسفه ماكان قصدي
الجازي بنظرات حاده:ايي واضح لو فيك خير كان رديتي عليها مو بعد ما تفشلك تجين تحشين فيها اكره اشكالك
قامت وهي تعدل نفس وتبين انه عادي ناظرت لهم وتكلمت بكل هدوء وبرود:علاقل اقولها بوجهك انا ماتشرف اقعد مع اشكالك وترى في وحده بينكم بتعلمني يوم تفكرون وتحشون فيني بس اروح شفتو هذي اللي تحش(ابتسمت لهم )بعلمها التربيه على اصولها واربيها من اول وجديد(غمزت لهم)يله الحين تشااووو ههههههههههههه
كملت تمشي وهي تفتح يدها تستقبل الهوا وهي تاخذ نفس وبهمس:ريلكس جوجو مافي شي بهدنيا يعكر لك مزاجك "خلك عادي وكمل عادي" مافي شي ابدد نفسيه تمام الحياة حلوه
نزلت يدها ووهي تطلع لهوا وببتسامه:يله نمشي ناكل ههههههه
عدلت الشال وهي تمشي بين السيارات وتحط من المعقم مالها وقفت بس سمعت صوت عيال بهمس:يويلي من وين جاي صوتهم
جت بترجع بس صدمت بسياره وراها وبهمس:وش وضعهم موقفين سياراتهم كذا
:هييي منن انتت
ناظرت وكان مجموعة عيال واضح كبرها واصغر وكانو شايلين صحون العشا للرجال بهمس:انحش
طلع واحد منهم فلاش جواله وهو يحطه صوبها:اكلمكك منن انتتت
بنفس الوقتت
تكلم واحد منهم بتوتر:هيييي سكر الفلاش بنتت
صوت من وراها بنبره حاده:سكر الفلاش يـــاورع
_______
صوب الرجال
ابو عبدالله:ياا عيال قومو جيبو صحون العشا من المطبخ
قامو بتذمر
ناظر ابو عبدالله لجهة العامل اللي تو مر:كومارر تعالل
جا له العامل:نعم بابا
ابو عبدالله:اخذ العامل الثاني معاك وروح لسطحه برسل لك موقعها وجيب سيارتي فيها
العامل:بابا سياره مافي
ابو عبدالله بستغراب:وينها
العامل:هذا بابا سيتام(سطام)في ياخذ
ابو عبدالله بتنهد:خل...
قاطعه ذياب وهو يمد مفتاح سيارته للعامل:روح في سيارتي
ابو عبدالله:لاا ماله داعي السياره تطلع بكرا مو اليوم بشوف لي احد بكرا
ذياب:ابك ماعليك ياعم انا بعود مع سعد والسياره اجي اخذها بعدين
ابو عبدالله ابتسم له بأمتنان:ماتقصر والله من طيب اصلك
ذياب بهدوء وثقل :ماعليك زود
ناظر للعامل:تعال معي اوريك اي سياره
طلع مع العامل لسيارته فتح الباب وهو يطلع اللي يبي منها طلع الشاحن وبكت الدخان
سكرها وهو يعطي العامل المفتاح:هذي هي
العامل وهو يناظر لميدالية الشرطه اللي معلقها بخوف لهيبته:ان شاءالله بابا
راح العامل تاركك ذياب اللي طلع له من البكت وجلس يدخن وهو يناظر للجو
اخذ انتباهه صوب الولد العالي:هيي من انتت
قرب لصوب الصوت لحتى سمع مره ثانيه:اكلمكك من انتت
ثواني حتى نفتح الفلاش وبان له ظهر البنت اللي طايح الشال من على كتفها بطريقه مايله وباين شعرها تكلم بحدهه وبنبره عاليه وهو يحذف الدخان ويدوس عليه:سكر الفلاش يــــاورع
ثواني حتى تقدم وقف قدام البنت وبعصبيه:وش تسووي انت وياا
واحد منهم بخوف:حنى جايبيين صحون العشا وعبالي واحد من العيال يجي يساعدنا
ذياب بنبره حاده ومهيبه :امش اشوف انت وياه وراسكم بلارض لااشوف احد يرفعه
نفذو كلامهه بتوترر لحد ماراحو جا بيروح بدون يتكلم وراهم بس انصدم بدفتها لظهره لحد ما نزل على قدام شوي وصوتها:تبي يفضى لك الجو يالي ماتستحي لاتلفف
ذياب بصدمه وهو يعدل وقفته:وشوو الف بروح وراهم انا بعد
الجازي:تحسبني غبيه يوييلكك تلف لين مااروح لاتحركك
ثواني حتى سمع صوت ركضها لين اختفى لف وراه بصدمه يمسك ظهره:جونسينا مو بنت
جا بيروح بس داس على شي
ناظر تحته بستغراب
نزل ياخذه
ناظر له بصدمه ثم ناظر جهة ماراحت وببتسامه:كيف مانتبهت انها هي ههههههههههههههههههه(بهمس) يا هلبنت اللي بتجنني
جا له صوت من ورا:منوو بتجننك وبعدين وش بك تضحك مع نفسكك انت ذياب ولا جني
ناظر ذياب لسعد :سخيف
سعد:مو اسخف منك المهم منوو
ذياب:منو غيرها
سعد:هههههههههههه وضعك يضحك وين ذياب النفسيه
ذياب وهو يمشي بجنبه:ابكك قلبت علومي بنت ابوها مهو انا اللي خابره
سعد ببتسامه:شكل دعاوي امي(جدة ذياب)لما تقول يارب تجي لك الي تجننك صارت صدق ههههههههههه
ذياب بضحك:تهقى(تتوقع)ههههههههههه
قاطعهم جوال سعد ناظر لذياب:دقيقه
راح بعيد وهو يرد على جواله
ناظر ذياب للمعقم:شكلك بتكمل حياتك معي ههههههههه(حط المعقم بجيبه بس جا سعد)اله صح سعد ترى بعود معك اليوم عطيت سيارتي لابو عبدالله يجيب سيارته من السطحه
سعد:ههههههههه ابك امن واقعد انا بروح ويا المدام وبعد مو اليوم بكرا
ذياب :تستبهل وش اسوي اجلس
سعد:ماعلييك ياولد معي وبعد امزح معك المدام بتطول الجلسه معاهم فا باخذك معي بس ترى بكرا مو اليوم
ذياب بتنهد:امرنا لله نجلس ليش لا
سعد ابتسم بخبث:ههههههههههههه اكيد اذا الحب موجود ليش لا
ناظر له ذياب ببرود:انا ليش اقول لك كل شي
سعد ببتسامه:لاني عمكك
ذياب ابتسم بخبث:صدقني تخسي ههههههههههههههههههههههههههههههه يلعننن شكلكك لاترفس
سعد ببتسامه:تستاهلل يا الورع
ذياب:ورع؟لعلمكك اكبر منكك
سعد:ترى كلها شهرر وذليتت اميي فيهاا
ذياب بضحك:صدقني جدتي الوحيده اللي ماتنذل ههههههههههههههههههه
سعد ببتسامه:من هناحيه اتفق ههههههههههههههههههههههههههه تذكر يوم ربطتنا بنخل بعز الحر لين المغرب هههههههههههه
ذياب:يوم نكسر رجل المعزه وذبحنه بزرها بلغلط هههههههههههههههههههههههههه تبيني انسا لين الحين احساس ضربها بلعصا برجلي اذكره ههههههههههههههههههههه والله ايام
_________
عند الجازي
راحت لصوب الحريم دخلت للمجلس وكان مليان اللي يسولفون بصوب واللي بصوب ثاني وبكل مكان سالفه
راحت لامها وجلست
ناظرت لها وحده من الحريم:ماشاءالله يا الجازي محلوه
ابتسمت لها بهدوء:تسلمين
همست لها امها:روحي شوفي العشا حق الحريم قولي لهم يحطونه بلمجلس الثاني وخليك فوقهم ووزعي اللحم عدل مايعرفن
الجازي همست بهدوء:ان شاءالله
قبل تقوم امسكتها امها وهي تقربها:وشوفي اخوك تلقينه بلغرفه اللي جنب المطبخ نايم تطمني عليه وغطيه عدل وبدلي ملابسه لان حمود ناايم بثوبه
الجازي:طيب
طلعت من المجلس وهي تلم شعرها ذيل حصان
دخلت للمطبخ وهي تفتح بلقدور وتشوف اذا العشا خلص
ناظرت للشغالات:خلاص روحي ودي عشا مجلس جنب مجلس في حريم
الشغاله:ان شاءالله
اسحبت لها كرسي صغير وهي تجلس قدام القدور الكبيره:ميري جيبي الصحون وعطيني الملاس الكبير
صارت تفتح فيهم لين لقت قدر اللحم
قربته لعندها
قاطعها دخول ابتسام اللي جلست بجنبها:هايي ها بديتي
الجازي:تو اسمعي شوفي الرز وانا علي اللحم
ناظرت لكوماري:كوماري عمري انتي يااحلا وحده شوفي سلطه حقتك حلوه وزعي بصحون الصغيره اوكي
