غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 81
قديم(ـة) 12-07-2007, 04:49 PM
دلــــــــوعه دلــــــــوعه غير متصل
©؛°¨غرامي مجتهد¨°؛©
 
الافتراضي رد : قصة طويلة من أجزاء باللهجة السعودية *** عمق القلوب ***


*&*الجزء الخامس عشر*&*
كانت منى جالسه في غرفتها وفي عالم افكارها واحزانها تتحسر على الي سوته وقالته لي مازن....منى الى الان تحس بشي غريب تجاه مازن ما قد اعترفت لنفسها او لغيرها بيه بس كل الي تعرفه انها وقفته ووقفت نفسها عند حدهم لانها ماهي ناويه تتورط بكذا علاقات وهيا تعرف نهايتها وهيا صحيح تؤمن بالحب بس ماتؤمن بحالتها هيا ومازن وماتدري ليه او ايش السبب....وبرغم انه قد سبق واتقدمولها افضل الناس لكن ماتدري ليه ماتقدر توافق وتحس في شي يمنعها من هالقرار........
كانت منى مسدوحه على سريرها وهيا تقرأ المسجات الي في جوالها ولها اكثر من سنتين....وتقرأ الرسايل والدموع على خدها وتفتكر كل لحظه وكل كلمه قالها لها وتزعل وتبكي اكثر لمن تتصل على رهف ولمن يرد عليها ويسمع صوتها ويرمي السماعه ويروح......صارت دايما تقول في نفسها انا السبب انا الي نهيت كل شي بيدي ولازم اتحمل العواقب وانا اصلاً الي سويته هوا الصح بس اكيد كرهني لانه طريقة تعامله معايا تدل كدا لالا مايقدر يكرهني اصلاً انا ما سويت له شي لالا اكيييد كرهني انا متأكده هوا قلي انتي هدمتي كل شي حلو كان من الممكن يكون بيننا صحيح اني رفضته لكني ما اتوقعته يستسلم اتوقعت يحاول ولو من جد يحبني كان جا وخطبني من اهلي بدل هاللف والدوران....بس بالله كيف يخطب وحده قالت له ما ابغاك ولا ابغا حبك آآآآآه هلكتني الافكار والحيره انا تلاقيني قاتله نفسي في التفكير وهوا لايدري عني ولا عن الي خلفوني خليني اروح لرندا احسلي من دا التفكير.........
بس الي ماتدري عنه منى انه مازن حالته اردى واخس من حالتها مازن الى الان مانسيها وحبها في قلبه متأصل ومتعمق برغم كل الي سوته له وكل الي قالته الا انه للان مو قادر ينساها وفي حاجه غلطانه فيها منى هيا انها تحسب انها لمن تتصل ويسمع صوتها ويرمي السماعه انه كاره يسمع صوتها او متضايق منها او من اتصالها بس هوا العكس هوا راح يزهم لها رهف ويروح غرفته ويرفع السماعه عشان يسمع صوتها ويهيم فيه لانه خايف لو سمعت صوته تقفل السماعه خايف يضايقها خايف يزعجها...وخايف...وخايف... لكن كل دا ما ينفع لان الاتنين فاهمين الموضوع خطأ في خطأ كل واحد يحسب التاني يكرهه....
وفي بيت رهف ومازن بعد يومين.....
رهف:نصور بعد عني لو سمحت ما ابغا يعني ما ابغا
ناصر:ايش الي ابعدك عنك عمتي وحر فيكي وبعدين حتروحي يعني حتروحي
رهف:لا والله يعني لمن اصير عمتك تصير حر فيني واصير عبده عندك
ناصر:لا مو كدا بس برضو مايصير كلنا نروح وانتي تقعدي في البيت لحالك
رهف:طيب انا تعبانه وما ابغا اروح اعتقد مافيها شي لمن ارتاح لوحدي في البيت وبعدين انا ماني صغيره عشان تخافو عليا
ابو باسم:يالله رهف اسمعي كلام اخوكي الكبير وامشي معانا مايصير تقعدي لوحدك في البيت
مازن:شفتو كيف هالكتنا ماتسمع الكلام
رهف:انت مالك دخل انا حرررررره ياناس وبعدين انا عندي مذاكره واشغال كتيره
باسم:انتي بس تتحججيلنا بأي شي لا مافي بتروحي يعني بتروحي ويالله نصور شيلها معايا خليني ندخلها السياره غصبً عنها.....وفعلاً يروحو باسم وناصر ويشيلوها...
رهف تزعق:لالاااااااا نزلوووني خلاص بروح معاكم والله حرووح
ام رهف:لالا يااولاد سيبو بنتي في حالها خلاص حتروح معانا الله يخليكم لاتطيح
باسم وهوا ينزلها:هيا روحي اللبسي عبايتك بسررعه
رهف وهيا تهرب وتمد لسانها:مافي ماني جيه معاكم هههههههه
ناصر:شف والله لا ما اسيبها اانا اوريكي امشي يالله
رهف:امزح جيه بس ارتب ملابسي واللبس عبايتي واجيكم اسبقوني على السياره
ناصر:والله لو ماجيتي ياويلك
رهف:لا جيه ياخويا بس يالله فارق
((عيلة ابو باسم دا اخو رهف الكبير متزوج من هدى وعنده
باسم الكبير في اخر سنه جامعه قسم حاسب الالي وعمره 25
وناصر اولى جامعه قسم هندسه19
وناصر وباسم علاقتهم برهف ومازن مره حلووه ويعتبروهم اخوان مو عمان
وحتى ما يقول لهم ياعمو او ياعمه وهما في دا اليوم قررو بما انه عيد ميلاد رهف يودوها الكبااين ويحتفلو فيه هناك))
وفي الكباين.........
رهف وهيا تشوف الاشياء الروعه الي سووها لها:ياااااااااي ميرسي حبايبي كلكم ذوووق
باسم:احم احم ترى انا الي خططت لكل شي مو هما
ناصر:لا والله كداااب انا ساعدتك
ابو باسم:بس يا اولاد مايحتاج الفضايح كلنا انجزنا شي
رهف بخجل:والله مدري ايش اقلكم
ام رهف:لا تقولي شي يابنتي كم رهف عندنا افاا عليكي بس
ابو باسم وهوا يتقرب منها ويمسح على شعرها:وحده واحلى وحده
رهف تبتسم في فرح لانه اخوها للان حنون عليها وان الكل يحبها ويحترمها.......
مازن وهوا يقطع عليهم:طيب متى تخلصو من هالرسميات ابغا اتعشا انا جيعااااان
باسم:وانت طول عمرك جيعان
مازن:ايوه انا حر عندك مانع
باسم:لالالا ابدا ماعندي مانع بس انتبي لنفسك واحد يوم ماتقدر تدخل من الباب
مازن:اسكت بس اس والله انت غيران من رشاقتي وجسمي الحلو ولا انت<<<ويأشر عليه بأصباعه من فوق لتحت
ناصر:هههههههههههههههههههه هههههه
باسم:شف والله وعلى ايش تضحك حضرتك
ناصر:على اشكالكم ههههههههههههههههه
مازن:يعني من زين شكلك عشان تضحك على اشكالنا
ناصر بتفاخر:احم احم والله انا حلو مايحتاج تمدحوووني
باسم:هههههههههههههههههه استغفر الله بجد صدق من قال انه العقل نعمه
ناصر:نعم نعم يعني انا مجنون
باسم:لااااا ولووو العفو احد يقدر يقول عنك كدا
ناصر:ايه بعد حسبت تسويها
مازن:اقول امشي انت وياه خلينا نشتري العشا
باسم:اوكي انا بجي معاك
ناصر:وانا ما بجي هيا فكوني
مازن وهوا يطلع مع باسم:احسن فكه من وجهك
ويقعدو ابو باسم وناصر ورهف وام رهف مبسوطين ويضحكو على خبال الشباب الي للان ماتغيرو......
واليوم الي بعده.......
رهف:الوووووووو
منى:هلا والله كيفك رهف
رهف:تمامووو كيفك انتي
منى:الحمدلله
رهف:ايش به كدا صوتك
منى:احم احم شو فيه صوتي مافيه شي
رهف:مدري كدا شكلك كنتي بتبكي
منى:انا لالا ماكنت ببكي المهم شو عامله في الكباين ان شاء الله مبسوطه
رهف:وي بسم الله ايش دراكي
منى:هههههههههه اتصلت على بيتكم ورديت عليا الشغاله وقالتلي انكم رحتو الكبابين<<هوا في الاصل منى راحت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 82
قديم(ـة) 12-07-2007, 04:50 PM
دلــــــــوعه دلــــــــوعه غير متصل
©؛°¨غرامي مجتهد¨°؛©
 
