غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 28-08-2007, 10:41 AM
مـ العسل ـثل مـ العسل ـثل غير متصل
©؛°¨غرامي جديد¨°؛©
 
الافتراضي دنيتي و هي دنيتي مني إكتفت / كاملة


دنيتي وهي دنيتي مني اكتفت
اهلين سلامووو كيفووون ان شاء الله منيحين
هااذي قصه اعجبتني وحبيتكم تقررونها
:::::::::::::::::::::::::::::::::::::::::::::::::: :::::::::::::::
الجزء الاول
في غرفتها والحزن كان يلمع بوجهها موعارفه هي ايش في هالحياة وكالعاده قطع حبل افكارها باسلوب استهتار واحتقار
خالد وبنبره كلها سخريه : وانت طول الوقت مكشره وزعلانه ليش احد قالك انك ساكنه بمعتقل
جود بصوت كله الم وحزن : وش تبغاني اسوي
خالد بإستحقار :تعرفين انك انسانه ممله لابعد الحدود
جود : ومتى صرت مسليه بالنسبه لك
خالد : اصلا امثالك اللي ينعرضون على الرجال يعتبرون حثالة المجتمع ما في ابو يعرض بنته على رجال الا اذا كانت بنته مو لذاك الحد واظنك فاهمه قصدي
جود بقهر: كنت تقدر ترفض لما عرض عليك ابوي
خالد : رحمتك قلت خلني استر عليها افضل من ان ابوك يعرضك على واحد مو لين هناك وما فيه من الرجوله شي.
جود : ليش انت بالنسبه لنفسك رجـــا...ما كملتها الا وباليد اللي تمسك شعرها بقووه
خالد وهو ماسكها : رجال غصبن عنك فاهمه والا محتاجه افهمك اصلا انت يبغالك تربيه من جديد
جود بتوسل و قلة حيله : خالد واللي يسلمك اتركني الله يخليك والله ما اقول لك شي مره ثانيه وربي لو قلتلك أي شي مره ثانيه سو اللي تبغاه فيني خــــــااااااالد طلبتك خلني
خالد : ما راح اتركك لين اعلمك مين خالد وكيف تردين عليه يا بنت الشوارع..
ضربها لحد ما خلاص صارت مثل الجثه المرميه على الارض وطلع
وجود بحاله ما يعلم فيها الا رب العالمين
جود ودموعها اللي على خدها مثل المطر (يا رب الى متى بظل عايشه كذا يا رب خذني لرحمتك انا تعبت الى متى بظل كذا خلاص انا تعبت من هالحال الى متى بصبرما في الا اقوله يطلقني بس ابوووي لا يدفني وانا حيه ... بعد تفكيير..ما في الا عمي فهد )
><><
**جود { بنت حبوبه ومررره طيبه عمرها 18 سنه شعرها اسود يوصل تحت كتفها بشرتها بيضا عيونها عسليه كانت بشكل عاام نعوومه وتسحر اللي يشوفها برقتها }
><><
ومرت ساعتين ورجع خالد البيت مره ثانيه ومزاجه كان رايق نوعا ما
وكانت جود بالصاله تنتظره ولما شافها استغرب مو من عوايدها تنتظره وناظرها بطرف عين وقال : اشوفك ما نمتي
جود بصووت شبه مسموع : كنت انتظرك
خالد رافع حاجبه : ومن متى وانت تنتظريني اذا طلعت
جود : خالد ممكن اكلمك شوي بس ارجوك لا تعصب خلنا نتفاهم
خالد بملل ينتظرها تقول: على ايش نتفاهم
جود بخوف: اوعدني انك ما تضربني
خالد : خلا ص قلتلك ترى انا مو فاضيلك تكلمي بسرعه والا برووح واخليك انا فيني نوم
جود بتوتر : طيب بقوول .. اممممم انت عاجبتك الحياة اللي احنا عايشين فيها
خالد : ليش شفيها
جود : كلها مشاكل وعوار راس وانت اصلا مو راضي فيني
خالد وبعدم اهتمام : والمطلوب بسررعه تكلمي تراااني مليييت
جود : المطلوب ..... ابغاك تطلقني
خالد : نعم نعم انا ما سمعتك
جود برجى : الله يخليك يا خالد انا تعبت هاذي ما هي حياة اللي من نقوم واحنا بس بمشاكل على شيء ولا شيء ارجوك
خالد كان يفكر بصمت بعد كم دقيقه : انا مستعد اطلقك بس بشرط
جود : موافقه على أي شي تشترطه
خالد : تعطيني السبعين الف اللي عطيتها ابوك
جود : خالد ابوي لو ايش ما راح يعطيني ريال واحد
خالد : يعني بتفهميني ان ما عندك شي بالبنك
جود : الا فيه بس ما توصل السبعين الف تقريبا عندي خمسين الف بس
خالد : طيب ما في مشكله عطيني الخمسين الف وراح اطلقك
جود بفرحه ما توصف : طيب متى
خالد : انا اول مره اشوف وحده تستعجل بطلاقها بكره الصباح نروح البنك تسحبين الفلوس وبعدها على المحكمه اطلق على الا قل بستفيد منك بشي غير كذا ما عندي بس اتوقع انك نسيتي شي
جود بإستغراب : نسيت شي
خالد : ابوك تتوقعين انه راح يستقبلك في بيته هذا اللي انا مستبعده
جود والحزن رجع لها : طيب قلي ساعدني شور علي وش اسوي
خالد : ما تلاحظين انك منتي علي بزياده يعني وانا فاضيلك احل مشاكلك احمدي ربك اني وافقت اني اطلقك
جود : خالد عندي طلب اخير
خالد ومزاجه بدى يتعكر : تراك طفشتيني طلاق وبطلقك خلاص لا تكثرين طلباتك
جود : الله يخليك ابغاك تكلم عمي فهد
خالد : عمك فهد
جود : ايه
خالد : ليش
جود : خله يجي المحكمه بكره
خالد : خلاص بس روحي شيلي اغراضك وخليني ارتاح تراك صدعتي رااااسي
جود وهي طالعه من الصاله بفرحه مخالطها خووف: شكرا يا خالد
وكالعاده كأنها تكلم نفسها
><><><><><><><><><
وفي الصباح كانت جود قاعده في الصاله تنتظر خالد يقوم من النوم وكل الاشياء تدور براسها وتفكر بحياتها اللي انقلبت فوق تحت من تزوجت.. تزوجت وهي عمرها 17 سنه ومرت سنه على زواجها بخالد سنه كلها معاناة والم و هم ..
وكانت جود متوتره (اروح اقومه بس اخاف يعصب ويغير رايه اعرفه جاهز يا ربــــي اممممم خلاص اروح اقومه واللي يصير يصير)
وراحت جود وكان خالد توه طالع من الحمام والمنشفه بيده
جود : صباح الخير
خالد : نعم بغيتي شي
تفاجئت جود من كلامه ودمعتها شوي وبتنزل : خالد احنا مو متفقين نروح المحكمه
خالد : ايه احد قالك اني نسيت انجزي البسي عباتك شوي واجيك
ارتاحت جود كانت خايفه انه يغير رايه ولبست وطلعو من البيت وكان الصمت سيد الموقف طووول الطريق للمحكمه
