غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 27-02-2008, 10:13 PM
مـ سهله ـو مـ سهله ـو غير متصل
©؛°¨غرامي مشارك¨°؛©
 
الافتراضي رد : رواية : فتاة في عمر الزهور مع الحب المنثور


اوكي عيل بكملها مشكووور على التشجيع :)


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 27-02-2008, 10:16 PM
مـ سهله ـو مـ سهله ـو غير متصل
©؛°¨غرامي مشارك¨°؛©
 
الافتراضي رد : رواية : فتاة في عمر الزهور مع الحب المنثور


في مجلس الحريم حيث القرقه والشاي والقهوه والحش والنميمة وكل الاخلاق الطيبة والفاسدة تجتمع وتكون لها جمعة حريم المعادلة اهي

قرقة وحش + اخلاق بنوعيها الطيبة والفاسدة ___________ مجلس حريم

هههههههههههههههههههههههههههههههههههههههههههههههههه ههههههههههههههههه


سارة : ويييي لطيفة شصار فيج متنتي حيل

مزنة : أي والله صدقتي يا وخيتي

لطيفة : لا تقولون والله مو حاسة بعمري هالايام كله اكل ولاهية مع العيال

مزنة : عندي لج خوش رجيم ما يتعب

لطيفة : قولي لي جزاج الله خير

مزنة : رحت عند دكتور قبل سنتين والله زين يعطيج جدول ومع تمارين رياضيه بالاسبوع تخسرين 5 كيلو

لطيفه : يه والله زين

سارة : والله عاد مزنوه ولا قلتي لي

مزنة : انتي شضعفج مالج ومال المتن وخلج جذي احسن

الجده : انتو شفيكم تسالفون جذي اكلو النعمة حلوه

الكل : ههههههههههههههههههههههههههههههههه

ريم : والله يا خالتي انتي زينة بس عمتي مزنة تقص عليج

مزنة : وجعععععععععععععععععععععععع

سارة : هههههههههههههههههههههه ريم مافي ياهل بالطريج

ريم: لا تكفين اثنين ومينيني أي صج عمتي مزنة وين عبير

مزنة : مسافرة مع زوجها يكمل دراستة

ريم : والله انا اشوف صارلي يمكن شهرين ما شفتها

سارة : وتوج تسألين هههههههههههههههههههههههه

مريم : السلام عليكم

الكل : وعليكم السلام ويبدون يسلمون الحريم0000000000

00000000000000000000000000000000000


عند الرجال

محمد : هلا فهد

فهد : اقولك ترى ابراهيم راح اييي بعد اسبوع

محمد : صج ما بغى ما خلص دراسته

فهد : لا بقاله كورس واحد

محمد : موفق انشالله

فهد : شفيك يا اخوي ما تتكلم

خليل : ها هلا لا عادي

محمد : أي والله حتى الغدا ما اكلت زين

فهد : لا اتصالات هههههههههههههههههههههه

محمد : ههههههههههههههههههههه

خليل : لا مو مشتهي وتعبان شوي

محمد : سلامتك يا اخوي ما تشوف شي شوفو شوفو بندر واحمد انا ما ادري ليش سوالفكم بعيدة عنا ترى احنا شباب خلكم معانا

فهد : كمان قايز

الكل : ههههههههههههههههههههههههههههههههههه


.................................................. .................................................. .................................................. .................................................. ................

بغرفة فطوم .................

فطوم : تعالي بتدقين على منو

شيخة : ودي بس خايفه

فطوم : قولي منو

شيخة : واحد تعرفت عليه بالنت

فطوم : دقي عليه

شيخة : ما ادري

فطوم : انتي لي الحين ياهل

شيخة : انا مو خايفه اني اكلمه

فطوم : خلاص دقي

شيخة : واذا دق فرضا وكانوا اهلي عندي

فطوم : خليها علي الحين دقي وخللي سبيكر

شيخة : اوكي

ترن ترن ترن ترن ترن ترن

فطوم : سكريه سكريه

شيخة : ليش

فطوم : اهو يدق عليج احسن لا تخسرين رصيد عليه

شيخة : أي احسن والله

فطوم : ههههههههههههههههههههه خلج مثلي

شيخة : 