الافتراضي رد : قصة طويلة من أجزاء باللهجة السعودية *** عمق القلوب ***


بيتهم وحطت هدية عيد ميلاد رهف هناك وقالت مابتقولها عشان تصير مفاجئه......
رهف:اهاااا الله يلعن ابليسها هالشغاله ماتخلي احد الا وتخبره بكل شي
منى:ليه ماكنتي تبغيني اعرف؟؟!
رهف:لا مو على كدا بس كنت انا ابغا اقلك بنفسي
منى:اها مو مشكله المهم عرفت
رهف:طيب تقدري تجيني
منى:لا والله شو اعمل لو جيتك
رهف:عايدي انا طفشانه تعالي عندي هنا كلهم شباب وانا لحالي
منى:اممممممم<<<قعدت تفكر انها ممكن تشوف مازن الي زمان ماشافته لها اكثر من سنتين ما شافته فقررت تقبل......
رهف:هاااا كل دا تفكير
منى:خلاص اوكي بيجيكي في ايت كباين انتو
رهف:في كباين ****** خلاص تعالي بدري لاتتأخري
منى:اوكي ان شاء الله قبل المغرب واانا عندك
رهف:اوكي استناكي
منى:اوكي ويالله دحين باي لازم اقفل امي تبغاني
رهف:اوكي بايات.............
باسم:آآآآآآآه ياقلبــــي انا على دا الصوت
رهف:ايش ايت صووت؟؟!!!!!
باسم:الصوت الحلو الي كنتي بتكلميه
رهف:لا والله وانت كيف سمعت الصوت؟؟
باسم:مو انتي حاطه الاسبيكر يافالحه
رهف:يؤ صح نسيت وما شاء الله حضرتك قاعد تتسمع
باسم:اممم انا ماكان قصدي بس دخلت انتي وبتكلميها
رهف:طيب المهم ايش تبغا دحين
باسم:ولا شي بس تعالي اسبحي ما سبحتي من يوم ماجينا
رهف:ما احب اسبح ماتعرفني اكره السباحه
باسم:يؤ اجل مين ضحك عليا وقلي انك صرتي تحبيها!!
رهف:لا والله !!
باسم:ايوه بجد ناصر قلي انك تبي تسبحي بس ماجبتي مايوه
رهف:ماتعرفه اكبر كداب دا الولد
باسم:هههههههههههههه الله يهديه بس على العموم لو غيرتي رأيك في عندنا مايوه زايد اشترى لك هوا مازن
رهف:طيب
باسم وهوا يخرج من الغرفه:مع السلاامه
رهف:لحظه لحظه باسم
باسم يرجع لها:خيييير
رهف:انتو محا تخرجو اليوم
باسم فهم انها تبغا توزعه عشان صحبتها فحب يستعبط فقال:لالا مين قلك بنخرج بالعكس حتى بنجيب اصحابنا ونقعد نسوي بشكه ونسهر احلى سهره
رهف بخيبة امل:اهاااا طييييب
باسم :ليييييييه يعني السؤال؟؟
رهف: لا بس عشان اعتذر لصحبتي لأنه ماينفع تجي وانتو هنا يعني ماشاء الله خمسه رجال في البيت مانقدر ناخد حريتنا
باسم :اهااااااا
رهف تطالعه من طرف عينها تبغاه يقلها انه بيخرج او غير رأيه او اي شي بس مو باين انه ناوي.......
باسم وهوا قايم يروح:طيب المهم كلميها وقوليلها بلاشي تجي
رهف...............
باسم يدير وجهه عليها ويقلها:ايش بك
رهف:ايش ولا شي
باسم وهوا يضحك على شكلها وحاب يقهرها اكتر:طيب وبالله لوتقدري انتي تروحي لها وتفكينا منك يصير نحنا الي ناخد حريتنا مو انتو
رهف انقهرت منه مرررره كمان يطردها بعد كل دا:لا والله لو تحلم مافي على قلبكم
باسم الي شويه ويموت من الضحك على وجهها الي محمرر:ههههههههههههههههههه ه
رهف:على ايش تضحك؟؟؟؟؟؟؟!!!!!!!!
باسم:ياهبله امزح معاكي عايدي خليها تجي انا اصلاً طالع مع نصور بنروح نتمشى بره لمن تجي
رهف تقوم وتقعد تتضرب فيه من كتر مانرفزها ووتر اعصابها......
باسم:اي اي بشويييييش حراااااام عليكي دحين دا جزاتي
رهف:ايوه عشان تتعلم كيف تحترم عمتك وماتلعب بيها
باسم:هههههههههههه والله عاد انا كذا عجبك ماعجبك انتي حره
رهف:ماعجبني
باسم:براحتج
رهف:لا والله
باسم:ايوه من جد
رهف:طيب اس بس اس وقلي قد ايش بتطول
باسم:محا نطول كتير المهم انتي لمن تروح كلمينا عايدي
رهف:طيب مو مشكله المهم تفارقوو
باسم:ههههههههه الي يسمعك يقول زي الهم على قلبج
رهف:اممم حاجه زي كدا
باسم:لا والله
رهف:ههههههه لا امزح بس ابغا اخد راحتي مع صحبتي لا اقل ولا اكثر
باسم:طيب باي
رهف وهيا مبسوطه:بايات
وتجي منى في الموعد الي اتفقو عليه وينسى باسم الموعد الي حتجي فيه البنت فما طلع من الفيلا لا هوا ولا ناصر والوحيد الي طلع هوا مازن.........
تتننننن تنننن <<<منى تدق الجرس
باسم هوا يفتح الباب بملابس السباحه وشعره المبلل وجسمه الي ملينا مويه:هلاااااا مين
وتنصدم منى من شكله......
وتفتكر انه رهف قالتلها مابيكونو الاولاد في البيت فخافت انها غلطت برقم الفيلا......
باسم حس انها مرتبكه فدخل وحط منشفه على نفسه ورجع لها.....
باسم وهوا ينشف شعره:هلا اختي امري
منى:لا بس مو هنا فيلة بيت ال-----
باسم افتكر الموضوع فانحرج مررره من رهف:ايوه ايوه سووري اعتذر اختي اتفضلي معليه نسيت انك جيه وفتح لها الباب وراح يجري وزهم لها رهف......
باسم:رهف رهف
رهف وهيا بتقرا قصه جنب المسبح:ها نعم
باسم:صحبتك جات
رهف:نعممممم!!!!!!!!؟؟؟؟؟
باسم:والله من جد روحي لها
رهف:ومين فتح لها الباب؟؟؟؟؟؟؟
باسم:انا
ررهف:نعممممم !!!!!يافرحتك وعسى فتحت لها بدي الهيبه وانت شكلك كدا
باسم: والله نسيت انها بتجي في دا الوقت المهم روحي لها سبتها عند الباب
رهف تروح تجري تنقذ نفسها من هالفشيله.......
رهف:سوووري منى حبيبتي اتفضلي
منى وهيا محرجه:اسفه جيت في وقت مو مناسب بس اعتقدت انك قلتيلي انه مافي شباب
رهف:لالالا عايدي حياك بس هما كانو طالعين واتأخرو شويه المهم اتفضلي
منى:اوكي مو مشكله
منى كانت طول الوقت تدور بعيونها عن الي قلبها كان بيدور عليه من زمان بس للأسف مالقته........وقعدت منى طول الوقت مشغولة البال وتستنى بس تلمح طيف مازن..... دا من جهه لكن من الجهه التانيه وبره الفيلا في الكافتيرا الي في نفس الكباين..........
كان باسم قاعد مع الشباب وهوا محرج مرررره من الي صار ماكان حاب مرره فكرت انه يطلع قدام بنت الناس بالمظهر الي طلع فيه وكمان البنت سحرته كان شكلها رووووعه وتجنن زي القمر بس موقفه قدامها طيح وجهه وماخلاه يعرف حتى يدخلها الفيلا وخلاها من غبائه برى الفيلا.......
ويكون مازن وناصر وباسم قاعدين في الكافتيرا وهما متشيكين ولابسين احلى لبس
مازن كان لابس بنطلون جينز وبلوزه حمره كت وحاط نظاره شمسيه رووعه مناسبه للبسه...وباسم كان لابس شورت اسود وبلوزه بيضه كت ونظاره شمسيه سوده مناسبه برضو له...وناصر كان لابس برضو شورت بس لونه اسود وبلوزه بيضه نص كم وحاط النظاره في شعره يعني عكس اخوه وهما يتفقو دايما عشان يطيحو البنات بأشكالهم وكان كل واحد فيهم احلى من التاني......
مازن:هيييي انت يا ابو الشباب ايش بك
باسم:ها ولا شي
مازن:في ايش سرحان؟؟
باسم:والله صرلي موقف زي الايش
مازن:ايش صار؟؟
باسم:جات اليوم الفيلا بنت صحبة رهف وفتحت لها الباب بالمايوه وكمان ايش سبتها عند الباب ورحت اجري والله مره طاح وجهي
مازن:ههههههههههههههههههه ومين دي البنت
باسم:بنت ايت بنت هادي قمرررررررر واحلى من القمر كمان
مازن:ماشاء الله وكيف شفتها هادي كانت كاشفه وجهها ولا ايش
باسم:ايوه كاشفه وجهها
مازن نط قلبه وحس برجفه وحس من الوصف انها منى.........
باسم:بسم الله ايش فيه وجهك قلب اصفر واخضر كدا
مازن:لا ولا شي بس لازم ارجع الفيلا نسيت شي مهم
باسم:براحتك بس لاتتاخر
ناصر:تعال تعال فين رايح
مازن:مالك دخل
و راح يجري على الفيلا يبغا يلحق بس يشوف طيفها قدام عيونه واول ماوصل عند الباب...............


