منتديات غرام روايات غرام روايات كامله - يتم نقل الرواية هنا بعد اكتمالها الدم اللي على خدك ممسوح ممسوح لو كان فداه روحي يايتيمتي البريئة/بقلمي؛كاملة
بنت&بلادي ©؛°¨غرامي مشارك¨°؛©

بسم الله الرحمن الرحيم

أتيتكم وكلي يقين
بأعزائي مشتركين منتدى غرام
وردودهم الجميله لكل روايه مرت علي وقريتها كنت انذهل بأسلوبكم الراقي وتفاعلكم الحلو متأملة أن أجد ذالك الجمال والرقي هنا

في روايتي والتي تكون الثالثة لأقلامي

فا انا كاتبه لأربع روايات وباذن الله انزلهم بالكامل معاكم

طبعا نزلت رواياتي السابقه وكانو باسم
روايتي: قبلكِ كان الحبُ خرافةً ومحضَ هُراءٍ وسِفْراً من أساطيرِ الأولين
وروايتي: وديني لك ياغلاتي ضمني لحظنك وخليني انسى قسوة حياتي<<تم نقلها بواسطة أجمل اسطوره يعطيها العافيه

~~~~~~~~~~

والان ابتداء معكم بروايتي: الدم اللي على خدك ممسوح ..ممسوح لو كان فداه روحي يايتيمتي البرييئه..

روايه مليئه بلاحداث والتشويق احداث متسلسله تدخلكم في اجوائها العميقة


رواية تحكي قصة ملحمية لبطلتنا وتعاملها مع مصاعبها لنرى كيف سوف تتغلب عليها

نبذة روايتي: تتكلم عن بطلتنه ذات 10 اعوام البريئه واللطيفه بتصرفاتها..تتلطخ بدماء حادث والديها..
من هو الفاعل.؟! وهل هو حادث مدبر..!!!!!!
بعد موتهم يجتمع الاعمام لتخطيط باخذ ورثها وشركات والدها ولكن يقف الجد بطريق مخططاتهم ومع مرور الايام بطلتنه التي تتحول لشرسه ولسان كسوط يقطع ولايهتم ...وبطلنه بشخصيته الهادئه والتي يلفها الغموض كيف سيلتقون..النار والثلج اللذي اذا زاد ضغطه انفجر..؟!!! وماللذي سيحدث لهم..!

ملاحظة اعزائي:الروايه كامل مع تعليقاتكم يكون التنزيل سريع

الكاتبة:بنت&بلادي
200808”


بنت&بلادي ©؛°¨غرامي مشارك¨°؛©

.
البارت الاول
&
:
&
:

بسم الله..لا الا الا الله..الله اكبر..استغفرالله..سبحان الله...صلو على من بكى شوقآ لرؤيتكم
_________
نزل من على الدرج بسرعه وهو يدخل المجلس بصراخ :منوووووو الحيوااااانن الللي معليي على صوووت...
ناظرته وهي تعدل جلستها وتبعد الفوشار عنها ابتسمت على جنب بستهزاء وهي تخفف صوت البلازما:كملل
حط يده على وجها وهو يستغفر من لسانها بهمس ناظرها:وبعدين معاك انتي متى تعقلي
وقفت وهي تأشر علي بجهاز البلازما(tv.)وبنظره حاده:امم لما تحج البقر على قرونها يمكن
مرت من جنبه وهي تضحك بستهزاء وطلعت لفوق
ناظرها عمها بقهر وهو يهمس بحقد:لو ميته معهم كان ارتحنه
توجه للبلازما وسكرها وصعد لفووق وهو يتعوذ من لسانها

قــــبــل 8 ســنــوات

وقفت بخوف وهي متمسكه بيد جدها وتناظر الرجال اللي يعزونه بموت اهلها كانت مثل الصدمه بنسبه لها اليوم ثالث ايام العزا جلست بهدوء بجنب جدها اللي وقف وهمس لها ماتتحرك ماهتمت له ولا لهمسه كانت تناظر يدها بسرحان فكرت انه اهلها ماتو تروكها وحيده تهاجمها بكل لحظه
ناظرت بصدمه بلي جلس قدامها ناصب رجل قربها له وحظنها وهو يهمس باذنها:........)
بعد عنها وهو يبتسم بهدوء وبهمس:بتفهمين بس تكبرين
قام طالع من مجلس الرجال ونظراتها تلاحقه جلست وهي تبتسم بطفوله و بهدوء همست:اميري..
مر الوقت
وخلص العزا قامت من مكانها طالعه بعد ماهمس لها جدها انه بيتكلم مع اعمامها شوي
وقفت بسرعه وهي تركض لداخل :نسيت دبدوبي
فتحت الباب بتدخل بس وقفت بصدمه وكلمه دخلت مثل السهم بنص قلبها:عادل مقتوول وانا ادري بس صبركم اعرف منو هوو
سعد وهو يهدي فيه:هديي يبه الامور ماتنحل بلعصبيه عادل و دلع توفو بحادث وهذا امر الله وقضاء
جلس ابو عادل بعصبيه:يالخسيس تحسبني بزر عندك تكذب علي بكم كلمه ولا غبي هااا
سعد بهدوء وهو يرجع على ورا:محشوم يبه بس هذا هو الصدق
وقف ابو عادل بعصبيه:والله قلبي حاس انه واحد منكم ياعيالي ياحيييف بسس عليكم ختفوو عليكم وعلى من رباكم
تخبت شموخ اللين ماطلع الجد وقفت وهي تسمع عمها سعد وهو يجلس مع اخوه عبدالله وناصر:اوفف مات ومافكنا من شره
عبدالله:من جد
ناصر:بس اكيد انه مو واحد منه اللي قاتله
سعد همس:اكيد شرايك
عبدالله:اهم شي انه مات هو وزوجته وبكذا فتكينه منه بحادث وامه اللي توفت قبل سنتين وزوجته باقي بنته وشركاته اللي باسمها
سعد شد على اسنانه بقهر:كل هلعز لهلبزر اخخ ياالقهر بسس حتى بعد مامات ماتهنينه بحياتنه
قامت شموخ من مكانها وهي تصعد لغرفتها وتقفل الباب جلست بهدوء وهي تاخذ مذكره سوده صغير فتحت اول صفحه وهي تسجل:بابا مامات من الله مات من الشرير
عمي سعد وعمي عبدالله وعمي ناصر مايحبون بابا عشانه ولد جدتي الثانيه ولانه عنده فلوس واجد
جدي عصب لانه يحب جدتي الثانيه ولانه بابا طيب مو شرير
مدت يدها بتسكر الدفتر بس فتحت صفحه جديده وهي تكتب
الكلمات اللي انهمست لها
سكرت الدفتر وهي تبتسم بحزن:لما اصير كبيره بافهم هو قال كذا
___
بعد مرور ثلاث سنوات

وقفت وهي تعدل مريولها المتوسط وتلبس العبايه وتحط الطرحه على كتفها وتنزل من الدرج وهي فارده شعرها الاسود المنسدل بنعومه على ظهرها وبعضه على الكتف بقصة مدرجات والكحل مدعوج بعينها السودا بصفاء بشرتها اللي يجذب العيون خاصه لماتبتسم وتبان الغمازه بصفة اسنانها اللولو
جلست بهدوء وهي تدهن لها جبن ومربه
كان الكل موجود على طاولة الطعام
عمها سعد وزوجته وعبدالله وزوجته وناصر وزوجته والجده لولو الاوله
تكلمت الجده لولو وهي تناظرها بكره وحقد:السلام لله
ناظرتها شموخ بتحدي وعيونها تسحر الناظر وهي تلف خصله من شعرها حلو اصبعها وهي تمط بلكلام:ادري بس ماحبيت اسمع الكفار فا همست بيني وبين نفسي لانكم ك ف ا ر (ابتسمت علجنب بهدوء)وهي تاخذ التوست والعصير وتركض بسرعه وهي تضحك على صرخت عمها سعد :ياحيواانههه لاتكلميي اميي كذاا
طلعت برا وهي تلهث بضحك:هههههههههههااااايييي والله وطلع لها لسان عجوز النار هه
وقفت وهي رافعه حاجب واحد لثلاثه اللي واقفين قدامها
مصعب 16(ولد سعد) زايد 14(ولد عبدالله) احمد 14(ولد ناصر)
همست:هه اجتمعو المجانين الثلاثه
ناظرها مصعب :وش قلتي ترى سمعتك
مشت من جنبهم بدلع رباني وهي تطوفهم لسيارت السواق وبصوت حاد يدخل سهم للقلب:كلام الملوك لايعاد
لف مصعب لها على صوت السياره تمشي همس:بنت الكلب محلوه
زايد:اووحح الكلبه سمعت وش قالت تحسب انها الملكه البزر
احمد وهو يعدل نظارته :على فكره اصغر مني ومنك بسنه بس
زايد ناظره لثواني :اقول روح مناك بس (ناظر مصعب بستغراب)هلوو يا الحبيب البنت راحت وش تناظر فيه
ناظرهم بهدوء وهو يهمس :ولا شيي امشو لانتاخر علمدرسه
بعد ثلاث ساعات
الجده لولو وهي ترشف من الفنجال وعينها على الدرج اللي نزل منه سعد وهو يعدل شماغه:وينك رايح
سعد وهو يمشي بعصبيه:لمدرسة الزفته
طلع وهو يصفق الباب وراه ويتوعد فيها
__
قبل ثلاث ساعات بمدرسة شموخ
المديره بعصبيه:وششش هلحرررركهههه السامجه يابنتت
ناظرتها شموخ وهي تحط رجل على رجل وهي رافعه حاجبها:وش عادني مسوي؟؟!
