عرض نتائج التصويت: ياريت تقولون لي رايكم بالقصة لانها مولودي الاول وودي اسمع رايكم فيها ؟؟؟
ممتازه وتابعي هل التألق والروعة
83.33%
5
زينه وجيده فعلا تستحق التعب اللي تعبتيه
16.67%
1
لابأس فيها
0%
0
زوينه بس في احلى منها
0%
0
سيئه ماتستحق النشر
0%
0
ToFa-MaNtoOoFa ©؛°¨غرامي جديد¨°؛©

لي حد الحين ما بينت عدل قصتج


متابعينج يالغلا




دمتم *_^


توووفه

barazliya ©؛°¨غرامي مشارك¨°؛©

الجزء الرابع هني منار قررت تطلع حق مشعل


قلت : زين خلاص خلاص الحين بروح
ولبست عبايتي وطلعت ولا مشعل بسيارته الجاغور بره ناطرني
يت صوب السياره
مشعل: منار ركبي يالله قبل لا احد اشوفنا
قلت وانا خايفه : ما راح اركب انت ينيت عطني الهديه خل اروح ابسرعه مشعل
مشعل : منار عفيه ركبي حبيبتي في احد قاعد اطالعنا اذا ماركبتي راح اشكون فيج
مادري اصار اللي من كثر ما خفت ومن غير تردد بطلت السياره وركبت ومشعل اول ما صكرت الباب السياره داس اقوه ما عنده قلت: مشعل وين بتوديني ليش حركة السياره
مشعل : انتي اشفيج ما تفهميتن في احد قاعد اطالعنا من البعيد وانتي لابسه عبايه يعني اذا ركبتي وحركة محد راح اشوفنا بس اذا رجعتي الصاله راح اعرفونج لانج راح اتلفين ويهج عليهم
رديت : واي اشوه اني ركبت انزين الحين ردني الفندق
مشعل : لحظه ليش مستعيله بردج بس نطري
وسفط مشعل ابراحه يم الفندف ولتفت علي وقالي : ادري انج خايفه بس ابي اشوفج من زمان مو شايفج منوره مشتاقلج احبج
وخذ ايدي وباسها وانا سحبت ايدي ابسرعه
قلت له : مشعل انا خايفه ابسرعه واللي اعافيك عطني الهديه وخلني اروح
مشعل : انشالله يا عمري بس منار ممكن اطلب منج طلب
رديت عليه : آمرني يا عمري
مشعل : فديت عمرج انا فسخي العبايه ابي اشوف نفنوفج
قلت : لا مشعل
مشعل : اوكي خلاص كيفج انا بس كنت ابي اشوف نفنوفج صايره حلوه بس العبايه خاشه ........ خلاص كيفج
قلت له : حبيبي تضايقت
رد علي مشعل باسلوب امر مره اسمعه : لا مو مضايق والحين راح اقطج الفندق
ومن غير ما حس ابعمري فصخت العبايه وطبعا بينت افخوضي كلها و نص صدري طالع
مشعل : واي شهل الجمال والله انا محظوظ ابيه حبيبي ماني مصدق الحين بعطيج هديتج
وطلعلي صندوق فضي و بطله ولا قلب عليه اسمي بقلب الحب ومن ورا القلب حرفه
مشعل : عطيني ظهرج خل البسج القلب
وعطيته ظهري ولبسني
رديت عليه : اينن مشعل القلب اينن وايد حلو مشكور عمري
مشعل : يالله لبسي عبايتج وروحي قبل لا احد احس فيج
وطلعت من السياره ورحت الفندق ودشيت
نوف: هاااا ما طولتو انا عبالي امطولين يالله خلاص مشي خل اندش
قلت لها : في احد سأل عني
نوف : ولا احد محد حس فيكم المهم منوره لما ادشون الريايل قوليلي منو اهم اعيال عم المعرس خل اضبطلي واحد
رديت عليها:والله فاضيه اقول امشي خل انروح انشوف شموس شمسويه
في غرقة التجهيز ........
شموس : الله يابج منار والله اني وايد خايفه احس اني راح اطيح غشيانه اذا قمت مشيت
قلت لها : لا تخافين انا راح القفج انا بكون وراج ههههههه
نوف : مبروك عروستنا يه يه شهل جمال انتي احلى من مناروه ليش اتخافين افا عليج انتي بهل الجمال ماراح ينخاف عليج
شموس : الله ابارك فيج حبيبتي هذا من ذوقج
قلت: لا والله انا احلى منج لا تصرين ثقه رفيجتي قاعده اجاملج
علشان ما تخافين صح نوف ؟؟
نوف: والله انتي ليش مغروره وبعدين انا ما عرف اجامل حبيبتي اختج احلى منج
شموس : ااااااااااااه ياليت امي كانت معاي يمكن راح اتهديني اشوي
قلت: شموس حبيبتي لا ضيقين خلقج الحين وضحكي واستانسي
وبعدين دشت عمتي لولوه يالله شموسه الحين راح تدخلين
ودشت اختي الصاله وانا وراها شايله ذيل النفنوف وحسها ترجف وماما فاطمه ميته من البجي ماتقدر تسكت وعمتي اتكت ورد على اختي وانا بعد دمعت عيني لما شفت اختي تقعد على الكوشه






