راح أعلّم أبني لمّا يتزوج إنه بيته وأولاده شئ مهم، وبنت الناس الِي راح يتزوجها إلها حقوق وواجبات واحترام..

راح أعلّم أبني مايستحي وما يخاف يگول گدامي إنه طلّع مرته واولاده مشوار ، بالنهاية بشر وهاي أبسط حقوقهم.. رح أعلمه مايخاف يحط إيده على مرته أو يگلها كلمة حلوة قدامي..

راح أعلم ابني إنه مرته مو خدامة إلي ولو خدمتني فيكون من ذوقها وحسن تربيتها ومو مجبورة..!!

راح أعلمه ما يچذب على مرته حتى يكون اكو بيناتهم احترام.. راح علمه إنه يلي ما ترضاه على إمك وأختك ما ترضاه على مرتك..

راح أعلّم ابني إنه ما يسمح لأي شخص يتدخل بيناتهم.. ويعرف يحل مشاكله بينه وبين مرته وبس..

راح أعلم ابني يحافظ على مرته على كرامتها من أي شخص حتى من نفسه وإنه يخاف الله بيها..

راح أعلّم ابني يسوي فلوس لنفسه ويستقل ماديًا وما يبقى تحت رحمة احد منو ما يكون..

راح أخلي مرته تدعيلي إني ربيت ،💜👌👍

كلام جميل
من قلب إلى قلب

انتي الاجمل شكرا لك

العفو انا قلت اعلمهم لا افرض عليهم