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 83
قديم(ـة) 12-07-2007, 04:51 PM
دلــــــــوعه دلــــــــوعه غير متصل
©؛°¨غرامي مجتهد¨°؛©
 
الافتراضي رد : قصة طويلة من أجزاء باللهجة السعودية *** عمق القلوب ***


وهذا جزء ثاني

كل هذا لعيونك والله


*&*الجزء السادس عشر*&*
كانت منى طالعه من الفيلا ووقفت وانصدمت لمن شافت مازن بيدخل اتوقعت انها ماتشوفه وخلاص يئست انها تلاقيه بس وجوده غير اشياء كتيـر وحست بنار تجري في جوفها وحراره ماكانت تتوقعها ولا شعورياً اتصبب العرق منها وقعدت تقول في نفسها اخيراً شفتك ياربي يا الله شو هالحلاوه يامازن كل مالك تحلى ياربي عليك تجننننننن نفسي اقلك وبأعلى صوتي وحشتنييييييييييييييييي ياحبيب قلبي.....
في هاللحظه رهف كانت جوا وما انتبهت انه منى ما راحت لانها وصلتها لعند الباب فستغل مازن عدم وجودها وحاول يتكلم....
مازن......لمن شافها صار قلبه يدق بقوووه فظييييعه ومازن صار يقول في نفسه ياربي ايش صارلي ليه كدا يدي بترجف ياااربي ايش دا احس انه قلبي بيطلع من صدري ياربي حاس انه الكل سامع صوت دقاته يارب ماتكون شايفه ارتباكي او سامعه صوت دقات قلبي آآآآآآه بس لو كانت تسمعها كان عرفت قد ايش احبها واموت فيها واموت على الارض الي تمشي عليها ياربي ساعدني ابغا اتكلم اخيراً شفتها يالله يامازن اتشجع انطق الله يخليك.....وبعد تردد كبيييييييييير نطق مازن.......
مازن بإربتاك واضح جدا:كيفك يامنى
منى بفرح لأنها سمعت صوته الي لها ساعه واقفه تستناه:انا..اا..ا.الحمد.. لله عايشه
مازن......لمن سمع صوتها صار قلبه يدق بقوه اكثر وحس انه بجد حيخرج.......
مازن بفرح وبدون مايتسنى انها تسأله عن نفسه قال لها:انا بخير دامك بخير
منى ومازن.......
منى احبطها سكوته وحبت تروح لأنه وقفتها مو حلوه قدام الناس......
منى مشيت من جنبه وهيا ناويه تروح للسياره......
مازن فجئه وبدون اي انذار يقرب منها شويه وبصوت واطي:والله وحشتيني
منى ابتسمت وانحرجت كتيـر بس إحراجها ما منعها انها قالت له كلمه انحبست في نفسها اكثر من سنتين:وانت اكثررررررررر
وراحت تجري لسيارتها.......
وتركت مازن مصدوم كأنه نزلت عليه صاعقه.......مازن في نفسه اخييييييييييييراً نطقتي يا منى اخيييييراً نطق هالحجررر ماني مصدق نفسي ياربي قالتلي وانت اكثر يعني وحشتها معقوووول انا وحشتها معقوووول ماااااني مصدق احد ياهووو يعطيني كفف يصحيني من هالحلم الرهيييييييب......
وفجاءه بجد يحس بكفففف على وجهه..........
مازن وهوا مفجووووع:ايش صااااار؟؟؟؟!!!!!!
باسم:ولاشي غير انك قاعد لي زي الاهبل واقف هنا ومسرح كأنك في عالم تاني صاااارلي اكثر من ساعه وانا ازهمك اقول يا مازن ياعمي ياحبيبي ياقلبي ياحيااااااتي يا ابو الشباب ولا كأني موجود مالقيت غير الكف الي يصحيك
مازن وهوا مبسووط:هههههههههههههههههه هههه و ايت عالم احلى عااالم
باسم بدا يشك في الولد انه يحب وقال بطريقه غريبه:مازن؟؟
مازن انفجع منه دوبه كان يتكلم بإستهبال ايش به اتحولت لهجته جديه....
باسم:اقولك مازن
مازن:ها ايوه ايش بك؟
باسم:انت تحب؟؟؟؟؟؟؟؟
مازن:؟؟؟؟؟؟؟؟؟؟؟؟!!!!!!!! !!!!!!!!!!!!
مازن:ايش قصدك
باسم:اقولك انت تحب؟؟؟
مازن بستهبال:انا ايوه طبعا احب...اهلي وامي واخواني ايش فيها
باسم بلهجه صارمه:انت تحب؟؟؟
مازن:ايش بك ياولدي ليه تتكلم بدي الطريقه
باسم:لأخر مره انت تحب؟؟؟؟؟؟
مازن:امممممم مدري يمكن بس ليه السؤال
باسم عجز منه وراح وسابه واقف لحاله.....
مازن قعد يضحك على خبال باسم الي الفضول بياكله فقعد يقول في نفسه لو تحلم يا باسم محا تعرف مني شي هههههههه.......
وبعد كم يوم.........
رامي:كيف ماتقوليلي يا ماما من الاول المفروض تاخدو رأيي قبل ما تعطوهم الموافقه
ام رامي:والله ياولدي ايش اسويلك كم مره اتصلنا على جوالك ماترد فينك اختفيت كل هالمده هاا
رامي ارتبك ماحب يقولها انه سوا حادث:اااا اممم ها ايوه موجود بس يمكن انخرب الجوال المهم متى حددتو موعد الخطبه
ام رامي شكت انه صار له شي بس ماحبت تعلق وتقلق نفسها:الاسبوع الجي يعني لازم تجي الاسبوع دا
رامي........
ام رامي:الووو
رامي:ايوه ايوه ياماما
ام رامي:ايش بك
رامي:اممم والله كنت بفكر مدري يا ماما يمكن ما اقدر اجي
ام رامي:ايش ماتجي خطبت اختك الوحيده لازم وضروووري تجي مايصير ياولدي وبعدين صار لك مده ماجيت
رامي:اممممم خلاص ان شاء الله اشوف ادعيلي انتي بس
ام رامي:الله يوفقك ياااارب
رامي:اوكي تامريني بشي
ام رامي:سلامتك وانتبي على نفسك ياولدي
رامي:ان شاء الله وسلميلي على لمى وبابا كتير
ام رامي:الله يسلمك ويالله ما اطول عليك مع السلامه
رامي:باي
وبعد يومين في مطار جده يوصلو شخصين......
واحد فيهم لابس بنطلون وجكت اسود وتحته بلوزه بيضه مع نظاره شميه
والتاني لابس بنطلون ابيض مع بلوزه كحلي((ازرق غامق)) كت ونظاره شميه على راسه والاتنين اوسم من بعض......
الاول الي لابس اسود كان ماجد والتاني الي معاه شي اكيد خالد وصلوو الاتنين على المطار وهما شوي ويطيرو من الفرح اخيراً رجعو لأرض الوطن....
ويشوف خالد رائد الي بيستناه لانه كلم مي وقلهم على موعد وصوله.......
رائد:هلا والله هلاااا بولد العم هلاااااااا حمدلله على السلامه
خالد وهوا يحضن رائد:هلااااا فيك الله يسلمك يالغالي وحشتووووووووووووني والله العظيم وحشتووووني
رائد:وانت اكثر اخيييييييراً نورتو السعوديه
خالد:ايه شفت كيف ياحظكم دحين
رائد:ههههههههههه ياعيني ياعيني اخيراً شفت خالد الي اعرفه
خالد:من اليوم ورايح مابتشوف الا خالد الي تعرفه
رائد:ان شاء الله دووووووووووم
ماجد:احم احم
خالد:يؤ يؤ سوووري نسييييت اعرفك صاحبي ماجد
رائد وهوا يسلم عليه:غنـــي عن التعريف
ماجد:هلا والله ايه صح قد اتقابلنا كم مره قبل كدا
خالد:ايه صح نسيييت
رائد:ايش هالحلاوه ياشباب غلبتوو وسيمين لندن كلهم
ماجد وخالد:ههههههههههههههههههه هههههه
.........:حمدلله على السلااامه
ويلتفت ماجد وراه ويشوف اخوه نواف واقف وراه.........
ماجد الي مو مصدق نفسه من الفرح:نواااااااف معقووووله
نواف وهوا يحضن اخوه:ليييه مو معقوووووووله وحشتني يالغالي والله وحشتني
ماجد والي مسح دمعه نزلت من عينه قبل لا يشوفها احد:وانت الاكثررر والله
نواف:نورتو السعوديه
خالد وهوا يسلم عليه:منوره بوجودكم
رائد:اشوف غيرت العباره
خالد:هههههههههههههههه لا هيا اصلاً كدا بس انا كنت بمزح معاك
ماجد:ايه صح نواف دا رائد ولد عم خالد ويصير زوج اخته
نواف وهوا يسلم على رائد:ياهلا والله
رائد:هلا فيك
ماجد:الا من فين عرفت يانواف موعد وصولنا
نواف:الله يخلي العصافير الحلوه ....ويغمز لخالد
خالد:ههههههههههههه انا قلتله حبيت اعملك هيا مفاجئه
ماجد:احلى مفاجئه مشكوور ياخالد
خالد:العفوووووو
.........:يعني بنطول هنا كتيـــر
ويلتفتوو كلهم لمكان الصوت.......وينصدم خالد لمن يشوف الي واقفه هيا اخته مي لانه باين عليها من وقفتها ومظرهها.....
خالد:مـــــــــي
مي وهيا تجره وتاخده على الطرف في مكان محد يقدر يشوفهم فيه عشان تسلم عليه......
مي وهيا حاضنه اخوها:حمدلله على السلامه ياخويا والله ماقدرت اصبر ما اشوفك الين ماترجع البيت
خالد وهوا لساته مو مستوعب:كيفك يامي والله وحشتيني ياوحشه
مي:انت الاكثر وربي نوووووووورت احلى سعوديه
خالد:اي والله احلى سعوديه صراحه مافي بلد تسوى السعوديه
مي:اقول اسكت لاتروح تسمعك الوالده وتقتلنا
خالد:هههههههههههه اي والله وبعدين تعالي كيف تجريني كدا من قدام الشباب ولاعليكي ها بزر انا عندك
مي:سووري بس ما اقدر اسلم عليك قدامهم ولا اقدر احضنك قدام كل هالبشر
خالد وهوا يبتسم لها:عايدي بمزح معاكي
مي:طيب يالله امشي ما ابغا اتأخر الاولاد في السياره
خالد:من جد اجل يالله بسرعه ابغا اشوفهم وحشوني وخصوصاً الولد الفطس دا الي اسمه احمد لايكون كبر
مي:لا والله زي ماهوا فطس
خالد ومي:ههههههههههههههههههههه ه
رائد وهوا حاط يده على وسطه:بتطولو هنا كتير وسايبيني انا والشباب
خالد:لا يالله مشينا
ويروح ماجد مع اخوه نواف بسياره ويروح خالد مع رائد ومي.........
ويطلع خالد من السياره ويقول:آآآآآآآآآه قد ايش حلوووه ريحة السعوديه وحشني ترااااابك يالسعوديه
رائد:ياعيني ياعيني على الوطنيه اقول امشي وانت ساكت بس
خالد:هههههههههههه يالله
يتفاجئ خالد لمن يدخل السياره بوجود ولده محمد الي كان لاصق في الطاقه وشويه ويدخل راسه فيها.........
خالد وهوا مو مصدق نفسه:معقووووووول محمد حبيبي
محمد وهوا في حضن ابوه:بابا وحثتنييييييييي
خالد وهوا يبوس ولده ويمسح على شعره:محمد حبيبي كيف حالك
محمد:طييييب بس فينك من زمان مازيتنا
خالد:ههههههههههههه شو الحكايه يامي بدل الالدغ صار عندنا اتنين كدا عديتو ولدي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 84
قديم(ـة) 12-07-2007, 04:52 PM
دلــــــــوعه دلــــــــوعه غير متصل
©؛°¨غرامي مجتهد¨°؛©
 