بعد العرس باسبوع
وبعد العرس بجم يوم سافروا ابوي مع اختي وريلها علاج وشهر عسل مره واحد وتغيرت الخطه وسافرت امي فاطمه معاهم لان تبي اتخلي العرسان على راحتهم وما ضليقهم
وانا تميت مع عمتي وولدها مصعب
و قضيت ايام وايام ضايق خلقي البيت ما في احد وعمتي ما تسولف كلش بس اقولي تبين تاكلين تبين اتنامين ؟ تغديتي تعشيتي
حتى ما تكلف عمرها اتغده معاي المهم بس بالليل وناسه اسهر مع مشعل واكلمه من تلفون البيت لي الصبح و كل اليوم اتيلي نوف العصر نشبك ونتكلم بالايملات مع الصبيان
و ما تمانع عمتي اتقطني بيت نوف وهناك اشوف حبيبي مشعل وتميت جذي لما يه موعد الصيفي
وبالثانويه طبعا تبتدي المصخره لانه وايد بنات مو مدرستنا وما نعرفهم وايد بنات اشكالهم غريبه ونوف طبعنا تعرفت على بنات يدد وقامت اتقضي وقتها معاهم اكثر مني
وفي يوم من الايام بالثانويه .............
كنت قاعده ابروحي نادتني ابنيه من ابعيد والصوت مو غريب
ولما يت يمي عرفتها
دانه : اشلونج منار شخبارج؟؟
قلت لها : هلا والله دانه انتي اشلونج شخبارج
دانه : انا بخير والله ليش قلعده ابروحج ونوف توأم روحج
قلت : هههههههههههههه نوف بس خلاص رافجت ناس ونستني حتى ما عرفتني عليهم
دانه : عيل خلاص قومي قعدي معاي انا وشلتي
وانا اهني استغليت الفرصه علشان اقهر نوف لانه ماتحبها اهي وشلتها
رديت : أي لحظه خل اشيل اغراضي و اروح معاج
ورحت معاها وقعدة بالطاوله مع شلتها
دانه : ارفكم على منار رفيجتي
منار اعرفج على وعذاري ونور وضحه
وكانو شلتها من فئة البويات كانو اشكالهم كلهم اصبيان شعرهم طريقة كلامهم
دانه : منار وفي ثلاث مو ياين مها و شيوخه وقماشه
وبعد اشوي يت وحده عصله وحاطه كحل و مسويه شعرها باف وفالته جنها رايحه عرس ونفنوفها كان وايد ضيج وقصير
دانه : وهذي قماشه
قماشه : هلا والله مو هذي دانه
دانه : اعرفج على رفيجتنا اليديه منار
قماشه : هلا اشلونج منار
منار: تمام انتي اشلونج
قماشه: تمام
دانه : قموش وين مها وشيوخ ؟؟
قماشه: داخل الكفتريا قاعدين يشترون
نور : دانوه انا بروح لهم الحين تبون شي
وضحى: بو جسوم انا انا ابي اشتريلي صمون ومع بطاط وفانتا
وكانت نور قصيره ومتروسه وشعراها بوي ورافعته اشوي وسمون نور بوجسوم
امااا وضحى تقريبا نفس شعر نور بس طويله وسمونها بو حسون
وعذاري اللي صج اللي اشوفها اقول انها اصبي كانت يثله وما كان عندها شعر شعرها بوي وخفيف وايد وكانت طويله بو عبود
وبعد اشوي يو بنتين
دانه : الحين التم الشمل اعرفكم على منار رفيجتنا اليديد
مها سمره ومتروسه ومسويه شعرها عجايف اصغار
اما شيخه فكانت نفس استايل قموش بس قموش اضعف منها وكانت بيضه وبشرتها صافيه وتحط ابشعرها شباصه ورده اكبيره وايد
قماشه: شيخوه الله يا خذج طلبتيلي
شيخه : جب يا حماره ما قلتيلي
وضحه : قموش صج ما قلتيلها انا توني مساع سامعتكم ما سمعتج قلتي لها
قماشه : أي يمكن مها الحين بتروحين معانه الحفله ولا لا
مها : احني حني بعد بعد اكثر قتلج مادري اشوف امي
عذاري : بس ترا فشلتونا جدام البنيه اشبتقول عنا واهي توها قاعد معانه
قلت : لا عادي اشدعوه ابصراحه دشيتوا قلبي والله اتونسون
دانه : انا ادري انه نوف امحذرتج منا وقايلتلج ماتقعدين معانا
رديت : أي اشدراج
نور : الله اهداج هذا طبع نوف اتكلم عن البنات
دانه : المهم الحين اذا تبين كل اليوم اتين وتقعدين معانه ترا ما عندنا مانع
قلت لهم : أي والله مشكوين مادري نوف ليش قالت عنكم هل الكلام وانتو العكس
وما حسينا الوقت وطق الجرس وصج قضيت وقت ممتع معاهم
وقمت كل اليوم اقضي وقتي معاهم امااا نوف خلاص نستني وقعدت اتماشي بنات يدد وفي يوم قالتلي دانه انه نوف مالها صاحب وصج اللي قالته فقررت اني اكلم مشعل وقوله عن نوف
الوووووووووو............
مشعل : هلا منار
استغربت من رده اول مره ارد علي بهل طريقه
قلت له: تمام وانت اشتقتلك حياتي
مشعل: انا بعد ...............................
قلت: اشفيك مشعل ليش نبرة صوتك تغيرت معاي احسك مو على بعضك فيك شي ؟؟؟
مشعل : منار انتي مع منو تقعدين الحين ؟؟؟
رديت عليه : اتصدق هذا الموضوع اللي يايه اتكلمك علشانه لانه نوف
قاطعني مشعل وقال بنبرت عصبيه : سمعيني انا الحين مو مهتم بنوفوه انا مهتم فيج انتي قاعده اتماشين ازباله وخمه وراح ااثرون على سمعتج فاهمه مايهمني اذا بنت خالتي ما قامت تقعد معاج انا ابيج تقعدين مع ناس محترمه مو مثل هل خمه اللي مسمين نفسهم بويات فاهمه
انا ما ستحملت الكلام اللي قاله لي لانه اول مره اسوي جذي معاي وقمت ابجي
وقتله: في اسلوب احلى من اسلوبك هذا انا ماني نا قصه وقول حق بنت خالتك ما تحط الساني بالسانها لانها اللي خلتني اقعد مع هل بنات اهم صح اشكالهم غلط بس احسن من نوف
مشعل: بس حبيبتي ما استحمل اشوفج تبجين عمري انتي بس خلاص خل اتولي نوف لاتكلمينها بس لا تقعدين مع هل الشله عفيه علشاني عمري انتي انا اسف حياتي
رديت عليه: انشالله حبيبي اللي تبيه راح اصير