المديره بصدمه وهي تحس شوي وتنفجر من القهر:الحين تهدديين الاستاذه وتخلينها توافق لك على الطبيات وتقولين وش عادنيي مسويييه
شموخ وهي تصب لها من قهوة المديره وترشف منها:والله مو ذنبي لو الاستاذه هبله وتخلي حضنها مفتوح كل من هب ودب عرف فضايحها قمت استغليتها على حساب راحتي ولاهو عيب ولا حرام يااستاذه اللي يبي يعيش مايمسك بذيل غيره
وقفت المديره بعصبيه :انتي ماينفع معك الكلام انا بتفاهم مع عمك
طلعت المديره وعلى اخر مسامعها كلمة شموخ:اخرر عمري تهدديني ببسة امه(قطوة امه)
بعد ماطلعت المديره طلعت شموخ مذكرتها السوده وهي تفتح ثاني صفحه وتمرر اصبعها على كلماته همسة فيهم:الدم اللي على خدك ممسوح ممسوح لو كان فداه روحي يا يتيمتي البريئه ..وش قصده بكلامه ذا
سكرت المذكره وهي تهمس:سعد،عبدالله،ناصر واحد منهم قاتل ابوي بسس اخخ منوو والله ان مارحمه لخليه يكره اليوم اللي ولدته فيه عجوز النار
مرت ساعتين
وهي جالسه بملل :اوفف وش بها ذي ماجات هي وبسة امه
ابتسمت على جنب وهي تسمع صوت عمها سعد والمديره اللي دخلو المكتب وهو معصب:وشش قصدك بانه بلغلط متصله علييي تلعبين علي ولاا شلووون
المديره بقلق:لوسمحت مثل ماقلت لكك انا غلطت بين بنتكم ووحده ثانيه العذر والسموحه
سعد بقهر وعصبيه:موو حاله جايكم من صباح الله خير عشان تطلعين غلطانه لعبه هي ولاا شلووون(ناظر شموخ اللي تمط بلعلك وهي تبتسم بخبث)وانتتييي قوميي خلصيني عسياره
قامت وهي تناظر له بضحك:على هونك ياعم
طلعت معه عسياره وكان الهدوء سيد الموقف
بس وصلو نزلت قبله وهي مخططه تدخل بسرعه لغرفتها بس وقفتها يد عمها اللي مسك بيدها وضغط عليها وعينه بعينها وبتهديد:اهربي وشوفي وش بيصير لك
عضت على شفتها بقهر وهي تمشي بجنبه وهي ماتقدر تطلع يدها من ضغط يده عليها ابتسمت بخبث لما دخلو للبيت وهي تسمع صوت جدها وبس دخلو لصاله تركت يد عمها وراحت تركض لجدها وهي تجلس بجنبه وتمسك يده وبدلع طفولي:جدي شوف ولدك معصب علي
ناظرتها سعد بعصبيه:انكتميي
ناظره الجد بعصبيه:لاا تصرخ عليها
شموخ وهي تخبي وجها بكتف جدها وتسوي حالها تبكي:اهىى جديي فشلني قدام صاحباتي ويصرخ علي وانا ماسويت شي اهىىى
جا بيضربها سعد وهو يصرخ:كذاااببه
بس وقفته صرخت الجد:سععدد
ضغط سعد على يده بقهر وهو يناظرها كيف ابعدت وجها عن كتف الجد وابتسمت بخبث صرخ بعصبيه:يبيييهه شووفها كذاااابه
الجد بدون لايناظر شموخ وبعصبيه:بنتي مااتكذبب ولاعاد اشوففك تصرخ عليها مره ثانيه
قامت شموخ وهي تبوس راس جدها:انا بروح انام ياالغالي
مسك الجد يدها بحنيه:تغطي كويس
ابتسمت له ولفت وهي تتعده سعد همست بـ:بطلعها من عيونكم
لف يناظرها وهي تصعد الدرج بقهر همس:وش تقصد ذيي
___
طلعت الدرج وباخر درجه انمحت ابتسامتها همست بحزن:انتظرو علي بعد والله لطلعها من عيونهم...خوانين العشره
دخلت لغرفتها وهي ترمي شنطتها علكنب وترمي حالها عسرير تكلمت بستغراب:بسس دقيقه وش قصدها المديره لما قالت غلطانه هه المشكله اني جد مهدده الاستاذه.؟؟ غريبه يعني غيرت رايها باخر لحظه
قامت من علسرير وهي تتوجه لدولاب تطلع لها لبس:هه مب لازم اهم شي طلعت منها سليما ههههههههه خلي انام بس بعد شوي عندي حرب مع الاهل وقت الغدا ههههههههههههه
تمددت عسريرها بعد ماسكرت النور ابتسمت بحزن وهي تمسح دموعها وبصوت مخنوق:مشتاقتلكم مو عارفه شلون اعيش بدونكم كلهمم اعدائي كل من فهلبيت مايحبوني ويتمنون موتي لجل فلوسك يبه بس والله ماخليهم يتهنون فيها وبطلع قاتلكم من عيونهم والله ماخلي دمكم يروح كذا لو شنو مابضعف قدامهم (مسحت دمعتها بحزن )وضيقه بقلبها ضيقة فقد الاهل وعدم الامان والجدار الحديدي اللي تتمثل فيه قدام الكل
____
بعد مرورر خمس سنوات
شموخ بعمر(18 سنه)

نزل من على الدرج بسرعه وهو يدخل المجلس بصراخ :منوووووو الحيوااااانن الللي معليي على صوووت...
ناظرته وهي تعدل جلستها وتبعد الفوشار عنها ابتسمت على جنب بستهزاء وهي تخفف صوت البلازما:كملل
حط يده على وجها وهو يستغفر من لسانها بهمس ناظرها:وبعدين معاك انتي متى تعقلي
وقفت وهي تأشر علي بجهاز البلازما(tv.)وبنظره حاده:امم لما تحج البقر على قرونها يمكن
مرت من جنبه وهي تضحك بستهزاء وطلعت لفوق
ناظرها عمها بقهر وهو يهمس بحقد:لو ميته معهم كان ارتحنه
توجه للبلازما وسكرها وصعد لفووق وهو يتعوذ من لسانها
عند بطلتنه اللي مرت بجنب غرفة بنات عمها سعد وعبدالله
وقفت وهي تسمعهم يتكلمو عنها
سعاد(بنت سعد)22:الكلبه فشلتني قدام صاحباتي
الجوهره (بنت عبدالله)20بضحك:هههههه ليش وش سوت لك الذيبه
سعاد بقهر:تخسيي
ليلى (اخت الجوهره)19:تخيليي سعاد كانت جالسه تتمدح بذهب اللي لابسته وتقول بابا جابه لي وكذا كان تقول شموخ (وهي تقلدها)متأكده انه مو رانقو(تقليد)لانه مو من مستواك هلاشياء (وبحماس)اوففف عاد هنا سعاد قلبت طماطه من العصبيه الحمدالله بس ماطحت بلسانها ههههههههه
سعاد رمت عليها المخده بعصبيه:هيي لاتتشمتي
جوهره:هه اساسا حنى كنه نقدر عليها وعلى لسانها بس موفاضيات للمجنونه
سعاد بتأيد:ايي صح بنت المجانين
شموخ غمضت عيونها بقهر همست وهي تحس بقلبها يوجعها وطعنات شتم اهلها:بصبر مالي غير الصبر
فتحت الباب بقوه لدرجة ضرب بلجدار وهي تحط يدها حول خصرها:وششش قلتوووووو منو يقدر على منووووو
وقفت جوهره برجفه وخوف انها سمعتهم يشتمون اهلها:وششوووو اا وشش تتتتبغييي اطلعييي براا
شموخ وهي تمشي بدلع وتجلس علكنب وتحط رجل على رجل وتاشر باصبعها على راسها وهي تناظرها بعيونها اللي تسحر بنظره:كييفيي اجلس مكان ماابي بيت جدي يعني بيتي واسوي الليي ابييه فييه
جوهره وهي تضغط على يدها بقهرر وتناظر ليلى اللي مفهيه بشموخ وسعاد اللي تناظر باظافرها برجفه ضربت برجلها بلارض بقهر وطلعتت وهي تسب وتشتم فيها :الحيوااانه خسيسسه وال..اخخ (ناظرت اخوها زايد 19)عمااا مااتشووف
ناظرها بصدمه:بسم الله وش بكك اعصاابيكك
ناظرته بقهر وهي تصرخخ:اكررهااااا اووفف
راحت من عنده وهو يناظر بصدمه لمكانها همس:الحمدالله وشكر
نزل للمجلس ودخل وهو يلعب بمفاتيح سيارته جلس وهو يصب له من القهوه ويرشف منها:عيال تخيلو تو شفت اختي نازله معصبه هههههه احساسي يقول انها الذيبه
ناظره مصعب اول ماسمع كلمه(الذيبه)(ولد سعد واخو سعاد 21):وش مسويه بعد
زايد وهو يرفع وينزل اكتوفه :مادري
قام مصعب وهو متوجه لداخل
صرخ احمد(19 ولد ناصر):قول للشغاله تسوي حلاا
طنش مصعب كلام احمد وكمل وهو يصعد لفوق وقف قدام باب غرفتها وهو يلتفت لايشوفه احد فتح الباب ودخل وسكره وقفله معاه
وقفت شموخ بصدمه وهي تناظر قربت من جلالها(ثوب الصلاة)بس وقفها يده اللي مسكها فيها همست بصدمه:وشش تسويي هناا ومو من حقك تناظرني
همس بحقد وهو يتأمل شكلها اللي ماشافه بعد ماتغطت عنهم:بيصير من حقيي وبتشوفيين بس صبرك علي
ناظرته بصدمه همست بستهزاء:صدق والله هه شكلك ماتعرفني عدل
ناظرها بتحدي وهو رافع حاجب:وشش بتسوي مثلا
همست بستهزاء:لعبت مع الشخص الخطآ
استغرب وش تقصد بس انصدم وهو يسمعها تصرخ بقوه لدرجة انه طبلت اذنه بتنفجر صرخ بصدمه:يااحيوانه
سكر فمها بيده وهو خايف يدخل احد عليهم بعد يده بالم بعد ماعضته مسكت عطرها وحذفته بلارض وهي تصرخ بصوت عالي
سمع صوت عمه ناصر وصوت ضرب علباب حس جسمه تصلب ومو قادر يتحرك بلع ريقه وهو يتوجه لشباك ويفتح وينط منه للحوش وهو يركض للمجلس وقف بتعب وهو يلهث:اخخ يلعن شكلها الحيوانه سوتها ماتخاف ذيي اخخ قلبي وقسمم صارووخ مو بنت
عند شموخ اللي ابتسمت بخبث وهي تاخذ نفس من قوة الصراخ تقدمت للباب وفتحته وهي تتراكه عليه وتكتف يدها وتناظر عمها ناصر وسعد
ناظرها ناصر بعصبيه:وشش بك وش هلصراخ
ناظرتهم بكره وهي تهمس بحقد:كييفيي بيتي واصرخ فيه متى ماابي
تقدم سعد لها بعصبيه وهو يمسكها من شعرها:ياحيوانه اذا محد رباااك انا اربيك
مسكت يده وهي تبكي وتصرخ:اسفه سامحونيي والله بنظف المكان خلاص والله مااعيدها ساامحووني انا حيوانه انا خسيسه ادري والله سامحوونيي
ناظرها سعدد بصدمه وناظر ناصر بستغراب بس انخرس وهو يناظر ابوه واقف بصدمه ومعه عصاه ترك شعرها وهو يناظرها تنزل ولمح ابتسامتها الخبيثه همس بصدمه وحقد:خسيسه(ناظر ابو برتباك)يبه والله مو مثل ماشفت انا كنت..
