غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 03-07-2007, 10:16 PM
صورة تربيتك يابوووي الرمزية
تربيتك يابوووي تربيتك يابوووي غير متصل
©؛°¨غرامي متألق ¨°؛©
 
قصيميات في لبنان


حصه وهيله ومنيره .. ثلاثي بنوووتي في بيت واحد.,, هذولي خوات ساكنين ببيت ابوهم بعد ماتوفى ومالهم في الدنيا غير هالبيت وراتب ابوهم التقاعدي..,, ومقطوعين من شجره!!
حصه: الاخت الكبيره..يلقبونها وزارة الداخليه..موظفه في احد البنوك..راتبه على قد وظيفته..عمرها في حدود الاربعين..تعتبر اعقلهم..سنعه..شخصيته قويه..
هيله: الاخت الوسطى
( الوسطى ولا الشرقيه؟!) << بدا التميلح خخخخ .. متخرجه من معهد كمبيوتر وجالسه في البيت..تلقب بأم لسانين.. عربجيه بقوووه..تكره التنانير وتمووت على سراويل السنه وفنايل العلاقي..عادي تستهبل مع جيرانهم وتنسم كفرات سيارتهم..كانت تلبس مريوله وتلبس تحته ترنق ابو خطين على جنب غير الزبيريه(وانتم بكرامه)..تموووت على شي اسمه مقالب..ماتصدق تلقى خنفسان او صوارير تاخذهم وتحطهم بدرج اخته.. باختصار كانت ولد الا حبتين!!
منيره: الاخت الصغرى ..(اجل وين العظمى صاروا درجات حراره!!) << خلصينا وهاتي السالفه!!..تدرس في الثانوي..شايفه عمره على خواته لانه الصغيره..تلقب نفسه بـ : ميمي << يااااي!!
منيره وحصه وهيله..جالسين بالصاله عند التليفزيون..يشربون شاهي مع كراث وفصفص والجلسه عسسسل.. وسوالييييف على كيف كيفكم..,,
حصه: منااير..وش بتس ياقلبي..؟! وراتس تقل ضايقن صدرتس اليوم؟!
منيره: الحين ورانا حنا كذا..؟!كل زميلاتي يسافرون بالصيف برا وينبسطون واناماعمري تعديت حدود بيتنا .. ودي اسافر مثلهم..لاتحسسسونن بالنقص!! << تستعطف خواته
حصه: وين تبينا نروح طيب؟ ومع مين؟ من بيسنعنا .. ومن وين لنا مصروف يكفي!! انتي تحسبين المسأله سهله!!
هيله: هع هع جيبي مدرس رياضيات يحل لك المسأله!!
منيره: بدل ماتستخفين دمتس دوري لنا حل!! الله يخليكم ودي اسافر!!
حصه..هيله..متى تتطورون؟! الناس وصلوا المريخ وحنا سوريا ماوصلناه!!
حصه: حنا ماعلينا من غيرنا..السفر ماهووب سهل!!
هيله: اذا على الفلوس راتب ابوي مع راتبتس يكفون..واذا على المحرم ماعليتس ارقدي وامني انا عن ألف محرم!! صدزز ليش حارمين انفسنا مادام اننا نقدر.؟!
منيره: ايه خلاص ياحبيلتس خلينا نروح!!
حصه: طيب وين..؟!
هيله: قوه لألمانيا تكفوووون..عشان اتابع كاس العالم!!
منيره: اقووول اووص انتي..انا اقوول قوه للبنان..عشان مانتعب انفسنا انجليزي ولاشي..اخواننا عرب..ومنه نروح نلعب بأشكالنا شووي انا اصير زي إليسا وحصه زي باسكال وانتي مثل نانسي!!
هيله: ووووع مالقيتي الا ذولي من زينهن..انا ازين منهن!
حصه: اقوول اهجدي انتي وياه..فرضا بنروح للبنان..من بيحجز لنا ومن بيستقبلنا ووش عرفنا بالاماكن والسكن ووووو
منيره: خلوا كل شي علي .. انا بسأل زميلاتي ..بس انتم قرروا!!
حصه: والله اني خايفه...خلون افكر!!
منيره: ياحبيلتس الحصي تكفيييييييييييين ودي لو مره بحياتي استانس(وكان لهذه الكلمه وقع شديد في نفس الحصي)..!!
بعد اسبوع..نزلت الحصي على البنات بالصاله.....
حصه ومعها ورقه تقرا منها:
بسم الله الرحمن الرحيم..اما بعد..بعد مناوشات ونقاشات وتكتيكات وتفكيرات متلازمه..قررنا نحن(حصه العلي)..السفر خارج المملكه ولكن بشروط سنسردها كالتالي:
1/ الميزانيه تكون بيدي..وسوق لاتفكروون تروحون,,
2/ مسألة الكشف شيلوها من راسكم,, لو تعضين الارض ماخليتس تطلعين خشتس لأحد,,
3/ السفر لمدة اسبوع فقط,,
4/ الاقتصاد بالاكل والشرب,,
5/ ان هيله تترك عنه اللقافه وطولة اللسان,,
6/ ان كلمتي هي اللي تمشي..واي قرار اتخذه هناك ينفذ بلا نقاش,,
هذا ولو تم تجديد في الشروط السابقه فيلزم الاطراف التقيد بها..والا:
اقعدوا هنا وانثبروا ..,,
هيله ومنيره بصوت واحد: لالالا خلاص اللي تبينه بيصير!!
وبدأت هيله ومنيره والحصي بتجهيز أغراض السفر..
هيله: اقول مناير,,وش رايتس اخذ لبس كشخه..ولا كله ترنقات وقمصان؟!
منيره(بغت تجيه سكته قلبيه)وش قمصانه انتي ووش ترنقاته..تبينهم ينزلوننا من الطياره!!
الله يفشل العدوو خوذي احسن لبس نبي نروح نكشخ هناك حنا مووب اقل من غيرنا..!!
هيله: اندري..انا اقول محد يعرفنا..يعني احس اني باخذ راحتي هناك,,
حصه: وش دعوه عاد انتي مقصره هنا..اقوول تراي شارطه عليكم ولا ترى بهوون!!
هيله: لالاخلاااااص وه بس وانتي حبحرمحد يقولتس شي ..كنت امززح معتس يااخيتي,,
حصه:خلي مزحتس ذا بوقت ثاني..وخلصي ترى بكره الساعه8 لازم نصير بالمطار,,
منيره: اقول هلووو..تكفين عطين الكاميرا حقتس ودي اخذه معي..!!
هيله: اقول طسي بذااك مابقى الا هي..ماعندي غيره من ريحة المرحوم!!
منيره: من زينه الحين..ابيض واسود..لا وبعد متكسره مابقى به سنتيمتر الا ملصق بشطرطون,,
هيله: ماعليتس .. يكفي انه من ابوي,,
حصه: وبعدين انتي وياه..يالله خلصوا واخمدوا بفرشكم بروح اكمل المطبخ..,,
الساعه..2 بالليل..
هيله: يمااااااااه..,,
منيره: بسم الله الرحمن الرحيم..وش بتس وجع هبلتين!!
هيله: ماادري يممااه حلمت حلم يخووف!!
منيره: خير اللهم اجعله خير..وشو؟!
هيله: حلمت ان معنا بالطياره انترتيكر..واني تهاوشت معه وجدعن من الطياره!!
حصه: يوووووووووووووووه وانتم ماتخلون احد ينام براحه!!
منيره: هيله..اغديتس نايمه بس. وه ياشين الشهابه من كثر ماتهوجسين بالطياره تحلمين به خخخخ وهذا اللي يشوف مصارعه قبل ينام!!
هيله: وه بس تووبه,,
(ورجع الهدوووء يعم ارجااء المكان)
الساعه..8 a.m
حصه جايه من المطبخ تنااافخ وبيده مغرفه: وقسم بالله ان ماقمتوا اني لااهون عن السفر..انتم كفوكم تروحون لخرخير وترجعون بنفس اليوم بعد..قووومي انتي وياه يالله!!!
تقوم هلوو وميمي بشين نفس ويتسحبووون للحمام(وانتم بكرامه)..بعد اقل من نص ساعه الكل كان واقف عند باب البيت..
منيره: الحيييييييين بنروح للبنااان وتبيني اروح للمطار بليموزين؟!!! انا منااير اخر عمري اركب ليموزين؟!
هيله: أي والله صادقه مناير..المفروض استاجرنا دينّا2005 عشان تودينا..
منيره: تطنزين انتي ووجهتس..اصلا هذا مستواكم..حدكم بيجو 82.. حصه: اقول رجعوا الشناط خلاص..سفر ومانيب مسافره!!
هيله ومنيره: خلاص خلاص أي والله نسكت,,
ركبوا الليموزين وراحوا للمطار..,,
عند البوابه..
الهندي: هدا كمسين ريال عطي..