وبعد 5 دقايق رن تلفون شيخة

فطوم : يالله ردي وحطي سبيكر

شيخة : زين

شيخة : الووو

خالد : هلا والله اختي داقه تلفون

شيخة : أي معاي خالد

خالد : أي معاج منو انتي

شيخة : من بين الناس حبيتك

خالد : اييييييييييييييي هلا وغلا انتي وينج وعدتيني تدقين ما دقيتي وشالغيبه

شيخة : كان عندي امتحانات

خالد : اها وشلون النتيجة

شيخة : زينه

خالد : موفقة انشالله

شيخة : مممممممممممممم

خالد: ترى اذوب الحركه

شيخة : ههههه صج

خالد : يا ويلي على الضحكه اكيد انتي حلوه

شيخة : لا انا جيكره

خالد : مستحيل

شيخة : ليش مستحيل

خالد : صوتج حلو

شيخة : الله يعني أي جيكره يكون صوتها حلو تطلع حلوه ههههههههه

خالد : اوكي انا ابي اشوف الجيكره راضي

شيخة : بهالسرعة هاذي تو الناس علينا

خالد : انتي وين الحين

شيخة : في بيت اديده

خالد : اديده ههههههههههههههههههههههههه الله يخليها لج

شيخة : ليش تضحك ؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 27-02-2008, 10:18 PM
مـ سهله ـو مـ سهله ـو غير متصل
©؛°¨غرامي مشارك¨°؛©
 
الافتراضي رد : رواية : فتاة في عمر الزهور مع الحب المنثور


خالد : حلوه هاذي اديدة اعجبتني

شيخة : اها نزين انا ينادوني ادق عليك

خالد : انطرج يا قمر

شيخة : اوكي باي

خالد : باي

شيخة : هااااااااااااااااااااااااااا شرايج فيني

فطوم مصدومة : انتي شلون صرتي جريئة بهالسرعة

شيخة ردت عليها بابتسامة

.................................................. .................................................. .................................................. .................................................. ..................................

بعد ما راحوا الاهل والبيت فضى وما بقى الا فطوم وشخة والجده

فطوم : تروحين الجمعية الحين

شيخة : الساعة 11

فطوم : عادي الجمعية 24 ساعة

شيخة : ليش نروح

فطوم : نيييب اغراض السهره

شيخة : اها يالله

فطوم : مممم روحي قولي لامي

شيخة : نزين

شيخة : اديدة طلبتج

الجده : هلا حبيبتي

شيخة : اديده ما عندنا اغراض السهره بنروح انا وفطوم الجمعية

الجده : وشنهي اغراض السهره

شيخة : يعني حلاوه ككاو

الجده : ترى يمتنج

شيخة : لا شدعوه

الجده : جم تبون

شيخة : مممم كيفج انتي طيبة واحنا نستاهل

الجده : تكفي 10

فطوم تأشر لشيخة أي اوكي

شيخة : اوكي اديدة مشكورة

الجده : روحو بسرعة يالله

فطوم : والله انتي احسن وحده

شيخة ابتسمت

فطوم : شيخة شفيج ترى غثيتيني بالحركه كله تبتسمين والجرائه يت بشكل مو طبيعي انتي شفيج

شيخة : مافي شي يالله نروح الجمعية

فطوم : يالله (( في بال فاطمة اليوم لازم تعرف شيخة شفيها وشالتغير المفاجىء اللي صار لها ))


.................................................. .................................................. ......................


بالجمعية (( حيث الناس يشترون هههههههههه صج والله ))


فطوم : روحي اخذي البطاط اللي اهناك

شيخة : يا حماره ما عندنا الا 10 وانتي خامة الجمعية اخرتها انتي اللي بتتفشلين

فطوم : لو ما كفى عندي ربع دينار

شيخة : وشنو بتسوي لج ربع دينار

فطوم : عصير برتقال وبطاط بو سفينة وككاو بو نجوم ههههههههههههههههههه

الولد : وييي فديت الضحكة

فطوم لفت وشافته جيكر : تفداك ينية

شيخة : هههههههههههههههههههههه

الولد : يعني ما في مجال

شيخة : لا في اهناك واشرت على الزبالة

فطوم انصدمت اكثر واكثر : يالله امشي شوشو شباب ما وراهم فايدة روح سوي عملية تجميل وتعالي بعدين

الولد : انتو الخسرانين

شيخة ؟ قيم اوفر هههههههههههههههههههههههههههههههههههههههههههههههههه

فطوم : ههههههههههههههههههههههه واي بطني


شيخة : ترى تأخرنا

فطوم : لا انا مواعدة واحد ولي الحين ما يه

بدر : انا وراج يا شاطرة

فطوم : بدوري حبيبي ليش ما دقيت عليك وقلت لي

بدر : نطرتج تخلصين من الصبي

فطوم توهقت : ها

شيخة : هذا رفيجي عندك مانع

بدر : ومنو هالحلوه اللي معاج فطوم

فطوم : بنت اخوي اللي مره كلمتها

بدر : ايييييي

شيخة : ويعي خلاص فطوم شفتيه يالله انا برد البيت

فطوم : نطري شوي شوشو

شيخة : نزين انا بخليكم بروحكم وبروح امشي ولي خلصتي دقي علي

فطوم : نزين

شيخة : باي

بدر : شفيها هاذي منفسة

فطوم : والله ما ادري متغيره حييل

بدر : اها نزين انتي شاللبس اللي لابستة

فطوم : ليش شفيه

بدر: هذا لبس وحده محترمة

فطوم : لو سمحت مالك شغل بلبسي

بدر : نزين تروحين السيارة

فطوم : نعم نعم لا حبيبي انا مو من البنات اللي في بالك

بدر : واضح من لبسج

فطوم : لا والله باي

بدر : نطري يال مينونة

فطوم : باااااااااااااااااااي

فطوم : الو شيخة انتي وينج

شيخة : عند المحاسب

فطوم : يالله انا يايه لج

شيخة : نزين

.................................................. .................................................. .................................................. ....