كوماري ببتسامه:ان شاءالله ماما
ابتسمت لها الجازي وهي تهمس:ماما بعينك ههههه يله يله شغل
قامت ابتسام وهي تاشر لشغاله:زيدي رز بذا صحن
الجازي:ابتسام جيبي الصحن الثاني احط اللحم
مدت لها ابتسام
وقامت الشغاله توصله لصوب الجازي اللي ناظرت لشغاله الثانيه:جيبيي ملعقه مرق كبيره
كملو يحطون صحون العشا وبس خلصو صارو الشغالات يودونهم
قامت الجازي وهي تاخذ علبت البيبسي
ولحقتها ابتسام بعلبت المويه
وصارو يوزعونهم
وراهم مناير اللي جات وهي تشيل علب السفن وتوزع معاهم
الجازي:خلصتي شهر العسل وتو تتذكرين تجين
مناير وهي تدفها من الجنب:شهر عسل بعينك...وش عرفني محد قال لي انكم بلمطبخ كان جيت ساعدت
الجازي بهمس:وزعي وانتي ساكته
خلصو توزيع
تقدمت الجازي صوب المجلس وهي تطل فيه وبصوت بعالي:تفضلو على العشاا حياكم الله
طلعت لبرى للحريم اللي جالسين بلجلسه الخارجيه صوب الضو(النار):حياكم على العشا ياحريم
وقفو سوالف وهم يتتمون لها وقامو
اشرت على وحده من الشغالات:تعالي اجلسي مني لايجي بيبي
الشغاله وهي ذابحها البرد وماصدقت:ان شاءالله ماما
راحت الجازي لعند الغرفه اللي بجنب المطبخ وهي تدخلها وكانت مليانه من الشغالات وبزارين نايمين بعضهم وبعضهم يبكون
ناظرت لاخوها النايم
راحت له وهي تحس بنظراتهم عدلت الغطى وهي تشيل الثوب وسرواله طلعت بجامته من شنطته وهي تلبسه
وبس عدلته غطتى وقامت وهي تسمع همس الشغالات عنها
طلعت وراحت تشارك الحريم بلعشا
همست لها ابتسام:وين كنتي
الجازي:عند حمود عطيني بيبسي
مدت لها ابتسام وبهمس:اكلي مهو بفايدك البيبسي
ابتسمت الجازي بهدوء لها
_______
بعد اربع ساعات
الساعه 3 الفجر
بعد ماخلص العشا
اجتمعو البنات بلجلسه اللي برا
طلت عليهم ام عبدالله:يابنات منتن ناوين تنامن
الجازي:يمه بنسهر لي الصبح
ام عبدالله وهي تتنهد:الله يهداكن بس
راحت تاركتهم
الجازي وهي ترشف من البيبسي:كملي
مناير:المهم احس صح كلامكم يعني انا صاحباتي بلمدرسه عادي يعني الوضع وكذا مع بعض بس يوم شفت صح حسيت مو تمام وضعها
ابتسام:مناير اسمعي ترى والله هي غلطانه صح بس يعمي مانقول لك اتركيها بلعكس انصحيها بما انه هي تحبك كذا يمديك تنصحينها والله هطريق مامنه الا الخراب خليك مثلي انا والجازي ماشين علفطره صح نحب العيال ههههههههههههه
الجازي وهي تسوي انها تطرش البيبسي:وييع مالقيتي الا انا احب العيال ياخي انا اي احبهم اكيد بس فطره بس عيالنا ويع مادانيهمم
ابتسام ناظرت لها بخبث: بس اللي بلافلام الاجنبيه شي ثاني ههههههههه
الجازي ضحكت بخبث:شسوي انا قلبي يحب الحلوين بس عيالنا لا ههههههههههه
مناير ناظرتهم لهم بملل:ياخي انتو غريبات اطوار تضحكون مع بعض مدري كيف المهم اكيد ادري انه طريق خطاء وان شاءالله ولا بمشي فيه وان شاءالله بنصحها
الجازي:اهم الحين حتى مايتقبلون النصيحه قوليها بطريقه غير مباشره فهمتي والله ياحلات تعيشين حياتك فالتها ووناسه وش له تقلبين ولد عاد ياليتها حلوه كانها سايقنه كومار وهو يحط الغره على جنب مع شوي زيت دابر املا اعع هههههههههههههههههههههههههه اخخ استغفرالله الله لايبلانا بس ذكرتوني اليوم صار موقف لايحسد عليه معي
ابتسام وهي تحط راسها بحضن مناير:قولي خلنسمع
مناير فكت شعر ابتسام:بسوي لك تسريحه وهي تقول هههههههههه بس لاتنصدمين
ابتسام بعدت عنها وهي تربط بشعرها:لاتكفين من قايل لكك فار تجارب عند ابوك انا
ابتسمت شموخ لثواني:على طاري فار التجارب
ناظرو لها وابتسمت مناير بخوف:انتي ابتسامتك ذي ماوراها خير انا ادري
الجازي وهي تبعد البيبسي والفصفص من قدامها وتقرب لعندهم :بنات امانه اسمعو كذا جت فكره ببالي شفتو الشجر الطويل حيل قدام مجلس الرجال تذكرون قبل كنا نصعده لي اخر شي فوق ونشوف الشمس يوم تطلع؟
مناير بصدمه:قلتيها قبل تبين الحين نروح عشان عماني وابوي يربطونا فيها ونصير عبره لمن يعتبر
الجازي :بنااتت لاتصيرون سخيفات ياخي نبي اكشن بحياتنا شوي وبعدين بوش بيضر ترى بلعكس جو حلو ووناسه
ابتسام :انا معك من اول
مناير ناظرت لها:لا والله
ابتسام:كيفكك انا بروح
مناير ناظرت لهم كيف يعطونها نظرات ويلعبون بحواجبهم:بسم الله خلاص معكم
قامت الجازي بحماس :اجل امشو ترى الساعه 4 وبجي الصباح
قامت ابتسام بعد ماسحبتها الجازي
قامت معاهم مناير بتوتر:ترى مالي شغل لو صار شي
راحو معاها لصوب الاشجار واللي كانت عاليه حييل
الجازي ناظرت لجذع اللي كان مايل لي يوصل لفوق حييل وكله اغصان
صارت تمشي فيه شوي شوي ترتفع معاه لفوق وقفت لثواني لما حست انها بتطيح ناظرت لابتسام وراها وبهمس:هيي لاتدفيين
ابتسام:ابك امشي بسرعه بطيح
مشت شوي شوي لين وصلت لاعلى شي وجلست وجات بجنبها ابتسام وتبعتها مناير
ابتسمت الجازي بانتعاش وهي تشوف الشمس اللي بدت تطلع:الله امانه شوفو بس الهدوء ولا صوت العصافير تحسون الدنيا بخير
ابتسام:وش بكك يا الحزينه هههههه
الجازي ناظرت لها ببرود:ماتخلون الواحد يقول مشاعره انتوو
مناير وهي تتمسكك بلغصن بجنبها:مالقيتي الا حنى
ابتسام اللي ماتت ضحك:ههههههههه قالتها
ناظرت لهم الجازي ببرود ثم ناظرت للشجره اللي بجنبها وكانت عاليه وعلى فوق
وقفت شوي شوي وهي تتوجه لها:بنات بصعدها في فوق مكان غصب مايل نفسي اجلس فيه
ابتسام:روحي وانا بروح وراك
صعدت الجازي لحد ماوصلت له وكان مرتفع حييل لدرجة تشوف المزارع اللي بجنبها
ناظرت لتحت جهت ابتسام:شوي شوي لاتطيح.....
تجمدو بصدمه وهم يسمعون صوت جدهم ابو حسام:ابكك هذا وشنهووو هااهههه وش تسوونن
نزلت مناير بسرعه لحقتها ابتسام اللي من الخوف نطنت بنص النزله وحطو رجلهم يركضون
اما الجازي ناظرت لهم بصدمه كيف سحبو عليها
الجد اللي جا لمكانهم وبصراخ:عبالكمم ماعرفكنن هااهه ماغيركنن الجازي وابتسام والله ان ماتشوفون خيرر صاعدات لي فوق الشجر تقل قروووددد
الجازي ناضرت له من فوق بخوف وهي توقف شوي شوي وانقذها الشجر اللي كان مغطي عليها ومكانها المرتفع
سمعته وهو يتكلم مع احد:بنات هزمن وانا ابوك
ابتسم ذياب وهو ماسك ضحكته وهو من اول ملاحظ اللي جالسه فوق :وش رايك نرجع اسوي لك احلا فطور
الجد :ابك لا وين انت ضيف ياولدي(راح بيرجع للمجلس)
ذياب تحمحم:انا عندي مكامله شوي واللحقكك
الجد:لاتبطي(لاتطول)بقول لشغاله ترسل فطور
ذياب وهو يطلع جواله:ابشرر
_________________________________
تم نوقف هنا ولاتنسون توقعاتكمم