ولما وصلو المحكمه كان فهد عم جود ينتظرهم عند باب المحكمه
فهد : السلام عليكم
خالد وجود: وعليكم السلام
فهد : وشلونك يا خالد
خالد : حمد لله جود روحي اقعدي بالانتظار لين اخلص الموضوع
فهد : انتظري حشى يا خالد خلني اسلم على بنت اخوي
خالد : لا تخاف بتشبع منها انا ابغى اخلص الموضوع
فهد : وشلونك يا جود
جود : ماشين يا عمي
فهد : الحمدلله يالله يا بنيتي روحي اقعدي بالانتظار لحد ما نخلص
جود بتوتر وااضح من صوتها : انشاء الله عمي
فهد يطمن جود : لا تخافين ما راح يصير الا الخير اتكلي على ربك
وراحت جود وقعدت بالانتظار وكانت متوتره خايفه من استقبال ابوها وش راح يسوي فيها اذا عرف انها تطلقت
وكيف بيكون موقفه وبدت تدمووعها تنزل من الخوف
**فهد {فهد ابو علي يصير عم جود كبير بالسن لكنه شبابي ومرره يستانسون عليه عيال وبنات اخوانه وخواته وبنفس الوقت كان حكيم بقراراته ما يسوي شي الا وهو يعرف وش النتايج وكان رجل اعمال ناجح كلن يشتغل هو واخوانه بشركه وحده ما عدا ابو جود وعنده ولد واحد اللي هو علي يدرس في كندا طب ويكون اخو جود بالرضاعه و ام جود كانت اخت ام علي }
><><
وبعد ما خلصو اوراق الطلاق جاء عمها ناداها وطلعت مع عمها وركبت السياره
وكان الصمت مسيطر على الوضع
فهد يحاول يقطع الصمت : جود يا بنتي شفيك
جود وصوتها رايح من كثر الصياح والخوف : خايفه يا عمي
فهد : من ابوك
جود بحزن فضيع: من ابوي والمستقبل اللي ينتظرني عمي اخاف يجي يوم اندم على اللي سويته اليوم انا مو مستوعبه كيف طلبت من خالد انه يطلقني وما ادري وش راح يصير فيني اليوووم اذا شافني ابوي
فهد حس انها بيصير فيها شي من كثر التفكير : طيب وش رايك اليوم تجين عندي في البيت
جود بضعف: لا اخاف يدري ابوي
فهد : لا تخافين انت عند عمك حاولي تثقين فيني وشوفي هو بيعرف الحين او بعدين
جود : انا واثقه فيك بس انا ما ابغى لك المشاكل ياعمي انت تعرف ابووي
فهد يحاول يغير مزاجها : ولا يهمك انا قدها بس ابغى اطلب منك طلب صغيروووون قد النمله
جود بألم : امر يا عمي
فهد يتكلم بطريقه مرحه : ما يامر عليك عدو ابغى منك شي واحد فقط لا غير الا وهو انك تبستمين
جود : تصدق عمي احس اني نسيت شلون ابتسم
فهد : لا ما نسيتي ابتسمي اشوف بلا كلام مسلسلات اكييييد صايره تشوفين التلفزيوون كثيير
جود مبتسمه : بتعبك معي يا عمي
فهد : ترى لو ما سكتي عن الكلام الماصخ بدق على خالد وبقوله رجع جود لذمتك
جود بسرعه : لا عمي كل شي الا هذا مستعده اسوي لك الي تبغاه بس رجعه لخالد لا
فهد : ههههه لهالدرجه مسويلك رعب
جود : خلها مستوره ابرك
فهد : خلاص انسي هذا ماضي والماضي ما ينعاد
جود : يا خوفي يكون المستقبل مثل الماضي
فهد : تفائلي خير واتكلي على ربك وخلي صلتك برب العالمين قويه وثقي ثقه تامه ان الله ما يضيع حق احد
جود : ونعم بالله اقول عمي
فهد : نعم
جود : عمي لا تسرع ما ابغى اوصل بسرعه
فهد رحمها حس انها صغييييره على هالهموووم اللي شايلتها : جود وش كنا نقول تو اتكلي على ربك ثم علي وما عليك شر انشاء الله
جود : انشاء الله
وقف فهد عند كوفي شوب والتفت لها
فهد : وش تبغين
جود : سلامتك ما ابي شي
فهد : جود يمه قوليلي وش تبغين
جود : خلاص خذلي أي شي على ذوقك
فهد : تفضلي ايس شوكليت يبرد عليك شفتي ان عمك يعرف حركااات الشباب ههههههه
جود بأبتسامه : مشكور وأحد قال غير كذا اكيييد يا عمي انت مودرن
وشوي الا ويوقف فهد السياره والتفتت جود لعمها
فهد : بنوقف هنا
جود بإستغراب : ليش
فهد : منها نشرب على رواقه ومنها يضيع الوقت
وبهاللحظه رن جوال فهد وفزت جود من الخووف
جود : عمي اكيد هذا ابوي اكيد درى
فهد : لا تخافين هذي خالتك ام علي
جود تتنهد تهيده طويله : الله يريحك يا عمي
رد فهد على الجوال
فهد : الو
ام علي {ساره} : السلام عليكم ها بشر عسى ما قتلها
فهد : هههه وعليكم السلام حلوه هاذي ليش وين عايشين حنا
ام علي : يعني ما قالها شي
فهد : لا توني ما وديتها
ام علي : جب البنيه عندي يا فهد يكفي ما جاها انا ابيها اذا كان ابوها بايعها
فهد : انت ليش متسرعه يمكن ما يصير كل اللي تقولينه ويمكن يكوون العكس
ام علي : ما اقول الا الله يخلي هاليوم يمر على خير
فهد : امين يالله تامرين على شي
ام علي : سلامتك انتبه لجود زين يا ابو علي
فهد : ابشري مع السلامه
ام علي : سلملي عليها مع السلامه
فهد : تسلم عليك ام علي
جود : الله يسلمها عمي خلاص خلنا نروح البيت واللي كاتبه ربي بيصير
فهد سوى اللي طلبته جود بدون ما يعلق كان نفسه خايف من ردة فعل اخوه يوم بيعرف ان بنته تطلقت
><><
** حمد { ابو جود من النوع العصبي المتسلط يعني كلمته ما تتثنى وهو اكبر اخوانه وكان الكل يخاف منه وياخذ الحذر في طريقة الكلام معه وكان اهم شي عنده تجارته وبس مستعد يبيع اهله كلهم عشان الفلوس زي ما زوج جود من خالد عشان بس يضبط العلاقات معاه..جود ما كانت تشكل له أي اهميه في حياته لأن زوجته ام جود ماتت وهي تولد جود فكبرت جود وتربت على ايدي المربيات اللي كان ابو جود يوفرها لها }
><><
ولما وصلو البيت ورن فهد الجرس وشنطة جود معاه وجود كانت واقفه وراه
وفتحت الخدامه باب الفله الكبييير
فهد : مستر حمد موجود
الخدامه : يس سير مستر همد موجود في الساله
ودخل فهد وهو شايل شنطة جود وجود معاه
وش تتوقعن ردة فعل ابو جود من الموضوع ؟
هل بيخليها ترجع لخالد ؟؟