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 27-02-2008, 10:19 PM
مـ سهله ـو مـ سهله ـو غير متصل
©؛°¨غرامي مشارك¨°؛©
 
الافتراضي رد : رواية : فتاة في عمر الزهور مع الحب المنثور


مرت العطلة واللي هي عبارة عن اسبوعين وقضتها بطلتنا شيخة بالتلفون والطلعات وصياعة فطوم والكل زهب للمدرسة واليوم يعتبر اول يوم المدرسه والحين الساعة 9 كانت شيخة تلعب بتلفونها وفجاة يدق تلفونها ونغمتها : قالت احبك يا راشد قلت من قدي الكلمة هاذي تموتني وتحييينييي


رقم غريب عجيبة

شيخة : الوو

الولد : مرحبا

شيخة : هلا

الولد : منو معاي

شيخة : استغفر الله انت اللي داق

الولد : انتي شيخة صح

شيخة : ماشالله والله ذكي

الولد : شفتي شلون

شيخة : والحلو منو

الولد : فواز

شيخة : منو فواز

فواز : اخو حمني

شيخة حست برعب مو طبيعي سكرت التلفون وقفلته وراحت نزلت تحت ركض

شيخة : يمااااااااه يماااااااااااه

ساره : شفيج شفيج وليش مو نايمة الحين

شيخة : يمه انا خايفه (( وتبجي شيخة ))

سارة : سمالله عليج حبيبتي يا قلبي خلاص بدون بجي شللي مخوفج ؟

شيخة : يمه حمني حمني

سارة : يوووه يا شيخة ما خلصنا من هالسالفه

شيخة : يمااااه انا السبب في موته صح

سارة : لا حبيبتي انتي مالج شغل

شيخة : يمه نامي عندي

سارة : انشالله حبيبتي يالله امشي


.................................................. .................................................. .................................................. .................................................. ......

شيخة تقريبا تعاني من الم او مرض نفسي ما تقدر تنساه صارت انطوائية مو نفس شيخة الأولية اللي كله تضحك الخوف يسيطر عليها بدت تنحرف تبي تشغل وقتها بأي طريقة ما تبي تتذكر اللي صار وصارت عصبية ...............................................



مع العصافير المغردة والحب المنثور .......



سارة : يا شيخة يا ابرار يا فيصل يالله ابوكم عصب

أبرار : قلنا لكم نبي سايق


شيخة : هذا اللي ناقص تبين الهياته

سارة : اشفيها العوبة اللي ما تبي سايق

شيخة : يؤيؤيؤ انا عوبة استغفر الله

فيصل: يبه وين صمونتي

شيخة : ههههههههههههههههههههههههههههه

فيصل : يمه شوفيها

سارة : شيخوه مالج شغل بفصيل ويالله ابوكم بالسيارة

شيخة : باي

سارة : وين تلفونج شيخة

شيخة توهقت : ليش

سارة : أسأل حراام

شيخة : أي باي


.................................................. .................................................. .................................................. .................................................. ...........................................

في بيت مزنة

مزنة : يمه فواز شفيك

فواز : لا يمه مافي شي

مزنة : سرحان ما ادري ليش ؟

أحمد : يمكن من المدرسة


فواز : لا مو من المدرسة انا بروح وصل الباص


مزنة : دير بالك على روحكك

فواز : مع السلامة

الكل : مع السلامة


.................................................. .................................................. .................................................. ................................


ومر الوقت الكل راح للدوام واللي شغل البيت وهوشات الخدم والعجايز وفطوم الكلية والهياته وشيخة والمدرسة وفواز اللي نص شعره طاح من كثر التفكير ابرار لاهية بالدراسة المهم خلونا نشوف شيخة شلون بالمدرسة ........................................