العشا والبنات وجوهم؟!!!

غلا وحركاتها ومناير؟.!!!

ابتسام والجازي..؟!!!

الجازي والموقف مع العيال..؟!!

ذياب والمعقم الاسود.؟!!!

سعد وذياب.؟!!

اخر موقف.!!!!

الروايه بشكل عام.!!!!

ودمتم بخير
_________________


بنت&بلادي ©؛°¨غرامي مشارك¨°؛©

البارت الرابع:

&
:
&
:

بسم الله ..ولا اله الا الله...استغفرالله...سبحان الله وبحمده سبحان الله العظيم
______
عند ابتسام ومناير اللي وصلو لعند البيت
ناظرت مناير صوب الاشجار:يويلنا منها والله ان تكسر البيت فوق راسنا
ابتسام:ههههههه تتوقعين مسكها جدي؟؟
مناير:ماتوقع لانه صرخ علينا باسمك واسمها
ابتسام:امشي للجلسه وننتظرها اكيد بتجي شوي
مناير وهي متكسره من الركض:اي والله امشي نجلس تكسرت
___
بجهه الثانيه
ناظرت الجازي لذياب اللي طلع جواله وكان يتصل على احد همست بقهر:يويلي ليكون مطول انا احس شوي وبطيح ثم بنفضح رسمي،وبعدين (وهي تناظر له بتدقيق وهو حاط الجوال على اذنه )انا اتخيل ولا هذا نفسه ولد اخ النسيب
ناظرت له وهو يناظر بلجد اللي راح نزل الجوال ولحقه بكل هدوء الجازي براحه :كنت بحلف عليه يكمل سوالف بلجوال بعد
نزلت بسرعه وهي تركض متوجهه للبنات وبس قربت صرخت بقهر:وينكممممممم ياحيواناتتت
فزت مناير وهي تتخبى ورا ابتسام :ماليي دخللل فكرة ابتسامم
لفت لها ابتسام بصدمه:هيي هيي وش فكرتيي هو اصلا لحقنه نفكرر انا نحشت وانتي رحتي وراي مالي دخل
اما الجازي اللي كانت واقفه وحاطه يدها على خصرها بقهر وهي تتنفس بسرعه بسبب ركضها:علاقل كان وقفتو معي مو كذا تسحبون علي
ابتسام ببرود:قدرك هذا ولازم تتحملين
الجازي بسخريه:وش وش(وبتقليد)قدركك...اقوولل على سحبتك ذيي احلفي ترجعين معانا روحي مع عمي واخوانك وانكرفي معهمم
طلعت الجازي متوجهه للغرفه وفزت ابتسام وراها بصوت عالي:هيي ماينمزح معككك
وقفت مناير بربكه وهي تناظر للاكل اللي عطاوله ولهم:ب بناات انتظروني طييب
اخذت بيبسي اثنين وكم شبس ولحقتهمم
______
اما عند ذياب
اللي رجع للمجلس وتسند حاط الشماغ على وجهه مقرر ينام
ثواني بعد الشماغ وهو يتنهد"اوف والله لو تحل لي كان سويت اللي ابيه اخخ بسس ياشين العزوبيه"
طلع جواله وهو يرسل لامه رساله"يمه اليوم المغرب ابيك بسالفه مهمه خليك بلبيت طيب"
سكر الجوال وهو يرجع الشماغ مكانه وهو معزم على اللي بباله
بعد 7ساعات
صحى ذياب بسبب سعد اللي يصحي للصلاة الظهر
قام متوجهه للحمام غسل وتوضى يصلي معهم
ثم جلس معهم شوي لحد وقت الغدا اللي اصرو عليه يتغدا معهم بعد ماكان مقرر يرجع للبيت
عند باب سيارته
ناظر له سعد:ههههههههههههههههههههههههههههههه حسافه بس وهذا وانا جالس عشانك بلاخير تنكبني وتعود بسيارتك
ابتسم ذياب بهدوء:اقول انصب على غيري جالس عشان حرمتك تحسبني ثول مثل فهد
سعد:ههههههههه لا محشوم الا صدق فهد متى يرجع
ذياب وهو يركب ويشغل السياره:قالو لكك امه وش يدريني انا اتصل واسأله
عض سعد على شفته بقهر:بفهم انت متى تحترمني
ذياب وهو يغمز له وقبل يسكر الباب :بليوم اللي مافيه جمعه هههههههههههههههههههههههههههههههههههههههههههههههههه هه يلهه سلم لي عليداخل
حرك تاركك سعد اللي يبتسم بقهر:مافي فايده الاحترام بجهه وهو بجهه
____
المغرب
في بيت ام ذياب
دخل ذياب للبيت وهو ينادي على امه
وصل له صوتها:تعال يمه وسلم على جدتك
دخل ذياب وابتسم وهو يسلم على امه وعلى جدته باس راسها وببتسامه:اشوف البيت منور اثاري ام عبدالله زايرتنه
جلس وامه مدة له القهوه
ام عبدالله:اقول ورا ما تتصل تسأل
ذياب وهو يرشف من الفنجال:انا مااسأل ولا انتي اللي ماتتصلين
ام عبدالله:اتصل بهلارقام اللي مسجلتن عندي ولاني لاقيه رقمك بينهم
ذياب:الحين انتي تتصلين علناس ماتعرفينهم ههه؟؟
ام عبدالله:مدري ماعرف لهلجوالات
ذياب:عطيني خل اسجل لك رقمي
اخذ الجوال وهو ينزل فنجاله سجل رقمه وقبل يحفظه:يمه تبين احط علامه جنبه عشان تعرفين انه رقمي
ام عبدالله:هاه وش علامته
ذياب بصوت شبه مرتفع:يمهه علاامه علامه كل ماشفتيها عرفتي انه رقمي
ام عبدالله:اييي حط حط
ذياب:وش تبين تكون العلامه ولا احط ذيب هههه على اسمي
ام عبدالله:لا لا حط سمكه
ناظر ذياب لجدته بصدمه:افا من ذيب لسمكه هههه امانه ليش سمكه
ام عبدالله وهي تفتح بلحلا اللي قدامها وتاكل منه ناظرت لام ذياب:صبي لي قهوه
ناظر لها ذياب بصدمه:يابنت الحلال اكلمك انا
الجده ناظرت له:ابك خلني اكل وش فيك مغير تسولف ماتسكت
قام ذياب من مكانه وهو يمثل الزعل:انا ماشي ولعاد تكلميني زعلت منك
قبل يوصل للباب نادت علي جدته:تعاال تعال وينك رايح
ابتسم ذياب وهو يرجع يجلس بحماس وياخذ الدله من امه ويصب له من القهوه:ادري فيك يا الغاليه ماتقدرين على فراقي
ام عبدالله وهي تضربه بلعصا:ايا اللي ماتستحي على وجهك تغازلني وانا جدتك وبعدين ميتتن عليك انا ابك عطني جوالي بغيت تروح فيه جيبه
وصل لهم صوت ضحك من ورا الباب:هههههههههههههههههههههههههههههههههههههههههههه هه كفوو عاشت امي
مد ذياب الجوال لجدته وهو يناظر لجهة الباب:ماتعرف تسكت يا العتويي(فز من مكانه بسبب ضربت جدته)
الجده:ما العتوي الا انت تسب ولدي قدامي هااه
اما سعد اللي مات ضحك رسميي:كاااككك ههههههههههههههههههههه تستاهلل يا العتوي