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 28-08-2007, 10:46 AM
مـ العسل ـثل مـ العسل ـثل غير متصل
©؛°¨غرامي جديد¨°؛©
 
الافتراضي رد : قصه روووعه(دنيتي وهي دنيتي مني اكتفت)


الجزء الثاني


ودخل فهد وهو شايل الشنطه وجود معاه
وحمد كان يقرا الجريده واول ما رفع راسه طاحت عينه على الشنطه اللي مع اخوه
فهد : السلام عليكم
حمد ورافع حواجبه : شعندك جاي
فهد : رد السلام طيب
حمد وبدا صوته يعلا : انا سألتك سؤال واحد بس شعندك جاي
فهد : يعني ما يحق لي ازور اخوي
حمد عصب : فهد اهرج شعندك جاي و جايب جود بعد وليش هالشنطه
فهد : يا اخوي استهدي بالله وانا بقولك الموضوع على طول و بدون مقدمات جود مو مرتاحه مع خالد ولا هو مرتاح معها و.........جود اطلقت من خالد
حمد والشر باين من عيونه : نـــــــــعم جود اطلقت من خالد ومن دون ما اعرف جود تكلمي هالكلام صدق والا لا ليش مالك ابو ترجعين له والا خلاص تبريتي مني صدق اني ما ربيتك
جود من الخوف ما قدرت تتكلم بس هزت راسها
فهد وهو يحاول يهدي اخوه : يا اخي اللي صار صار وكل هذا مكتوب والزواج قسمه ونصيب وجود مو اول ولا اخر وحده تطلقت يا خوي خذ الموضوع بهدوء زين ان البنت الحين تطلقت قبل ما يجيها منه عيال يتشتتون بين امهم وابوهم
حمد : خالد رجال سنع اكيد انك مقصره اعرفك كنت رافضه من البدايه انك تتزوجينه صدق يا حسافة تربيتي فيك ويا فشيلتي عند شركاي اذا عرفو بطلاقك من خالد انت عارفه بطلاقك هذا خربتي علي امووور كثيره بشغلي
فهد : استهدي بالله يا اخوي
حمد :انت مالك دخل لو فيك خير ما طعتها انها تتطلق من زوجها وانت يا جود مو رحت لعمك خلاص مثل ما خليتيه يطلقك خليه يلقالك مكان تعيشين فيه بيتي يتعذرك انا ما زوجتك عشان ترجعين لي مطلقه والحين انسي ان لك ابو اسمه حمد فاهمه وخلي عمك ينفعك
جود من الصدمه كانت ساكته مو قادره تتكلم بحرف واحد تمنت انها تموت ولا تصير بموقف مثل هذا وصارت الدنيا حولها كلها ظلااام
فهد حس بقهر : عمها اللي طلقها بياخذها معاه لان حرام رجال مثلك يصير عنده بنت مثل جود والله حرام يالله جود بتجين معي
وطلع فهد وهو مقهووور من اخووووه وهالقساوه اللي ما تفارقه
وجود قبل ما تطلع كانت رجلينها مو قادره تشيلها التفتت لـ ابوها وقالت بصووت راااح من كثر الصياح والهم
جود : يبه سامحني
وطلعت ورى عمها اللي كان مضايق من اخوه بدال ما يهدي البنت ويضمها لصدره ويعوضها عن الايام اللي قاستها مع خالد يزيد عليها بكلام مثل السم
وفي السياره كان فهد يحاول يخلي جود تتكلم بس حرف واحد ما نطقت كرهت حياتها تمنت المووت مليوون مره
ومسك فهد جواله ودق على زوجته ام علي وعلى طوول ردت
فهد : الو السلام عليكم
ام علي بخوف حسته من صوت ابو علي : وعليكم السلام ابو علي صوتك ابد مو عاجبني
فهد : مو مهم الحين جهزي الغرفه اللي جنب غرفة علي ترى جود معاي
ام علي بحزن واسى على حال جود : انشاء الله طيب كيف نفسيتها
فهد : الله العالم تبغين شي
ام علي : لا بحفظ الله مع السلامه
><><
**ساره { ام علي تصير خالة جود انسانه طيبه لأبعد الحدود وما تشيل بقلبها على احد و مرره تعطف على جود لأنها ما كانت تشوفها الا بين فتره وفتره لأن ابو جود كان مقاطع اخوانه ورافض ان جود تروح لهم }
><><
ووصلو البيت واستقبلت ام علي جود اللي من شافتها رمت نفسها عليها وقعدت تصيح