الافتراضي رد : قصة طويلة من أجزاء باللهجة السعودية *** عمق القلوب ***


مي:لا والله ولدك هوا الي اكتسب اللغه من ولدي ههههههههههه
احمد:ايوه صح
خالد وهوا يلتفت لمكان الصوت من اخر السياره:هلاااااا والله بحمووووودي
احمد وهوا ينط على خاله:هلاااا خالوووو كيف حالك
خالد:الحمدلله كيف حالك انتا
احمد:اانا الحمدلله طيب
فهد وهوا يسلم على خاله:كيف حالك ياخالو
خالد الي اتفاجئ بفهد شكله كدا كبر عن زمان وصار كأنه في المتوسط:هلااااا فهووودي حبيب قلبي كيييييف حالك
فهد:الحمدلله طيب
خالد:ماشاء الله كبرت واحلويت ياولد
فهد:ايوه انا احم احم خلاص صرت رجال
خالد:ههههههههههههه ماشاء الله
رائد:شفت كيف ياخالد الدنيا اتغيرت وانت مو داري
خالد بأسف:اي والله
محمد بصوت عاااااالي:بابا بابا
خالد:عيون بابا
محمد:انت خلاص حتقعد عندنا محا تسافر تاني
خالد وهوا يشيل ولده ويحطه على رجله:امووووت ولا ابعد عنكم يوم من بعد الان
ويبتسمو الكل في فرح للحظات الحلوه الي بينهم.......
ونرجع لي امريكا ولي نيويورك بالذات............
تامر:وش حتسوي يعني؟؟
رامي:والله مدري انا الين دحين ما انتهيت من مشكلة انذار الفصل دي ولامشكلة البنت الهبله ديك فكيف تبغاني اسافر
تامر:يا ابويا سافر ولاتشيل هم خليها على ربك
رامي:على ربي بس ما اخسر دراسة وتعب سنتين وشويه لازم اتصرف
تامر:شو بتسوي؟؟؟؟
رامي:بتشوووف
ويروح رامي يجري ويترك تامر لحاله واقف............
رامي:لو سمحتي لو سمحتي<<<كان رامي يزهم شوق
شوق دارت وجهها عشان تشوف مين يزهمها وتنصــدم لمن تشوف انه رامي نط قلبها ماشافته من بعد الحادث ومن بعد مازارته بالمستشفى كانت شوق بترد عليه بس خافت لا يهزئها فقررت تهرب من قدامه وقلبها يعورها لانها شافت يده مكسوره ومجبسه يعني لسه ما اتعافى تمام وصارت تقول في نفسها سلاااامتك يالغالي سلامتك.......
رامي!!!!!!!!؟؟؟؟؟؟؟؟؟؟ استغرب لمن شافها تهرب من قدامه وماترد عليه
شوق وهيا بتجري حست بحاجه تسيل على خدها فمسحتها وهيا خايفه من فين جات هالدموع وليه.......
رامي في نفسه ايش بها هادي المفروض تفرح وتنط من الفرح لاني بكلمها مو تهرب من قدامي اكيييد عملت لها حاجه اكبر من الي سوتها اول وخايفه مني والله ما اسيبها انا وراكي ياشوق والزمن طوويل......ويجري رامي وراها ويوصل لها طبعا لانه رجال واسرع منها......
رامي وهوا يوقف قدامها عشان ماتمشي اكثر:لو سمحتي ابغا اكلمك شويه ليه تهربي مني
شوق تدير وجهها على الجهه التانيه لانها خايفه يشوف الدموع الي في وجهها
رامي:؟؟؟؟؟؟؟؟!!!!!!!!!
رامي:ايش بك
شوق وهيا تعدل من صوتها ووتعابير وجهها:لا ولاشي خير امر
رامي الي حس انه فيها شي بس ماحب يعلق:اوكي ممكن نتكلم شويه
شوق:لو تبغا تهزئني كالعاده انا مو مستعده اسمعك ولو سمحت سيبني في ورايه محاضره ما ابغا اتأخر
رامي الي مو مستوعب ايش يهزئها هادي معقوله خايفه منه هالادميه الوقحه غريبه ما اتوقعها منها فقال بنوع من الادب:يا اخت شوق انا ما بهزئك ولاشي واعتذر على تصرفاتي السابقه لو ازعجتك بس في موضوع مهم مره لازم اكلمك فيه لو تسمحي خمس دقايق مابتأثر عليكي في شي
شوق استغربت من طريقته المؤدبه الي اول مره يكلمها فيها وحست انه الامل بينفجر في داخلها معقوله رامي راجع نفسه وعرف مقدارها وقرر يقبل حبها ويمكن حبها.....
شوق بفرح:اوكي فين تبانا نتكلم
رامي وهوا مبتسم لانه انتصر:في الكافتيريا
شوق:اوكي يلا
وفي الكافتيريا.....
رامي:اوكي يا شوق اسمعيني مظبوط
شوق بشوية خجل:لحظه قبل ما تقول اي شي بس حابه اقلك سلمااات((وترخي راسه للاسفل وتكمل تقول))واسفه على الي صار ووالله العظيم انه ماليا يد فيه
رامي:اوكي لو انتي من جد مالك يد في الي سواه لي ابوكي وانصدمتي بجد لمن قلتلك المفروض تقولي له انه يرجع عن قراره ويحل عني لاني ابغا ارجع السعوديه ضروري هالاسبوع وما اقدر ارجع والموضوع دا معلق تدري دي دراستي ودا مصيري وانتي ادرى........
شوق؟؟؟؟؟؟؟؟؟؟؟؟؟!!!!!!!!! !!!!!!!!انصدمت ما اتوقعت تسمع منه دا الكلام حطمتها كلمة مساااااااااااااافر معقوله رامي بيسافر عنها بيروح خلاص كل شي انتهى هنا مابتشوفه تاني ماتسمع صوته ماتقابله مابتتأمله وتراقبه في الحصص معقووول رامي بيرووح عنها طيب وكيف يروح وهوا لسه ماخلص المنهج كيييييف......شوق بتفكر في كل دا الكلام وهيا ماهي داريه عن الي بيتكلم عنه رامي سامعته يقول كلام وكلام لكنها مو فاهمه او مستوعبه شي كل الي مستوعبته انه بيسااااااااافر.........
شوق.........لاااااااااا ما اسمحلك كيف تسافر وليييييييه يا رامي لييييييييه حراااام عليك والله حرام انا قبلت اتكلم معاك على اساس انك بتراضيني بشي عدل او بتقولي انا اعتذر لو اي شي يدخل في نفسي الامل مو تقول كداااااااا آآآآآآآه الله يهديك بس يارامي الله يهديك ومدام انت رفضت حبي انا ما بفرضه عليك..........
تقوم توقف شوق ولا كأنه رامي يتكلم ودا الشي صدم رامي الي حس انه كان يكلم نفسه بوقفتها هادي وكل الي سمعه منها كلمتين..........الي هيا
شوق:مابيصير الا الي انت تبغاه.......وراااااااااحت ......
رامي قعد في مكانه محتار يبتسم ولا يستغرب من دي البنت الغريبه العجيبه مره مؤدبه ولطيفه ومره وقحه وقليلة ادب المهم طرد كل هالافكار ووقف محله مبتسم ابتسامة النصر والفرح بالخروج من ورطه كبييييره ويقول في نفسه مهما صاار انا حققت الي ابغاه والحمدلله انتهيت من هالمرحله مابقي الا الحجز الطيراااااان لأحلى وطن واحلى نااااس واحلى اهـــــــل.............
ويروح رامي لعند تامر الي قاعد يستناه بفارغ الصبر......
رامي:خلاااااااااااااص حليتهااااااا
تامر:شو الي حليتها هاي
رامي:المشكله كلمت البنت وقالتلي ما بيصير غير الي ابغاه
تامر:صدق والله تمااااام عيل مبروووك
رامي:يبارك بعمرك ياخي والله فككككككككه مابغينا نخلص
تامر:هههههههههههه صدق والله فكه الا قلي متى ناوي تسافر
رامي:امممممممم مدري بس حاب اقترح عليك اقتراح
تامر:اقتراح؟؟؟؟
رامي:ايوه
تامر:اتفضل طيب شو تنتظر
رامي:امممممم ابغاك تجي معايا السعوديه
تامر:لا والله وليييييه شو تبا مني اجي اسويه في السعوديه
رامي:تعال معايا ياخي ما اقدر اعيش بدونك شو اسوي
تامر:اهااااا شذي يعني اوكي انا ماعندي مشكله اذا انت حاب تتعب عمرك وتتضيفني وتحوطني في بلدكم كل ساعه بجي ولا غير شذي ماشي روحه
رامي:لا والله تتشرط كمان
تامر:هي كم تامر عندك افا عليك بس دا وانت عازمني على فلوس التذكره كمان
رامي:كمااااااان عزمت نفسك على فلوس التذكره هههههههههههههههههههه
تامر:هممممممم اذا ماتحب ايزي بجلس هني
رامي:لااااااا ياعم امزح معاك انا اصلاً كنت بقولك انه كل التكاليف عليا
تامر:اذا شذي عيل كل شي تمااااام اوكي متى تبي تسفرنا
رامي:امممممممممممممم بعـــــــــــــد بكرررررررررره
تامر:اوووووف مو كأنك مستعيل شوي
رامي:لا مو مستعجل بس الملكه بعد كم يوم ولازم اللحق اروح السعوديه قبلها
تامر:اهاااا اوكي برايك