وصله صوت امه:اسكت انت الثاني يا الخرووف
ابتسمت ام ذياب وهي تشوف ولدها اللي صار يضحك على فشلت سعدد
ذياب قام من مكانه متوجهه لباب:جاي لك يا الخروف اردكك للمزرعه شكلك منحاش ههههههه
طلع لسعد:وش تبيي جاي لبيتنه توك بلمزرعه
سعد رفع له الحاجب بخبث:جاي باخذ امي وبعدين بيت اخوي عندك شي؟
ذياب مسكه من ثوبه جهة الكتف وهو يمشي لباب:هههههه اعلمك بيت اخوك شلون يا البزرر ماعلموك تحترم اللي اكبر منك
ناظر سعد له بصدمه:تراك طولتها كلها شهر مايمديك حتى فتحت عيونك ههههههههههههههههههه
ناظر له ذياب:لو يومين اكبر منك
جاتهم ام عبدالله مع عصاتها:وش تسولفون فيه هاه
ناظر لها سعد وبقهر:يمه شوفي حفيدك وبعدين ليش ماولديتي قبله ترضين يقعد يهين فيني كل مره اكبر منك واكبر منك
ام عبدالله وهي تناظر لهم:ماعليك انت جيب عيال وخل يهينونه كل ماجو بيطلعون ينادونه ذياب لانه ولد عمهم ولا يحترمونه
ابتسم سعد بخبث:بجيب جيش بعد مو بس عيال
ذياب:افاا يمه واناا انا اول حفيد لكك مو يقولون ما اغلى من الولد الا ولد الولد
ام عبدالله : وانت بعد جيب لك عيال ولايحترمون عياله هههههههه
ابتسم ذياب وهو يحب راسها: اي كفو خليك معاي دايم بصفي
مشت ام عبدالله:امش ياسعد تاخرنه وانتت تزوج اول هههههههه عشان تجيب العيال
ابتسم سعد وهو يساعد امه تمشي ويلعب بحواجبه لذياب
ابتسم ذياب على حركاته ودخل لامه وهو يجلس بجنبها وياخذ الشاي منها:يمه تذكرين قلت لك الصباح ابيك بموضوع
ام ذياب وهي ترشف من الشاهي اللي بيدها: قلت لي اذكر خير ان شاءالله وش موضوعك
ذياب وهو يناظر بشاهي لثواني ثم ناظر لامه:ابي اتزوج
ام ذياب ببتسامه:هذي الساعه المباركه والله الحين ادور لك احسن البنات
ذياب :لا لا موجوده البنت
ناظرت له ام ذياب وبشك:ياولدي تراك رجال وتشتغل بلامن لاتطلع وحده تكلمها
ذياب وهو عاقد حواجبه: لا لا وينن البنت شفتها يوم جيت اساعد ابو عبدالله حمد كانت معا بنته والصراحه دشت بخاطري يوم شفتها بلغلط بلعشا
ام ذياب بستغراب:وانت شلون عرفتها
ابتسم ذياب لثواني وهو يتذكر اول مالفت انتباهه ناظر لامه:عيونها
ابتسمت ام ذياب:وش عيونها ملونه؟
ذياب ببتسامه:لاا وين هههههههههه عرفتها منها وبس
ام ذياب: وش اسمها طيب
ذياب ببتسامه:الجازي
ام ذياب وهي تتذكر:ايي بنت ساره
ذياب ابتسم علجنب:تعرفينها؟
ام ذياب بتفكير:ايي اذكرها بس ترى عمرها20 مو كانه صغيره عليك والبنت بعدها تدرس
ذياب تنهد:اي ابيها انا والرجال مايعيبه الا جيبه وتراني مني بشايب توني ولا بس عشان دخلت الثلاثين
ابتسمت ام ذياب:هههههه معقدك سعد بعمرك
ذياب وهو يرشف من الشاي ويقوم من مكانه:حيل المهم يمه انا عندي شغل لاتنسين كلميهم اليوم
ام ذياب وهي تناظر له يعدل نسفته:ابشر
ابتسم وهو يبوس راسها:تبين شي مني مناك
ام ذياب:ماابي الا سلامتك
ابتسم لها وطلع ببتسامه"قرييب بتصيرين حلالي "
______
في بيت ابو عبدالله
طلعت ام عبدالله للجوال وهي ترفعه:الوو
وصل لها صوت ام ذياب:السلام عليكم
ام عبدالله وهي تجلس وتاشر لشغاله توطي على صوت التلفزيون:وعليكم السلام
ام ذياب:وش اخبارك يا ام عبدالله
ام عبدالله بشويت استغراب:ياهلا والله اسمحي لي ماعرفتك
ام ذياب:انا ام ذياب حرمة عبدالله
ام عبدالله وهي تتذكرها:ايي ياهلا بنسايبنا
ام ذياب ببتسامه:ياهلا بك
ام عبدالله:اخبارك
ام ذياب:الحمدالله عايشيين....متصله عليك ابيك بموضوع
ام عبدالله بستغراب:اي تفضلي
ام ذياب:والله مدري من وين ببدي بس انتو ناس ونعم فيكم وبقربكم وودي والله اخطب بنتكم الجازي لولدي ذياب
ابتسمت ام عبدالله بفرح:هذي الساعه المباركه والله يام ذياب...وذياب ولدكم ماينرد ونعم النسب بس اسال ابوها
ام ذياب:خير ان شاءالله انا اتصلت خطبت حريم وترانا اهل ونسايب صار نصيب ولا ماصار
ام عبدالله:الله يكتب اللي في الخير وانا اختك
ام ذياب: اللهم امين اجلي ردي خبر بعد يومين ان شاءالله منتظرتك
ام عبدالله:ابشري ياقلبي...مع السلامه
سكرت ام عبدالله ببتسامه:والله ونعم النسايبب
قامت بفرح وهي تصعد لعند ابو عبدالله
دخلت للغرفه :حمد ابيك بموضوع
ناظر ابو عبدالله لها:خير ان شاءالله
ابتسمت ام عبدالله :خير خير بس ترى تعرف ابو ذياب نسايبنا؟
ابو عبدالله وهو معقد حواجبه:اي اللي مناسبينه
جلست ام عبدالله بجنبه:اي اتصلت ام ذياب تو طالبه يد الجازي لولدهم
ابتسم ابو عبدالله:ونعم النسب والله وش قلتي لها
ام عبد الله:قلت لها نرد لك خبر وقالت انتظرك
ابو عبدالله:اجلي لاكلمتيها مره ثانيه قولي لها موافقين
ام عبدالله بستغراب:نسال بنتك اول
ابو عبدالله بستغراب:وش تسالينها؟ رجال ونعم فيه ونعرفه ومايعيبه شي نسالها لوش ماعليها غير تجهز نفسها هيه بعد ماباقي الا رايها
ام عبدالله:وش اقول لها
ابو عبدالله:قولي لها جايين لك خطاب وابوك موافق عليهم وبيملكون عليك قريب
الرجال مايعيبه شي ونسيبنه وش يقولون بعدين اذا رفضنا نسبانه هاه ولا ناسيه انهم ماخذين اروى وان سطام ولد اخوي خاطب منهم بعد تبين يوم يطلبون بنتنه نردهم هاهه
ام عبدالله ابتسمت بهدوء:ابشر انا اقول لها اجل
طلع ابو عبدالله وطلعت ورا حرمته متوجهه للجازي تعلمها بخبر ملكتها وزواجها القريبه...
__________________________________
تم نوقف هنا لاتنسون توقعاتكم

