بدر عليان ©؛°¨غرامي جديد¨°؛©

بــــــــــــــــــــــــــــــــــسم اللـه الرحمــــــــــــــــــــــــــن الرحيــــــــــــــــــــــــــــــــــم

مدري ليش كل ما تطري علي المرأة ما يجي في بالي أنها إنسان زينا..
أحسها مخلوق غريب..
بس طبعا ما اقصد مخلوق غريب زي ذااك اللي يطلع في افلام كرتون..
وله عين وحده فوق خشمة..
وعصاوين فوق راسه يطلع منها شرار..
وجبهته تكبس ويطلع منها نووور..


اللي اقصده ان ما عندها احساس وتحس مو انسان..
او زي ما قالو البدوو (ما عندها مر)..
مر = مرارة..


انا بدش في الموضوع..
انا بصراااحة ما اعرف الجنس ذاا زين..
بس اشوفهم في المسلسلات..
وأكيد اللي في المسلسات والأفلام يجسد الواقع..

ذا المخلوق اللي اسمو (المرأة)..
نفسي اعرف بس ليش ضعيف ويربط مصيره مع الرجل..
ليش ما يكون له شخصية لوحده..
ليه في كل تصرفاته يطلب العطف منا..
ليش ما يجي اليوم اللي فيه توازن ونشوف المرأة فعلا شريك في الحياة..
مو جزء من أملاك الرجل زيها زي البيت والسيارة والبيجر والجوال واللاب توب وغيرها من ممتلكات الرجل..

ليش ترضى على نفسها الهوان..
حتى لما تطلب المساعدة للخروج من هوانها تطلب مساعدة رجل أخر يزيدها هوانا فوق هوانها اللي عايشه فيه..

نفسي أفهم شي واااحد ليش مصير المرأة مرتبط بالرجل..
يعني لما تعيش عيشة هنيئة يكون بسبب طيبة الرجل اللي هي تحت مضلته.. ولما تعيش في ذل يكون بسبب قسوة رجل..

ليش ما تحط راسها في راس الرجل وتقول انا زيي زيك..
انا بنت تسعة وانت ولد تسعة..
ليش ما تشارك الرجل في الحياة..
ليش دائما جزء من حياته

ليش دائما الرجل من يحدد طريقة عيشها..
ويرسم لها خط سيرها في الحياة..
اللي قاهرني انها تنفذ اللي نبي ولا تقول شي..
لا وتشوفها مستانسة ومبسوطة..
مو علشان خط السير مناسب لها ويعجبها..
لا مبسوطة لأن الرجل راضي بتنفيذهااا..

ابي اتعمق في الموضوع شوي من بداية ولادتها..

اول ما تولد البنت يتضايق ابوها وده بولد..
الأم تبادل الأب ضيقة الصدر مو علشانها ودها بولد..
لا ضاق صدرها لأن زوجها ضايق صدرة..

الأم ليش ما تبادل زوجها نفس المشاعر ولما يجيها ولد يضيق صدرهااا..
ليش البنت بنت البطة السوداء والولد ولد البطة البيضاء..

يا ناس مو شي يقهر..

ولما تكبر البنت..
يبهذلوهاااا اهلها علشان أخوانها..
اسمعي كلام أخوك..
طيعي أخوك..
سوي الشاهي لأخوك..
اغسلي ملابسه.. أكويها..
ليش البنت ما تقول انا مخلوق زيي زيه..
يخدم نفسه وانا اخدم نفسي..

ولما تكون في سن الزواج..
تكون ملهوفة عليه ونفسها تتزوج اليوم قبل بكرة..
بعكس الولد اللي يطردونه أهله ويرفض الزواج ويقول لسا بدري بكون نفسي..

ليش البنت ما ترفض زيه وتقول لسا ما كونت نفسي..
وتكمل دراستها وتتوظف وبعدين تتزوج..
علشان تضمن انه ما يذلها وتربط مصيرها معه علشان شوية مصروووف..


ودي افهم بس البنت ليش ضعيفة يا ناس..
وش فيها لو تحاول ترد الطراق لزوجها إذا ضربها..
نفسي في محاولة..
الجيل الحالي يحاول واللي بعده ينفذ..
ويصير فيه توازن..

طيب ما ابيها تضرب زوجها..
ابيها بس لما يجي زوجها ويقول بتزوج عليك وارجع شبابي..
ترد عليه وتقول حتى انا برجع شبابي طلقني وبتزوج واحد اصغر منك.. ليش بس تصيح وتبهذل الجيران بصياحها..


