حمدفهد ©؛°¨غرامي فعال ¨°؛©

. ☆{ هيهات راعي الأوله يكون في التالي }☆
يا خوي يا أبو صالح لو سبقتك فأنت راعي الأوله
خوي عبدالله هيهات راعي الأوله يكون في التالي

بعد الله محزم للشدائد وسراج في الليالي المقبله
خوي الصدق والأمانة والوفاء اقولها بصوت عالي

أنت الطيب و منك الطيب تعلى في عالي المنزله
نعم الصديق الصدوق المخلص فداك حالي ومالي

الكريم الشهم من خاواك تعلم منك طلوع المرجله
يا ابن الحامد بنيت لك بوسط القلب مودة الغالي

أشهد إنك لأجل الصاحب الغالي كل ماتملك تبذله
قل مثلك في ذا الزمان من يدوس الخطر مايبالي

يعجز عن وصفك اللسان والقلم والرسائل ماتمهله
الله يرحم من على الدين رباك أخ عزيز يابو سالي
الشاعر/ حمد بن فهد المخالده السبيعي

B_M_Z ©؛°¨غرامي مبدع¨°؛©

صح لسانك مبدع كالعاده

ونعم والله 💜

Cormps ©؛°¨غرامي نشيط¨°؛©

صح لسانك ع ابيات الهيهات
اول قصيدة اشوفها لك وواضح انك شاعر متمكن وكفو
عندي نقطة بخصوص الاسم لو تبعد حمد عن فهد شوي بس
بيضبط المدري ايش
وننتظر جديدك ربي يسعدك




حمدفهد ©؛°¨غرامي فعال ¨°؛©

المشاركة الأساسية كتبها b_m_z اقتباس :
صح لسانك مبدع كالعاده

ونعم والله 💜
صح بدنك مدد بلا عدد يحفظك ربي. أسعدني ردك الجميل يسعدك ربي.
أخوك/ حمدفهد

حمدفهد ©؛°¨غرامي فعال ¨°؛©

المشاركة الأساسية كتبها cormps اقتباس :
صح لسانك ع ابيات الهيهات
اول قصيدة اشوفها لك وواضح انك شاعر متمكن وكفو
عندي نقطة بخصوص الاسم لو تبعد حمد عن فهد شوي بس
بيضبط المدري ايش
وننتظر جديدك ربي يسعدك




صح بدنك مدد بلا عدد اخي الغالي يحفظك ربي
أسعدني مرورك العذب يسعدك ربي وين ما كنتم في الحل والترحال وفي كل مكان وزمان اتمنى لك التوفيق والجناح في حياتك دين ودنيا وآخرة.
اخوك/ حمدفهد

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1