حصه:وشو خمسين..لاكثير..نزل شويه الله يعافيك!!
هيله: لا احسن حبي راسه..وخري وخري افتح بوجهه خط سريع واحط به نخل بعد!!
حصه: اقوول طسي ادخلي وخلين اتفاهم معه,,
هيله ومنيره في صالة الانتظار..
منيره: ياااااااي شوفي الاشكال الصح .. وااااو واااو شوفي شنطة هذي اللي قدامنا هذي فندي..
هيله: منهو الافندي؟!
منيره: وش افنديه..اقول اسكتي تكفين لاتحومين تسبدي!!
وهيله ومنيره استلموا الناس ضحك وتطنز.........................
حصه خلصت التذاكر وحملت الشناط وضبطت كل شي..
حصه: يالله خلونا نركب خلاص نادى علينا,,
منيره: شلون نادى؟ ماسمعت اسمي!!
هيله:هههههههههههههههههااااي يارررربي يالمتطوره تبينه يقول يالله يامنير تعالي اركبي..
حصه ميته من الضحك ومناير تمشي قدامهم من الفشيله.....
وعند البوابه وقبل مايركبون..
نادى المنادي: الرجاء من الاخت حصه العلي التوجه الى ادارة المطار للضروره وشكرا..
حصه: يمااااه وش السالفه؟!
هيله: اقول اعترفي وش انتي مسويه؟!
منيره: ياررربيه فشلتوووني...روحوا لاتاقفون جنبي مااعرفكم..,,
هيله: انطمي اويلاااااه حنا وين وانتي وين!!
حصه: الله يستر..,,
مدير الامن: من فيكم حصه؟
هيله: اختار انت وش رايك من اللي تصلح تصير حصه؟!
المدير: تستهبلين انتي؟! ولا مانتب صاحيه؟!
هيله: الا اصحى من امك بعد!!
حصه وبعد قبصه محترمه لهيله: لا انا حصه..سم اخووي وش السالفه؟!
المدير: ممكن اعرف ميولك السياسيه؟!
حصه بعد ان طاحت خشته من هول الصدمه: وشو؟؟ وشلون يعني؟!
هيله: يعني وش تشجعين؟! هلاليه ياحضرة الزاابط
المدير: ترى لو مااسكتي انتي..عيونك ماراح تشوف النور..!!
هيله: صدزز؟ ههههههه احسب مير عندك سالفه..
منيره تسحب هيله برا الغرفه بأمر من حصه....
حصه: والله اخوي مدري وش تقول..ومافهمت قصدك!!
المدير: ممكن تفمينن عن سبب وجود سكاكين بمختلف الاحجام حاطتها بشنطتك؟!
حصه: هاااو .. وش فيها يعني..انا خفت ناخذ شقه مابه مواعين..قلت اخذ احتياطاتي من هنا
المدير: شايفتن بالروضه تلعبين علي؟! اعترفي وش وراك؟!
حصه: والله العظيم هذا السبب حتى شف الاغراض ماخليت شي بالمطبخ ماجبته!!
وبعد تمطيع حلوووف وايماااان..
المدير: شوفي سكاكينك بتتصادر..وبتوقعين على تعهد..والله يساعدكم ولاتعودين له مره ثانيه!!
حصه: سم وابشر..
..حصه وهيله ومنيره..ركبوا الطياره,,
المضيفه: مرحبااا اهلين وسهلين..شرفتووا..ممكن تعطيني تزكرتك بليز؟! ايه اختي هوون الكرسي تبعك..تفضلي..
حصه ومنيره صاروا جنب بعض..اما هيله طلع مكانها جنب رجال..
هيله: وش تبين انتي!!! وربي مااقعد هنا لو اتعلق بالجناح!!
الرجال: هههههههههههههههههههههههههههههه هههههههههههههههه
هيله: وش تضحك عليه انت ووجهك استح على دمك وجع!!
الرجال: انا اسف!!
هيله: اقول اووص بس! << اسلوووووب خخخخ
المضيفه: ماعليه اختي هيدا هو محلك..مو بإيدي انت اجلسي هوون وبعد ماياخدوا الركاب اماكنهوون فيكي تغيريه!!
هيله: اقوول لو يجي ابوي اللي بقبره يقول اقعدي ماقعدت..ماعلي دبري عمرتس!
الرجال: هههههههههههههههههههههههههههههه هههههههههههههههههههه هههههههه
يتبع
اذا نالت القصه استحسانكم ووجدت الردوود السنعه بكمل