ام علي وهي ضامه جود لصدرها : خلاص حبيبتي انسي اللي صار
جود و هي تصيح: خالتي ابوي ما يبغاني ابوي يكرهني يا خالتي يا ليتني مت وريحته ياليييت يا خالتي
ام علي تحاول تهدي جود : تعالي الحين توضي وصلي لك ركعتين وارتاحي شوي بالغرفه حتى يجهز الغدا وتذكري ان الله يحب الصابرين خلك صابره ومحتسبه هاللي يجيك على رب العالمين
وراحت جود لغرفتها اللي دلتها عليها ام علي ودخلتها وتوضت وصلت وحست انها غسلت حزنها بوضؤها وصلاتها وقعدت تقرا قران لين جاها عمها ولما خلصت قعدت على السرير تفكر ( الحمد لله ان ربي سخر لي عمي الله يسامحك يا بوي على اللي سويته فيني بس كيف بقدر اعيش معهم احس اني بثقل عليهم امممم بس عمي فهد طيب وحتى خالتي بس اخاف يجي اليوم اللي يملون من وجودي عندهم ااااااه يا رب ......) وقطع عمها ابو علي عليها تفكيرها
فهد بطريقه مرحه : وشلون الحلوه الحين اللي تتغلى علينا ولا تنزل من نفسها
جود بابتسامه وناظرته بحزن : حمد الله عمي انا اسف
فهد : جود يا بنتي مو قلنا انسي اللي صار خلاااص حطيها في بالك هذا ماااضي
جود وتحاول انها ما تثقل على عمها : عمي اوعدك اني احاول انسى
وطلعت جود مع عمها وهم ينزلون بالدرج الوااسع الفخم
فهد : والله وحلمي تحقق وصار لي بنت من يوم وليله بنت مثل القمر يوم 14 فديتها
جود ضحكت على كلام عمها : ههههههههه بنتك جت وعمرها 18 وش ذا البنت جايه عكس النااس
فهد : عشان الكل يعرف ان بنت فهد غير سبشل عن النااس
وسمعت ام علي كلامهم ولما صلو طاولة الاكل
قالت ام علي وهي مبتسمه : اصلا جود بنتي والا نسيييت انا مرضعتها مع عمر الله يرحمه
فهد : طبعا ما نسيت وهذا شي ينسي الله يهديييك
ام علي بحناااان : صدق يا جود والله انك بنتي واكثر والله يعلم اللي بقلبي
جود بامتنان : وانت يا خالتي الله يعلم شكثر افرح لما كنت تزوروني بين فتره و فتره
فهد : شوفي وش حلوك وانت تتكلمين بدون حزن خلك كوووول على طووول
ام علي : حشى علييييك يا ابو علي وش هالكلام اللي يسمعك يقول ابو عشرين سنه
ابو علي: اعترفي اعترفي انك تغارين من رووحي الشبابيه وان انت تفكييرك رجعي ههههههههه
جود وتضحك على كلام عمها : هههههههههههه لولا الله ثم انت يا عمي ما ادري وشلون هالنار اللي بصدري بتطفى
ام علي ودمعتها على خدها : قولو امين الله يلم شملنا ويرجع علي بالسلامه
جود مستغربه : امين بس هو وينه
فهد : يدرس بكندا طب وخلاص هذا اخر كورس ويرجع لنا جراح ويرفع راسنا بين الناس الله يوفقه
و بدت ام علي تصيح من يجي طاري علي لازم دموعها تنزل
فهد : خلاص يا ام علي بيرجع انشالله
جود : خالتي لا تصيحين بيرجع وبتفرحين فيه
ام علي بقهر من ولدها : الله يصلحه رافض يعلمني متى بيرجع حرق قلبي يا جود
جود : هو خلص الكورس حقه
فهد : ايه من اسبوعين تقريبا والى الحين ما جاء الله يهديه
جود تحاول تبرر لـ علي: يمكن يبي يودع معارفه اللي هناك
ام علي : يبي يموتني ذا الولد ناقصة عمر يقولي يبغى يسويها مفااجئه الله يهديييه
جود : الله يطول بعمرك
......
و مر اسبوعين على وجود جود عند عمها وبدت تتأقلم مع الوضع ونفسيتها بتحسن مستمر
على الساعه 2 في الليل جود مانامت توها مخلصه مرتبه غرفتها ( بروح المطبخ اشوف لي شي بعد هالتعب ااااه يا ظهري يعورني انزل اشرب لي نساكفيه عشااان اروق )