*&*الجزء السابع عشر*&*
يوصل خالد ورائد ومي على بيت ابو خالد الي مايعرفو شي عن وصول خالد.....
محمد:ستوووو ستوووووووووو
خالد يحط يده على فم ولده:اسسسس اسسسس لا تقول شي انا ابغا اقلهم بنفسي
محمد بصوت واطي:تيييب معليه اسف نسيت
احمد:اثلاً انتا دايماً كدا اهبل
محمد:لاء انت الاهبل
خالد:خلااااص اسسسس فضحتونا الله يفضحكم
وتجي ام خالد على صوت محمد واحمد وتنصددددددم لمن تشوف خالد واقف.........
ام خالد:معقووووووووووووووووو وووله
خالد والابتسامه شاقه وجهه:مسااااااااء الخييررررررررر
ام خالد تجري على ولدها وتحضنه والدموع تنزل من عيونها:يااااااااااارب عساني ما انحرم من هالشوووفه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 85
قديم(ـة) 12-07-2007, 04:53 PM
دلــــــــوعه دلــــــــوعه غير متصل
©؛°¨غرامي مجتهد¨°؛©
 
الافتراضي رد : قصة طويلة من أجزاء باللهجة السعودية *** عمق القلوب ***


يااااااارب كيييييييييفك ياخالد كيفك ياولديييي
خالد:تماااااااااااااااااا ام التماااااااااام والله كيفك انتي ياامي
ام خالد:بشوفتك صرت بخير قلي متى جيت وصح نسيت حمدلله على السلامه
خالد وهوا مبتسم:الله يسلمك ويسلم قلبك وعمرك وكل شي في حياتك
ام خالد وهيا مبسوووووطه على الاخر:ما قولتلي متى جييييييييت؟؟
خالد وهوا يطالع في الساعه:امممممم حوالي قبل تلات ساعات وشويه
ام خالد:نوووورت السعوديه والله
خالد:منووووره بوجودكم والله
وتجي منى على الربشه هادي والصوت العالي:شو في شو صار وشو كل هالاصــ...وتقطع كلمتها لمن تشوف خالد......
منى:خاااااااااااااااااااا اااااااااااااااااااااااال د
خالد يبتسم بي فرح لمن شاف منى من زمان وهوا ماشافها واشتاق لأهل هالبيت مرررره..........
خالد:عيوووووووووووووونه كيفك يامنى
وتجري منى وترمي نفسها في حضن اخوها:حمدلله على السلامه ياخويه حمدلله على السلامه اناستنا والله
خالد:الله يسلمك يامنى كيفك حبيبتي
منى مررره تعزز خالد اكثـــــــر شي من اخوانه حتى اكثر من امجد برغم انه تؤامها.....
منى:بشوووووفتك والله تمااااااااااااااااااااااا اااااااااام
خالد:طيب بشويش لا ينشق حلقك ههههههههههههه
منى وهيا مبسوطه اول مره تشوف خالد يضحك وينكت من بعد موت نهاال......
خالد:هييييي بنت شو فيكي تبتسمي كدا كأنه جاكي عريس
منى:هههههههههههههههههه لا والله بس فرحنا اني اشوفك تضحك وتنكت كدا
خالد:اممممممممم اتعودي على الفكره خلاص
منى مافهمت قصده بالظبط:كيف يعني!!؟؟
خالد:يعني من اليوم ورايح خالد حق زمااااااان رجـــــــــع
منى:يامرحباااااااااابه والله بينورنااااا ويأنسنا ويشرفنا وكل شي هههههههههههههههه
مي:اوففففففففففففف والله حاله كأني واقفه هنا زي الجدر طيب عبروناااا ياهوووووو
ام خالد:هههههههههههه يابنتي اسفه والله ماشفتك كيفك يامي
مي وهيا تسلم على امها:بخير الله يسلمك كيفك يامنى
منى تطالع في خالد وتبتسم وتقوول:تماااااااااام بشوفة دا<<<وتأشر على خالد
تنننننننننن تننننننننن<<<احد يدق الجرس
مي:وييييييي مسكين رائد نسيته بره رووحي يامنى ادخلي جوه خليه يدخل
منى:طييييييب
وتطلع منى تجري فوق على غرفة رندا........
منى:رندا رنداااااااااااااااااااااا ا
رندا:ها نعم
منى:حزري مين جا؟؟؟؟؟
رندا:مين يعني؟؟؟؟!!!!!
منى:حزري انتي بس
راند:امممممممم اكيييييييييييد خالد
منى وهيا مندهشه هادي ايش دراها:صصصصصصصصح كيف عرفتي
رندا:سر المهنه ههههههههههههههههه........ وراحت ماخلت فرصه لمنى ترد عليها عشان تبا تنزل تسلم على خالد...........
وتنزل تجري وتدخل الصاله وتنصدم لمن تشوف رائد قاعد فترجع تخرج من الغرفه وهيا منحرجه.......
خالد يضحك على خبال اخته ويطلع يسلم عليها.......
خالد:هلا والله هلا بالغاليه
رندا وهيا ترمي نفسها على اخوها:هلااااااااااااااا فيك يالغالي انتا منوووووووووور البيت وجده والسعوديه والشارع وكل الدنيا هههههههههههههههههه
خالد:كلكم ماسكين هالجمله منور ومنور خلاص تعبت وانا اقول منوووووووووره بوجودكم
رندا:ههههههههههه كيف حالك؟؟؟؟؟
خالد:عااااال العاااااال والله
رندا:ان شاء الله دوووووووووووووم مو يوووووووووووم
خالد:يسلموووووووو
ويكملووو يومهم بسلامات ونقاشات عن خالد وعن احواله ويجلسووو كلهم في سعاده.....
في الجهه التانيه في بيت ابو محمد تكون لمى قاعده على النت ومبسوطه......
ولمى وهيا قاعده على الماسنجر بتكلم لجين الي صار لها زمان ماشافتها.......
......المحادثه بين **لمووو**((لمى)) و ^لولو^((لجين)).......
**لمووو**:ايوه المهم ما قولتيلي متى بتروحي عند منى
^لولو^:والله لسه ماحدتت بس ان شاء الله قريب
**لمووو**:اهاااا طب كويس المهم اقابلك خبريني قبلها
^لولو^:اكيييييد ان شاء الله
**لمووو**:دقيقه لجين في احد اضافني مدري مين خليني اشوف وارجع لك برب
^لولو^:خدي راحتك عيوني تييييت على الاخر
تشوف لمى الايميل غريب hotmail.com@*********
بس برغم من كدا تحط على اوكي لانها تبغا تعرف مين دا الي اضافها....
وعلى طووول لقته اون لاين وهوا الي بدء بالكلام.....
خلودي:هلاااااااااا والله هلااااااا منووووووره الماسنجررر وربي
خلودي:كيييييييفك
**لمووو**:هلا فيك مين معايا؟
**لمووو**:تماموووو
خلودي:افااااا ناسيتني!!
خلودي:دوووووم مو يوووووووووم
**لمووو**:صراحه ايوه ما افتكر احد بي هالايميل
خلودي:طيب اول ما بتسأليني كيفي
**لمووو**:هههههههههههههه اوكي كيفك
خلودي:تمااااااااااامووووو المهم انا خالد كيف تنسيني
**لمووو**:؟؟؟؟؟؟؟؟؟؟؟؟ انا ما اعرف اولاد االصراحه ولا افتكر احد بي هالاسم الا ولد عمي
خلودي:الا ماتتذكري مره في شات**** اتعرفتي عليا واعطتيني ايميلك من زماااااان بس انا ما اضفتك الا اليوم
قعدت لمى تفكر مين دا الي انا اعطيته هالايميل صح انا كنت ادخل هالشات بس من زماااااان مره وما صرت ادخل شات من بعدها غريبه معقوله اعطيت ولد ايملي ما اعتقد قد سويتها.......
خلودي:اممم طيب مو مشكله شكلك ناسيتني مره على العموم مافيها شي اتعرف عليا تاني مافيها حاجه
**لمووو**:لا والله عاجبتك الحكايه
خلودي:صراحه اممممم ايوه هههههههههههههههه
**لمووو**: هههههههههههههههههه طيب انت ايش تعرف عني
خلودي:انا اعرف انك لمى وعمرك يوم ما اتعرفت عليكي كان اممممم 17 شي زي كدا
**لمووو**:وااااااااااااو يعني تعرف عني شي بس ترااااك مررره مغبررررر ان الحين عمري 19 هههههههههههههههههههههه
خلودي:لا والله ماشاء الله العمر كله يااااارب بس عاااد انا من جد اعتذر انا وقفت النت فتره ومارجعت الا قريب قبل كم شهر وافتكرت
**لمووو**:غريبه وايش الي فكرك فيني بعد كل هالمده
خلودي:والله عاااد مدري
**لمووو**:لا مافي لازم تدري هههههههههههههه لووول صايره قويه انا هاليومين
خلودي:هههههههههههه لا منتي قويه ولا حاجه من حقك تعرفي
خلودي:اممم مدري بس انتي كنتي بنسبالي حاجه سبشل
خلودي:يعني كنت دايم انبسط لمن اتكلم معاكي وصراحه انتي بنت فلله ورقيقه وارتاح وانبسط لمن اتكلم معاكي
خلودي:فقررت اضيفك حتى لو بعد كل هالمده
لمى ماعجبها كلامه وما صدقته بس قالت تمشيها له ويقطع عليها محادثتها معاه لجين.....
^لولو^:فييييينك يابنتي قلنا على الاخر بس مو الاخر اخر مره لدي الدرجه
**لمووو**: سوووووووري ياقلبي بس اندمجت مع الادمي دا
^لولو^:مين ادمي؟؟؟؟
**لمووو**:واحد دوبه اضافني
^لولو^:اهااااااااا ياعيني ياعيني
**لمووو**:ياااااربي عليكي انتي وحركاتك والله ما اعرفه بس يقول هوا يعرفني من زماااان من ايام الثنوي تخيلي من قبل سنتين
^لولو^:وماشاء الله مفتكرك الين دحين
**لمووو**:شفتي كيف احم احم انا من النوع الي صعب الواحد ينساه هههههههههههه لووول والله اني طلعت شي
^لولو^:ماشاء الله عليكي يالله ياختي المهم
^لولو^:انا مطره اطلع طولت على النت كتير وانتي تدري ورايه دراسه وحاله
**لمووو**:اوكي براحتك الله معاكي
^لولو^:اوكي بااااااااي
ورجعت لمى للاخ داك الي قاعد يكتب لها من اووول وهيا خاصرته......
خلودي:شووو شكلك مو مصدقتني
خلودي: على العموم انا ما احب اللعب على الناس انا اعتبرتك اخت وصديقه قديمه وحبيت اسلم عليكي بس لا اكثر