ذياب وحماسه لخطبة الجازي؟؟

الجازي ونظرتها لذياب.!!!

ام الجازي .؟!!!

ابو الجازي وكلامه.؟!!

الخطبه و موضوع موافقة الجازي.؟!!

دمتم بخير
____________________________________


بنت&بلادي ©؛°¨غرامي مشارك¨°؛©

. البارت الخامس:

:
&
:
&


بسم الله..لا اله الا الله..سبحان الله وبحمده سبحان الله العظيم
________
قبل يوم الخطبه بيومين
دخل ذياب بتعب بعد مارجع من دوامه:السلام عليكم
ناظرت له امه ببتسامه:وعليكم السلام ها يمه كيف الشغل اليوم
نزل ذياب الشماغ وهو يعدل شعره وياخذ المويه من الشغاله رشف منها شوي ثم ناظر لامه:ابد طيب..الا اقول يمه كلمتيهم عن الخطبه ؟
ام ذياب:ياولدي انت يوم قلت لي امس عن الخطبه الناس كانو طالعين لمزرعتهم انتظرهم بس يرجعون اكلمهم
ذياب وهو تو يذكر:ايوا صح نسيت انهم طالعين
ابتسمت ام ذياب:بلاك طايح على وجهكك وش مهببه فيك بنت حمد
ابتسم ذياب بهدوء وهو يغير بلقنوات
ام ذياب بضحك:هههههههههه اي قلب فيهم ماتسمع الحين ههههههههههه
_____
نرجع لأم عبدالله بعد مارجعو وخبرتها ام ذياب
توجهة لغرفة بنتها وهي تدخل لعندها:الجازي
ناظرت لها الجازي وهي تسكر كتابها:هلا يمه
جلست ام عبدالله:اسمعي لاتصيرين مطفوقه
استغربت الجازي وهي تعدل جلستها:وشو وش سويت
ام عبدالله وهي تناظر لها:اليوم اتصلت علي ام ذياب
الجازي بستغراب اكثر:اي وحده ووش تبي وانا وش دخلني
ضربتها امها من علجنب بعصبيه:تو اقول لاتصيرين مطفوقه اركدي يابنت
الجازي مسكت مكان الضربه بألم:بسم والله وشوو ماسويت شي لي تضربيني
سكرت ام عبدالله عيونها بحسره:ياربي هذي كيف بتفتح بيت وهي على موضوع موراضيه تصبر
تمتمت الجازي بقهر:وشو وش دخل البيت
ام عبدالله :ام ذياب تصير نسبا عمتك اروى يعني تصير حماة اروى
الجازي وهي معقده حواجبها:طيب مبروك وانا وش دخلني هنا
ام عبدالله:اليوم كلمتني تبيك لولدها
الجازي ابتسمت شوي:احمم طيب مزيون ؟ كم عمره؟ وش يشتغل؟ وش اسمه ولا هو نفسه ولدها الكبير اللي متسميه عليه ترى انا ابي واحد طويل
ام عبدالله بقلة حيله :استغفرالله ههههههههههه انتي وجهك مغسول يابنتي تو اقول لاتصيرين مطفوقه ضابط واي مزيون اسمه ذياب
ساحت الجازي وهي تتقلب:الله مواصفاتي سبحان الله يايمه ابيه خلاص قولي موافقين متى نملك اليوم بكرا متى؟؟
ناظرت لها امها وبعصبيه:يابنت انتي ماتستحين؟؟ هاه تو اقول لاتصيرين مطفوقه اعرف البنت تستحي
ناظرت لها الجازي بقهر:يمه وش تستحي منو كاذب عليكم قايل اننه نستحي وبعدين عادي ليش استحي هذا زواج مستقبلي شنو فيها اذا فرحت وسألت ..الا صح كم عمره
ام عبدالله وهي تقلب بعيونها بملل:30
جلست الجازي بهدوء وهي تقلب بكتابها:قولي لهم ماعندنا بنات لزواج
كملت تقلب بصفحات وهي تحس بنظرات امها ولو ان النظرات تقتل كان هي ميته
ام عبدالله:نعمم؟؟ ومن قال لك جايه اخذ شورك ابوك يقول موافق عليه ويشوفه رجال مابه شي وبنرد لهم الموافقه
ناظرت لها الجازي بصدمه:وشوو؟؟ وش موافق منو بيتزوج انا ولا ابوي وبعدين دقيقه رااي انا شلون تقررون عني انتوو
ام عبدالله بعصبيه:حبيبتي بنتنا وكيفنا نحذفك مكان مانبي ونعطيك اللي نبي دام الموضوع فيه مصلحتك تفهميين
الجازي مصدمه وهي مو مستوعبه:يمه انتي مستوعبه اللي تقولينه شنو مو رايي انا اللي بتزوج كيفي انا اللي اوافق مو انتوو (بقهر وهي تشوف امها تناظر لها بعصبيه) كيفي ياخيي
ام عبدالله بعصبيه:بعد هذا اللي ناقص قومي ضربيني بعد لا قومي وبعدين حبيبتي الرجال مافي شي وابوك يعرف مصلحتك وهذاني قلت لك يا الجازي والله ماتعينين خير مني ان راددتي
الجازي بقهر وهي تتكلم بهدوء:طيب يمه الحين انا اللي بتزوجه مو المفروض انا اللي اختار انا مو جالسه افهمم اش فيي
ام عبدالله:يابنتي الرجال مافي شي وبعدين شنو تختارين هاه؟؟ وين جالسين حنى بلغرب عشان تتمشين وتختارين اللي عاجبك الرجال ماينعاب ومابيجيك دايم نفسه ضابط والكل شاهد عليه وابوك يشتري نسبه
الجازي ناظرت لامها بقهر:وش يعني ماعندي راي انا؟
ام عبدالله:رايك مايخالف راي ابوك قومي صلي لك ركعتين تدعين ييسر ربي امورك ابرك من لسانك الطويل اللي ماله فايده
طلعت امها تاركه الجازي تفكر مسكت كتابها وهي تخربط على جنب:بسم والله توني ادرس الحين فجئه بتزوج والله لو قايلين لي عدل كان رضيت هههه استغفرالله تكذبين على نفسك اي رضا هم اخذو رايك اصلا اف وش بسوي يعني الحين؟ لو بروح لأبوي الحين بيعطيني كف يسكتني وامي ماتمشي الا على راي ابوي وجدي هه احتمال هو اكثر واحد بيستانس هه شكله مالك غير ترضين جازي بعدين عادي شنو يعني كلها عشر سنين عادي ..... هذي حاله بالله
______
بعد يومين ردت ام عبدالله الموافقه لام ذياب وتفقو الموضوع بينهم لحد مايخلصون التحاليل بعدها يعلنون ان الملكه يوم الخميس لين ماتتيسر امورهم
في الصباح
صحت الجازي
ونزلت لابوها اللي ينتظرها
جلست بهدوء وهي تشوفه يتكلم مع امها
حطت يدها على خدها وهي تفكر"الحين انا استخرت وماحسيت بشي شين طيب هذا شي زين بس لي كذا يكسرون فيني وانا اللي افكر ان على مزاجي اخذ اللي ابي هه"
رفعت راسها بس ناداها ابوها:يالله بجي
قامت ورا ابوها
شغل السياره وراحت هي تجلس جنبه
كان الوضع هادي والجازي تناظر لابوها متردده تسأل او لا"اسألي عادي وش حقك هذا بعد بيمنعونك منه":ي يبه
ناظر لها ابوها ثم لطريق:هلا
الجازي بتوتر:وشسمه هذا مافي نظره شرعيه ؟
ناظر لها بستغراب ورجع نظره لطريق:النظره الشرعي تصير دايم قبل التحاليل وبعدين مايحتاج الرجال شافك معي مره وماطلبها وشوله اجل نسويه
الجازي بقهر:طيب الشوفه مو من حقه بس من حقي انا بعد مو شرط هو يطلب
ناظر لها ابوها بعصبيه:انتي ماتستحين على وجهك تتكلمين بكذا امور هاه وبعدين ،وشوله تشوفينه هذا حنى رايحين للفحص شوفيه لين تقولين بس بيجي يحلل معك
نزلت راسها بفشله من اخر جمله"انا اللي اجيب الفشله العمري استاهل"