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 04-07-2007, 03:33 AM
صورة عشق العيون الرمزية
عشق العيون عشق العيون غير متصل
©؛°¨غرامي مشارك¨°؛©
 
الافتراضي رد : قصيميات في لبنان تمووت ضحك ادخلو وماراح تندمووون


هههههههههههههههههههههههههههههههههههه

مشكووووووووووووورة خيتو على القصة بليز كمليها ونااااااااااسة هالقصة

انتظرك تحياتي لك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 04-07-2007, 04:35 AM
صورة جداويه كوول الرمزية
جداويه كوول جداويه كوول غير متصل
©؛°¨غرامي جديد¨°؛©
 
الافتراضي رد : قصيميات في لبنان تمووت ضحك ادخلو وماراح تندمووون


hhhhhhhhhhhhhhhhhhhhhhhhhh

يسلموووووو على هذا الموضوع ....

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 04-07-2007, 03:44 PM
صورة angell00k الرمزية
angell00k angell00k غير متصل
©؛°¨غرامي فعال ¨°؛©
 
الافتراضي رد : قصيميات في لبنان تمووت ضحك ادخلو وماراح تندمووون


ههههههههههههههههههههههههه

روعة القصة زى العسل

وين البقية

كمليها بسرعة

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 04-07-2007, 04:52 PM
طبيب الغرام طبيب الغرام غير متصل
عضو موقوف من الإداره
 
الافتراضي رد : قصيميات في لبنان تمووت ضحك ادخلو وماراح تندمووون


ههههههههههههههههه

جميلة و الله

لا تتأخري علينا

ننتظر البقية

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 04-07-2007, 04:56 PM
صورة الأسد العجوز الرمزية
الأسد العجوز الأسد العجوز غير متصل
زعيم المنتدى
 
الافتراضي رد : قصيميات في لبنان تمووت ضحك ادخلو وماراح تندمووون


ههههههههههههههههه

ههههههههههههه

إسلوب رائع بجد

و الله فطست ضحك

أحلى شيء المدير بيقولها تستهبلين و لا مانتب صاحية ؟؟

تقولة لا أصحى من أمك بعد

ههههههههههه

ننتظر البقية بفارغ الصبر

يعطيكي العافية

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 05-07-2007, 03:03 PM
جرح الورد جرح الورد غير متصل
©؛°¨غرامي جديد¨°؛©
 
الافتراضي رد : قصيميات في لبنان تمووت ضحك ادخلو وماراح تندمووون


هههههههههههههههه

الا كمليها وبسرررعة بعد

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 05-07-2007, 09:00 PM
صورة ღ Śɦмσσ5῀ ₮ḩάτч ღ الرمزية
ღ Śɦмσσ5῀ ₮ḩάτч ღ ღ Śɦмσσ5῀ ₮ḩάτч ღ غير متصل
©؛°¨غرامي مشارك¨°؛©
 
الافتراضي رد : قصيميات في لبنان تمووت ضحك ادخلو وماراح تندمووون


القصه رائعه وبليز كمليها بسرعـــه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 05-07-2007, 09:42 PM
صورة شهد الحلا الرمزية
شهد الحلا شهد الحلا غير متصل
©؛°¨غرامي مشارك¨°؛©
 
الافتراضي رد : قصيميات في لبنان تمووت ضحك ادخلو وماراح تندمووون


هههههههه حلوة ماخذه كل المطبخ
كمليها بسرعه تكفيييييييين

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 06-07-2007, 12:00 AM
صورة امورة المغرب الرمزية
امورة المغرب امورة المغرب غير متصل
©؛°¨غرامي مشارك¨°؛©
 
الافتراضي رد : قصيميات في لبنان تمووت ضحك ادخلو وماراح تندمووون


و الله القصة تموت ضحك يا ريت تكمليها بسرعة
قال ايش رايحين لبنان ههههههههههههههههههه و الله مجانين

الرد باقتباس
إضافة رد

قصيميات في لبنان

أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
سلة لبنان خليّة نحل تبحث عن مجد جديد عأشقة رومأنسية رياضة متنوعة - سباحة - كرة تنس - كرة سله - مصارعة 9 25-01-2011 08:31 PM
هذا لبنان ستعشقوه ابو شروووق سياحة ـ سفر 51 22-09-2010 05:41 PM
قصيميات رايحات لبنان مصرقعات لا يفوتكم الهبال قلم ساحره ارشيف غرام 7 04-10-2009 04:34 PM
حظوظ لبنان عالية لنيل بطاقة دعوة لتركيا ألـدمع حـبـر ألعيــون رياضة متنوعة - سباحة - كرة تنس - كرة سله - مصارعة 7 05-09-2009 02:47 AM
لبنان يا البنان كليب شاهر شعر - قصائد - قصايد - همس القوافي 4 12-12-2006 08:48 PM

الساعة الآن +3: 12:18 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1