صرخ الجد بعصبيه وهو يضرب بلعصا بلارض:جبب ولااكلمه تضربهاا وانا حييي تخليها شغاله عندكككك ياحيوان انت واخوكك تخليها تشتم بنفسها جننتوو بنتيي الله يجنن عدووكمم تستقوون على بزر ماعاشت شي وانتو اكبر عيالكم خاط شاربه وطوله طول البييييتتت
نزل سعد راسه بقهر وهو يناظرها تمثل البكي اخد نفس :اسف مابعيدها
صرخ الجد:اذلفووو عن وجهي لاباارك الله فيكمم من عيالل اذلفووو
طلعو سعد وناصر نازلين لتحت اما الجد دخل مع شموخ للغرفه وهو يهديها وهي تهمس بحزن:انتوو اللي جنيتو على نفسكم
____
عند سعد وناصر دخلو المجلس وجلسو وسعد يسب ويشتم فيها
تكلم عبدالله بستغراب:وش بكمم
سعد بعصبييه:فييي احدد غيرهااا المجنوووونه
ناظرهم مصعب بخوف انها تكلمت
تكلم عبدالله وهو يعدل جلسته:وشش سوت بعد
جلسو رائد واحمد بحماس وهم يسمعون لعمهم سعد
تكلم سعد بقهر:سمعتها تصرخ بغرفتها ولما فتحت الباب صرخت عليها ليش تصرخ قامت وقالت كيفي بيتي واصرخ فيه
والحيوانه بس مسكت شعرها صارت تبكي
عبدالله بصدمه:اما ذي تبكي هه والله وطلع عندها دموع تصدقو تحمست اشوفها تبكي ولا مره شفتها تبكي
ضحك سعد بستخفاف:هه ذي تبكي الا بنت الكلب حاسبتها عدل تمثل البكي اول ماشافت ابوي وانا المسكين احسبها خايفه وجالسه تشتم بنفسها وتتأسف بلاخير اكلتها تهزيئه من ابوي وهي طلعت منها مثل الشعره من العجينه
عبدالله بصدمه:اوفف مو من جدها ذيي خبيثه اعوذ بالله منها
همس رائد لاحمد:والله مادري منو الخبيثه هنا هههههههههه(مسك نفسه عن الضحك احسن ماياكل تهزيئه)
ابتسم مصعب براحه وهو يهمس:الا هي الخبث نفسه بنت الكلب طالعه تجنن لازم ماتطير من يدي اربيها واربي فلوسها معها هه جمال ومال في احلا من كذا
___
ام مصعب:اقول خاله الحيوانه اللي فوق تدرين وش مسويه بسعد
الجده لولوه وهي ترشف من قهوتها:وش مسويه بعد
ام مصعب :جننته مثلت عليهم انها تبكي وطلعت تسوي كذا عشان خالي(الجد)يصدق انها مظلومه ظلمت عليها عيشتها
الجده لولوه بحقد:اللهم امين وتموت ونفتك منها
ضحكت سعاد 22 :ههههههههه اميين
جوهره بحقد 20:عاجلآ غير اجلآ
ليلى بخوف 19:بنات لاتسمعكمم
سعاد وهي تناظرها :اقول جوهره متأكده انه ذي اختك خوافه مرره
جوهره:هههههههه خليها بزر
همست ليلى وهي تناظرهم كيف يرجفون بس دخلت شموخ وهي تجلس علكنب وسافهتهم:والله مدري منو البزر
الجده لولوه:اقولل ياحيوانه
شموخ:......
ام مصعب بعصبيه:تكلمك خالتي ماتسمعييييين
ناظرتها شموخ وهي تحط رجل على رجل وتبستم بهدوء قاتل:تكلميني
الجده لولوه بعصبيه:لاا والله اكلم الجدار اللي وراااك
شموخ وهي تناظر لقدام وبستهزاء:اووه سوري قاطعتكم كملي تكلمي معه الله يشفيك(وهي تناظر ام مصعب وتسوي انها تهمس)اقول عجوزتكم شكلها خرفت تحتاج لدكتور نفسي ومره وحده مرو على مستشفى المجانين اخاف نط لها عرق وانهبلت هههههههااااااااييييي
حذفت الجده لولوه الفنجال بقهر على شموخ وجا براسها لدرجة نزل دم بقوه
شهقت الجده بخوف لايصير فيها شي وتروح فيها
قامت شموخ وبألم وهي تمسك راسها اللي ينزل منه الدم بقوه صرخت بعصبييه:اناااا تمدييين يدكك علييييي ياعجوووززز الناااار
وقفت الجده لولوه بخوف وام مصعب تمسكها برجفه وهي تصرخ بسعاد تنادي ابوها بلمجلس
تقدمت شموخ وهي تناظرهم بحقد:هه جنيتو على نفسكم بنفسكممم
تقدمت بقهر وهي تكسر كل شي حولها وتصرخ بعصبيييهه بانها بتوريهم الويل بحياتهم وجوهره تناظرها بخوف كيف الدم براسها وفوق ذا تصرخخ تكلمت بخوف وهي تشوف انها فرصه تسبها وهي تعبانه :ياحيواانه يا المجنونهه رووحيي موتييي
ناظرتها شموخ بصدمه وهي توقف وقفه مايله ومو ثابته من قوة الضربه وهي تحس بدوخه تقدمت لها وهي تمسك جوهره من شعرها وتحطه علارض وتدووس راسها برجلهاا وتصرخ:شكلللكممم مااعرفتووني عدللللل
تقدمت ام رائد بحقد وهي تدزها على وراها بقووه لدرجة ضرب ظهرها بطاوله وجات بتطيح على صرخت ام رائد:اتركييي بنتييي
بس قبل لاتطيح مسكها مصعب وهو منصدمهه بلحووسه اللي صايره وشكل شموخ اللي يسخف وقف بخووف وهو يرفعها ويناظرها وكان وقتها اغمى عليها شالها بخوف وهو يركض فيها لسياره متجاهل صراخ ابوه وجده الخايف
___
نرجع لورا شويي
عند سعاد اللي دخلت بخوف للمجلس وهي تصرخ:يباا اللحقق شموخ المجنونه جدتي ضربتها وصار ينزل دم من راسها وتبغا تضربب جدتييي
وقف مصعب وهو يرمي الفنجال ويركض لداخل متجاهل اخر كلام سعاد قام سعد وعبدالله وهم يركضو لداخل والجد يمشي وراهم بخوف اما ناصر فا وقف احمد ورائد بصراخ:خلكمم هنااا البنات داخلل (ناظر سعاد)وانتيي ادخلييي طالعه لنا كذا
دخلت سعاد بخوفف وعلى دخلتها كان مصعب شايل شموخ ويركض فيها لبرا
صرخت بصدمه:طيبب عباتهااا اوفف
جلس الجد بتعب وهو يلهث :اااهه الله ياخذ بليسكم من بنااات وشش سويتوو فيهاااا
صرخت الجده لولوه بعصبيه:وششش قصدكك هااا اجل تبيني اسكتت لها طويلة اللسان تستاهل ياليتها ميتهه
سكر الجد عيونه بتعب وهو يهمس بحزن:الله يكون بعونها وينصرها عظالمين...سامحيني يانوره لا ولدك ولا بنته قدرت اساعدهم
صرخ ناصر بصدمه:يبهه
صرخو البنات بخوف على جدهم:جدييييي...
مسكه قبل لايطيح وهو يصرخ بخوف:يبه وش بكك يبهه(ناظر ولده احمد اللي دخل على صراخهم)احمددد تعاال ساعدني جدكك جدكك مدري وشش به
تقدم احمد وهو رائد وهم يرفعون جدهم وتجهو فيه للمستشفى مع ناصر
اما عبدالله وسعد فكانو بسياره ثانيه متجهين مع مصعب ولا درو بلي صار بلجد
______
...:طال عمرك وصلنا خبر انها بلمستشفى....ايي نعمم...نزيف براس...مضروبه...طيبب بجهز الطياره...بس...وصلنه خبر موت جدهاا.....لاا كانت موته طيبيعيه...اي نعم...حاضر...
__
الممرضه طلعت وهي تصرخ بـ:دكتوووررر...