شيخة وشلتها ومسمينها شلة آل عذاب لووول

شيخة : انوار ويهد روحي اشتري لنا

انوار : انا بعرف انا سيلانية عندكم كله انا

شوق : بسج هذرة وتحلطم روحي وانتي ساكتة

معالي : أي انا ابي جبن وكولا

شيخة : كلنا نبي جذي يالله قمي وروحي

انوار : اففففف

بشاير : نزين ترى ما سألتوني شنو ابي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 27-02-2008, 10:20 PM
مـ سهله ـو مـ سهله ـو غير متصل
©؛°¨غرامي مشارك¨°؛©
 
الافتراضي رد : رواية : فتاة في عمر الزهور مع الحب المنثور



شيخة : ليش انتي صمخة ما سمعتينا نقول نبي كولا وجبن

بشاير : لا انا ابي سفن اب

شيخة : استريحي سفن اب شنو هندية

معالي : هههههههههههههههههههههه

شيخة : حلوه عجبتج مالت على كشتج

معالي : انتي شفيج كله معصبة

شيخة : يووووووووووووووه غيروا السالفه

امثال : هاي بنات كيف الحال

شيخة : هلا بقلبي هلا بعمري هلا اللي لمن اشوفها اتذكر جبد

امثال : هههههههههههههههههههاي فديتك والله حياتي والله لك وحشه اموااااه

شيخة : ههههههههههههههههههه الله ياخذج

امثال : انا بعرف انتو ليش شلة نايمة

شيخة : ما ادري عنهم كله هواش

بشاير تكره امثال وتغار منها اهي تحب شيخة (( شيخة فارضة شخصيتها والكل يخاف منها والشي اليديد انها بدت تتصرف جنها بوية وهذا اللي معذب بشاير بعد ما قصت شعرها شيخة وصار كله سبايكي لووووووووووول ))

بشاير : شيخة

شيخة : هلا قلبي

امثال : ههههههههههههههههههههههههههههه

شيخة : لا يناس بموت جذي

معالي : استحوا البنات كلها تطالعنا

بشاير : انا بروح

شيخة : منو ياكل ريوقج

امثال : انا ههههههههههههههههههههههههههههههههههه

بشاير زعلت وبين عليها

شيخة : هيييي عاد مو على بيشو بعد عمري تعالي شفيج

بشاير : امشي بكلمج

معالي : ليه حنا غرب

شيخة : لا بيني وبينها سالفه (( شيخة طلعت لسانها وغمزت لهم ))

الكل : اووووووووووووووووووووووووووووووووووووووووووووووووو ووو


شيخة : وجع امشي بيشو


.................................................. .................................................. .................................................. .................................................. .................................................. .............



عند ابرار ومريم ولولوة وغنيمة

ابرار : واي انا حاسة انه الامتحان صعب

لولوه : خخخخخخخخخ انا ما عندي امتحان حره

غنيمة : ابرار شوفي شويخ خخخخخخخخخخخخخخخخ

ابرار : هاذي كله مفشلتني

غنيمة : واي والله عذاب يا حظج يا ابرار شوفي البنات شلون متيمعين عليها

مريم : عشاتن قصتها مو عشان ويها

غنيمة : لا حبيبتي اهي كلها على بعضها حلو

ابرار : مالت عليكم الحين انا وين وانتو وين حسوا فيني

منار : والله محد حاس فيج غيري

ابرار : هلااااااااااا واللللللللللللللله يبتي المراجعات

منار غمزت لابرار : أي عبودي عطاني اياها

ابرار حمر ويهها : مممم وينهم

منار : هذول اهم ديري بالج عليهم ترى يبيهم عبود

لولوه : نزين متى تخلص الفرصه

منار : مستعيلة ويا ويهج

منار : هيييييييي غنيمة وين رحتي

غنيمة : خلوني انا متعذبه

الكل : خخخخخخخخخخخخخخخخخخخخخخخخخخخخخ


.................................................. .................................................. .................................................. .................................................. .................................................. ...

بعد دوامات الظهر والتعب نتوقف بشعر حلو وخفيف علينا وله معاني وايد حلوه


حيــت وقالت لي هـــلا
حلوه تزيد النور نـــور
منـها طلب ريم الفــلا
عينه وعنقـه والنـفــور
مااظن انس في الملا
في زيـنها ولا اظن حور
في وجهــها كل الحلا
بدر ولاكل البــــــــــدور
وفي صوتها لحن على
تغريد ما ترومه طيــور
والطيب للورد أخجــلا
ماكان مثله في العطور
منـها عـذابي والبلا
وفيـها حياتي والسرور
لو شافها الشاعر سلا
ماقال من ذيك الأمـور

للشاعر : الشيخ محمد بن راشد آل مكتوم

فواز : يمه

مزنة : هلا حبيبي

فواز : انا ريال

مزنة : ههههههههههههههههههه اسمعوا الولد شقول

فواز : يمه جاوبيني

مزنة : أي يمه ريال وزين الريايل بعد

فواز : عيل بتزوج

مزنة مو مصدقة بطلت عيونه : شنو شنو

فواز : أي يمه قلتي انا ريال ابي اتزوج ريحوني

مزنة : ويه ويه ويه شفيك ينيييييييييت

فواز : يمه انا عمري 13 وكلها يومين واصير 14 بعد شنو ريال

مزنة خذته على قد عقله : ومنو سعيدة الحظ

فواز : شيخة

مزنة : لايكون بنت خالك

فواز : أي

مزنة : وييييي غبرا اشفيكم على هالبنت الله يرحمك يا يمه يا حمني

فواز : يمه هاذي وصيته

مزنة : وصيته !