انتهاء فصل الصيفي
و نفس ما قلت حق مشعل رحت حق دانه وقتلها اني ما اقدر اقعد معاهم وقالتلي انه هذا مو اختياري ومتى ما حبيتي اقعد معاهم اقعد
ماعندهم مانع
ومرت ايام واسابيع ما شفت فيها مشعل لانه انا ونوف ما نكلم بعض فما اقدر اشوف مشعل في بيت نوف
وفي يوم كان امتحانات قربت دقيت على مشعل لاني صج مشتافه اشوفه صارلي ثلاث اسابع مو شايفته
دقيت عليه
الوووووووووو.......
مشعل: هلا وغلا بهل الصوت احبه احبه
رديت عليه: هلا عمري حبيبي مشتاقه مشتاقتلك حبيب قلبي من زمان ما شفتك من العرس
مشعل : منار انا بسألج سؤال وجاوبيني ابصراحه ؟؟؟؟
رديت عليه: قول حبيبي ؟؟؟؟؟؟؟
مشعل : منار انتي اتحبيني ؟؟؟ مستعده اضحين على شاني ؟؟؟؟
رديت عليه: حبيبي اشفيك اكيد احبك لا بعد اموووت فيك ومستعده اضحي بدنيا كلها علشانك
مشعل : منار سمعي اشراح اقولج قولي حق خالتج انج بتروحين بيت نوف مع السايق وانا بنطرج عند البيت لا دشين وركبي معاي انا مضبط نوفوه حتى لو خالتج ادق عليها وقوليلها انج راح اتقطج نوف البيت وانا اقطج ابيج ضوروي هل المره فيها تحديد مصيري ومصيرج ولا تخافين سامعه
رديت عليه: ماني فاهمه شنو مشعل صاير شي
مشعل : أي ولا لا ابسرعه اقولج مصيري ومصيرج بالسالفه يعني اكيد مهمه واذا ما شفتج ماراح اليوم يمكن ما راح اكلمج طووول عمري
انا مو مصدقه مشعل اشقاعد اقولي معقوله
مشعل : منار أي ولا لا حياتي وحياتج ابيدج الحين
رديت عليه: انزين انزين
مشعل : يالله روحي الحين قولي حق خالتج وانا بعدين ادق عليج