دخلت مكتب الدكتور بخوف:دكتوررر البنتت حالتها صعبه الجرح تو مخيطينه وبس سمعت خبر وفات شخص لها صارت تصرخ
ناظرها الدكتور بستغراب وصدمه:طيببب طيبب جهزي الابره
قام متوجه لغرفة شموخ دخل للغرفه وهو يناظر الممرضات حولها يهدونها وهي تصرخ بـ:اتركووونييي الله ياخذهم قتلوو اهليييي الله ياخذهم اتركوووووووونييي..ااااااااااااااااااااهه اترووكنيي اهىىىىى اههىىىىىى
تقدم الدكتور لها وهو يثبتها وياخذ الابره من الممرضه ثواني وهددت ورجعت نامت ناظرها الدكتور بأسى :الله يصبرها(وجه كلامه للممرضه)لفي راسها بشاش ولو ردت نفس حالتها عطيها مهدئ
الممرضه بقلق:طيب
طلع الدكتور وهو يعدل البالطو ماله بس انصدم بمصعب وهو يمسكه بخوف:وش بها يا دكتور
ناظره بهدوء:مافيها شي بس.؟ البنت مضروبه براسها وواضح مقصوده من كلامها راح نضطر نستدعي الشرطه
مصعب برتباك:شرطه لاا وين دكتور حصل مشكله مع جدتها وبلغلط حذفت عليها فنجال ولا لاهو مقصود ولا شي
ناظره الدكتور بشك:اها اوك اجل بس تقوم تقدرو تطلعوها استأذن
ناظره مصعب براحه:اذنك معك
جلس بهدوء وهو يفكر باللي يصير جده وشموخ والعايله كلها مختبصه :اساسا جدي محد بالعه من عمامي ولا حتى ابوي يعني امره هينه عزا ثلاث ايام وسلام هه والله وصرتي بين يديي ياشموخ
بعد مده رخصو شموخ اللي بس وصلة للبيت دخلت غرفتها وقفلت الباب عليها وهلي تجلس عسريرها وراسها في شاش(لفه طبيه) همست بحزن ودمعه بعينها:اخخ قلبي يوجعني بامي وبابوي والحين بجدي هه من بقى لي بهدنيا انا يالله صبرك حسبيى الله ونعم الوكيل فيهم اللي مايخافون ربهم
تمددت بحزن وهي تحس بدموعها تنزل على خدها كتمت شهقاتها ماتبي تبين ضعفها لحد ولا حتى انهم يسمعونها تبكي مابتضعف قدامهم ابدد
مرت ايام العزا جحيم على شموخ وبهدوء غالبه القليل من الحزن على اهل البيت
بلمجلس كانت قاعده الجده لولوه وهي تستغفر بهدوء:اقول الحيوانه وينها
سعاد بملل:مدري اساسا من بعد مامات جدي ماشفتها الا كم مره والمشكله بوقت ماجو الحريم يعزون ولا نزلة منها دمعه حتى هه صدق من سماها حجر ماتحس اساسا اشك انه لها قلب هههههههههه
قطع عليهم سعد اللي دخل وصعد متوجه لغرفة شموخ ضرب الباب وهو يتكلم بصوت عاليي:بنتت تعالييي لمجلس الرجال وخليك لابسه عباتكك اشوفك ماتجيي
تفل علباب بكره ونزل لتحت متوجه للمجلس وهو مو مهتم بمانادات ام مصعب له
وقف ناصر بقلق:ها جات
جلس سعد بهدوء:وش بك خايف شوي وتجي جهزت الاوراق.؟؟
عبدالله وهو يطلعهم ويحطهم عطاوله:كلل شي يخص ملكية الشركات موجوده ناقص توقيعها وتصير لنا هه
ابتسم سعد بخبث:والله وطحتي ومحد سما عليك يابنت ابوك وجدك وابوي ومات ومحد بيوقف معاك بعده والشركات بتصير لنا ونشوف وش بتسويي هه
همس رائد لمصعب واحمد:اهلنا طلعو اشرار ههههه
جا بيرد مصعب بس ناظر لباب اللي دخلت منه شموخ وهي واقفه بتحدي وصوت حاد:وش تبغاا يابسة امكك
وقف سعد بعصبيه وهو يمسكها من يدها وبصراخ:ترى سكتتت لكككك والسند اللي كنتي تحتمي فيه صار تحت التراب تفهمي
كتمت الحزن والوجع اللي بقلبها وهي تضرب يده وتبعدها عنه:لاا ماانسييت بس مو انا اللي احتمي بناس انا احمي نفسي بنفسيي وخلصص علي وشش تبغا
ابتسم بحقد:ابد بس بتوقعي على كم ورقه وبعدها برميك بزباله
ابتسمت بستهزاء وخبث:والله مدري منو اللي بينرمي ياعم هه اقول ورا ماتشيك على محل سياراتك تشوف الاوضاع فيه تعرف بعد ممكن صار شي ولا شي هههههههه
ناظرها بشك وعصبيه:وششش مسويه
جلست بهدوء وهي تحط رجل على رجل:ابدد كل خير شيك شوف تطمن علحلال هههههههههه وبعدها بنشوف منو بيوقع على اوراق نقل الملكيه انا ولا انتتت (ناظرته بتحدي )هههههه
ناظرها بشك وهو يتصل عمحل السيارات الخاص فيه:الووو محمدد شلون شغل؟...وششش..ياااحمااااااارررر كييف كذااا(ناظر شموخ بعصبيه) وهو يرمي الجوال توجه لها ومسكها من شعرها لدرجة نزلة الطرحه مسكت يده بألم وهي تحاول قد ماتقدر ماتبين انها تألمت
همس بفحيح قاتل:وقسممم لاتموتيي على يدي
علت ضحكت شموخ المكان :هههههههههااااييييي نشوووفف منو اللي بيقتل منو يابسة اممك تحسبب بضعف وسكت لكمم ولا سندريلاا اللي تسكت لزوجة ابوها يابابا اصحاا على حاللك انا شمووخ عاادل اللي بتربيك انت وشكااالككك
جا بيضربها بس انصدم بلباب يصدم بلجدار وبلي رماه بقوه علكنب وهو يخبي شموخ ورا ظهره وبعصبيه:الزم حدوودك
وقف مصعب بعصبيييه :منن انتتت (وعينه على يده اللي بيد شموخ)وبااي حقق تمسكهاا
ناظره بستخفاف:انا رعدد وبأي حق بحقق اني زوجهاا وتقلع عن وجهي ماتفاهم مع بزران
وقف عبدالله بصدمه:ايي زوججج سلاماااتت
ابتسم على جنب وبستهزاء وهو يرمي عليهم نسخه من عقد الزواج:هذا هو العقد تقدر تشوف عندك اسمي واسمها وتوقيع ولي امرهاا عادل خالد ال.. والشهود ابوي وسكرتيره اما شهود ابوها فكانو محاميه ودكتور اللي كان يشرف على حالته وهذا الكلام صار بوقت الحادث اللي صار لهم وقتها قبل يموت طلب ابوي يجي له وملكت عليها اتوقع مايحتاج اوضح اكثر من كذا
(شد على يدها متوجه للباب بس وقف وهو يلتفت لهم)واي صحح الشركات تحلمون فيها ويكون احلا لو تشيلونها من حلمكم مره وحده لاني الوكيل عن شركات ابوها والنصيب الثاني من الشركات اللي يكون لابوي
طلع وهو يصفق الباب وراه كمل يمشي اللين مكان هادي وقف وهو يلف لها ويناظرها كيف منزله راسها قربها له وهو يهمس:ابكي ادري فيك ماسكتها
عضت شموخ على شفتها بقهر وهي ماسكه دموعها
داست على رجله باقوى ماعندها لدرجة بعدها عنه ووصار ماسك على رجله بألم:وشش سويتيي
ناظرته بتحدي وهي تحط يدها على خصرها وتناظر له يوقف بألم من رجله:اولاا شنو قصة الزواج ذي ثانيا لاتسوي نفسك تعرفني طيب ولا اشوفك ماسكني وتضمني تقل زوجتك من عشرين سنه مع ثلاثين بزر
ابتسم على جنبه على وصفها وهو ماسك ضحكته:احمم طيب خلصتي
ناظرته بتحدي:لاا ودك اكمل.؟
ابتسم بهدوء:لا شكرا اكتفيت اسمعي مثل ماقلت لهم انتي تكوني زوجتي من قبل 8 سنين ملكت عليك وقتها وكان عمري 19 سافرت اكمل دراستي وبس سمعت خبر وفاة جدك جيت عساس اخذك معي بما انه مافي غيري فا لاتسوي نفسك اخر حبه بلارض
ناظرته بقهر:طيب فهمنه الحين وش اسوي ان شاءالله
جلس بهدوء على الصخر:ابد تقدري تصعدي فوق تجهزي كل اغراضك لانك بتسكني معي من اليوم اما اعمامك انا بتفاهم معهم
ناظرته بهدوء وهي تفكر"الحين شنو باخسر لو رحت معه اروح معه ومنها اجمع معلومات عن يوم وفاة اهلي واعرف قاتلهم واحسن من مقابلة وجه عجوز النار وبسة امه هو الثلاثه المجانين وبعدها اتطلق واستقر ببيت بروحي و(ابتسمت بخجل داخلي)وبدا ادور عن اميري اللي ماهمس بذيك الكليمات الا لانه بيسوي شي بموضوع مقتل ابوي وبكذا احتمالية مقابلتنه بتكون 99٪‏ هه حلو اجل"
ابتسم بهدوء وهو يتأملها تفكر تركها على راحتها وهو يتذكر ذاك اليوم اللي قابل فيها ابو شموخ وملك عليها بعدها بيوم توفه ابوها وباخر ايام العزا دخل وتكلم مع الجد بروحه وفهمه من يكون وطلب منه يسكر الموضوع ولا يقول لاحد حتى اعمامها وبس خلص موضوعه من الجد تقدم لها وهمس لها بكلمات تشجعها رغم انه كان متأكد انها مابتفهمها وطلع للمطار يكمل دراسته وهو حاط حولها حراس يخبرونه بكل تحركاتها
ابتسم بهدوء وهو يتذكر قبل كم سنه لما اتصل عليه الحارس وخبره انها مسويه مشكله بلمدرسه وباين انه عمها بيجي طلب منه يقدم للمديره مبلغ مالي معين عشان تفبرك الموضوع وكان كل سنتين ينزل للمملكه يوقف عند مدرستها بوقت الطلعه ويتأملها تركب سيارتها ويحرك متوجه لبيته بعد مايملي قلبه فيها
شموخ صرخت بنزعاج:هييييي اكلمك انااا
ناظرتها بهدوء:وش
شموخ بغرور:اسمع انا فكرت بلموضوع وقررت اجي معك بس بيننه شروط وهي ولا كانك زوجي ولا يصير اي شييي بيننه اوكك وكمان لي شغلي الخاص ماتتدخل فيه
ابتسم بهدوء:طيب
ناظرته بغرور وهي مستغربه هدوئه:اجل طالعه فوق اجهز شغلي تشااوو
وقف بهدوء وهو يبتسم لها وبس اختفيت انمحت ابتسامته وطلع جواله وهو يتصل علسكرتيره:اسمع طلع كل الاوراق اللي طلبتهم منك وارسلهم لي ...ايي ببيت المرحوم خالد...يله باي
سكر من عنده وهو يدخل للمجلس ويجلس بهدوء قاتل وبنظره ترعب تكلم بهدوء للثلاثه اللي قدامه:اتوقع تأكدتو من الاوراق
تكلم سعد بقهر:بس مابتاخذها وبنطلقها منكك وتحلم بشركات
ابتسم رعد بهدوء غامض وهو يهمس:هه وبامر منو بتتطلق؟ انا ولي امرها الوحيد هنا انتوو فقط اخوان ابوها من الزوجه الاوله واذا هي كانت موافقه مالكم ولا حتى حق واحد في انكم تجبرونها عطلاق وكمان هه لو تبون تهددونها فترى بتصال واحد مني ينهي حياتكم كلهاا واتوقع فاهمين علي ولاا؟
جا بيتكلم مصعب بعصبيه بس مسكه عمه ناصر بقهر:اقعد(ناظر رعد)خلاص تقدر تاخذ البنت
وقف مصعب بعصبيه وصدمه:وشووو ياخذهاا يخسييي
ابتسم رعد ببرود قاتل:اوو عندنا هنا عاشق ولهان ولا اتخيل هه لا تخاف بلحفظ وصون بتكون لانها اخر مره بتشوفها فيها من غيرر شر لها مو لك هه
ضغط مصعب على يده بقهرر :خسييسس
غمز له بتحدي وهدوء قاتل:ومنكم نتعلم
قطع عليهم اللي دخل :طال عمررك تو نزلة اغراضها ودخلتهم السياره
قام رعد بهدوء :يله جاي
قبل يطلع لف لهم وقال:جربوو تسوو شيي لها بتكون نهاية حياتكم وقتهاا واي صح كلها مده ويوصل لكم شي يبرد على قلوبكم هه جهزو حالكمم
طلع رعد من هنا ودخل مصعب عسريع لداخل لجل يمسكها قبل ترووح بدون لايحس فيه احددد....