ناظرت لابوها بتوتر"هي خربانه خربانه":طيب يبه واذا قلت لك ماابيه
ناظر لها ابوها وهو عاقد حواجبه وقف السياره قدام مركز الفحص للزواج :انتي وش بك اليوم مع هصباح وبعدين ماتبينه ليش(وهو يقرص بعيونه) شايفه فيه شي ولا بك بلا هاهه
ناظرت له بصدمه:وش دخل يبه يعني اتوقع انا لي حرية الاختيار بنهايه ليش تفرضون رايكم وماتخذون برايي بفهم؟؟؟
ابو عبدالله وهو يهدي اعصابه:شوفي يابنتي اولا الرجال ونعرفه ومابه عيب ثانيه اذا كل ماجا شخص بترفضين فيه وتحطين فيه الف عيب وعيب عز الله ماعرستي وبعدين وش اقول لناس يوم ارفض نسايبنا هاه ماخذين عمتك ويوم سطام ولد عمك خطب بنتهم مردوه اجي انا ورد ولدهم
سكتت الجازي وهي تدري ان النقاش مع اهلها عقيم
نزل ابوها وهي تنزل ورا
جلست في الانتظار
ناظرت لابوها اللي قام من مكانه وهو يبتسم ويسلم على احد ناظرت له بصدمه:يمهه لا مابيه وش ذا
ناظرت لابوها اللي طلب له وللي معه من القهوه ويتكلم معه وشوي اشر عليها ثم كملو سوالف صارت تناظر برجال:يويل حالي وش ذا متاكدين عمره30 وقسم لو احلف انه كبر ابوي
قامت من مكانها بعصبيه وهي تمشي طالعه لبرى لاحظها ابوها وابتسم برتباك للي معاه وهو يستأذنه
راح وراها وقفها قبل تطلع وبعصبيه همس:ويين رايحه
ناظرت له بقهر وعيونها كلها دموع:تبي تزوجني شايب والله مااخذه (بغبنه مكبوته همست)والله والله والله والله ماخذه
ناظر لها بصدمه وهي تتفس بسرعه وبعصبيه همس:وش شايب انهبلتي انتييي
قاطعهم ذياب اللي كان واقف وراهم وبرتباك من جوهم المشحون:سلاام عليكم
ابو عبدالله اللي كان ماسكها من عضدها نزل يده بشويش وهو يبتسم :ياهلا والله وعليكم السلام
ناظر للجازي وهمس:روحي مكانك وياهبله ذاك صاحبي
ناظرت لابوها بهدوء وهي تاخذ نفس للحظه كانت بتسوي جريمه بنفسها
مشت لمكانها بدون لاتلتفت للي وراها
ابتسم ابو عبدالله:ها جاي مع عمك
ابتسم ذياب وهو يناظر لسعد بنبره هاديه مليانه هيبه:اي حالف يجي بدال ابوي
ابتسم سعد وهو يسلم على ابو عبدالله:اخبارك ينسيب
ابو عبدالله:عايشين يالله مشينا نحلل والله يتمم
ابتسم ذياب وهو يهمس بـ:امين
اخذو دور وجلس سعد وبجنبه ذياب
ناظرت الجازي لجهتهم عرفت سعد وصارت تناظر لجنبه ماكان واضح لها ذياب بس ظهره همست براحه:الحمدالله عبالي بعد ذاك
صارت تصغر عيونها محاوله انها تصيد شكله بس سعد كان مسكر عليها
لاحظت نظرات ابوها الناريه لها
ثواني حتى وصل لها مسج ناظرت لابوها ثم الجوال بتوتر
فتحت علمسج واللي كان"قلت لك طاليعه مو قزيه قز نزلي عيونك احسن مااجي واشيلها لك اخليك العروس العمياء بعرسك ..."عيال اخر زمن"
ناظرت لجوالها بصدمه :وشو ماشفته حتى الحمدالله وشكر
قاطعها النداء على رقمهم
ناظرت لابوها اللي ياشر لها
قامت ورا ولاحظت ذياب اللي قام ودخل قبلهم بلعت ريقها بتوتر وهي تشوف ظهره دخلت ورا وكان بينهم ستاره جلست بتوتر
جت لها الممرضه وهي تبتسم لها :ارفعي كم عبايه
ناظرت لها ثم ليدها رفعت الكم وربطت الممرضه الشريط على يدها وحطت الماده وصارت تدور على العرق
ناظرت بتوتر:دقيقهه..ي يبه
جا لها ابوها:وش
الجازي بخوف:بيعطوني ابره
ابوها بصدمه:اجل حلاو اي ابره
قامت الجازي بتوتر:خ خلاص انا بروح البيت ماابي
ناظر لها بصدمه ولستاره اللي كان وراها ذياب:ابك اجلسي مكانك احسن ماتشوفين خير تستهبلين هاه
الجازي بخوف:يبه اخاف من الابره انا ماحبها ياخي ماابي طيب خلاص شوف خلي يعطوني بنج كامل اذا يبون يعطوني ابره
ابو عبدالله:مهبوله انتي بنج كامل وشوله تنامين عشان ابره انثبري مكانك وانا بمسكك ويعطونك ماعليك مايعور
الجازي برعب:يمه انا والله راح اموت اذا اخذت ابره اسال امي والله دايم
ابو عبدالله بهمس:ماشاءالله تموتين وتحيين؟؟ تكذبين علي بزر عندك انا اجلسي بس
مسكها وهو يجلسها ويأشر للممرضه:عطيها
ناظرت برعب للابره لفت وجها وهي تغطي وجها بكتف ابوها همست:ب بسم الله...
ضربتها الممرضه :خلاص
ناظرت الجازي بألم وهي تمسح دمعتها
نزلت كمها بألم بعد ماضمدتها
قامت وهي تطلع من الغرفه بألم رفعت نظرها وطاحت عينها بعين ذياب لثواني حتى حست بأبوها اللي اشر لها توقف عن الجدار على مايجي
وقفت بتوتر وهي تناظر لذياب اللي راح ورا همست:هذا نفسه اللي هذاك اليوم ولد اخ النسيب
سكتت منصدمه من الصدفه وان هو اللي بتتزوجه
جلست بتعب تنتظر ابوها
_____
بلجهه الثانيه كان بطلنا اللي ابتسم على خوفها ومات ضحك لما فزت بتنحاش
طلع بعد ما اخذ التحاليل
وانتظر لحد ماطلعت لثواني كانت بينهم النظرات
اللين جا ابوها وراح ورا يخلصون الاوراق
بس خلصوها توجهه معاه لعند بنته
ناظر لها كانت جالسه بتعب واضح ويدها على وجها
تقدم ابو عبدالله لها:جازي ..الجازي
نزل لمستواها
بس مسكها رفعت راسها بتعب لثوانيحتى مالت علجنب مسكها بصدمه وهو يرفع فيها
تقدم ذياب:وش بها
ابو عبدالله وهو يثبتها:اغمى عليها جيب لي كرسي بسرعهه
تحرك ذياب وهو ينادي علممرضه اللي جت ومعها الويلجير(كرسي متحرك)
رفعها ابو عبدالله وهو ياشر لذياب يبعد :ماعلي انا ارفعها
الممرضه ناظرت لابو عبدالله:هي مافي ياكل اول
ابو عبدالله:مدري راح عن بالي اسألي بس شكلها ماكلت بنتي وعرفها
اخذتها الممرضه للغرفه وهي تبعد الطرحه وتمسح وجها اشرت للمرضه الثانيه تركب لها المغذي وصارت تنادي عليها لحتى صحصحت
سكرت الجازي عيونها بألم
الممرضه:خليك هنا بس يخلص مغذي واحد ساعه يروح
راحت تخبر ابوها اللي جلس بهدوء ناظر لذياب:دلع بنات ماعليك انت امش ولاتنسا تطلع تحاليل بعد اسبوع
ابتسم له بهدوء:ابشر
ناظر لصوب الباب بقلق ثم طلع لسعد اللي ينتظره بسياره
______
مر اليوم وردت الجازي للبيت تغدت ونامت تريح ساحبه علكليه
مر الاسبوع هادي
كانت مشغوله فيه بطلتنه بلكليه ودراسة الطب ثالث سنه طب
دخلت للبيت بعد ماجت من الكليه نادتها امها اللي بلمجلس
دخلت وهي تسلم بتعب وجلست
