نبال التميمي ©؛°¨غرامي فعال ¨°؛©

😂😂😂😂😂😂😂😂😂م😂😂😂😂😂
حمّام الطفولة .( فلم رعب )
..
😂😂😂
چنا نخاف يوم الخميس الحمّام والبوخه والماي الحار وصابون الرگي يحرگ العيون والليفه الخشنه ومشط خشب يزرف الراس واو واو
امهاتنا جانن يعذبنا تعذيب لما يسبحونا
والله لما تكول لي گوم للحمام يركبني جني😈 من الخوف تكول بزونه😨 محصورة بغرفة

🍃🍃🍃🍃🍃🍃🍃
تبدأ رحلة العذاب من نزع الملابس
تنزعني البلوزه عبالك تنتف ريش دجاجة واذاني كل اذن👂 بجهه😨😲👂
طول وقت الحمام يرادلك تبقه گاعد قرفصاء علي التخته😱
زين يا يمه والله رجليه توجعني ...

بسرعة تناوشني راشدي طيار وتكول ...
انچب..😳😱😨
بالنسبة للمي لازم يکون تحت درجة الغليان♨😈 بشويه
يا يما لحمي ذاب (انهريت) همينه الطراك الثاني😳✋

لما تفرك راسي تكول تفرك بمصباح علاء الدين علمود يطلع الجني🏆😨
وراسي يطوطح يمين ويسار تكول هندي👺

والمشكلة لما ينزل الصابون على وجهك وتريد تشيله تتشوه ملامح وجهك هاي غير حرگة العيون👀
المشكلة انه الصابونه غار مال (رگي)💆

طبعا هاي الصابونه اقسى من حجر الحمام الخاص بفرك الرجلين👣
فقرة التلييف💀💪
تلزم الليفه وتفركها بالصابونه وهي تباوع عليك تقول گصاب يحد سچاچينه للذبح😠😠😠

طبعا ربنا حامينا والا على هذا الفرك للجسم تسوي شلل كامل✊✊✊

طبعا الحمام بالسرا والچبير👦 قبل الصغير👶

ولما اسمع اخويه الچبير يبچي وهي تسبحه واني بثاني غرفة اصير ابچي تلقائيا ًمن الخوف😭😭😭😭

بعد الحمام تباوع بالمرايه والبخار يطلع من جسمك وكانك جدر ضغط مفتوح😤😤😤

الاصابع مجعلكه ولون جسمك ابيض واحمر من الفرك
بالنسبه لتلبيس الهدوم راسك اكبر من فتحة البلوزه بخمس مرات وتريد يدخل راسك خاوه وتلبس اول بلوزه والثانيه والطركاعه لما تكول ألزم الردن حتى تلبس البلوزه الثانيه ويا ويلك اذا تفلتها😲😱😱😱😱😱😱

مع حمام الغالية حتى لو انت اسود تصير ابيض
احلى ايام والله . والله ايام الطفوله حلوه ياربي لا تحرم كل طفل من حنان الام . ويحفظ كل الامهات ويرحم امهاتنا جميعاً 😍😍 .

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1