__________________________
نوقف هنا لاتنسوون توقعاتكمم

وش بيصير معقوله كذا بس تحررت بطلتنه وبتعيش بسلام؟؟؟

طيب ابوها من اللي قاتله ولييششش ....؟!!'

رعد واخفاء امر انه الشخص اللي همس لها.؟؟!

وشخصيته الغريبه بحضورها وبس تروح .!!؟

معقوله بيسكتون الاعمام.،،؟!!

مصعب وشش بيسويي ممكن يأذيها.؟؟!!

دمتم بخير
____________________________________

هذا اول بارت متحمسه لتوقعاتكم الحلوه

تنويه هام:
_شخصية البطله والكلمات الي تنرمي هي عباره عن البيئه الي عايشه فيها وليس استهانه بعقولكم او قلة ادراك لما اكتبه وانما مثل ماقلت هذي هي البيئه الي تربة بطلتنا عليها فا من الطبيعي تكون هالكلمات موجوده السب والشتم واكيد هشي بيتم معاجلته بالبارتات الجايه شلون ومتى كملو معانا عشان تعرفون...وشكرا

كاتبة:بنت&بلادي


شاكر القلب الاسود ©؛°¨غرامي مشارك¨°؛©

اول تعليق 😂💔

رروووووووووووووووووووعة تجنننن بس ياليت لو كانت فصحى كانت اروع

ثاني شئ ممكن تكوني تخلي الفلاش باك يفرق عن محور الصة الاساسي ولو مثلا



صعدت الدرج وهاجمتها ذكرى قبل ثاني اعوام ، تذكرتي ..........

المهم انك تخلي التنسيق اكثر وضوح وان شاء الله تسمعي مني

بنت&بلادي ©؛°¨غرامي مشارك¨°؛©

المشاركة الأساسية كتبها shaker alkhadaim اقتباس :
اول تعليق 😂💔

رروووووووووووووووووووعة تجنننن بس ياليت لو كانت فصحى كانت اروع

ثاني شئ ممكن تكوني تخلي الفلاش باك يفرق عن محور الصة الاساسي ولو مثلا



صعدت الدرج وهاجمتها ذكرى قبل ثاني اعوام ، تذكرتي ..........

المهم انك تخلي التنسيق اكثر وضوح وان شاء الله تسمعي مني


اولا شكرا على مرورك
اما بخصوص الفصحى انا مجالي روايات السعوديه 💜
ثانيا الروايه مكتمله من سنتين تقريبا كاتبتها فا مخلصه من زمان واللهم فقط بنزلها مثل ماهي
اتمنى انها تحوز على اعجابك وتسلي لك وقتك

بنت&بلادي ©؛°¨غرامي مشارك¨°؛©

. البارت الثاني

&
:
&
:

بسم الله..لا الا الا الله...الله اكبر..استغفرالله..سبحان الله...صلو على من بكى شوقآ لرؤيتكم
___
دخل مصعب بسرعه لداخل بس قبل يدخل نادته امه:مصعب
عض على شفته بقهر وهو يهمس:راحت عليي...نعمم
ام مصعب:تعال دخل هلصناديق المطبخ
مصعب بقهر:بس..
قاطعته وهي تصعد لفوق:لاا بس ولا شيي ابوكك يقول ياويلك ان ماشلتهم
ضرب يده بكفه بقهر:هذا اللي كان ناقصني...
بعد مده وبعد مادخل كل الصناديق همس:اووف حلوو ان شاءالله بس القاها
قرب من عند الدرج وبدون لا يشوفه احد صعد لفوق ودخل غرفتها بسرعه وسكر الباب تنقلت انظاره حول الغرفه يدور لطرف منها همس بقهر:وينهااا ليكون راح...(ابتسم بخبث وهو يسمع صوت تسكير باب الحمام)واخيرا شرفتيي
ناظرته بصدمه وهي تعدل لثمتها وبصراخ:انتت وشش تبغاا هااا..شكله مانفعت معكك اخرر مرره
ابتسم بخبث:وش بتسوي مثلا هه تصرخي؟؟ باعرف اسكتك وقلت لك انتي لي وبتكوني لي
ابتسمت بستهزاء:ترى مره واثق بدرجه تخليني اشك انك غبي اوو سوري حتى الغباء حرام فيك هه
تقدم منها بقهر وغضب بس وقف بصدمه وهو يناظر اللي كان واقف عند باب الحمام ورافع حاجب :اا..انتت
تقدم رعد له بهدوء وهو يمسك شموخ ويخليها وراه وبنظره ترعب اللي ماينرعب:لا ظلي انا شوي وجاي هه
ضغط على يده بقهرر وبصراخ:خسيس انتتت وه.اخخ(مسك بطنه بألم وهو يرجع على ورا من الرفسه اللي جته وهو يجلس ماسك ببطنه بألم وهمس)ببنت الك..لب
تقدمت شموخ بقهر  وهي تنزل لمستواه وتمسكه من شعره بقوه:عشان تعرف اني اخذذ حقي بيدي مااطلب عون احد واقدر عليك معه ولا بدونه تفهممم ولا عاد تضن اني بسكت لك نفس قبل ترىى والله انك ماتعرفنيي عدل لا خلييك تحسببب ليي الفف حساب قبل تنطقق اسميي اوو تشتم اهلي
قامت بقهر وهي تطلع وتصفق الباب وراها وهي تصرخ بـ:مجانييين ربي بلاني بمجانيين داخل الغرفه
ابتسم رعد على جنب وهو يهمس:احلفي بس انا شذنبي طيب ماسويت شي
ناظر مصعب اللي يناظره بقهر تكلم بعصبيه:اسمعع هلمره هي خذت حقها بس قرب لها والله لامحيي اسمكك من على سطحح الارض كللله اخلييك تتمنى تندفن تحت التراب
طلع تارك مصعب اللي همس بقهر:اشش كانو يسوو داخلل اخخخ خذاها منيييي الحيواان
_____
نرجع لورا شوي
طلعت شموخ من الحمام وهي بس لابسه عبايتها والطرحه على كتفها وشعرها مفتوح وفي شاش الطبي :منووو؟؟
تكلم بهدوء:انا
تقدمت من الباب وهي تحط الطرحه على راسها فتحت الباب وهي تطل منه:نعمم؟؟
ابتسم بهدوء:ابدد بدخل
رفعة حاجبها بستغراب:نعم.!!!
ابتسم على جنب:اضن سمعتي وبعدين(وبهدوء)مو عشان خشتك افتحي بكلمك بموضوع
افتحت وهي تتحلطم:استغفرالله ادخلل
دخل وهو رافع حاجبه:اضربيني بعدد
ضحكت له بستخفاف وكملت ماشيه للحمام:انتظر شوي
ماسمع لها ومشى وراها اللين شافها تنزل الطرحه وهي تحاول تفتح الشاش عشان تغيره
تقدم منها بهدوء وطلعها من الحمام ووقف بغرفة التبديل وهي صارت قدامه اما هو فكان يفتح الشاش وهو يهمس:فيك شي
همست له بهدوء وهي تناظر تحت بخجل من قربه:لااا شفيني مافيني شيي
ابتسم بهدوء وهو يتأملها همس بدون لاتسمعه:محلوه
رفعة راسها بستغراب:شنو قلت ت...احمم(نزلة نظرها برتباك وتوتر وهي تسب نفسها ليش رفعة راسها لانه كان مره قريب)
ابتسم على جنب:وين الشاش الجديد
مدت له الشاش اخذه منها بهدوء وقربها له وماصار يفصل بينهم شي عشان يلف الشاش عدل وكان راسها قريب من صدره بقوه اما هو فكان مبتسم وعاجبه الوضع واكثر شي خجلها اللي ماتوقعه فيها رغم انها تطول بلسانها عشان تخفيه
بعدت عنه برتباك وهي تتكلم بغرور:خلاص شكرا انا اكمل
تقدمت من باب الحمام وسكرته وهي تطلع
اما هو فا ابتسم بحب لانسانه عشقها من الصغر ومن اول نظره سحرته
____
نرجع لبعد ماطلعو ابطالنه
وقفت قدام باب السياره والبودي قارد فاتح لها الباب نزلة راسها بحزن وهي تهمس:طالعه من بيتك ياجدي بس والله ماخليهم وبكون وراهم بكل شي اللين اعرف من قتل
حست فيه يطلع من البيت اركبت السياره بهدوء وهي تهمس:الله يعيني بس ابتلشت فيه اووف بس وينك..(ابتسمت بخجل وبهمس وهي تحس فيه يركب)وينك يا اميريي...