فواز : أي يمه تذكرين يوم اخوي كان بالعناية المركزة وناداني انا قالي قبل لا يموت الله يرحمه اني اخذ شيخة وادللها وانفذ كل طلباتها

مزنة دمعت عيونها : يا حبيبي يا حمني

فواز بجى : يمه تكفين والله كل يوم احس حمني يناديني ويقولي وين اللي وصيتك فيه يمه حمني مو مرتاح ابي اريحه تكفين

مزنة : يا حبيبي عمرك 14 انطر سنتين على الاقل واخطبلك اياها واذا خايف عليها راح اقول لابوها انه محد ياخذها غيرك وهاذي وصية حمني وراح يتفهم هالموقف يا قلبي


....................................

بعد مرور تقريبا عام ........................

فواز كلماله ويحلم باليوم اللي يجمعة بشيخة

وشيخة صارت .......... ............. .............. (( بويه )) بمعنى الكلمة والانوقه كلها ودعتها وصارت منتهية والشي اليديد انها تدخن بعد وفطوم ابتعدت عنها ومرات تاخذها تكشخ فيه قصدي فيها ما ادري فيه لووووول


فطوم مالجه على واحد كانت تكلمة بس اهو على نياته يحبها ويموووت فيها

ابرار ماشالله عليها رافعة راس اهلها

فيصل بدى يفهم الحياة

عبود كبر حبه لابرار

ابراهيم بدى يحب شيخة لانها صارت كله تلعب معاه وتكلمه بالتلفون

ابراهيم ولد فهد بدى يفكر بشيخة ولمن يشوفها ينصدم كل ماله وتصير احلى معنها بويه بس جمالها طاغي

محمد يعرف انه شيخة تمر بمرحلة مراهقه وعارف شنو فيها (( نقص ))

ساره صارت مع لطيفه وايد


العايلة للحينها بخير سن 13 و 12 فيها مغامرات وااايد

لكن 14 بداية نهاية شيخة خلوكم معاي بسن 14 يعني بعمر شيخة باقي 5 اشهر وتصير 15 يعني شيخة الحين بالصف التاسع


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 27-02-2008, 11:47 PM
خافقي فيه مغرور خافقي فيه مغرور غير متصل
©؛°¨غرامي مشارك¨°؛©
 
الافتراضي رد : رواية : فتاة في عمر الزهور مع الحب المنثور


وااااااااااااااااو اموت واعرف نهايتها هالشيخوه...

بليز كملي مو توقفين...

لاننا نتابعج عن بعد وقرب ....اوكي ...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 28-02-2008, 01:05 PM
مـ سهله ـو مـ سهله ـو غير متصل
©؛°¨غرامي مشارك¨°؛©
 
الافتراضي رد : رواية : فتاة في عمر الزهور مع الحب المنثور


اوكي :)


من عيوني :)

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 28-02-2008, 01:09 PM
مـ سهله ـو مـ سهله ـو غير متصل
©؛°¨غرامي مشارك¨°؛©
 
الافتراضي رد : رواية : فتاة في عمر الزهور مع الحب المنثور


(( ابتعد عني ))

ابتعد عني ما احبك وش تبي بي
قدرك العالي رميته في الثرى

واحسايف قولتي لك يا حبيبي

يوم قلبي مولع بك ما درى

إنك الغادر وقصدك تلتهي بي

ونعاطفتك تباع وتشتري

انس وقت فات مالك به نصيب

لا تذكر لا تذكر ما جرى

يوم هفت شمس حبك للمغيب

استرحت وعاد لي طيف الكرى

للشاعر : الأمير عبدالله الفيصل

.................................................. .................................................. .................................................. .................................................. ..............

ابرار : شيخة يالللللللللللللللللللله تعاااااااااااالي ساااااااااااعة تلبسين

شيخة : شفيج انهبلتي كاني

فيصل : ابو الشباب شالسابيكي الحلو كاااااااك سويلي مثلهم

شيخة : افا عليك تعال

ابرار : حمدالله والشكر

شيخة : نعم شقلتي يعني انا مينون مينونه


ابرار : استغفر الله الله يهديج

شيخة بابتسامة خبيثة : معاي

سارة : يمه شيخة شالهدوم هاذي

شيخة : ترى ما اروح

محمد : سارة خليها مالج شغل فيها

شيخة : أي اضبطو نفسكم لا والله اسوي شي ما يعجبكم

سارة : الله يهديج يمه

.................................................. . وراحوا الوفرى الكل متيمع اهناك وراح يقضون ثلاث ليالي تقريبا بما انا هاذي عطلة نص السنة ومهرجان هلا فبرار بادي والمسيرات بالطريج ))

بسيارة محمد : يبه شيوخ عطيني كولا

شيخة : على هالخشم

وتعطيه اياه وبهالوقت دق تلفون شيخة على نغمة (( be easy ))