السياره
وفي السياره مع السايق احس اني خايفه ومادري شنو راح اصير معقوله مشعل راح افكر اهدني
ولما وصلت بيت نوف قلت حق السايق اروح وخليني و لتفت ولا مشعل بسيارته قرب صوبي
مشعل: منار يالله ركبي قبل لا احد اشوفنا
وركبت السياره معاه
قلت له: مشعل وين راح اتوديني قولي عفيه وشنو تقصد ابحياتي وحياتج مشعل انا خايفه
مشعل: حبيبتي بسفط على البحر الحين وبكلمج اموضوع مهم
لا تخافين انزين
ولما سفط مشعل على البحر لتفت صوبي
مشعل: حياتي انا وياج امشكله ابوي مخطط على انه ازوجني من بنت رئيسه بالشغل وانا ما اقدر اقوله لا راح اقاطعني ومراح اسامحني
رديت عليه: شنو يعني راح تهدني
قاطعني مشعل ومسك ايدي : لا حبيبتي ما اقدر انا ما اقدر على افراقج لا حياتي انا بقولج عندي حل بس اخاف ماترضين انا امس فكرت فيه وقررت انفذه اليوم
قلت له : شنو مشعل شنو الحل
مشعل : نتزوج منار
انصدمت و قلت له: نتزوج
مشعل : أي نتزوج عرفي اورقه بيني وبينج وصدقيني بس اورقه وراح اخلي اثنين من ربعي اللي انا واثق فيهم اكونون الشاهدين على زواجنا منار هذي الطريقه الوحيده اللي راح تنقذنا صج بيزعل ابوي بس راح احطه جدام الامر الواقع وهذا راح اكون سبب برفضي لاني راح اقوله اني تزوجتج قبل لا اقولي بهل الموضوع منار هذي الوسيله الوحيده اللي راح تنقذنا
واذا رفضتي راح نفترق لاني ما اقدر ازعل ابوي لانه مريض واخاف عليه لايصير في شي
قلت له: مشعل مادري عطني فرصه افكر
مشعل: حياتي ما في فرصه الحين لازم اتقولين أي ولا لا
لانه مابي اتاخر ازياده اليوم انا امكلم صاحبي لانه بسافر باجر وبصراحه ما اقدر اتزوج من غير شهود وناس انا واثق فيهم ما عندي غير هل الاثنين اشقلتي انتي اتحبيني منار ولا لا قوليلي ابسرعه
رديت عليه: أي مشعل احبك
مشعل: عيل من شنو خايفه ما راح اضرج يا بنت الحلا حتى ما راح المسج اذا انتي خايفه قتلج بس اورقه علشان اوريها حق ابوي اشقلتي اردج بيت نوف ولا اوديج عند ربعي علشان نتزوج بس اذا رحتي بيت نوف مادري اشلون راح اقولج بس منار صج انسي مشعل
قلت له : مشعل انت شقاعد اتقول مو معقوله ماني مصدقه شلون انساك
وبدون لا ادري انزلت الدموع جنها شلالات من كثرهم
مشعل هني حط ايده على ويهي ومسح ادموعي وقالي : روح عمري احنا محنا خاسرين شي صدقيني خل نروح وبصراحه انا مستانس لاني راح اتزوج احلى ابنيه بالعالم أي العالم بالكون ياعمري يالله مسحي ادموعج وضحكي شنو ماتبين اتصرين زوجة مشعل جراح ولا شنو ؟؟ ولا عافني الخاطر
وببتسامه مني وبتهور قلت له : يالله حرك وروح عند صاحبك
ضحك مشعل ومشى