ناظرت لرعد بهدوء:وين بنروح
بدون لا يناظرها:لاهليي
ناظرته بستغراب:كذا بدون شي  مابيتفاجئون
ناظرها بهدوء وهو يبتسم:ترى جدي يدري اني خاطبك من كنتي بزر اما الباقي مايدرون تحفظن على املاك ابوك وسريه التامه بشغل اما الحين خلاص اقدر اعلن زوجي فيك
شموخ بتفهم:اهاا
بدا الهدوء وكلن يفكر بهمه
بعد مده وقفت السياره قدام الڤله ونزلت معه بهدوء وهي مو هامها الوضع ابدا كل همها ابوها وجدها ومشكلتها
همس لها:بس ندخل خليك هاديه وعن المشاكل لانهم مجتمعين كلهم وانا قايل لهم اني ملكت وبجيبها تتعرفو عليها
كملت عنه بذكاء وهدوء:فا مااقول عن المشكله اللي بيني وبين اعمامي ولا مشكلة ابوي وقدامهم انا بنت الملياردير عادل خالد ال.. (ناظرته بهدوء)صح؟
ابتسم بهدوء:صح الصح
ابتسمت بغرور وهي تعدل شكلها بلمرايه بعد مادخلو :يله ند...(ناظرت يده اللي شبكها بيدها رفعت حاجبها بستغراب)نعمم
ضغط على يدها وهو يمشي وبهمس:نسيتي نقطه اننه نحب بعض
مشت بهدوء وهي تهمس بغرور اول مادخلة للمجلس المليان صوب رجال ويتصدرهم جد وصوب الثاني الحريم وتتصدرهم الجده اي يفصل بينهم الجد والجده:بلاحلام طبعا هذا اذا شفته هه
رفعة راسها بشموخ وهي تلقي السلام بصوت ثابت مايهزه الريح:سلاام عليكمم
وقف الكل  وردو السلام همست له:وين اروح
ضغط على يدها وهو يمشي بهدوء اللين ماجلس جنب جده وشموخ صارت بنص الجده والجد اما الجد بنص شموخ ورعد
شموخ بصدمه وعصبيه بينها وبين نفسها"الحيوان حطني بينهم وارتاح هو بلقعده انا اعلمه "
ابتسم رعد بهدوء وهو يحس فيها تغلي وبصوت جمهوري يهابه اللي مايهاب:شلوونك يا الغاليي
تكلم الجد وهو يمسك بيده:الحمدالله بخير يولدي وانت شلونك وشلون دراستك وشغل ابوك وحالك
ضحك رعد على الجد اللي ماخله شي:ههههههههه يبه تراك ماخليت شي هههههه كلهمم بخيير
عند جهت البنات
همست وهي تسوي انها ماعت:بنات جمدوني بسرعه ذبت من ضحكته
همست اللي جنبها وهي تستهبل:والله كلنا ذبنه بس شنسوي مو  مطالع بوجهنه وذيك جنبه تتوقعين حلوه
همست بهدوء:امم مادري نشوف اقول عبير وش بك فصلتي
عبير بهمس:ههههه مدري والله يا امل بس جد تتوقعين حلوه اللي جنبه
امل وهي تهمس:هو الاكيد انها حلوه بس القصد عاديه ولا صاروخ المهم اكرمينه بسكوتك خنشوف وش يقولون
الجد بضحك:سولفة معك ونسيت حرمتك ههههه (ناظر شموخ)شلونك ياشموخ
شموخ بهدوء :الحمدالله بخير نسأل عنك
ابتسم الجد لثباتها وقوتها  لو غيرها كان استحت وتتكلم بهمس:الحمدالله عايشيين
تكلمت بهدوء:الحمدالله
قام رعد وقامت معه شموخ:جدي بوريها غرفتها وبعدها بصعد انام
تكلم الجد بهدوء:الله معكم
طلعت شموخ بجنبه وهي تفكر بستغراب"غرفتها ليش هو بغرفه غير هو اصلا مو هامني بس مو تو يقول قدامهم ومدري وشوو بلاخير يوريهم اني بغرفه وهو بغرفه سلامات"
اشر لها على الباب:هذي غرفتك
فتحت الباب وجات بتدخل بس ناظرته بصدمه كيف دخل معها وسكر الباب وتقدم وجلس على اقرب كنبه
ناظرته بستغراب وهي تتراكه علباب:اوك سويت اللي قلته ولا سببت مشاكل ولا هم يحزنون الحين ممكن تفهمني شسالفه واتوقع مو غبي عشان ماتفهم وش اقصد
ابتسم بهدوء :لا فهمت الله يسلمك وانتي مافكرتي ليش جايين يتعرفون عليك وشلون ماستغربو اني مالك عليك
ناظرته بستغراب وهي تجلس بلكنب اللي قدامه:الا بس ماهتميت
رعد بهدوء:الله يسلمك على اساس انا جايبك اليوم عشان بعد يومين زواجنه
ناظرته وهي مفهميه بصدمه:هاه..(وهي تعدل جلستها) دقيقه دقيقه الحين من وين جايب هلعاده اللي تجي فيها العروس قبل عرسها بيومين لبيت زوجها؟؟
ابتسم لذكائها:مو الله يسلمك قلت لهم انك طلبتي تجين قبلها بيومين ترتبي شغلك وتتعرفي عليهم بما انه اساسا اهلك متوفين وماعندك خوات عشان يجو يرتبو شغلك بجناحك وبنفس الوقت تتعرفي عليهم لانه مابيصير جمعه بين امك او خواتك وتكوني معهم لتعارف
ابتسمت بقلب مجروح"صحيح انا ماعندي احد يجي يرتب شغلي لو تزوجة ولاا عندي احد يجتمع فيهم ويشوف طبعهم عشان يعلمني ولا حتى شخص"ناظرته بغرور عشان ماتبين حزنها وهي تحط رجل على رجل:وانت بامر منوو تستخدم لساني ووتكلم عني؟؟ بالله سئلوني تحت ونفيت هلشغله وش بيكون موقفك وموقفي قبلكك
ناظرها وهو يبتسم بخبث ويغمز لها:والله ماتوقع انك غبيه عشان ماتستوعبي اني انا اللي تكلمت بلسانك لو صار وقالو لك تحت ولاا؟
ناظرته بتحدي:اكيدد مو غبييه
ابتسمم بخبث:مداح نفسه كذاب
ناظرته بقهر وهي تحاول تبين انه عادي:من قال اني مادحه نفسي ماقلت اني ذكيه قلت بس اني مو غبيه
ضحكك بخبث اكثر:ومن جاب طاري الذكاء ماقلت انك ذكيه؟
ناظرته بقهر:اقول وش رايك تطلع برا بقعد انتظر اغراضي توصل
قام بهدوء:ههههه طيبب..بس مو تقولين لاحد اني دخلت لعندك يحسبون انها اول مقابله بيني وبينك
تكلمت بغرور:مايحتاج تقول ادريي
طلع من عندها قبل لاحد يشوفه وصعد لجناحه اللي بدور الثالث  لجل ينام
دخل وبدل لبسه وشغل التكيف على اقوه شي وسكر النور ونام وهو يفكر ببكرا
_____
عند بطلتنه غيرت لبسها بعد ماجابو اغراضها ورتبتهم بصوب بما انه بكرا بتنقل اغراضها بجناحه جلست وهي تضحك:هه يقال انه بعد يومين زواجي وانا حتى ماجهزت شي (تنهدت بحرن)حتى ماجربت فرحت العروس لما توقع بلكتاب ولاا دمعة الام لما تبكي وتقول بشتاق ولا الاخت لما تضمني وتقول بافقدك ولا الاخ اللي بيقول بفقد صراخك بلبيت وطلبك عشان اوديك السوق ولا ابو(تنهدت بالم وهي تحس بدمعه حاره نزلة على خدها)ولا حتى ابوو يحضني ويوصي زوجي علي وانه اذا زعلني مابيشوف خير او على الاقل جد..جد يصير لي هذول كلهممم حتى حتى مادري شنو اسوي انا اروح وين واجي وين فستان العرس ،الصالونات ،المسكه، الاغراض كلل شيي مدري شسوي فييهمم تعبت خلاص
قامت وهي تاخذ نفس وتتكلم بصوت عالي:انتي قويه انتي مو محتاجه احد انتي نفسك ومحد بينفعك
راحت لغرفة التبديل وهي تردد هلكلمات طلعت جينز اسود وتيشيرت ابيض مخطط باسود ولبسته وربطة جاكيت كاروهات احمر باسود على خصرها وهي ترفع شعرها الاسود بقصة الشلال(مدرجات) على فوق وتسويه كيكه حطت كلوز ومسكرا وخذت لها من العطر
طلعت وهي تعدل الحلا اللي طلعته من الثلاجه  والعصاير جلست بهدوء :حلو كشخت وطلبت الاكل وكل شي تمام باقي يجون البنات عشان اسولف معهم واعرف اخبار البيت كلله
بعد ربع ساعه سمعت باب الغرفه قامت وهي تعدل شكلها وفتحت الباب وببتسامه:ياهلا والله نورتو
دخلو البنات بهدوء وحياويه والبعض بكره:النور نورك
____
تعريف
ابو عادل زوجته ام عادل
امل:19 فلاويه وماتهتم لمعتقد العايله بنت عم البطل
عبير:19 توأم امل نسخ لصق حاول تفرق بينهم وماتهتم لمعتقد العايله
اخوهم عادل عمره 5 سنوات كيوت والكل يحبه لانه اصغر العايله
ام شذى زوجة ابو رعد الاوله
شذى:اخت البطل من زوجه الاوله لابوه عمرها 30 سنه كانت متزوجه بس تطلقت من لسناها الطويل اللي ماتحترم فيه احد وطبعا لما تزوج ابوها ام رعد كانت وقتها صغيره بس امه توفت اول ماولدته فكان عايش معهم والكل يكرهه البنت والام
ابو احمد ماخذ ام احمد اخت ام شذى