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 86
قديم(ـة) 12-07-2007, 04:54 PM
دلــــــــوعه دلــــــــوعه غير متصل
©؛°¨غرامي مجتهد¨°؛©
 
الافتراضي رد : قصة طويلة من أجزاء باللهجة السعودية *** عمق القلوب ***


خلودي:فيينك؟؟
خلودي:فينك يابنتي لو مزعجك عايدي اطلع
خلودي:؟؟؟؟؟
**لمووو**:يااااااربي اصبر شووويه
خلودي:شووو؟؟؟؟
**لمووو**:هههههههههه سوري اقصد انا كنت مشغوله وكنت بكلم صحبتي وما انتبهت لك وانت كتبت كل دا دفعه وحده وما استنيت مني رد وبعدين انا ماقلت شي انا قلتلك فرصه سعيده يعني انك ما ازعجتني ونسيت اقلك برب شويه المهم رجعت خلاص
**لمووو**: وسوري اعتذر عن التأخير في الرد
خلودي:اهاااا لا انا الي اعتذر على الازعاج اختي ماكنت اقصد
**لمووو**:عايدي مو مشكله
خلودي:اوكي انا استاذن تامريني بشي
**لمووو**:فييييين بدري<<<هيا بالعكس كانت تباه يخرج بس قالتها مجامله
خلودي:والله ولا مكان بس ورايه دوام ولازم انام
**لمووو**:اهااا انت تدرس ولاتشتغل؟؟
خلودي:لا والله ادرس طب في الجامعه
**لمووو**:ماشاء الله الله يوفقك واوكي براحتك ما ابغا اعطلك الله معاك
خلودي:اوكي واسعدت كتير بشوفتك اليوم والله
**لمووو**:وانا اسعد اوكي يالله لاتتكلم كتير ههههههه روح نام ترى بقعدك للصبح
خلودي:هههههههههههههه احلى قعده وربي واوكي طيب يالله باااااايووو اشوفك على خير
**لمووو**:على خير ان شاء الله بايووو
وتنهي معاه المحادثه وتقرر تسك الانترنت وتروح تنام هيا كمااااان..........



*&*الجزء الثامن عشر*&*
وفي بيت ماجد بعد ماسلم على اهله وفاجئهم بوصوله والي لمح السعاده في وجه كل واحد منهم لمن شافوه يمشي وانه بصحه وعافيه وبعد مشوووار طووووووويل من التحقيقات والاستفسارات عن وضعه قرر يروح ينام لانه تعبان من السفر وطبعاً الكل خلاه على راحته.....
بس في الاصل هوا راح على غرفته عشان يبغا يتصل على احد في باله من زمااااااااااان......
وفي الوقت الي قاعد ماجد في الغرفه يفكر كيف ممكن يتصل على <<<طبعاً تعرفو مين....رهف المهم راح لغرفة نواف ودق الباب....
طق طق<<<دق ماجد على غرفة نواف
نواف:مفتوووووووح ادخل
يدخل ماجد وهوا مبتسم لانه شاف الغرفه مقربعه ومقلوبه فوق تحت كالعاده زي زمان ما اتغيرت من يوم ما سافر الين دحين بس هالمره شي غريب نواف قاعد يرتب فيها وحايس وشكله مررره ملخبط.......
ماجد:وانتا الين دحين ماتغير طبعك وفوضتك هادي
نواف الي انصدم بوجود ماجد:يؤ يؤ يامصيبه وانت ايش جابك وقومك من سريرك مو قلت بتنام
ماجد:جيت اشوف هالفضايح هههههههههه
نواف:هههههههههه والله اخوك وانت ادرى عني دا طبعي من يوم ما ولدتني امي ودوبي حاولت اعدل الغرفه بس مستحيييل مو قادر
ماجد:ماااشاء الله وكمان فرحان بطبعك الا مو طبع الا فضيحه هاهاها
نواف:لا والله تتريق المهم ايش تبغا جي عندي!
ماجد بمزح:افااااااا يعني ضايقتك بجيتي عايدي ترى ارجع لندن لو تحب
نواف والدهشه والعصبيه على وجهه:شف والله اديك بالجزمه انا بالله قلت كدا؟؟؟؟؟!!!! انا قلت ايش جابك غرفتي؟؟ بس مافيها شي سؤال لا اكثر مو تسويلي فيها حساسيه من عندك
ماجد الي عارف طبعا اخوه يعصب من اقل شي حتى لو كان مزحه:ههههههههههههههه طيب بشويش اكلتني والله بمزح عايدي ايش بك انتا كدا صرت عصبي
نواف:طيب المهم هات الي عندك
ماجد:امممم ابغا اطلب منك طلب
نواف:افاا انت تامر امر مو تطلب عيوني لك ايش تبغا؟
ماجد:لالالا ما اقدر انا على كدا
نواف:هههههههههههه من جد انا اتكلم امر ايش عندك
ماجد:ههههه تسلم والله امممممم
نواف:اووففف يالطيف قد كدا الشي صعب يابني اطلب عايدي انا اخوك بلا بياخه
ماجد:لا والله مو مستحي بس انتا ماتعطيني فرصه اتكلم
نواف:ههههههههههه اوكي طيب بسكت واشوف النهايه معاك
ماجد:اممممم بس كنت ابغا اقلك يعني لو ممكن اخد جوالك بس شويه عشـ......ومايلحق يكمل ماجد كلمته االا يلاقي جوال نواف في يده.......
نواف:طييب وغييييييره
ماجد بإندهاش:ايش بك ياخي خليني اكمل كلامي
نواف:عايدي مو مشكله خليه معاك الين ما احاول انا اطلع لك جوال جديد في اقرب فرصه
ماجد:لااااا اصبر يابن الحلال انا بس ابغا جوالك نص ساعه او ساعه مو اكتر من كدا وبنسبى للجوال انا بطلع بنفسي ما احتاج احد يطلعلي اوكي
نواف: اوكي طيب خليه عندك لوقت ماتحب انا ما احتاجه وانا اصلاًً دحين تعبان وحنام
ماجد:اوكي مشكوووور والله
نواف:العفوووو ويالله فارق ترى اعطيناك وجه زياده عن اللزوم ابغا انااااام تعبااااان ههههههههههههههه
ماجد بإستغراب:لا والله
نواف:ههههههههههههههههههه امزح معاك بس والله تعبان وابغا انام
ماجد مبتسم:هههههههه اوكي سوري خد راحتك تصبح على خير
نواف:وانت من اهله
ويطلع ماجد من عند نواف ويروح على غرفته على طول ويرمي نفسه على السرير وهوا مبسوط ويقول في نفسه الخطوه الاوله نجحت والخطوه التانيه اممممم الرقم يؤ يؤ كيف نسيت الرقم في الجوال القديم وداك الله يرحمه انكسر مع الي انكسر وانا مو مفتكر الرقم مظبوط اخاف اروح اللخبط واتصل على ناس تانيه خليني احسن اتصل على خالد واخده من عند اخته لالا ايش الغباء هاادا ايش اقله بالله اعطيني رقم صاحبة اختك لالا ما ينفع يوووووووه ايش اسوي يااااااربي كيف اجيب الرقمم امممممممممممممم اممممممممم......وقعد ماجد يفكر اكثر من ساعه بطريقه يجيب فيها الجوال وفي الاخر لمعت فكره في راسه.......فصرخ بأعلى صوته.....
ماجد:يــــــــاســــــــل ااااااااااام لقيــــــــتها خلاص بكره باخد الرقم يعني باخده بس خسارة هالجوال على الفاضي جبته يالله مو مشكله احسن ما اخسر اخويا ههههههههههههه يالله خليني انام احسلي......وينام ماجد وهوا افكاره مع خطته الي يبغا يسويها ومـــــــــــــــــــع رهــــــــــــــــف...... .........
وفي اليوم الي بعده في بيت ابو خالد......
خالد كان في بيته قاعد حزين وزعلان والالم يعصره عصر يحس انه كل عرق في جسمه اتقطع وكل شريان في قلبه ماات زعله هالمره كبيييير كبيير من بعد مووت نهال اول مره يدخل البيت ويشوفه بدون نهال حاس كدا بإنعدام حياته وانه مالها قيمه ولا لها معنى الغرفه هادي لأنه في كل ركن وكل مكان فيها تذكره بنهال ونهال ماهي موجوده ومايقدر يقعد دقيقه وحده بدون مايفكر فيها وفي ذكرياتهم مع بعض البيت دا والقسم دا والشقه هادي كل شي فيها مكتوووووب عليه نهاااااااال كان قاعد خالد في الصاله وعلى وحده من الكنبات والدمع ينزل من عينه لاشعورياً........ويدخل عليه ولده محمد الي الفرحه مو سايعته من يوم رجوووع ابووه ومعاه منى........
منى لمن دخلت البيت وشافت اخوها والدموع الي على وجهه قلبها عورها وانقبض على اخوها خافت يكون رجع لوضعه وحاله قبل مايسافر وقفت مكانها مصدومه ما اتكلمت ولا اتحركت وماسكه بيد محمد مافلتتها.....
خالد حس بوجود احد فعلى طول مسح دموعه خاف احد يشوفها لانه صار يقول في نفسه كفايه دموع راحت وكفايه احزان عشتها......