ام عبدالله ببتسامه:اليوم وصلة التحاليل والحمدالله مافيها شي وابوك قال ملكتك بيخلونها الخميس بعد ثلاث ايام
الجازي بهدوء:طيب ..ماابي غدا بنام
ام عبدالله:ليش ماكلتي
الجازي:نعسانه
ام عبدالله:ببشر خالاتك وعماتك بس اثقلي مغير اهلنه من القريب الباقي يعرفون بيوم الملكه
الجازي بملل:طيب
قامت طالعه للغرفه
ضبطت المنبه علصلاة المغرب
ونامت
بعد ساعتين
سكرت عيونها بأنزعاج من جوالها
مدة يدها بأنزعاج وهي تناظر للاسم"ابتسام"
ردة وهي تحطه على اذنها بنعس:هااا..
ابتسام بصراخ:هويتي ببير ماله قاعع اجالي تنخطبين وتحلليلن وتروحين وتجين ولاتقوليين لييي هاههه
الجازي بعدت الجوال بانزعاج :بسس بس هدي كنت بقول لك بس امي لعنت خير خيري وقالت ماتتكلمين اللين ماتطلع التحاليل
ابتسام:كم
الجازي بستغراب:وشو؟
ابتسام:كم صارله الموضوع
الجازي:تقريبا اسبوع ونص
ابتسام:طيب جهزي نفسك انا جايه لكك ياحبيبتي الموضوع يبي له فصفص وشاهي واحلى جلسه
الجازي وهي تعدل جلستها:اي والله تكفين سوالف يابنت
ابتسام:هههههه ماوصيك سوي حلا
الجازي وهي تطلع متوجه للحمام:احلفي ياقليلة الحيا المفروض انتي تجيبين الحلاا مب انا
ابتسام:هههههههههههههههههههههه ماناقص الا انتي اطلب حلا عشانك جايتك اقول خلصي بسس مشغوله بروح اللبس ماوصيك دونات بسكر بعد ههههههههههههههههههههههههههههههه بايي
جات بتسكر بس وصلها صوت ابتسام:ايي صحح اكشخي ميك اب وفستان ماوصييككك
الجازي بانزعاج:طيب
سكرت الجازي الجوال وهي تحس روقت شوي ناظرت لسرير وحذفته لجهته ودخلت تتجهز لابتسام
____
بعد مده نزلت وهي تعدل فستانها:سيتاا جيبي شاي قهوه بسرعه
دخلت لغرفه اللي دايم تجلس فيها مع صاحباتها واللي يكون فيها بوابه على برى خاصه للحريم
دخلت الشغاله الشاي والقهوه وطلعت
سكرت الباب وراها
تقدمت تعدل الفصفص والدونات بسكر
ناظرت للباب :ابتسام مفتوح ادخلي
استغربت انها مادخلت راحت للباب وهي تفتحه:تستهبلي......(ناظرت بصدمه)اووه
ابتسام:سبراااااايزززز
ابتسمت الجازي وهي تاخذ بوكي الورد الاحمر منها كان كبير بشكل
دخلت ابتسام وصوت كعبها يصدى وبيدها علبه كبيره
حطتها على اقرب طاوله وهي تنزل طرحتها
لفت للجازي وهي تضمها:عمريي العروسه انا يالبىى بسسس
ابتسمت الجازي بخجل:ليش كلفتي على روحك
ابتسام:لا كلافه ولا هم يحزنون وبعدين حبيت اكون اول من يهديك هدية الملكه
سكرت الجازي الباب ودخلت لصوب الجلسه راحت معاها ابتسام اللي نزلت عبايتها وصارت تعدل شعرها
لفت للجازي:جوجو عمري امسكي العلبه بصورك وغطي وجهك
الجازي:لاتنزلينها ثم تذبحني امي ماتبي احد يدري
ابتسام:ههههههههههههههههههههههههههههههه لا لا بنزلها بيوم الملكه باذن الله
ابتسمت الجازي بخجل وهي ترفع العلبه وبوكي الورد كان فوق العلبه ومغطي وجها
صورت ابتسام :اوكك خلصت
نزلت الجازي العلبه علارض
جلست وجات بجنبها ابتسام
الجازي وهي تفتح العلبه:وش جايبه
فتحت العلبه وناظرت بصدمه:بوبوووو
ابتسام:ما يغلا عليك يا عروس اكشخي فيه بيوم الملكه
ابتسمت الجازي وهي ترفع الطقم واللي كان بتصميم ناعم :يهبلللللل
ابتسام:اقول خلي على صوب وقولي لي كل شي من طق طق لي السلام عليكم
نزلت الجازي الطقم على جنب وهي تعدل جلستها:اي صح بقول لكك بس..
قاطعتها ابتسام:دقييقه
حطت الفصفص وصبت اثنين شاهي
وهي تحطهم بينها وبين الجازي:ايوا قولي الحين
ابتسمت الجازي:هههه طيب احمم شوفي هو.....الخ
ابتسام:لا صراحه اكشن وش ذاا ماغيره ذاك اللي خذاكم بسياره هو نفسهه ههههههههههههههههههههههههههههههه جوجوو شكلك خرفنتيه
الجازي بخجل:هيي وش خرفنته وبعدين يع شايب ماابي انا
ابتسام:هههه وانتي مصدقه انهم بيلتفتون لرايكك وبعدين اهم شي انه رجال يابنت
الجازي:عاد الحين متحمسه الف لتوقيع يبنت مدري احس بجيب العيد فيه
ابتسام وهي تاكل بلفصفص:اي توقيع؟
الجازي:الكتاب بعد وشش
ابتسام ماتت ضحكك:كااكككك ويت وييت انتي مصدقه انك بتوقعين؟؟
الجازي ناظرت لها:وش مصدقه
ابتسام:توقيعك اخذي وحطي تحتك حبيبتي ابوك يوقعك بدالك انتي احلمي تشوفين الكتاب
الجازي بصدمه:وش نعم وبعدين صاحباتي يوقعون
ابتسام:هههههه حنى مأكول حقنه حبيبتي بعايلتنه التوقيع تحلمين فيه عيب ولي امرك يوقع عنك
الجازي بقهر:لا والله وش ذاا الزواج غصب وتوقيع هم يوقعون عنه وش رايهم يروحون معاه بدالي بعد
ابتسام:ههههههههههههههه عادي يسوونها
الجازي:لا جد يغبن الوضع هههه استغفرالله اقول بسومم
ابتسام وهي ترشف من الشاهي:همم
الجازي:بعد كم يوم بصير متزوجه ههههههه
ابتسام ضحكت بشر:ماوصيك كل شي تقولين لي هههههههه
الجازي :ههههههههه بس انتي اما عند الناس بسوي البريئه
ابتسام وهي تضرب كفها بكف الجازي:اي اجل وش عبالك
قاطعتهم الشغاله اللي دخلت:هذا في يجي
قامت ابتسام بسرعه وهي تاخذ علبة الكيك:اوو جا اوكك شكرا سيتا يله الحين باايي
ناظرت لها سيتا بستغراب وطلعت
لفت وهي تجلس:وجبنا كيكة انتهاء العزوبيه هههههههه
فتحت العلبه وهي تطلع الكيكه مكتوب عليها وداعا للعزوبيه واسمها واسم ذياب على جنب
ابتسمت الجازي بصدمه:هههههههه يااوصخه وش ذاا ههههههههه
ابتسام:نحتفل فيك قبل تصيرين حرم ذياب ياقلبي هههههههههههه
اخذت صحنين وسكين الكيك:يله امسكي وانا بصور اللحظه التاريخيه هههههه اجل تبين ماناكل كيكة وداعية العزوبيه
ابتسمت الجازي وهي تحضن ابتسام:بوبوووووو بتبكيني
ابتسام:حياة بوبوو خنقتينييي
ضحكت الجازي وهي تبعد عنها وتمسح دموعها:يابنت والله كنت ضايقه وكنت كارهه كل الموضوع ياخي غيرتي المود كله
ابتسمت ابتسام:افا عليك اقل شي اسوي هذا
ابتسمت الجازي وهي تقطع الكيكه وتصور ابتسام مع اغنيه:ههههههههه الف الف الفف مبروك للحلوه مقدمآ
الجازي بخجل:يبارك فيك
كملو جلستهم اكل وسوالف وماقصرت ابتسام برقص وهي تسحب الجازي معاها
________________________________
تم ونوقف هنا لاتنسون توقعاتكم..!

