تركي بن بندر ©؛°¨غرامي جديد¨°؛©

السلام عليكم ورحمة الله وبركاته
تحية عطره لهذا الصرح الشامخ ..
انا عضو جديد واحياناً قيل عني شاعر ..
هذه قصيده اخيره من كتاباتي اتمنى ان تحوز على ارضاء ذائقتكم ..

من غياب الضي.. لأطلال المدينه
خطوة الفرقى .. ترى كانت حزينه

من يسلفني يدينه لاجل أوادع..؟
عيت ايديني ابد تلمس يدينه ..!

أبتسم .. والجرح بغيابه تجدد
كل ما عطره علي ..سير حنينه

الشعور اللي فقدته من .. فقدته
كني اللي منحرم .. من والدينه ..!

وينه اللي عن وصالي له تصدد
كنه اللي ناسيٍ لايسد دينه ..؟

الظروف اللي جنت والله علينا
لين صرنا نعيش حرمان وغبينه

وادعيني ..دام مالك فيني حاجه ..!
بس قلبي .. طالبك ..لا تتركينه ..!

وش أبي به دام ما ينبض مشاعر
ومعك أمانه في فراقي تحفظينه

هذا هو اللي رجف نبضه لعينك
يا عسى المولى بما صابه يعينه

انا راحل عن حبيبٍ مانسيته
جعلها في غيبتي تبطي سنينه ..!

تذكرينه؟ .. لو يمّر وما يسّلم..؟
اللي غيره ساكنٍ بك .. تذكرينه؟

ساريٍ والليل سراق الحبايب..
يستر اللي يفضحونه دمعتينه

شاعرك.. وافي ترى حتى بغيابك..
مانساك.. ولو نسى؟ تبت يدينه..

شاعرك غنى بعد غيبّتك .. حرفه؛
"خطوة الفرقى.. ترى كانت حزينه"


مشآـآعرانسآآنّ مشـ© همس القوافي ©ـرف

الشعور اللي فقدته من .. فقدته
كني اللي منحرم .. من والدينه ..!
اي والله دمت بود

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1