نوره:22 سنه تصير بنت عم البطل وبنفس الوقت بنت خالة شذي يعني الخوات ماخذين الاخوان من نفس العايله يكرهون رعد وام رعد المتوفيه هي وامها بس بقلبها تعشق مسمى رعد بس قدام شذى تبين انها تكرهه وماعندها امل انه ياخذها
عندها اخو اسمه حمد:26 سنه داج هاج يحب البنات ويكره رعد لانه الكل يحترمه وحاطين له قدر بما انه صاحب شركات ومكون نفسه بنفسه وكان مع ابو من وهو صغير بشغل الشركه وكمان دارس برا وماأثر على دراسته الشغل
ابو فهد اخ ابو رعد المتوفي
  سوسن:22 سنه هاديه وتميل لنعومه بس لانجنو امل وعبير طارت معهمم
اخوها فهد:27 ماسك مع ابوه الشغل وصديق رعد الروح بروح
طبعا هذي كانت العايله
_____
دخلو البنات
امل وعبير وشذى ونوره وسوسن
جلسو بهدوء وهم يناظرون للقعده اللي مجهزتها
همست شذى بكره لنوره:امداها استحلت الغرفه
جلست شموخ بخبث:هلاا والله حيا الله من جاني
سوسن ببتسامه:يحييك انا سوسن 22 سنه
عبير:وانا عبير عمري 19 مايحتاج تسئلي عن ذيك بس اسمها امل هههههه لانها توأمي
ابتسمت لها بحماس:ههههه الله شلون بفرق بينكم ان شاءالله
امل بحماس:الله يسلمك تشوفي ربطة شعري لونها اخضر اما عبير اصفر بس انتي طالعي فيهم وامورك بخير ان شاءالله
ضحكت بصدمه من فكرتهم الغريبه:هههههههه حلووو
عدلة جلستها وهي مجهزه نفسها لثنتين ذول:ياهلا ماعرفتونه
شذى وهي تعدل لبسها:شذى عمري 30 واللي يشوفني يقول مو باين واكون اخت رعد
ناظرتها بخبث:محد سأل
ناظرتها بقهرر
نوره وهي تناظرها بكره:نوره اتوقع كافي مايحتاج السيره ذاتيه
ابتسمت شموخ بخبث:مرره كافي مايحتاج تتعبي نفسك بكم كلمه هه
قامت وهي تمرر عليهم العصير
وردت جلست مكانها بهدوء
عبير:وانتي عرفينه عليك
ابتسم بهدوء وهي تحط رجل على رجله وتناظر شذى ونوره بتحدي:شمووخ عادل خالد ال.. اتوقع تعرفون ابوي المرحوم عمريي 18 سنه
ابتسمت عبير وهي تناظر امل:واخيرا احد اصغر منه بسنه مو اكبر منه بثلاث سنين ولا اربع مدري عشر هههههههههه
ابتسمت شموخ بهدوء
قامت شذى ومعها نوره واستئذو وطلعو وبس اطلعو ابتسمت شموخ"احسن راحو الهبلات الحين بستلم الحلوات واخذ منهم معلومات":احمم الا بسالكم
امل:اسئلي
شموخ وهي تسوي انها مستحيه:هذا ترى ماعرف ولااا شي عن رعد الا اسمه اساسا اليوم لما جيت مادري شلون مسك يديي استحيت مرررره
ضحكت عبير بحمااس:الله الله تعالي ياعمري اقول لك كل شيي
اسمعي رعد حمد متعب ال.. يكون ولد عمي احمد الله يرحمه من زوجته الثانيه
ناظرتها شموخ بصدمه:اما
عبير وهي تعدل جلستها:ايوا والله وشسمه وزوجة الاوله هي ام شذى وطبعا شذى ماتحب تقول انها اخته من زوجة الاول تستحي وكذا انه ابوها خذا على امها
جلست شموخ بحماس:ايواا كمليي
عبير :ايوا وهذا فا ام شذى وشذى يكرهووون رعد مره هو وامه طبعا امه جابته وتوفت فا عاش على يد مرت ابوه ام شذى وشسمه والله اعلم سمعت انها كانت تضربه لما كان صغير اذا راح عمي حمد الله يرحمه للشركه هي وام نوره
شموخ بحزن على حاله وبستغراب:وام نوره شكو؟؟
عبير بصدمه وحماسس:ييي ماقلت لك انها تصير اخت ام شذى
شموخ بصدمه:اهاا"والله واجتمعو المجانين حولي"كملي
عبير:ايوا فا بعدها صار كله يدرس وتعده الصفوف هذا من قوة ماهو شاطر تعرفين نظام تعدي الصفوف ويروح لمرحله الثانيه صح؟
ابتسمت بهدوء:ايي اعرف
عبير:ايي فا تخرج عمره 16 سنه وسافر يدرس برا ورد لما صار عمره 19 مادري لي وبعدها رجع سافر ورد بعدها بسنه لانه ابو مات والحين هو ماسك شغل الشركه وبنفس الوقت دكتور بلجامعه  عاد هو اصغر دكتور مناك لانه كلهم 30 سنه وفوق ولا بعضهم 33 وفوق بس لانه تخرج بسرعه
شموخ همست :اها ماشاءالله"اوف دكتور كماان"
امل قامت وهي تجر سووسن وتمسك عبير وتقومها:اقول امشي بسس صدمتي البنت ههههههه حنى طالعين نخليك ترتاحين
ابتسمت لهم بهدوء وهي توصلهم لباب سكرت الباب وقفلته بهدوء
جلست وهي تفكر:يعني هو نفس حالة ابوي من الزوجه الثانيه وامه متوفيه واهله يكرهونه بس الفرق ابوي ماكان ينضرب بس هوو ليش كذا مو باين عليه ابد انه حزين هه يمكن نفسي دقيقه يعني لو صار لي عيال منه بيكونو مثليي
حطت يدها على بطنها بخوف:لا ان شاءالله اتطلق منه واستقر احسن بسس حرام اخلي بروحه محد يحبه لااا بس هو عنده جده وجدته وانا ماعندي احدد
قامت وهي تصرخ بنزعاج:اووففف راسيي خلاص انفجر اقوم ارتب العفسه واحط راسي وانام ابرك ليي وبكرا يحلها الف حلاال
____
عند البنات
امل :بناات وقسسم صدمه شكلها دمار وقسم عبير تسولف معها وانا سرحانه فيها كل حركه تسويها تسحرر ولا رموشها يارموشها سحرر ولا شفاتها يناس ورديه حسبتها حاطه روج لما دققت بس كلوز عادي مرطب ولا شلون رسمت حواجبها ولا بياضها حليب فرواله مو بنتتت ااخخخ (وهي ترمي راسها بحضن عبير)بسس ياحظ رعدد
ناظرتها عبير بصدمه وضحك:ههههههه لاتقلبين بويه مو ناقصه انا بعدد
ضحكت امل:استهبل ياهبله ماتعرفين توأمكك
نوره بقهر:هه مب ذاك الجمال
شذى بدون نفس:من جدد
عبيره:ههههه انا تخيلتها شقره وكذا ههههه بس طلعت ازين منهم والله
سوسن:ايي شفتي شعرها ماشاءالله صحي مرره
امل:اقول بسسكم حش ونامو لا اجي واعلمكم شلون تنامو راسي بينام
عبير بصدمه:سلاماات انتي اللي فتحتي موضوعها
امل عطتها نظره:اوك اجل برجع وسكره ويله نامو راسي يبي النوم
عبير:ههههههه اوك ناميي يادجاجه الساعه  11
ناظرتها امل بنص عين:وتقولين دجاجه بعد والله ماغيركم الخرفان
عبير فطست ضحك وهي تغطي وجه امل:ههههههههههههههه نامي نامي بسس الله يستر عليك
_____
نروح لبطلتنه
طلعت من المطبخ بعد ماغسلت مواعين العشا جات بتجلس بس استغرب ضرب الباب همست :ليكون نسو شيي
اول مافتحت القفل انصدمت بلباب يرجع بسرعه وبيد تثبتها لاتطيح ودخل وقفل الباب لف عليها وبقهر:سنهه تفتحين الباب
ناظرته بصدمه ويده حول خصرها عساس كان يثبتها قبل تطيح:بسم الله وانا وش عرفني انك بتجي استغفرالله وبعدين(وهي تناظر يده اللي حول خصرها)مطول؟
ابتسم بهدوء"عوبه هههه ماتسكت كل كلمه ترد عليها بعشر "ناظر مكان ماتناظر وبعد يده بحراج:احم شسوي عساس بثبتك لاتطيحين
تقدم وجلس عكنب بهدوء
دخلت شموخ للمطبخ وطلعت وبيدها شاي وقهوه وحلو حطتهم قدامه وجلست
ناظر اللي جابته:ماشاءالله سنعه
ناظرته بغرور:من ع..اقصد شكرا
ابتسم على جنب من قصدها عشان مايقول مداح نفسه كذاب همس بهدوء وهو ياخذ فنجال القهوه وعلى كلمتها تفضل :زاد فضلك
جلست وهي حاطه رجل على رجل ومركيه يدها عركبتها وكفها في دقنها(ان شاءالله فهمتو!!) تكلمت بغرور:ايي وش تبغا
ناظر شكلها وكشختها "اول مره اشوفها عدل وخاصه بلكشخه ماشفتها الا بعبايه وشعرها مع الشاش..دقيقه وين شاش" تكلم بهدوء:غريبه وين الشاش
تكلمت بهدوء:ماحتاجه صرت زينه ا..(سكتت لثواني وهي تفكر"صحح شلون نسيت هو جرب اللي جربته من كره ويمكن اكثرر ... اخخ يادينا ليش تسوي فينا كذا ")
قام من مكانه وهو يجلس بجنبها ويقرب راسها لعنده وصار دقنه على راسها كانه حاضنها ويده حول كتفها همس بهدوء:وشش بكك يانظرهم
بلعت ريقها بصدمه من حركته همست برتباك وهي تبي تبعده عنه:مافيني شيي ب..