بقول لكم شي..
قيادة المرأة للسيارة حرام؟ مستحيل حراااام..
اتحدى أي شيخ يطلع ويقول حراااام..
ليش المرأة ما تتأخذ القرار وتشغل السيارة وتسوق..
ليش بس ما تحاول..
ليش تنظر قرار من رجل علشان حق من حقوقهاااا...
ليش بس...


بالله عليكم يا معشر التماسيح (الرجال)..
مو كل شي يرتبط في المرأة لنا دخل فيه..
سعادتها بسببنا وتعاستها لنا دخل فيه..
ليش ما تصنع سعادتها وتعاستها بنفسهاااا...

بالله عليكم مو انا صادق لما قلت ان المرأة مخلوق غريب..

نفسي يجي اليوم واشوف المرأة حرة


دعوة للنقاش والهوااااش....


عيون مها ©؛°¨غرامي جديد¨°؛©

تسلم اخوي ع الموضوع الرائع
بس ما عتقد انه كل الحريم يلعبون الدورالمراه المسكينه
خلاص الزمن تغير والحرمه قامت اخذت حقها
يمكن في بعض المجتمعات يعانون بس العقيده الاسلاميه اخذت حق المراه من زمان
و مره ثانيه ثانكس ع الموضوع

بدر عليان ©؛°¨غرامي جديد¨°؛©

عيون المـــها

مرورك الطيف

زاد من روعـــه الموضوع

واعتقد أن المـرأه لا زالت تعاني

شكرا ع مرورك وتعقيبك


لك ارق تحيــه


!! مدى !! ©؛°¨غرامي مشارك¨°؛©

بدر العليان .. حياك الله وبياك .. موضوعك تطرقت له من قبل وهناك الكثير غيري كتب في نفس الموضوع

لكنك هنا " تجرح وتداوي على قولتهم "

انا كإمرأه ارفض ان اكون ضعيفه امام الرجل .. لكني بالتأكيد لن أخرج عن سيطرته واتمرد على ولايته .. لأن الله أعطاه الحق في ذلك .. فهل اقف امام أمر الله.



اتفق معك ولا اتفق .. وسأحاول التفصيل قدر المستطاع

المرأه ليست مخلوق عجيب ولا غريب .. بل هي اساس الحياة التي تتقاسمها هي والرجل .. وان قلت للرجل مارأيك في الحياة دون نساء .. سيقول لامعنى لها .. وهذا الجواب مطلق وليس محدود وأكيد انت فاهم قصدي

كما ان المرأه لايمكن بحال من الأحوال ان تعيش بلا رجل .. ليس لأنها ضعيفه وبحاجه للعيش في ضله .. بل لأنه ملح الحياة بالنسبة لها وشريك لها في حياتها .. وركز على كلمة شريك .. فالشراكة تعني المساواه في الحقوق والواجبات .. وليس معناها ان تناطح الرجل وتقوم بكل أدوراه .. لأنها ان فعلت فقدت سحر انوثتها وتميزها عن الرجل..


هناك قوانين يا اخي ومسئلة اني اتمرد عليها وافعلها رغماً عن كل شئ فهذا جنون .. كأن اقود السيارة في الشارع


المرأة لاتريد المساواة والتخلص من قيود الرجل .. بل بالعكس هي في حاجة الرجل .. الا ان ماتحتاجه من ذلك الرجل الإعتراف بها كإنسانه .. لها قلب ومشاعر واحاسيس ولاترضى الذل والمهانه

فإن فعل واحترمها لذاتها وقدر ما تقوم به من أجله .. فستجعله يعيش ملكاً على عرش حياتها

..

اما ان كانت الحرية المطلقة في نظرك تحفض كرامة المرأة وكبرياءها .. فاتمنى هنا ان تذهب أخي الى بلاد أوربا وتلتقي مع نسائها المتحررات من كل شئ .. أو تراسل إحداهن.. ولك ان تسئلهن هل هن سعيدات وراضيات بحياتهن

وان وجدت اجابه .. فأرجوا ان تزودنا بها .. علها تنفعنا


..


هذا مالدي الآن وربما يكون لي عوده


..


شاكره لك طرح الموضوع وإحساسك النبيل تجاه حواء


..

HAJAR مستشــ¸.·* غرام *·.¸ـــاري

::

((بدر عليان))

طرح أكثر من رائع لكني أعتذر منك ..
لأن ( قضاياه) تعتبر مكررة ..ولهذا سأنقله للأرشيف


https://www.graaam.com/vb/68900.html

https://www.graaam.com/vb/69882.html


لا تحرمنا جديدك ^^

أدوات الموضوع
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1