ماوصيكم بتوقعات وش تتوقعان بيصير
بحياة بطلتنه وماننسى اول مقطع كان بروايه.!؟
_______
بحط لكم تعريف لابطال القصه💕
بعد خمس بارتات اتوقع عرفتوهم والحين ناقص تعريف مرتب لهم💓
____
💘اهل البطله:
بطلتنه الجازي عمرها 20 تدرس طب سنه ثالثه
اخوها عبدالله عمره17
حمودي 3 سنين
ابوها ابو عبدالله حمد
امها ام عبدالله ساره
جدها ابو حسام
الجده ام حسام
عياله(اعمام الجازي)
حمد ابو البطله
سالم ابو عادل
بنته ابتسام عمرها 20 خوية جازي وبنت عمها الروح برووح تصميم داخلي
واخوانها
عادل 16
واختها ليان 5 سنين
واخوها سعود 4 سنين
العم حسام
عياله
سطام اللي خاطب منيره بنت عم البطل عمره 23
مناير17
العمه اروى 25 سنه
زوجة عم بطلنه سعد 30 سنه

🌟اهل البطل:
ذياب عبدالله عمره30 ضابط
امه نوره
ابوه عبدالله
جده ميت
جدته الغثى كلها ام عبدالله
ذياب ولد ابو الوحيد
الجده
ولدها سعد 30 اللي متزوج اروى 25 عمة بطلتنه
ابو فهد
فهد21
منيره عمرها 19 مملكه
على سطام ولد عم البطله
_________________________________________
من هنا بيبدا حماسنه باذن الله
اتمنى القى ولو رد واحد وتوقع وان شاءالله انزل لكم
خمس بارتات ثانيه
بما انه الروايه جاهزه وكامله عندي بس محتاجه دعم عشان تنزل


ooptila ©؛°¨غرامي جديد¨°؛©

رواية جميله
موفقه حبيبتي 😍
وانا جيت من رواية بنت بمدرسة عيال اغنياء 😍

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1