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 87
قديم(ـة) 12-07-2007, 04:55 PM
دلــــــــوعه دلــــــــوعه غير متصل
©؛°¨غرامي مجتهد¨°؛©
 
الافتراضي رد : قصة طويلة من أجزاء باللهجة السعودية *** عمق القلوب ***


طالع خالد على يساره وشاف ولده محمد ومنى واقفين يطالعو فيه بكل اندهاش وصدمه محمد كان منهدش من عمته مو من خالد كان يحاول يفلت يده من يدها لكنها مو راضيه وفي الاخر اتكلم خالد وقطع جدار الصمت.....
خالد:هلاااااااااااا حبيبي محمد تعال يابابا
محمد حاول يروح عند ابوه لكن منى برضها ماسكه فيه..........
محمد:بابا ثوف عمه ماتثيب يدي من اول ازر يدي مو راضيه تخليني ازي عندك((يقصد بابا شوف عمه ماتسيب يدي من اول اجر يدي مو راضيه تخيلني اجي عندك وهادي النقطه للتوضيح)).........
خالد:ههههههههههه منى شو فيكي
منى فاقت من صدمتها وافكاراها:ها ايوه سوري محمد يلا روح عند بابا.....وقعدت تطالع في خالد بنظرة تفحص
خالد حس بأفكارها:لاتخافي يامنى مافيا شي بس غلب عليا الحزنه شويه والافكار والذكريات تدري يبغالي ما اقعد هنا كتير
منى بشوية تردد:يعني مارجعت لحالك حق اول
خالد:لا ان شاء الله لاتفاولي عليا خلاص انا وعدتكم مابتشوفو الا خالد الي تعرفوه
منى والي ملاها الفرح انه اخوها مارجع زي اول وتتنهد وتقول:من جد طب كويس انا خفت لاتكون رجعت لحزنك حق اول وتروح علينا تاني والله ما صدقت على الله اشوفك تضحك وتتكلم زي زمان
خالد وهوا مبتسم بألم:لا لاتخافي ان شاء الله ما بيصير شي انا كدا ومحا اتغير ان شاء الله كفايه احزان ودموع خلاص كفايه
منى الي فرحت لكلام اخوها وراحت حضنته:الله لايحرمنا منك يااااارب
خالد:اميين
منى وهيا تقعد جنبه على الكنبه:الا خالد ماقولتيلي مابترجع شغلك حرام والله نفسي اشوفك بالبدله حقت الطيار تاني
خالد الي ابتسم بألم للذكرياته الحلوه في الطيران وبالبدله خصوصاً:ان شااااء الله عن قريب
منى:من جد؟!
خالد:لا من عم هيهيهي
منى:ههههههههههههههههههههه ههههههه
محمد بإستغراب والي دخل في نص النقاش:بابا انت تسوق الطياره
خالد وهوا يبتسم لولده:ايوه يابابا انا اسوق الطياره تبغا اوديك معايا تشوفها
محمد:ايووووووه الله يخليك ابغا اروه معاك وحده مره
خالد:ان شااااء الله بس مو دحين دحين خليني اجلس شويه مع اهلي وارتاح لي كم اسبوع بعدين يصير خير
محمد:يااااااي يااااااااااي يعني انا حسووق الطيااااره كماااااان
منى:هههههههههههه وانتا مين قلك انه انتا الي بتسوق
محمد:بابا دوبه قال ما سمعتيه
منى:ههههههه لا هوا قال بياخدك معاه بس ماقال بيخليك تسوق
محمد:مالي ثلاح حسوق يعني حسوق صح بابا
خالد الي ما حب يكسر بخاطر ولده:صحين ياعيون بابا
محمد:شفتي
ويضحكوو الكل مبسوطين............
امجد الي الكل ناسيه كان في الشاليهات مع اصحابه يحاول ينسى همه الي حيتضاعف بعد كم يوم والكل نسي يخبره بوصول خالد فبالتالي استغرب خالد اختفاء اخوه لانه ما جا سلم عليه ولا شي الا انه كان شاك انه لساته للحين زعلان منه ومايبغا يسلم عليه بس كل مايتذكر السبب كان تافه ومايحتاج كل هالزعل فقرر في الاخير يتنازل ويسأل عنه......
خالد:الا يامنى ماقولتيلي امجد فين؟!
منى:ويييييييييه اخويه حبيبي نسيته مسكين ناساه الموت يارب دقيقه خالد.......وراحت تجري ودا الشي زاد من استغراب خالد واتأكد انه امجد مو في البيت بس الي زاد من استغرابه انه من متى صارو ينسو امجد او من متى هوا صار ما يبات في البيت......راحت منى تكلم اخوها واتصلت على جواله...امجد لمن شاف الرقم البيت ماحب يرد بس اصرار منى على انها تكلمه خلاه يقلق خاف يكون في شي صاير فرد بدون نفس....
امجد:الوو
منى:مرحبا
امجد:هلا مراحب خير
منى:شو فيك تكلمني هيك
امجد:ولاشي بس خير شو تبغي انا قاعد مع الشباب مو فاضيلك
منى حست من لهجته انه مضايق بس مشتها لانها تدري انه هادي الايام هوا زعلان وحالته زفت فما حبت تزود عليه......
منى:المهم في عندي لك خبر حلوو
امجد الي استغرب انه يسمع خبر حلو في هادي الايام الكئيبه ولانه ماصار يسمع غير الاخبار الوحشه فخلاص صار متشأم....
امجد:خييييير شو هالخبرررر
منى:خاااااااااااااااالد
امجد انتفض فهم الموضوع من قبل ماتقوله فقفل الجوال في وجهها وطلع يجري عشان يروح لسيارته...
عبد الرحمن:هيييي انت امجد فين رايح..؟؟؟
امجد:مو وقتك الله يخليك اكلمكم بعدين باااااااي
وراح امجد وترك اصحابه مستغربين من هالولد الي ساعه يكون حزين وساعه مرجوج ماهم عارفين له ابداً....
وصل امجد على البيت ودخل يجري والدمع في عيونه مو مصدق اخوه حبيب قلبه رجع صح انه سافر وهوا زعلان منه ودا الشي كاان زي الجبل على صدر امجد الي كاااان مررره حزين على فراق اخوه الي يحبه ويموت فيه بس ايش يسوي اذا اخوه ما حاول يتفهم وضعه المهم دخل امجد وهوا يصرخ:خاااااااااااااااااال د خاااااااااااااااالد
خالد استغرب من هالصراخ فنزل يجري يشوف ايش في وانصدم لمن شاف امجد واقف يصرخ ويزهمه خالد فررررررررح كتيـــــــــــــــــــر امجد يعني له الكتير بس حالته النفسيه في الفتره الي راحت كانت زفت وبعدته عن اخوه وعن الدنيا كلها خالد حسب انه امجد للحين زعلانه منه عشان كدا ما جا سلم عليه بس اللهفه والشوق والفرح الي على وجه امجد غيرت احساس خالد وخلته ينسى كل الي راح....
خالد بإبتسامه حلوه:انــــــــــا هنـــــــــــــــا
امجد دار وجهه لي مكان الصوت ولقى خالد واقف على الدرج ويبتسم له امجد في نفسه خالد معقوول يعني احساسي ماطلع خطأ انت جيت انت وصلت يا اخويا الغالي.....امجد كان يفكر ويتكلم مع نفسه وما اتحرك من مكانه ودا الشي خلا الاحباط والشكوك يتسلل لي نفس خالد......
جات منى تشوف مين مصدر كل دا الصراخ الي كسر جدران البيت وانصدمت لمن شافت امجد هوا دا المصدر استغربت ايش جابه دوبها قبل ربع ساعه مكلمته وكان في الكباين واستغربت اكثر لمن شافت وقفته هوا خالد.....منى في نفسها معقوله هالاتنين متزاعلين الين دحين ومو ناوين يسلمو على بعض والله انهم هبل خليهم انا مالي دخل فيهم بس بعدين قررت تتكلم فبدأت هيا بالكلام....
منى:شو فيكم واقفين هيك
خالد وامجد...........
منى بصوت عااالي مره:شووو فيكم ياهوووووووو؟؟
امجد حس بنفسه اخيراً وفااااااق......
منى مالمحت شي مالمحت غير شي ينطلق من قدامها ويروح للدرج.....تلف منى راسها وتشوف امجد في حضن خالد يسلم عليه ويبووسه.......
امجد:حمدلله على السلامه ياخالد حمدلله على السلااااامه
خالد الي فرح من تصرف اخوه:يسلم قلبك يارب كيفك يا امجد؟
امجد وهوا يبعد نفسه عن اخوه شويه :بخير دامني اشوف هالوجه