وفي المطبخ كانت منسجمه وهي تسوي النسكافيه وسمعت صوت باب يتسكر
جود تكلم نفسها : من جاي هالوقت الله يستر
ومن الخوف ما قدرت تطلع من المطبخ
وبدا صوت الخطوات يقرب من المطبخ
جود : يا رب وش هالمصيبه وش اسوي
وفجأه دخل المطبخ ولا كان معها شي تتغطى فيه ولا هي عارفه كف تتصرف
..... كان يطالعها وعاقد حواجبه وهو متفاجئ بنت في بيتنا
جود بخوووف : من انت
علي وهو مستغرب : انا اللي المفروض اسألك
جود وخانقتها العبره : بسرعة تكلم من انت
علي وحس انها بتصييييح : اوكي اوكي لا تصيحين انا علي وانت ميين
جود قعدت على الارض : حسبي الله عليك خوفتني يا ربي
علي وللحين مو مستوعب الموضوع : سوري بس انت مين
جود ولما رد نفسها : انا جود
علي وتذكرها على طووول: بنت عمي حمد واختي بنفس الوقت موو
جود وبدت تتكلم معاااه بطريقه عفويه لأنها ارتاحت له كثيير : ايه صح بس انت من متى في الرياض
علي وبطريقته الطيبه : انا استغربت شفت لمبة المطبخ مفتوحه لان ابوي وامي مو راعين سهر وش تسوين هالحزه
جود : طيب اتركنا من هذا كله حمد الله على السلامه
وهو يقعد على الكرسي : الله يسلمك يازييييين الريااااض واهلها
جود ضحكت على كلامه اللي طالع من قلب وعطته النسكافه اللي كانت مسويته لها
علي : مشكوره كأنك حاسه اني باخذه منك
جود : بالعافيه على قلبك علي حرام عليك
علي طارت عيونه : وش سويت
جود : ليش ما خبرت امك انك بتجي مسكيينه قلبها متقطع ودها تشووفك
علي : ابي اسويها سبرايز باليااااالله لقيت لي حجز خليها على ربك وعلى بال ما خلصت امووري هنااااك على طووول جيييت بس تعالي بسألك
جود : يالله اهم شي انك رجعت بالسلامه ..ووش كنت ناوي تسألني
علي : انت ليش عندنا في البيت انت متزوجه موو
جود بالم لما تذكرت موضوعها : تقدر تقول كنت لي اسبوعين منفصله عنه
علي حس بحزن على حال بنت عمه و كان يعرف عن وضع جود من كثر ما امه وابوه يتكلمون عنها بس هذا كان اول لقاء يجمعهم في بعض وبداية مشوار اخوي حميم بينهم
علي يحاول يرفع من معنويات جود : ولا يهمك يا الغاليه الدنيا ماشيه وانت الحين لازم تنسين كل شي وتبدين حياة جديده كلها تفاؤل وامل
جود وحست ان علي تعبان من السفر : علي شرايك تقوم ترتاح شكلك مرررره تعبان
علي وهو يتنهد :مررره واصل حدي اجل انا برووح انااام تصبحين على خير
جود وهي مبتسمه : وانت من اهله
ولما طلع من عندها و وصل الدرج نادته
جود : علي
علي التفت لها : سمي
جود : سم الله عدوك انتظر يمكن غرفتك يبغالها تمسيح خليني ارووح اشوف لك اياها
علي مبتسم : مو لازم ان شاء الله تكون الربع الخااالي من الغبار والرمل بنام فيها واللي يصيير يصييير
جود : هههههههههههه خلاص انت حر تلحف زييين
وراح علي وترك جود في حالة ارتياح يمكن كانت شايله هم كيف بتتصرف وتتكلم مع علي بس اكتشفت انه غيييير عن الشخصيه اللي رسمتها في بالها عنه
><><
**علي { الولد الوحيد لفهد شاب حبوووب وحنوون ومحترم مرره عمره 25 طويل وابيض شعره اسود وكانت ملامحه بصفه عامه جذابه وحلوووه وكان عنده اخو اللي هو عمر وكان بعمر جود بس توفى وهو عمره سنتين وكان بار بأمه وابووه وكان يحب يمزح مع امه لأنه هو بطبعه مزووحي وعفوووي }
><><