وفي الطريق ...........
وداني مشعل منطقة الجابريه ووقفنا عند عماره وقالي انزل طبعنا انا خفت من العماره لانه شكلها اخرع وبعدين انا وياه راح اندش وثنين من ربعه
نزلت من السياره اووياي مشعل ماسك ايدي ووداني لي شقه دشيت الشقه وانا قلبي يرقع وبعدين كنت واثقه ابمشعل وايد
ودششني الصاله اللي كانت اتلوع الجب وعباره عن جم قنفه وطاولة طعام محطوط عليها التلفزيون اصغير
مشعل : حبيبتي لا تخافين انا حبيبج ماراح اسويلج شي
قلت له: ادري عمري انا واثقه فيك بس وين ربعك ابسرعه ابي اروح البيت مابي اتاخر ازياده
مشعل بصوت عالي : نصووور ......... خلود وينكم
وطلعوا اثنين من غرفه بالشقه : هلا والله هلا
حيا الله المعرسين
مشعل : خلود عن الملاقه بسرعه يبلي الورقه ونصورر وين الاقلام وزهب السكنر عشان نطبع نسخه حق حياتي زوجتي عمري
قلت له : لا مشعل بعدين انت انسخها بس اهمشي اخلص وروح
ناصر : كااااا هي الورقه
شفت الورقه وكانت مكتوب فيها

بسم الله الرحمن الرحيم

انا _________ اتزوج____________
على سنت الله ورسوله زواجا عرفيا الى ان يتم اجرائات زواج الرسمي خوفا من الوقوع في الحرام واتعهد امام الله بان يكون هذا الزواج زواجا مبني على الدوام والاستمرار
والشاهدين على زواجنا

الشاهد الاول الشاهد الثاني
___________ ______________
التوقيع ________ التوقيع____________

اسم الزوج الكامل _____________________
اسم الزوجه الكامل_____________________

توقيع الزوج
______________
توقيع الزوجه
______________
انا قريت الورقه وستغربت وشكيت من صحة الكلام بس شفت مشعل يكتب اسمه والشهود وقعو وكتبوا اساميهم
ومشعل عقب ما خلصو عطاني الورقه وبتردد كتب اسمي ووقعت
مشعل : مبروك يا عروسه مني المال ومنج العيال ههههههههه
قلت له : مشعل يالله الحين ردني البيت عفيه
مشعل: افا عليج يالله قومي خل نطلع الحين
وفي السياره انا ماتكلمت بس مشعل قاعد اقول انه مستانس وانه بحطني بعيونه وانا قاعده افكر ابشي ثاني انا اسويت ابنفسي اشلون اتزوج من وراه اهلي آآآآآآآآآآآآه يا مشعل احنا اسوينا