انصدمت فيه يثبتها وهو يهمس بهدوء:شوي بس والله ماباكلك
ابتسم بألم من الضربه اللي جته برجله همس وهو اللين الحين مثبتها:وبعدين معاك؟؟ كل ماضميتك رفستيني
همست بقهر:تستاهل ويله اتركني احسن لككك
بعدها عنه وهو يلعب بشعرها بضحك:ههههههه والله انك فله
ناظرته بقهر وهي تجره وتوقفه عند الباب تكلمت بهدوء وهي تحس بتعب:ممكن تطلع بنام
ناظرها بهدوء وهو يلمس جبهتها بيده:فيك شي
سكرت عيونها وهي تحس بتبكي بس ماسكه نفسها:مافيني شي جد نعسانه ممكن تطلع
همس بغموض:طيب انتبهي لك
همست وهي تحس جد بنتزل دموعها:طييب خلاص اطلع
فتح الباب وطلع بسرعه لجناحه ليشوفه احد
اول ماطلع سكرت الباب وقفلته جلست بلكنب وهي تضم مخادها(مخدت الكنب)وتبكي بنحيب وهي تهمس:ااااههىى اشتقتت لكممم مره والله فاقتدتكم صرت احس بحنانكم بشخص غيركمم والله مابي احب احد مابي اعرف احد ابي اكون جالسه برووحيي كرهت العالم كرهت الناس اذا اقرب ناسي كارهينييي انا ااااااههىى انا شسويييت بحياتي عشان يصير لي كذا حسبيى الله ونعم الوكيل فيهممم كسروو فرحتي بدنياا خلوني جدار صلب يخاف اي صدمه تجي ويضعف قدامها هه ليش لانه محد معي بس ولا لو معي ابوي وامي كان محد تجرأ علي او او حتى تحرش فيني والله...والله تعببت...................ثواني وطاحت بسبات عميق والدمع على خدها يسيل
_______
قامت الصباح وهي تصرخ بعصبيه:خرااا منووووو ذاا اللييي داعيه علييه اممه (ناظرت حولها بستغراب وانزعاج وهي عاقده حواجبها)من جابني لسرير استغفرالله من هلبابب
دخلت للحمام وبعد ماطلعت توجهة لباب وهي تعدل وجها بلمرايه بس قبل لاتفتحه همست :اخاف يطلع هو ووو....(وهي تتذكر مسكت يده بخصرها قلبت طماطه من الحيا)اوفف بسم الله عليك وش بكك ماكنتي كذا اوف
فتحت الباب وهي مبعده عنه تحسبآ لو صارت نفس الحركه
تفاجئة باللي دخلو وعلى راسهم رئيستهم وهي تبتسم :ييي بخاف ازعجناك ياعروس
ناظرتهم بصدمه وهي مفهيه:نعممم..!! اي عرووس..؟
الرئيسه:شو بكك مو بكرا عرسك
ناظرتها بستهزاء وهدوء:اتوقع هه
الرئيسه:ايي لكان بنسوي لك خلطات العرايس مساج وكل شيي
ناظرتهم بهدوء وهي تهمس:اوك طيب بسم الله (تكلمت بصوت اعلى)بس اول بنزل شوي وانتو خذو راحتكم بتجهيز الحمام داخل وترى يمكن بتاخر ساعه ولا نص ساعه
الرئيس:ايي خدي راحتيك مابتخافي
ناظرتها بهدوء:وليش اخاف هه
دخلت للغرفه ولبست عباتها وعدلة اللثام طلعت تاركتهم يجهزو شغلهم نزلة عسريع قبل يشوفها احد انزلة للمطبخ وهي تهمس لشغاله
الشغالهe(بلانجليزي):نعم مدام
تكلمت شموخ بهدوء عشان ماتبين لهاe:اين اجد غرفة السيد رعد
تكلمت الشغاله بشكل عاديe:انها بطابق الثالث ستجدين فقط بابين بطابق الثالث هو الباب الذي على اليمين وو
طلعت شموخ وهي سافهه الشغاله بسرعه
صعدت لفوق وهي تناظر باب الغرفه وبهمس :يميين الباب اللي بليمي..ايواا هذا هو
مشت بشويش وضربت الباب ثلاث مرات بسرعه همست بقهر:الحين انا افتح له وهو لا (ضغطت على مسكت الباب بقهر وهي تدززها)الح...اااااااههه
انفتح الباب وطاحت على وجها بألم:اخخ خشمي خرا عليه من باب
قامت بسرعه بألم وسكرت الباب همست:وقسم غبيه مو احسن لو افتح النور بعدين اسكر الباب
كملت تمشي لمست الابجوره همست بحماس وهي تشغلها:واخير..(قبل لا تكمل جملتها صرخت بصدمه)اااااااااااهه
جلست بلارض بصدمه من اللي شافته قامت بخوف وهي تشوف ظهر اللي متمدد عسرير والخطوط الطويله اللي فيه باين مضروب من قبل وقفت بخوف وهي تناظر له يناظرها بصدمه همست برتباك:ماشفت شيي والله
نزل راسه علمخده وهو يضحك بصوت قصير همس:يازينك
جات بتروح بس تكلم بسرعه وهو يمسك عباتها واللين الحين راسه علمخده:على وين
تكلمت برتباك:ب بطلعع الله ياخذ بليسكك دوختني(حطت يدها على فمها بصدمه تكلمت بسرعه وهي ترقعها)من امس مانمتت ودوختي بقعددد ترىى يووه
ابتسم على جنب وهو يجلسها عسرير ويحوط يده حول خصرها ووجه قريب من ظهرها بهمس:وااضح
رجفت بخوف وهي تبعد يده وتوقف وهي تناظره بعصبيه:هيييي ياوصخخ
ناظرها بصدمه:اناا
ناظرته برجفه وخوف:ا ااجلل انااا ماتستحي طالع لي بدون تيشيرت ولا بعدد ت تقرب لعندي ياقلييل الادببب
جلس بصدمه وهو يغطي جسمه وبقهر:هيي على فكره ترى يقال اني زوجكك وبعدين مو انا اللي طالع لكك انتي اللي داخله لعندي
ناظرته بقهر :من سووء حظييي والله
طلعت وهي تصفق الباب اقوى ماعندها وتنزل عسريع لا يشوفها احد
عند رعد
همس وهو يتسند عسرير ويتلمس ظهره بوجع من الذكره:يازينك ياشيخه خبلتي فينيي وقسسممم
____________________________
نوقف هنا لاتسون توقعاتكم

وشش بيصير مع بطلتنه وعايلة رعد..؟!

ام شذى وشذى وكرههم لرعد والضرب اللي معلم على ضهره.؟؟

نوره سوسن وتوام عبير وامل.!!

وش تخطط له شموووخ،!!

بنهاية كل شي وش رايكم فيه.!؟؟


دمتم بخير
____________________________
حبايبي الروايه كامله
انا فقط بنزلها لكم
ولكن ايضا يحق لكل بارت ياخذ حقه في
التعليقات
اتمنى القى توقعاتكم
وشكرا


شاكر القلب الاسود ©؛°¨غرامي مشارك¨°؛©

المشاركة الأساسية كتبها بنت&بلادي اقتباس :
اولا شكرا على مرورك
اما بخصوص الفصحى انا مجالي روايات السعوديه 💜
ثانيا الروايه مكتمله من سنتين تقريبا كاتبتها فا مخلصه من زمان واللهم فقط بنزلها مثل ماهي
اتمنى انها تحوز على اعجابك وتسلي لك وقتك
اعلم انها سعودية

انتي مثلي كتبت 6 روايات وما نشرت الا قبل شهر تقريبا. بس بعد تطوير لنه مهما كان لزم اخلي روايتي اروع تتخيلي اني عدلت في رواية من رواياتي اكثر من 8 مرات فقط من اجل تعجب القارئ مو يعني اني كتبتها زمان ما اطور فيها هذا قصدي فقط 😂💔

بنت&بلادي ©؛°¨غرامي مشارك¨°؛©

المشاركة الأساسية كتبها Shaker Alkhadaim اقتباس :
اعلم انها سعودية

انتي مثلي كتبت 6 روايات وما نشرت الا قبل شهر تقريبا. بس بعد تطوير لنه مهما كان لزم اخلي روايتي اروع تتخيلي اني عدلت في رواية من رواياتي اكثر من 8 مرات فقط من اجل تعجب القارئ مو يعني اني كتبتها زمان ما اطور فيها هذا قصدي فقط 😂💔
رواياتي قد ونشرتهم في اماكن اخرى هذي ليست اول مره لي بنشر لذالك مابقدر اني اغير فيها
وانا عاجبتني بنهايه كل روايه تعتبر بنسبه لي تطور لي تطور لكتاباتي
واذ حصل ولم تعجب القارئ فا اكيد هذ ذوقه الشخصي ويقدر انه يطلع ويدور على النوع والكتابه المفضله بنسبه له فا القرائه هنا لتسليه وليست اجبار عزيزتي

نرجس الهوى ©؛°¨غرامي فعال ¨°؛©

الرواية حلوة بس حسيت سريعة أحداثها !!

بالنسبة لشموخ حسيت وصفها شوي مبالغ صراحه ما احب هذا شي في شخصيات والابطال احبهم عادي مثل ناس مو كأنهم ملائكة ....بس شخصيتها حلوة

رعد ابغى اعرف كم عمره ؟! شخصيه حلوة بس لا تسويه بطل الأسطورة
خلي فيهم بعض نواقص

المهم بانتظار البارت الجاي

بنت&بلادي ©؛°¨غرامي مشارك¨°؛©

المشاركة الأساسية كتبها نرجس الهوى اقتباس :
الرواية حلوة بس حسيت سريعة أحداثها !!

بالنسبة لشموخ حسيت وصفها شوي مبالغ صراحه ما احب هذا شي في شخصيات والابطال احبهم عادي مثل ناس مو كأنهم ملائكة ....بس شخصيتها حلوة

رعد ابغى اعرف كم عمره ؟! شخصيه حلوة بس لا تسويه بطل الأسطورة
خلي فيهم بعض نواقص

المهم بانتظار البارت الجاي
لا ابد بخصوص الاحداث انا فقط اعطيتكم نبذه بسيطه عن حياتها ماكنت حابه اني ادخل بتفاصيل اساسا

بخصوص الشكل
انا مابالغت مره ماقلت شقرا وعيونها خضرا
هو طبيعي اننه نوصف الشخص ملامحه لون شعره طوله
حتى تتعمقون بشخصيه وتتخيلونها بالعكس ملامحها بدويه بحت
ولكن لانها الشخصيه الاساسيه فا كانت لازم تاخذ الاحق الاكثر من الوصف

بخصوص العمر كل شي بتعرفونه بالبارتات الجايه باذن الله
اما اسطوره لازم بين كل شخصين يكون بينهم توافق شخص بشخصية عاقله مدركه ومسيطره على الاوضاع والا وهي البطل وشخصيه تحتاج من يرشدها لطريق الصحيح والا وهي البطله
واكيد ابطالي لوتلاحظين من البارتات انه لهم ماضي ماثر على شخصيتهم
سواء بسلوك او غيره وهشي راح يتعالج حبه حبه

شكرا على مرورك عزيزتي 💜

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1