وفي الصباح كانت ام علي رايحه تقوم جود الا وتسمع صوت باب الحمام اللي في غرفة علي يتسكر وبسرعه فتحت الباب
ام علي مو مصدقه ان اللي قدامها علي وعلي من شاف امه راح النوم اللي كان يحس فيه ورااح على طوول ضم امه وحب راسها
عليوهو مبتسم : صبحك الله بالخير يا الغاليه
ام علي وهي تصيح من الفرحه : يا بعد الدنيا يا علي يا انا مشتاقتلك حيل ..وضمت علي مرره ثانيه وقعدت تصيح
علي ويحاول يخلي امه تضحك : يمه اللي يشوفك يقول راجع من حرب ترى راس مالي راجع من الدراسه وحمد لله ربي وفقني كله من دعواتك انت والوالد الله يطولي بعمركم
ام علي : اصيييح من فرحتي فيك يا ولدي الله يوفقك
علي : الله يجعل ايامنا كلها فرح يا الغاليه
ام علي وهي رافعه يدينها : امين يا رب العالمين
علي : يمه من قالك اني وصلت
ام علي : جيت بقوم جود واسمع صوت الباب حق حمامك يتسكر خلني اروح ابشر جود يا عمري من يجي طاريك تهل دمعتي واقعد اصيح عندها وضاق صدرها علي
علي : شفتها
ام علي : جود
علي : ايه جود امس في الليل شفتها بالمطبخ يا حليلها
ام علي : الله يعينها مسكينه
علي : بتسكن معنا على طوول
ام علي : ايه يا الغالي حمد لله انك اخوها
علي : أي والله الحمد لله والا كان ما اقعد في البيت لو هي تتغطى عني شكلها مكسوره
ام علي : واللي جاها هين اقول نسينا نعلم ابوك انك وصلت
علي : لا تخافين مصلي معاه الصبح بالمسجد
ام علي : وانا اقول وش فيه ابوك كل ما شافني ضحك
علي وفيه هباااال : يمه خليني اهبل بجود
ام علي : عشان يذبحك ابوك وانت الحين اللي يسمع كلامك ما يقول هذا متخرج من طب يقول متخرج من ابتدائي الله يهديك يا علي ما تركت حركاتك
علي : وانا اقدر اترك هالحركات وانا ما صدقت يصير عندي اخت خليني اطلع حرة السنين اللي راحت هههههههههه
ام علي : ههههههههه الله ياخذ بليسك يا علي يمكن البنت تستحي منك
علي : نو وي لازم تتعود علي وعلى هبااالي
ام علي : ممدي على الهبال اثقل وانزل تحت شوي وبحط الغدا
علي وهو يضحك : ابدل ملابسي وانزل ولا تنسين قومي الاخت الجديده
ام علي تضحك على ولدها : طيب يالله انجز
وقامت جود ولما نزلت حصلت الكل مجتمع في الصاله واول ما دخلت سملت عليهم
وحبت راس عمها وخالتها
جود : مساء الخير
فهد : مساء النور
ام علي : والسرور
علي : وانا بكملها بعد والمسرات والخيرات رديه صارت هههههه
وضحكو عليه
ابو علي : وانت ما تخلي تعليقااااتك
ام علي : يصير فيه شي لو ما علق ههههههه
جود : شخبارك اليوم كيف نومتك امس ان شاء الله ارتحت
علي : لا تسألين من حطيت راسي على المخده رحت بسابع نومه
فهد يكلم جود : ها جودي شرايك بعلي
علي يناظر ابوه : ليش بتخطبني لا لا بكمل دراستي لا تحاولووون مو الحين هههههه
والكل ضحك عليييييه
جود : الله لا يقوله بسم الله علي خلاص انا بعتزل
علي : ليش حضرتك ما تبغين تتزوجين وصلتي سن اليأس وانا ما ادري تراك حتى العشرين ما وصلتيها روحي بس قالت ابعتزل ترى صباح مو احسن منك بشي هالعجوز ما خلت شاب ما تزوجته
جود : لا مشكور ان كنت انت تبي تتزوج فالبنات على قفى من يشيل
علي : لا خليني اروق بعد الدراسه اللي هدت حيلي
ام علي : الا على طاري الدراسه انت مكمله دراسه
جود : ايه
ام علي : يعني ماشيه مع الناس لا مبكره سنه ولا مأخره
جود : لا ماشيه اوكي
علي : يعني الحين انت متخرجه من الثنوي
جود : ايه الحمد لله
فهد : و كم نسبتك
علي : ما اتوقع تصير اعلى مني احم احم
جود : ليش انت كم جايب
علي : 94% بلا فخر
جود : ههههههه انا احسن منك
ام فهد : اكيد بتصيرين احسن من علي انت الجود
علي : لا لا لا لا لا بديت اغار بس لا تغيرين الموضوع كم جايبه
جود : بلا فخر على قولتك 96%
علي : انت صدق كنت متزوجه والا تكذبين وكيف رضا انك تكملين
جود : لا يا دكتور صدق متزوجه اما عن كيف وافق فما ادري قدرة قادر وافق
فهد : اجل لازم نسوي حفله لكم
علي : وااااااو بارتي
ام علي : عشانك وعشان جود
علي : طيب وش ناويه تدخلين
جود : اممممممم ما ادري الى الحين ما قررت
علي : ادخلي طب ولك مني تاخذين امتياز مع مرتبة الشرف
ام علي : لا خل البنيه تروق وشوله تغثها بالطب
فهد : مو مهم انتم وش تبغون اهم شي جود وش تبي الجود انت وش تبين
جود : احتمال اقدم ادارة اعمال او محاسبة
علي : حلو يالله الله يكتب لك اللي فيه الخير
جود : امين وياك والسامعين
فهد : اقول يا ام علي متى بخاطرك نسوي عزيمه رجعة علي بالسلامه
ام علي : اليوم الاثنين وش رايك نخليها الاربعاء وتكون بالمزرعه ونام هناك ونرجع الجمعه او السبت على حسب راي اخوانك
علي : ونااسه زماااااااان عن المزرعه والله ذكريااااااات
جود : تصدق عمري ما رحت مزارع
علي : ليش وين تروحين انت وعمي اول
جود : من تبدا الاجازه ليييين تخلص واحنا في الشاليه اجازه بجده واجازه بالخبر والا نسافر برى المملكه
علي : اجل انت بحريه يبغالك كم كووورس وتصيرين صحراويه
جود : هههههه حشى دراسه صارت
علي : اصلا انت وش يعرفك بالمزااارع عشان كذا لازم تتعلمييييين مضبووط اصوول الذهاااب الى المزارع
جود : حسناسوف اتعلمه منك يا ابن العرب
ام علي : هههههههه حسبي الله على عدوانك يا علي شكلك عدييييت البنت
فهد : ان شاء الله اليوم بكلم اخواني وخواتي واشوف الوضع
ام علي : على خير