شيخة : هلا بيشو

بشاير : بيشو بس

شيخة : انا مع الاهل

بشاير : مممممممممممممممم مشتاقه لك

شيخة : انا بعد انتي وين الحين

بشاير : بالبيت

شيخة : ممممممممم شرايج تييين الوفرة معاي

بشاير : ما ادري يمكن امي ما ترضى

شيخة : شوفي اسأليها عندج ساعة ودقي لان بروح عندي فطوم وبروح معاها بسيارتها فإذا بتييين قولي لي امرج وترى بنام اهناك 3 ايام


بشاير : وناسة وكلهم معاك

شيخة : عشان اسويلج شي عجيب

بشاير : دقيقه اقول لامي وادق عليك

شيخة : ماشي ياقلبي انطرج

بشاير : باي اموااااااااااااااه

شيخة : باي

فيصل : صبي صبي مو بنت

شيخة : اسكت فصيل مالي خلقك

محمد : يا سلام عليج يا يبه تقولين لها يا قلبي وانا حتى حبيبي مافي

شيخة : بعد عمري هاذي غير ههههههههههههههههههههههههههههه

سارة : والله لوعتوا جبدي مر المطعم خلينا ناخذ صمون

محمد : انشالله


.................................................. .................................................. .................................................. .................................................. ...................


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 28-02-2008, 01:10 PM
مـ سهله ـو مـ سهله ـو غير متصل
©؛°¨غرامي مشارك¨°؛©
 
الافتراضي رد : رواية : فتاة في عمر الزهور مع الحب المنثور


في بيت الجده

الجده: فطوووم يمه وينج

فطوم : شسوي اللزقة ريلي مو راضي يهدني يمه كله يتكلم بالتلفون

الجده : يحبج شسوي

فطوم : اوكي يحبني مو لزقة جذي اف غثني 

الجده : قلتي له ايي الوفرة

فطوم عفست ويهها : ليش بعد يمه حرام عليج ابي استانس

الجده: يالله عاد دقي عليه واعزميه

فطوم : افففففف نزين

وتدق فطوم على خطيبها واسمه جراح

فطوم : هلا جراح شلونك

جراح : هلا حبيبتي هلا قلبي هلا روحي هلا عيوني

فطوم : هلا فيك امي تقول تعال الوفرة

جراح : امج واله انتي يمه يا عيارتج

فطوم كشت على التلفون وكملت واهي مبوزة : أي أي استحي خلاصصصصصصص

جراح : يمه فديييييييييييتها اوكي تبيني امرج

فطوم : لا لا لا شيخة بتكون معاي

جراح : عادي يا قلبي واله ترى ازعل

فطوم : جراح لا تصير جذي

جراح : مابي ابي اخذج

فطوم : نزين

جراح : شنو شكلج ما تبيني اييي

فطوم : لا شدعوه

جراح : حسبالي فديتج والله

فطوم : امي تناديني اشوفها وادق عليك

جراح : ماشي بااااي يا قمر

وسكر وقالت فطوم في قلبها : بااااي يا بقرة

.................................................. ......................................


الجده : هااا قلتي له

بهالحزه وصلوا بيت محمد

الجده : هلا والله بوليدي

محمد : السلام عليكم

الجده : وعليكم السلام هلا حبيبي هلا سارة وين العيال

سارة : بعد ما تعرفينهم يتهاوشون عشان يدشون

الجده : فديتهم

شيخة : سلام

الجده : وي وي وي شمسوية بشعرج

شيخة : اديدة خلصنا

الجده : والله عبالي صبي

شيخة بابتسامة ساخره : لااا

فطوم مو عاجبها الوضع : هلا شيخة شلونج ؟

شيخة تطالع فطوم من فوق لي تحت : هلا

فطوم : تعالي ابيج

وراحت وراااها شيخة : هاااااااااااا


فطوم : ليش مسوية بشعرج جذي

شيخة : شاليديد

فطوم : اللي بوصلنا جراح


شيخة : يوووووووه يمكن تييي بيشوو

فطوم : انا بعد لايعة جبدي لاحقني كل مكان قطيعة

شيخة : قولي له اني ما رضيت اركب معاكم

فطوم : تكلمينة وتقولين له

شيخة : زين دقي

فطوم : ماشي هاااج دقيت

شيخة : قوه جراح

جراح : هلا بو الشباب


شيخة : حمدالله والشكر

جراح : اقول انا ابوي مو راضي اركب معاكم انا وفطوم ولان رفيجتي بتييي

انت الحقنا وانا بروح مع فطوم وبيشو ماشي باي

جراح : لحظه

شيخة : شنو

جراح : ليش ما تروحين مع ابوج

شيخة : مابي

جراح : ماشي القاكم اهناك

شيخة : زين جاو

جراح : جاو

.................................................. .................................................. .................................................. ....................