العوده
خلص فصل الصيفي ابسرعه بدون لا حس فيه وبنسبه الي موضوع الزواج فكنت كل اسبوع اطلع مع مشعل بسيارته وساعات اروح الشقى وفي يوم من الايام المشومه رحنا الشقه وقعدت معاه وكان يوم عيدميلاده عطيته هديتي كنت شاريته ساعه من ارمني
مشعل : هديتج حلوه بس ناقصها شي واحد
قلت له : شنو ؟؟
قالي : انج تضحكين حبيتي ليش خايفه انا زوجج لا تخايفن اذا خايفه الحين اردج البيت
قالت: واثقه فيك ياعمري
مشعل: واثقه فيني عيل مسكي ايدي وماعليج من اللي صير
حطيت ايدي بيده وبعدين ..............
.................................................. .......
ما اقدر اتكلم على اللي صار بيني وبينه بس اللي اقدر اقوله اني قطعت اللي قاعد يصير وقتله يردني البيت
واذا ماردني ماراح يشوفني طول عمره
وطبعا مشعل زعل
بس البنيه مالها الا شرفها واذا فقدته فقدت كل الشي بالعالم

وفي البيت ::::::::
لما وصلت البيت شفت وايد سيارتين عند بيتنا
ولما دخلت دريت انه ابوي رجع من السفر دشيت الصاله ولا ابوي مع ماما فاطمه واختي وريلها ومعاهم مره شعرها طويل ناعم ولابسه برموده جنز و تي شرت جبنيز وويها مو غريب عني احس اني شايفتها
امي فاطمه: هلا والله تعالي سلمي علي اشتقتلج وشتقت حق شطانتج
ورحت وسلمت على ماما فاطمه وبست راسها ورحت حق ابوي وبست راسه : الحمد الله على سلامتك اشتقتلك يبه وقعدت ابجي على حضنه
ابوي: بس خلاص يابنيتي يالله سلمي على اختج وانا لاحقه علي
قلت : هلا والله شموس اصدقين ماتوقعت اني راح اتشتاقلج
وسلمت على ريلها
وقلت لها : هااا وين صوغاتي انشالله مانسيتي شي والاغراض اللي وصيتج علشانهم
وانتي بعد ماما فاطمه ابي صوغتي
ولتفت على ريل اختي: أي وبما انك من العايله انت بعد لازم اتيبلي صوغه بس خلاص راح اطوفها هل مره
مساعد ريل اختي: افااااااااااا عليج جم منار انا عندي
رديت: شفتي شمسوه موتي حره
شموس : والله مساعد جذي اتسوي فيني
مساعد: وييييي عمي عفيه تعال فاككهم
قلت : أي صح الحين انا سلمت عليكم كلكم الا الضليفه اللي يايت لنا
ورحت صوبها وقلت لها : سوري ما سلمت عليج بس شسوي ماعرفت منو انت ؟؟؟؟
ردت علي : انا امج يا منار
انا ماصدقت اشقاعد اصير
قالت لها : لا صج بلا هل غشمره البايخه منو انتي
ناصريه: انا امج منار حبيبتي
ولمتني وقعدت تبجي وانا بعد قمت ابجي معاها بس بعدين اذكرت اشلون انا اكرهها علي سوتا فينا انا وشموس وقمت و دزيتها وقلت لها وانا ميته من البجي : وخري عني انا ما عندي ام امي ماتت من اسنين سامعه انتي مو امي طلعي بره مابي اشوفج سامعه
ناصريه: حبيبتي بنتي انا ادري اني خليتكم ورحت بس انا ادري انه عندكم ابو يعطيكم حنان اكبر من حناني
قاطعته: بعد اتبرري جريمتج قتلت انا ماعندي ام
ابوي : ناصريه صح انا عطيتهم الحنان بس حنان الام ماله مثيل ماقدرت اعطيهم اياه
قلت : انتي ليش واقفه ماتطلعين انتي طول عمرج متخليه عنا والحين اشتبين يايه انتي تغلطين واحنا ندفع ثمن غلطاتج روحي من وين ماكنتي
شموس: منار بس خلاص مهما كان هذي امج
قلت : الام ماترضا على اعيالها اعيشون مذلولين آآآآآآآه الام اضحي علشان اعياها , انا اكرهج سامعه اكرهج .
بعدين رحت داري ما قدرت استحمل اكثر
واول ما وصلت داري دقيت على مشعل :
الوووووووووووو مشعل
مشعل : هلا بزوجتي وبعمري والله هلا بام عيالي
رديت عليه وانا ابجي: مشعل ............
مشعل : شفيج حياتي ليش تبجين فيج شي في احد من بيتكم في شي ليش ساكته تكلمي ما استحمل اشوفج جذي
قلت له: مشعل امي امي
مشعل : منو امج تقصدين امج فاطمه شفيها فيها شي
قلت له : لا الله لا يقول مافيها شي بس تخيل عقب كل هل السنين اتمنى ان امي ترجع وترد او بس كنت اتمنى اني اشوفها اليوم اترد وجنها مو مسويه شي وتبين اسامحها بعد على اللي سوته فينا آآآآآآآآآآآآآآه يا مشعل مادري شسوي
مشعل : منار حبيبتي اهدي وانا ادري ان صعب عليج تسامحينها بس على الاقل حاولي مو اليوم لا عطي عمرج فرصه اسبوع اسبوعين
قلت : اعطيها فرصه لا لا يامشعل انت ماتدري اهي اسوت فينا الكل ما يحبنا علشانها الكل يعايرنا فيها وبعدين ليش يايه الحين ليش . ليش ما يت لما كنت محتاجتلها ليش يت عقب ما كل وحده فينا صارت كبيرا انزين ليش ما اسألت عنا ليش الحين
مشعل : حبيبي حيات قلبي انتي بس خلاص عن البجي انتي اكيد الحين محتاجه تغيرين جو روحي وقولي حق ابوج بتروحين بيت نوف وانا راح امرج وراح اكيد تستانسين ياعمري انتي الحين ما لازم تقعدين بالبيت سامعتني
رديت عليه : صح انا وايد محتاجتك الحين خلاص بعد ربع ساعه راح اطلع من البيت
مشعل : انا ناطرج يا عمري احبج