خالد:مابغيت تسلم ساعه وانت واقف زي الصنم
امجد يرخي راسه ويتكلم بشوية خجل:كنت خايف لو جيت اسلم عليك تردني
خالد:؟؟؟؟؟؟؟؟؟؟؟؟!!!!!!!! !!!!!!!!!!!!
خالد يرفع راس امجد بيده:ارد اخويا حبيب قلبي اتجننت انتا مستحييييييل
امجد بفرح:بجد يعني منت زعلان مني
خالد:طيب سيبك من كل دا واتحداااك تقولي شو سبب الزعل الي بيني وبينك
ظهرت ملامح غريبه على وجه امجد وحاول بجد يفتكر السبب فلمن افتكره استحى وخجل زياده ورخا راسه مره تانيه...........
خالد:شفت كيف ههههههههههههههههه السبب تاااااااافه لاتخلي في بالك ياخي
امجد رفع وجهه وطالع خالد بعيون مستغربه لأبعد حد.....
خالد:بسم الله الرحمن الرحيم شو فيك يابني ليه تطالعني كدا
امجد:دقيقه بس ابغا اتأكد انت خالد......وصار يلف خالد حول نفسه
خالد الي ميت من الضحك:ههههههههههههههههههه هههههههه ايش بك يا امجد ليه بتسوي فيني كدا
امجد:بس ابغا اتأكد انه انتا خالد ميه في الميه
خالد:اممممممم لحظه افكر
امجد والي خلاص ماصار عنده مجال في الشك انه خالد رجع زي زماااااااان.......
امجد:معقوووووله خلاااااص رجعت اخييييراً شفت خالد الي اعرفه
خالد:وليه يعني كيف عرفت انك شفته
امجد:من ضحكتك قبل شويه ومن طريقة كلاااااامك حسيت انك خالد الي اعرفه قبل...ووقف كان بيقول موت نهال بس غير وقال....
امجد:قبل حالت الاكتئاب حقتك ديك
خالد حس بلي كان يبغا يقوله فقال:اذا في انسان عزيز عليا مات وراح فأنا لساتني حي ولا مو كدا
امجد بفررررح كبييييييييير:اخيييييييراً فهمت وعقلت كم مره قلنا لك دا الكلام بس انتا ماتفهم راسك زي الحجر<<<ويقول هالجمله وهوا يدق بيده على راس خالد
خالد:اي اي عورتني بشويش
امجد:ههههههههههههههههههه
خالد:شفت مو زي الحجر الحجر مايحس وانا اتعورت من يدك
امجد وخالد:ههههههههههههههههههه هههههههههههه
منى كانت تطالع عليهم بصمت وسكوووت كبير مو مصدقه تشوف خالد وامجد بي هالشكل صار لها زمااااان ماشافتهم كدا ودا الشي خلاها تموووووت من الفرح فنزلت دمعه من عيونها بدون محد يشوفها منى زي ماقلنا اول انسانه رقيقه لأبعد حد وشوفتها للفرحه والبسمه الي على وجوه هالبيت شي يخليها مبسوطه غصبً عنها وقررت ماتسيب هاللحظه تروح هدر فراحت بدون مايدرو وجابت كاميرا وصورتهم وهما يضحكوو كان شكلهم مررره يضحك بس فضولها الشديد انها تشوف هالمنظر بعد كدا ما منعها انها تصور هاللقطه بالذات تقول في نفسها خليني اصورها يصير كل ما ازعل اشوفها واموت ضحك...........
وانقضى هاليوم في بيت ابو خالد بشكل مختصر و سعييد ومفرح مره لكل واحد عايش في هالبيت وجرت كتير احداث حلوه بس كلها مرت بسرعه زي مامر هاليوم اساساً بسرعه.......دا في بيت ابو خالد اما في بيت ماجد فكااان بطيء لدرجة الموت ماااجد كان مررره نفسه يكلم رهف بس ولافرصه ساعدته انه يروح لخالد او يكلمه اليوم لانه كل اصحابه واقربائه جووه اليوم وماخلو له فرصه يقعد لحاله ولمن يلاقي وقت قصير يلحق عمره فيه ويمسك التلفون ويتصل على خالد يلاقيه مشغول فيئس من هاليوم وقرر يأجل موضوعه ليوم تاني مايدري متى بس المهم انه اتأجل.........
دا من جهتين لكن من الجهه التالته كانت في طياره بتطير في الجو متجهه للسعوديه
وكان فيها رامي وتامر....
تامر:اقول رامي شوف هالحرمه الي هناك مسكينه بتصيح
رامي:ياخي وانت ايش دخلك في الناس خلك في حالك بس
تامر:هههههههههههه شو اسوي طفشان مال وانت زي قلتك راز لي بي هالوجه وساكت
رامي:طيب ايش تبغاني اقول
تامر:لاتقول شي لانه انا ابي اقول
رامي بقلة صبر:اتفضل
تامر:انا ما ابي اروح معاك السعوديه
رامي:لا والله بعد ما ركبنا الطياره تقولي ما ابي بكيفك هو ولا بكيفك
تامر:هممممممم بكيفي هههههههههه
رامي:اوكي انا ما بغصبك على شي بس صعب احنا الحين في الطياره يعني مافي مجال للتراجع
تامر:الا في انا قلت اروح معاك السعوديه على المطار اوصلك واخد لي رحله على الامارات واروح
رامي:يافرحتك
تامر:صدق والله ما اقدر تولهت على الاهل وااااايد وبما اني لقيت فرصه لازم استغلها
رامي:اممم اوكي انا ما بجبرك على شي بس بقترح عليك اقتراح
تامر:قول
رامي:انت تعال السعوديه وارتاح لك يومين بعدين روح الامارات على الاقل ترتاح من مشوار السفر شوي
تامر وهوا يفكر:همممممممم اوكي الي تشوفه......ويقطع عليهم صوت الطيار.....
(نعلن وصول الطياره للمملكه العربيه السعوديه الرجاء من الجميع ربط الاحزمه استعداداً لوضع الهبوط وشكراً)
رامي:هيا اس اس اربط حزامك
تامر:اووووكي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 88
قديم(ـة) 12-07-2007, 04:59 PM
دلــــــــوعه دلــــــــوعه غير متصل
©؛°¨غرامي مجتهد¨°؛©
 
الافتراضي رد : قصة طويلة من أجزاء باللهجة السعودية *** عمق القلوب ***


هالله هالله بالردود

ياحلوووووين


:7_asmilies-com:


ولاترى ماانزل الاجزاء

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 89
قديم(ـة) 12-07-2007, 07:08 PM
صورة انـا الـنـور الرمزية
انـا الـنـور انـا الـنـور غير متصل
!انـثـى لـا يـكـررهـا الـقـدر!
 
الافتراضي رد : قصة طويلة من أجزاء باللهجة السعودية *** عمق القلوب ***


الجزء يجننننننننننننننننننننننننننننن وروعة
ويللا شدي حيلك ونزلي البارت اللي بعده ترى اتحمست

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 90
قديم(ـة) 12-07-2007, 10:09 PM
دلــــــــوعه دلــــــــوعه غير متصل
©؛°¨غرامي مجتهد¨°؛©
 
الافتراضي رد : قصة طويلة من أجزاء باللهجة السعودية *** عمق القلوب ***


اقتباس:
المشاركة الأساسية كتبها عذبة الحب مشاهدة المشاركة
الجزء يجننننننننننننننننننننننننننننن وروعة
ويللا شدي حيلك ونزلي البارت اللي بعده ترى اتحمست



يسلمووووو على مرورك ياحلوووة

استني كم يوم وانزل لك العدد الي

تبيه من الاجزاء


الرد باقتباس
إضافة رد

عمق القلوب / كاملة

أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6838 08-08-2019 05:51 AM
قلوب تجرح و هي نفسها مجروحة / الكاتبة : أروع القلوب ، كاملة عندما تبكي الدمعه روايات كامله - يتم نقل الرواية هنا بعد اكتمالها 72 02-02-2013 12:45 PM
سلسلة اعمال القلوب للشيخ محمد صالح المنجد غـيد الأماليد مواضيع إسلامية - فقه - عقيدة 10 29-12-2008 08:21 PM
أبجديات ! صوتك يناديني ! مواضيع عامة - غرام 6 22-05-2008 12:23 PM
الحب في كل الحروف.....لا تتردد.... ...ديسم... خواطر - نثر - عذب الكلام 2 21-08-2006 02:06 AM

الساعة الآن +3: 08:57 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1