شيخة : خلاص بنروح معاج

فطوم : واااي تدرين اشتقت لج

شيخة : صج وينج لا تسألين عيل

فطوم : انتي تغيرتي

شيخة : لا انا مثل ما انا

فطوم : وين شيوخ اللي تضحك وتتغشمر وين مغامراتنا وين الحب

شيخة : صج صج مراهقه

فطوم : يا معودة يا كبيرة

شيخة : كااا رضيييتي تتزوجين وتخليني

فطوم : والله ابي ارتاح

شيخة : من شنو بالله

فطوم : من اشياااء وااايد


..............................................

...............................................


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 28-02-2008, 01:12 PM
مـ سهله ـو مـ سهله ـو غير متصل
©؛°¨غرامي مشارك¨°؛©
 
الافتراضي رد : رواية : فتاة في عمر الزهور مع الحب المنثور


...............................................

محمد : شيخة شيخة

شيخة : نعم

محمد : بتروحين مع جراح وفاطمة

شيخة : لا يبه بس انا وفطوم ويمكن رفيجتي بيشو

محمد : اها يالله احنا الحين ما شيين وترى معانا يدتج مو تطولون

شيخة : ماشي

محمد : يبه شيخة

شيخة : هلا

محمد : ديري بالج على روحج

شيخة مستغربة : زين

ويدق تلفون شيخة بهاللحظه ومنو يا ترى منو منو

شيخة : نعم يبه نعم

فواز : شفيج شيخة علي

شيخة : ترى لوعت جبدي شيسوى عليك اقول لابوي الحين

فواز : قولي له انا ولد عمتج مافيها شي

شيخة : لا فيها شي عيب صوت المره عورة

فواز : عورة زين زين

شيخة : الحين وبعدين معاك

فواز : قلت لج انا زوجج

شيخة : استريييح ولا تدق لان والله اكسره فوق راسك

فواز : فدوة راسي لج

شيخة : حمدالله والشكر

ولقت معاها خط انتظار

شيخة : يالله يالله رفيجتي تدق

فواز : لحظه

وسكرت شيخة منه وردت على بشاير

بشاير : شيوخ

شيخة : شيوخ !

بشاير : امي يمي تبي تكلمج

شيخة متوهقه : ليش :\

بشاير : مو مصدقة بييي معاج وتبي تسألج جم سؤال

شيخة : اوكي

ام بشاير : الو السلام عليكم

شيخة بأدب مصطنع خخخخ : وعليكم السلام ورحمة الله وبركاته شلونج خالتي

ام بشاير : هلا والله انا الحمدالله انتي شلونج وشلون الوالدة

شيخة : بخير يا خالتي

ام بشاير : حبيبتي انا عارفة اخلاقج بس ما اتطمن اخلي بنتي تيي معاكم

شيخة : ليش يا خالتي ترى احنا بنسوي بالوفرة حلقات قرآن وجلسات وندوات ولا تنسين انه امي داعية وخالاتي وبشاير تقول انه عندها اشرطة احاديث وقرآن وبغينا نستفيد

ام بشاير اعجبت بشخصية شيخة هذول واهم صغار دينين يا حليلهم : والله اذا جذي يا بنتي انا ما عندي مانع وراح اخليها تيي معاج ومتى بتردون انشالله

شيخة : بعد 3 ايام يا خالتي

ام بشاير : موفقين يا حبيبتي هاج بشاير

بشاير : هلا شيوخ ههه

شيخة : بس لا تضحكين مو تفضحينا لبسي نص ساعة ونمرج

بشاير : ماشي باي

شيخة : باي


.................................................. .................................................. ..........................................


احمد : فواااااااز وصمخ يالله

فواز : ياي ياي

احمد : يالله وريم شيلي اليهال وتعالي

ريم : وليش انت ما تشيلهم

احمد : ما تشوفين الاغراض

مزنة : خلاص يا يمه خلاص

فواز : بلا هواش انا اشيلهم

احمد : احسن بعد ويالله كلكم جدامي

.................................................. .................................................. .................................................. .................................................. ..


في بيت وضحة وزوجها بندر ...

بندر : ها حبيبتي خلصتي جنطة هيونة

وضحة : أي حبيبي

فهد : يمه شوفي هيون خذت الرغوة

وضحة : حبيبي عندنا وايد خلها تلعب فيها

بندر : اصلن فهود ريال وراح يفهم هالشي

فهد مبوز : أي انا ريال

وضحة : خلاص بندر الحين نمر البقالة ونشتري 5 علب رغوة حق فهود

فهد : هياااااا

بندر : أي محد ماكلها غيري 

وضحة : يا حبي لك هههههههههههههههه


.................................................. .................................................. .................................................. .