طروني مع جزء يديد بس عاد نطرو لان متحانات الكورس الصيفي بدت
بس اذا اصريتو مراح اقصر معاكم :chet: دعولي اتوفق بمتحاناتي

BENT_q8 ©؛°¨غرامي جديد¨°؛©

القصه وايد حلوه واتمنى انج تنزلينها الجزء اليديد بسرعه

هيلاري22 ©؛°¨غرامي مشارك¨°؛©

الله يوفقج وان شاء الله الدرجه الكامله
والقصه حلوه وانتي كاتبه شاطره ما شاءالله عليج
وننتظر التكمله

barazliya ©؛°¨غرامي مشارك¨°؛©

مشكورين حبايبي والله ماتدرون شنو يعنيلي ردكم والله اني كنت محبطه و مو ناويه اكملها بس عشانكم راح اكمل وماراح ابخل ونشالله راح انزل الجزء اليديد من القصه وراح تصير وايد احداث فيها انتظروني

هيلاري22 ©؛°¨غرامي مشارك¨°؛©

ان شاء امتحانج زين ؟
ولازم ترتفع معنويايتج لان انا ادش كل يوم اشوف اذا نزلتي الجزء ولا لا ( واثقه لووول )
ويريت تنزلين القصه ابجر لاني بسافر وودي اشوف شنو بيصير
ومره ثانيه تسلمين على القصه

d.j ©؛°¨غرامي جديد¨°؛©

:2_asmilies-com::0023456:

d.j ©؛°¨غرامي جديد¨°؛©

thanXxXx sweetie, 8e9tek mrh 7elwa

هيلاري22 ©؛°¨غرامي مشارك¨°؛©

بانتظارج با الغاليه

هيلاري22 ©؛°¨غرامي مشارك¨°؛©

بالانتظار
القصه صارت بالصفحه الثانيه فحبيت ارد علشان تكون بالصفحه الاولى

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1