وفي المغرب كانت جود بغرفتها مانزلت جود وهي قاعده على الكنفه اللي جنب سريرها وبيدها مجله ومشغله فقدتك للـ الجسمي وعااايشه جو مع الاغنيه
وفي الصاله علي وامه وابوه
علي : يمه وين جود ما شفتها من العصر
ام علي : بغرفتها ما نزلت رح شفها واقعد معها شوي
فهد : وش رايك وانا ابوك تاخذ اختك وتطلعون تتمشون خلها تغير جو من جت وهي ما طلعت من البيت
علي : ابشر باللي تبيه يا الغالي خلاص بروح اقولها تامروني بشي قبل ما اروح لها
::سلامتك ورضاك
و طلع علي من الصاله
ام علي براحه : اللي يشوفهم يقول يعرفون بعض من سنين ما كأنهم البارح اول مره يجتمعون
فهد : الله يديم عليهم علي طيب وجود بعد والله يحننهم على بعض

بغرفة جود سمعت الباب يطق
جود : مين
علي : في متشرد يبغى مأوى ممكن
جود : هههههه تفضل
علي : سلام يا عسل
جود : وعليكم السلام اخبارك علي
علي : تمام ..ليه ما نزلتي تحت
جود : ما ادري صراحه ما كان لي مزاج انزل قعدت اقرا مجله وانسجمت معها
علي : مضايقه
جود : لا بس ما فيني حيل على نزلت الدرج
علي : اللي يسمع كلامك يقول عجوز والا بتنزل من برج المملكه
جود : هههههههه
علي : اقوول وش رايك نروح نتمشى
جود : وين مررره خاطري اطلع
علي : أي مكان المهم نطلع والا اقولك خلينا نروح السوق نتشرى
جود : ههههههههههههههههه صراحه شي عجييييب
علي يناظرها بطرف عين : ممكن اعرف ليش تضحكين قايل نكته وانا ما ادري
جود : بصراحه اول مره بحياتي اشوف رجال يقول خلينا نروح السوق غريبه
علي : اجل اموت في شي اسمه تشري عداني سعود كنت اطنز عليه وصرت مثله
جود : ما تعرف ان الطنزه تلحق صاحبها ومن سعود هذا
علي : هذا يا طويلة العمر صديق الغربه ومو بس صديق الا اخو غااااالي علي
جود : حلو يكون لك صديق تثق فيه وتحسه جنبك بالوقت اللي انت تحتاجه
علي : والله انك صادقه الحين الصدييق عمله نااادره ولازم الواحد يتمسك فيه وانت ماعندك
جود : الا عندي بس تزوجت وراحت لجده الله يسعدها ويهنيها بحياتها
علي : الله يوفقها يالله البسي عبايتك انتظرك انا تحت بالسياره


ولما نزلت جود في الصاله مرت على عمها
جود : عمي بطلع مع علي تامرني بشي
فهد : سلامتك ورضاك يا بنتي اهم شي انتبهي لنفسك
جود : الله يسلمك عمي
فهد ويمد لها بطاقة صراف : خذي البطاقه عشان اذا بغيتي شي تاخذينه بدون ما تحتاجين احد
جود حست بشوية احرااج : يطولي بعمرك عمي ما يحتاج الخير كثيير
فهد : يا بنتي خلاص انا ابوك واي شي تبينه ما يردك الا لسانك وخوووذي البطاااقه وما ابي أي نقاااااااااش فاهمه والا لا ..بأسلوب مرح.. ناس ما تجي الا بالعين الحمراء
جود وتضحك على عمها : مشكور يا عمي ما تقصر ويالله فمان الله
ابو علي : فمان الكريييم