في بيت خليل حيث الهدوء التام والاعصاب المشدودة .... ننسى كل الماضي مر على موتت سارة سنتين لا نتذكرها والانسان مو معصوم على الخطا وخليل غلط بس لي متى يا ابراهيم تحمل ابوك خلااص انسى

خليل : ابراهيم يبه روح نادي اختك

ابراهيم باحتقار : افف

لطيفة : عيب يا ابراهيم هذا ابوك

ابراهيم : خلصنا عاد لولو يالله تعالي

عزوز : وانا

ابراهيم : انثبر عند ابوك

خليل : الله يهديك

ابراهيم : هههههههه لحظه لحظه عيد مره ثانيه اول شي خليني اشغل الكاميرا واصورك واله اقولك ما ابي اوصخ كامرتي

لطيفة : ابراهيم ان عدت هالكلام مافي بانشي

ابراهيم : والله عشان البانشي بسكت

خليل : لطيفة لحقوني السيارة

ابراهيم : يمه ترى انا بروح مع بيت عمي فهد انتو روحو وانا الحقكم

لطيفة : انشالله وخلك عاجل

ابراهيم : زين

وراحوا وابراهيم خذاها فرصة يدق على شيخة اشتاقلها واهو على نياته بدى يحبها وشيخة تحسبه مثل خويييها هههههههههههههه


ابراهيم : الو قوة

شيخة : هلا الله يقويك

ابراهيم : شلونج

شيخة : تمام وانت ؟

ابراهيم : انا تمام

شيخة : مممممم ما رحت الوفرة غريبة

ابراهيم : لا ناطر عبود ولد عمي فهد بروح معاهم

شيخة : اها

ابراهيم : وانتي منتي رايحة

شيخة : لا من صجك وييع ماني يايه

ابراهيم منصدم : ليييييش ؟

شيخة : شفيك اتغشمر لا بيي اصلن انا ادري اذا ما ييت ما تحلو الطلعة

ابراهيم : مغرورة

شيخة : مممم

ابراهيم : مشغولة

شيخة : لا بس انا بالسيارة مع فطوم بروح اخذ رفيجتي ونيي انشالله الوفرة

ابراهيم : اها خلاص انا اشوفج اهناك انشالله

شيخة : اوكي باي

ابراهيم : باي

بسيارة فطوم ...

فطوم : اشوفج اخذتي على ابراهيم واايد

شيخة : ممممم مثل اخوي

فطوم : مثل اخوج وغمزت لها

شيخة : كلن يرى الناس بعين طبعة

فطوم : والله وكبرتي يا شويخ

شيخة : كل الناس تكبر

فطوم : ياليت يرجع الزمن لورى والله اشتقت لايامج يا شيخة

شيخة : مممم

فطوم : والله شيوخ ردي مثل اول

شيخة : انا مثل ما انا ما تغيرت

فطوم : اول كنتي تضحكين وكنتي كله معاي بنفس الخط الحين انتي بوية

شيخة : بوية ! وشنو يعني

فطوم : شيخو لا تتغيشمين

شيخة : مممممم بالعكس الحين احسن مو احبن بدال ما اكلم شباب

فطوم : كا تكلمين ابراهيم

شيخة : قلت لج مثل اخوي

فطوم : الله يهديج

شيخة : تكفين شوفي منو يتكلم عن الهداية

فطوم : انا صج كنت موزينة وكله اكلم بس انا خففت يعني الحين ما اكلم الا 3

شيخة : وانتي متزوجة مو حرام تخونين زوجج

فطوم : هاذي مو خيانة انا ما حبيت غيره بس اكلم !

شيخة :هههههههههههههه لا مو قاعده تخونينة

فطوم : نزين فكينا من هالسالفة رفيجتج أي قطعة ؟

شيخة : 3 وشارع3 ومنزل 3

فطوم : ذهبي يلعن خير بيتهم

شيخة: هذول الرفيجات

فطوم : دقي عليها خليها تطلع

شيخة : زين

ودقت شيخة على بشاير

بشاير : هلا حبي

شيخة : يالله طلعي

بشاير : زين يالله

شيخة : بااااي

.................................................. .................................................. .................................................. .................................................. ......


الرد باقتباس
إضافة رد

رواية فتاة في عمر الزهور مع الحب المنثور / كاملة

الوسوم
روايه ولاه في الاحلام
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية بقايا روحي / كاملة يارضاها وقف وناظر شوي روايات كامله - يتم نقل الرواية هنا بعد اكتمالها 363 03-01-2019 06:48 PM
رواية عشاق الحلم الرومانسي / كاملة اميرة لحالي روايات كامله - يتم نقل الرواية هنا بعد اكتمالها 532 04-08-2010 01:33 AM
أنشودة زين الشهور مجزئه + كاملة ♥○ CoCo♥ BoY ○♥ ارشيف غرام 1 27-08-2009 08:18 PM
حفظ الزهور الطبيعية ،، * لوحات الزهور وعد حبيبي ديكور - أثاث - غرف نوم - مطابخ - حمامات 16 04-08-2005 01:40 AM

الساعة الآن +3: 06:42 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1