وطلعت جود لعلي بالسياره
و خلصو متسوقين ويمكن جود ما ركزت على الاشياء اللي بالسوووق من كثر ما علي خلاها تضحك من تعلييييقاته اللي ما تنتهي و راحو لمطعم يتعشون
...في المطعم
جود : علي كلمني عن عماني وعماتي وعيالهم بصراحه ما قد شفت عيال عماني وعماتي
علي : اوكي بقولك واحد واحد و نبدا من عمي عاصم طيب بس اللي ما يعرفه يقول هذا انسان خبيث ومرته حبوبه مره ( ليلى )
وعنده 3 اولاد وبنتين زياد الكبير عمره 26 ما تزوج وبعده محمد 24 متزوج من سنه تقريبا واخذ بنت عمتي الجوهره طيف وبعده توأم بنات هلا وغلا 17 سنه وبعدهم ياسر 15 سنه
جود : هذا عمي عاصم طيب وعمي عادل
علي : عمي عادل يا طويلة العمر انسان يحب الناس وعنده استعداد يضحي عشان أي احد محتاجه انت داريه انه وقف ضد ابوك لما جا يزوجك خالد وراح لخالد بس ما رضى وزوجته متوفيه وعنده ولدين وبنت نواف عمره 24 ونوف 19 ونايف 17
جود : اعمار عيال عمي عاصم وعمي عادل متقاربه
علي : ايه مررره وعمتي الجوهره عندها احمد 25 سنه وطيف 20
وعمي سلمان عنده بنتين منار 18 و شوق 17
وعمتي العنود عنده ولد وبنت مشعل 15 ومشاعل 12
عرفتيهم الحين والا اعيد
جود :لا مشكور تصدق كنت كل ما احاول اسئل ابوي عنكم يجيني خوف ولا اسئل
علي : ليه
جود : الله اعلم بس تصدق احس اني متشوقه ودي اشوفهم
علي : الكل راح يعجبك بتشوفين
جود : ماشاء الله عليييك حافظ اعماارهم بعد
علي : هههههههه يقولون عني بطاقة العايله
جود : ههههههههه اقول ما شبعت
علي : لا يا حلوه قاعد اعد لك العائله الكريمه لي ساعه وين تبين اكل
جود : ههههههه خلاص كل احد ماسكك


ورجعو البيت


ومن بكره مر اليوم بسرعه الكل منشغل بتجهيزات العزيمه


وجاء يوم الاربعاء

><><><><><

تتوقعون جود ترتاح مع اهلها ؟؟
وكيف بيكون لقائها مع البنااااات ؟؟
وهل بيتقبلونها والا بيكوون في احد مو مرحب بوجودها ؟؟

انتظرو الجزء الثالث .......

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 03-09-2007, 03:20 PM
صورة LOOOOOLA الرمزية
LOOOOOLA LOOOOOLA غير متصل
©؛°¨غرامي مشارك¨°؛©
 
الافتراضي رد : قصه روووعه(دنيتي وهي دنيتي مني اكتفت)


مبدعة يالغلا قصتك مرة حلوة كمليها بسسسسسرعة مرررررررة متشوقة اعرف ايش بيصير

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 04-10-2007, 05:10 AM
صورة أم ريـان الرمزية
أم ريـان أم ريـان غير متصل
" ٱللھم ‏ ٱنڳ عفوٌ تحب آلعفو فآعفوآ عني "
 
الافتراضي رد : قصه روووعه(دنيتي وهي دنيتي مني اكتفت)


بليز ياريت تكمليها باسرع وقت لا تطولي لينا

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 04-10-2007, 12:44 PM
JAMALAL-RO7 JAMALAL-RO7 غير متصل
©؛°¨غرامي مشارك¨°؛©
 
الافتراضي رد : قصه روووعه(دنيتي وهي دنيتي مني اكتفت)


رووووووووووووووووووووووووووووووووووووعة
كملي فديتك:)
بإنتظارك حبيبتي
اختـ ـك :
جمال الروح

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 04-10-2007, 03:32 PM
دلــــــــوعه دلــــــــوعه غير متصل
©؛°¨غرامي مجتهد¨°؛©
 
الافتراضي رد : قصه روووعه(دنيتي وهي دنيتي مني اكتفت)


يلا حبيبتي كمليهااااااا

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 04-10-2007, 05:23 PM
صورة أم ريـان الرمزية
أم ريـان أم ريـان غير متصل
" ٱللھم ‏ ٱنڳ عفوٌ تحب آلعفو فآعفوآ عني "
 
الافتراضي رد : قصه روووعه(دنيتي وهي دنيتي مني اكتفت)


alah ykhalik kameli l9isa tjanin , thanks

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 13-10-2007, 04:06 AM
صورة حالمة وحائرة الرمزية
حالمة وحائرة حالمة وحائرة غير متصل
؛°¨ قــصـة لــم تــكــتـمــل ¨°؛
 
الافتراضي رد : قصه روووعه(دنيتي وهي دنيتي مني اكتفت)


ياليت تكمل القصة
حو وين راحت
ويسلمووووووووووووعلى القصة الرائعة

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 08-12-2007, 08:48 AM
صورة سراب الصمت الرمزية
سراب الصمت سراب الصمت غير متصل
©؛°¨غرامي ذهبي¨°؛©
 
الافتراضي رد : قصه روعه دنيتي وهي دنيتي مني اكتفت


مرحبا
كيفك ياقمر
ننتظر تكملة القصة
وإنشاءالله يكون المانع خير
ننتظرك ياعسل

<><>سرابالصمت<><>


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 08-12-2007, 02:26 PM
صورة LeftOver Soul الرمزية
LeftOver Soul LeftOver Soul غير متصل
©؛°¨غرامي فعال ¨°؛©
 
الافتراضي رد : قصه روعه دنيتي وهي دنيتي مني اكتفت


كمليييييييييي القصه بسرعه!!

انتظررررررك


تحياتيـ


موضوع مغلق

دنيتي و هي دنيتي مني إكتفت / كاملة

أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
طفل عمره سنة يرعب عائلة كاملة sad girl قصص - قصيرة 9 19-02-2007 12:14 PM
التفاح صيدلية كاملة قائمة بذاتها *ريما* صحة - طب بديل - تغذية - أعشاب - ريجيم 4 12-09-2006 09:48 PM
كتاب شرح لوحة تحكم المواقع Cpanel كاملة عهد ارشيف غرام 15 08-05-2006 07:50 AM

الساعة الآن +3: 03:29 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1